سناء يا سنسن اللقاء هنا غير اللقاء في اي مكان تاني.. صح؟؟ هنا رغم كل شيء في نوع من الخصوصية او ان شئتي احساس قديم بالأهل كأننا قاعدين في بيت فيه حوش كبر وجدران حقتنا ده ما بيمنع احيانا تضايقي منه وتحاولي تبعدي لكن بتهف ليكي برضو ترجعي.. زي نوع الحوش حوشنا وما بنخليه😹😹
هنا التألق والحياه الزاخره ...وهنا التلاقى المرتجى يعجبنى إياب صاحبات السمو ...وترك بصمتهن على ابواب ارواحنا شريكات فى الوطن رصيفات فى الحياه ولاتستقيم الدنيا بدونهن ... منى خوجلى كل سنه وانت طيبه وعود حميدا مستطاب ياصاحبة السمو
سلامات الشامي حبر التخصص في ألوان الكتابه أمر عظيم وأعلم انه لدرجة بعيده نفتقد اصوله في السودان التكنولوجيا قد تسهل الخبر وبثه السريع.. وقد تسهل التقاط الصور ونشرها من مكان الحدث وقد يقوم بكل ذلك اي شخص كان حملته الصدفه ليكون في محل الحدث او رغب في توثيقه كما شاهده الا ان قليل منا يستطيع تتبع ماوراء الخبر من عوامل وعناصر وأحداث لا يعلمها معظمنا .. توقفت كثيرا انا عن المنبر لكني قطعا اذكرك من هؤلاء القلة المذكورين في سطوري السابقة..
شكرا علي ترحيبك اللطيف🌿
Post: #8 Title: Re: رجعنالك Author: حمد عبد الغفار عمر Date: 03-26-2016, 02:28 PM Parent: #4
تنرجع يا ملهم كردفان وفي القلب شوق وايضا تردد فمن ناحيه.. غيري وأنا من الأجيال القديمة ليست الأولي لكنها من الأوائل تعارفنا وسعينا للقاء وتداخلنا أسريا وصار المنبر بالنسبه لنا كما ظللنا نقول طوال وجودنا فيه وطنا وذكرناه بالخير أينما كنا.. بالنسبه لي اكبر عدد من البشر اعرفه في حياتي كان هنا.. واكبر عدد من الاصدقاء من هنا.. الا ان 'هنا' هذه كانت ايضا مصدر ضيق .. اصبح الوطن هذا طاردا ليس لي وحدي بل انظر للمئات الذين غادروه وانظر للعشرات الذين توقفوا عن الكتابه فيه.. والقصد في مداخلتي هذه لك هنا بالتحديد ليس شرح الأسباب بل شرح اسباب الرجوع.. نحبه ونسعي للبقاء لكن ان اشتد سٌعر البعض فإننا نذهب الي مكان نستطيع فيه حظرهم ومسح مداخلاتهم وكله بأدب.. وليس في ذلك جبنا منا.. اقصد الإنسحاب بل فيه كشف اكبر لهم.. اي كتابه في اي موضوع جاب تطلب التفاعل الايجابي.. النقد البناء والضحكة والكلمة الطيبة والمشاركة اللطيفة.. والا فلماذا نكتب؟؟ اما الشتائم واللغه السوقيه فنحن لسنا اهل لها فهي مسيئة ومرهقة ومضيعة للوقت
محمد فضل الله المكي الشوق أطنان والله والحياه بقت تفرق الناس كتير.. لكن قطعا مهما افترقنا فإحنا قريبين اخوي الغالي جدا مازالت ونستنا في البوستات وقراءتي لشعر وأدب فيها منبع جميل للمعرفة وين الباقيين؟ وين المسنوح؟ وينو الخال؟ وينو الجميل عبيد؟؟
منتظراك ومنتظراهم يجونا سريع بالله انت ما تغيب ما يبقي سلام وترحيب يعقبه غياب وجيب لينا ناجيه مشتاقة ليها شديد🌹
بإذن الله يا باسر يكون رجوع إقامة.. تعددت وسائل التواصل واصبح الزمن معها يمر سريعاً جداً الواتساب وقروباته وافراد أصحاب.. وفيس بوك ومشاركات كثيرة اصبح الوقت صعبا مع الحياه العمليه واوقات الراحة والواجبات الأسريه..
المهم انا سعيدة برجوعي بينكم وانتم اهلي الأولين
لعلك وأسرتك طيبين
Post: #15 Title: Re: رجعنالك Author: سناء عبد السيد Date: 03-26-2016, 02:52 PM Parent: #12
ربما استطعنا ببعض المجهود يا جلال والإصرار في المتابعة أن نناديهم للرجوع.. أرانا قد تشتتنا ونحن نبحث عن الرفقة الجميلة ومكان يسوده الدفء أكثر فنسعي في كل الإتجاهات لعلنا نحظي بما نتمني..
الترحم علي أرواح كل الزملاء والزميلات الذين سبقونا للدار الآخرة.. وفي القلب غصة علي رحيلهم المبكر..
الحياة قصيرة وليتنا نجتمع مرة أخري قبل أن يزورنا الموت..
أنا كنت موجودة في أي مكان إلا هنا.. يعني موجودة في الفيس وموجودة في القروبات وقبال أي شيء موجودة بلندن.. لما أجي أختفي ما بكون ناوية أختفي.. لكن في اللحظة التي أشعر فيها بأن إقامتي لا تهم.. وأن إحساسي بالمكان لم يعد كما كان..فإنني أذهب
لكن ما سألتي نفسك الناس ممكن تختفي ليه؟؟ وليه لما تتعرض لما يجعلها تختفي قليل البيتصدي؟؟ وبعدين أقول لمنو وأقولها كيف؟؟ أجي أقول يا خوانا أنا ماشية؟؟ معناتها شنو؟؟ عليكم الله تعالوا حنسوني؟؟ أها فالنفرض قلتها هاتغير شنو يا مني؟؟ الأجدر من كده انه الناس تقيف تراجع كل الدايلما دي وتشوف كيف تقدر تحافظ علي البقاء بدلا من إدارة الوجه قبل البعاد.. الكلام ده كلام عام علي فكرة وليس لوم لواحد او لآخر فقط هي إجابة صريحة وواضحة لسؤال رأيته عام وخاص في آن. الناس طاقات يا مني..ولكل منا طرقه في إدارة الصراعات أو في تجنبها والبعد عنها.. ولكل منا مقاييسه الخاصة في التعامل مع الأزمات.. ولكل منا حدود إما أن يقف عندها وإما أن يتخطاها بأي شكل يريحه.. وفي كل الأحوال يكون للمنبر في حد ذاته ولكثير من عضويته مكانة في القلب.. نرجع عندما نشعر بالقدرة علي الرجوع ونبعد عندما تتوه تلك القدرة وصعب عليها البقاء.. ولو رجعتي لأرشيف المنبر هاتلقيني كنت في أوقات سابقة ساكنة فيه لسنوات طويلة أتبادل مع كل من يودني الكلمة الحلوه وأشاركه في أفراحه وأحزانه.. وأتقرب للجميع حتي يثبت لي أن البعد أفضل.. هنا يامني ومن عام 2004 كونت أعظم صداقات في عمري كله..وصرنا كما الأهل دون أي مبالغة في الكلام ده.. ومازلت أتواصل مع من تبقي منهم علي قيد الحياة في مودة تلفونيا وفي أرض الواقع وبالكلمة المكتوبه إذا ما يفرقنا ليس كره المكان في حد ذاته.بل تصرفات البعض في المكان وقد عجزت الأخلاق والقوانين المعقولة ساعتها من أن ترسي قاعدة تحفظ للعضوية مكانتها واليوم أيضا لا أدري إن كنت سأستمر أم لا ..أستمر إن إرتحت في الإقامة في بيتي القديم.. وإن لم أسترح أسافر في الكون وفضاءاته الواسعة وأرجع حين أشتاق.. وليس في الأمر عقوق..فقد خرجنا من السودان لأسباب..هذا لم يمنع حبنا له ولم يمنعنا من زيارته أحيانا.. وهنا أيضا نفس الشيء نخرج لأسباب ونرجع لأسباب العشق..
لك يا عزيزة ولكل الأعزاء كل الشوق وشكرا علي الترحيب الجميل..
مشتاقين يا زول .. وأنا ذاتي والله متمنية لنفسي وقت أفضل خاصة بعد ما إنكشفت الكيمان وكان ومازال وعد الله حقا
سنتواصل بإذن الله.. وشكرا علي الترحيب الطيب
Post: #29 Title: Re: رجعنالك Author: سناء عبد السيد Date: 03-27-2016, 00:19 AM Parent: #25
اهلا يا محمد علي ان شاءالله عود حميد لينا و لكل الزملاء ( المحاربين القدامى) الوافقونا الراي و الاختلفنا معاهم .. كلهم محل حبنا و احترامنا الزمن ماشي و العمر ماشي و ما بتفضل غير الزكرى الحلوة
سلامات يا سمعه والحمد لله إننا بنتقابل في كل مكان وإننا علي العشرة والمودة الحلوة باقيين أنا كتير جدا بشعر إني محظوظة إني حظيت بفترة زمن جميلة جدا هنا في المنبرعلي الرغم من وجود ممغصات... لأننا كنا بنتقابل علي شوق ومحبة..وصنعنا مع بعض ماضي ما ممكن أي ايام تاخده مننا..
