Post: #2
Title: Re: حديث الدكتور. جِبْرِيل ابراهيم – حول أسبا
Author: سيف اليزل سعد عمر
Date: 03-26-2016, 10:02 AM
Parent: #1
يبقي يا محمد نور وحسب كلام د. جبريل ده مفروض الناس ديل ما يقعدوا تانى علي الإطلاق مع إمبيكي لا في حوار غير رسمي ولا تشاوري أو خلافه....
الفديو للأسف قطع وما سمعنا الإجابة علي سؤال الحل شنو؟
|
Post: #3
Title: Re: حديث الدكتور. جِبْرِيل ابراهيم – حول أسبا
Author: Salah Zubeir
Date: 03-26-2016, 10:29 AM
Parent: #2
| Quote: بقي يا محمد نور وحسب كلام د. جبريل ده مفروض الناس ديل ما يقعدوا تانى علي الإطلاق مع إمبيكي لا في حوار غير رسمي ولا تشاوري أو خلافه.... |
يالا ورونا بعد دا (كل القوة الخرتوم جوا) ,,, وما ننتظر إنتخابات 2020 عشان يفوز البشير بي مخجوجة جديدة لي 2025. (في واحد يراهن 10\10 جنيه بالقديم إنو دا الحايحصل)
البلادة الزي دي هي الوصلت الإنقاذ لي 27 سنة وحا تديها الفرصة عشان تحكم إلي يوم يبعثون. تفكيك الإنقاذ لن يتم بالقوة لو إجتمعت كل جيوش الأرض. الناس لو ركزت في مخرجات
الحوار يمكن يكون في بارقة أمل إنو الإنقاذ تتفكك أو تتشتت أو تتبعزق أو تضمحل ,,,, لكن بالدواس الراجيكم كتير يا الفي كاودا.
|
Post: #4
Title: Re: حديث الدكتور. جِبْرِيل ابراهيم – حول أسبا
Author: منتصر صلاح
Date: 03-26-2016, 11:13 AM
Parent: #3
حديث دكتور جبريل يوضح مدي الثقة المفقودة في النظام وفي السمسار امبيكي
والاهم - والمطمئن ايضا - انو قادة الخرطوم ما عندهم تاني طريقة يتذاكو علي
الحركات ورافعي السلاح الـ بطالبو بحقوق مشروعة واضحة .
تحياتي
|
Post: #5
Title: Re: حديث الدكتور. جِبْرِيل ابراهيم – حول أسبا
Author: adil amin
Date: 03-26-2016, 11:28 AM
Parent: #4
خلط المسارات الغبية هو القعد النظام 25 سنة فعلا بعدين ايتام التربي من اولاد العدل والمساواة..الجابهم من درافور يلخبطو في كرفان شنو؟؟ المنطقتين دي حلتا اتفاقية نافع/عقار 2011 ولا زالت قابلةللتطبيق ونافع موجود ومالك عقار موجود والاتفاقية موجودة والمحكمة الدستورية العليا موجودة والبرلمان موجود انتو امشوا دارفور هناك مكانكم اتفاقية الدوحة 2012 واقعدو مع مكونات دار فور ومن يمثلون درافور فعلا انتو اصلا اخوان مسلمين وظفكم المركز والخنزير نابليون في حروب الابادة ضد الجنوبيين والنوبة-ذى خليل ابراهيم- ودماغكم ذى المركم يملا ويفرغ حسب الطلب قبيلة الزغاوة لها وجود عادي في السودان ووجود سيادي في تشاد..وانتو ما عايزين الوضع ده ع عايزين تقعدو في راس الناس كمان في السودان وكمان انتو ما انصار عشان كده بقيتو اخوان مسلمين ترابيين واتفاقية سلام درافور 2012 ممكن تمثل حل لكل قبائل درافور اذا رجعت كلها تحت غطاء الانصار وحزب الامة وانتخابات تمثيل نسبي لحاكم اقليم وبرلمان اقليم.. وانتو ما عايزين دي ومستمرين في خدمة المركز المازوم والمنتهي الصلاحية في برجلة الاوضاع في الدوحة وفي اديس ابابا ... ابعدو من الحركة الشعبية شمال...بلا جبهة ثورية بلا كلام فارغ امشو اقعدو مع عرب وفور دارفور واتفاقية سلام الدوحة 2012 وكمان بقى رئيس الجبهة الثورية بالله شوف السلبطة بتاعة الكيزان دي كيف قطاع الشمال ده عايز فرمتة من جديد قطيعة تقطع الشيوعي المتسكع العاير بيه فيكل اتجاه ده ... على حساب ابناء جبال النوبة
|
Post: #12
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-26-2016, 04:01 PM
Parent: #5
| Quote: خلط المسارات الغبية هو القعد النظام 25 سنة فعلا بعدين ايتام التربي من اولاد العدل والمساواة..الجابهم من درافور يلخبطو في كرفان شنو؟؟ |
| Quote: المنطقتين دي حلتا اتفاقية نافع/عقار 2011 ولا زالت قابلةللتطبيق ونافع موجود ومالك عقار موجود والاتفاقية موجودة والمحكمة الدستورية العليا موجودة والبرلمان موجود |
| Quote: انتو امشوا دارفور هناك مكانكم اتفاقية الدوحة 2012 واقعدو مع مكونات دار فور ومن يمثلون درافور فعلا انتو اصلا اخوان مسلمين وظفكم المركز والخنزير نابليون في حروب الابادة ضد الجنوبيين والنوبة- |
