المعاردة في لندن!! هل تريد إسقاط النظام أم إسقاط السفارة؟؟

05:40 AM Feb, 10 2016

سودانيز اون لاين
Mohammed Haroun-UK
مكتبتى
رابط مختصر

على ما اظن إسمها المعارضة .. لكن ناس دارفور سموها المعاردة وهو وصف بليغ جدا بلغتنا الدارفورية.. التعريد بكسر التاء والراء يعني الهروب .. والمعاردة في هذه الحالة النادرة معناها الهاربة من الوطن 😀😀😀

المعاردة في لندن كل يوم او قل كل اسبوع معتصمة أمام السفارة وهي ممارسة غير حضارية وغير مجدية ولا تسقط النظام .. ولذلك أنا بكامل وعيي واهليتي القانونية اعترض على هذه الممارسة المتخلفة ..

اندهاشاتي

معارضة بلا قيادة كسفينة بلا ربان ..

اندهاشاتي

بس معقول يا ود هارون تكون مندهش عمرك ده كلو في بريطانيا بلد الحرية وما بتعرف أهمية التظاهر السلمي؟

معقولة....؟

يا أخي كان كده أمشي إندهش شوية في الهايدبارك!

الإنتهازي متملق النظام محمد هارون أختشي.

يا ود هارون. سلامات

تغييرت الخلافيات. الجغرافية للوجود. السوداني بالمدن البريطانية واروبا بالفترة الاخيرة ، أعطي زخم إيجابي للغاية. يا ود هارون. للمعارضة وأنشطتها
من تظاهرات خجولة. كان يقوم بها تحالف. قوي المعارضة بين الحين. والأخير ، الي لجم. أنشطة السفارة. وحصرها. في نطاقها لاضيق حدود ودي بعد نشاط. قوي الجبهة الثورية
وناشطي. قوي الهامش ، ودي كان. ملاحظ. في جولة. وفد السفارة بتاع الرقم الوطني الذي. لم. يزور غير مدنيتين فقط . بعد تواطؤ معروف. من أشخاص. محصرون بتلك المدن
ودي غير. الموتمرات. الصحفية والانشطة المصاحبة لوفود النظام. الي لندن التي يعلن. عنها وتلغي. في اخر اللحظات. يا ود هارون . اتفق. معك. بان هنالك. بعض المشاترة بالعمل المعارض
والمعارضين ، لكن. الذين. ينتقدون. أؤلئك. المعارضين عليهم. ايضا. انتقاد. ونبذ. أنشطة. السفارة المشبوه ومحاولتها. شق. تجمعات. السودانيين ومجالس. جاليتهم. وأجسامهم. المختلفة .
مثلا عندما. زار. الثقيل أمين عمر. ا لندن. كان يتخفي مثل اللصوص بسن الشوارع بعد تغييره. لشكله المألوف ، وكذلك. الان. تتجول الوزير المفوض سناء. حمد وخالد المبارك وغيرهم
صراحة. ان. ضد. المتابعات. والترصد هذا ، لكن. نظرية. الحرامي في راْسه. ريشه هي. من يسيطر علي. أمزجة. هؤلاء الأذناب .



لك. الود

ضيعوا عليك العشوة

Quote: س معقول يا ود هارون تكون مندهش عمرك ده كلو في بريطانيا بلد الحرية وما بتعرف أهمية التظاهر السلمي؟ معقولة....؟

أخونا محمد يسن خليفة صبحك الله بالخير .. بتوقيت لندن😊😊.. يا اخي مع ادراكي لأهمية التظاهر السلمي وأهمية دور المعارضة لكن التظاهر ب 2000 شخص خير من وقوف 20 شخص أمام السفارة 52 اسبوع في السنة 😅😅

تحياتي واندهاشاتي

ناس الببوليس غلطانيين
المفروض ياخدوا كروسات في كيفية معالجة مثل هذه التظاهرات السلمية من الانقاذ والانقاذيين
خاصة في معالجة احداث سبتمبر
من اجل عاصمة حضارية

