عمر دفع الله انت لاتعرف شئ عن فن الكاركاتير

06:56 AM February, 28 2016

سودانيز اون لاين
أيمن الحاج-
مكتبتى
رابط مختصر

الكاركاتير ليس مقال ولاقصة هو نبض يخرج من خلال الرسم
يستوحى منه المشاهد خلاصة ماتريد أن توصله للمشاهد ولكن مانشاهده قصة مكتوبة فيها الكثير
من الكلام الذي لايتسق مع فن الكاركاتير .
ارجوك دع كاركاتيرك ينبض بالحياة والحديث دون ان تحدثنا انت بمقال مكتوب !!!

كاركتير اليوم يا ايمن تابع لود ابو وما تلخبط الكيمان
وطبعاً لكل شيخ طريقة
وانا شايف عمر دفع الله من المقليين في التعليق على كركاتيرهم ومن الذين يجيدون استنطاق الرسم الكاركتيري

http://up.top4top.net/

Quote: كاركتير اليوم يا ايمن تابع لود ابو وما تلخبط الكيمان وطبعاً لكل شيخ طريقة وانا شايف عمر دفع الله من المقليين في التعليق على كركاتيرهم ومن الذين يجيدون استنطاق الرسم الكاركتيري

الاخ ابوروضة

اشكرك على التنبيه (أعتذر) للخلط ولكن حقيقة حتى عمر دفع الله ايضا

مكثر من الحديث فى الكاركاتير وحاولت مرات ان اثني نفسي عن التعليق

ولكن تجدني اليوم معلق على الكاركاتير نريد كاركاتير دون قصة مكتوبة

تعجبني كاركاتيرات فايز التى تكاد تخلو من الحديث وتؤدي رسالتها

التى رسمت من اجلها .

كراكاتيرات عمر دفع الله هي الأكثر انتشاراً اليوم في كل المواقع

ذلك لعمري ترموميتر نجاحها

Quote: عمر دفع الله انت لاتعرف شئ عن فن الكاركاتير

يا ايمن معقول يا اخي

يا أيمن .......عمر دفع الله ما فيهو كلام ........بداية عودة لعهد العظام في هذا المجال فى السودان...
لكن حقيقةً ...لو كنت مكان ود أبو ....كنت شفت لي شغلانة تانية أو ..........تعديل المسار ولإستفادة من النقد

http://up.top4top.net/
http://up.top4top.net/

Quote: كراكاتيرات عمر دفع الله هي الأكثر انتشاراً اليوم في كل المواقع ذلك لعمري ترموميتر نجاحها

الاخ محمد

نحن فى حاجة لنقد بناء لكاركاتير الاخ عمر بعيدا
العلاقات الشخصية وتبادل المصالح والمنافع .
نمشى لقدام

Quote: يا ايمن معقول يا اخي

الاخ عمر

اعتذر للخلط وارجوا ان يتسع صدرك للنقد

مودتي

Quote: يا أيمن .......عمر دفع الله ما فيهو كلام ........بداية عودة لعهد العظام في هذا المجال فى السودان... لكن حقيقةً ...لو كنت مكان ود أبو ....كنت شفت لي شغلانة تانية أو ..........تعديل المسار ولإستفادة من النقد

الاخ اسامة

جميل مرورك ووضوحك

ومن ظن انه علم فقد جهل

نعم لنقد كما قلت للبناء وليس للهدم .

مودتي

Quote: Quote: كاركتير اليوم يا ايمن تابع لود ابو وما تلخبط الكيمان وطبعاً لكل شيخ طريقة وانا شايف عمر دفع الله من المقليين في التعليق على كركاتيرهم ومن الذين يجيدون استنطاق الرسم الكاركتيري

ههههههه ما مشكلة الاسم

Quote: : يا ايمن معقول يا اخي الاخ عمر اعتذر للخلط وارجوا ان يتسع صدرك للنقد مودتي

والعلق ليك فوق ده برضو ما عمر دفع الله
ده علي دفع الله الشهير بكوهين
يا زول ركز شوية :)

الفنان عمر دفع الله مدرسة براها

كاركتيرات في الصميم

وكذلك ود أبو

الاثنين ديل عندهم رسالة واضحة وهي إسقاط النظام. يقولوها بكلام كثير أو من غير كلام ما فارقة معاهم. المهم الرسالة تصل. والرسالة من الواضح انها وصلت.

