داير أتغزل في حاتم الياس

04:57 PM February, 23 2016

سودانيز اون لاين
أبوبكر عباس-الإمارات
مكتبتى
رابط مختصر

تايم أوت:
أول بالتبادي، أطلب من أخينا دينق يدينا فترة سلام في البوست دا، لمدة أسبوع دون ما يجي يكاجرني ويكاجر المحامي الكبير بالعنصرية.
فترة سلام زي الأداها المفكر جعفر نميري للسياسي محمّد إبراهيم نقد في اليوبيل الذهبي لمدرسة حنتوب، ممكن يعتبر لو داير نفسو نقد، ونحن نميري، المهم السماح يا أهل السماح.

الأيام دي البوستات كلها ترصد وحب:
قصي
عباس الدسيس
حمزة
عووضة
طيب اشمعنا؟!
ما أنا برضو غير أمونة؛ بريد حاتم الياس دا!!!

شنو اللفت نظرك يا مستنير، للعريبي دا؟

بغض النظر

صورتك دي مالها عاملة كده؟
شكلك اتغير ولا شنو؟ :)

انت لو عايز حاتم الياس يحبك

كان تجيب موضوع ملاسي بتاع الفيسبوك هنا

أنا قربت أجيبوا لكن خائف من الزول المكرج الأسمو ملاسي دا

دي صورة سيلفي قبل شهور بمطار أديس أبابا.
طبعا ح تغالطني وتقول لي وضع اليدين ما ممكن يخليها سيلفي؟؟
يا أخي، ساهم في البوست، إن شاء الله، تعلق على ابتسامة حاتم.

سلام يا حمد، بجي لمداخلة حاتم بتاعت الفيسبوك، الجاتني في حسابي عبر عكلتت الفيسبوك وشبابيكو بتاعت ونسة صاحب صاحبتك بتجيك في وشك.
بجي للموضوع دا، عابرا،
لكن كدي خليني أشوف سبب تتبعي للعريبي دا سببو شنو؟

المستنير المهم شفناك وعرفناك 😜😜😜
كب الزيت وجيب مقال سهير الرشيد 😜😜😜


-------
المهم يامستنير بكري الجمعنا معاك هنا
لو وديناه الحج مابنقدر نديه حقوا😜😜

وضع اليدين خليهو

انا داير اغالطك في انو ده ما انت من اساسو :)

Quote: كب الزيت وجيب مقال سهير الرشيد

أبدا يا مسلمي، وحات سيدي الحسن، الخليفتو أخو حاتم الياس، سهير الرشيد أو أي كان اسمها، في البوست دا شخصية هامشية جدا.

نرجع للموضوع الأساسي:
منتدى الصفوة، أبدا ما فيهو صفوة غير حسن موسى "عليه السلام"، الباقين أكثر رجرجة من ناس سودانيز ديل بمراحل.
دقم، ما فيهم أي إبداع وغير خلاقين، ونمطيين، ومملين
طبعا، نجاة مستسنيا (أبوة بكتبها بالسين كيتا في الزول المغمور القال للأديب عثمان صالح، ما بتفرز السين من الثاء).
اللفة الطويلة دي لزومها شنو؟
أوكي، بختصر وبنفذ رغم التحدي لمعشر الجن.

كدي قبل أقص أتر تتبعي ليهو وسببو خلوني أوريكم نوع من فلسفة العنقالة الي لا تقل عن كتابات الفلاسفة العظام، بس محتاجة كرفتة وأناقة:
قال صديقنا الفيلسوف في حوار حول صدور أحد أعداد مجلة العقلاني:
"سلام..التحية لهذا الجُهد , لكن من وجهة نظرى العقلانية هل تتأسس على شرط نظرى ومفاهيمى محض , شغل نقد وتاسيس آم أنها ايضاً لابد لها من مشروع ترغب فى تحقيقه ايدوجيا مشروع سياسى الخ..وماهى ملامح هذا المشروع أنا لا أثق فى ماقلته أعلاه فهو يبدو تقديم (علاقات عامة)..أقول ذلك لأن الدين عندنا هنا فى السودان لاتأكل من ثماره الطبقة العربسلامية وحدها وتتجشأ من طيبات غنائمه , يأخ الليلة لو قالوا ماف دين فى البلد دى لمات ثلاثة أرباع السوانيين من الجوع وتوقف منفذ صرف ممدود بواجب (صلة الرحم) و (البر بالوالدين) ولأخرجت البيوت أثقالها من العجائز والعطالى الأرامل واليتامى نحن نعيش هنا باقتصاد الدين دا زاتو وليس بهبة الصرف العقلانى"

أنا بالرغم من محاولة وقوفي بساحل العقلاني، لكن زي كلام الخلفا ديل قاعد يفرملنا ويخلينا نتأمل!!