أجمل أغنية كلمات ولحن وأداء سواء عند العملاق وردي أو عند الفنان الدكتور عثمان مصطفي.. علي المستوي الشخصي قابلته أول مرة وجها لوجه في إسبوع العود العربي في مدينة مرسيليا حيث سافرت لها وصديقتي من مدينة إيكس أن بروفانس حيث أقيم أثناء دراستي في ذلك الوقت 1984 خصيصا لحصور الحفل.. وكان الأستاذ عثمان مصطفي في ذلك الوقت بصحبة كبار الفنانين مثل الكابلي ومحمد الأمين وعبدالقادر سالم وغيرهم ومجموعة من العازفين الكبار ومن ضمنهم العزيز زميل المنبر نور الهدي.. تعرفت عليهم جميعا وتابعت حفلة أخري لهم في مدينة أخري وكانوا زادا لي في غربتي..سعادتي وفخري بهم كان ولازال دون حدود خاصة ان الجمهور كان قد تجاوب معهم بصورة عظيمة كثيرا ما أفكر بسببها لماذا لم ينتشر فننا عربيا كما يجب في دول الإسبوع العربي وهم قادرين علي إستيعابه والإستمتاع به كما ظهر في ذلك الوقت..
أطال الله أعمارهم ورحم من إنتقل لدار البقاء.. للأستاذ عثمان مصطفي حنجرة قويه وجميلة للغاية..
يا الف مرحب بيك و بى النقّة و اهديك قصة زينوبة _______ زينوبة قلبا ابيض ...وحنينة...لكن لايوقة .. تمسك الموضوع تقتلو لياقة..لمن الموضوع زاتو يزهج منها .. قاعد راجلا الزين في خشم باب البرندة جات ماشة عفصتو في كراعو من غير ما تشوفو" أحححححححي...عفصتك؟؟ أعفى لي يا الزين"(بسيطة يا زينوبة مافي حاجة) دخلت الاوضة ومرقت.." الزين عليك الرسول تعفى لي ما شايفاك" ( مافي حاجة يا زينوبة) مشت المتبخ وجات" الزين كراعك نعل ما ورمت.... اعفى لي يعني"(لا كويسة يا زينوبة) دخلت الاوضة وهو دخل ورقد..عاينت لو" الزين كراعك نعل ما قاعدة تنتح؟.. وحات الله ما شايفاك، الرسول تعفى لي"( لا حول الله ...مافي حاجة يا زينوبة بسيطة) بعد عشرة دقايق وهم راقدين كل زول في عنقريب الزين جاتو غفوة غمض عيونو قامت كوعت وصحتو" الزين..الزين.. نعل ماك مضايق من كراعك...اعفي لي عليك الله" صنقر في نص العنقريب..وقال لها ( زينوبة ..في المتبخ تحت الشباك..تحت الشباك طواااالي..في فرار جيبيهو ) جابت الفرار..اتناولو منها...ضربة واحدة ونص الكراع طار في نص الاوضة ( اها يا زينوبة ارتحتي؟؟...ارتحتي يا زينوبة؟؟؟)!!!!!! ______ الله يستر من النقة مع الترحيب طبعا و رينا يحفظ الكرعين
البلابل وغناهن بيمثلوا لي ولجيلي أكتر من قصة بنات بتغني.. ولا توافق بس في أصواتهن التلاته.. لكن بيمثلوا حقبة زمنية مهمة في تاريخ السودان من ناحية قوة الفتيات الفنية وتمكين أكثر للمرأة في الغناء وكمان مظهر مصاحب للغناء مختلف عن السابق.. علي الرغم من نموهم في عهد نميري وغنائهم له تسلم يا ابو عاج أخوي لكن مافي زول كرهم علي مدار السنوات..علي الرغم من أنهم مثلا كرهوا سبدرات زي ما ذكر يحي.. ولا أدري السبب بالتحديد لكن ربما لصغر سنهم في ذلك الوقت..أو لأنهم كظاهرة فنية متفردة أثبتت وجودها وسط الشباب والكبار بصورة قوبة ثم وجودهم بعيدا في معظم سنوات الإنقاذ....
محمد علي كيف حالك علي فكره انا جيت السنة الفاتت وعملت بوست عن فنانة زنزبار الأولي وبعدين غبت..وطوال وجودي ما شوفتك في المنبر إفتكرتك من الطيور المهاجرة
طبعا بفرح جدا لما ألقي الصحاب من زمان موجودين وبشعر بإرتياح لأنه الإنسان بطبعه بيرتاح للرفقة المعروفة له والرفقة الطيبة التي يسعي لها...
واجيب ليك معاها جَبَنه يا دوت.. جميل أن تمتد العٌشرة بيننا ولا تموت وجميل أن نسعي لأحياءها لتعود أقوي بالكلمة الطيبة وبالصدق وبالذكريات الجميلة التي جمعتنا كم جمعنا هذا المنبر مع أخيار صاروا أهلا ومعرفة نتزود بها في الحياة
شكرا يا دوت وتواصلنا هنا وهناك سيستمر بإذن الله
Post: #39 Title: Re: رجعنالك Author: محمد مجيدو Date: 03-27-2016, 11:59 AM Parent: #1
مرحباً بالأستاذه منى وحتماً بك وزميلات المنبر الأخريات ستزدان ساحتنا وستمثلن املاً فى ان ينهض المنبر من عثرته وسنمتلك الأمل فى ان تختفى لغة الجماعات المحنطة من عنصرية واصولية وتمجيد للأرهاب .. مرحباً بك استاذه منى ولتتذودى بكثير من الصبر مع تحياتى..
مرحب بيك حبابك استاذة منى بت خوجلى فى فترة غيابك حصلت تطورات ادارية فى مسيرة المنبر من اهمها ما يعرفه الزملاء ب الاستيكة وهو ان يقوم مبتدر الموضوع بالاشراف و اداره موضوعه بدون الرجوع للادارة او التبليغ عن مخالفة ....... كما يمكنك تحويل الموضوع الى مكتبتك خذف طوالى زى ما بقولوا الجماعة
سلامات يا بكري ومعليش يا شباب قفزت مداخلتكم علشان عندي سؤال لبكري.. شكرا علي التوضيح يا بكري وفعلا دي اصلاحات مهمة واكيد بتعمل فرق.. مشكلتي بقي انا ما قادره ارسل المساهمات من اللاب توب.. يعني بسجل دخول وبكتب وانا ظاهرة لنفسي اونلاين.. وبمجرد ما ارسل الرد بتجيني رساله بإنه الباسوورد خطأ
الغياب فعلا أمرا صعب كالتواجد أحيانا في مكان لا ينفك أن يسمم بعض ساكنية متعة التواجد فيه.. الا اننا عندما نغيب لا يكون غيابنا كاملا خاصة عندما تكون المشاعر حقيقية..ونرجع حين نشعر بأننا قدرون علي مواجهة أي واقع..
حباب الأرباب خالد ياجمال الدنيا لما نفترق ونتلاقي تاني.. زي كأن خلايانا بتتجدد وصدي ضحكاتنا بيرجع يملا المكان فرح
الحياة قصيرة جدا يا خالد جملة بنقولها كتير لكن برضو الدنيا بنغرق فيها ونرجع نفكر وين جري العمر؟؟ سنوات تخللتها طلات لفترة بسيطة في الفتره السابقه ارجو ان تقودني طلتي للبقاء هنا ولا مغادرة بإذنه تعالي.. تحياتي لأسرتك..
ما تتخيل قدر شنو انا بحب الأغنية دي مع عدد كبير جدا من أغنيات البلابل.. بودي لو إستطعنا أن نجتمع جميعا ولا نتفرق أبدا.. الحياة ماعايزة توترات أكتر من العاملنها الساسة ومحاصرننا بيها في كل مكان.. هذا مكان لنتبادل فيه الفكرة والكلمة الطيبة..لأن نبتسم ونضحك ونتشارك الهموم ونغادر لنرجع وفي النفس طمأنينة.. نسمع الأغنيات ونستمتع بالوقت..نقرأ الأخبار ونتبادلها ونتحسر ونأمل بأن يتحسن الوضع.. الإنسان كائن ضعيف مهما قوي وضعه..ضعيف في إحتياجه للآخرين ولأن يعيش بينهم حتي ولو أسفيريا.. أنا أعلم تماما إحساس الإنسان حين يبعد..فالقلوب المثقلة بالهموم لا تريد زيادة لتلك الهموم.. ولكني أيضا أعلم بأن إحتمال رجوعهم وارد بقدر حبهم للمكان وبقدر إطمئنانهم بأنه مكان جميل ومازال حافل بالأعزاء. معك ومع الجميع اناشدهم في أن يفكروا في الرجوع..
