كفاية يا جماعة ارحمونا .. حولتم منبرا للنقاش والرأى ساحة للعراك والسب

08:05 AM Feb, 11 2016

سودانيز اون لاين
هشام عباس-
مكتبتى
رابط مختصر

كان الواحد من الصباح يفتش عن دقيقة يسرقها من وقت الشغل عشان يدخل المنبر يقرا شوية اما عن اخبار جديدة او متابعة نقاش ساخن مستمر
الان اصبح الواحد اخر ما يفكر فيه هو الدخول للمنبر لان اصبحنا على قناعة انو مافى جديد مؤكد فلان وفلان بيسبوا بعض وعلان بيشتم علان
لا والظاهرة الاوسخ من كل دا ان كل واحد حاشد اصحابه يستعين بيهم فى الحرب المقدسة دى .
مؤكد ان المنبر طوال فتراته مرت بحالات صراعات ومشاكل بين الناس لكن الامر كان فى اطار ضيق والغالب كانت نقاشات محترمة واراء جميلة تتفق او تختلف معها تستحق الاحترام
حاليا لا شئ يستحق .. دا نحنا وصلنا لدرجة تبرير الخطا ان كانت عنصرية او اساءة
ارحمونا او على الاقل ان لم نستحق الرحمة ارحموا تاريخ هذا المنبر
عيب والله الواحد يصحى من الصباح يكون كل همه كيف ينتصر لنفسه من فلان او كيف يسخر من فلان او كيف يسئ لفلان ليعيش فى زهو زائف ولا يفكر ولو لمرة ان يفتح خيطا او بوستا يفيد
مؤكد كلنا بننزلق لعراك ما او مشكلة ما اثناء نقاش حاد فى بوست لكن الذى اقصده من جعلوا من هذا الامر منهجا وسياسة لهم واغرقوا المنبر بمثل هذه الامور .
قد يكون السيد بكرى ابوبكر سعيدا لعدد المشاهدات والمشاركات والزحام الذى يخلقه مثل هذه البوستات ان كان كذلك فهو من حيث لا يدرى يدق اول مسمار فى نعش منبره التاريخ

الاخ الاستاذ هشام
اتفق معك تماما و نرجو الا نكون من هؤلاء الذين ذكرتهم
واذا كنا فلك العنبى حتى ترضى ( وما ابرئ نفسى ان النفس لامارة بالسوء)

Quote: الاخ الاستاذ هشام اتفق معك تماما و نرجو الا نكون من هؤلاء الذين ذكرتهم واذا كنا فلك العنبى حتى ترضى ( وما ابرئ نفسى ان النفس لامارة بالسوء)

دكتور احمد سلامات
بالتاكيد لم ولن تكون من هؤلاء يوما
المقصود اصحاب الصراعات الشخصية لا الصراعات الفكرية
تحياتى

العزيز هشام
اولا اعتذارى الكامل لما بدر منى و ما سيبدر
ولكن
حتة ساقنى ليها زول و تهمة بالافك و النفاق و توابعها
و الزول ده من المفترض انو يكون قدوة لينا نحنا الجدد بحكم اقدميتو او هكذا افترض
معليش غض الطرف عنى اليومين ديل حتى ينهار الصنم
و كرر اعتذارى لك و لى استاذى احمد الحسين

Quote: كان الواحد من الصباح يفتش عن دقيقة يسرقها من وقت الشغل عشان يدخل المنبر يقرا شوية اما عن اخبار جديدة او متابعة نقاش ساخن مستمر الان اصبح الواحد اخر ما يفكر فيه هو الدخول للمنبر لان اصبحنا على قناعة انو مافى جديد مؤكد فلان وفلان بيسبوا بعض وعلان بيشتم علان لا والظاهرة الاوسخ من كل دا ان كل واحد حاشد اصحابه يستعين بيهم فى الحرب المقدسة دى . مؤكد ان المنبر طوال فتراته مرت بحالات صراعات ومشاكل بين الناس لكن الامر كان فى اطار ضيق والغالب كانت نقاشات محترمة واراء جميلة تتفق او تختلف معها تستحق الاحترام حاليا لا شئ يستحق .. دا نحنا وصلنا لدرجة تبرير الخطا ان كانت عنصرية او اساءة ارحمونا او على الاقل ان لم نستحق الرحمة ارحموا تاريخ هذا المنبر عيب والله الواحد يصحى من الصباح يكون كل همه كيف ينتصر لنفسه من فلان او كيف يسخر من فلان او كيف يسئ لفلان ليعيش فى زهو زائف ولا يفكر ولو لمرة ان يفتح خيطا او بوستا يفيد مؤكد كلنا بننزلق لعراك ما او مشكلة ما اثناء نقاش حاد فى بوست لكن الذى اقصده من جعلوا من هذا الامر منهجا وسياسة لهم واغرقوا المنبر بمثل هذه الامور . قد يكون السيد بكرى ابوبكر سعيدا لعدد المشاهدات والمشاركات والزحام الذى يخلقه مثل هذه البوستات ان كان كذلك فهو من حيث لا يدرى يدق اول مسمار فى نعش منبره التاريخ