وزي ما الناس شايلة كلاش ضد النظام الاثنين ديل شايلين
ريشة، ريشة بس، لكنها أوجع للإنقاذ من الرصاص.

تحياتي للجميع

بصراحة جبتها واسعة يا أيمن
كنت متوقع تعتذر بعد ما قالوا ليك الرسم الفوق دا ما بتاع عمر دفع الله
على أساس انو البوست بتاعك قام بناء على الحاجة الفوق دي .. لكن
بعد ما عرفت تصر على انو دفع الله ما بعرف عن فن الكاركاتير فالمسألة
هنا شخصية وإنطباعية ما عايزة ليها كلام ..
عمر دفع الله من المجيدين لفن الكاركاتير ورسمة واحدة منه تغني عن مائة مقال
محشو بالأفكار وهذه لا يتنازع حولها متنازعان .. لكن ...
أحيانا يتناول الأمور من ناحية شخصية ويجنح للإنتقام الذاتي والتشفي من الآخر
ويجنح إلى الحدة والغلو والإبتزاز الفكري متجاهلا كون أن فن الكاركاتير رسالة
سامية لا مجال معها للإنطباعية والعواطف .. هذا هو عيبه الكبير كما أعتقد ..
أما من ناحية فنان فهو كذلك حتما ولابد.

Quote: ههههههه ما مشكلة الاسم

الاخ عبدالكريم

تسلم على المعنويات والمرور الجميل

Quote: والعلق ليك فوق ده برضو ما عمر دفع الله ده علي دفع الله الشهير بكوهين يا زول ركز شوية :)

أخوي محمد

مشكور ياحبيب انسان يخطي ويصيب ..تسلم

Quote: وكذلك ود أبو

والله يا سيف اليزل مع إحترامي وتقدير لوجهة نظرك
لكن المؤكد أنو الحاجة القاعد يعملا صاحبك الفوق دا ما عندها أية
علاقة بفن الكاركاتير اللهم إلا إجادته للرسم .. مع أن الكاركاتير
فكرة قبل أن يكون رسومات أنيقة .. ياخ بس أنظر للحاجة المعلقة
في رأس المنبر فوق دي وقول لي الفكرة واللا الطرفة الفيها شنو بالضبط ..
الطيب مصطفي كما هو معروف للقاصي والداني لا يخفي عنصريته منذ
عرف كأعلامي وهو يجاهر بذلك بمناسبة ودون مناسبة في كل الأوقات
والظروف .. وعندما إحتفل بانفصال الجنوب كانت الفكرة تجسيدا لمشاعره
السالبة نحو شعب الجنوب .. وعندما يقول ان الحركات المسلحة عنصرية
فهذا الأمر ليس جديدا ولا يحمل مفارقة أو تناقض في أقواله وأفعاله المعتادة
فما الذي قصده أخونا الفوق دا ؟؟؟ الله أعلم .. دا حتي انو ما في نكتة في الكلام
ولا طرفة في الرسمة .. معقول ياخ .؟؟؟

عندما يقول أن الحركات عنصرية فهذا فية جديد وليس كما تقول ليس فيه جديد
لأن المعروف بالعنصرية ويجاهر بها على الدوام هو الطيب مصطفى وليس الحركات....
كما يقول العرب رمتني بدائها وانسلت

يا أمير الطيب مصطفي مما عرفناهو قاعد يقول الحركات عنصرية
وبتعامل معاها قولا وفعلا على هذا الأساس .. أبدا ما جديدة عليهو ..
وللدقة في التوضيح هو أكتر واحد قاعد يلوك مفردة العنصرية دي
بمناسبة ودون مناسبة .. يبقي كلامو الفوق دا معروف سلفا قبل ما
يقولوا .