شكرا علي شرح الخطوات الفنية في الكتابة وتعدي المتاعب... الحاجات كلها راحت لي وكمان كان عندي صعوبة في الدخول من الكومبيتر بس الحمدلله والشكر لبكري إتحلت.. وفعلا ميزة البلوك حلوه جدا ومجرباها في الفيس وبتجيب نتيجة في التأديب
نطمنك صاحبات السمو عامة بيتجنبوا الخطأ وبراك شايف البنات هنا كيف..
كيف حالك يا محمد مجيدو والإمتداد واهلنا الطيبين؟؟ يخيل لي معظم الناس اتوزعوا في دول العالم وقلة بقيت هناك كحال معظم مدن السودان بينما اتجهت القري نفس الإتجاه أو نزحت للمدن
تلك أيام كانت جميلة وكل ما نسمع خبطة علي الباب نجري نرحب ونسلم كنا بنسعد بكل قادم وفي بالنا العدد الكتير أكيد سعادة أكتر.. زمن كان أحسن من الليلة يا حمد.. دلوقتي في خوف وتردد وناس بتشتم بدون حدود في شتيمتها.. وناس بتطعن في بعذها كأنها ما إتربت في السودان زمان..
المهم يا حمد كيف نقدر نحافظ علي قيم طيبة قمنا فيها وبيها من غير مانستسلم لعكسها.. أنا شاكرة جدا لترحيبك ولأغنية وردي العظيمة وسط الدائرة.. والأغنية دي بالذات عندي ذكري معاها.. الكلام ده في لندن ..إتصلت بي الغالية آسيا ربيع وقالت لي في برنامج عاملاه الإم بي سي مع محمد منير الفنان وأنا رشحتك إنتي تمشي كسودانية وبالتوب السوداني.. وبدينا اللقاء مع الاستاذ محمد منير وكان علينا توجيه الأسئلة له.. كان هو قبلها بفتره قد تغني بأغنية وردي في مهرجان به جوائزعلي ما أذكر في تونس وفازت الأغنية وإمتلأت الصحف بفوزه دون ذكر إن الأغنية لوردي العظيم وأنه لم يكن سوي مؤدي لها فكان السؤال مني لذلك الأمر..
لحظه من فضلك كانت أيامه عجيبة والله.. زلو حاولت ان اكتبه مرة أخري أحتاج لنقاء الآخر ليشاركني الحديث فيه.. أختاج ليبة قلب مثل قلب عماد ربنا يرحمه.. ولوجود أحياء لأ أدري أين غاب أغلبهم.. لا أحتاج لأحداث ومشاهدات أكتب عنها فالدنيا تنتج لنا في كل لحظة أحداثا تعج بالمشاهدات التي تحتاج لتصويرها والحديث عنها من زوايا مختلفة.. ربما قررت أن أحاولها فإن وجدت تجاوبا كانت إستمرارية لحظة من فضلك.. وإن لم أجد نرسله ليرافق أخوانه في المكتبه.. شكرا يا صديقي واخي الذي لا تبدله أبدا الأيام..
سعيدة جد يا أمبدة بوجودك وبترحيبك وفي البال ذكريات لطيفة وإسم أطلقته علي صورة قديمة أحببته كثيرا إسترجعت في نفسي بوستات لأوقات ناعمة ليس فيها خدش ولا إساءة جمعتنا مع باقي الأعزاء.. أتمني أن لا يكون الماضي قد تسرب كثير منه من المنبر.. وأن نستطيع جميعا أن نحافظ علي بعضنا وعلي المودة بيننا.. وحشني جدا بوست لحظة من فضلك في سودانيزاوملاين.. وكنت كثيرا في أوقات ماضيه حينما يستبد بي الشوق أدخل لأقرأ فيه ماكتبة الزملاء والزميلات معي..ماتبادلناه من فقشات وتعليقات طيبة وصادقة .
ياريت يرجعوا يا حمد..أحيانا تكون الجراح فوق الطاقة..الإفساد للمحيط تم بتخطيط خبيث وتمكن من نشر السم في المكان وللأسف تزايد..ويبقي فقط الرجاء للغائبين للمحاولة من جديد..شكرا يا حمد علي الأغنية العظيمة..إسمها بمفرده أغنية..
Post: #68 Title: Re: رجعنالك Author: خالد علي محجوب المنسي Date: 03-28-2016, 07:35 PM Parent: #66
عوداً حميد العود أحمد منى والله مشتاقين
Post: #69 Title: Re: رجعنالك Author: حمد إبراهيم محمد Date: 03-28-2016, 07:57 PM Parent: #68
نعود... واياكم ...
الشاعر : إسحق الحلنقي الفنان : محمد وردي ------------------
** عصافير الخريف** ---------------- هجرة عصافير الخريف فى موسم الشوق الحلو
شوف الأبيات ذاتها رائعة قدر شنو.. وخضرة المشاعر يا رب تبقي ربيع دائم الحلنقي شاعر تاريخي وحقيقي دخل تاريخ السودان دون جدال فقد تغني أعظم الفنانين بكلماته..
شكرا يا حمد..أشعر أكثر بأن الجو لطيف وممتع..
Post: #70 Title: Re: رجعنالك Author: ذواليد سليمان مصطفى Date: 03-28-2016, 07:58 PM Parent: #68
طالما عنونتي بى (رجعنالك) وهي اكتر اغنية يظهر فيها صوت (هادية) .. الألطو الواعي والدارس بكل حلاوته وتجلياته وبى كدة ... تظهر منى بكل جمالياتها وحضورها الزكي والذكي
رجعنالك كان إختيار تم في لحظة ودون تفكير ياأحمد ياسين.. أعتقد أن الشوق كان وراء إختياره.. وكأني به أفرح نفسي بالرجوع وأرجو بأمانة أن يكون رجوعا دائما مادمت حية.. أما البلابل فقد سكنوا في نفسي برجعنالك وبأغنيات عزيزة علي قلبي كثيرا.. ترديدهن لقطار الشوق أضفي علي الأغنية إحساسا لا أستطيع وصفه في روعته.. وهادية في فرحانة بيك كل النجوم هي الصوت الواعي أكثر كما قلت أنت..
علي العموم أنا مثلك ومثل الكثير هنا ...أحب البلابل وأحب الغناء الجميل وأحب أكثر الجو العائلي الذي نخلقه مع بعضنا هنا..
مشتاقين لأيام قندهار وبيت الفنون والرحلات.. أيام بالطبع لن تتكرر كما كانت لأن أعزاء غاليين فارقوا دنيانا كانوا قلبها.. ولأن تجمعنا في الخرطوم صار أصعب.. لكن جمالها لن يغادرنا..ولقاءنا هنا أيضا يكون مجددا لتلك المشاعر الجميلة..
أشكرك علي الترحيب ووسط الدائرة نرقص جميعا إحتفالا بمشاعرنا الطيبة..
وما اجمل ان تكون بيننا بعد فترة من السنوات ولكن كان لرجعوك الهام بعمل بوست لعظماء المنبر الزمان عودتك فال خير ومعا للزمن الجميل تحياتى
Post: #81 Title: Re: رجعنالك Author: كمال عباس Date: 03-29-2016, 03:59 PM Parent: #80
مرحب بت الخليفة نورتي وشرفتي ....وعوداحميدا مرحب ـ وإنتي ممن تتضرواـ في هذا المنبر ـ من قلة قليلة أدمنت المزائدة علي نضالكم ومواقفكمالوطنية ــ والإتهام بالجلبنة(من جلابة) ومعاداة الهامش بل و مولاة الإنقاذ ــ وترصدكم إ إنطلاقا من خلفيتكم القبلية ـ حدث هذا بالرغم أن بينكم والإنقاذ ماصنع الحداد (الدم والثأر وجبال المرارات! ) صدر هذا من بعضا ممن كانوا يحتكرون النضال وصوت الهامش ويطاردون الشرفاء ويتوهمون أنهم وحدهم أعداءالإنقاذ ــ ثم دارت الأيام ــ دورتها لتجد بعضا من هولاء في حضن الإنقاذ!* لايهم فالأغلبية الغالبة تكن التقدير والإحترام لشخصك ـ ولمواقفك ــ مرحب بك وفي إنتظار عودة من قام هذا المنبر علي أكتافهم ـ وممن تمت ملاحقتهم بسئ القولأو راحوا ضحية عجز الإدارة عن حماية العضوية .......
