Post: #1
Title: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-03-2016, 08:29 AM
Parent: #0
07:29 AM March, 03 2016 سودانيز اون لاين
عبدالحفيظ ابوسن-كوستي / الحلة الجديدة
مكتبتى
رابط مختصر الاعتذار ثانيا للعزيز ودالمدير ما داير اداقرو في بوستيهو والاعتذار اولا لروح المرحوم وردي و اسماعيل حسن وثالثا لمعجبي وردي
|
Post: #2
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-03-2016, 08:47 AM
Parent: #1
كان عندي عربية كورلا سوداء موديل 96 اتوكأ عليها واهش بها علي غنمي ولي فيها مآرب اخري ! مآرب حسنة !العربات السوداء ارخص من البيضاء ولو تطابقت .. ما تعرفها ارخص ليه .. الا تخش جواها والدنيا صيف .. كأنك خاشي فرن .. الدركسون الا تمسكو بي قطعة قماش ويستحسن تكون مبللة ! ترخيصها الخرطوم ! والترخيص براهو مقيم .. ترخيص الخرطوم افضل .. ممكن ترخص برة الخرطوم لكن ينجضوك نجاض تتمني لو مشيت الخرطوم .. وما بدوك بطاقة رغم انو المرور مربوط بي شبكة وسيارتي ! بتذكرني عربية محمد عبدالله الريح الحاكا بيها معلقة عنترة بوصل بيها العيال المدارس واقضي مشاوير المدام بي الليل بعد الواطة تبرد بناتي لو ماشات مشوار المغرب لازم يشيلو معاهم ملاية يفرشوها للمقاعد .. قالوا بتوسخهم .. ولامن حنبكت خلو الملاية وبقا يقيفو جوة العربية بدون قعاد اها العربية سعرها ماكان كتير .. لكن ترخيصها الكتير .. رخصتها اول سنة وغيرت الملكية .. وتاني جليتها .. لانو ترخيص عشرة سنوات متتابعات بجيبن سعرها اها شغال زوغانات .. اصلو ما انقبضت .. وخربت سواقتي .. اكون سايق وبعاين ابعد من طريقي .. والله مرة لفيت من الشارع ودخلت في حفر ووو واكتشفت بعد داك الانا شفتو ما كان بوليس حركة .. حفاظة موية كبيرة بيضا مختوتة في تربيزة كسبيل اما احمد الله عربيتي دي اصلها ما قابلت بوليس حركة بي وشها .. وانا زاتي والله بقيت لامن اكون ماشي بي كرعيني لو شفت بوليس حركة بزوغ
|
Post: #3
Title: Re: يا الرخصوك وانت ما بتعرف صليحك من عدوك
Author: معاوية الزبير
Date: 03-03-2016, 09:07 AM
Parent: #2
لقيت مكالمتك يا حبيبيسأل منك الخير (كوشه)
|
Post: #4
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-03-2016, 09:23 AM
Parent: #3
ناس المرور عندهم استيكر بلصقو ليك في القزاز الامامي .. وبعد يلصقو بفترضو فيك سؤ النية بقومو يجرحو بالموس عشان ما تشيلو وتركبو لي عربية ما مرخصةالاستيكر دة عشان ما يوقفوك في الحملات والكشات .. ظاهر من بعيد وسنويا بغيرو لونو .. وبعد دة بوقفوك ما بتعدم ليك مخالفة .. قزاز مشقوق ولا خطر ما شغال ولا لابس سفنجة او رخصتك او تظليل .. صعب تمرق ساي لو قصدوك المخالفة مرات تقديرية ادني فئة 50 ج لو اتلاطعت بلحقوك اتنين تلاتة .. يعني عملت فيها فاهم وعارف السيناريو كدة يوقفك وانت تحنسو وتشكر مجهودو وتكبده المشاق في الحر دي
|
Post: #5
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-03-2016, 10:00 AM
Parent: #4
اي عربية تكون ماشة لازم تكون مرخصة ترخيص ساري .. والترخيص سنويااول خطوات الترخيص الفحص الالي وهو لا يتبع للشرطة .. بل شركة خاصة قالوا حقت منو كدة من الجماعة .. عشان ما اجيب اسمو ويطالبوني بالمصدر والاثباتات والذي منو وجيب الكلمك وكدة اها طوالي محل الفحص الالي دة بتلقا ميكانيكي بي شنطة .. كهربجي بي شنطة .. والفحص للفرامل والضراعات الباقي شوف ساي يعني فحص نظري ! بالنظر تمرق ساقط يلقاك ميكنيكي برة .. اها مالك فرامل بسيطة اقعد تقعد تشرب شاي مع ست الشاي وهو يظبط ليك الفرملة اسمع دوسها مرة واحدة شديد للصاجة .. ما تكبس ليها والدفع بعد اجتياز الامتحان يعني لازم تنجح في الفحص الالي والفحص بالنظر !