Quote: الفنان عمر دفع الله مدرسة براها كاركتيرات في الصميم وكذلك ود أبو الاثنين ديل عندهم رسالة واضحة وهي إسقاط النظام. يقولوها بكلام كثير أو من غير كلام ما فارقة معاهم. المهم الرسالة تصل. والرسالة من الواضح انها وصلت. وزي ما الناس شايلة كلاش ضد النظام الاثنين ديل شايلين ريشة، ريشة بس، لكنها أوجع للإنقاذ من الرصاص. تحياتي للجميع

الاخ سيف ،، تحية طيبة

لاشك انو لكل رسام كاركاتير رسالة يريد ان يوصلها للناس ولكن ليس من حقه تشويه علم وفن

فتحت له مدارس ومعاهد وجامعات ليأتي رسام يهدم بجرة قلم ويمسح هذا العلم والفن من اجل رسالة

الكاريكاتير رأي يقال فى شكل لوحة بسيط ه دون تعقيد حتى يسهل وصوله للقارئ ومانراه عكس

ذلك .

Quote: بصراحة جبتها واسعة يا أيمن كنت متوقع تعتذر بعد ما قالوا ليك الرسم الفوق دا ما بتاع عمر دفع الله على أساس انو البوست بتاعك قام بناء على الحاجة الفوق دي .. لكن بعد ما عرفت تصر على انو دفع الله ما بعرف عن فن الكاركاتير فالمسألة هنا شخصية وإنطباعية ما عايزة ليها كلام .. عمر دفع الله من المجيدين لفن الكاركاتير ورسمة واحدة منه تغني عن مائة مقال محشو بالأفكار وهذه لا يتنازع حولها متنازعان .. لكن ... أحيانا يتناول الأمور من ناحية شخصية ويجنح للإنتقام الذاتي والتشفي من الآخر ويجنح إلى الحدة والغلو والإبتزاز الفكري متجاهلا كون أن فن الكاركاتير رسالة سامية لا مجال معها للإنطباعية والعواطف .. هذا هو عيبه الكبير كما أعتقد .. أما من ناحية فنان فهو كذلك حتما ولابد.

الاخ طلحة
تجدني اعتذرت للخلط واكاد لاأفرق كثيرا بين الرسامين لكثرة ماتعودت على
الكلام الانشائي الطويل والفكرة المكررة التى لاتلامس كل رغبات مانحن فى حاجه اليه من المعالجة
هي دعوة للرسامين ببساطة نحن فى حاجة لكاركاتير قليل الكلام ساحر جاذب قوي التأثير
يغطي كل اهتمامات المجتمع .
مودتي

Quote: الاخ محمد نحن فى حاجة لنقد بناء لكاركاتير الاخ عمر بعيدا العلاقات الشخصية وتبادل المصالح والمنافع . نمشى لقدام

قبل كل شئ، معرفتي بالأخ عمر دفع الله لا تزيد عن معرفتي بك في شئ.
إذاً ليست هناك علاقات شخصية ولا تبادل منافع ولا مصالح.

الشئ الثاني، أنا لم أتكلم عن رأيي في أعمال الأخ عمر (بالمناسبة، أرى أنها قوية جداً)، لكن قررت واقع وهو أنها انتشرت في كل المواقع ورأيت أن ذلك دليل على نجاحها.

لا أدري من أين أتيت بأن عمر دفع الله يسهب في التعليق ... هذا الكلام ينطبق على ود ابو، لكنه بعيد كل البعد عن عمر.

أما عبارة (أنت لا تعرف شئ عن فن الكاراكاتير) فهي عبارة قاسية ومجحفة ولا أدري كيف تكون نقداً بناءاً

Quote: لاشك انو لكل رسام كاركاتير رسالة يريد ان يوصلها للناس ولكن ليس من حقه تشويه علم وفن فتحت له مدارس ومعاهد وجامعات ليأتي رسام يهدم بجرة قلم ويمسح هذا العلم والفن من اجل رسالة الكاريكاتير رأي يقال فى شكل لوحة بسيط ه دون تعقيد حتى يسهل وصوله للقارئ ومانراه عكس

مرحب يا أيمن...