Post: #82 Title: Re: رجعنالك Author: محمد فضل الله المكى Date: 03-29-2016, 04:38 PM Parent: #81
Quote: Ù فاليعد للمنبر مجدو او ترق كل الدماء ههههههههههههها
. الطيب .... وينك آآآآ زول ؟ أميرة بت الشيخ عرست ..و رانية بت محمد الشيخ عرست .. لا جيت باركتَ لا جيت رقصت معانا ..... أهااااااا وتراجي عرست ومشت المؤتمر ، وعملت للجماعة ( عجين الفلاحة ) ... وزارت شيخي الكباشي ، ما شفناك هناك .. حكايتك شنو .. لابِد لك فوق حزمة عنكوليب اظنك ؟ ما جيت عرس ممدوح ود عبدالله ود البوش .... أمانة ما فاتك جنس بُطان .. الجماعة قالوا لي أدخل أُخد لك سوطين قٌت ليهم راجي شيقا ..... إلا عرفتها يا المزنوح...... . أهاااااا البركة في بت الخليفة المرقتك لينا ..
جنابو ود المكي وقائد الاسطول بت الخليفة و الحضور الكريم
الطيب .... وينك آآآآ زول ؟ أميرة بت الشيخ عرست ..و رانية بت محمد الشيخ عرست .. لا جيت باركتَ لا جيت رقصت معانا ..... أهااااااا وتراجي عرست ومشت المؤتمر ، وعملت للجماعة ( عجين الفلاحة ) ... وزارت شيخي الكباشي ، ما شفناك هناك .. حكايتك شنو .. لابِد لك فوق حزمة عنكوليب اظنك ؟ ما جيت عرس ممدوح ود عبدالله ود البوش .... أمانة ما فاتك جنس بُطان .. الجماعة قالوا لي أدخل أُخد لك سوطين قٌت ليهم راجي شيقا ..... إلا عرفتها يا المزنوح...... . أهاااااا البركة في بت الخليفة المرقتك لين
اول بالتبادي خليني اشكو ليك عجزي في اجراء عملية الاقتباس للتعليق على مداخلاتكم و ما عارف السبب من جهازي ولا من نظام الباشمهندس بكري ابو بكر - جهازي انا واثق فيهو شديد
صراحة كدا دا السبب الخلاني اترك الكتابة في سودانيز و إتلهم قروبات الوات ساب
انا اكان ما عملت اقتباس ظاهر قدامي ابياااااااااااااااااااااااض ما بطرب للكتابة يا جنابو
ارجو يا جنابو تكلم واحد من شباب التكنولوجيا يوريني المشكلة وين كما ارجو من سعادتكم ابلاغ اعتذاري لكل الاخوة العرسوا و عسلوا و ما حضرت ربات اعراسهم لا حقيقة و لا مجازا
بعد تحل لي مشكلتي دي _ يا جنابو _ تعال شوف هرسي في الكي بورد دا . وحياتك طقطقتو تزن زي ابو الدنان في أذن الاتية اسماؤهم :
الخال عمر على حسن رغم ما به و بنا من مواجع و مرارات رياضية ود المرتضى اسحاق الامين ود فداسي العبيد ود الطيب اولاد الكامل ود النعمة ود المنسي ود الفاضلابي بت ادريس بت عمسيب بت السيد
ألف مرحب .. بعد طول الغياب .. تعرفى يا منى .. هذا المثل الذى ذكرتيه ..
Quote: يقول البعض البعيد عن العين بعيدا عن القلب وينفي قولهم بعض آخر فيقول البعيد عن العين بعيد عن القلب..
ولو .. كما نقول فى اللغة العربية .. " نفى .. النفى اثبات "
يعنى حقيقة .. " البعيد عن العين ، بعيد عن القلب " ..
فإن كان هذا المثل باق من قديم الزمان .. فكم بالحرى الآن .. الآن .. الآن .. حتى ولو كان لكِ جار .. لا ترينه الا فى المناسبات .. وعلى الرغم من توافر أجهزة الإتصال الحديثة .. إلا أن هذا الجار قلما يتصل بكِ هاتفياً .. حتى من باب السؤال والإطمئنان على صحتكِ .. للأسف يا منى الآن نحن نعيش فى عالم آخر .. للأسف الشديد .. ولكن أيضاً .. مشاغل الحياة أصبحت لا تطاق ..
يا حليل أيامنا القديمة .. يا حليل أيام سودانا القديم .. سودانا الجميل .. أيام بتمر .. أيام وليالى .. عشان كده .. أهديك أغنية .. الفنان الخالد .. أحمد المصطفى ..
سلامات يا سوداني "عجوز"كثيرا ما فكرت في لقب "عجوز" بعد سوداني..إلا انني توصلت إلي أنه لقب جمع بين شرح وتأكيد..الأول هو أنك سوداني والتأكيد ليس للعمر في حد ذاته بل لشرح ذلك السودان الذي عرفته وعشته..بالطبع سيكون لك أسباب قد لا أعرفها إلا أن هذا فهمي له..أرجعتني في حديثك لأيام جميلة عشتها أنا أيضا في مجتمع وفي أسرة متسامحة تماما مع الآخرالمقياس فيها ليس الدين او العرق أو الطبقة بأي شكل كان بل مجموعة القيم التي يأتي منها الشخص..كنا كأغلبية مسلمة لا ننظر للأقباط او من هم غير مسلمين كأقليه..بل كنا نتشارك تفاصيل الحياة اليومية في بساطة شديدة نأكل ونحتفل ونحزن سويا..زميلات الدراسة وصديقاتي العزيزات أقباط..لم يذكروا ابدا أنهم أقباط ولم أذكر أبدا أنني مسلمة..لم يتوقفوا عن كنيستهم ولم أتوقف عن صلاتي..لم يمر عيد علي أي منا بدون تهنئة عيد وطبق حلوي نتبادله في فرح..ولم يمر عيد كريسماس نحتفل فيه إحتفالا إجتماعيا حتي وهو في أصله ديني..نحن آمنا وعشنا جميعا في مجتمع يؤمن بأن الدين لله والوطن للجميع..لذلك عشنا طفولة وبعض شباب آمن وطيب وكريم في أصالته..................للأسف تغيرت الحياة ولم أعد قادرة مع تفريقها لنا من التواصل مع بنجامينا صديقتي بنت الزاندي في وقت كنا لا نفترق فيه كثيرا..سكنت معي في منزل والدي بعد أن سافر شقيقها مضطرا للغياب فتره وما كان ممكن لها أن تسكن بمفردها..فكانت إبنة الخليفة الخامسة..صداقة طفولتي في المدرسة وحتي الجامعه هي أعظم صداقات وحتي ونحن نبحث عن أخبار بعضا في الدنيا التي تشتتنا في أرجائها فإنها تبقي أقوي وأنضر ذكريات ومازلنا نترصد أخبار بعضنا في شوق حقيقي..أنا شاكرة جدا علي ترحيبك الجميل وعلي أحمد المصطفي رحمه الله وهو يتغني للأيام ومرور العمر بكل محطات الذكريات..ورغم كل شيء..لن يستطيع أحد أن يسرق ذكرياتنا ولا جمال تلك الأيام التي عشناها..تحياتي لك..
مابراك يا شيقوق الغالبك الإقتباس ... أنا تظهر لي الصفحة وفي ثانية تختفي!الواتساب طبعا يا شيقوق سريع والإستجابة فيه أسرع..يعني ما بتحتاج تطول ولا تشتكي..وبعدين مجموعاتك يا هم أصحابك ولو ما عاجبنك بتعمل مجموعه مع العاجبنك وليك حق تغطس هناك..لكن كمان لازم تجي هنا معانا برضو ونحاول كلنا مع بعض نرجع الماضي كيتن في ترباس .. تعال نتعرف علي الناس الإنضموا للمنبر أثناء غيابنا عنه..أكيد برضو ناس حلوين ورفقتهم حلوة..يللا مع بعض ننادي البنقدر ننادييه ونتعرف علي الباقيين..
المكان منور بيك وبالأعزاء الأفاضل.. وحقيقي يا كمال أنا شعيدة جدا إني لقيتك موجود.. ........ ........ من نعم الله علينا أن الحق لا يضيع مهما طال ليل الظلام ومهما أستبد الناس فيه.. والترصد بالكذب دائما ما يرجع علي صاحبه بالضرر الشديد..وهذا شيء يدرسه ويتعلمه أغلبنا في الصغر من أسرته ثم من مدرسته ومجتمعه لكن لا يستطيع غير الإنسان السوي أن يلتزم به ويتبعه..
إستهلاك الشعارات الجوفاء دون إيمان حقيقي بها لا يمكن لصاحبها أن يستمر عليها كثيرا فسرعان ما تتساقط الأقنعة وينكشف الحال تعرضنا كما ذكرت انت لحملات منظمة شنت علينا حروب مستمرة دون توقف وبشكل غريب فقط لأننا من الشماليه وبالتحديد شايقيه.. وكأن كل الشايقيه هم النظام..وكأن كل أهل الغرب مظلومين..فلم نسلم من كلمة جلابة ولا من وصف ظلاميين ولا من عنصريين وكلنا أمرنا لله فرأيناهم وهم يتناحرون فيما بعد وتتفكك مفاصلهم فيتشر غسيلهم وهم يتبادلون الإتهامات ونحن ننظر لهم وهم يتفرقون.. فالحقيقة ان كثير من التجمعات تقوم علي أساسات نجهل معظمها حتي يأتي زمن وتنكشف تماما.. كنا إذغ تحدثنا عن الختمية تنالنا الشتائم وإن تحدثنا عن طبخ البتنجان فنحن جهلة..أن تحدثنا عن عملنا في مناطق الحرب التي يتشدقون هم بأنهم منها فنحن لا نعمل من أجل الإنسانية بل نعمل لحصد الاموال! إن تحدثنا عن الجذور فنحن شايقيه عنصرية لا نحب الوطن ونكره اهل غرب السودان! ......... .........
