Post: #4 Title: Re: Je suis malade Author: Basamat Alsheikh Date: 02-18-2016, 04:54 PM Parent: #3
المغنية الاولى لارا فابيان هي ايطالية المولد وذهبت الى بلجيكا مع والديها وهي طفلة واصبحت مغنية مشهورة لان صوتها ملائكي وغنت باللغة الفرنسية على الرغمةمن ان لغتها الام ي اللغة الايطالية... وهذه الاغنية ..اني مريضة اغنية مشهورة جدا في اوروبا وغنتها ايضا المطربة العالمية داليدا ومطربات اخريات...وداليدا هي المغنية الثانية وهي غنية عن التعريف.. والاغنية اغنية عاطفية جميلة.. ودمت بالف صحة وعافية
Post: #5 Title: Re: Je suis malade Author: يحي قباني Date: 02-18-2016, 08:13 PM Parent: #4
Quote: المغنية الاولى لارا فابيان هي ايطالية المولد وذهبت الى بلجيكا مع والديها وهي طفلة واصبحت مغنية مشهورة لان صوتها ملائكي وغنت باللغة الفرنسية على الرغمةمن ان لغتها الام ي اللغة الايطالية... وهذه الاغنية ..اني مريضة اغنية مشهورة جدا في اوروبا وغنتها ايضا المطربة العالمية داليدا ومطربات اخريات...وداليدا هي المغنية الثانية وهي غنية عن التعريف.. والاغنية اغنية عاطفية جميلة..
التحية د. امبدة على الجمال .. _____________________ يا ست بسمات ...
عمك قوقل ده حيودرك و يودر معاك ناس :)
"جو سوي مالاد " غناها سيرج لاما سنة 73
و بدت تغنيها ها داليدا في السبعينات و التمانينات ...
و لارا فابيان مولودة في السبعينات و أصدرتها تاني سنة 93 ( كانت داليدا ماتت و لاما خلى الغنا ) ههه
يا بتنا .. لا بأس ان نقوقل كل شيء ... و لكن التسرع في الرد و كأنك معاصرة للحدث بيشوش على الآخرين و بيعتبروا المعلومة صحيحة ...
من باب المحبة ليك و الله بقول ليك بريس بريس * ... ( * دي اسألي منها اميرة ) ههه
Post: #6 Title: Re: Je suis malade Author: Basamat Alsheikh Date: 02-19-2016, 09:24 AM Parent: #5
tout le mond trouve les information chez le google tu es aussi, tu as trouve cet information chez le google ..يعني يا ود قباني انا حالقى المعلومات دي من وين!! وانت ذاتك لقيت المعلومة الكتبتها دي من وين؟؟ يعني انت كنت معاصر الفنان ده... ولولا قوقل لكان خلق الله جميعا في جهالة من امرهم... وحتى اي معلومة عرفتها انا عن تاريخ السودان وتاريخ العالم عرفتها من العزيز الحبيب قوقل...كتر خيره... بس معلومة واحدة فقط ما قدرت القاها عند قوقل..وهي: اي عضو في سودانيز اون لاين عنده كم مداخلة في اليوم؟ لاني بالامس فقط عرفت اني عندي حد معين من المداخلات كل يوم...وحاولت اكتب قصة تايتانيك لكن الباشمهندس بكري منعني والشاشة بتقول لي..حاول غدا..فقد اكملت اقصى حد لمداخلاتك...فهل يا ربي الباشمهندس موقع على عقوبات زي عقوبات امريكا الجائرة على شعب السودان..ولا القانون ده بيسري على الكل؟ ويا ريت تساعدنا في فهم هذا القانون.. وبالمناسبة اهتماماتي بالاغاني الفرنسية بتاتي من المامي باللغة الفرنسية...ومراجع الادب المقارن معظمها بالفرنسية.. وحتى تاثير المعلقات السبعة ورباعيات عمر الخيام وتاثيرها على حياة العرب.... ..وبالمناسبة فكرتك عن الشاعر المجنون الحلنقي غلط...وما عنده حق يسحب قصائده من الفنان القامة ود الامين...انت ما قريت في البوست انه اذا ود الامين ما غنى قصائد الحلنقي ،قصائده دي ما كانت حتنتشر..ولا في زول بيسمع بيها..انا كتبت المداخلة دي هنا عشان مداخلاتي محدودة...وبقيت زي صلاح جادات مغضوب علي من ا دارة سودانيز اون لاين... ومعليش ام بدة استولينا على البوست وحورنا الموضوع..لكن رد ود قباني غاظني (و جه ضاحك ومكشر).. ودمت بالف خير وصحة وعافية
Post: #7 Title: Re: Je suis malade Author: يحي قباني Date: 02-19-2016, 02:42 PM Parent: #6
Quote: ..يعني يا ود قباني انا حالقى المعلومات دي من وين!! وانت ذاتك لقيت المعلومة الكتبتها دي من وين؟؟ يعني انت كنت معاصر الفنان ده... ولولا قوقل لكان خلق الله جميعا في جهالة من امرهم... وحتى اي معلومة عرفتها انا عن تاريخ السودان وتاريخ العالم عرفتها من العزيز الحبيب قوقل...كتر خيره...
