عنصرية ما يسمون بأبناء الهامش البواح

عنصرية ما يسمون بأبناء الهامش البواح


02-13-2016, 08:45 AM


  » http://sudaneseonline.com/cgi-bin/sdb/2bb.cgi?seq=msg&board=490&msg=1455349510&rn=61


Post: #1
Title: عنصرية ما يسمون بأبناء الهامش البواح
Author: خالد المبارك
Date: 02-13-2016, 08:45 AM
Parent: #0

07:45 AM Feb, 13 2016

سودانيز اون لاين
خالد المبارك-
مكتبتى
رابط مختصر

يشاع بأن سكان النيل الشمالي و العرب بصفة خاصة يتعاملون باستعلاء و عنصرية تجاه المكونات الاخرى التي تقطن السودان
و رغم ان مثل هذه الشائعات و الاكاذيب اطلقتها الحركات المسلحة بغرض كسب تعاطف الدول الغربية و المنظمات الا انها اصبحت
ضمن الخطاب الرسمي لاي شكل من اشكال الصراع بين المكونات العرقية في السودان
في حين انه لا يوجد اي شكل من اشكال التعامل الاستعلائي على ارض الواقع الا ان كثير من العقليات المريضة لا تزال تتخذ
من هذه الزاوية مداخل لتأجيج الصراع المفترى عليه
و على العكس تماما كانت كل الدلائل تشير الى ان الطرف الذي يدعي بأنه ضحية الاستعلاء و العنصرية هو الذي يتعامل بها و يحرض
عليها اتباعه في حين لم تتوفر لدينا اي شواهد تثبت صدور هذا النوع من التعامل من قبل الجانب المتهم !!





Post: #2
Title: Re: عنصرية ما يسمون بأبناء الهامش البواح
Author: اباذر عبد العال
Date: 02-13-2016, 10:08 AM
Parent: #1



فعلا نحن عاشين هناك في الشمال .على ارض الواقع مافي اي شئ مثل الذي كتب..
ومعنا اخبار كل الولايات كامله ....الا المناطق التي بها حروب ..يكثر عليها الكلام والحقيقه تختفي وتظهر
الذين يقولون هذا الكلام مقياسهم من سياسة الحكومه التي لها مصالح في مثل هذه النعرات
في الشمال في المدن والضهاري على مستوي الحياة العادية مافي كلام زي ده


نظام المؤتمر الوطني ..يفعل كل شئ واي شئ ..من اجل السلطه...وهذا لا يعنى كل اهل الشمال معه



Post: #3
Title: Re: عنصرية ما يسمون بأبناء الهامش البواح
Author: خالد المبارك
Date: 02-13-2016, 12:38 PM
Parent: #2

مرحبا ابا ذر



Quote: فعلا نحن عاشين هناك في الشمال .على ارض الواقع مافي اي شئ مثل الذي كتب..
ومعنا اخبار كل الولايات كامله ....الا المناطق التي بها حروب ..يكثر عليها الكلام والحقيقه تختفي وتظهر
الذين يقولون هذا الكلام مقياسهم من سياسة الحكومه التي لها مصالح في مثل هذه النعرات
في الشمال في المدن والضهاري على مستوي الحياة العادية مافي كلام زي ده



فعلا هذا هو الذي يحدث و لكن دعني اردد ما قلته انت

لماذا يراد اقحام اهل الشمال النيليين في هذا الصراع و ما الذي جنوه حتى نسمع و نقرأ بأن هناك من يتوعدهم بالويل و الثبور و الانتقام


Post: #4
Title: Re: عنصرية ما يسمون بأبناء الهامش البواح
Author: خالد المبارك
Date: 02-13-2016, 12:59 PM
Parent: #3

انكار عروبة اهل الشمال النيلي و الطرق على هذا الموضوع في الاونة الاخيرة يأتي ضمن الحملة العنصرية الشرسة ضدهم
اذ لم يكتف اعداؤهم بتجريدهم من ايمانهم بالحريات و حقوق الانسان و وصفهم بالعنصريين و انما ذهبوا الى ابعد من ذلك و هو التشكيك في انسابهم و اصولهم العربية فيا للعجب !!



Post: #5
Title: Re: عنصرية ما يسمون بأبناء الهامش البواح
Author: Munir
Date: 02-13-2016, 01:11 PM
Parent: #4

سلامات خاالد المبارك ...
أيوة طبعاً مافى إستعلاء فى المعاملة العادية .. لكين عندما يجى بروفيسور لابس بدلة وكرفتة ويطلب نسابة أسرة شمالية ويرفضوه حتى لو كسررقبته، فهنا تكمن العقدة الما عندها حل .. وطوالى زولك يحقد حقد مستديم .. وهذا مايسمونه الإستعلاء والعنصرية .. وأى واحد تشوفه يهوهو بعنصرية وإستعلاء الشماليين أعرف إنو دى عقدته الما لاقى ليها علاج ..
فما تتعب نفسك فى محاولة التحليل والإقناع ...

Post: #7
Title: Re: عنصرية ما يسمون بأبناء الهامش البواح
Author: كمال الدين يوسف
Date: 02-13-2016, 01:41 PM
Parent: #5

اتفق مك صاحب البوست العنصرية من بنات أفكار الحركات المسلحة

أما مسائل الزواج فالشعب حساس جدا لها حتى أنه يرفض عريس من نفس القبيلة ونفس المستوى

Post: #6
Title: Re: عنصرية ما يسمون بأبناء الهامش البواح
Author: بريمة محمد
Date: 02-13-2016, 01:22 PM
Parent: #3

ذات مرة فى غابة فى جزيرة سرانديب أنتدبت الحيونات النعامة أن تدخل رأسها فى جحر الغول .. فقد تأذت الحيونات من جراء أكل الغول لصغارها .
الموت واحد .. ولابد من حرب علي الغول تقتلعه من جحره .. وسفك دمه ..

أشارت النعامة إلي مؤخرتها كنقطة للتفاهم حول مستوي الخطر الذي تواجهه إذا ما أدخلت رأسها .. إن مؤخرتها لونها أبيض .. وإذا ما صارت لونها أحمراً عليهم إنتشالها فهى فى خطر محدق .. وما أن أدخلت رأسها حتى صارت مؤخرتها تلمع من شدة الوهج .. فأتشلوها بلا رأس .. وهربت جموع الحيونات لا تسلوي علي شيئ!

أبون قدح .. جري مع الجاريين .. ولكن لبطء حركته كان يقول "ما تكسروا قدح النبي" .. لحق به الغول وغطاه بقدح وقال لو ما قبضت حاجة نجئ نشوي دا .. أبون قدح قال "لفرقة النار رب العالمين يدري بالحال". وأخيراً حمل القدح وجري به إلي جهة فجاج لم يهتد إليها الغول فنجي!


أنا أبون قدح .. أتغطيت وأتكرفست ورقدت ..


"من كتاب تحت الطبع: "شذرات من حكاوي الفكاهة والمِلح فى تراث البقارة"

بعد إن كان الشمال الجلابي غولاً .. يبدو أن الهامش هو الغول الحقيقي والشمال إما نعامة أو أبون قدح. أي أنقلب السحر علي الساحر


بريمة

Post: #8
Title: Re: عنصرية ما يسمون بأبناء الهامش البواح
Author: على تاج الدين على
Date: 02-13-2016, 05:41 PM
Parent: #1

Quote: و على العكس تماما كانت كل الدلائل تشير الى ان الطرف الذي يدعي بأنه ضحية الاستعلاء و العنصرية هو الذي يتعامل بها و يحرض
عليها اتباعه في حين لم تتوفر لدينا اي شواهد تثبت صدور هذا النوع من التعامل من قبل الجانب المتهم !!


الغريبة نظام الانقاذ جاء للسلطة منذ 1989 يونيو....وحتى 2003 لم نسمع يوما بمصلحات العنصرية والجهوية والعرقية تستعر اوارها
الا عقب مفاصلة رمضان وبروز المؤتمر الشعبى بكتابه الاسود ...حينذاك بدأت الغرائز العصبوية هيجانها...ومن ثم انطلت الفرية على
البسطاء وهى ان نظام الانقاذ هو من اثار النعرات العنصرية والجهوية ....ولحد الان تصر حركات دارفور العنصرية ان نظام
الانقاذ هو من اذكى النعرات العنصرية....عجبا.....من الصعوبة بمكان ان تصل لسلام واستقرار مع جهات تطالب بتسوية (نفسية)
اكثر منها سياسية .

Post: #9
Title: Re: عنصرية ما يسمون بأبناء الهامش البواح
Author: سيف الدين بابكر
Date: 02-13-2016, 05:54 PM
Parent: #8

Quote: بعد إن كان الشمال الجلابي غولاً .. يبدو أن الهامش هو الغول الحقيقي والشمال إما نعامة أو أبون قدح. أي أنقلب السحر علي الساحر








Post: #10
Title: Re: عنصرية ما يسمون بأبناء الهامش البواح
Author: فرح الطاهر ابو روضة
Date: 02-13-2016, 06:03 PM
Parent: #9


العنصرية الفي الشمال والوسط لدرجة العنصرين منهم بركبوا مكنة كيزان
وتقول لي عنصرية حركات مسلحة وهامش

Post: #11
Title: Re: عنصرية ما يسمون بأبناء الهامش البواح
Author: Deng
Date: 02-13-2016, 07:17 PM
Parent: #10

حالة النكران هذا ، دائما تصدر من العنصريين وينفون بها عنصريتهم ويلقون أتهاماتهم الى الضحايا ويصفونهم بالعنصريين.
هذا أحد أساليب وسلوك العنصريين.

Post: #12
Title: Re: عنصرية ما يسمون بأبناء الهامش البواح
Author: محمد حيدر المشرف
Date: 02-13-2016, 08:32 PM
Parent: #1



توجد عنصرية متفشية في السودان ..
هذا قول لا ينتطح فيه "لا عنزان ولا كوزان" ..

طبيعة التكوين القلبي هي السائدة ..
وطبيعة الدولة القائمة على العديد من الموازنات او اللاموازنات القبلية والجهوية ..
وطبيعة النمط الثقافي السائد ...

كلها اشياء تفسر تفشي العنصرية في المجتمع السوداني ..

العنصرية ليست حكرا على فئة من الفئات المجتمعية ولكن وبصورة عامة ..
نجد أن فرص التعليم والكسب المادي والارتقاء المهني وحيازة المكانة والتميز الاجتماعي ليست واحدة على الاطلاق ..
بهذا المقياس يمكن ان نشير لاي جهة يميل ميزان التمييز الايجابي ..

Post: #13
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 00:53 AM
Parent: #12

Quote: لعنصرية ليست حكرا على فئة من الفئات المجتمعية ولكن وبصورة عامة ..
نجد أن فرص التعليم والكسب المادي والارتقاء المهني وحيازة المكانة والتميز الاجتماعي ليست واحدة على الاطلاق ..
بهذا المقياس يمكن ان نشير لاي جهة يميل ميزان التمييز الايجابي ..
د.مشرف كلامك ده ماصاح ..
هل تقدر تقول أن إمتحانات الشهادة السودانية فيها واسطة؟ وهى المدخل للتعليم العالى والتوظيف الحكومى؟ هل تقدر تقول أن الأقاليم الشمالية حازت عدد أكبر من المدارس والجامعات مقارنة بباقى السودان؟؟
أكبر مدارس ثانوية كانت قومية بإمتياز وهى وادى سيدنا وخورطقت وحنتوب ..
كدى كلمنا إن كان أحد زملاءك تخرج معك من الجامعة وتم استبعاده من التوظيف لأسباب عنصرية ..!!!
يا متعلمى الشمال كفاكم تملق وتغبيش رؤية من أجل بعض الكسب والعطف من مدعى التهميش ..

المعضلة االرئيسية هى قضية إجتماعية فى الأساس العميق .. رفض التصاهر هو السبب المحرج الرئيسى الذى يجعل المرفوض يشعر بالمهانة والإحتقار ويعتبرها عنصرية واستعلاء .. وهذه ما عندها علاج لا بالتنمية ولا بالتعليم العالى .. فما تغشوا المواهيم بالكلام التملقى .. فمهما تملقت لن يرضى عنك دعاة العنصرية حتى تهدم الحاجز الإجتماعى ..