وعد الله حق..وقد صدق وعده حين كشف ما ظل العديد يحاول إنكاره..ولن أكون في أي يوم بائعة لدماء أخي وشباب الوطن.. ولن أكون إلا بنت عوض خوجلي الرجل الصالح وجارة عثمان أم الشهيد التي لا تتوقف أبدا حتي وهي في مرضها وكبر عمرها وإنكسار قلبها عن حب الوطن.. الليلة كل شيء ظهر واضحا تماما ولعل من كان يشجع السخف ويدافع عن الباطل قد تعلم درسا وعرف أن الجبن والتملق لا يخلقا أبدا إنسانا محترما وأن الحق فوق كل شيء..
أتمني من قلبي أن يرجع باقي الأعزاء فنحن نحتاج ان نتجمع مرة أخري علي الحب والصدق وعلي الإحترام ووطننا دائما في حدقات العيون..
أشكرك من قلبي يا كمال علي وجودك هنا..ولك من التقدير ما تعرفه..
حقيقي الغياب الطويل بيخلق فجوة غريبة في الرغبة لمكان الناس بعدت عنه لأسباب تراها منطقية.. لأنه صعب جدا يا بلدي يا حبوب انك تمشي لأسباب ماحلوه..زهج..أو شراء لراحة البال بعيدا من المنغصات بتكون ماعايز تكرر التجربة يعني ماعايز ترجع وتتعرض لنفس الفات.. لكن برضو أحيانا بنحتاج نكسر الإحساس القديم ونحاول تاني فالشر لا يقل الا بوجود مزيد من الخير..
سلام عليكم سلامنا علينا هذا الجمر كانون الرحيل متى يا نيل نتدفق ونعود لتلك البقعة يا منى عوداً كما يطيب لك دوماً
Post: #104 Title: Re: رجعنالك Author: محمد فضل الله المكى Date: 03-30-2016, 03:11 PM Parent: #97
Quote: سÙانا اكان ما عملت اقتباس ظاهر قدامي ابياااااااااااااااااااااااض ما بطرب للكتابة
. آآآآآآآآ جماعة أبو روضه يااااا ( ملهم ) العواطف يا جماعة ..... شيقا داير يقتبِس زيييييييي الفوق دا أنا زول عنقالي ساكِت ... عايزين خطوات مبسطة وكِده . عايد عايد يا شيقا
Post: #119 Title: Re: رجعنالك Author: محمد فضل الله المكى Date: 03-31-2016, 04:51 PM Parent: #104
. أبشِر آااااااااا شيقا وكتين القوقلاب ما دايرين يفزعوك ... جيتك انا العنقالي دا .. بسم الله ... أولاً بالتبادي :
1. ظلل الكلام الداير تعمل ليهُ اقتباس . 2. أعمل كلك يمين .... كلك كوبي . 3. افتح صفحة .. يعني كلك في ( رد ) . 4. في المسطرة الفوق تلقى اقتباس ..أعمل عليها كلك ... ياااااا الكباشي ! يا شيقا يجيك كلام الطير في الباقير .... ما تخاف آآ المزنوح .. ظلل كلام الطير دا... إلا في حِتيييييييته كدي على الشمال بتتمرد عليك .... خلها التقعد عريانه .. أريته ما تظللت .. دي مربط الفرس ذاتو. . 5. آآآآآآاااااا ها ... هنا التحدي ...... أضغط CTRL و V في وقت واحد .... آآآآ زوووول يظهرلك كلامك الدايرو ذاااااتو ! 6. آهااااا بعد دا أعمل كلك OK 7. شفت آآآ طيب.. شفت ,,,, كلامك الدايرو محروس من الجهتين ..... أمانه يا شيقا العنقاله ديل ما شياطين عديل كده !! 8 . أكتب شماراتك تحت ... وأُكُل عنكوليبك الدايرو ... وشاهدهُ قبل النشر ... وسفر لينا ... أكان فارغة أكان مقدوده دايرنها . . أبشر آآآآآ شيقا ... أبشر بالخير ..... بس رسل لك حاجة كده بالوسترن يونيون.. ما تعمل نايم ... الزمن دا كلو بي تمنو... راجيك .
أنا ذاتي أستفدت من الدرس يا محمد فضل الله.. لكن الإكسبلورر دي أنا مكجناها..تقيلة وبتعمل حركات.. أسه رجعت لقوقل السهله وغالبني أعمل إقتباس علي الرغم من دروس بكري وملهم ودرسك..
أبشر آآآآآ شيقا ... أبشر بالخير ..... بس رسل لك حاجة كده بالوسترن يونيون.. ما تعمل نايم ... الزمن دا كلو بي تمنو... راجيك . _____________________________
وعليكم السلام يا عادل طال الإنتظار وقربت الوعود علي أن تمل نفسها.. تذكرت في هذا اللحظة أغنية يا طير يا مسافر لأهلنا.. أصدقاء الأمس توزعوا وإنتشروا بعضهم فوق الأرض وبعضهم تحتها..واللقاء في كل الأحوال بهم غير معروف ميقاته علي كل حال مهما بلغ الأسي بنا لا نتركه ينتصر علينا.. تخبوا آمالنا قليلا..نبعد وننطوي ونبحث عن بقع أكثر أمانا..لكننا نرجع للمحل الذي يئسنا فيه بداية ليتدفق النيل ويملأنا بفرحة تواجدنا جميعا معا.. القلب مثقل يا عادل بالهموم لكنه أيضا وفي نفس الوقت ممتليء بالفرح.. أتمني من الكريم أن يجمعنا دائما علي كل ما هو طيب..
أهلا وسهلا يا معتصم.. العوده للأحباء أمر حميد خاصة لما نتقاسم معاهم المشاعر الطيبة حتي وكثير منهم لا نعرفهم إلا بالكتابة.. وجميلة جدا مشاعر المحبة والمودة نسأل الله أن يزيدها في القلوب وأن يبعد عنا الكراهية وأهلها..فهي قاتلةومستهلكة للأعصاب وأضعف الإيمان طاردة.. الحمدلله علي نعمة القبول ففيها رضاء وراحة عظيمة..وأتمني لها أن تزيد وأن تكون نعمة دائمة.. أشكرك يا معتصم من قلبي وبإذن الله نكون أهل قبول دائم..
التحيات الطيبات الأخت مني إنتي في نعمة كبيرة مادام الناس دي كلها أجمعوا علي الترحيب بعودتك والإحتفاء الإستثنائي بيك,,,,,, فالحمد لله من قبل ومن بعد لكي بهذه النعمة ولهم بدوام المعزة ,,,,,,, ومرحبا" بك من أحد البرالمة في هذا الحوش
أكيد مافي نعمة أكبر من نعمة المحبه.. المحبة والود البينا هم ماجعلهم يرحبون برجوعي..وهذه المحبة الجميلة أبادلهم أياها أضعافا.. المثل بيقول راعيني قيراط أراعيك (اي عدد من القراريط) عندما نقدر الغير ونعاملهم بإحترام وكما نحب ان يتعاملوا معنا فإن النتيجة الحتمية هي أن ينمو والود والتقارب بيننا.. ونصير كما الأسرة الحقيقة سعداء بإقامتنا معا..
في لحظة رجعت لي ذكريات النقاش الجميلة وخاصة تلك عن المرأة ودورها في صنع تاريخ السودان منذ الأربعينات وحتي آخر وقت تحدثنا فيه.. عن أحوالنا عامة وأحوال البلد.. كنت تغيب وكنت أغيب ولا يغيب الود أبدا منا...
وأنا أيضا تشرفت بوجودك هنا أحب كثيرا أن أكون بين الناس وأن نعز بعضنا هنا في هذا الوطن الإفتراضي بعد أن عجزنا عن ذلك داخل الوطن.. الحمد لله علي العوده ففيها أقابلكم أيضا..
صباح لا يزوره غياب أو رحيل ،، صباح البياضِ،، وبعض الفرح حمدا لله على سلامتك وحمد لله على عودتك أستاذة منى سررنا لهذه العودة الميمونة والمباركة ، فأهلا وسهلا بك ونتابع المسيرة ..