دينق ساهل ما بجيك بس الله يستر عليك من بريمة يقوم يتلحك زي ما عملها مع الاستاذة الجميلة سلمى الشيخ سلامة في موضوع اشكل عليه فهمه و ممكن موضوعك دا برضو يقودو لي نفس فهم موضوع الاستاذة سلمى ....
اها انا كلمتك عشان بعدين ما تقول صاحبي علي دفع الله ما وقف معاي ..

سلامات يادكتور

لايك ليك

وتربيع لي حاتم ( الخليفة الرفيق)

ابوبكر عباس..ياخ الف شكر على الغزل الذى اصبغته على كتاباتى وانا مازلت أحتفظ بذاكرة ذلك البوست يوم أن حاصرتى الحماقة والزعل فأتيت مطيباً وأنت تعيد تعريفي كعنقالى مثقف..اقول ليك حاجة من اليوم داك مشيتى زاته أتغيرت وتركت الزعل الى غير رجعه..

أحكي ليكم سبب تتبعي للزول دا:
طبعا إتوا عارفين مساخة ولداحة حسن موسى ونجاة، وأي زول في فوراول يقول كاني ماني؛ بقولوا ليهو: ستين
أو الباب بفوت جمل
أو سلم علي العواليق الماش ليهم
أدينا عجاج كرعينك
أو أي من مساخات الفراق السودانية ديك

أهأ يوم أشوف ليك حاتم دا فرنب
نحن كبوم بعجبو الخراب، كن مستنين يصرفوا ليهو
وحاتكم، جا حسن موسى حنسو، وقال ليهو يا خليفة، حقك علينا ونجاة جات حنستو من غير كلام، بنظرة غير عابرة

المهم، من اليوم داك، بقيت أصنف هذا العنقالي كمثق كبير واتابغ بشقف كل ما يكتبه قلمه حتى لو كان بوش الكتاب.

الله يقدرنا على خشمنا :)

حاقد ساى :)

اقتصاد الدين ده في السودان بس
مصر القريبة دي
تونس

استنير ونور ( شكل نور مد وشد )

ده دين السودانيين بس

السلام عليكم،

(داير أتغزل في حاتم الياس) ..

وُ مالو ..؟ منظر شي عجيب ما أحلى الغزل ..

بدر الكون على غُصن البان نزل..



كلنا معاك ..


...........................
ما يزال هذا الشاب المتأنّق أبوبكر عباس، يبرطع ويتسربع حتى ليكاد يصل ال "ميس" ..
وماهوب واااصل.

إشتغلت ببطانة أبعلي زي ستة سنوات في مجال الإبل
صحي عشقت الإبل وما زلت، لكن كنت هناك أتابع بشغف معشوقاتي الحمير وأولادها الدحوش وفتنا بيهم.
ما حصل لقيت شفع الري راجعين لفريقم بالموية، وإلا تتبعتهم وراقبت سلكوك الدحشان في قافلة الري.
الدحش أصلا ما بمشي جنب امو بسرعتها، إما يخليها تمشي قدامو ويجري يحصلها ولمان يصلها بقبض فرامل شديدة، وكنت بستغرب ليش هو ما بوزن سرعتو يرخيها ويقيف عادي لمان يصلها؟؟
أو تلقاهو بجري قدامها بسرعة شديدة ومن غير داعي يقبض فرامل شديدة جدا، ويقلب جسمو بسرعة شديدة ويقفل راجعا لها، وهو راجع تلقاهو يتقدل زي مشية الأمريكان السود العاجباهم روحم!
لو داير تشوف القصة دي ممكن تنزل أجمل فلم شاهدتو في حياتي:
Spirit: Stallion of the Cimarron
هو لمهر، لكن بقرب ليك الصورة