ورفض التصاهر هذا ظل سائداً حتى زمن قريب ولربما إلى الآن بيين القبائل الشمالية ذاتها ... والسبب الأساسى هو وضع المرأة كجوهرة نفيسة بالنسبة للمجتمعات الشمالية بحيث تريدها اللأسرة دائماًً قريبة منها لدرجة حرمانها من السفر ـ حتى للتعليم ــ إلى عهد قريب.. دعك من أن يفكوها للغريب ذو الثقافة والتقاليد المختلفة الجايى من آخر الدنيا ..!!
بعدين المواهيم الذين يشكون من تعالى واستعلاء الشماليين ديل أمشى شوف الإستعلاء فيما ببنهم، وشوف إستعلاءهم على الجنوبيين ـــــ الذين يرونهم فى الحضيض ــــ ومن ثمّّ أمشى شوف عنصرية الجنوبين فيما بينهم ... !!!

الكلام ده قلناهو كتير لكين االبيقنع الديك منو؟؟

Post: #14
Title: Re: عنصرية ما يسمون بأبناء الهامش البواح
Author: الصادق آدم
Date: 02-14-2016, 01:30 AM
Parent: #13

لا اتفق معك يامنير
اعطني رقم او نسبه مؤيه لعدد الساعيين للمصاهرة ورفضت طلباتهم بدواعي عنصرية
لا اعتقد انها نسبه كبيره وحقيقة كما اورد الاخ الزواج مساله خاصة
اما ربطها بالقبول او العنصريه فيها تضليل وكذلك نكران وجود العنصريه
اتفق لحد كبير مع رأي الاخ المشرف
ولكن تحليل اكثر لمعرفة الاسباب ودا طبعا ياتي بعد الاعتراف بوجود العنصريه

واحترامي

Post: #16
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 01:42 AM
Parent: #14

مرحباً الصادق آدم .. من حقك أن لاتتفق معى ..
القصة لا تحتاج لإحصاء .. فهى لا تعتمد على الطلب والرفض المباشر .. إنما هو عدم تقبل المجتمعات الشمالية للتصاهر مع الغريب والذى يعتبره الآخرون استعلاء وعنصرية حتى وإن لم يتقدموا لذلك، لأن الرد معروف ..

ولكن فى المقابل كدى أثبت لى إنت إنو مدخل الخدمة الأزلى ـــ وهو إمتحانات الشهادة السودانية ــ مزيف وفيهو واسطة وتحيز للشمال .. !!

Post: #15
Title: Re: عنصرية ما يسمون بأبناء الهامش البواح
Author: أيمن نواى على
Date: 02-14-2016, 01:33 AM
Parent: #13

ود المبارك
من قائل افرطنا فى استخدام العنصرية.....مين فيكم الكذاب انت ولاهو....وهل تنكر العين ضوء الشمس من رمد....الاستنكار لا يجدى......المطلوب الحل.

Post: #18
Title: Re: عنصرية ما يسمون بأبناء الهامش البواح
Author: كمال عباس
Date: 02-14-2016, 02:02 AM
Parent: #15

كتب الأخ منير ...........
Quote: المعضلة االرئيسية هى قضية إجتماعية فى الأساس العميق .. رفض التصاهر هو السبب المحرج الرئيسى الذى يجعل المرفوض يشعر بالمهانة والإحتقار ويعتبرها عنصرية واستعلاء .. وهذه ما عندها علاج لا بالتنمية ولا بالتعليم العالى .. فما تغشوا المواهيم بالكلام التملقى .. فمهما تملقت لن يرضى عنك دعاة العنصرية حتى تهدم الحاجز الإجتماعى
موضوع التصاهر ـ والتداخل الإجتماعي لايفرض بقانون ولايعالجه إي تشريع هذه قضية يعالجها الوعي والتطور الإجتماعي والثقافي ـ ومرور الوقت ــ ** ما يعنيني هنا هو ـ التلفظ بالإساءات العنصرية - وممارسة التعالي العرقي ـ ليس مجرد رأي وإنما هي جريمة وممارسة يرفضها كل من له ضمير حي وحس إنساني سليم!* الإنقاذ وبشهادة قياداتها ـ هي كرس من وفاقم من العنصرية والجهوية ـ ومزق النسيج الإجتماعي وهي رفع سلاح العرقية في دارفور ـ عرب وزرقة ـ وسلح الجنجويد وهي من إبتدع مثلث حمدي ـ الجهوي والعنصري ـ ! * المطلوب حاليا هو التنمية المتوازية ودولة المواطنة والمساواة والعدالة و رفع التهميش والمرارات وعدم التمييز بين الناس بسبب لون البشرة والخلفية العرقيةمحاربة العنصرية عبر الإعلام القومي والتعليم وقوة القانون والدستور ـ وبفتح منافذ التوعية والتنوير ـ والتوزيع العادل للسلطة والثروة ، وتبقي الرواسب الإجتماعية ـ الزمن و التوعية والتنوير كفيل بها !!

Post: #17
Title: Re: عنصرية ما يسمون بأبناء الهامش البواح
Author: Deng
Date: 02-14-2016, 01:53 AM
Parent: #13

تحياتي للجميع

يجب أن نفرق جيدا بين العنصرية الاجتماعية والتحيز القبلي، وعنصرية الدولة المتمثلة في الحكومات المتعاقبة التي مارست العنصرية والتفرقة بين المواطنين على أساس عرقي وجهوي.

يقول زعيم الحقوق المدنية مارتن لوثر كنج للعنصرين البيض في سنين حركة الحقوق المدنية في أمريكا:

"أنا لا أريد أن أكون زوج أختك ولكني أريد أن أكون أخوك في المواطنة الكاملة في امريكا"

العنصرية البغيضة التي تصدر من شخص شمالي أو غيره، جاهل ولم يلقى حظه في التعليم ويتعصب الى قبيلته ويحتقر الأخرين بسبب عرقهم أو لونهم، فهي قد لا تمثل خطرا كبيرا على المجتمع، إذا أجرينا مقارنة بينها وبين عنصرية المتعلمين الشماليين أو غيرهم من الذين يسيطرون على الثروة والسلطة في البلاد.

بمعنى أخر. العنصرية الموجودة في المجتمع مقدور عليها، لأن المجتمعات هي التي تغير نفسها بنفسها، خصوصا إذا وجدت قيادة رشيدة في الدولة تعمل على معاملة المواطنين على أساس المواطنة وليس على أساس الجنس اللون والعرق، وهنالك بعض التجارب الناجحة في السودان ولكنها لم تتطور بسبب الانتكاسات التي حدثت في البلاد ،وعدم الاستقرار السياسي والدستوري أيضا.

عندما يحتج أبناء الهامش ويرد بعضهم على العنصرية بعنصرية مضادة، فيجب أن نعلم بأنهم لا حول ولا قوة لهم في الدولة العنصرية.
لأن الدولة العنصرية يتحكم فيها الذين ما رسو العنصرية منذ قبل الاستقلال ومازالوا. فهم لا يتحكمون في السلطة فقط، ولكنهم يتحكمون في الثروة أيضا. ولذلك لجأ أبناء الهامش الى الخيار الأخير والوحيد بالنسبة لهم، وهو الكفاح المسلح.

وبتعريف أدق. ذلك لا يعني جميع الشماليين هم يشاركون في هذه السلطة ويتفقون مع هؤلاء العنصريين في عنصريتهم. ولكن الذي يحدث هو أن بعض أبنائهم(الشماليين) هم الذين يسيطرون على السلطة والثروة في البلاد منذ قبل الاستقلال وحتى اليوم. وهنالك بيوتات معروفة في السودان صنعها المستعمر صناعة وأعطاهم السلطة والثروة قبل خروجه من البلاد. الحديث عن رد الفعل لن يحل مكان الفعل أبدا ولأيمكن أن نساوي الضحية بالذين أجرموا في حقهم.


دينق

Post: #19
Title: Re: عنصرية ما يسمون بأبناء الهامش البواح
Author: أيمن نواى على
Date: 02-14-2016, 02:05 AM
Parent: #17

يا ود المبارك
ذى ما قال دينق ....ما تعرسو مننا....ولا نعرسو منكم.....المطلوب المساواة فى الحقوق والواجب .....بالمختصر المواطنة.

Post: #20
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 02:54 AM
Parent: #19

الأخ كمال عباس سلام ..
بالنسبة للألفاظ العنصرية قارن عدد التلفظ بكلمة عب أوفرخ مع كلمة جلابة وتنميط الشمال فى هذا المنبر ـــ ده إذا أخدنا هذا المنبر كعينة من الشعب المتعلم ــ
ومن ثمّ كدى برضو أثبت لى عنصرية وتحيز الشهادة السودانية وسياسة القبول فى التعليم ، أو استئثار الشمال بعدد المدارس .. أو كمان جيب لى نص قانونى فى قوانين السودان فيهو عنصرية وإقصاء بسبب العرق والجنس واللون ..

ياكمال دعاة التهميش شايفين أى زولل ملامحه شمالية معناها من الشمالية المستأثرين بالسلطة والثروة.. حتى أنى أعتقد جازماً أنهم لوشافوا ليهم بجاوى مشلخ لتحت يقولوا دنقلاوى .. فمشكلتنا الرئيسية هىى تحويل العكة السودانية لصراع جهوى يستند على الملامح الخََلْقية وهو مشروع السودان الجديد البائس الذى رأينا تطببيقه بيان باللعمل فى الجنوب ــ اللهم جنبنا الفتن ..
وبعدين ياخى اسطوانة إنو الإنقااذ أججتت العنصرية دى فكونا منها ، وأرجع لمداخلة الأخ على تاج الدين االذى لا أحتاج لتكرار كلامه ..
وأخيراً قصة العقدة المجتمعية دى لا تستهونها .. فكما قلت لكم أن الإحساس بأن الآخر رافض التواصل الإجتماعى لأسباب جهوية وقبلية وعرقية يجعل المرء يحس بالمهانة والإستحقار ، وهو ما يولِّد الحقد المضاد ..
فحقو الناس تتصالح مع الحتة دى .. وما ترموها فوق الأسباب السياسية والإنقاذ وما أدراك ما هذا الشطر الميت ..

Post: #21
Title: Re: عنصرية ما يسمون بأبناء الهامش البواح
Author: محمد حيدر المشرف
Date: 02-14-2016, 03:26 AM
Parent: #20


منير سلامات

طيب ياخ كان نمشي شوية لي قدام في النقاش وتشوف ردودي وأنا بكتب من ياتو خلفية وهل كنت اشير لامتحانات الشهادة السودانية .. كان تدي فرصه لسماع الراى الآخر قبل ان تقفز لنتيجة تغبيش الوعي دي ...

Post: #24
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 03:59 AM
Parent: #21

يامشرق سلامات .. أنا رديت على المقتبس وهو آخر كلامك ... وما فهمته هو أن العنصرية موجودةة ومن علاماتها فرص التعليم والكسب المادي والارتقاء المهني وحيازة المكانة والتميز الاجتماعي.. وهو زى كلام بشاشا زمان أأن الشمالى ذوحظوة بالميلاد .. وهو نوع الكلام الغير مؤسس والذى يأجج الضغائن والأحقاد غير المبررة .. وخاصة عندما يكون قائل مثل هذا الكلام الغلط شمالى .. يبقى مدعيى التهميش زى الزول المشى لكاتب العرضحالات الكتب ليهو مظلمة لمن قعد يبكى وقال ماكان قايل نفسه مظلوم قدر ده ..
السودان ده قدر غرب أوروبا كلها .. تعال شوف االحزازات القطرية بين هولندا وبلجيكا ساى وديل الإثنين يمكن ما يساووا ولايات الجزيرة براها .. فكيف تتوقع المعاملة بين أقاليم تباعدها الجغرافى والثقافى والإثنى كما بين المشرق والمغرب ..
ثم إن القوانين والنظم الإدارية فى الدولة هى التى وضعها الإنقليز .. كدى أثبت لىى إنو الإنقليز تركوا نظام خدمة عنصرى...
ثم بعد ده كله ماهو رأيك فى نيفاشا التى إرتضاها الجنوببيين؟ فحتى للو افترضنا جدلاًً إنو النظام القديم عننصرى أها بعد نيفااشا وقرنق وقع عليها تانى العنصرية السياسية وين؟؟ وليه بعد ده كلوا الجنوبيين إنفصلوا؟؟ ووين مكنة السودان الجديد المبوشة بتاعة الحرية وعدم العنصرية والعدل والمساواة ؟؟ ..
إنتو ما بتتعظوا ؟؟

Post: #37
Title: Re: عنصرية ما يسمون بأبناء الهامش البواح
Author: على تاج الدين على
Date: 02-14-2016, 03:13 PM
Parent: #19

Quote: المطلوب المساواة فى الحقوق والواجب .....بالمختصر المواطنة


ده كلام عمومى ساى...وقبله مداخلات تصب فى نفس الاتجاه....من منكم العبقرى...الذى يصف لنا تشريع واحد منذ بروز الدولة التى
ورثت الحقبة الكلونيالية يميز بين المواطنين على اساس الاثنية ومن ثم يعطى الولاية العامة لاثنية بعينها....يا خى حتى هذه الدولة
المهووسة بمفهومات التشريع الاسلامى...رضيت بنائب رئيس غير مسلم وهى من الولاية العامة فى الاسلام....فما تخمونا ساى...فى
تقديرى المساواة التى تتكلمونا عنها دى هى مساواة (نفسية) اكثر منها سياسية

Post: #22
Title: Re: عنصرية ما يسمون بأبناء الهامش البواح
Author: محمد حيدر المشرف
Date: 02-14-2016, 03:33 AM
Parent: #1

عموما عدم تكافؤ الفرص في التعليم ناشيء من اختلاف الخلفيات الاجتماعية والاقتصادية Socio-economic ..