ياخي أي فنان ما بالضرورة يكون دارس. ولكل فنان الحق انه يختار اللونية أو الطريقة البتناسبه للتعبير عن فنه أو عن رأيه. بعداك الحكم للمتلقي إذا الشيئ المقدم ده عجبوا ولا ما عجبوا. يعنى زي إنت بتشوف (عمر دفع الله أو ود أبو) ما رسامين بل شوهوا فن الكاريكاتير، انا بشوف عكس كده تماما بل بشوف انهم بقدموا أسلوب جديد.
عمر وود أبو زي وزيك بعبروا عن رأيهم بس بستخدموا أسلوب الكاريكاتير ولقي قبول في مواقع اسفيرية كثيرة جدا. كاريكتاراتهم هي الأكثر وجعا للنظام في السودان بغض النظر عن التزامها أو عدم التزامها بفن الكاريكاتير. وطالما وجدت قبول وانتشار فذلك يعني أنها في قد نجحت في إيصال رسالتها إذا اتفقنا معاها أو إختلفنا معاها.

معلومة:
الأسبوع الجاي عندنا هنا في استكهولم زيارة ومحاضرة من كاريكترست سودانى
اسمه Khalid Albaih. الزول يقال انه كاريكتيرست ساهمت رسوماته في ثورات الربيع العربي. الراجل عنده طريقته ولونيته الوجدت قبول. الكاريكاتير اداءة فعالة جدا في العمل السياسي وتشكيل الرأي العام. عمر دفع الله وود أبو نجحوا في إستخدامها. وسيأتي اليوم الذي يكرم فيه فنانو الكاريكتيرست السودانيين الذي عبروا عن معاناة المواطن السودانى في ظل الإنقاذ. عمر دفع الله وود أبو حيكونوا من ضمنهم.

ولك خالص التحايا يا أيمن

بالعكس يا أيمن الفنان عمر دفع الله يعرف عن فن الكاريكاتير الكثير و الكثير جدا و له طريقة مميزة في أعماله
حتى عندما يكون الكاريكاتير فيه كلام كثير نسبيا بتلقاه مميز ويضيف ولا يخصم من قيمة العمل, وعمر جانب آخر هو المسادير أو الرباعيات التي يكتبها أحيانا على لسان شخصيات اعماله
تجدها موزونة و ذات نغمة ومعنى كأن كاتبها احد شعراء البطانة محترفي المسادير.
انظر لعماله باعتبارها اعمال فنية وانقدها على هذا الأساس و غض النظر عن اتفاقك او اختلافك مع رسالتها حتلقى نفسك شايفها بطريقة أخرى

Quote: بغض النظر عن التزامها أو عدم التزامها بفن الكاريكاتير

صحيح ما بالضروره الدراسه لان الفن موهبه لكن اللاتزام بالاصول مهم جدا
غايتو ودابو ما فاضل الا يكتب ملاحطه تحت
بيكتب عربي كثير في الكاركتير

غير كده ، مشاركااته في حق رمز البلاد فيها نوع من الازدراء اكثر من توصيل فكره
اتمني ان يصله نقدنا ويتقبله بصدر رحب

Quote: قبل كل شئ، معرفتي بالأخ عمر دفع الله لا تزيد عن معرفتي بك في شئ. إذاً ليست هناك علاقات شخصية ولا تبادل منافع ولا مصالح. الشئ الثاني، أنا لم أتكلم عن رأيي في أعمال الأخ عمر (بالمناسبة، أرى أنها قوية جداً)، لكن قررت واقع وهو أنها انتشرت في كل المواقع ورأيت أن ذلك دليل على نجاحها. لا أدري من أين أتيت بأن عمر دفع الله يسهب في التعليق ... هذا الكلام ينطبق على ود ابو، لكنه بعيد كل البعد عن عمر. أما عبارة (أنت لا تعرف شئ عن فن الكاراكاتير) فهي عبارة قاسية ومجحفة ولا أدري كيف تكون نقداً بناءاً

الاخ محمد

-انا لم اقصد ان لك علاقة بالاخ عمر دفع الله

فقط تحدثت بالعموميات فى ان نقد وتقييم العمل الكاريكاتيري ربما تؤثر فيه الصداقات

والمجاملات والمصالح والمنافع .