Post: #114 Title: Re: رجعنالك Author: احمد حمودى Date: 03-31-2016, 11:51 AM Parent: #113
الاخت منى خوجلى بت الخليفة عودا حميدا مستطاب ونورت البورد وعقبال لى صاحبات السمو كمال يقول الاخ ملهم بالعودة الى البورد
Post: #126 Title: Re: رجعنالك Author: محمد فضل الله المكى Date: 04-01-2016, 03:51 PM Parent: #114
. أبشِر آااااااااا شيقا وكتين القوقلاب ما دايرين يفزعوك ... جيتك انا العنقالي دا .. بسم الله ... أولاً بالتبادي :
1. ظلل الكلام الداير تعمل ليهُ اقتباس . 2. أعمل كلك يمين .... كلك كوبي . 3. افتح صفحة .. يعني كلك في ( رد ) . 4. في المسطرة الفوق تلقى اقتباس ..أعمل عليها كلك ... ياااااا الكباشي ! يا شيقا يجيك كلام الطير في الباقير .... ما تخاف آآ المزنوح .. ظلل كلام الطير دا... إلا في حِتيييييييته كدي على الشمال بتتمرد عليك .... خلها التقعد عريانه .. أريته ما تظللت .. دي مربط الفرس ذاتو. . 5. آآآآآآاااااا ها ... هنا التحدي ...... أضغط CTRL و V في وقت واحد .... آآآآ زوووول يظهرلك كلامك الدايرو ذاااااتو ! 6. آهااااا بعد دا أعمل كلك OK 7. شفت آآآ طيب.. شفت ,,,, كلامك الدايرو محروس من الجهتين ..... أمانه يا شيقا العنقاله ديل ما شياطين عديل كده !! 8 . أكتب شماراتك تحت ... وأُكُل عنكوليبك الدايرو ... وشاهدهُ قبل النشر ... وسفر لينا ... أكان فارغة أكان مقدوده دايرنها . . أبشر آآآآآ شيقا ... أبشر بالخير ..... بس رسل لك حاجة كده بالوسترن يونيون.. ما تعمل نايم ... الزمن دا كلو بي تمنو... راجيك .
والله، يا منى، وما طالباني حليفة قبل أواصل خليني أقول ليك أنو أنا بمارس تمييز إيجابي تجاه تشجيع كتابة البنات هنا مزعلني ترحيب أصحابك ديل بعودتك، وما لقيت لي مداخلة واحدة ممكن تنزل ليها دمعة حنين وأنا والله، لو كنت عاصرتك سابقا، كنت: اجلي المقاطع بالذهب. وأفرد صباح حُسنِك وشاح. يمسح عذاب عمري المسطرّ باللهب وهسع دي لو ما خائف دينا تزعل؛ كنت كتبت ليك قصيدة زي قمر الزمان: شان جيتى بى زمن المحنة وشفت فى عينيكى .. حس أهلى القُدام
سعيدين انو نعاصر منى تو
Post: #132 Title: Re: رجعنالك Author: محمد على طه الملك Date: 04-01-2016, 09:07 PM Parent: #131
هلا وغلا بشيخ العرب .. ما قلت ليك بخيتة يا منى .. كان ما وقعلك كلام ود المكي هاك دي .. اقتبس الكلام العايزو ..اضغط على زر اقتباس .. بظهر ليك مربع على يدك الشمال مكتوب فيهو نضم باللاوندي .. تحت في مسطرة المربع بتلقي تلاتة ازرار .. اضغط على الزر الوسطاني تلقى اللاوني كلو اتمسح .. خط الماوس واعمل بست تلقي اقتباسك نزل .. اضغط او كي تلقى اقتباسك نزل على الصفحة.
Quote: لعلك دائما طيب يا محمد بابكرما تتخيل قدر شنو انا بحب الأغنية دي مع عدد كبير جدا من أغنيات البلابل..بودي لو إستطعنا أن نجتمع جميعا ولا نتفرق أبدا..الحياة ماعايزة توترات أكتر من العاملنها الساسة ومحاصرننا بيها في كل مكان..هذا مكان لنتبادل فيه الفكرة والكلمة الطيبة..لأن نبتسم ونضحك ونتشارك الهموم ونغادر لنرجع وفي النفس طمأنينة..نسمع الأغنيات ونستمتع بالوقت..نقرأ الأخبار ونتبادلها ونتحسر ونأمل بأن يتحسن الوضع..الإنسان كائن ضعيف مهما قوي وضعه..ضعيف في إحتياجه للآخرين ولأن يعيش بينهم حتي ولو أسفيريا..أنا أعلم تماما إحساس الإنسان حين يبعد..فالقلوب المثقلة بالهموم لا تريد زيادة لتلك الهموم..ولكني أيضا أعلم بأن إحتمال رجوعهم وارد بقدر حبهم للمكان وبقدر إطمئنانهم بأنه مكان جميل ومازال حافل بالأعزاء.معك ومع الجميع اناشدهم في أن يفكروا في الرجوع..شكرا علي الترحيب اللطيف وعلي رجعنالك..
تسلمى يا منى
Post: #142 Title: Re: رجعنالك Author: ذواليد سليمان مصطفى Date: 04-02-2016, 02:33 PM Parent: #141
Quote: سلامات يا ذو اليد
مشتاقين لأيام قندهار وبيت الفنون والرحلات.. أيام بالطبع لن تتكرر كما كانت لأن أعزاء غاليين فارقوا دنيانا كانوا قلبها.. ولأن تجمعنا في الخرطوم صار أصعب.. لكن جمالها لن يغادرنا..ولقاءنا هنا أيضا يكون مجددا لتلك المشاعر الجميلة..
أشكرك علي الترحيب ووسط الدائرة نرقص جميعا إحتفالا بمشاعرنا الطيبة..
بت خوجلي كم انا سعيد بلقاءك في ساحات وتجمعات البورداب عرفناهم اخوة واخوات كرام ابتساماتهم لم تنطفي من شفتاهم ولكن ارادة الله اقوى من ارادتنا الكثيرين مهم فارقونا من هذه الدنيا نسأل الله ان يتقبلهم ويسكنهم فسيح جناته مع الصديقين والشهداء والانبياء
وان كنا حين نتلاقو في هذه الدنيا اطال الله عمرك وامدك بالصحة والعافية وترجعي لينا بالقوة وارادة تجمع البورداب مرة اخرى
Post: #143 Title: Re: رجعنالك Author: هاشم محمد الحسن عبدالله Date: 04-02-2016, 03:37 PM Parent: #142
العزيزة الملكة منى بت الخليفة شرفت ونورت البورد ، عودة ميمونة تفرح القلب الحزين وتسعد النفس المعنى ، حضورك دائما يمثل جمال أبدى وابداع وجمال مننقطع النظير ، سعادتى كبيرة بعودتك الميمونة ولقد صادفت عودتى للبورد بعد غياب طويل ، حبابك الف
وأنا والله، لو كنت عاصرتك سابقا، كنت: اجلي المقاطع بالذهب. وأفرد صباح حُسنِك وشاح. يمسح عذاب عمري المسطرّ باللهب وهسع دي لو ما خائف دينا تزعل؛ كنت كتبت ليك قصيدة زي قمر الزمان: شان جيتى بى زمن المحنة وشفت فى عينيكى .. حس أهلى القُدام
وكان فرشت ليها الارض مسك وعنبر مني كانت ومازالت قمر في سماء مرصع بالنجوم كانو سمحين وكانو زينين ناس بت طلحه وفاروق النار وابوبكر وعماد الله يرحمه كان الحوش فعلا ملم حبان مني الحوش منور ويطيب ليك المقام
مشتاقين كتير يا غالية..ومشتاقة لسمسمه ولكل البنات بلاقي منهم عدد في الفيس وأهو بنتونس شويه لكن نفسي أشوفهم كلهم هنا نطحك زي زمان ونتونس ونتشارك كل شيء..
شكرا علي كلماتك الطيبة يا عفه وربنا يجمعنا دائما علي كل ماهو جميل.. عليك الله ما تغيبي.. خلينا كلنا نفرح بعض..
البورد منور بيك وبأهله يا هاشم ود عمي.. حقيقي يا هاشم مافي أجمل من إننا نتلاقي تاني وفي القلب نفس مساحة الود والإحترام القديم رجوعك أفرحني شديد..ولذلك أشاركك أغنية البلابل رجعنالك تحية منا للمنبر ولأحبائنا به..
شكرا ياذو اليد علي ردك.. الموت مخيف وتسودي البورد كان شيئا مؤلما.. إذ فجأة نفنح الصفحة وتجدها سوداء فيصعب عليك حتي أن تعرف من مات.. لا تود الموت لأي إنسان شاركك هذه المساحة الكيبة.. ......... ........ مازلت أذكر أول تجربة موت هنا..ذلك الشاب المهذب الوديع حمزة.. مازلت أذكر كلماته التي كتيبها لي حين توفي والدي.. كان رقيقا ومؤمنا ولطيفا لأبعد درجه.. كلهم هؤلاء الأعزاء كانوا أفضلنا.. الموت يا ذو اليد أحد أسباب الغياب من هنا..فكلما مات واحد منا مات معه بعض منا ومات أمل وماتت ضحكة.. إلا أننا نتغلب علي الحزن والخوف بالتلاقي أكثر وبالإصرار عليه يصبح كل شيء -وهذا عن تجربة - أفضل..
