الفقراء يتحملون عبء زيادة المياة

02:01 PM February, 16 2016

سودانيز اون لاين
عبدالحفيظ ابوسن-كوستي / الحلة الجديدة
مكتبتى
رابط مختصر

بالحساب
استنادا علي ما وردني من معلومات بالرسوم الجديدة

حكومي وتجاري وصناعي
2 ج للمتر قديما وحديثا 3 ج للمتر
سكني درجة اولي
من 45 ج ل 85 ج
سكني درجة ثانية
من 25 ج ل 55
سكني درجة ثالثة
من 15 ج ل 30 ج
ارجو مقارنة الزيادة بالنسبة المئوية
(الزيادة ÷ التعريفة القديمة ) ×100

سلامات ودابسن
في بلاد النيلين الله لاكسبهم خير

بالنسبة المئوية .. كانت نسبة زيادة التعريفة كالآتي
القطاع الصناعي والتجاري او قل الرأسمالي
50%
سكني
درجة اولي 89%
سكني درجة ثانية 120%
سكني درجة ثالثة 100%

الزيادة أيضاً يجب أن تحسب بسعر صرف الجنيه السوداني

مقارنة بأخر تسعيرة كم كان سعر صرف الجنيه السوداني حينئذ وكم انخفضت قيمته الآن؟

لذلك قلنا أن ارتفاع سعر الدولار مقابل الجنيه السوداني ليس مدعاة للفرح ولن يصيب الحكومة والقائمين عليها بأي ضرر بل المتضرر الوحيد هو المواطن السوداني

فكثيرون يفرحون بارتفاع سعر الدولار مقابل الجنيه السوداني بأنه وسيلة من وسائل النضال

فمن يفرح من هؤلاء لارتفاع سعر الدولار يفرح بصورة مباشرة وغير مباشرة لمثل هذه الزيادات في أسعار السلع التموينية والغدائية والحاجيات الأساسية للمواطن

شيخ العرب الكلس ود اب سن
ياخي حرام عليك
ياخي الفقراء هم اكثر المستفيدين من الزيادات دي
اولا الفقراء استهلاكم للموية بسيط لانه ما قاعدين يستحموا كتير
وبياكلوا وجبة واحدة في اليوم وما يبعزقوا الموية في الكماليات الزي دي
وبيشربوا الشاي والجبنة من رمضان لي رمضان
وعندهم فرد غيار وبغسلوه من الجمعة الجمعة
ياخي خليكم منصفين شوية
هسي الحكومة تزيد سعر هوا الله والرسول تقولوا الفقراء اكثر المتضررين
مالكم كيف تحكمون؟
والله يا عبد الحفيظ اخوي المغسة ورمتنا
يمين تبريرات الناس ديل احر من الزيادات
ياخي واااااااااي

آي والله يا باسط بلاد الاكثر من رافدين .. وزي ما قالوا دارجي وفصيح
زي ابل الرحول شايلا السقو وعطشانة
و
كالعيس في البيداء يقتلها الظمأ
والماء فوق ظهورها محمولا

المياه الصالحة للشرب يا فرانكلي يجب ان تكون قطاع خدمي وليس استثماري
فالناس شركاء في ثلاثة الماء والنار والكلأ كما جاء في الحديث الشريف
فلا يمنع عن الماء من لا يملك ثمنه ..
دي واحدة فليراعو النسبة المئوية ان كان لا محالة فاعلين
فلا يتحملها الفقير
ويجب ان تنتبه الحكومة انها زادت الغاز بنسبة 300% بتقدير متواضع وهاهي تلحقه الموية والاثنين من الضروريات للغني والفقير
اما عن زيادة سعر الدولار فبلاشك يضر بالمواطن .. وفي نفس الوقت قرأت عن عربات قادمة بدون جمارك .. فلتخفض الحكومة الصرف شوية