يا اخوانا ركزوا شوية في الحروف،
وأخدوا الكلام زي ما مكتوب ،
لا داعي لتطويع و تليين الكلمات كي تلبي الغرض الذي ينحت في رأس صاحب الرأي الآخر!
صاحب المنشور يقول :

Quote: المعاردة

اي الجري والنطيط الذي يشبه جري ونطيط الحمير.
--

https://upload.wikimedia.org/wikipedia/commons/thumb/6/6c/Remise_du_Prix_Sakharov_%C3%A0_Aung_San_Suu_Kyi_Strasbourg_22_octobre_2013-18.jpg/..._octobre_2013-18.jpg

يا شاويش دينق لو أن الزعماء يشترون بالمال لكان الافضل لكم التعاقد مع العملاقة (اونغ سان سو) التي كافحت وجالدت أعنف نظام ديكتاتوري في العالم واسقطته في النهاية.

لكن يا حسرتي عليكم ..

اندهاشاتي

Quote: ودي غير. الموتمرات. الصحفية والانشطة المصاحبة لوفود النظام. الي لندن التي يعلن. عنها وتلغي. في اخر اللحظات. يا ود هارون . اتفق. معك. بان هنالك. بعض المشاترة بالعمل المعارض والمعارضين ، لكن. الذين. ينتقدون. أؤلئك. المعارضين عليهم. ايضا. انتقاد. ونبذ. أنشطة. السفارة المشبوه ومحاولتها. شق. تجمعات. السودانيين ومجالس. جاليتهم. وأجسامهم. المختلفة

سلام أخونا الفاضل يسن عثمان وشوق بالجملة لناس (ويلز) الحلوين .. يا اخي المعارضة هي سبب كل تلك المهازل وانت تعرف ذلك تماما .. معارضة واعية أو لا معاردة 😃😃

تحياتي واندهاشاتي

منتصر.

يبدوا لي أن محمد هارون مازال زعلان على العشوة الطارت منو الأسبوع الماضي.

الفات مات يا محمد هارون، أها الأسبوع ده عشاك وين؟

أوع تقول بيت السفير؟

المندهش دوما والظريف محمد هارون سلام يا رجل المعارضة موجودة وانت قاعد معاهم وشغالين بى يدينم وكرعينم عشان يفضحوا الناس الماعايزين يفهموا إنو فى فرق بين ان تنتمى لحزب وبين ان تسخر مؤسسات الدولة التى يجب ان تخدم كل السودانيين بغض النظر عن الإنتماءات السياسية .السفارة فى لندن وكر للتجسس على على الشرفاء وباعتبارك احد قدماء السودانيين فى شبردبوش يجب ان تعرف ان جهاز امن النظام له مؤسسات صغيرة منتشرة فى الهاى إستريت بتاعكم وهم معروفيين للمعارضة بالإسم .اوعى يكون ساوموك على العشاء الطار منك :) تحياتى وإندهاشاتى الغير مشروطة.

Quote: ضيعوا عليك العشوة

أخونا المنتصر سلام كتير اووي .. العشوة بتتعوض بس خايفين يضيعوا مننا السفارة فنصبح على ما فعلنا نادمين 😊😊

اندهاشاتي

Quote: المفروض ياخدوا كروسات في كيفية معالجة مثل هذه التظاهرات السلمية من الانقاذ والانقاذيين خاصة في معالجة احداث سبتمبر من اجل عاصمة حضارية

اخونا فرح ابو روضة سلام .. التظاهرات والاحتجاجات السلمية حق مشروع ضد النظام .. بس ضد السفارة مش معقول ..

اندهاشاتي

Quote: يا اخوانا ركزوا شوية في الحروف، وأخدوا الكلام زي ما مكتوب ،

اخونا قصي محمد عبدالله سلام بالجملة .. يا اخي ربنا يعدلها عليك محل ما تقبل .. قول آمين..