|
Post: #6
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-03-2016, 10:20 AM
Parent: #5
اها ن ب ترخيص كوستي النيل الابيض .. حسب كلام السماسرة ما مرغوب .. ما مرغوب دي يعني شنو ما تفهم .. مزور .. ولا بتزور ولا ناس كوستي بنجضوك لو جيت ترخص المهم يقول ليك ن ب دي ما مرغوبة عربية شاذة ترخيصها الخرطوم وهو بعرض ليها في محاسنها ! شاذة دي لغة سماسرة يعني كويس ياخ واحسن من الكويسة
|
Post: #7
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-03-2016, 10:29 AM
شوارع المدن ما زي حقت القريوفي المدن كوستي مازي الخرطوم والخرطوم مازي بورسودان وهكذا دواليك ! يعني هل في رخص محددة للسير في اماكن محددة ولا كيف يعني زي حقت عدا اسرائيل ! ديييييك ! يسمح له بقيادة نفسه عدا السير في الزلط ولا رخصة القرية تاخد كورس بي قروش وبدل خاصة يسمحو ليك بالسير في المدن اها الخرطوم دي براها لازمن يكون عندك رخصة عامة وشهادة سكن تلقا بوليس الحركة واقف في المدخل يفتش في الرخص .. الماعندو رخصة عامة وشهادة سكن يرجع بس
|
Post: #8
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-03-2016, 10:51 AM
Parent: #7
يقول ليك العروس شاذة واول ترخيص .. ترخيص الخرطوم يعني اقعها ساي
|
Post: #9
Title: Re: يا الرخصوك وانت ما بتعرف صليحك من عدوك
Author: عمر دهب
Date: 03-03-2016, 12:12 PM
Parent: #8
يا ابوسن الله معاكمالجماعه ديل غايتو علموكم الصبر
|
Post: #10
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-03-2016, 02:10 PM
Parent: #9
كيفك معاوية ضربت ليك واصريت ولكن لعلك لا تزال !
|
Post: #14
Title: Re: يا الرخصوك وانت ما بتعرف صليحك من عدوك
Author: muntasir
Date: 03-03-2016, 02:30 PM
Parent: #10
ابو سن والله اليقول لي العروس شاذة أخش ليه في بطنوا
|
Post: #11
Title: Re: يا الرخصوك وانت ما بتعرف صليحك من عدوك
Author: جمال الباقر
Date: 03-03-2016, 02:12 PM
Parent: #9
| Quote: واكتشفت بعد داك الانا شفتو ما كان بوليس حركة .. حفاظة موية كبيرة بيضا مختوتة في تربيزة كسبيل |
تصدق حنيت عليك
|
Post: #12
Title: Re: يا الرخصوك وانت ما بتعرف صليحك من عدوك
Author: aydaroos
Date: 03-03-2016, 02:23 PM
Parent: #11
| Quote: اها شغال زوغانات .. اصلو ما انقبضت .. وخربت سواقتي .. اكون سايق وبعاين ابعد من طريقي .. والله مرة لفيت من الشارع ودخلت في حفر ووو واكتشفت بعد داك الانا شفتو ما كان بوليس حركة .. حفاظة موية كبيرة بيضا مختوتة في تربيزة كسبيل |
| Quote: وانا زاتي والله بقيت لامن اكون ماشي بي كرعيني لو شفت بوليس حركة بزوغ |
تحياتي يا ود اب سن وشكراً على الإبهاج
|
Post: #13
Title: Re: يا الرخصوك وانت ما بتعرف صليحك من عدوك
Author: أحمد الشايقي
Date: 03-03-2016, 02:28 PM
Parent: #11
شكرا يا بوسن يقولون الجاتك في مالك سامحتك والانقاذ جات للسودانيين في أموالهم أكتر مما جاتهم التركية فيها جبايات .. اقصد .. ابتلاءات ..