| Quote: -ذى خليل ابراهيم- ودماغكم ذى المركم يملا ويفرغ حسب الطلب قبيلة الزغاوة لها وجود عادي في السودان ووجود سيادي في تشاد..وانتو ما عايزين الوضع ده ع عايزين تقعدو في راس الناس كمان في السودان وكمان انتو ما انصار عشان كده بقيتو اخوان مسلمين ترابيين |
| Quote: واتفاقية سلام درافور 2012 ممكن تمثل حل لكل قبائل درافور اذا رجعت كلها تحت غطاء الانصار وحزب الامة وانتخابات تمثيل نسبي لحاكم اقليم وبرلمان اقليم.. وانتو ما عايزين دي ومستمرين في خدمة المركز المازوم والمنتهي الصلاحية في برجلة الاوضاع في الدوحة وفي اديس ابابا |
| Quote: ابعدو من الحركة الشعبية شمال...بلا جبهة ثورية بلا كلام فارغ امشو اقعدو مع عرب وفور دارفور واتفاقية سلام الدوحة 2012 |
| Quote: وكمان بقى رئيس الجبهة الثورية بالله شوف السلبطة بتاعة الكيزان دي |
| Quote: دي كيف قطاع الشمال ده عايز فرمتة من جديد قطيعة تقطع الشيوعي المتسكع العاير بيه فيكل اتجاه ده ... على حساب ابناء جبال النوبة |
سلامات
الاخ الفاضل
عادل امين
كلامك ملخبط لخبطة شديدة لكن مع رغم ذلك نقول ليك العديل رأي واللخبطة رأي
!!!
|
Post: #6
Title: Re: حديث الدكتور. جِبْرِيل ابراهيم – حول أسبا
Author: Salah Zubeir
Date: 03-26-2016, 11:44 AM
Parent: #4
Quote: قادة الخرطوم ما عندهم تاني طريقة يتذاكو علي
الحركات ورافعي السلاح الـ بطالبو بحقوق مشروعة واضحة . |
منتصر ,,,, سلام
ياخوي قادة الخرطوم عارفيين الحقوق المشروعة و الواضحة بتاعت كل الشعب السودانى مش الحركات و رافعي السلاح بس.
قادة الخرطوم قاعدين في الخرطوم آمنيين مطمئنين ,,, و عشان تجيبوم أديس مرة تانية تحت مسمي جديد (غير الألية الأفريقية)
للتفاوض أو حوار يتم فيهو التنازل أو الإتفاق لتمرير مساعدات إنسانية بس عايز ليك بالميت 12 إلي 18 شهر ,,,, و طز في الشعب
السوداني بي حركاتو ومسلحينو ,,,, ديل قعدو 27 سنة ,,, عشان تفككم ولا تشتتم لازم يكون نفسك طويل و تستغل المتاح بي شوية ذكاء.
والبيحلم إنو الإنقاذ ممكن نصبح تاني يوم ما نلقاها واهم وغبي ,,,,, أشك في إنو الحركات والمسلحين المدعوميين من بعض القوي
السياسية يتآمرون علي الشعب السوداني في مساعدة الإنقاذ للبقاء أطول فترة ممكنة.
تحياتي
|
Post: #9
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-26-2016, 03:40 PM
Parent: #4
سلامات
الاخ الفاضل
منتصر صلاح
الثقة مفقودة في الحكومة لان الكل يعرف وواثق ان الحكومة لا تبحث عن حل المشكلة السودانية لكنها تبحث عن اخراج الرئيس عمر البشير ورفاقه من المحكمة الجنائية الدولية ورفع العقوبات لمصالحها لا تهمها مصلحة الشعب السوداني والسمسار امبيكي يريد اطالة المشكلة ليكسب اكثر.
سيذهبون غدآ وتلاحقهم لعنات الشعب السوداني
تحياتي
|
Post: #8
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-26-2016, 03:22 PM
Parent: #3
Quote: البلادة الزي دي هي الوصلت الإنقاذ لي 27 سنة وحا تديها الفرصة عشان تحكم إلي يوم يبعثون. تفكيك الإنقاذ لن يتم بالقوة لو إجتمعت كل جيوش الأرض. الناس لو ركزت في مخرجات
الحوار يمكن يكون في بارقة أمل إنو الإنقاذ تتفكك أو تتشتت أو تتبعزق أو تضمحل ,,,, لكن بالدواس الراجيكم كتير يا الفي كاودا. |
الشاطر صلاح الزبير
مرحب بيك في البورد
اسلوب حوارك جميل
|
Post: #11
Title: Re: حديث الدكتور. جِبْرِيل ابراهيم – حول أسبا
Author: Salah Zubeir
Date: 03-26-2016, 03:52 PM
Parent: #8
| Quote: الشاطر صلاح الزبير |
دا إسمو (إستفزاز) و ممكن أجاريك فيهو زى ما إنتا عايز ,,, دي مشيناها ليك يا محمد نور ,,, رجاء" ما تكررا.
| Quote: مرحب بيك في البورد |
أهلا" ياخوي
ياخوي أنا بعلق علي كلام دكتور جبريل الجبتو إنت في الفيديو ,,,
هو فرحان إنو ما وقعو ,,, طيب حانشوف فرحو دا حا يقتل كم زول في الأيام الجاية ,,,,,
تعريف الحوار :- عمنا قوقل قال :- مراجعة الكلام بين (شخصين أو أكثر)
ويغلب عليه الهدوء والبعد عن الخصومة والتعصب.