يعني ما بالفهم الساذج بتاعك ده*

..
* كده انا اتسديت مسالة تغبيش الوعي ... اوعك تاني تشتم زول مستنير بتغبيش وعى الناس من البداية

التعديل لخطأ املائي

Post: #23
Title: Re: عنصرية ما يسمون بأبناء الهامش البواح
Author: محمد حيدر المشرف
Date: 02-14-2016, 03:42 AM
Parent: #1


Education and Socioeconomic Status Factsheet

Education and Socioeconomic Status
Socioeconomic status (SES) is often measured as a combination of education, income and occupation. It is commonly conceptualized as the social standing or class of an individual or group. When viewed through a social class lens, privilege, power, and control are emphasized. Furthermore, an examination of SES as a gradient or continuous variable reveals inequities in access to and distribution of resources. SES is relevant to all realms of behavioral and social science, including research, practice, education and advocacy.

Post: #25
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 04:11 AM
Parent: #23

Quote: عموما عدم تكافؤ الفرص في التعليم ناشيء من اختلاف الخلفيات الاجتماعية والاقتصادية Socio-economic ..

يعني ما بالفهم الساذج بتاعك ده*
أها قبضتك .. إذا كانت الفرص فىى التعليم : ناشيء من اختلاف الخلفيات الاجتماعية والاقتصادية Socio-economic ..ـــ هاكك الإستنارة دى :) ـــ طيب وين العنصرية هنا .. واللا دى حكاية
الشرا فى القندول ذاتها؟

بعدين أنا ما معترف بإستنارة زوول هنا إلاّ صاحبى المستنيروهبة .. :)

Post: #26
Title: Re: عنصرية ما يسمون بأبناء الهامش البواح
Author: بريمة محمد
Date: 02-14-2016, 05:48 AM
Parent: #25

العنصرية فى السودان، من الصعب محاربتها فى وقتنا الراهن .. لكن من الممكن درء أثارها .. ومحاربتها حقوقياً .. مثلاً نحن نلاحظ هنا فى الغرب من يتفوه بكلمات عنصرية تتم محاكمته قضائياً ويفقد وظيفته ..

فى السودان هناك فنانين يتغنون بالعنصرية ولم تتم محاكمتهم .. ولا حتى زول رفع ضدهم دعوي قضائية .. يعنى العنصرية شيئ مسلم به إجتماعياً حتى فى الأوساط الثقافية .. و

أنا أميل أن كرت العنصرية رفع لهدف سياسي .. المجتمعات والأعراق السودانية المتجاورة متعايشة .. لكن شنو الذي يجعلنى أنا مثلا فى الغرب فى بادية الحوازمة فى كردفان، وأتى وأقول أن الشوايقة تعنصروا علينا .. مثلاً .. ليس لها معنى ودائماً ما تجهله وما هو غريب عليك تنفر منه .. لكن بالأنفتاح والمعرفة والتلاقح الثقافي تزول كل الحواجز ...

المشكلة أن ثقافاتنا غير متجانسة .. مثلاً والد فرانسيس دينق متزوج 200 أمرأة .. دي زريبة هوامل أم نساء لهن كيونة وذات؟ .. من يستطع أن يزوج أخته أو أبنته لمثل هذا حتى لا تعرف ترتيبها فى سلم الزوجات؟ .. ما ممكن يا أخوانا .. نحن نحتاج لثقافة جامعة .. فاللغة العربية والدين الأسلامي هما القاعدة المنيعة لنا .. وعلي هذا الأساس نقدر نحاصص العنصرية ونحسمها بقانون ربانى .. من جاءكم ترضون دينه فزوجوه .. ومن أتكأ إلي إرث أجداده وتمسك به بدل الأنفتاح يأكل جازه .. أختى ما بديها ليهو لو كسر رقبته ..

بريمة

Post: #27
Title: Re: عنصرية ما يسمون بأبناء الهامش البواح
Author: محمد حيدر المشرف
Date: 02-14-2016, 05:51 AM
Parent: #25



يااااا منير ..

شوف التعريف او fact sheet الفوق حول تأثير الحالة الاقتصادية/الاجتماعية على التعليم ..
انت قالو ليك الفروقات والتباينات في الحالة الاجتماعية/الاقتصادية دي بتنشأ عن شنو ؟!!
الصدفه مثلا ؟!!!!

بعدين الغلاط الكتير ما بنفع ..
اخد الموضوع بصورة عقلانية بسيطة جدا ..
وفكر بينك وبين نفسك كده حول حظوظ طفل شمالي في التعليم والصحة والارتقاء المهني والاقتصادي وحيازة مكانة اجتماعية مميزة في المجتمع بالمقارنة مع حظوظ طفل نوباوي ..

اها بعد داك تعال شوف ليه الحظوظ بتاعتهم مختلفة ..
تدرك المسألة يا شيخنا ؟!!

اها لمن الناس تتكلم عن التوزيع العادل للسلطة والثروة ..
ولمن تتكلم عن الهوية الجامعة ..
ولمن تتكلم الهيمنة الثقافية ..
ولمن تتكلم عن انحياز المجتمع والدولة لثقافة/هوية/جهه انحيازا ايجابيا ..
بنكون بالضرورة نتحدث عن العنصرية ...

المسألة ما غلاط يا منير ..
ولا امتحانات شهادة او مستشفى عمومي موحد ..
المسألة أكثر تعقيدا من هذا التسطيح والاختزال الذي أخشى ان يكون متعمدا ...

احترامي الذي تعلم ..

Post: #28
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 06:40 AM
Parent: #27

ياودالمشرف .. تفتكر ياعزيزى حببتين الإنقليزى الجايبو ده يصلح وثيقة دفاع عن فكرتك التى لا تقوى على الوقوف على ساقين بأن توفر فرصة التعليم لمجموعةٍ ما تجعلها عنصرية على مجموعات أخرى؟؟ ..
إلاّ لو ده تعريف جديد قاطعه من راسك، وفى الحالة دى أفتح بوست وأطرحه كمفهوم جديد ليك فيهو سبق براءة الإختراع ..
إنقليزيك ده تسطح بيهو بزول ماعنده حديدة .. :)

وبعدين زاتو حتى لو مُصِرْ على التعريف التعبان ده برضو كلامى عن تساوى فرصة إمتحان الشهادة قائم على حيله ... لأن دعاوى العنصرية مرفوعة ضد أقوام بسبب الجنس والقبيلة والجهة .. والله شاهد أن هؤلاء الأقوام ـــ فى الشمال ـــ أصبحت ديارهم خراب من عدم الخدمات وضحالة فرص التعليم ووو ..
أما لو عاوز تقول أن هذه الدعاوى الجوفاء مرفوعة على ناس الوسط والعاصمة تبقى التسطيحة عندك والله ..

Post: #29
Title: Re: عنصرية ما يسمون بأبناء الهامش البواح
Author: اباذر عبد العال
Date: 02-14-2016, 06:53 AM
Parent: #28


العنصرية في كل السودان موجوده..فقط الذي نريد قوله الناس العوام متعايشين مع بعض

طبعا في مثقفاتية ومتعلمين وبتاعين مدارس يلولوا في الكلام وجاي وجاي ...!!

ويلفوا ويجو يقولوا عنصرية ...ويأججووا نيرانها حسب مصالحهم



Post: #30
Title: Re: عنصرية ما يسمون بأبناء الهامش البواح
Author: خالد المبارك
Date: 02-14-2016, 08:13 AM
Parent: #29

المستنير منير لك التحية

Quote: سلامات خاالد المبارك ...
أيوة طبعاً مافى إستعلاء فى المعاملة العادية .. لكين عندما يجى بروفيسور لابس بدلة وكرفتة ويطلب نسابة أسرة شمالية ويرفضوه حتى لو كسررقبته، فهنا تكمن العقدة الما عندها حل .. وطوالى زولك يحقد حقد مستديم .. وهذا مايسمونه الإستعلاء والعنصرية .. وأى واحد تشوفه يهوهو بعنصرية وإستعلاء الشماليين أعرف إنو دى عقدته الما لاقى ليها علاج ..
فما تتعب نفسك فى محاولة التحليل والإقناع ...



كلامك صحيح ، ثم انو مسألة التزاوج دي ظلت مرفوضة منذ دخول العرب السودان و هي تعد ارث و تقليدلا يمكن التنازل عنه مهما وصل الفرد في سلم التعليم
قد توجد طفرات في هذا المجال الا انها لا تحدث تأثيرات في المدى القريب ، و لو اعتمدنا على هذه الطفرات لانتظرنا قرونا عديدة حتى تحدث تسويات عرقية و يحل الاشكال !! و هذا هو الذي حدث للشماليين انفسهم بعد دخول العرب لمناطقهم

فدائما ما تأخذ عملية الاندماج و الاختلاط ازمانا عدة و هي لا تعد واحدة من الحلول نسبة لاستحالة تطبيقها او التحكم بها
ما عايز اتعب نفسي زي ما قلتي لكن .... ماهو الحل ؟





Post: #31
Title: Re: عنصرية ما يسمون بأبناء الهامش البواح
Author: خالد المبارك
Date: 02-14-2016, 08:24 AM
Parent: #30

Quote: اتفق مك صاحب البوست العنصرية من بنات أفكار الحركات المسلحة

أما مسائل الزواج فالشعب حساس جدا لها حتى أنه يرفض عريس من نفس القبيلة ونفس المستوى



هلا كمال الدين يوسف

Post: #32
Title: Re: عنصرية ما يسمون بأبناء الهامش البواح
Author: Deng
Date: 02-14-2016, 09:06 AM
Parent: #31

الأخ محمد حيدر.

سلامات

فيما يختص بموضوع الشهادة السودانية.

أعتمدت الحكومة السودانية اللغة العربية كلغة رئيسية وحيدة في البلاد، عندما يجلس الطلاب السودانين لأمتحانات الشهادة السودانية.
ومن غير النجاح في اللغة العربية ، يعتبر الطالب راسب تلقائيا ولا يستحق الشهادة.

بذلك مهدت الحكومة السودانية لعزل الطلاب الجنوبين، لأن الدراسة في جنوب السودان كانت باللغة الأنجليزية، وحتى المدارس الحكومية في جنوب السودان التي كانت تدرس المنهج العربي لم توفر لتلك المدارس معلمين أكفاء.

فهنا كانت تكمن المشكلة في توفير فرص عادلة للطلاب الذين يجلسون لأمتحانات الشهادة السودانية.