قطاع خدمي يعني شنتو يا عبدالحفيظ يعني مجاني؟

هناك تكاليف تشغيل وطبيعي أن تكون مرتبطة بسعر الدولار

يزيد الدولار تزيد كل الأسعار

الناس شركاء في ثلاث لا يعني أن ما يتم انتاجه يجب أن يكون مجان

عايز مجان أمشي جر موية من البحر و أمشي حش من كلا الخلا ومن نار مضرمة في الفيافي

النظرة يا عبد الحفيظ يجب أن تكون موضوعية

كلمة قطاع خدمي وقطاع استثماري لا تقاطع بينهما فالإستمثار يمكن أن يكون في الخدمات مثال ذلك الإتصالات والمستشفيات وتوزيع الغاز وإنتاج وتوزيع الكهرباء

أي حاجة ح تزيد يا عبد الحفيظ 300% و500% ما دام الدولار بيزيد بنفس النسبة المؤية مقابل الجنيه

الحكومة تجيب قروش من وين؟

طبعاً هناك ضرر بالمواطن وخاصة الفئات الضعيفة لكن السودان ليس منتج لمواد تحلية المياه وبذلك هو يستوردها بالعملىة الصعبة

الحصار الإقتصادي وتخوف الكثير من المصارف العالمية التعامل مع السودان يلعب دور كبير هنا في تأزيم وضع المواطن السوداني

عشان كدا قلنا في ناس يدهم في الموية ويفرحوا جداً بارتفاع أسعار الدولار ولا يهمهم حاج أحمد الواطي على الجمر بل معاناته هي وسيلة من وسائل النضال

فكلما جاع وعطش كان ذلك موضوعاً دسماً في ألسنهم ورماح كيبورداتهم

ولسان حالهم يقول هو ما يسقط الحكومة دي ويريحنا ولو ما سقطها يجب أن يجوع ويعطش إلى أبد الأبدين

سلام وتحية عبدالحفيظ ..

Quote: عشان كدا قلنا في ناس يدهم في الموية ويفرحوا جداً بارتفاع أسعار الدولار ولا يهمهم حاج أحمد الواطي على الجمر بل معاناته هي وسيلة من وسائل النضال

وأضيف ليها كمان حبيبنا كمال .. ( فرح البعض بعدم رفع العقوبات عن السودان وقول البعض بأن الحكومة هي المتضرر وليس المواطن من استمرار العقوبات)
وبان امريكا وان امريكا وان امريكا .....


الفرج من الله قريب باذن الله

يا فرانكلي نحن حاكمانا مؤسسة اقتصادية ولا تاجر !؟
ممكن تكون مجانا والغريب شنو .. وفي بعض الدول تكاد ان تكون مجانا
تحلية ماء البحر وين !! نحن عندنا انهار بالكتير محتاجين كلور و رواق وجازولين لتشغيل طرمبات الضخ
ولا ناخد كلامك زاتو .. رسوم التشغيل زاتها .. شبكة المياه قاعدة ومؤسسة واي مواطن بجي يوصل بدفع رسوم ضخمة جدا .. وبدفع حق اي ماسورة ولا قفيس اتركب ليهو . . نعتبر ان الدولة دي شركة ربحية لا تسعي لخدمة المواطن الذي يدفع لها راتبها ومخصصاتها .. اعتبرها شركة ويجو يقدموا لينا تكاليف التشغيل وبشفافية . يورونا بتكلف كم .. وعندهم كم مشترك . يعني الدخل والمنصرف .. وبالمناسبة الصيانة يقوم بها المواطن من حر ماله . لو انكسرت ماسورة في الحي يقوم اهل الحي بدفع تكاليف التصليح
وبمناسبة حديث الرسول صلي الله عليه وسلم الذي لا ينطق عن الهوي انا اؤمن به ايمان قاطع وافهمه كما افهم الاية الكريمة واعدوا لهم ما استطعتم من رباط الخيل . فلا اطالب الحكومة بشراء حبال العصب
عن زيادة الدولار وقت اصلو الحكومة بتحاسبنا بالدولار الامريكي .. فلتحسب جهدنا كسلعة وتزيد رواتبنا وفقا للدولار .. زي ما زادات السلع 100% و300% متحججة بالدولار الامريكي . التحسب لينا ثمرة عرقنا بالدولار فجهد الايدي العاملة ايضا سلعة
ثم انو حكومة عاجزة عن توفير الموية المامكلفاها الا مد خرطوش وطرمبة وتمتن علينا وتحاسبنا جنس الحساب دة صدق عليها القول اذا اكتالوا علي الناس يستوفون واذا كالوهم او وزنوهم ينقصون ..
ف شنو زي ما كالوا لينا الموية بالدولار يوزنوا عملنا بالدولار
اها التبعية دي كيف يا فرانكلي اخوي اذا كان بنحسب موية بحرنا وفقا للعملة الامريكية وبشكل لا انساني ولا اسلامي

