Post: #2 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-21-2016, 01:55 PM Parent: #1
Post: #3 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-21-2016, 02:08 PM Parent: #2
الحضور في الأداء يضفي على النغم اوتار تشد المستمع وتغوص به في بحار الشجن ودنيا الأماني ( يا ريت لو قلت هذه الكلمات أنــــــــا وأعوذ بالله من كلمة أنا )
Post: #4 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-21-2016, 02:12 PM Parent: #3
كُثر يعجبني حضورهمالمسرحي في الأداء صوتهم سلامـــة مخارج الحروف عندهم هذه الغادة وغيرها و أخرين كانت موهبتهم في حسن الأداء لكن الأزمة التي ظلت ملازمة لكل شى من الدقيق الفيني الأسترالي للكلمة واللحن وقفت دون أن يطفوا هولاء بالخاص لهم وظلوا يجترون ماضي حلو جميل لكن بسدالرمق
Post: #5 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-21-2016, 02:34 PM Parent: #4
يا القمرة يا القمرة أقلبي السنسنة الحمرا وشوفي ابويا وين ما جا طراطيش أنغام كنا نرددها في ننظر لشكل القمر في ليلة هلته بدرا ونسرح بعيد ننسجمنصور خيالنا تلك المرأة الجالسة يُمشط لها في شعرها ( جلسة عنقريب لمشاط ) ليت القمر يحنو علينا كما كان يفعل في الماضي وليت الماضي يعود وهل من عودة لتلك الأيام الجميلة رغيفةالخبز تزن رطل وصبحت ضِنيب أمسيسي
وحـــــن يـــــــا قمــــــــر
Post: #6 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-21-2016, 03:02 PM Parent: #5
غادة حسن فنانة تتمتع بمواهب جمة وتحتاج لمن يرعى تلك الموهبة شاعر وملحن
Post: #7 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-21-2016, 06:30 PM Parent: #6
لحين ميسرة
Post: #8 Title: Re: نفااااااج نغم في زمان ضاق فيه الحال Author: حيدر حسن ميرغني Date: 02-21-2016, 06:55 PM Parent: #7
ياسلام ياخالد نفاج وانجمامة تسعد الروح
Post: #9 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-21-2016, 07:17 PM Parent: #8
Quote: ياسلام ياخالد نفاج وانجمامة تسعد الروح
أخي حيدر ود ميرغني تسعد روحك والروح السمحة لها السعادة مرورك يسعنا وبيك نسعد وفيك السعد وزي مابقول اخونا ود شيقوق البنية كان غنت ليك لي الموت تتمنى الموت شدة مو سمح الغنا في خِشيمة غادة حسن فنانة تحتاج من ياخذ بيدها في زمان فقدنا فيه الحضور المسرحي الطبيعي للمطرب وهي تمتلكه ووصافة شكرا كتير أخي حيدر للمرور
Post: #10 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-21-2016, 07:21 PM Parent: #9
حبيبي الدنيا يوم بتروح لا بدوم لا فرح لا نوح ونحن اليوم ورود بتفوح غداً نصبح حطام احلام وتزرونا الرياح في الدوح فليه قلبك تزيدو جروح
حبيبي يا الظالم المظلوم حبيبي يا الحالم المهموم افيق واترك عزيز النوم واحلام تائهة في دنياك هناك لو دام سحابة يوم حبيبي الدنيا ما بتدوم
حبيبي الما جفاك نضار وما أضنت رؤاك أشواق وما فجعت هواك أيام وما كحلت سهاد عيناك شربت من المودة دوام ومن كأس السلامة سلام خلاص أنساني وأنا أنساك نتقاسم مرار البين أنا وياك
Post: #11 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-21-2016, 07:43 PM Parent: #10
أغنية أنساني للشاعر عبد المنعم عبد الحي ألحان الفنان المبدع برعي محمد دفع الله
Post: #12 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-21-2016, 07:49 PM Parent: #11
ليك لحاظ ماسكه في القيادا … ولى جروح ماشه في الزياده أرجو من صاحب السياده … قليـــل مـــراهم من العــــياده
Post: #47 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-24-2016, 08:18 PM Parent: #3
لحين ميسرة لو مدَّ الله في العمر ثانية
Post: #14 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-22-2016, 02:19 PM Parent: #1
لحين ميسرة
Post: #15 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-22-2016, 02:42 PM Parent: #14
فاطمة عمر برضو صوت نسائي قوي و لهفي حسن الأدارء قبسات وشجنان من مزمار داؤود
Post: #16 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-22-2016, 02:52 PM Parent: #15
من أجل حبي كلمات: حسين بازرعة غناء: عثمان حسين جاي تترجاني أغفر ليك ذنبك ما كفاية الشفتو من نارك وحبك أنت فاكر تاني أرجع لك واحاسبك لا يا ناكر دربي أصبح ما هو دربك كنت تحلم بالسعادة في كلمة مودة وهي غير ما إنت فاكر وهي في نبضة مشاعر في القلوب الما بترد أي طارق أي زائر شايلة هم الدنيا زاده ومالية كل الكون بشاير إجتمعنا علي المحبة في ثواني في طريق مفروشة بي حبي وحناني وافترقنا كل واحد في طريقه انا ضائع وإنت مخدوع بالأماني كل زادي في ضياعي قلبي مفتوح للأحبة للجمال الأشجى روحي في شعوري سحره شبه ورسالة فني سامي تدعو للخير والمحبة إلا قلبك يا حبيبي لسه ما أدرك وشبه برضو سامحتك لحبى مالاجلك للمعانى الكنت بنظم فيها حولك والحقيقة كل املى ابقى جمبك اصلى بعدك ماهوييييت ... ولاعاطفة قبلك
Post: #17 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-22-2016, 03:04 PM Parent: #15
Post: #18 Title: Re: نفااااااج نغم في زمان ضاق فيه الحال Author: عفاف أبو حريرة Date: 02-22-2016, 05:51 PM Parent: #17
ابو احمد
سلاوم
Post: #19 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-22-2016, 06:13 PM Parent: #18
Quote: ابو احمد
سلاوم
ويا الطبيعة الواديك ساكن مافي متلك قط في الأماكن ويا جمال النال في ثراكن ويا حلات البرعن أراكن وبي قفاهن تور قرنو ماكن لا غشن لا شافن مساكن في الخُزام والشيح البراح
مرحب حباب بت شيوخ البطانة أبقي لي داخُل المتلي سعيد وزارتو البركة كيف أخبارك عفاف علكم العيال طبين مودتي وتحياتي
Post: #20 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-22-2016, 06:38 PM Parent: #19
Post: #21 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-22-2016, 06:42 PM Parent: #20
Post: #22 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-22-2016, 08:00 PM Parent: #21
Post: #23 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-22-2016, 08:03 PM Parent: #22
سألتو عن فؤادي هي من أغاني الحقيبة القديمة الشاعر محمد على الأمي
سألته عن فؤادى وعن سبب هيامه أجابني ما هو عارف عشقته وجماله نظمته فى فنونى جفانى صدى عنى تركنى لشجونى اذا تلاشى صبر وترعرت جنونى واذا أنبرى فؤادى لعهدى ما بخالف حبيبى يا مدلل بحق صفا كمالك حرمتنى وصالك وملت عنى مالك أنا صريع محاسنك وانا أٍير جمالك تعال شوف تعال زفيرى والعواطف يا فرحة الحزانى ويا زينة المواكب يا ربرب الخميلة ويا زهرة الكواكب زمانى جار معاك وهاهو لى ناكب بعدك الصلانى يادرة المعارف جمالك المكمل لهانى عن سواك وتيهك او دلالك رمونى فى هواك حبيبي أنت ومين يكون دواك أظن عفوك عنى ورضاك لى يوالف أهوى الذى ضنانى وغزانى بى نباله ولا سأل فى حالى ولا خطر بباله يرانى أو أراه وأقيف ذليل قباله واقوله أنت سيدى وفيم عنى صارف
Post: #24 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-22-2016, 08:28 PM Parent: #23
ابوبكر سيد أحمد وشهادتي فيه مجروحة لانه صديق شديد وحكمة الله تعرفنا ببعض في هئا المنبر العامر ومكسب هههههههه كما عرفنا فيه من الأخوان رجال بمعنى الكلمة وأخوات كريمات أخوات حارة
Post: #25 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 02-23-2016, 00:24 AM Parent: #24
هيييييع شكلك ناوى
Quote: ننسجمنصور
انت الليامات دى فى إيران؟
Post: #26 Title: Re: نفااااااج نغم في زمان ضاق فيه الحال Author: Basamat Alsheikh Date: 02-23-2016, 04:31 AM Parent: #25
ود المنسي اتذكرناك في البوست الجديد ..قصة غرق تايتانيك..وما مريت علينا بهناك.. وزي ما قال ليك ود الفاضلاب ..كنت في ايران!! ودي هدية من نسرين ودمت بخير وعافية
Post: #27 Title: Re: نفااااااج نغم في زمان ضاق فيه الحال Author: Hamid Elsawi Date: 02-23-2016, 04:54 AM Parent: #26
ياسلام يا خالد الله يكتر من امثالك في البورد اختيار موفق .... خاصة لاسم البوست فعلاً زمن ضاق فيه الحال
Post: #28 Title: Re: نفااااااج نغم في زمان ضاق فيه الحال Author: Basamat Alsheikh Date: 02-23-2016, 05:30 AM Parent: #27
رديت على حامد الصاوي وقلت ليه فعلا يا حامد الله يكثر من امثاله لان طلته البهية وتعليقاته الانيقة والخفيفة الروح تزيل عننا الكثير من هموم الغربة ... وقلت لود المنسي ..غبت كتير المرة دي .. وغيب وتعال تلقانا نحن يانا نحن..يانا نحن وكمان جبت ليه هاشم مرغني بيغني..غيب وتعال.. ..لكن لمن جيت راجعة اصلح غلط مطبعي وجدت بدل الغناء الجميل اعلانات...وماشة احاول تاني.. ودمتم
Post: #29 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-23-2016, 02:16 PM Parent: #28
Quote: هيييييع شكلك ناوى
Quote: ننسجمنصور
انت الليامات دى فى إيران؟
هيييييع والخلا ولع والبحر جاب ناس الشمال والله حلو لو خليت التصحيح يااستاذ باشاب اسوي شنو بنكتب سريع والكي بورد التقول كابين لي صباع امير بين حروفو ديمة يلصق رجعت من شندي و جلست اجتر الذكريات كانت أجمل الأيام مع الوالد والاخوات و أولاهم ههههههههههههههه ايران مشى صابحك اب عيون قدود جلد
Post: #30 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-23-2016, 02:31 PM Parent: #29
Quote: ود المنسي اتذكرناك في البوست الجديد ..قصة غرق تايتانيك..وما مريت علينا بهناك.. وزي ما قال ليك ود الفاضلاب ..كنت في ايران!! ودي هدية من نسرين ودمت بخير وعافية
بسمات بت الشيخ ساكنة الأتبراوي والبشرب منو بريد حتى ود الفاضلابي هههههههههه كيفنك وكيف حالك وحال إخياتك المعاك الأميرة أميرة وملكة الشيلو كوستي امتثال والله الشوق ليكن مطر آ الزينات تسلمي وتسلمي دوماً بسمات ويئكرك الله فيما عنده بالخير الوفير ويئكرك سعدك ينقر بابك كروووو الهدية حلوة وجميلة دا من جمال روحك الطيبة
ولك مثلها قال الحبيب المصطفى تهادوا تحابوا ( لكن ما غنا هههههههه لو كنت ود الفاضلابي كنت جبت ليك شال يقيكشر البرد وما تجيك نزلة )
Post: #31 Title: Re: نفااااااج نغم في زمان ضاق فيه الحال Author: باسط المكي Date: 02-23-2016, 02:35 PM Parent: #30
ود المنسي سلامات بصراحة كدا الفنانة الغنت انساني وانا انساك خربت الاغنية تماما لك كل الود
Post: #32 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-23-2016, 02:39 PM Parent: #30
Quote: ياسلام يا خالد الله يكتر من امثالك في البورد اختيار موفق .... خاصة لاسم البوست فعلاً زمن ضاق فيه الحال
يا الحبيب ودالصاوي تسلم كتير علي المرور الجميل بجمالك وروحك الطيبة جيت راجع من البلد قبل أيام والحال لا يوصف لكن نقول الحمد لله لسة الضحكة تعلو شفاه أهلنا الطيبين رغم المرض والحاصل البتحصل يوماتي من هيمنة فئة ضالة تحكرت فوق صدورهم والنفاج بصيص أمل لحال كانت بينا أهلنا لما كان الزمن زين رفعت جدران النفاج ولزم كل زول بيتو وغاب تبادل صحن الغدا بين الجيران ويا حليل ايام أيام هنايا أيام كان الخزين معايا زي ما قالت بت قضيم تسلم يا الصاوي ولك المودة والسلام تحية وخليك بيننا
Post: #33 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-23-2016, 02:51 PM Parent: #32
Quote: ود المنسي سلامات بصراحة كدا الفنانة الغنت انساني وانا انساك خربت الاغنية تماما لك كل الود
أخي باسط ود المكي سلاميا طيب أحترم رأيك لذا قلت في بداية حديثي فنانين يمتلكون حسن الأداء والموهبة في الحضور ويحتاجون لرعاية والرعاية تكون أن يكون ادائها بطريقتها هي ثانيا لم تخرج من اللحن أدتالأغنية كما وضع لها اللحن لكن ما عارف ...... هل ترغب أن تغني الأغنية بتقليد صوت الفنان الكبير الشفيع أكيد لو فعلت ما كنت أعجبت بادائها يعجبنيفيها الحضور المسرحي وهي تغني وبرضو احترم رأيك
Post: #34 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-23-2016, 02:56 PM Parent: #33
Quote: رديت على حامد الصاويوقلت ليه فعلا يا حامد الله يكثر من امثاله لان طلته البهيةوتعليقاته الانيقة والخفيفة الروح تزيل عننا الكثير من همومالغربة ... وقلت لود المنسي ..غبت كتير المرة دي ..وغيب وتعال تلقانا نحن يانا نحن..يانا نحنوكمان جبت ليه هاشم مرغني بيغني..غيب وتعال....لكن لمن جيت راجعة اصلح غلط مطبعي وجدت بدلالغناء الجميل اعلانات...وماشة احاول تاني..
تسلمي يا بسمات نحن نفتح البوست ..... ولك لغيرك الأئن ..... أن يرد على كل مداخلة قد تعني بعض المداخلات لك شئ في نفسك تريدي ان تعقبي عليه فلك الإئن بت الأتبراوي وغيبنا وعدنا والحمد أنتم كما أنتم أخوات وأخوة نعتز بمعرفتكم عبر الأثير الفضائي ودمتي في خير عافية بسمات
Post: #35 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-23-2016, 06:13 PM Parent: #34
لحين ميسرة لحين ميسرة
Post: #36 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-23-2016, 07:23 PM Parent: #35
الرائع الفنان أبو بكر سيد أحمد يتمتع بذوق عالي في الأختيار وكذلك حسن الأداء والتطريب وهذا بالإضافةلحسن مخارج الأحرف الذي أكتسبه من دراسته لعلم التجويد .. وهذه ملاحظة في في فناني هذا الزمان تجد أن مخارج الحروفغير واضحة إضافة في بعض الأحيان تجد فنان يخلق كلمة أصلا ما موجودة ( عميلة وزن ) ههههههه حكى لي مرة الشاعر الجميل الأستاذ عبدالقادر الكتيابي أنه حكى له صديقه رجلالأعمال عادل أحمد أدريس أنهسمع فنان يَطِرب باغنية ( لمحتــــك ) كلمات الشاعر الكتيابي ولحن وأداء الفنان عليه رحمة الله مصطفى سيد أحمد مطلع الأغنية لمحتك قلت بر أمان وبديت أحلم الفنان كان بقول لمحتك وقلت بردان وبديت أحلم هههههههههه عودة لأبي بكر جمعته حلقة قدمها الأستاذ الصحفي حسن ساتي عليه رحمة الله كانت حضور في هذا البرنامج الأستاذ القامة محمد وردي ...العازف البارع اسماعيل عبد الجبار الفنانة أسرار بابكر والفنان ابوبكر غني يومها الكثير من الأغاني لوردي وكان اعجاب وردي بصوته أدائه واضحاً في تلك الحلقة وردي الما بعجبو العجب ولا الصيام في رجب وعندما غنا ( الصورة ) صفق له الحضور لحسن الأداء
Post: #37 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-23-2016, 07:40 PM Parent: #36
ولحين ميسرة
Post: #38 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-23-2016, 08:03 PM Parent: #37
حسب ما حكى لي الأخأبوبكر سيد أحمد بعد هذا اللقاء قدم له الأستاذ وردي دعوة لزيارته في منزله مشى أبوبكر للأستاذ ورد بعد العاشرة صباحاً وجدته راقد في عنقريب هبابي في حديقته أمام المنزل ( للحديقة قصة مع ناس الإنقاذ ... الحكومـــة ) شربوا القهوة مع بعض قال لي ابوبكر ( طبعاً ابوبكر يدخن ... يدخن سجائر ما شي تاني هههههههه ) قال لي بعد القهوة خرمت خرمة بطالة وعاوز بس سجارة وبقيت ما بفهم في البقولو في وردي وكانت كلها نصائح و وردي يشيل ويكب في القهوة وأبوبكر وصلت به الخرمة إلى سجارة يطفئ بها عجاج فعل القهوة.... قال في النهاية طلعت علبة السجائر وقلت له يا أستاذ وردي اسف جداً جداً لكن عاوز أدخن سجارة قال : لم يقل شئ .... لكن امتد يده إلى السجارة وكسرها وقال له: يا أبني لو عاوز تمشي صح في هذا الطريق بطل التدخين وسف التمباك ومدا له الحقة قال تركت السجارة وبقيت في خرمتي إلى أن ودعت وردي
Post: #39 Title: Re: نفااااااج نغم في زمان ضاق فيه الحال Author: Khalid Saeed Date: 02-24-2016, 11:27 AM Parent: #38
حبيبنا خالد المنسى ياسلام عليك يامك وعلى ضيوفك الكرام
Post: #40 Title: Re: نفااااااج نغم في زمان ضاق فيه الحال Author: مني عمسيب Date: 02-24-2016, 11:44 AM Parent: #39
يا ود المنسي ... سلام بالاحضان السودانية وشوق يا لكلس .. ولضيوفك السمحين ..
يشهد الله مشتهينكم زي العافية يا الكلوس .. ومشكور علي النفاج البسع الجميع ..
وانا قاعدة اموووت لمن مواعيدكم تفوت ..
Post: #41 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-24-2016, 01:40 PM Parent: #40
Quote: حبيبنا خالد المنسى ياسلام عليك يامك وعلى ضيوفك الكرام
حباب ود الأرباب أهل الدرق والسيف ود الما بهمو بي حساب الخريف والصيف ود البحجو المرقوب وبكرمو الضيف جدك في المكنية كبّر وفاتهم حيف
شكر جميل يا خالد على المرور البهي وخليك جنبنا نسعد بي لمتكم يا الأهل
Post: #42 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-24-2016, 01:59 PM Parent: #41
Quote: يشهد الله مشتهينكم زي العافية يا الكلوس .. ومشكور علي النفاج البسع الجميع ..
وانا قاعدة اموووت لمن مواعيدكم تفوت ..
بت عمسيب السمحة وسمعك زين لي فاطنة السمحة أنا قاعدة أموت لآمن مواعيدك تفوت وما أحلى الموعد وساعة اللقاء أجمل ما سمعت في الموعد كلام للشاعر الجميل عزمي أحمد خليل
أنا وأشواقي والساعة معيادك جينا من قبلو شوفي ما أحلى الكلام فاطنة السمحة وأمثالها لو وجدوا الكلمة العميقة من الشعراء واللحن المركز فهم يمتلكون موهبة الأداء ولهم شأن تسلمي بت عمسيب وتعظيم سلام للضابط أب نيشيان وما تنسينا من الزهور أجدعي ليك كوم زهور لي ود الفاضلابي و ود البوش و ود ابوسن و ود ابوسنينة خليهم يجوا مطفرين طفيرة صقور خاوية من الجو
Post: #43 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-24-2016, 02:10 PM Parent: #42
أخوي الحبيب خالد ود الأرباب أغاني الفنان الراحل العطبراوي لها في النفس وقع خاص وجمال روح ومبادئ العطبراوي لها من النفس وقفة احترام لهذا الإنسان عليه رحمة الله العطبراوي غنا للوطنفاعطاه حقه و أوفّى وشدى في الغزل فأبدع وأطرب الفنان صوته قوي وجميل وكما قلت في بداية البوست يحتاجون لمن يرعى مواهبهم كلمة ولحن حتى لا يتقوقعوا في ثوب الأخرين
خالد ود سعيدود الأرباب سلالة فراسان وقفوا في وجه المستعمر الأنجليزي في الموقعة المشهور ابو طليح والتي برز يومها جدهلأبيه الأرباب سعيد
وهذه الأغنية نظمت تمجيد لذلكاليوم أغنية الأرباب سعيد وهي أغنية محلية في مناطق شندي لم تجد طريقها لكي يسمعها كل أهل السودان
Post: #44 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-24-2016, 06:12 PM Parent: #43
تجلى أبوبكر السنجكفي ليلة وفاء للفنان الراحل عثمان حسين عليه رحمة الله في حضرة الشاعر القامة حسين بازرعة وكوكبة من الحضور والشاعر السر دوليب
داوم على حبي وما طلب كتير داوم وأخلص وهل طلبت الكثير ؟؟؟ الأغنية من كلمات الشاعر السر دوليب حبيبي خلوقني أحــــبك وخلوق علشان تهواني
Post: #45 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-24-2016, 06:12 PM Parent: #43
تجلى أبوبكر السنجكفي ليلة وفاء للفنان الراحل عثمان حسين عليه رحمة الله في حضرة الشاعر القامة حسين بازرعة وكوكبة من الحضور والشاعر السر دوليب
داوم على حبي وما طلب كتير داوم وأخلص وهل طلبت الكثير ؟؟؟ الأغنية من كلمات الشاعر السر دوليب حبيبي خلوقني أحــــبك وخلوق علشان تهواني
Post: #46 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-24-2016, 06:24 PM Parent: #45
أعجبتني تعليقات الشعب السعودي في الفيس بوك أن المملكة العربية السعودية تبرعت للسودان بمبلغ 5 مليار دولار كلهم أجمعوا أن لأول مرة مساعدات المملكة تصب في مكانها والشعب السوداني يستاهل ولكن يا خوف الشعب السوداني ما مافيات نكبة الإنقاذ التي سرقت كل عرق الشعب السوداني ديل يختفو اللقمة وإن حفّت من جنحين الملك إن رفّت وسيدا يموت بي الفاق القرش إن فاتهم لي البستاهلو يندموا ليهم ما جاهم
Post: #48 Title: Re: نفااااااج نغم في زمان ضاق فيه الحال Author: Khalid Saeed Date: 02-25-2016, 10:13 AM Parent: #46
ياسسسسلام عليك يامك ياسسسسسلام
لك التحية والتقدير ، ادي قعدته في ديوانك العامر وسط هذا التطريب العالي ، والأرواح الشفيفه والألحان التي لها في القلب منازل
اسعدتني بالبشيره ، تسلم يامك
Post: #49 Title: Re: نفااااااج نغم في زمان ضاق فيه الحال Author: مني عمسيب Date: 02-25-2016, 10:24 AM Parent: #48
صباح الرضا ... وصباح الحب لجميع المحبين والعاشقين ..
والله يا جماعة انا ما بقدر ادس احساسي الايجابي تجاه النا س وبامانة بريد الكلس خالد سعيد دا من جوووووه قلبي يشهد الله وقبل كدا هدأ لي اغنية ودايرة ,, اردها ليهو معاها باقة ورد ..
يا الكلس خلد ود سعيد يسعد صباحك ..
يا اعز الناس ..
Post: #50 Title: Re: نفااااااج نغم في زمان ضاق فيه الحال Author: فيصل محمد خليل Date: 02-25-2016, 10:55 AM Parent: #49
نفاج في عينك
Post: #51 Title: Re: نفااااااج نغم في زمان ضاق فيه الحال Author: عزالدين عباس الفحل Date: 02-25-2016, 11:11 AM Parent: #50
Post: #52 Title: Re: نفااااااج نغم في زمان ضاق فيه الحال Author: مني عمسيب Date: 02-25-2016, 11:17 AM Parent: #51
ود الفحل .. حبابك يا خوي ..
ههههههههههههههه
ود الفحل لو سمحت تفرز ما بين الريدة والحب ههههههههه بعدين خالد دا زي اخوي يعني ريدة اخوية .. اما فيصل دا شئ تاني .. وحا اجي اهدي ليهو اغنية قدر تصريحو الصرحوهههههههههه .. ان شاء الله الرسالة وصلتك ؟
وتسلم يا ود الفحل ... ولو سمحت ما تجيب لينا الهواء وسيبنا مع ( الهوي )
ههههههههه .ودمتم يا احلي ناس ..
Post: #53 Title: Re: نفااااااج نغم في زمان ضاق فيه الحال Author: عزالدين عباس الفحل Date: 02-25-2016, 11:35 AM Parent: #52
مني عمسيب
صديقي العزيز ، فيصل محمد خليل ، رجل محظوظ ، قدم الـ Proposal و لقي الـ Answer علي الهواء الطلق ،،،
عزالدين عباس الفحل ابوظبي
Post: #54 Title: Re: نفااااااج نغم في زمان ضاق فيه الحال Author: فيصل محمد خليل Date: 02-25-2016, 12:03 PM Parent: #53
Quote: مني عمسيب
صديقي العزيز ، فيصل محمد خليل ، رجل محظوظ ، قدم الـ Proposal و لقي الـ Answer علي الهواء الطلق
صديقي العزيز عز الدين عباس دي حالتنا من غير وضوء لو اتوضينا ؟ بحصل شنو ههههههه
نخلي التلفون فاتح مثلاً .... يا بت عمسيب ههههههه
-------- يا ود المنسي شطة بليموووووون
Post: #56 Title: Re: نفااااااج نغم في زمان ضاق فيه الحال Author: عزالدين عباس الفحل Date: 02-25-2016, 12:07 PM Parent: #54
فيصل محمد خليل
صديقي العزيز ود الخليل ، الرجل الظريف ، ضحكتني حتي الإشباع ، أشواقي ، ،،،
عزالدين عباس الفحل ابوظبي
Post: #55 Title: Re: نفااااااج نغم في زمان ضاق فيه الحال Author: Khalid Saeed Date: 02-25-2016, 12:05 PM Parent: #53
حباب الملكة بت عمسيب حباباحباب الخوتهم تتمنى .. هديتك يا أعز الناس .. اسعدت يومي ، تسلمي ويسلم المك خالد المنسي .. الفتح لينا نفاج فرح .. تداعى له كل الصحاب هاك يالملكة .. حسين شندي يحمل بعض حنينا واشواقنا الى عوالم لها في قلوبنا صدى وذكريات
أنا قولي ليك عجيب عشمان الكريم رجاي فيك مايخيب
Post: #57 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-25-2016, 08:45 PM
Quote: ياسسسسلام عليك يامك ياسسسسسلام لك التحية والتقدير ، ادي قعدته في ديوانك العامر وسط هذا التطريب العالي ، والأرواح الشفيفه والألحان التي لها في القلب منازل اسعدتني بالبشيره ، تسلم يامك
أخي الحبيب خالد ود سعيد الأرباب وأنت عارف معزتك في النفوس كبيرة البكان بُكانك والدار دراك يا أرباب كان الشاعر الفنان ودالنزيهة مبدع غناء الفن في شندي وقطعوا أخدر بقطع كلمات الأغنية في الحفلة وهو شاعر الأغنية المشهور ( الكنينـــــــــــة ... الكنينــــــــة يا رُطب الجنينة ) ومن أجمل أغانيه أغنية غزليــــــــــــة التي أبدع فيها من الترطيب الفنان الجميل علي إبراهيم اللحو
بت عمسيب تلي وتتلتلي المروية وفوقنا أنكعي هزي وكان زحينا يوم الحارة قرنك جِزي
Post: #58 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-25-2016, 09:17 PM Parent: #57
الشاعر ود النزية كان رجل بسيط مزارع وصاحب سعية يبيع منتوجات مزارعته في مدينة شندي هو من أهل الشقالوة ( قرية ساردية ) كان شاعر فحل لا يقارع في القطع الأخدر والغزل
أنظر في قوله تلي وتلتلي المروية المروية هي ضفير الشعر ... ومروية بالدهن المو مخمج أما الشيوخ أهل القباب البنيات ( البنية هي القبة التي يدفن فيها الشيخ ) الذين ندهم أعتقادا منه أنهم يقربوا بينه وبين المحبوبة ( الغزلية )
الشيخ العبيد ود ريا البادراب وشيوخ البادراب سلمان ود العوضية باسبار ابو العونية في منطقة البسابير والشيخ حسن ود حسونة
والأغنية قديمة جداً من الستينيات ( أيام الرئيس أسماعيل الأزهري )
Post: #59 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-25-2016, 09:22 PM Parent: #58
Quote: صباح الرضا ... وصباح الحب لجميع المحبين والعاشقين ..
والله يا جماعة انا ما بقدر ادس احساسي الايجابي تجاه النا س وبامانة بريد الكلس خالد سعيد دا من جوووووه قلبي يشهد الله وقبل كدا هدأ لي اغنية ودايرة ,, اردها ليهو معاها باقة ورد ..
يا الكلس خلد ود سعيد يسعد صباحك ..
يا اعز الناس ..
بت عمسيب تلي وتتلتلي المروية وفوق اللحو عومي عوم الوز التحية لك والي الأرباب ود سعيد خالد ويسعدنا وجودك يا بت عمسيب
Post: #60 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-25-2016, 09:26 PM Parent: #59
Quote: نفاج في عينك
فيسل هليل szia hogy vagy
ههههههههه في عينــــك ما قلتها من قلبك لاني متأكد من حبك لنا في الله ههههههههههه صديقي اللدود
hogy vanok a lanyok
Post: #61 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-25-2016, 09:30 PM Parent: #60
Post: #62 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-26-2016, 08:37 PM Parent: #61
لحين ميسرة
Post: #63 Title: Re: نفااااااج نغم في زمان ضاق فيه الحال Author: عفاف أبو حريرة Date: 02-27-2016, 00:12 AM Parent: #62
سيد الدار سلام ماشاء الله عليك نفاجك شايفه بقي درب عديل وجاب ليك كل الناس السمحين بت عمسيب اللضرص عرديب قلتي كلام
Quote: صباح الرضا ... وصباح الحب لجميع المحبين والعاشقين ..
والله يا جماعة انا ما بقدر ادس احساسي الايجابي تجاه النا س وبامانة بريد الكلس خالد سعيد دا من جوووووه قلبي يشهد الله وقبل كدا هدأ لي اغنية ودايرة ,, اردها ليهو معاها باقة ورد ..
يا الكلس خلد ود سعيد يسعد صباحك ..
يا اعز الناس ..
الارباب ماساهل يستاهل كل كلام يتقال فيه اخوبنات ومقنع كاشفات ومايعرف قدر الرجال الا بنات الرجال وانتي كمان بي ميه راجل عجبني كلامك في خالد لانه انسان حبوب يدخل القلوب من غير استئذان
Post: #64 Title: Re: نفااااااج نغم في زمان ضاق فيه الحال Author: مني عمسيب Date: 02-27-2016, 09:40 AM Parent: #63
سلام بالاحضان السودانية للجمييييييع ,,
واحتص الجبيبة الزينة وعاجباني بت ابو حريرة ومشكورة علي معرفة المزيد من الكلس مريودي خالد ود سعيد .. والله انا سعيدة بيكم كلكم يا عفة .. واحمد الله اني سودانية ومنكم فيكم ..
اها يا اخوانا بالمرة .. ناولو لي فيصل ود خليل الهدية دي لو انا ما لاقيتو .
Post: #65 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-27-2016, 09:06 PM Parent: #64
Quote: سيد الدار سلام ماشاء الله عليك نفاجك شايفه بقي درب عديل وجاب ليك كل الناس السمحين بت عمسيب اللضرص عرديب قلتي كلام
بت أبوحريرة العزيزة ما مصدق الزيارة التانية ليك عودتيني بزيارة واحدة في كل بوست هههههههههه إتنين مانيبمصدق هههههه وليتك تبقي ونشوف كل يوم مداخلة منك وهل توعد بتشيوخ البطانة
Post: #66 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-27-2016, 09:17 PM Parent: #65
Quote: واحتص الجبيبة الزينة وعاجباني بت ابو حريرة ومشكورة عليمعرفة المزيد من الكلس مريودي خالد ود سعيد .. والله انا سعيدةبيكم كلكم يا عفة .. واحمد الله اني سودانية ومنكم فيكم ..اها يا اخوانا بالمرة .. ناولو لي فيصل ود خليل الهدية دي لو انا ما لاقيتو .
مصطفى بطران من شعراء منطقة بحري والتي كانت تضم مجموعة من الشعراء هم ود الرضي وخليل فرح ومصطفى بطران وكان يحتدم التنافس بينهم وبين شعراء أم درمان نظم الشاعر العبادي أغنية ( عزة الفراق بي طال وطال وسال سيل الدمع الهطال )فنظم خليل فرح ( عزة في هواك )ونظم مصطفى بطران ( عزة وصالك .. وما لقيتلو مثيل ) وهي من القصائد الرمزية وكانوا يقصدون بعزة ( السودان ) وكان أختيار أسم عزة لأسباب سياسية أيضاً عزة هي زوجة المناضل علي عبد اللطيف ونسمع معاً أغنية عزة وصالك أداء الفنان الرائع عثمان الشفيع
Post: #67 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-27-2016, 09:44 PM Parent: #66
عزة وصــــــالك
كلمات الشاعر مصطفى بطران
عــــزه وصالك ما لقيتله نصــير ياللطيفه خصالك كيف يكون المصير درت أحاربه غرامك وأفنى عمري قصير جاني جيش اشواقى حاز على النصير قلت اترك حبك وعن سواك اختصر شفت عقلي التائه في هواك منحصر مهما أقول أسلاك القى قلبي مصر فكرى حار في رجوعه وحار معاه البصير بيك أصبح جوفي جروحه فائقة الحصر ما بفيدنى طبيب لو كان يجئ من مصر في فيافي غرامك قلبي جارى السير كيف أعيش دون قلبي عزه أسير قلت أرسل طرفي لو يراك يسير جاني دامع طرفي وعاد إلى حسير قلت أناجى خيالك صار على عسير ليه لأنه مقيد..... في هواك أسير العلى يا عزه لو قليل أو كثير كان سميتك قبلك جننته كثير عزه حتى جمالك زى غرامي شهير يا سلالة العفه الغانيه عن تشهير يا مثال الناعس طرفي بيك سهير يا بدايع طرفه ويا معاني زهير عزه بهجة حسنك حايزه كل تقدير زى شعاع البدر الطل فوق الغدير لولا طال بى هجرك برضي بيه جدير يا الملكتى فؤادي وليك أصبح دير ليته لي يا عزه جناح أحاكى الطير كنت اقصد حيك لي رباك أطير أجلى ظلمة ليلى يومي يبقى مطير تحيا بيك امالى وجوى يبقى عطير
Post: #68 Title: Re: نفااااااج نغم في زمان ضاق فيه الحال Author: Khalid Saeed Date: 02-28-2016, 07:00 AM Parent: #67
ياسسسسسلام يامك ياغزلية فوق الصيد عجب عينيه ياغزلية جاني مسرح البادرية زكرنى أنا المكنية أبدع ود النزيهة في ترجمة مشاعره الصادقة ، العفوية ، أجمل اشعار الفخر والحماس والغزل تلك التي تأتى تلقائيه دون ترتيب تأتي نتيجة انفعال لحظي لترجمة مشاعر صادقة فرضه الموقف . اهديك عرش دود مراسي السار ويقال أنها ايضا اتت في ظروف مشابهة من أمراة رأت ما رأت من العمدة مختار من كريم خصال وكرم وفراسة فقطعت فيهو الغنية . دم بخير يامك وهاك العمدة مختار ود طلحة ،
Post: #69 Title: Re: نفااااااج نغم في زمان ضاق فيه الحال Author: Khalid Saeed Date: 02-28-2016, 07:23 AM Parent: #68
في حضرة الأربابة أم أحمدعفاف أبوحريره والأرباب أبو أحمد خالد أبوحريرة.. الكلام مابوفي .. وأنا شايف إبداع يوسف البنا .. مافاطيهم .. وأظنه عناهم عديل كــده بي قوله .. شايف فيك فعايل والدك الكات عندو ستّار للعروض ديمه القرش بتفندو الحصحاصه فى المثل الضرس بتسندو والأجواد غناهو وفقرو واحد عندو أه شفتو الكلام ده .. أنا شفتوا عديل في الأرابيب ناس المحرب .. ماحدثني بيه زول .. افتقدتهم الرياض وافتقدناهم جدا ، فمثلهم فرقتهم ما بتنسده . أهديهم يوسف البنا وكل اهل النفاج بالله شوفوا كيف وصف أهل السودان كله ما خلي زول
Post: #70 Title: Re: نفااااااج نغم في زمان ضاق فيه الحال Author: Khalid Saeed Date: 02-28-2016, 07:43 AM Parent: #69
مرحبتين أخت الرجال الملكة بت عمسيب حبابك ياسودانية اصيله نبيله حبابا حباب النيل حباب الغابا مرحبتين بلدنا حبابا ياها ديارنا نحن احبابا نهوى عديله ونرضى صعابا
Post: #71 Title: Re: نفااااااج نغم في زمان ضاق فيه الحال Author: ismeil abbas Date: 02-28-2016, 08:57 AM Parent: #70
السلام عليكم..أخى خالد المنسى وسلا م على ضيوفك الراقين .......
بوست منتهى الروعة..وبالذات روشتة الحياة الجميلة دى:
Quote: حبيبي الدنيا يوم بتروح لا بدوم لا فرح لا نوح ونحن اليوم ورود بتفوح غداً نصبح حطام احلام وتزرونا الرياح في الدوح فليه قلبك تزيدو جروح
تقديرى وإحترامى للجميع.
Post: #72 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-28-2016, 07:59 PM Parent: #71
Quote: ياسسسسسلام يامك ياغزلية فوق الصيد عجب عينيه ياغزلية جاني مسرح البادرية زكرنى أنا المكنية أبدع ود النزيهة في ترجمة مشاعره الصادقة ، العفوية ، أجمل اشعار الفخر والحماس والغزل تلك التي تأتى تلقائيه دون ترتيب تأتي نتيجة انفعال لحظي لترجمة مشاعر صادقة فرضه الموقف . اهديك عرش دود مراسي السار ويقال أنها ايضا اتت في ظروف مشابهة من أمراة رأت ما رأت من العمدة مختار من كريم خصال وكرم وفراسة فقطعت فيهو الغنية . دم بخير يامك وهاك العمدة مختار ود طلحة ،
العزيز الأرباب لك التحية مزجى فعلاً أغنية غزلية مفردتها نابعة من صميم تلك البيئة الطيبة جهة شندي وضواحيها العمد مختار ود رحمة ناظر العبيدية رجل عرف مي صي وحضر تلك المنطقة وعرف فيه كل خصلة طيبة وقد رويت قصة عن مناسبة هذه القصيدة لكن لا اعلم مدى صحتها يقال أن العمدة في القطار وفقدت أمراة مبلغ من مال ( عشرون جنيه ) وعندما جاءتالشرطة أتهمت المرأة الناظر مختار ود رحمة فسألها مختار كم فقدت؟ قالت : فدتمبلغ 20 جنيه فتح جزلانه وأعطاها المبلغ وما هي إلا لحظات والشرطة مسكت النشال وأعادت للمرأة من النشال مبلغ الـ 20 جنيه وبعدها عرفت المرأة أنا هذا الشخص الذي ظلمته هو ناظر العبيدية المعروف مختار ود رحمة فنظت فيه القصيدة
Post: #73 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-28-2016, 08:05 PM Parent: #72
Quote: السلام عليكم..أخى خالد المنسى وسلا م على ضيوفك الراقين .......
بوست منتهى الروعة..وبالذات روشتة الحياة الجميلة دى:
Quote: حبيبي الدنيا يوم بتروح لا بدوم لا فرح لا نوح ونحن اليوم ورود بتفوح غداً نصبح حطام احلام وتزرونا الرياح في الدوح فليه قلبك تزيدو جروح
أخي العزيز الذبيح سماعين لك التحية والود وتشكرات كتار علي المرور الجميل حيناً يتعذر الواصال أنساني وأنا أنساك نتقاسم مرار البين أنا أياك تعجبني تعليقاتك ما قل ودلّ فلك الشكر الجزيل مرات عددا
Post: #74 Title: Re: نفااااااج نغم في زمان ضاق فيه الحال Author: عفاف أبو حريرة Date: 02-28-2016, 09:22 PM Parent: #73
Quote: أهديهم يوسف البنا وكل اهل النفاج بالله شوفوا كيف وصف أهل السودان كله ما خلي زول
حباب الارباب والله ياخالد في رفقتكم لقينا السودان كله لقينا فيهو يمه ويابه وحبوبه وخيتي واخواني ووليداتي انتم بتمثلو في زاكرتي اجمل ناس ربنا يديم المعروف بيناتنا وشكرا لي الهديه القيمه انا طبعا بعجبني شديد كلام ود البنا وذمان كان نزلت بوست انه كل كلامه القاله بحس انه قال في خالد كل الخوالد ضروس ربي يديمكم فوق راسي يارب
Post: #75 Title: Re: نفااااااج نغم في زمان ضاق فيه الحال Author: عفاف أبو حريرة Date: 02-28-2016, 10:41 PM Parent: #74
Quote: بت أبوحريرة العزيزة ما مصدق الزيارة التانية ليك عودتيني بزيارة واحدة في كل بوست هههههههههه إتنين مانيبمصدق هههههه وليتك تبقي ونشوف كل يوم مداخلة منك وهل توعد بتشيوخ البطانة
Quote: دارك ديمه عامره والسمح ما بكعب
الشرف لي يا ابو احمد اجيك تاني وتالت المتلك انت ما ساهل انت زول مك
Post: #76 Title: Re: نفااااااج نغم في زمان ضاق فيه الحال Author: مني عمسيب Date: 02-29-2016, 11:00 AM Parent: #75
صباح حبي ليكم ...
تحية من القلب للقلب .. لاخي الحبيب الصبوح .. اسماعين ود عباس ..
يا العزااااااز علينا ..
Post: #77 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-29-2016, 08:50 PM Parent: #76
Quote: الشرف لي يا ابو احمد اجيك تاني وتالتالمتلك انت ما ساهل انت زول مك
وحات أسم الله الشرف هُولك من قمتي بيهو تاتي نحن اللينا الشرف تسلمي يا عفاف بت ابوحريرة وكلمتك دي فوقها الجبال وزن سوف تثقل كاهلنا وربي يقدرنا أن نكون دوماً عند حُسن ظنك قال سايق القيات عِج بي وأخد سندة وبي الدرب التحت إتجاه ربوع هُندا ونحن بنقول عِج بي و أخد سندة أتجاه ربوع ود المحرب ونُكرم الكرم عند أهلو لك بنت ابوحريرة سايق الفيات كلمات إبراهيم العبادي
Post: #78 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-29-2016, 09:08 PM Parent: #77
بت عمسيب عاد أقول ليك شنو تسلمي تسلمي كتير صاحبة القلب العطوف
Post: #79 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 02-29-2016, 09:20 PM Parent: #78
وعزاز علينا من محاسن هذا المنبر عرفنا فيه ناس عزاز علينا وعلى على رأسهم الأميرة اميرة بسمات ورفيقتها ( وسواق عقبة بورتسودان انتثال ) والعقبة زمان كان بكون فيها السواقين الحاذقين فناً في السواقة يقودون اللواري وبعدوها من العقبة الملكة وضاحة عواطف ادريس سكينة بت كمبال ومن القدامة هههههه القدماء أجدادنا سمية بت ودطلحة ريحانة البطانة سلمى بت الشيخ سلامة سلمى صبحي أميرة الشيخ العروس والصناديد ود شيقوق ود البوش \ود ابوسن ود ابوسنينة ود الفاضلابي ود المحربابوبكر سيد احمد القمر بوبا ابوبكر ابوالقاسم عثمان موسى أحمد القرشي و ود المرتضى وطبعا يا خالد الأرباب وعباس أنتم حضور وغيرهم كثُر لهم المعزة في قلوبنا لك منّا أجمل التحايا والمودة كسلا كان صبحاً سمح المحيا ندياً إذ حللنا حديقة العُشاق
Post: #80 Title: Re: نفااااااج نغم في زمان ضاق فيه الحال Author: اميرة السيد Date: 02-29-2016, 10:46 PM Parent: #79
الى حين ميسرة ومسرة
والله حوارات بت عمسيب وود خليل وخالد عجبتني شديدوانا جاياكم بالجديد... والله يديكم الصحة والعافية..
Post: #81 Title: Re: نفااااااج نغم في زمان ضاق فيه الحال Author: مني عمسيب Date: 03-01-2016, 09:48 AM Parent: #80
صباح شوقي ليكم ...
من بلد الزهور ... مرسل لجميع الاحبة من كل بستان وردة ..
واختص الغالية الاميرة .. يا اميرة وينك يا حبيبة ؟
Quote: والله حوارات بت عمسيب وود خليل
هو ود خليل طار وين ؟ لي اسه هديتو مو جاء شالها ! هههههههه .
Post: #82 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-01-2016, 02:26 PM Parent: #81
Quote: الى حين ميسرة ومسرةوالله حوارات بت عمسيب وود خليل وخالد عجبتني شديدوانا جاياكم بالجديد... والله يديكم الصحة والعافية..
سلام ومرحب حباب الأمير بت عبد الرحيم وعوداً حميد ومنتظرين الجديد إن شاء الله معا حبة جُرم والعجو الجاي من المحوس وإن عوّل ما بينقرو السوس المفلس شن داير يكوس بس يعاين ويشبع مغوص
Post: #83 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-01-2016, 06:28 PM Parent: #82
البديع وعجيب في شعر الحقيبة
والكواكب إحتفلوا بي القمر
أم دي روضة درية السمر
ديسة لي القدم وصل الخبر
والصدير برز قلّع وإنتبر
والنهيد رُخص لسة ما جبر
قلبي هجّا طار عنو ما صبر
هييييييييع الخلا ولع أنا الككو الفجخ الطين
Post: #84 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-01-2016, 06:30 PM Parent: #83
لكواكب احتفلو بالقمر
ام دي روض دريه السمر
اقرب بهجه الاهيف الضمر
وديسو للدروع قسم الخبر
طريت شباك ورشرشو العمر
العيون سيوف تقضي ما امر
وديسو للقدم وصل الخبر
الصدير برز قلع وانتبر
والنهيد رخص لسه ما جبر
وقلبي مالو طار هجا ما صبر
ودمعي مالو فاض شابه البحر
ما طفى العلي من لهيبو حر
عقلي انفقد وقلبي ما انسحر
وتدري بالعلي نجمه السحر
العشق نصيب والغرام قدر
القلوب تطيع امرك الصدر
ونارنا ما انطفت وشوقنا ما فتر
ضعنا والنفس فينا ما ندر
الشعر نزل للردف ستر
وزاحم القدم وفيه كم عثر
الصدير قلع والردف نتر
الضمير تعب حالتو في خطر
خاتم السعود من نجم زهر
الاحتفال ختام نور اشتهر
انتهز فرص ويانع الزهر
وعشته في نعيم مده الدهر
Post: #85 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 03-01-2016, 06:59 PM Parent: #84
Quote: نتقاسم مرار البين
مرار البين وللا كمونية السماية
إزيك يازول ياسمح ,, انت الدبيب
خبارو ,, غاتس ؟ شافلو شوفة؟
Post: #86 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-01-2016, 07:07 PM Parent: #85
هلا غلا ود الفاضلابي مالك جاري لي الكمونية البين دا ما حار والكمونية باردة ما بتسلك في البطن الدبيب سمعت أضاني ما سديتها قالوا مترشح لرائاسة نادي مسقط لكن جلاليبو أتنين بس ما أظن يكسب أصوات كتيرة كيف الأرباب وإخيانو هسيبجيك شيقوق طاير بي الفيديو دا
Post: #87 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 03-01-2016, 10:34 PM Parent: #86
الحمد لله بسمات الجعلية الكواهلية الرباطابية ما قرت الكلام ده!! ( وليه هسع ما عارفين المسنوحة دي من الجعلية ولا الكواهلة ولا الرباطاب)..
طبعا كانت حتقول لينا شفتو المروة عند بني جعل كيفن.. الواحد يقتل نفسه عشان ينقذ الآخرين ...
لكن كان جينا للحق.. الجعليين في المروة بنلقاهم دائما قدام التانيين.. ( قلنا كدي نفرحها شوية)..
بت حلتكم متعصبة ومتطرفة.. ان شاء الله ما تلحق بناس داعش..
والله يديك الصحة والعافية...
Post: #123 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-03-2016, 08:36 PM Parent: #121
Quote: يسعد مساك يا خالددي منونه حبيبة حبوبتاوالله ياخالد في ناس ربنا حباهم بي انهم جزء من سكون الطبيعهوروعة الكون زي النيل زي المطر زي الغيوموراسين زي الجبال ساعه يابو مروه بخفوانا بعتبرك انت واخونا اسماعيل عباس منهمربنا يخليكم لي اولادكم ويحفظ ليكم روحكم الحلوه
بت ابو حريرة ربنا يحفظها الحفيدة تبهج حياتك وزي ما بقولوا المصريين ما أحلى من الضَنى إلا ضنى الضنى ودي حقيقة وربنا يديك الصحة والعافية ليهم شدرة موية يستظلوا بها ويديم النعمة في داركم وشكراً ليك كتير على هذا الأطراء وربنا يقدرنا أن نكون عند حسن ظنك ألتقيته الأخ الجميل اسماعيل عباس في دار الصديقة أسيا ربيع و حكمة الله لم أعرفه في المنبر معرفة لصيقة قبل اللقاء لكن توثقت معرفتي به بعد اللقاء وزي ما قلتي يا عفاف عباس من الناس اللذين يدخلون قلبك من غير إستئذان وربنا يديم المودة بينكم كلكم أخواتي وأخواتي هي كلمة نتجادعها طرفة بينا وهي توطد لعلاقات بيننا مستقبلاً و تشدنا لبعض فلا تستهونها لك تحياتي و مودتي
Post: #124 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-03-2016, 09:06 PM Parent: #123
Quote: والضيوف المارين.. ازيكم..
أهليييين بي الأميرة أميرة حسنا إتقرش ( في بوست البابور تايتانيك ازيك يا أميرة عووووك يا أميرة وما جبتي خبرنا نشيل ونرفع في البوست لآمن مخاريقي وقعن لا قولةً أمش لا قولةً تعال )بس أجبد فوق نفسي وأقول البينا عامرة وزي ما كنا أول هههههههههههههههونحـــن البيـــنا عامرة
Post: #125 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 03-03-2016, 09:07 PM Parent: #123
خالد قلنا نساعدك شويه علي قول الجماعه قوقلت لي وضاحه قصة اغنيه شوف العين هذه القصيدة من أروع ما تغنى بهالفنان الراحل كرومة ولقد لحّنها هو بنفسه لاعجابه بها، ومن بعده تغني بها عدد من الفنانين والفنانات، فأسرتهم جميعا كلماتها فغنوها بحرارة وإخلاص ، منفعلين بروعتها ومعانيها الجميلة.وكل الفنانين تغنوا بها على لحن كرومة، وعسى أن يعيد الجيل الجديد لحنها فيفوق به كرومة. و كما يبدو لي أن للقصيدة عدة روايات مختلفة في بعض أبياتها وقد أثبتناها هنا من أجل التوثيق.والقصيدة من تأليف الشاعر المبدع صالح عبد السيد المشهور بأبي صلاح الذي ولد بأمدرمان حي الموردة فى عام 1890 وتوفى بها في عام 1963وقد بلغ من العمر 73 عاما. ولو افترضنا أنه ألفها وهو في الثلاثين من عمره (أي عام 1920) فعمر القصيدة بتاريخ اليوم هو 93 عاما و ما زال عبقها يفوح يعطر أجواء الفن إلى هذا اليوم تطرب الأجيال جيلا بعد جيل. ومناسبة القصيدة أرّخ لها مؤرخ أغنية الحقيبة الأستاذ الموسوعة محمد الحسن الجقر فى كتابه "روائع حقيبة الفن" ، وحقيبة الفن هي تلك الأغاني التي بدأت فى العشرينيات من القرن العشرين وسيطرت على الساحة الفنية حتى الخمسينات منه وما زال أثرها يجرى في العروق يروى حركة الفن السوداني ومزاج الأدب كله حتى هذه اللحظة. يقول الجقر عن مناسبة القصيدة:" كانت تلك الحسناء -على ما يبدو – لها تصور خاص في ذلك الاسم ذائع الصيت (يقصد أبو صلاح) وكلماته الساحرة الآسرة الأخاذة التي تغنى بها كل شوادي وبالبلابل تلك الفترة، ويتهافت الكثير عندما يسمع أن الشاعر أبا صلاح قادم اليوم (لحفل) مع أحد الشوادي - وكالعادة وقتئذ يحضر الشاعر والمغني (الحفل) –وعندما سمعت تلك الحسناء بهذا النبأ أعدّت نفسها لترى وتشوف للزمان هذا الشاعر الذي ملك زمام الكلمة واللحن! وقد كان، عندما بشّر العريس عند وصول ركب المغنيين وفي مقدمتهم (الشاعر) أبو صلاح فى تلك الأمسية، كانت صاحبة القصة على أحرّ من الجمر لترى وتنظر أبا صلاح، وكان بعض الحضور قد شاهد أبا صلاح من قبل ويعرفونه، همست إحدى الحسان (قائلة): "آي والله هذا أبو صلاح بعينه"، وعندما لمحت تلك الحسناء أبا صلاح الذي كان ماراً بقربها ليأخذ مكانه الاستراتيجي الذي أُعدّ له، همست تلك الحسناء باستغراب: "أهذا هو (أبو صلاح)!؟" (ورنّعت برأسها قائلة) : "لا، لا، لا أظن ذلك"، فقام أبو صلاح يصور لنا ذلك المشهد شعرا يرد فيه على إنكار شخصه وشكله من قبل تلك الحسناء فقال:شوف العين قالت ده لا لا= عندما رأتني عينها أنكرتني قائلة: أهذا هو أبو صلاح !؟ لا. لا. لا.وصدت من تيها ودلالا= وصدت نافرة تيها ودلالًاريدتك ساكنة الجوف خِلالا(أو حِلالا)= ولكن بالرغم من هذا الصدود قد خلاجوفي إلا من حبك،و قد صار جوفي سكنا حلوا وحلالا لحبك.والاعضا امتزجت خِلالا =وحبك تخلل الأعضاء كلها وامتزج بها امتزاجا تاما.براق سنك شقَ لالا=ولما لا!؟ وقد أضاء سنك كاللؤلؤ من شدة بياضه. وسهمك(أو لحظك) صاب احشاي قَلالا= أما سهم حبك أو لحظ عينيك فقد أصبا الأحشاء وأحرقها بناره حرقا. العازل لو فات قُبالا = ولو مرّ العازل الحسود أمامهايمرض قبل ما ترمي بالا = لأصابه المرض وقتله في زمن يسير قبل أن تنتبه هي إلي وجودهبالبي تعلمي أنتِحالا= بالذي ألمّ بي أنت عليمةبين الأعضاء وإنتحالا= فهو ألم ألمّ بالأعضاء فبينّ عظامها وضعفها و ازاد الجسم نحولااسباب الغي و العِلالا= ومن يسأل عن أسباب الغي والعلل التي ألمت بيضمرتها والصدر العِلالا= فالأسباب واضحة منحصرة في ذلك الخصر الضامر والصدر العالينور في نور ياذو الجَلالا= فأنت يا صاحبة الجلالة بذلك المظهر البهي قد كسيت نورا وأنت نوروخدن بالدمعه انجَلالا= وقد إنجلى خدي بالدمع فصار لامعا تنعكس عليه أنوارك البهيةزايد غيوداوي مُحالا= وكلما رأيتها ازددت حبا وغيا فيها ويبدو أن علاجي أصبح محالادا الحرق الجتة ومَحالا = وهذا هو الذي حرق جثتي ومحاها من الوجود محوا. (وتروى أيضا دا الهلك الأعضا ومحالا)صرة عين إخدرّ فالا= وحت صرة عينها لها فال حسن عنديوبين طبقات رمشا الرخالا = ويالها من عين ساحرة أرخت عليها الرموش ستارا فزادتها جمالانظرة تجاوب من يَخالا= مفردة "يخالا" فيها معاني كثيرة جعلت الشرح صعبا ولعله يقصد أن نظرتها تجاوب من يتطاول عليها فتزدريه، أو نظرتها تجاوب من يظن بها سؤً فتريه عفتها، أو نظرتها تجاوب من يتفرسها.معنى العفة الدون بَخَالا= وبالرغم من عفتها إلا أن جمالها شائع يكرم به كل ناظر ولا تبخل بهوصار مديونفي الترنيم ماليك مِثالا= وأنت لا مثيل لك فى تحسين الصوت بالغناء والطرب.علمتي الغصن الرِتالا= وأنت التي علمتي الغصن الترتيل والتغني بحسنك وحبه لك.شوفتك كم عاشق اتالا= وكم من عاشق أتى ليرى حسنك وجمالك متكبدا المشاق.وعاد مطعون بسهام قتالا(أو نبالا) =إ لا أنه رجع مطعون بسهام نبلها الفتاك القاتل.طرف العينيانسام اوصف جمالا= ويا نسيم أوصف لي جمالها فأنت المصاحب لها دوماوالقامة السيرك أَمالا = وأوصف لي تلك القامة التي يميلها المشي فتتثنى فتزداد أنوثة.اوصف لي أحوال (أو اسباب)كمالا= وأوصف لي يانسيم أسباب و أحوال كمالهاوقول لي ام خدها جراني مالا = وأشرح لي لماذا هجرتني وصدتني صاحبة الخد الجميل؟النسا مشال الرسالة = فأخذ مني النسيم الرسالة.(تروى "جاب" وهي خطأ بدليل البيت الاحق)وفي التوضيح روق رِسالا= وذهب إليها وجلس حداها هادئا راسيا يوضح ويشرح لها رسالتي.ذكرني الرطب العَسالا = وكلما رأيتها يا صاحبي تذكرت الرطب المعسول حلاوةوزاد الشوقو الدمعِ سَالا= فينهمر دمعي من زيادة شوقي وهياجه وشغفي بها. (ويروى أيضا زادالشوق والهجر طالا) نار الحب زاد إشتعالا= وكلما تذكرتها أو رأيتها زادت نار حبيوغيي إشتعالا. (ويروى نار الغي)والأفكار دايما زِعالا = وكلما تذكرتها هاجت أفكاري واختلطت وتزاحمت وكأنها في حال خصام.فى الهجران أنظر فِعالا = ويا صاحبي أن اردت أن تعرف ظلمها فانظر هجرانها فستعلم ما قلته لك.ويا نسام أرجع تَعالا= ويانسيم أرجع و تعال لي بجواب منها، أو أن الشاعر غضب فأمر الرسول بارجاع رسالته قبل أن تصل إليها يأسا منها بسبب صدودها وتكبرها عليه.ويا نسام أرجع تعالاويا نسام تعالا وتعالايا لها من كلمات تجري سلسبيلا في سهولة ممتنعة لمستقر لها في سويداء القلوب. فعجبا لأبي صلاح فقد كان يسبك الشعر سبكا كما وصفه أحد أقرانه، وكان يساعده على ذلك خيال خصب، وقاموس ضخم،وملكة شعرية فذة فاق بها أقرانه ليصبح رائد أغنية الحقيبة بلا منازع. ألا رحم الله أبا صلاح وكرومة وكل شعراء وفناني الحقيبة رحمة واسعة يدخلهم بها فسيح جناته فقد كان معظمهم من حفظة القرآن الكريم تلك التحفة الأدبية الفياضة.
Post: #129 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-05-2016, 08:50 AM Parent: #128
العزيزة العافية
شم البطانة في برود الحرة
كيف أصبحتي أختي الغالية
شكراً كتير على هذه المعلومات الطيبة
أبوصلاح شاعر والشعراء يفصلون ونحن نلبس ونلبس كما نهوى
كثير ما تروي مفردة القصيدة قصتها لكن لا يتورع الناس في نسج القصص لها وقد تكون صادقة وقد تكون لا
لذا قال الشعراء إن أصدق ما نقول هو الرثاء ننظمه وقلوبنا فجعة
مثال
قد سمعت مثلاً قصة لقصيدة بدور القلعة قريبة من هذه القصة أن الفتاة كانت تمني النفس أن ترى الشاعر ولما رأيته قالت :
سجمي هو دا الأحوص دا ؟
فرد بقصيدة
العيون النور كان بجهرا
غير دلالكن من السهرا
والله يعلم في قصصهم تلك
و مثال معكوس
السامع لقصيدة
ما تهتموا للأيام .. ظروف بتعدي للشاعر عوض جبريل
ييقن أنها قصيدة في المحبوبة لكن ذات يوم تحدث عنها الشاعر نفسه في برنامج تلفزيوني
أنه نظمها عندما فقد داره ( بيته ) في سيل أمطار خريف
ما تهتموا للأيام ظروف بـ تعدِّي
طبيعة الدنيا زى الموج تشيل وتودِّى
ما تهتموا للأيام ظروف وتعدِّي ..!
سبيل الزول عشان يفتح طريق يادوب
يكون زاده البـ شيلو معاه شوق مشبوب
عشان يلقى انتصارو ، يا زمن ، محبوب :
يضوق المرَّه ويتوشَّح بصبر " أيوب "
ما تهتموا للأيام ظروف بتعدي ..!
وما تهتموا أصلو الناس حياتها ظروف
تتحكـَّـم تغيركل خط معروف
مصير الزول حياتو ياما فيها يشوف
وفى دنيانا بنلاقى الفرح والخوف
وما تهتموا للأيام ظروف بـ تعدي ..!
جمال الدنيا فى بسمة سرور وجمال
وفى فرح الخواطر الطيبه فى الآمال
وفي شروق الصباح فى بسمة الاطفال
ومهما تظلم الايام ضياها الفال
وما تهتموا للأيام ظروف وتعدى
طبيعة الدنيا زى الموج تشيل وتودي.
Post: #130 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-05-2016, 08:56 AM Parent: #128
Post: #131 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-05-2016, 09:07 AM Parent: #130
ا
لناس ديل يا شم البطانة فوق برود الحرة
كان ينظم معهم الشعر شيطان مسلط
أسمعي ابوصلاح يصف في البنت
عالي صدرك لي خِصرك برّا
فيه جوز رمان جلّى البرأ
الخَصيبة ورَدفك إنبرا
الشعور البسطل عَنبرا
وقد قيل أسمها بدور تلك الحسناء
وقد أصاب المعنى البعيد المراد
وقد تكون من بدر
لكني أرجح أن يكون أسمها بدور لقوله
يا بدور القلعة وجوهرا
وأصاب الأسم والبلاغة قولا
Post: #132 Title: Re: نفااااااج نغم في زمان ضاق فيه الحال Author: مني عمسيب Date: 03-05-2016, 09:36 AM Parent: #131
تحياتي المعطرة من بلد الزهور .. لجميع عابري نفاج المحبة ..
يا ود المنسي .. صباحك زين ..
Quote: لكني أرجح أن يكون أسمها بدور لقوله
يا بدور القلعة وجوهرا
وأصاب الأسم والبلاغة قولا
يا ود المنسي نحن من مواليد حي القلعة بامدرمان , وبدور القلعة
التي تغني لها لم نراها ولكن راينا حفيداتها ملكات الجمال بهذا الحي
الذي اشتهر بكتير من الحسناوات .. واذكر منهم الحبيبة الجارة الجميلة هناية
التي تغني لها ما بنمشي لي ناس ما بجونا في القلعة رجعوا يعذبونا حقت
ترباس .. واذكر كذلك الام الحبيبة ( نفيسة الدر ) التي تغني لها فنان الحقيقة
وكم وكم من جميلات حي القلعة بامدرمان تغنوا لهم فنانيين الحقيبة والاجيال
البعد الحقيبة .. وبالمناسبة هي فعلآ اسمها ( بدور ) وحفيداتها صاحباتنا وكلنا
في اعمار قريبة لي بعض .. انت عارف يا ود المنسي زمان لما يكون في مناسبة
في القلعة مافي زول ما بجي عشان سماحة نسوانها ههههههههههههه .
ما بنمشي لي ناس ما بيجونا ..
Post: #133 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-05-2016, 10:13 AM Parent: #132
Quote: .. وبالمناسبة هي فعلآ اسمها ( بدور ) وحفيداتها صاحباتنا وكلنا
في اعمار قريبة لي بعض
بت عمسيب سمحة الذوق
حقيقة أشتهرت القلعة والمسالمة بالحسان
كان شعراء الحقيبة يميلون إلى الجنس والطباق البلاغي
حتى يتحاشه عرف السودانيين في البوح باسم المرأة في ذلك الزمان باسم المرأة
لكنفي أيام هذه الفنان
ممكن ان يقول الشاعر اريدا أريدا بت عمسيب الفريدا
ههههههههههههههههههه
Post: #134 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-05-2016, 03:41 PM Parent: #133
لحين ميسرة
Post: #135 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-06-2016, 01:52 PM Parent: #134
لحين ميسرة
Post: #136 Title: Re: نفااااااج نغم في زمان ضاق فيه الحال Author: وضاحة Date: 03-06-2016, 02:32 PM Parent: #135
Quote: فى شندى كيف يعنى ياملكة؟
يعنى حايكون اللابتوب ده رابطو فى ضرع نعجة؟
وين فى شندى يلقى النت والكهرباء؟
إنتى الـ وين ,, ولا قام يتعزز الــ دِّفيق؟
يا مك اشواقات
ايش درانى عنه
كان طوالى براسلنى فى الواتساب مع الصور مرة بشرب في القهوة ومرة قاعد لى في جنينة بزرع
ومرة مع اخواتوا بحلب في الغنم
Post: #137 Title: Re: نفااااااج نغم في زمان ضاق فيه الحال Author: وضاحة Date: 03-06-2016, 02:32 PM Parent: #135
Quote: فى شندى كيف يعنى ياملكة؟
يعنى حايكون اللابتوب ده رابطو فى ضرع نعجة؟
وين فى شندى يلقى النت والكهرباء؟
إنتى الـ وين ,, ولا قام يتعزز الــ دِّفيق؟
يا مك اشواقات
ايش درانى عنه
كان طوالى براسلنى فى الواتساب مع الصور مرة بشرب في القهوة ومرة قاعد لى في جنينة بزرع
ومرة مع اخواتوا بحلب في الغنم
Post: #138 Title: Re: نفااااااج نغم في زمان ضاق فيه الحال Author: وضاحة Date: 03-06-2016, 02:35 PM Parent: #137
Quote: خالد قلنا نساعدك شويه
علي قول الجماعه قوقلت لي وضاحه قصة اغنيه شوف العين
هذه القصيدة من أروع ما تغنى بهالفنان الراحل كرومة ولقد لحّنها هو بنفسه لاعجابه بها،
ومن بعده تغني بها عدد من الفنانين والفنانات، فأسرتهم جميعا كلماتها فغنوها بحرارة وإخلاص
، منفعلين بروعتها ومعانيها الجميلة.وكل الفنانين تغنوا بها على لحن كرومة،
وعسى أن يعيد الجيل الجديد لحنها فيفوق به كرومة. و كما يبدو لي أن للقصيدة عدة روايات مختلفة
في بعض أبياتها وقد أثبتناها هنا من أجل التوثيق.والقصيدة من تأليف الشاعر المبدع صالح عبد السيد المشهور
بأبي صلاح الذي ولد بأمدرمان حي الموردة فى عام 1890 وتوفى بها في عام 1963وقد بلغ من العمر 73 عاما.
ولو افترضنا أنه ألفها وهو في الثلاثين من عمره (أي عام 1920) فعمر القصيدة بتاريخ اليوم هو 93 عاما
و ما زال عبقها يفوح يعطر أجواء الفن إلى هذا اليوم تطرب الأجيال جيلا بعد جيل.
ومناسبة القصيدة أرّخ لها مؤرخ أغنية الحقيبة الأستاذ الموسوعة محمد الحسن الجقر فى كتابه "روائع حقيبة الفن"
، وحقيبة الفن هي تلك الأغاني التي بدأت فى العشرينيات من القرن العشرين وسيطرت على الساحة
الفنية حتى الخمسينات منه وما زال أثرها يجرى في العروق يروى حركة الفن السوداني ومزاج الأدب كله
حتى هذه اللحظة. يقول الجقر عن مناسبة القصيدة:" كانت تلك الحسناء -على ما يبدو – لها تصور خاص
في ذلك الاسم ذائع الصيت (يقصد أبو صلاح) وكلماته الساحرة الآسرة الأخاذة التي تغنى بها كل شوادي وبالبلابل تلك الفترة،
ويتهافت الكثير عندما يسمع أن الشاعر أبا صلاح قادم اليوم (لحفل) مع أحد الشوادي -
وكالعادة وقتئذ يحضر الشاعر والمغني (الحفل) –وعندما سمعت تلك الحسناء بهذا النبأ أعدّت نفسها
لترى وتشوف للزمان هذا الشاعر الذي ملك زمام الكلمة واللحن! وقد كان، عندما بشّر العريس
عند وصول ركب المغنيين وفي مقدمتهم (الشاعر) أبو صلاح فى تلك الأمسية، كانت صاحبة القصة على أحرّ من الجمر
لترى وتنظر أبا صلاح، وكان بعض الحضور قد شاهد أبا صلاح من قبل ويعرفونه، همست إحدى الحسان (قائلة):
"آي والله هذا أبو صلاح بعينه"، وعندما لمحت تلك الحسناء أبا صلاح الذي كان ماراً بقربها ليأخذ مكانه الاستراتيجي
الذي أُعدّ له، همست تلك الحسناء باستغراب: "أهذا هو (أبو صلاح)!؟" (ورنّعت برأسها قائلة) :
"لا، لا، لا أظن ذلك"، فقام أبو صلاح يصور لنا ذلك المشهد شعرا يرد فيه على إنكار شخصه وشكله من قبل تلك الحسناء
فقال:شوف العين قالت ده لا لا= عندما رأتني عينها أنكرتني قائلة:
أهذا هو أبو صلاح !؟ لا. لا. لا.وصدت من تيها ودلالا=
ارباب بسد الدين يوم ما سوي الشين . ايووووووووي يووووووووي يووووووووي .