Post: #33
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 12:50 PM
Parent: #32

الأخوة من الفيسبوك
حزنك ياوطنى احزنى
و طيب الطيب ·
شكراً على تفهم وجهة نظرى ..
ويا حزنك ياوطنى الحاجز الإجتماعى ده ما تستهين بيهو .. فهو إشكال حقيقى لأنو متصل بالمفاهيم العرقية القديمة ، وهو يجتر مشاكل الماضى ويضعها فى الحاضر فى هذاا الأمر الحساس الذى يجرح الكرامة .. وطبعاً بما أن السودان وسيع والمواصلات مافى فقد إنعدم التواصل بين الأقاليم والمجموعات البشرية فظلت المجموعات مقفولة على بعضها طوال السنين .. ولكن طبعاً عندنا الوسط والعاصمة أصبحا بوتقة إنصهار وإلتقاء وزى ما قلت زمان أن هذا الوسط زى منتصف الحلة الذى تخلط فيهو العصيدة لغاية ما تتماسك .. ولذلك ترون أن المفاهيم القبليةة القديمة بدأت تذوب فى العاصمة والوسط حيث إلتقت الأسر من الشرق والغرب .. وبدأ تدريجياً التعايش المجتمعى ..
أما حكاية عنصرية الناس فى إحتكار االسلطة والتعليم والثروة فهو لا يعدو إلّا أن يكون عينك فى الفيل وتطعن فى ظله ..
وهسه لو جينا للسلطة والثروة أمشوا أفتحوا تلفزيون السودان تلقوا الوجوه الحكومية أغلبها أصبحت من الغرب .. لكين برضو أسطوانة التهميش والعنصرية دى ستظل مدورة لأن العلة الأساسية ليست مناصب سياسية بيد الحكومة بل تواصل مجتمعى بيد الشعب ..

كنا نأمل أن تنجض هذه العصيدة مع إتساع دائرة الوسط، لكين فجأة نطّوا لينا العنصريين زى قطع الشواطين وجرّوا العدداد للوراء لـ١٠٠ سنة .. لـنقطة الصفر .. فبدلاً عن أن تكون قضيتنا هى قضايا حرية وديمقراطية ودكتاتورية بقينا فى ده غرابى وده جلّابى وده ما عارف شنو وشنو ..

ومن دى يحلنا الحلّ بلة ..

Post: #34
Title: Re: عنصرية ما يسمون بأبناء الهامش البواح
Author: خالد المبارك
Date: 02-14-2016, 02:10 PM
Parent: #33

في العموم مسألة التهميش و العنصرية كانت و لا زالت ادوات تستخدمها الحركات المسلحة في محاولة لخلق هولوكوست سوداني يمكنها من جمع اكبر عدد من المناصرين داخليا و خارجيا
و من الجانب الاخر التقطت المنظمات الدولية الربحية القفاز من ايدي هذه الحركات فهو بالنسبة لها مولد و فرصة مواتية تستطيع من خلالها ان توفر بلايين الدولارات من جمع التبرعات و قد كان لها ما ارادت

يقول مراقب سياسي : لو ان جزءا يسيرا من الاموال التي تجمعها المنظمات بشأن دارفور كانت تذهب لما اعلن عنه لصارت دارفور جنه في الارض
لكن ده منو البديك دولار اذا كانت المسألة كلها مصالح و تمثليات و بزنس ؟؟
و هكذا دواليك الحركات تصرخ ابادة جماعية و تهميش و عنصرية و..و و.. و المنظمات تملأ خزائنها من التبرعات من اجل دارفور و لا شئ على ارض الواقع ... مصائب قوم عند قوم فوائد !!!

طيب ده هناك بزنس و كده ،، ناس الداخل ديل شايفين شنو من اشكال العنصرية في الشارع العام و لا مؤسسات الحكومة ؟








Post: #35
Title: Re: عنصرية ما يسمون بأبناء الهامش البواح
Author: كمال عباس
Date: 02-14-2016, 02:36 PM
Parent: #33

تحياتي أخ منيرv...
Quote: وبعدين ياخى اسطوانة إنو الإنقااذ أججتت العنصرية دى فكونا منها ، وأرجع لمداخلة الأخ على تاج الدين االذى لا أحتاج لتكرار كلامه
ى دعوة أن الإنقاذ أججت العنصرية والقبلية ومزقت النسيج الإجتماعي للبلد هذه حقيقة لها مايسندها وقد إعترف بها أهل الجلد في الإنقاذ ـ بإمكاني رفدك بإقتبسات موثقة لهم ! بعدين يامنير ـ إنت ماشائف إنو الطائفية علي علاتها قد نجحت نسبيا في تمتين النسيج الإجتماعي وتذويب الجهوية والقبلية في مؤسسة الطائفة وهي مؤسسة أعلي في السلم الإجتماعي من القبيلةأدني من القوميةـ نجح السيد عبد الرحمن في صهر الزغاوي والفوراوي والرزيقي والتعائشي وبعض القبائل النيلية في بوتقة واحد بعد مزق التعائشي النسيج القبلي ـ سجن علي دينار قتل زعيم الرزيقات وبعض قادة جبال النوبة وشيوخ الكبابيش والبطاحين ـ وإستعداء قبائل الشمال ، ثم جاء الإمام عبد الرحمن ليعالج كل هذا ويرتق النسيج الإجتماعي وهو مافعله السيد علي في الكفة الأخري؛ الإنقاذكما التعائشي قامت بتمزيق الإرث التسامحي النسبي الذي كان سائدا قبلها وفاقمت الفتن والنعرات......... قولك
Quote: المعضلة االرئيسية هى قضية إجتماعية فى الأساس العميق .. رفض التصاهر هو السبب المحرج الرئيسى الذى يجعل المرفوض يشعر بالمهانة والإحتقار ويعتبرها عنصرية واستعلاء
ى قلت في هذا
Quote: موضوع التصاهر ـ والتداخل الإجتماعي لايفرض بقانون ولايعالجه إي تشريع هذه قضية يعالجها الوعي والتطور الإجتماعي والثقافي ـ ومرور الوقت ... الرواسب الإجتماعية ـ الزمن و التوعية والتنوير كفيل بها !!
ى المطلوب حاليا
Quote: المطلوب حاليا هو التنمية المتوازية ودولة المواطنة والمساواة والعدالة و رفع التهميش والمرارات وعدم التمييز بين الناس بسبب لون البشرة والخلفية العرقيةمحاربة العنصرية عبر الإعلام القومي والتعليم وقوة القانون والدستور ـ وبفتح منافذ التوعية والتنوير ـ والتوزيع العادل للسلطة والثروة ،
ى ..

Post: #36
Title: Re: عنصرية ما يسمون بأبناء الهامش البواح
Author: أيمن نواى على
Date: 02-14-2016, 03:12 PM
Parent: #35

الخلاصة كوكو طلع مظلوم....ياخد حقو حار حار هسى ولا بى اثر رجعى......بالله ما تلوكو فى الكلام ساكت....ورونا كيف ومتين ناخد حقنا.....فترنا خلاص.....ما دام الحقيقة وضحت .....الدبارة كيف...

قالو هيثومى جاء داخل البيت يبكى....امه سالتو....منو الدقاك....هيثومى ساكت.....كنت بتلعب مع منو.....مع حمادة و وائل ولؤلى و كوكو......بس دا كوكو الدقاك....وين بيت ناس كوكو.
والله ياجماعة كوكو مظلوم ظلم الحسن والحسين.....لو كانت صبرت شوية كان عرفت انو دا ود الباوقة بتاع كع كع.

Post: #39
Title: Re: عنصرية ما يسمون بأبناء الهامش البواح
Author: د.محمد بابكر
Date: 02-14-2016, 04:05 PM
Parent: #36

Quote: "أنا لا أريد أن أكون زوج أختك ولكني أريد أن أكون أخوك في المواطنة الكاملة في امريكا"


هذا ما قاله مارتن لوثر كنق

واضيف عليه انا السودانى العادى ده انه

( ولكى تظلنا سماء واحدة ليس المطلوب ان نتصاهر لكن المطلوب هو ان نعمل سوياً لأجل بناء وطن يليق بنا ونتساوى فيه غض النظر عن دين او عرق او معتقد سياسى) كل ما دون ذلك لا يعدو ان يكون الا ابتزازاً او اعراضاً لاعطاب نفسيه وليحفظ الله السودان.

Post: #38
Title: Re: عنصرية ما يسمون بأبناء الهامش البواح
Author: محمد حيدر المشرف
Date: 02-14-2016, 04:04 PM
Parent: #1

دينق سلامات ..

العنصرية في المجتمع السوداني لا تحتاج الا أن تكون أعمى تماما كي لا تراها .. ودي طبيعة وجوهر اساسي في البناء القبلي .. طالما ان وحدة بناء المجتمعات هي القبلية ..

فالعنصرية موجودة الناس بتخلط بين تمظهرات مختلفة للعنصرية .. وحاصرنها في واحد بس من تمظهراتها والمتمثل في ت ح ق ي ر الآخر .. وجوه مظهر الت ح ق ي ر ده تلاقيهم حاصرنها اكتر في ت ح ق ي رالاكثر سوادا او زنوجة ..

والكلام ده غلط ..
العنصرية تشمل الاستعلاء والاحساس بالافضلية والتميزالعرقي او الطبقي .. حتى ولو لم يصاحبها ت ح ق ي ر للآخر

ثم انهم يحصرونها في مستوى تعامل الافراد مع بعضهم البعض .. وهي قطعا تمتد بصورة اكثر بشاعة لتعامل مؤسسات الدولة مع مجموعات سكانية باكملها من خلال فرض ثقافة آحادية عليهم .. ويكون الامر اكثر سوءا عندما تكون هذه الثقافة المفروضة فرضا ذات سمات عنصرية تدخل في تركيبتها التاريخية والحضارية والبنيوية حتى .. كما هو الحال مع الثقافة العربية .. (البنيوية دي راجعة برضو للقبلية باعتبارها وحدة البناء المجتمعي ..)

متلازمة التهميش والعنصرية لم تأت من فراغ . لان التهميش لم يأت من فراغ .. واحتكار السلطة والثروة لم يأت من فراغ .. والتمييز الايجابي لبعض المكونات الوطنية على حساب الاخرى لم يأت من فراغ .. هي تراكمات مأزومة لعقل جمعي مأزوم ظل مهيمنا على الدولة السودانية وقادها فيما قادها لهذا الفشل البائن .. وكانت متلازمة التهميش والعنصرية هذه واحدة من افرازاتو ..

اقول ان للعنصرية اوجه كثيرة ومستويات متعددة ومتداخلة .. ومن الخطأ محاولة اختزالها وتمييعها بالتركيز على مظهر من مظاهرها بغية اصدار صكوك البراءة .. الكلام ده ما بجي ولا يثمر غير ذات الازمة واعادة انتاجها ..

مودتي يا صديق ..

Post: #40
Title: Re: عنصرية ما يسمون بأبناء الهامش البواح
Author: محمد حيدر المشرف
Date: 02-14-2016, 04:38 PM
Parent: #1

الاخ الطيب من نافذة الفيسبوك
تحية طيبة وحبابك عشره يا عزيزي ..

Quote: نير كالعادة زول واقعى وكلامو اقرب للمنطق اما دكتور المشرف ده بلولو الكلام عشان يوصلو للكيزان والحكومة الشطر الميت على قول منير والمصرين الطارحين نفسهم مثقفين انو يرضعو منو القصة دى متشعبه ومن الثقافات المتاصلة مجرد نقاش مابحلها


كلامي ما فيهو لولوة .. هو مختلف عن كلام منير بالتأكيد ولكنو كلام عديييييل وعارف اتجاهو تمام التمام .. وهو بصورة عامة ضد الدولة السودانية .. الانقاذ وما قبل الانقاذ .. مع تأكيد حقيقة أن الانقاذ تمثل التجلي الأعظم لهذه المسالة ..

يعني مثلا قصة الزواج والمصاهرة دي اصلا انا ما شايفها ازمة على الاطلاق .. وهي غير مطلوبه لذاتها .. حلفاوي يرفض جعلي او هدندوي يرفض مصاهرة نوباوي او حوازمي يرفض مصاهرة شوايقة او العكس .. ده اصلو ما مشكلة .. هذه اعراض خفيفة لسرطان حقيقي وقاتل ويقتل بالفعل في جسد الامة السودانية .. هذا لو كان هناك كيانا جامعا قد نسميه بالامة السودانية .. شفت المفارقة دي كيف ؟!!