الاستاذ هشام عباس سلام ياخي كتر خيرك علي هذا الكلام والبوست المفيد للناس هنا وانا شخصياً البوست ده لبسته قميص عامر وفصلته علي نفسي 😓😓😓😓 ومن هنا اقدم لك اعتذاري الشخصي لك ولكل زميل تضرر مني شخصياًولكل شخص تضرر من قراءة بوست لاينفع الناس من جانبي ولكن يااستاذ هشام هي طبيعة البشر يخطي من غير قصد ومرات بقصد ومن هنا أعلن العمل بقدر الاستطاعة ان لا اعمل الا العمل الطيب اما عمنا الدكتور احمد حسين أرجو منه العفو مني ان كنت تاذي مني او من مااكتب وله كل التقدير


------
ولكي العتبي حتي ترضي

ههههههههههه مالك ياخ .. خليهم بفرقوا لينا
الواحد ممكن يعتبره زى مسلسلات جمال حسن سعيد . ولا فرقة الأصدقاء





...............

انت عارف دى دوامه ما بتنتهى
الواحد يساء ليه .. تحرقه القصه دى - ومن حقه - يلبد لما يلقى فرصه يردها
والأول البدأ يحرقه الرد - فيقوم بجملة الدفتردار الانتقامية .. والتانى يستلم الزمام
وهكذا ... ده مسلسل ما بنتهى .. وان رغب الواحد انه ينهيه ما بنتهى .. عارف ليه ؟ لانه ما في مظله ممكن تحتوى الناس
ما في صوت - كبير- صوت عقل - جهه ما .. ترفع الظلم عن المظلوم .. وتطيب الجراح . وتنظف القلوب
عشان الواحد يقول الحمد لله وعفا الله عما سلف . ويفتح صفحه جديده ...


الغريب في الموضوع في ناس - كده - تشعر انه ما ليهم علاقه بالاكشن .. لكن يجي ناطي ليك جوز يخمش من طرف لا يفرز حكم من لاعب
وتلقاه اتحكر في النص واستلم الاكشن ويولع في النيران .. اصله الله ما بفتح عليه بى كلمه باركوها

في غضب كبير - واحباط هائل - في نفوس البعض - لاسباب يبدو انها خارج المنبر - لكن يتم التنفيس عنها هنا - (ودى ما فيها مشكله)
المشكله انه التنفيس بتم بصورة سلبيه ...

في قابلية كبيره لدى البعض للكره الشديد والفجور في الخصومه .
وفى ناس عاوزة تظهر حتى لو بالشكل .
ووووو
ووووو











......................
ان شاء الله تكون مداخله خفيفه على القلوب .. وانا جاري ............... فوووووو

Quote: العزيز هشام اولا اعتذارى الكامل لما بدر منى و ما سيبدر ولكن حتة ساقنى ليها زول و تهمة بالافك و النفاق و توابعها و الزول ده من المفترض انو يكون قدوة لينا نحنا الجدد بحكم اقدميتو او هكذا افترض معليش غض الطرف عنى اليومين ديل حتى ينهار الصنم و كرر اعتذارى لك و لى استاذى احمد الحسين

جلالدونا سلامات
مع اكبارى فيك هذا اعتذار لكن كنت اتمنى ان تترفع عن دخول وضع يستحق الاعتذار من اساسه
صدقنى يا صحبى كلنا مررنا وربما سنمر بنفس الوضع دخلنا من قبل فى مشاكل شخصية وربما ندخل لاحقا فى مثلها فهى النفس البشرية وساعات الغضب
مقصدى فقط ان نترفع من جعل الامر مسلسلا مكسيكيا وبحثا عن الانتصار للذات

Quote: الاستاذ هشام عباس سلام ياخي كتر خيرك علي هذا الكلام والبوست المفيد للناس هنا وانا شخصياً البوست ده لبسته قميص عامر وفصلته علي نفسي 😓😓😓😓 ومن هنا اقدم لك اعتذاري الشخصي لك ولكل زميل تضرر مني شخصياًولكل شخص تضرر من قراءة بوست لاينفع الناس من جانبي ولكن يااستاذ هشام هي طبيعة البشر يخطي من غير قصد ومرات بقصد ومن هنا أعلن العمل بقدر الاستطاعة ان لا اعمل الا العمل الطيب اما عمنا الدكتور احمد حسين أرجو منه العفو مني ان كنت تاذي مني او من مااكتب وله كل التقدير