تشكر عثمان
وكتر خيرك
اياهم الفقرا البتقاسمو النبقة
وعلي قول حميد
التبني قصور للقيصر وتتقاسم حوش الطين
وديل حتي حوش الطين دايرين يدفعوهو موية القصر
وتنبيه هام
انا قلت من عنوان البوست ان الفقراء يتحملون زيادة رسوم المياه .. في اعتراف ضمني بالزيادة من اجل دفع النقاش للامام
وبمنطق بسيط
كم عدد الموظفين القيادين بشبكات المياه وكم مخصصاتهم ورواتبهم وضرورة وجودهم
تحصيل الموية بتم بشكل آلي مع فاتورة الكهرباء ..قول فني ولا اتنين بتاعين حاسوب .. عمال للصيانة والتركيب وسواقين ومهندسين ومدير واحد

مرحب دكتور احمد
ورحم الله حميد
بي اسم الدين والامريكان
اي عوج مبدي ومختوم
صوتنا هناك وهنا مكتوم
مافي فرق في الوقت الراهن
بين واشنطون والخرطوم
يا خرطوم انا مأزوم

ال مدير هيئة مياه الخرطوم خالد علي إن الزيادة التي أجازها تشريعي الولاية أمس لتحسين خدمة الإمداد وتوفير المياه الصحية لكافة مواطني الولاية. وأكد لـ(اس ام سي) إنه لم يهدد بتقديم الاستقالة حال رفض زيادة التعرفة.

ال مدير هيئة مياه الخرطوم خالد علي إن الزيادة التي أجازها تشريعي الولاية أمس لتحسين خدمة الإمداد وتوفير المياه الصحية لكافة مواطني الولاية. وأكد لـ(اس ام سي) إنه لم يهدد بتقديم الاستقالة حال رفض زيادة التعرفة.

ال مدير هيئة مياه الخرطوم خالد علي إن الزيادة التي أجازها تشريعي الولاية أمس لتحسين خدمة الإمداد وتوفير المياه الصحية لكافة مواطني الولاية. وأكد لـ(اس ام سي) إنه لم يهدد بتقديم الاستقالة حال رفض زيادة التعرفة.

من قيم الشعب السوداني الاصيلة .. قيم الحواري والاحياء الشعبية
لامن يكونوا محتاجين لعمل يحتاج لمال في الحي مثلا .. او لدعم واحد اصابه الدهر برزء .. او لسد نقص مال عزاء .. بفرضوا مبلغ من المال علي الناس .. المبلغ ما بكون متساوي حتي . بل فئات عليا ووسطي و دنيا ويعفون البعض من رأوا فيه رقة حال وفقر
ف شنو
الحكومة حقو تتعلم من الشعب من تقلب الهرم وتعمل العكس
ومعلوم جدا ان حوجة الدرجة الاولي السكنية اعلي في المياه . لذا كان التفاوت في السعر . فمنازلهم اكبر