كلامي عن التعليم مثلا .. عن الصحة .. الارتقاء المهني الخ .. لم يكن لولوة ..
هسع دي أمشي طلع احصاءات حول هذه المسائل ..
شوف مثلا نسبة نسبتنا كشماليين .. قول 30 % من المجتمع السوداني .. ثم شوف نسبة الطلاب الشماليين في كل الجامعات السودانية .. وعلى ذلك قس يا عزيزي .. نسبة التسرب من المدارس .. متوسط الدخل .. فرصة الحصول على الخدمات الطبية النوعية ... نوعية المسكن .. الخدمات .. امكانية العمل في الوظائف الدنيا كالخدمة في البيوت والنظافة العامة والدرداقة وست الشاي غسيل العربات الخ ..

اخيرا الموضوع ليس حبا في الادانة او جلد الذات او تملق الاخر .. يتملقوهم عشان يعملو لينا شنو يعني .. ما هم نازلين فينا نبذ لمن ربنا غفر لينا في هذا المنبر .. وردود الفعل لا تميز بين زول وزول ..

الموضوع انو البلد دي يدور فيها نقاش حقيقي .. وانو الناس تمسمك مشاكلها واحده واحده وتواجهها بشجاعة ورغبة حقيقية في التغيير عشان البلد تمشي لى قدام وتسعنا جميعا وونعم فيها كلنا .. واجيالنا القادمة .. بالسلام والامان .. دي الفكرة يا عزيزي ..

مودتي

ما وجه اللولوة في هذا الكلام ؟!!

Post: #41
Title: Re: عنصرية ما يسمون بأبناء الهامش البواح
Author: أيمن نواى على
Date: 02-14-2016, 05:00 PM
Parent: #40

ود المبارك
اولا مفروض تغير عنوان البوست .....بعد ان ثبت بالدليل القاطع الساطع الذى لا ياتيه الباطل من بين يديه....بعد حدث الاخوة الكرام.....
لقد اخذ الموضوع التحليل والتشخيص مافيه الكفاية....المطلوب العلاج...الدواء الدواء......انحنا مستعجلين شوية......عندنا اطفال فى الكراكير دايرين يشمو هواء.... وحقهم فى التعليم والعلاج.....وحرمو من حقهم من الخيرين فى العلاج اطفال السودان...البتعالجهم وضاحة.....نطالب بحقهم من الحكومة والخيرين اسوة باطفال السودان.
ياجماعة ما تقيفو فى التشخيص.....اتكلمو عن المخرج....الحلول الحلول.....الدواء الدواء
ماتخشو بى خوجلى وتطلعو بى حمد.

Post: #42
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 05:32 PM
Parent: #41

Quote: ياجماعة ما تقيفو فى التشخيص.....اتكلمو عن المخرج....الحلول الحلول.....الدواء الدواء
ماتخشو بى خوجلى وتطلعو بى حمد.
الأخ أيمن نواى .. الحل هو نظرية العصيدة، وأن نترك المجتمعات تتفاعل مع بعضها بسلام بدون تحريض وحرب .. الحكومة دى متضخمة بسبب الترضيات الجهوية اللانهائية الذى يستفيد منها لوردات السياسة والحرب .. ودرب الحرب هو الذى يحشر البسطاء فى الكراكير وفى نفس الوقت يضيِّق على العِباد فى باقى البلاد ..
وقول الحمدلله لله أنو رغم الجراح إلّا أنه لايزال هناك حد أدنى للإتفاق .. والحكومة الـ الناس متهمنها بالعنصرية والجهوية دى أقول أنها بإتفاق الجميع أنها حكومة أيدلوجية دينية وما يجمع أفرادها هو الآيدلوجيا الدينية .. فيبقى من الإستعباط دمغها بالعنصرية بينما الجميع يعرفون أن الولاء لتنظيم الأخوان هو الذى يجمعهم .. وتنظيم الأأخوان المسلمين ليس جهوياً ــ شاء من شاء وأبى من أبى ــ بل إن غلاة الإسلاميين أغلبهم من أقاليم مهمشة .. وأضرب مثلاً خليل ابراهيم وأخوه جبريل أكاد أجزم أنهم ماشافوا الوسط إلاّ فى مرحلة الجامعة .. فما ممكن بحجج المعارضة الناس عاوزة تلوى الحقائق .. الجهويين يوصمون الحكومة بالعنصرية ــ والجهوويين ديل ذاتهم كيزان ــ بينما فى نفس الوقت تجد أعداء الحكومة اليساريين يعادونها على أساس أنها حكومة كيزان .. والشعب منتبه كويس لهذا الخلط المتعمد من اليسار والجهويين .. وعشان كده ماعاوز يثور وينتفض ..

Post: #44
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 05:43 PM
Parent: #42

Quote: بعدين يامنير ـ إنت ماشائف إنو الطائفية علي علاتها قد نجحت نسبيا في تمتين النسيج الإجتماعي وتذويب الجهوية والقبلية في مؤسسة الطائفة وهي مؤسسة أعلي في السلم الإجتماعي من القبيلة

ههه والله ياكمال خليتنى أبتسم مع إنى كسلان من الضحك مع البرد الشديد ده :) ..

ياخى أنا خلّنى، كدى أمشى أقنع باقى الناس بالطائفية دى .. :) ..

ياخوى العزيز لوحاولت تشكِّر الطائفية سيجتمع عليك الجهويين واليساريين واليمينيين والجمهوريين والسلفيين ويرجموك حى ..


Post: #45
Title: Re: عنصرية ما يسمون بأبناء الهامش البواح
Author: محمد حيدر المشرف
Date: 02-14-2016, 05:56 PM
Parent: #42



مداخلات الاخ العزيز منير نبهتني لحقيقة غائبة ..
انو الناس لمن تكون معتادة على رؤية شيء مشوه , تفقد الاحساس بتشوهاته ... اللهم الا ظهرت حاجه ODD

عشان كده لمن نطالع في الصحف وعبر السايبر والاعلام .. لمن نطالع اسماء المتنفذين والقيادات العليا والوسيطة في المؤتمر الوطني والحركة الاسلامية والحكومة .. فانه لا يسترعي انتباهنا الا "غير الشماليين" .. ونشير نحوهم بالاسم .. ونفرح بذلك كدليل على "قومية الحكومة/الحزب/الحركة الاسلامية/السلطة ..

خذ جولة في كافوري والمنشية والرياض والطائف ..
خذ فكره وتعال بكره حول اصحاب الشركات الكبرى في السودان ..
اذكر اسماء اكثر 10 متنفذين في السلطة الحاكمة ..
اكثر 20 ..
اكثر 100 ..

لن يسترعي على كرتي انتباهك .. نافع .. بكري حسن صالح .. عبدالرحيم .. اخوان البشير .. امين حسن عمر .. مدير مكتب البشير .. رئيس اركان القوات المسلحة .. وزير الدفاع .. وزير الخارجية .. رئيس القضاء .. رئيس البرلمان .. قيادات الشرطة .. هيئة الاركان .. رئيس جهاز الامن .. ..

لا يسترعي كل هؤلاء انتباهك بالقدر الذي يسترعي انتماء قدييييم لشخص تم اغتياله بواسطة ذات السلطه اسمو خليل ابراهيم ..
فلا تملك الا ان تخرج بالصياح وجدتها وجدتها !!

وهكذا الحياة

Post: #43
Title: Re: عنصرية ما يسمون بأبناء الهامش البواح
Author: حماد الطاهر عبدالله
Date: 02-14-2016, 05:37 PM
Parent: #40

(شوف مثلا نسبة نسبتنا كشماليين .. قول 30 % من المجتمع السوداني .. ثم شوف نسبة الطلاب الشماليين في كل الجامعات السودانية .. وعلى ذلك قس يا عزيزي ..
نسبة التسرب من المدارس .. متوسط الدخل .. فرصة الحصول على الخدمات الطبية النوعية ... نوعية المسكن .. الخدمات .. امكانية العمل في الوظائف الدنيا كالخدمة
في البيوت والنظافة العامة والدرداقة وست الشاي غسيل العربات الخ .. )
أخي المشرف
تحياتي
أتفهم وجه نظرك تماما، وما ذكرته من مفارقات أكدته إحصاءات ونسب فعلية وردت بالكتا ب ( سيئ الذكر) الكتاب الأسود، ومثل هذه المعلومات هي حق أريد بها باطل
لكونها تقارن بين مجتمع متحضر ومتمدين وأخر قروي أو أهله رحل، فكيف تتساوي الفرص في التعليم؟ أو التوظيف؟ أو الإستمرارية أصلا بالتعليم؟ فالقلة التى تهيأت لها
ظروف ما ودرست من أبناء الأقاليم والهامش لم يعترضها أحد وتجاوزت كثير من العقبات حتى عقبة المصاهرة تجاوزتها! فلماذا تخلط الناس الأمور هكذا؟ فالذين تمردوا
كانوا ولم يزالوا خليط من كل السودان، وتتلخص قضيتهم في هم إقتسام السلطة والثروة بمفهوم لعيبة الفريق الواحد - مفهوم الشلة، ولحدى هذه اللحظة فإن بعض الشلل متحدة
ومتماسكة ولم تفلح القبلية أو الجهوية في تفتيتها ولم يزل يتم الزواج بين كل فئات وجهات وقبائل المجتمع السوداني لم يمنعه بحر أو غرب أو شمال أو وسط، وكل ما في المسألة
فهم للمصالح والإرتباطات .... ونظرية العنصرية بمعناها الغربي لا تنطبق على السودان نهائي فلا تتعبوا أنفسكم بالتنظير فيما لا يفيد.

Post: #46
Title: Re: عنصرية ما يسمون بأبناء الهامش البواح
Author: محمد حيدر المشرف
Date: 02-14-2016, 06:18 PM
Parent: #43



الاخ العزيز حماد ..
تحية طيبة ..
وشكرا على المداخلة المحترمة ولكن ..
اليس من الخطأ اعتبار كل الشمال كمنطقة حضرية في مقابل باقي السودان ..
ثم اين المراكز الحضرية العريقة في غرب السودان على سبيل المثال ؟!!
لماذا لم تنهض المراكز الحضرية في السودان على قدم المساواة ؟!!
الحرب ؟!!
ولماذا الحرب ؟!!

هذه دائرة شريرة كجدلية البيضة والدجاجة ولكن ..
يجب التعامل مع الشواهد بعيدا عن الرغبوية والتبريرية العالية ... يجب التعامل مع الشواهد والاحصاءات كما هي وبهدف وضع المعالجات لها كمشاكل قائمة وموجودة وتمس حياة الناس بصورة مباشرة ..

مودتي ..

Post: #47
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 06:47 PM
Parent: #46

Quote:
اليس من الخطأ اعتبار كل الشمال كمنطقة حضرية في مقابل باقي السودان ..
ثم اين المراكز الحضرية العريقة في غرب السودان على سبيل المثال ؟!!
لماذا لم تنهض المراكز الحضرية في السودان على قدم المساواة ؟!!
ههه ياأخى المشرف بالغت .. هل تظن الأخ حماد قاصد حضارات نبتة والبجراوية وكوش؟؟

المفهوم والواضح هو مناطق التمدن والتعليم الحديث الذى يؤهل للخدمة المدنية ودواوين الحكومة كأفندية .. وهى الخرطوم والأقليم الأأوسط متمثلاً فى مشروع الجزيرة كبؤرة حداثة..
ولذلك كان أهل الشمال أسبق للإلتحاق بالتعليم الحديث بسبب هجرتهم للعاصمة والوسط منذ عهود .. وذلك لضيق الأرض والموارد فى الشمال مع إزدياد تعداد السكان .. وذلك ليس مثل المجتمعات الرعوية المرتبطة بالمواشى والترحال ..
فالشمالى الذى جاء للمركز تعلّم وتوظّف ، ومن بقى فى أرضه ظل تربال أغبش حتى الآن ..

Post: #48
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 06:52 PM
Parent: #47

Quote: وهكذا الحياة

ياخ والله نبّهتنى للتوقيع بتاعى إنو اختفى !!..
من عبث ببروفايلى؟؟!!