ود الشيوخ ازيك
بالطبع لا اقصد شخصك تحديدا او شخصا بعينه وانما اقصد الممارسة نفسها
صدقنى لن نستفيد شيئا مما يحدث الان غير ان نضع انفسنا موضع الرد والاساءة فكل طرف سيحاول رد الصاع وكل طرف سيستخدم ما يملك من اعنف الذخائر
كلنا نخطئ وكلنا دخلنا مثل هذه المواقف لكن تجاوزها بسرعة هو الاهم
تحياتى لك

Quote: ههههههههههه مالك ياخ .. خليهم بفرقوا لينا الواحد ممكن يعتبره زى مسلسلات جمال حسن سعيد . ولا فرقة الأصدقاء ............... انت عارف دى دوامه ما بتنتهى الواحد يساء ليه .. تحرقه القصه دى - ومن حقه - يلبد لما يلقى فرصه يردها والأول البدأ يحرقه الرد - فيقوم بجملة الدفتردار الانتقامية .. والتانى يستلم الزمام وهكذا ... ده مسلسل ما بنتهى .. وان رغب الواحد انه ينهيه ما بنتهى .. عارف ليه ؟ لانه ما في مظله ممكن تحتوى الناس ما في صوت - كبير- صوت عقل - جهه ما .. ترفع الظلم عن المظلوم .. وتطيب الجراح . وتنظف القلوب عشان الواحد يقول الحمد لله وعفا الله عما سلف . ويفتح صفحه جديده ... الغريب في الموضوع في ناس - كده - تشعر انه ما ليهم علاقه بالاكشن .. لكن يجي ناطي ليك جوز يخمش من طرف لا يفرز حكم من لاعب وتلقاه اتحكر في النص واستلم الاكشن ويولع في النيران .. اصله الله ما بفتح عليه بى كلمه باركوها في غضب كبير - واحباط هائل - في نفوس البعض - لاسباب يبدو انها خارج المنبر - لكن يتم التنفيس عنها هنا - (ودى ما فيها مشكله) المشكله انه التنفيس بتم بصورة سلبيه ... في قابلية كبيره لدى البعض للكره الشديد والفجور في الخصومه . وفى ناس عاوزة تظهر حتى لو بالشكل . ووووو ووووو

وضاح ازيك ياخى
والله تعبنا
الواحد لما يدخل بوست ويقرأ بعض الاساءات يشعر بضيق لا يوصف والله فما بالك بالشخص الذى اسئ له ؟؟
الله يهون يا اخوى

وكلامك على العين و الراس
و ليك الف حق
و ان شاء الله ما اخيب ظنك
و اعتذارى لكل من تأذى و لهم العتبى حتى يرضو

الاخ مسلمى تحيتى ومحبتى

Quote: الدكتور احمد حسين أرجو منه العفو مني ان كنت تاذي مني او من مااكتب وله كل التقدير

عافى منك حقى انا تماما والله العظيم ولم احمل عليك اى ضغينة لا الان ولا فى االسابق ولكن يا مسلمى رجاء اطلب العفو ايضا من الذين شاركت فى بهتانهم
فليس من حقى ان اعفى انا ما لحقهم. لك محبتى واكبرت فيك هذا.

يعني في الوقت القينا فيهو الفرصة وإنضمينا للمنبر نلقاهو بقى إنصرافي للدرجة دي
ياخي الشكل والشتيمة ما محتاج لكمية البوستات دي كلها
كل واحد فاتح بوست بإسم واحد قاعد يشتم فيهو
أعملوا ليكم ميس واحد كبير ودخلوا فيهو كل المتشاتمين ديل
ونظموا نفسكم كل واحد يحدد هو شايت وين
وما تنسوا تختو كراسي في المدرجات للمتفرجين
بصراحة والله شغلة أصلا ما محتاجة ليها منبر قدر دا

شكرا أخ هشام يا ريت البوست دا يطلع بنتيجة

Quote: منك حقى انا تماما والله العظيم ولم احمل عليك اى ضغينة لا الان ولا فى االسابق ولكن يا مسلمى رجاء اطلب العفو ايضا من الذين شاركت فى بهتانهم فليس من حقى ان اعفى انا ما لحقهم. لك محبتى واكبرت فيك هذا.