بت عمسيب
لو كان جعلتيني من أولياء أمرك كُنت بقلعوا ليك فجراوي
فيصل طبعاً عُشرة عمر من سنة 1989 هههههههه بسمات أنا مشيت المجر عمري سنتين ههههههههههههه
فيصل دا عندو زوجته ( ارجيبت ) جعلية عديل وست حوبات و مراة ضيفان
كانوا يسعدون لما أجيهم في القرية ( قرب مديتنا .... بُلقار ) بطلع كل الموجود في فريزر الدخري
ربيت معهم فاطمة وسلمى وما شاء الله الآن خلصن كلية الصيدلة والأقتصاد ربنا يحفظهن
فيصل رجل جميلة دواخله عيبو إنو نسى اللغة العربية والكلام السوداني
أساساً رطاني وزاد الطين بلة قعد طوّل في المجر وما رجع هههههههههههههههه
حكاوي كتيرة معي ومع الشباب في مديتنا تحتاج لمجلدات
أشكي لي اسماعيل عباس الجميل المن قال سلام تاني ما شفنا
إن شاء الله يصلوا الكلام ويمر علينا ويبقى بيناتنا
تحياتي بت عمسيب
Post: #161 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-09-2016, 02:17 PM Parent: #160
قال الشاعر محمد ود بادي العكودابي
أنا أخو البت اللكعت
قرن الخُمرة النازة
علي ورادان الصبوة الراكزة
العرضان هو صاحب العروض الفوجج ويشلح في الضيفان
وكان يلقب ابها الناس الكرام ( يقال اب عروض )
البخل كان شيمة تمس العرض من وصف بالبخيل قد مسوه في عرضه
وعرضان والسيرة لي العرضان
ود الهندي هو جد ناس الشريف الهندي الكبير وهو شيخ له من خلاوي التعليم ما أنتشر في تلك المنطقة ( شندي - منطقة حجر العسل )
يابا ود الهندي المسكنك في شندي
والشيخ الطيب هو الطيب راجل ام مرح المعروف
بالمناسبة هذه الأغنية ليست أغنية تراث قديمة هي أغنية جديدة وشاعرتها بنت شابة ربنا يحفظها التي نفضت الغبار عن المفردة القديمة الجميلة
لا أذكر اسمها لكن بنت شابة
Post: #162 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-09-2016, 02:37 PM Parent: #161
بالمناسبة يا عفاف
تلكم الأبيات من الشعر التي سردتي قولها
هاجت في دواخلي الذكري لزمن بعيد
ذات يوم وأنا في بيت حبوبتي بت الأمين الكلياني
والوقت ضهرية دارت موجة أم درمان تحمل أجمل النغم ( صوت الفنان محمدالأمين ) يترنم بأغنية ( عيال اب جويل )
كان أول يوم أسمع فيه هذا اللحن وقد داعب شعيرت من أحساس في دواخلي ( كان عمري حينها ابن السادسة او السابعة )
والله ما زلت أتذكر كل لحظة وأنا أستمع لهذه الأغنية لاول مرة وحفظت المقطع الأول وظلتت أتنرنم به
وما زلت أذكر راديو حبوبتي بت الأمين كلياني المعلق في رف فوق حتى لا تصل له ايدينا هههههههه جايبو لها ابن عمتي
من روسيا ... وكان مشيت ناحية الرف تنهرك ... يا ولد إتزاخر شن بتكوس هنا
وكانت الحيرة الكبرى في الراديو نفسه ( زول اغني وعازفين ومذيع ... ديل كلهم قاعدين كيف في جوة الراديو الصغير دا
يا سلام على تلك الأيام
Post: #163 Title: Re: نفااااااج نغم في زمان ضاق فيه الحال Author: عفاف أبو حريرة Date: 03-09-2016, 02:49 PM Parent: #162
Quote: وين مسجلة غياب ليك أيام لما شفقنا عليك إن شاء الله طيبة
تسال منك العافيه ياخالد
صدقني مامشيت بعيد كل شويه اتاوق ليكم
الابيات لي محجوب شريف
وبرجع ليك
Post: #164 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-09-2016, 03:15 PM Parent: #163
Quote: تسال منك العافيه ياخالد
صدقني مامشيت بعيد كل شويه اتاوق ليكم
الابيات لي محجوب شريف
وبرجع ليك
نحن ناشدين خبرك وبي المتاوقة ما بنخبر خبرك طلتك والله بالدنيا
طبعاً و أكيد أنت ما بتذكري الزمن هذا لكن قطع شك بت الشيخ سلامة سلمى
الله يطراها بالخير بتكون دهجت في التوستي دهجي تقيل
كانت الرقصة زمان ( الفرنجية يا بسمات التوست ) المعروف بالروك اند رول
هههههههههههه الفاضلابي بكون جايب خبرو
تعلمتهالفتاة السودانية من رقص حفلات الإنجليز ونقلنه بنات البندر لبقية أنحاء السودان
وأنا أعتبره من أجمل الرقصات
وفيه رفعة الكراع ولفــــــة كدي تلقي الشاباب وااااااو إنكبوا في حديد الصيوان لو في صيوان
وهذه الأغنية لحنها توست
من أرض المحنة ومن قلب الجزيرة
Post: #165 Title: Re: نفااااااج نغم في زمان ضاق فيه الحال Author: عفاف أبو حريرة Date: 03-09-2016, 03:57 PM Parent: #164
الله عليك ياابو احمد
الاغنيه دي بحبها شديد
والله ياخالد رب اخ لك لم تلده امك وانت عزيز وغالي
انا عندي سبعه اخوان
كلهم غالين علي قلبي لكن عماد اقربهم لي روحي
وانت معزتك من معزته
الله يسعدك يارب ويفرحك بي احمد
وتشوف بكاريه وتبقي جد زي خالد
بعدين ياخالد حرام عليك انا الجابني لي ناس بت الشيخ شنو
انا مواليد69
Post: #166 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-09-2016, 06:31 PM Parent: #165
Quote: الله عليك ياابو احمد
الاغنيه دي بحبها شديد
والله ياخالد رب اخ لك لم تلده امك وانت عزيز وغالي
انا عندي سبعه اخوان
كلهم غالين علي قلبي لكن عماد اقربهم لي روحي
وانت معزتك من معزته
الله يسعدك يارب ويفرحك بي احمد
وتشوف بكاريه وتبقي جد زي خالد
بعدين ياخالد حرام عليك انا الجابني لي ناس بت الشيخ شنو
انا مواليد69
أبدأ من أخر المداخلة
أنا قلت هههههههه أكيد أنت ما بتذكري هذا الشى وكنتي صغيرة لأانو التوست كان موجود حتى أوائل السبعنيات
لكن ناس سلمى بكونوا دهجوا في
طبعاً ناس شيقوق ما شافوا ذاتو مقطوعين في الخلا داك من حفرة لي حفرة
يبربحوا في الزنبارة من بوص القصب يشركوا لي السمك في ال\ندري بي الصارقيل ههههههههه
كلمك يا عفاف والله أفرحني كثير وأنا أتشرف أن أكون أخ لك ودي عزة لي يا بت الرجال ... وتسلمي كتير والله
ومعزتكم عليها القلوب شواهد في ناس يا عفاف يدخلوا في قلبك بدون إستئذان وكنتم أنتم منهم وربنا يجمعنا ونلتقي
واللقاء بزيد الترابط والعلاقات (بحكي في مداخلة أخرى بعض لقائاتي مع ناس عرفتهم قبل أن أراهم عياناً
ههههههههههههه
مالك دايرا تلحقيني المحرب أنا في الأسرة في أطفال أنا بالنسبة لهم جد بقول ليهم البقول لي يا جد بقصو هههههههههه قول يا عمي ولا خالي
الكبر ما مشكلة المهم الروح تكون شباب
ما زي الملكة وضاحة من سنة 2006 من عرفتها في المنبر دا هي عمرها 25 ولي هسي مجمدة الملكــــــة
تحياتي ومودتي
Post: #167 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-09-2016, 07:13 PM Parent: #166
يا عفاف تعرفت علي ابوبكر سيد أحمد ( الفنان ) في سنة 2006 أو 2007
في بوست فتحه نزل فيه بعض أغانيه الخاصة بطلب رأي الناس فيها
وكانت لي مداخلات كتيرة وشكرتو شكراً يستر لي جنازة هههههههههههه
ارسل في الخاص وصرنا أصحاب وكنّا في تواصل في نهاية عام 2009 كنت مشيت السودان بعد غيبة طويلة
وكان رأس السنة لم يحضر ( كان سهرة يوم رأس السنة لمة بورداب الخرطوم والفنان مصطفى السني والطيب مدثر ) اظنو كان مرتبط
بعد رأسالسنة أتصلت به وقال تجي نتقابل اليوم المساء في في نادي الخرطوم جنوب
فعلا مشيت معي ابن خالتي برضو طويل زي لكن لونه فاتح قمحي
المهم فهمت أبن خالتي أني بعرف الزول دا لكن لم نتقابل ولم يرى لي صورة
تقدم أنت و قدم له نفسك على أنك خالد
وفعلاً أتصلت به وقلت له أنا في بوابة النادي .... جاء وتقدم له ابن خالتي وقال ازيك يا ابوبكر أنا خالد وابوبكر بسلم لي ومن كتفو بعين لي
أنا خلف ابن خالتي
وقال لي : انت ما خالد ... خالد ياهو داك ههههههههه
سالته كيف عرفتني قال من صورة ولدك الشبه ليك أنت ما لي ابن خالتك
المهم جلسنا وإتونسنا قام سألني يا خالد أنا عاوز أسألك بصراحة انت الأغنيات بتاعتي عجبتك لي الدرجة دي
قلت له : والله يا ابوبكر كل الموضوع لا عجبتني ولا حاجة لكن صراحة أنت بتشبه اخوي الكبير هههههههههه
منيمها بقول لي جعلي مقفل ههههههههه
لكن يا عفاف ابوبكر فنان فريد في هذه الزحمة والهرجلة
Post: #168 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-09-2016, 07:27 PM Parent: #166
يا عفاف تعرفت علي ابوبكر سيد أحمد ( الفنان ) في سنة 2006 أو 2007
في بوست فتحه نزل فيه بعض أغانيه الخاصة بطلب رأي الناس فيها
وكانت لي مداخلات كتيرة وشكرتو شكراً يستر لي جنازة هههههههههههه
ارسل في الخاص وصرنا أصحاب وكنّا في تواصل في نهاية عام 2009 كنت مشيت السودان بعد غيبة طويلة
وكان رأس السنة لم يحضر ( كان سهرة يوم رأس السنة لمة بورداب الخرطوم والفنان مصطفى السني والطيب مدثر ) اظنو كان مرتبط
بعد رأسالسنة أتصلت به وقال تجي نتقابل اليوم المساء في في نادي الخرطوم جنوب
فعلا مشيت معي ابن خالتي برضو طويل زي لكن لونه فاتح قمحي
المهم فهمت أبن خالتي أني بعرف الزول دا لكن لم نتقابل ولم يرى لي صورة
تقدم أنت و قدم له نفسك على أنك خالد
وفعلاً أتصلت به وقلت له أنا في بوابة النادي .... جاء وتقدم له ابن خالتي وقال ازيك يا ابوبكر أنا خالد وابوبكر بسلم لي ومن كتفو بعين لي
أنا خلف ابن خالتي
وقال لي : انت ما خالد ... خالد ياهو داك ههههههههه
سالته كيف عرفتني قال من صورة ولدك الشبه ليك أنت ما لي ابن خالتك
المهم جلسنا وإتونسنا قام سألني يا خالد أنا عاوز أسألك بصراحة انت الأغنيات بتاعتي عجبتك لي الدرجة دي
قلت له : والله يا ابوبكر كل الموضوع لا عجبتني ولا حاجة لكن صراحة أنت بتشبه اخوي الكبير هههههههههه
منيمها بقول لي جعلي مقفل ههههههههه
لكن يا عفاف ابوبكر فنان فريد في هذه الزحمة والهرجلة
Post: #169 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-09-2016, 08:28 PM Parent: #168
الفنان سيد خليفة أبدع في الكثير
وبالذات في الأغاني التي جمعته مع الشاعر المرهف أدريس جماع
آه يا صوتها لمّا سرى لما التي نظمها الشاعر وكان معلم في غرب السودان
وسمع صوت المذيعة سهام المغربي وكان أول صوت فتاة عبر الأثير
وربيع الحب التي قيل في مناسبتها الكثير
وتعجبني كثيراً تلك القصيد للشاعر صلاح عبدالصبور
الخرطوم ...... او ملتقى النيلين كما يحلو لي أن أسميها
وقد ابدع في رسم اللوحة الشاعر صلاح عبد الصبور
Post: #170 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 03-09-2016, 10:01 PM Parent: #169
Quote: ما زي الملكة وضاحة من سنة 2006 من عرفتها في المنبر دا هي عمرها 25 ولي هسي مجمدة الملكــــــة
فى محكمة سنجة كان فى متحَرّى لما يجى يقدِّم البلاغ قِدام المحكمة
يؤدى القسم ويقول معلوماته:
حسن فلان
السن خمسة واربعين سنة
اقسم بالله العظيم اقول الحق
حصل كيت وكيت وكيت
القاضى مسنوح يوم لبد ليهو وقال ليهو:
ياعم حسن انا لى فى المحكمة دى خمسة سنين
الخمسة واربعين سنة بتاعتك دى اصلها مابتَزيد؟
شايف بت اب حريرة والخال فاتونى حوفا
ياخال انت الخال والد دى بقت من الاسرائيليات ولا شنو؟
Post: #171 Title: Re: نفااااااج نغم في زمان ضاق فيه الحال Author: عفاف أبو حريرة Date: 03-10-2016, 00:09 AM Parent: #170
Quote: شايف بت اب حريرة والخال فاتونى حوفا
ياخال انت الخال والد دى بقت من الاسرائيليات ولا شنو؟
معقوله بس يبقي ما فينا خير ولا انا ولا خالك
ياسيدي خالد والله ربنا يكون في العون نادر ما يدخل البورد
وانا كلام خالد وحكاويه بتاخد الواحد لما ينسي البطاريه هههه
ببقي لي كلامه زي حلاوه كلام البروف عبد الرحمن ابراهيم محمد
اها ده يا الفضلابي كلامه عامل زي موية الزير لماتكون ماشي والجو سخن
وتشوف نيمه ضليله وتحت ليها ازيار النوع البتكون ابرد من الفريزر
شفتا لما تشرب وشعورك بي الروي اها ده كلامه
Post: #172 Title: Re: نفااااااج نغم في زمان ضاق فيه الحال Author: عفاف أبو حريرة Date: 03-10-2016, 00:44 AM Parent: #171
Quote: أبدأ من أخر المداخلة
أنا قلت هههههههه أكيد أنت ما بتذكري هذا الشى وكنتي صغيرة لأانو التوست كان موجود حتى أوائل السبعنيات
لكن ناس سلمى بكونوا دهجوا في
ههههه
عارف ياخالد مسالة العمر دي دايما بحصل لي فيها قصص طريفه
واحدي منها
كان متربي معانا عمنا ولد عم ابونا وانا كنت البنت الوحيده في وقتها مع اخواني
فكان لعبي كله معاهم
وكان ابوي دايما بيشاكلني ويقول لي ما عرفناك ولد ولا بنت
المهم عمنا ده اتزوج قريب بنوته صغيره تقريبا قدر فاتن بنتي
اها لما جات زياره حلفنا عليهم ما ينزل في شقه يجي يقعد ايامه
معانا قاعدين في الصالون والونسه جرت والزكريات اتوالت
تتزكري ياعفاف لما مشينا في موية المطر وتتزكري والكلام ماشي
وعروسته دي حنكوشه
وفجاة بي غنج قالت ليه
سجمي ياعلي انت كنت بتلعب مع خالتو عفاف يعني انت قدر خالتو
والونسه انتهت بي انه طردوني بي دعوة من الصالون الله يازاك ويازي ونستك
Post: #173 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-10-2016, 05:35 PM Parent: #172
Quote: فى محكمة سنجة كان فى متحَرّى لما يجى يقدِّم البلاغ قِدام المحكمة
يؤدى القسم ويقول معلوماته:
حسن فلان
السن خمسة واربعين سنة
اقسم بالله العظيم اقول الحق
حصل كيت وكيت وكيت
القاضى مسنوح يوم لبد ليهو وقال ليهو:
ياعم حسن انا لى فى المحكمة دى خمسة سنين
الخمسة واربعين سنة بتاعتك دى اصلها مابتَزيد؟
شايف بت اب حريرة والخال فاتونى حوفا
ياخال انت الخال والد دى بقت من الاسرائيليات ولا شنو؟
ههههههههههههههههههه
الخال حقيقة شريك الوالد شفناها في خالنا وهسي شفايفنها في نفسنا مع أولاد أخواتنا
وفعلا الخال شريك الوالد
يا الفاضلابي عندنا خالتن لينا بت عم أمي عليهما الأتنين رحمة الله مرة ود أختها وداها الدكتور عيانة
هي كان عمرها في السبعينات
الدكتور سألها عمرك كم يا حاجة
كلمة حاجة دي زعلتها بي الحيل
قالت لي : 35 سنة .... الدكتور إتخلع ..ز قعد يعاين ليها من تحت النضارة قامت قالت لي
مالك مستغرب ... والله شيلة عرسي في البيت والعرس في رجب الجاي ههههههههههههه
الله يكبر العقول
أنا كمان قدركم يا الفاضلابي أنت بقيت تمشزي مفرمة الخدرة وشيقوق بقى يترجف زي عنقريب العدة ولا قدر خالد المحرب
يتم القومة بي يا لطيف هههههههههههههه
أنا أكبر من ناس بسمات بي شهور ههههههههه
Post: #174 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-10-2016, 05:44 PM Parent: #173
الشاعر العبادي كان رجل صعب وكان في لجنة نصوص الغناء السوداني في إذاعة أم درمان وله مع وردي قصص كتيرة ذات مرة لما جاء وردي يسجل أغنية ( خلاص كبرتي وليك سبعطاشر سنة ) وهكذا كان نص الشعر في الأغنية العبادية قال ليهم دي قاصر مرفوض النص ههههههههجد قاموا وردي الشاعر حولوها إلى ليك 19 سنة تقدم وردي باغنية ( قام إتعزز الليمون لإجازتها شعرياً ) كانت اللجنة مجتمعة في حوش الإذاعة قدم وردي النص قراءة لما بدا قال قام إتعزز الليمون عشان بالغنا في ريديدو قال له العبادي مكانك النص مرفوض ردا وردي انتظر يا ستاذ العبادي اسمع باقي النص قال العبادي يا استاذ وردي لو جا جمل تاوق بي فوق الحيطة دي بنقول ليك أمرق شوف البتاوق دا شنو ؟؟؟؟؟ههههههههههههههه
Post: #175 Title: Re: نفااااااج نغم في زمان ضاق فيه الحال Author: وضاحة Date: 03-10-2016, 08:15 PM Parent: #174
Post: #176 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-10-2016, 09:49 PM Parent: #175
Quote: عارف ياخالد مسالة العمر دي دايما بحصل لي فيها قصص طريفه
واحدي منها
كان متربي معانا عمنا ولد عم ابونا وانا كنت البنت الوحيده في وقتها مع اخواني
فكان لعبي كله معاهم
وكان ابوي دايما بيشاكلني ويقول لي ما عرفناك ولد ولا بنت
المهم عمنا ده اتزوج قريب بنوته صغيره تقريبا قدر فاتن بنتي
اها لما جات زياره حلفنا عليهم ما ينزل في شقه يجي يقعد ايامه
معانا قاعدين في الصالون والونسه جرت والزكريات اتوالت
تتزكري ياعفاف لما مشينا في موية المطر وتتزكري والكلام ماشي
وعروسته دي حنكوشه
وفجاة بي غنج قالت ليه
سجمي ياعلي انت كنت بتلعب مع خالتو عفاف يعني انت قدر خالتو
والونسه انتهت بي انه طردوني بي دعوة من الصالون الله يازاك ويازي ونستك
نسمة البطانة العافية
كيفنك وكيف حال منوية السغيرة
لكن بالغت عروس عمك ههههههههههه
مرة يا عفاف هسي في أجازتي أخواتي قالوا لي جيب لينا خضار قتا كدي مشيت سوق الخضار في شندي و طبعاَ سوق الخضار في شندي كبير
شديد و العرب ديل من كل فج عميق أتوا
واحديكورك لي تعال يا خال تعال يا خال و هو العربي كان شفتي قدر ود شيقوق والسنون هرم
قلت لي يخلخا عضامك هسي انت ما أكبر من أميرة بت مصطفى تقول لي يا خال
طبعا هي أكيد شافت أنو لك أحفاد وظنت أنك خرفتي
Post: #177 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-10-2016, 10:06 PM Parent: #176
قولة سلام يا ملكة تبقالنا روح
قولي سلام
سميري الفي ضمير وييييييين سميري
من روائع الفنان الشاعر السياسي الجاغريو وهو أبنا العيلفون
برع الجاغريو في فن المفردة السهلة الجاذبة في شعره لذا ذاع صيت كل أغانيه في زمانه وإلى يومنا هذا
أنظر شوف حلاتا
الناعسات كاحلاتا
وجلست بي حلاتا
أريدا وأريد غالاتا
أنا دستوري نازل
في الخرتوم تلاتا
ونزلت مني دمعة
والأمة مجتمعة
واليوم كان جمعة
أعطف سيب صدودك
يا النايلون أبو لمعة
Post: #178 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-10-2016, 10:29 PM Parent: #177
أخر خطاب للواء عمر الحاج موسى
الخطاب الذي أبكى الرئيس الراحل عليه رحمة من الله
جعفر نميري
Post: #179 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-10-2016, 10:36 PM Parent: #178
Post: #180 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-11-2016, 07:28 PM Parent: #179
كسلا أسيرة القاش
يسقي سوايقها الجنوبية ويعود ويغرقها وهي سعيدة به
أحتضنها توتيل شامخاً تتكئ على ظله الختمية
تنعم الطيور في جناين سواقيها الجنوبية
تغنى لها الكثير من الشعراء
مجدها توفيق صالح جبريل برائغته
كسلا
نضر الله
وجه ذاكَ الساقي
إنه حلَّ بالرحيق وثاقي
غنى لها الحلنقي
حبيت عشانك كسلا
وخليت دياري عشانك
وما أجملك يا كسلا أسيرة القاش
Post: #181 Title: Re: نفااااااج نغم في زمان ضاق فيه الحال Author: عفاف أبو حريرة Date: 03-11-2016, 07:39 PM Parent: #180
خالد انت انتقائي بصوره مدهشه
Post: #182 Title: Re: نفااااااج نغم في زمان ضاق فيه الحال Author: اميرة السيد Date: 03-11-2016, 07:51 PM Parent: #181
ودي حبيت عشانك كسلا
من صاحبها الأصلي التاج مكي
صاحب الصوت الساحر
وهدية لاس كسلا السمحين والزينين...
Post: #183 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-11-2016, 09:19 PM Parent: #182
Quote: خالد انت انتقائي بصوره مدهشه
نسمــــــة البطانة العافية
تسلمي
بس القرد في عين أختو غزال
Post: #184 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-11-2016, 09:27 PM Parent: #183
Quote: ودي حبيت عشانك كسلا
من صاحبها الأصلي التاج مكي
صاحب الصوت الساحر
وهدية لاس كسلا السمحين والزينين...
الأميرة أميرة
وين أنت
والله أنتِ مع بابور بسمات صرتي زي هلال شوال
كسلا
بريد كسلا وبريد جبلا
جبل توتيل عظيم وجميل
شوفوا عُلا
Post: #185 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-11-2016, 09:44 PM Parent: #184
يا لجمال التوب السوداني
كان التوب زراق
كان توب جارات
كان بنغالي
و كان توب الحرير زاهي ما بلفوا في الشاهي
وكان القمر بوبا
الذي قال فيه أسماعيل حسن
بوبا عليك تقيل القمر بوبا عليك تقيل
وكان خط الأستواء
الذي قال فيه الشاعر
الموز روى
وقايم سوى
خاطري انضوى
يا ناس
جسمي بي النار إنكوَّ
قطعولّو خط الأستواء
وخط الأستواء هو توب
ثم ابوقجيجة الشفون
ورسالة لندن
إلى دقة الترابي
جمال وحِشمة التوب السوداني
وشوف عيني الحبيب
بي حِشمة لابس التوب
والتوب زاد جمالك
زينة يا المحبوب
ود طلحة يا نسمة البطانة هو والد ريحانة البطانة سمية الحسن طلحة عليه رحمة من الله
Post: #186 Title: Re: نفااااااج نغم في زمان ضاق فيه الحال Author: مني عمسيب Date: 03-12-2016, 01:15 PM Parent: #185
بحبكم ..
ممكن سؤال ؟
وين الارباب خالد ود سعيد ؟
لعلو عافية ؟
يا الارباب !! مرت الايام وانت ماك ظاهر ؟
Post: #187 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-12-2016, 01:28 PM Parent: #186
Quote: بحبكم ..
ممكن سؤال ؟
وين الارباب خالد ود سعيد ؟
لعلو عافية ؟
يا الارباب !! مرت الايام وانت ماك ظاهر ؟
هي هدى عربي مالا تضحك زي نار القصب
Post: #188 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-12-2016, 01:33 PM Parent: #187
التجرد وأختلاق العذر للحبيب ولو هجر
شيمة شعراء العهد الأول
لذا عابوا على الشاعر أسماعيل حسن عندما نظم
بعد إيه
Post: #189 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-12-2016, 04:08 PM Parent: #188
عندما تلتقي مشاعر الأخوين
مجذوب أونسة وحسين أونسة
أـــا وين .... و وين إنتو
Post: #191 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-12-2016, 08:21 PM Parent: #189
بنت النيل
كلمات بشير عبد الرحمن
من الأغاني الجميلة التي ترنم بها الفنان أحمد المصطفى
أحبو وأحب نوناتو
نوناتو الفي وجناتو
وما أحلها الوجنة ويا حلات النونة فيها
في هذا الأغنية تظهر وتبدو الإخوانية واضحة في أخرها حين يذكر كل أصدقائهم اللذين كانوا في تلك الجلسة
جلسة تلحين الأغنية وكان فيها الشاعر والجاغريو و أحمد المصطفى
المسخت العذارى
في خِدرها قلبي دارا
أريدا و أريد هزارا
يا ناس حلات النضارة
فقدنا الصواب يا شبابنا
يا أبو عبدا وين أحبابنا
لو متنا هم أسبابنا
العودة يا أحبابنا
قال لي صديق
صبح الغرام باليني
قت ليهو دا مواليني
هو من زمان قاليني
شيخ أدريس قوم نتسلّى
أنا قلبي فارق وولّى
ؤيدي السبب لي عِلا
يا الصديق يا ود دفع الله
يا اللابسا عفافك حُلى
لهجك لي الحنضل حلّا
ود حمد يا زعيم الحلة
من ريدن كيف نتحلّا
يا السهمك لينا مبادر
أنا فكري نازل وسادر
في الجيل مثالك نادر
ودا الجنن عبدالقادر
Post: #192 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-12-2016, 08:54 PM Parent: #191
سفري
وهي الأغنية الحزينة الصادقة
للشاعر حسن أبو العلا
بطرى اللي آمال و غاية
ما بتحمي المقدور وقاية
يسلم ناجي من الرماح
سفري السبب لي عنايا
وفرقه و فقدان هنايا
أطرا حبيب أملي ومنايا
و ابكي على هذي الجناية
و أبكي على تهديم بنايا
ليت حبيبي علي ناح
فيك يا مصر اسباب ازايا
و في السودان همي و عزايا
صابر و لم اعلم جزايا
و التأويه اصبح غذايا
صرت مسلم لي رزايا
زي طاير مكسور جناح
دهري أصابني بكل خفايا
حطم و عكّر لي صفايا
برضي على حبي و وفايا
واعلم في وجودك شفايا
شي من لا شي بس كفايا
علو بمسّك أجد نصاح
ماذا اؤمل ... ماذا اؤمل
حيران ببكي و بأمل
ولهان ببكي و بأمل
وحيد ببكي و بأمل
آه يا هوايا وآه يا منايا
وحيد سهران برايا
انيس لدمعي و بكايا
آه يا كناري وآه يا قماري
طيري لي تعالي
وحيد ليلي و نهاري
بطرى اللي أمالو غاية
ما بتحجب المقدور وقاية
يسلم ناجي من الرماح
ما أجمل معاني هذا المقطع الوقاية لا تنجي من القدر ولا تحمي الآمال قدر الله أن يقع
فكانت للشاعر غايات ولكلبشر غاية
وكانت غاية الشاعر بعد التخرج أن يواصل دراسته في جامعات بريطانيا بعد خلص الدراسة في جامعة فيكتوريا في جمهورية مصر ( الإسكندرية )
وفي عطلة الصيف حصل قدر الله أن أصيب الشاعر هو يسبح في البحر الأبيض المتوسط بخبطة في راسه عندما قفذ في مياه البحر أصابت السلسلة
الفقرية والتي أدت لإصابته بشلل كامل
تلمس من خلال نص القصيدة أن للشاعر محبوبة قد فقدها بعد أن أقعده المرض ( الشلل )
ويظهر هذا جلي
أطرا حبيب أملي ومنايا
و ابكي على هذي الجناية
و أبكي على تهديم بنايا
ليت حبيبي علي ناح
وفي المقطع التالي توضح الصورة أن حبيبته قد تركته وهو يستجديها أن تبقى لعل الشفاء يكون في بقاءها
برضي على حبي و وفايا
واعلم في وجودك شفايا
شي من لا شي بس كفايا
علو بمسّك أجد نصاح
رحمة الله على الشاعر الجميل حسن ابو العلا
والذي نظم في عدم وفاء المحبوبة
أغنية يحبها كل الشعب السوداني
ألا وهي أغنية
ولى المساء
التي شدى بها الفنان الراحل سيد خليفة
Post: #193 Title: Re: نفااااااج نغم في زمان ضاق فيه الحال Author: مني عمسيب Date: 03-13-2016, 08:48 AM Parent: #192
صباح الزهور .. والحب ..
ولكم من بلد الزهور من كل بستان زهرة ..
Post: #194 Title: Re: نفااااااج نغم في زمان ضاق فيه الحال Author: وضاحة Date: 03-13-2016, 02:37 PM Parent: #193
سلاااام يامك
اها وصلت المسج بتاعتى للزول
Post: #195 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-13-2016, 02:37 PM Parent: #193
Quote: صباح الزهور .. والحب ..
ولكم من بلد الزهور من كل بستان زهرة ..
بت عمسيب منى والله بنريد لتصالحك مع نفسك وروحك الطيبة
ربي يزيد من أمثالك يا رائعة
ولحين ميسرة
العندو تلفون سماعين وخالد الأرباب و ود البوش ينقر ليهم تلفون حتى يزيدوا من نكهة الحوش ألفة
ومحبة
Post: #196 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-13-2016, 02:43 PM Parent: #195
شنو يا أخونا
نسمة البطانة ما عاوزة تطلع من خدرها
إلا نجيب خيطها في نغم
طيب يا بت ابوحريرة هااااك
إلى مسافر والشاعر عثمان خالد عليه رحمة الله
Post: #197 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-13-2016, 02:54 PM Parent: #196
Quote: سلاااام يامك
اها وصلت المسج بتاعتى للزول
مسنوحة واحدة
هههههههههههههههههههه
Post: #198 Title: Re: نفااااااج نغم في زمان ضاق فيه الحال Author: عفاف أبو حريرة Date: 03-13-2016, 06:39 PM Parent: #197
ابو احمد سلاوم
والله ياخالد بوستيك ده عامل زي القهوه عند الشوام مزاجه عالي هههه
لما كنا في الرياض كان عندي جاره زوله روحه جميله سوريه
اها دي ياخالد كل يوم المغرب بتانديني تعالي اشربي معاي قهوه
وانا بمشي ليها مره اصريت عليها الا تنزلي انتي ونشرب القهوه عندنا
كبيت ليها الفنجان
لما القهوه بردت ماشالت الفنجان ويلا اتلحتها ام معاذ اشربي
القهوه بردت بعد كم محاوله مني قالت
شو بك ام احمد القهوه مزاج لا تخربي لي مزاجي
انا والله قاعده في ضل نفاجك ده اصلي مابمشي منه بعيد
خالد انت كتاباتك دايما بتحب تلم الناس وتخلق الفه ومحبه
بترجعني لي ذمن الحوش كان بي خيره ناس بت طلحه وابوبكر وفاروق
وشيقوق والخوه المتينه البتربط بيناتنا
الله يخليك ياخالد ومصير الحي بلاقي
Post: #199 Title: Re: نفااااااج نغم في زمان ضاق فيه الحال Author: عفاف أبو حريرة Date: 03-13-2016, 06:45 PM Parent: #198
اسماعين ود عباس اخوي ... ود البوش ... الارباب خالد ود سعيد ..
الحبيبات نسمات وضاحة الاميرة والجميع بدون فرز ..
حلات قهوة من إيدك في جلسة عصرية
سلام بت عمسيب
طريت أيام زمان حلات الرقصة والشبال زمن الزمن زين وناسو حلوين
وهاج بي الشجن ليت ما مضى يعود
Post: #219 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-15-2016, 02:28 PM Parent: #218
Quote: الغالية بت عمسيب سلام ،
أول مرة أشوف لي،
جبنة بيشربوها بالـ Cups
بعدين الموجود Cups 3
و المدعويين عددهم 5
وين الكرم الشايقي ،
أشواقي ،
سلام الفحل
وشكراً علي المرور
تحياتي ومودتي
Post: #220 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-15-2016, 02:36 PM Parent: #219
Quote: حباب الملكة بت عمسيبحباب النفاج وناسو ..حباب المك ود المنسىحباب الجبنة البنها كيف ، وهبهانة الحان اوطانحباب زولا قدر ما تشتهيتمرق على خلق الله في الشارع الوسيعتلقاهو في كل الوجهراسم ملامحه المابتفوت منكولا يوم تنتهىحباب الرفيق القالو قبال الطريقحباب الفي ظلام اللجة بديك البريق
الأرباب خالد ود سعيد الأرباب وين مختفي سويتا شينة يا أرباب معكم وفي وجودكم تحلى الجلسة يا أب عرقاً مأصّل وصافي ما مصقول زي الجمرّوه من دهب شنقول
وما برجع ورا دفيرو لي قدام وزي بحر الدميرة الطبعو لي الهدام
Post: #221 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-15-2016, 06:48 PM Parent: #220
أماني مراد
و إن لم تغني سواء هذه الأغنية
تسمى مبدعة
عليها رحمة من الله
Post: #222 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-15-2016, 07:27 PM Parent: #221
الشاعر اسحق الحلنقي يعتبر من اللذين أثروا مكتبة الأغنية السودانية بفيض من الشعر الغنائي سهل المفردة كلمات رددها العاشقين ومن روائعه كسلا ( حبيت عشانك كسلا ) ويكتب البقاء للأغنية عندما تلتقي الزوايا الثالث ويكتمل المثلث الكلمـــة ... اللحن ... والأداء في هذه الأغنية ألتقت الزوايا وكانت الروعة تحفة خرجت للمستمعين أعذريني الدمعة ديّا حاتبقى أخر دمعة ليَّ تاني لو قربت منك أبقى ليكِ اللوم عليّا ........
Post: #223 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-15-2016, 07:59 PM Parent: #222
لمَّ خيل الضُل على الأريل
الشاعر خليل فرح
لمّ خيل الضل على الاريل
في مشارعو الصيد ورد قيل
القنيص حين شافن اتخيل
جرى دمعو .. دمو ساح سيّل
انتفض قلبو وخفق ميّل
فوق جروح الليل برك شّيل
طلعن كالانجم الزهر
واقبلن كاموج في النهر
في ثياب العفة والطهر
وجمال الماء و الزهر
الجمال اتجلى في شفوفو
كلو شايل الحنة في كفوفو
جلسن والبهرة في صفوفهو
كالحرير والوانه ورفوفو
حلل الافراح بدت تبهر
كدى وانواره الخدود تبهر
البساط الاحمدي الازهر
كله در متخفي او جوهر
حفلن قلنا السما اتجلى
والنجم بتضارى في الحلة
كالجناين تلقى كل حُلّة
فيها ورد و نرجسة و فلة
فيهن السلسال شفا العلة
فيهن العلة ودوا العلة
كلهن متبلمات الاّ
من لحاظن ارحم الجُلّة
الكنار صاح والغصون مالت
والرياح صنت عقب شالت
العقود فوق الصدور جالت
والعيون زي السيوف صالت
الرأيته شفى القلب طيّب
والسمعته وفاتني فاح طيِّب
زيدني خليت قلبي نا عطيِّب
والله طيِّب قلنا يا الطيب
Post: #224 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-15-2016, 08:13 PM Parent: #223
لا بتردي لا بتجيبي لا بتودي
خدك ده الخجل كاسيه ولا مندي
لا بتوالفي لا بتحالفي لا بتحني
خلقوك زينة عشان تشقينا
يلا أتهني
( أنا عني ما تنيت هههههههههههههه )
شعرك سبسبو التسريح بعد متدلي
تجيبو النسمة في جبينك وإنتي تعلي
بدر إتدلى لي خلق الله وجهك ناير
والخد صورة زي بلورة خاتي مساير
تشيلي الخطوة فوق خطوة
وأشيل أنفاسي.......
ماهماك نحن وراك كيف بنقاسي
تمشي هوينا يالماك هينه قدرك عالي
بس تكفينا نظرة حنينة ما تتعالي
( نظرة يا أبوهاشم ... ورق )
لا بتسالمي لا بتكالمي بس تتهادي
لا سامعانا لاك معانا تيهي اتمادي
أرح وأردح وراك أرتاح ولو بي كلمة
إما أعيش وإما أموت وإما وإما
كرعي حفن الموت حق لكن برضو الحياة حق )
Post: #225 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-15-2016, 08:27 PM Parent: #224
يا النازلة
ماشة على البحر
ساعة الحَلِـب
ساعة الشمِس يا دوب بتطلع
والشعاع من بين فتيحات الغصون
كلمات الشاعر أسماعيل حسن
Post: #226 Title: Re: نفااااااج نغم في زمان ضاق فيه الحال Author: مني عمسيب Date: 03-16-2016, 12:08 PM Parent: #225
حباااااااااااب اخوي الكلس .. ود الفحل ..
لعلك طيبة والعقاب السمح ؟
Quote: الغالية بت عمسيب سلام ،
أول مرة أشوف لي،
جبنة بيشربوها بالـ Cups
بعدين الموجود Cups 3
و المدعويين عددهم 5
وين الكرم الشايقي ،
أشواقي ،
علا خبااااارك مو شلت الصبر مسافة اجيبلك باقي الجبنة والفناجين ههههههه
Post: #227 Title: Re: نفااااااج نغم في زمان ضاق فيه الحال Author: مني عمسيب Date: 03-16-2016, 12:18 PM Parent: #226
حباااااااااب اخوي انا الارباب الخالد ود سعيد ..
كيفك يا المريود ؟ لعلك طيبة ؟
Quote: حباب زولا قدر ما تشتهي
تمرق على خلق الله في الشارع الوسيع
تلقاهو في كل الوجه
راسم ملامحه المابتفوت منك
ولا يوم تنتهى
حباب الرفيق القالو قبال الطريق
حباب الفي ظلام اللجة بديك البريق
الله يكرمك علي الكلام المن عسل البفتح النفس من الصباح ...
الجنذير في النجوم ..
Post: #228 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-16-2016, 01:58 PM Parent: #227
الجنزير في النجوم زي الهيكل المنظوم مابخاف في المحاصه دموم غنيلو يا ام رشوم دابي الروم .....شرابو سموم مابخاف في المحاصه دموم انت يافرنيب جازم مابجيبلي عيب اسمك في الرجال عمسيب وات للضرس عرديب ما بخاف العيشتو مي عوايل وجدك بضبح الشايل اضرب كفك الطايل ماترى الجنزير سمح وخايل ومابخاف غنيت بجر قولو كضبو القالو بتنولو هو التلب العرك زولو ماترى الخصيم قصر طولو مابخاف في المحاصه دموم نظمت هذه القصيد أخت الشاعر عبدالرحمن النجومي قائد جيوش المهدية عندما جئ به مكتوف الأرجل والأيدي أسير أبن الأستعمار الأنجليزي ... أخته هي فاطمة بت النجومي المحاص : هي الحرب أو بي الأصح ساحة الحر التلب العرك زولو التلب هو الجمل ومعروف أن الجمل لا يترك حقه إذا ظُلم قصر طولو الخصيم اي لزمو حدهم ولم يتطاولوا دابي الروم الروم هي الخرابات المهجورة وتكثر في العقارب الثعابين دقر الروم شرابو سمومإنتَّ لي الضرس عرديب وجع نزي و ألم الضرس علاجه العرديب وأنت دواء البطاول وصفت شكل الجنزير وهو مكتوف به مثل هيكل أو أكليل من النجوم يتوشحه
Post: #229 Title: Re: نفااااااج نغم في زمان ضاق فيه الحال Author: اسامه العريفي Date: 03-16-2016, 02:09 PM Parent: #228
يا للجمال والأبداع يا ود المنسي
Post: #230 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-16-2016, 02:13 PM Parent: #229
Quote: يا للجمال والأبداع يا ود المنسي
يا سلام طولنا خلاس أخبار شندي فوق ما جاتنا وها هي تهب علينا نسايم شندي اسامة العريفي
والله لكم الشوق لا يحصى ولا يعد وأقعد أرتاح أشرب من قهوة بت عمسيب تسلم يا أسامة
Post: #231 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-16-2016, 02:23 PM Parent: #230
ونضيف بعض الأبيات يتغنى بها خلف الله حمد في أغنية الجنزير في النجوم وغنيت وجبتَّ كلام هو عاصي وما بسوقو زمام وما بخاف إنت لي الحمول خمام ظاهر شيبة الإسلام وما بخاف يا عُصفر النايرات يا عشميق أخو السمحات ما بخاف ود جدو كايل وفات دخل التورة سابق الفات ما بخاف
Post: #232 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-16-2016, 02:34 PM Parent: #231
Post: #233 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-16-2016, 03:09 PM Parent: #232
خالد محجوب علي
وأمير الحسن
الحسن في كل شئ جميل
Post: #234 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-16-2016, 06:43 PM Parent: #233
جاهل ظرفي لكن برضي عارف ظرفو
وقلبي وقلبو ما بين الحصل يعترفـــــــو
ريدي أنا ليهو لو دَرَسو وقراهو وعرفو
زي شيك البنوك في أي لحظة يصـُرفـو
ود شوراني
Post: #235 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-16-2016, 06:59 PM Parent: #234
غزلية عكير الدامر تعجبني كثيراً هذه القصيدة يا مولاي وفي كل بوست أعيد ترديد هذه الأغنية الراسخة في زمانه و زماننا هذا وسوف تظل بهذا الصمود تنافس المفردة شعراً يا مولاي كلمات ( فيها بعض المقاطع من قصيدة معايد لعكير الدامر وفيها بعض المقاطع لقصيد للعباسي وكذلك الشاعر الفنجري وهذه معلومة كنت أجهلها لكن عرفت من سرد القصيد أنها كلها ليست لعكير الدامر كما كنت أظن
قام أو وضع اللحن لهذه القصيد التي وجدت رواجها في الساحة الفنية الأستاذ علاء الدين ود البيه
Post: #256 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-22-2016, 02:18 PM Parent: #254
أغنية حلوة يا الأميرة
البلابل
البابور ههههههههههههه تناسب بوست تايتانك
تستاهل بوست لوحدها
شوفي البلابل ديل بوزعنا أصواتهن كيف
توزيع الكمونية يوم عيد الضحية
Post: #257 Title: Re: نفااااااج نغم في زمان ضاق فيه الحال Author: اميرة السيد Date: 03-22-2016, 02:20 PM Parent: #254
هدية لكل النوبيين والنوبيات,, وكمان ليكم كلكم ..من البلابل
والله يديك الصحة والعافية
Post: #258 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-22-2016, 02:35 PM Parent: #257
Quote: هدية لكل النوبيين والنوبيات,, وكمان ليكم كلكم ..من البلابل
والله يديك الصحة والعافية
البلابل مبدعات حقيقة
والبمسكو بجضموا كان بي العربي أو النوبي
وللحن طعم عندهن
والحركة مع أداء اللحن تزيد اللحن روعة
ودنيا أشري
الدنيا حلوة لكن ناس ود شيقوق هم الببهدلوها
Post: #259 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-22-2016, 03:17 PM Parent: #258
Post: #260 Title: Re: نفااااااج نغم في زمان ضاق فيه الحال Author: اميرة السيد Date: 03-22-2016, 05:28 PM Parent: #259
رحت خليتنا
من صاحبها الأصلي ذو الصوت الرائع التاج مكي...
وكان ما مصدقنا اسأل العنبة الرامية فوق بيتنا....
والله يديك الصحة والعافية
Post: #261 Title: Re: نفااااااج نغم في زمان ضاق فيه الحال Author: اميرة السيد Date: 03-22-2016, 05:48 PM Parent: #260
رحت خليتنا تاني ما جيتنا لو مغالطنا وما مصدقنا أسأل العنبة الرامية فوق بيتنا خاينة يا دنيا وظالمة يا دنيا قاسية يا دنيا وظالمة يا دنيا العذاب ضقنا والشقا وعشنا الله يغفر ليك من ضياع ريدنا قلنا نتصبر لا لا ما بنقدر قلنا الصبر قاسي والمحبة قدر قلنا للقمرة سافري من بكرة ختى في قلبو شتلة الذكرى الغمام خشَّ والمطر رشَّ كانت آمالنا نحيا في عُشة الزمن غدار ظلمو ما بندار حني يا دنيا واقبلي الأعذار رحت خليتنا تاني ما جيتنا كان مغالطنا ما مصدقنا أسأل العنية الرامية فوق بيتنا .. وبالمناسبة شجيرة العنبة المذكورة في هذه الأغنية التي أبدع فيها التاج مكي، كانت موجودة في منزل شاعرنا المُبدع الحلنقي وكانوا يجلسون تحت ظلها الوارف يتبادلون الذكريات والأحاديث الشجية مع إبريق الشاي والجبنة، ).) (منقول)
. وعندي سؤال هنا... هل الشاعر اسحق الحلنقي موجود في هذه الحلقة.. واذا مافي ممكن واحد يجيب لينا صورته..... وفي الحقيقة لم نر صورة هذا الشاعر الفذ من .. الشاعر الرقيق من قبل ... .. وفعلا الدنيا قاسية وظالمة.... والزمن غدار... والله يديكم الصحة والعافية
Post: #262 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-22-2016, 06:55 PM Parent: #261
Quote: هل الشاعر اسحق الحلنقي موجود في هذه الحلقة.. واذا مافي ممكن واحد يجيب لينا صورته.....
وفي الحقيقة لن نر صورة هذا الشاعر الفذ.. الشاعر الرقيق.... .. وفعلا الدنيا قاسية وظالمة.... والزمن غدار...
والله يديكم الصحة والعافية
Post: #263 Title: Re: نفااااااج نغم في زمان ضاق فيه الحال Author: مني عمسيب Date: 03-23-2016, 09:59 AM Parent: #262
Quote: ألف مرة ما قلنا مــــأ تكتبوا في الحيطة بي فحمة تاني شى أنا خليت بت ابو حريرة في بطن البيت مشت وين
خبااااارك يا ود المنسي خوي بقيت مو بتفرز بين الفحمة وقلم الشيني الاحمر !!!؟
وانا مخصوص كتبت بالاحمر التقول حااااااسه بجنس البهت دا ههههههههههههه
دا كلم شيني هود قااااعد في محفضتي . بس قول داير تدفعني حق الجير الجديد .
والله مشتاقة ليكم .. بكرة بفك الحد . ربنا يرحم حبيبنا الخالدي .
وبجي اهدي ليكم اغنية تشبهكم ..
واحشني يا احلي ناس .
Post: #264 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-23-2016, 06:27 PM Parent: #263
Quote: خبااااارك يا ود المنسي خوي بقيت مو بتفرز بين الفحمة وقلم الشيني الاحمر !!!؟
وانا مخصوص كتبت بالاحمر التقول حااااااسه بجنس البهت دا ههههههههههههه
دا كلم شيني هود قااااعد في محفضتي . بس قول داير تدفعني حق الجير الجديد .
والله مشتاقة ليكم .. بكرة بفك الحد . ربنا يرحم حبيبنا الخالدي .
وبجي اهدي ليكم اغنية تشبهكم ..
واحشني يا احلي ناس
الأخت العزيزة بت عمسيب لك التحية بجمال روحك يا طيبة رحمة من الله تنزل علي الأخ الخالدي ونسأل الله أن يسكنه فسيح جناته واليوم سمعت خبر لكن متأخر أنه توفي في بريطانيا شيق الأخت الكريمة العزيزة الحبيبة سلمى حسن عباس صبحي شقيقها علاء مقيم في بريطانيا ويعمل في إذاعة البي بي سي أللهم أرحمه وأغفر له نسألك يا الله أن تسكنه جنانك العُلي وأبدله أهل خيراً من أهله و دار خير من داره إنك ولي ذلك والقادر عليه وعزاءنا لاسرة عباس صبحي بشندي وعلى أمتداد الوطن بالمناسبة هو ابن الدكتور والشاعر الأديب حسن عباس صبحي عليهما رحمة الله
Post: #265 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-25-2016, 08:30 PM Parent: #264
طالت الغيبة خالد المحرب بت ابوحريرة اسماعيل خالد الأرباب بسمات
الحاصل شنو
Post: #266 Title: Re: نفااااااج نغم في زمان ضاق فيه الحال Author: اميرة السيد Date: 03-25-2016, 11:54 PM Parent: #265
الحكاية شنو .. جيت راجعة قلت استمع شوية للتاج مكي والبلابل لقيت الاغاني اختفت!!! البوست سحروه ولاشنو... رجع لينا البلابل والتاج مكي ..وشايفاك بتسال عن المحرب وعفاف وبسمات. بسمات ما تسال منها تاني..(تاني حتشوفها في عطبرة في الاجازة ).لكن ود المحرب وعفاف سكان السعودية مابتذكرونا لانهم في ارض الحرمين الشريفين.. وياريت كنا جاورناهم هناك بدل الغربة الفي اخر الدنيا دي ومن جاور السعيد يسعد... ..وهل انت بتعرف ان بسمات عندها قرابة مع ناس المحرب.. والله يديك الصحة والعافية
Post: #267 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-26-2016, 05:08 PM Parent: #266
Quote: الحكاية شنو ..جيت راجعة قلت استمع شوية للتاج مكي والبلابل لقيتالاغاني اختفت!!! البوست سحروه ولاشنو...رجع لينا البلابل والتاج مكي..وشايفاك بتسال عن المحرب وعفاف وبسمات.بسمات ما تسال منها تاني..(تاني حتشوفها في عطبرة في الاجازة ).لكن ود المحرب وعفاف سكانالسعودية مابتذكرونا لانهم في ارض الحرمين الشريفين..وياريت كنا جاورناهم هناك بدل الغربة الفي اخر الدنيا ديومن جاور السعيد يسعد.....وهل انت بتعرف ان بسمات عندها قرابة مع ناس المحرب..والله يديك الصحة والعافية
مسافرة أجازة لارض الاتبراوي النعم أجازة سعيدة حا تمر بي شندي أرجو ا منها أن تلقي علي شندي سلام من أبن مشتاق في البداية أسمحي لي يا الأميرة نهديها لحن الوداع وبعدها بنرجع لي البلابل والتاج مكي وحبيت عشان كسلا وأسأل العنبة الرامية فق بيتنا هدية للعزيزة بسمات
Post: #268 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-26-2016, 07:00 PM Parent: #267
الأميرة أميرة المحسية الشاربة من توتيل وأسأل العنـــبة الرامية فوق بيتنا
Post: #269 Title: Re: نفااااااج نغم في زمان ضاق فيه الحال Author: اميرة السيد Date: 03-27-2016, 03:53 AM Parent: #268
ود المنسي كيفنكم... بسمات ما مسافرة هسع..هي مسافرة شهر ستة في رمضان ومعاها ضيوف من امريكا... لكن قلت ما حاشوفها هنا عشان مضربة عن الكتابة اليومين دول... ..وشايفة الاغاني الحلوة رجعت تاني....وشكرا.. والله يديك الصحة والعافية يا ملك..
Post: #270 Title: Re: نفااااااج نغم في زمان ضاق فيه الحال Author: اميرة السيد Date: 03-27-2016, 04:01 AM Parent: #268
ود المنسي كيفنكم... بسمات ما مسافرة هسع..هي مسافرة شهر ستة في رمضان ومعاها ضيوف من امريكا... لكن قلت ما حاشوفها هنا عشان مضربة عن الكتابة اليومين دول... ولكنها بتساعدني في ترجمة البوست الخاص بيها وهي ايضا بدات في ترجمة دراسة عن شخصية مهمة حتقروها قريبا ...لكن البوست ملكي.. ..وشايفة الاغاني الحلوة رجعت تاني....وشكرا.. والله يديك الصحة والعافية يا ملك..
Post: #271 Title: Re: نفااااااج نغم في زمان ضاق فيه الحال Author: مني عمسيب Date: 03-27-2016, 10:39 AM Parent: #270
سلام بعطور :
من بلد الزهور بلـــد الجمال اسحارا برسلكم سلام تملئ البحور وانهارا والشوق العتييييق برائحـة ازهارها والحب الشديييييد خلانا نحن حيارا
Post: #272 Title: Re: نفااااااج نغم في زمان ضاق فيه الحال Author: Khalid Saeed Date: 03-27-2016, 01:25 PM Parent: #271
Quote: طالت الغيبة خالد المحرب بت ابوحريرة اسماعيل خالد الأرباب
أمسك يا حبيبنا المك خالد .. مشيت جبته ليك الشلة دي كلها بي عكاكييزهم ونقارتهم وعرضتهم ..
ليك وليهم التحية ولي اهل النفاج
Post: #273 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-27-2016, 02:02 PM Parent: #272
Quote: ود المنسي كيفنكم... بسمات ما مسافرة هسع..هي مسافرة شهر ستة في رمضان ومعاها ضيوف من امريكا... لكن قلت ما حاشوفها هنا عشان مضربة عن الكتابة اليومين دول... ولكنها بتساعدني في ترجمة البوست الخاص بيها وهي ايضا بدات في ترجمة دراسة عن شخصية مهمة حتقروها قريبا ...لكن البوست ملكي.. ..وشايفة الاغاني الحلوة رجعت تاني....وشكرا.. والله يديك الصحة والعافية يا ملك..
الأمير كيف أصبحتي علك طيبة أيوا أذكرأن عطلتها بتمشي تصوم مع أهلها أخر ايام رمضان وتعيد خليها تغشى جناين شندي تمتع فيها عيال اليانكي بعدين وصلي مرسولنا للعزيزة بسمات تسافر وترجع بي السلامة وتجد الهناك عافية وسلامة لكن إتلومت لوم اليابا فضيل تقاطع الدنيا وما فيها وهل يهون عليها أن تقاطعنا إتلومت تحياتي ومودتي لكل الغرفة بعد تناول وجبة شهية أم رقيقة
Post: #274 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-27-2016, 02:11 PM Parent: #273
الليل اليل يارباعة ناري بتزيد كل ساعة قليب العاشق ودرنو شالن نومي اتقسمنو يازمال الله لينا من تفاح عنب الجنينه أم خدا خفه للرتينه سبعين نفر مفقوده فينه
Post: #281 Title: Re: نفااااااج نغم في زمان ضاق فيه الحال Author: فيصل محمد خليل Date: 03-28-2016, 10:04 AM Parent: #280
يا ود المنسي بوستك دا بيتكلم عن شنو !!!! التوبيك يا زميل (topic)
Post: #282 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-28-2016, 02:24 PM Parent: #281
الليل اليل يارباعة ناري بتزيد كل ساعة قليب العاشق ودرنو شالن نومي اتقسمنو يازمال الله لينا من تفاح عنب الجنينه أم خدا خفه للرتينه سبعين نفر مفقوده فينه
ود الأرباب سعيد قال ود بادي هوي يا وليد حصل صَحاكا عز الليل صوت شتماً بعيد مخنوق ( مخنوق دي خت تحتها خطين ) وجاتك شخرة الطمباري مشتاقاً يسوي القوق وإتلفحت نص من توبك الجرجار علي الدلوكا سايق سُوق
الدلوكا دي حديثها برا ... والدلوكا كتين تهبك بتكون معلق بين السما والأرض وما ببرد حميمك إلا بي عرضة وصوقيرة وقيل تتيتل كمان وقيل فيها سوط ( وكان قبل نصاب بي السكري ههههههههههه ) ونحن العرضة دي هولنا ... الوالد كان عراض ولما ينزل في العرضة كان بفضو لي الدارة يلعب أخواني ههههههههههه تخيل في ديار المجر يوم الأحد بقعد في الحوش وأخت المسجل وأشغل علي إبراهيم أو خلف الله حمد ونعرض زييييييين أنا والخواجة أحمد صادف مرة مشينا السودان لزواج أخي الأصغر وأحمد وأمه كانا معي وفي الحفلة عرضنا ( ابوي قال لي الخوجات ديل عندهم دلوكا في بلدهم ..ز الولد إتعلم العرضة وين ) هههههههههههههههه الدلوكا فيها سر عجيب يكمن في هبكتها يحرك كل أحساس في مكانه بحركة وتتحد كل المشاعر وفت تقمز بي الزول يقوم ينقز لاحظ للشعب السوداني شعب متحفظ جداً في التعبير عن مشاعره في الحفلات العامة ... لكن أول ما تهبق الدلوكا الأعمى بشيل المكسر وأيقاع الدلوكا واسع الإنتشار في السودان في كل مكان تاد تجده لكن موطنه الأصلي في منطقة الجعليين أبدع فيه من قديم الزمان وكان معروف انه فن تتغنى به النساء لم يكن لوقت قريب أن تجد رجل يغني دلوكا ( اي أغاني حماس أو أغاني غزل دلوكا ) أول من أظهر هذا الفن ود الفكي وبعدها غنى الحقيبة نقلها من الطمبرة إلى فن غناء الأغنية الشعبية وبعده جاء خلف الله حمد وابنا العليفون ثناءي الدبيبة وعلي إبراهيم وأبدعوا في هذا الفن ثم جاء حسين شندي .... وأضف لكل هولاء فناني فن الدلوكا نفسه في تلك المنطقة وغيرها من بقاع السودان تجدهم يغنون الدلوكا ويحافظون على وزنة هبكت الدلوكا ايقاع موزون لكن صراحة عاصم البنا وأمثاله من فناني اليوم خربوا أيقاع الدلوكا وما عاد ذلك الأيقاع الذي يبعث في النفس تلك المشاعر وكذلك البيعو ( انا بعتبرهم خربوا أيقاع الدلوكا وحتى تتاكد من ذلك بنزل ليك تسجيل بصوت حسين شندي واسمع كيف التطريب عنده في كلمة لحن الدلوكا واسمع هبكت الدلوكا على أصولها وقارن بينها وبين الطريقة التي يتغنى بها عاصم وغيره من اللذين شوهوا هذا الفن الجميل
التسجلين أحدهما لحسين شندي والأخر للفنان خلف الله حمد
Post: #283 Title: Re: نفااااااج نغم في زمان ضاق فيه الحال Author: اسامه العريفي Date: 03-28-2016, 02:36 PM Parent: #282
Quote: وكذلك البيعو
ده فنان جديد
Post: #284 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-28-2016, 02:40 PM Parent: #282
Quote: يا ود المنسيبوستك دا بيتكلم عن شنو !!!!التوبيك يا زميل (topic)
أخي حمبرة قباض الطير ليه ما قلت التيما شنو ؟ بي توبك دي وهدبتني بتكلم عن ( تعالوا معي شوفوا شندي وضواحي شندي ههههههههههه ) أنت وين كنت بت عمسيب تفتش فيك بي أبرة يا مقطوع الطاري أمس بالليل رسل لي مصطفى البكري بتاع مشكولتس تسجيل عودة المهاجر الشاعر عزمي أحمد خليل ابن عمك ( قصيدة بصوته ) قال لي ارسلها لي فيسل هليل قعدت ابحت وأبحت في القروب ما لقيت ليك مداخلة قريب عشان أرسلها لك في الخاص كدي يا الشوووم رسل لي رقمك لانو في ناس كتيرة بتسألني من رقمك ( كان علي أنا ... أنا خلاص خلصت كلامي معاك 25 سنة بتكلم معاك ) كيف البنات وأمهم تحياتي شديد لهم ( تعالي تعالي فطومة وسلوم ) تحياتي ومودتي التوبك يا سيدي ونسة حلوة بين أهل وأحباب في ضل رامي ضهرية يأتون من كل فج عميق عبر نفاج ما بي خشم الباب
Post: #285 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-28-2016, 02:47 PM Parent: #284
Quote:
ده فنان جديد
ود الأستاذ وينك يا رجل البعيو مهرجل عامل فنان ههههههههههههه وما تختفي كتير وأنكت لينا بريقع جيبو النفاج ليكم وحشة
Post: #286 Title: Re: نفااااااج نغم في زمان ضاق فيه الحال Author: فيصل محمد خليل Date: 03-28-2016, 02:58 PM Parent: #285
بالمناسبة خالد ود المنسي عندو صوت رهيييييب غنّاي خلاص لو كان دخل المجال الفني كان بيكون عندو بيت في كافوري . كان شغال في المجر بايع هبابات في محطة القطارات كل يوم في بلد -------- كلم ولدك احمد يجي يقعد معانا كم يوم
Post: #287 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-28-2016, 03:11 PM Parent: #285
يا الأرباب خالد البقصدو من لفظ بعرف يقعد غنى الدلوكا اي يعطي كل كلمة حقها للتعبير من مضمون معناها ودي البهد حيلنا في فن الدلوكا وتزيد هبكة الدلوكا وخلفة الشتم النار الجوانا نيران لاحظ للمقطع الذي يقول فيه حسين شندي كان تجري وتخيب من العدو وتضارّى بشيل ود اللبيح وببقالّوا مرسالة
هنا قطعت أمه أو أخته ( الشاعرة ) نئر على نفسها أما الثبات يكون حليفك وكت العركة ولا كان بقت التانية جريت وخبت أنا بمشي لي الشيخ ود اللبيح وبقى لي خادم يرسلها ( مراسلة ) حسين شندي متشبع بفن وكلة الدلوكا لذا تجده يؤديها بكل أريحية وفاهم لمعاني المفردة لذا تراني عبت على حسين شندي في بوست من قبل عندما قال في قصيدة كلمة حولت معنى البيت وهي
( حسين شندي قال دق السندالة قلبو ) والعجيبة كل من غنى الأغنية قال دق السندالة قلبو وهنا اتقلب المعنى زينب الشاعرة عندما قالت زي السندالة تقصد لبه ما بزج من مكانه وكت العركة ثابت زي السندالة في الأرض والسندالة معروفة لكن لما تقول دق السندالة قلبو ( السندالة عندما يضرب عليها الحديد صوتها عالي ولو كان دا صوت قلبو يبقى جبان هههههههه ) وقلت أستغرب ان يقول كدا حسين شندي وهو جاء من منطقة مشبع بالمفردة ومعناها لكن حسين برضو من اللذين يجيدون فن غنا الدلوكا
Post: #288 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-28-2016, 03:30 PM Parent: #287
Quote: بالمناسبة خالد ود المنسي عندو صوت رهيييييبغنّاي خلاصلو كان دخل المجال الفني كان بيكون عندو بيت في كافوري .كان شغال في المجر بايع هبابات في محطة القطاراتكل يوم في بلد--------كلم ولدك احمد يجي يقعد معانا كم يوم
ههههههههههههههههههههههههههالله يجازي محنك هسي الأمير اميرة يوم عرسها تجي تقول إلا أغني ليها في حفل الزفاف وتفتح لينا باب بسمات وامتثال وبنات عفاف ابوحريرة لكن محلولة اي واحدة في عرسها حفلتها علي ناس النفاج الفنان ابوبكر سيد أحمد الذي سوف يشرفنا في النفاج قريب لو بكري حنَّ علي وارسل لي الباسورد ابوبكر عضو قديم لكن فقد الباسورد وكذلك قريب بشرفنا الفنان ياسر مبيوع في هذا النفاج عن موضوع احمد إن شاء الله في اجازة الصيف بخلي يجي عندكم في بيتش يعدي معاكم يومين تلاتا بس بناتك ما يكيسو الولد قدامو قراية ههههههههههههههههههه ولاعب كورة قدم وباسكت بول والحب بضيعو زي ما ضيع ابو زمان هههههههههههههههه نسمع ابوبكر وياسر مبيوع معاً قبل ما يجو
Post: #289 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-28-2016, 06:40 PM Parent: #288
لحين ميسرة
Post: #290 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-28-2016, 07:44 PM Parent: #289
كسلا أسيرة القاش ويا جمال جبال كسلا حينما تلثم قبلة من سحابة صيف تمشي الهوينة كما يمشي الوجى الوحل وزي مكسراك يا الأميرة كسلا في حبها سواء نعشق مدينة أحبها وقديتساوى الحب عندي لشندي فهي مسقط رأسي وفيها صرتي هههههههههكسلا حي الميرغنية وديم الحلنقة والتلاقي جميل بمعناه عندما يلتقي عزيز دنيانا مع صوت الشرق على ضفاف القاش في زمن المحل ينذر بموسمه وهياجه كسلا يا كسلا ووين كسلا بدور اصلا اقابل أهلا
Post: #291 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-28-2016, 08:06 PM Parent: #290
وما زلنا في كسلا والجمال
Post: #292 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-28-2016, 08:41 PM Parent: #291
رائعة الشاعر الجميل إبراهيم ود الزومـــــة أسيـــــــــــا وهي القصيدة التي فاقت شهرتها وغطت كل نواحي بلادي
Post: #293 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-28-2016, 09:08 PM Parent: #292
أهداء لبت عمسيب باقي شايقية والزول دا مكوكرة في حبو
Post: #294 Title: Re: نفااااااج نغم في زمان ضاق فيه الحال Author: مني عمسيب Date: 03-29-2016, 10:24 AM Parent: #293
عرضة الارباب ..
سماحة العرضة فوق العرضة في الارباب وعاجباني الشهامة الزدت فيها رحااااااااب وبالوش البشوش اللصحاب ترحاااااااااب تسلم ود سعيد وتسلم بطينتآ جااااااااااب
ايووووووووي يووووووووي يوووووووووي .
Post: #295 Title: Re: نفااااااج نغم في زمان ضاق فيه الحال Author: حمد إبراهيم محمد Date: 03-29-2016, 12:33 PM Parent: #294
ود المنسي - سلام كتير ...
اجبرني بوستك الرتئع وما يحويه من قمم ابداعية
الا ان اشارك بالقليل ... ولا ادري مضمنة من قبل ام لا
لعل مشاركتي هذه تكون اضافة ...
محجوب شريف - ودي / الكويت : والفرح السوداني ...
Post: #296 Title: Re: نفااااااج نغم في زمان ضاق فيه الحال Author: حمد إبراهيم محمد Date: 03-29-2016, 12:41 PM Parent: #295
الموسيقار الاستاذ/ المعلم/ محمد وردي ...
تدريب - تجويد - إبداع ...
Post: #297 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-29-2016, 01:47 PM Parent: #296
Quote: ود المنسي - سلام كتير ...
اجبرني بوستك الرتئع وما يحويه من قمم ابداعية
الا ان اشارك بالقليل ... ولا ادري مضمنة من قبل ام لا
لعل مشاركتي هذه تكون اضافة ...
محجوب شريف - ودي / الكويت : والفرح السوداني ...
أخي حمد إبراهيم محمد في البداية إن شاء الله يكون النفاج جابك لقعدة طويلة بيننا البكان بكانك ومشاكت تسرنا يا جميل أنت جميل وكل البحب وردي جميل وردي قمة والقمم لا تصل لها إلا النسور ونحن أجنحتنا غير مساعدة لوصول القمم أمثال وردي ... محمد الأمين .. عثمان حسين .. أحمد المصطفى وابو داؤود وإبراهيم عوض ثم الجيل الذي جاء بعدهم والبعدهم ونقي من الجاءوا بعدهم ههههههههههههه وردي مُسيقار ومبدع وقمة في فن بلادي تعجبني له كتير أغنية قطر الندى جربت هواكم وقليبي إنكوى هذا ليس معناه لا تعجبني بقية أغانيه بلى لكن قطر الندى يمكن أن أسمعها اليوم كلو ههههههههه وشكرا كتير على المرور البهي وما تغيب يا جميل
Post: #298 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-29-2016, 02:00 PM Parent: #297
وتظل يا حمد القمم عالية نشابي لها و وردي قمة
Post: #299 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-29-2016, 02:20 PM Parent: #298
يا حمد أغنية 17 سنة خلاص كبرت وليك تسعطاشر سنة وهذه الأغنية في حكاوي جميلة الأولى على لسان وردي نفسه ( قال لما أراد أن يسجل هذه الأغنية في الإذاعة كان نصها يقول في مطلعه خلاص كبرتي وليك سبعطاشر سنة ) كان العبادي في لجنة النصوص فقال له :يا وردي لا تصلح هذه قاصرة عمرها أقل من تمنطاشر قال وردي فغيرنا النص لي ( تسعطاشر سنة ) والأخر سمع الفنان صلاح بن البادية ( فرقة أولاد البيت بعملوا في بروفا في منزله وهو راقد في غرفته ) فرقة أولاد البيت كان فيها أبن صلاح ابن البادية سمعهم يغنون هذه الأغنية ويقولون ما تخجلي يا السمحة قومي إتسعجلي قال ابن البادية زعلت وقمت خرجت لهم وقلت : تقوم تمشي وين ؟ غنو صح ما تخجلي يا السمحة قولي أستعجلي الغرريبة ثلاثة أرباع الشعب السوداني بقول يا السمحة قومي أستعجلي
Post: #300 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-29-2016, 03:01 PM Parent: #299
Post: #301 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-29-2016, 03:20 PM Parent: #300
Post: #302 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-29-2016, 03:30 PM Parent: #301
الفنان إبراهيم كان شديد الإرتباط بوالدته عليهما رحمة الله بعد وفاة والدته حزن كثيراً وفي يوم من الايام تلك جاء عنده الشاعر عبدالرحمن الريح وساله لمتى الحزن هذا يا إبراهيم ؟ فقال له : فراقها حار يا عبدالرحمن لكن لمن أحكي فتناول المقطع منفمه الشاعر عبدالرحمن الريح وكساه ثوباً غزليا مضمن فيه كلام إبراهيم عوض لمين أنا أشكي وأحكي ألم فراقها
أحكي ألم الفراق وأشكي لي مين أنا
Post: #303 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-29-2016, 07:02 PM Parent: #302
من الليلة بقلب النفاج حديثاً لي المشكوشين كع أمانةالشاكوش مو حار
خسارة يا قلبي الحنين
Post: #304 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-29-2016, 07:51 PM Parent: #303
أغنية معاي معايا بي الدرب الطويل من ألاغاني البسيطة ذات المعاني العميقة الصادرة من قلب ملئ بحب كبير صادق دفق فيها الشاعر المرهف علي شبيكة كلآهات قلبه المحب كل الحنان والعاطفة التي يكنها لمحبوبته فيها من الوصف البديع عندما شبه المحبوبة بالقمر بل قال أنت أجمل منالقمر والجمال كل الجمال عندما أبحر الشاعر في بحور خياله وقال نحن سوف نكون أسعد من القمر الضحاك لخلق لله دون ملل لو سبينا المقادير للقدر وهنا تتجلى العقيدة السليمة للشاعر أن أمر الإنسان كله بيد ربه وأقداره ـاملوا هذه الكلمات فيها الكثير من الشجون والهوى العفيف
Post: #305 Title: Re: نفااااااج نغم في زمان ضاق فيه الحال Author: اميرة السيد Date: 03-29-2016, 09:05 PM Parent: #304
ما شاء الله النفاج بتاعك امتلا بالروائع....وخليك مستمر والامراض حتبتعد منك وتكون دائما بصحة وعافية... اما زهور بت نفيسة الهولندية...فتملانا فرحة وبهجة... والله يديك الصحة والعافية
Post: #306 Title: Re: نفااااااج نغم في زمان ضاق فيه الحال Author: Khalid Saeed Date: 03-30-2016, 07:43 AM Parent: #305
Quote: ا الأرباب خالد البقصدو من لفظ بعرف يقعد غنى الدلوكا اي يعطي كل كلمة حقها للتعبير من مضمون معناها ودي البهد حيلنا في فن الدلوكا وتزيد هبكة الدلوكا وخلفة الشتم النار الجوانا نيران لاحظ للمقطع الذي يقول فيه حسين شندي كان تجري وتخيب من العدو وتضارّى بشيل ود اللبيح وببقالّوا مرسالة
حباب المك ود المنسيى .. تسلم يالهميم تسلم .. ياجبل الحديد الصم كل من استمع الى حميرا والى اغاني الحماس من منبعها مثلك أجده محق في كل ما يقول عن اختلاف تأثير الأغنية من مؤدي الى مؤدي حدثيك ذكرني الوالد عليه رحمة الله .. كان عند استماعه لأغاني الحماس يختار فنانيين بعينهم ويقول لي أنهم حافظين تمام ومدركين للمعاني .. لك التحية يا امك .. ويسلم النفاج وناسو امسك البعيو .. يغنن ليك بنات العم .. يالزلت الكدر والهم بلاك الشوره ما بتنتم
Post: #307 Title: Re: نفااااااج نغم في زمان ضاق فيه الحال Author: Khalid Saeed Date: 03-30-2016, 08:43 AM Parent: #306
Quote: سماحة العرضة فوق العرضة في الارباب وعاجباني الشهامة الزدت فيها رحااااااااب وبالوش البشوش اللصحاب ترحاااااااااب تسلم ود سعيد وتسلم بطينتآ جااااااااااب ايووووووووي يووووووووي يوووووووووي .
سلام الملكة بت عمسيب المعله مقامه ياست الأصل وللشهامة علامه يسلم حرفك الأدى روحي سلامه ابشري يا بت الكرم الليك عندي مكانه
Post: #308 Title: Re: نفااااااج نغم في زمان ضاق فيه الحال Author: مني عمسيب Date: 03-30-2016, 11:42 AM Parent: #307
سلام بالاحضان السودانية
..ومشتاقة ليكم .
وبجيكم صادا .
من بلد الزهور ..
Post: #309 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-30-2016, 02:25 PM Parent: #308
Quote: حباب المك ود المنسيى .. تسلم يالهميم تسلم .. ياجبل الحديد الصم كل من استمع الى حميرا والى اغاني الحماس من منبعها مثلك أجده محق في كل ما يقول عن اختلاف تأثير الأغنية من مؤدي الى مؤدي حدثيك ذكرني الوالد عليه رحمة الله .. كان عند استماعه لأغاني الحماس يختار فنانيين بعينهم ويقول لي أنهم حافظين تمام ومدركين للمعاني ..لك التحية يا امك .. ويسلم النفاج وناسو امسك البعيو .. يغنن ليك بنات العم .. يالزلت الكدر والهم بلاك الشوره ما بتنتم
حباب الأرباب ود سعيد الضو حباب الفي الحار ما بقوللو سوكيف أخبارك عليك الله شن ليك في قول الحميرا قالوا الحميرا كان بجيبوها أولا الجوير ويقيلو في الجنانين يشربو المر وهي تغني أها بت ود ضبعة مشت لي أخوها الحسن ود ضبعة تشكي ولدها البطل شغلتو وبقى حارس الحميرا والغنى الحسن كان زولاً فارس عيونو حُمر ..... شال صوت عنج وعصاتو مشى عليهم أها الحميرا من شافت الحسن جاي من هناكوقفت الأغنية الكانت بتغني فيها وبدت في أغنية جديدة وكانت الأغنية الجديدة هي سيد محكر الديوان وهي أغنية قِيلت فيالحسن ود ضبعة مشى عليها وهزَّ فيها وقال ليها غني غُناك أريت بهايمن ما اكلت ولا شافوا صدف زراعتم
سيد محكر الديوان ( والقصيدة في الحسن ود ضبعة ) وقصيدة سيد محكر الديوان لها قصة وشاعرها ود رفاي سيد محكر الديوان وثابت يا أب قلب تقابة لي النيران وين متل الحسن
Post: #310 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-30-2016, 02:40 PM Parent: #309
Quote: ما شاء الله النفاج بتاعك امتلا بالروائع....وخليك مستمر والامراض حتبتعد منك وتكون دائما بصحة وعافية... اما زهور بت نفيسة الهولندية...فتملانا فرحة وبهجة... والله يديك الصحة والعافية
الأميرة أميرة بنية عبدالرحيم النفاج عامر بيكم يا رائعة أمراض شنو يا الأميرة كفى الله الشر نصيح وشديد أحمد ربي بت نفيسة دي حديثها برا يوم قهوة يوم زهور ما دايرا تجيب لينا في ضلنا دا يوم قدح ملاح أم رقيقة تحياتي لبت الشيخ وبت كوستي أم ساكسفون ما جابت الكتاب هههههههه
Post: #311 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-30-2016, 02:44 PM Parent: #310
Quote: سلام بالاحضان السودانية
..ومشتاقة ليكم .
وبجيكم صادا .
من بلد الزهور ..
منى بت نفيسة سلام
Post: #312 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-30-2016, 06:39 PM Parent: #311
لحين ميسرة
Post: #313 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-30-2016, 07:42 PM Parent: #312
Quote: سلام الملكة بت عمسيب المعله مقامه ياست الأصل وللشهامة علامه يسلم حرفك الأدى روحي سلامه ابشري يا بت الكرم الليك عندي مكانه
اللاموني ما شافوا المتنَّى سبيطو لا فطروبو بدري لا عليهم ببيتو السبب الخرب قلبي بعد تثبيتو قدلاتو من جيرانو طالب بيتو
أغنية الكنينــــة من الأغاني المشهورة في منطقة شندي يا الأرباب وهي أغنية فاقت شهرتها في بقاع السودان بعد أن تغنى بها الفنان الجميل علي إبراهيم شاعر الأغنية هو منطقة ساردية ( الشقالوة ) كانت قرية شمال شندي والآن تابعة لمدينة شندي كحي حي ساردية وهي منطقة يقطنها الجعليين والكنوز وأخرين اسمالشاعر ود النزيها رجل مزارع كان يأتي بخضاره الصبح قادم من الشقالوة شمال شندي وكان يمر بحي المحطة في شندي ( مربع واحد ) قبل أن يصل سوق شندي الكنينة هي مرأة من حي المحطة في شندي وكانت جميلة جمال مبالغ فيه والله يا ألارباب نحن شفنا الكنينة بعدما كبرت لكن فيها جمال وحتى وهي كبيرة مبالغة فيها شلوخ لو شفناها البنات يشمن كلهن بكرة يتشلخن جمال جمال ما عادي عليها رحمة الله كان ود النزيها شاعر وفنان دلوكا معروف في شندي وقطعوا للأغنية قطع أخدر وكان لم تنزل الكنينة ترقص في الحلفة أول شى بدي شنبو برمة (هو من عادته بغني لابس العراقي والسروال الطويل والصديرية والتوب وبكون شايل عصاتو وبوصف ) كان لما تنزل الكينة تلقى لافي في الحفلة ويغني ما بقيف في مكان واحد الرحمة تنزل عليهم جميعاً ود النزيها والكنينة وربنا يعطي الصحة والعافية الفنان علي إبراهيم
Post: #314 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 03-31-2016, 05:34 PM Parent: #313
لحين ميسرة
Post: #315 Title: Re: نفااااااج نغم في زمان ضاق فيه الحال Author: Osman Musa Date: 04-01-2016, 04:59 PM Parent: #314
ولدنا الفنان خالد ود حاج المحجوب سلامات والله متابعك يا زول يا طربان ومليان نغم وطنابير . خيف خبر العقاب بي هناك . ياخ خت يا سايق الشولا . خلينا النعرض معاك وخلي العجاجة تقوم . أنا اليومين دي بعيد شوية بس ح أرجع أنشاءالكريم .. تحياتي
Post: #316 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-01-2016, 07:19 PM Parent: #315
Quote: ولدنا الفنان خالد ود حاج المحجوب سلامات والله متابعك يا زول يا طربان ومليان نغم وطنابير . خيف خبر العقاب بي هناك . ياخ خت يا سايق الشولا . خلينا النعرض معاك وخلي العجاجة تقوم . أنا اليومين دي بعيد شوية بس ح أرجع أنشاءالكريم .. تحياتي
الحبيب عثمان جنى موسى جنى ناس ود سعران بلدك وين صاحب المنساة التي لم تعرف لإستقرار جدلة لك كل الشوق لم نلتقي في أرض الحبايب لكن الجايات أكتر من الراحن ما عرفت سايق الشولا دي لكن هاك أسمع غزلية للمبدع اللحو الأغنية كلمات شاعر شندي ود النزيها وألحان ود النزيها نفسه صاحب اغنية الكنينة
Post: #317 Title: Re: نفااااااج نغم في زمان ضاق فيه الحال Author: اميرة السيد Date: 04-01-2016, 08:58 PM Parent: #316
متابعة لصيقة.. والى حين ميسرة والله يديكم الصحة والعافية
Post: #318 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-02-2016, 06:57 PM Parent: #317
Quote: متابعة لصيقة.. والى حين ميسرة والله يديكم الصحة والعافية
يا الأمير أمير بنت عبدالرحيم ست واجب وتعرفي المعلوم العافية تبراك وين ما قلبتي
Post: #319 Title: Re: نفااااااج نغم في زمان ضاق فيه الحال Author: اميرة السيد Date: 04-02-2016, 07:06 PM Parent: #318
يا ود المنسي ما تلخبط بيني وبين البرجوازية الصغيرة بسمات بت الشيخ عبد الرحيم ..لاني بت مصطفي السيد....وانا غلبانة وما برجوازية زيها....ويا دوبك خالي من السعودية بيرسل لي حق الاكل والشراب ...ومصاريف الجامعة بسددها من شغلي.. لكن البرجوازية البسمة ما بتشتغل ومصاريفها بالكامل وزيادة بتجيها كل شهر من السودان وعندها كرديت كارد ممكن تشتريها بيها بيت...ونحن كمان في جاه الملوك نلوك وبتعزمنا كل عطلة اسبوعية في الاستار بكس... والله يديها الصحة والعافية.. والله يديك الصحة والعافية...
Post: #320 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-02-2016, 07:49 PM Parent: #319
Quote: يا ود المنسي ما تلخبط بيني وبين البرجوازية الصغيرة بسمات بت الشيخ عبد الرحيم ..لاني بت مصطفي السيد....وانا غلبانة وما برجوازية زيها....ويا دوبك خالي من السعودية بيرسل لي حق الاكل والشراب ...ومصاريف الجامعة بسددها من شغلي.. لكن البرجوازية البسمة ما بتشتغل ومصاريفها بالكامل وزيادة بتجيها كل شهر من السودان وعندها كرديت كارد ممكن تشتريها بيها بيت...ونحن كمان في جاه الملوك نلوك وبتعزمنا كل عطلة اسبوعية في الاستار بكس... والله يديها الصحة والعافية.. والله يديك الصحة والعافية...