Post: #49
Title: Re: عنصرية ما يسمون بأبناء الهامش البواح
Author: عبدالعظيم عثمان
Date: 02-14-2016, 07:35 PM
Parent: #48


تناول موضوع العنصرية في السودان من منظور ( مركز /هامش) قد يكون في خلل

لذلك يجب أن نبتعد قليلا عن التناول الجهوي لأزمة العنصرية وعدم ربطها بجهة أو عرق
ولكن مناقشتها كسلوك منتشر وكثقافة منقولة عبر الأجيال
قد يكون بعض أهل الشمال أيضا ضحايا هذه العنصرية كما هو الحال لأهل الهوامش (بما فيها هامش الشمال)

مدخل هام : العنصرية التي قامت علي أنقاض تجارة الرقيق وما تبعها من تصنيف وتمييز إجتماعي وعرقي
كما هو معلوم إنتشار تجارة الرقيق في السودان أبان القرن التاسع عشر.. ومع الإحتلال التركي 1821
إرتفع الطلب علي الرقيق " البحث عن الرجال" وكان هو شعار حملة الإحتلال .. هذا العامل الرئسي
في إنتشار هذا الغبن التاريخي بين المكونات الإجتماعية المختلفه .. هذه نقطة سوداء قبيحة في تاريخ السودان
وطبيعي أن يتشوه مجتمع يباع بعضه رقيقا في الأسواق والا تنشأ تقسميات تعتمد علي التمييز .. لذا الثقافة
العنصرية التي تذخر بها الثقافة السودانية والتي تمارس ليل نهار لها جذور ولها منابع ..

بداية التصحيح هو الإعتراف بهذا السلوك القبيح ومحاوله الحد منه ومحاربته
الهروب منه وعدم تحمل المسؤليه لن يزيد الأمر إلا تأجيجا .. أذا حاولنا أن نجد مخرجا
لكل شخص عنصري لن يتوقف هذا السلوك .. إذا لم نشعر بالحرج ونحن نقول عن بعضنا البعض عبيدا وفرخا
وسراري .. لن تحل هذه المعضلة أين كان منشأها .. يجب الا تربط بجهة او مجموعة عرقيه ...

نسمع كثير هذه العبارات تتردد بإستمرار :

( حر وود عرب ) ( عب وفرخ) ( ود بلد) ( حرة وبنت بلد ) ( خادم مطرطشه) ... يتم تداول هذه العبارات شفاهة
ويتم تلقينها للصغار وهكذا يستمر المجتمع في توريث هذه الثقافة العنصرية القبيحة ..

نسمع كثيرا من العبارات التي تحمل حمولات عنصرية : دا غرابي فرخ / دا أدروب ساكت / دا حلبي مقطع
دا عريبي أهل عوض ... دي كلها ألفاظ عنصرية يجب الحد منها ومنع إنتشارها ..

هذه القضية يبدأ حلها في مناهج التعليم وترسيخ مفهوم المواطنة والمساواة بين أفراد الشعب السودان
وسن قانون يجرم إستخدام هذه الألفاظ العنصرية ... حتي ينشأ مجتمع معافي وصحيح خالي من هذه الثقافة القبيحة

Post: #50
Title: Re: عنصرية ما يسمون بأبناء الهامش البواح
Author: عبدالعظيم عثمان
Date: 02-14-2016, 07:43 PM
Parent: #49

Quote:
الغريبة نظام الانقاذ جاء للسلطة منذ 1989 يونيو....وحتى 2003 لم نسمع يوما بمصلحات العنصرية والجهوية والعرقية تستعر اوارها
الا عقب مفاصلة رمضان وبروز المؤتمر الشعبى بكتابه الاسود ...حينذاك بدأت الغرائز العصبوية هيجانها...ومن ثم انطلت الفرية على
البسطاء وهى ان نظام الانقاذ هو من اثار النعرات العنصرية والجهوية ...




سلام علي تاج الديـن

نظام الإنقاذ نظام عنصري وأجج العنصرية والقبليه
كثيرة هي الشواهد التي تدل علي هذا :
الإنقاذ هي التي فرزت المجتمع علي أساس قبلي وعنصري
وهي التي قسمت إقاليم السودان الخمسه الكبري الي كانتونات قبلية
وأدخلت المحاصصات القبليه في قسمة السلطة والمناصب الوزاريه

الإنقاذ ذهبت الي أبعد من ذلك وحولت الإدارة الأهليه الي كيانات شبة سياسية
وأستحدثت مجالس الشوري في جميـع القبائل وسيطرت علي القبائل
الإنقاذ هي من أضافت : القبيله الي إستمارة التوظيف لقطاع البترول

يا زول إنقسام الإنقاذ ومفاصلتهم الشهيرة الفرز فيها كان علي أساس قبلي
الصراع بين الشفيع وغازي علي الأمانة العامة ..
علي مر تاريخ السودان لم تصدر وثيقة عنصرية مثل الكتاب الأسود " الذي خرج من رحم الصراع بين الإسلاميين"

الإنقاذ نظام عنصري الصراع الداخلي فيه الآن هو صراع قبائل
وليس فيه أي شيء من الحداثه أو صراع المؤسسات

Post: #51
Title: Re: عنصرية ما يسمون بأبناء الهامش البواح
Author: سيف الدين بابكر
Date: 02-14-2016, 08:00 PM
Parent: #50

Quote: كتابه الاسود


من أصدق الكتب

كتاب يكشف عن حقيقة الأقلية العرقية المزيفة التي تتوارث السلطة والثروة منذ 1956

يتقلبون فيهما بغض النظر عن التوجه العقدي أو السياسي: مهدويين - ميرغنيين - شيوعيين - عروبيين - قوميين - متأسلمين - كافرين!!

المهم هو أن لا تنكسر حلقة مغلقة لتدوير السلطة والثروة بين (العرقية) وليس المهم هو دين أو عقيدة أو توجه هذه العرقية.

فماذا تنتظرون من الأغلبية العرقية السوداء؟

عجبت لمن لا يملك قوت يومه كيف لا يشهر سيفه؟


Post: #52
Title: Re: عنصرية ما يسمون بأبناء الهامش البواح
Author: محمد حيدر المشرف
Date: 02-14-2016, 08:06 PM
Parent: #1



Quote: هل تظن الأخ حماد قاصد حضارات نبتة والبجراوية وكوش؟؟


لا يا منير ..
لم يطرأ هذا الفهم على بالي ولم افكر فيه الا عندما قرأت كلامك ..


ممتاز انو الناس تتناول العنصرية من مداخل مختلفة كما ورد في مداخلة الاخ العزيز عبدالعظيم ..
الا ان مركزية "الدولة المركزية" في صناعة وتفاقم هذه المسألة يجب ان تكون أمام اعيننا جميعا ..
ليست بعيون معارضة ولا عيون موالية ولا عيون محايدة ..
بل بعيون وطنية تتطلع للامام ..
مسألة العنصرية اخطر بكثير من مجرد اختلاف سياسي ..

تحياتي للجميع ..

Post: #53
Title: Re: عنصرية ما يسمون بأبناء الهامش البواح
Author: عبدالعظيم عثمان
Date: 02-14-2016, 08:16 PM
Parent: #52

شوفوا جنس الكلام دا عن جذء من تاريخ السودان :

Quote:
. ورد في طبقات ود ضيف الله:
" يحكى عن الشيخ حسن ود حسونة أنه سعى العبيد وأركبهم الخيل
وقال بحري بيهم سعيتي. وكان عددهم المتعارف عند الناس خمسماية
عبد، كل واحد شايل سيف قبضته وإبزيمه ومحاجره من الفضة" . ولعل
الملوك والشيوخ وسراة القوم كانوا يرون في امتلاكهم أكبر قدر من
الأرقاء امتيازاً يعلي مقامهم ويمنحهم الهيبة في سلطتهم السياسية
والدينية. يصف ود ضيف الله في طبقاته كيف أنّ حشداً من الإماء كن
في خدمة ضيوف الشيخ وزواره:- " ...مائة وعشرون فرخة فاتية
شايلات قداحة الكسرة ، وكل واحدة تابعاها فرخة شايلة صحن وراها
فرخة شايلة قرعة" ..
بل إن الشيخ كان يتباهي بأن الناس تزوره للفرجة على خدمه وجواريه
" ...الناس بتجي بتتفرج في فروخي وفرخاتي !!"
– ويعني بالفرخ والفرخة هنا العبد والخادم.


الموضوع أعمق من أن يختزل في صراع الهامش والمركز
ومحاولة التجريم والتنصل من المسؤليه والهروب من مواجهة أزمة عميقة
عشان كدا يا خالد المبارك صعب أن تلصق إتهام العنصرية علي أبناء الهامش
وأيضا يصعب أن يلصق أبناء الهامش العنصرية علي أهل المركز أو الشمال النيلي
العنصرية مرفوضه أينما كان منبعها

أي تسطيح أو إختزال لموضوع العنصرية لن يزيد النار إلا إشتعالا

Post: #54
Title: Re: عنصرية ما يسمون بأبناء الهامش البواح
Author: عبدالعظيم عثمان
Date: 02-14-2016, 08:27 PM
Parent: #53

Quote: الا ان مركزية "الدولة المركزية" في صناعة وتفاقم هذه المسألة يجب ان تكون أمام اعيننا جميعا ..


سلام يا دكتور

أتفق معك بأن الدوله المركزيه كان حاضنة ما ورثه السودانيين قبل مئات السنين عن
العنصرية والإستعلاء والتميز .. ومسؤليتها في أنها خلال ال60 الماضية لم تشرع في محاربه
العنصرية ولم تطلع بدورها في رفع ثقافة الشعب بالمساواة ولم تبشر بالمواطنة والعقد الإجتماعي
الذي يتساوي فيه الناس .. يقع الوم علي القيادات السياسية التنفيذيه والمفكرين والمثقفين في المركز
عن تقاعسهم عن الدور الكبير الذي يجب أن يطلعوا به في الخروج من أزمة ما بعد مجتمع الرق في السودان

الآن تقع المسؤليه أيضا علي المثقفين والسياسين عن تقاعسهم عن دورهم في رفع وعي المجتمع بضرورة
الحد من الممارسات العنصرية ..

تحياتي

Post: #55
Title: Re: عنصرية ما يسمون بأبناء الهامش البواح
Author: أيمن نواى على
Date: 02-14-2016, 08:31 PM
Parent: #52

التعليم
الجامعة الثانية بعد جامعة الخرطوم......المفروض تكون فى كردفان.....لقد تم جمع التبرعات من الاسواق....وفرضو مبالغ على المواطنين فى كردفان ودارفور.....بعد جمع الاموال......انشاءت الجامعة فى الجزيرة.....كما حدث لطريق الانقاذ الغربى......والامثلة كثيرة......برضو تقولى متخلفين.

Post: #56
Title: Re: عنصرية ما يسمون بأبناء الهامش البواح
Author: عبدالعظيم عثمان
Date: 02-14-2016, 08:41 PM
Parent: #55

المجتمع السوداني مأزووم وسيحتاج الي جهد كبير حتي يتجاوز العنصرية

عندما كتب الطيب صالح عن " عن موسي الأعرج " في راويته عرس الزيـن
هو رمز لكل العبيد السودانين الذين تم بيعهم في سوق الله أكبـر ..
تم إلغاء الرق رسميا في العام 1898 يعني قبل : 118 عام .. هذا زمن ليس بعيدا
وطبيعي أن نتجرع الآن آلام هذه الممارسة القييحة ... وأن يكون لها تداعيات
اذا لم نعمل بجد في مواجهة العنصرية وأصبحنا نتهرب من الإقرار بنتائجها الكوارثيه
علي التسامح وعلي التعايش بين السودانين سنتحمل وزرها ووزر ما ستحمله ..

Post: #57
Title: Re: عنصرية ما يسمون بأبناء الهامش البواح
Author: عبدالرحمن الحلاوي
Date: 02-14-2016, 08:56 PM
Parent: #56

السلام عليكم جميعا
ً العنصرية والعنصرية المضادة ناتجة من النظام المأزوم ...العامة في كل السودان أبرياء وليس لهم يد مما يحدث ...لكن حتما ستنقشع الظلمة يوما ويعود الناس كما كانوا سودانيون وكفى

Post: #58
Title: Re: عنصرية ما يسمون بأبناء الهامش البواح
Author: أيمن نواى على
Date: 02-14-2016, 09:00 PM
Parent: #55

ميذانية التعليم للاقليم الشمالى.....كانت تدفع من جنوب كردفان.....والضريبة كانت فى جنوب كردفان تدفع مرتين.....اما التنمية مرفوضة تماما....كردفان الغرة خيراتها كلها مارقة برة......احتجاهم على الوضع المخذى اشعلو لهم الحرب.....حتى قروش البترول الموقعة فى الاتفاقية لم يوفو الالتزام بها.....نكروها حطب و اكلوها ضحى......اما قصة البنات الشماليات باطل اريد به حق......اجمل بنات فى السودان معروف فى تلس البنات السمحات وملس ....متعلمات وصفر شعرهم يكر فى الواطة......واهلنا البقارة كمان..... ما ممكن تخذلو القصة كلها فى لون.....كانو ود الغرب البسر القلب عيان مريض بصفار اللون.....دى مشكلة تانية مع العنصرية.