تحياتي
|
Post: #13
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-26-2016, 04:24 PM
Parent: #11
| Quote: دا إسمو (إستفزاز) و ممكن أجاريك فيهو زى ما إنتا عايز ,,, دي مشيناها ليك يا محمد نور ,,, رجاء" ما تكررا. |
مرحب بيك
مجددا يا صلاح الزبير
لا استفزاز ولا حاجة والله لا جاب الاستفزاز لكن انت كتبت كلمة بلادة فا مامكن انا اخاطبك بنفس الكلمة وهذا ماقصدته
نصيحة مني ليك في منبر سودانيزاون لاين حسس قلمك قبل ما تكتب اي كلمة لان ما في كلمة تمر ساكت واي شخص عندو تفسيرو للكلمة
.
حتي ذي كلماتك (مشيناها ليك)( ما تكررا.)
|
Post: #15
Title: Re: حديث الدكتور. جِبْرِيل ابراهيم – حول أسبا
Author: Salah Zubeir
Date: 03-26-2016, 05:02 PM
Parent: #13
| Quote: انت كتبت كلمة بلادة فا مامكن انا اخاطبك بنفس الكلمة وهذا ماقصدته |
يا أستاذ محمد نور ,,,, كلمة بلادة لم يسبقها أو يعقبها إسمك ,,, وأنت تعلم جيدا" بأنني أقصد من يملكون
قرار التوقيع علي وثيقة الألية الأفريقية وهم وحدهم من يتحملون تبعات عدم توقيعهم وإن كان الضرر
لن يطولهم ما دام كلو واحد ركب طيارتو و مشو فنادق كمبالا وجوبا والقاهرة وحا يكونو فراجا بس بعد يوم 28.
|
Post: #16
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-26-2016, 05:14 PM
Parent: #15
| Quote: كلمة بلادة لم يسبقها أو يعقبها إسمك |
الاخ
الفاضل
صلاح الزبير
يا اخوي العفو العافية
ودمت بخير
|
Post: #19
Title: Re: حديث الدكتور. جِبْرِيل ابراهيم – حول أسبا
Author: Salah Zubeir
Date: 03-26-2016, 06:07 PM
Parent: #16
أخونا محمد نور ,,, لنا ولكم
((اللَّهُمَّ إِنَّكَ عُفُوٌّ كَرِيمٌ تُحِبُّ الْعَفْوَ فَاعْفُ عَنِّي))
أرقد عافية
|
Post: #7
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-26-2016, 02:59 PM
Parent: #2
| Quote: يبقي يا محمد نور وحسب كلام د. جبريل ده مفروض الناس ديل ما يقعدوا تانى علي الإطلاق مع إمبيكي لا في حوار غير رسمي ولا تشاوري أو خلافه.... |
سلامات
الاخ الفاضل
سيف اليزل سعد
ثابو مبيكي جاتو فرصة من دهب ليدخل التاريخ من اوسع الابواب بإمساكه ملف الوساطة في المشكلة السودانية لكنه لم يستثمر هذه الفرصة ليثبت للعالم انه شخص جدير بهذه المهمة ليثبت انه انسان مفسد ووسيط غير نزيه وهو ما يهمه في المشكلة السودانية جيبه فقط لذلك اصبح لعبة في يد الحكومة السودانية لقد كتبنا كثيرا عن عدم حياد ثابو مبيكي هاهو الايام يؤكد ماكنا نقوله.
السودان في مأزق بسبب حكومة رئيسها مطالب جنائيا
|
Post: #10
Title: Re: حديث الدكتور. جِبْرِيل ابراهيم – حول أسبا
Author: Sediq Hamad
Date: 03-26-2016, 03:45 PM
Parent: #7
سلام محمد نور وضيوفك
التغير بالسلاح أصبح ١٪ لان مافي وجود عسكري في أرض
من المعروف أن القوة العسكرية هي بتفرض ، إذن مافي
خيار تاني غير الجلوس مع إمبيكي .
تحياتي
|
Post: #14
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-26-2016, 04:55 PM
Parent: #10
Quote: التغير بالسلاح أصبح ١٪ لان مافي وجود عسكري في أرض
من المعروف أن القوة العسكرية هي بتفرض ، إذن مافي
خيار تاني غير الجلوس مع إمبيكي . |
سلامات
صديق حماد
وانا بقول القضاء علي حركة العدل والمساواة السودانية والحركة الشعبية قطاع الشمال وحركتي التحرير منى اركو وعبدالواحد عسكريا وبالسلاح اصبح ١٪ الحكومة ومبيكي عارفين هذا الكلام تمامآ لكن الاثنين يراغون عشان الحكومة تكسب مزيد الوقت ومبيكي يكسب مزيد من الدولارات .