- كون كاركاتير الاخ عمر قوي أو غير ذلك لايعني انه فوق النقد .. مايهمنا الوسيلة و الرسالة معا

وليس من اجل أهمية الرسال التى من اجلها رسم الاخ عمر وودأبو جغمسة الوسيلة.

- أما عنوان البوست لو ماقلت كدى كنت انفجرت من كثرة التعليق على الكاركاتير .

Quote: الأسبوع الجاي عندنا هنا في استكهولم زيارة ومحاضرة من كاريكترست سودانى اسمه Khalid Albaih. الزول يقال انه كاريكتيرست ساهمت رسوماته في ثورات الربيع العربي. الراجل عنده طريقته ولونيته الوجدت قبول. الكاريكاتير اداءة فعالة جدا في العمل السياسي وتشكيل الرأي العام. عمر دفع الله وود أبو نجحوا في إستخدامها. وسيأتي اليوم الذي يكرم فيه فنانو الكاريكتيرست السودانيين الذي عبروا عن معاناة المواطن السودانى في ظل الإنقاذ. عمر دفع الله وود أبو حيكونوا من ضمنهم.

الاخ سيف

تسلم على المرور الجميل

فى انتظار مخرجات المحاضرة انا لست بفنان كاركاتير ولكن انسان زي أي واحد بيسمع

ليهو لحن ممكن اللحن ده يترك اثر فى داخلوا وممكن يغفل اضنيو من بشاعة الصوت ماداعاني

للتعليق حاجتنا للوحة بسيطة ساحرة متنوعة تنطق من ذاتها تغطي كل قضايا المجتمع وليس

الاسراف حد الملل تجاه قضايا بعينها .

مودتي

اخوي ايمن

المدعو عمر دفع الله صنفناه مشخبط من اول كاركاتير يشخبطه

ولاعلاقة له من قريب او بعيد بهذا الفن الراقي

شكرا

التحيه لكل من ساهم فى نقد وتعرية هذا النظام الدموي
الذي يجثم على صدر الوطن والمواطن
ومرحب بما يقدمه حتى
لو كتب معلقة من مليون بيت
او رسم كاركتيرا يحوى ملايين الكلمات
او حتى عبر عن رأيه برسم دون تعليق
المهم المبدأ فى رفض الظلم وتعرية النظام وكل ازياله ودجاجه الإلكترونى

لم يعد يهمنا نقد الكاركاتير ..المهم هو إجتثاث الكيزان كبيرهم وصغيرهم

ولو دامت لي غيرهم ماكان وصلت ليهم

والكاريكاتيرات فى التنك فى التنك

الاخوان
محمد البشرى
محمد هشم
ودالباوقة
ملهم ..تسلموا على المشاركة لتعم الفائدة ولنبين ان رسومات كثيرة النصوص والكلام
ليست ضمن الكاركاتير المتعارف عليه فى فن الكاركاتير وافضلها كما مذكور ادناه
على التى تعتمد على الرسم فقط

أنواع الكاريكاتير

أحياناً يعتمد رسام الكاريكاتير على الأشكال والرسوم، لتقديم الفكرة، وأحياناً أخرى
يُسعف الرسم والأشكال (بكلمات قليلة). وفي الحالين، على فن الكاريكاتير أن يقدم للمتلقي
المعنى الجوهري والمُركّز والمفاجئ، وأحياناً كثيرة، غير المعقول، لكن على هذا الفن أن
يبقى لصيقاً بالواقع، فمنه يستعير أشكاله ومفرداته ورموزه وإشاراته، ثم يقوم باختزالها
وتحويرها، إنما ضمن قواعد وأصول باتت معروفة.
وهناك من يرى أن أفضل أنواع رسوم الكاريكاتير، هي تلك التي تعتمد على( الرسم فقط)
بما قل ودل، على أن تنسجم وتتلاءم هذه اللغة، وبشكل كبير، مع أهدافه وغاياته. وهناك
من يرى أن تعاون الرسم و(الكلمات القليلة) هو نوع من التعاون بين نوعين من الإشارات
المتميزة، وقد كان للرسامين، قديماً وحديثاً، صولات وجولات، في عملية إخضاع الخط
العربي، أو الكلمة، إلى نوع من التشخيص القادر على أن يعكس معناها، كأن يكتب الخطاط
أو الرسام كلمة (عصفور) على هيئة عصفور، أو يرسم بكلمة (سيف) سيفاً