بت مصطفى السيد أسف كتير لكن أحسن لي القديم بت السيد كلنا فقراء والفقر موعيب أهم شى نفوسنا عزيزة أسف مرة أخرى بت مصطفى السيد وتحية لخالك و ربنا يخدر ضراعك مودتي وتحياتي وأكرر أسفي يا الأمير بت السيد تقبلي أعتذاري وهذه الهدية لك يا لك يا الأميرة
Post: #321 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-02-2016, 11:51 PM Parent: #320
ناس البيت سلاووووم
Post: #322 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-02-2016, 11:51 PM Parent: #320
ناس البيت سلاووووم
Post: #323 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-02-2016, 11:51 PM Parent: #320
ناس البيت سلاووووم
Post: #324 Title: Re: نفااااااج نغم في زمان ضاق فيه الحال Author: Khalid Saeed Date: 04-03-2016, 09:36 AM Parent: #323
Quote: حباب الأرباب ود سعيد الضو حباب الفي الحار ما بقوللو سوكيف أخبارك عليك الله شن ليك في قول الحميرا قالوا الحميرا كان بجيبوها أولا الجوير ويقيلو في الجنانين يشربو المر وهي تغني أها بت ود ضبعة مشت لي أخوها الحسن ود ضبعة تشكي ولدها البطل شغلتو وبقى حارس الحميرا والغنى الحسن كان زولاً فارس عيونو حُمر ..... شال صوت عنج وعصاتو مشى عليهم أها الحميرا من شافت الحسن جاي من هناكوقفت الأغنية الكانت بتغني فيها وبدت في أغنية جديدة وكانت الأغنية الجديدة هي سيد محكر الديوان وهي أغنية قِيلت فيالحسن ود ضبعة مشى عليها وهزَّ فيها وقال ليها غني غُناك أريت بهايمن ما اكلت ولا شافوا صدف زراعتم
سيد محكر الديوان ( والقصيدة في الحسن ود ضبعة ) وقصيدة سيد محكر الديوان لها قصة وشاعرها ود رفاي سيد محكر الديوان وثابت يا أب قلب تقابة لي النيران وين متل الحسن
ياسسسلام حميرا كانت تمتلك ذكاء المغنى الذي يقراء نفسية مستمعيه ، كتب عنها الأديب محسن خالد في هذا المنبر من قبل فأجاد .. ضحكت وانا استرجع شريط مناسبة زواجي ، عندما هاش اهلنا وعرضوا بل زادو للمغنية في العطاء .. وختو ليها القريشات .. وعمنا حسن يعاين ليهم بعد انتهاء الأغنية قال ليهم : بالله عليكم اسي لو القروش الختيتوها للغناية دي اتبرعتو بيها لي مدرسة المكنية مش كان أحسن . ما عرفوا يردوا ليهو .. ولكن الفاصل التاني يبدوا أنهم اتفقوا مع المغنية .. فإستهدفت عمنا بالأغاني الطروبة .. ولم يتمالك عمنا حسن نفسه ، هاش وعرض وفض جيوبوا اكراما للغناية .. ههههههههههههه بعد ما انتهى الفاصل .. اهلنا قالوا لي عمنا حسن .. ده شنو يا أستاذ شايفنك ماقصرته .. ضحك وقال : يظهر أنو نحنا فينا الريح الأحمر .. والدلوكه دي ما بنصمد قدامه .. هههههههههه
Post: #325 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-03-2016, 01:47 PM Parent: #324
Quote: ناس البيت سلاووووم
ما بزيدو لا معاك ولا معاك ود المحرب عذركم بس يكون بنيتكم السغيرة عرسوها بس دا العذر
Post: #326 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-03-2016, 02:23 PM Parent: #325
ياسسسلام حميرا كانت تمتلك ذكاء المغنى الذي يقراء نفسية مستمعيه ، كتب عنها الأديب محسن خالد في هذا المنبر من قبل فأجاد .. ضحكت وانا استرجع شريط مناسبة زواجي ، عندما هاش اهلنا وعرضوا بل زادو للمغنية في العطاء .. وختو ليها القريشات .. وعمنا حسن يعاين ليهم بعد انتهاء الأغنية قال ليهم : بالله عليكم اسي لو القروش الختيتوها للغناية دي اتبرعتو بيها لي مدرسة المكنية مش كان أحسن . ما عرفوا يردوا ليهو .. ولكن الفاصل التاني يبدوا أنهم اتفقوا مع المغنية .. فإستهدفت عمنا بالأغاني الطروبة .. ولم يتمالك عمنا حسن نفسه ، هاش وعرض وفض جيوبوا اكراما للغناية .. ههههههههههههه بعد ما انتهى الفاصل .. اهلنا قالوا لي عمنا حسن .. ده شنو يا أستاذ شايفنك ماقصرته .. ضحك وقال : يظهر أنو نحنا فينا الريح الأحمر .. والدلوكه دي ما بنصمد قدامه .. هههههههههه
يا الأرباب أهلنا هناك حديثم كُتر وزي ما قال ود بادي العكودابي جنى عِبله وهي حليلة سغيرة جنب سلوى غرب حجر العسل
قال هناك الحال مغير جد وهيجة الناس تفوت الحد وكان حجازو مد الليد بتسمع كع
كان يعزف الإيقاع للحميرا عازف ماهر ( ما تضحك يا الأرباب ) أسمه دودو وكان ماهر في خنقة الدلوكا تلقى خاتي دلوكتو في بنبر قدامو وتاني رويسو وهبك في الدلوكا والفن عندما يخنقها اي يكتم صوتها في التقيل من النم
الفيديو ما واضح لكن يمكن تقدرتشوف دودو ضابط الأيقاع كنت أتمنى أن نجد له تسجيل واضح حتى تشوف فن هبك الدلوكا ومعروف قديما أن فن الدلوكا غنى نساء
وجايك لي الخليل وتمَّ دور وإدوّر اي أكتمل وفيها كناية بليغة
Post: #327 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-03-2016, 02:35 PM Parent: #326
كلمات الشاعر خليل فرح
تم دور وادور عم نوره شال فات الحله نور زي بدر التمام واحدين قالوا نور واحدين قالوا دوب مروي ما بتنور زي بدر التمام مين يقوم يتهور يبري القيف هناك تحته الدابي كور زي بدر التمام قالوا الكون اتطور لا عاشق عفيف لا جميل إتصور زي بدر التمام الحسود يتضور ناره ماكله لسانه كله زور ومزور زي بدر التمام الطريق الحور دمي ما بروح سيدة ليش يتجور زي بدر التمام هز شوقي وتور يا نديم إزاي جرحي المخفي غور زي بدر التمام يا قليب إتجبر قوم وريني كيف الكرام تتصبر زي بدر التمام نحن ما بنتعبر النفوس أن حبت تستحى وتتكبر زي بدر التمام ما خبير أتخبر في الزمان الفات والجديد إدبر زي بدر التمام أوعي لا تتشبر هل رأيت لك عاشق بالغرام يتنبر زي بدر التمام نحن ما بنطفر ما بنهاب سفيه إلا ما بنتزفر زي بدر التمام قولوا لي البتنفر ما شالن قناع المعاك تتوفر زي بدر التمام يا زميل إتشطر شن بتشوف حداك إلا حور مبطر زي بدر التمام يبقي يومنا مطر ماله الكون دهين والفريق معطر زي بدر التمام النحر مغمر والسباته حارة والمجال مضمر زي بدر التمام الشعر مخمر يرشح كله ند عردب المجمر زي بدر التمام قام محمد بشر هز فوق تيجانن سل سيفه وكشر زي بدر التمام قول معاي وإتفشر نحن سياج عروضن نحن يوم المحشر زي بدر التمام يا حسن اتذكر طيب ليلتنا ديك والصباح السكر زي بدر التمام المدام ما اتنكر لا من ديكنا صاح فوق رؤوسنا اتحكر زي بدر التمام كل شىء مفسر ما في شىء غريب والعسير ميسر زي بدر التمام ما في عين تتحسر دام عريسنا دام والحسود إتحسر زي بدر التمام
Post: #328 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-03-2016, 06:25 PM Parent: #303
.
Post: #329 Title: Re: نفااااااج نغم في زمان ضاق فيه الحال Author: هاشم أحمد خلف الله Date: 04-03-2016, 06:29 PM Parent: #328
خالد اخوي ياخي مشتاقين وحاتك حليل ايام زمان وزمن زمان كيفنك والعيال والغربة
Post: #330 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-03-2016, 07:03 PM Parent: #329
Quote: خالد اخوي ياخي مشتاقين وحاتك حليل ايام زمان وزمن زمان كيفنك والعيال والغربة
هاشم خلف الله كيف الحال والله مشتاقين وكتير ويا حليل تلفونك الصباحي لما كنت في كوسوفا بتكون عندك الساعة 12 ظهر يا دوب بتكون عندنا 8 صباحا والله كانت أيام يا جميل وليتها تعود ويعود ناسها الحلوين ههههههههههههه ذكرتنيبت قضيمفي يوم جلست تنقض في شعرها وتتحسر على الأيام المضت ( بعد موت زوجها الخزين ) وتنشد يا حليل أيام أيام هنااايّا أيام كان الخزين معايَّا
تسلم وخليك معانا نعيد القليل من كثير الشاعر المرهف هاشم خلف الله
Post: #331 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-03-2016, 11:05 PM Parent: #330
Quote: ما بزيدو لا معاك ولا معاك ود المحرب عذركم بس يكون بنيتكم السغيرة عرسوها بس دا العذر
ابو احمد سلام ده زعل عديل اتلومنا عاد لوم اليابا فضيل
ارض الله الوشيعة على بقت منشبره من لهطى وتقربنى كل صاحب يبره عارفك يا الظهورك مى ردية ودبره فقدك احر من سم ابلدغتا نبره
والله العظيم يا خالد انا كنت عيانه مشينا العمره رجعتا بي التهاب كان مودر زمتي تاني كم يوم كان عندنا مشكله في الشبكه ولو زعلناك حقك علينا انت اخ عزيز وغالي ولك العتبي حتي ترضي
عهدنا معاك كنداب حربة ما بيتشلَّخ
صُرة عين جبل ملوية ما بتتفلَّخ
كان إيدينا من القبضة فيك تتملَّخ
السما ينتكي وجلد النمل يتسلَّخ
Post: #332 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-03-2016, 11:18 PM Parent: #331
بعدين خالدالمحرب والله جري شديد شغله بقي كله سفر لكن بوصل ليه عتابك ولوم اليابا فضيل صحي فضيل ده منو سلام ناس الحوش كلهم واخص بناتنا اميره وبسمات والعزيزه صاحبه بساتين الور بت عمسيب
Post: #333 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-03-2016, 11:18 PM Parent: #331
بعدين خالدالمحرب والله جري شديد شغله بقي كله سفر لكن بوصل ليه عتابك ولوم اليابا فضيل صحي فضيل ده منو سلام ناس الحوش كلهم واخص بناتنا اميره وبسمات والعزيزه صاحبه بساتين الور بت عمسيب
Post: #334 Title: Re: نفااااااج نغم في زمان ضاق فيه الحال Author: اميرة السيد Date: 04-04-2016, 04:25 AM Parent: #333
عزيزتنا عفاف بت ابو حريرة تكوني اتلومتي لوم اليابا فضيل اذا ما ما عارفة قصة لوم اليابا فضيل...ولازم تسالي ود المنسي وعبد العزيز ود الفاضلاب عشان يحكوا ليكي قصة لوم اليابا فضبل.. ..وتقبلي تحيات قريبتكم بسمات.. والله يديك الصحة والعافية
Post: #335 Title: Re: نفااااااج نغم في زمان ضاق فيه الحال Author: حسين عمر الفكي Date: 04-04-2016, 04:28 AM Parent: #334
الحبيب ود المنسي
بوست في غاية الروعة
تحياتي لك والاسرة الكريمة
اخوك حسين شندي
Post: #336 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-04-2016, 05:09 AM Parent: #335
Quote: عزيزتنا عفاف بت ابو حريرة تكوني اتلومتي لوم اليابا فضيل اذا ما ما عارفة قصة لوم اليابا فضيل...ولازم تسالي ود المنسي وعبد العزيز ود الفاضلاب عشان يحكوا ليكي قصة لوم اليابا فضبل.. ..وتقبلي تحيات قريبتكم بسمات.. والله يديك الصحة والعافية
ماانتي الخير والبركه احكيها لي علي فكره يا اميره انا معجبه جدا بشخصيتك عندك حضور مهيب بعدين فيك جرأه محموده مصادمه لكن بي فهم وادب اكتر حاجه عجباني فيك اعتزازك بي ابوك وتربيته ليك ودي بتزكريني فيها لينا بنتي شكله ابوك ماثر فيك شديد اعجابك او تحلقك حول ناس كلهم شيوخ عرب واقلام ليها وزنها وثقتك واعتدادك بي نفسك الله يحميك يارب
Post: #337 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-04-2016, 01:42 PM Parent: #336
Quote: ابو احمد سلام ده زعل عديل اتلومنا عاد لوم اليابا فضيل
ارض الله الوشيعة على بقت منشبره من لهطى وتقربنى كل صاحب يبره عارفك يا الظهورك مى ردية ودبره فقدك احر من سم ابلدغتا نبره
والله العظيم يا خالد انا كنت عيانه مشينا العمره رجعتا بي التهاب كان مودر زمتي تاني كم يوم كان عندنا مشكله في الشبكه ولو زعلناك حقك علينا انت اخ عزيز وغالي ولك العتبي حتي ترضي
عهدنا معاك كنداب حربة ما بيتشلَّخ
صُرة عين جبل ملوية ما بتتفلَّخ
كان إيدينا من القبضة فيك تتملَّخ
السما ينتكي وجلد النمل يتسلَّخ
سلام نسمة البطانية راجنها العرب بنهمة سلام ست الضيوف هايشة وتخت النعمه تفقد الجار البعيد تحل وتفك الصرمه ابواتك رجال عزاز عز القبايل جمله
العافية علك عافية وسلامتك وكفارة وما تشوفي شر يا العافية في التبادي العمرة ... تقبل الله صالح الأعمال .. إن شاء الله ما نسيتنا من صالح الدعاء ما إتلومتي لكن نحن الإتسرعنا في الملام ومتلك ما بتلوم يا عفاف وكيف ود المحرب إن شاء رايق ومرتاح بجينا المبروك بي رواقة وشايل الجميل الحلو من أبوداؤود
كيفن بزعل في زول بزعل من أهلو وعزُّ ما بزعل لكن اللوم محنة بشرط لا يكون جارح ههههههههه زي ما بتقول بت عمسيب كيفالسغار علهم طيبين كل ما تذكر حديث زوجة عمك اللعب معاكم ضحك زي المجنون براي تحياتي كتيرة لود المحرب سمي ولا انا سمي ههههههههه الكبير فينا منو ؟ غايتو انا عمري ما عارفو لكن طلعت بعد أمتحان الشهادة وقعدت في اوروبا 21 سنة وخمسة سنوات في الأمارات ههههههههه وكان بقى هو الكبير انا سميه وأفتخر بي الكلس وهي الكتوف تتلاحق بعد سن العشرين أول أمس بتكلم مع أحمد قلت لي رسلت ليك القلت دايرو قال لي ( thanks man ) ضحكت ضحك يا عفاف تحياتي مودتي
Post: #338 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-04-2016, 01:46 PM Parent: #337
Quote: عهدنا معاك كنداب حربة ما بيتشلَّخ
صُرة عين جبل ملوية ما بتتفلَّخ
كان إيدينا من القبضة فيك تتملَّخ
السما ينتكي وجلد النمل يتسلَّخ
قمة الوفاء عند الوعد
Post: #339 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-04-2016, 01:56 PM Parent: #338
رائعة الشاعر سيد عبد العزيز
يا بت ملوك النيل يا أخت البدور
مين لى علاك ينيل فى البدور والحضور
الجبرة فيك بتخيل محمية الحما
الما حام حداه دخيل
ما أبوكى بخيل بت عز الرجال
أهل الدروع والخيل
والهنا… والسرور
يا السامية ست الجيل طرفك من حياء
فى عصر السفور خجيل
حسنك وضع تسجيل فى صحف الدهور
يتلوه جيل عن جيل
لى يوم النشور
الهيفا يا الخنتيل حروف آيات محاسنك
أرتلن ترتيل
يعجبنى فيك تمثيل أخلاق الملاك
فى سطوة القتيل
الفارس الجسور
غصنك رطيب وعديل شعرك ليل
جبينك يخجل القنديل
النور عليكى سديل يا معنى الجمال
الما أتوجد له عديل
فى ناس ولا حور
فقتى الكانوا قبيل ما خدات فى الجمال
جائزة نوبيل
حيرتى كل نبيل عيناك سحرهن
يسحر سحر أبابيل
يخترق الصدور
يا صاحبة الأكليل ما أظن النهار
العين تدور له دليل
محياك نوره جليل كنت أقول شمس
لو ما الزمان كان ليل
أن عليك نور
لا زلت ليك أميل يا رمز السعادة
الما أتوجد له زميل
يا آية التكميل يا مراية الجمال
الفيكى كل جميل
ريحانة العصور
Post: #340 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-04-2016, 02:04 PM Parent: #339
Quote: عزيزتنا عفاف بت ابو حريرةتكوني اتلومتي لوم اليابا فضيل اذا ما ما عارفة قصةلوم اليابا فضيل...ولازم تسالي ود المنسي وعبد العزيزود الفاضلاب عشان يحكوا ليكي قصة لوم اليابا فضبل....وتقبلي تحيات قريبتكم بسمات..والله يديك الصحة والعافية
الأميرة أميرة ( بت مصطفى السيد ) تاني بغلط وإتلوم قطع شك بت أبو حريرة ما سمعت بيها لانها أيام حوشك العامر كانت فترة غياب عن المنبر لكن لا ضير نحكيها تاني عشان العافية وهي كان فضلنا نحكي ليها ونعيد والله لا نمل من الحكي معها يا العافية جارتنا في شندي اسمها بخّوت بت بلول ومسلطة خلاس بخّوت ما بتصلي بحجة قولة تقولها الله ما دام في النهاية وبكتلني ويكتل وليداتي والله ما أصلي ليوهي عندها ثلاثة اخوان فضيل ... خلف الله ... وعوض وهي و أخواتها بحبن فضيل شديد وبحلفن بي و افتخرن بي قام أخوها خلف الله قال ليها : يا بخّوت أختي دي سنة الحياة والله كتل أعز حبيب لي ( محمد صلى الله عليه وسلم )
قالت لي ( إتلوم لوم اليابا فضيل )
Post: #341 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-04-2016, 02:25 PM Parent: #340
Quote: الحبيب ود المنسي
بوست في غاية الروعة
تحياتي لك والاسرة الكريمة
اخوك حسين شندي
حباب حسين ود الشيوخ كيف حالك لك الشكر أجزله على هذا المرور الجميل كيف الشباب أحمد ومصطفى أولاد عمر الفكي
يا الأميرة بت السيد حسين دا أهلوا في شندي ( أجدادو ) شيوخ يربوا الموية عليهم رحمة الله أجداده الأثني الفكي محمد يوسف الفكي الامين ود يوسف وناس قران وسنة ما عرفوا الشعوذة والدجل علاجهم وكل أمرهم من القران والسنة يعالجوا ويطبو ولي مع جده عم ابيه ( الفكي الامين عليه رحمة الله ) قصة حلوة عندما ولدأحمد ولدي وهو صغير مرة جبت لي عسل لكي أطبق حديث الرسول عليه الصلاة والسلام العسل شفاء من كل داء وعاوز أدي منو بي ملعقة صغيرة إعترضني أمه الخواجية بحجة أن الأطباء يقولون أن العسل ما جيد لي الأطفال في سن أقل من سنتين (لانه فيه حامض سكري يضر بمعدة الأطفال ) قلت ليها أطباء شنو الرسول قال كدا تقولي لي الأطباء المهم انا بقيت ماسك وهي ماسكة بقوة في النهاية تركت الأمر ( رغم في راسي عناد آل جعل ) قلت ليها انا خليتو لكن خمي و صري من كلام أالأطباء هولاء مرت الأيام وكنا في شندي أحمد مرض شديد وكان عمره سنة وشهرين المهم كل علاج ما نفع الوالدة عليها رحمة الله قالت لي يا خالد قوم نودي لي الفكي الامين مشينا لي الفكي الامين ( عزم لي بايات من القران وقول من السنة والدعاء ) وكتب لنا وصفة طبعية تتكونمن عدة مواد فيها عسل نخلطها ونشربها لي المهم الخواجية ما فاهمة شى وأنا عرفت لو فهمت شى بتقول لا ... عسل لا لكن حصلت المفاجاءة قبل ما نطلع من الفكي الامينسال امي قال ليها أحمد عمرو كم ؟؟؟ قالت لي سنة وشهرين قال لا كان كدي ما يكون في الخلطة عسل قمت استغربت وسألته ليه يا شيخنا الأمين قال لي نهى الرسول صلى الله عليه وسلم أن نعطيالعسل للأطفال اقل من سنتين المهم بعد داك ترجمت ما قال الفكي الامينلي الخواجية قالت لي دا البعرف دين أنت ما عارف سجمك هههههههههههه
حباب حسين ود الشيوخ إن شاء الله ماشي في درب أجدادك ماك افندي ساكت هههههههههههههههههههههههههههههه
Post: #342 Title: Re: نفااااااج نغم في زمان ضاق فيه الحال Author: اميرة السيد Date: 04-04-2016, 02:32 PM Parent: #340
العزيزة عفاف بت أبو حريرة كلامك كله صحي يا عفاف علاقتي بابوي قوية شديد.. وانا لمن اسمع الشاعرة نضال ببكي انها بتعبر عني تمام وبتخيل لي انا البقول القصيدة دي وحيجي يوم احكي ليك ليه شنو علاقتي بابوي قوية ..\ والله يديك الصحة والعافية
Post: #343 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-04-2016, 02:51 PM Parent: #342
Quote: العزيزة عفاف بت أبو حريرةكلامك كله صحي يا عفاف علاقتي بابوي قوية شديد.. وانا لمن اسمع الشاعرة نضال ببكي انها بتعبر عني تمام وبتخيل لي انا البقول القصيدة ديوحيجي يوم احكي ليك ليه شنو علاقتي بابوي قوية ..\والله يديك الصحة والعافية
ما خاب ظننا فيك أبداً
هنئاً لك أن قذف الله هذا الحب في قلبك لوالدك ونسأل الله أن يعطيه الصحة والعافية ويبقى لك شدرة ضليلة دوماً تستظلي بها من عناء سفر الدُنيا أم قدود
أعجبني كلام العافية نسمة البطانة فيك وأعجبني كتير ردك الذي يرسخ لهذا الحب الكبير الذي تكُنيه لابيك
وما نبعت مودتنا إلا لأننا نرى فيكن مثال البنت السودانية الأصيلة الله يحفظكنَّ جميعاً تحياتي ومودتي
Post: #344 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-04-2016, 07:00 PM Parent: #343
الرثاء هو أصدق الشعر قولاً
قصدة رثاء الشاعر محمد بادي يرثي الشاعر سماعين ودحسن عليه رحمة الله
ارمي الدمعة فوق الدمعتين ياعين بعد الليلة حابسها الدموع لمين نزيف الدنيا من حد البلد غربي ونزيف الدنيا لاحد البلد شرقي وجوم عامة الليالي العامره كل الدنيا خاتة الخمسة فوق الاتنين رحيلك وجعة ياسماعيل رحيلك نجعة من دار الفرح والزين رحيلك طعنة في هات الحبد ريفير رحيلك وقفة فوق درب العليك باكين فيها نهاية المشوار وحد الفرحة والامال وحد الفال وحد الزين ارمي الدمعة فوق الدمعتين ياعين ويعد الليلة حابسها الدموع لمين بعد نزلت سكاكين القدر ديل مسنونة ديل فوق ديل وشربت من بواكرينا المعتق حالتو يالداسنو من السيل ويالمحزون وحرابنا متكلات قدامو فوق مشنكسات الخيل ويالداخرنو من زمن الحساب شفعنا رابطين الحجر بالتيل وفجاءة يجينا من طرف السماء مرسيل ينعت فوق كلوب كاكول غراب هابيل يبقي رحيل رحيل كل الغيوم الهامعة متواسرات رحيل كل الشهور العامرة بالخيرات رحيل الطينة من طرف الجزر يومات رحيل الخضرة قدام منجل الهدام جفاف وممات رحيل البادية فوق برقا وراء نجيمات رحيلك مو رحيل اجيال رحيل اجيال .............؟ رحيل بلدا تمام وكمال ويالعرشت فوق نخل السواقي الشال واتمددت فوق النيل من الشلال و لشلال ويالهاجرته فوق ريش الرهو رحال تظل مرسوم علي باب الليالي سؤال بعد عشعشت في خاطر الغبش موال واتبللت من الموية بين السعفة والبلال بعد عرقك برق في ترابنا حد ما شال واتمددت غادي وجاي يمين وشمال بعد الحال منو البقدر يجيب غربال يغربل روحك المدسوسة في الاجيال وفي نفس الدغش مبثوثة وفي الشتلة ونداها السال بعد الحال منو البقدر يطاول حرفك المعقود علي برقا حرير وهلال مسطور فوق رقاب البرد فوق الصخرة والتمثال بعد الحال رحيلك يالمشرشر في مداخل الدنيا كالاوصال رحيلك هزه في العقدة ومجامع الروح كما الزلزال ارمي الدمعة فوق الدمعتين ياعين بعداليلة حابساها الدموع لمين كتير من شاف ديارو العامرة هاجت فوق درب وداي كتير من عدا فوق سردب بلا يوادع بلا يناشد كبار القوم وياخد راي كتير ياعين كتير الغابوا ماحضروا وكتير الراحوا ما عادوا وكتير البمشوا منو جاي الا الناعي عمرو الناعي شافوا لو مصير وتبكي طويرة الاحزان سنين وسنين مصيرة تساسك المسكينة بين الباسا والباساي ترفرف من سخاي لسخاي وتسال عن صدور مغسولة بالدوباي و تنزل فوق حلقات مجالس الشاي اقول الشيخ وفي الشاشاي تبل الريق من الدمع البيوشل من ارامل الحي وتشرق بالرحيح في الردحه و الوب احي وتمرق من محاري الناس تولول فيها جرس الصئ وتصرخ فايقة ياجلابة اقيفوا ليه وتسعد ضايقة ما شفتوه زولا ليه تضيع فرخاتو في المجهول ويرحل من دريب الضئ آه آه ياطويرة الاحزان آه لو كان تعرفي البيه جرحك انتي صاب الريح وجرحا ليه مسافر في النسيج الحي دريبي بعيد وحزني فريد ومما رحل البلبل الغريد بسرح في عيون الناس بسـأل ولوسؤالي يفيد اكيف الدنيا تصبح دنيا والصيد يبقي ياهوالصيد؟ مين يقدر ينضم عقود منقوشة ترقد في حزوز الجيد ومين يضفر كلام الريد كلو جميل مصيروا يجي ومصيروا يفوت بلاتخليد كتاب الكون يظل مقفول بلا خاتمة بلا تمهيد وحتي النيل يكون مصيروا مجرد موية شاقة البيد منو البيقدر يجيب ليكم خباراتو رقصة موجو في الشاطئ رواوشو , حكاياتو رقاد القمرة جنب النجمة فوق رملا مراياتو ولما تغيب ينوم النيل موشح بعباياتو وزي ما النيل يضيع في الدلتا ويتلاشي ويموت مشلول انحنا كمان تفيض امالنا تنشرة في ساحل المجهول واي اسفاي واي اســــــــــفاي واي اسفاي علي حرف الشمخ في الطول وكيف الليلة في بطن التراب مسبول حرام تبلينا يا ايام حرام تملينا شوق وهيام اتارينا بنشيل من حرفك الجواني ياسماعيل ونقعد في حواشي الحضرة وانت تكب علينا غمام وماعارفين حروفك نازفة من شريات من دم القليب الاصلوا مابريات لما شربنا لما طربنا واتلفتنا ما لقيناك يا انسان وشفنا روحيتك الشفافة ركبت هودج الاحزان محمل فوق جناج ملكين ودريو علي مشارف الواحد الديان قوايمو شقايق النخل الوقع حزنان مضفور بسعف يابسط مفرش بكباد اماتنا والحبان مزمل بحبال صبرا فقدانهو زمان مضلل بالدموع شرقان ........ عجيب ياهودج الاحزان مواسم الهجرة ما حانت ولا زمن الرحيل قد حان نسافر ليك وزادنا الشربه من بحر الحزن والاهه والحرمان وداك اليوم كان وداع الهودج المتهادي كان جامع رجلات الحضر والريف طيور السافل المحزونة جات بليلة تاركة جناها للريج والمطر والزيف وروح ترهاقه والعباسي وروح ايواتنا وريحة الماضي كلها جات منوكشايل وقف شاوش منكس بحرايو واقف بقفاهو تابعوا شايل سيف وبعد الليلة كل بنية تلبس فوق صديره كلين يكون مزروع فيهو قلب الشهيد وانت شهيدو يا اسماعيل يالله يالله يالله بعد ما شلت اسماعيل وفات معاهو باقي كلام وباقي حنين يالله بعد الفجعة نظل شاكرين نظل واقفين علي بابك معاي طلبين يكون عيود معاهو التوم معاهو كذا شاهدين واقفين قدام قبر الولي اسماعيل نظل واقفين الليلة والباكر الي ماشئت يالله الي يوم الفصل والدين وداك يكون يومنا ونقالد فيه شيخنا اسماعيل......
..
Post: #345 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-04-2016, 07:02 PM Parent: #344
Post: #346 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-04-2016, 07:23 PM Parent: #345
رائعة أسماعيل حسن بلادي أنا
Post: #347 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-04-2016, 10:56 PM Parent: #346
Quote: كل ما تذكر حديث زوجة عمك اللعب معاكم ضحك زي المجنون براي تحياتي كتيرة لود المحرب سمي ولا انا سمي ههههههههه الكبير فينا منو ؟ غايتو انا عمري ما عارفو لكن طلعت بعد أمتحان الشهادة وقعدت في اوروبا 21 سنة وخمسة سنوات في الأمارات ههههههههه وكان بقى هو الكبير انا سميه وأفتخر بي الكلس وهي الكتوف تتلاحق بعد سن العشرين
هههههههه لا ياخالد المحرب هو الكبير لي كلامك ده ياك نديد عمي كل ما اتزكر كلامك لي الصغارين عندكم اضحك البقول لي جدي بقصو
Post: #348 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-04-2016, 11:06 PM Parent: #347
Quote: ما إتلومتي لكن نحن الإتسرعنا في الملام ومتلك ما بتلوم يا عفاف وكيف ود المحرب إن شاء رايق ومرتاح بجينا المبروك بي رواقة وشايل الجميل الحلو من أبوداؤود
كيفن بزعل في زول بزعل من أهلو وعزُّ ما بزعل لكن اللوم محنة بشرط لا يكون جارح ههههههههه
ياسلام لو اي زول يوم تضيق الدنيا بيهو يقدر يلقى وسط همومو اخ عزيز يسال عليهو
وهي الدنيا ايه غير لمة ناس ساعه حزن او فرح
Post: #349 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-04-2016, 11:16 PM Parent: #348
Quote: العزيزة عفاف بت أبو حريرة كلامك كله صحي يا عفاف علاقتي بابوي قوية شديد.. وانا لمن اسمع الشاعرة نضال ببكي انها بتعبر عني تمام وبتخيل لي انا البقول القصيدة دي وحيجي يوم احكي ليك ليه شنو علاقتي بابوي قوية ..\ والله يديك الصحة والعافية
الاميره بت الملوك الله يحفظ ليك ابوك ويديمه فوق راسك اكبر نجاح للواحد في الدنيا لما يربي اولاده صاح بكون دايما حاسي بالفخر ونعمه التربيه كونك دايما بتتمسكي بالمبادي وبتعتزي بيها ده يدل علي كبر مكان ابوك في الحياه وجواكي انتي
Post: #350 Title: Re: نفااااااج نغم في زمان ضاق فيه الحال Author: مني عمسيب Date: 04-05-2016, 10:23 AM Parent: #349
Post: #351 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-05-2016, 10:34 AM Parent: #350
Quote: بت ابو حريرة لكي حبي برائحة هذه الوردة .
اهلين نونه ريحة الحنه
Post: #352 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 01:53 PM Parent: #351
Quote: هههههههه لا ياخالد المحرب هو الكبير لي كلامك ده ياك نديد عمي كل ما اتزكر كلامك لي الصغارين عندكم اضحك البقول لي جدي بقصو
هههههههههههههههههههه الحمد الله البقى أكبر مني كان ورطني يجي في المنبر يقول لي عمو خالد ههههههههههههه اي والله يا عفاف ساعة منحة بين الناس مافي أحسن منها حبوبتي بت الأمين كلياني فاطني كانت دوماً تقول المحنــــة راحت مع القمل هههههههه زمان بفلن بعض وحِنينات فوق بعض
بت الأمين دي يا عفاف كانت ألذ زول في الدنيا حا أحكي ليك عنها ( لها رحمة الله تنزل عليها )
Post: #353 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 01:57 PM Parent: #352
يا اخوانا بت عمسيب دي مالا مقشارني من بدا البوست دا ما قالت لي سلام خالد مالك يا منى بتحدري في الضلمة ونحن بندورك يا زهرة من زهورك
Post: #354 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 02:49 PM Parent: #353
يا العافية بت ابو حريرة في رمضات الفائت ناس محمد البشرى نكتوا ليهم فنان من عين أبوظبي جابوا معاهم في إفطار البورداب في دبي وكانت أجمل جلسة أحضرها للبورداب الروعة في ذلك الفنان فنان نكت كل الفن القديم السمح وتغنى به اطرب البنات دفعة عمك وهنَّ كُثر كشفهن هذا الفنان كان من بينهم بت عوض الكريم التي فرقت من أسنانها بسمة عريضة مع كل أغنية ورفعت الأيدي عالية بالتصفيق ههههه ومرات تقيف علي حيلها وتنقز قلت ليها الليلة غايتو الفنان دا عمل ليكن شهادات تسنين وكشف المستور هههههههه
وكان من بين أغانيه إنتِ كلك زينة وعايمة كالوزينة ويحفظك مولاك
في الأغنية يا الأميرة أميرة بت السيد بقول حبك كينة الكينة هي حبوب قوية تطفي الملاريا في دقائق يا الأميرة أسمعي الأغنية دي ما بتكون مرت عليكن بنات بلاد اليانكي
Post: #355 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 03:20 PM Parent: #354
فجاءة وبدون مقدمات طفرت في رأسي رقصة الهورص وزي ما بقول قريبي دقتين يمين ودقتين شمال وهزة رقبة وأبتسامة تجيدي الرقصة وطبعاً دي كانت ايام ناس بت الشيخ سلامة ( سلمى ) ربنا يمتعها بالصحة والعافية وتعود لنا في المنبر هذه الإنسانة تربطني علاقة طيبة مع فنان غاب عن الديار بعد ظهورة مباشرة ( ظروف العمل في الأمارات ) الفنان عز الدين عبد الماجد قبل شهر كان في معيته ( زيارة لمدة شهر ) الفنان عبدالعزيز المبارك وكانت لنا جلسات حلوة ونسة وشاي وجبنا سيرة الهورص وسلمى بت الشيخ سلمى قال لي : لا يبدو عليك لكن يا خالد أنت عجيز قلت لي أنا ما حضرتو لكن بتحكي لي منى بت عمسيب ههههههههه
رائعة عبد العزيز الميار بتقولي لا
Post: #356 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 03:31 PM Parent: #355
عزالدين عبد الماجد
للضغار في السن الما شافوا التصوير حديث أظن في واحدة من مواسم الهجرة للسودان وبقينا نهاجر للسودان من مكان أقامتنا لفترة شهر وحيد
وهجرتنا محنة وشوق للأهل
لا لغير
وحتى ريحة التراب فقدت الكثير من عبقها
Post: #357 Title: Re: نفااااااج نغم في زمان ضاق فيه الحال Author: اميرة السيد Date: 04-05-2016, 06:36 PM Parent: #356
عزيزي ود المنسي حمد الريح فنان روعة بلا شك... ولحن انت كلك زينة لحن روعة .. ودائما بنسمع اللحن الجميل ده من امتثال لمن مزاحها يكون رايق.. .. واجمل بيت في الاغنية دي:- روحي طال تعذيبها.... وجنتي رؤياك.... .. لكن اجمل من الأغنية دي كمان اغنية حبيبتي لنزار قباني... والبقول فيه:- ان يسألوك عني يوما.... فلا تفكري كثيرا.. قولي لهم بكل كبرياء.......احبه كثيرا... وان يسألوك لماذا قصصت شعرك الحريرا فقولي لهم لان من احبه يحبه قصيرا... .. واستمع لحمد الريح.. والله يديه الصحة والعافية والله يديك الصحة والعافية
Post: #358 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 07:01 PM Parent: #357
Quote: عزيزي ود المنسي حمد الريح فنان روعة بلا شك... ولحن انت كلك زينة لحن روعة .. ودائما بنسمع اللحن الجميل ده من امتثال لمن مزاحها يكون رايق.. .. واجمل بيت في الاغنية دي:- روحي طال تعذيبها.... وجنتي رؤياك.... .. لكن اجمل من الأغنية دي كمان اغنية حبيبتي لنزار قباني... والبقول فيه:- ان يسألوك عني يوما.... فلا تفكري كثيرا.. قولي لهم بكل كبرياء.......احبه كثيرا... وان يسألوك لماذا قصصت شعرك الحريرا فقولي لهم لان من احبه يحبه قصيرا...
نعم يا الأميرة أغنية انت كلك زينة من أغاني الحقيبة القديمة ترنم بها حمد الريح وسكب عليها موسيقى حنون راقصة وخدرتك ليمونة تينة بل زيتونة وساحرات عيناك والعباد مفتونة بيك يا محسونة وربحت الوالداك
أكثر ما يشدني في الشعر السوداني بساطة المفردة وعمقها ومدى التعبير الذي تحدثه في مشاعرنا هههههههه لو كان عندنا مشاعر تسلم امتثال وأختياره لاغاني رائعات وتسلم كوستي
رائعة نزار قباني في غاية الروعة حبيبتي لو يسألوك يوماً لما قصصتي شعرك الحريرا قولي لهم أنـــــــــا قصصت شعري لان من أحب يحبه قصيرا
حمد الريح من الرواع كُثر حليل الراوحو وخلو الريح تنوح فوق النخل وطير الرهـــــو وإلى مسافرة وشالو الكلام من الأغاني الخفيفة وأروع مـــا جاد به حمد رائعة الشاعر الجميل عليه رحمة الله صلاح أحمد إبراهيم أغنية مريا ومريا طبعاً هي يونانية أحبها صلاح في اليونان حباً قوي وتغني فيها برائعته ليت لي يا مريا إزميل فدياس وروحاً عبقرية كُنتَ نحتك يا ربة حُسني بي يديا
صورة لمريا وصلاح أحمد إبراهيم عليه رحمة الله
Post: #359 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 07:08 PM Parent: #358
صورة أخرى لمريــــا
صورة تجمع السفير الشاعر صلاح أحمد إبراهيم ومريا بعض الأصدقاء
Post: #360 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 07:13 PM Parent: #359
ربما لا نلتقي بعد ذلك يا مريا فتعالي ، وقعي إسمكِ بأحرفٍ من نارٍ في شفتايَّ وقولي وداعاً يا مريـــــــــــــا
Post: #361 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 04-05-2016, 07:35 PM Parent: #360
إت يا حقيقة جعلي مناصفتك مناصفة رباطاب الضريسة يا يابا النا تلقى ابرة ومنقاش ما داير أقول ليك التلحقك الزنين وبتعرف الزينين ديل ولاد وبنات الزين جاين في مركب من غرب شندي غرقت بهم المركب ولم ينجوا أخوات واخويهم واصبح مضرب مثل في كل دعوة زي لحقوا آمات طه في شندي بقولوا لحقوا الزينين (اولاد الزين ) مشتاقين يا فاضلابي وين الغيبة
Post: #365 Title: Re: نفااااااج نغم في زمان ضاق فيه الحال Author: حسين عمر الفكي Date: 04-05-2016, 08:45 PM Parent: #364
يا سلام يا سلام يا سلام غاية الابتهاج والمتعة يا ابن عمي خالد
ياخي حقيقة بوست ينسيك تعب الحياة ويديك شعور جميل بانك في وطنك العملاق(السودان)
تحياتي واحترامي لك اخي ....واصل بدون فواصل
Post: #366 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 09:06 PM Parent: #364
الرواية تقول إن «مريا»، والتي نظم الشاعر الراحل أحمد إبراهيم، قصديته الشهيرة فيها، هي مريا مارينو الكساندرو... من الجالية اليونانية، والتي كانت تعيش بالسودان.. ولهم منزل بأم درمان..!. حضروا إلى السودان عام 1920، وتوفى والدهم عام 1964.. وقد كان يعمل بالجيش الانجليزي.. ثم مع القنصل البريطاني، حتى تقاعد للمعاش.. وأُمها جانيت جورج سلمون.. وأخوانها جوزيف، ألبرت، الكساندرا وماريو.. والأخير دخل الاسلام، وسمى نفسه محمد شريف... بجانب اسبيرو، والذي توفى في حادث حركة بصينية بري.. المهم.. أن مريا كانت حسناء... جمالها آخاذ ومُلفت... لفتت نظر الكثيرين... المرهفون دائماً ما يترجمون أحاسيسهم شعراً ونثراً... والشاعر الكبير صلاح أحمد إبراهيم، كان مرهفاً.. فنظم رائعة حمد الريح: «يا مريا»،
منقول
Post: #367 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 09:08 PM Parent: #366
نص القصيدة الشاعر صلاح أحمد إبراهيم
يا مريه ليت لي أزميل " فيدياس " وروحاً عبقرية وأمامي تل مرمر , لنحت الفتنة الهوجاء في نفس مقاييسك تمثالاً مكبر , وجعلت الشعر كالشلال : بعض يلزم الكتف وبعض يتبعثر وعلى الأهداب ليلا يتعثر وعلى الأجفان لغزا لا يفسر وعلى الخدين نورا يتكسر وعلى الأسنان سكر وفما ـ كالأسد الجوعان ـ زمجر يرسل الهمس به لحنا معطر وينادي شفة عطشى وأخرى تتحسر وعلى الصدر نوافير جحيم تتفجر وحزاماً في مضيق , كلما قلت قصير هو , كان الخصر أصغر يا مريه ليت لي أزميل " فيدياس " وروحاً عبقرية كنت أبدعتك يا ربة حسني بيدي يا مريه ليتني في قمة " الأوليمب " جالس وحوالي العرائس وأنا في ذروة الإلهام بين الملهمات أحتسي خمرة " باخوس " النقية فإذا ما سرت النشوة في أتداعى , وأنادي : يا بنات نقروا القيثار في رفق وهاتوا الأغنيات .. لمريه يا مريه ما لعشرينين باتت في سعير تتقلب ترتدي ثوب عزوف وهي في الخفية ترغب وبصدرينا " بروميثيوس " في الصخرة مشدودا يعذب فبجسم ألف نار وبجسم ألف عقرب أنت يا هيلين , يا من عبرت تلقاءها بحر عروقي ألف مركب يا عيونا كالينابيع صفاء .... ونداوة وشفاها كالعناقيد امتلاء .... وحلاوة وخدوداً مثل أحلامي ضياء .... وجمالا وقواما يتثنى كبرياء .... واختيالا ودما ضجت به كل الشرايين اشتهاء .... يا صبية تصطلي منه صباحا ومساء .... غجرية يا مريه أنا من إفريقيا : صحرائها الكبرى وخط الاستواء شحنتني بالحرارات الشموس وشوتني كالقرابين على نار المجوس لفحتني فأنا منها كعود الأبنوس وأنا منجم كبريت سريع الاشتعال يتلظى كلما اشتم على بعد تعال يا مريه : أنا من إفريقيا جوعان كالطفل الصغير وأنا أهفو إلى تفاحة حمراء من يقربها يصبح مذنب فهلمي ودعي " ....... " الحمقاء تغضب وأنبئيها أنها لم تحترم رغبة نفس بشرية أي فردوس بغير الحب كالصحراء مجدب يا مريه وغدا تنفخ في أشرعتي أنفاس فرقه وأنا أزداد نأيا مثل " يوليس " وفي الأعماق حرقة ربما لا نلتقي ثانية , يا مريه . فتعالي وقعي اسمك بالنار هنا في شفتي وداعا يا مريه .
Post: #368 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 09:16 PM Parent: #367
صورة أوضح للمجموعة صلاح الفي راس مريا دا
Post: #369 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-05-2016, 09:22 PM Parent: #368
Quote: يا سلام يا سلام يا سلام غاية الابتهاج والمتعة يا ابن عمي خالد
ياخي حقيقة بوست ينسيك تعب الحياة ويديك شعور جميل بانك في وطنك العملاق(السودان)
تحياتي واحترامي لك اخي ....واصل بدون فواصل
تسلم يا حسين ود عمر الفكي
وخليك بينا يا جميل
لك التحية والمودة
Post: #370 Title: Re: نفااااااج نغم في زمان ضاق فيه الحال Author: Khalid Saeed Date: 04-06-2016, 07:56 AM Parent: #369
ياسسسلام يامك خالد ياسسسسلام
اليله النفاج جاب ليهو حديثا كتر .. مريا وعشاقها واشعار الوجد الصوفي والعشق السوداني الشفيف والتعابير البتخترق المسام من امس مع جو الرياض الدعاش والمطر .. مستمتع جدا بالنفاج اقره واسمع واتبتل في محراب هذا الجمال
هاك يامك انته واهل النفاج .. فنان جميل اسمه انس عبد الله ، انسكب حنين وطرب ووجد مع الشاعر الجميل ود الرضي
لعلى اراك ضحا تتجلى بطيب واراك ولو فى منام ويكون سمراك جوارى تيلاد وبعض امراك وبعده تنام
Post: #371 Title: Re: نفااااااج نغم في زمان ضاق فيه الحال Author: مني عمسيب Date: 04-06-2016, 10:21 AM Parent: #370
سلام بنكهة الشوق ..
Quote: يا اخوانا بت عمسيب دي مالا مقشارني من بدا البوست دا ما قالت لي سلام خالد مالك يا منى بتحدري في الضلمة ونحن بندورك يا زهرة من زهورك
ود المنسي تذكر لما اتلاقينا في الحوش وعزمتنا عشا ؟ طيب ليه بتقول لي الكلام دا ؟ هههههههههههه اهو دا ردي ماعندي غيرو .
رغم بعدي برسل سلامي يحوي شوقي وكل احترامي ...
Post: #372 Title: Re: نفااااااج نغم في زمان ضاق فيه الحال Author: مني عمسيب Date: 04-06-2016, 10:44 AM Parent: #371
يا سلام عليك انت يا ود سعيد اها جنس الكلام دا البخلينا يوت نزازي بهنا بلاهي كتروا لينا منو هههههههههههه .
وصباح السعادة
Post: #373 Title: Re: نفااااااج نغم في زمان ضاق فيه الحال Author: Khalid Saeed Date: 04-06-2016, 11:54 AM Parent: #372
حباب الملكة بت عمسيب
http://www.qqq4.com/
الصورة دي مع الجميل عبد الرحيم البركل ، في يوم جميل جوني بورداب الرياض كلهم شايل الفرح زاروني في بيتنا ومعاهم حبينبا مصطفى عثمان وصديقه الفنان الجميل عبد الرحيم البركل قضينا اليل كله بين اغاني الطنمبور الحنين ، والمفردة النقية الصادقة .. لاخلينا غنا الرووايس ، لا الدليب والبركل زادنا كمان اغاني عرضه وفي عز الحفلة قلته ليهو تعرف .. انا امي جعلية تحمل قلب مشلخ شايقي مطارق حنين ، حافظه اغانيكم ، لمن اغتربته في بداية التسعينات كان اغنية يارمال حلتنا في الساحة فسمته غنية خالد . قال لي اتصل عليها تلفون ، فعلا اتصلته سلمت عليها واديتها البركل سلم عليها ، وقال ليها هاك ياوالده الغنية هدية وغناها اجمل ما يكون والوالده حاضره معنا روحا وبركة ومحبة وعاطفة فاضة حتى انني كنته اراها امامي .. نحاور مجلس الأملاك وجنب النجمة نتواعد نحنا ننسج من خيوط النور على مرمى القمر مرقد وينزل في للأرض عصفور يترجم بالغنى المشهد نكتب في السحابة جواب بتهطل تروي كل بلاد ويرزعوا ناسا حب الغير ويشتلو في الصحاري وداد وتبقه الدنيا واحة خير زمن افراح واحلى أعياد يارمال حلتنا زولا كان بأنسك ياحليو فات رحل من بلدو روح فاتلو لي دار ماها هيلو
Post: #374 Title: Re: نفااااااج نغم في زمان ضاق فيه الحال Author: Khalid Saeed Date: 04-06-2016, 12:02 PM Parent: #373
Post: #375 Title: Re: نفااااااج نغم في زمان ضاق فيه الحال Author: اسامه العريفي Date: 04-06-2016, 12:04 PM Parent: #373
يا خي حيرة افكارنا معاك مرة تشبكها لينا عرضة لمن نشوف عجاج حلة قريش ومرة تمسكها لينا مريا وقمت الرومانسية التحايا والأشواق لك
Post: #376 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-06-2016, 02:37 PM Parent: #375
Quote: ياسسسلام يامك خالد ياسسسسلام
اليله النفاج جاب ليهو حديثا كتر .. مريا وعشاقها واشعار الوجد الصوفي والعشق السوداني الشفيف والتعابير البتخترق المسام من امس مع جو الرياض الدعاش والمطر .. مستمتع جدا بالنفاج اقره واسمع واتبتل في محراب هذا الجمال
هاك يامك انته واهل النفاج .. فنان جميل اسمه انس عبد الله ، انسكب حنين وطرب ووجد مع الشاعر الجميل ود الرضي
لعلى اراك ضحا تتجلى بطيب واراك ولو فى منام ويكون سمراك جوارى تيلاد وبعض امراك وبعده تنام
الأرباب سعيد كيف حالك صلاح أحمد إبراهيم كان وفي في كل حياته
أغنية ود الرضي تيه وإتاكا من الأغاني البتعجبني شديد وبالمناسبة فيها كلام جميل جوة برجع معاك لبعض مقاطعها نفندها وننفض غبار التغطية منها يسلم ذوقك يا أرباب تحياتي ومودتي
Post: #377 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-06-2016, 02:52 PM Parent: #376
Quote: ود المنسي تذكر لما اتلاقينا في الحوش وعزمتنا عشا ؟ طيب ليه بتقول لي الكلام دا ؟ هههههههههههه اهو دا ردي ماعندي غيرو .
رغم بعدي برسل سلامي يحوي شوقي وكل احترامي ...
وإن نسيت ما نسيت يوم لقيت الصيد زاهي في خدرو وفي جمالو فريد
Post: #378 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-06-2016, 02:57 PM Parent: #377
Quote: يا خي حيرة افكارنا معاك مرة تشبكها لينا عرضة لمن نشوف عجاج حلة قريش ومرة تمسكها لينا مريا وقمت الرومانسية التحايا والأشواق لك
يا عريفي لك وحشة كيف يا أخي مرات عرضة ومرات نتكي نحب وما هي عرضتنا وبطانا لي زينوبة ما سمعت عباس المجنون في شندي بقول شنو بقول عباس كان دايريني أتوب وأتيقن أمنعوا الطالبات من البيت ما يمرقن .....
تحياتي ومودتي
Post: #379 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-06-2016, 07:13 PM Parent: #378
.
Post: #380 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-06-2016, 07:25 PM Parent: #379
تيه تيه في دلالك التيه هو العجب بي النفس لكن ما غرور يعني واحدة تكون عارفة نفسها عسل وتدي القصة نفخة من الخشم حتى تبتعد من طرف الجبين تيه يعني أقدلي فوق عديلك وإتاكا أمشي بي مهل كأن مشيتها من بيت جارتها مر السحاب لا ريث ولا عجلُ والقصد في المشي علامة من علامات الجمال والتيه مراض وصحاح فعلاً للشعراء قولاً يفوق الخيال مراض أي العيون فيها فتور وكأنه من مرض وصحاح تاكيد أنها ليست مريضة لكن هو حال عيونها فيها فتور ناعس يسلب نظر الناظر
لو رنت لها مُقلة لو أنها نظرت بها إلى راهبِ قد صام لله وإبتهل لاصبح مفتون معنى بحبها كأنه لم يصم لله يوما ولم يصل ومقلو الفتاكا أي بها فتك السلام الفتاك لا يسلم منها من تقع عليه
تصرع ذا اللب حتى لا حِراك له وهنّض أضعف خلق الله إنسانَ ومن العيون ما قتل ومنها الشهلاء والعسيلة ومنها واسعة السواد مع شدة البياض نصاعة وهي الحور وفي العيون قولاً كثير وأسرتني عيونو
كفاك ولا أزيدك يا الأرباب
Post: #382 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-07-2016, 12:53 PM Parent: #302
لحين ميسرة
Post: #383 Title: Re: نفااااااج نغم في زمان ضاق فيه الحال Author: Khalid Saeed Date: 04-07-2016, 01:23 PM Parent: #382
Quote: تصرع ذا اللب حتى لا حِراك له وهنّض أضعف خلق الله إنسانَ ومن العيون ما قتل ومنها الشهلاء والعسيلة ومنها واسعة السواد مع شدة البياض نصاعة وهي الحور وفي العيون قولاً كثير وأسرتني عيونو
كفاك ولا أزيدك يا الأرباب
ياسسلام يامك زدنا
حدثنا عن ملهمة ود الرضي ورفيقاتها
عن من جعلن غمائم الشعراء تمطر وتسقى قلوبا عطشى
Post: #384 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-07-2016, 06:35 PM Parent: #383
ر غم أن جل أو أغلب شعراء الحقيبة كانوا أميين لكن كانت ثقافتهم في الحياة واسعة
أنظر ماذا قال ود الرضي خريف وشتاكَّ قدم الخريف على الشتاء وهذا حسب ترتيب الفصول في السودان مؤاتي يعقب الشتاء الخريف
خريف وشِتاكَ ميس يا بان البان معروف وهو شجر البان طويل في قامته الميسان هو الورود نحو الملجأ ولذا سميىَّ ملجأ نوم ضابط الجيش ميس الضباط وأطلق عليه العامة ميز الضابط ميس يا بان المصري أتاكا والمصري يقصد بها الرياح الهابة من ناحية الشمال ( جهة مصر ) وعادة الرياح في فصلي الخريف والشتاء تكون شمالية جموبي هواها النسام البي أفتاكا أخبرك بما حاصل لي من وجد وشوق ونقله لك النسيم الهابي من جهة مصر وفي وفي نفس الوقت حمل لي روائحك التي كان فعلها بي الفتك والهتك وزاد البي من حنين
ولحين ميسرة
Post: #385 Title: Re: نفااااااج نغم في زمان ضاق فيه الحال Author: اميرة السيد Date: 04-07-2016, 08:31 PM Parent: #384
ازيكم .. كيفنكم.. انا لي زمان ما شفتكم.. انا ضيفة اليوم. عندكم .. ودخلت البوست بعد استلمت رسالة نصية من اميرة بان سيرتي جات هنا.. ودخلت البوست ووجدت أروع بوست واحمل بوست مليان بالورود والازاهير والمحنة وبالألحان الشجية ....وسلام ليكم كلكم ولصاحب البوست خالد محجوب المنسي الادانا الروائع دي وخلانا نعيش الفرحة.. وان شاء الله الفرحة تدوم ليكم كلكم...( امتثال)..
Post: #386 Title: Re: نفااااااج نغم في زمان ضاق فيه الحال Author: Elamin Medani Date: 04-07-2016, 09:03 PM Parent: #385
Post: #387 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-08-2016, 01:47 PM Parent: #386
Quote: ازيكم .. كيفنكم.. انا لي زمان ما شفتكم.. انا ضيفة اليوم. عندكم .. ودخلت البوست بعد استلمت رسالة نصية من اميرة بان سيرتي جات هنا.. ودخلت البوست ووجدت أروع بوست واحمل بوست مليان بالورود والازاهير والمحنة وبالألحان الشجية ....وسلام ليكم كلكم ولصاحب البوست خالد محجوب المنسي الادانا الروائع دي وخلانا نعيش الفرحة.. وان شاء الله الفرحة تدوم ليكم كلكم...( امتثال)..
العزيزة امتثال بت كوستي وفي كوستي لنا وقفة لا أعلم والعلم لله لكن كل اللذين ألتقيتهم في غربتي من كوستي أولاد يلموا العين كمال درار في البوسنة حسن عبدالوهاب المجر ناصر عبد الوهاب المجر أبوعبيد عطا الله المجر
تسلمي وتسلمي يا امتثال على هذا الأطراء للبوست وضوفه ودا من جمال روحك يا طيبة وزي ما قالوا الأناء بما فيه ينضح وأنت عبق العطور ينضح من إناءك يا رائعة لك كل المودة والأخوة ولك أهداء خاص يا سلوى وأظنها الاغنية في بنت من بنات كوستي
Post: #388 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-08-2016, 02:12 PM Parent: #387
الأخ الأمين مدني وتسلم يا ود مدني لو كنت من مدني او ود مدني فقد أصبنا مشكور كتير على الزيارة يا رائع وجرابك ملان لك المودة والتقدير
Post: #389 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-08-2016, 02:29 PM Parent: #388
ما بيغباك شغفى عليك ومتى اصباك تذيدنى هيام وترينى صباك ونبدي عتاب وحنان نتباكا على الايام
........................................................... ما بيغباك ويستخدم أهلنا كلمة يغباك وهي من الغباء لتعني لا يخفى عليك يقال مالك بتتغابى فيني العرفة ( اي المعرفة ) وما بيغباكَّ شغفي عليك الشقف هو شدة الخوف ( على من تحب وتهوى ) ومتى أصباكَّ أي اقع في غرامك ويكون لي صباك وهواك وحتى لو يزيد هيامي فيك وما مهم المهم أن أحظى بحبك وتريني صباك اي شباب وحب شبابك ونبدي عتاب حنون نلوم أنفسنا على الأيام التي قضيناها في بعد عن بعض ولم نعش هذا الحب الجمل وأنا أمني النفس بيك .....................................................
لعلى اراك ضحا تتجلى بطيب واراك ولو فى منام ويكون سمراك جوارى تيلاد وبعض امراك وبعده تنام
وهنا المنى من الشاعر يتمنى أن يرى المحبوب في جلسة ضحوية ( جلسة تجلي ) ويقصد بـــ تتجلى تلك الجلسة المعروفة للنساء ..... والكثيرات منهن يفضلنها وقت الضحوية والرجال في أعمالهم والجلسة للتجلي يعرفها اللذين متزوجين من سودانيات نحن ( خواجيات ) أمني نفسي أن أراك في هذه الجلسة ( جلسة تتجلى فيها بطيب من والطيب معروف فيها ) وحتى لو في حُلم جميل ( في منام ) ويكون حضور في تلك الجلسة كل حشمك وصديقاتك وما عارف لكن كل الشعراء يرون أنه بعد تلك الجلسة يغشى المراة نعاس ونرى ذلك في قول الرباعية
طابق البوخة قام من نداهو يهتف نام منام من الدوخة إيدو عقباهو الجدلة مملوخة ولي معلق الجوف موسو مجلوخة
وبعدو تنام
كفاك يا الأرباب ولا نزيد لكن بتورطنا مع ود الرضي وهو شاعر معروف في وصف الدقائق وبدقة ولا يستحي عليه رحمة الله في شعره
Post: #390 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-08-2016, 06:25 PM Parent: #301
.
Post: #391 Title: Re: نفااااااج نغم في زمان ضاق فيه الحال Author: فيصل محمد خليل Date: 04-08-2016, 06:44 PM Parent: #390
اغانى الحقيبة ( حقيبة الفن في السودان ) تمثل 90% من الاغانى التى تتداول هذه الايام بواسطة المغنيين الجدد وسميت بهذا نسبة لانها كانت تسجل على الاسطوانات الغير ليزرية القديمة والتى كانت تشغل بواسطة مشغلات توجد داخل حقيبة ومن هنا اتت التسمية ووهناك العديد من شعراء للحقيبة امثال ابوصلاح – الجاغريو – العبادي – بطران – خليل فرح – عبد الرحمن الريح – سيد عبد العزيز – عبيد عبد الرحمن عتيق – عمر البنا – محمد علي الأُمِّي محمد ود الرضي
Post: #392 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-08-2016, 07:10 PM Parent: #391
Quote: ملطوش
حلوة يا رطاني
لكن الكلام جميل ما قايلك بتعرف كلام زي دا حتى تلطشو
Post: #393 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 04-08-2016, 08:24 PM Parent: #392
Quote: خليل فرح
إنت يا فيسل هليل فره ده مش من إنديكم ولا انا غلتان؟
Post: #398 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-09-2016, 06:33 PM Parent: #301
لحين ميسرة
Post: #394 Title: Re: نفااااااج نغم في زمان ضاق فيه الحال Author: مبيوع Date: 04-09-2016, 05:35 AM Parent: #1
و قد بلغنا ان صاحب النفاج قد اتى غلى سيرتنا فى من اتى.... فله التحية وليوفه التقدير... الربه متين يا خالد؟
Post: #395 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-09-2016, 01:58 PM Parent: #394
Quote: و قد بلغنا ان صاحب النفاج قد اتى غلى سيرتنا فى من اتى.... فله التحية وليوفه التقدير... الربه متين يا خالد؟
هلا وغلا ود مبيوع ياسر ( ود شندي والهجرة ودنوباوي ) تسلمعلي المرور الجميل أيوا جبنا سيرتك بي خير والله الربة مي واحدة ربات إن شاء الله
في التبادي عرس بنية خالد المحرب وعفاف بت ابوحريرة ودا في الرياض تسوي الحفلة وبعدها نشوفكليك كم مناسبة في السعودية لكن علي شرط من حق عدادات الحفلات الانية تعصر لأم العروس
بناتنا في أمريكا الأميرة أمير بت مصطفى ( صاح ) لكن دي موكرة في بلاد المحس والعجو الجاي منالمحوس لكن ما تخاف بوديك بي البوكس الدبل قبين المو خمج ومن هناك نملى ليك عجوة وجرم وكابيدة محس بي التمر والسمنة
بسمات بت الشيخ دي قريبة جنبنا في اتبرة
امتثال بت كوستي وهناك تلقى أطيب الناس وأحلى سمك من بحر أبيض
بنية اخوانا الفاضلابي دي تمش براك جنبك في نيويورك دا شعرن ما عنديلي رقبة لكن كان جابها وسو العرس في اتبرة بمش معاك
احتمال بت عمسيب تشوف الشي دا تتحرك ودي قريبة للناس كلها في أم در
وما دايرين غير العود أمتثال بتجي بي بي الجيتار والساكسفون وفيسل هليل عازف أيقاع ممتاز لا حق العازفين لا شى والدنيا طولا سنين وراها بس جارين حبيبي قول أمين نعيشا نحن أتنين برانا
تحياتي ومودتي
Post: #396 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-09-2016, 02:01 PM Parent: #395
Quote: إنت يا فيسل هليل فره ده مش من إنديكم ولا انا غلتان؟
الشاعر الفنان الباشمهندس خليل فرح بك من ديار المحس هو الشاعر مصطفى بطران وكذلك محي الدين فارس والفنان محمد وردي
فيسل ابن عمه الشاعر الجميل عزمي أحمد خليل ( ابن عمه لزم )
Post: #397 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-09-2016, 02:05 PM Parent: #396
أها قصرت معامكم حفلة اعراسكم طلعت
ياسر مبيوع
Post: #399 Title: Re: نفااااااج نغم في زمان ضاق فيه الحال Author: اميرة السيد Date: 04-09-2016, 07:39 PM Parent: #397
والله فيصل خليل قريبنا ما ساهل..الشاعر المرهف عزمي احمد خليل بنفسه ود عمه لزم... وهل انت سمعته قال شنو... طروني ليك وانا كنت قايل اصلي ما بطراك تاني.. وكنت قايل طول فراقك بيمحى ذكرك من زماني.. الا تاري البينا لسع لا نسيتو لا نساني.... والله يديه الصحة والعافية والله يديك الصحة والعافية
Post: #400 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-09-2016, 08:12 PM Parent: #399
Quote: والله فيصل خليل قريبنا ما ساهل..الشاعر المرهف عزمي احمد خليل بنفسه ود عمه لزم... وهل انت سمعته قال شنو... طروني ليك وانا كنت قايل اصلي ما بطراك تاني.. وكنت قايل طول فراقك بيمحى ذكرك من زماني.. الا تاري البينا لسع لا نسيتو لا نساني.... والله يديه الصحة والعافية والله يديك الصحة والعافية
والله جد فيصل محمد خليل عزمي احمد خليل ونادر حسن خليل
فيصل زمان كان بقول لي والله عزمي ود عمي دا حيرني تشوفو كدا تقول الكلام الحلو دا بطلع منو كيف ؟ عزمي دا محيرني لي هسي في بيت شعر قاله ( دا كلام فيسل ) أنا وأشواقي والساعة معادك جينا من قبلو
Post: #401 Title: Re: نفااااااج نغم في زمان ضاق فيه الحال Author: اميرة السيد Date: 04-09-2016, 11:27 PM Parent: #400
الى حين ميسرة ومسرة مع نفاااااج النغم واللحن لنغير الزمان من زمان ضاق فيه الحال الى زمان بينتشر ويعم فيه المسرة والفرحة ووساع الحال.. والله يديكم الصحة والعافية
Post: #402 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-10-2016, 00:57 AM Parent: #401
****** وين مراتع الدرت الباسط دايما ببكي عليهن وين بنوت الحلة البوكر عصرا بدري يسون في شاهيهن بعد الليل ما يهود ونحن نهود.. عاد أماتن ينادن ليهن نمشي على القيزان نتقادم.. أقيس الخطوة مع التاتاي ومشيهن والله البعد الحاصل ما نساني وحاتكن في قمراتنا بشوفو وشيهن الا النضم أب غنه اللهج السكر وين بلقاهو بنات الريل الدوب ليهن الخوف يا ناس كان يبقى الشوق الحاصل بينا معشعش فيهن مقنع سابل وين بلقاهو طرفا ذابل وين بلقاهو وعينا بتدنقر من واليهن الوجنات الشعن بقن ود العين النايم زرقن مو زايغ رسيان وميقن زولن كان خدران ومحقن من الشوفه عروقو يطقن كان الدنيا ب صح تتخلا كان بركنا معاهن فوق رملاة الحله الا كمان بنشوفا مذلة
Post: #403 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-10-2016, 01:01 AM Parent: #402
ناس النفاج سلام وعلي راسكم المزكور مامنسي
Post: #404 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-10-2016, 02:51 AM Parent: #403
صباح الخير على الزوله التروق بي سيرة الأوضاع تكفكف جبة الأحزان وكت ما تنوي غتغيت النفس بالحسره والاوجاع صباح الخير عليك سيدة هواي وملاك عموووم الإلفه بالإجماع صباحك شهقة القلب البئن ملتاع يلاقي حبيب بعد فرقه ويوووسسسع بالهوى الأضلاع صباح لماع .. صباح صااافي يهدي الروح ... يشق البال نسائم فرحه حد التخمه والإشباع ... صباحك شرة الغيمات على بيوت الفريق والطين كلام اتنين ... بعيشو الحب وفاء وإخلاص مناهم يتمو نص الدين صباحنا حنين .. صباح قمريه بتلم لي صغارها القوت وتبني الفرحه جواهم خيوت وبيوت يغنو الدنيا أجمل واحلى اغنيه صباح الموج يلاطف ضفة الأشجان يغني مع المراكبيه ... . . صباح الخير عليكم
والله ياخالد نفاجك للنغم وده شعر انا ما عندي ليه رقبه لكن ببقى ليكم زي بت عمسيب هي بتاعت ورد وانا كل ماالقى لي كلام سمح بخمشه ليكم وبجي المهم ما نجي ايدينا فاضيه
Post: #405 Title: Re: نفااااااج نغم في زمان ضاق فيه الحال Author: اميرة السيد Date: 04-10-2016, 03:17 AM Parent: #404
عفاف بت ابو حريرة انت اصلا ما بتجينا فاضية..والليلة كمان جيتينا بالكلام السمح الزين....وصباحك زين.. ..اما نحن فليلتنا سعيدة(عشان عندنا الساعة ١٠ بالليل) عشان قرينا هذا البيت الروعة.."صباح قمرية بتلم لي صغارها القوت.. ونفاااج ود المنسي بيريح اعصابنا بعد جري نيويورك ...ونستريح مع الاغاني والالحان الشجية..وزهور وورود الغالية منى بت نفيسة ..والله يديك الصحة والعافية
Post: #406 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-10-2016, 03:29 AM Parent: #405
حباب اميرتنا والله يا اميره كم مره اقول لي المحرب عندك قريبه تسال منك اسالي بسمات هي مدينه خالد قروش ولا شنو هههههههههههههههه تحياتي ليها هي وامتثال
Post: #407 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 01:34 PM Parent: #406
Quote: الى حين ميسرة ومسرة مع نفاااااج النغم واللحن لنغير الزمان من زمان ضاق فيه الحال الى زمانبينتشر ويعم فيه المسرة والفرحة ووساع الحال..والله يديكم الصحة والعافية
يا الأميرة أميرة بت مصطفى ( صاح أنا )إنتِّ إنسانة رائعة كتير وحات الله ولحين ميسرة ومسرة دعواك فيها حسن سريرتك ما يضمره حشاك من روح طيبة ربنا يرد غربتكن سالمات آمنات يا رب
Post: #408 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 02:04 PM Parent: #407
Quote: وين مراتع الدرت الباسط دايما ببكي عليهن وين بنوت الحلة البوكر عصرا بدري يسون في شاهيهن بعد الليل ما يهود ونحن نهود.. عاد أماتن ينادن ليهن نمشي على القيزان نتقادم.. أقيس الخطوة مع التاتاي ومشيهن والله البعد الحاصل ما نساني وحاتكن في قمراتنا بشوفو وشيهن
يا سلام يا العافية كلاماً يرد الروح المرقت مشلهتا في بلاد الغربة ردحاً من زمان كما قال ود بادي مراتع الدرت الباسط يقصد بها تلك المراعي المخضرة فوق ديار البسابير وحجر العسل وقلعة ودجمال والشيخاب والملاحة حتي ود بانقا القبة ونحن أهل السافل لما نقول فوق نعني عكس أتحاه البحر مهما كان الأتجاهالجغرافي
نمشي علي القيزان نتقادم أقيس الخطوة مع التاتاي ومشيهن
نمشي علي القيزان القوز هو قوز الرمل وما اكثره في تلك الديار وحليل زمن بقدمالصبي بنات الحلة دا زمان كان فيه الجنى مأمون علي بنات فريقو وكان سماً يعشرق في الحلوق كان دابي كان رصد لي الزول يعيقو
وما أجمل هذا الوصف عند ود بادي عندما قال أقيس المشية مع التاتاي ومشيهن معروف في خطا سير البنات فيها المهلة براحة براحة وهو المقدم بكون مجبر أن يحاكي خطاهن ويقول خطوة البنات كانت متل خطوة البتعلم في المشي تاتي ( التاتاي ) صغيرة يا سلام يا العافية بت ابوحريرة أهجتي فينا شجون لتلك الديار ولهجاً حالي وين بلقاهو وعين بدنقر من واليهن
Post: #409 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 02:13 PM Parent: #408
Quote: ناس النفاج سلام وعلي راسكم المزكور مامنسي
تسلمي من كل بلاء يا العافية ضحكتيني لما سألتي الأميرة ما يكون ودالمحرب مدين من بسمات قروش ههههههههههههههه خالد مو شبه الدين ... بالدين بسوي الزين وتانياً بسمات ماها المهلوعة البتجري ورا الدنيا أم قدود وانت عارفك بتمزحي لكن لابد من تعليق نحلي بي ونستنا في نفاجنا تحت الضل نشرب في قهوة بت عمسيب الغائبة
بسمات بحن دمها لدم أهلها وهي زولة حنونة ما شفتيها حنانها مشتت علي أتبرة وأهل اتبرة ولي عند شندي واصلنا حنانها .ززربنا يحفظها من كل شر يا رب
Post: #410 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 02:25 PM Parent: #409
Quote: صباح قمريه بتلم لي صغارها القوت وتبني الفرحه جواهم خيوت وبيوت يغنو الدنيا أجمل واحلى اغنيه صباح الموج يلاطف ضفة الأشجان يغني مع المراكبيه ...