اما كلامك عن انو ما في خيار تاني غير الجلوس مع مبيكي
ماذا يملك مبيكي عشان تجلس معه ؟
ماتخلي الحكومة تعترف باغتصابها للسلطة وتعترف بجرائمها ضد الشعب السوداني وتعترف انو الناس الحملوا ديل رفعوا عشان عندهم قضية عادلة ويفكك الاجهزة الامنية ويطلق سراح المعتقلين واطلاق الحريات واواوااواواوا بعد داك تدعو للحوار لا مبيكي ولا غيرو
تحياتي
|
Post: #17
Title: Re: حديث الدكتور. جِبْرِيل ابراهيم – حول أسبا
Author: Salah Zubeir
Date: 03-26-2016, 05:28 PM
Parent: #14
Quote: وانا بقول القضاء علي حركة العدل والمساواة السودانية والحركة الشعبية قطاع
الشمال وحركتي التحرير منى اركو وعبدالواحد عسكريا وبالسلاح اصبح ١٪ |
يا أستاذ محمد نور ,,,, كلامك دا ما صاح طبعا" الكل يعلم وين صارت قوة العدل والمساوة
بعد قوز دنقو وأين صارت قوة عبدالواحد بعد طردهم من الجبل ,,, ومعروف أين تقاتل
قوة أركو ,,, الحركة الشعبية قطاع الشمال تعلم جيدا" بأن الجيش السوداني بني قوات
ضخمة حول مناطقها في يناير و فبراير وإلي الآن نتيجة لعدم وجود ضغط في دارفور.
الضربة سوف تكون مؤلمة علي مناطق الحركة الشعبية فقط. يبقي عدم التوقيع بلادة ولا لا؟
|
Post: #21
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-26-2016, 11:40 PM
Parent: #17
Quote: كلامك دا ما صاح طبعا" الكل يعلم وين صارت قوة العدل والمساوة
بعد قوز دنقو وأين صارت قوة عبدالواحد بعد طردهم من الجبل ,,, ومعروف أين تقاتل
قوة أركو ,,, الحركة الشعبية قطاع الشمال تعلم جيدا" بأن الجيش السوداني بني قوات
ضخمة حول مناطقها في يناير و فبراير وإلي الآن نتيجة لعدم وجود ضغط في دارفور.
الضربة سوف تكون مؤلمة علي مناطق الحركة الشعبية فقط. يبقي عدم التوقيع بلادة ولا لا؟ |
الكلام صحيح واذا انت لا تعلم الحكومة عارفة تمامآ وثم يا اخي حركة العدل والمساواة السودانية خسرت المعركة في قوز دنقو ويمكن تخسر معارك اخري لكن لم تخسر الحرب حتي الان مع الحكومة والحركة ذي ما دخلت امدرمان نهارآ جهارآ تستطيع تكرر نفس المشهد في اي مدينة سودانية اخري طالما الحكومة لا تبحث عن سلام ومصرة علي الحرب ولا تخدعك الانتصارات الوهمية التي تنقلها اعلام الحكومة عن جبل مرة دي فرفرة مذبوح الوضع هناك مختلف عن ما ينقله اعلام الحكومة .
الحكومة لا تستطيع مهاجمة جبال النوبة معقل قوات حركة الشعبية قطاع الشمال لقد جربت من قبل عدة مرات وفشلت اما الجيش الضخم التي تجهيزها في تلك المناطق كما ذكرت دا مجرد show .
بعدين يا اخي الناس ديل رفضوا التوقيع ودا حق من حقوقهم حقو تحترم رايهم بدل كل مرة تصفهم بالبلدة وليه شايف الطرف التاني الوقع علي الخارطة غير كدا؟
|
Post: #24
Title: Re: حديث الدكتور. جِبْرِيل ابراهيم – حول أسبا
Author: Sediq Hamad
Date: 03-29-2016, 08:51 AM
Parent: #14
Quote:
وانا بقول القضاء علي حركة العدل والمساواة السودانية والحركة الشعبية قطاع الشمال وحركتي التحرير منى اركو وعبدالواحد عسكريا وبالسلاح اصبح ١٪ الحكومة ومبيكي عارفين هذا الكلام تمامآ لكن الاثنين يراغون عشان الحكومة تكسب مزيد الوقت ومبيكي يكسب مزيد من الدولارات .
اما كلامك عن انو ما في خيار تاني غير الجلوس مع مبيكي |
إن القوى السياسية والشخصيات التي شاركت في الحوار تمثيل انفرادي «ان الحركة العدل والمساواة والتحرير مناوي لا تمثل بأي شكل من الأشكال القوة الثورة وهم لا يمثلون إلا أنفسهم».
وان الحركة الشعبية وحركات دارفور خطان متوازيان
وحركات دارفور ما عندها قوة عشان تفرض شي علي المجتمع الدولي ، إذن لا مفر غير الرجوع لامبيكي .