|
Post: #15
Title: Re: يا الرخصوك وانت ما بتعرف صليحك من عدوك
Author: علي دفع الله
Date: 03-03-2016, 03:02 PM
Parent: #13
هههههههههههههههههههههههههههههههههههههههههههههه يوميات زايغ من المرور ،،،،،اامس القريبة دي يا ابسن على الحلف كشحوني بي مخالفة خمسين جنيه ،، لقيتهم ليك حوالي الساعة تلاتة بعد الضهر ،، واقفين في نص الظلط وقف ،، وقفت رخصة استمارة كلو تمام ،، قال طفاية الحريق قلت ليه ما شايلها معاي ،،على طول شال الرخصة ومشى على عربية الصول لحقتو لقيتو عمل المخالفة على طول ،، لقيت نفسي بعرف الصول ،،قال لي يا اخي ما كان تجي قبل ما اطلع ليك المخالفة ،، ما رديت عليه شلت ورقققي ومخالفتي واتوكلت ،،، والله يا ابسن كان وقعت فيهم بلقوا فيك فرقة بلقوها ،،، الله لا كسبهم
|
Post: #16
Title: Re: يا الرخصوك وانت ما بتعرف صليحك من عدوك
Author: الفاضل يسن عثمان
Date: 03-03-2016, 10:25 PM
Parent: #15
والله يا علي دفع الله الصول اتغاتت عليك ، بس انت زاتك اتاخرت تركب خطراتك وتختصر الطريق وتلحقوا قبل العسكري الخمش رخصتك ولا ما دافع دي برضو . تحياتنا ودابوسن مستمتعون ودي قعدة. جنب علي دفع الله وود المدير واصل يا مبدع
|
Post: #17
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-04-2016, 04:31 AM
Parent: #16
هو جنس صبر يا عمر دهب لكن
|
Post: #18
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-04-2016, 04:40 AM
Parent: #17
هههه خليك انقاذي يا منتصرتعرف يا منص اول مرة سمعت عربية شاذة اندهشت لكن ما سألت ذكاوة مني ساي عرفت شاذة يعني حاجة كويسة جدا .. اها وقت بقت عقلية حكامنا زي عقلية سماسرة العربات وساوونا بي العربات .. لكن ياربي الاستيكر دة بدقو لينا وين .. عشان الواحد فينا ما كل مرة يوقفوهو ويعطلو اعمالو بعدينك ماتفهم الالفاظ فهم اخلاقي جنساني ياخ وماتسيطرعليك العقلية الذكورية . شاذة يعني سمحة لامن غلط ومؤدبة ومتعلمة وقنوعة وما بتدخن ولا بتاكل زيت خليك انقاذي وافهم مصطلحات الانقاذ لفظة عفن بقت يعني شفت ومقرم
|
Post: #19
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-04-2016, 05:28 AM
Parent: #18
والله يا جمال الباقر انا زاتي حنيت علي روحيوصرحت بيهو لاصحابي معقولة يكون مرقتي بالعربية لتوصيل اولادي للمدرسة والعودة انجاز .. تقزمت احلامنا حتي صارت الزوغة من بوليس الحركة انجاز لو شفتني سايق تضحك بس .. معسم في الدركسون لا بتلفت يمين ولا شمال .. رامي قدام ! قدام شديد ... وماتقول لي كوركت ليك ولا سلمت عليك وفتحت لي .. انا ما بسمع ولا بتلفت .. اقتصر نظري علي رؤية الابيض بس .. اي بشوف الناس دهمة بس بدون ملامح دة لي شنو !؟ عربية تمنها 9 مليون ترخصها كل سنة بي قريب 2 مليون ليه اصلو .. ناكل ولا نباري العربية