Post: #411 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-10-2016, 02:26 PM Parent: #409
Quote: ونحن أهل السافل لما نقول فوق نعني عكس أتحاه البحر مهما كان الأتجاهالجغرافي
والله يا خالد انت مليت راسي يازول انت من وووين عندك مفردات كتيره تشبه اهلنا
Post: #412 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-10-2016, 02:34 PM Parent: #411
Quote: تسلمي من كل بلاء يا العافية ضحكتيني لما سألتي الأميرة ما يكون ودالمحرب مدين من بسمات قروش ههههههههههههههه خالد مو شبه الدين ... بالدين بسوي الزين وتانياً بسمات ماها المهلوعة البتجري ورا الدنيا أم قدود وانت عارفك بتمزحي لكن لابد من تعليق نحلي بي ونستنا في نفاجنا تحت الضل نشرب في قهوة بت عمسيب الغائبة
خالد انشاء دايماء ضاحك ومبسوط اكيد ياخالد بسمات واميره ديل عقليات تستحق الاحترام وانا متاكده من فهمهم وزوقن العالي
Post: #413 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 02:41 PM Parent: #412
Quote: والله يا خالد انت مليت راسي يازول انت من وووين عندك مفردات كتيره تشبه اهلنا
يا العافية نسمــــة البطانة أنا من شندي شندي فوق من مربع تمانية وهي شندي القديمة وتعرف بشندي فوق وهي دار المك نمر وكانت شندي فوق زمان وقسمت الآن لمربع 8 و 7 و 9
الشفيع جارنا في مربع تمانية والجنى حسين عمر الفكي من شندي فوق معنا هنا في النفاج ههههههههه
Post: #414 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 02:46 PM Parent: #413
Quote: خالد انشاء دايماء ضاحك ومبسوط اكيد ياخالد بسمات واميره ديل عقليات تستحق الاحترام وانا متاكده من فهمهم وزوقن العالي
يا سلاااام علي الأميرة وبسمات وامتثال ديل بنات تختيهن في الجرح يبرا ودوماً دعوانا لهن ربنا يحفظهن في بلاد اليانكي ويرد غربتهن لي أهلن سالمات وبريدن أم رقيقة وملاح البطاطس وحلتن مدورة ياكل ويقلبن الصحن ( ايقاع ) والكبابي كشكوش وتمشك بت كوستي أمتثال الساكسفون وهاك يا في الشاطى يا الحبان ساهرتو بينا
Post: #415 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-10-2016, 02:49 PM Parent: #413
والله مع الشفيع ده لو بت عمسيب جابت القهوه تكون ماقصرت هههههههه
Post: #416 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-10-2016, 02:52 PM Parent: #415
Quote: يا العافية نسمــــة البطانة أنا من شندي شندي فوق من مربع تمانية وهي شندي القديمة وتعرف بشندي فوق وهي دار المك نمر وكانت شندي فوق زمان وقسمت الآن لمربع 8 و 7 و 9
شندي دي فيها بطاحين
Post: #417 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 03:08 PM Parent: #416
Quote: شندي دي فيها بطاحين
فيها بطاحين أنا خالي ود خالة أمي ابوهو بطحاني متزوج من البطاحين اسمو التاج إبراهيم الشيخ وبنتهم أسمها منير التاج إبراهيم متزوجها قاضي بطحاني اسمه افتكر فاروق هههههههههههههههنسيت ومحجوب اخوي متزوج بطحانية من عيد بابكر ههههههههههه لما ما يكون عاوز يمشي بيتو لو قالوا بنات عمي أقعد يا محجوب بقول ليهن ود الرقيق هبا البخرة ههههههههههه قال البطاحين كتبوا عندهم شيخ اسمو ود الرقيق في عيد بابكر محجوب دا زول مهرجل كبير هههههههههههه
Post: #418 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 03:33 PM Parent: #417
Quote: والله مع الشفيع ده لو بت عمسيب جابت القهوه تكون ماقصرت هههههههه
كان الشاعر محمد عوض الكريم القرشي في انتظار الفنان عثمان الشفيع في الأبيض بعدما ارسل مرسول أن يحضر للأبيض ليقضي بعض من أيام جميلة بينهم أعتذر الشفيع أنه لابد من ذهابه لشندي لزيارة والدته معزة وبعدما يرجع من شندي سوف يحضر للأبيض وفي شندي سرح الشفيع ردحاً من زمان ونسى وقضى بين الأهل والأصحاب أجمل ايام في جناين شندي وتأخر في الذهاب للأبيض ولما ذهب للقرشي في الابيض سأله بلوم ليه تأخرت علينا وقال لي والله قضينا ايام جميلة في جناين شندي مع الأصحاب والأهل فوضع كلمات هذه الأغنية قطع اخدر ولحنها الشفيع في نفس جلستهم وأطرب بها ( في الشاطئ يا حبيان ساهرتوبينا وبالمناسبة تغنى الشاعر القرشي لشندي ولم يراها وكان مفروض أن يحضر زواج عثمان الشفيع لكن وعكة وأخفوها على الشفيع ولم يحضر ومات في يوم حنة عثمان الشفيع حزن عليه الشفيع كثيراً لم يكن ثانئية شاعر وفنان بل كانت صداقة عميقة بينهما .. وقد تخللتها فترة جفا بينهما وعادت العلاقة اقوى وأقوى وكان سبب الجفاء كذب وبهتان حمله بعض من ذوي النفوس الخائبة لا نقول الخبيثة ولكن ظهر الحق وكان منه الشفيع برئي براءة الذئب من دم أبن يعقوب عليهما السلام بحكي القصة يا بت ابوحريرة والأغنيةالتي وضعت يوم الصلح الظاهر عليك مغرمة بالشفيع كما أنه يجري في دمي صوته الشجي
Post: #419 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-10-2016, 03:34 PM Parent: #417
Quote: ههههههههههههههه نسيت ومحجوب اخوي متزوج بطحتنية من عيد بابكر ههههههههههه
هههههههههه كده انا فهمته حاجه عد بابكر هي ولا عيدبابكر والله انت طلعت حنكوش
Post: #420 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 03:42 PM Parent: #419
Quote: هههههههههه كده انا فهمته حاجه عد بابكر هي ولا عيدبابكر والله انت طلعت حنكوش
هههههههههههههه لا والله غلطة كي بورد مرات بعضي عيـــــد بابكر أنا الحنكوش يا بت ابوحريرة والله مفروض اكون تعرفي أنا عشت جل حياتي في أوروبا مرقت من الشودان عمري 18 سنة من سنة 1989 ولي هسي ما رجعت إلا في عطلات لشهر كل فترة المتلي مفروض يكون بقى زول هاي وشاو بكري ابوبكر لما قرأ ما اكتب وضع فكرة في راسه ألتقيته في سنة 2010 في حفل البورداب لرأس السنة لما شافني قال معقولة انت خالد المنسي قلت لي ايوا ليه ؟ قال لي والله قايلك لابس ليك عراقي وراعي ليك غنم في شدر شندي هههههههههههههههههه
Post: #421 Title: Re: نفااااااج نغم في زمان ضاق فيه الحال Author: محمد عبد الله حرسم Date: 04-10-2016, 04:16 PM Parent: #420
السلام عليكم يا ناس يا سمحين
تحياتى لى اى زول قاعد هنا شكا لهذا الجمال
الفنان المثقف يطربك بحديثه كما غناءه
وبكتابته
شكرا لهذا الجمال هنا
Post: #422 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-10-2016, 04:40 PM Parent: #420
Quote: المتلي مفروض يكون بقى زول هاي وشاو بكري ابوبكر لما قرأ ما اكتب وضع فكرة في راسه ألتقيته في سنة 2010 في حفل البورداب لرأس السنة لما شافني قال معقولة انت خالد المنسي قلت لي ايوا ليه ؟ قال لي والله قايلك لابس ليك عراقي وراعي ليك غنم في شدر شندي هههههههههههههههههه
انت زول ضرس دي ما فيها كلام لكن علي عكس بكري انا من تحت سطورك حسيت حبك لاسلوب حياة الغبش لكن انت ما اغبش عارف ياخالد لماتكون تكون زول ريف ولا زول باديه ممكن جدا تكون افندي وتكون قمة الرقي و الدبلوماسيه في كل شيومع ده تكوني جنتل واخو اخوان وسيد واجب لما تكون زول افندي صعب تكون عندك بعض الصفات الا من رحم الله
Post: #423 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 06:37 PM Parent: #422
Quote: السلام عليكم يا ناس يا سمحين
تحياتى لى اى زول قاعد هنا شكا لهذا الجمال
الفنان المثقف يطربك بحديثه كما غناءه
وبكتابته
شكرا لهذا الجمال هنا
عبد الله حرسم يا أخي تحية طيبة لحديثك الجميل الذي ينضح حنان محبة للجمال يا رائع ونحن ممتنين لهذا الأطراء فعلاً اخي كل الحضور ناس رائعين حلوين عدا شخصي بس بحب ألم الناس الحلوين أمثالك وفعلاً فرح مبسوط لانو دي أول زيارة لك في بوستات لمتنا وودي أن تبقى بيننا يا الحبيب وتحياتي ومودتي
Post: #424 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 07:04 PM Parent: #423
Quote: انت زول ضرس دي ما فيها كلام لكن علي عكس بكري انا من تحت سطورك حسيت حبك لاسلوب حياة الغبش لكن انت ما اغبش عارف ياخالد لماتكون تكون زول ريف ولا زول باديه ممكن جدا تكون افندي وتكون قمة الرقي و الدبلوماسيه في كل شيومع ده تكوني جنتل واخو اخوان وسيد واجب لما تكون زول افندي صعب تكون عندك بعض الصفات الا من رحم الله
العافية نسمة البطانة أتفق معك في كل حرف في حديثك هذا فعلا أنا أبن ريف وأعتز بذلك وأفاخر أنا أبن عسكر مزارع بعد المعاش عشنا حياتنا كلها متنقلين أيام الميري مع الوالد إلى أن حط بنا المقام في أرض الصرة شندي الجميلة بأهلها لا زيها شندي الذي أكتسب أهلها الطيبة من طيب الأرض وجناين شندي ومنقة شندي ( ضقتي منقة اسمها شندي ) أحب ثوبي ولا أرتدي ثوب غيري وبمناسبة هذا الحديث قصة قصيدة للشاعر محمد بادي العكودابي اسمها ( هوي يا وليد ) يقول ود بادي في ذكر مناسبة هذه القصيدة قال : في السنة الأولى في جامعة الخرطوم دار حوار في أهمية الريف بالنسبة للحضر وكنت أيامها جديد على حياة البندر والصخب ، أنبريت أوضح اهمية الريف وإنسان الريف أعترضني وليد من عيال البندر من اللذين أطعموا بملاعق من ذهب وسفه الريف وأهل الريف وقال كنت يومها أغبش محروق السنحة مثل عود الطندب الحرقان وكان هو مثل ورق الصفصاف يتقصع بين الأصابع تتدلى سليسلة في عنقه قال تحيرت في الرد عليه ورأيت أسلم طريقة أن أهجوه بقصيدة تلازمه طوال مكوثة في الجامعة وكانت قصيدة هوي يا وليد
الشاعر محمد بادي
هوى يا وليد يا دلوعة يا مرنوعة أعدل إيدك المفدوعة واتلحلح واقيف دغرى وواس صدرك مع صدرى واتشدّع
ليك الحق شان ولدوك فوق اسفنج وحتى أول جديد سوهو ليك بالبنج وهسع هوايتك إنك تلعب البنق بونق وليك الحق عشان فطموك بعد مازدتا فوق سنتين وفى سن عشرة نومك كان على الليدين غطاك بالشاش وفرشك بحرير الصين والبتدورو كلو بتلقى غاب قوسين ابوك مليان وجيبو سمين وقلبو سمين وفاتحلك حساب فى البنك والتأمين
وليك الحق عشان ما خضتا فى وحل المطر والطين ومن الترعة ما سويت شراب الهين وما قيلتا فى ضل دومة بى فرعين وما شاققتا عرق النيل مع الوزين وليك الحق عشان ادمنتا عيشة اللين مشي الاسفلت ما جربتو بالكرعين ركوب اللورى فى شمساً تصر العين وما عانيت وقوف الصف وراء التموين عشان يا انتى ما بتدرى سجل ابواتك البدرى دحين اسمع .. أقيف واسمع سماك الباكى مجدو الزال يا ما كانوا تحتوا رجال ابوخنجر وابوشوتال والصقر البجيك خوجال صوتن كان يمين جلجال ومكسيين كمال وجلال لكن الزمن اسرع سيفن بلحس الفقره وما كان برضو بالحقرة وكانوا بضبحوا الشقره وكانوا بضوقو العادوه نوم الكوع وكانوا بموتوا فى شان حرمة المفزوع
الجعلى اب شرابا حار وقالوا بعدى يومو خنق والشايقى البياكل النار وفوقو نحاسو متخنق ودرفون البجا الصقار وحاقب سيفوا ياكل الشق والغرباوى عينو شرار وكضب القالوا عندو عرق والنيلى البعرفوا كتار على كتل الأسود جرّق والبطحانى والشكرى وغيرهم من أهل فخرى ومنهم أصلى لا بشبع ولا بقنع
هوى يا وليد حصل جربتا كب السارية فى القلعة وخلا العتمور وشفتا بروقه تترقص وتتحرقص تقول مطويه فى قرقور وعاوى الزيفة ينفخ فى جبال النقعة زى الصور والحصحاص يجرفوا السيل يكنسوا على مهاوى الخور وقلب الصاقعة يتطرقش يكب النار دمار وشرور وشفتا الحال عرق مقلوع جبل متروم فرع مكسور جمال غرقانة بى حالا وحد المويه فى الغرغور ود ابن ادم المسكين نجاتو تحت قرون التور والعوتيب يجيك يجرى يشيلك وانتى ما بتدرى وما بيرفع
هوى يا وليد ... حصل سادرتا بالديداب وقدامك مراحك وراكب الخباب ودربك طولوا يملا العين سحاب وغبار ومويتو سراب وهوى كرباجك البكاى يبكى على ضهور الضمر الانجاب وتسرى الليل وما تضوق هجدة لو كان النجم ما غاب وبعد أيام تجيك لفته ويلوحلك فى البوادى سحاب وتكرف من دعاش العينة تملا رئاك عطر وأطياب تلقى الوادى خضر زى تقول ماكان خراب ويباب وبت ام ساق تقييل من ضحاها على المعالى ونسمة الهباب وتفرش ليك حزمة نال تحت سيالة تريانة فروعها قراب وتنفخ كل آهاتك مع المزمار تصوغ الحان ملانة شباب وتنسي الدنيا كل الدنيا ماعندك معاها حساب خلاف برقا يشيل حرقاص أو رعدا تقول رصاص وكت فركع
هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق ضرب الصوت والركزة بيفرق الناس عشان زينوبة ما بتحوق وعاد تتحزم الجنيات وتتنظم تقيف في روق وكل واحد يهز ضرعاتو والحجبات تزح لافوق جفير الخوسة فايت الكوع وسيرو مع العضل مطبوق والطاقية تحت الحاجب المعقود هدية أم زين وما مشرية من السوق ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيهو بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق هناك الحال مغير جد وهيجة الناس تفوت الحد وكان حجازو مد الليد بتسمع كع
هوى يا وليد ... حصل شارفت دغشا بدرى فوق حجرة مخانق النيل فى سنة تساب والشرقي حزم القيف وطفح الكيل وشوفتا الهيبة فوق اسيادا والشخرى البكتل الحيل وشفتا الجارى يحفر فى جروف كوكبنا بس داير يشقو عديل يجيك بي صدرو متحزم ومتلقف صفوف فى صفوف يحاكى الخيل ومويتو الهايجة تبلع جب وتجقم فى مدالق السيل وفوق الرملة مشرور العشارى طويل معشعش بين نوايبو الطير حليلو جزايرو جاها النيل وحالف ما يخلى شبير حزم اطرافا يكسر فيها بالهدام وينحر فيها بالقرقير وبكرة يموصها يشرب طينها يزرع فيها شلالات هدير وهدير وتكسح مركب النواتة عايمى على قرون الموج جناحها كسير رواسيها مالى اصابعوا فى المجداف يقوم لافوق ويجى من تانى فوق الدفة رافع ايدو ينده جملة الصلاح واهل الخير هناك الموت يمين شافوهو شوف العين ومافى شفيع ومافى مجير تقول الزول يعرف اجلو ومكان موتو لولا إنو ما كشفو الإله لى غير عاد ما دام رقاب الموج تمد لسناتا فوق للقيف تكب الصير وشن فضل بلا الغرق البدور ناعى وفعلا كانوا يا هو مصير ومشيت المركب الغرقاني بين موجتين طفروا منها النواتا بطن اللجّة قالوا اخير تماسيحاً يقالدوا الموج يصارعوا عتاوة العرق الكتالو مرير ساعة يعومو بالضرعات وساعة فج صدورن ضمة مااتبلت ولو قطير ديل يا وليد ولاد النيل رضعو الهيجة من صدروا ومن الطيبة رضعوا كتير الواحد فعايلو كتر ونضمو دقاق نهرتوا يمين تسوى الفاق ومراً أصلاً لا ضاقوه لا بنضاق كفاك يا وليد بلاش فاقة خلاص أنا تهتا فى الاشواق وما برجع وهسع ضمة لا شايفك ولا بسمع
Post: #425 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 07:33 PM Parent: #424
تكريم ود بادي
Post: #426 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-10-2016, 08:25 PM Parent: #425
يا جماعة والله مشتاق لي بت عمسيب مختفة الأيام دي لكن الشايقية بتكون راقدا بي خيتي لكن الليلة واقع علي حلف إلا أجيبها بأغنية من الزمن الجميل وسايق البوباي ومحمد حسنين ابوسريع
بت ابوحريرة شفتي رقصة الأغنية دي كيف رقصة معها حركة بي اليد في مقطع الإشارة جاي ولا جاي ههههههههههههههههههه زمن حلو جميل
Post: #427 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-11-2016, 03:17 AM Parent: #426
Quote: وليك الحق عشان ما خضتا فى وحل المطر والطين ومن الترعة ما سويت شراب الهين وما قيلتا فى ضل دومة بى فرعين وما شاققتا عرق النيل مع الوزين وليك الحق عشان ادمنتا عيشة اللين مشي الاسفلت ما جربتو بالكرعين ركوب اللورى فى شمساً تصر العين وما عانيت وقوف الصف وراء التموين عشان يا انتى ما بتدرى سجل ابواتك البدرى دحين اسمع .. أقيف واسمع سماك الباكى مجدو الزال يا ما كانوا تحتوا رجال ابوخنجر وابوشوتال والصقر البجيك خوجال صوتن كان يمين جلجال ومكسيين كمال وجلال لكن الزمن اسرع سيفن بلحس الفقره وما كان برضو بالحقرة وكانوا بضبحوا الشقره وكانوا بضوقو العادوه نوم الكوع وكانوا بموتوا فى شان حرمة المفزوع
يالله ياخالد ده اجمل كلام تصحىى من النوم تلقىى قدامك صباح بي ريحة المطر والدعاش والطين وضفاف النيل وكباية شاي بي قنانه في ضل نفاجك الفات حد الوصف صباحكم خير
Post: #428 Title: Re: نفااااااج نغم في زمان ضاق فيه الحال Author: حاتم محمد عثمان Date: 04-11-2016, 03:37 AM Parent: #427
دوحة ظليلة في صحراء المنبر شكرآ الجميل خالد علي واهديك كلمات بروف معز عمر بخيت:
لو كنت اعرف اننى
يوما سألقاك امتدادا للحياة
لما غفوت دقائقا
و لما بكيت على الجراح
و ما اصطليت حرائقا
و محوت احزان الوجود لغيتها
و حرقت لعنات الهزيمة
و انتظرتك سامقا
لو كنت ادرك ان لقياك العوالم
والحضارة
ان رؤياك الربيع
و ان منبتك التُّقى
لحجبت وجه النار عنك باضلعى
و حملت عنك الوجد وعدا صادقا
و فَرشتُ دربى فى انتظارك لؤلؤا
و جعلت بيتى مغربا و مشارقا
لكنها إبر الحياة و وخزها
سنن لنا متوثقة
نحيا كأطيار الخليج مواسما
و القلب تصهره الشجون ببوتقة
و نعود كالامطار حينا
ثم نخرج للدنا
سحبا ستبقى فى السماء معلقة
Post: #429 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-11-2016, 05:10 AM Parent: #428
Quote: لحجبت وجه النار عنك باضلعى
و حملت عنك الوجد وعدا صادقا
و فَرشتُ دربى فى انتظارك لؤلؤا [/QUOTE
ياحاتم الدار دارك
Post: #430 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-11-2016, 01:35 PM Parent: #429
Quote: بت ابوحريرة شفتي رقصة الأغنية دي كيف رقصة معها حركة بي اليد في مقطع الإشارة جاي ولا جاي ههههههههههههههههههه زمن حلو جميل
ههههههههه خالد انت كنت بتحضر رقيص العروس ذمان كان عادي كل الناس رجال وحريم بحضرو الوقفه هههه
Post: #431 Title: Re: نفااااااج نغم في زمان ضاق فيه الحال Author: مني عمسيب Date: 04-11-2016, 01:43 PM Parent: #430
من بلد الزهور ..
لكم جميعآ عاااااااطر التحايا ..
Quote: يا جماعة والله مشتاق لي بت عمسيب مختفة الأيام دي
الي جميع الاحبة لما اختفي ما تشفقوا بكون مشغولة بحاجات رسمية او التزام رسمي وبالنسبة لي دا التزام اخلاقي ولازم انفذو عشان كدا بختفي منكم لكن بكون شوقي ليكم اتراكم حد الزحام .
وقت الموضوع جابلو عرس ودلاليك اها باهو التاماهو ليكم ..
المهيرة عطر النسيم .. يا عروسنا هههههههههه .
Post: #432 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 01:44 PM Parent: #429
Quote: يالله ياخالد ده اجمل كلام تصحىى من النوم تلقىى قدامك صباح بي ريحة المطر والدعاش والطين وضفاف النيل وكباية شاي بي قنانه في ضل نفاجك الفات حد الوصف صباحكم خير
اي بالحيل يا العزيزة أحلى كلام وهناك الال مغير جد وكان حجازو مدَّ اليد بتسمع كع شهيتيني الشاي المقنن بي لبن ضان يا العافية ما أحلاه وما أروعه عفاف انت مرهفة في مفردة الشعر فهماً لاحظت لك أنك تمسكي دوما بعمود الشعر وتقتبسيه ما شاء الله
Post: #433 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 01:54 PM Parent: #432
Quote: دوحة ظليلة في صحراء المنبر شكرآ الجميل خالد علي واهديك كلمات بروف معز عمر بخيت:
الأخ العزيز حاتم محمدعثمان لك يا أخي الشكر المرور ويدك ملانة المعز عمر بخيت شاعر لكنه يميل للشعر الرمزي كثير وله من المشاعر الجميلة التي يسكبها حرفاً جميل ملاحظ انه صدق من قال الكلمة تحددالموقع الجغرفي افي للشاعر ولوقت قريب كنت لا اؤمن بهذه المقولة لكن يظهر أنها حقيقة وقد كسرها فقط شعراء الحقيبة أقامة البروف المعز في ديار مملكة البحرين دخلت مفردات بحرينة في شعر ( لؤلوة مثلاً ) ههههههههههههههه وقديناً مدح شاعر بدوي الخليفة العباسي أظن هارون الرشيد فقال أنتَّ كالكلب حفظ الوفاء وكالتيس في قرع الخطوب
ولكنه عاد وقال لما أدمن حياة المدن أجمل بيت في الغزل عيون المها بين الرصافة والجِسري جلبنا الهوى من حيث أدري ولا أدري
لك الشكر أخي حاتم ودمت عافية تحياتي
Post: #434 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 02:07 PM Parent: #433
Quote: ههههههههه خالد انت كنت بتحضر رقيص العروس ذمان كان عادي كل الناس رجال وحريم بحضرو الوقفه هههه
هههههههههههههههه اي بالحيل يا نسمة البطانة كنا بنحضر قطع الرحط ومرات ننوم أثناء الحفل التي كانت تنتهي في وقت متأخر ولكن نصحوا في رقيص العروس وكان أهم شى ههههههههههههه والغريب في عادتنا لا ضير أن تحضر رقيص العروس الغريبة لكن العيب والعيب جد أن تحضر رقيص عروس من دمك لزم أختك أو بنت عمك أو خالتك أو عمتك بكسرو رقبتك لو كنت طفل ههههههههههههه أتذكر ذات يوم زمان كان زواج في الحلة ( العروس اسمها بت قاسم ) وكانت طويلة شديد مترين وشوية أذكر كنت فرحان يوم العرس وقلت لي أمي عليها رحمة الله الليلة اي زول بشوف بت القاسم وما بنحتاج نطلع في كرسي ههههههههههههههههه وحضرنا زمناجمل الفن لغناء العروس
اللول لالك يا العروس
والشايب دا الله بيني وبينو تطير الأبرة وتقد ود عينو
وأنا ما بسيبو صلاح لو عبو لي سلاح
والبتولة حلاتا يا زولا البتولا ما خملة ما بتلعب في الرملة ست البنات جملة
وحبيبي يا يمة البي العصر مرورو ( أيام كانت قشرة العصرية )
هههههههههههههههه ما تفتكري أنا اكبر من خالد المحرب هههههه خالد بكون حضر زمن العروس بترقص بي الرحط بس ( عروسفتيل ريحة بت السودان ) شفتيها
هههههههههههههههههه والله يا عفاف جرجرتيني في الحكي
Post: #435 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 02:12 PM Parent: #434
Quote: من بلد الزهور ..
لكم جميعآ عاااااااطر التحايا ..
Quote: يا جماعة والله مشتاق لي بت عمسيب مختفة الأيام دي
الي جميع الاحبة لما اختفي ما تشفقوا بكون مشغولة بحاجات رسمية او التزام رسمي وبالنسبة لي دا التزام اخلاقي ولازم انفذو عشان كدا بختفي منكم لكن بكون شوقي ليكم اتراكم حد الزحام .
وقت الموضوع جابلو عرس ودلاليك اها باهو التاماهو ليكم ..
المهيرة عطر النسيم .. يا عروسنا هههههههههه .
تسلمي يا بت عمسيب وحمد علي السلامة وعوداً حميد لكن أظن نكتتك سايق البوباي والإشار جاي ولا جاي لما تغيبي نخشي فال الأم الذي يراودنا وزي ما بقولوا إن شاء فال زوجتك ولا فال أمك
مودتي عمسبية
Post: #436 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 02:28 PM Parent: #435
الفنانة
Vivian Nyachan
من جنوب السودان
Post: #437 Title: Re: نفااااااج نغم في زمان ضاق فيه الحال Author: اسامه العريفي Date: 04-11-2016, 02:46 PM Parent: #436
Quote: اللول لالك يا العروس
والشايب دا الله بيني وبينو تطير الأبرة وتقد ود عينو
وأنا ما بسيبو صلاح لو عبو لي سلاح
والبتولة حلاتا يا زولا البتولا ما خملة ما بتلعب في الرملة ست البنات جملة
وحبيبي يا يمة البي العصر مرورو ( أيام كانت قشرة العصرية )
Post: #438 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-11-2016, 02:54 PM Parent: #436
Quote: هههههههههههههههه ما تفتكري أنا اكبر من خالد المحرب هههههه خالد بكون حضر زمن العروس بترقص بي الرحط بس ( عروسفتيل ريحة بت السودان ) شفتيها
هههههههههههههههههه والله يا عفاف جرجرتيني في الحكي
هههههههه الله يسعدك يا خالد ضحكتني لالا انت وين وخالد وين يازووول انت طلعت صغير وحنكوش عمي زاته اكبر منك ممكن تكون نديد بت عمسيب هههههههههه
Post: #439 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-11-2016, 02:54 PM Parent: #436
Quote: هههههههههههههههه ما تفتكري أنا اكبر من خالد المحرب هههههه خالد بكون حضر زمن العروس بترقص بي الرحط بس ( عروسفتيل ريحة بت السودان ) شفتيها
هههههههههههههههههه والله يا عفاف جرجرتيني في الحكي
هههههههه الله يسعدك يا خالد ضحكتني لالا انت وين وخالد وين يازووول انت طلعت صغير وحنكوش عمي زاته اكبر منك ممكن تكون نديد بت عمسيب هههههههههه
Post: #440 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 02:59 PM Parent: #439
Quote: يا زول انت زول عجوز وفكيت اخرك
هههههههههههههههههه الزول دا يا عفاف الكلام حرقو لانو كنا بنتفن سوا في الواطة ( في حلة التناقرة أو الحجازة ) نحضر رقيص العروس كيف يا اسامة وكيف أخبار الوالد الأستاذ الفنان العريفي
تحياتي ومودتي
Post: #441 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 03:04 PM Parent: #440
Quote: هههههههه الله يسعدك يا خالد ضحكتني لالا انت وين وخالد وين يازووول انت طلعت صغير وحنكوش عمي زاته اكبر منك ممكن تكون نديد بت عمسيب هههههههههه
ههههههههههههههههه الله يفرح أيامك ويضحك سنك يا نسمة البطانة زي ما أدخلتي البهجة فينا عمي أكبر منك ههههههههه دي بس أنا براي الفاهمها صم هههههههههههههه لكن بت عمسيب جيبي بكلمك في اضانك هههههههههههههه والله جد
Post: #442 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-11-2016, 03:08 PM Parent: #441
عـــــــــــــــافيه منك وراضه عنك سو رضـــــايا ومابخيب الرضــــــــــــــــــــا والدتو يا جنــــــايــا انت من يادوب صغير من زمــــان دايما معــــايا انت ديمه امامى ســـــائر ما بخليك بى قفـــــــايا مابتغيب من عينى لحظه ولا حصل سبتك ورايــا لامن الله يشيل امانتو انا ببقى خاصاك بالرعايه لى يرعاك البيرعى ولى بيـــــك يبرد حشـــــــايا اصلك انت هـــديه منو والله بيك اجزل عطــــايا جيتنى واحد مالو تـــانى رحمه فى اخر صبـــايا قبل ماافقد قدرتى وقبل ماتنهـــــــــــار قــــــوايا جيتنى زى بدرا منور وفجاه طليت فى سمـــــايا
اسى لما خلاص كبرت داير تسيبنى اعيش بــرايا داير تفارقنى وتهــــــاجر والحزن يصبح جـــــزايا كيف اهون عليك تحزن امك شان تحقق ليك غايا كان منــــــاك ترحل تغادر قعدك فى جنبك منـــــايا كان مسافر عشان علاجى بلقى فى شوفتك دوايا كان عشـــــــــان تسقينا مالك نحن بى حنك روايا كان عشان كرعينا راحل نحن بى بعدك حفـــــــايا كان مسافر عشان تعرس خير ابوك مالى التكـايا وخيرو وافر ابوك يحمدو مراحو مليان بالسعــايا بالقروش الجيب مجكن ولسع برضو الجايا جــايا
برضو منك مـــــــــــــا بقصر بحفر اديك المعايا كان ده كلو كمان شويه بتلقى فى دهبى الكفايه اصلى من سويته ناذره يبقى لى ايام قســـــــايا داخره للزمن البعـــاند ولى سعاتك يا عشـــــايا لاتسيبنى وراك ترحل انت ياك ضلى وضــــرايا دايره منك تبقى جنبى جنبي فى فرحى وفى بلايا لا تسيب امك تســـــــــافر يمه محتاجه الحمــايا دايره اقضى عميرى جنبك اصلو قارب للنهـــايه خايفه كان سافرت ترجع تلقى فاضى البيت بلايا
Post: #443 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-11-2016, 03:11 PM Parent: #442
عليك الله ياخالد شوف الكلام ده
اسى لما خلاص كبرت داير تسيبنى اعيش بــرايا داير تفارقنى وتهــــــاجر والحزن يصبح جـــــزايا كيف اهون عليك تحزن امك شان تحقق ليك غايا كان منــــــاك ترحل تغادر قعدك فى جنبك منـــــايا كان مسافر عشان علاجى بلقى فى شوفتك دوايا كان عشـــــــــان تسقينا مالك نحن بى حنك روايا كان عشان كرعينا راحل نحن بى بعدك حفـــــــايا كان مسافر عشان تعرس خير ابوك مالى التكـايا وخيرو وافر ابوك يحمدو مراحو مليان بالسعــايا بالقروش الجيب مجكن ولسع برضو الجايا جــايا
Post: #444 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 03:19 PM Parent: #443
Quote: سى لما خلاص كبرت داير تسيبنى اعيش بــرايا داير تفارقنى وتهــــــاجر والحزن يصبح جـــــزايا كيف اهون عليك تحزن امك شان تحقق ليك غايا كان منــــــاك ترحل تغادر قعدك فى جنبك منـــــايا كان مسافر عشان علاجى بلقى فى شوفتك دوايا كان عشـــــــــان تسقينا مالك نحن بى حنك روايا كان عشان كرعينا راحل نحن بى بعدك حفـــــــايا كان مسافر عشان تعرس خير ابوك مالى التكـايا وخيرو وافر ابوك يحمدو مراحو مليان بالسعــايا بالقروش الجيب مجكن ولسع برضو الجايا جــايا
شعر الشايقية بهبش في اللحم الني وينداح بين المشاعر ما تسمعنا بت عمسيب ( راسها بكبر ) ههههههههههههههه
Post: #445 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-11-2016, 03:26 PM Parent: #444
في عندهم كمان حبي ليك كان زادي قمة الروعه من الاغاني البحبها شديد
بت عمسيب راسه يمكن مايكبر لكن اكيد ح تبكي
Post: #446 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 03:35 PM Parent: #445
Quote: في عندهم كمان حبي ليك كان زادي قمة الروعه من الاغاني البحبها شديد
بت عمسيب راسه يمكن مايكبر لكن اكيد ح تبكي
والله ياها الطالعة فوق راسنا ههههههههههههه وجايبا معاها كوم زهور تشتتو في اي زول مشلخ لي ورى
وقلبك قبلة لي الضالين وحبي ليك كان زادي وكان جوة الحنايا دفين
Post: #447 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-11-2016, 03:41 PM Parent: #446
خالد والله انت زول زول صباح خير
حبي أنا ليك كان زادي
حبى أنا ليك كان زادى وكان جوه الحنايـا دفيـن كتّ بضارى من الناس وخايفه عليهو مـن العيـن عليهو كت بصوم وافطر عليهـو بكابـد الناريـن كت بحسب سنين الغربة لما تعـود تجينـى متيـن وكت برجاك فوق النار لمـا وكـت لقانـا يحيـن نونس فى براءة أطفال وفى الحب نروى ننهل زين وكلما يوم يزيد البينـا لمـا بقينـا قـاب قوسيـن اتارى أنا كت فيك مخدوعه وكم من زي مخدوعين ما قايـلاك حبيـب آلاف وقلبـك قبلـه للضاليـن وما قايلاك بتنسي حبيب صبر راجيك ستـه سنيـن وساهر كم ليالـى طـوال يتقلـب شمـال ويميـن كيفن يهون عليك تنساهو زولاً كان عليـك حنيـن وتشغـل بالـك الأشـواق لمّـن تزبـل الياسميـن كت دايراك بسمة عريضة فى وجه الزمان الشيـن وكت دايراك ساعة الحاجة تبقى ليّ دخرى خزيـن كت دايراك مقنع حوبه وكتيـن المضـارى يبيـن وكت دايراك فارس احلامى تشاركنى ونتـم الديـن وكت دايراك أمل بسام يزيل ألـم البعـاد والبيـن كت دايراك شريك الروح واخدمك حافيـة القدميـن وكت بحلم بك انت معاي مجرتق بالعديـل والزيـن جنبك فى يمينك قاعده نسمع فـى دقـر يـا عيـن تبشر زين مع الأصحـاب وتتشبـل مـن الوزيـن أنا الأبحرت راكبه الموج اكيد مرسايا بين موجتين وداعاً يا زمـن ظالـم وبالأفـراح علـيّ ضنيـن وداعـاً يـا قلـب قاسـي لا بيحـن ولا بيلـيـن وداعاً يا سراب خداع محال ما بيروي عطشانيـن وداعاً يا كلام معسـول حـدو ومكمنـو الشفتيـن وداعاً يا سحابة صيف شايلى مطر ضليـلا رهيـن تبشر بى خريف جايينا ياما الناس رجوهو سنيـن كل زولاً يفكـر فيهـا مـا معروفـة تنـزل ويـن وألف سلام عليك يا قلبي المسالم وديمه طبعو حنين يتاورو الشوق ويلعب بيهو تنحر فى حشا السكيـن تعاودو الذكري تنتر جوا حالـو يحنـن المسكيـن أخيراً مى ليك سلام وقبل ما تجـف دمـوع العيـن وقبال منى ما تعـدى وقبـال الفـراق مـا يحيـن بخيت وسعيد عليك إن شاءالله يبقالك عمار وبنيـن وقلبى أنا خلى فى أناتو بعدك يامـا راجـى أنيـن ولو كان يا قلب حبيت بعـدو بعـد قسمـت يميـن ما ينتمّ ليك مـراد لا تضـوق لا حلـو ولا زيـن وتفضل طول حياتك تبكى طول عمرك تعيشو حزين وعمرك ما تجيك سعـادة مـا تتهنـا قـول آميـن وتانى الحب عليك حرمان ووعد الحر أمانه وديـن
لكن الشافع الصغغير سعد بتاع نجوم الغد ببدع فيها عديك شكرا يا عم خالد
Post: #448 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 06:34 PM Parent: #447
Quote: لكن الشافع الصغغير سعد بتاع نجوم الغد ببدع فيها عديك شكرا يا عم خالد
ههههههههههه بقى زول كبير قدر ود عمك
إنتَّ تأمري يا نسمة البطانة
Post: #449 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 07:37 PM Parent: #448
لقد وعدت أن أحكي القليل عن الفترة العصيبة التي مرت على علاقة الشفيع والشاعر القرشي نقل بعض الواشين أخبار بهتان للشاعر القرشي أن الشفيع قال كذا زعل القرشي ولم يتحرى من الأمر وأنقطع عن الشفيع باخباره جاء مرة إلى أم درمان وكان من عادته ان ينزل ضيفاً عند عثمان الشفيع لكنه لم يفعل ونزل عند صديق مشترك ( بينهم الأثنين ) في أم درمان وبعدها رجع للأبيض سمع الشفيع ولم يدري ماذا حدث !!!! وعندما ألتقى هذا الصديق مع الشفيع سأله هل زاره القرشي فقال له لا وسأله ماذا حصل بينكم ... اخبره الشفيع هونفسه مستغرب لهذه الجفوة من القرشي المهم عرف هذا الشخص أكيد في وشاية حملها بعض المقرضين زوراً وبهتان للقرشي والشفيع برئ منها وصادف أن تكررت زيارته كرة أخرى وكان ينزل مع الصديق المشترك وهذا الصديق في المرة الثانية سأل القرشي عن سبب هذه الجفوة فأخبره القرشي أن فلان وفلان قالوا له كذا وكذا المهم في نهاية الأمر أعلمه هذا الصديق أن عثمان الشفيع برئ من هذا وأنه يقسم أنه لا يعلم ولمَّ أعلنت عليه الجفاء المهم عن طريق هذا الصديق أستطاع القرشي أنيصل للحقيقة وأن الشفيع برئ مما نقل له هولاء وكان لابد من الإعتذار أن يكون سيد الموقف فأرسل له هذا النص مع ذلك الصديق وأنه حالف لا يأتي إلا بعد أن أن يسمع أنه عفى عنه وسامحه وعندما قرأ الشفيع النص قبل العذر واضاف مقطع يعلن فيه أنه قبل عذره
أغنية تعال يا رب الفن يا سيدي
وعندما نسمع هذه الأغنية نفتكر أنها قيلت في حبيبة
Post: #450 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 07:41 PM Parent: #449
رب الفن
بصوت شموس في حضور بنت الشفيع ذكريات وزوجته طبعا يا بت ابوحريرة الشفيع متزوج مرتين زوجته الأولى من شندي بنت ناس حسين ابورأس ولم يلد منها فتزوج من كسلا وهم أهله ايضاً أم بناته الأثنين ذكريات الكبيرة طبيبة ومعزة ( أسماها على أمه ) وهي مهندسة
Post: #451 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-11-2016, 07:59 PM Parent: #450
طبعاً حتى نفهم تسلسل الكلمة
لازم نحدد المقاطع التي أضافها الشفيع
وهي
هبَّ الحبيب وحباني بي لطفو قال ليَّ كُنتَّ عنيف أنا حبي بتعرفو ما قصدتَ أهوى بلاك شوفوه شوفه يـــــــا ظرفو تعال يا أخلاق الملايكة ودُنيا الحب أسلاكا شايكا تعال يا حبيب
Post: #452 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 04-11-2016, 08:44 PM Parent: #451
Quote: وتمشك بت كوستي أمتثال الساكسفون وهاك يا في الشاطى يا الحبان ساهرتو بينا
قلت لى تمشكو بى زيت وقرض؟ ياخ كيبوردك ده قاعد يقَيِّل فى الجو؟
Post: #453 Title: Re: نفااااااج نغم في زمان ضاق فيه الحال Author: Elamin Medani Date: 04-11-2016, 10:55 PM Parent: #452
سلام صاحب النفاج
Post: #454 Title: Re: نفااااااج نغم في زمان ضاق فيه الحال Author: حاتم محمد عثمان Date: 04-12-2016, 00:54 AM Parent: #453
Quote: ملاحظ انه صدق من قال الكلمة تحددالموقع الجغرفي افي للشاعر ولوقت قريب كنت لا اؤمن بهذه المقولة لكن يظهر أنها حقيقة وقد كسرها فقط شعراء الحقيبة أقامة البروف المعز في ديار مملكة البحرين دخلت مفردات بحرينة في شعر ( لؤلوة مثلاً ) ههههههههههههههه
تحياتي الجميل خالد اعتقد (لهواك عافية المطر ) كتبها البروف في السويد اي قبل استقراره بالبحرين , وعشان نقطع الشك باليقين بإذن الله بكرة من الدغش بضرب لبروف معز عشان اسأله منها. ,,
Post: #455 Title: Re: نفااااااج نغم في زمان ضاق فيه الحال Author: حاتم محمد عثمان Date: 04-12-2016, 01:04 AM Parent: #454
Post: #456 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-12-2016, 02:07 PM Parent: #455
Quote: قلت لى تمشكو بى زيت وقرض؟ ياخ كيبوردك ده قاعد يقَيِّل فى الجو؟
سلام عليك الإرصاد الجوي يا اخي ما تقراها زي ما تجي هسي كان فتشنا كراس الأملاء حقك يكون كلو ( أعدها وقابلني )
مرة ايام أزمة البنزين في السودان مشينا أنا و ود خلي محطة بنزين معرض الخرطوم في بري قبل أذان الصبح المهم لقينا فرقة أظن العربية رقم عشرين تنك البنزين وصل الساعة 7:30 وبدأ الكب جاء أخو بنات اشبه ترباس الفنان راكب ماسيدس وقف قدام بي الخلف عشان يكبو لي الناس أحتجت وما أتكلم مع زول المهم مشيت لي وقلت لي يا اخي الناس دي واقفة من أمس تجي أنت الآن وعاوز تكب وتمشي قال يا اخي بكب أنت عاوز شنو قلت لي ما بتكب قال لي بكب قلت خلي العامل دا يكب ليك شوف حا يحصل شنو ليك وليهو ( زولك قال دا أكيد بتاع أمن ) المهم بتاعين المحطة قالوا ما بنقدر نكب ليك إلا تأخد إذن من الناس دي وأنا وقفت ليهم ألف أحمر قلت لي الزول دا ما يكب قدامنا زعل زعل شديد وقال لي انت عامل لينا ابوعرام والله هسي لو فتشناك نلقاك أزرط الزارطين ضحكت وقلت لي أريتك لو سكت علي الجلابية والعمة والمارسيدس الحلوين ديل هسي انت أريتك كان سكت علي المحاماة ونيويورك واتبرة ( اعد يا الفاضلابي )
Post: #457 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-12-2016, 02:15 PM Parent: #455
عز النهار انسد بي كبد الظلام لاجت فطين ست البكي المو عارفه وين تسأل نعزي مع منو؟ ونقول شنو؟ حامدنوا رب العالمين حميد بنبكي مع منو ؟ وين نورة وين؟ يا نورة آآه يا نورة آآه آآه يا وطن بالله مين قدرك حزين كل الوطن ياهو الوطن العاشو جواه الخزين اسوعت اندهدهت وين؟ راجنك آآ عشم الغلابة المتعبين راجنك آآ دخري الضهابة المتربين اسوعت اندهدهت وين ؟ عترلك الحجر آآآآآالبخيت؟ شوف عيني شفتك من زمان في ها المكان شوف العيان متوشح انوار اليقين عترلك الحجرآآآآآالبخيت تتسامى بي فوق السحاب ولوو... رهاب رافع معاك ظلم السنين الكان مبوق في الارض من قبل حين شايل معاك وسخ الارض نضفتها وكمترت تشق كل زيف غربلتها واشوفك اتوكل... لي وين؟ عتر لك الحجرآآآآآآالبخيت عيان بيان شامخ شموخ متجلي في داك المكان واقف مع محمودنا راضي ومبتسم يتحدى جور الظالمين فوق المشانق بي ثبات الآمنين روحك بتفدي وطن نفيس في البرزخ انت هناك عريس لا صفقة مافيش لا رقيص لا حني لا طنبور وكشف القرمصيص مافيش تعب مافيش نصب يبراك ملاك وسراك براك ليك ما تريد كل ما تشاء وهل من مزيد وحسن الجلالة عليك يميس ميست....ميس ! ضلن رهين موتك قطع حبل الوتين الشمس تشرق كل حين تخفي القمر ونور النجوم الانكدر نوريك جريف قيفها انكسر نوار جناينها حت ..حت نورت تميراتها انطفت نايرات مواسمها كاوقت طفرت طيورها الورجغت كيف سون طرابيلها اتنحت حتى الدوابي انزعزعت كل الخلوق انزهللت ممكونة بالوجع الدفين مسكونة بالنوح والانين توشل تقاويها الدموع مطر..مطر ما صدقت ... تغزل كتر يهوداك مع عيوشة راكبين القطر سفرا بعيد يتمارى من زمن القطر الاندثر الاندمر الانطمر غفلتنا وخليت غناويك ضو سراج والظلم ينهب في الارض يقطع فجاج اسوعت اندهدهت وين؟ مرقت حرفك ومنو ما فكيت ريق تاريك انت نزلت في نص الطريق فاقد جنيات الفريق رشعت فوقن يامطر عز الحريق طايبتهم ضاحكتهم لاعبتهم... وهدهتهم يا الماك ضنين عترلك الحجرآآآآآالبخيت خليتنا لي ظلم البشر وحكم الكجر ولي كل شر يا خي الله في ايوه الله في حلة قوافيك المطرزة بالصدق موجودة في وان شاء الله مايغشاك شر خير... ياوفي
كلام عجبني
Post: #458 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-12-2016, 02:37 PM Parent: #457
Quote: سلام صاحب النفاج
مرحب حباب الامين مدني ود مدني سلااام يا عاشق القامة وردي سواة العاصفة من الأغاني الجميلة للاستاذ وردي للشاعر ابوقطاطي
ذات الشتيل الني سألت ولم تجب منقبل هل مدني هو لقب العيلة أم مدني السني( ود مدني )
واياً كان أهديك مدني للشاعر خليل فرح بك
Post: #459 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-12-2016, 02:51 PM Parent: #458
Quote: تحياتي الجميل خالد اعتقد (لهواك عافية المطر ) كتبها البروف في السويد اي قبل استقراره بالبحرين , وعشان نقطع الشك باليقين بإذن الله بكرة من الدغش بضرب لبروف معز عشان اسأله منها.
أخي حاتم لك الشكر ورجاءً عندما تتصل بالأخ البروف المعز عمر بخيت أبن كبوشية منبع الفن السوداني بلغه غالي تحياتنا ودمت في فرح أخي ولحين ميسرة
Post: #460 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-12-2016, 03:26 PM Parent: #459
Quote: عز النهار انسد بي كبد الظلام لاجت فطين ست البكي المو عارفه وين تسأل نعزي مع منو؟ ونقول شنو؟ حامدنوا رب العالمين حميد بنبكي مع منو ؟ وين نورة وين؟ يا نورة آآه يا نورة آآه آآه يا وطن
يا نسمة البطانة يشدني كتير شعر الرثاء لانه صادق القصيدة جميلة ونابعة من قلب موجوووووع وقال ابن الروم أصدق شعرنا هو الرثاء لاننا ننظمه وقلوبنا مكلومة بالحزن أرى أخويك الباقيين كليهما يكونا للأحزان أورى من الزندِ توخى حِمام الموت أوسطت صبيتي فلله كيف اختار واسطة العقد
حميد كان صادق في شعره قوي لم يداهن ولم يلين بقدر ما عذب في حياته هو لسان كل سوداني شريف وكل الضعفاء رحمة الله على الشاعر حميد
حكى لي الأخ الفنان محمد جبارة ذات مرة أن حميد كان مفروض يحضر في رأس سنة مضت لكن قبل يوم من رأس السنة أتصل بهم كل شعراء الشايقية وفنانيها ( أصدقائه ) ودعاهملحضور رأس السنة في نوري قال في مزرعته جلسنا متكلين الطنابير علي الحائط في مساء ليلة رأس السنة حتى ننشد الشعر ونطربه غنا وما هي إلا لحظات دخل علينا طفل جاء من الحلة وقف في وسطنا وقال قالوا ليكم فلان مات وجوم عمَّ المكان ومافي زول إتكلم قام حميد قال لي : مات كلوكلو هههههههههههههههههههه
Post: #461 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-12-2016, 07:15 PM Parent: #460
لحين ميسرة
Post: #462 Title: Re: نفااااااج نغم في زمان ضاق فيه الحال Author: Basamat Alsheikh Date: 04-12-2016, 07:25 PM Parent: #460
تجولنا في ساحات الأدب والشعر الرصين واللحن الشجي ... في البوست الأنيق نتكئ على ارائكه ونستشرق عبق السودان ونشم رائحة الاتبراوي كي ننسى اننا في بلاد غربة بعيدة ورتنا الويل.. ولكن لكن بداية نهاية .. ونهاية مآسينا ومصاعب غربتنا على الوشك...( وبيقولو السودان سمح بناسه.. لمكن في الحقيقة السودان سودان بناسه وترابه وجباله ووديانه وانهاره وبواديه وقراه ومدنه .. والسودان سمح باتبراويه... والسودان سمح بيكم انتو.. البتذكرونا دائما ان وطنا هناك راجينا... والألحان البنسمعها هنا دائما بتربطنا بترابه والشعر البنقراه هنا دائما بيذكرنا دائما ان سوداننا وان تغير الآن سيعود الى مكانه الطبيعي.... ودمتم بالف خير وصحة وعافية
Post: #463 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-12-2016, 07:59 PM Parent: #462
Quote: تجولنا في ساحات الأدب والشعر الرصين واللحن الشجي ... في البوست الأنيق نتكئ على ارائكه ونستشرق عبق السودان ونشم رائحة الاتبراوي كي ننسى اننا في بلاد غربة بعيدة ورتنا الويل.. ولكن لكن بداية نهاية .. ونهاية مآسينا ومصاعب غربتنا على الوشك...( وبيقولو السودان سمح بناسه.. لمكن في الحقيقة السودان سودان بناسه وترابه وجباله ووديانه وانهاره وبواديه وقراه ومدنه .. والسودان سمح باتبراويه... والسودان سمح بيكم انتو.. البتذكرونا دائما ان وطنا هناك راجينا... والألحان البنسمعها هنا دائما بتربطنا بترابه والشعر البنقراه هنا دائما بيذكرنا دائما ان سوداننا وان تغير الآن سيعود الى مكانه الطبيعي.... ودمتم بالف خير وصحة وعافية
بعد هذا الكلام الجميل لا تعليق تسلمي يا بسمات
محي الدين فارس والفنان حسن خليفة العطبراوي محي الدين فارس ( محسي ) هههههههههههههههههه
Post: #464 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-12-2016, 08:07 PM Parent: #463
لك يا بسمات عطبرة
Post: #465 Title: Re: نفااااااج نغم في زمان ضاق فيه الحال Author: اسماء الأمين Date: 04-13-2016, 00:10 AM Parent: #464
يا سلااااام فعلا نفاج مفتوح ضلفتين ومدخل لي ساحه وبراح همبريبه يرد الروح وياخدك من شقى الدنيا وتحسها حلاوة الأنغام وصدق الكلمه وروعه الأداء دواء يشفيك من علل الزمن ........أتاريك يا عفوفه افتش ليك وما لاقياك تراكي جااااره بنبرك ومصنقره هنا إها هدي عقده حداكم في النفاج
Post: #466 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-13-2016, 10:03 AM Parent: #465
يا ســـــــــودان بريدك كلمات: محمد بادي
يا سودان بريدك وبي هواك متيم كوني انا في حماك بسوا وعزيز ومقيم دا الحزن الوخيم الفوق مرابعك خيم مابرحل بلا الضحوي ابسحابا غيم قلبي انا ليك حفاير في السمومو تبلدي ومن برد الشتاء انا بسترك بي جلدي افديك بالعزيزة وبعدها ولاد ولدي يا مرتع صباي الراح وجنت خلدي براق عزة شال في قلبي غور وغوش علي الحارسنو بالسوكي حكارو محوش أمطر من عيوني وخلى فكري مشوش اشرب دمعي تاره وتاره منو اتروش مُرك عندي حالي وفي لساني مسكر شايلك في عيوني وفي فؤادي محكر يالاسقيت حمامة قلبي موية السكر وين ماتروح تدور وشها وتتذكر يبكي عليك فؤادً حس بكاهو يبكي حبك فيهو فرهد وشال ثمارو متكي حبي انا ليك كتير فايت يقيني وشكي ذاد فوق النصاب والليله منو بزكي يا بلد الكرام بالشوق عليك بمسي قماريك البنوحن بدري شالن حسي شايلك في كياني وفي الفؤاد مندسي وكان حرموك قبيل بالنصر جيناك هسي يا ارض السلام الليله هشي وبشي من الحرية انضحي بالعطور واترشي ارحلي يالغباين الاصلو ماب تنفشي مادام الوطن بالفـرحه نام متعشي
Post: #467 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-13-2016, 10:05 AM Parent: #466
Quote: يا سلااااام فعلا نفاج مفتوح ضلفتين ومدخل لي ساحه وبراح همبريبه يرد الروح وياخدك من شقى الدنيا وتحسها حلاوة الأنغام وصدق الكلمه وروعه الأداء دواء يشفيك من علل الزمن ........أتاريك يا عفوفه افتش ليك وما لاقياك تراكي جااااره بنبرك ومصنقره هنا إها هدي عقده حداكم في النفاج
اهلين صاحبة السمؤ يطيب ليك القام
Post: #468 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-13-2016, 01:02 PM Parent: #467
وصلت سدرة منتهاك (المشهد الثاني ) مرثية حميد -عبدالمنعم العوض
غفت قلوب الذاكرين صحت عقول الغافلين بصرك حديد عين اليقين دابك عرفت المدعين شوف الوطن ودوه وين هكروه بين القبلتين خلوه بين نار اميين ظلموه يوم صلب المسيح صلبوه يوم ظلم الحسين وانت المتيم بيهو خادمو عرق جبين يا اخينا شفتك مرة ماشي مع الرضيية سالكين دريب الراضية مرضية و مطمئنة الى رحيم من يوم الست بربكم ؟ عهدا قديم راجعين على البيت القديم قاصدين شهود حق اليقين عين اليقين ثم النعيم ونحن الهني وإنتوا الهناك بيناتنا هبَار الشراك كدبنا في الكرو في رجاك عاد ماشي مننا وين رجاك خليت وليداتك براك كيف بي قفاك؟! يااخوي وليداتك صغار وحملك تقيل جيش من بطان وحروم كتار لابسات طرق وناس من زمان ناس حمتو عيوشة ست الدار وعم عبدالرحيم والسرة بت عوض الكريم كترة رجال وكترة حريم حملك تقيل وعلينا دين وكل البلد عليها دين الشورة كيفن شن نسوي مع الولد الكت شايلو حمل بلد وتمر الهبوب بقضى الغرد؟؟! عفنون وصيص خاتين بصيص هدونا بالخوف والمرض وفي بعضهم راقدين قرض يا زينا انت رجعت وين؟ عتر لك الحجرآآآآآالبخيت عتر لك الحجرآآآآآالبخيت ما شفتو قدامك معارض؟ مشغول تعاين لي مصايبنا المحتربي فوقنا زي حيبي العوارض مهموم و ماك ساكت تعارض و الخوازيق ليها رافض عرضحالك للوطن طوالي في خاطرك عرائض مو مدغمس مو مدهنس مو مدلس مو مملس خطو واضح ..وفكو عارض لفيت بي وين... انت وين؟ ياالجيتنا في نفس الزمان وادركت لي وتر المكان وشفعك رهين شفتك ..هوى دايرين تشمولكن هوا ؟ يا الكتو متقاودين سوا ! بيناتكم الريد والهوى نازلين علي قيف البحر فوق سارة كانديقة وهوى اوعك من البحر البحر بحر التساب والضو سراب في اطن الرهاب اخد الحذر الجهجهة وشيمة القدر ورينا عومك الليلي يومك شفتك نزلت على الغريق ووطنك غريق مالك ..غتس؟ بنقرت انت مرق.. عديل شايل وطن ما فيهو ميل زين يا عديل وكل القصايد القلتها ما اتبلت آآآزول ياجميل مرقت... تسوق المتعبين مرقت تضاضي المترفين الشقو... صفنا... فلقتين واحدي سموها الشمال والتاني سموها الجنوب وراقدين تماسيح البلع متبطحين بالضفتين لي...سفنا وانت وانا بيناتنا دين ما دينك انت علي كتير نصبح حبايب لامتين ونحن الحبايب من متين علمتنا الهودنا والسودنا وضوقتنا طعم الغنا وكيفن تكون الدندنه انعيك وانعي رويحتي والاجل الدنا ابكيك لي مين واللا مين ؟
امسيتو طيبين
Post: #470 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-13-2016, 01:14 PM Parent: #468
Quote: ا نسمة البطانة يشدني كتير شعر الرثاء لانه صادق القصيدة جميلة ونابعة من قلب موجوووووع وقال ابن الروم أصدق شعرنا هو الرثاء لاننا ننظمه وقلوبنا مكلومة بالحزن
فعلا ياخالد بقولو لما تتكلم وانت بتبكي ده بيكون اصدق كلام
Post: #476 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-13-2016, 06:42 PM Parent: #403
لحين ميسرة
Post: #493 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-15-2016, 01:29 PM Parent: #401
لحين ميسرة
Post: #469 Title: Re: نفااااااج نغم في زمان ضاق فيه الحال Author: مني عمسيب Date: 04-13-2016, 01:08 PM Parent: #400
سلام بالاحضان السودانية ...
ويا ود الارباب تسلم انت يا المريود ويسلم البركل . علا كلامك عجبني بالحيل يا الارباب تراهو ريدي ليك مو علي فراغ ههههههههه يعني بتريدنا زي مو بنريدك وريدتآ دايمة يا الحبيب ..
Quote: الصورة دي مع الجميل عبد الرحيم البركل ، في يوم جميل جوني بورداب الرياض كلهم شايل الفرح
غايتو الصورة اديناها حقها بالحفظ واعفو لينا باقي نحن الحاجات السمحة بنحتفط بيها ههههههههه .يا الارباب ..
اهداء خااااااااااااااااص ليك ولو سمحت ما تكتر غيابك تاني عشان ما يبقي عادي ..
Post: #471 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-13-2016, 01:56 PM Parent: #469
Quote: يا سلااااام فعلا نفاج مفتوح ضلفتين ومدخل لي ساحه وبراح همبريبه يرد الروح وياخدك من شقى الدنيا وتحسها حلاوة الأنغام وصدق الكلمه وروعه الأداء دواء يشفيك من علل الزمن ........أتاريك يا عفوفه افتش ليك وما لاقياك تراكي جااااره بنبرك ومصنقره هنا إها هدي عقده حداكم في النفاج
الأخت أسماء الامين زراتنا البركة وبي زيارتك ضل البجيب بيهونفاجنا نور والله نور وكلو زينة يطيب ليك المقام بيننا نفوس صافية نتجادع فيها أطراف حديث يسر وما بضر وهي شجرة نستظل فيها من هجير الحاصل البتحصل كل يوم في بلدنا الراح وأكلو التمساح لك كل الشكر على هذا الإطراء علة جلستنا وتحياتي ومودتي وخليك بيننا
ودنتي بي عافية
Post: #472 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-13-2016, 02:02 PM Parent: #471
Quote: يا بلد الكرام بالشوق عليك بمسي قماريك البنوحن بدري شالن حسي شايلك في كياني وفي الفؤاد مندسي
يا نسمة البطانة يظهر لي هوانا واحد ود بادي عندو كلام برا متيم بي انا هو الشاعر محمد طه القدال و حميد تداعب البال المفردة النابعة من الريف وتحرك كل شعرة في جلدي لما أقعد أرجف ويا سلام ويا سلام لو سمعتي الشاعر ود بادي أجداده ورثاء سماعين ود حسن
Post: #473 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-13-2016, 02:05 PM Parent: #472
زيارتك سرتنا
يا بت الأمين نقصد من الأغنية نور البيت بزيارتك والغزل مردود علي سيدو ههههههههههه
Post: #474 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-13-2016, 02:09 PM Parent: #473
Quote: غفت قلوب الذاكرين صحت عقول الغافلين
يا سلام يا العافية دا كلام جميل ولا اقصد فقط هذا بل كل الرثاء لكن عمود القصيدة لو خيرت لقلت هذين البيتين
تسلمي يا لعافية وتغطيك العافية
Post: #475 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-13-2016, 02:18 PM Parent: #474
Quote: فعلا ياخالد بقولو لما تتكلم وانت بتبكي ده بيكون اصدق كلام
ههههههههههههههه يعني نحن ما بنصدق ابداً دمعة الرجال بعيد لكن بتنزل في الشديد القوي
يا نسمة البطانة ايام وفاة والدتي وأنا في شندي أتصلت الاخت الكريمة ريحانة البطانة ( سمية الحسن طلحة معزية ) قالت خالد ممكن تديني أخواتك أعزيهم قالت بتصل بعد ربع ساعة فعلاً حملت التلفون ومشيت دخلت علي أخواتي وهن في حزنهن على فراق الوالدة بت بادي قلت لي اختي الصغيرة ( هبة ) سمية دي شاعرة من البطانة وتريد تعزيكم وفي وسط حزنها إنتهزت الفرصة في كلمة شاعرة من البطانة أول ما عزت سمية أخواتي الكبار بعدهن مسكت هي التلفون وكلمتها عن الوالدة عليها رحمة الله وكيف كانت من صغيرة هي خادم تكية ابوها في سنجة وهي الربت أخواها وأختها الصغار عندما توفت والدتها وهما صغار وكيف كانت مرأة حسنة سيرتها تفاعلت سمية مع حكي هبة ... بعد نص ساعة اتصلت بي سمية مرة أخرى وقال وحكت لي ما دار بينها وبين هبة من حديث وأنها في اثناء كلام هبة نظمت اربعة ابيات والآن نظمت كل الرثاء في الحاج بت بادي وهي لم تراها فقط من حكي هبة عن أمها بحاول بقدر الأمكان أن أحصل على نص القصيدة الرثاء وارسله لك تحياتي
Post: #477 Title: Re: نفااااااج نغم في زمان ضاق فيه الحال Author: حاتم محمد عثمان Date: 04-13-2016, 10:05 PM Parent: #475
Quote: أخي حاتم لك الشكر ورجاءً عندما تتصل بالأخ البروف المعز عمر بخيت أبن كبوشية منبع الفن السوداني بلغه غالي تحياتنا ودمت في فرح أخي ولحين ميسرة
تحياتي اخي خالد علي وعاطر امنياتي بالصحة العافية علي حسب وعدى لك قمت بالاتصال بالبروف معز وهو يبلغك التحايا والسلام , وعند سؤاله عن قصيدة (لهواك عافية المطر) هل كتبها بالسويد ام بالبحرين اجاب بأنه كتب القصيدة بالسودان قبل ايام من سفره للسويد يعني يا خالد موضوع (اللؤلؤ) سوداني بحت , ودعوته بأسمكم لزيارة البوست والكتابة به ووعدني خيرآ.
,,,,,
Post: #478 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 04-13-2016, 10:25 PM Parent: #477
يامك ياخ تعال نشكى ليك بت عمك منى بت عمسيب. أدتنى بالحتة الـ فيها الحديدة ,, انا كان محطتنى براس الحزام كان ركزتَلا وهزّيت فوقا ماياها بت عمى تأكل وتقش فى طرفى لكن الحتة الـ فيها الحديدة دى حارة بلحيل اوع تقول لى جعلى والكلام الـ مابيوكل سبروق ده.
Post: #479 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-14-2016, 08:38 AM Parent: #478
Quote: يا نسمة البطانة ايام وفاة والدتي وأنا في شندي أتصلت الاخت الكريمة ريحانة البطانة ( سمية الحسن طلحة معزية ) قالت خالد ممكن تديني أخواتك أعزيهم قالت بتصل بعد ربع ساعة فعلاً حملت التلفون ومشيت دخلت علي أخواتي وهن في حزنهن على فراق الوالدة بت بادي قلت لي اختي الصغيرة ( هبة ) سمية دي شاعرة من البطانة وتريد تعزيكم وفي وسط حزنها إنتهزت الفرصة في كلمة شاعرة من البطانة أول ما عزت سمية أخواتي الكبار بعدهن مسكت هي التلفون وكلمتها عن الوالدة عليها رحمة الله وكيف كانت من صغيرة هي خادم تكية ابوها في سنجة وهي الربت أخواها وأختها الصغار عندما توفت والدتها وهما صغار وكيف كانت مرأة حسنة سيرتها تفاعلت سمية مع حكي هبة ... بعد نص ساعة اتصلت بي سمية مرة أخرى وقال وحكت لي ما دار بينها وبين هبة من حديث وأنها في اثناء كلام هبة نظمت اربعة ابيات والآن نظمت كل الرثاء في الحاج بت بادي وهي لم تراها فقط من حكي هبة عن أمها بحاول بقدر الأمكان أن أحصل على نص القصيدة الرثاء وارسله لك تحياتي
الله يرحمه ويغفر ليها يضاعف حسناته ويتجاوز عن سياتىه والنفاج جاب سيرة ناس عزاز وحنان اكيد من حق هبه تفخر بي امها واكيد بت بادي زوله ما ساهله طال ما ربتك انت والولد عمره ما مات الله يطول عمرك لي احمد وتفرح بيه يارب
واكيد كلام بت طلحه نستناه علي جمرا تهبه الريح ا
Post: #480 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-14-2016, 08:43 AM Parent: #479
Quote: يامك ياخ تعال نشكى ليك بت عمك منى بت عمسيب. أدتنى بالحتة الـ فيها الحديدة ,, انا كان محطتنى براس الحزام كان ركزتَلا وهزّيت فوقا ماياها بت عمى تأكل وتقش فى طرفى لكن الحتة الـ فيها الحديدة دى حارة بلحيل اوع تقول لى جعلى والكلام الـ مابيوكل سبروق ده.
يا خال مالك ههههههههههه يازول بت عمسيب دي اسي بشكوها والله مني دي النوع البتشكي روحا براها حتي لو غلطان عليها تجي شايله وردا وجاريه ياخ دي زوله كبيره بقلب طفل صافي ونقي قلنا نسلم عليك
Post: #481 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-14-2016, 01:19 PM Parent: #480
Quote:
تحياتي اخي خالد علي وعاطر امنياتي بالصحة العافية علي حسب وعدى لك قمت بالاتصال بالبروف معز وهو يبلغك التحايا والسلام , وعند سؤاله عن قصيدة (لهواك عافية المطر) هل كتبها بالسويد ام بالبحرين اجاب بأنه كتب القصيدة بالسودان قبل ايام من سفره للسويد يعني يا خالد موضوع (اللؤلؤ) سوداني بحت , ودعوته بأسمكم لزيارة البوست والكتابة به ووعدني خيرآ.
حاتم أخوي علك طيب يا طيب وفيت وكفيت وشكراً كتير على الأفادة في لهواك عافية المطر وكان مولدها أرض الحبايب الباعوها قرأت أمس قصيدة جيلة للدكتور المعز يناشد فيها الحكومة أن ترحل شكراً ليك كتير أن تدعوا دكتور المعز لزيارتنا في النفاج وبه نتشرف ويظهر أن مقيم في السويد هل صدقت ولا جلت ودقت في العراضة زي الؤلؤة ههههههههههه تحياتي ومودتي يا جميل يا حاتم ولحين ميسرة
Post: #482 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-14-2016, 01:29 PM Parent: #481
Quote: يامك ياخ تعال نشكى ليك بت عمك منى بت عمسيب. أدتنى بالحتة الـ فيها الحديدة ,, انا كان محطتنى براس الحزام كان ركزتَلا وهزّيت فوقا ماياها بت عمى تأكل وتقش فى طرفى لكن الحتة الـ فيها الحديدة دى حارة بلحيل اوع تقول لى جعلى والكلام الـ مابيوكل سبروق ده.
الزول الجميل ود الفاضلاب مالا بت عمسيب وزي ما قالت بت أختك كان إتلومت ما بتكون قاصدة واللوم بجي بي الغفلات بت عمسيب دي زولة قلبها زي شُحب الحليب الصافي يرهج في الكبابي أنت بس قوليها منى بتقول ليك هوي زولة هينة ولينة وبت وبت أضيلة الله يحفظها الملكــــة ولو تعززت اعلم تعززها الأيام دي مشغولة في أمر تحضير لبرنامج ما عارف شنو لكن اعتذرت لغيابها هنا في المفاج أنها مشغولة
وهاك غني ليها الغنوة دي
Post: #483 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-14-2016, 02:02 PM Parent: #482
Quote: الله يرحمه ويغفر ليها يضاعف حسناته ويتجاوز عن سياتىهوالنفاج جاب سيرة ناس عزاز وحناناكيد من حق هبه تفخر بي امها واكيد بت بادي زوله ما ساهلهطال ما ربتك انت والولد عمره ما مات الله يطول عمرك لي احمد وتفرح بيه ياربواكيد كلام بت طلحه نستناه علي جمرا تهبه الريح
الله يرحمها ويغفر بت بادي ويرحم جميع مواتانا
تسلمي يا نسمة البطانة على هذا الكلام الطيب ومن اصلك الاناء العامر ينضح جمالاً
ومن المراثي
مرثية عمدة كلي
Post: #484 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-14-2016, 02:12 PM Parent: #483
والله ياخالد نفاجك ده بقى زي الدكان كل شويه نجي نشوفه فتح ولا لا الدكان طبعا الصباح للشاي والسكر
Post: #485 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-14-2016, 03:09 PM Parent: #484
Quote: والله ياخالد نفاجك ده بقى زي الدكان كل شويه نجي نشوفه فتح ولا لاالدكان طبعا الصباح للشاي والسكر
يا سلام يا نسمة البطانة الدكان الصباح دا كان مشوار يخلي الزول يتقل النومة شوية عشان يرسلو محجوب أخوي الأصغر ههههههههوالدكان دا حكايتو حكاية ( الكنتين ) رطل السكر و وقية شاي وكبريتة والباقي سوي في كرملة لي الشفع هههههههههههههولا طحنية يحكها بي كوز طحنية قديم المدور داك ( فيها نصف كيلو كان ) وفي قصيدة تراثية يتغنى بها الفنان عبدالرحمن عبدالله تعبير يعجبني كتير يقول فيه توب الحرير باهي وما بصرو في الشاهي
زمان الحريم لما بتاع الدكان يقول ليها واللهورق مافي ألف ليك في تقول أديني لي بصرو في توبي وتصر في طرفي توبها
Post: #486 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-14-2016, 03:47 PM Parent: #485
Quote: زمان الحريم لما بتاع الدكان يقول ليها واللهورق مافي ألف ليك في تقول أديني لي بصرو في توبي وتصر في طرفي توبها
ههههههههههه اسمع كلامك اصدقك اشوف حكاويك استغرب لكن والله طال ما ربيت الخواجه الصغير يصوقر معاك عارف يا خالد والله البتحكيه ده انا مره علي كله زمن الزمن جميل والناس حنان يجي واحد من الحبان داخل يحلفو عليه الشاي جاهز ووامك تغمز ليك وتديك ام قرشين الكع اجري جري الواقعه ماتشيله جيب نص رطل سكر وربع وقية شاي وجري تشيل كرعيك فوق راسك ولا بهمك الكلاب البسكنك لانك لو اتاخرتا زي ما تقول انت بقصوك ويلفوليك السكر في قرطاس انا كنت بقده من تحت واسف منه خالد والله بترجع لي الواحد روحه المرات بتضيع في مسارات الحياه الكلها تعقيد النفاج ده باقي الا ان ياخد الله امانته
Post: #487 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-14-2016, 03:59 PM Parent: #486
وصلت سدرة منتهاك (المشهد الثالث ) مرثية المرحوم حميد (عبدالمنعم العوض )
حميد فقدنا الضو ظلام وسنين رهاف نتبن في سراب الحسرة كايسين الضفاف ومن غير خلاف خليتنا للربا والتلاف عيش الكفاف قبلية الوان اختلاف بالرغم من در العجاف جبروته في ليلة جفاف حقك علي.. تب ماب اخاف من كل تجار السلاح الدسو كنتوش الملاح خلونا بايتين القوا ورافعين سلاح ماب اترعب انا منهم ب ازرد تميمة كيدهم في نحرهم و امسك على جمر القضية وافنهم فننن........ فنن فننن........ فنن وحميد يصن عقل البنيات دار يجن خلن مشاطن وجيهتن باللخمة ماعرفن يجن بالهجمة من الصدمة ماعرفن يجن صوتك مهابتك دلتن حراتنا جن جن سوقرن خمن بكن شكلن ونقزن وسكلبن الليلة وووب الليلة وووب خليتنا لي وعد الهبوب شوف العبوب الفاوة يا عهد الخبوب سجنونا وووب هانونا وووب دقونا وووب كتلونا وووب غصبونا ووبين.. واللا وووب فاقدنك آآآ حميده وووب وقلبن كلامن ومنحن اخونا فارس الحوبة عدال العوج مقنعنا مفتاح الفرج يا نورنا في عز الظلام نضالنا.. حرية وسلام نصفنو ما خلن كلام زين وصفن حزنا انتفن فوق قوز الرماد وقفنا اتوشحنا بي علم الحداد رجعنا استغفرنا لي رب العباد شدينا حيلنا وما انقطع عصب الوزين سجينا شناط الشعر واتحزم البلد الحزين شلناك على كتف الوطن داعين و مبتهلين وختيناك بسم الله في روضة جنان حامدين وكتبنافوق لحد المكارم للزمن... شاهدين بسم الحق بي سر الكلام القلتو منضوم في عقد القصيد الزنتو مسنون باوزان الحسام الشلتو مكنون في لحن الغناوي نفحتو في المعنى الرصين شاهدين! ....شاهدين!
Post: #488 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-14-2016, 03:59 PM Parent: #486
وصلت سدرة منتهاك (المشهد الثالث ) مرثية المرحوم حميد (عبدالمنعم العوض )
حميد فقدنا الضو ظلام وسنين رهاف نتبن في سراب الحسرة كايسين الضفاف ومن غير خلاف خليتنا للربا والتلاف عيش الكفاف قبلية الوان اختلاف بالرغم من در العجاف جبروته في ليلة جفاف حقك علي.. تب ماب اخاف من كل تجار السلاح الدسو كنتوش الملاح خلونا بايتين القوا ورافعين سلاح ماب اترعب انا منهم ب ازرد تميمة كيدهم في نحرهم و امسك على جمر القضية وافنهم فننن........ فنن فننن........ فنن وحميد يصن عقل البنيات دار يجن خلن مشاطن وجيهتن باللخمة ماعرفن يجن بالهجمة من الصدمة ماعرفن يجن صوتك مهابتك دلتن حراتنا جن جن سوقرن خمن بكن شكلن ونقزن وسكلبن الليلة وووب الليلة وووب خليتنا لي وعد الهبوب شوف العبوب الفاوة يا عهد الخبوب سجنونا وووب هانونا وووب دقونا وووب كتلونا وووب غصبونا ووبين.. واللا وووب فاقدنك آآآ حميده وووب وقلبن كلامن ومنحن اخونا فارس الحوبة عدال العوج مقنعنا مفتاح الفرج يا نورنا في عز الظلام نضالنا.. حرية وسلام نصفنو ما خلن كلام زين وصفن حزنا انتفن فوق قوز الرماد وقفنا اتوشحنا بي علم الحداد رجعنا استغفرنا لي رب العباد شدينا حيلنا وما انقطع عصب الوزين سجينا شناط الشعر واتحزم البلد الحزين شلناك على كتف الوطن داعين و مبتهلين وختيناك بسم الله في روضة جنان حامدين وكتبنافوق لحد المكارم للزمن... شاهدين بسم الحق بي سر الكلام القلتو منضوم في عقد القصيد الزنتو مسنون باوزان الحسام الشلتو مكنون في لحن الغناوي نفحتو في المعنى الرصين شاهدين! ....شاهدين!
Post: #489 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-14-2016, 03:59 PM Parent: #486
وصلت سدرة منتهاك (المشهد الثالث ) مرثية المرحوم حميد (عبدالمنعم العوض )
حميد فقدنا الضو ظلام وسنين رهاف نتبن في سراب الحسرة كايسين الضفاف ومن غير خلاف خليتنا للربا والتلاف عيش الكفاف قبلية الوان اختلاف بالرغم من در العجاف جبروته في ليلة جفاف حقك علي.. تب ماب اخاف من كل تجار السلاح الدسو كنتوش الملاح خلونا بايتين القوا ورافعين سلاح ماب اترعب انا منهم ب ازرد تميمة كيدهم في نحرهم و امسك على جمر القضية وافنهم فننن........ فنن فننن........ فنن وحميد يصن عقل البنيات دار يجن خلن مشاطن وجيهتن باللخمة ماعرفن يجن بالهجمة من الصدمة ماعرفن يجن صوتك مهابتك دلتن حراتنا جن جن سوقرن خمن بكن شكلن ونقزن وسكلبن الليلة وووب الليلة وووب خليتنا لي وعد الهبوب شوف العبوب الفاوة يا عهد الخبوب سجنونا وووب هانونا وووب دقونا وووب كتلونا وووب غصبونا ووبين.. واللا وووب فاقدنك آآآ حميده وووب وقلبن كلامن ومنحن اخونا فارس الحوبة عدال العوج مقنعنا مفتاح الفرج يا نورنا في عز الظلام نضالنا.. حرية وسلام نصفنو ما خلن كلام زين وصفن حزنا انتفن فوق قوز الرماد وقفنا اتوشحنا بي علم الحداد رجعنا استغفرنا لي رب العباد شدينا حيلنا وما انقطع عصب الوزين سجينا شناط الشعر واتحزم البلد الحزين شلناك على كتف الوطن داعين و مبتهلين وختيناك بسم الله في روضة جنان حامدين وكتبنافوق لحد المكارم للزمن... شاهدين بسم الحق بي سر الكلام القلتو منضوم في عقد القصيد الزنتو مسنون باوزان الحسام الشلتو مكنون في لحن الغناوي نفحتو في المعنى الرصين شاهدين! ....شاهدين!
Post: #490 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-14-2016, 06:56 PM Parent: #489
Quote: ههههههههههه اسمع كلامك اصدقك اشوف حكاويك استغرب لكن والله طال ما ربيت الخواجه الصغير يصوقر معاك عارف يا خالد والله البتحكيه ده انا مره علي كله زمن الزمن جميل والناس حنان يجي واحد من الحبان داخل يحلفو عليه الشاي جاهز ووامك تغمز ليك وتديك ام قرشين الكع اجري جري الواقعه ماتشيله جيب نص رطل سكر وربع وقية شاي وجري تشيل كرعيك فوق راسك ولا بهمك الكلاب البسكنك لانك لو اتاخرتا زي ما تقول انت بقصوك ويلفوليك السكر في قرطاس انا كنت بقده من تحت واسف منه خالد والله بترجع لي الواحد روحه المرات بتضيع في مسارات الحياه الكلها تعقيد النفاج ده باقي الا ان ياخد الله امانته
هههههههههههههه أصوقر بس ابوي مرة اشترى لي سكين قال إلا يشيلها معا ( سير الجفير ودا لي بتاع تجليد الجفير سغرو لي ) والله الخواجة لو شوفني لابس العراقي والسروال الطويل والسكينوشايل سوطو يوم عرس محجوب اخوي تضحكي لما تقعي وأجمل شى أمو كانت معجبة بي لبستو اللبسة دي يوم الحنة حلف ستين يمين إلا يلبسها بكرة يوم الدُخلة بعد الحلفلة مو غسلتها وبسا يوم العرس عند البطاحين في بري أبوي قال لي يشبه جون جون دا خواجة بريطاني استاذ لغة أنجليزية في مدرسة شندي الثانوية كان ساكن في حلتنا يوم الجمعة الضهر بمش اللالوبة ( إنداية المريسة ) ويجي راجع لابس الجلابية البلدية البيضاء والطاقية الحمراء ( مشغل ) وعصاتو حاقبا وشايل جردل المريسة يقيل بي ههههههههههههه
ضحكت في قدتك لي ورقة السكر تسفي منو أتذكرت بت خالتي كانت سغيرة سفت لبن البدرة ( سفت نص العلبة ) أمها لما جات سألتها قالت ما سفيتو أنا أظنو دا السر أخوي ... السر أكبر منها ... مسكها خبتا بنية بكت وأستفرغت لبن البدرة ههههههههههه امها ضحكت فيها ضحك بنت خالتي دي هسي معاكم في السعودية بناتها في الجامعة كل ما اتصل فيها بذكرها القصة دي يا نسمة البطانة زمن زمان كان زين وكان الناس مليانة محنة ومرتاحة لا هم لا غم ضحك وقرقراب شاي فوق شاي وبينهم قهوة وقراصة بي تمر بي سمنة بلدية ويسلقوا عيش الريف أو فوق الجمر يقلبوا ومدايد أشكال وأنواع الناس من تصبح لامن تقول سلام يا العنقريب يدهم في خشمهم وضروسهم تلوك
أنا تهت في الأشواق
Post: #491 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-14-2016, 06:59 PM Parent: #490
Quote: وصلت سدرة منتهاك (المشهد الثالث ) مرثية المرحوم حميد (عبدالمنعم العوض )
يا العافية منعم دا شعرو جميل والله ورثائه من القلب ملئ بالمشاعر الجميلة الي يكنها لحميد
Post: #492 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-14-2016, 07:02 PM Parent: #491
بدور النجعة لي دار الأهل والحبان ولعتي فيا نار وشوق لي شندي لكل زرة تراب في شندي من دكان ود العطا لي دكان التعاون
ومتين نرجع للبلد طولنا من أرض الحُنان
Post: #494 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 04-15-2016, 04:16 PM Parent: #492
Quote: بت عمسيب دي زولة قلبها زي شُحب الحليب الصافي يرهج في الكبابي
بلحيل يامك ,, هى زولة قلبها ابيض شديد ودى اجمل حاجة فى الانسان بس ياخ يفوروا دمها الناس تجى تفشها فى انا. انا ماعندى مانع ,, بس ياخ الحتة الـ فيها الحديدة دى بتكبِّب الدم وانا زول سكرى ,, يعنى هى قنعت منى ولا شنو؟ قالوا واحد عندو حمارين واحد فيهم انطلق وخرب البرسيم ,, سيد الحمار جا وقع فى الحمار المربوط كَبِع قال ده كان إنطلق أظرط من رفيقو.
Post: #495 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-15-2016, 06:23 PM Parent: #494
Quote: قالوا واحد عندو حمارين واحد فيهم انطلق وخرب البرسيم ,, سيد الحمار جا وقع فى الحمار المربوط كَبِع قال ده كان إنطلق أظرط من رفيقو.
ههههههههههههههههههه والله أنت مسلط بت عمسيب لمت فيك وين ظ تعرف هي وكت تكون مسوية الدية ما بتشوف الورد ما بضعف النظر وهي الحواشات كلها ورد ليسى لحقا الصح
Post: #496 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-16-2016, 01:40 PM Parent: #495
أغاني لي الرايحة كثير من شعراء السودان تغنوا وأشعرو شعراً يسير بيننا وظل صامداً لشئ عزيز ضاع منهم
وكانت العزة في معناه المعنوي وليس المادي تغني أحدهم لطاقية ضاعت منه أكيد كانت الطاقية هدية أم مزين وما مشرية من
وكانت الطواقي تنسج بالمشغل والكروشي وهذه كانت حرفة نسائية وقد برعم فيها لانها تحتاج لصبر والمرأة تجيد كلما ما يحتاج لصبر وهذا بطبعها صبورة وحتى على المر
وكذلك تغنى أخر لخاتم ضاع منه نسمع معا ولحين ميسرة اجد فيديو ( المشبوكة ضاعت )
خامي اب ياقوت والياقوت حجر كريم يوضع في الخاتم ولون الياقوت أحمر و أزرق
Post: #497 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-16-2016, 02:34 PM Parent: #496
كانت أجمل هدية من المحبوبة إلى محبوبها منديل فيه حرفها وحرفه على شرط تكون بالحروف الإنجليزية ههههههههههههه المنديل عزيز على الحبيب وكيف الحال إذا ضاع ذاك المنديل لابد أن يشعر مثلما أشعر أحدهما وكانت دعواته قاسية على من وجد المنديل وأختفظ به لم يرجعه له
منديلي ضاع مني خلف الله حمد
Post: #498 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-16-2016, 03:41 PM Parent: #497
خالد سلاووووم عارف عماد ده بكون دفعتك هو اصغغر مني
ههههههههههههه الحمد الله معناها أصغر من بت عمسيب هسي تجي تهيج فيني منتظرين عودتك وجرابك ملان يا أدبية اي والله كنت مشغول زوجة خالي كانت هنا ورجعت يوم السبت اليوم صباحاً جات زيارة لبنتها
Post: #500 Title: Re: نفااااااج نغم في زمان ضاق فيه الحال Author: مني عمسيب Date: 04-17-2016, 11:12 AM Parent: #499
كو كو كو
بري مافي زول النشيل اهلي .
Post: #501 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-17-2016, 01:03 PM Parent: #500
Quote: كو كو كو
بري مافي زول النشيل اهلي .