التركيز مهم جدا جدا

تحياتي واندهاشاتي

محمد هارون وليد برام! كيفك و كيف الكلكلة؟
لياسر طيفور إسم لطيف للذين يعارضون المعارضة! إنت ذاتك يا محمد كنت تبحث عن شكل لجؤ بقصتك الغريبة ديك و لللجؤ مستحقات... نتمنى لك التوفيق... لكن اللجؤ يجعل منك معارضة رضيت أم أبيت! المعارضة ما ناقصة ت################ من ناس زيك يا محمد.. ساعدها أو أصمت...
لو لم تكن تعلم كلمة معاردة هذه لها قصة لا أعتقد أنت ملم بها... الأستاذ إبراهيم دريج كان زعيما للمعارضة في الستينات و بلكنته الدافرفورية كان يقول معاردة " معارضة"... كانت هذه الكلمة مسار سخرية و للأسف الشديد من غادة يعتبروا اليوم تاريخون بل و بعضهم من احزاب تصف نفسها بالتقدمية!
أعرف دلالات الكلمة و أعرفها أنها مرتبطة بإستحقار ضارب في القدم... بعدين السخرية من المعارضة Not cool

Quote: محمد هارون وليد برام! كيفك و كيف الكلكلة؟ لياسر طيفور إسم لطيف للذين يعارضون المعارضة! إنت ذاتك يا محمد كنت تبحث عن شكل لجؤ بقصتك الغريبة ديك و لللجؤ مستحقات... نتمنى لك التوفيق... لكن اللجؤ يجعل منك معارضة رضيت أم أبيت! المعارضة ما ناقصة ت################ من ناس زيك يا محمد.. ساعدها أو أصمت...

يا جماعة معذرة لأنه أخونا عمر عبد الله عمر (هبشني) في وتر حساس شوية😀😀.. لابد من الرد عليه فورا .. اولا يا سيد عمر اللجوء ما عيب لكن انا والله ما حصل طلبت لجوء ولا خلقت قصة .. لعلمك ما كل سوداني اخد الجنسية البريطانية عن طريق اللجوء .. بعدين أنا عارف قصة عمنا دريج وهو نفسه رجل استفزازي وعنصري جدا ..

بالله تاني ما تركب حمير الضيفان 😜😜

اندهاشاتي

محمد هارون كيفك،
قلت لي عمك دريج عنصري؟ عشان كدا إنت شايف الموضوع عادي تتعنصر إنت عليهو مثلا؟
موضوع الجنسية يا محمد هارون، نحنا برضو عشنا في لندن دي و عارفين الناس تأخذ الإقامة كيف و الجنسية! كلامك صاح ممكن بطرق أخرى لكن كلنا عارفين تكاد تكون مستحيلة. على العموم زي ما قلت اللجؤ ما مسبة !
محمد هارون, في هذا البورد هنالك من فتح بوست يقول إنك تريد مساعدة قانونية على الرجل " رجل أعمال عربي على ما أعتقد" الذي تعمل معه يطلب منك خدمات مهينة ليست في عقد العمل ؟ هل أنت ذلك الشخص أم محمد هارون آخر؟

الإحتجاج ـ المسيرةـ والتظاهر ـ أمام السفارات ـ وسيلة عصرية وديموقراطية ـ أصيلة ومحترمة مادامت تسير وفق قانون البلد المضيف وحماية شرطته!
* إنها إسلوب حضاري ـ يكفله حقق التعبير ومبدأ الرأي الآخر!، السفارة بقدر ماهي ممثل للدولةفهي تمثل الحكومة وتعبر عن خطها وسياساتها ـ وبالتالي من حق الناس ممارسة حقها المشروع
في التظاهر أمامها ـ هذه من أبجديات الديموقراطية !
........

