خُــــتْ فيِ بَالك شريط أخدررررررررررررر!

01:40 AM March, 17 2016

سودانيز اون لاين
آدم صيام-Hong Kong
مكتبتى
رابط مختصر

خُــــتْ فيِ بَالك شريط أخدررررررررررررر!

--الخرطوم: مصعب محمدعلي

يبدو أن شباب الشريط الأخضر، قد يمموا وجهتم شطر قول الشاعر.. عاطف خيري الذي قال (أنا ليه تجينى الموية حفيانة

وأدنقر ألبِّسا في شبط أخضر

وأبيت مبلول.. وأصلِّح فى الرباط

أنا ليه شبابيك البيوت الواجمة.. والناس البُساط)، ويبدو أن هؤلاء الشباب قد فتنهم سيناريو اليابسة، وسارعوا وقرروا لبس الرباط الأخضر تعبيراً عن رفضهم لعدد من الأشياء.. فحسب ما قالت اشتياق الكناني- وهي عضو المجموعة- إن الشريط الأخضر يهدف إلى تغير الجوانب السلبية ويذكر أن مشروع لخلق الوعي بالحقوق والواجبات،

وأن الجميع شركاء في الوطن، وفي حال رأوا اي نوع من المشاكل البيئية أو الاقتصادية، سيكون لبس الشريط الأخضر أداة من أدوات التعبير.. وأضافت إذا شعرت بأن هناك أزمة خانقة في المواصلات، أو أن هناك أوساخاً، وفي حال انقطع التيار الكهربائي أو غلاء الأسعار، وعدت أن اللون الأخضر يرمز الى التقارب الوجداني بين الناس، في حال رفضهم أو محبتهم لأمر ما، مشيرة الى أن الأخضر لا يعني الرفض فقط، في السودان الكثير من الإيجابيات التي تستدعي توحد الناس حولها، والمسارعة بتبنيها.

مشروع الشريط الأخضر انتشر وسط عدد من الشباب الآن في الخرطوم، حسام حمد النيل أحد الذين تبنوا مشروع الشريط الأخضر قال لنا: (أتمنى أشوف الخرطوم كلها خضراء.. الخضرة رمز من رموز وجماليات الإنسان السوداني، السودانيون حسب حسام لم يتوحدوا تحت اي شعار سياسياً كان أو ثقافياً، فقد أصبحنا فرقاء في أكثر من قضية، حسام أضاف أنظر الى المناقشات الطويلة والممتدة حول الهوية، والتي لم تحسم بعد، أنظر الى الكرة السودانية، هلال مريخ، وكيف أن الألوان جمعت وفرقت، لكن اللون الأخضر هو الوحيد الذي يمكن أن يشكل لنا رمزاً وطنيا، فهو متبوع بالماء ومشفوع بالخضرة). إلا أن هناك من يرى غير ذلك، مثل مهند حسين والذي قال: سبق وأن فكر الناس في اللون البرتقالي، ولم تنجح الفكرة، رغم أن دافعها جيد.

الصادق يس: عندما سألناه عن هذا المشروع قال: صعب أن يتوحد الناس حول مشروع فكري أو إنساني، لأن الاختلاف سمة من سمات البشرية، كما يرى أن مثل هذه المشاريع، لا يمكن أن تستمر، وماهي إلا إنفعال مؤقت.