Post: #502 Title: Re: نفااااااج نغم في زمان ضاق فيه الحال Author: اسامه العريفي Date: 04-17-2016, 01:19 PM Parent: #501
السمحة قالوا مرحله بعدك الفريق اصبح خلا جاني الخبر جاني البلا والسمحة قالوا مرحله قول يا لسان في الراحله صوغ المعاني وجملا نافر وما عارف العلي حالي العلي حال الخلا يا عيني جافيتي المنام وخدودي دمعك بللا وين بعدك القي عطوف يلم أفكاري بعد البهدله روح يا نسيم روح قابلا تلقاها نايمة وغافله داعب لخصلات شعرها والثم ضفايرا المسدله وارفع كتيفا الهادلا وكلل خدودا وقبلا وقول ليها من بعدك خلاص شفنا الفريق اصبح خلا يا ربي لحظات الوداع امثالي كيف يتحملا الليلة بوصيك بالحبيب عندك امانة تحملا وتديم علي الخير والهنا وكل يوم تضاعفلوا الحلا قلبي الحنين من قام صغير طول عمرو لا جفا لا سلا
لك الف رحمة استاذنا مصطفي
Post: #503 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-17-2016, 01:55 PM Parent: #502
Quote: السمحة قالوا مرحله بعدك الفريق اصبح خلا
ود الأستاذ اسامة كيف الحال السمحة دي منو ؟ و مرحلة وين
Post: #504 Title: Re: نفااااااج نغم في زمان ضاق فيه الحال Author: اسامه العريفي Date: 04-17-2016, 02:01 PM Parent: #503
Quote: السمحة دي منو ؟ و مرحلة وين
يا زول انا رحلة الحلة كلها هههه
الواتس ما شغال عندك
Post: #505 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-17-2016, 02:32 PM Parent: #504
Quote: يا زول انا رحلة الحلة كلها هههه
الواتس ما شغال عندك
هههههههههههههههههه كنت زي الزين ؟
انا رقم تلفون الواتساب هو 00971508612431 ما بطلع بي من البيت يعني لما ما ارد تاكدأني خارج البيت هههههههههههه وتلفوني العادي المحمول 00971501546277 دا فقط للاتصال والمواصلة هاتفياً الأول واتساب بس
Post: #506 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-18-2016, 07:57 AM Parent: #505
حباب ناس النفاج ومبرك الطابق السادس يارب يكون برج عديل وعامر بالحبان خالد مرة خالك لسه معاكم ولا مالك؟
Post: #507 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 01:13 PM Parent: #506
Quote: حباب ناس النفاج ومبرك الطابق السادس يارب يكون برج عديل وعامر بالحبان خالد مرة خالك لسه معاكم ولا مالك؟
العزيزة نسمة البطانة كيف الحال لا والله سافرت لكن منجم شوية من تعب الجري معاها كيف أنت والعيال بعدين بنات بلاد اليانكي خاصمنا
وأماتي القبيل بي حنهن لجني كرفة وقلدا كيف شوق اللبن رجني
كيف أخبار المناضل المحرب
Post: #508 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 02:38 PM Parent: #507
أغنية وين يا سمير ما جيتا حجبوكَ ولا نسيتا من الأغاني الخالد وقد ذكر محمود ابوالعزائم أنها من الأغاني مجهولة الشاعر ولميحالفه الصواب في هذا هذه الأغنية شاعرتها وكما ذكرتسابقاً من مدينة شندي الشاعرة ( الملكـــة بت حاج أحمد ) ولها من الأشعار الكثير في زوجها عليه رحمة الله عليهما من أشعارها في زوجها
الفارقت سيد بيتها خداري ما بخلي وغيرها من الأغاني المحلية
وهي شاعرة في زمان كان في صوت المرأة شعراً عيب وبالذات في قصائد غزل حملت الشاعرة الملكة هذا القصائد للفنان عثمان الشفيع على شر أن يحفظ سرها ولا يذكر اسمها ونسبت القصائد بعضها للشاعر القرشي بعد أن أجرى عليها الطفيف من التعديل في المفردة مثال هي تقول وين يا بشير ما جيتا وبشير هو بشيربادي عبدالرحمن كان ضابط كبير في الجيش قبل الأستقلال ومات في فلسطين عندما حارب الجيش السوداني جنب لجنب مع المصرين في العمق وكان ايامها بشير بادي برتبة ضابط أوزباشي ( نقيب ) وكان معه الرئيس جمال عبد الناصر و أنور السادات برتبة ملازم أول وقدذكره الرئيس الراحل جمال عبد الناصر في زيارته للسودان في عام 1970 وأنهم كانوا يلقبونه بالفهد الأسود لجسارته وشجاعته وهذا الشئ موثق وموجود في قصاصة جريدة قديمة نقلاً من خطاب الرئيس جمال عبد الناصر الذي تحدث عنه طويلاً يوصف شجاعة هذا الرجل بشير بادي من أبناء شندي فوق مربع ثمانية تزوج بمرأتين زوجته الأولى هي المحبوبة له كانت الشاعرة الملكة بت حاج أحمد وأنبتله بنت واحدة وزوج من بنت عمه في ذاك الزمن الذي يقول البت لي ود عمها
Post: #509 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 02:40 PM Parent: #508
Post: #510 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 02:43 PM Parent: #509
وين يا بشير ما جيتا بصوت الفنان الجابري
Post: #511 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 02:46 PM Parent: #510
وين يا بشير ما جيتا بصوت الفنان زيدان إبراهيم
Post: #512 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 02:48 PM Parent: #511
وين يا بشير ما جيتا
بصوت الفنان عبدالكريم الكابلي
Post: #513 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-18-2016, 02:50 PM Parent: #511
اهلين ياخالد يعني عندك كترت كلام وكم هايل من المعلومات ماشاء الله تبارك الرحمن انت موسوعه عديل هههههههه باكر يجيك وجع راس تقول بت ابحريره سحرتني
Post: #514 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 02:54 PM Parent: #513
وينيا بشير ما جيتا
بصوت البلابل
Post: #515 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 03:04 PM Parent: #514
Quote: اهلين ياخالد يعني عندك كترت كلام وكم هايل من المعلومات ماشاء الله تبارك الرحمن انت موسوعه عديل هههههههه باكر يجيك وجع راس تقول بت ابحريره سحرتني
عينك باردة يا بت ابوحريرة ونسمة البطانة والبسمي الله ما بسحر وأنت أسبقت الحديث بقولك تبارك الله ولا عين بعد ذكر أسم الله
المعلومة تملكتها من الوالدة عليها رحمة الله وحصل غلاط بيني وبين أحد الأخوة وذكرت له كل ما كنت أعلم عن موضوع هذه الأغنية لكنه لم يقتنع وعندما رجعت في أحد عطلاتي تأكدت من المعلومة بل زدت عليها أولاً بشير الذي نظمت فيه هذه القصيدة هو ابن أخ والدي ...... بشير بادي عبدالرحمن محمد إبراهيم وأنا ابوي / علي محجوب محمد ابراهيم وابن عم أمي كان ضابط في الجيش وكان وسيم تزوج الملكة وهي لم تكن من أهلنا في زمان كان زواج الولد لبنت عمه وكل أهله كانوا معارضين في هذا الزاوج ليس لان الملكة ما تستاهلوا ( بل كانت تستاهلوا لانها كانت من ملكات الجمال في شندي ) ولحين ا، توافها الله كانت جميلة ونحن شفناها ونحن صغار وبعدها حصلت الجفوة بين المحبوبين عندما رأى الأهل انه لا فائدة نقلت الوشيات وقيل ما قيل حتى يبعدوا قلبه منها ويتزوج بنت عمه وقد نجحوا وتأذت الملكة من ذلك وسوف اذكر لك قصة ودوافع قولها هذه الأغنية
Post: #516 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-18-2016, 03:11 PM Parent: #515
متابعين كمل القصه
Post: #517 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 07:39 PM Parent: #516
عندما أصرَّ بشير بادي على الزواج من الملكة تزوجها وعاشت معه لكن الأهل كانوا يريدون له بنت عمه وعملوا لذلك وسعوا رغم أن الملكة كانت جميلة جمال مبالغة فيه وطيبة أكثر من جمالها المهم زرعت فتن حتى زعلوا منها الحبيب بكلام هي برئية منه وبدت الجفوة بينهما والملكة كانت تعلم أن الحبيب وصله كلام مغلوط أرسلت له مراسلها ليكون بينهم لقاء بعيدا عن أعين الناس زماناً الساعة ستة مساء ومكان معروف و أوصل المرسال الوصية ولكن بشير لم يأتي وكان مولد القصيدة وين يا بشير ما جيتا حجبوك ولا نسيتا لاحظي أنها تخلق له العذر ... ولا نسيتا رغم أن بيت أهلها وأهله قربين من بعض لكن عز اللقاء حتى تزوج بنت عمه رضى على أهله ولكن عرف حقيقة الكلام وعاوده الحنين لمن أحبه قلبه فعاد لها مرة أخرى وردها في مسماها فكتبت خاري ما بخلي الليلة وين يا الأخدر لونوزرعي
وثم مرت الأيام فتم أستدعاء بشير بادي ليكون ضمن الجند المبعوثين لمصر ومنها لفلسطين للحرب فلبى النداء فكتبت يوم وداعه في محطة شندي ( السكة الحديد ) الفارقت سيد بيتا الليلة وين يا روحي
والتي قلبت كلماتا في المقطع الأول فقط الفارقت ما لقيتا الليلة وين يا روحي
ذكر جمال عبد الناصر إستبسال هذا الفهد الخضر عندما قاتل معه جنب إلى جنب في عمق فلسطين وقد قاد عمليتين الأولى كانت هجموم في العمق والثانية كانت لفك أسرى وقعوا في يدي الأسرائيلين ومات فيها بشير باديبعدأن حررالأسرى المصرين ويقول جمال أنه شارك في عملية فك الأسرى الثانية تحت قيادة بشير بادي وحضر استشهاده رحمة الله لهم أجمعين ويبقى الذكرى مخلدة في كلمات زوجه الوفية الملكة بت حاج أحمد وبالناسبة هي من أسرة الفنان الكبير الطيب عبد الله ( خالة أمه أفتكر )
الطيب عبد الله أيضاً من الذين تغنوا بقيدة وين يا بشير ما جيتا لكن لم أجد لها تسجيل فيديو
Post: #518 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 07:48 PM Parent: #517
خداري والصحيح كتبتهذه القصيد بعد زواجه مباشرةً
هذه الأغنية أدخلت عليها مقاطع وحزفتمنها مقاطع
Post: #519 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-18-2016, 08:07 PM Parent: #518
الفارقت سيد بيتا
التسجيل الثاني بصوت بنات عثمان الشفيع ذكريات ومعزة
Post: #520 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 04-18-2016, 08:29 PM Parent: #519
Quote: اهلين ياخالد يعني عندك كترت كلام وكم هايل من المعلومات ماشاء الله تبارك الرحمن انت موسوعه عديل هههههههه باكر يجيك وجع راس تقول بت ابحريره سحرتني
آى يابت ابحريرة ,, المنسى التقول السر قدور جده. ودالمنسى ده سماحتو الزول يلِم فيهو فوق حَجْرَة التيل وفى راكوبة قصب وجنبها بابور ليستر ينتَح والشاى مدَوِّر وهو يحكى والقمَر مضَوِّى كيفك وكيف العول يابت ابحريرة ,,
Post: #521 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-19-2016, 07:04 AM Parent: #520
Quote: آى يابت ابحريرة ,, المنسى التقول السر قدور جده. ودالمنسى ده سماحتو الزول يلِم فيهو فوق حَجْرَة التيل وفى راكوبة قصب وجنبها بابور ليستر ينتَح والشاى مدَوِّر وهو يحكى والقمَر مضَوِّى كيفك وكيف العول يابت ابحريرة ,,
مرحبتين حباب الخال والله ياعبدالعزيز ماشاء الله تبارك الرحمان خالد ده ملا راسي زول خلا وعربي قح وزول شيخ عرب ودي مابتخفي علي عين العامه ماعاوزه ليها حصاف بالرغم من انه حياته جلها كانت وما زالت في الغرب والله واحد غيره يلولو ليك الكلام لما ماتطلع منه لابحق ولا باطل وكتير يكون اللولوه دي كلها هو زاته ما فاهمه منها حاجه وراس ماله الوحيد انه عايش في الغرب وبعدين الزول ده طلع صغير في السن كان ماتقع علي كضبه يانديد بت عسيب يا اصغر منها هههه تاني ملم ومترع بي اخبار الشعر والفنانين وحكاويهم وعولمهم الجميله بعدين زول ضو ستار عروض وقضاي قروض بشوف فيه شبه اخواني زول حلو معشر وانت كمان ياخال ما بتتخير منه
Post: #522 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-19-2016, 07:12 AM Parent: #521
مرثية حميد (المشهد الرابع) - عبدالمنعم العوض
الموت ده حق بكت الرجال بلدنا.....جال يا شيخي ود ختم الكمال منذر انا....وجدوالامين براقو...شال ياسيدي سيد العارفين كل الجنايز... تندفن ؟ امرا.... عجيب! مولانا .......صلي علي الحبيب دايرنهم ينداوا بي ضرب الدبيب امرق! امرق! امرق واطلب الفضلة من أثر الرسول واكشح عليهم من ثرى الحسوات وقول شاهت وجوه بئس الوجوه السودت وجه الوطن وياانت ياودالحسن انت الحسن طبعك حسن ياالفت يعرب والرطن والما رطن ماشفت شي الناس ترصرص في الصفوف ماشفت شي الناس تنقر في الدفوف ما شفت شي واقفين علي طرف النهار المحتشي وجات البشاير تنتفض مقيودة بي بركة قوافيك تنتشي ملت الشوارع بالهتاف ابت الشوارع تتمشي رقصت طرب بلا وانجلا ما قال بجي روح مشي ياخي الخريف محق خلا بيوضة والزمن الصعيب فات بي وشي الهم رحل ورفعنا رايات النصر مشدودة بي حبل الصبر مسنودة بي شعب المحل يافرحة ما سمت ولا لمت ولا تمت ولا عاش الامل خاذوق نزل ينقذنا قال ينقزنا قول وطعنا في القلب الهمل سال دمو جرحو الما اندمل يا شعب لا ياخدك وجل يا الماك جبان ما عاش من بيك استهان عرطملك الحجر الشقي وخسر الرهان زح يا حجر ما ليك مكان ارحل.. كما القبلك رحل اقنع .....حار بيك الدليل انجع......عارفين البديل الحق ...والدرب والعديل اسمع....وسمعك مو تقيل الموت ...يحوم اطلع ...وجنبنا الدموم غادر...بتكفينا الهموم الغم واحزان السنيــن ارحل متل ما سوى زين ارحل وان لم تمتثل جاياك رياح الصابرين جاياك رياح الصامدين جاياك رياح الصامتين تكفي القدور وتقلع خيام حكم الفجور وتطلق عقال جملو وتثور تفرنب الدجل الكجور وترفرف فوقنا روح حميد تدور تندهنا تملا العتمة نور نادوسك المقطوع يلم خاتي النضم قولة بغم يظهر كما الفتح المبين هبت رياح الصابرين هبت رياح الصامدين هبت رياح الصامتين ونفكو دين دين الوطن حاملنوا دين لازم ننزلو من ضهر هم السنين وينحل قيدك يا بلد فجرك يبين
عبدالمنعم العوض -الرياض -21 مارس 2012م
Post: #523 Title: Re: نفااااااج نغم في زمان ضاق فيه الحال Author: محمد عبد الله الحسين Date: 04-19-2016, 07:36 AM Parent: #522
الأخ محجوب علي ما شاء الله اتاري البوست مليااان كده و أنا ماعارف؟ انشغلت الأيام الفاتت و بجي ماري جنب البوست لكن ما لفت نظري العنوان و بفوت طوالي. الليلة قلت أخش أشوف.اتفاجأت بإنه البوست موسوعة شاملة للأغاني الجميلة بذكرياتها و شعارءها. شكرا ليك لقد أمتعتني و علمتنا. آسف للتأخير و التقدير الجا متأخر. مزيد من التوثيق و التوفيق.
Post: #524 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-19-2016, 01:32 PM Parent: #523
Quote: آى يابت ابحريرة ,, المنسى التقول السر قدور جده. ودالمنسى ده سماحتو الزول يلِم فيهو فوق حَجْرَة التيل وفى راكوبة قصب وجنبها بابور ليستر ينتَح والشاى مدَوِّر وهو يحكى والقمَر مضَوِّى كيفك وكيف العول يابت ابحريرة ,,
والله يا الفاضلابي يا أخوي هذا الشعور ملازم جنبي كلكم لي حدكم ولاد وبنات مشتهي لي قعدة معاكم طويييييلة ننفخ فيها كل آهاتنا مع المزمار نسمر نتحدث وعازكم كلكم السنة دي لو الله حينا في شندي تجوني البنزل إجازة في ديسمبر غايتو بت عمسيب أظنها تمش السودان لكن ات والمحرب وحرمة نسمة البطانة وبنات أمريكا الزينات و أولاد شندي حسين والعريفي وكل من زار هذا البوست وأخونا الجديد ود الحسين تعالوا شوفو جناين شندي ناس شندي وديل أحلى شى في شندي ( ناسها وجناينها ) إت مالك قابع في بلاد اليانكي دي أبيت الطلة خايف تمرق ما يدخلوك لكن ما تجيب لي معاك العرريب المسينيح ود شيقوق وقبل ايام في الشارقة لقيت محل مكتوب علي ساعات ود شقوق قربت انزل اخت لي ياء هههههههههههههههههه
Post: #525 Title: Re: نفااااااج نغم في زمان ضاق فيه الحال Author: اسامه العريفي Date: 04-19-2016, 01:38 PM Parent: #524
قول 1 بتلقاني سابقك لو ربنا مد في الروح
Post: #526 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-19-2016, 01:39 PM Parent: #524
Quote: مرحبتين حباب الخال والله ياعبدالعزيز ماشاء الله تبارك الرحمان خالد ده ملا راسي زول خلا وعربي قح وزول شيخ عرب ودي مابتخفي علي عين العامه ماعاوزه ليها حصاف بالرغم من انه حياته جلها كانت وما زالت في الغرب والله واحد غيره يلولو ليك الكلام لما ماتطلع منه لابحق ولا باطل وكتير يكون اللولوه دي كلها هو زاته ما فاهمه منها حاجه وراس ماله الوحيد انه عايش في الغرب وبعدين الزول ده طلع صغير في السن كان ماتقع علي كضبه يانديد بت عسيب يا اصغر منها هههه تاني ملم ومترع بي اخبار الشعر والفنانين وحكاويهم وعولمهم الجميله بعدين زول ضو ستار عروض وقضاي قروض بشوف فيه شبه اخواني زول حلو معشر وانت كمان ياخال ما بتتخير منه
بت أبو حريرة ونسمة البطانة والله يعلم أكن لكم كل الود والتقدير اسرة طيبة إنت والفحل ضو القبائل ود المحرب وكل مناي أدعو الله أن ألقاكم عياناً لكن ما إتلومتي لوم اليابا فضيل (أنا قدر بت عمسيب ههههههههههه ) وتسلمي كتير يا العافية والعافية تغطيك وتغطي وليداتك مودة واحترام
Post: #527 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-19-2016, 01:45 PM Parent: #526
Quote: الأخ محجوب علي ما شاء الله اتاري البوست مليااان كده و أنا ماعارف؟ انشغلت الأيام الفاتت و بجي ماري جنب البوست لكن ما لفت نظري العنوان و بفوت طوالي. الليلة قلت أخش أشوف.اتفاجأت بإنه البوست موسوعة شاملة للأغاني الجميلة بذكرياتها و شعارءها. شكرا ليك لقد أمتعتني و علمتنا. آسف للتأخير و التقدير الجا متأخر. مزيد من التوثيق و التوفيق.
ود الحسين سلام الله ما ضراك يا طيب أتفضل ابقى داخل يا الحبيب والقهوة جاية اضبح كبش يا جنى ما دامالأسف ما فات الكثير والجاي اكبر خليك قريب يا جميل الروح
Post: #528 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-19-2016, 01:47 PM Parent: #527
Quote: قول 1 بتلقاني سابقك لو ربنا مد في الروح
إن شاء الله لكن ما تلبد لي في غبار البندر تعال علي شندي عيد ذكريات الصبى
Post: #529 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-19-2016, 01:49 PM Parent: #527
Post: #530 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-19-2016, 01:49 PM Parent: #527
Post: #531 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-19-2016, 01:55 PM Parent: #530
قصرنا معاك ياخالد عصام وده اصغر واحد عندي كل ما يجي بلقاني فاتحه البوست قبيل قال لي هو البوست ده لسه ماخلص قلت ليه البوست ده شكله ح يبقي برج خالد علي وزن خليفه هههه
Post: #532 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-19-2016, 03:18 PM Parent: #531
Quote: قصرنا معاك ياخالد عصام وده اصغر واحد عندي كل ما يجي بلقاني فاتحه البوست قبيل قال لي هو البوست ده لسه ماخلص قلت ليه البوست ده شكله ح يبقي برج خالد علي وزن خليفه هههه
ههههههههههههههههه عصام ربنا يحفظه وقولي حا نظل نتجادع الكلام لما ربنا يكتب الفي المصير نتقابل والله يا بت ابوحريرة الزول الأسمو الفاضلابي دا نفسي اقابلو ويكون همنا فاضي ونقعد بس نحكي كان زمان مرات بدخل علي في الأسكايب نتونس بالكام وتعرفت على كل اسرته لكن مشاغل الدنيا أم قدود شغلتو مننا
لكن كبشك كبش بطانة يا نسمةالبطانة إنتو بتنحروا البتسبل هيييييييع أهل الكرم والواجب ديل أهلك الكريمة بت الكرام
Post: #533 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-19-2016, 04:09 PM Parent: #532
حبابك ياخالد انت عارف ابوالخليفه البتكلم في الفديو ده شقيق الملكه سميه الحسن طلحه
Post: #534 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-19-2016, 06:40 PM Parent: #533
Quote: حبابك ياخالد انت عارف ابوالخليفه البتكلم في الفديو ده شقيق الملكه سميه الحسن طلحه
لا والله ما كنت أعلم ماشاء الله ربنا يحفظه
Post: #535 Title: Re: نفااااااج نغم في زمان ضاق فيه الحال Author: Khalid Saeed Date: 04-20-2016, 12:52 PM Parent: #534
كان بشير بادي بادي رجل اسمر طويل القامة كامل الوسامة كان منصبه رتبة يوزباشي ( النقيب ) في ذاك الزمان أكبر من رتبة فريق حين كان اكبر رتبة يمكن أن يصل لها الجندي السوداني صاغ ( رائد )
كانت الملكـــة ستستات الجمال في شندي لذا قالت خداري وما بخلي أنا وين يا الأخدر لونو زرعي
انتَّ تعلم قلبي مفعم إنتَّ ترحم ليكَ مغرم التجافي ديمة أظلّم والوصال يا روحي أكرم
قولي مالي يا خي مالي هايمة فيك وما ببالي الله يعلم شلت بالي ورفضت وصلي يا أخي مالي
غير الشاعر القليل في المقطع الثاني حتى يوحي أنها نظمت في بنت لقد أوفى الفنان عثمان الشفيع ولم يذكر أسم الشاعرة ( كما طلبت هي ) ووضحنا السبب كل أشعار الملكة بت حاج أحمد محفوظة عند أبناء بنتها الوحيدة من بشير بادي ومن ضمن قصائدها قصيدة لبنتها في صغرها غنت لها أغنية بعدها تناولتها ألن البنات في كل بقاع السودان وزيد فيها من المقاطع الشعرية وأصبحت أغنية سباتة ( او أغاني البنات ) تقول فيها
البتولة حلاتا يا زولة البتولة ما خملة ما بتلعب في الرملة وست البنات جملة
ولها الكثير من أشعار الرثاء والحماسة وهي شاعرة لا يشق لها غبار لكن عاشت واشعرت وماتت دون أن يعرفها زول
Post: #537 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-20-2016, 06:20 PM Parent: #503
.
Post: #538 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-21-2016, 01:17 PM Parent: #537
Post: #539 Title: Re: نفااااااج نغم في زمان ضاق فيه الحال Author: مني عمسيب Date: 04-23-2016, 01:15 PM Parent: #538
الشوق والريد ..
Post: #540 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-23-2016, 03:36 PM Parent: #539
انتَّ تعلم قلبي مفعم إنتَّ ترحم ليكَ مغرم التجافي ديمة أظلّم والوصال يا روحي أكرم
قولي مالي يا خي مالي هايمة فيك وما ببالي الله يعلم شلت بالي ورفضت وصلي يا أخي مالي
ههههههه والله النفاج جاب كلام هههه بت عمسيب عاوزين الكرامه
فيصل كيف حالك
Post: #549 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-24-2016, 07:41 PM Parent: #548
Quote: والله يا خالد شغلة بالي عليك لكن في حضرت القامه ابوبكر اكيد التمسنا ليك العزر ومن لقي احبابه نسي اخوانه هههههه يارب دائما تكون بخير ونسمع عنك كل طيب
افو أنسى منو أنتم كل زادي في الحياة بس الواجب ابوبكر كرم الكرم عندم نمشي السودان ونلتقيه اليوم مشى ابوظبي برجع بكرة كيف الأسرة صغار وكبار علهم بخير وعافية وتسلمي يا بت ابوحريرة
Post: #550 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-24-2016, 07:45 PM Parent: #549
والله يا عفاف الزول دا ألذ زول في الدنيا أنا طبعاً معه عُشرة سنين في المجر وله من القصص والحكاوي ايوا هو قديمفي المجر قبلنا نحن لما جينا لقينا فيسل عمل الماجستير ومتزوج وعنده فاطمة عمر اربعة أشهر وما شاء الله فاطمة الآن افتكر خلصت كلية التجارة فاطمة تشبه البصاولة والعسولة هي سلمى تدرس صيدلة الأن في سنينها الأخيرة كانت تحبني حب شديد وحتى في صلاة العيد تصر أن تجلس أمامي ههههههههه ( بي بنطلونها الأسود والبلوزة البيضاء ) فيسل كان ساكن في قرية كبير ( شبه مدينة ) اسمها بلقار تبعد عن مديتنا حوالي 80 كيلومتر أول مرة أمشي لي هو كان في مدينتنا وصف لي كيف اركب البص ومن وين وايه اقول لي السائق ( نزلني في بلقار ) حا اقول ليك الكلام زي ما قالوا لي قال بعدما السواق يقول ليك دي بلقار .و زتنزل تمش في اتجاه البص تمش وتمش وتمش لحدي ما تلقى الراجل المشتح يدي كدا ( يقصد تمثال المسيح مصلوب ) وبعد تفوت التمثال اسأل اي زول قول لي علي بيتو وين بجيبك لي بنفس والوصف وصلت ههههههههههه وأحلى شى جنب التمثال لقيت راجل عجوز طوالي سألني ماشي لي علي ؟ قلت لي ايوا قال لي تعال ووصلني لي بيت فيسل وبعدما سلم علي قال لي الراجل أتفضل يا عم تنقو مسمي كل عجايز القرية باسماء سودانية ومن يومها كنت أقضي معهم كل اسبوعين او ثلاثة عطلة الأسبوع ايامها كنا نشتري الخروف بما يعادل 35 دولار وبيته حكومي كبير جداً ( طبعاً هو كان شغال في وزارة الزراعية وزوجته ايضاً ) هههههههههههههههه لما ينزل الجليد الحوش يكون مليان ثلج يطلع ينضف قدام حيطة البيت في الخارج قلت لي أنت بدل ما تنضف جوة تنضف الشارع قال لي هنا في قانون لو واحد وقع جنب بيتك من الجليد بغرموك غرامة ( علاجه ) هههههههه وحلتنا دي كلها سكارى
Post: #552 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-24-2016, 08:10 PM Parent: #551
ابوبكر اتصل بي الآن وقلت لي بت ابوحريرة منزلة ليك بوكي ورد بغريكم جميعاً السلام بكري لسة ما حنَّ علي ورسل لي الباسورد
Post: #553 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-25-2016, 07:42 AM Parent: #552
Quote: ابوبكر اتصل بي الآن وقلت لي بت ابوحريرة منزلة ليك بوكي ورد بغريكم جميعاً السلام بكري لسة ما حنَّ علي ورسل لي الباسورد
الله يسلمك ويسلمه يا خالد وان نذكر في حضرة استاذنا ابوبكر تلكم السعاده بعينها وبكري اتلوم لوم شديد ههههههههه فضيل دي مابقدر عليها زي كلامات هشام هباني هههه
Post: #554 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-25-2016, 09:05 AM Parent: #553
أبلغ عزيزاً فى ثنايا القلــــــب منزله أنى وإن كنـــــت لا ألقاه ألقــــــــاه وإن طرفى موصــــــول برؤيتــــــــه وإن تباعــــــد عن سكناى سكنــاه يا ليته يعلــــــم أنى لست أذكـــره وكيـــــــف اذكره إذ لست أنســــاه يا مـــــــن توهم أنى لست أذكــره والله يعلـــــــم أنى لست أنســــاه إن غـــــاب عنى فالروح مسكنــــه من يسكن الروح كيف القلب ينساه
خالد في بوست بعنوان احتفاء بالمحبه ادخل فيه القرعه تتباهي بشعر اخوها هههه
Post: #555 Title: Re: نفااااااج نغم في زمان ضاق فيه الحال Author: مني عمسيب Date: 04-25-2016, 11:13 AM Parent: #554
صباح الشوق ..
ود المنسي والعقد الجوهري ..
دي دخلتي من الحواشة فضلة خيركم كل زهور وورود مشيت وقطفت الورود والزهور وجيت صادا كرعي انتحن من المزازة في الحواشة هههههههه .
اها دي من القطفتو تستاهلوا ويشبهكم وتشبهو .
Post: #556 Title: Re: نفااااااج نغم في زمان ضاق فيه الحال Author: مني عمسيب Date: 04-25-2016, 11:23 AM Parent: #555
Post: #557 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-25-2016, 01:14 PM Parent: #556
Quote: صباح الشوق ..
ود المنسي والعقد الجوهري ..
دي دخلتي من الحواشة فضلة خيركم كل زهور وورود مشيت وقطفت الورود والزهور وجيت صادا كرعي انتحن من المزازة في الحواشة هههههههه .
اها دي من القطفتو تستاهلوا ويشبهكم وتشبهو .
بت عمسيب ما تخموينا ساهي عاوزين كرامتنا لو الميزانيه ماظابطه والحواشه ما جايبه حقها اضعف الايمان لمة قهوه ياخي انتي زوله حلوه===
Post: #558 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-25-2016, 01:22 PM Parent: #556
Quote: الله يسلمك ويسلمه يا خالد وان نذكر في حضرة استاذنا ابوبكر تلكم السعاده بعينها وبكري اتلوم لوم شديد ههههههههه فضيل دي مابقدر عليها زي كلامات هشام هباني هههه
نسمة البطانة كيف أصبحتي هو بيني وبينك الشايقي مابشكر ليك الراكوبة في المطر يوم جاء دبي ركبت من عجمان مشيت لي صاحبي الصادق ( صديق تجمعنا به صداقة ) وبعدها مشينا النادي السوداني دبي نلتقي ابوبكر وبعدها كانت هناك بروفا موسيقية ظللنا هناك للساعة الواحد وبعد البروفا وصلنا الصادق لعجمان ( عشيتو بي سندوتشات فول جبتها معيمن النادي ) الصباح سويت لي فطور خواجات ( بيض مسلوق سلاطة حبن ابيض سعودي مارتديلا ولحم ديك رومي مدخن ) وهو بفطر اتصلت زوجته ( زوجته طبعاً جعلية ) قال ليها أنا مع قريبك كتلني بي الجوع ههههههههههه قالت جعلي كان بي براطيش بكرمك يا كضاب يا عفاف زعلني زعل قلت علي بي الطلاق إلا أنزل أجيب ليك اول زول أقابلو اضبحو ليك ضحك ضحك بيني وبينك الشايقي لئيم وأخو وأخوان ههههههههههههههه بتتلم دي ؟؟؟ كيف عقابك
Post: #559 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-25-2016, 01:24 PM Parent: #558
Quote: أبلغ عزيزاً فى ثنايا القلــــــب منزله أنى وإن كنـــــت لا ألقاه ألقــــــــاه وإن طرفى موصــــــول برؤيتــــــــه وإن تباعــــــد عن سكناى سكنــاه يا ليته يعلــــــم أنى لست أذكـــره وكيـــــــف اذكره إذ لست أنســــاه يا مـــــــن توهم أنى لست أذكــره والله يعلـــــــم أنى لست أنســــاه إن غـــــاب عنى فالروح مسكنــــه من يسكن الروح كيف القلب ينساه
خالد في بوست بعنوان احتفاء بالمحبه ادخل فيه القرعه تتباهي بشعر اخوها هههه
إن شاء الله العافية
Post: #560 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-25-2016, 01:30 PM Parent: #559
Quote: صباح الشوق ..
ود المنسي والعقد الجوهري ..
دي دخلتي من الحواشة فضلة خيركم كل زهور وورود مشيت وقطفت الورود والزهور وجيت صادا كرعي انتحن من المزازة في الحواشة هههههههه .
اها دي من القطفتو تستاهلوا ويشبهكم وتشبهو .
بت عمسيب صالحتيني جبت سيرة اسمي في خشمك أتخيلت شكلك وعرقك يخور وسفنجتك مقطوعة رابطاها بي دلق شلتوت قديم التوب واقع اليد ما قادرة ترفيعها ترفعي مقنعك التوب وصارة عينك وحد ما تشوفي ضل تلفي علي ههههههههههه وغشيتي البسيل الفي طرف بيوت ناس ود علي بليتي حلقك وشغسلتي كرعيك من أثر التراب مع دهنة الكركار الذي كوّن طبقة سميكة وكشحتي باقي الكوز ( ههههههههههه ) في وشك جلقتي جلق
Post: #561 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-25-2016, 01:33 PM Parent: #560
Quote: ود خليل .. الحبيب الجميل النبيل ..
لك حبي وتقديري ..
بت عمسيب فيديو الكابلي دا جبتي من وين ؟ من سينما مالو كبير كدا شتح البوست خلا ماشي زي نعاج البطانة الوالدة ( محينة لبن ) بتمش بي صفحة هههههههههه
Post: #562 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-25-2016, 01:36 PM Parent: #561
يا أخوانا بنات بلاد اليانكي مالن قاطعننا نكون إتلومنا فيهن شي نعتذر مقدماً لو قلنا شى سقط سهواً لكنَّ العذر الأميرة بسمات امتثال عودن لدوحتكن يا الطيور المهاجرة تحياتي ومودتي
Post: #563 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-25-2016, 01:47 PM Parent: #562
Quote: وبعد البروفا وصلنا الصادق لعجمان ( عشيتو بي سندوتشات فول جبتها معيمن النادي ) الصباح سويت لي فطور خواجات ( بيض مسلوق سلاطة حبن ابيض سعودي مارتديلا ولحم ديك رومي مدخن ) وهو بفطر اتصلت زوجته ( زوجته طبعاً جعلية ) قال ليها أنا مع قريبك كتلني بي الجوع ههههههههههه قالت جعلي كان بي براطيش بكرمك يا كضاب يا عفاف زعلني زعل قلت علي بي الطلاق إلا أنزل أجيب ليك اول زول أقابلو اضبحو ليك ضحك ضحك
هههههههه لكن والله يا خالد كتلته بالجوع عديل ليه حق يشتكيك لكن بت عمك ااتكاتفت معاك ههه العشاء فول والفطور مارتديلا اتلومتا لوم ههه والباقي تمه براك=
Post: #564 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-25-2016, 02:16 PM Parent: #563
Quote: هههههههه لكن والله يا خالد كتلته بالجوع عديل ليه حق يشتكيك لكن بت عمك ااتكاتفت معاك ههه العشاء فول والفطور مارتديلا اتلومتا لوم ههه والباقي تمه براك=
عندو مصران
Post: #565 Title: Re: نفااااااج نغم في زمان ضاق فيه الحال Author: اميرة السيد Date: 04-25-2016, 09:34 PM Parent: #564
تلومتا لوم ههه والباقي تمه براك =>>>>> لوم اليابا فضيل.. .. ازيك يا عفاف.. وان شاء الله تكوني عارفة اليابا فضيل... . والله يديك الصحة والعافية..
ود المنسي: بسمات لافة في شارع بيكاديللي.. وعرفت ليها شارع جديد بعد ادجوير رود... وقالت الشارع بشبه شوارع الدول العربية وحتى اليافطات بالعربي.. وانها ما بتحس بغربة هناك...وهي اظنها ما عندها وقت تدخل النت... الموسيقار مشغولة بدلالها....لكن مرات كتيرة بتقرأ المنبر العام من اول عنوان لغاية آخر عنوان.. وتناقشنا بالتفصيل الدقيق الممل..والله يديك الصحة والعافية
Post: #566 Title: Re: نفااااااج نغم في زمان ضاق فيه الحال Author: اميرة السيد Date: 04-26-2016, 03:20 AM Parent: #565
والتحيات النواضر بنكهة زهور وورود حواشة الغالية منى بت عمسيب موصولة اليكم جميعا من بسمات من بلاد الضباب وامتثال من عاصمة العواصم وابتهال من ام المدائن اتبرا وسلافة من كوستي ود ابو سن وهن يتابعن بشغف هذا البوست البديع الرائع كروعتكم .. ..نتابع معكم الكلام الشجي المموسق والشعر بشقيه العامي والفصيح واللحن والنغم الذي يتيه بنا في عالم الخيال.... والله يديكم الصحة والعافية
Post: #567 Title: Re: نفااااااج نغم في زمان ضاق فيه الحال Author: Khalid Saeed Date: 04-26-2016, 08:26 AM Parent: #566
صباح الورد على نفاج المك خالد وناسه الورد
جايكم يامك من الصفحة الرابعة ، من عند الفنان الجميل النصري هدية الملكة بت عمسيب ،
جيت لقيتكم مفترشين الورود ومقيلين في الحواشه هاكم المبدع سيد عبدالعزيز أجده يتحدث عن هذا الجمال في رائعته في بنانك
Post: #568 Title: Re: نفااااااج نغم في زمان ضاق فيه الحال Author: مني عمسيب Date: 04-26-2016, 10:03 AM Parent: #567
صباح الشوق للناس الذوق ..
كر علي ود سعيد جانا من الطابق الرابع زي ما قالت الحبيبة بت ابو حريرة اعفي لنا يا الارباب .. اها يا الحبيبة الكرامة تكون كرامتين كرامة شوفت ود الارباب وود خليل . وبركة الجمعوا وكترونا .. يمين الله اربعة من زريبة ود البوش وحلف النشمي الكريم ود الكرام من حقهم .. احمد الله الوفر لي باقي قروش سماد الحواشة . حضروا الصاج يا البنوت اها البضبح منو فيكم يا الكلوس . خرفانة جاااااااهزة نحمد الله .
يا ود الارباب تعال اشربلك قهوة يا الحبيب وقبل علي الخرفان . هدو كبيتها ليك .
Post: #569 Title: Re: نفااااااج نغم في زمان ضاق فيه الحال Author: Khalid Saeed Date: 04-26-2016, 12:34 PM Parent: #568
حباب الملكة حباب الجبنة الهبهانة طيبة وجنزبيله موده
Quote: يمين الله اربعة من زريبة ود البوش وحلف النشمي الكريم ود الكرام من حقهم .. احمد الله الوفر لي باقي قروش سماد الحواشة . حضروا الصاج يا البنوت اها البضبح منو فيكم يا الكلوس . خرفانة جاااااااهزة نحمد الله .
ابشرك .. اولاد جزازير هههههه الا بندور سيد النفاج المك خالد يسمي ويلحقنا المرارة والشية هههههههههه الأرباب أبو أحمد أخو البنوت أمين ماخد جودو من جده يمين سكينو تنحر في السمين إنشاء الله تسلم يالخزين
هاك يالملكة جبار الكسور ..
Post: #573 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-26-2016, 01:09 PM Parent: #569
Quote: حضروا الصاج يا البنوت اها البضبح منو فيكم يا الكلوس . خرفانة جاااااااهزة نحمد الله .
والله يا بت عمسيب انت عسل اها كرامتك دي بنخدمه معاك وجهزنا ليك الشيه والمراره
Post: #570 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 12:51 PM Parent: #568
Quote: ود المنسي: بسمات لافة في شارع بيكاديللي.. وعرفت ليها شارع جديد بعد ادجوير رود... وقالت الشارع بشبه شوارع الدول العربية وحتى اليافطات بالعربي.. وانها ما بتحس بغربة هناك... وهي اظنها ما عندها وقت تدخل النت... الموسيقار مشغولة بدلالها.... لكن مرات كتيرة بتقرأ المنبر العام من اول عنوان لغاية آخر عنوان.. وتناقشنا بالتفصيل الدقيق الممل..والله يديك الصحة والعافية
الاميرة أميرة بت المحس وسمح العجو الجاي من المُحوس وكان عوّل ما بينقرو السوس والفلس شن داير يكوس بس يعاين ويشبع مغوس
تحياتنا لها في لفها الأتبراوية والبشرب من موية ستيت زول محنة
قال شن أسوو آه أنا الجنيت قتا هوو أحي أنا المرضان يا ناس شن أسوو
Post: #571 Title: Re: نفااااااج نغم في زمان ضاق فيه الحال Author: اسامه العريفي Date: 04-26-2016, 01:00 PM Parent: #570
سلام يا صاحبي اختنا بت عمسيب عليك الله نزلي لينا صورة شنو كده قوز قزح بجاي عاوز اكتب في هذه الصورة
تحياتي
Post: #572 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 01:07 PM Parent: #570
Quote: والتحيات النواضر بنكهة زهور وورود حواشة الغالية منى بت عمسيب موصولة اليكم جميعا من بسمات من بلاد الضباب وامتثال من عاصمة العواصم وابتهال من ام المدائن اتبرا وسلافة من كوستي ود ابو سن وهن يتابعن بشغف هذا البوست البديع الرائع كروعتكم .. ..نتابع معكم الكلام الشجي المموسق والشعر بشقيه العامي والفصيح واللحن والنغم الذي يتيه بنا في عالم الخيال.... والله يديكم الصحة والعافية
لهن التحية العطر الأخوات ساكنات بلاد اليانكي يا أميرة سمعتي قصيد مسدار أبوالسرة لليانكي للشاعر القدال أهديكم جزء منها ملحن من عقد الجلاد لكن لازم تسمعي هذه القصيدة كاملة الشاعر محمد طه القدال في اليوتيوب بعد جلسة غداء بي ام رقيقة وبطاطس وبعدما تسمعنها أقلبن الصحن ( قدح أم رقيقة ) طبلة وتعزف الموسيقار امتثال أحلى الألحان تشجيكم في غربتكم تحياتي لكل الشلة بسمات ... امتثال .. ابتهال ... وسلافة أماتي القبيل بحنهن رجني كرفة وقلدة كيف شوق اللبن رجني حزناّ جاني في ميع الصبى يلجني وأطلع مني يا جلدي المنمل جني وأطلع مني يا حزناً بقى مكجنّي وخَلني النبدا مسداري وأودي قفاي لي داراً بقت مي داري جيتا وجلدي بينو بين عضاي الشحمة جلدي الليلة بينو وبين عضاي المافي إلا تراني شوال الكِبس نفيخ جراريب الورم هَدامي في جلدي الورم قولن لي ولا صحي الورم عضاني
Post: #574 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 01:23 PM Parent: #572
Quote: صباح الورد على نفاج المك خالد وناسه الورد
جايكم يامك من الصفحة الرابعة ، من عند الفنان الجميل النصري هدية الملكة بت عمسيب ،
هلا حباب ود سعيد الأرباب
قال سفرتك مِي في النية ماها الكانت محرية خَابراك عِريف زم العربان ولا قيام الوردية
مالك .....؟ تريان ومندي كاسي الكِتان والهند وقولك كيف ترجى البيشان ولا الغربة البي الزندي
وين طولت الغيبة ظنيتك عرفت ليك نفاجاً كُتر وقاطعتنا يا أرباب قالوا الأرباب بي الدين بسوي الزين غياب من الطابق الرابع إتلومتا لوم اليابا تمها براك ههههههههههههه
Post: #575 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-26-2016, 01:37 PM Parent: #574
Quote: . ازيك يا عفاف.. وان شاء الله تكوني عارفة اليابا فضيل... . والله يديك الصحة والعافية..
:
ههههه اهلين يا اميره اي زول بعرف خالد لازم يعرف فضيل
Post: #576 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 01:40 PM Parent: #574
Quote: والله يا بت عمسيب انت عسل اها كرامتك دي بنخدمه معاك وجهزنا ليك الشيه والمراره
والله ويعلم الله قتا أرد علي الناس ديل وافقدك إخيتي نسمة البطانة لأاني متعود لما أفتح النت أن أجد مداخلة او مداخلات منك ولوغبتي إما عمرة ولا ضيفوف أم البشان
قال القدال برقاً عِبدلي الوزني يا طاش يا جاب المُمزني فرق يا الضيف فعل الغضبان أم فريفرات الحُزني وشن القعدة يا ابو السرة شن القعدة يا ابو السرة في ضُل العمارة أب كمرتن برا ضُقنا الحنضل اليانكي وبلعنا المُرة كملت كوتت التمباك صقعنا الجِرة وكت إتقفلت شقيش قبل بي المرة نرمي أمرنا لي بلد المعاني الحرة الشم خوخّت بردن ليالي الحرة والبراق برق من منَّى جاب القِرة تقلاها أم خدود الليلة مرقت برا
ولك معانا أطربي نسمة البطانة أزهري محمد علي ود المكنية وحسين شندي
Post: #577 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-26-2016, 01:49 PM Parent: #576
الله عليك ياخالد حسين شندي انا بحب اغانيه شديد
Post: #578 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-26-2016, 01:52 PM Parent: #577
Quote: كملت كوتت التمباك صقعنا الجِرة وكت إتقفلت شقيش قبل بي المرة
ابو احمد ماتنفقد في شينه
Post: #579 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 02:28 PM Parent: #578
Quote: سلام يا صاحبي اختنا بت عمسيب عليك الله نزلي لينا صورة شنو كده قوز قزح بجاي عاوز اكتب في هذه الصورة
Post: #580 Title: Re: نفااااااج نغم في زمان ضاق فيه الحال Author: اسامه العريفي Date: 04-26-2016, 02:30 PM Parent: #579
يعلم الله متابع
Post: #582 Title: Re: نفااااااج نغم في زمان ضاق فيه الحال Author: فيصل محمد خليل Date: 04-26-2016, 02:39 PM Parent: #580
اهدى للجسورة منى عمسيب الترجمة لما الاقيك face to face في الخلاء الوراء استاد الهلال
Post: #581 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 02:36 PM Parent: #579
Quote: الله عليك ياخالد حسين شندي انا بحب اغانيه شديد
يا نسمة البطانة طبعاً حسين دا فيه حاجات حلوة كتير بحة في صوته لجنة في لسانه حضور جميل في فن الدلوكا إضافة لكل هذا رجل صاحب طرفة ونكتة
قال حسين شندي
ذات مرة كان يجلس والده مع والد المذيع التلفزيوني أحمد سلمان لكن في التلفزيون بقولوا لي أحمد سليمان (طبعا بجيني الفاضلابي ناطي هسي أحسن أوضح ) أحمد سلمان هذا غير ضو البيت كان ايضاً مذيع في تلفزيون السودان أها أحمد سلمان هذا من نفس قرية حسين شندي ( الدويمات ) في جلستهم تلك لاحظ ابو حسين شندي ان ابو أحمد سلمان كان حزين وسأله عن سبب الحزن قال حزين يعني الولد عشان إتعلم وبقى مذيع يتنكر لي اسمي ويقولا في التلفزيون أحمد سليمان أنا أسمي سلمان قال يا زول هسي زعلان في دي أنا ولدي سماني شندي عديل ههههههههههههههههههههههههههههه
Post: #583 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 02:40 PM Parent: #581
Quote: يعلم الله متابع
لا لا لا تكفينا متابعة ليس توثيق إنما جلسة حلوة تاتي الناس فيها من كل فج عميق عبر نفاج نجلس في ضل شدرة وارفة ورامية ضليل ضحكة بتزيد الونسة حلاوة يا عريفي الطلة مهمة بسمات مشغولة في الحوامة في الشارع اللقتو دا ان شاء الله تنقطع سفنجتها عشان ترجع لينا
Post: #584 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-26-2016, 02:47 PM Parent: #581
Quote: قال يا زول هسي زعلان في دي أنا ولدي سماني شندي عديل ههههههههههههههههههههههههههههه
ههههه هو كمان عنده حضور عجيب عنده اغنية ياجميل ياراقي احساسك دي انا ممكن اسمعه عشره مرات ورا بعض تاني اغاني الحماس يالله بتخليك عاوز تقعد في الواطه مراات ممكن تفكر تنجلد ههههه غايتو لو في نسوان بتجلدو نسوان دي في ناس مابترضي فيها لكن انا ما ععندي فيها غضاضه اكيد اول واحدي ح تركز بت عمسيب هههه
Post: #585 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 02:54 PM Parent: #584
Quote: ههههه هو كمان عنده حضور عجيب عنده اغنية ياجميل ياراقي احساسك دي انا ممكن اسمعه عشره مرات ورا بعض تاني اغاني الحماس يالله بتخليك عاوز تقعد في الواطه مراات ممكن تفكر تنجلد ههههه غايتو لو في نسوان بتجلدو نسوان دي في ناس مابترضي فيها لكن انا ما ععندي فيها غضاضه اكيد اول واحدي ح تركز بت عمسيب هههه
أغنية يا الراقي أحساسك فعلا راقية الأحساس
ههههههههههههههه والله يا نسمة البطانة الدلوكا دي بتخلي الزول معلق بين السما والواطا كان ما عرض وصوقر وأخد لي سوط برد شعرة جلدو ما برتاح وضرب السوط والركزة بفرق الناس عشان زينوبة ما بتحوق
ههههههههههههه بت عمسيب تنجلد هههههههههه الشايقية خوافة ما بتركز للسوط
Post: #586 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 02:55 PM Parent: #585
هل دي الإغنية البقصيدها يا نسمة البطانة
Post: #587 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-26-2016, 03:00 PM Parent: #585
ياجميل ياراقي احساسك اريح قلبي اناسك عليك الحب تخليهو أريدك ويبقي من ناسك ياجميل يامنتهي الالفه يازوق خالي من كلفه وجودك يسعد الانسان حنان اوصافو مختلفه تقول عن حسك الفنان مشاعرو الرايعه ماصدفه ولقيت قلبي العليك مشغول مليان ريد وحنيه بعد ماقلتا سابني خلاص زمان الفرحه مات فيه وجيت والبهجه في عينيك ربيع ايامي عاد ليه حليفت قلبي بالتحنان مكتوب ابقي بيك ولهان ارادة ربنا الخلاك اسوي جمالك الفتاك وازينك بجمال الروح وفيك اتكامل الانسان ياجميل ياراقي احساسك اريح قلبي اناسك عليك الحب تخليهو أريدك ويبقي من ناسك
شكرا ابا احمد
Post: #588 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-26-2016, 03:02 PM Parent: #587
لو امكن جاي تسال عني ليه واهديها لي كل ناس النفاج
Post: #589 Title: Re: نفااااااج نغم في زمان ضاق فيه الحال Author: محمد عبد الله حرسم Date: 04-26-2016, 04:28 PM Parent: #588
وعدتم بالعودة وهانذا افعل
Post: #590 Title: Re: نفااااااج نغم في زمان ضاق فيه الحال Author: محمد عبد الله حرسم Date: 04-26-2016, 04:34 PM Parent: #589
وبصوت الفنان عمر جعفر
Post: #591 Title: Re: نفااااااج نغم في زمان ضاق فيه الحال Author: اميرة السيد Date: 04-26-2016, 05:11 PM Parent: #590
عفاف بت ابو حريرة مالك علينا... بصورة الشيه والمرارة جوعتينا عديل واذكرنا عيد الضحية في السودان.. وكل عيد ضحية كنا بنحضره هنا في البلد المافيها عيد... لكن بعد شفنا الصورة ديغيرنا برنامجنا والعيد الجاي كان الله حيانا في السودان الحبيب وحنعمل نفس الفي الصورة.... وكمان القهوة بتاعة نفيسة بت عمسيب مسخت لينا قهوة ستاربكس.. ومنظر الفنجان براهو يشهي القهوة... يا اخواني متين نشوف الخرطوم... واذكرنا نشيد القروية....متين نشوف الخرطوم...لكن نحن قصدنا متين نشوف قريتنا.. والله يديكم الصحة والعافية
Post: #592 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 04-26-2016, 05:15 PM Parent: #590
ياخ الغُنية دى الزول ده قلب فيها هوبا عديل. بجيها راجع إن الله هوَّن ,, بس بدور دفرة من ودالعبيد وود سيد احمد الجابها ده زاتو ماهيِّن لأن الزول البجيب كلام زى ده يا إما عبقرى يا ماخد شاكوش من النوع ابوكديس فتعالوا نحلل الغنية دى ,, شكلو الشاعر ده مخاوى.
Post: #593 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 06:39 PM Parent: #592
Quote: لو امكن جاي تسال عني ليه واهديها لي كل ناس النفاج
نسمة البطانة أنتِّ تأمري ولك الأمر مجاب
Post: #594 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 06:53 PM Parent: #593
Quote: وعدتم بالعودة وهانذا افعل
الحبيب حرسم تسلم على هذه الأغنية التي تعتبر من الخالدات في الفن السوداني الشاعر سيف عبد القادر عبق رحيقها في سماء العاصمة بصوت ثنائي النغم ( زينب وخديجة ) وفيها سكب الشاعر كل مشاعر جميلة كان يكُنها لمحبوبته وأنه ما زال الحب في قلبه لكن تمنعه عزة النفس من عودة في أغاني كدا يا حرسم ما تبدأ لآمن تنتهي ما بتقدر ترفع راسك أو تنشغل عن مفرداتها وفي أغاني تجد نفسك مرات تسمع النغم لكن الزول دا بقول في شنو ما فاهم الجميل دهب مجمر والزبد يذهب جُفاء ويبقى الأصل دوماً تسلم يا حرسم على هذا الذوق الرائع وعمر جعفر من الفنانين ذوي الأداء الرائع
Post: #595 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-26-2016, 07:16 PM Parent: #594
هذا نص الأغنية كاملة
الشاعر سيد عبد العزيز يا مداعب الغصن الرطيب
يا مداعب الغصن الرطيب فى بنانك ازدهت الزهور زادت جمال ونضار وطيب
هذا أكثر مقطع يعجبني في هذه الأغنية تعجبني والعجب جائز لكن أنظر كان هنان ما عجب على عجب في كونها هادئة أليفة وقد تتوفر هذه الصفات في كثير من النساء لكن عقب لكي يخصص سبب العب ماك النفور بي عفتك العفة ثوب جمال المرأة وعكسها السفور الذي يحط من قدر المرأة فبي العفة يصان السفور والعفة عفاف والعفاف عفة فصنت السفور والحسن والأصل النجيب
سيد عبد العزيز له من الشعر عيون في فن الحقيبة وهو شاعر قائد الأسطول التي أعتذر بها قبل أن يلقى الأمام عبد الرحمن المهدي عندما أشعر في أحد بنات المهدي قصيدته المشهورة ( بت ملوك النيل ) وأجمل أشعاره لشخصي وأحبها جداً
مسو نوركم وشوفوا من جبينا صباح الصباح إن لاح لا فايدة في المصباح
Post: #596 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-27-2016, 02:16 PM Parent: #595
مساء الخير
اغنيه يوم رحيلك للفنان ابو عركي البخيت للشاعر هاشم صديق للاغنيه رميتين الرميه الاولى احساس بحسو غير عادي ونحوك انت تحديدا بحبك حب بحبك حب ثقل مويه المطر المن السما بتنزل قدر رمل البحار ال ليها بستقبل عدد سيقان شجر مد البصر مثمر عدد ناسا بتتزواج وتتوالد وتتناسل وتتكاثر اقسم ليك يا عاسره بحبك حب ما حباهو جن لي جن ولا حباهو زول لبشر ما حباهو جن لي جن ولا حباهو زول لبشر .ولا جايين من الارحام من بعدك ومن بعدي حيعرفو كيف دا كان بحصل الرميه الثانيه ما بتشبه القمر البتاوق من سما ولا بتشبه البحر الخدار وجمالها ماحاق فى غنا مشيها زى قدل البشاير بى مهل وحديسها زي همس النسايم للنخل ايدينها صابغن الورد وسلامها زي روق الجداول فى الارض من معزتك من معزتك أنتي لي من معزتك آنت لي ختيتى قلبك فوق أيدي وقتي ليهو عزيز على عليك الله احرسو لي فى صباح وفى عشى وقلتى لي معاك سلامه يوم رحيلك من البلاد دارك مرصع بالسواد غيم حزن كل اليتامى وانشر بين كل العباد وفارقت الناس السلامة
Post: #597 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-27-2016, 02:59 PM Parent: #596
Quote: بحبك حب بحبك حب ثقل مويه المطر
هذا تعبيرعجيب يا نسمة البطانة أبوعركي فنان أتى في زمان ما زمانه مثله مثل أخيه رحمة الله عليه مصطفى سيد أحمد فنهم لا يكون في الأداء بل في اختيار الصعب لحناً و أداء ويحتاج لجهد
كيف أخبارك يا العافية
Post: #598 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-27-2016, 03:09 PM Parent: #597
أغنية مسو نوركم للشاعر سيد عبد العزيز تعتبر من عيون شعر الحقيبة وهي وهذا حسب رأي من أجمل ما قال سيد عبد العزيز مع أنَّ كل قوله درر
وقد حيك الكثير عن مناسبة هذه القصيدة ( والله أعلم لماذا قالها الشاعر ) لكن لا ضير أن نروي ما سمعنا عنها قيل في رمضان ثبت العيد بكرة متأخر فذهب سيد عبد العزيز لموقف العربات البتمشي مدني ولم يجد ما يوصله في النهاية وجد لوري نصف شحنة ركب ضمن من ركبوا طوال الرحلة كان يسمع صوت فتاة تحادث أمها بالقرب منه و أذن الشاعر جعلته ييقن أنها جميلة أكيد شارف اللوري الوصول مع الفجر وعندما بزغ ضوء الفجر رأى سيد عبد العزيز الوجه الصبوح
فنثر الدرر شعراً
مسو نوركم وشوفو من جبينا صباح الصباح إن لاح لا فايد في المصباح
وكذلك سمعنا ( عن معنى كلمة ... مســــــو ) وهي كلمة غير عربية ولا عامية سودانية قيل انها كلمة فارسية ومعناها اطفؤ
Post: #599 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-27-2016, 03:12 PM Parent: #598
بت ابو حريرة والجمع عليكم الله تمعنوا مفردات هذه الأغنية جيداً روعة واية من الجمال والإبداع
Post: #600 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-27-2016, 03:24 PM Parent: #599
مسو نوركم بدون موسيقى
Post: #601 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-27-2016, 03:43 PM Parent: #599
مسو نوركم بدون موسيقى
Post: #639 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-01-2016, 07:11 PM Parent: #601
.
Post: #602 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-27-2016, 03:44 PM Parent: #599
مسو نوركم بدون موسيقى
Post: #603 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-27-2016, 07:27 PM Parent: #602
لحين ميسرة
Post: #604 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-28-2016, 01:01 PM Parent: #603
كيف قيلتو
Post: #605 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-28-2016, 01:14 PM Parent: #604
Quote: كيف قيلتو
الدُكن البعدَّن قِربن
نسمة البطانة سلااااام يا سمحة الخِصال
Post: #606 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-28-2016, 01:16 PM Parent: #605
مسو نوركم شوفوا المن جبينة صباح والصباح لو لاح لا فايدة فى المصباح هل اتلك حديث الكوكب النطاح قمرة تمطر خمرة حارسا الفضاح لو تعيرنا محاسن شمس للايضاح مابتعيرنا محاسن محيها الوضاح نور جمالا دهشنا معشر الفصاح بين ناطق صامت بين صامت صاح غالية غالية محاسن فيها شوق يا صاح الجمال الفيها..كل معنى صاح نصدر الايات من نور على الالواح المعانى الفرد وميتة الارواح فى العيون المرد والسحر لاواح تجلب الالباب ويفرح النواح القوام اللادن والاريج الفاح من جسيما الناعم الاسمر التفاح خلا عقلى وخلا فى هواى كفاح جيش هواها احتل قلعة الاصفاح روضة غنى جمالا يجلب الافراح حورا من الجنة تسقيك راح كل هذا تراه ما بزيل اتراح من بحبو تهانت واستراح وراح ياليالى احبابى ما شفيتى جراح بل شفيتى فؤادى ومدية الجراح صرت اتلو حديثك فى الوجود بصراح لو تليت بو كتابى سميت بالشراح كم نظرنا مناظر يعلم الفتاح لو قفلنا قلوبنا كانت تكون مفتاح ادرى ام ما ادرى صرت كالمفتاح لو رضاكى هلكنا للهلاك نرتاح ما جنيت بهواى ما على جناح ه شكيت للقمرى لو يعيرنى جناح يكفيك لسانى الغنا فيك ليك وناح لو رثيت بو حياتى ما زلت لى مناح.
حباب خالد
Post: #607 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-28-2016, 02:17 PM Parent: #606
Quote: حباب خالد
نور جمالا دهشنا معشر الفصاح بين ناطق صامت بين صامت صاح نور جمالا دهشنا معشر الفصاح بين ناطق صامت بين صامت صاح
بدءً لك الشكر على النص
لكن يا نسمة البطانة حقيقة في جمال يبهر العين تقف مشدوه زي الأبهبل كك و أنت مبحلق مرة جاين أنا و ود عمي من المدرسة أيام الدراسة في الثانوية مررنا بشارع مستشفى شندي قرب باب المستشفى ... فجاءة وفي لحظة واحدة لمحنا الأتني قمر ماشي علي قدمين وقفنا مشدهين الأتنين فجاءة نسمع صوت زوجها يتكلم معنا وقال دي زوجتي ههههههههههههه تاني الواحد لو طالع معاها يلفها في جريدة
موقف أخر
استاذ مصطفى حلفاوي تربى في مصر ( لهجته مصرية ) هو أستاذ تاريخ في مدرسة البنات ( شندي )
من عادته عندما يدرس المادة ز يجلس في طاولة جنب الشباك الأمامي قال ذات يوم و أنا أدرس مرت بنت من الخارج جنب البك لمحتها لمحة خاطفة مرت زي النسمة قال : وضعت الكتاب وخرجت حصلتها تعالي يا بنت جائت صادة قلت لها : اسمك ايه ؟ قالت : صالحة ومن وين يا صالحة قالت : من النوراب قلت لها : اسمعي يا صالحة أنا حا أغنيلك غنوة حلوة لك وقال لها
يا زينة النوراب يا صالحة يا بت يا أمورة يا سمحة أنا خايف اللياخدك لتقضي علي الفرحة
Post: #608 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-28-2016, 03:06 PM Parent: #607
Quote: يا زينة النوراب يا صالحة يا بت يا أمورة يا سمحة أنا خايف اللياخدك لتقضي علي الفرحة
هههههههه اوسكار ياخالد اكيد الجمال بقرب البعيد وببهح العين وبفرح الروح والله جميل يحب الجمال في ناس فعلا لما تعاين ليهم بخلوك تضحك براك زي الاهبل وانت ولا بتعرفهم حتي وفي ناس الواحد من جماله يرحل بيك من المكان الفيه يوديك مكان تاني ممكن تكون في مكان ضيق وسخن تشوفهم تلاقي نفسك في ام هبج وسحابه مزرقن وتشم ريحه الدعاش ويمكن يضربك برق يرجعك لي مكانك زاته هههههههههه زي زولتكم انت وصاحبك القهيتو فيها وراجله عاوز يلفها في جريده لكن واحدي قريبتنا عندها تعقيب علي القهيه دي ما اظن يعجبك هههههههه
والله يا خالد ضحكتني
Post: #609 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-28-2016, 03:24 PM Parent: #608
يا عشم الواطا البتق تعال قريب واقعد معانا نادى الغيم البدا يتفرق يغطى الضل القاعده بره و وشه محرّق قول لى الضحكة مستنين هطولك قول للغيمة عليكى النيل الفرتق ضفاير موجو فى عرس الجروف قول ليها كيف نقدر نطولك قول ليها عليكى الشدر الشال الحفه مد مساير حزنك ليل واداكى من افراح سنينو عليكى الشوق الهد الحيل عليكى الموج الحرد الضفه عزى خسامة الوجع المدفق طيبى خاطر البحر القبيل شال نار الشقا الفينا وادانا من طينو
Post: #610 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-28-2016, 06:48 PM Parent: #609
Quote: عليكى الشدر الشال الحفة مد مساير حزنك ليل واداكى من افراح سنينو عليكى الشوق الهد الحيل عليكى الموج الحرد الضفه عزى خسامة الوجع المدفق طيبى خاطر البحر القبيل شال نار الشقا الفينا وادانا من طينو
يا سلاااام يا نسمة مفردة الحفـــــــة مفردة ضاربة في العمق القدم وأظن هسي الكثيرين لا يعرفون معنى هذه المفرد
قال القدال
وكان برواز في الخلوة معلق فوق برواز الجِد الأكبر يا برواز الصبر جميل الحُزن المالح عطن فرح الحلة في ليلة الدُخلة الحُزن المالح قطع الخرزة وقلع الرشمة مبروك الصرخة الأولى علي لِسنات الحضرو المولد جات محتشمه في جاه الحِلة الشايلة الحفة إحساس أطفالنا بيوم الوقفة ، إندهش ، إرتعش ، إتحلل الكعك اللهبة اللبسة البسمة الكل إتبلل عربون الفرحة الفي العِنين ما فرهد .. مات ؟ يا يوم العيد دمعات أماتنا علي أُماتن في العيدين ماهن رحمات في جاه الحِلة الشايلة الحفة القسمة تفوت أحلى البنوت لا الغايب عاد ولا لحقن خيلن في اللفة
Post: #611 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 04-28-2016, 06:55 PM Parent: #610
سلام يامك. ضُبط صاحبك المسنوح وهو يتجول فى حوارى المنبر فى بوست ملهم كردفان ,, أوصافه كالآتى: يحمل ميكروفوناَ بيد والأخرى مفرودة الاصابع تشوفو تقول على عبدالله صالح أيام مجده. كشكشو جيبو النفاج عشان نخلص منه القديم والجديد.
Post: #612 Title: Re: نفااااااج نغم في زمان ضاق فيه الحال Author: اميرة السيد Date: 04-28-2016, 07:36 PM Parent: #611
وهاكم اسمعوا شعر الدوبيت..والمسدار والله يديكم الصحة والعافية
Post: #613 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-28-2016, 08:04 PM Parent: #612
Quote: سلام يامك.ضُبط صاحبك المسنوح وهو يتجول فى حوارى المنبر فى بوست ملهم كردفان ,, أوصافه كالآتى:يحمل ميكروفوناَ بيد والأخرى مفرودة الاصابعتشوفو تقول على عبدالله صالح أيام مجده.كشكشو جيبو النفاج عشان نخلص منه القديم والجديد
ههههههههههههههههههفاكيها في نفسو ما عرريب وقرح وإتعلم وقالوا العرييب لما يتفلهم بسوي في تكـــة سرولو لمبة زولك كان ما جات وضاحـــة ما بظهر و وضاحة طاشة متل عوايدها نظام لو جبتو سيرتي ما بجي وخليها العريب الغايبة والسراق طبقوا معا زي ما قال القدال كيف انت تختفي وتطهر زي هلال العيد نتظرك تحياتي و مودتي
Post: #614 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-28-2016, 08:09 PM Parent: #613
Quote: وهاكم اسمعوا شعر الدوبيت..والمسدار والله يديكم الصحة والعافية
كيف حالك وحال أخواتك بسمات وامتثال ابتهال بت كوستي
Post: #615 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-28-2016, 11:48 PM Parent: #614
Quote: سلام يامك. ضُبط صاحبك المسنوح وهو يتجول فى حوارى المنبر فى بوست ملهم كردفان ,, أوصافه كالآتى: يحمل ميكروفوناَ بيد والأخرى مفرودة الاصابع تشوفو تقول على عبدالله صالح أيام مجده. كشكشو جيبو النفاج عشان نخلص منه القديم والجديد.
ههههه والله يا خال الطيب دي غتاته منه تلاقيه متابع وكل يوم حايم بجاي اسي يجيك ناطي ابو عبدالله اظهر وبان عليك الامان
Post: #616 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-28-2016, 11:57 PM Parent: #615
Quote: ههههههههههههههههههفاكيها في نفسو ما عرريب وقرح وإتعلم وقالوا العرييب لما يتفلهم بسوي في تكـــة سرولو لمبة زولك كان ما جات وضاحـــة ما بظهر و وضاحة طاشة متل عوايدها نظام لو جبتو سيرتي ما بجي وخليها العريب الغايبة والسراق طبقوا معا زي ما قال القدال كيف انت تختفي وتطهر زي هلال العيد نتظرك تحياتي و مودتي
نحنا ناسنا بقولو يا خالد "العربي كان اتفلهم بجيب لي اهله بليه "ههههههههه القدال انسان رايع وكلامه ولا اروع ما لاقيته شخصيا لكن اتكلمتا معاه في التلفون كان في وفاة القامه حميد عليه رحمة الله اتصلنا انا ونفر من الاخوات عزيناه
Post: #617 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-29-2016, 00:07 AM Parent: #616
بقول غنوات .. واقول غنوات
فى البلد البسير جنياتها لى قدام
بقول غنوات
وفى الولد البتل ضرعاتو فى العرضة
ويطير فى الدارة صقرية
ولو السمحة تلت إيد
ومدت جيد يقوم شايلاه هاشمية
يشيل شبالو وختفة ريد وفرحة عيد
وريدة روح وحمرة عين وإيدية
بقول غنوات .. بقول غنوات
وفى الولد البشيل مدقاقو قولة خير على القمرة
يقابل الجاية متحزم ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
و قبال حول تغيم غيمة قبلية
ترش الدارة والحدبة الصعيد الحلة
يا فرحه بتطارد الصفقة فى النسمة الصعيدية
وياجهرة نهار الليلة بدرية
رحيح جنياتنا فى
الحدبة الصعيد الحلة
يا قمحاتنا هو لبلب
يا سمحاتنا هو لبلب
و يا اللوز الفتق فى الوادى هو لبلب
ويا البحر الطمح مدادى هو لبلب
ويا حجواتنا يا دعواتنا هو لبلب
سألتك بالذى ركز الأرض معبد
وسوى الناس عليها مقام
سألتك بى حجا الأمات ودعواتنا
سألتك بى كبيداتن و دمعاتنا
شليل وين راح
يكون ضل الخريف فاتنا
وشليل وين راح
وزى برق السماك الجابها دغشية
وزى زغرودة البطن الكبارية
مرق من شامة القمرة
مهيقت بى وداعة الله
ومقدم بالعديل يبرا
تعالوا ابشروا ياجنيات
شليل ما راح .. شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مشوار.. شليل مسدار
شليلنا أرضنا يا جنيات
شليل قائم نصاصي الليل
يتمتم ليلو وردية
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
مزارع بات على عشقين
تراب بلدو
وسماح فوق بت مزارعية
Post: #618 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 04-29-2016, 08:23 PM Parent: #617
Quote: ههههه والله يا خال الطيب دي غتاته منه تلاقيه متابع وكل يوم حايم بجاي اسي يجيك ناطي ابو عبدالله اظهر وبان عليك الامان
غتاتة شيقوق ,, اسعلينى منها يابت ابحريرة هسع كان المك نزل ليهو فيدو باص الروصيرص كان يجى نابل زى صقر الجو ,, والعجب كان نزلتوا ليهو شريط حبشى ,, مدَستِر معاهن.
Post: #619 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-29-2016, 09:09 PM Parent: #618
Quote: غتاتة شيقوق ,, اسعلينى منها يابت ابحريرة هسع كان المك نزل ليهو فيدو باص الروصيرص كان يجى نابل زى صقر الجو ,, والعجب كان نزلتوا ليهو شريط حبشى ,, مدَستِر معاهن.
حباب الخال والله من قبيل عاوزه ارفع البوست لكن في العلاله القايمه دي ماقدرت كويس انك رفعته ما اصله هو نفاج في زمن مش ضاق فيه الحال والله انكشف فيه الحال عديل خالد اظن استاذ ابوبكر رجع من ابوظبي
Post: #620 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-30-2016, 01:39 PM Parent: #619
Quote: نحنا ناسنا بقولو يا خالد "العربي كان اتفلهم بجيب لي اهله بليه "ههههههههه القدال انسان رايع وكلامه ولا اروع ما لاقيته شخصيا لكن اتكلمتا معاه في التلفون كان في وفاة القامه حميد عليه رحمة الله اتصلنا انا ونفر من الاخوات عزيناه
عربنا فوقهم الرايات البيض يا بت أبوحريرة عرب الدندر ديل زي قمل الغنم يجمعهم الطبل والونسة وتفرقهم عصا
فلاحة العربي جلسة فرقو وإجلب كلبو أو يربط درب وإرجى الإضينة يسلبو الهيلهم حقيقة وفي من بنغلبو فالحين في القنيص ويرعوا ويعرفو يحلبو
القدال زول حلو كتير وجميل روح وشعر إلتقيته مرات كُثر من الأخت اللطيفة وزميل المنبر أسيا ربيع
وعندما كتبت عنه بوست ( لله درك يا قدال ) كتب لي أبنه الجميل يشكرني وبعدها اتصلت به وكان مشجع لي أن أكتب بقول زادني همة عندما قلته له انا ليس كاتب إنما هي تجربة قال : كل تجربة أو عمل يستحق منا التقدير والشكر والاحترام و إلى الأمامي أخي خالد رجل كُلفاح وأخو بنات
تسلمي يا بت أبو حريرة يا نسمة هابة من البطانة
Post: #621 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-30-2016, 01:47 PM Parent: #620
Quote: و قبال حول تغيم غيمة قبليةترش الدارة والحدبة الصعيد الحلةيا فرحه بتطارد الصفقة فى النسمة الصعيديةوياجهرة نهار الليلة بدرية
تصحيح بسيط
يقول القدال
قُبالة ... وحولا تغيم غيمة قِبلية وترش الدار والحدب الصعيد الحِلة يا رحمة نداوة الصفقة يا رحمة نداوة الصفقة في النسمة الصعيدية وجهرة نهار الليل لما الليلة بدرية ورحمة نداوة الصفقة ما بتغبى عليك نسمة البطانة لكن لا ضير نوضحها لبنات بلاد اليانكي والجنى ود العريفي جنى البندر
أهلنا الكُبار لما يشيلو الفاتحة داعين الله الغيث أو أي أمر بعدما يقول آمين بصفق يدي فوق بعض ويمسح بيهم وشو لذا قال القدال رحمة نداوة الصفقة ونداوة : من ندية والحدب الصعيد الحِلة هي التلة أو العالي جنوب الحلة من صعيد وهو اتجاه الجنوب وسافل هو اتجاه الشمال
Post: #622 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-30-2016, 01:57 PM Parent: #621
Quote: غتاتة شيقوق ,, اسعلينى منها يابت ابحريرة هسع كان المك نزل ليهو فيدو باص الروصيرص كان يجى نابل زى صقر الجو ,, والعجب كان نزلتوا ليهو شريط حبشى ,, مدَستِر معاهن.
هههههههههههههههههههه بالحيل بعرفو العرريب زي جوع بطني الغتاتة بحوص ليها زمان مرة في بست زهجني شديد قمت قلتي لي عامل كدي زي عنقريب العدة بقيت تتلوح كلك أتصل بي يضحك قال لي والله يا المنسي ضحكتني ضحك لما وقعت من السرير العرريب مسنوح وغتيت هسي يجي زي حجر الصاعقة المخوي
التلاتا بنات والجمري بجيبو رويسو
Post: #623 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-30-2016, 02:04 PM Parent: #622
Quote: حباب الخال والله من قبيل عاوزه ارفع البوست لكن في العلاله القايمه دي ماقدرت كويس انك رفعته ما اصله هو نفاج في زمن مش ضاق فيه الحال والله انكشف فيه الحال عديل خالد اظن استاذ ابوبكر رجع من ابوظبي
فعلا ابوبكر رجع من ابوظبي لكن مع استاذنا الشاعر عبدالقادر الكتيابي بجو بعدين عندي الليلة يا نسمة البطانة
اها يا الفاضلابي شرك صارقيل تاني للمسنوح تاني
Post: #624 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 04-30-2016, 07:51 PM Parent: #605
لحين ميسرة
Post: #625 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-30-2016, 07:54 PM Parent: #624
اهلين ياخالد
Post: #626 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-30-2016, 07:56 PM Parent: #625
Quote: تصحيح بسيط
يقول القدال
قُبالة ... وحولا تغيم غيمة قِبلية وترش الدار والحدب الصعيد الحِلة يا رحمة نداوة الصفقة يا رحمة نداوة الصفقة في النسمة الصعيدية وجهرة نهار الليل لما الليلة بدرية ورحمة نداوة الصفقة ما بتغبى عليك نسمة البطانة لكن لا ضير نوضحها لبنات بلاد اليانكي والجنى ود العريفي جنى البندر
أهلنا الكُبار لما يشيلو الفاتحة داعين الله الغيث أو أي أمر بعدما يقول آمين بصفق يدي فوق بعض ويمسح بيهم وشو لذا قال القدال رحمة نداوة الصفقة ونداوة : من ندية والحدب الصعيد الحِلة هي التلة أو العالي جنوب الحلة من صعيد وهو اتجاه الجنوب وسافل هو اتجاه الشمال
Post: #627 Title: Re: نفااااااج نغم في زمان ضاق فيه الحال Author: عفاف أبو حريرة Date: 04-30-2016, 08:25 PM Parent: #626
خالد انا مانتبهت للكلام بعدين بيني وبينك انا ما حافظه القصيده يا دوب قص ولصق لو فيها غلط تاني امسح ياعم ولا يهمك نحنا بنفهمك وبنحملك علي الاقل تجرب استيكة بكري وسلمي لي علي اديبنا واستاذنا عبد القادر الكتيابي قوليه عفاف ابوحريره زوجةة خالد المحرب بتسلم عليك لوما طالت عليه الايام اكيد ح يتزكر في بيت مولانا مرغني الشايب عليه رحمة الله
Post: #628 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-01-2016, 10:55 AM Parent: #627
كيف قيلتو
Post: #629 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-01-2016, 11:05 AM Parent: #628
وصوت الحق حَبِلْ صوتك، يبين أبلج، بعد ما كان قبيل مبحوحْ.
حسين احمد حسين
كلام جميل عجبني حبيتكم تستمتعو بيه معاي
Post: #630 Title: Re: نفااااااج نغم في زمان ضاق فيه الحال Author: مني عمسيب Date: 05-01-2016, 11:16 AM Parent: #629
السلام والمحبة للجميلين الاحبة ..
تصدقوا مشتاقة ليكم حد الشووووووووووق ..
يا بت ابو حريرة والله توارد خواطر عجيب في احضارك للقصيدة هنا جيت جارية انزلها لقيتك يا الذواقة يا الجميلة شديدة نزلتيها ! شفتي نحن بنشبه بعض كيف ؟ شبه الاحساس والتذوق اعظم . ياخي انت تؤم روحي اكيد شئ طبيعي القاك منزلاها . لكن بامأنة الحسين دا والله ما اسبو علا اخلي يسكن جنبنا هنا هههههه.
Quote: كلام جميل عجبني حبيتكم تستمتعو بيه معاي
وتاني بريدكم وواحشني .
Post: #631 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-01-2016, 11:34 AM Parent: #630
Quote: السلام والمحبة للجميلين الاحبة ..
تصدقوا مشتاقة ليكم حد الشووووووووووق ..
يا بت ابو حريرة والله توارد خواطر عجيب في احضارك للقصيدة هنا جيت جارية انزلها لقيتك يا الذواقة يا الجميلة شديدة نزلتيها ! شفتي نحن بنشبه بعض كيف ؟ شبه الاحساس والتذوق اعظم . ياخي انت تؤم روحي اكيد شئ طبيعي القاك منزلاها . لكن بامأنة الحسين دا والله ما اسبو علا اخلي يسكن جنبنا هنا هههههه.