الفكرة يا بتنا انك تنقلي الحاجة او المعلومة صح ...
انا قلت ليك اول لا بأس انك تتأكدي من شي انت تقريبا عارفاهو
انا عرفت انو كلامك غلط كيف ؟ ببساطة سمعت الغنية في السبعينات زاتها عشان كده عرفتي انك ( لفحتي ) اول معلومة قدامك و هي غلط
اما داليدا احنا كن بنحب على اغانيها خاصة حلوة يا بلدي
ما تزعلي من كلمة لفحتي دي عارفها ما لذيذة لكن الانتي عملتيهو هنا كده بالضبط
انا متأكد حتتذكري كلام عمك ده
و بس اتحري المعلومة الصحيحة عشان ما تكوني مصدر لمعلومة خطأ
Post: #8 Title: Re: Je suis malade Author: Basamat Alsheikh Date: 02-19-2016, 02:54 PM Parent: #7
كلامك صحيح انا لفحت المعلومة من عمنا قوقل ولكن الغلط من عمي قوقل وما مني انا عشان انا نقلت المعلومة كما هي مكتوبة عنده...يعني انا بلوم قوقل لانه ضللني واداني المعلومة الخطا ودمت بالف خير وصحة وعافية
Post: #9 Title: Re: Je suis malade Author: ombadda Date: 02-22-2016, 07:46 PM Parent: #8
سلامات بسمات شاكر لك مرورك واثراءك للبوست..
Quote: المغنية الاولى لارا فابيان هي ايطالية المولد وذهبت الى بلجيكا مع والديها وهي طفلة واصبحت مغنية مشهورة لان صوتها ملائكي وغنت باللغة الفرنسية على الرغمةمن ان لغتها الام ي اللغة الايطالية... وهذه الاغنية ..اني مريضة اغنية مشهورة جدا في اوروبا وغنتها ايضا المطربة العالمية داليدا ومطربات اخريات...وداليدا هي المغنية الثانية وهي غنية عن التعريف.. والاغنية اغنية عاطفية جميلة.. ودمت بالف صحة وعافية
Post: #10 Title: Re: Je suis malade Author: ombadda Date: 02-22-2016, 07:52 PM Parent: #9
كلنا نتذكر اغاني داليدا التى كان يبثها تلفزيون السودان في اوائل الثمانينات. Boney M James Last ووو
-- وضعت الاغنية بصوت الشابة فابيان لأنها اجادتها لحد فاق المعقول. وكل من غنى تلك الأغنية غناها باحساس صادق جدا. وأكيد كل من يتذوقها كذلك. مأساة داليدا خير شاهد وانتحارها فيما بعد وكأنها كانت تنعى نفسها بتلك الأغنية.
Je suis malade
Post: #11 Title: Re: Je suis malade Author: يحي قباني Date: 02-22-2016, 08:04 PM Parent: #10
كلنا نتذكر اغاني داليدا التى كان يبثها تلفزيون السودان في اوائل الثمانينات. Boney M
James Last
تسلم يا بديع ...
يا أخي ابدا والله ... انا بسمات و خيتها اميرة بعتبرهم بناتي عديل ...
بتي الكبيرة مولودة 90 يعني من جيلهن ..
مرات بعصر عليهم لما اشوفهم بيخرمجوا ...
وده من حرصي عليهم انو دايما يتحروا الصحيح ...
خصوصا بسمات دي ... شغوفة و تحب المعارف ...
