Post: #1
Title: العنصرية كعب اخيل المعارضة
Author: عبدالحفيظ ابوسن
Date: 02-21-2016, 07:01 AM
06:01 AM February, 21 2016 سودانيز اون لاين
عبدالحفيظ ابوسن-كوستي / الحلة الجديدة
مكتبتى
رابط مختصر ازمة السودان في سوء توزيع الثروة .. وسيطرة مجموعة اجتماعية محددة تعمل من اجل مصلحتها مستغلة كل الاسلحة في سبيل توطيد حكمها .. من ضمن اسلحتها
الدين
العنصرية
|
Post: #2
Title: Re: العنصرية كعب اخيل المعارضة
Author: عبدالحفيظ ابوسن
Date: 02-22-2016, 04:23 AM
Parent: #1
فوق
|
Post: #3
Title: Re: العنصرية كعب اخيل المعارضة
Author: عبدالحفيظ ابوسن
Date: 02-22-2016, 04:55 AM
Parent: #2
مافي زول بنكر وجود العنصرية في كل العالم موجودة .. وبشكل اجتماعي وليس رسمي رغم التطور المذهل للحقوق المدنية للافراد والمجموعات
وفي السودان اكرر كثيرا انها ليست بتلك الحدة التي بالاسافير .. يعيش الناس قي تناغم وانسجام قبلي . وحتي في السلطة فإني اري كل القبايل في مختلف مؤسسات الدولة المدنية والعسكرية في قمتها وسفحها
ولكن ذات الدولة تتعامل مع القبائل كجماعات في المناطق الجغرافية بشكل مختلف ترهيب وترغيب . والشخض ليحزن حين يقرأ او يسمع ان وفد قبيلة كذا قال و فعل داعما للاتقاذ . لا يحزنني دعمهم للانقاذ بقدر التعامل معهم بشكل قبلي
ولكني مؤمن ايمان قاطع .. الايمان المربوط بالعلم الثوري ان كل ذلك سينتهي في الدولة المدنية الحديثة . دولة الديمقراطية وتساوي الفرص والعدالة الاجتماعية .. دولة المؤسسات
|
Post: #5
Title: Re: العنصرية كعب اخيل المعارضة
Author: عبدالحفيظ ابوسن
Date: 02-22-2016, 06:12 AM
Parent: #4
اهو نحن مشغولين في معاركنا الشخصية التي تجلب عددا اكبر من المشاهدين .. ودي طبيعي !
والمواطن تزداد حياته بؤس وموعود ببؤس جديد
قال ليهو
لقيت امها مافي
|
Post: #6
Title: Re: العنصرية كعب اخيل المعارضة
Author: Salah Zubeir
Date: 02-22-2016, 06:16 AM
Parent: #4
ود أبسن ,,,,, سلام و تحيات ,,,,,
Quote: وفي السودان اكرر كثيرا انها ليست بتلك الحدة التي بالاسافير .. يعيش الناس قي تناغم وانسجام قبلي.
وحتي في السلطة فإني اري كل القبايل في مختلف مؤسسات الدولة المدنية والعسكرية في قمتها وسفحها |
بما إنك عايش جوا السودان ,,,,, تاكل الكسرة بي أم رقيقة و تمشي في الأسواق ,,,,, ما تعمل لي المواهيم الفي المنبر دا ,,,,,
الشايلين عكاز العنصرية يفلقو بيهو أينما و كيفما شاءوا ,,,, تسلط ليهم كشافات 2000 Watt (العمايا كتار) علي مدى تعايش الناس ,,,,,
كل الناس (غرباوي , شرقى , جنوبي قديم وجديد (كلو موجود) , وشمالي) , مدي تعايشم عليك الله في كوستي و ربك بس ,,,,,
قوليهم , بما إنك مطلع علي الداير هنا وعايش وسط الناس هناك , إنو العنصرية موجودة داخل منبر سودانيزأونلاين دا Exclusively
,,, مافي زول بتعامل معاك بي جنسك ولا لونك ,,,, الناس جوا البلد عندهم إهتمامات أكبر و أعظم من كراضيم العنصرية الشايلنها
الوهم الطافشين بالسنين برا البلد و بكتبو عنها هنا ,,, ياخي كلمة ياعب و يا خادم ,,,, كلمات محببة جدا" عند منادات أخوك ولا بت خالتك