Post: #59
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 10:10 PM
Parent: #58

Quote: ميذانية التعليم للاقليم الشمالى.....كانت تدفع من جنوب كردفان

غايتو يا أيمن نواى أنا خاطبتك فوق على أساس إنك ممكن تكون زول موضوعى، لكين ما كنت قايل راسك محشو بجنس الدراب ده .. عندك إثبات ووثائق على كلامك ده؟؟
Quote: اجمل بنات فى السودان معروف فى تلس البنات السمحات وملس ....متعلمات وصفر شعرهم يكر فى الواطة..

بعدين منو الجاب سيرة سماحة البنات هنا؟ ..
لممعلومية الجميع كلامى عن االمشكل الإجتماعى لا يجب أن يُفهم منه مقارنات جمالية أو كبكبة .. بل المقصود أن عدم التصاهر الإجتماعى يفهمه الآخرون إستعلاء وعنصرية من الشماليين .. وذلك شعور مُتوقع .. لأن رفض الناس لأسباب جهوية وعرقية يدعو الناس للشعور باالمهانة والإستحقار .. وهذا هو أُس العنصرية الرئيسى لأنه يمس كرامة الإنسان ويحسسه بالمهانة حتى وإن لم يكن هو أصلاً راغب فى أى تواصل إجتماعى .. تكفى فقط حادثة واحدة ليقيف المجتمع على كراع واحدة ..

غايتو الواحد قاعد يؤذن فى مالطا ..

Post: #61
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 10:21 PM
Parent: #59

غايتو كتابة الأخ عبدالعظيم عثمان تذكرنى كلامى القبيل عن إزدواجية خطاب المعارضين الشماليين والجهويين .. هؤلاء يرمون العنصرية على والحكومة وأولئك يرمونها على الشعب الشمالى .. هذه المفاهيم الحولاء توضح بجلاء أن الجميع يعاينوا فى الفيل ويطعنوا فى ضله ..

Post: #60
Title: Re: عنصرية ما يسمون بأبناء الهامش البواح
Author: جمال ود القوز
Date: 02-14-2016, 10:20 PM
Parent: #58



كتثبيت لواقع لا مناص من تثبيته ..
(لم يكن السودان في يوم ما خالي من العنصرية ) ..
وحتى بين كل القبائل وبلا استثناء .. العنصرية موجودة ..
لكن رفع مستوى العنصرية في السودان و بالصورة التي نراها حالياً ..
بلا شك هو أمر مصنوع وتم اقحامه في المجتمع لمآرب سياسية ..
البقول كلام غير كده بيضحك على نفسه ..
قبل مايضحكـ على زول تاني ..

سلاح العنصرية ده صنعوه الاسلاميين ليحاربوا به بعضهم بعضا ..
كدي كل زول يرجع بتفكيره لي 15 سنة لي ورا ..
وحتى مع وجود هذا الحكم الأخرق ..
هل كانت هناكـ عنصرية بالصورة الشايفنها دي ؟ !! ..
الاجابة بتحدد ليكـ العنصرية دي صناعة سياسية ولا لا ..

مستوى العنصرية الكان موجود في السودان ..
الناس كانوا عايشين ومتعايشين معه بصورة مقبولة ..
لكن الحاصل هسه ده شيء يفوق الاحتمال ..
وحتى نحن كشماليين قد طفح كيل احتمالنا ..
وسئمنا من هذه العنصرية التي يتم غرسها قسراً في نفوسنا ..
ويتم تدجين مجتمعنا بها بكل هذه العباطة ..
التي لا تضع أي حساب لما ستلحقه بالوطن ..
من تأثير يصعب تجاوزه مستقبلا ..
النخب السياسية ولا اجل مكاسب سياسية رخيصة ..
أضحت تلعب بنار العنصرية بلا أي عقلانية ..
هسه يمين الواحد فينا كان ما عنصري ..
مع اسطوانة العنصرية المدورة في مجتمعنا دي ..
حيبقى عنصري غصباً عنه ...
ليه ؟
لأنه الشغلة هسه اتطورت ماوقفت على العنصرية وبس ..
أبداً الشغلة بقت اصطفاف وفرز صفوف ..
وظهرت آثار سلاح العنصرية الذي تم استخدامه بلا أي مسؤلية ..
الشغلة بقت حروب وقتل وكل طرف يريد محو الآخر من الوجود ..
وازاحته فقط لكونه ينتمي لقبائل بعينها ..
أه حنمشي وين من آثار العنصرية .. سيك سيك معلق فيكـ ..

بعدين حكاية العرس دي يا منير ما أظن سبب للحاصل ده ..
لأنها أصلاً ماكانت هاجس للناس ..
كل زول بيشوف مايناسب مجتمعه وثقافته وبيئيته ومعيشته ..
وبناءاً على ذلكـ بيختار من يقاسمه الحياة ..
اللهم الا زول مريض ويشكو من مشكلة نفسية ..
لايمكن تعميمها على بقية الناس ..
والا لاصبح الوطن كله يعاني من مشاكل نفسية ..

العنصرية صناعة سياسية وبامتياز ..
والمسئول عنها الاسلاميين ديل ..
قاتلهم الله ..
فقد فرقوا الوطن وشتتوا شمله ..
وده كله عشان يحكموا ..
حتى ولو على جماجم كل أبناء هذا الوطن ..
فلن يكترثوا ولن يبالوا ..
المهم ..يحكموا وبس .....



لم نكن نعرف قبائل أصحابنا حتى وقت قريب ..
الآن الوضع جد مختلف ..
فحتى أصحابنا نفروا مننا فقط لأننا ننتمي لاثنيات وقبائل بعينها ..
ولأن نيران العنصرية طالت مجتمعاتهم واهليهم ..

ربي افرغ علينا صبرا ..




















Post: #62
Title: Re: عنصرية ما يسمون بأبناء الهامش البواح
Author: أيمن نواى على
Date: 02-14-2016, 11:17 PM
Parent: #60

يا منير
من ضمن الاحتجاجات دفع ميذانيات للاقاليم الاخرى.....بشوف ليك المستند.....حتى الان ميذانية الولاية تصرف و تورد خارج الولاية.......وتقسيم الولايات فى كردفان مقابل الصمت لمورد البترول والصمغ والثروات الاخرى.....عائد الصمغ و البترول البيع واستلام المبالغ خارج الولايات الثلاث لاتدخل فى ميذانيات كردفان الكبرى.....المشكلة كبيرة.

Post: #63
Title: Re: عنصرية ما يسمون بأبناء الهامش البواح
Author: Munir
Date: 02-14-2016, 11:55 PM
Parent: #62

Quote: بعدين حكاية العرس دي يا منير ما أظن سبب للحاصل ده ..
لأنها أصلاً ماكانت هاجس للناس ..
ياودالقوز ياخى مابالك بمجتمع تعيش مكوناته فى بقعة واحدة فى وئام وسلام وحين تزف ساعة الوصل الحقيقى بين الأسر تبرز معضلة الجنس والعرق المعطون بالمحمول التاريخى المعلوم ؟؟ ألا يخلق ذلك ضغائن مكتومة ويجعل المجتمع عنده شلل نصفى؟؟
أها تانى نجى لنقطة تأجيج الإسلاميين للعنصرية .. والله ياجماعة رغم موبقات الحكومة لكين لمن الناس تصل النقطة الفارقة وتقوم تفك الحبل فى شماعة الحكومة ده أنا أعتبره هروب من الواقع ..
وطيب لو قلنا نمشى معاكم للآخر و افترضنا إنو الإسلاميين هم سبب العنصرية فأى شق من الإسلاميين هو المتعنصر .. فكما نعلم أن الإسلاميين فيهم الشماليين وناس الوسط وناس الغرب والشرق .. فمن تعنصر على من؟ وهل هؤلاء الإسلاميين كائنات من خارج السودان أم أن نسيجهم من نفس ألياف مجتمعاتهم التى انحدروا منها؟؟ ..
الملاحظ أن المعارضين الشماليين يفكون السبب فى الإسلاميين بدون تخصيص .. بينما الآخرين يحددون مباشرة أنهم الإسلاميين الشماليين فقط بينما ناس جبريل ابراهيم بريئين من العنصرية .. والشماليين المعارضين الكلام يفوت قعر أضانهم لكين عاملين رايحين ..

Post: #64
Title: Re: عنصرية ما يسمون بأبناء الهامش البواح
Author: Munir
Date: 02-15-2016, 00:07 AM
Parent: #63

ياأيمن نواى إنت قلت ميزانية التعليم فى الإقليم الشمالى كانت تدفع من جنوب كردفان .. أها ده نوع الكلام المطلوق على عواهنه ويعتبر ونسة عنصرية لتأجيج الضغائن ليس إلاّ ..

Post: #65
Title: Re: عنصرية ما يسمون بأبناء الهامش البواح
Author: الصادق آدم
Date: 02-15-2016, 00:09 AM
Parent: #64

اذن الخلاصه حسب راي خالد المبارك
ان العنصرية ليس لها وجود في السودان وان الحركات هي التي تفتعل ذلك٠



بصراحه لو انت مقنع بالكلام ده تكون داير ليك (فكي) لانو بجد كلام مجوبك

Post: #66
Title: Re: عنصرية ما يسمون بأبناء الهامش البواح
Author: الصادق آدم
Date: 02-15-2016, 00:17 AM
Parent: #65

يا منير قصة التعليم دا كوم براهو داير ليهو بوست منفصل وبعدين
عن علاقتوا بالعنصريه انا بري لو فعلا في منافسه وتكافؤ مبني علي الكفاءه والتحصيل العلمي لا خوفا علي شئ حتي لو يحكم البلد عائلة واحده

Post: #67
Title: Re: عنصرية ما يسمون بأبناء الهامش البواح
Author: أيمن نواى على
Date: 02-15-2016, 01:14 AM
Parent: #66

يا منير
دا الحاصل ومؤكد.....مافيهو شئ لو ولاية تدفع لولاية اخرى.....المشكلة فى عدم التوازن فى التنمية.....البترول دا كلو ما طالع من كردفان مشت خدمات لاقاليم اخرى والكثير مشى للجيوب الخاصة......انت عارف قروش البترول كم مليارات الدولارات واطفالها فى الكراكير.....بفعل فاعل واسباب واهية لدفع الاقليم للحرب والتهرب من دفع مستحقات التنمية......الحرب مفتعلة.....وان لم تكن هناك اسباب لبحثو عن اسباب اخرى.....القصد هو الاستلاء على خيرات الاقليم....كما تم الاستلاء على السلطة فى الخرطوم.....الاثنين وجهان لعملة واحدة..... التنمية المتوازنة.... . الولايات الشمالية سوف تكون لها نصيب من الولايات كردفان و دارفور هذا مما لاشك فيه...... ونحن ندعو الى ذلك تقسيم الثروة مع كل الولايات......نحن لا نريد ان نحتكر الثروة لوحدنا... .وذلك لنظرة مستقبلية وامن البلاد.