Quote: هلا وغلا بشيخ العرب .. ما قلت ليك بخيتة يا منى .. كان ما وقعلك كلام ود المكي هاك دي .. اقتبس الكلام العايزو ..اضغط على زر اقتباس .. بظهر ليك مربع على يدك الشمال مكتوب فيهو نضم باللاوندي .. تحت في مسطرة المربع بتلقي تلاتة ازرار .. اضغط على الزر الوسطاني تلقى اللاوني كلو اتمسح .. خط الماوس واعمل بست تلقي اقتباسك نزل .. اضغط او كي تلقى اقتباسك نزل على الصفحة.
هييييييييييييييييييييييييييييييييييييييييييييييييع ود الملك امانة يا مانجل ما بسطت اخاك بالحيل
وين ود المكي ؟ قولو انعدل للاقتباس المجيه
طيب اها البولد برضو عندي فيهو مشكلة جني وجن الخط الدقاق
انا اكان ما حرفي سوّد زي دومة الفحل الماصع ما برتاح
Post: #151 Title: Re: رجعنالك Author: عفاف أبو حريرة Date: 04-03-2016, 08:43 AM Parent: #150
الطيب كيف حالك معقول مابتعرف الاقتباس وجه متحير
كيف ام عبدالله والاولاد
Post: #152 Title: Re: رجعنالك Author: عفاف أبو حريرة Date: 04-03-2016, 08:43 AM Parent: #150
والله هي فرقة صعبة والدليل جينا بعدها نسأل الشوق أكوام يا هاشم وشوق المكان ده غير شوق الاسافير التانية عنده طعم خاص.. ولو إنه برضو في الفيس بوك عندي أصحاب جد حلوين..
سلام كبير لهويدا والشباب..عادل أخباره شنو يا هاشم؟؟ ما تغيب يا هاشم عايزين نتلما من جديد مع الباقيين
الله، يا منى، وما طالباني حليفةقبل أواصل خليني أقول ليك أنو أنا بمارس تمييز إيجابي تجاه تشجيع كتابة البنات هنامزعلني ترحيب أصحابك ديل بعودتك، وما لقيت لي مداخلة واحدة ممكن تنزل ليها دمعة حنينوأنا والله، لو كنت عاصرتك سابقا، كنت:اجلي المقاطع بالذهب. وأفرد صباح حُسنِك وشاح. يمسح عذاب عمري المسطرّ باللهبوهسع دي لو ما خائف دينا تزعل؛ كنت كتبت ليك قصيدة زي قمر الزمان:شان جيتى بى زمن المحنة وشفت فى عينيكى .. حس أهلى القُدامسعيدين انو نعاصر منى تو__________________________________غايتو معليش بذاكر وأنا برد أقصد بتعلم في حاجات المنبر بس بسبب غياب ليه زمن..سلامات يا أبو بكر..التمييز الإيجابي جميل تجاه النساء وهو أمر مقر به عالميا بسبب التميييز الممارس ضدهن تاريخيا بسبب نوعهن مما أخر مسيرة السعي للمساوا في الحقوق..أنا أيضا كإنسان وكإمرأة مع التمييز وليس اي تمييز..بل الإيجابي..التمييز الذي يقود فعلا لتقدم مسيرة المرأه..فمثلا سياسيا لا يعني عندي "التمييز الإيجابي" كما هو في إعتقاد الكثيرين أي معني أن كان يميز مجموعة نساء عن نساء أخريات كما يحدث مع نساء ينتمين الي النظام في السودان الآن..فالحقوق لهن وحدهن والتسهيلات والتعيينات..وفي نفس الوقت تمييزهن لم يؤد لرفعة المرأة السودانية وصون كرامتها لأنهن أساسا لم يأتثن من أجل المرأة بل أتين لأجل منفعتهن والدليل يظهر في تردي حال المرأة السودانيه وإهانتها لأنها تمارس الحق في التعبير عن رأيها المخالف..وفي قانون نظام عام مهين للمرأة أكثر حتي وهو مهين للرجل..وفي ترصدها في رزقها الحلال وهذا ناهيك عن إستهدافها في مناطق الحروب..شاكرة لك جدا مداخلتك الترحيبيه وبإذن الله كلنا مع بعض نرجع بعض من جمال الزمن الجميل..
ربنا يرجعهم يا أحمد.. نفسي كده نتجمع كلنا ونقعد نحكي عن ذكرياتنا وواقعنا.. أخوات وأخوان ياما جمعتنا اللقاءات في السودان بيهم ومع كثير منهم في الخارج.. وكنا فعلا ظهر وسند لبعضنا.. اتمني يستجيبوا للنداءات ويرجعوا يزينوا المكان بوجودهم الطيب..
صباحك فل يا يا عطف رميتي.. مرات الواحد لما يشوف أهل الحوش الطول منهم يقرب يكتب جواب يكتب علي غلافه شكرا لساعي البريد..طبعا ده من فرحه أكتر.. نتابع بإذن الله ما إنقطع كتابة ولم ينقطع ودا بالقلوب..
المنبر زي ما حبوبتي كانت بتقول "فلت عياره" يعني أصبح من الصعب جدا إرجاعه لحاله الزمان زي السودان بالضبط..مستحيل يرجع لحاله الزمان.. وحاله الزمان لا اقصد بيها غير مجموعة القيم الجميلة التي يجمع عليها الناس وتصير عرف متبع لكن أعتقد أننا ممكن أن نحسن أحواله بمقاطعة السوء وبالتكاتف حول ما نرتضيه سلوكا حميدا..
أشكرك كثيرا علي وجودك في مساحة الرجوع هذه والترحيب به..عنت لي الكثير.. وبإذن الله نكون جميعا رفقة آمنة ومفيدة..
العزيزة منى والله دخلت فقط للترحيب ،،، فلا لوم عليك بعد أن أمتلى المنبر بالشتائم والحديث الغير مفيد أبتعدنا ونراقب من البعد كحالنا من السياسة السودانية لا يمكن أن تخوض فيها فهي وحل من جميع الأطراف ،،،، للأسف أكتشفنا ذلك مؤخرا ولكن الحمدلله أن أكتشفناه
Quote: العزيزة منى والله دخلت فقط للترحيب ،،، فلا لوم عليك بعد أن أمتلى المنبر بالشتائم والحديث الغير مفيد أبتعدنا ونراقب من البعد كحالنا من السياسة السودانية لا يمكن أن تخوض فيها فهي وحل من جميع الأطراف ،،،، للأسف أكتشفنا ذلك مؤخرا ولكن الحمدلله أن أكتشفناه
تحياتي وأشواقي لكي والأسرة
انت يا زول السنة دي كان ما جيتنا لا بينا لا بينك تاني ...
الحكاية ؟
Post: #167 Title: Re: رجعنالك Author: عفاف أبو حريرة Date: 04-04-2016, 09:07 AM Parent: #165
Quote: يا سلالالام عليك يا منى السمحييييييييي أمانة ما جبتي لينا رفاق الزمن الجميل ناس هاشم خلف الله
الله يخليك يا ابا احمد كيفك وكيف ام احمد والاولاد؟
مفاجأة حلوة شديد يا نيو سوداني لو عارفة البوست بيظهرك كنت نزلته قبل كده.. وينك قطعت خالص كده؟؟
فعلا الحاجات كترت شديد وفجأة كده مسكتني حالة بتاعة قرف من الحصل للمنبر.. ما بقدر أقول الحال اتصلح تماما لكن عندي أمل أكتر من الاوقات الفاتت أننا نقدر نكتب يا صديقي..من منا لم يصب أمله بخيبة وضاعت منه أجمل سنوات العمر في تصديق سراب؟ علي الرغم من أني لم أتنظم ابدا إلا انني كنت أتتبع مسيرة الساسة كأني واحدة منهم علي كل حال يا صديقي نبقي أفضل كثيرا بخيبة أملنا من ناحية ضمير ونظافة يد ونظافة ضمير وحب للوطن لأننا لم نبيع أنفسنا ولم نهتف بشعارات كاذبة ..
أرجوك يالهادي ما تغيب..فأنا استمد قوة وجودي هنا من وجودكم..
تحياتي.. ولا خيبنا أمل الوطن فينا..