http://up.top4top.net/

Quote: الاخ ابوروضة اشكرك على التنبيه (أعتذر) للخلط ولكن حقيقة حتى عمر دفع الله ايضا مكثر من الحديث فى الكاركاتير وحاولت مرات ان اثني نفسي عن التعليق ولكن تجدني اليوم معلق على الكاركاتير نريد كاركاتير دون قصة مكتوبة تعجبني كاركاتيرات فايز التى تكاد تخلو من الحديث وتؤدي رسالتها التى رسمت من اجلها .

سلام ايمن
يعني نفهم انو كان طارت غنماية؟

اما فائز دا انا في راي اسوأ رسام كارتون عرفه السودان

https://www.0zz0.com

https://www.0zz0.com

كاركاتيرات لهاشم كاروري في الوطن القطرية ...

Quote: كاريكتاراتهم هي الأكثر وجعا للنظام في السودان

دة المطلوب وهي ظاهرة من خرخرة ود الباوقة الكتيرة

التحية للفنان عمر دفع الله والرائع ود ابو

اما اخونا ايمن فـ مطلوب منك اعتذار واضح وصريح للاستاذ ود دفع الله

Quote: سلام ايمن يعني نفهم انو كان طارت غنماية؟ اما فائز دا انا في راي اسوأ رسام كارتون عرفه السودان

الاخ محمد تحية طيبة

دعنا من اتفاقنا او اختلافنا مع النظام وحاول النظر والمقارنة بين الكاركاتيرين

ماحاتلقى اي اختلاف تكاد تجيك دوشة من النظر هنا وهناك من ربط كل هذا الحديث

الكاركاتير فن يدخل القلب بلا استئذان ليس فى حاجة ان نكتب الكثير حتى نفهم

مودتي

http://up.top4top.net/

Quote: كاركاتيرات لهاشم كاروري في الوطن القطرية ...

اكثر من رائع اخوي عماد تسلم

Quote: دة المطلوب وهي ظاهرة من خرخرة ود الباوقة الكتيرة التحية للفنان عمر دفع الله والرائع ود ابو اما اخونا ايمن فـ مطلوب منك اعتذار واضح وصريح للاستاذ ود دفع الله

سلامات منتصر

بالله عليك قارن بين الكاركاتيرين الفوق ديل وضح لينا الفرق بين الاتنين!!

الاخوان عمر ود ابو يهمهم توصيل استمالة الناس لرسالتهم بعيدا عن الطريق

الصحيح لهذا الفن الراقي الذي وضعت له قواعد واسس حتى يقدم للناس.

عمر دفع الله ويوميا يصر علي ان يكيل الاساءه تلو الاساءة

للانسان السوداني ولرئيسه ولجيشة النظامي ظنا منه انه يقدم

لنا فنا كاريكتيريا

بعدين ياشبلي عمر دفع الله عشان يصل مرحلة كاروري دي عايز

ليهو اقلاها خمسين سنه

عمر دفع الله مشكلتو في تشكيل فن الرسم نفسو

اي شخصية حاول رسمها وتجسيدها بهدلها بهدله

يعني زول مابيعرف يرسم

لذلك تراه يكثر في الشخبطه والنضمي والشرح وكانما المتلقي

انسان غبي لايعرف يفرز الصقر من التمساح

القاريء ياسيد عمر دفع الله لماح وذكي فما يحتاج

منك كل هذا الهراء لايصال فكرتك الفطير

رحم الله الفنان عذالدين الذي كان بايقونه فقط يضحك كل السودان

وتظل هذه الايقونه راسخه في وجدان الناس يتبادلونها شهور وشهور

عمر دفع الله شخص معقد ومؤدلج والفنان المعقد والمؤدلج عمرو لايستطيع ان يضحك الغير

او ان يضحك عليهم

https://www.0zz0.com

ايلي صليبة فنان لبناني .. الوطن القطرية عدد اليوم

الكاركاتير اصبح الان لصيق يومي للاخبار العالمية

الصامتة والغير مكتوبة ...