تعرف زمنا طبعاً غير الزمن ... حسي ناس بسمات زي اولادي ما يسألك من أي معلومة ... تلفونه في ايدو يقوقل ...
زمان اولادي كانو يجو يسألوني عن كلمة بالانجليزي معناها شنو ( وهم صغار جدً )
كنت امرق ليهم الدكشنري و أقول ليهم فتشوا براكم ...
فما تقلق ... حأخف عليها :)
لكن عندي فيها امل .. امل انها و الزيها يكون هم مستقبل السودان المشرق ان شاء الله ...
Post: #12 Title: Re: Je suis malade Author: ombadda Date: 02-22-2016, 08:17 PM Parent: #11
أعمل حسابك جيلهم دة صعب جدا ولا يتقبل النقد ولا النصح. بسسمات كبيرة بوعيها وادراكها علششان كدة تقبلت ارشادك.
Post: #13 Title: Re: Je suis malade Author: Basamat Alsheikh Date: 02-23-2016, 06:59 AM Parent: #12
امبدة شكرا..شكر..شكرا.. وفي الحقيقة ود قباني ما بنقدر نزعل منه بسهولة.. وكفاية لمن يخاطبنا ببتنا....زعلنا منه يروح في غمضة عين...وبعدين حاجة ثانية...تعلمنا من ود ابو سن سماحة الروح واخذ الامور ببساطة ... وعباس الدسيس قال في بوست المواضيع المملة ان ود قباني الذ زول هنا في المنبر ومن ظرفاء المنبر وعنده تعليقات في السلك.. لكن بصراحة بيني وبينك مرات تعليقاته بتشد اعصابي وتفور الدم في راسي واساسا راسنا فائر من مرارة الغربة القساية ..لكن زي ما قلت ليك كلمة بتنا بتمسح اية مرارة..وانا عارفة ومتاكدة ان نيته سليمة جدا ...ونحن بنعيش حياتنا بالنية السليمة.. وان شاء الله ربنا يديه الصحة والعافية(وصاحبة الجملة دي ..الاميرة جاية بعد ايام ).. ودمت بالف خير وصحة وعافية
Post: #14 Title: Re: Je suis malade Author: Yousuf Taha Date: 02-24-2016, 12:12 PM Parent: #13
vraiment magnifique
Post: #19 Title: Re: Je suis malade Author: ombadda Date: 02-24-2016, 05:09 PM Parent: #14
يوسف طه حقا اغنية رائعة جدا والاروع مرورك الراقي
Post: #15 Title: Re: Je suis malade Author: نهال كرار Date: 02-24-2016, 04:32 PM Parent: #1
كل مرة بسمعها بحس بقوة الألم والعذاب في هذه الصوت الفخيم والتعبير الرائع بالجسد شوف كيف ماسكة فستانها زي بتمهد لوجع شديييد قادم حركة يدينها ونظرتها بخوف والصوت .. الصوت يالله على الصوت في لحظة بتحس انها بتئن , ولحظة كأنها بتبكي وتجعر وتاني زي بالتشكي وتترجى , وتنزل لغاية ماتحس أنها وصلت لقاع اليأس والحزن ترجع تقيف وتنتفض وتغضب وللحظة تحسن انها ممكن تموت في المسرح من هول الأحاسيس دي
ومن لم تبكيه دليدا في الفيديو دا فليتحسس عواطفه :)
Post: #17 Title: Re: Je suis malade Author: ombadda Date: 02-24-2016, 05:03 PM Parent: #15
نهال كتبتي فأوفيتي أوفاقك الرأي. هذا التسجيل قوي جدا لحد الخوف . شاكر لمرورك وذوقك الراقي وشاكر ابضا -مرة أخرى- ليحي قباني وبسمات.
Post: #18 Title: Re: Je suis malade Author: ombadda Date: 02-24-2016, 05:06 PM
Quote: However, nothing appeared to change in the star’s private life. Dalida’s history of blighted love affairs continued and she soon began a secret relationship with a doctor. This affair was to end in tears just like all the others, but this time Dalida appeared unable to overcome her disappointment and climb out of her depression. On 3 May 1987, Dalida decided to put an end to her life, and wrote "Forgive me, life has become unbearable for me..
[IMG]http://idata.over-blog.com/1/19/22/46//dalida1.jpg[/IMGhttp://idata.over-blog.com/1/19/22/46//dalida1.jpg[/IMG