تحياتي
|
Post: #25
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-29-2016, 12:53 PM
Parent: #24
Quote:
إن القوى السياسية والشخصيات التي شاركت في الحوار تمثيل انفرادي «ان الحركة العدل والمساواة والتحرير مناوي لا تمثل بأي شكل من الأشكال القوة الثورة وهم لا يمثلون إلا أنفسهم».
وان الحركة الشعبية وحركات دارفور خطان متوازيان
وحركات دارفور ما عندها قوة عشان تفرض شي علي المجتمع الدولي ، إذن لا مفر غير الرجوع لامبيكي . |
سلامات
صديق حماد
يااخي إعتقد خانك التعبير في كلامك دا يااخي القوي السياسية الشخصيات وحركات الثورية الشاركت في اديس ابابا رغم اختلافك معهم يمثلون احزابهم وجهاتم ولا يمثلون انفسهم يا اخي كما ذكرت انت .
اما كلامك عن حركات دارفور ماعندها القوة عشان تفرض علي المجتمع الدولي اقول ليك المجتمع الدولي لا يستطيع حل المشكلة السودانية ومشكلة دارفور بعزل حركات دارفور لان هذه الحركات فرضت نفسها علي الحكومة وعلي المجتمع الدولي والدليل رفضها التوقيع علي خارطة الطريق مع الحكومة .
الحكومة ومبيكي هما في مأزق الآن بعد ان رفض المشاركون في اديس ابابا التوقيع علي خارطة الطريق.
|
Post: #28
Title: Re: حديث الدكتور. جِبْرِيل ابراهيم – حول أسبا
Author: Sediq Hamad
Date: 03-30-2016, 01:12 AM
Parent: #25
اخي العزيز انا لا اختلف مع اي شخص ولا مع اي حركة انا عبرت عن الواقع
طيب اين التمثيل بعد التشرذم والانقسامات حتي علي مستوي الأحزاب ناهيك من الحركات المسلحه
اقول ليك كلام الحركات بقت أفراد .
|
Post: #18
Title: Re: حديث الدكتور. جِبْرِيل ابراهيم – حول أسبا
Author: خالد المبارك
Date: 03-26-2016, 05:44 PM
Parent: #10
التطبيل للحركات المسلحة هو الذي اوصلها الى هذا المستنقع
مشكلة الحركات المسلحة انو كل اعلامها يطبل و لا يقول الحقيقة
الى ان وصلت الاحلام الى حد المستحيل و نقطة العودة المؤلمة
مال الحركات المسلحة و مال قضايا السودان و لماذا تنصب من نفسها مفاوضا و متحدثا باسم الشعب ؟
لماذا ترفض الجلوس للتفاوض بخصوص المنطقتين و تصر على ان يكون التفاوض بشأن السودان ككل ؟
الا يعد الحوار الوطني الخيار الافضل للنقاش حول قضايا السودان الشاملة
و اذا افترضنا ان الحكومة قبلت ان يكون التفاوض حول القضايا الكبرى الشاملة مع الحركات المسلحة هل ستوافق الاخيرة على
مشاركة كافة قطاعات الشعب في التفاوض سيما وان التفاوض يهم الجميع ؟
لماذا تسعى الحركات المسلحة لمناقشة قضايا الشعب بمعزل عن المكونات الاخرى ؟ و لماذا تريد ان يكون الحل الشامل رهين
بالاملاءات و الشروط ذات المصالح الضيقة ؟
لا يخفى على عاقل المماحكات و المماطلة التي تصدر من جانب الحركات المسلحة و التي هي الغرض الرئيس منها الابقاء على المكاسب المادية
و المصالح الشخصية الضيقة التي يتلقاها بعض اعضاؤها المتنفذين من المنظمات الدولية التي تتاجر باسم الشعب السوداني و تتلقى بدورها تبرعات سخية من قبل
المجتمع الدولي و المؤسسات المالية
الم نقل لكم من قبل بأن الحوار الوطني سيسقط ورقة التوت عن الممانعين ؟؟
|
Post: #20
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-26-2016, 11:02 PM
Parent: #18
Quote:
التطبيل للحركات المسلحة هو الذي اوصلها الى هذا المستنقع
مشكلة الحركات المسلحة انو كل اعلامها يطبل و لا يقول الحقيقة
الى ان وصلت الاحلام الى حد المستحيل و نقطة العودة المؤلمة
مال الحركات المسلحة و مال قضايا السودان و لماذا تنصب من نفسها مفاوضا و متحدثا باسم الشعب ؟
لماذا ترفض الجلوس للتفاوض بخصوص المنطقتين و تصر على ان يكون التفاوض بشأن السودان ككل ؟
الا يعد الحوار الوطني الخيار الافضل للنقاش حول قضايا السودان الشاملة
و اذا افترضنا ان الحكومة قبلت ان يكون التفاوض حول القضايا الكبرى الشاملة مع الحركات المسلحة هل ستوافق الاخيرة على
مشاركة كافة قطاعات الشعب في التفاوض سيما وان التفاوض يهم الجميع ؟
لماذا تسعى الحركات المسلحة لمناقشة قضايا الشعب بمعزل عن المكونات الاخرى ؟ و لماذا تريد ان يكون الحل الشامل رهين
بالاملاءات و الشروط ذات المصالح الضيقة ؟
لا يخفى على عاقل المماحكات و المماطلة التي تصدر من جانب الحركات المسلحة و التي هي الغرض الرئيس منها الابقاء على المكاسب المادية
و المصالح الشخصية الضيقة التي يتلقاها بعض اعضاؤها المتنفذين من المنظمات الدولية التي تتاجر باسم الشعب السوداني و تتلقى بدورها تبرعات سخية من قبل
المجتمع الدولي و المؤسسات المالية
الم نقل لكم من قبل بأن الحوار الوطني سيسقط ورقة التوت عن الممانعين ؟؟ |
سلامات
خالد المبارك
الحركات المسلحة لم تحمل السلاح حبآ في الموت لكن الحكومة هي دعتهم والاجبرتهم ليحملو السلاح وكان خطاب الرئيس عمر المطالب جنائيآ واضح عندما قال في العز النهار (نحن جئنا الي السلطة بالسلاح والداير يشيلنا عليه أن يحمل السلاح )وانا ما عارف ليه مطبلاتية الحكومة واعلامها دائما لا يذكرو الحقيقة بان حكومة المؤتمر الوطني هي سبب الموت والدمار الحاصل في السودان.