-

كفاح اللاعنف

لناس البتسال عن الفكره

الفكره بسيط وساهل وغير مكلفه

اذا قلنا للناس اطلع الشارع في مظاهرات عشان تعبر عن رايك

حتلقي زول خاف ما حيطلع معاك

وفي زول تاني شغال مافاضي ليك لنو شغلو رزق اليوم باليوم ولو ما اشتغل م بجيب اكل لاولادو

وفي زول تاني كسلان وحاسي انو م دام في ناس بطلعو مظاهر وهم يعبر عن رايو نيابه عنو

عشان كده فكرة الشريط الاخضر جات

عبر عن رايك في رفض الظلم وغلاء المعيشه وسوء الخدمات

البس شريط اخضر ولمن كلنا نلبس شريط اخضر بنلقي نفسنا كتار وبتكون عندنا ثقه في بعض وبكون كتار لنو الشعب كلو بعاني

وممكن نعمل اي حاجه دايرنها

ومرات بنقيف عند اعماقنا وبنطرح سؤال مسئول جدا وبنقول ممكن نحن نقدر نكون اصحاب فعل حقيقي وبخاطب همنا العام المشترك ومرات اكتر بنقعد نتسائل ياربي الناس الماشة دي كلها حاسة بالانا بحسه بنقوم بنلقي اجابات للاسئلة دي اغلبها بكون محبط وغالبا بنسكت على الوجعة وما بنقولها

ببساطة فكرنا وصدقه في لحظة زي دي بجي زول بصحي فيك الاسئلة دي بقول ليك انا بفكر زيك بحس زيك ومحتاجين انا وانت وكتيرين جدا نرسم خط تالت نتلاقي فيه عشان وجعتنا الواحدة دي لو حسينا بيها ورفعنا معدل تفاؤلنا وتفاعلنا مع بعض حنستمر وحنصل الان خلونا نلبس شريط اخضر لو عندنا حلم مات لو المواصلات متعبانا لو القمامة الجنب كل ركن مسببة لينا الم اضافي لو العطالة بتجرحنا كل يوم ونحن حاسين بالعجز لو هم التفكير من قومة صباح لي اخر الليل في الدبار حق العيش المرض الحبوبه كملت وعلاجه نقص فطور الصغار كل تفصيلة بتنقص من فرحتنا يوميا وبتزيد في عمر وجعنا سنين نلبس الشريط الاخضر ولمن نتلاقي حتي من بعيد ارفع لي يدك وابتسم عشان احس انه انا وانت وغيرنا همنا واحد وبعدها بنقدر نلم الهم دا ونواجه بالطريقة الحنتفق عليها كلنا وما صعب لانه الانسان هو القادر يخلق شكل حياته زي ما بحب-

ببساطة فكرنا وصدقه في لحظة زي دي بجي زول بصحي فيك الاسئلة دي بقول ليك انا بفكر زيك بحس زيك ومحتاجين انا وانت وكتيرين جدا نرسم خط تالت نتلاقي فيه عشان وجعتنا الواحدة دي لو حسينا بيها ورفعنا معدل تفاؤلنا وتفاعلنا مع بعض حنستمر وحنصل الان خلونا نلبس شريط اخضر لو عندنا حلم مات لو المواصلات متعبانا لو القمامة الجنب كل ركن مسببة لينا الم اضافي لو العطالة بتجرحنا كل يوم ونحن حاسين بالعجز لو هم التفكير من قومة صباح لي اخر الليل في الدبار حق العيش المرض الحبوبه كملت وعلاجه نقص فطور الصغار كل تفصيلة بتنقص من فرحتنا يوميا وبتزيد في عمر وجعنا سنين نلبس الشريط الاخضر ولمن نتلاقي حتي من بعيد ارفع لي يدك وابتسم عشان احس انه انا وانت وغيرنا همنا واحد وبعدها بنقدر نلم الهم دا ونواجه بالطريقة الحنتفق عليها كلنا وما صعب لانه الانسان هو القادر يخلق شكل حياته زي ما بحب-

الشعــــــــــــــــــــب المعلّــــــــــــــــــم

(أنا ليه تجينى الموية حفيانة

وأدنقر ألبِّسا في شبط أخضر

وأبيت مبلول.. وأصلِّح فى الرباط

صدقوني!

قريبا سيلبس كل أعضاء البرطمان زاتو شريط أخدررر

إنت بشيل صبر بسسسسس