اهلين ومرحبتين حبابه الاصيل عقابه والله يابت عمسيب انك تشبهيني بيك ده شي ما ساهل بالنسبه لي لكن شتان مابيني وبينك انتي زوله جسوره ومصادمة لايشق لك غبار ونحنا حي الله نقطعه في مصارينا كتيربشوف اسمك ادخل اسلم عليك الاقي عكلابتك واقفه لي رب السماء بجر الباب وبرجع بتعجبيني وانتي مصادمه لكن بلقي روحي فيك وانتي شايله حزمة ورد وتوزعي في كلماتك الاجمل واروع من الورد عليك الله ماتمشي بعيد النفاج ده بقي فاضي مافيه غيري انا وخالد حتي علي قولته بنات اليانكي مره مره اميره
Post: #632 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-01-2016, 01:13 PM Parent: #631
Quote: خالد انا مانتبهت للكلام بعدين بيني وبينك انا ما حافظه القصيده يا دوب قص ولصق لو فيها غلط تاني امسح ياعم ولا يهمك نحنا بنفهمك وبنحملك علي الاقل تجرب استيكة بكري وسلمي لي علي اديبنا واستاذنا عبد القادر الكتيابي قوليه عفاف ابوحريره زوجةة خالد المحرب بتسلم عليك لوما طالت عليه الايام اكيد ح يتزكر في بيت مولانا مرغني الشايب عليه رحمة الله
نسمةالبطانة ما تتحسي أنا عارف عم قوقل دا لامي إن شاء الله يبلغ كلامك للأخ عبدالقادر الكتيابي بإذن الله وتسلمي يا العافية
Post: #633 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-01-2016, 01:18 PM Parent: #632
Quote: كيف قيلتو
يا سلام علي الحيشان الماهلة ومقشوشة ومرشوشة تريح البال ولكن يا نسمة البطانة ناسك ( الكشاشة ما عندهم ) يا بنات بلاد اليانكي هناك فرق بين الراكوبة والكشاشة هي من نفس المواد تعمل الفرق أن الراكوبة تقوم على اربعة شِعب الكاشة زي الفي الصورة بتاعت عفاف دي علي شِعبتين فق وتكون في خشم باب الأوضة
Post: #634 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-01-2016, 01:20 PM Parent: #633
Quote: ولو إحْساسنا بيكْ مجروحْ.
نَشِمْ رِيحتِكْ تَجى وْبِتْرُوحْ.
وزِيفة برقك العبَّادى مالية السوحْ.
كأنُّو الدنيا فى لحظة وَجَعْ ميلاد بشايرو تَلُوحْ.
كلام جميل
Post: #635 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-01-2016, 01:23 PM Parent: #634
Post: #636 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-01-2016, 01:26 PM Parent: #635
Quote: وتاني بريدكم وواحشني .
حددي مستعينة بالاطلس
Post: #637 Title: Re: نفااااااج نغم في زمان ضاق فيه الحال Author: اسامه العريفي Date: 05-01-2016, 01:28 PM Parent: #636
بتبالغ ما بتتفقدني
Post: #638 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-01-2016, 01:38 PM Parent: #637
Quote: بتبالغ ما بتتفقدني
قصدك بتبالغ ولا بتبالغي بعدين يا بت عمسيب ود أستاذ العريفي دا ما طلب منك ( صورة قوس قزح ) ألف مرة ودي المرة الألف وواحد والله ما تنزليها بكرة أطلق ليك غنم نفيسة بت علي في حواشاتك ديل ما يخلن زهرة
Post: #640 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-02-2016, 01:34 PM Parent: #638
Post: #641 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-02-2016, 03:44 PM Parent: #638
Post: #642 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-03-2016, 03:30 PM Parent: #641
معقولة دي حتى بت ابوحريرة غياب لاتكوني مريضة وبعد الشر عليك تقلبوا تحياتي الأخ أبوبكر سيد أحمد وتحية خاصة لبت ابوحريرة عفاف من أبوبكر
Post: #643 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-03-2016, 05:40 PM Parent: #642
Quote: معقولة دي حتى بت ابوحريرة غياب لاتكوني مريضة وبعد الشر عليك تقلبوا تحياتي الأخ أبوبكر سيد أحمد وتحية خاصة لبت ابوحريرة عفاف من أبوبكر
كل النساء تلد الذكور ولكن المواقف تلد الرجال خالد هنيئا لي احمد بيك فانت اب حقه يفاخر بيك في العالمين فانت رجل بكل ماتحمل هذه الكلمه من مواصفات في ناس تعرفهم من بعيد تتكون عندك فكره عنهم والاغلبيه لما تلاقيهم نص الفي راسك بكون تصوراتك الانت افترضتها وقله هم لما الواحد كل ماتقرب منه كل ماتعرف نضافة معدنه انا يا خالد كنت بحترمك وزاد احترامي ليك لانك اهل له لما شفته فيك شبهنا كانت فراسة مؤمن
Post: #644 Title: Re: نفااااااج نغم في زمان ضاق فيه الحال Author: اميرة السيد Date: 05-03-2016, 06:01 PM Parent: #643
اغنية جميلة هدية لكل الابهات والامهات في البوست .ز بس عشان ما تجبروا بناتكم يتزوجن على مزاجكم.. خلوهن على مزاجن بسن انتو اديهن النصيحة .. لكن الزواج ما بالقوة.. والله يديكم الصحة والعافية
Post: #645 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-03-2016, 06:24 PM Parent: #644
Quote: اغنية جميلة هدية لكل الابهات والامهات في البوست .ز بس عشان ما تجبروا بناتكم يتزوجن على مزاجكم.. خلوهن على مزاجن بسن انتو اديهن النصيحة .. لكن الزواج ما بالقوة.. والله يديكم الصحة والعافية
ههههه اميرة اغنيتك جميله والاجمل صوت البنيه البتغنيها لكن ما اظن في عاقل علي وجه الارض مهما كانت اسبابه يقدر يغصب زول انه يعيش مع زول مابحبه وفي المقابل انه يحرم انسان من انسان بحبه اللهم الا في بعض الاشياء بتطلب انه كل الاطراف تكون متفقه لانه يا اميره الزواج ماشي ساهل الزواج هو اللِبن البتتبني منه المجتمعات كل ماكان فيه حب واستقرار كل ما كان مجتمعنا قوي ومعافي وصحي الحياه يا بنتي عامله زي الارض والحب بمثل عنصر المويه مافي اي نماء ولا زرع ولا حياه من غير مويه والله يديك الصحه والعافيه علي قولتك
خالد قول لي ابوبكر الله يسلمه وشكرا علي السوال
Post: #646 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-03-2016, 07:03 PM Parent: #645
Quote: كل النساء تلد الذكور ولكن المواقف تلد الرجال خالد هنيئا لي احمد بيك فانت اب حقه يفاخر بيك في العالمين فانت رجل بكل ماتحمل هذه الكلمه من مواصفات في ناس تعرفهم من بعيد تتكون عندك فكره عنهم والاغلبيه لما تلاقيهم نص الفي راسك بكون تصوراتك الانت افترضتها وقله هم لما الواحد كل ماتقرب منه كل ماتعرف نضافة معدنه انا يا خالد كنت بحترمك وزاد احترامي ليك لانك اهل له لما شفته فيك شبهنا كانت فراسة مؤمن
نسمة البطانة العافية والله ألجمتي لساني بقولك هذا وأرفع الأكف لله تضرعا أن أكون عند حُسن ظنك بي أنا سجلت في هذا المنبر في بداية سنة 2006 ومنذ تاريخه كان كل همي أن نجتمع في رضاء الله أحواناً أخوات فكانت الإنجمامة التي استمرت حتى عام 2012 وكان شعارها ( كلمة طيبة تجمعنا أصلها ضارب في عماق الأرض دهوراً وفرعها يداعب عنان السماء ) والعافية قولي آمين ربنا يجمعنا في قلب واحد أخوة نشد بعضنا بعض ( بنات وألاد ) وها نحن في نفاجنا وأنا سعيد بيكم شديد أخوة وأخوات وبارك الله فيك بت ابوحريرة العافية نعم الأخت أنت
Post: #647 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-03-2016, 07:07 PM Parent: #646
Quote: اغنية جميلة هدية لكل الابهات والامهات في البوست .ز بس عشان ما تجبروا بناتكم يتزوجن على مزاجكم.. خلوهن على مزاجن بسن انتو اديهن النصيحة .. لكن الزواج ما بالقوة.. والله يديكم الصحة والعافية
الأخت العزيزة الأميرة أميرة فعلاً هذه الأغنية من الأغاني التي تدعوا إلى فضيلة لكن ليه نزلتيها بصوت هذه البنت بكلم ليك بت أتبرة ( بسمات ) ما عاجبك صاحبها مصطفى مضوي ههههههههههه الليلة شيلي شيلتك تحية ومودة
Post: #648 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-03-2016, 07:19 PM Parent: #647
دي ترضية للأخت بسمات عشان ما تزعل منك ولما ترجع ما تجيب ليك ( ويكة مسحونة ودكوة ) هههههههههههههههه
Post: #649 Title: Re: نفااااااج نغم في زمان ضاق فيه الحال Author: اميرة السيد Date: 05-03-2016, 07:57 PM Parent: #648
المسنوحة بسمات عاشقة عطبرة ما حتزعل الا يكون مصطفى مضوي ده مولود في عطبرة وعايش في عطبرة ومن فناني عطبرة...( ههههههههههههههه).. والله يديك الصحة والعافية
Post: #650 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-03-2016, 08:18 PM Parent: #649
Quote: المسنوحة بسمات عاشقة عطبرة ما حتزعل الا يكون مصطفى مضوي ده مولود في عطبرة وعايش في عطبرة ومن فناني عطبرة...( ههههههههههههههه).. والله يديك الصحة والعافية
كان كدا شيلي شيلتك مصطفى من عطبرة وابن عطبرة ويحبه أهل عطبرة وصرته مدفونة في شاطى الأتبراوي
ههههههههههههههههه هي ما وصلت ؟
Post: #651 Title: Re: نفااااااج نغم في زمان ضاق فيه الحال Author: اميرة السيد Date: 05-04-2016, 07:08 PM Parent: #650
حتجي نهاية الشهر .. لكنها دخلت النت لاول مرة امبارح في بوست السفينة تايتانيك.. وفي شهر رمضان مسافرة السودان وعازمة امريكية معاها عشان توريها الكرم السوداني .. بس انا خايفة لمن تصل هناك تلقى الناس اتغيرت ومافي كرم ....( Im only kiding) .. السودانيين اصيلين وما بغيروا عاداتهم وتقاليدهم الاتربوا عليها.. وخاصة فيما يتعلق بالكرم والعطاء.... ولحين ميسرة .. والله يديك الصحة والعافية
Post: #652 Title: Re: نفااااااج نغم في زمان ضاق فيه الحال Author: اميرة السيد Date: 05-07-2016, 00:40 AM Parent: #651
فين الغيبة الطويلة دي يا سيد حوش نفاج النغم الشجي والكلم البديع ..وانا كنت عندي مشكلة مع النت في التلفون الموبايل وما بقدر اخش المنبر العام بحسابي وكانه في شواطين في التلفون وبقدر اخش بحساب المسنوحة بسمات...وقلت في نفسي تلفوني يكون لحق تلفون ود ابو سن العنده حساسية ضد الفيديوهات...لكن المشكلة اتحلت... وراجعة ليكم قريب بحكايات قريبة من حكايات الرائعين ود بلة وود ابو سنينة وود البوش وود الفاضلابي...يا حليل حكاياتهم كانت بتنسينا كل هم وغم.. والله يديكم الصحة والعافية
Post: #653 Title: Re: نفااااااج نغم في زمان ضاق فيه الحال Author: مني عمسيب Date: 05-08-2016, 09:16 AM Parent: #652
Post: #656 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-09-2016, 01:41 PM Parent: #655
Quote: حتجي نهاية الشهر .. لكنها دخلت النت لاول مرة امبارح في بوست السفينة تايتانيك.. وفي شهر رمضان مسافرة السودان وعازمة امريكية معاها عشان توريها الكرم السوداني .. بس انا خايفة لمن تصل هناك تلقى الناس اتغيرت ومافي كرم ....( Im only kiding) .. السودانيين اصيلين وما بغيروا عاداتهم وتقاليدهم الاتربوا عليها.. وخاصة فيما يتعلق بالكرم والعطاء.... ولحين ميسرة .. والله يديك الصحة والعافية
اأميرة أميرة كيف حالك واريت حالك زين لا خليها تعدل في فكرتها البلد حر شديد والله إلا الخواجية دي تختها في الأتبراوي وتجيب ليها الأكل اساساً الحر شديد في يوليو وحتتنا ديك قهنوبة جهنم في الشهر دا غايتو يا بسمات حا تجني عليها كان سقتيها في الشهر دا بتطلع السفرة من راسها ههههههههههههه وكان زول قال ليها يا الخواجية بتقول لي يخجك الوجع تسلمي يا أميرة جبتي لينا أخبار ناس خاصمونا وخاصموا نفاجنا
Post: #657 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-09-2016, 01:47 PM Parent: #656
Quote: فين الغيبة الطويلة دي يا سيد حوش نفاج النغم الشجي والكلم البديع ..وانا كنت عندي مشكلة مع النت في التلفون الموبايل وما بقدر اخش المنبر العام بحسابي وكانه في شواطين في التلفون وبقدر اخش بحساب المسنوحة بسمات...وقلت في نفسي تلفوني يكون لحق تلفون ود ابو سن العنده حساسية ضد الفيديوهات...لكن المشكلة اتحلت... وراجعة ليكم قريب بحكايات قريبة من حكايات الرائعين ود بلة وود ابو سنينة وود البوش وود الفاضلابي...يا حليل حكاياتهم كانت بتنسينا كل هم وغم.. والله يديكم الصحة والعافية
الله يستر تلفونك معاك تصدقي تلفوني برضو فيه شيطان ليهو قرن افتش الكونتاك ما ألقى الزول الدايرو هههههههههههههه ولما يتصل بي يظهر لي أسمو هسي الفاضلابي يقول في رقستر في الفون وفي رقيستر في السيم كارت وحاتك إت بفتشهم الاتنين هههههههههه
تحياتي لبسمات وامتثال وبت كوستي
Post: #658 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-09-2016, 01:51 PM Parent: #657
Quote: يا ناس جوة سلام ..
هدو اوفيت يوعدي وجيت اشرب معاكم الشاي ..
كمان حضرت الشاي عشان نكسب الوقت شاي هناكم بي نعناعو ومعاهو الزلابية اريتو في خشم البريدو ههههه .
Post: #659 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-09-2016, 01:57 PM Parent: #658
يا ناس النفاج طبعاً اليومين ديل نسمة البطانة بت أبو حريرة نقلت في بيت جديد والرحول عز العرب طبعاً سمعت الخبر دا في شريط الجزيرة الأخباري أول أمس الرحول قطعة من جمر
نهديك هذا الحديث الطيب هههههههه بت ابوحريرة
Post: #660 Title: Re: نفااااااج نغم في زمان ضاق فيه الحال Author: اميرة السيد Date: 05-09-2016, 01:59 PM Parent: #658
الله يجازي شيطان عقلك يا بت عمسيب.. والله شهيتينا اللقيمات لان الصورة دي رهيبة حتى اني مديت يدي للصحن وعاوزة اشيل لي واحدة اصابعيني اصطدموا بشاشة الكمبيوتر.... .. كويس انتي سميتيها زلابية وانا سميتها لقيمات.. يا ربي في فرق بين الاثنين .. ان شاء الله يجينا ود الفاضلاب يورينا الفرق شنو.. والله يديك الصحة والعافية
Post: #661 Title: Re: نفااااااج نغم في زمان ضاق فيه الحال Author: اسامه العريفي Date: 05-09-2016, 02:18 PM Parent: #653
اختنا بت عمسيب طاب مساءك في ثمانينات القرن المضي كنا في منطقة تسمي نازك بالهند قاعد في مكان اخضر زي البروفايل بتاع ود المنسي ده بالظبط المكان عالي ومرتفع فجاءة تغير لون المكان واصبح متداخل الالوان انا افتكرت انو ده جن المهم اتحركت خمسة امتار من المكان اتفاجي انو قوز قزح ضرب في نفسة المنطقة التي اجلس بها سبحان الله هذا المنظر ما اظن يتكرر تاني
صب الشاي يا ود المنسي
Post: #662 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-09-2016, 03:33 PM Parent: #661
Quote: صب الشاي يا ود المنسي
نحن صرتنا مدفونة في جبل توتيل ( كسلا ) \ ناس قهوة
الليلة أشربوا أنتو صحة وعافية
Post: #663 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-09-2016, 03:39 PM Parent: #662
Post: #664 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-09-2016, 07:04 PM Parent: #663
لحين ميسرة
Post: #665 Title: Re: نفااااااج نغم في زمان ضاق فيه الحال Author: مني عمسيب Date: 05-09-2016, 07:43 PM Parent: #664
ود العريفي سلام يا الحبيب ..
وجيدن جيت غزرتنا .. اولآ انا الحااصب الشاي خلي ود المنسي في قعدتو دي ..
Quote: بالظبط المكان عالي ومرتفع فجاءة تغير لون المكان واصبح متداخل الالوان انا افتكرت انو ده جن المهم اتحركت خمسة امتار من المكان اتفاجي انو قوز قزح ضرب في نفسة المنطقة التي اجلس بها سبحان الله هذا المنظر ما اظن يتكرر تاني صب الشاي يا ود المنسي
والله بيني وبينك المناظر الطبيعية سمحة بالحيل وبتضع بصمات وبسمات في جووووه الزول غايتو انا مرات مرات بشوف الشئ دا عندنا لانو مطرنا كتير وبجيبو .
الاسابيع الفاتت جونا بس كدا ! لكن حقيقة بخليك شوية حزين .
Post: #666 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-10-2016, 01:58 PM Parent: #665
العِشق حق والحب فطرت به القلوب ولك زول مفتون بي زولو وزي ما قال ود بادي نحن ريدنا كُتر وزعلنا كُتر وقال جني .. جن زول يقول أنا رايد فلانة وينقسم نصين وجني جن عاشق مباغت يبكي بي فرد عين لكن بيني وبينكم الشاكوش حار لما تعصر كل عصارة قلبك لإنسانة لكن تجبرها العادات أن تتزوج غيرك رغم أنها بادلتك الحب وأكثر منه وفي الشعر السوداني أمثلة كثيرة وابلغ مثال شخص الفنان زيدان إبراهيم الذي لم يتورع في قولها وحتى في لقائته أني حبيت إنسانة ولم أتزوج بها وما زلت أحبها ولم أحب بعدها وهنا كان مربط الفرس في فن زيدان إبراهيم كان يغني من أعماقه بالذات الكلمات التي يحس فيها قصته وان نجاح الكثير من الأغاني التي شدى بها زيدان يدفعها هذا السبب
في الليلة ديك شاعر جسور شجاع خُطبت محبوبته لكنه أصر أن يبارك لها الزواج وها هو يصف لنا تلك الليلة في الليلة ديك سوف أنزل فيديو فيه كاملة وأخر عندما غناها زيدان يوماً وسكب فيها كل أحاسيسه
Post: #667 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-10-2016, 02:40 PM Parent: #666
ونظا مع العشق والمحبة الصادقة الشاعر كامل عبد الماجد عندما أحب أحب محبوبته بصدق وكتب فيها جُل أشعاره ومن أشهرهاسيد الأسم وحكمة الله كان من بين اللذين نجوا من الشاكوش لأي سبب كان وتزوج تلك المحبوبة وهو يعيش معها وليومنا هذا في سعادة وهناء سيد الأسم لنرى كيف وصف الشاعر كامل عبدالماجد تلك المحبوبة سيد الأسم خايف أجيب اسمو الهوى يقسمو
نسمعها بصوت الجابري صاحب اللحن والأداء وبصوت الفنان زمراوي
Post: #668 Title: Re: نفااااااج نغم في زمان ضاق فيه الحال Author: اميرة السيد Date: 05-10-2016, 06:31 PM Parent: #667
لحين ميسرة ومسرة....
Post: #669 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-10-2016, 06:41 PM Parent: #668
Quote: لحين ميسرة ومسرة....
\
حباب الأميرة
هذه يا الأميرة من روائع زيدان إبراهيم داوي ناري
داوي وإلتياعي وتمهل في وداعي يا حبيب الروح هب لي بضع لحظاتٍ سراعِ قف تأمل مغرب العمر وإخفاق الشاعِ
كلام يا الأميرة مقطع زي المرارة يوم العيد
Post: #670 Title: Re: نفااااااج نغم في زمان ضاق فيه الحال Author: اميرة السيد Date: 05-10-2016, 06:41 PM Parent: #668
هدية لبت عمسيب .. منى وسط الزهور متصور.. لزيدان ابراهيم
Post: #671 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-11-2016, 01:49 PM Parent: #670
الشاعر عثمان خالد أبن بارا عشق ومات بعشقه الذي لم يتم عديله فيه كتب في المعشوقة أنشودة الجن التي شدى بها الفنان حمد الريح وهي من أجمل من أغاني حمد الريح بعد أغنية مريا
( إلى نسافرة ) أو كما يحلو للسودانيين تسميتها ( يا قلبي المكتول كمد ) وأعصر دموع وهات غنوة لي سيد البلد يا حليلو حدثني عنه أخيه الأصغر الدسوقي خالد ( وهو أيضاً ) شاعر وله اربعة دواوين شعر قال كان عثمان رجل حساس مرهف رقيق المشاعر وأعتقد أن فشل هذا الحب قد أثر في حياته التي حاول بقدر الإمكان ان يعدو راكضاً لبر الأمان لكي يعيش حياة إستقرار بعد الفراق ومات في ريعان شبابه أثر علة لم تمهله طويلاً الرحمة والمغفرة للشاعر عثمان خالد
التسجيل الأول يحمل صورة الشاعر عثمان خالد والفنان حمد الريح
التسجيل الثاني هو تسجيل حديث
Post: #672 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-11-2016, 02:00 PM Parent: #671
تزوجت محبوبته من رجل أخر و كان السفر هو أخر لحظة وداع بينهما و قد أرخ الشاعر بإحساس مرهف لهذا اليوم يوم الوداع إلى مسافر لحين ميسرة
Post: #673 Title: Re: نفااااااج نغم في زمان ضاق فيه الحال Author: اميرة السيد Date: 05-11-2016, 02:39 PM Parent: #672
وكدي اسمعوا الالمانية دي بتقلد السودانيات كيفن....
Post: #674 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-11-2016, 07:56 PM Parent: #673
شاعرية الشاعر تكمن في أن الشاعر يأتيك بكلام تجده في مخيلتك لكنك لاتستطع أنت قوله ..... لذا يجذبك ويدهشك يحلقبك ليس كل منظوم ومقفى شعراً الموضوعية في الشعر مهمة والصور البلاغية تزيد الجمال جمالاً مثال عندما قال الشاعر ود الرضي الناحر فؤادي نجد أن النحر أشدة وقع من الذبح لذا نجده أجاد وأبدع عندما أستخدم هذه المفردة
قصيدة الشاعر ود الرضي الناحر فؤادي فيها من الجمال ما يدهش وما يثبت لنا قريحة هذا الشاعر الفذ
نسمع القصيدة بصوت الفنان خضر بشير عليهما رحمة الله الشاعر ود الرضي والفنان خضر بشير
دامع لجّى طرفي يا ابوطرفاً سحر والبسم المفلّج للأكباد نحر ما ببرد حميمي لو أحسى البحر داري وماكَ داري يا سمح النحر
كانت من الحسن لها مقام نحرت بجمالها فؤادي .... والنحر كما قلنا أبلغ من الذبح وتنحر الأبل ويذبح باقي الحيوانات وليس نحر وكفى بل أولعت وأشعلت في جوفي حر وهنا يكون العجب لجمالها وهي غير مكترثة أو لحظت أعجابه لكن الدلال يمنعها من التجاوب الوجد هو شدة الشوق مع وله أضرم أي اشعل نار وجدي نسام السحر ... السحر هو الثلث الأخير من الليل ويقصد أنه مساهر بنجمها لوقت السحر كلمة لجّى هي مفردة عميقة في العامية وتعني لجّى اي راح هنا وهناك بحركة سريعة عندما تتحرك يقال لك يا ولد لا تلج دامع من شد الوله بها والدمع هناك مستور لكن الشاعر إستخدمه مجازاً لشدة وجده الدمع عيب للرجل ولا تدمع العين إلا في الشديد القوي ودموع الرجال في الفرح لكنها من وجعاً قديم وحزن دفين ووصفها أنها لها طرف اي عين لو أنها نظرت بها إلى راهبٍ قد صام لله وإبتهل لأصبح مفتون معنّى بحبها كأنه لم يصم لله يوما ولم يصل
والبسم المفلج والفلجة معروفة وهي مسافة بين الأسنان وهي من علامات الجمال البسم المفلج للأكباد نحر ما ببرد حميمي الحميم هي نار البركان لو أحسى البحر حتي لو شربت كل ماء البحر البحر عندنا في السودان نعني به النيل ويعود ويقول في لوم أنت داري وتعلم أني مكتول فيك وعامل فيها ما داري يا سمح النحر ويقد الجيد والرقبة وهي المكان الذي ينحرفيه ( الجيد ... الرقبة )
Post: #676 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-12-2016, 06:43 PM Parent: #675
Post: #677 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-12-2016, 07:52 PM Parent: #675
Post: #678 Title: Re: نفااااااج نغم في زمان ضاق فيه الحال Author: عبدالله ود البوش Date: 05-13-2016, 01:54 PM Parent: #677
أجمل الناس هنا لكم أجمل التحايا تليق بكم أجمعين بوست جميل ومريح
Post: #679 Title: Re: نفااااااج نغم في زمان ضاق فيه الحال Author: اسامه العريفي Date: 05-13-2016, 01:58 PM Parent: #678
Quote: جمل الناس هنا لكم أجمل التحايا تليق بكم أجمعين بوست جميل ومريح
مرحب بعودة الحبيب
Post: #680 Title: Re: نفااااااج نغم في زمان ضاق فيه الحال Author: اميرة السيد Date: 05-13-2016, 02:00 PM Parent: #678
عبد الله ود البوش الرجل الأصيل .. يا دراج المحن.... ومخفف الأحزان والمعطون بغبار الملائكة بالنيابة عن صاحب البوست الغائب مرحبا في البوست الجميل حيث نلقى فيه همومنا وننسى مصاعب الغربة القساية ونرتوي من حب الوطن ونخفف من مرض النوستالجيا .. والله يديك الصحة والعافية
Post: #681 Title: Re: نفااااااج نغم في زمان ضاق فيه الحال Author: اميرة السيد Date: 05-13-2016, 09:48 PM Parent: #680
كمان يا ود المنسي ما تنسى السودانيين بقوا يتفوقوا في مجالات كثيرة جدا .. والان دخلوا مجال الأناقة.....
Post: #682 Title: Re: نفااااااج نغم في زمان ضاق فيه الحال Author: مني عمسيب Date: 05-15-2016, 09:17 AM Parent: #681
صباح الحب والشوق وامل التلاقي ..
ود المنسي كيفك يا منفجنا ؟ الحبيبة الرقيقة الاميرة اميرة مشكورة علي الاهداءات البتشبهك لي . بت ابو حريرة لعلك طيبة يا طيبة ؟والتحية للجميع بدون فرز ...
ومشتاقوون من غير حدود ودمتم احبابي ..
ولكم من كل وردة حمراء باقة شوق ملتهبة .
Post: #683 Title: Re: نفااااااج نغم في زمان ضاق فيه الحال Author: مني عمسيب Date: 05-15-2016, 09:19 AM Parent: #682
اهداء خاص لحبيبة قلبي الاميرة ,,
Post: #684 Title: Re: نفااااااج نغم في زمان ضاق فيه الحال Author: عبيد الطيب Date: 05-15-2016, 11:48 AM Parent: #683
تحياتي ومعزتي الصادقة الأخ خالد وسلامي لكل الإخوة والأخوات، بياض النيِّة، المتركشين لا يسارا، من الكلمة الجفرة....! خالد أخوي عدت من إجازة شهرين، قضيتها مابين عتامير كردفان،والرِّيف الجنوبي ومازال القلب يتلقت إلي البادية،حيث تركت أهلها يشاشون لأم بشار، أو كما يقول صديقي الشاعر الرائع الهندي: وكتك وبَّن آ أم قيزان وشاشت ناسو وعليكي إترزَّم المِزن الشَّلع رفَّاسُو واديكي العطِش إتبلبلن يُبَّاسو وفوق كسّابِك إتعكل البلوم ودباسُو آميييين يارب خريف رتوع ومازال أهل الريف ياخالد، يودعونك بحرارة، وتقرأ الدعاء الصادق في عيونهم، التي تفيض دمعا، حين الوداع، بل "يقدموك" و"يقادموك" مسافة...! ولقد صور المشهد، سيدي محمد شريف العباسي، وقد عاش بهاتيك النجوع: القَف الظليطو مقرَّن جنُّو الليلة مِتباريات تعولن خرَّن الوادعنا بي العبرة أم دموعاً درَّن طلق فوق جوفي وجّاج السمايم الحرَّن ولقد علقت في ميسرة القلب، وجبين الحنايا، والضلوع القصار، ذكري من نفل الريف، جعلتها شاهدا لمسبحتي، وأردت أن أدخل بها خلوة وجدان، لكن أيضا "سوادنيز" بها عبق الفاجرة أمثالكم وامثال الإخوة والأخوات ببوستك الممهول، فمن الواجب أن نطايب سمحين النافلة معزة صادقة
Post: #685 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-15-2016, 02:30 PM Parent: #684
Quote: أجمل الناس هنا لكم أجمل التحايا تليق بكم أجمعين بوست جميل ومريح
يا بوش يا جميل وبزيارتك نفاجنا نور والله يوم سعيد الليلة جابك ومن الجزيرة وأرض المحنة أهديك
Post: #686 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-15-2016, 02:37 PM Parent: #685
Quote: عبد الله ود البوش الرجل الأصيل .. يا دراج المحن.... ومخفف الأحزان والمعطون بغبار الملائكة بالنيابة عن صاحب البوست الغائب مرحبا في البوست الجميل حيث نلقى فيه همومنا وننسى مصاعب الغربة القساية ونرتوي من حب الوطن ونخفف من مرض النوستالجيا .. والله يديك الصحة والعافية
تسلمي يا الأميرة ما بتقصري يا راقية وفعلاً فكرة اي بوست لنا ( الشلة ) أن يكون مصب أو مكب كل الهموم في هذا الزمان وأن نظل أخوة وأخوات علاقتنا صافية تسمو بها القلوب للطهر والعفة بعيدة أن كل مستجدات هذا الزمان التي كثرت فيها الأحقاد والحسد والدسائس ونعم الأخوة والأخوات أنتم
Post: #687 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-15-2016, 02:41 PM Parent: #686
Quote: صباح الحب والشوق وامل التلاقي ..
ود المنسي كيفك يا منفجنا ؟ الحبيبة الرقيقة الاميرة اميرة مشكورة علي الاهداءات البتشبهك لي . بت ابو حريرة لعلك طيبة يا طيبة ؟والتحية للجميع بدون فرز ...
ومشتاقوون من غير حدود ودمتم احبابي ..
ولكم من كل وردة حمراء باقة شوق ملتهبة .
عسل النفاج بت عمسيب تسلمي من كل شر يا أخوانا ما تجيبو لينا خبر العافية نسمة البطانة طولت الغيبة رحول ورحلت وترتيب البيت ورتبت أهري وباني وهبي يا نسمة البطانة
Post: #688 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-15-2016, 02:51 PM Parent: #687
Quote: تحياتي ومعزتي الصادقة الأخ خالد وسلامي لكل الإخوة والأخوات، بياض النيِّة، المتركشين لا يسارا، من الكلمة الجفرة....! خالد أخوي عدت من إجازة شهرين، قضيتها مابين عتامير كردفان،والرِّيف الجنوبي ومازال القلب يتلقت إلي البادية،حيث تركت أهلها يشاشون لأم بشار، أو كما يقول صديقي الشاعر الرائع الهندي: وكتك وبَّن آ أم قيزان وشاشت ناسو وعليكي إترزَّم المِزن الشَّلع رفَّاسُو واديكي العطِش إتبلبلن يُبَّاسو وفوق كسّابِك إتعكل البلوم ودباسُو آميييين يارب خريف رتوع ومازال أهل الريف ياخالد، يودعونك بحرارة، وتقرأ الدعاء الصادق في عيونهم، التي تفيض دمعا، حين الوداع، بل "يقدموك" و"يقادموك" مسافة...! ولقد صور المشهد، سيدي محمد شريف العباسي، وقد عاش بهاتيك النجوع: القَف الظليطو مقرَّن جنُّو الليلة مِتباريات تعولن خرَّن الوادعنا بي العبرة أم دموعاً درَّن طلق فوق جوفي وجّاج السمايم الحرَّن ولقد علقت في ميسرة القلب، وجبين الحنايا، والضلوع القصار، ذكري من نفل الريف، جعلتها شاهدا لمسبحتي، وأردت أن أدخل بها خلوة وجدان، لكن أيضا "سوادنيز" بها عبق الفاجرة أمثالكم وامثال الإخوة والأخوات ببوستك الممهول، فمن الواجب أن نطايب سمحين النافلة معزة صادقة
لو كُت عارفي غيابي بجيب أ<مل الناس ( ود البوش والعبيد ) كُت غبت زمان يا سلام أكملت السعادة وزدت في وزنة الشعر وترة بقدومك يا ود المقدم وحمد الله على سلامة العودة من دار الأهل والأحبة ويكفي أنك بليت الشوق فيهم ناس حُنان والطيبة في سلام إستقبالهم وكرفة وقلدة في وداهم وجمال الحرف عندك ترتقي به أقتباس ابيات الشعر الجميل المثل زهور بت عمسيب
Post: #689 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-15-2016, 03:04 PM Parent: #688
Quote: كمان يا ود المنسي ما تنسى السودانيين بقوا يتفوقوا في مجالات كثيرة جدا .. والان دخلوا مجال الأناقة.....
نعم يا الأميرة الشعب السوداني متميز في كل مجال العيب الوحيد لم نُحظى بقيادة رشيدة ابداً قد يكون لحكمة من الله لا عقوبة ( دواخلنا نضيفة ) والدليل جلادنا يقدل بيناتنا بدون حرس لذا تجدي الأبداع خارج نطاق الوطن دوماً
Post: #690 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-15-2016, 03:07 PM Parent: #689
Quote: Quote: جمل الناس هنا لكم أجمل التحايا تليق بكم أجمعين بوست جميل ومريح
Post: #691 Title: Re: نفااااااج نغم في زمان ضاق فيه الحال Author: اميرة السيد Date: 05-16-2016, 04:06 AM Parent: #690
المصيبة يا ود المنسي انه واحد من الفنانين الجدد الشباب ينادوهو عشان يغني في حفلة عرس ...يقوم يغني اغنية زيدان ..في الليلة ديك والناس تشارك فرحتك...... عليك الله العريس حيكون شكله كيفن..وحيقول شنو.... مرة سالت المسنوحة بسمات قلت ليها في الحالة دي العريس حيتصرف كيفن ..قالت اذا العريس جعلي..الفنان راسه حيتكسر....ويروح فيها... والله يديك الصحة والعافية
Post: #692 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-16-2016, 02:07 PM Parent: #691
Quote: المصيبة يا ود المنسي انه واحد من الفنانين الجدد الشباب ينادوهو عشان يغني في حفلة عرس ...يقوم يغني اغنية زيدان ..في الليلة ديك والناس تشارك فرحتك...... عليك الله العريس حيكون شكله كيفن..وحيقول شنو.... مرة سالت المسنوحة بسمات قلت ليها في الحالة دي العريس حيتصرف كيفن ..قالت اذا العريس جعلي..الفنان راسه حيتكسر....ويروح فيها... والله يديك الصحة والعافية
ههههههههههههههههه حقيقة لكن دا حال ال السودان يا أميرة كان في برنامج في قناة النيل الأزرق أسمة ( أفراح أفراح ) تسمعي فيه العجب المذيع والمستضافين ههههههههههه شى كدا يحيرك مرة واحد شاب قاشر قشرة قرد يوم زفاف بتو أول ما ناولوا الميكروفون قال : أتقدم للعريس العروس بأجمل باقات التهاني وأقول للعروس وتعطلت لُغة الكلام وخاطبت عينيَّ في لُغة الهوى عيناكِ زي دا من تمرقي من الجيلي لي عطبرة كان لي الليلة في أعداد الموتى
وتسمعي حات تحيرك والحكمة المذيع زيهم كلامو كلو جداً جداً اسمو ( أمجد ) واحد قال نقول للعريس والعروس ( بالرفات والبنين ) هههههههههههههههههه دا هين المشكلة تلقي واحد فنان يغني في مناحة ( مرثية ) في حفل زواج ( الوليد الضيف غرقتنو كيف ) والناس داهجا ترقص وزي ما قال شيخ انصار السنة ابوزيد حمزة عليه رحمة الله قال : تجد الفنان يقول يا الناسين ضميركم وما طارين عذابو يوم الحق هناك يوم واقفين في بابو يوم إسألكم الله يا الناسين حسابو وقال تلقى الجماعة يدهجوا اها اها اها وما جايبين خبر الشعب السودان شعب طيب وشعب تلقي من العجيب وعجيب فنان جايبنوا في صالة يغني ودافعين لي 6 مليون تجدي يقول لمحتك وقلت بردان وبديت أحلم أها دا اسوي في شنو لو كنت حاضر الحفلة ولك المودة ولحين ميسرة
Post: #693 Title: Re: نفااااااج نغم في زمان ضاق فيه الحال Author: اسامه العريفي Date: 05-16-2016, 02:23 PM Parent: #692
Quote: المذيع زيهم كلامو كلو جداً جداً اسمو ( أمجد )
ده زول فلته عديل
Post: #694 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-16-2016, 03:02 PM Parent: #693
Quote: ده زول فلته عديل
يا عريفي الفلتة تحمل المعنيين حلو وما حلو الفالت مبرز ههههههههههه يا أحسن يا أكعب بعدين التلغراف دا زيدو شوية هههههههههههههههههههههه ولا بنشيل منك جاوز شندي
Post: #695 Title: Re: نفااااااج نغم في زمان ضاق فيه الحال Author: فيصل محمد خليل Date: 05-16-2016, 03:02 PM Parent: #693
ليل ليلل لا حلاوة جكسا ليل ليلل لا حلاوة ماجد
----------------- منى وين ؟
Post: #696 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-16-2016, 03:38 PM Parent: #695
Quote: ليل ليلل لا حلاوة جكسا ليل ليلل لا حلاوة ماجد
----------------- منى وين ؟
ديناس الأميرة مابقدرو يقروها الالي لي لل لا حلاوة جكسا الألي لي لل لا حلاوة ماجد
دي أغنية يا اميرة زمن فيسل كان شباب سنة 1948
أنت الصباح موش كنت في الحدود ماشي النمسا خلاص بت عمسيب مزرعتها في حدود هولندا أدخل هولندا
Post: #697 Title: Re: نفااااااج نغم في زمان ضاق فيه الحال Author: اميرة السيد Date: 05-16-2016, 06:40 PM Parent: #696
مهداة لناس الكرم والشهامة والمروءة والنخوة السودانية الاصيلة..... وتعالي يا بت عمسيب ارمي الشبال.... والله يديك الصحة والعافية
Post: #698 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-16-2016, 07:48 PM Parent: #697
يا سلام يا اميرة الأغنية جيلة اول مرة اسمعها تسلمي
Post: #699 Title: Re: نفااااااج نغم في زمان ضاق فيه الحال Author: مني عمسيب Date: 05-16-2016, 08:26 PM Parent: #698
Quote: ليل ليلل لا حلاوة جكسا ليل ليلل لا حلاوة ماجد
----------------- منى وين ؟
نعمين يا نور العين . تصدق قلت امشي الاقيك في حديقة الفيسبوك لكن مشيت امستردام عزيت الصديق عمر دفع الله في امه رحمة الله عليها . اها اجواء الحزن دبرست بي جيت لقيتك بهنا يا البلال والله فرحتني بي سوألك عني سالت عنك العافية والخير يا وش الخير .
امبارح جبت ليك زهور من حواشتي وقلت اديك ليها هنا .
Post: #700 Title: Re: نفااااااج نغم في زمان ضاق فيه الحال Author: اسامه العريفي Date: 05-17-2016, 05:43 AM Parent: #699
Quote: يا عريفي الفلتة تحمل المعنيين حلو وما حلو
قبل خمسة سنوات تقريبا الوالد الله يعطيه الصحة والعافية كان عنده معرض في اروقة للثقافة والفنون المهم مسكوا فيه ناس امجد ديل قالوا ليه عاوزين نعمل معاك لقاء تلفزيوني حاول يعتذر ما قدر جاء التلفزيون بدأ " امجد هوز" في اسئلته العجيبة اللون المفضل الأسئلة بتاعت سبعينات القرن المضي ، اه بعد داك دخل علي الأسئلة الشتره قال ليه زمان كلية الفنون كانت بيطلع 3 خريجين فقط والأن بيطلع 150 طالب ، قام الوالد رد ليه يا ابني انا ما بتكلم عن الكم انا بتكلم عن ال كيف يعني في 150 طالب ديل ما بتلقي فيهم شيخ الصلحي ولأ شبرين ولأ بسطاوي ولأ علي العريفي ، قام لف ليه سؤال اشتر تاني قال ليه انت دائما بتتكلم عن الزمن الماضي في حين انو الأن كل الأشياء متوفرة في الزمن الحالي ، رد عليه الوالد زمان وانحنا طلبة كان المعهد الفني برسلنا رحلات الي جنوب السودان نتمتع بالمناظر الجميلة في الجنوب فتجد كمية مهولة من الأبقار والزرافات وحمار الوادي وينعكس علي فننا حسي حكومتك دي قامت لأ لمينا في الجنوب ولأ لمينا في الزرافات
بس بعد شوية المخرج دخل ليك دعاية اجمل عدس واطعم عدس عدس الوابل عدس الوابل ما يحتاج توابل شفت امجد ده زول فلته كيف
Post: #701 Title: Re: نفااااااج نغم في زمان ضاق فيه الحال Author: حيدر حسن ميرغني Date: 05-17-2016, 07:12 AM Parent: #700
حرررم دخلت زقاقات النفاج السبعة (صفحة صفحة) وما إرتويت يدوم هناكم ياخ ..انتو ناس سمحين بالحيل على قول بتنا أميرة
Post: #702 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 09:02 AM Parent: #701
اولن بالتبادي سلام عليكم جتوجزيل الشكر للترحيب الحارالصورة اعلاه من عمل عمنا الفنان سليمان العريفي والد زميل المنبر اسامة العريفيهدية لاسامة ..... وأصل اللوحة في حوزتي ولاتقدر قيمتها بثمن .... املا عِبَك قروش وتعالغنية وقابلتني .... ما تقول امتلكتها كيف ؟ صارت ضمن ممتلكاتي
Post: #703 Title: Re: نفااااااج نغم في زمان ضاق فيه الحال Author: اسامه العريفي Date: 05-17-2016, 09:08 AM Parent: #702
عمنا ود البوش الصورة دي عجيبة يا خي علقها فوق واحدة من لوحات الوالد اتعرضت بفرجينيا عام 2005م
Post: #704 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 09:21 AM Parent: #703
Quote: الصورة دي عجيبة يا خي علقها فوق واحدة من لوحات الوالد اتعرضت بفرجينيا عام 2005م
وطيب اتا المقعدك مع الطير ديل شنو ؟
ياخي نحن زمان جانا الفنان صلاح ابن البادية في حلتنا بقينا نتكلم مع ناس الحلول الجنبنا بطرف نخرتنا كونو جانا الفنان ود البادية واتوا ما جاكم هههههههههه فنان من دار اللذاعة غنا في الرادي وغنا في حلتنا اذن حلتنا والرادي واحد شفت العز دا كيف ؟ انا لو منك ولا بتكلم مع زول ذاتو كلامي في دار اللذاعة فقطاً لاغير مضيع رقبتك ساكت اللوحة دي بتجيب لي كم بقرة ماخد ؟
Post: #705 Title: Re: نفااااااج نغم في زمان ضاق فيه الحال Author: اسامه العريفي Date: 05-17-2016, 09:28 AM Parent: #703
Quote: الصورة اعلاه من عمل عمنا الفنان علي العريفي
الصورة تخص الوالد سليمان العريفي عمنا علي مصطفي العريفي هو من رواد الفن التشكيلي بالسودان
Post: #706 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 09:31 AM Parent: #705
Quote: الصورة تخص الوالد سليمان العريفي عمنا علي مصطفي العريفي هو من رواد الفن التشكيلي بالسودان
شكرا للتنبيه ومعذرة للخطأ وتم التعديل
Post: #707 Title: Re: نفااااااج نغم في زمان ضاق فيه الحال Author: اسامه العريفي Date: 05-17-2016, 09:51 AM Parent: #706
Quote: انا لو منك ولا بتكلم مع زول ذاتو كلامي في دار اللذاعة فقطاً لاغير مضيع رقبتك ساكت
انا ما قلت ليك انا زول عميكة ساكت
Post: #708 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 11:50 AM Parent: #707
وهذه لوحة اخرى ينقصها التصوير بالكاميرة هدية لاميرة السيد واخواتها
. . خالتي فاطنة بت حليمة تتوكأ على ضقلة جبرتا عليها الظروف ساكت كونو ما لقت عصاية خفيفة تتوكأ عليها ودخلت من باب حوشنا الذي يكاد لا تحده حدود ويضج بزوجات الاولاد وازواج البنات واحفادهم وحفيداتهم وجناهم وجنا جنا جنا جناهم وتلك نعمة نحمد الله عليها كثيرا لحظتئذن كنت بكرب في سوكري مرخي لعنقريب هباب اسجي به بعض الوقت في فائدة تعلمتها من والدي له الرحمة فياقتك عاون بيها عدوك فكيت حبل السوكري مرحبا بخالتي فاطنة ترحيبا لا ينقصه شئ غير مقابلته بوجه يحمل هما ظاهرا لخالتي فاطنة بت حليمة التي اعتادت دايما بان تقابلني اكثر بشاشة ومرحا وترحابا ولكنها هذه المرة يبدو انها اتت لامر جلل وظهر ذلك جليا حينما ناغمتها الوالدة بان تعالي جاي حصانك جراي وجبنتنا في الصفاي بعدما عدلت من جلستها وكومت توبا فوق كراع الهباب الاخر غير الذي اكرب في السوكري حقو مفسحة لها مجالا طيبا للجلوس بمهلة ففأجأتها بان لن تجلس ولن ترتشف جغمة واحدة من جبنتها البخيتة وسعيدة عليها الا ان توعدها خيرا بالاستجابة لطلبها خير يا بت امي قولي شن بتدوري ؟ ديكي الرقباني كتا خاتاهو مع جداد بخيتة بت عمي احمد .... ديكا الفروج الجابو ديكي كبر ومسكتو جابتو لي قالت لي امسكي عليك ديكك ما بدورو أها ياختي اجيبو ليك ول جبنتك تشربيها براك ؟ عاد كان كدي حاشا بديكي انا ... وديكين في دكا واحدة ما ببقن فامسكت بضقلتها وتجتا تجتين في الدلجا والتجة التالتة جنب كراع عنقريبي البكرب في سوكريهو كان جيتك تاني تقضي لي غرض امي تكوس لي ابوي النيتي لله يا خالتي فاطنة علي بالطلاق الليلة غرضك مقضي اكان تنطبق السماء على الوطا اتي ديكك دا مربياهو لشنو ؟ ببيعو لي كبران نفسي وساعة صرمطي بجيب كم ؟ كان تلاتين كان خمسة وتلاتين هاك آ خالتي دي الخمسين بيعيهو لي فعادت اليها نفس هاتيك البسمة التي كادت ان تضيع وكمان معاها ترنيمة لن تكتبها حروف كل اللغات نوناية يعجز هذا الكيبورد عن نقلها فاحتفظ بها لنفسي ولمن التقيه على نفس العنقريب الكربت سوكريهو
Post: #709 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 11:58 AM Parent: #708
لوحة مبتسمة هدية لمنى عمسيب
محمد الحسن مخاطبا زوجته نفيسة الليلة مالك ماكي ياكي .. أنا الماني ياني ؟ إتا الماكا ياكا
Post: #710 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 12:05 PM Parent: #709
ولوحات قادمات لكل المشاركين في هذا النفاج والمشاركات
Post: #711 Title: Re: نفااااااج نغم في زمان ضاق فيه الحال Author: عبيد الطيب Date: 05-17-2016, 12:49 PM Parent: #710
تحياتي ومعزتي الصادقة أخي عبدالله ودالبوش ياخ إنت زاتك زول بوش بكل مايحمل البوش من معاني وفرح ومدلول عند البوادي والريف "والبوش" عندنا يا أميرة بت السيد هو الفرج ب بالجديد"زواج" ويكونوا أهل البادية طربانين مافي حِدْ، يعني ماهم حادين علي عزيز، والحِد بكسر الحاء بالبوادي ، يعني لا فرح بالفرح، بمعني أكان عرّس أحدهم والناس حادين مهما يبلغ من العِز لا يقام فرح بزواجه أي لا (صفقة ولا سيرة ولا جراري ولا هسيس ولا توية ولا قطار...الخ)
Quote: اتي ديكك دا مربياهو لشنو ؟ ببيعو لي كبران نفسي وساعة صرمطي بجيب كم ؟ كان تلاتين كان خمسة وتلاتين هاك آ خالتي دي الخمسين بيعيهو لي فعادت اليها نفس هاتيك البسمة التي كادت ان تضيع وكمان معاها ترنيمة لن تكتبها حروف كل اللغات نوناية يعجز هذا الكيبورد عن نقلها فاحتفظ بها لنفسي ولمن التقيه على نفس العنقريب الكربت سوكريهو
بمناسبة ديكك دي إنت عارف ياعبدالله أخوي في عام 1991 كنت أدرس بمدرسة "رُحل" ببادية الكبابيش تتبع لمنظمة اليونسف،ولأني إبن بادية الكبابيش، أعرف الكثير من البدو، الذين "إتتوتلت" فرقانهم بالوديان المجاورة للمدرسة حملت بندقيتي، وقلت لزملائي ، سوف أذهب للوادي لأصطاد لكم طائر أو أرنب،وقبل بلوغي الوادي، لمحت جمال أكثر من ثلاثة، مشبول عليها القيد، ترعي علي تخوم،خيم بيضاء ممدودة طنائبها، وعرفت أنها قوافل كانت محملة بالذُّرة، من صفاحها التي عليها أثر القِراف ولأنني أعرف صاحب الخيم،توجهت لخيمته للسلام، وأن "أتحمدل" له العودة،تعانقنا عناق حارا ولا يخلو من الظرف، لأن هذا الرجل أظرف ماعرفته بالبادية، والوقت عصرا وكعادة أهل البادية،شاهي اللَّبن المقنّن أمامهم ، "أبوكتحة"، لأن الوقت درت وهو وقت المهلة والخير بالبادية، وبعدتناول الشاي، نادي البدوي لإبنه الصغير، والذي يدرس بمدرستي قائلا: أمسك ديكك المانع دي خلينا نعشي بيهو رفيقي دي سريييييع.! ليجيبه الشافع : لا لا لا ديكي مابطقُّو..تب..... ياعشايا دي مدرسك....! لا لا إنت شبعان معَّاز..أضبحلو عنز مانعي... والله بضبحلو خروف عديل، عيل أبي والمدرسين ماهُن معاهو وقال مستعجل أها ديكك ببيعو منك! بي كم ياأبوي، بي ...وفتح جُزلانه وناوله المبلغ وفي الحال الوليد طق الديك قرجه رماه وضبحو الطرفة في القصة أم ديك دي كوووولها وإنت أدري ياودالبوش "الدقيق فين" أي مايسمي بدقيق الإسترالي ، والزمن داك لا سيقا ولا.....الخ خيم البدو هي بالقرب من التُّكل، أها قلت مخاطبا للبدوي: ياخي أني مستعجل وبعدين الإسترالي ماباكلو،أعملو لي سنسن تريد ساكت"ثريد" ليضحك البدويُّ ملْ فيه، ويقول: "موخشمك الإسترالي لي رقبتي مالقيتو، أسوي ليك" معزتي
Post: #712 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 01:17 PM Parent: #711
Quote: أعرف الكثير من البدو، الذين "إتتوتلت" فرقانهم بالوديان المجاورة للمدرسة
. .
Quote: لمحت جمال أكثر من ثلاثة ، مشبول عليها القيد، ترعي علي تخوم،خيم بيضاء ممدودة طنائبها
. .
Quote: وعرفت أنها قوافل كانت محملة بالذُّرة، من صفاحها التي عليها أثر القِراف
آمنت بالعتق الغزال
علي بجملة الايمان يا عبيد اخوي وحسبما اعتقد لو تم تحضير روح لبيد بن ربيعة العامري وسرى بها عصرا لهاتيك الفيافي وقيل له ان لم تجارى ناقل اللوحة اعلاه لنصفعن بالناصية لوقف حمار شعره مدحشا في اتانه
Post: #713 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 01:37 PM Parent: #712
وأهديك هذه اللوحة يا عبيد الطيب وما تقول عشان شفتك اسع لا والله من قبيل مجهزة ليك في الذاكرة الباقي لي رسم حروفها وادسها ليك في خرتايتك وكت ما تجي تشيلها وتشيل اهلك توريها ليهم وتسعلم من سرها . . أفندي ساقتو ظروف عملو لمنطقة الكبابيش بكردفان وفي الطريق لمقر عمله تمباكو كمل شاف راعي هناك مشى عليهو ودار بينهما الحوار التالي عندك تمباك آي ... وناولو الحقة نظر اليها فاذا بها سفة واحدة لكن دي سفة واحدة .... اسفها ؟ كان سفيتا بنطعنك وكان ما سفيتا بنطعنك فاحتار الافندي وتلفت يمنا ويسارا وراى بدويا آخر فناداهو ودار الحوار التالي تعال حلني من الشبكة دي زولك دا انا قلت ليهو داير تمباك ناولني الحقة لقيت فيها سفة واحدة قلت ليهو اسفها ؟ قال لي كان سفيتا بنطعنك وكان ما سفيتا بنطعنك فاجابه حلال الشبك وقال ليهو سفها كان طعنك اني بنطعنو وكان ما طعنك اني بنطعنو . . لوحة رايعة لها مدلولات عظيمة ان كنتم تعلمون ......... تأملوها .... فكروا فيها جيدا .... فذلكوها ..... وكان غلبتكم بوريكم سرها العظيم
Post: #714 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 01:42 PM Parent: #713
عليك الله يا ود المنسي الفاني بمدحة الطايرة السودانية واهديها لحجاج التكلة الفكي حامد وسرحان الشيخ تاي الله اللم النفيدية راس في طاقية
Post: #715 Title: Re: نفااااااج نغم في زمان ضاق فيه الحال Author: مني عمسيب Date: 05-17-2016, 02:01 PM Parent: #714
التحية لك النشمي ود البوش ..
وبنشكرك علي الابداع من ابو اخونا العزيز اسامه عمنا العريفي اطال الله عمره ومتعه بدوام الصحة والعافية .. حقيقة لوحة في قمة التفرد وتسلم الايأدي .
Quote: لوحة مبتسمة هدية لمنى عمسيب
مشكور علي لوحة الموناليزا ههههههههه . ونردها ليك ضحكات ههههههه .
********************* صهيل خيلِك وَرَا الضَهَرَاتْ، وفارْسِكْ حَىْ، قَدِحْة الضَّىْ، مَجَرْتَقْ بالنِّضَالْ مُـــــــــو نَىْ، ولا فَتَــــــــرْ إِتْفَـــــــزَرْ لا مَــاتْ ...
Post: #718 Title: Re: نفااااااج نغم في زمان ضاق فيه الحال Author: اميرة السيد Date: 05-17-2016, 02:35 PM Parent: #715
استاذنا علي عبد الوهاب عنده بوست جميل جدا وعنوانه" رفقا بناس الضواحي.. بعض العبارات لا نفهمها"".. وفي هذا البوست كتب عبيد ود الطيب مداخلة رائعة جدا .. لكن ما كل الناس بيفهموها.. ونحن فهمناها بعد طلب المساعدات الخارجية، وخاصة من الشايقية المعانا في الغرفة، وبدأ ود الطيب مداخلته بهذه العبارة:" تحياتي الجميلين عشاق الخندريس جميعا... اخي الضل الرهين استاذ علي .. نعم ضل رهين لأنك تجمع الأحباب"" ونحن نقول هنا لصاحب البوست الأستاذ خالد ود المنسي :" نعم يا خالد انك ايضا ضل رهين لأنك تجمع الأحباب".. وقد رد صاحب البوست الأستاذ علي بهذه العبارة الجزلة وقال:"-: تخيل انكم جميعا في حلقات تلفزيونية عن هذا الوطن الرائع .. بنفس الشرح والعمق...."". وهسع لمن انا قريت مداخلة حبيبنا الرجل الأصيل صاحب الأيادي البيضاء النشمي ود البوش وقرأنا لوحته التصويرية الأنيقة الرائعة عن الخالة فاطنة بت حليمة ، وكذلك قرأنا رد حبيبنا الريفي القروي عبيد ود الطيب، تأكدت من صحة كلام الأستاذ علي عبد الوهاب بانكم جميعا كان لا بد ان تجتمعوا في برامج تلفزيونية ونحكي عن هذا الوطن الجميل .. الوطن السمح .. والوطن ما سمح إلا بسماحتكم انتو ... . . بس كمان يا ود البوش وود عبيد براحة علينا شوية ... وهسع كان ما الشايقية المعانا والبتساعدنا في فهم بعض المصطلحات والعبارات مثل .. الضقلة,, والمشبول.. واثر القراف... ما كنا فهمنا القصد المقصود.. وقلنا للشايقية :" انتي شن عرفك بكلام الكبابيش والرباطاب"" فقالت : كلامنا واحد .. لان كلام اهل الريف واهل البادية والقرى كله بتشابه ...ونحن بنتأثر بجيرانا..."" . فالشكر لكم جميعا يا ناس يا سمحين .. فوالله لولاكم لكانت الأيام هنا في هذه الغربة القساية بطيئة ثقيلة... ولا ننسى في هذه العجالة ان نشكر صاحب الحوش الكبير الباشمهندس بكري الذي اتاح لنا كل هذا الفرح .. وكل هذا التواصل الأنيق .. والله يديكم الصحة والعافية
Post: #716 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 02:12 PM Parent: #714
Quote: قبل خمسة سنوات تقريبا الوالد الله يعطيه الصحة والعافية كان عنده معرض في اروقة للثقافة والفنون المهم مسكوا فيه ناس امجد ديل قالوا ليه عاوزين نعمل معاك لقاء تلفزيوني حاول يعتذر ما قدر جاء التلفزيون بدأ " امجد هوز" في اسئلته العجيبة اللون المفضل الأسئلة بتاعت سبعينات القرن المضي ، اه بعد داك دخل علي الأسئلة الشتره قال ليه زمان كلية الفنون كانت بيطلع 3 خريجين فقط والأن بيطلع 150 طالب ، قام الوالد رد ليه يا ابني انا ما بتكلم عن الكم انا بتكلم عن ال كيف يعني في 150 طالب ديل ما بتلقي فيهم شيخ الصلحي ولأ شبرين ولأ بسطاوي ولأ علي العريفي ، قام لف ليه سؤال اشتر تاني قال ليه انت دائما بتتكلم عن الزمن الماضي في حين انو الأن كل الأشياء متوفرة في الزمن الحالي ، رد عليه الوالد زمان وانحنا طلبة كان المعهد الفني برسلنا رحلات الي جنوب السودان نتمتع بالمناظر الجميلة في الجنوب فتجد كمية مهولة من الأبقار والزرافات وحمار الوادي وينعكس علي فننا حسي حكومتك دي قامت لأ لمينا في الجنوب ولأ لمينا في الزرافات
بس بعد شوية المخرج دخل ليك دعاية اجمل عدس واطعم عدس عدس الوابل عدس الوابل ما يحتاج توابل شفت امجد ده زول فلته كيف
يا أسامة
تفقد أجهزة الإعلام الفضاءية المذيع المثقف التام لكلمة إعلامي وأمثال أجد كُثر وفعلاً أسئلته شترا يدخل كلمة جداً جدأ في جملة تتكون من خمسة مفردات ( يدخلها ستة مرات ) هذا زمان الفاست فود وحتى في الإعلام عندما صار معيار تقيم الإعلامي جمالها و وسامته ثم الواسطة ما مهم ما يحمل من مؤهلات حضور حسن مخارج ألفاظ وغيرها من معيار الإعلامي نفس أسلوب النقاش في المسطبة هو الأسلوب في شاشةالتلفاز تجد المذيع لا يلم بمعلومات كافية عن الشخص المستضاف وتوضع له أسئلة الحوار التي يسردها وقد تكون الإجابة للسؤال القادم قد تعرض لها المستضاف في الإجابة على السؤال الأول لكن مقدم البرنامج الإعلامي تجده في حين تحدث المستضاف هو شارد تفكيره في السؤال القادم ويطرح السؤال القادم ههههههههه قد يكون قد تطرق لهالمستضاف في عرض كلامه على السؤال الأول وهذا يحدث كثيراً
Post: #717 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 02:31 PM Parent: #702
Quote: امبارح جبت ليك زهور من حواشتي وقلت اديك ليها هنا .
يا ربي الزهور ما تكمل قبل ما ننال لينا زهرة تحياتي بت عمسيب
Post: #719 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 02:36 PM Parent: #717
Quote: حرررم دخلت زقاقات النفاج السبعة (صفحة صفحة) وما إرتويت يدوم هناكم ياخ ..انتو ناس سمحين بالحيل على قول بتنا أميرة
الأخ العزيز حيدر شكراً كتير على هذه الكلمات الطيبة جر ليك عنقريب هبابي وارتاح إنجم بيناتنا يا يا طيب
تحياتي ومودتي
Post: #720 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 02:47 PM Parent: #719
Quote: ياخي نحن زمان جانا الفنان صلاح ابن البادية في حلتنا بقينا نتكلم مع ناس الحلول الجنبنا بطرف نخرتنا كونو جانا الفنان ود البادية واتوا ما جاكم هههههههههه فنان من دار اللذاعة غنا في الرادي وغنا في حلتنا اذن حلتنا والرادي واحد شفت العز دا كيف ؟ انا لو منك ولا بتكلم مع زول ذاتو كلامي في دار اللذاعة فقطاً لاغير مضيع رقبتك ساكت اللوحة دي بتجيب لي كم بقرة ماخد ؟
ههههههههههههههههههههههههههههه ههههههههههههههههههههههههههههههه هههههههههههههههههههههههههههههههه والله إت مسلط وحات شيخي تور الجريف أب عنقريباً طار وركا في باسبار قت لي قاعدين تغيظوا في ناس الحلَّال التانية ( جاكم ود البادية ههههههههههههه )
بمناسبة الفنان البجي من الخرتوم حكى لي مرة عازف الكمان الماهر ( إسماعيل عبد الجبار ) عندما ألتقيته في دبي وعرف أني من شندي قال لي : مرة مشينا مع الفنان مصطفى سيد أحمد شندي ... وطبعاً أهلكم ناس دلوكا وعرضة سااااكت مصطفى سيد أحمد يغني والناس هامدة في الكراسي مافي زول قام في نهاية الأمر قام واحد اخو بنات طلع المسرح هزَّ في مصطفى وقال لي في أضانو والله الشنب عندك يا اللخو لكن غنا ما عندك بتعريفة هههههههههههههههههه
Post: #721 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 02:52 PM Parent: #720
Quote: عليك الله يا ود المنسي الفاني بمدحة الطايرة السودانية واهديها لحجاج التكلة الفكي حامد وسرحان الشيخ تاي الله اللم النفيدية راس في طاقية
والله يا ود البوش دورت عليها كاملة بصوت الفنان الكابلي لكن لم اوفق سوف انزل لك الجزء الذي نزل منالكابلي والفيديو التاني من أولاد حاج الماحي لكن الصوت ما حلو
Post: #722 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 03:04 PM Parent: #721
Quote: وإنت أدري ياودالبوش "الدقيق فين" أي مايسمي بدقيق الإسترالي ، والزمن داك لا سيقا ولا.....الخخيم البدو هي بالقرب من التُّكل، أها قلت مخاطبا للبدوي:ياخي أني مستعجل وبعدين الإسترالي ماباكلو،أعملو لي سنسن تريد ساكت"ثريد"ليضحك البدويُّ ملْ فيه، ويقول:"موخشمك الإسترالي لي رقبتي مالقيتو، أسوي ليك"
الحبيب الرايمو ود المقدم سبحت بين مفردتك التي لا تمل النفس من تجرعها وذكرتني بمفرد الدقيق الفين الدقيق الأسترالي حبوبتن لينا عمة الوالد بتقول لي الدقيق الإنصراري والله ممنون لعودة الطيور المهاجرة ود البوش و ود المقدم
وسوف تسعد بهذه المفردة نسمة البطانة بت ابوحريرة كثيراً تحياتي ومودتي ود المقدم
Post: #724 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 03:14 PM Parent: #722
Quote: نسمة البطانة بت ابوحريرة كثيراً
نسمة البطانة دي بالذات عندي ليها لوحة تخليها تخت يديها في راسا وتتفن في الواطا وغلا تدردق عديل كدا وهذه اللوحة رسمت في خيالي الاسبوع الفات دا في الرياض في موقف يخلي شعرة الجلد تكلب مرة واحدة السودانيين ديل عندهم مواقف تجنن حرم
Post: #723 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 03:07 PM Parent: #721
Quote: والله يا ود البوش دورت عليها كاملة بصوت الفنان الكابلي
. . قت لي قاليهو غنا بتعريفة ما عندك ؟ هههههههههههههههههههههههههههههه ههههههههههههههههههههههههههههه هههههههههههههههههههههههههههههه مبالغات علي الجزيمة يا ود المنسي كان باريت حكاويك وحكاوي علا نرجع اهلنا ميطي ساكت مسجل ناشونال ما نشيلو معانا . . عاين لي جاي خالي البلولة ود علوبة هو الذي تحكم في ذوقنا الفني من تبينا الرادي الوحيد في الفريق حقو وتسمع الغنا البدورو هو ولازمن من اللازم يكون فنانك المفضل واحد من ديل ود البادية خلف الله حمد ابوعبيدة حسن الكاشف احمد المصطفى محمد احمد عوض الخ الخ الباقي معروف وحسك اضانك تنقد ما تسمع كابلي ود اللمين الخ الخ الخ والباقي معروف وهكذا لليوم العلينا دا هكذا دواليك
Post: #725 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 03:18 PM Parent: #723
Quote: ستاذنا علي عبد الوهاب عنده بوست جميل جدا وعنوانه" رفقا بناس الضواحي.. بعض العبارات لا نفهمها"".. وفي هذا البوست كتب عبيد ود الطيب مداخلة رائعة جدا .. لكن ما كل الناس بيفهموها.. ونحن فهمناها بعد طلب المساعدات الخارجية، وخاصة من الشايقية المعانا في الغرفة، وبدأ ود الطيب مداخلته بهذه العبارة:" تحياتي الجميلين عشاق الخندريس جميعا... اخي الضل الرهين استاذ علي .. نعم ضل رهين لأنك تجمع الأحباب"" ونحن نقول هنا لصاحب البوست الأستاذ خالد ود المنسي :" نعم يا خالد انك ايضا ضل رهين لأنك تجمع الأحباب".. وقد رد صاحب البوست الأستاذ علي بهذه العبارة الجزلة وقال:"-: تخيل انكم جميعا في حلقات تلفزيونية عن هذا الوطن الرائع .. بنفس الشرح والعمق...."". وهسع لمن انا قريت مداخلة حبيبنا الرجل الأصيل صاحب الأيادي البيضاء النشمي ود البوش وقرأنا لوحته التصويرية الأنيقة الرائعة عن الخالة فاطنة بت حليمة ، وكذلك قرأنا رد حبيبنا الريفي القروي عبيد ود الطيب، تأكدت من صحة كلام الأستاذ علي عبد الوهاب بانكم جميعا كان لا بد ان تجتمعوا في برامج تلفزيونية ونحكي عن هذا الوطن الجميل .. الوطن السمح .. والوطن ما سمح إلا بسماحتكم انتو ... . . بس كمان يا ود البوش وود عبيد براحة علينا شوية ... وهسع كان ما الشايقية المعانا والبتساعدنا في فهم بعض المصطلحات والعبارات مثل .. الضقلة,, والمشبول.. واثر القراف... ما كنا فهمنا القصد المقصود.. وقلنا للشايقية :" انتي شن عرفك بكلام الكبابيش والرباطاب"" فقالت : كلامنا واحد .. لان كلام اهل الريف واهل البادية والقرى كله بتشابه ...ونحن بنتأثر بجيرانا..."" . فالشكر لكم جميعا يا ناس يا سمحين .. فوالله لولاكم لكانت الأيام هنا في هذه الغربة القساية بطيئة ثقيلة... ولا ننسى في هذه العجالة ان نشكر صاحب الحوش الكبير الباشمهندس بكري الذي اتاح لنا كل هذا الفرح .. وكل هذا التواصل الأنيق .. والله يديكم الصحة والعافية
الأميرة أميرة المفردة القديمة لها مدلوها من رنة لفظها هسي لما يقول لك ( أختر ) تحسي من حروف المفردة دلالة أمشي جاء جاء خليل فرح المحسي من أرض الشمال ( المحس ) قضى بعض من أيام شبابه في الجزيرة لظروف عمل لكن عندما نشد الشعر فاق شعره أبناء البادية مفردة ونافسهم في مفردتهم أنظري في شعر خليل فرح الضواحي ود مدني تجدي العجب ولك الشكر على كل حرف خطه كي بوردك يا أميرة
Post: #726 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 03:23 PM Parent: #725
Quote: نسمة البطانة دي بالذات عندي ليها لوحة تخليها تخت يديها في راسا وتتفن في الواطا وغلا تدردق عديل كدا وهذه اللوحة رسمت في خيالي الاسبوع الفات دا في الرياض في موقف يخلي شعرة الجلد تكلب مرة واحدة السودانيين ديل عندهم مواقف تجنن حرم
منظرين قدوم نسمة البطانة بت أبوحريرة
لكن ود البلولة حاكم الناس بي رادي ههههههههههه والبقول أخ يتلخ
Post: #727 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 03:29 PM Parent: #726
ناسي عجاج والضواحي
Post: #728 Title: Re: نفااااااج نغم في زمان ضاق فيه الحال Author: عبيد الطيب Date: 05-17-2016, 06:08 PM Parent: #727
تحياتي ومعزتي لكل سمحين النافلة، وناس أم عروض وشكرا لصاحب الديوان الممهول والقدح الماهل أخوي خالد الذي جمعنا يا عبدالله أخوي زولك البدوي دخَّل اللَّفندي في وعرة اها قِرياف التُّمباك قالوا كعب، لذا قال شاعرهم الخلاَّني اسوِّي التابة ليَّا مقوت دايرك تبقي من تالا البرد كبُّوت *التابة هي التمباك، وتحديدا الرَّيش من التمباك أي قبل يُسحن ومقوت أي كأنه يتقوّت بها، والكبوت هو البالطو ، وهنا كناية علي أنه يتمني الزواج منها، ودي إشارة لأن أهل البادية، الزوج ينام في الشق الجنوبي وزوجته تنام شمالا، والبرد يأتي من الشمال ودي عادة عندهم فرضا،"راجع بوست لي قديم" تحياتي الأخت أم نفل أميرة بت السيد، ولك علينا دين ، في كل مداخلة سوف نشرح أو نعمل حاشية ولنسمة البطانة كما يقول أخونا خالد،أختنا بت أبوحريرة، وياله من إسم يملأ الفرقان والبوادي والريف، والبطانة هي سدرة الخلود لكل البوادي، شايف أختنا عفاف، أهدتنا صورة لهرع راحل، وبمناسبة الهرع الراحل، نهديها هذا المقطع من غنا الجراري ذات خريف بالبادية، توغل الأبالة جنوبا، وتأخروا قليلا في العودة،وفي صباح ممطر، حدَّقت آمنة بت صقر، للهرع الراحل من الجنوب شمالا، وقالت تخاطبه من غنا الجراري: الهرع الجيت من فجُر دقشت آتو في البزُر لقيت عبدول ودصقُر وهاد كاكليت فوق بكُر *دقشت أي من قابلت في الشباب"البزُر" وهاد أي إتخذا جملا قويا وأصيلا "كاكليت" فحلا لإبله تحياتي أخي حيدر والأخت مني عمسيب والفنان العريفي ومعزة صادقة للجميع
Post: #729 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-17-2016, 06:19 PM Parent: #727
المزكور ما منسي واهل الدار كلكم والبنوت وعلي راسهم بت عمسيب ماتنفقدي في شينه يامنى والله ياخالد الرحيل ما عز العرب الرحيل بشتنه ورقاد واطه والله جوطه ماعاديه وطبعا لازم حوادث وتلفوني كان من ضحايا الرحول والله فاقداكم اول نفاجكم ده كان زي الدكان اسي بقي زي كيس الصعوط ههههههه لا وكمان جاب ناس سمحين والوعره دخله دوده حباب ود البوش انت والوليدات ياربي تكونو طيبين خالد كان غبت عليكم والله لي هسع مهجراويه ههههههه لكن عالم الله ماغبتو من خاطري بالزات زهور وورود بت عمسيب
Post: #730 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 05-17-2016, 06:27 PM Parent: #729
واحد جا من الشغل مفلِّس وقافلة معاهو قال لمرتو ,, الغداء بى شنو؟ قالت ليهو كِسرة بى موية ,, قال لها يلا روحى بيت ابوك انتى طلقانة. مرقت وجاتو بالشباك ,, قالت ليهو: فيها طماطم أجِى؟ ودالبوش ياخ خرمان ليك عديييل كده. سلام للربع ,,
Post: #738 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 07:50 PM Parent: #730
Quote: ودالبوش ياخ خرمان ليك عديييل كده
أها هاك سف وقارن عمك حبيب الله ود اب عجاجة بتو لحقتو في الحواشة جابت ليو الفطور قبل ما تصلو مو شفقان وجعان الفطور بشنو ؟ بموية ما بدورو رجعيو تاكلو ملاح اللوبا وتجيبو لي بالموية ما بدورو رجعيو البت المسكينة صدت راجعة عوووووك كورك ليها فيو بصلة؟ آي خلاص جيبيو تجيك الشعفوفة ههههههه . . يا حليلكم يا الفاضلابي تحياتي للعيال وخاصة الملاكم
Post: #731 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-17-2016, 06:31 PM Parent: #729
خالد بالغتا عديل الضواحي ونانسي بتسافر بيك الي اماكن عجيبه شكرا ابا احمد
Quote: نسمة البطانة دي بالذات عندي ليها لوحة تخليها تخت يديها في راسا وتتفن في الواطا وغلا تدردق عديل كدا وهذه اللوحة رسمت في خيالي الاسبوع الفات دا في الرياض في موقف يخلي شعرة الجلد تكلب مرة واحدة السودانيين ديل عندهم مواقف تجنن حرم
عبدالله انا منتظره واكيد النفاج بي حكاويك الواحد من ضله مابقوم
Post: #732 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-17-2016, 06:33 PM Parent: #731
حباب الخال
Post: #733 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 05-17-2016, 06:45 PM Parent: #732
Quote: حباب الخال
هلا حبابك بت اختى . المك مافضل ليهو الا يقول لبكرى يضرب المنبر جير ابيض ,, ويكتب عليه: ياراحلين الى مِنَىٍ بغيابى
Post: #734 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 07:03 PM Parent: #733
Quote: تحياتي ومعزتي لكل سمحين النافلة، وناس أم عروض وشكرا لصاحب الديوان الممهول والقدح الماهل أخوي خالد الذي جمعنا يا عبدالله أخوي زولك البدوي دخَّل اللَّفندي في وعرة اها قِرياف التُّمباك قالوا كعب، لذا قال شاعرهم الخلاَّني اسوِّي التابة ليَّا مقوت دايرك تبقي من تالا البرد كبُّوت *التابة هي التمباك، وتحديدا الرَّيش من التمباك أي قبل يُسحن ومقوت أي كأنه يتقوّت بها، والكبوت هو البالطو ، وهنا كناية علي أنه يتمني الزواج منها، ودي إشارة لأن أهل البادية، الزوج ينام في الشق الجنوبي وزوجته تنام شمالا، والبرد يأتي من الشمال ودي عادة عندهم فرضا،"راجع بوست لي قديم" تحياتي الأخت أم نفل أميرة بت السيد، ولك علينا دين ، في كل مداخلة سوف نشرح أو نعمل حاشية ولنسمة البطانة كما يقول أخونا خالد،أختنا بت أبوحريرة، وياله من إسم يملأ الفرقان والبوادي والريف، والبطانة هي سدرة الخلود لكل البوادي، شايف أختنا عفاف، أهدتنا صورة لهرع راحل، وبمناسبة الهرع الراحل، نهديها هذا المقطع من غنا الجراري ذات خريف بالبادية، توغل الأبالة جنوبا، وتأخروا قليلا في العودة،وفي صباح ممطر، حدَّقت آمنة بت صقر، للهرع الراحل من الجنوب شمالا، وقالت تخاطبه من غنا الجراري: الهرع الجيت من فجُر دقشت آتو في البزُر لقيت عبدول ودصقُر وهاد كاكليت فوق بكُر *دقشت أي من قابلت في الشباب"البزُر" وهاد أي إتخذا جملا قويا وأصيلا "كاكليت" فحلا لإبله تحياتي أخي حيدر والأخت مني عمسيب والفنان العريفي ومعزة صادقة للجميع
لا تعليق غير نقول سلم فاك أخوي ود المقدم في النضمي السمح
Post: #735 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 07:08 PM Parent: #734
Quote: المزكور ما منسي واهل الدار كلكم والبنوت وعلي راسهم بت عمسيب ماتنفقدي في شينه يامنى والله ياخالد الرحيل ما عز العرب الرحيل بشتنه ورقاد واطه والله جوطه ماعاديه وطبعا لازم حوادث وتلفوني كان من ضحايا الرحول والله فاقداكم اول نفاجكم ده كان زي الدكان اسي بقي زي كيس الصعوط ههههههه لا وكمان جاب ناس سمحين والوعره دخله دوده حباب ود البوش انت والوليدات ياربي تكونو طيبين خالد كان غبت عليكم والله لي هسع مهجراويه ههههههه لكن عالم الله ماغبتو من خاطري بالزات زهور وورود بت عمسيب
نسمة البطانة حمد الله سلامـــــة وبركة بي الشوفة والله مشتاقين لي حديثك الطاعم يأنسنا يا زولة لما الأمن يستقر أبقي مهاجرية ابقي رباطية المهم شوفتك بت عمسيب أمس جات مكندكة مسوية ليها دية في بوستات الحيكومة وعمايلها الودت البلد في داهية والله لما دخلت بي النفاج وتهرج ما عرفتها من الغبرة ما تغيبي كفاية بسمات هربت مننا عديل وقاطعتنا القحوف لك التحية والمودة
Post: #736 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 07:12 PM Parent: #735
Quote: هلا حبابك بت اختى . المك مافضل ليهو الا يقول لبكرى يضرب المنبر جير ابيض ,, ويكتب عليه: ياراحلين الى مِنَىٍ بغيابى
الفاضلابي والله ليك وجشة يا زول ات وين بتغتس ههههههههههههههههه قلت قالت لي في حبة طماطم
Post: #737 Title: Re: نفااااااج نغم في زمان ضاق فيه الحال Author: عبدالله ود البوش Date: 05-17-2016, 07:38 PM Parent: #731
Quote: عبدالله انا منتظره
انا اخوك اتي دي كب انقوم على لوحتك الفنية اسلمك ليها اسع تي دي صرة في خيت عايني لي جاي الاسبوع الفات محمد علي البصير ضرب الروراي وقال عووووك في مرة سودانية بين الحياة والموت في اللسبتالية بدور الدم وقلنا كدي هشنا واتلبشنا ويا اللسبتالية جوك ناس هايشين ودمهم حار في ظرف ساعتين بس علي بجملة الايمان ناس بنك الدم غلبن اشفطوا الدم من كترة الناس الناس دي يا العافية واقفين على كرعينم المرة دايرين ليها 35 كيس جوها تمانين وناس بنك الدم بعد شوية قالوا وفروا دمكم ليوم تاني خلاص كدا كفاية . . الموقف ما كان بسمح بالتصوير ولكنها لوحة ليس من راها كمن سمع بها . . تحياتي لك ولابو احمد والعيال
Post: #739 Title: Re: نفااااااج نغم في زمان ضاق فيه الحال Author: عواطف ادريس اسماعيل Date: 05-17-2016, 08:36 PM Parent: #737
أبو أحمد يسعد مساك
حفلتك رابة
قلت الحق قبل حظر التجول
يعطيكم العافية
Post: #740 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 05-17-2016, 08:46 PM Parent: #739
Quote: أبو أحمد يسعد مساك
حفلتك رابة
قلت الحق قبل حظر التجول
يعطيكم العافية
اووووو حبيبتنا طوفى او كما يحلو للمسنوح اها ياود المنسى الشرك الـ قبض طوفى ده اخرِم ليك حبة عابجارو وادفنه تانى يمكن يجيب صاحبك علا المسنوح زى الفِرَّة يهبر الشرك. ياعواطف ان شاء الله غداك فوقو حبة طماطم؟
Post: #741 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 08:54 PM Parent: #740
Quote: . الموقف ما كان بسمح بالتصوير ولكنها لوحة ليس من راها كمن سمع بها
دي المحرية فيكم نشامـــــــة
Post: #743 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 09:01 PM Parent: #741
هلا العزيزة عواطف أدريس وبزيارتك نفاجنا نور كيفك حالك يا عواطف وزارتنا البركة وتحيات كُتار ومودة
Post: #745 Title: Re: نفااااااج نغم في زمان ضاق فيه الحال Author: اميرة السيد Date: 05-17-2016, 09:06 PM Parent: #741
ود الفاضلاب يعني معنى كلامك ده من هسع نجهز الطاطم ... ولا نقول لك... اخير نشتري لينا مزرعة ونزرع فيها طماطم .. واضحك الله سنك وجعلك دائما من الضاحكين... والله يديك الصحة والعافية .. الحبيبة الغالية عطوفي شكرا للطلة البهية..... تعالي لينا هنا من وقت لآخر,,,, لمن قريت حظر التجول.. قلت في نفسي.. عواطف تكون مشت الاجازة للسودان !!!.. ويا ربي حتصوم في السخانة البدون كهربة دي كيفن!!! والله يديك الصحة والعافية
Post: #742 Title: Re: نفااااااج نغم في زمان ضاق فيه الحال Author: مني عمسيب Date: 05-17-2016, 08:57 PM Parent: #740
الكلس فاضلابي ..