Post: #68
Title: Re: عنصرية ما يسمون بأبناء الهامش البواح
Author: كمال عباس
Date: 02-15-2016, 01:15 AM
Parent: #66

تحياتي أخ منير
Quote: ههه والله ياكمال خليتنى أبتسم مع إنى كسلان من الضحك مع البرد الشديد ده :) .. ياخى أنا خلّنى، كدى أمشى أقنع باقى الناس بالطائفية دى .. :) .. ياخوى العزيز لوحاولت تشكِّر الطائفية سيجتمع عليك الجهويين واليساريين واليمينيين والجمهوريين والسلفيين ويرجموك حى
ياأخ منير لايهمني رد فعل كل من ذكرت حيال رأي ورؤيتي فأنا لاأكتب إسترضاء لأحد أو طلبا للتصفيق وإنتزاع آهات الإعجاب و كذلك لا أتوخي في كتابتي مغبة خشية أو غضب أحد * هو رأي قابل للإختلاف والنقد ـ خلينا من كل هولاء ماهو رأيك أنت في مسألة الدور الإيجابي للطائفية فيما يتعلق بتذويب النعرات الجهوية والقبلية ؟** ثانيا لا أشكِر ـ في الطائفية وإنما أقوم برصد معطيات محددة أدفع بصحتها ـ وإعتقد أن إي إستقرأ للتاريخ ولعلم الإجتماع(البحت) وعلم الإجتماع السياسي وإي تحليل وفهم للتركيبة الإجتماعية للوطن سيقودلمثل هذه المحصلة والخلاصة --------- قلت في بوست آخر ــ * نقد ورفض بعضا من المظاهر السالبة للتصوف ، وإستغلال الدين والتجهيل والتبعية العمياء أيضا حق مشروع ولكن فعالية النقد وتغيير هذه الظواهر يجب أن يرتبط بحركة تنوير وإستنارة وتوعية وتعليم ومحاربةالجهل والأمية والتخلف وعملية تغيير إجتماعي وإقتصادي وتحديث وتطوير ضعفت الطائفية في السودان وكان النتاج الردة لمكونات إجتماعية أكثر تخلفاــ النعرات القبلية والجهوية التي كانت الطائفية قدأفلحت سابقا في تذويبها ـ بديل الطائفية كان يجب أن يكون مؤسسات وطنية ـ قومية وكيانات حديثة تمتن النسيج الإجتماعي وتقوي الروابط الوطنية وتقدم بدائل عصرية !* إن كان بديل ورثة الصوفية والقوي التقليدية ـ هي داعش والسلفية المتزمتة والإسلام السياسي فهذه كارثة وتداوي بالداء !* قد * التركيبة التقليدية ـ الصوفية والطائفيةـ علي علاتها تعد أكثر تسامحا وتعائشا من (داعش والسلفية المتزمتة والإسلام السياسي) فهي لم تقتل أو تقصئ ولم تحمل السلاح ولم تشحن توابعها بالعداء والكراهية !ـ والحقيقة أن إسلامنا الصوفي والشعبي أكثر قدرة علي التعائش وأكثر إنسجاما مع مزاجنا السوداني !*

Post: #69
Title: Re: عنصرية ما يسمون بأبناء الهامش البواح
Author: Deng
Date: 02-15-2016, 02:46 AM
Parent: #68

لقد تعبنا من تكرار الكلام في هذا المنبر، أحسن ننقل لكم من الأرشيف.


من هو السياسي المخضرم الذي قال"السودان بلد افريقي الوجود عربي التطلع والمصير"من هو السياسي المخضرم الذي قال"السودان بلد افريقي الوجود عربي التطلع والمصير"

Post: #70
Title: Re: عنصرية ما يسمون بأبناء الهامش البواح
Author: Deng
Date: 02-15-2016, 02:50 AM
Parent: #69

المفكر الجنوبى فرانسيس دينق المفكر الجنوبى فرانسيس دينق

Post: #71
Title: Re: عنصرية ما يسمون بأبناء الهامش البواح
Author: عبدالعظيم عثمان
Date: 02-15-2016, 11:34 AM
Parent: #70

Quote: غايتو كتابة الأخ عبدالعظيم عثمان تذكرنى كلامى القبيل عن إزدواجية خطاب المعارضين الشماليين والجهويين .. هؤلاء يرمون العنصرية على والحكومة وأولئك يرمونها على الشعب الشمالى .. هذه المفاهيم الحولاء توضح بجلاء أن الجميع يعاينوا فى الفيل ويطعنوا فى ضله ..


سلامات يا منيـر

يا أخوي لا إزدواجية ولا حول
العنصرية سلوك يمارس في السودان في كافة بقاعه
ولا يقتصر علي جهة بعينها ..
مثلا دارفور كانت تصدر رقيقا الي مصر وتركيا في عهد السلاطيـن
في الشمال إنتشرت تجارة الرقيق من قبل إتفاقيه البقط ..
يعني الموضوع جايط جوطة شديده تاريخيا ..
عشان كدأ أنا بقول الموضوع له جذور عميقة في السودان وإستفحل
بعد التركية .... السلوك العنصري له إرتباط وثيق بتجارة الرق في السودان
حيث ترجع أغلب النعوت العنصرية والتوصيفات الي ثقافة ما بعد تجارة الرق ..
لذلك ربطه بعنصرية مركزيه وعنصرية هامش إختزال لأزمة عميقة يجب مواجهتها

فيما يخص عنصرية الإنقاذ "ما تكون بتضايق من نقد الإنقاذ بس" عشان ما يكون الموضوع غلاط
الإنقاذ نظام عنصري قبلي أجج النزعة العنصرية والقبليه في البلاد والشواهد كثيره علي هذا :

نظام الإنقاذ قسم السلطة علي أسس قبليه
نظام الإنقاذ قوي شوكة رجال الإدارة الأهليه ومنحهم سلطات سياسية واسعه
نظام الإنقاذ يستشير رجال القبائل في الوظائف الدستوريه
نظام الإنقاذ الصراع الداخلي فيه صراع قبائل وتكتلات عشائريه
مراكز القوي داخل الأجهزة الأمنية ترنكز علي الفرز القبلي
الصراع بين رموز الإنقاذ هو صراع قبائل

يا زوول دا كلام أي زوول متابع لطبيعة الصراع الداخلي للتنظيم او الدوله يعلمه

ما حدث في دارفور ومن المتسبب فيه ؟
النظام ول الصراع الرافوي من صراع رعاة ومزارعين الي صراع عرب وزرقه
وسلح الجنجويد والذين تحولوا الي قوات دعم سريع بإشراف جهاز الآمن

يا زوول دا نظام عنصري قبلي متخلف

تحياتي

Post: #72
Title: Re: عنصرية ما يسمون بأبناء الهامش البواح
Author: Munir
Date: 02-15-2016, 08:25 PM
Parent: #71

سلامات أخى كمال عباس ..
كلامى الأخير ظننتك فهمت منه أنى أتفق معك ويمكن أكتر، بأن الحزبين الكبيرين هما يمثلان ثلاثة أرباع شعوب السودان .. وهما حزبان فريدان لأن ما يجمع أتباعهما ليس حب الدنيا والمصالح بل رجاء الآخرة والعمل الصالح ..
لكن طبعاً أنا أشِرت ليك للمجموعات التى قلت ليك سيرجموك حى لأنها مجموعات وفِرَق مغرورة ومتكبرة على جماهير هذين الحزبين ويعتبرونها جماهير جاهلة وأمية ومدروشة ووو ..
تمسك الشيوعيين يقولوا ليك طائفية رجعية .. تمسك الجمهوريين يقولوا ليك طائفية جاهلة شوهت التصوف .. تمسك السلفيين يقولوا ليك ديل قبوريين مشركين .. إلخ إلخ .. ويتجاهلون أن هؤلاء هم الشعب السودانى الوسيط الزهاد القايمين الليل .. ويتجاهلون أن قيمة الإنسان بزهده وأخلاقه وليس بشهاداته وأمواله ..
ده البعد الثالث لردى عليك وكنت أظنك فاهمنى من زمان لأنو أنا كتبت كتير فى الموضوع ده ..

Post: #73
Title: Re: عنصرية ما يسمون بأبناء الهامش البواح
Author: Munir
Date: 02-15-2016, 08:44 PM
Parent: #71

سلامات أخ عبدالعظيم عثمان .. الفقرة الأولى من ردك الأخير لاخلاف عليه .. ومجمل كلامى هنا يشبهه إلى حدٍ ما ، وهو كلامى عن أن الضغائن العنصرية سببها ممانعة التصاهر بسبب المحمول التاريخى لعوامل كثيرة ، منها العبودية ومنها كذلك الإختلافات المذهبية ــ ختمية أنصار ــ ومنها جهويات بينها من العنف ما لم يصنع الحداد ..
بالنسبة لإنتقاد الإنقاذ أنقد زى ماعاوز، أنا داقى فيها حجر دغش؟؟ :) .. بس أنا لو لاحظت فى ردى على جمال القوز طرحت سؤال .. بإفتراض إنو الإنقاذ عنصرية وأى حاجة.. سؤالى كان إنو ناس الإنقاذ ديل يتكونون من عدة بطون .. أها العنصريين فيهم منو؟؟ هل هم الشماليين أم الغرباويين أو ناس الشرق؟؟ منو بالظبط العنصرى .. لأنو كونك تفك الحبل على القارب كده وما تحدد منو العنصرى تكون متهرب من مواجهة الواقع .. وبعد ما تلقى إجابة هناك سؤال صغير تانى، هل الحركات المسلحة عنصرية واللا لا؟؟ ..
دعاة التهميش بيقولوها بالواضح إنو الحكومة حكومة جلابة وجميع شعوب ما يدعى مثلث حمدى عنصريين وكاتلين الجدادة وخامين بيضها .. أها إنت رأيك شنو؟؟

Post: #74
Title: Re: عنصرية ما يسمون بأبناء الهامش البواح
Author: Ahmed Khalil
Date: 02-15-2016, 10:15 PM
Parent: #73

ورد في مداخلة الاخ كمال عباس
Quote: ضعفت الطائفية في السودان وكان النتاج الردة لمكونات إجتماعية أكثر تخلفاــ النعرات القبلية والجهوية التي كانت الطائفية قدأفلحت سابقا في تذويبها ـ

تذويبها؟
والدليل المقال المشهور من هو علي عبد اللطيف الذي اصبح مشهورا حديثا والى أي قبيلة ينتسب ؟
مقال في صحيفة حضارة السودان التى يمتلكها كبار الطائفية بالسودان وقتها عبدالرحمن المهدى ،على ميرغنى والهندى.

Post: #75
Title: Re: عنصرية ما يسمون بأبناء الهامش البواح
Author: كمال عباس
Date: 02-16-2016, 02:41 AM
Parent: #74

الأخ العزيز أحمد خليل Ahmed Khalil
تحية
Quote: تذويبها؟
والدليل المقال المشهور من هو علي عبد اللطيف الذي اصبح مشهورا حديثا والى أي قبيلة ينتسب ؟
مقال في صحيفة حضارة السودان التى يمتلكها كبار الطائفية بالسودان وقتها عبدالرحمن المهدى ،على ميرغنى والهندى.


التذويب والصهر يقول به الواقع ــ وتدعمه معطيات التاريخ ، المقتبس أعلاه من مقال للكاتب كشة وهو المسؤول المباشر عنه ولكن مع هذا ـ تجدني أقر بأن السيدين وقفا ضد حركة اللواء الأبيض
وهي حركة وطنية وقومية ، تسامت علي الجهوية والقبلية ورفع شعار القومية ، وأن السيدين كذلك خططا لإسقاط حكومة الأزهري ـ حكومة الإستقلال ـ ودعما نظام عبود الخ
الي غير ذلك من السلبيات ـ راجع كلامي هذا
(( نقد ورفض بعضا من المظاهر السالبة للتصوف ، وإستغلال الدين والتجهيل والتبعية العمياء أيضا حق مشروع ولكن فعالية النقد وتغيير هذه الظواهر يجب أن يرتبط بحركة تنوير وإستنارة وتوعية وتعليم ومحاربةالجهل والأمية والتخلف وعملية تغيير إجتماعي وإقتصادي وتحديث وتطوير ضعفت الطائفية في السودان وكان النتاج الردة لمكونات إجتماعية أكثر تخلفاــ النعرات القبلية والجهوية التي كانت الطائفية قدأفلحت سابقا في تذويبها ـ بديل الطائفية كان يجب أن يكون مؤسسات وطنية ـ قومية وكيانات حديثة تمتن النسيج الإجتماعي وتقوي الروابط الوطنية وتقدم بدائل عصرية !* إن كان بديل ورثة الصوفية والقوي التقليدية ـ هي داعش والسلفية المتزمتة والإسلام السياسي فهذه كارثة وتداوي بالداء !* قد * التركيبة التقليدية ـ الصوفية والطائفيةـ علي علاتها تعد أكثر تسامحا وتعائشا من (داعش والسلفية المتزمتة والإسلام السياسي) فهي لم تقتل أو تقصئ ولم تحمل السلاح ولم تشحن توابعها بالعداء والكراهية !ـ والحقيقة أن إسلامنا الصوفي والشعبي أكثر قدرة علي التعائش وأكثر إنسجاما مع مزاجنا السوداني !* )