Post: #174 Title: Re: رجعنالك Author: طاهر بدر Date: 04-04-2016, 11:53 AM Parent: #1
اصالة عن نفسي ونيابة عن الدفعة االجات وراك ...اقول عودة جميلة ...عودتك جابت الحرس القديم البيتاوق انتي ايقونة سودانيز وكنا متابعنك قبل نجي نصنقر معاكم هنا ... وقلنا يا ربي نحن نجهنا الناس والا شنو مالم فروا وتروا انتظرناكم وبقية الناس الكنا بنقرا ليهم ونتابعم هنا ...اتأخرتي بس ابقى حاتلة وما تغبى تاني ...ونادي الباقين لانكم انتو النكهة المفضلة لكل الناس العشقت المكان دا بيكم
Quote: الحياة قصيرة جدا يا خالد جملة بنقولها كتير لكن برضو الدنيا بنغرق فيها ونرجع نفكر وين جري العمر؟؟ سنوات تخللتها طلات لفترة بسيطة في الفتره السابقه ارجو ان تقودني طلتي للبقاء هنا ولا مغادرة بإذنه تعالي.. تحياتي لأسرتك..
نعم ياملكة .. الحياة قصيرة .. لذلك ليس لنا سوى اصدقاءنا واحبابنا لكي نستزيد منهم نرجوك هنا .. فهذا الحوش وطن نحسه نحن المهجرون من أوطاننا ، من التقفتنا المواني السفر وابتلعتنا ظلمة المهاجر فكان هذا الحوش دارنا واهله اهلنا ، مازلت اذكر دعوات اهله لي ولأهلي عندما المت بنا وعكة ومرض ارهق اجسادنا ونحن الذين ارهقتنا الغربة سلفا وكذلك تباريكهم واغانيهم فرحا معنا عندما رزقنا مولود فكانو مرآة فرح عشنا هنا حياة كاملة التفاصيل لم تكن علائق اسفيرية تنتهي بإطفاء الكمبيوتر انما رباط لايفهم سرها سوانا نحن الذين قدمنا من وطن اسمه السودان ، يتقاسم اهله كل المشاعر الفرح .. الحزن .. الأمل .. لك التحية وعودا حميدا مستطاب
شكرا يا خالد .. بإذن الله نخلق مع بعض أكثر أسرة تجمعنا علي المحبة تعيش نقاش جاد ومشاغبة وأكل ومشاركة أحزان ورقص وغناء نحتد قليلا ونهدأ كثيرا وكله بأدب ولغة مهذبة كما كنا نفعل في والسودان..
سلامات يا طاهر بدر.. كنا كثيرا هنا في الماضي نفترق فقط لساعات العمل والنوم وسرقة اللحظات بينهما لنتقابل.. كنا نضحك جميعا كالأطفال ونحن نحمل مصابيح الأمل والفرح..وأعتقد أنه بسبب سعادتنا وحبنا لبعضنا جذبناكم انتم من خارج المنبر..كنا نذكركم بأوقاتكم مع اسركم الممتده وبلقاء الحبان في السودان..إقتربنا من قلوبكم الطيبة لأننا مارسنا سودانيتنا الحقة رغم تشتتنا انتو ما نجهتونا لكنا كنا جميعا ضحية مخطط لم تنتبه له الإدارة كما يجب حتي فر الأغلبية وصار البعد أريح خاصة مع تطور التكنولوجيا وتوفر وسائل تواصل كثيرة بديلة..
شكرا يا طاهر علي ترحيبك المريح للنفس..وأقول أننا لا نحتاج أكثر من التكاتف الطيب حتي نستطيع أن نستمر جميعا سويا في هذا الوطن.
السلام عليكم الأستاذة مني خوجلي وضيوفها الكرام ماعارف هل أنا ارحب بي عودتك لي الممنبر وله انتي ترحبي بي في المنبر لكن بصفتي واحد من الناس المتابعين مواضيعك من أهل الهامش - خارج منبركم العامر- فبرحب بي عودتك لي الكتابة في المنبر وبقول ليك ياريت ماتحرمينا من قلمك الراقي ولكي جزيل الشكر
Post: #191 Title: Re: رجعنالك Author: عفاف أبو حريرة Date: 04-05-2016, 11:02 AM Parent: #188
مني صراحه كده ضربتين في الراس بتوجع ابقي علي واحدي ياشيلي صورتك الكانك ملاك رحمه فيها دي يابطلي الكلام الزي الشهد ده انتي انسانه جميله جدا قلب وقالب بوستيك ده بزكرني زمان لما يجي بتاع حلاوة قطن كنا كلنا نتحلق عليه ونحنا في منتهي السعاده وهو يوزع لينا الحلاوه اللزيز في الموضوع لو ما عندك قروش وما حتشتري تكون واقف مع الجماعه وانت في منتهي السعاده الله يسعدك يامني رجعتي للحوش بهجته
عفاف يا عفة.. الجمال والذوق انتي ستهم.. ويا حليل زمن الطفولة حلاوه قطن وفسحة وفساتين حيد هيصة وشرايط شعر ملونه وفستان وحذاء جديد نص اليوم مغبر وشرابه اتغير لونه من التراب اسه انا اتمني ارجع طفلة بس اصلو مرحلة المدرسة دي ما احضر فيها تاني حصة الحساب اشتري كراساتهم أيوه لكن ما احضرها لا هي لا إمتحاناتها.. هأمتحن كيف يعني وأنا اساسا ما حضرت الحصص؟؟ تصدقي دي الحاجة المره الوحيده الكنت شايلة همها في الطفولة الحصور الإجباري اليومي لحصة الحساب وعمل الواجب وبالطبع الإختبارات الشهرية وإمتحان الفترات وإمتحان نهاية السنه وبعد ده انتظار نتيجه أبدا نمري فيه ما فاتت 60% لمدة 12 سنة! والغريبة بكون فرحانه جدا اني بس نجحت
في بوستات جاية تعالي نحكي عن طفولتنا وطفولة عيالنا..ونشوف الفرق.. وربنا يرجع لينا الغايبين..آمين
يسعدني إنضمامك للمنبر ولو أنا كنت رجعت بدري شوية للمنبر أكيد كنت لاحظت إنضمامك ورحبت بيك.. وسعيدة أكتر إنك كنت متابع معانا مواضيعنا جميعا..والحقيقة اي كتابه كتبتها كنت بتشجع بالإستمرار فيها بمتابعة القراء لأنه مافي معني نكتب حاجات الناس ما تقراها..ولا شنو؟
بإذن الله الأيام الجاية نكتب كلنا مع بعض ونهتم ببعض ونضحك ونتبادل الافكار والحكي كلنا سوا..
شكرا يا محمد..
Post: #196 Title: Re: رجعنالك Author: محمد هاشم ابوزيد Date: 04-06-2016, 08:03 AM Parent: #195
أين أيام لقاءاتنا وإلتفافنا حول المواضيع؟؟ أين القصص والحكاوي والمشاهد الراسخة في الأذهان؟؟ تلك عن وجه فقير ويد تمتد في ضعف متسولة للقمة العيش؟؟ وأخري عن محاكمات نصرها الله فقط بطرق عدله ولا ناصر قبله ؟؟ عن طلبة إمتلأت قلوبهم اليافعه بالتمرد علي الظلم فأصابهم الظلم برصاصات أنهت حياتهم ولم تنه ذكراهم الطيبة؟؟ أفتقدك جدا صديقي وأخي وأفتقدهم وهم الذين سكنوا القلوب بعشقهم للإنسان ولسودانيتهم
.......... .......... لازم ترجع وتكتب أكتر يا محمد.. بيك اللمه الجميلة بتكبر أكتر..
ودى عتالة مّنى كادو.. عشان البوست ما يشمى صفحة أتنين.. لقيتو فى اخر الصفحة وقمت رفعته.. وبعدين أنا متعشمة فى انك تكملى لينا قصة مريم.. من ساعة ما مشت عرس اخوها مافى زول عارف عنها حاجة..
شكرا يانور .. غبت يومين عندنا صديقنا في لندن اتوفي والموت دايما رغم الايمان به وتكراره .. لكن بيكسر قوة الزول ربنا يرحمه ويرحم موتانا جميعا..
عارفه مريم دي حيرتني انا ذاتي.. هي اخر حاجه نشرتها كان يوم عرسها.. موش؟؟ انا كتبت فيها لغاية ما سافرت مع زوجها وعاشت هناك فتره بس ما متذكره نشرته ولا لا🙈 خلاص بحاول اخلصها.. ويخليكي لي يانور رافعة لي معنوياتي واسه البوست.. شكرا يا نور.. تعيشي🌻
Quote: Nagat Mahmoud Ahmed · Founder and CEO في Zaria services
اهلًا يا حبيبة واهلا يا أحبة بيقيتوا كالغرباء في حلتكم
أعجبني · رد · 1 · 26 مارس، 2016 06:15 مساءً
سلامات يا نجاة يادوب اسه بقيت أشوف المداخلات من الفيس..إعتذاري.. والله يا نجاة في غربه لكن ما شديده..لأنه في ناس إلتحقوا مؤخرا او بعد طلوعنا حلوين.. وفي بعض من أصحابنا القدامي.. لكن بصراحة فاقداكم وفاقدة من جميل..
متين الاوقات الحلوه ترجع؟؟ سلام يا نجاة وتحياتي للعيال الكبرت وال لسه ما كبرت