لك التحية المعطرة ..
يا فاضلابي عملتها واضحة ياخي ! انا اتكلم معاك وانت عامل حرايح ههه طبعآ اكيد في الوتسبة ! راحع الوتسبة ورد علي . وخقيقة مشتاقون .
والتحية للعقاب ...
******************** صهيل خيلِك وَرَا الضَهَرَاتْ، وفارْسِكْ حَىْ، قَدِحْة الضَّىْ، مَجَرْتَقْ بالنِّضَالْ مُـــــــــو نَىْ، ولا فَتَــــــــرْ إِتْفَـــــــزَرْ لا مَــاتْ ...
Post: #744 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-17-2016, 09:04 PM Parent: #742
Quote: اووووو حبيبتنا طوفى او كما يحلو للمسنوح اها ياود المنسى الشرك الـ قبض طوفى ده اخرِم ليك حبة عابجارو وادفنه تانى يمكن يجيب صاحبك علا المسنوح زى الفِرَّة يهبر الشرك. ياعواطف ان شاء الله غداك فوقو حبة طماطم؟
يا الفاضلابي عواطف شركت ليها بي صارقيل لكن المسنوح تمساح ما جاب خبرو غتستو دي أبداً ما راقدة لي في قلبي أعقرو لي وجيب لي خبرو
Post: #746 Title: Re: نفااااااج نغم في زمان ضاق فيه الحال Author: مني عمسيب Date: 05-17-2016, 09:13 PM Parent: #744
يا النفاجباب لو سمحتوا وبارغم من الجراح نفسي اسمع وحياة المحبة واشواقي وحناني .
ولكم وفرة الحب .
*********************** صهيل خيلِك وَرَا الضَهَرَاتْ، وفارْسِكْ حَىْ، قَدِحْة الضَّىْ، مَجَرْتَقْ بالنِّضَالْ مُـــــــــو نَىْ، ولا فَتَــــــــرْ إِتْفَـــــــزَرْ لا مَــاتْ ...
Post: #747 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 05-17-2016, 10:07 PM Parent: #744
Quote: يا فاضلابي عملتها واضحة ياخي ! انا اتكلم معاك وانت عامل حرايح ههه طبعآ اكيد في الوتسبة ! راحع الوتسبة ورد علي . وخقيقة مشتاقون
ابداً يامنى ,, عندى شافع مسلَّط الليل والنهار يطبِّظ فى التلفون ماعارف عمل شنو خلاَّهو يبتبِت زى لمبة الجاز مرة يشتغل ومرة يحرن وبينى وبينك انا الليامات دى مزنوق فى الشغل ارجع البيت زى الجاى من حواشة غايتو اليوم لقيت لى فرقة.
Post: #748 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 05-17-2016, 10:19 PM Parent: #747
Quote: ويا ربي حتصوم في السخانة البدون كهربة دي كيفن!!!
بمناسبة الكهرباء القاطعة دى. واحد اتصل على خطيبتو: اسمعى ياروحى ممكن نتقابل؟ قالت ليهو متين؟ قال ليها بُكره. قالت ليهو بُكره كهربتنا شغالة خليها بعد بكره. قال ليها نحن بعد بكره كهربتنا شغالة حا اتصلى عليك مرة تانية نحدد مواعيد. الناس ديل لحدِّى مداخلتى دى ما اتقابلوا. وربنا يديك العافية.
Post: #749 Title: Re: نفااااااج نغم في زمان ضاق فيه الحال Author: عواطف ادريس اسماعيل Date: 05-17-2016, 10:27 PM Parent: #748
أخونا العزيز الفاضلابي ليك وحشة والله
دايما منور البوستات بطلتك الانيقة
بمناسبة قطعة الكهرباء قالو واحد معرس مرتين واحدة في بحري والتانية في الخرطوم
قام قسم أيامهن على جدول الكهرباء بحيث إنه يكون دايما تحت المكيف ههه
Post: #750 Title: Re: نفااااااج نغم في زمان ضاق فيه الحال Author: عواطف ادريس اسماعيل Date: 05-17-2016, 10:29 PM Parent: #749
الأميرة بت السيد
سعيدة بوجودك في المنبر
عارفة كنت في السودان لكن شردت قبل الجدولة
يختي دة شعرا ما عندنا ليه كهربة
محبتي
Post: #751 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 05-17-2016, 10:44 PM Parent: #750
ضاربين الهم بالفرح ,, الله يجازى الكان السبب
Post: #752 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-17-2016, 11:30 PM Parent: #751
Quote: ولنسمة البطانة كما يقول أخونا خالد،أختنا بت أبوحريرة، وياله من إسم يملأ الفرقان والبوادي والريف، والبطانة هي سدرة الخلود لكل البوادي، شايف أختنا عفاف، أهدتنا صورة لهرع راحل، وبمناسبة الهرع الراحل، نهديها هذا المقطع من غنا الجراري ذات خريف بالبادية، توغل الأبالة جنوبا، وتأخروا قليلا في العودة،وفي صباح ممطر، حدَّقت آمنة بت صقر، للهرع الراحل من الجنوب شمالا، وقالت تخاطبه من غنا الجراري: الهرع الجيت من فجُر دقشت آتو في البزُر لقيت عبدول ودصقُر وهاد كاكليت فوق بكُر *دقشت أي من قابلت في الشباب"البزُر" وهاد أي إتخذا جملا قويا وأصيلا "كاكليت" فحلا لإبله تحياتي أخي حيدر والأخت مني عمسيب والفنان العريفي ومعزة صادقة للجميع
هههههههه اخوي عبيد الله يسعد مساك وشكرا علي الاهداء لكن بيني وبينك الا استعين بي المحرب لي بعض المفردات والله النفاج بقي جسر محبه عديل وجاب لينا ناس لينا منهم ذمن
Post: #753 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-17-2016, 11:39 PM Parent: #752
Quote: انا اخوك اتي دي كب انقوم على لوحتك الفنية اسلمك ليها اسع تي دي صرة في خيت عايني لي جاي الاسبوع الفات محمد علي البصير ضرب الروراي وقال عووووك في مرة سودانية بين الحياة والموت في اللسبتالية بدور الدم وقلنا كدي هشنا واتلبشنا ويا اللسبتالية جوك ناس هايشين ودمهم حار في ظرف ساعتين بس علي بجملة الايمان ناس بنك الدم غلبن اشفطوا الدم من كترة الناس الناس دي يا العافية واقفين على كرعينم المرة دايرين ليها 35 كيس جوها تمانين وناس بنك الدم بعد شوية قالوا وفروا دمكم ليوم تاني خلاص كدا كفاية . . الموقف ما كان بسمح بالتصوير ولكنها لوحة ليس من راها كمن سمع بها .
أخوي الما انذكـــر في شينـة ممــا تبّ أخوي الفي الدواس شال الضكـارة وعبّا أخوي الشخصو بين الناس حضور ماغبّ رافـع راسي ...فوق درب المكـــارم خبّ
Post: #754 Title: Re: نفااااااج نغم في زمان ضاق فيه الحال Author: مني عمسيب Date: 05-18-2016, 07:40 AM Parent: #753
صباح الوطن الحب العافية ..
ود المنسي صباح الزهور برائحة العطور ..
Quote: يا ربي الزهور ما تكمل قبل ما ننال لينا زهرة تحياتي بت عمسيب
واليك ما تشتهي من حواشتي من زهور .
Post: #755 Title: Re: نفااااااج نغم في زمان ضاق فيه الحال Author: عبيد الطيب Date: 05-18-2016, 09:34 AM Parent: #754
Quote: أخوي الما انذكـــر في شينـة ممــا تبّ أخوي الفي الدواس شال الضكـارة وعبّا أخوي الشخصو بين الناس حضور ماغبّ رافـع راسي ...فوق درب المكـــارم خبّ
يا سلااااام علي الشعر االرصين أهديكم هذه المرابيع لأُختي بت خالي أم المصطفي تمدح شقيقها الأخ الشاعر الشفيف الإنسان الخلوق محمدالطيب"حنفي"
أخوى أنا أخوى أنا الشَفْ المقرَّن حـَبلو أخوى أنا خٌرسِك آ آمنه السمِح فى شَبلوْ أخوىْ وارثْ القيَم من الرجال القبلو أخوى أنا بفتَح الباب المسوكَر طبلو ************************ أبواتِك قبيل برفو وبعدلو المايلة وإيدك وابِل الضحوى البسوق لا القايلة تسلم ليا يا دراج ... عصام العايله تسلم ليا يا الحوض البجــٍم الضايلة *********************** إيدك وابل النتره البتدوى رعودو وصدرك واسع البحر البعيدة حدودو أخوى كنز الرجا المــِن تبا نادر عودو وين ما يمشى يا ربى العديلة تقودو
*الشَّف من حُلي العذاري وينضم بحبل رقيق، ويفصل بفص السوميت ويشبل في جيد الحسناء"حنجور/ عنق" والخُرس جمعها أخراس ايضا حلي من الذهب دائرية تشبلها العذاري في الأذن، ودائما أهل البوادي اذا مدحوا أحدهم يقولون مثلا"حجل آمنة ، دُخري فاطنة، خرس زينب، يشبهونه بالذهب ولكن ينسبونه لأخته، لأنه دُخري وغال القيمة عندها، وكثيرا مايقولون "مردوع فلانة" *إذا قالوا طبلة مسوكرة يعني طبلة محكمة الصنع، وباب مسوكر اي محكم القفل، ويقولون أيضا الطبلة سجرت ، وقديما قالت الشاعرة فرحتنا بت الفكي، تمدح الشيخ المر زعيم الكبابيش الراحل: يامفتاح السَّجر الكزاك ماتجر بشوف مظعانك كجر فوق طروم الحجر برفو اي يساعدون الضعيف وأهل البادية يقولون فلان رافاي للضعاف، أو براشو للضعيف، ويقولون عدَّال المايلة والضحوي هو مطر بعد شروق الشمس،ودائما هطوله يكون ثابتا وبدون رعود ورياح ويستمر مدة طويلة يقولون درَّاج العاطلة ، والشاعرة قالت "دراج عصام العايلة"، وهنا قمَّة الإيثار لأهله ورحمه و"الضايلة طهي البهيمة التي لاتجد من يسقيها بالمنهل، والحوض هو إناء كبير لسقي البهائم، وهنا ايضا كناية أن أخاها يهتم بالجار وبالفقير والمسكين ، أولا مدحته بأنه يعطي ويهب أرحامه وأقرباءه"درّاج عصام العايلة" ثم أنه أيضا يهب ويعطي جيرانه المساكين والفقراء الأغرباء "الحوض البِجم الضايلة" مرابيع رائعة جدا معزتي للجميع وسلام مشبول في طوق قمري ومصرور في دعاش نوار سعات يصل الدُّخري الطيب ودشيقوق
Post: #756 Title: Re: نفااااااج نغم في زمان ضاق فيه الحال Author: اسامه العريفي Date: 05-18-2016, 11:55 AM Parent: #755
اخونا ود المنسي جايب لي ضيف عزيز علي اخونا سيف اليزل ختم " بريقع" عليك الله رش الراكوبة دي شوية من الحر ده
Post: #757 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 01:44 PM Parent: #756
Quote: أخوي الما انذكـــر في شينـة ممــا تبّ أخوي الفي الدواس شال الضكـارة وعبّ اأخوي الشخصو بين الناس حضور ماغبّ رافـع راسي ...فوق درب المكـــارم خبّ
غايتو يا نسمة البطانة ود البوش الليلة لازمة عرضة زين وصوقيرة وتجي بت عمسيب تجدع شبالا المكمتر وفوق طريفو ودع ويتمولص ويقول طلقانة إلا يخلوا ضهرو شقوق
Post: #759 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 02:01 PM Parent: #757
Quote: يا النفاجباب لو سمحتوا وبارغم من الجراح نفسي اسمع وحياة المحبة واشواقي وحناني .
ولكم وفرة الحب .
بت عمسيب طلباتك أمر يا سمحة الطاري وشكراً على كوم الزهور لكن كان جدعتي ليك معاهن تميرات وحلاوة طحنية كان تميتي الشكرة هههههههههههههه المجرين دلوعني سألوني مولود يوم كم وريتم رجعت من العمل لقيت البيت يقج تورتات وهنبوكات هههههههه قولوا عيد ميلاد ابو أحمد الزوجة وأمها وأختها وابوها وحت أحمد ينقز زي عتيد البرم ( الله يحفظه ) رصو الشمع الما شالتو التورتا ههههههههه طفيتو في خمسة نفخات ( مو كتير يا بت عمسيب ) وبعده الهدايا .... أخوك قال الليلة ألقى لي هِدمات وجزيمة تقي كرعي شر برد كوسوفا القاهر وحات الله فتحت الوريقات جت عليهن شي كتاب أدب واخر كرفتا وأخر وردة قلت لهم ها ناس مافي حلاوة طحنية هههههههههه في شيتكم دا ولا لِحمات
ولك ود الصحافة
هدية
Post: #758 Title: Re: نفااااااج نغم في زمان ضاق فيه الحال Author: عبدالله ود البوش Date: 05-18-2016, 01:54 PM Parent: #753
Quote: أخوي الما انذكـــر في شينـة ممــا تبّ أخوي الفي الدواس شال الضكـارة وعبّا أخوي الشخصو بين الناس حضور ماغبّ رافـع راسي ...فوق درب المكـــارم خبّ
دا اياهو الكلام ذاتو البخلي الزول اقع فوق رقبتو اكسرا كععع كرررع كرامة وسلامة لي الزي ديل البستاهلو الرويحة الوحيدة دي
Post: #760 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 02:07 PM Parent: #758
Quote: بمناسبة قطعة الكهرباء قالو واحد معرس مرتين واحدة في بحري والتانية في الخرطوم
قام قسم أيامهن على جدول الكهرباء بحيث إنه يكون دايما تحت المكيف ههه
بت أدريس عاطف اسعدتي ناس الضليل البجو داخلين بي النفاج وكل منانا أن تبقي بيننا يا عواطف تحياتي ومودتي لك في بلاد الضباب
Post: #762 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 02:21 PM Parent: #760
Quote: أخوى أنا أخوى أنا الشَفْ المقرَّن حـَبلو أخوى أنا خٌرسِك آ آمنه السمِح فى شَبلوْ أخوىْ وارثْ القيَم من الرجال القبلو أخوى أنا بفتَح الباب المسوكَر طبلو ************************ أبواتِك قبيل برفو وبعدلو المايلة وإيدك وابِل الضحوى البسوق لا القايلة تسلم ليا يا دراج ... عصام العايله تسلم ليا يا الحوض البجــٍم الضايلة *********************** إيدك وابل النتره البتدوى رعودو وصدرك واسع البحر البعيدة حدودو أخوى كنز الرجا المــِن تبا نادر عودو وين ما يمشى يا ربى العديلة تقودو
يا سلام يا ود المقدم علي الكلام الطيب وأزيد فوق وصفك المنضوم حلي كانت حُلي المرا’ زمان عديدة الورقة ومكانها الرأس تلصق في الشعر الزمام اب رشمة والدقة والزرزور الشف كما وصفه ود المقدم تكون الذهب فيه على شكل ورقة أم جنيه ذهب او نص جنيه الخرز الفداية والحجل ويصنع من الذهب او الفضة او النحاس وأحفظ مالك غويشة في شكل سلسلة من أنصاف الجنيه الذهبي
Post: #761 Title: Re: نفااااااج نغم في زمان ضاق فيه الحال Author: اميرة السيد Date: 05-18-2016, 02:17 PM Parent: #758
وهنبوكات هههههههه>> (QUOTE) >>>>>>>>> الله يجازي شيطان عقلك...... كل سنة وانت طيب وهابي بيرث دي.. وتقبل تهاني وتحيات المسنوحة بسمات والتي ستشرفنا يوم الثلاثاء القادم قادمة من بلاد الانجليز ... واظنها تكون قد تأثرت بهم .. وتجينا ببرود لم نعهدها فيها من قبل لأننا بنسمع ان الانجليز يتسمون بالبرود الشديد.. ولا ندري ما صحة هذا القول...ويقولون انهم لا يتكلمون مع الغرباء وكلامهم قليل .. والجواب على قدر السؤال... أما الأمريكان فحدث ولا حرج.....ما بقيفوا من الكلام وشمشارين وكلامهم كتير ويدخلوا في الونسة بدون دعوة.... والله يديك الصحة والعافية
Post: #763 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 02:28 PM Parent: #761
Quote: ضاربين الهم بالفرح ,, الله يجازى الكان السبب
والله يا الفاضلابي الزول جميل خالص وصوتو حلو كتير ودمو خفيف أجمل أصوات كثيراً من بغال القنوات الفضائية والقصيد طبعاٌ من كلمات الفنان الشاعر ود الرضي الذي يمتاز بوصف الحسان
Post: #764 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 02:38 PM Parent: #763
Quote: اخونا ود المنسي جايب لي ضيف عزيز علي اخونا سيف اليزل ختم " بريقع" عليك الله رش الراكوبة دي شوية من الحر ده
والله يا العريفي يوم المنى أن يكون هذا الشخص الجميل بيننا أقدم نبذة تعريفية لهذا الشخص هو من أبناء شندي الجميلة بأهلها سيف اليزل سر الختم من أسرة عريقة في شندي أسرة فنية طبعاً اسم الشهرة بريقع ومن منَّا لا يعرف بريقع ( ولد حجا في جنة الأطفال ) طبعاً ود البوش ما شاف جنة الأطفال جاري من حواشة لي حواشة في ضهر ضانو وسعيتو هي أسرة الفنان الجميل الطيب عبد الله ... حجا ... الفنان شرف الدين حسين ... الفنان الأستاذ عوض عبدالله والشعرة الكبيرة بنت شندي الملكة بت حاج أحمد وبالمناسبة بريقع هذا شاعر وله الجميل من الشعر المرهف وكما أشتهر أجداده في مدينة شندي بمنتدى أيام كان المقاهي هي منتديات الثقافة السياسة والنوادر ( قهوة التيمان ) وهي من أشهر مقاهي شندي ( منتدى المثقفين قديماً ) مع قهوة بابو وقهوة هبار وقهوة الكاظم مرحب بالأخر والصديق الجميل سيف اليزل بريقع
Post: #765 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 02:40 PM Parent: #764
Quote: دا اياهو الكلام ذاتو البخلي الزول اقع فوق رقبتو اكسرا كععع كرررع كرامة وسلامة لي الزي ديل البستاهلو الرويحة الوحيدة دي
هيييييييييييع ومحل رهيفة تنقد ابوضراع
Post: #766 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 02:47 PM Parent: #765
Quote: الله يجازي شيطان عقلك...... كل سنة وانت طيب وهابي بيرث دي.. وتقبل تهاني وتحيات المسنوحة بسمات والتي ستشرفنا يوم الثلاثاء القادم قادمة من بلاد الانجليز ... واظنها تكون قد تأثرت بهم .. وتجينا ببرود لم نعهدها فيها من قبل لأننا بنسمع ان الانجليز يتسمون بالبرود الشديد.. ولا ندري ما صحة هذا القول...ويقولون انهم لا يتكلمون مع الغرباء وكلامهم قليل .. والجواب على قدر السؤال... أما الأمريكان فحدث ولا حرج.....ما بقيفوا من الكلام وشمشارين وكلامهم كتير ويدخلوا في الونسة بدون دعوة.... والله يديك الصحة والعافية
ههههههههههههه والله يا الأميرة هذه حقائق عشت بين الناس ديل ( الأوروبين وكاني عايش في شندي ) كنت أعتز شديد ببدويتي وبساطتي ترجع بالسلامة بسمات وبسمة أتبرة والأتبراوي دي دهب شيبون ما بتغير وجعلية حامية لو كبوا فيها برود كل الأنجليز تكون نار مولعة في جوفها تحياتي لابتهال وامتثال و بسمات هههههههه الشايقية
Post: #767 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-18-2016, 03:49 PM Parent: #766
Quote: والله يا العريفي يوم المنى أن يكون هذا الشخص الجميل بيننا أقدم نبذة تعريفية لهذا الشخص هو من أبناء شندي الجميلة بأهلها سيف اليزل سر الختم من أسرة عريقة في شندي أسرة فنية طبعاً اسم الشهرة بريقع ومن منَّا لا يعرف بريقع ( ولد حجا في جنة الأطفال )
هههههههه بريقع يكون بيننا يامرحبا يا مرحبا نحنا نفرش الارض ورد وياسمين ياالعريفي والله النفاج شكله ح يكون لوحه جميله تسعد الروح ودي اول ضربت ريشه يا العريفي ياخ برقيع ده عندي معاي قصص محفوره في زاكرتي دائما يوم الجمعه انا بكون واحدي من اتنين ياببكي لانه فقرة جحا وبريقع والسنينه فاتتني يا دارشني مراسيل عشان ماتفوتني يالله كانت ايام جميله يوم الجمعه ده اليوم الوحيد التلفزيون بفتح فيه الساعه عشره وجنة الاطفال كانت فعلا بالنسبه لينا جنه حباب برقيع الف
Post: #768 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-18-2016, 04:08 PM Parent: #767
Quote: أخوى أنا أخوى أنا الشَفْ المقرَّن حـَبلو أخوى أنا خٌرسِك آ آمنه السمِح فى شَبلوْ أخوىْ وارثْ القيَم من الرجال القبلو أخوى أنا بفتَح الباب المسوكَر طبلو ************************ أبواتِك قبيل برفو وبعدلو المايلة وإيدك وابِل الضحوى البسوق لا القايلة تسلم ليا يا دراج ... عصام العايله تسلم ليا يا الحوض البجــٍم الضايلة *********************** إيدك وابل النتره البتدوى رعودو وصدرك واسع البحر البعيدة حدودو أخوى كنز الرجا المــِن تبا نادر عودو وين ما يمشى يا ربى العديلة تقودو
عبيد انت والله ياك زولنا تب وصح لسانه بت خالك وابشر بالخير طال مادي مكنونات حرايركم ابشر بالخير
Post: #769 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-18-2016, 04:18 PM Parent: #768
Quote: ههههههههههههه والله يا الأميرة هذه حقائق عشت بين الناس ديل ( الأوروبين وكاني عايش في شندي ) كنت أعتز شديد ببدويتي وبساطتي
ابو احمد دي صفات العظماء لما الانسان يكون مليان من جوه ومتصالح مع نفسه اكيد بعيش بحب كل شي حوله ولماتحب الحواليك دئما بتكون عاوز تصل ليهم عشان كده بكون البساطه شعارك في الحياه كلها
خلي ودالبوش يجي يحكي لينا عن الفلهمه 0وح 0وزي كان ههههههههه
Post: #770 Title: Re: نفااااااج نغم في زمان ضاق فيه الحال Author: عواطف ادريس اسماعيل Date: 05-18-2016, 06:01 PM Parent: #769
كل التحايا والتقدير أخونا عبيد الطيب
منور النفاج
Post: #771 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 07:01 PM Parent: #770
Quote: هههههههه بريقع يكون بيننا يامرحبا يا مرحبا نحنا نفرش الارض ورد وياسمين ياالعريفي والله النفاج شكله ح يكون لوحه جميله تسعد الروح ودي اول ضربت ريشه يا العريفي ياخ برقيع ده عندي معاي قصص محفوره في زاكرتي دائما يوم الجمعه انا بكون واحدي من اتنين ياببكي لانه فقرة جحا وبريقع والسنينه فاتتني يا دارشني مراسيل عشان ماتفوتني يالله كانت ايام جميله يوم الجمعه ده اليوم الوحيد التلفزيون بفتح فيه الساعه عشره وجنة الاطفال كانت فعلا بالنسبه لينا جنه حباب برقيع الف
يا نسمة البطانة دي حلقة أكيد فاتتك وانت جارية علي الدكان وما حايقا في المراسيل
Post: #772 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 07:09 PM Parent: #771
Quote: ابو احمد دي صفات العظماء لما الانسان يكون مليان من جوه ومتصالح مع نفسه اكيد بعيش بحب كل شي حوله ولماتحب الحواليك دئما بتكون عاوز تصل ليهم عشان كده بكون البساطه شعارك في الحياه كلها
خلي ودالبوش يجي يحكي لينا عن الفلهمه 0وح 0وزي كان ههههههههه
صدقتي يا نسمة البطانة التصالح مع النفس مهم والفات قديمو تاه من طرائف أيام الدراسة في المدينة التي كنا ندرس فيها هناك طالب عمل عيد ميلاد كنت من بين المدعوين المهم مشيت ولهطت في الحلويات زين وكان من ضمن الحضور من الحسان حور وكان معنا طالب من أصاحب المزحة عجبني الحسان وقلت لهم بعد الحفل أنا عاوز اعمل عيد ميلاد قال لي الشخص الظريف هذا يا خالد عيد ميلاد شنو البتسوي أنت أنت دق ليك ظار وأعزم الحِسان ههههههههههه
Post: #773 Title: Re: نفااااااج نغم في زمان ضاق فيه الحال Author: عفاف أبو حريرة Date: 05-18-2016, 07:48 PM Parent: #772
حباب خالد ههههههه والله كان ماتقع علي كضبه اقول ليك شفتها والله ياخالد انا واخواني كنا بنضحك ضحك بنضحك علي شنو مابعرف بس جحا يدخل قبل يتكلم نحن نتفقع بالضحك انشاء دخلت طوفي دي تجيب لينا خالد المحرب وودشيقوق عواطف يطيب ليك وبيك المقام
Post: #774 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-18-2016, 08:22 PM Parent: #773
Quote: انشاء دخلت طوفي دي تجيب لينا خالد المحرب وودشيقوق عواطف يطيب ليك وبيك المقام
ههههههههههههههه ما بتفوتي حلقة والله لو جو خالد والمسنوح شيقوق ..... وجات بت الشيخ سلمى وبت صبحي وريحانة البطانة تكون قهوة بت عمسيب لازمها زيادة
Post: #775 Title: Re: نفااااااج نغم في زمان ضاق فيه الحال Author: سيف الدولة ختم بريقع Date: 05-19-2016, 08:32 AM Parent: #1
سلام وتحايا لكل ( نسمات النفاج ) ... الحبيب حالد ود المنسي .. ود العريقي .. وكل الأحبة .. سعادتي لا توصف بوجودي بينكم ..
( النفاج) وريف ودسم بكل ما هو جميل ..
أنتم شموع الجمال .. في تواصل خاص مع الجميل ود المنسي بالأمس أوضحت له الظرف الخاص بخلع ( الضرس القديم ).. !!
كما ( الحزن القديم )..
وهاااا أنا ... ( رغم ضرسي برسل سلامي .. )...!! لكم النحايا ...
ورااااجعين ( للنفاج )...
( بريقع ) .....
نتواصل باذن الله ...
Post: #776 Title: Re: نفااااااج نغم في زمان ضاق فيه الحال Author: اسامه العريفي Date: 05-19-2016, 08:41 AM Parent: #775
حبابك اخونا سيف بريقع ومرحب بيك في النفاج
Post: #777 Title: Re: نفااااااج نغم في زمان ضاق فيه الحال Author: عبيد الطيب Date: 05-19-2016, 11:56 AM Parent: #776
حباب أخونا بريقع ويا مراااااحب ياخ إسم بريقع دي عندو دوي وعبق بالبوادي قصاصة قديمة بمناسبة بريقع أقبلت أم بريقع مهرولة صوب الهلالي لتسأله الخبر وكان الهلالي عند خيمة إبنته أُم شوايل جالسا بجوارها وكانت أم شوايل منتشية حيث انها في اليوم الثالث من عُرسها وكان اليوم ماطر أُعجب الهلالي بمنظر الأرض الممطورة وبعرس إبنته فصاح قائلا:- (الوطاه اليوم سمحة بِلْحيل) لترد إبنته وقد اكملت أيّام (القيلة) وتذوقت لتوها (الشّلهُوب) او بما يسمي مجازا العسل فصاحت قائلة: (الوطاه واطاها جوزها) اي وطئها زوجها وقبل ان تبدأ أُم بريقع بالكلام المباح سبقها الهلالي قائلا : (اللِّيلة بت اللِّضينة دي خبارها جات لافحة قُربابها في كتفها) كناية عن السِّناحة والدُّراب الذي يتطاير من حُفر خشمها الذي أمْحَلته السنين فصاحت قائلة: (أني ماني بت اللِّضينة) ليرد الهلالي (كان ماكي بت اللِّضينة امشي اسألي ابوكي من ) (حُلو الشَم وسمح الأتر والضُل الرَّهين ) فذهبت (العِيفة) مهرولة صوب والدها ونسيت المسكينة قصة البت العناق وكأنِّي اسمع (هبهبت) وفرقعت (قُربابها) لأنها في عجلة ولكن حِجول الفضة (المكاكي) منعنها الهرولة فصاح الهلالي منشدا: حجولها مكاكي ماهِن فاو ؤ ضرس الفيل بِهدِّل ايديها مو رَسَّاو الليلة لقيت ديفة باو والخضرة أُم لفافيح المعا الهلاَّو ووصلت والدها وبعد السلام اخبرته القصة ليرد: (حُلو الشَّم هو القرض وسمحة الأتر درب الضّيب (الذئب) في الرَّملة والضُّل الرَّهين الحُمَرْ شجر التبلدي) ومن حسن حظها قابلت إبنها (بِريقِع) في الطريق والذي يشبه بروفسير عبدالله علي ابراهيم في سرعة البديهة ومعرفة موروث البادية والهمة الكبيرة والمفردة العتيقة والمعتَّقة فأخبرت بريقع الخبر ورد جده فقال: (تمام جدي (إضينة) قول لي ابوي: (حُلو الشَم الجنا والضُّل الرَّهين الرِّجال وسمح الأتر المطرة) شفت بريقع كيف داهية يابريفع أخونا
Post: #778 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-19-2016, 01:47 PM Parent: #777
Quote: سلام وتحايا لكل ( نسمات النفاج ) ... الحبيب حالد ود المنسي .. ود العريقي .. وكل الأحبة .. سعادتي لا توصف بوجودي بينكم ..
( النفاج) وريف ودسم بكل ما هو جميل ..
أنتم شموع الجمال .. في تواصل خاص مع الجميل ود المنسي بالأمس أوضحت له الظرف الخاص بخلع ( الضرس القديم ).. !!
كما ( الحزن القديم )..
وهاااا أنا ... ( رغم ضرسي برسل سلامي .. )...!! لكم النحايا ...
ورااااجعين ( للنفاج )...
( بريقع ) .....
حباب بريقع حباب ابن الكِرام اترك النرحيب لاصحاب الدُكري وأمات روبة ممهولة تحياتي ومودتي ومرحب بك بيننا في النفاج أخ كريم وكمان من شندي أصلي مكتول هوى شندي وهاك مني غنية حبوبتك بت حاج أحمد الملكة ( خداري وما بخلي )
Post: #779 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-19-2016, 02:06 PM Parent: #778
Quote: حبابك اخونا سيف بريقع ومرحب بيك في النفاج
أسامــــة العريفي الله يصبرك
عليهم رحمة الله الفنان سيد خليفة ... عبد العظيم جركة .... صديق عباس وشارك معهم الفنان اسماعيل حسب الدائم
Post: #780 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-19-2016, 02:14 PM Parent: #779
Post: #785 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 05-20-2016, 02:07 AM Parent: #784
ياسلام ياعبدالرحيم لاعدمناك ياخ ،، بالمناسبة ياعبدالرحيم ألمك والمنسى ده بلدياتك عبدالرحيم ده يامك ولدكم من المحمية غايتو ياعبدالرحيم أميرة السيد بعد تسمع الشريط ده حاتطلب لجوء فى المحمية غايتو هى وامتثال يكونن قايلات الشريط ده فلم اكشن صيني عبيد ولد الطيب ياخ الشوق قواسيب والبركة بالشوفة وكتر خير ودالمنسى
Post: #786 Title: Re: نفااااااج نغم في زمان ضاق فيه الحال Author: مني عمسيب Date: 05-20-2016, 09:38 AM Parent: #785
سلام بالاحضان السودانية للناس البتنضح سكر ..
تحياتي للاحبة .. ود الطيب .. والف ترحاب بي ضيفنا العزيز بريقع .. وجيدن جيتو ..
يا زهرات الصديقات مشتاقة ليكن يا عطوفي والاميرة وبت ابو حريرة .. ماشة الحواشة وبجي بعدين اشرب معاكم شاي وحلفتكم بالرسول ما تعملن اي حاجة جايبة الحاجات جاهزة كرم الضيافة لي ناسنا السمحين الانضموا لينا .
ولكم من كل بستان زهرة ..
******************* صهيل خيلِك وَرَا الضَهَرَاتْ، وفارْسِكْ حَىْ، قَدِحْة الضَّىْ، مَجَرْتَقْ بالنِّضَالْ مُـــــــــو نَىْ، ولا فَتَــــــــرْ إِتْفَـــــــزَرْ لا مَــاتْ
Post: #787 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-21-2016, 01:17 PM Parent: #786
Quote: السلام عليكم جميعا و سلام خاص لصاحب البوست هذا المقطع هدية للجميع من الاخ الحبيب عبدالعزير الفاضلابي المحامي
مرحب حباب عبدالرحيم ود منصور حباب ألف يا المبروك وكيف حالك وحالك عقابك في المحمية تسلم كتير علي الهدية السمحة بي الحيل وبقى بيناتنا أهي بت عمسيب جايبة القهوة اللقيمات والشاي المقنن وجاية تحيات ومودة
Post: #788 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-21-2016, 01:25 PM Parent: #787
Quote: ياسلام ياعبدالرحيم لاعدمناك ياخ ،، بالمناسبة ياعبدالرحيم ألمك والمنسى ده بلدياتك عبدالرحيم ده يامك ولدكم من المحمية غايتو ياعبدالرحيم أميرة السيد بعد تسمع الشريط ده حاتطلب لجوء فى المحمية غايتو هى وامتثال يكونن قايلات الشريط ده فلم اكشن صيني عبيد ولد الطيب ياخ الشوق قواسيب والبركة بالشوفة وكتر خير ودالمنسى
الفاضلابي مقطوع الطاري ما لقيت خبرو الزول كلامــــــو سمح بي الحيل
Post: #789 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-21-2016, 01:28 PM Parent: #788
Quote: تحياتي للاحبة .. ود الطيب .. والف ترحاب بي ضيفنا العزيز بريقع .. وجيدن جيتو ..
يا زهرات الصديقات مشتاقة ليكن يا عطوفي والاميرة وبت ابو حريرة .. ماشة الحواشة وبجي بعدين اشرب معاكم شاي وحلفتكم بالرسول ما تعملن اي حاجة جايبة الحاجات جاهزة كرم الضيافة لي ناسنا السمحين الانضموا لينا .
عسل النفاج بت عمسيب كيف حالك لبن الشاي قنني ود البوش بريد القُنانة وجيبي اللقيمات الفاضلابي دا ما بشرب شاي بلا لقيمات
Post: #790 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-21-2016, 03:10 PM Parent: #789
ولحين ميسرة
Post: #791 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-22-2016, 01:35 PM Parent: #790
الشاعر ود الرضى من فحول شعراء الحقيبة رأى حُلم وفي حُلمه رأى أنه يتلصص على على محبوبته في غفلة الرغيب في دارها و بملابس البيت نظر من خرم في الباب فرأى ما رأى ووصف ذلك في مفردات طيبة شعراً نحدوا به الفيافي طربا لنرى مع بعض ماذا قال الشاعر ود الرضي في حُلمه هذا الذي كان في ميلاد واحدة من عيون شعره ليالي الخير جادن وأجمال ما في القصيدة وصفه لنفسه وهو يتلصص من خرم أو مكان في الدار قال كانت المحبوبة تجول في حوش دارها وقال فيها بوبح جيدو أي إلتفت ذات اليمين وذات اليسار في حركة مترغب قد تنبه أن هناك من يراغبه بوبح جِيدو وأبصر واقل وعندما نقول وَقَّل عيناه أي ركزها في مكان معين والوقلة دوماً قد يكون من حذر وقد يكون من أعجاب بشئ والله أعلم ظنَّ مُراغب صدق العاقل تلكم الحركات بوبحت الجيد ووقلة العين ظناً منها أنَّ هناك من يراغبها وهي في دارها حُرة ولم تقطع الشك باليقين لكن جدع المخضوب فوق الفاقل المخضوب الأيدي والخِضاب هو الحناء الفاقل وهو الكفل وتلَّ اليمني ومشى متاقّل لا ريث ولا جعلُ
Post: #792 Title: Re: نفااااااج نغم في زمان ضاق فيه الحال Author: اسامه العريفي Date: 05-22-2016, 02:33 PM Parent: #791
كدة تمام
Post: #793 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-22-2016, 07:03 PM Parent: #792
Post: #794 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-22-2016, 07:06 PM Parent: #793
الأخ عبد الرحيم الرجاء تعديل الفيديو أن يشتغل مباشرةً مع فتح الصفحة ولك التحيو والمودة
Post: #795 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-23-2016, 01:29 PM Parent: #794
لحين ميسرة
Post: #796 Title: Re: نفااااااج نغم في زمان ضاق فيه الحال Author: اسامه العريفي Date: 05-23-2016, 02:07 PM Parent: #795
Quote: غفلة الرغيب
غفلة رقيبي
في غفلة رقيبي رُحت أزور حبيبي لقيتهُ شوية حاسي ** ** ** ضاجع في سريره . متوسد وثيره . بين طيات حريرهُ حَييتُه وجلسْتَ . من حُسنُه إختلستَ . في سِحرُه أنغمستَ بحديث ( دبلوماسي) قالى نوري ماسي وأحذر إلتماسي ** ** ** قلتلُه في جمالك سحروك وله مالك ؟ صار ياحبيب لونك فاتر زي عيونك قال لي عندي حُمه . وبىَّ صداع آلمَّ من أثر إنتكاسي . أتعذر نعاسي . ولي يومين أقاسي ** ** ** قلتلُه في وسامتك . وحلاوة إبتسامتك كفارة وسلامتك والف عزيز كرامتك يالحافظ كرامتك مهما كُنتَ قاسي . او لى عهدي ناسي . ليك يذداد حماسي ** ** ** قال لي انت عاقل ومافي لزوم تشاغل وانا في روحي شاغل قلتلُه انت روحي وانت سبب جروحي وانت لشعري مُوحي ياروعة جناسي . ياحُبي الأساسي . يالنسيتني ناسي
بالله لو امكن بصوت الأستاذ / محمود عبد العزيز
Post: #797 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-23-2016, 02:50 PM Parent: #796
ههههههههههههه ما كفاية غفلة حيناً سهو البشر راقب الولد حماره سارح ورغب الرجل في وجبة شهية والله ما ارممها هههههههههههههه ولحين ميسرة
في غفلة رقيبي كلمات الشاعر بشير عتيق
بصوت كمال ترباس وسميرة دُنيا
Post: #798 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-24-2016, 01:43 PM Parent: #797
ولحين ميسرة
النفاج خلا لي يومين
Post: #799 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-25-2016, 01:44 PM Parent: #798
لحين ميسرة
Post: #800 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-26-2016, 02:01 PM Parent: #799
ذكر أسم المحبوبة في الشعر قد تورع منه الكثير من الشعراء منهم من رمزوا لها ومنهم من أتى باسمها في معنى أخر مثل الخليل حين قال :
وإن عِشقنا بنعشق محاسن وفي المحاسن كفى يومنا راح
وابو صلاح حين قال
يا بدور بدور القلعة وجوهرا وغيرهم كُثر ومنهم من رمز لحروف أسمها بالأرقام
ومنهم من ذكرها اسماً بيان
أمنة وما شوفتوها يا خلاني أمنة الفي الضمير مآذياني
وشادية التي كانت رمز لكل شعراء الشمال في غناهم يعبرون بها عن المحبوبة
خلتينا لي منو يا شادية خليتينا لي من يابا ود حاج الفي السلم يابا ألحقني أنا إنظلم ناس ابوي رعوني الغنم وينهروني خِشيمي إن نضم إن نضمنا قالوا بنات زمن زإن سكتنا الموت والكفن
وأخر قال مالا يا خلاقّا أوعى تكون مريضة أنا بريدا يا الله شادية حياتي في إيدا أنا مرق خليتا في صحة وشديدة أنا رجعت لقيتا نقص النص عويدا يا إلاهي أشفيها وليها الصحة عيدا أنا بالعمر بفديها شادية عشان بريدا
والقول سمح وكتير ونسمع مع بعض مكتول أمنة ماذا قال
وهو يتساءل منكراً ما شفتوها يا خلاني اي هو وحده الذي يعرف الحقيقة عنها
ونسمع
Post: #801 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-26-2016, 03:44 PM Parent: #800
Post: #802 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-26-2016, 03:54 PM Parent: #801
شادية
النصري
Post: #803 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-26-2016, 07:42 PM Parent: #801
شادية
النصري
Post: #804 Title: Re: نفااااااج نغم في زمان ضاق فيه الحال Author: لطفى العمده Date: 05-26-2016, 08:21 PM Parent: #803
والله يا ود علي محجوب بوستيك ده سمح سماحه جد انشاء الله ما يكمل
Post: #805 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-28-2016, 01:17 PM Parent: #804
Quote: والله يا ود علي محجوب بوستيك ده سمح سماحه جد انشاء الله ما يكمل
الأخ الحبيب لطفي و العمدة لك التحية العطرة بدوام الصحة والعافية وأنت بيننا يا جميل وفي النفاجونستنا وأنسنا
تحياتي ومودتي
Post: #806 Title: Re: نفااااااج نغم في زمان ضاق فيه الحال Author: مني عمسيب Date: 05-29-2016, 09:00 AM Parent: #805
Post: #807 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-29-2016, 02:26 PM Parent: #806
بت عمسيب حبابك وبركة بي الطلة الناس حاربتني ماني عارف إتلومتا في شى باقي اللوم بجي بي الغفلات ابقي لي داخل حباب منىكيف حالك
تعرفي يا بت عمسيب الأستاذ عبد الكريم عندما بدأ مشواره الفني بدأ مُلحن ولحن الكثير من الأغاني في فترته الأولى وكان من أشهر تلكم الأغاني أغنية يا زاهية التي أعطاها للفنان الكبير عبد العزيز محمد داؤود
يا زاهية
Post: #808 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-30-2016, 01:22 PM Parent: #807
إلى نسمة البطانة في عُلاها لك التحية والمودة يا العافية بت ابوحريرة
وسنغني لاسيا وأفريقيا يا نسمة البطانة
Post: #809 Title: Re: نفااااااج نغم في زمان ضاق فيه الحال Author: Khalid Saeed Date: 05-31-2016, 08:31 AM Parent: #808
مليون سلام للنفاج واهله ولحبيبنا المك خالد
أهديكم بعض الحنين العطبراوي الخالص الذي عبر عنه الراحل المقيم حسن خليفة العطبراوي في رائعته المسافر أهديكم اياه بصوت الجميل خوجلي هاشم ذاك العطبراوي المعتق
Post: #810 Title: Re: نفااااااج نغم في زمان ضاق فيه الحال Author: مني عمسيب Date: 05-31-2016, 10:09 AM Parent: #809
من بلد الزهور مرسل سلام بعطورز ..
وانا اقول عيني بترف لشنو ؟
Quote: مليون سلام للنفاج واهله
تراهو للارباب ههههههه . غايتو سويتها ظاهرة لكن ما بنلومك وما بنعاتبك ..
ويا شباب بت ابو حريرة دي ماشة افتش دربها وان شاء الله بجيب ليكم النجيضة .. الله يشفي صغيرتها العسولة .. قادر يا كريم .
ولي عودة .
Post: #811 Title: Re: نفااااااج نغم في زمان ضاق فيه الحال Author: Khalid Saeed Date: 05-31-2016, 11:53 AM Parent: #810
Quote: وانا اقول عيني بترف لشنو ؟
Quote: مليون سلام للنفاج واهله
تراهو للارباب ههههههه . غايتو سويتها ظاهرة لكن ما بنلومك وما بنعاتبك .. .
حباب الملكة بت عمسيب حبابه حباب زهورها ونوره .. اليله جيت اشيل زادي من النفاج .. هاكم السلام من الجاغريو ، يحمله ليكم ولدنا حمدي السمر
Post: #812 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-31-2016, 02:22 PM Parent: #811
Quote: مليون سلام للنفاج واهله ولحبيبنا المك خالد
أهديكم بعض الحنين العطبراوي الخالص الذي عبر عنه الراحل المقيم حسن خليفة العطبراوي في رائعته المسافر أهديكم اياه بصوت الجميل خوجلي هاشم ذاك العطبراوي المعتق
الأرباب ود سعيد كيف حالك وين آ زووول وعقابك وعنقريبك كِيفنو علك علهم طيبين حسن خليف العطبراوي كان مبدع بحق وأعطى الحرف واللحن حقه عليه رحمة الله المسافر حن عليِّ لا ... لن أحيد التي أحبها عنده كثراً ومع أن الشعب السوداني جُله يحب أنا سوداني أنا كتب ذلك المحسي المرهف حساً الأستاذ الجليل عليه رحمة الله محي الدين فارس لا ... لن أحيد عن الكِفاح لن أحيد وأبدع وكمل الناقصة العطبراوي لحناً وأداء
Post: #813 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 05-31-2016, 02:38 PM Parent: #812
سلام لي أختنا العزيزة نسمة البطانة في أرض مصر الطيبة
أنتهزت النسمة وجود الوالدة والأخ والأخت في قاهرة المعز وهي بخير مجرد فحص طبي بسيط وهي بخير وبتسلم عليكم ومتابعة في حلها وترحالها النفاج نتمنى لها دوام الصحة والعافية
وتهدي كثير السلام للكل
Post: #814 Title: Re: نفااااااج نغم في زمان ضاق فيه الحال Author: اسامه العريفي Date: 05-31-2016, 02:45 PM Parent: #813
ربنا يعطيها الصحة والعافيه
Post: #815 Title: Re: نفااااااج نغم في زمان ضاق فيه الحال Author: عبيد الطيب Date: 06-01-2016, 04:09 AM Parent: #814
تحياتي ومحبتي الأخ خالد ، وسلام من الحنايا لكل مبدعي النفاج صادق دعواتنا القلبية للأخت بت أبوحريرة"نسمة البطانة" ولإبنتها، بعاجل الشفاء
Post: #816 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 06-02-2016, 02:07 PM Parent: #815
حباب الأخوين العريفي والعبيد ود المقدم الأخت عفاف بخير ووعد أن تعطيني تلفونها للإتصال بها وسف انزله هنا أخوتي ودمتم الشعر السوداني ملئ بالغزل وجله غزل وحتى القصيدة الوطينة تجد في من الغزل كوم مرات توافق الموقف كلمة أو مفردة فننزل أغنية القصد منها ليس الغزل إنما قد تكون مفردة
ولك هذا الأهداء بت ابوحريرة ونسمة البطانة الأخت العافية
Post: #817 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 06-02-2016, 03:39 PM Parent: #816
Post: #818 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 06-03-2016, 01:19 PM Parent: #817
لحين ميسرة
Post: #819 Title: Re: نفااااااج نغم في زمان ضاق فيه الحال Author: اميرة السيد Date: 06-03-2016, 03:46 PM Parent: #818
صاحب النفاج وضيوف النفاج التحيات النواضر وكل سنة وانتو طيبين بمناسبة حلول شهر رمضان المبارك أعاده الله علينا وعليكم بالبركات والخير الوفير .. وان شاء الله دائما لامين وتامين... وآخر خبر ان شهر رمضان سيبدأ يوم الاثنين القادم.. وللعزيزة نسمة البطانة عفاف بت ابو حريرة نقول ليها : كفارة لابنتك ونتمنى لها الشفاء العاجل وان شاء الله ما تشوفوا شر ابدا... .. وسوف نغيب عنكم خلال شهر رمضان ، ونشوفكم في العيد ان شاء الله.. والله يديكم الصحة والعافية
Post: #820 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 06-03-2016, 07:09 PM Parent: #819
Quote: صاحب النفاج وضيوف النفاج التحيات النواضر وكل سنة وانتو طيبين بمناسبة حلول شهر رمضان المبارك أعاده الله علينا وعليكم بالبركات والخير الوفير .. وان شاء الله دائما لامين وتامين... وآخر خبر ان شهر رمضان سيبدأ يوم الاثنين القادم.. وللعزيزة نسمة البطانة عفاف بت ابو حريرة نقول ليها : كفارة لابنتك ونتمنى لها الشفاء العاجل وان شاء الله ما تشوفوا شر ابدا... .. وسوف نغيب عنكم خلال شهر رمضان ، ونشوفكم في العيد ان شاء الله.. والله يديكم الصحة والعافية
العزيزة الأميرة أميرة كيف حالك أولا أنت معاقبة في الغيبة الطويلة بدون عذر من النفاج وين يا الأميرة مختفية لعله خير وربنا يجعل كل أيامك خير وبركة وبسمات رجعت من بلاد الضباب ولا صايمة هناك رمضان كريم وتصومي وتفطري علي خير تقبل الله صيامك وقيامك ونشوفك بعد العيد لو مدَّ الله في الأجل تحياتي ومودتي
Post: #821 Title: Re: نفااااااج نغم في زمان ضاق فيه الحال Author: مني عمسيب Date: 06-08-2016, 10:35 AM Parent: #820
منو القال اقفلوا النفاج ؟
كل عام وانتم بالف خير .. وتصوموا وتفطروا بالف خير ..
Post: #822 Title: Re: نفااااااج نغم في زمان ضاق فيه الحال Author: مني عمسيب Date: 07-10-2016, 10:59 AM Parent: #821
سلام يا العزاز علينا ..
كل عام وكل لحظة انتوا بالف خير واهلكم الطيبين .. وكل لحظة وكل عام حبنا وريدتنا عاااامرة وزاهية وزايدة حلا وجمال ..
مشتااااااااااااقة ليكم يا العزاز علينا ...
Post: #823 Title: Re: نفااااااج نغم في زمان ضاق فيه الحال Author: مني عمسيب Date: 07-14-2016, 09:42 AM Parent: #822
حضرت ولم اجدكم !!!!!!!!!
Post: #824 Title: Re: نفااااااج نغم في زمان ضاق فيه الحال Author: وضاحة Date: 07-14-2016, 02:27 PM Parent: #823
يااااااااااااامك مشتااااااااااااااقين وكل عام وانت ومن تحب بخير ابو احمد
Post: #825 Title: Re: نفااااااج نغم في زمان ضاق فيه الحال Author: وضاحة Date: 07-16-2016, 03:48 PM Parent: #824
Post: #826 Title: Re: نفااااااج نغم في زمان ضاق فيه الحال Author: مني عمسيب Date: 07-27-2016, 08:48 AM Parent: #825
وضاحة كيفك يا منقة ؟
يامنقة الناس دي طارت وين ؟!!
بسأل عن المريود خالد ود عمي سعيد فهل من مجيب ؟
تصدق من سنين نحن بنتمناك نصابح العيد بامال لحظة تنصفنا تبين نحن منك وين ؟؟
Post: #827 Title: Re: نفااااااج نغم في زمان ضاق فيه الحال Author: Khalid Saeed Date: 07-27-2016, 10:14 AM Parent: #826
كل الأشواق للنفاج واهله .. وللمك ود المنسي كل عام وانتم جميعا بخير والقابلة الوطن بخير
Quote: سأل عن المريود خالد ود عمي سعيد فهل من مجيب ؟
تصدق من سنين نحن بنتمناك نصابح العيد بامال لحظة تنصفنا تبين نحن منك وين ؟؟
ياسسسلام ياملكة ياسسلام يابت عمسيب كل سنة وانتي بالف خير
نظم كراسي القلب .. خلي الأشواق تستنى أفتح شريناك شارع .. شان العصفور يتهنى مشغول مشوارك جبده .. مافيش واقرب مني معقول انساك يافاضل .. ماصوتك فيني يغني
Post: #828 Title: Re: نفااااااج نغم في زمان ضاق فيه الحال Author: Basamat Alsheikh Date: 07-27-2016, 06:06 PM Parent: #827
وشكرا كتير خالد سعيد .. جبت لينا البوست الرائع ده ثاني,,, ومعقولة ننسى النفاج.. وهو فينا ويغني لينا... ويملأ دنيتنا فرحة.. .. وصاحب النفاج ود المنسي اختفى نهائيا .. والأميرة اختفت نهائيا.. وبت عمسيب تختفي لفترة طويلة وتظهر بعد ان يختفي البوست في الصفحات الداخلية ولا نجدها... ولكم براميل من الود.. ودمتم دائما وابدا بالف خير وصحة وعافية
Post: #829 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 07-27-2016, 07:23 PM Parent: #828
Post: #830 Title: Re: نفااااااج نغم في زمان ضاق فيه الحال Author: وضاحة Date: 07-27-2016, 07:58 PM Parent: #829
حبااابكم فى حوش ود المنسي الما منسي ميما الشوق لما بهناك بجر ليك سلك بعدين\ ود الارباب ياخى مشتاقين يعلم الله ود الفاضلاب كيفنك ابوى خالد دا مو طيب على قولة جدتى اتبنو ياخى بسمات بت الشيخ مشتاقين خالد ياخى تعال اشتقنا ليك
Post: #831 Title: Re: نفااااااج نغم في زمان ضاق فيه الحال Author: مني عمسيب Date: 07-28-2016, 09:29 AM Parent: #830
حبيبة قلبي بسوسة .. النسمات ..
من بلد الزهور عاطر الاشواق وارق التحايا ..
Quote: وبت عمسيب تختفي لفترة طويلة وتظهر بعد ان يختفي البوست في الصفحات الداخلية ولا نجدها...
يا نسمات فعلآ ليك الحق في العتاب لكن كنت بتمني منكن واحدة يا الحبيبات تكون موجودة وترفع النفاج بنقطة ههههه عشان ما يختفي .. عمومآ حصل خير ونتواعد نحافظ علي نفاجنا الحبيب .
ولكم بدون فرز الحب ..
وصباح النور عليك يا زهور ...
Post: #832 Title: Re: نفااااااج نغم في زمان ضاق فيه الحال Author: مني عمسيب Date: 07-28-2016, 09:47 AM Parent: #831
حبيبنا الكلس .. فاضلابي ..
من بلد الزهور .. ليك السلام واشواقي
Quote: واحد ضرب لخطيبتو ,, رفعت السماعة امها قال ليها كيف يامنقة قايلها خطيبته. امها ردت ليهو: المنقة مافى معاك الشدَرة زاااتا.
ههههههههههههه يا حليلو من اسه ماقدر يفرز نكهة صوت المنقة من نكهة الشدرة ههههههه .
اما بخصوص ود المنسي والله ما من عوايدو حاشا علي ما بغيب قدر دا . كدي النلبس توبي امشي افتشو في قهوة الواتساب هههههه .
ولك الود يا ود ..
Post: #833 Title: Re: نفااااااج نغم في زمان ضاق فيه الحال Author: مني عمسيب Date: 07-28-2016, 09:58 AM Parent: #832
اشواق يا منقة ..
Quote: ميما الشوق لما بهناك بجر ليك سلك بعدين
مشكورة علي السلك الرقيق .. كرقة اهل النفاج .
يا ناس يا تنضح سكر اليكم هذا السكر ,,
Post: #834 Title: Re: نفااااااج نغم في زمان ضاق فيه الحال Author: مني عمسيب Date: 07-28-2016, 10:09 AM Parent: #833
الكلس الارباب ..
صباح الخير عليك ياوش الخير ..
Quote: نظم كراسي القلب .. خلي الأشواق تستنى أفتح شريناك شارع .. شان العصفور يتهنى مشغول مشوارك جبده .. مافيش واقرب مني معقول انساك يافاضل .. ماصوتك فيني يغني
الرجاء عدم الانقطاع .
مع واااافر الريدة .
Post: #836 Title: Re: نفااااااج نغم في زمان ضاق فيه الحال Author: Khalid Saeed Date: 07-28-2016, 10:20 AM Parent: #830
وضاحة يافجر المشارق يابنية من خبز الفنادق
الشوق اطنان والود كيمان يابت عمي ..
هاك صديقي الجميل خوجلي هاشم .. يتغنى لك بأجمل مانظم العم ازهري العمدة وغنى الراحل المقيم مصطفى سيد أحمد .. وضاحة
Post: #835 Title: Re: نفااااااج نغم في زمان ضاق فيه الحال Author: Khalid Saeed Date: 07-28-2016, 10:13 AM Parent: #828
حباب بت الشيخ .. بسمات حباب نسايم عطبرة الحلوة حقيقه النفاج دوحتنا البنستظل بيها من غربتنا الهجير ، حفاوة ناسه وطيبهم .. ونغيماتهم الفرح بتدينا زاد للمسير
أهديك عطبرة تلك المدينة التي نحبها وتحبنا أهديك ابنها الجميلة حسام قنديل .. في رائعته أنا اصلا ابوي زول سكة حديد
Post: #837 Title: Re: نفااااااج نغم في زمان ضاق فيه الحال Author: Khalid Saeed Date: 07-28-2016, 10:38 AM Parent: #835
صباح الورد الملكة بت عمسيب
أدي قعدته في النفاج لحدي ما يجينا المك ود المنسي وكل بقية اهل النفاج
غير خالد ماليك تنين....... عرش دود الأربعين السيل بوبا ......يا الفوتك مو دحين ****** تغني ليك أم هاني ويشهدو أهل المعاني
****** يا القمره الماك شهير يا الرأسى الماك صغير
Post: #838 Title: Re: نفااااااج نغم في زمان ضاق فيه الحال Author: مني عمسيب Date: 07-29-2016, 06:45 PM Parent: #837
حضرت لاجدكم ..
مساء الفل ...
من بلد الزهور لكم من كل بستان زهرة ..
Post: #839 Title: Re: نفااااااج نغم في زمان ضاق فيه الحال Author: مني عمسيب Date: 07-30-2016, 10:08 AM Parent: #838
صباح الود .. مرسل اليكم هذه الاجواء والرجاء مشاركتنا . طبعآ مرمي الله الزي ما بترفع هل تصدقوا اجواء زي دي بكون في حالة حزن مخيف بالرغم من هذا الغمام الذي تغني له بما يستحق ومصدر الحياة من مياه السماء !
ولكن سوف اصالح الغمام يومآ ما .
Post: #840 Title: Re: نفااااااج نغم في زمان ضاق فيه الحال Author: عزالدين عباس الفحل Date: 07-30-2016, 11:18 AM Parent: #839
،،، الرائعة الفنانة منار صديق -- وديني لي بلدي،،،،، ،،،،،،،
*** إهداء خاص ، للغالية مني عمسيب ، ربنا يحفظك من كل شر ،، ،،،،،،،
عزالدين عباس الفحل ابوظبي
Post: #841 Title: Re: نفااااااج نغم في زمان ضاق فيه الحال Author: عزالدين عباس الفحل Date: 07-30-2016, 12:07 PM Parent: #840
،،، الرائع الفنان الامين البنا دابى السار الرسى ،،، ،،،،،،،
*** إهداء خاص ، لكل عشاق هذا البوست الرائع ، الزول الجميل خالد علي محجوب المنسي ، ربنا يديك الصحة و العافية ، و راحة البال ، إنت أجمل إنسان ، ،،،،،،،
عزالدين عباس الفحل ابوظبي
Post: #842 Title: Re: نفااااااج نغم في زمان ضاق فيه الحال Author: مني عمسيب Date: 08-05-2016, 12:00 PM Parent: #841
حضرت لاجدكم ..... مع وافر الشوق .
اجيك مشتاااااق اجيك ولهان يفيض الشوق بحور وبحور .
Post: #843 Title: Re: نفااااااج نغم في زمان ضاق فيه الحال Author: مني عمسيب Date: 08-17-2016, 10:59 AM Parent: #842
حضرت لاجدكم ... مع وافر الحب ,,,
من بلد الزهور .. ولكم من كل بستان زهرة ...
Post: #844 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-22-2016, 06:55 PM Parent: #843
الأحباب بت عمسيب منانا الملكة وضاحة الغائبة وتغتس وتقلع زي دابي الليل الجميلة بسمات وفي حضورك تحلو البسمة نغماً الأعزاء خالد ود سعيد الفاضلابي عزالدين الفحل ود المقدم العبيد لكم الشكر أجزله بساط أحمدي وللغائبين نسمة البطانة بريقع ود البوش الأميرة أميرة العريفي وكل من زار هذا البوست من الأخوة الكرام كنت في عطلة مع أحمد الخواجة الجعلي خارج الأمارات لذا توجب علي أن اقضي جل وقت معه الحبيب بعيداً عن كل الفضاءيات من نت و واتساب وتلفاز قنوات فضاءية فلكم العذر للغياب الشكر موصول لكلمن سأل عنا
Post: #845 Title: Re: نفااااااج نغم في زمان ضاق فيه الحال Author: وضاحة Date: 08-22-2016, 06:58 PM Parent: #844
حمد لله على السلامة يا مك
Post: #846 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-22-2016, 07:01 PM Parent: #845
Quote: حمد لله على السلامة يا مك
الملكة وضاحة كنتي غاتسة وين يا مسنوحة أنا قلت عرسوك وجدعتي القلم والله ليك وحشة تحياتي و مودتي
Post: #847 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-22-2016, 07:06 PM Parent: #846
لكم جمياً أحبك أحبك لاني بحبكم كلكم والله
Post: #848 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 08-22-2016, 08:12 PM Parent: #847
Quote: لذا توجب علي أن اقضي جل وقتي معه الحبيب بعيداً عن كل الفضاءيات من نت و واتساب وتلفاز قنوات فضاءية
طيب بدل اللفة دى وكُتر النضمى ماتقول كنت فى البردانة وتختصر مرحب بيك في فى النفاج ,,
Post: #849 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-22-2016, 08:22 PM Parent: #848
Quote: طيب بدل اللفة دى وكُتر النضمى ماتقول كنت فى البردانة وتختصر مرحب بيك في فى النفاج ,,
الفاضلابي متاكد انك جعلي اشكفي ذلك الجعليين ما مسخين
Post: #850 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 08-22-2016, 08:40 PM Parent: #849
Quote: الفاضلابي متاكد انك جعلي اشكفي ذلك الجعليين ما مسخين
الجماعة القاصدم فركة كعب مننا وبيناتنا نسب ومن جاور السعيد يسعد ,, زولك المسينيح شايفو ظهر يومتا ,, بقا زى السلطان قابوس ماتشوفو فى الميديا الا كل كم سنة كده
Post: #851 Title: Re: نفااااااج نغم في زمان ضاق فيه الحال Author: مني عمسيب Date: 08-23-2016, 11:12 AM Parent: #850
سلام بلون الغمام ,,,
وجيدن حضرتم وحضرتن ..
بجيكم صادا مشغوووووووووووووولة .
Post: #852 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-23-2016, 06:01 PM Parent: #851
Quote: الجماعة القاصدم فركة كعب مننا وبيناتنا نسب ومن جاور السعيد يسعد ,, زولك المسينيح شايفو ظهر يومتا ,, بقا زى السلطان قابوس ماتشوفو فى الميديا الا كل كم سنة كده
ايوا خليك حنين ولا ترتجل المساخة هههههههههه ما خايلة عليك يا جميل الروح شيقوق بقى موهوم بي الكرفتا اللبسا دي ههههههههههه بربطها ربطة قادوس الساقية لما تشحط عروق رقبتو ههههههههههههه كيف الأرباب وامو
Post: #853 Title: Re: نفااااااج نغم في زمان ضاق فيه الحال Author: وضاحة Date: 08-23-2016, 06:07 PM Parent: #852
Quote: الملكة وضاحة كنتي غاتسة وين يا مسنوحة أنا قلت عرسوك وجدعتي القلم والله ليك وحشة تحياتي و مودتي
المك شوق الشوق قريب بتسمع البسرك كنت غاتسة في اسطانبول وقونيا بلد ساااحرة وفيها بتنسا الهموم سلامى لى احمد واشواقي
Post: #854 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-23-2016, 06:11 PM Parent: #853
Post: #855 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-23-2016, 06:16 PM Parent: #854
Quote: المك شوق الشوق قريب بتسمع البسرك كنت غاتسة في اسطانبول وقونيا بلد ساااحرة وفيها بتنسا الهموم سلامى لى احمد واشواقي
صحي ؟؟؟؟ ندعوا الله أن يتم لك ذلك اسطنبول من روائع المدن في العالم جامعة وفيها حركة لو اتفرجتي في الناس ماشا وجايا ينقضي يومك
Post: #856 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-23-2016, 06:22 PM Parent: #855
Quote: صباح الورد الملكة بت عمسيب
أدي قعدته في النفاج لحدي ما يجينا المك ود المنسي وكل بقية اهل النفاج
الأرباب ود الأرابيب خالد ود سعيد كيفنك يا أخوي وعلك طيبة وعافية درت بارك الله فيكم كنتم عامرين في دراركم وأنتو الخير البركة
Post: #857 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-23-2016, 06:33 PM Parent: #856
Quote: وشكرا كتير خالد سعيد .. جبت لينا البوست الرائع ده ثاني,,, ومعقولة ننسى النفاج.. وهو فينا ويغني لينا... ويملأ دنيتنا فرحة.. .. وصاحب النفاج ود المنسي اختفى نهائيا .. والأميرة اختفت نهائيا.. وبت عمسيب تختفي لفترة طويلة وتظهر بعد ان يختفي البوست في الصفحات الداخلية ولا نجدها... ولكم براميل من الود.. ودمتم دائما وابدا بالف خير وصحة وعافية
العزيزة الظريفة بسمات تحية طيبة مباركة الغياب كان فرضاً علينا مجبر أخاك لا بطل وكيف انت طال عهدنا بحديثك الشيق الجميل بعدين بتسأل من الأميرة ( هي ما معاك ) ولا دا سؤال عن غيابها في المنبر تحياتي لها الأميرة أميرة ولكل الغرفة بعد جلسة غداء بي ملاح بطاطس وأم رقيقة
تحياتي و مودتي
Post: #858 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-23-2016, 06:38 PM Parent: #857
Quote: إهداء خاص ، لكل عشاق هذا البوست الرائع ، الزول الجميل خالد علي محجوب المنسي ، ربنا يديك الصحة و العافية ، و راحة البال ، إنت أجمل إنسان ،
الأخ العزيز عزالدين الفحل لك التحية والشكر أجزله على هذا الأطراء الجميل متعك الله بالصحة والعافية
وخليك قريب تحياتي ومودتي
Post: #859 Title: Re: نفااااااج نغم في زمان ضاق فيه الحال Author: مني عمسيب Date: 08-23-2016, 10:41 PM Parent: #858
تصبحوا علي خير .
Post: #860 Title: Re: نفااااااج نغم في زمان ضاق فيه الحال Author: اميرة السيد Date: 08-23-2016, 11:56 PM Parent: #859
خالد ود المنسي.. نحن اختفينا بسببنا....وانت مالك؟؟ وبسمات اختفت نهائيا... والنفاج بدون تعليقاتك الظريفة والرائعة ما بكون نفاج كامل.. وحتى منى صاحبة مزارع الزهور الرائعة اختفت معاك ...وزهورها دائما بتمنحنا الامل والتفاؤل في الحياة.. وحمد الله لى ظهورك بالسلامة.. والله يديك الصحة والعافية
Post: #861 Title: Re: نفااااااج نغم في زمان ضاق فيه الحال Author: عزالدين عباس الفحل Date: 08-24-2016, 05:35 AM Parent: #860
جديد محجوب كبوشية 2014 السلام يا روح البدن
*** الأخ الفاضل خالد علي محجوب المنسي ، ألف حمد لله ع السلامة ، فقدناك يا المك ، ،،،،،
عزالدين عباس الفحل ابوظبي
Post: #862 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-24-2016, 06:39 PM Parent: #861
Quote: خالد ود المنسي.. نحن اختفينا بسببنا....وانت مالك؟؟ وبسمات اختفت نهائيا... والنفاج بدون تعليقاتك الظريفة والرائعة ما بكون نفاج كامل.. وحتى منى صاحبة مزارع الزهور الرائعة اختفت معاك ...وزهورها دائما بتمنحنا الامل والتفاؤل في الحياة.. وحمد الله لى ظهورك بالسلامة.. والله يديك الصحة والعافية
يا سلام دا يوم الهناء ظهرت الأميرة أميرة ومعاك العجو الجاي من المحوس وكان عول ما بينقرو السوس المفلس شن داير يكوس بس يعاين ويشبع مغوص كيف حالك يا اميرة والله مشتاقين ليكم كلكم يا أحباب أنا سببي كت مع وليد أحمد أنت غاتسة في حلة بطاطس ولا أم رقيقة بسمات ظهرت وأختفت زي بت الموية بت الموية دي إلا تسألن منها نسمة البطانة الغايبة وهي في انتظار الحفيد ابن الأبن تحياتي أميرة وعليك الله ما تغيبي مهما كانت الأسباب يا هو مكان نتنفس فيه ظلم أناس جثوا فوق صدرونا وجاءوا ينقذونا قالوا تحياتي لكل أخواتك
Post: #863 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-24-2016, 06:50 PM Parent: #862
Quote: *** الأخ الفاضل خالد علي محجوب المنسي ، ألف حمد لله ع السلامة ، فقدناك يا المك ،
الأخ الفاضل عز الدين الفحل لك الشكر ممزوج بعطر ديار كبوشية منبع النغم محجوب شينبو من الفنانيين المميزين في فن الدلوكا حفظ الكلمة من منبعها لذا امتاز على غيره بإجادة الأداء وحسن المخارج اللفظية وصحة المفردة تسلم يا عز الدين على هذه الماحة من الطرب
Post: #864 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-24-2016, 07:32 PM Parent: #863
هذا زمان كان في الحب نابع من أعماق الأعماق ونلاحظ في القصائد القديمة مفردتها كانت موافقة لثقافة ذلك العهد زمن الجوبات وأنتظار الجواب والجواب يصل عن طريق البوستة وتنقل البريد القطارات وساعي البريد وكل هذه هي ثقافة زمان مضى ( قد يذكره الفاضلابي و نسمة البطانة وبت عمسيب و ود البوش )
وكان النتقل ( الموظفين والجنود والشرطة من مدينة لأخرى ) وهذا كان ضمناً في القصيدة نستشفه الفراق الذي حدث بين الحبيب ومحبوبته ... وأكيد كان لظروف نقل أبيها لمدينة أخرى وقد يكون لسبب أخر والله أعلم ولكن نقول ولى ذلك الزمن الجميل بكل ما فيه من جمال
يرحل قطار ويعود قطار ( القطار هو الذي يأتي بالبريد ) وإِصبح الليل الغريب طلعة نهار وإجيني منك أا بس خطاب
وغالي الحروف ما كتب
Post: #867 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-24-2016, 08:35 PM Parent: #866
من عيون الأغاني السودانية أغنية ضاع صبري وين يا وصلي أجهل شاعرها لكن شدى بها فنان طابت الفنان أحمدالطيب وشدي بها ابناءه من بعده وهي من الأغاني الثرة بالمفردة الجميلة الوصل جميل البعد يحزَّن لنعش مع مفردات هذه الأغنية الجميلة
ضاع صبري أين يا وصلي قلبي بي نار الغرام مصلي
يا عقود آمالي إنفصلي ما بفيق من النويح أصلي عقلي يوت كل ساعة ينقصّلي و فيك ضاع يا طيبة الأصل ِ
أيه دا ليل و البدر واضح لي أم دا ديسك محيو فاضح لي العيون عاد روقي لي وأحلي كفي رمشك دا المجرح لي
زاد من نار الصدود وجلي يا معاني الشعر و الزجل ِ باهي جيدك و الخديد مجلي تري دا الهلاك في الأعين النجل
ليك نسايم الشوق دوام يسلي في هواك كم وكم ضائعاً مثلي ما سليتك وإنت كيف تسلي أنا صرت ميت والدموع غسلي
مال ليالي الهجر تجمع لي وديمة يا نيراني تشتعلي يا بدر بالله أسطع لي و يا سهيل أرجوك أسمع لي
ترمي محيك في الكفل وتعلي تفني قامتك وفي الصدير تعلي يا حمام بالله أسجع لي ومالو ضايع في الخيال فعلي
Post: #868 Title: Re: نفااااااج نغم في زمان ضاق فيه الحال Author: عزالدين عباس الفحل Date: 08-25-2016, 11:20 AM Parent: #867
خالد علي محجوب المنسي
سلام أخوي المنسي ، كم يسعدني لقياك يا غالي ، صدق أنت بلسم سودانيز ، جمال ممزوج بالجمال ، أشواقي ، ،،،،،،،
Quote:
Quote: *** الأخ الفاضل خالد علي محجوب المنسي ، ألف حمد لله ع السلامة ، فقدناك يا المك ،
الأخ الفاضل عز الدين الفحل لك الشكر ممزوج بعطر ديار كبوشية منبع النغم محجوب شينبو من الفنانيين المميزين في فن الدلوكا حفظ الكلمة من منبعها لذا امتاز على غيره بإجادة الأداء وحسن المخارج اللفظية وصحة المفردة تسلم يا عز الدين على هذه الماحة من الطرب
،،،،،،،
عزالدين عباس الفحل ابوظبي
Post: #869 Title: Re: نفااااااج نغم في زمان ضاق فيه الحال Author: عزالدين عباس الفحل Date: 08-25-2016, 11:28 AM Parent: #867
الفنان الرائع محمود عبد العزيز و طه سليمان _ بين الماضي و الحاضر ،،،،،،،
عزالدين عباس الفحل ابوظبي
Post: #870 Title: Re: نفااااااج نغم في زمان ضاق فيه الحال Author: اميرة السيد Date: 08-25-2016, 04:54 PM Parent: #869
. ومن عيون شعر الحقيبة.. نهدي ليكم اغنية جميلة ورائعة ودائما بنغنيها في فرقة جماعية مع عزف ذات الانامل الذهبية امتثال,,, وهي اغنية الشاغلين فؤادي وتايهين فايقين.