,,,, و تستعمل من الكل ,,,
ود أبسن أجِر الكشافات والكهربا علي ,,,, قصرت معاك ,,,,,
,,,,,, يديك الصحة و العافية ,,,,,,,,,
تعديل حرف
|
Post: #7
Title: Re: العنصرية كعب اخيل المعارضة
Author: عبدالحفيظ ابوسن
Date: 02-22-2016, 07:13 AM
Parent: #6
مرحبا صلاح
وحبابك
وكتر خيرك
ودون وصف احد ب مهموم او نحوها . فالتقديرات شخصية وقد يعلي احدهم من محاربة العنصرية كأولوية او الصراع الطبقي او الدين كمخرج لازمة الوطن .. وكل يعرض بضاعته يحدوه هدفه !! فالاهداف تختلف وفق موقف الانسان الفكري والشخصي والاجتماعي
بمناسبة المداعبات دي
معانا واحد عتالي في السوق . شاب ابوهو دينكاوي وامو شلكاوية .. وتربطني معه صداقه .. فقد كان معنا منذ اكثر من عشرة سنوات .. ورجع لسنوات بعد الانفصال .. وجا راجع تاني قال يموت هنا بس ! المهم هو معروف في منطقتنا بالسوق ..
بشاغل الناس بمناداتهم يا عب ويشاغلوهو بيا عب ايضا .. نضمت معاها
هسة يامايكل انا يوم واحد شفتني قلت يا عب
قال لي لا
قلت ليهو طيب ليه بتقول كدة
قال لي
العب رزق
ومايكل هذا اول من وراني الحراسة بتاعت الشرطة قبل سنوات
بالليل يعمل شكلة ويضارب والصباح يبلغ ناس الشرطة انو قاعد معاي .. امشي ادفع رسمي وما رسمي وامرقو
واقول ليهو ماعندي شغلة بيك تاني
وتاني ينادوني ناس الشرطة
وكل ذلك يتم دون احساس بالدونية منه او التعالي من جهتي
|
Post: #8
Title: Re: العنصرية كعب اخيل المعارضة
Author: Salah Zubeir
Date: 02-22-2016, 07:31 AM
Parent: #7
إنت عارف عندي شقيقتي أستاذة جامعية في ناتشفييل ولاية تينسي (متأمركة) كان تعليقها علي صورة بروفايلي الفيها أولادي :-
,,,,,,, العبيد بتاعنك ديل طابين ود الناس الأبيض دا لى شنو ,,,, قاليك نطالب بألفا لمراقبة العنصرية في المنبر ,,,
تحياتي أبوسن و واصل
|
Post: #9
Title: Re: العنصرية كعب اخيل المعارضة
Author: عبدالحفيظ ابوسن
Date: 02-22-2016, 03:37 PM
Parent: #8
واحد من الظروف الخلت التناغم القبلي موجودا في مدن ككوستي .. رغم انو حتي التعبير دة لا يفهمه اهل المدينة . فالناس كلها لا قبيلة لها ولاتعرف قبيلة جارك .. اظن إلا الدناقلة والهوسا فتطفو رطانتهم علي ونسة الناس .. والذين علمنا مؤخرا انهم دناقلة وحلفاويين و محس .. والهوسا عرفنا انهم هوسا وفلاتة وفلاتا فوطة .. وذلك لم يمنع عليهم حقا لا سكني او عمل .. اظن مرد ذلك للتنوع القبلي الثر من جميع انحاء الوطن .. ثم استقرار عساكر جيش السودان بعد الحرب العالمية الثانية وكانوا خليطا من القبائل في الرديف r.d.f ا retired defence force
ومعظهم كانوا اقصد اهل الرديف من قبائل تعتبر المريسة غذاء طبيعي وتقبل اهل كوستي ذلك وعاشوا معهم بشكل طبيعي حتي ردد الناس
كوستي الرديف عرقي نضيف
ثم عمال النقل النهري وكوستي اكبر ميناء نهري والسكة الحديد.. ضمت مختلف القبائل من شمال وجنوب وغرب وشرق
فكانت كوستي صرة السودان
لذا اجدني وغيري من اهل كوستي لا نعرف التمييز العنصري بشكله الحاد هنا
|
|