بعدين مين الطلب من عمر البشير بان يقوم بإنقلاب ويفرض نفسه علي الشعب السوداني حتي يفصل جزء عزيز من السودان لاسباب عنصرية يقتل ويشرد الاف في دارفور وهذا باعتراف عمر البشير شخصيآ .
وعن اي حوار تتحدث يارجل عمر البشير ختاها واضح (نحن جئنا الي السلطة بالسلاح والداير يشيلنا عليه أن يحمل السلاح ) اذا فعلآ الحكومة تريد الحوار لمصلحة السودان عليها بالآتي تعترف الحكومة باغتصابها للسلطة وتعترف بجرائمها ضد الشعب السوداني وتحاكم الناس الارتكبت الجرائم في دارفور وتسليم المجرمين المطلوبين للمحكمة الجنائية وتعترف انو الناس الحملوا ديل رفعوا السلاح عشان عندهم قضية عادلة ويفكك الاجهزة الامنية ويطلق سراح المعتقلين واطلاق الحريات وشوف بعد داك لو حركة مسلحة ولا غير مسلحة ولا اي معارض يرفض الحوار.
المنتفعين والمطبلاتية في الاعلام الحكومة لا ينظرون لمصلحة السودان ينظرون لمصالحهم فقط لذلك تجدهم يدافعون عن الحكومة ولا يرون مظالم الشعب .
|
Post: #22
Title: Re: حديث الدكتور. جِبْرِيل ابراهيم – حول أسبا
Author: سيف الدين بابكر
Date: 03-26-2016, 11:53 PM
Parent: #20
|
Post: #23
Title: Re: حديث الدكتور. جِبْرِيل ابراهيم – حول أسبا
Author: Salah Zubeir
Date: 03-28-2016, 07:46 PM
Parent: #22
Quote: ﻳﻘﻮﻝ ﺍﻟﻠﻪ ﺗﻌﺎﻟﻲ ( ﺇِﻥَّ ﺍﻟﻠَّﻪَ ﻳُﺪَﺍﻓِﻊُ ﻋَﻦِ ﺍﻟَّﺬِﻳﻦَ ﺁﻣَﻨُﻮﺍ ﺇِﻥَّ ﺍﻟﻠَّﻪَ ﻟَﺎ ﻳُﺤِﺐُّ ﻛُﻞَّ ﺧَﻮَّﺍﻥٍ ﻛَﻔُﻮﺭٍ ) ﺻﺪﻕ ﺍﻟﻠﻪ ﺍﻟﻌﻈﻴﻢ
ﺍﻟﻤﻮﺍﻃﻨﻮﻥ ﺍﻟﺸﺮﻓﺎﺀ
ﻻ ﺷﻚ ﺃﻧﻜﻢ ﺗﺎﺑﻌﺘﻢ ﺍﻟﺠﺮﺍﺋﻢ ﺍﻟﺘﻲ ﻳﺮﺗﻜﺒﻬﺎ ﺍﻟﻤﺘﻤﺮﺩﻭﻥ ﻓﻲ ﺟﻨﻮﺏ ﻛﺮﺩﻓﺎﻥ ﺑﺤﻖ ﺍﻟﻮﻃﻦ ﻭﺍﻟﻤﻮﺍﻃﻨﻴﻦ ﺍﻷﺑﺮﻳﺎﺀ ﻋﺒﺮ ﺍﻟﻌﻤﻠﻴﺎﺕ
ﺍﻟﺠﺒﺎﻧﺔ ﺍﻟﺘﻲ ﺗﺴﺘﻬﺪﻑ ﺣﻴﺎﺓ ﺍﻟﻤﺪﻧﻴﻴﻦ ﺍﻟﻌﺰّﻝ ﻣﻦ ﺧﻼﻝ ﻗﻄﻊ ﺍﻟﻄﺮﻕ ﻭﺧﻄﻒ ﺍﻷﺑﺮﻳﺎﺀ ﻭﺗﻘﻴﻴﺪ ﺣﺮﻛﺔ ﺍﻟﻤﻮﺍﻃﻨﻴﻦ ﻭﺳﺮﻗﺔ
ﻣﻤﺘﻠﻜﺎﺗﻬﻢ ﻭﻣﻮﺍﺷﻴﻬﻢ ، ﻭﻧﻬﺐ ﺍﻷﺳﻮﺍﻕ ، ﻓﻀﻼً ﻋﻦ ﺍﻋﺘﺪﺍﺀﺍﺗﻬﺎ ﺍﻟﻤﺘﻜﺮﺭﺓ ﻋﻠﻰ ﻣﻮﺍﻗﻊ ﺍﻟﻘﻮﺍﺕ ﺍﻟﻤﺴﻠﺤﺔ ﻭﻗﺼﻒ ﺍﻟﻘﺮﻯ ﻭﺍﻟﻤﺪﻥ ﺍﻵﻣﻨﺔ .