والعلق ليك فوق ده برضو ما عمر دفع الله

ده علي دفع الله الشهير بكوهين

يا زول ركز شوية :) ) Quote)

>>>>>>>>>>>>>>>>>>>>>>>>><<<<<<<<<<<<<<<<<<

يا محمد جلال

والله انا ذاتي افتكرت ان عمر هو العلق.

ونحن ما بنركز في الاسم الأول ولكن بنركز في الاسم الثاني

والاثنين أسماؤهم دفع الله..، عمر وعلي..

عشان كده ما تلوم الزول ساكت...

والمهم ان فن الكاريكاتير هو ابلغ شيء لايصال فكرة من مقال يسع

عشرة صفحات في رسمة واحدة..

والله يديك الصحة والعافية

http://up.top4top.net/

كدى ياعمر دفع الله انت فى الطريق الصحيح لتعاطي فن الكاركاتير

حاول نوع شوية لكل الموضوعات (إجتماعية واقتصادية ورياضية حتى )عشان مايكون فى رتابة وملل وسآمة

تسلم اخوي.

سلامات أيمن

عمر دفع الله كاريكاتيرست كبير ومتمكن لا شك في ذلك

وعمر موجه فنو نحو قضية وطنية معينة ويستخدم وسائل

النشر الإلكترونية لنشرها , الحاجتين ديل بخلو عمر لازم

يمارس أنواع مختلفة من طرق التعبير.

أعتقد غرض عمر من الكاريكاتير ليس الترفيه بقدر ماهو إرسال رسالة

ونقد لاكبر فئة من المتلقين (والمتلقين ديل فيهم الناس العادية وممكن

في اوقات كتيرة لا يفهمو مغذى الكاريكاتير بدون كتابة وتعليقات كثيرة)

شان كده كاريكاتيرات عمر منتشرة في وسائل الميديا المتنوعة من فيسبوك

وواتساب ومنابر .

توجد كاريكاتيرات جميلة ومختصرة ومعبرة لأبعد الحدود لكن في أحيان كثيرة

المتلقى العادي لا يفهمها بسهولة إذا كان غير متابع للاحداث الجارية.

Quote: Algouda Beshara · يا ايمن تحياتي أولا: عيارة لا علاقة لك بفن الكاريكاتير عبارة غير نقدية ولا تستخدم في اي حقل من حفول النقد الدبي أو الفني وانما هي عبارة أقرب للابتذال و الشتيمة ثانيا: عمر دفع الله قبل أن ينشر هنا, نشر وبصورة راتبة في جريدة النهار البيروتية. و هي أحد ثلاث صحف اسست للاحترافية و المهنية في المنطقة العربية الى حانب الاهرام والجمهورية المصرية. و هذه شهادة عزت على كبار رسامي الكاريكابير ونالها عمر الى جانب الفنان الفلسطيني ناجي العلي. ثالثا: صحيح ان فن الكاريكاتير يقوم على رسالة بصرية في الأساس ولكن من قال لك بأن الكاريكاتير يجب أن يخلو من التعابير اللغوية؟ أو أن تختصر فيه الى أقصى حد؟ فالكاريكاتير يمكن أن يمتليء فراغ صفحته بالتعابير بل وفي شكل حوار بين عدة أطراف و مع ذلك يكون كاريكاتيرا ناجحاً. لماذا؟ لأن المسألة هي هل هناك ضرورة لهذه التعابير أم لا وهل خدمت التعابير فكرة جديدة أو اضافت قيمة ما أم هي تعابير زائدة وبلا ضرورة و مثلت حشواً لا مبرر له. هذ مع التحية و الاحترام

موضوع ذي صلة

فن الكاراكاتير المفترى عليه