المهم، من زمان كنت بفكر، لو ربنا ما خلقني بيطري، كنت بختار شنو؟
أكيد كنت بختار دحش، لكن كنت بشترط عليهو ما يكبرني

المهم تاني: إستشرت طبيبي النفسي يلقى لي حلل في إدمان سودانيز دا
قال لي: إتّا يا أبكر عارف روحك عيان، لو مسكت في حاجة، يفك الناس منك الفكا بله
ما عندك حل غير تشبك ليك في حاجة تانية ؛ عشان ناس أبوجودة ديل يرتاحو منك
واصل: نكتة الزول الطارت ليهو الملاريا في راسو وبقى يردد آخر كلمة بسمعا، سمعتها؟
لولحت راسي لتحت وفوق.

التعديل: تغير القاف في شغف لغين بعد تنبيه بله الفاضل، ولو مكتوبة تاني غلط صلحوها براكم
هو ذاتو العرب ديل العوارة ليهم شنو؟! ما يخلوها يا قاف يا غين
خلاص الأصوات كملت؟!
زي عوارة الإنجليز في P و B

عندي كم مقطع غزل من كتابات الفيلسوف العنقالي بجيبم لاحقا
داير أشير لي أنو، أنا طبعا مفتون بكتابات حسن موسى جدا، هذه الفتنة هي الخلتني أتابع وأحب العنقالي المحامي دا
حسن موسى بدي إعتبار كبير جدا لكتابات حام الياس، وقاعد يناقشها بحب شديد من غير عداء كغير عادته
والمثل بقول: أعرف الرجال؛ تعرف وين الحق

Quote: الفور اول ... والعرجه لمراحها .....

محمد عبد الله من الفيسبوك وشندي
إزيك يا أخي؟
حسن موسى في زيارتو الأخيرة للإمارات مشيت زرتو عند صديقي أحمد العربي
حنستو عشان يجي راجع للكتابة بسودانيز حتى بالإمارة شلت ليهو هدية شكولاته بحليب الإبل إسمها النسمة، تباع فقط في محلات الصفوة بالعالم
المهم يا أخوي، الناس دي كلها بتجي راجعة للحوش بتجي راجعة

مهداة لابي جودة

ما دام انت عاوز الناس تساهم في البوست
فعاوزه اسالك سؤال ما عنده علاقة بموضوع البوست..
ورينا كيف الرئيس الاسبق جعفر نميري ادى فترة سماح
لزعيم الحزب الشيوعي محمد ابراهيم نقد؟
ودمت بخير وصحة وعافية

هههههههه
أبدا ما حقد ولا حاجة لكن أبوبكر غيّاط دا بتاع دردقات مرات, كان اكتفى بالغزل ما كان حصل شي, لكن لازم يغالط التاريخ و يقنطرك للشوت

Quote: داير أتغزل في حاتم الياس

يازول على بركة الله

إزيك يا بسمات بت الشيخ،
مدرسة حنتوب لمان جات تحتفل بواحد من يوبيلاتها، دعت كل الخرجين لحضور الإحتفال بالمدرسة.
الزمن داك الأستاذ نقد كان معارض لمايو ومختفي من ناس الأمن.
أها، واحد من المقربين لجعفر نميري طلب منو يعلن عفو مؤقت لنقد يمكنو من حضور الإحتفال دون أن يتعرض للإعتقال، وقد كان.
نقد جا وحضر الإحتفال وشرب الشاي مع نميري والترابي، وبعد الإحتفال أدوهو فرصة يوم دون متابعة ورجع اختفي تاني

أقروا وإتغزلوا معاي وشوفوا كمية الشجاعة البتطلبها لتبني مثل هذه االكتابة:

"أنا من محبي عبد العزيز حسين الصاوى قبل أن يترصد بطلنا فى نواحى أمريكا الجنوبية (شافيز) ببعض المقالات القاسية فى أنتقاده للرجل وكتاب السودان حوارات الهوية أعتقد أنه من أميز ماقدم لماعون الفكر السودانى قليل الزاد خصوصاً تلك الفقرة الملهمة والتى يتحدث فيها من أن الأنقاذ وضعت الثقافة العربية فى السودان فى مآزق صراع اقصائى مع باقى الثقافات وذلك برعونتها (هذه من عندى) وتأسيسها لخطاب يقوم على أيدلوجيا الأسلام السياسى والعروبة (كخط بديل ومكمل وليس اصيل فى الأطروحة الا بشكل ترميمى والذى أصبح لاحقا عنصر ممارسة أجتماعى لمضمون الخطاب) ولايمكن فصل ذلك من أشكالات كثيرة مرت بها علاقات الهيمنة داخل جهاز الدولة وفى الخطاب نفسه (صراع المنشية والقصر الذى أدى للمفاصلة السياسية) والذى لايمكن أن يفهم على أنه خلاف سياسى فقط وأنما صدام بين شغيلة الأيدلوجيا البسطاء وبين وضعية السيطرة الطبقية الفعلية المراد لشاغلى جهاز الدولة تحقيقها دون النظر لحقيقة المطروح على مستوى اشواق الأيدلوجيا من الخطاب الأسلامى نفسه (لافرق بين عربى ولاجعلى ولادنقلاوى ولادينكاوى الا بالتقوى) ولايخفى عليك بأنه خطاب مجرد وعام فى جذره الأيدلوجى ولكنه يصطدم فى الممارسة بالمطلوب تحقيقه من الدولة كدولة لا (كحركة أسلاميه)..فقط كحزب سياسى يعنى كان فقط فرقاً بين مقتضيات الدولة ومقتضيات الحزب..أها فى ناس مسكوا فى الثقافة العربية فى السودان زى (ودأم بعلو) وتم النظر للثقافات الأخرى المقموعة والمهمشة والمنسية وكأنها هى برنامج سياسى حالم للخروج من المآزق الوطنى ونسوا أن الموجود فى (بطن) هذه الثقافات ربما يكون (أظرط)و أكثر بشاعةً مع نسيان فكرة (الصياغ)!! التاريخى والأجتماعى وجملة التأثيرات الثقافية المختلفة التى حققت هيمنة ثقافة على باقى الثقافات بفكرة السلطة الأجتماعية التاريخية فى السودان والتى أدت لهيمنة الثقافة العربية والأسلامية والتى اصبحت مورد أيدلوجى لكل طبقات الأفندية التى توالت على الحكم فى السودان الحديث..لكن كمان والذى (لايطمئن أولاد العرب المتلنا ديل) أنو حملة لواء الثقافات الأخرى المقموعة أبداً ماقاعدين يتحركوا فى فضاء يئن من القهر والظلم فضاء باحث فقط عن العدالة لوجه الوطن والأنسانية, وهذه لانتقصاها فى الخطاب وحده الطافح على وجه الصراع الراهن بل أكثر مخافتها ياتي من طبيعة المناهج المبتسرة والمخلة فى معالجة أشكالية التعدد الثقافى.

ثم اين الأثر الأستعمارى لهذه الكارثة ..كارثة سيطرة الثقافة الأحادية على باقى الثقافات ذلك الأثر المستمر فى منذ عشية الفتح (ولم يسال أحد كيف كان وضع تلك الثقافات قبله) وحتى الأن مع جحافل نخب المشروع الليبرالى المعولم والذى مثلما بعث لنا الأصولية الأسلامية لتفتيت اللحمة الوطنية وأجهاض أى مشاريع ديمقراطية تقدمية عقلانية فى مواجهته بعث لنا ايضا (الأصوليات العرقية) النابلة فى الأتجاه الخاطئ للمظالم "
التوقيع: المثقف الكبير حاتم الياس

لا أعتقد أن هذه الفقرة تحتاج لأي سياق عشان نجيب الرابط

الصاوي وحاتم

الأقواس من عندك ولاّ في أصل المقال؟
إن كانت في الأصل و المقال نزل في الفورأول كان كدا ليك حق تتغزّل ههههههه


سيد أحمد شامي بتشاغل مالك يا شيخنا :)

سلام وتحايا لكم جميعا

والتحايا أجزلها للأخت إخلاص، وشكراً كثيرا للإهداء ..

أبوبكر عباس،

أهلنا بقولوا "الزاير في يد ال مزيور" ولو كان في "زريبة" ههه

خليتنا نتنفّض من غُبارات الدّحيشات تغطي تلك ال عُريقات وانتا راكب!

دحين آ جنا " دحيشات" بي هناك - إن وُجدت - يتمّ تطيييييعها كما يُفعَل بها في هذا المكان من العالم؟

..............

وين تمرة فؤاد البوست، حاتم، وله التحايا أيضا