ﺗﺄﺗﻲ ﻫﺬﻩ ﺍﻟﻤﻤﺎﺭﺳﺎﺕ ﺍﻟﺨﺮﻗﺎﺀ ﻟﺘﺘﻤﺎﻫﻰ ﺗﻤﺎﻣﺎً ﻣﻊ ﺗﻮﺟﻬﺎﺕ ﻗﺎﺩﺓ ﺍﻟﺘﻤﺮﺩ ﻭﻣﻮﺍﻗﻔﻬﻢ ﺍﻟﻤﺨﺰﻳﺔ ، ﻭﺭﻓﻀﻬﻢ ﻟﻜﻞ ﺍﻟﻤﺒﺎﺩﺭﺍﺕ
ﺍﻟﺘﻲ ﻗُﺪﻣﺖ ﻭﺍﻟﺠﻬﻮﺩ ﺍﻟﺘﻲ ﺑُﺬﻟﺖ ﻟﺘﺤﻘﻴﻖ ﺍﻟﺴﻼﻡ ﻭﻭﻗﻒ ﺍﻟﺤﺮﺏ ، ﻭﺍﻟﺘﻲ ﻛﺎﻥ ﺃﺧﺮﻫﺎ ﺭﻓﺾ ﺍﻟﺘﻮﻗﻴﻊ ﻋﻠﻰ ﺧﺎﺭﻃﺔ
ﺍﻟﻄﺮﻳﻖ ﺍﻟﺘﻲ ﻗﺪﻣﺘﻬﺎ ﺍﻟﻮﺳﺎﻃﺔ ﺍﻷﻓﺮﻳﻘﻴﺔ ﺍﻷﺳﺒﻮﻉ ﺍﻟﻤﺎﺿﻲ .
ﻓﻲ ﻇﻞ ﻫﺬﻩ ﺍﻟﻮﻗﺎﺋﻊ ﻭﺍﻟﻤﻌﻄﻴﺎﺕ ﻟﻢ ﻳﺒﻖ ﺃﻣﺎﻡ # ﺍﻟﻘﻮﺍﺕ _ﺍﻟﻤﺴﻠﺤﺔ ﺇﻻ ﺃﻥ ﺗﻨﻬﺾ ﺑﺄﻋﺒﺎﺋﻬﺎ ﺍﻟﻮﻃﻨﻴﺔ ، ﻭﺗﻤﺎﺭﺱ
ﻭﺍﺟﺒﺎﺗﻬﺎ ﺍﻟﺪﺳﺘﻮﺭﻳﺔ ﻓﻲ ﺍﻟﺘﺼﺪﻱ ﻟﻠﻤﺘﺮﺑﺼﻴﻦ ﻭﺗﺪﻣﻴﺮ ﺃﻭﻛﺎﺭ ﺍﻟﻤﺠﺮﻣﻴﻦ ، ﻭﺗﻀﻊ ﺣﺪﺍً ﻟﻤﻌﺎﻧﺎﺓ ﺍﻟﻮﻃﻦ ﻭ ﺍﻟﻤﻮﺍﻃﻨﻴﻦ ،
ﻓﻌﻘﺪﺕ ﻋﺰﻣﻬﺎ ﻭﺃﻧﻄﻠﻘﺖ ﻓﻲ ﻋﺪﺓ ﻣﺤﺎﻭﺭ ﻣﻨﺬ ﻣﻄﻠﻊ ﻫﺬﺍ ﺍﻷﺳﺒﻮﻉ ، ﻓﻘﺎﻣﺖ ﺑﺘﺤﺮﻳﺮ ﻭﺗﻄﻬﻴﺮ ﻋﺪﺩ ﻣﻦ ﺍﻟﻤﻨﺎﻃﻖ
ﻭﺍﻟﻤﻮﺍﻗﻊ ﺍﻟﻤﻬﻤﺔ ﻓﻲ ﺟﻨﻮﺏ ﻛﺮﺩﻓﺎﻥ ﻫﻲ : ﻣَﺎﺭِﺩﻳﺲ ، ﺍﻟﻠَّﺒُــﻮ ، ﻛُـَّﺘﻦ ، ﻋَـﻘَــﺐْ ﻭ ﻛَــْﺮﻛَــَﺮﺍﻳﺔ ﺍﻟﺒﻴﻴﺮﺍ .