|
Post: #20
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-04-2016, 05:39 AM
Parent: #19
مرحب عيدروسيووت مبسوط
|
Post: #21
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-04-2016, 05:44 AM
Parent: #20
والله يا الباقر يا اخوي كما يقول شقيقي د. ابوبكرالجاتك في مالك ن..... ام اهلك نشيل الوراك والقدامك والقدام اهلك زاتهم في كل التاربخ الانساني منذ المشاعية البدائية وحتي تعفن الرأسمالية مافي نظام اسوأ من دة .. كون انو جمع كل تلك التماذج في تشويه لكل التركيبات حتي الدينية منها .. ولا خاف الله في زول ..
|
Post: #22
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-04-2016, 05:52 AM
Parent: #21
المرور نفت في تصريح مقتضب قالتما قلنا نكرتو حطب بكونو بفتشو في بدائل واحدة من شروط التقديم للعمل ان يكون حاصل علي رخصة مشي سارية لمدة عام . وشريطة ان تكون رخصة عامة تسمح له ان يقدل في الزلط
|
Post: #23
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-04-2016, 06:00 AM
Parent: #22
تعرف يا ود دفع الله شغلت اولادي معاي مراقبين وسواقين بالانابةوكانوا ذوي فائدة ومرقوني كم مرة لجودة نظرهم .. والعاجبني في ناس المرور هميمين بي شغلهم وما بجاملو !! ما تقول لي شايل معاك اطفال ولا طلبة .. تتلطع في السخانة دي ولا تدخل يدك في جيبك ! ماتقول لي لاحق الجرس .. انت مفروض تكون جاهز لو حريص علي تعليم اولادك ..! امممممك جابت ليها واو !! لكن حكمة الله العربات الجديدة ورقة دي ولا بوقفوها غايتو ما بعرف لكن اولادي بكرهوا شرطة المرور كره
|
Post: #24
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-04-2016, 07:21 AM
Parent: #23
يا الفاضل دة حنك نمل ! سايلو جاهو قبل يقبضو برضو كان الصول دفعو ياخ دة عمل منظم وفيهو خطط وتكتيكات مش لعب
|
Post: #25
Title: Re: يا الرخصوك وانت ما بتعرف صليحك من عدوك
Author: عبدالحفيظ ابوسن
Date: 03-04-2016, 07:29 AM
Parent: #24
بعد داك يعملو لينا دفع مقدم .. تشتري كم كيلومتر سيروالله كنت جاييك لكن باقي 34 كيلو وبيتك 5 كيلو ماشي وجاي 10 كيلو .. والدنيا اخر شهر لكن اوعدك اجيك مع اول الشهر .. والله مفروض امشي للوالد في البلد عشان الكوتة قربت ومفلس ما قدرت امشي يعني لو ساكن كوستي وداير تمشي مناسبة بورسودان الا تاخد سلفية يربطو لينا عدادات في الساق تحت .. وبعد شوية يظهروا فني تلاعب عدادات بالمناسبة شفت فلم امريكي قريب لي دة .. لكن بتاع عمر .. تشتري ايام لحياتك وتعيش قدر ما تقدر تشتري .. بواسطة بنوك ممكن تبيع من عمرك او تشتري
|
|