. والله يديكم الصحة والعافية.,,,
...,,...,,,الشاغلين فؤادي وتايهين فايقين يفت البى ذارف دمع المايقين ******* تال القبلة شايف لي برقا لمع والصيد في الخما يل ياناس اجتمع قوموا يا أحبة نسترق السمع ما يطيق القعدة والمايق دمع *********ا لبلابل صاحت في الليل الهجيع سهرانات عيوني وجافيت الضجيع من الحاله ديه اولا لي النجيع وا حسرة شبابي الما لقيت لي وجيع ****** كلف احبابى لي يا مولاي قدروا انسلبت لحومي واعضائى خدرو لاموني العوازل بى حالي ازدروا هم تايهين دلالن ساهين ما دروا ******** سامرت الكواكب لما الفجر لاح منادى الفجر نادى وقال ياهل الصلاح صلوا الوقت حاضر قام أهل الصلاح وانا الليل قايمو لا خيال لي راح ******ا لنسيم عاودني أقوم من نومي تاب مدهوش فكرى حاير مشطوب انشطاب يا نسيم بلاهى جيب رد الخطاب اوع الجاهلة نية وما بتحمل عتاب ******* حليل القدرو سامي فوق الجيل فريد حليل روحي بقت ليه طوق في الوريد بكتب ليه خطابي وعذري عذر مريد يا نسيم بلاهي طبق ليه البريد ***********ا نكسرت اعضائى من كسرة الولوع وابكي العبره خانقه وانا ليها البلوع اصبح قلبي يرجف خلى من الخلوع يا ناس روحي شاهقة هيه ناوية الطلوع
Post: #871 Title: Re: نفااااااج نغم في زمان ضاق فيه الحال Author: عبدالعزيز الفاضلابى Date: 08-25-2016, 06:31 PM Parent: #870
بروفيسور خواجة بناقش رسالة دكتوراة لواحد رباطابى فى النهاية الخواجة قال للرباطابى : أنا ما مقتنع برسالتك دى. الرباطابى قال ليهو: هو انترسالة سيدنا محمد ما اقتنعت بيها جاى تقتنع برسالتى؟؟؟ رباطابى واقعى ,,,
Post: #872 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-28-2016, 08:25 PM Parent: #871
Post: #873 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-29-2016, 01:59 PM Parent: #872
كلمات: أبو آمنة حامد غناء: صلاح إبن البادية
وشوشنى العبير فانتشيت ساقنى الهوى فما أبيت يد الحرير ارتعشت بكفىّ بكيت من رعشتها بكيت ***** صبية ... العطر يشتهيها أمذنب أنا إذا اشتهيت؟ سافرت في عينيها دهوراً فما أرتوت عيناي ... ما أرتويت جدائل الليل على كتفيها تهدّلت حولى فما أهتديت ****** حبيبتى أغرودة العذارى ورنة الأفراح إن غنيت حبيبتى أنيقة العطايا تهمى هوى إذا أنا هميت أجمل منها ما احتوى فؤادى فالعبق الصادح مااحتويت ***** لا تسألونى كيف كان الملتقى وكيف فى دروبها مشيت وكيف طاف الثغر فى إبتهال وكيف فى محرابها صليت سرّ عميق حبها بقلبى ما قلته للناس .. ما حكيت ***** فإن روى القيثار سرّ قلبىّ قولوا لها ما قلت .. ما رويت لكنه حين بكى حنينا بكيت من رقته بكيت
Post: #874 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-29-2016, 02:10 PM Parent: #873
Post: #875 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-29-2016, 02:21 PM Parent: #874
وشوشني العبير بصوت أخر
Post: #876 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-29-2016, 02:46 PM Parent: #875
صبية ... العطر يشتهيها أمذنب أنا إذا اشتهيت؟ سافرت في عينيها دهوراً فما أرتوت عيناي ... ما أرتويت جدائل الليل على كتفيها تهدّلت حولى فما أهتديت
يا سلام على ها المقطع الصبية هي التي تشتهي العطر لكن الشاعر خرج عن المألون مبالغة في الوصف .... ليصف لنا جمال محبوبته صبية العطر يشتهيها وثم أعقب أمذنب إذا أنا أشتهيت لا حاشا وكلا ليس مذنب والله ومعك ألف حق في حبك لها والجمال يسلب العقول وهل جربت يا ود البوش أن تسافر في عيون المحبوبة وتسرح بعيداً وتترك المجداف وتحملك الأمواج أنه لشعور جميل في ضوء الشموع لا ترتوي من العيون ولا يبل الظمأ
صبية ... العطر يشتهيها أمذنب أنا إذا اشتهيت؟ سافرت في عينيها دهوراً فما أرتوت عيناي ... ما أرتويت
جدائل الليل على كتفيها تهدّلت حولى فما أهتديت
والجدائل هي ضفائرشعرها تهدلت أي نزلت عليَّ ومن شدة سوادها وكانها الليل البهيم تهت وما إهديتُ لك الرحمة ابوأمنة حامد كان شاعر مرهف في أحساسه
Post: #877 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-29-2016, 07:19 PM Parent: #876
حبيبتى أغرودة العذارى ورنة الأفراح إن غنيت حبيبتى أنيقة العطايا تهمى هوى إذا أنا هميت أجمل منها ما احتوى فؤادى فالعبق الصادح مااحتويت
غرودة العذارى وما أجمل شدو العذارى حين يشدونَّ طرباً ونغماً جميل التغريد من طبع الطيور وليس كل الطيور أنواع معينة من الطيور هي التي تغرد ورنة الأفراح وهي لحظة من الصعب ترجمتها في مفردة ( رنة الأفراح ) فهي شعور تحسه تحسب نفسك محلق في الهواء طرباً إذ غنيتُ تهمي اي تمطر المطر وابل من حب وحنان إذا انا هميِتُ وما الفؤاد أجمل منها أحساس فهي كالعبق تملئ قلبي فرحة
Post: #878 Title: Re: نفااااااج نغم في زمان ضاق فيه الحال Author: عفاف أبو حريرة Date: 08-30-2016, 08:35 AM Parent: #877
سلاوووووم ابا احمد وصحبِه في مقام حضرتك يطيب الجلوس متابعه
Post: #879 Title: Re: نفااااااج نغم في زمان ضاق فيه الحال Author: عفاف أبو حريرة Date: 08-30-2016, 08:42 AM Parent: #878
الشكر لي كل الاخوه والاخوات الفقدوني كانت وعكه صحيه والحمدلله عدت
Post: #880 Title: Re: نفااااااج نغم في زمان ضاق فيه الحال Author: مني عمسيب Date: 08-30-2016, 09:04 AM Parent: #879
والله عودة استاهلت الزغاريد يا درة الصديقات ..
ايووووووي يووووووي يوووووووووووي . وجيدن جيتي .
يشهد الله جاية تاني اسأل عنك بعد ما انقطع عشم وجود تلفونك .. وبالمناسبة يا شباب كلمة واحدة لاغير .. لو سمحتوا كلكم تختوا لي تلفونكم في الخاص واعتبروهوا تهديد اي زول زولة ما يخت لي تلفوني بعتبرها علاقة مضروبة وما تستحق المتابعة ههههه . عمومآ يا بت حريرة يا حبيبة تختي لي تلفونك فورآ في الخاص عشان نكسب الودين هههههه .
Quote: الشكر لي كل الاخوه والاخوات الفقدوني كانت وعكه صحيه والحمدلله عدت
مقصرين في حقك انا شخصيآ مقصرة قدر ما فتشت وسالت عن تلفونك البسالو كلو قال ما عندو تلفونك المهم طمنينا عن صحتك البتهمنا وكيفك اسه وكيف باقي العقاب السمح يشهد الله ما طلعتي من بالي لحظة يا مجيهة.
وجيدن جيتي يا حبيبة ....
Post: #881 Title: Re: نفااااااج نغم في زمان ضاق فيه الحال Author: مني عمسيب Date: 08-30-2016, 09:09 AM Parent: #880
هدو لبست توبي وطاقاها لي زريبة ود البوش اجيب لي خروفين كرامة للبتستاهل كل خير بت ابو حريرة اخيتي الحبيبة ههههههه .
حضروا الشطة يا البنوت للمرارة وما تنسن الدكوة .
Post: #882 Title: Re: نفااااااج نغم في زمان ضاق فيه الحال Author: مني عمسيب Date: 08-30-2016, 09:48 AM Parent: #881
هدو خروفين دا واحد والتاني ودوهو البوكسي من زريبة النشمي ود البوش وحلف حرم ماني ادفع لاقرش لاتعريفة والله يا اولاد امي النشمي بقي يخجلني عقب مديني خروفين وحلف منهن لكن تاني علا ارسل ليهو زول غيري في شان يشيل بالدفع ..
اها شوفوا الخرفان الشبعانة دي كرامة وسلامة لي حبيبتنا بت ابو حريرة .
Post: #883 Title: Re: نفااااااج نغم في زمان ضاق فيه الحال Author: اسامه العريفي Date: 08-30-2016, 09:51 AM Parent: #882
نسأل الله لك دوام الصحة والعافية اختنا بت ابوحريرة سلام يغشاكم يا ناس النفاج
Post: #884 Title: Re: نفااااااج نغم في زمان ضاق فيه الحال Author: عزالدين عباس الفحل Date: 08-30-2016, 11:26 AM Parent: #883
رائعة الشاعر أبو آمنة حامد شوشني العبير صب فيها كل الجمال ، و عطرها بحلو المفردات ، و حينما ذكر مفردة بكيت ، تحس بأنين أنفاسه الحارة ، ترتعش بأغرودة العذارى ،
،،،،،،،
عزالدين عباس الفحل ابوظبي
Post: #885 Title: Re: نفااااااج نغم في زمان ضاق فيه الحال Author: عزالدين عباس الفحل Date: 08-30-2016, 11:30 AM Parent: #883
الرائع الفنان صلاح بن البادية ،، ليلة السبت ،، ،،،،،،،
عزالدين عباس الفحل ابوظبي
Post: #886 Title: Re: نفااااااج نغم في زمان ضاق فيه الحال Author: عزالدين عباس الفحل Date: 08-30-2016, 11:47 AM Parent: #885
ليلة السبت الشاعر الفلسطينى الراحل ، محمود حسيب القاضى الحان وغناء ، صلاح بن البادية
طال أنتظارى ليلة السبت يا حلوة العينين يا أنت أنسيتى وعدك باللقاء هنا كم مرة بالله أوعدت ولأتفــه الأسباب فاتنتى كم جئت امس وكم تعللت لو قلت أنك لست آتية أسكت في النيران لو قلت عبر المدى عينى مشردة ترعى خيالك ربما جئت تتهامس الأشواق آتية وتصيح بى الأوهام لن تأت هل أبلغوك وشاية كذبا يا حلوتى عنى فصدقت أم خفت أعين عازلين لنا فى الحى ترقبنا فأحجمت أم أنّ مكروها ألمّ بك لا قدّر المولى تأخرت فتصوّرى ما بات يعصف بى من عاصفٍ أشعلته أنت وجمعت باقات الزهور هنا ولكم بأزهارى تزينت ألقيتها بجوار مقعدنا الخالى حزينا أذ تخلّفت وبكى المساء الوردى وأرتعشت كل النجوم عشية السبت وحملت أشواقى وعدت بها متلفعاً بالليل والصمت
،،،،،،،
عزالدين عباس الفحل ابوظبي
Post: #887 Title: Re: نفااااااج نغم في زمان ضاق فيه الحال Author: عزالدين عباس الفحل Date: 08-30-2016, 12:02 PM Parent: #885
Quote:
ليلة السبت الشاعر الفلسطينى الراحل / محمود حسيب القاضى الحان وغناء / صلاح بن البادية طال أنتظارى ليلة السبت يا حلوة العينين يا أنت أنسيتى وعدك باللقاء هنا كم مرة بالله أوعدت ولأتفــه الأسباب فاتنتى كم جئت امس وكم تعللت لو قلت أنك لست آتية أسكت في النيران لو قلت عبر المدى عينى مشردة ترعى خيالك ربما جئت تتهامس الأشواق آتية وتصيح بى الأوهام لن تأت هل أبلغوك وشاية كذبا يا حلوتى عنى فصدقت أم خفت أعين عازلين لنا فى الحى ترقبنا فأحجمت أم أنّ مكروها ألمّ بك لا قدّر المولى تأخرت فتصوّرى ما بات يعصف بى من عاصفٍ أشعلته أنت وجمعت باقات الزهور هنا ولكم بأزهارى تزينت ألقيتها بجوار مقعدنا الخالى حزينا أذ تخلّفت وبكى المساء الوردى وأرتعشت كل النجوم عشية السبت وحملت أشواقى وعدت بها متلفعاً بالليل والصمت ( ولد الشاعر محمد حسيب القاضي ، عام 1935 في يافا. وهجرت عائلته أثناء نكبة 1948 إلى قطاع غزة.بدأ مسيرة الكتابة كمحرر أدبي في جريدة أخبار فلسطين التي كانت تصدر في غزة، وذلك في ستينيات القرن العشرين.اعتقلته قوات الاحتلال الإسرائيلية بعد سيطرتها على قطاع غزة سنة 1967 وفصل من عمله.غادر قطاع غزة بعد ذلك إلى القاهرة، حيث ساهم بإنشاء إذاعة صوت العاصفة ثم صوت فلسطين. وعمل لاحقا مديرا لإذاعة فلسطين في الجزائر وصنعاء.ترأس مهمة تحرير جريدة الأشبال التي صدرت في تونس وقبرص.ترجمت قصائده للغات الإنجليزية, الإيطالية, الفارسية والبلغارية.حاز على جائزة القلم الدولي للشعر عام 1995 إلى جانب عدد من الجوائز الأخرى في تونس والقاهرة.كتب محمد حسيب القاضي عدداً من نصوص أناشيد الثورة الفلسطينية منها: المجد للثورة ، بإيدي رشاشي، حرب الشوارع، حنا ثوارك يا بلادي، يا شعبنا في لبنان، يا غاصبا حقنا.وصدر له: فصول الهجرة الأربعة عام 1974، نشيد للرجل والبندقية عام 1975/1985، مريم تأتي 1983، أربعاء أيوب 1983، أقبية الليل 1985، إنه الصراخ وأنا فيه 1989، الرماد الصباحي 1989، قمر للعواء 1996، ثم رمادك في رقصة 1997، السدى قاطرة .. قطرة ، دولة أيوب مسرحية شعرية 1997، شمهورش مسرحية شعرية 2001.) وعن اغنية " ليلة السبت " اعجبنى جدا ما سطره الاخ / ابراهيم عبد الحليم باحد المواقع فقال : ( واحدة من أجمل الأغنيات السودانية التى إحتلت مساحةً مقدرة فى قلوب السودانيين ورقص على أوتار كلماتها العذبة ولحنها الطروب أرتال العاشقين ولاننسى فى هذا المقام قبيلة المشوكشين والذين تقمصوا حال شاعرها وتكيفوا معها حسب أهوائهم ووجدوا فيها متكأً للبَرود من سعير بساط طال جلوسهم عليه وفى إنتظار مواعيدٍ خائبة لاتجرى كما يشتهون ، وكان حالهم (يحنن) حتى أهل السبت أنفسهم والذين كانوا أكثر حظاً منهم لأن حيتانهم كانت تخرج إليهم وتتراقص أمامهم فى يوم السبت، اليوم المخصص للعبادة المحرم فيه الصيد، ثم تغيب باقى أيام الأسبوع ، إختبارٌ فشلوا فيه أيما فشل وخارت عزائم صبرهم وصاروا ينصبون لها الشراك يوم السبت وينهالون عليها وينالون منها باقى أيام الأسبوع ، ولكن اصحابنا هؤلاء تخرج إليهم فقط الشواكيش (التودى الآخرة) ، كان هذا حالهم ونحن معهم تتراءى لنا كلمات هذه الأغنية بقالبها العاطفى المنسابة فيه ولكن هل كان محمود حسيب القاضى مثلنا كما تخيلناه.محمود القاضى كان على موعدٍ مع الواجب الذى أصبح ماركة مسجلة للشعب الفلسطينى البطل، عملية إستشهادية كان ينتظرها شاعرنا والشعب الراكز على لهب القضية ورمز إليها تمويهاً وكأنها فتاة أحلامه المرتجاة، قوافل من الفدائيين الفلسطينيين تمضى إلى اليوم ، وماكانت سناء محيدلى إبنة ال 17 ربيعاً والتى كانت تعمل فى متجر للفيديو تناضل بلبس بنطال ضيق وصدرٍ عارٍ ، بل كانت على موعدٍ مع التاريخ تسجل قيم البطولة والرجولة المتناهية لهذا الشعب الأبى الصابر ، سناء محيدلى طفق أهلها يبحثون عنها فى كل مكان حتى فاجأتهم من خلال شاشة التلفزيون اللبنانى وهى تقول " انا الشهيدة سناء يوسف محيدلي ، عمري 17 سنة من الجنوب ، جنوب لبنان الجنوب المحتل المقهور ، من الجنوب المقاوم الثائر، جنوب الشهيد البطل وجدي الصايغ "وهذا الأخير كانت هى قد قامت بتصوير عمليته الإستشهادية ، وأضافت فى وصيتها "إنني ذاهبة إلى أكبر مستقبل، إلى سعادة لا توصف، لا تبكوا عليّ من هذه الشهادة الجريئة ، لا، لحمي الذي تناثر على الأرض سيلتحم في السماء".الفنان الكبير صلاح بن البادية نفسه ماكان يدرى القصة التى تكمن خلف هذه القصيدة لذا تجده قد أعطاها لحناً يجسم أحزان المحبين ، ورغم إن الشاعر حاول مناورة العدو إلاَ إن الصدق كانا مخبوءاً تحت لسانه خاصة عندما يقول:... هل أبلغوك وشاية كـذبا يا حلوتى عنى فدقت أم خفت أعين عازلين لنا فى الحى ترقبنا فأحجمت أم أنّ مكروها ألمّ بك لا قدّر المولى تأخرت عادة من طبع المحبين التشبث بالفأل الحسن واستنتاج الأعذار الراقية والخيرة عند غياب المحبوب (الغايب عذره معاه) (واقول يمكن انا الماجيت) ولكنهم لايتنبأون أبداً بما هو مكروه كما جاء فى البيت أعلاه وأنا كنت قبل أن أعرف هذه القصة أقف كثيراً عند هذا البيت (أم أنّ مكروها ألمّ بك) وكنت عاتباً على الشاعر كيف جاز له صياغة هذا المعنى ، أما الآن ومنذ زمن كلما أستمع لهذه الأغنية تمر بى قصة أبطالنا عبر التاريخ ، أجسادٌ نحيلةٌ مدرعةٌ بالقرآن ووقودها ذكر الله تفر أمام بأسها أحدث الدبابات ، دبابات لم تسعفها التكنولوجيا التى تعمل بالليزر فى صد قوافل الدبابين ، ومن لدن على وإلى على ، على عبداللطيف وعلى عبدالفتاح ، ستبقى قيم البطولة والتضحية راكزة فى وجدان هذا الشعب العظيم لايزحزحها كيد الخائنين ولاتنال منها أعين المتربصين.شكراً للفنان القامة صلاح بن البادية وهو يلتقط هذه الدرة الغالية من الصحافة وإلى الميكرفون حتى صارت من الأغانى النادرة التى تضمها مكتبة الغناء السودانى. )يقال للقصيدة روايتين : احداها لمحبوبة الشاعر الذى كان قد واعد محبوبته للقائها يوم السبت قبل تنفيذ العملية الفدائية لوداعها وبدون اخطارها بمشاركته فى العملية. المحبوبة كانت قد تخلفت ذاك اليوم فكانت هذه القصيدة.الرواية الثانية وهى ان القصيدة كتبت فى عملية فدائية لم يكتب لها النجاح فاجلت ..
،،،،،،،
*** المصدر "- الفيس بوك ، ،،،،،
عزالدين عباس الفحل ابوظبي
Post: #888 Title: Re: نفااااااج نغم في زمان ضاق فيه الحال Author: عبدالله ود البوش Date: 08-30-2016, 12:48 PM Parent: #887
كرررب ككك كررررب دي دفرة الباب بالضقلة ها ناس عووووووك .... الناس دي مشت وين . . اولا بالتبادي حمدا لله على عودة اختنا عفاف ابوحريرة بالسلامة واجر وعافية . . وثانيا بالتبادي سلام عليكم جت وثالثا بالتبادي لي السمحة بت عمسيب ..... رسلي العربية لخروف الضحية ورابعا بالتبادي طالبك ضربة يا خالد المنسي
Post: #889 Title: Re: نفااااااج نغم في زمان ضاق فيه الحال Author: عفاف أبو حريرة Date: 08-30-2016, 12:50 PM Parent: #887
يالله يا منى بيك انتي والقلوب النقيه الزيك الدنيا بتبقي حلوه انا سعيده بيك شديد وبي كلامك النابع من قلبك الكله نبل ووفاء منى انتي عندك منبع حب في قلبك لاينضب يكفي كل الناس في ناس ربنا بخلقهم لي نفر معينين وفي ناس ربنا بخلقهم لي الناس كلهم كوني كما انتي
Post: #890 Title: Re: نفااااااج نغم في زمان ضاق فيه الحال Author: عفاف أبو حريرة Date: 08-30-2016, 12:55 PM Parent: #889
العريفي يارب تسلم من كل بلا وكتر خيرك كتير علي السوال
وربنا يديم المعروف بيناتنا
Post: #891 Title: Re: نفااااااج نغم في زمان ضاق فيه الحال Author: عفاف أبو حريرة Date: 08-30-2016, 01:06 PM Parent: #890
الله يسلمك يا عبدالله كيف الاولاد ومبروك علي نادر ربنا يفرحك بيهم كلهم معليش مالينا نصيب نحضر معاك لكن معوضه في حسن وحمودي سلامي لي الوليدات والمدام
Post: #892 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-31-2016, 01:37 PM Parent: #891
الشكر لي كل الاخوه والاخوات الفقدوني كانت وعكه صحيه والحمدلله عدت
نسمـــــــــــة البطانة ألف حمد الله على سلامة العودة وإن شاء الله ما تشوفي شر ابداً تحياتنا لشيخ البطانة ود المحرب وعياله
Post: #893 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-31-2016, 01:42 PM Parent: #892
يا نديدي سيف الجامعة أو سيف شندي ( ود بانقا )
Post: #894 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-31-2016, 01:48 PM Parent: #893
والله عودة استاهلت الزغاريد يا درة الصديقات . ايووووووي يووووووي يوووووووووووي . وجيدن جيتي .
بت عمسيب أبشري بالخير .... أبشري بالخير ومحل رهيفة تنقد أنا الككو الفجخ الطين قلتي لي ود البوش أبا يشيل القروش لكن أنت بالغتي كيف بشيل قروش منك شيخ العرب وكمان الكرامـــــــة لي نسمة البطانة زولي وبعرفو حرّم يخنق رقبتو ولا يشيل منك فلس أحمر تسلمي تحياتي ومودتي
Post: #895 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-31-2016, 02:20 PM Parent: #894
ليلة السبت الشاعر الفلسطينى الراحل ، محمود حسيب القاضى الحان وغناء ، صلاح بن البادية
أخي الفاضل عز الدين حقيقة هذه الأغنية منالأغاني الجميلة وهذا كان في زماناً فيه ثقافة الفنانيين منفتحـــة على كل العالم رغم توفر القصيد والشعراء لكن ذلك لم يشبع أملهم الكبير في توصيل المفردة لشعب متعطش لسماع كل جميل وهكذا كان طبع السامع والمستمع
وفي الساحة الفنية قديما الكثير وقعت ذات مرة قصيدة في الفنان عبدالكريمالكابلي بالصدفة في مجلة أو جريدة لا أعلم وظف لها اللحن وأطرب بها كل الشعب السوداني ونحن لا نعلم فحواها وقصتها كانت تلك القصيد لمناضلة جزائرية اسمها ( فضة ) أستشهدت في ساحة النضال ضد المستعمر الفرنسي تغنى وأنشدها الفنان عبد الكريمالكابلي في زيارة الرئيس ابوتفليقة للسودان قبل أعوام إنصرمت وقف أبو تفليقة أحتراماً و أجلالاً لتلك المناضلة وعيونها يكسوها الإستغراب ( كانت زميلته في النضال ) كيف وصلت هذه القصيدة للشعب السوداني الذي طرب لها دون أن يعرف قصتها وفي من كُتبت
أغلي من لؤلؤة بضة صيدت من شط البحرين مشهد يروي مصرع فضة ات العينين الطيبتين
كتراب الحقل كحفنة ماء كعناق صديقين عزيزين كملابس جُندي مجروح مطعون بين الكتفين
إلى أخر القصيدة
Post: #897 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-31-2016, 02:31 PM Parent: #895
وأستمر يوصفها ( فضة ) الشاعر الجزائري الذي أجهل اسمه فقال :
ذات الخُطوات الموزونة قصد الأَجراس المحزونة كلهى الطفل بقلب سرير لم تبلغ سن العشرين وأختارت جيش التحرير
وحقيقة كانت فضة المناضلة شرف لكل جرائري وجزائرية وقيل أنها أول فتاة تنخرط في صفوف جيش التحرير الجزائري وبعدها فتح الباب وإنضم الكثير من النساء اللائي كان دورهن يقتصر على المساعدة قبل فضة رحمة الله تنزل على فضة ويتقبلها الله قبولاً حسن
Post: #896 Title: Re: نفااااااج نغم في زمان ضاق فيه الحال Author: عبدالله ود البوش Date: 08-31-2016, 02:28 PM Parent: #894
نزل ليك دلوكة حارة يا خالد خلنا نعرض فوقا بسلامة نسمة البطانة ولمة الحبان اين كبير المسانيح شيقوق ؟ اين ود اب سن ... اين الفاضلابي ... . . عسل اللمة ----------- اوعك .... خليك واعي يا زول
Post: #898 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-31-2016, 02:38 PM Parent: #896
ورابعا بالتبادي طالبك ضربة يا خالد المنسي
دحين ما أنا الطالبك على ما أذكر اخر مرتين ضربت ليك أنا يا الحبيب مسجلها في النوتة عليك أمان الله
Post: #899 Title: Re: نفااااااج نغم في زمان ضاق فيه الحال Author: عبدالله ود البوش Date: 08-31-2016, 02:47 PM Parent: #898
دا الكلام السمح ودا الغنا البجري الدم زي ما بقول خالي البلولة هيييييييييييع . . يا الحبيب مسجلها في النوتة عليك أمان الله --------------------------------------- لا خلاس . . ههههههههه المروحة شقاوتا شقاوة مع العرضة والعكاز كرووووو طالبك مروحتين
Post: #900 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 08-31-2016, 02:59 PM Parent: #899
في ذات مرة كان معاي ود عمي في البيت في التلفزيون جابو أغنية البضوي الليل لي حسين شندي وأزهري محمد علي زولك قام عرض زين وأنا قمت معا عرضنا وصوقرنا زين كف ..... لحف المروحة بي عصاتو لي يومي ويومك ريشتها معوجة
Post: #901 Title: Re: نفااااااج نغم في زمان ضاق فيه الحال Author: عزالدين عباس الفحل Date: 09-01-2016, 06:16 AM Parent: #900
خالد علي محجوب المنسي
سلام أخوي المنسي ، ياخي الأغنية عجبوني دي ، بتوقد في جسمي ناااااااار ، و شعر جلدي بتقيف زي المسامير ، من شدة الحماااااااسة ، قفلت المكتب و عرضت زززززين ، لمن جسمي مشي مووووووية ،
،،،،،،،
عزالدين عباس الفحل ابوظبي
Post: #902 Title: Re: نفااااااج نغم في زمان ضاق فيه الحال Author: عفاف أبو حريرة Date: 09-01-2016, 07:00 AM Parent: #901
صباح الخير عليكم ناس النفاج دلوكتكم ضاربه وعجاجكم مالي السماء
Post: #903 Title: Re: نفااااااج نغم في زمان ضاق فيه الحال Author: مني عمسيب Date: 09-01-2016, 09:38 AM Parent: #902
صباح الخير ياوشوش الخير ,,, زهرات الصديقات والكلوس ..
مسدار الشوق : من بلد الزهور مرسل سلام وتحيـــة والشوق الكتييير الزادني في الحنيــة بقول ليكم صراح وانا عاقدة فيكم نية جاياكــــم ازور في داركـــم العامـرية
انا من هواك !
Post: #904 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-01-2016, 02:00 PM Parent: #903
سلام أخوي المنسي ، ياخي الأغنية عجبوني دي ، بتوقد في جسمي ناااااااار ، و شعر جلدي بتقيف زي المسامير ، من شدة الحماااااااسة ، قفلت المكتب و عرضت زززززين ، لمن جسمي مشي مووووووية ،
أخوي عزالدين دا السر الكامن في الدلوكا زمان عماً لينا كبير وكت هبقت الدلوكا قام إتلقب في العرضة زين زوجته قالت لي يا راجل ما تخجل قال ليها يا زولة هوووي الدلوكا دي وكت تهبق الحمار بتجي شعرانية
الماعندو قديم ما عندو جديد وهي سر وجودنا هي النحاس البكاي
Post: #905 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-01-2016, 02:07 PM Parent: #904
صباح الخير عليكم ناس النفاج
دلوكتكم ضاربه وعجاجكم مالي السماء
نسمــــة البطانة حبابك يا وجه الخير وبلاها ما نبقى نمش شوية لي حق ناس البندر ونرجع نحلي بيها ولادنا السنة دي لي يومي و يومك سمعت بي تلاتا خطبو يعني السنة دي لما أمشي الإجازة دي براها تلاتا ضحويات بي الدلوكا ونحن ناس ضحوية بخمج زيييييين السنة دي إن شاء الله
Post: #906 Title: Re: نفااااااج نغم في زمان ضاق فيه الحال Author: عفاف أبو حريرة Date: 09-01-2016, 02:13 PM Parent: #905
الله يبجعل ايامك كلها افراح يارب خالد عليك الله نزل ماشفتوها ياخلاني وبهديها لي نوارة النفاج بت عمسيب
Post: #907 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-01-2016, 02:18 PM Parent: #906
الله يبجعل ايامك كلها افراح يارب خالد
عليك الله نزل ماشفتوها ياخلاني
وبهديها لي نوارة النفاج بت عمسيب
تسلمي يا نسمة البطانة وطلباتك أمر ومنك لنوارة النفاج بت عمسيب سيف الجامعة أمــــــــنة وبلاغة أغنية أمنة أن الشاعر ينكر أنه ما في أحد يعرفها كما يعرفها هو وبقول لهم : ما شفتوها يا خلاني عشان كدا لمتصفوها بما فيها من جمال ومعاً نسمع أمنــــــة
وتحياتي لبت عمسيب منى
Post: #908 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-01-2016, 02:35 PM Parent: #907
من بلد الزهور مرسل سلام وتحيـــة والشوق الكتييير الزادني في الحنيــة بقول ليكم صراح وانا عاقدة فيكم نية جاياكــــم ازور في داركـــم العامـرية
تسلم بي الكتير يا طيبة النية وكلامك حق موهو كُلفة و دي طبعتك فطريـــة العفاف فوقو بنيتي بنية
لك التحية والمودة بت عمسيب
Post: #909 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-01-2016, 02:39 PM Parent: #908
الأغنية دي لي الناس القداااام زمن الكسير كسير بي الصح صح زمن .... برسمو القلب في المنديل وشاقي سهم وناس ترسمو في كراسها هسي أنا جبت سيرة زول
Post: #910 Title: Re: نفااااااج نغم في زمان ضاق فيه الحال Author: عفاف أبو حريرة Date: 09-01-2016, 07:48 PM Parent: #909
ههههههههههههههه والله انتو ناس سمحين بت عمسيب وينك الليله فقدناك
Post: #911 Title: Re: نفااااااج نغم في زمان ضاق فيه الحال Author: مني عمسيب Date: 09-02-2016, 12:07 PM Parent: #910
بت ابو حريرة حبيبة قليبي .. سلام يغشاك ..
وما نفقدك ونفقدكم بي شينة .. جايكم بعدين اشرب معاكم شاي المغرب حضروا الشاي جايبة لقيماتي وجايكم ..
جاياكم صادا ..
Post: #912 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-03-2016, 01:48 PM Parent: #911
عبد اللطيف خضر الحاوي رجل مرهف الأحساس خلقة لذا نجد جُل ألحان الفنان ود الحاوي تدداعب المشاعر قبل الأذن أحيانا قال عنه الشاعر الجميل أسحق الحلنقي قال: زمان أديت ود الحاوي قصيدة يلحنها ويجهزها لي وكنت باني عليها أعطيها لفنان تجمعني به صداقة قال مررت عليه بعد فترة طويلة وسألته عن القصيدة هل وضعت لها لحن قال لي نعم لكن اعطيتها الفنان الصاعد ( اسماعيل حسب الدائم ) قال الحلنقي زعلت وقلتله لماذا تتصرف فيها دون أن ترجع لي وكانت لهجتي حارة معه قال بكى ود الحاوي ورت دموعه قال لي الفن ليس كما تصرفت انت هذا فنان صاعد ويحتاج للدعم وانت ترمي أن تعطي الأغنية لفنان صديقك وما كان منالحلنقي إلا ان رضى بحديث ود الحاوي علماً ان ود الحاوي ما كانت تربطه بي الفنان اسماعيل حسب الدائم اي علاقة معرفة
Post: #913 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-03-2016, 01:59 PM Parent: #912
الشاعر اسحق الحلنقي
وضع اللحن الفنان المرهف عبد اللطيف ود الحاوي
أداء اسماعيل حسب الدائم
Post: #914 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-03-2016, 02:59 PM Parent: #913
أجمل ما شدى به الفنان مجذوب اونسة أغنية ما سلامك للشاعر المهاجر عزمي أحمد خليل وأغنية يا قماري للشاعر أبن شندي عبدالرحمن بكراوي وأغنية يا قمري يا رحال للشاعر الصادق الياس
وأبدع أونسة في الكثير لكن حسب رأي المتواضع تلكم أجمل ما شدى به أبن قرية نقزو قرب بربر
Post: #915 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-03-2016, 03:01 PM Parent: #914
يا قمر يا رحال ما تسيب جناك غير ريش وأمكن تجيهو رياح وترمي وبلاك ما يعيش
Post: #916 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-03-2016, 03:05 PM Parent: #915
جيت أوداعك يا قماري ما خلاص شديت رِحالي جيت أوصيك لما أرحل تبقي عشرة علي صغاري
Post: #917 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-03-2016, 03:22 PM Parent: #916
عبد الرحمن بكراوي
جيت اوادعك يا القماري ما خلاص شديت رحالي جيت اوصيك لما ارحل تبقي عشرة علي دياري كل يوم تديها طلة وقوقي لي امي وصغاري
قولي للنيل كلميه يسقي بستاني وخضاري كلمي الجرف المخضر وكلمي الطير الخداري وقولي لي المشتاق ورايا الرحيل ما باختياري
الوطن العشت فيهو وليه حققت انتصاري دايرو يقوي وعايزو يبقى زي نجم ضواي وساري التراب الفيهو روحي ليهو بشتاق انا يا قماري ياني يا نيل ليك راجع منك اشرب واطفي ناري
Post: #918 Title: Re: نفااااااج نغم في زمان ضاق فيه الحال Author: اميرة السيد Date: 09-03-2016, 03:53 PM Parent: #917
ود المنسي.. امتثال بتقول ليك ان اجمل جملة سمعتها هي " الحان ود الحاوي تداعب المشاعرى قبل الاذن" وان ده مثل روعة..... بت عمسيب وبت ابو حريرة...بسمات بتسلم عليكم كتير ومشتاقة لونستكم....وهي راجعة ليكم بالقريب ومعاها حكاوي... والله يديكم الصحة والعافية
Post: #919 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-03-2016, 06:24 PM Parent: #918
ود المنسي.. امتثال بتقول ليك ان اجمل جملة سمعتها هي " الحان ود الحاوي تداعب المشاعرى قبل الاذن" وان ده مثل روعة....
سلام يا الأميرة أميرة وتسلم الفنانة الرائعة إمتثال نعم ود الحاوي لو تقفيت ألحانه لوجدتي ذلك يبدو جلياً إمتثال فنانة الفنان ينبغ لو داعب بعمله المشاعر لذا أعجبها التعبير وتحياتي لبسمات وكل من معكن من أخوات سدد الله خطاكم وأخر دعونا في العشر الأواخر لكنَّ السعادة في الدارين تحياتي ومودتي
Post: #920 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-03-2016, 06:34 PM Parent: #919
أستمعي لهذا اللحن يا الأميرة برضو من ألحان عبد اللطيف خضر الحاوي ألحانه وموسيقاه بتذكرني لحظات الخلوة وأنت في القطار تسمع لصوت عجلاته تداعب قضيب السكة الحديد تبدأ بشويش ثم تتسارع فتسري سريان في المشاعر يا سلااااام يا الأميرة كنت أحب السفر بالقطار وما زلت في القطار لحظات الخلوة بالنفس تزيد
متع الله ود الحاوي بالصحة والعافية
Post: #921 Title: Re: نفااااااج نغم في زمان ضاق فيه الحال Author: مني عمسيب Date: 09-04-2016, 11:38 AM Parent: #920
التحية للحبيبات .. بت ابو حريرة والاميرة ونسمات والمنقة وضاحة وكل من يسأل عننا ..
ويابت ابو حريرة مشكورة علي الهدية ( الاغنية ) المجيهة زيك ويشهد الله مشتاقة ليكم , عندي اجازة العيد كم يوم حا اجي اعيد معاكم هنا في النفاج باذن الله ..
عندي ليكم ونسات كتيرات كلها لميته ليكم لي يوم العيد بجيبها واجيكم يوم العيد وكل عام ولحظة وانتم بالف خير .
من بلد الزهور ... لكم من كل بستان زهرة ..
Post: #922 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-04-2016, 01:30 PM Parent: #920
إبراهيم عوض الذري عليه رحمة الله سغرد بكلمات الشاعر شهيد الحب عثمان خالد أبن بارا عليه رحمة الله وألحان المرهف ود الحاوي
Post: #923 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-04-2016, 01:36 PM Parent: #922
لقاء مع الموسيقار ود الحاوي
Post: #924 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-04-2016, 03:08 PM Parent: #923
إبراهيم عوض و ود الحاوي
Post: #925 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-05-2016, 02:05 PM Parent: #924
عن حسن عطية
Post: #926 Title: Re: نفااااااج نغم في زمان ضاق فيه الحال Author: Khalid Saeed Date: 09-06-2016, 07:40 AM Parent: #925
الف الف سلامة للأربابة عفاف المحرب ..
أجمل التحية لحبيبنا المك خالد المنسى وللنفاج وأهله ..
حقيقه نفااااااج نغم في زمان ضاق فيه الحال
Post: #927 Title: Re: نفااااااج نغم في زمان ضاق فيه الحال Author: عفاف أبو حريرة Date: 09-06-2016, 12:25 PM Parent: #926
ههههههههه الله يسلمك يا ارباب خالد انت كدي خليتني اخت خالد ا لمحرب دي كنية ابو خالد اما ابو حريره اسم العايله لينا نحنا الاتنين كيف الاولاد وايمان عليك الله سلم عليهم بالزات الاربابه سماح
Post: #928 Title: Re: نفااااااج نغم في زمان ضاق فيه الحال Author: عفاف أبو حريرة Date: 09-06-2016, 12:31 PM Parent: #927
مرمر طعم السكر الله يسلمك ويسلم بسمات وكل الاميرات المعاكم ويرد غربتكم سالمات يارب
سلام لي كل الناس الغيابين
Post: #929 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-06-2016, 01:23 PM Parent: #928
الف الف سلامة للأربابة عفاف المحرب .. أجمل التحية لحبيبنا المك خالد المنسى وللنفاج وأهله .. حقيقه نفااااااج نغم في زمان ضاق فيه الحال
سلمت وآمنت يا أرباب وقالت يا أرباب : وما هماني مافي الدنيا ما دام هو أخوي
وحات ابوي بمشي الكي (الكية غيظ للعدو ) برمكي والبرمكي هو الفنجري والفنجرية قلال .... وسمحة المقدرةوسمح الزول وكتين يكون داب أهلو سترةوواجب وشن في الدنيا من خير بلا أهل يا أرباب
Post: #930 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-06-2016, 01:30 PM Parent: #929
ههههههههه الله يسلمك يا ارباب خالد انت كدي خليتني اخت خالد ا لمحرب دي كنية ابو خالد اما ابو حريره اسم العايله لينا نحنا الاتنين
حرّم أنت أربابة و والمحرب أرباب قال يا العافية
شدّو المهر الغليد قرح شايل سيفو.. وضربو يسوح تح الفوق مال أبو ما إتفوجج ... فلح يسلم لي علي لي جر القدح
ودي سماكم رجال ونساء آل البطانة و أب سوميتة ولحين ميسرة
Post: #931 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-06-2016, 01:38 PM Parent: #930
Post: #932 Title: Re: نفااااااج نغم في زمان ضاق فيه الحال Author: سليمان القرشي Date: 09-06-2016, 01:38 PM Parent: #1
اوووووو الحبيب ودالمنسي المامنسي كل عام وانت بخير وربنا يعودو عليكم وانتم ترفلون في ثوب الصحة والعافية شنو الانقطاعة دي بقيتو جافيين انت والاميرات وودالبوش والفاضلابي وبقية العقد الفريد كنت تعطرون سماء هذا المكان ربنا يردكم سالمين تسلم
Post: #933 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-06-2016, 01:50 PM Parent: #932
اوووووو الحبيب ودالمنسي المامنسي كل عام وانت بخير وربنا يعودو عليكم وانتم ترفلون في ثوب الصحة والعافية شنو الانقطاعة دي بقيتو جافيين انت والاميرات وودالبوش والفاضلابي وبقية العقد الفريد كنت تعطرون سماء هذا المكان ربنا يردكم سالمين تسلم
ود القرشي تسلم يا الحبيب وكيف حالك غياب مو بي إيدينا وإتوهط فوق ضُلالة النفاج قاعدين تاني إن الله سهل الأمور والله هوي يا ليلة أفرزوا لي ديل من ديلا
Post: #934 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-06-2016, 07:14 PM Parent: #933
لحين ميسرة وكل سنةوأنتم طيبين
Post: #935 Title: Re: نفااااااج نغم في زمان ضاق فيه الحال Author: Basamat Alsheikh Date: 09-07-2016, 01:49 AM Parent: #934
يا ناس النفاج الرائعين مشتاقة ليكم شوق شديد كشوقي للاتبراوي وراجعة ليكم بمهلة ودمتم بالف خير
Post: #936 Title: Re: نفااااااج نغم في زمان ضاق فيه الحال Author: مني عمسيب Date: 09-07-2016, 11:02 AM Parent: #935
الحبيبات زهرات الصديقات .. والاحبة الكلوس ..
تحياتي وحبي وشوقي ...
ارض الحبيب ...
Post: #937 Title: Re: نفااااااج نغم في زمان ضاق فيه الحال Author: عفاف أبو حريرة Date: 09-07-2016, 11:50 AM Parent: #936
بسومه البركه بي الطله راجينك كان ماتبقي زي بت عمسيب راجين شاهيها لي اسي متقريفين
Post: #938 Title: Re: نفااااااج نغم في زمان ضاق فيه الحال Author: عزالدين عباس الفحل Date: 09-07-2016, 12:07 PM Parent: #937
Basamat Alsheikh
سلام الفاضلة بسمات ، حمد الله ع السلامة ، الخير في قدوم الواردين ، إحترامي ، ،،،،،،،
عزالدين عباس الفحل ابوظبي
Post: #939 Title: Re: نفااااااج نغم في زمان ضاق فيه الحال Author: عزالدين عباس الفحل Date: 09-07-2016, 12:12 PM Parent: #937
Post: #940 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-07-2016, 02:20 PM Parent: #939
يا ناس النفاج الرائعين
مشتاقة ليكم شوق شديد
كشوقي للاتبراوي وراجعة ليكم بمهلة ودمتم بالف خير
سلام يا رائعة بت أتبرا ومرحبتين حبابك واليوم السعيد في العشرة الأواخر الليلة جابك ونحن في أنتظار والعودة يا بسمات ومعك الجميل الذي عودتينا به من نمط حروفك وتحياتي ومودتي
Post: #941 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-07-2016, 02:26 PM Parent: #940
الأحباب العُزاز نسمة البطانة عفاف بت ابوحريرة ومنى بت عمسيب ود الفحل لكم الشكر لعمار النفاج العامر بكم وكل سنة وأنتم طيبين
Post: #942 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-07-2016, 02:30 PM Parent: #941
كدي نمرق من اللوم وأصلو اللوم بجي بي الغفلات هسي الأمير أميرة تجي تقول ختيتو حق شمال الوسط والبطانة وختيتو حق عطبرة ههههههههههه وختيتو حق الوسط والبندر ناس بت عمسيب نحن وين ؟؟؟ أنتم موجودين وهاك حق أهلك
Post: #943 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-07-2016, 06:38 PM Parent: #942
لحين ميسرة
Post: #944 Title: Re: نفااااااج نغم في زمان ضاق فيه الحال Author: مني عمسيب Date: 09-15-2016, 12:00 PM Parent: #943
التحية للاحبة الغاليين .. زهرات وكلوس ,, وكل عام بل ولحظة انتم بالف خير وصحة وعافية وكما تريدون واسركم الحبيبة ,,
بكرة باذن الله حا افك الحداد علي اخونا وحبينا حرسم وحا اجي بشوية ماتبقي من فرحة عيد .
ولكم شوقي ...
Post: #945 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-16-2016, 02:20 PM Parent: #944
التحية للاحبة الغاليين .. زهرات وكلوس ,, وكل عام بل ولحظة انتم بالف خير وصحة وعافية وكما تريدون واسركم الحبيبة ,, بكرة باذن الله حا افك الحداد علي اخونا وحبينا حرسم وحا اجي بشوية ماتبقي من فرحة عيد . ولكم شوقي ...
الفاضلة بت عمسيب
كل سنة وانت طيبة والقابلة حاجة في بيت الله
ولحين ميسرة
Post: #946 Title: Re: نفااااااج نغم في زمان ضاق فيه الحال Author: اميرة السيد Date: 09-16-2016, 03:30 PM Parent: #945
كل سنة وانت طيب ود المنسي صاحب النفاج وشكرا على هذه الهدية الغالية جدا بمناسبة العيد.. لأن اغنية البلابل دي اغنية رائعة رائعة جدا\زز وانت اهديتها وكانك عارف معاني الاغنية... ويا ريت استاذنا علي عبد الوهاب يلخص ليك موضوع الأغنية.. today you make my day زي ما بتقول بسمات او زي ما بتسميها بت عمسيب نسمات..
والله يديك الصحة والعافية
Post: #947 Title: Re: نفااااااج نغم في زمان ضاق فيه الحال Author: مني عمسيب Date: 09-17-2016, 11:03 AM Parent: #946
وحياة المحبة واشواقي وحناني ..
جاياكم بعدين .. اسه ماشة الدكان وسيد الخضار . وبعد انتهي من حاجاتي بجي اتونس كتييير معاكم ..
ولكم كل ما املك من حب ,,,
Post: #948 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-17-2016, 02:36 PM Parent: #947
كل سنة وانت طيب ود المنسي صاحب النفاج وشكرا على هذه الهدية الغالية جدا بمناسبة العيد.. لأن اغنية البلابل دي اغنية رائعة رائعة جدا\زز وانت اهديتها وكانك عارف معاني الاغنية... ويا ريت استاذنا علي عبد الوهاب يلخص ليك موضوع الأغنية.. today you make my day زي ما بتقول بسمات او زي ما بتسميها بت عمسيب نسمات.. والله يديك الصحة والعافية
كل سنة وانت طيبة الأختالعزيز الأمير أميرة لا أعلم معاني مفردات الأغنية لكن حيناً تستشف المعاني من جمال لوحة من نغمة وكأن الأغنية ه عن الهجرة التهجير وفي كلاهما إرغام ودفع وليس بلإرادة تلمي كتير وتحياتي لبسمات وامتثال
Post: #949 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-17-2016, 03:03 PM Parent: #948
بيعي لي معاك تمبارك رامني من دغشن بدريوما قادر أشيل الدكان وأجمل تعبير للشاعر القدال يحكي يوم سجنهم في زنزانة الأمام
وشن القعدة يا ابو السرة في ضل العمارة اب كمرةً برا ضقنا الحنضل اليانكي وبلعنا المُرة كملت كوتت التمباك صقعنا الجِرة
العمارة : هي السفارة الأمريكية أو مكاتب الأمن والله أعلم اليانكي : هو العميل الأمريكي ابوسرة : صديقه كان معه يومها الجِرة : هي السفة المكرر سفها ...من الإجترار
Post: #950 Title: Re: نفااااااج نغم في زمان ضاق فيه الحال Author: فيصل محمد خليل Date: 09-17-2016, 03:47 PM Parent: #949
قسم بمحيك البدري وردي
اهدى للاستاذة منى عمسيب
Post: #951 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-17-2016, 07:03 PM Parent: #950
بي العصر مرورو كانت ثقافة زماناً مضى مرور العصرية في زمان كان فيه الزمن فيه وفرة وما ممحوق كان في الحب وفاء وإخلاص وكان بين الناس مودة وحنان وكما قلنا كان في الوقت متسع ينتهي العمل في في الساعة الثانية ظهراً ويعود العاملين لمنازلهم وقت الغداء والراحة وبعدها الدش وطلعة العصرية وهاك يا قشرة وكانت العصرية هي الوقت الذي تتشرف فيه الفتيات ليرينَّ المحبوب شاقي الحي قد يكون ذاهب لرياضة أو نادي ثقافي أو غيره وتتحين الفتاة وقت المرور ويكون مسبق أنها تعرف الموعد بالضبط ( أسألوا ناس زمان ...ههههه هسي أنا جبت سيرة زول )
Post: #952 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-19-2016, 01:46 PM Parent: #951
قسم بمحيك البدري وردي اهدى للاستاذة منى عمسيب
لحين ميسرة يا ود هليل
Post: #953 Title: Re: نفااااااج نغم في زمان ضاق فيه الحال Author: خالد علي محجوب المنسي Date: 09-19-2016, 06:06 PM Parent: #952
ما أجمله خُذوا الدنيا بأجمعها حبيبٌ وواحدٌ ذُخرُ إذا ضاءت مطالعه فكل سماءنا بدرُ
Post: #954 Title: Re: نفااااااج نغم في زمان ضاق فيه الحال Author: مني عمسيب Date: 09-20-2016, 10:13 PM Parent: #953
يا فيصلي .. سلام بنكهة الشوق .. وتعود ايامنا .
Quote: قسم بمحيك البدري وردي اهدى للاستاذة منى عمسيب
اهداء خاص جدآ للعزيزي .. فيصلي ,,
Post: #955 Title: Re: نفااااااج نغم في زمان ضاق فيه الحال Author: مني عمسيب Date: 09-24-2016, 10:09 PM Parent: #954
سلام بنكهة المحنة ياناس ياسكر ..
انا فرحااااااااانة عشان رزقنا بي كلس ههههههه . ودايراكم تعيشوا معاي اللحظة دي .. وسام بت محمد اخوي جابت لينا كلس عقبال تجيب لينا زهرة زيكن يا الزهرات .
الكلس يوسف السماني ..
Post: #956 Title: Re: نفااااااج نغم في زمان ضاق فيه الحال Author: عبدالله ود البوش Date: 09-25-2016, 06:46 AM Parent: #955
عووووووووووك سلام عليكم جت . . ملايين التبريكات ليكم آل عمسيب بقدوم الفارس الجديد يوسف
Post: #957 Title: Re: نفااااااج نغم في زمان ضاق فيه الحال Author: Khalid Saeed Date: 09-25-2016, 08:40 AM Parent: #956
ألف الف مبروك للملكة بت عمسيب
يبقى ليكم ضل للمقيل
مليون سلام النفاج واهله مفروض السماية تكون هنا .. بي دلوكه ضحوية هههههه
Post: #958 Title: Re: نفااااااج نغم في زمان ضاق فيه الحال Author: مني عمسيب Date: 09-25-2016, 11:07 AM Parent: #957
حبابك النشمي .. ود البوش حبيب الكل ..
الله يبارك فيك وفي عقابك السمح ومشكور علي مشاركة الفرحة .. ونشارك في الافراح واليالي الملاح قادر يا كريم ..
Post: #959 Title: Re: نفااااااج نغم في زمان ضاق فيه الحال Author: مني عمسيب Date: 09-25-2016, 11:15 AM Parent: #958
تسلم لي يا ود عمي سعيد .. الارباب ..
ألف الف مبروك للملكة بت عمسيب يبقى ليكم ضل للمقيل نبارركلك السمح يا شبه السمح وشرفتوني في فرحتي ومشكورين اياهو وليدكم وكلسم تبعكم وشاحدة ربي يطلع زيكم عشان الحبة ما تجيهو .
ومشكور يالارباب ونشاركك في الافراح قادر يا كريم .
والله يا الارباب شدة الكلس يوسف مو عاجبني كلمت اي زول فضل لي بس ملكة هولندا هههههههه وبرسل ليها بعد شوية .
Post: #960 Title: Re: نفااااااج نغم في زمان ضاق فيه الحال Author: عبدالحفيظ ابوسن Date: 09-25-2016, 11:20 AM Parent: #959
سلام عليكم مبروك آل عمسيب
Post: #961 Title: Re: نفااااااج نغم في زمان ضاق فيه الحال Author: مني عمسيب Date: 10-02-2016, 10:38 AM Parent: #960
حبابك الكلس الخلوق .. ود ابو سن ..
مبروك آل عمسيب يباركولك السمح يا شبه السمح .. ومشكورين يا المابتقصرو علي مشاركة الفرحة .. ونشاركم في الافراح .. قادر يا كريم .
Post: #962 Title: Re: نفااااااج نغم في زمان ضاق فيه الحال Author: مني عمسيب Date: 10-03-2016, 10:10 AM Parent: #961
سلام بالاحضان السودانية .. وبنكهة الشوق ,,
يامولاي ااااه من غلبي ! كدي لو سمحتوا اي زول يقول البيت العجبو في الاغنية دي . انا عجبني البيت دا !!!!!!! عن من احب انا غير خاطري فرقت هائج بي غرام عن حالتي كلي سرقت لولا ادمعي من ناري كنت حرقت !!!!! ولولا ناري من كترة دموعي غرقت !!!
هل من تفسير ؟!!!!
Post: #963 Title: Re: نفااااااج نغم في زمان ضاق فيه الحال Author: Basamat Alsheikh Date: 10-03-2016, 04:13 PM Parent: #962
بت عمسيب غاليتنا وعزيزتنا.. اميرة بتسلم عليك ومشغولة اليوم .. ونقول ليكي ألف مبروك بقدوم الفارس الجديد.. والتهاني لأم يوسف وابو يوسف.. وان شاء الله يكبر ويقول الأغنية الجميلة دي لأمه... ودمت بألف خير وصحة وعافية..
Post: #964 Title: Re: نفااااااج نغم في زمان ضاق فيه الحال Author: مني عمسيب Date: 10-10-2016, 10:18 AM Parent: #963
حبيباتي نسمات والاميرة ..
سلام بنكهة الشوق .. ومشكورات علي الاحساس الجميل .. وان شاء الله عقبالك اسمع بجديدكن واشركن في الافراح قادر يا كريم ,,,
يا السمحين بدون فرز وين الحبيبة بت ابوحريرة ؟ افقدوها لي لو سمحتوا انا الغياب الكتير بشفقتي .
رغم بعدي برسل سلامي ****يحوي شوقي وكل احترامي .
انتوا فجري الماثل امامي .
Post: #965 Title: Re: نفااااااج نغم في زمان ضاق فيه الحال Author: مني عمسيب Date: 10-13-2016, 10:38 AM Parent: #964
من بلد الزهور لكم طيب التحايا وعاطر الاشواق ..
ولكم من كل بستان زهرة ..
Post: #966 Title: Re: نفااااااج نغم في زمان ضاق فيه الحال Author: مني عمسيب Date: 10-17-2016, 11:47 AM Parent: #965
سلام بالاحضان السودانية برائحة المسك ..
والله يا شباب ما مدسة منكم الاغنية دي بمناسبة حبي للرجل السوداني الما عندي بديل ولا خيار غيرو بالرغم من دلعهم .. وحركاتهم الجبانة بعض مرات معانا ههههههههههههههههه . اي ازعلوا وارضوا المهم الكلام قلتو . ههههههههههههه .
بنحب من بلدنا ما برا البلد ..
Post: #967 Title: Re: نفااااااج نغم في زمان ضاق فيه الحال Author: مني عمسيب Date: 10-19-2016, 09:49 AM Parent: #966
صباحاتكم خير يا الحبايب لعلكم طيبة ؟ وين اراضيكم ؟ لو ما جيتوا بشيل عفشي برحل البطانة مع ود البوش ههههههههه .
بدور قربك بهابك ... بحس جواي بي ... احساس مشابك
Post: #968 Title: Re: نفااااااج نغم في زمان ضاق فيه الحال Author: اسماء الأمين Date: 10-22-2016, 04:48 PM Parent: #967
سلام وامتنان لي سيد النفاج وسلاما يصل لي كل زول مر بالنفاج وما يغشاكم شر أستاذ خالد يعلم الله نفاجك بقى محطه بغشاها قبل اشوف الدائر في البورد وأول أتستف طرب وانبساط حتى امر امرق علي الباقي النفاج حقيقي عامل زي ما يطلبه المستمعون زمن الزمن زيين والغناء مليااان وبرنامج ألحان معتصم فضل يوم الخميس كان في الإذاعة زمان احلي من طلة الحبان وتلقى الروادي ،،جمع راديو ،،ألفي الفريق كلها تصدح بنفس الاغنية والنَّاس طربانه الله يديك العافيه وتطرب كمان وكمان يا ودالمنسي ولا اسكت الله لك حسا .........تحياتي
Post: #969 Title: Re: نفااااااج نغم في زمان ضاق فيه الحال Author: مني عمسيب Date: 10-26-2016, 10:34 AM Parent: #968
لك عاطر التحايا الحبيبة اسماء ..
وجيدن جيتي .. وينك منقطعة لعلك طيبة ؟
سلام وامتنان لي سيد النفاج وسلاما يصل لي كل زول مر بالنفاج وما يغشاكم شر ود المنسي مشغول بالوالد شوية بعافية ومفروض يسفرهو برا للعلاج .. وانا علي اتصال بيهو شبه يومي .. ومن هنا نسأل الله الشفاء العاجل للوالد .. ومشكورة يا اسماء علي الحضور وبنتمني عدم الانقطاع ..
واتمني ان يكون الجميع من اهل النفاج بخير ,,,
Post: #970 Title: Re: نفااااااج نغم في زمان ضاق فيه الحال Author: اسامه العريفي Date: 10-26-2016, 11:59 AM Parent: #969
نسال الله لوالد اخونا خالد عاجل الشفاء طمئنا عليه عليك الله يا خالد شكرا ليك يا بنت نفيسة تحياتي لك
Post: #971 Title: Re: نفااااااج نغم في زمان ضاق فيه الحال Author: Basamat Alsheikh Date: 10-26-2016, 07:38 PM Parent: #970
التحايا النواضر لبت عمسيب وقولي لسيد النفاج كفارة للوالد وان شاء يبلغ الصحة والعافية وقلوبنا معه ودعواتنا معه وإن شاء الله شدة وتزول.. ودمت بألف خير وصحة وعافية ولوالد ود المنسي الله يديه الصحة والعافية بسمات الشيخ عبد الرحيم اميرة مصطفى السيد( مشغولة شديد اليومين ديل)..
Post: #972 Title: Re: نفااااااج نغم في زمان ضاق فيه الحال Author: اسماء الأمين Date: 10-28-2016, 00:45 AM Parent: #971
حباب الحبيبه بت عمسيب سعيده بترحيبك يا غاليه الف سلامه للوالد يا استاذ خالد وربنا يتم عافيته
Post: #973 Title: Re: نفااااااج نغم في زمان ضاق فيه الحال Author: مني عمسيب Date: 10-30-2016, 10:49 AM Parent: #972
صباح الشوووق والمودة ... للناس الغياب ولكن حضور !
كيفك يا الحبيبة اسماء ؟ مشكورة علي الحضور والاهتمام بتوسل الحضور .. وعقبال للجميييع ..
ولك يا اسماء باقة من هذه الورود ...
احببت الله في الورد !!!! وماااااا اجملك يا الاهي !
Post: #974 Title: Re: نفااااااج نغم في زمان ضاق فيه الحال Author: عبدالله ود البوش Date: 10-30-2016, 11:01 AM Parent: #973
كو كو كوووووووووو ضرب الباب عكاز ها ناس ربنا يكتب سلامة الوالد يا خالد واجر وعافية . . ونرحب بالضيفة اسماء وان شا ء الله تبقى ست بيت . . والشوق والريد للحضور والغياب
Post: #975 Title: Re: نفااااااج نغم في زمان ضاق فيه الحال Author: مني عمسيب Date: 10-31-2016, 12:27 PM Parent: #974
Post: #976 Title: Re: نفااااااج نغم في زمان ضاق فيه الحال Author: مني عمسيب Date: 10-31-2016, 12:29 PM Parent: #975
لحن النفاج اهداء للجميع ..
الفطن الوسيم ..
لو سالك علي قول لي ... منامو قلة اصلو شكايتو عله .
Post: #977 Title: Re: نفااااااج نغم في زمان ضاق فيه الحال Author: مني عمسيب Date: 11-16-2016, 12:59 PM Parent: #976
التحية للجميع ..
اهداء خاص للكلوس قياداتنا واطبتنا بالسجون . اللهم فك اسرهم وسهل امرهم وامر اسرهم واجعل سجنهم لايزيدهم الا قوة من قوتك وصبرآ من صبرك .. وانصرهم عاجلآ غير اجلآ .. وانك اعدل ما عدل .
ضابط السجن . اذنك لحظة واحدة يا ضابط السجن !!
Post: #978 Title: Re: نفااااااج نغم في زمان ضاق فيه الحال Author: Khalid Saeed Date: 11-24-2016, 10:04 AM Parent: #977
حبيبنا المك خالد المنسى الف الف سلامة للوالده أجر وعافية
أمي الله يسلمك .. يديك لي طولت العمر في الدنيا يوم ما يالمك
Post: #979 Title: Re: نفااااااج نغم في زمان ضاق فيه الحال Author: Khalid Saeed Date: 11-24-2016, 10:12 AM Parent: #978
سلام خاص للملكة بت عمسيب .. ولي كل أهل النفاج
اشواقي لي بلدي الحبيبه ديمه العيون تفضحه إشتقت لي النيل والضفاف والجلسة في ضل الضحى أشتقته لي بلدي الحنينة أشتقت أقول يمه يابه ياحليل جلسة عشية عامرة بالناس الغلابه
Post: #980 Title: Re: نفااااااج نغم في زمان ضاق فيه الحال Author: سلمى الشيخ سلامة Date: 11-24-2016, 03:39 PM Parent: #979
جينا بعد الفرقة نسال كيف الحال وعساك طيب طولنا ما اتلاقينا
Post: #981 Title: Re: نفااااااج نغم في زمان ضاق فيه الحال Author: اسامه العريفي Date: 03-01-2017, 12:50 PM Parent: #980
مع كل الود
Post: #982 Title: Re: نفااااااج نغم في زمان ضاق فيه الحال Author: مني عمسيب Date: 03-01-2017, 12:57 PM Parent: #981
سلام يا اهل الدار سلام وبالاحضان السودانية .
مع كل الود ووافر الحب والشووووووق .
يديك العافية والفي مرادك يا الكلس يا ود العريفي لكن لقيتك سريع النهمة قول حاجة نفيسة امي ههههه.
وتسلم محل ما تقبل .
Post: #983 Title: Re: نفااااااج نغم في زمان ضاق فيه الحال Author: اسامه العريفي Date: 03-01-2017, 01:02 PM Parent: #982
نعمل شنو يا بت نفيسه ود المنسي اشتغل بالواتس
تعالي فينوس الوجود تعالي أعزفي لحن الخلود تعالي في ربا النيل السعيد تعالي أنت في قلبي العنيد تعالي وحي إلهامي وفني تعالي هاهنا القيثار غني كل إحساس وأشعار ومعنس كم أذاب القلب فنا كم غزا الأرواح لحنا تعالي حيث تغريد الطيور تعالي حيث تغريد الطيور تعالي حيث همسات الزهور تعالي وانشري الشعر الحريري تعالي قد حوي القلب اشتياقا للطبيعة.... للغرام وللطلاقة تعالي نثضي العمر عناقا واسقنها خمرة السهر دهاقا
عليك الله نزلي لي الأغنية دي بسوط العملاق ابو داوود
Post: #984 Title: Re: نفااااااج نغم في زمان ضاق فيه الحال Author: مني عمسيب Date: 03-01-2017, 01:27 PM Parent: #983
ود المنسي قال مشغول واكيد الزمن ضايق به زي ماالعالم ضاق بالناس . لكن المهم نحن نجي نوسع حياتنا وامناتنا في نفاج الروح الذي تركه .
يا ود العريفي الاغنية لقيتها لكن تسجيل ما نضيف . لكن برضو جميلة .
اليك يا ذواق ..
Post: #985 Title: Re: نفااااااج نغم في زمان ضاق فيه الحال Author: عبدالله ود البوش Date: 03-01-2017, 01:52 PM Parent: #984
اجمل مكان هنا يجمع اجمل الناس هنا سلام عليكم جت
Post: #986 Title: Re: نفااااااج نغم في زمان ضاق فيه الحال Author: Basamat Alsheikh Date: 03-01-2017, 02:17 PM Parent: #985
شكرا ود البوش صاحب الايادي البيضاء لرفع البوست (وصف صاحب الايادي البيضاء اطلقته بت السيد).. وفتشنا البوست الرائع ده وما لقيناهو في الصفحات الداخلية.. وهنا بنقول لي خالد ود المنسي...لقبك ود المنسي عاوز ينطبق عليك بالجد ولا شنو الحكاية...هجرت البوست وهجرت سودانيز اون لاين...ان شاء الله المانع خير وما تكون سمعت فحيح الافاعي زي اميرتنا... وبناكد ليك ان المنبر من غير وجودك واحة من غير اشجار خضراء واتبراوي بدون مويه... هذا النفاج كنا بنستريح فيه من مصاعب الغربة والحنين الى الوطن ودمت بالف خير وصحة وعافية
Post: #987 Title: Re: نفااااااج نغم في زمان ضاق فيه الحال Author: مني عمسيب Date: 03-01-2017, 03:16 PM Parent: #986
احبتي .. ود البوش وبسبوسة . لكم الاشواق ..
غايتو الرفع البوست ود العريفي والشكر لي ود البوش . اول مرة ينطبق المثل ههههههههههههه بي صمته .
يا نسمة تحياتي للحبيبات واختص الاميرة وقول ليها خالتك بت نفيسة لو عندها خاطر عندك تجي داخلة النفاج دا سرعة عشان مشتاقة ليها .
طبعآ الربيع علي الابواب وسوف ندخلها سالمين .
اهداء خاص للاميرة . وكل المنفجين .
Post: #989 Title: Re: نفااااااج نغم في زمان ضاق فيه الحال Author: احمد حمودى Date: 03-01-2017, 04:57 PM Parent: #987
الحبيبة بت نفيسة سلام يغشاك وللمعاك شفت ليك طلب لى وداب سن قلنا ما دام فاضين ما نشغل ناس كوستى ومشاكل السودان من قطوعات كهرباء والذى منه
Post: #990 Title: Re: نفااااااج نغم في زمان ضاق فيه الحال Author: Khalid Saeed Date: 03-02-2017, 01:12 PM Parent: #989
حبيبنا ودالمنسى واهل النفاج جميعا
ليكم وحشة
Post: #991 Title: Re: نفااااااج نغم في زمان ضاق فيه الحال Author: مني عمسيب Date: 03-06-2017, 10:52 AM Parent: #990
حبيبنا الكلس ود حمودي .. لك ولجميع الاحباب بالنفاج السلام والحب ..
الحبيبة بت نفيسة سلام يغشاك وللمعاك شفت ليك طلب لى وداب سن قلنا ما دام فاضين ما نشغل تسلم يا ود حمودي علي الفيديو البشرح النفس وبخليك عايش في عالم الخيال حقيقة سعدت جدآ بشوفتك وشوفت الفيديو وبقول لي ابو سن ما احلاه طلب .
وانا بهدي ليك وللجميع هذه اللحظات الجميلة وانا في جنة الارض ههههههه . واتمني ان يحقق امنياتي بلقاي معكم هنا .
طبعآ الجو ممطر وفيه شوية برودة .. وكما تروا توجد بنات الحور خلفي والغلمان بقربي ههههههههههه .
Post: #992 Title: Re: نفااااااج نغم في زمان ضاق فيه الحال Author: مني عمسيب Date: 03-06-2017, 10:58 AM Parent: #991
Post: #1001 Title: Re: نفااااااج نغم في زمان ضاق فيه الحال Author: مني عمسيب Date: 03-21-2017, 02:17 PM Parent: #999
اباركولك السمح ود العريفي خوي .
مبروك ابننا نادر بقدوم عواطف بسم الله ما شاء الله كنداكتنا البتملي العين يا حافظ يا حفيظ .
غايتو باين عليها شخصيتها قوية .
Post: #1002 Title: Re: نفااااااج نغم في زمان ضاق فيه الحال Author: اسامه العريفي Date: 03-21-2017, 02:21 PM Parent: #1001
كويس انها ما بتشبه جدها انشاء الله بس تاخذ طبعه
Post: #1003 Title: Re: نفااااااج نغم في زمان ضاق فيه الحال Author: عبدالله ود البوش Date: 03-22-2017, 09:53 AM Parent: #1002
Post: #1004 Title: Re: نفااااااج نغم في زمان ضاق فيه الحال Author: Osman Musa Date: 03-22-2017, 12:14 PM Parent: #1003
سلام ود العم والله مشتاقين لي نفافيجك الجميلة أنشاءالله مرتاح يا مك . تحياتي عندي ليك شريط دلوكة من عرس في المحمية دلوكة تخلي حتي الزواحف تعرض ههههههها .
Post: #1005 Title: Re: نفااااااج نغم في زمان ضاق فيه الحال Author: احمد حمودى Date: 03-23-2017, 05:56 PM Parent: #1004
Post: #1009 Title: Re: نفااااااج نغم في زمان ضاق فيه الحال Author: مني عمسيب Date: 03-27-2017, 10:45 AM Parent: #1008
قلنا نلحقكم المرارة وزيادة الشية .
Post: #1010 Title: Re: نفااااااج نغم في زمان ضاق فيه الحال Author: عبدالله ود البوش Date: 03-27-2017, 10:55 AM Parent: #1009
يا سلام يا منى والله حسيت بفرحتك مداخلات حية تمثل وجود ومشاركة حية وشكرا جزيلا لكم جميعا ونجيكم في السمح والزين
Post: #1011 Title: Re: نفااااااج نغم في زمان ضاق فيه الحال Author: عزالدين عباس الفحل Date: 03-28-2017, 07:19 PM Parent: #1010
،،، فارس الحديد ، فرقة السحر ،،،،
عزالدين عباس الفحل ابوظبي
Post: #1012 Title: Re: نفااااااج نغم في زمان ضاق فيه الحال Author: مني عمسيب Date: 03-30-2017, 01:56 PM Parent: #1011
التحية لكم اسرتي الحبيبة بالنفاج ..
ودام افراحنا جميعآ .. ولكم الشكر علي المشاركة السعيدة بقدوم حفيدتنا الجميلة ( العواطف ) ..
ومن بلد الزهور لكم من كل بستان زهرة .
Post: #1013 Title: Re: نفااااااج نغم في زمان ضاق فيه الحال Author: مني عمسيب Date: 03-30-2017, 01:56 PM Parent: #1011
التحية لكم اسرتي الحبيبة بالنفاج ..
ودام افراحنا جميعآ .. ولكم الشكر علي المشاركة السعيدة بقدوم حفيدتنا الجميلة ( العواطف ) ..
ومن بلد الزهور لكم من كل بستان زهرة .
Post: #1014 Title: Re: نفااااااج نغم في زمان ضاق فيه الحال Author: مني عمسيب Date: 04-04-2017, 10:27 AM Parent: #1013
صباح الحب .. والجمال .. والآمال . صباكم .
يا غاية الامال لو دعااك الشوق ما كان نسيتنا زمان انت الحنان والذوووووووووووووووووووق !
Post: #1015 Title: Re: نفااااااج نغم في زمان ضاق فيه الحال Author: مني عمسيب Date: 04-28-2017, 12:40 PM Parent: #1014
سلام يا اعز الناس .. واحشني موووووووت ..لعلكم طيبة ؟
اسيبكم لا لا ابدآ علي ما هاين . دوام بطراكم انتوا بلسم جراحي .
حقيقة مشتاقة لي الارباب ود عمي سعيد ... له مني وافر الشوق .
Post: #1016 Title: Re: نفااااااج نغم في زمان ضاق فيه الحال Author: Khalid Saeed Date: 05-01-2017, 10:00 AM Parent: #1015
سلام يا اعز الناس .. واحشني موووووووت ..لعلكم طيبة ؟ اسيبكم لا لا ابدآ علي ما هاين . دوام بطراكم انتوا بلسم جراحي . حقيقة مشتاقة لي الارباب ود عمي سعيد ... له مني وافر الشوق . ___________________________ حباب الملكة بت عمسيبب حباب النفاج .. واهله العزاز علينا ليكم وحشه وشوق طمنونا عليكم .. وعلى المك خالد المنسي .. حاولته اتصل عليه تلفونه مقفول لعله بخير والوالده بالف خير
أهديكم فضل ايوب .. وهو يحلق بي في عوالم لامتناهية من الجمال والشجن .. الندامى كلمات: محمد عثمان عبد الرحيم ﺃﺩﺭ ﺍﻟﻜﺄﺱ ﻋﻠﻰ ﺍﻟﻌﺸﺎﻕ ﺻﻔﻮﺍً ﻭﻣﺪﺍﻣﺔ ﻳﺎ ﺣﺒﻴﺐ ﺍﻟﻘﻠﺐ ﻭﺍﻟﺮﻭﺡ ﻭﻳﺎ ﺭﻭﺡ ﺍﻟﻨﺪﺍﻣﺔ
Post: #1017 Title: Re: نفااااااج نغم في زمان ضاق فيه الحال Author: مني عمسيب Date: 05-16-2017, 11:11 AM Parent: #1016
لكم عاطر التحايا من بلد الزهور وارق باقات الزهور من ربيعه المبتسم المشرق ..
يا خالد الارباب رغم بعدي برسل سلامي يحوي شوقي وكل احترامي .
ولكم من كل بستان زهرة ..
http://www.up-00.com/
Post: #1018 Title: Re: نفااااااج نغم في زمان ضاق فيه الحال Author: امتثال عبدالله Date: 05-17-2017, 07:52 PM Parent: #1017
النسمة بت عمسيب عاطر التحايا والامنيات وكل سنة وانت طيبة ،،،
وانا انقل هنا فقرة قراتها في بوست كتبه الاديب كبر في حق الاستاذ المهندس خالد المنسي الذي اختفى منذ مدة طويلة جدا
ونرجو ان يكون بخير ..
كما نرجو ان يقرا ما خطه صديقه كبر ويعود ليكتب لنا شيئا من الجماليات والدرر التي كان يبثها هنا
مع وافر احترامي وتقديري
""إني افتقد حضور بعض الصديقات والأصدقاء..وهم كثر..ولكن اسمحوا لي في هذه السانحة اذكر بعض الأفراد بالإسم.. حبيبنا الخلوق المهندس خالد على المنسى..يكتب في هذا المنبر ..
ولم اتداخل معه مطلقا..ولكن اذكر له حسنة..واحدة وجميلة..صديقنا خالد..هو الشخص الوحيد الذي نقل خبر وفاة احد افراد اسرتي في هذا المنبر..لكم الطمأنينة جميعا ولصديقنا خالد.
.فهو لم يعرف ولا اظنه يعرف ان من نقل خبر وفاته ينتمي لي بصلة..!!!!! لم اشعر مطلقا بان الرجل جلب خبر السوء لأعاقبه على ذلك ، بقدر ما اني اكبرت فيه تلك الفكرة..اكبرت
فيه التشجع لنقل ذاك الخبر..وصدقوني احترمته كثيرا ولازلت احترمه وسأظل احترمه..!! افتقد صديقنا المهندس خالد المنسى..واتمناه بخير وعافية..واتمنى ان اراه في هذا المنبر
ينثر الدرر الجميلة..ولن اكتب للناس ماذا كان يكتب خالد المنسي في هذا المنبر..ولا اتمنى ان ارى يوما نفتقد فيه هذا الرجل الجميل.. دمت طيبا ومعافى يا صاحب..وليتك تعاود هنا.
.صحيح المنبر اصبح قاسي..ولكن الطلة بين الفينة والأخرى هي تطمينا لأناس يحبون ظهورك وعبارتك..!! قد تستغرب يا خالد: صاحبك ، وصاحبنا الجميل المهندس ابراهيم فضل الله.
.ما بيقبل في حاجتين: الله والباشكاتب..!! وانا اهديك المقطوعة دي ، وليتك مثلنا بتحب الباشكاتب يا خالد..وانا امد لساني مترين ، نكاية ، في عم ابراهيم .. بانو ياهو الباشكاتب بيغني : البنلسين يا ترمجي.
..!! عارف يا خالد: ابراهيم فضل الله ، عليه السلام ، علمني حاجات كتيرة: الشطرنج..حب الباشكاتب..وان يكون في مكتبته كتاب فيه اهداء بقلم بيكب..ومقدم الإهداء شاعر اسمو محمد عفيفي مطر.
.ثم تنازع في قيمة شعر حسن طلب..!! وادهشتنا..ام دهب غبوش (بنية من بنيات الدلنج ، ذات ساق اسكت ساكت خليهو)حينما تلت ذات حفلة ما ، قصيدة الليجند مصطفى سند (البحر القديم)..
ياخي لمن قالت ، بغنة: يا زندها لو احتمل الندى..!!! انا وصاحبك..يتخيل لي شالونا بالإسعاف..!! ما تطول الغيبة يا خالد المنسي..!!"" كبر
Post: #1019 Title: Re: نفااااااج نغم في زمان ضاق فيه الحال Author: مني عمسيب Date: 05-20-2017, 11:10 AM Parent: #1018
تحياتي وحبي وشوقي اليك يا البسمات . والتحية موصولةلزهرات الصديقات .. ومشكورة علي الكلمات الدافئة .
فعلآ ود المنسي بقي دائمآ في الذاكرة . عاطر التحايا والامنيات وكل سنة وانت طيبة ،،، وانا انقل هنا فقرة قراتها في بوست كتبه الاديب كبر في حق الاستاذ المهندس خالد المنسي الذي اختفى منذ مدة طويلة جدا التحية والشوق اليه من عبر اقتباساتكم الرقيقة ..
ووشوشة : واهداء خاص لكم احبتي .
ساقني الهوي وما ابيت !
Post: #1020 Title: Re: نفااااااج نغم في زمان ضاق فيه الحال Author: مني عمسيب Date: 05-30-2017, 10:17 AM Parent: #1019
انا لله وانا اليه راجعون .. باحر التعازي واصدق الدعوات لكم اخي خالد ولاخوتك واخواتك نتقدم .. والفقد الجلل واحد
ونسأل الله العلي القدير الرحيم الكريم ان يرحم الوالد الفاضل .. ويسكنه فسيح جناته مع الصديقن والشهداء .. وان يجعل قبره من نور وروضة من رياض الجنة . وانه الكريم .
http://www.up-00.com/
Post: #1021 Title: Re: نفااااااج نغم في زمان ضاق فيه الحال Author: اسامه العريفي Date: 05-30-2017, 10:22 AM Parent: #1020
إنا لله وإنا إليه راجعون. تغمده الله بواسع رحمته مع الصديقين والشهداء. والهم اهله وذوية الصبر وحسن العزاء. خالص تعازينا.
Post: #1022 Title: Re: نفااااااج نغم في زمان ضاق فيه الحال Author: Khalid Saeed Date: 05-30-2017, 10:38 AM Parent: #1021
إنا لله وإنا إليه راجعون
اللهم اغفر له وارحه وتقبله قبولا حسن واجعله من ورثة جنة النعيم .. أحر التعازي أخي خالد لك ولجميع أفارد الأسرى
Post: #1023 Title: Re: نفااااااج نغم في زمان ضاق فيه الحال Author: اسامه العريفي Date: 08-17-2017, 11:07 AM Parent: #1022