ﻭﻛﺒﺪﺕ ﺍﻟﻤﺘﻤﺮﺩﻳﻦ ﺧﺴﺎﺋﺮ ﻛﺒﻴﺮﺓ ﻓﻲ ﺍﻷﺭﻭﺍﺡ ﻭﺍﻟﻌﺘﺎﺩ ﻳﺠـــــﺮﻱ ﺣﺼــــﺮﻫﺎ ، ﻭﻓﺮّﺕ ﻓﻠــﻮﻟﻬـــﻢ
ﺗﺠﺮﺟﺮ ﺃﺫﻳﺎﻝ ﺍﻟﺨﻴﺒﺔ ، ﻭﺃﺣﺘﺴﺒﺖ ﻗﻮﺍﺗﻨﺎ ﺑﻌﺾ ﺍﻟﺸﻬﺪﺍﺀ ﻭﺍﻟﺠﺮﺣﻰ ..
ﺇﻥ ﺍﻟﻘﻮﺍﺕ ﺍﻟﻤﺴﻠﺤﺔ ﺇﺫ ﺗﺰﻑ ﺍﻟﺒﺸﺮﻯ ﻟﻠﻤﻮﺍﻃﻨﻴﻦ ﺑﻬﺬﻩ ﺍﻹﻧﺘﺼﺎﺭﺍﺕ ﺍﻟﻤﻬﻤﺔ ، ﺗﺠﺪﺩ ﻋﻬﺪﻫﺎ ﻣﻊ ﺍﻟﻠﻪ ﻭﺍﻟﻮﻃﻦ
ﺃﻥ ﺗﻤﻀﻰ ﻭﺍﺛﻘﺔ ﻧﺤﻮ ﺃﻫﺪﺍﻓﻬﺎ ﺍﻟﻤﺨﻄﻄﺔ ، ﻣﺴﻨﻮﺩﺓ ﺑﻨﺼﺮ ﺍﻟﻠﻪ ﻭﺇﺭﺍﺩﺓ ﺍﻟﺸﻌﺐ ، ﺗﺤﻔﺰﻫﺎ ﺍﻟﺮﻏﺒﺔ ﺍﻟﺠﺎﻣﺤﺔ
ﻟﻠﻤﻮﺍﻃﻨﻴﻦ ﻓﻲ ﺗﺤﻘﻴﻖ ﺍﻷﻣﻦ ﻭﺍﻟﺴﻼﻡ ﻓﻲ ﺭﺑﻮﻉ ﺍﻟﺒﻼﺩ ، ﻭﺗﺪﻋﻮ ﻛﺎﻓﺔ ﺍﻟﻤﺘﻤﺮﺩﻳﻦ ﻭﺣﻤﻠﺔ ﺍﻟﺴﻼﺡ ﻟﻼﺳﺘﺠﺎﺑﺔ
ﻟﻨﺪﺍﺀ ﺍﻟﺴﻼﻡ ﻭﺗﺠﺎﻭﺯ ﺍﻟﻘﻴﺎﺩﺍﺕ ﺍﻟﺘﻲ ﺃﺩﻣﻨﺖ ﺍﻟﺤﺮﺏ ﻭﺃﺳﺘﻤﺮﺍﺕ ﺍﻟﻤﺴﺎﻭﻣﺔ ﻭﺍﻹﻓﺘﺌﺎﺕ ﻋﻠﻰ ﻣﻌﺎﻧﺎﺓ ﺍﻟﻤﻮﺍﻃﻨﻴﻦ ﻭﺃﻭﺟﺎﻋﻬﻢ .
ﺍﻟﻠﻪ ﺃﻛﺒﺮ ﻭﻣﺎ ﺍﻟﻨﺼﺮ ﺇﻻ ﻣﻦ ﻋﻨﺪ ﺍﻟﻠﻪ
ﻋﻤﻴﺪ ﺩﻛﺘﻮﺭ /
ﺃﺣﻤـﺪ ﺧﻠﻴﻔـﺔ ﺃﺣﻤﺪ ﺍﻟﺸﺎﻣـﻲ
ﺍﻟﻨﺎﻃﻖ ﺍﻟﺮﺳﻤﻲ ﺑﺈﺳﻢ ﺍﻟﻘﻮﺍﺕ ﺍﻟﻤﺴﻠﺤﺔ |
أخونا محمد نور ,,,,,
قول واحد ,,,,,,,,
تحياتي
|
Post: #26
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-29-2016, 01:17 PM
Parent: #23
Quote: أخونا محمد نور ,,,,,
قول واحد ,,,,,,,, |
اوكي في انتظار المزيد من الترديد لفرفرة المذبوح
تحياتي
|
Post: #27
Title: Re: حديث الدكتور. جِبْرِيل ابراهيم – حول أسبا
Author: محمد نور عودو
Date: 03-29-2016, 02:20 PM
Parent: #22
شكرآ علي المرور سيف الدين بابكر
|
|