العم الدكتور احمد حسين كتر خيرك في العفو وياها المحرية فيك ومن هنا اطلب العفو من كل من مسّه من سوء أوفعل كان بقصد أوبدون قصد ولهم التحية أجملها

اخوي هشام

رغم اختلافي الايدولوجي معك

ولكنك تتمتع بقدر عال من التهذيب وحسن الخلق

بارك الله فيك

ليتهم يسمعون

سلامات صاحب البوست وضيوفه
كانك تحكي عني والله اردت افتح بوست بنفس العنوان نسال الله ان يهد ئ النفوس اشرت في احدي بوستاتي الاتي :

Quote: هذا لعمرك ما اراه يحصل الان في المنبر العام Quote: أدب الدنيا🍃 كان يقال: ثمانية إن أهينوا فلا يلوموا إلا أنفسهم؛ الذاهب إلى مائدة لم يدع إليها، وطالب الفضل من اللئام، والداخل بين اثنين في حديثهما من غير أن يدخلاه فيه، والمستخف بالسلطان، والجالس مجلساً ليس له بأهل، والمقبل بحديثه على من لا يسمع منه ولا يصغي إليه. والمتآمر على رب البيت. 🍃🌺اسعد الله صباحك🌺🍃

ياريت الناس ترتقى فوق التجريح والسب
ومعا لننتصر لصوت العقل

الاخ / هشام .. سلام لك ولضيوفك

وكما تلاحظ .. ويلاحظ الجميع
ان سبب اثارة المشاكل في هذا المنبر
دائما تصدر من نيران عضو معين ومعروف للجميع
وهو منصب نفسه ( ألفه ) على المنبر ..
لا يحترم الكبير ولا الصغير .. ويرش من طرف ...
يكيل الشتائم للاعضاء كيفما اتفق وعلى حسب هواه ..
وانا اعتقد انه مبرمج على ذلك ...

ولو اردتم حل لهذه المشاكل الدائمه
اعملوا لهذا العضو .. فرمته من الاول .. ليستقيم الاعجاج ..

وانا بدوري اعتذر مره اخرى لك وللجميع لما بدر مني من انفعال او سوء تصرف ان وجد ...

وتقبل تحياتي ....

عالم بطااله ....

يا المحترم ... هشام عباس ..

لك وافر التقدير والاحترام ..

ونتمني من الجميع احترام النفس قبل الآخرين لتستمر عجلة

الموضوعية . بعيدآ عن المهاترات والهيافة !!!!!


والشئ المستغربة ليهو فتح بوستات للفارغة !!! ياربي الزمن دا

بلقوا وين ؟ ولو الزمن ما حقكم الاخلاق والانسانية ما حقتكم ؟؟؟

ناس شعبها بموت جوعآ وفي الطرقات !!! فعلآ التغيير ما بساهل .

والله المستعان !

عزيزي الاستاذ الفاضل هشام عباس
كلام في الصميم وكلام منطقي ورائع بلا شك..
وفي معظم المواضيع التي اعلق عليها دائما بنادي
بالتسامح وعدم التطرف والعفو ودائما بسمي مثل
هؤلاء الناس الذين يتسامحون ويتجاوزون الاساءات
سواء مقصودة او غير مقصودة بالناس السمحين والزينين..
..ولان كلامك هنا رائع ومنطقي قبل به الكل ..وبدانا نرى
اشراقات انيقة تاتي اكلها ..وبدينا نشوف ناس سمحين
وزينين..
وانت يا استاذ هشام لا شك انك من صفوة الناس السمحين
ولم نقرا لك من قبل اي سباب شخصي...ورغم معارضتك
القوية للنظام الحاكم ومؤيديه لكنك دائما تاتينا بالشواهد
والمنطق المقبول...
ولقد شهد لك بذلك الاعداء قبل الاصدقاء(وش ضاحك)..
ونرجو بعد هذا الكلام السمح نشوف اشراقات جديدة وضاءة
نتجاوز بها الطرق الوعرة للنطرف والتعصب والانتصار للذات
كما وصفته انت...
ودمت بالف خير وصحة وعافية
بسمات

تسلم يا حبيب من امس المنبر يحتاج الى بوست زي ده


يا ريت لو فوق شيتن فيها فايده

الواحد بهرش زول بالكتابه كيف انا ما عارف!!!!

تشكرات قدر الليلة وبكرة ياهشام
بعض مايحببني في هذا المنبر وجود ناس فاهمين مثلك
ماعارف الاخوان مدمني الشغب ديل بيكسبوا شنو بملاوتهم لبعض كل يوم وبترصد كمان
للاسف الشديد فيهم فيهم ناس نعزهم جدا الواحد يستحي يوجههم
مشكور ياحبيب

شكرا لكل المرور
واشكر روحكم الجميلة فى التجاوب
معليش صعب ارد عليكم واحد واحد لصعوبة التعامل مع المنبر من الجوال
مؤكد ساعود لكم