Quote: على ما اظن إسمها المعارضة .. لكن ناس دارفور سموها المعاردة وهو وصف بليغ جدا بلغتنا الدارفورية

-؟؟؟؟؟؟؟؟؟
نكتة


قال واحد مزارع من صباح الرحمن واقع حرث ونظافة وجنكيب وحش وكل ما يلزم تجهيز الزراعة٫ فجاة السماء سحب وغيوم تنزر بمطر يروى الارض وما عليها تهب هبوب خفيف وتبدا رزازات المطر في الهطول رعد وبرق تشتد الهبوب وتبدا مطرة جد جد كل المزارعين يدخلو قطاطيم بعد يقيف المطر يطلع قريبنا من قطيتو يلقي المطرة الدنيا كلها غرقانة الا حدود زرعو ٫
سكت وشاف حوالنو فتح خشمو قال لو اتكلمنا بتقولو اشركنا و لو سكتنا شوفو الفرزية دي٫ دحين يا اخوي دارفور دي عندها لغة تانية ولا ياهو عربي الملاصقة دالك







الود والورد وما تشتهي وانشاء الله ناس المعارضة يبطلو تظاهر

محمد هارون؟انت قاعد تجي المظاهرات؟نحن بنجي واحد واتنين وثلاثة وحنجيالي ان يسقط النظام ويذهب اتباع النظام. نجحنا في أن ننفذ رغبة الشعب السوداني بالتظاهر أمام السفارة ابان الانتخابات برغم الحوافز من جوازات وغيره من معاملات لم يدخلها سوى 70 شخصا وعندما طلعوا معظمهم قال أننا أتينا لمعاملة إدارية. سوف نتظاهر من أجل شعبنا متى ما أتيح لنا ولعلمك وعلم سفارة النظام أننا تتظاهر كل يوم وفي كل مكان نفضح ونسعى ضد نظام الإنقاذ وضد القتل والتشريد في بلادنا نعلم تماما أننا لم نأتي الي بريطانيا مبعوثين ولا طلاب بل أتينا لها لاجئين من نظام باطش وقمي اهلك انت تحديدا الذين لم أراك تخرج من أجلهم يوما يموتون كل يوم من جرائمه الفظيعة هولاء الحناجر الشريفة التي تقول المعاردة . ولك أن تأتي السبت القادم 13 فبراير لتقف من أجل اهلك
دعوة لمظاهرة كبري من اتحاد أبناء دارفور بالمملكة المتحدة امام مبني الأمم المتحدة و السفارة السودانية

10:43 AM Feb, 04 2016 سودانيز اون لاين
معتصم بابكر-Birmingham
مكتبتى
دعوة لمظاهرة كبري من اتحاد أبناء دارفور بالمملكة المتحدة امام مبني الأمم المتحدة والسفارة السودانية بلندن.
في أسبوع نفرة دار فور اتحاد أبناء دارفور بالمملكة المتحدة و بالتنسيق مع مجموعة اتحادات وروابط ومنظمات المجتمع المدني السوداني واصدقاء دار فور بدول المهجر رفضا واستنكارا للمأساة الإنسانية التي تحدث الان جراء الحملات الانتقامية والانتهاكات الجسيمة التي تقوم بها الحكومة السودانية وميلشياتها بحق المواطنين بجبل مرة ومواصلة حملات التغير الديمغرافي واستهدافها لمكونات بعينها والاغتيالات التي صاحبت حملات الاعتقالات الشرسة لطلاب وطالبات دار فور بالجامعات السودانية ويتم كل ذلك والعالم أجمع في صمت رهيب بعد أن تمكنت الحكومة من طرد المنظمات الانسانية التي كانت تعمل في دار فور لذا تدعوكم اتحاد عام أبناء دار فور بالمملكة المتحدة وايرلندا بالمشاركة في التظاهرة الكبرى التي سوف تقام أمام مقر مبنى الأمم المتحدة بالعاصمة البريطانية لندن والسفارة السودانية وذلك يوم السبت الموافق من 13/02/2016 لحثهم بالقيام بمسؤولياتهم تجاه هؤلاء المواطنين كما ومطالبة الامم المتحدة والحكومة البريطانية
1. بحظر الطيران العسكري التي تستهدف المواطنين بدار فور.
2. الضغط على نظام الإبادة الجماعية وقف الهجمات العسكرية التي تستهدف المواطنين والقصف بالطيران على القرى.
3. تقديم مرتكبي جرائم الابادة الجماعية للعدالة وتفعيل المحكمة الجنائية.
4. توسيع صلاحيات قوات اليوناميد لتشمل حماية المدنيين.

امين العام لاتحاد
معتصم بابكر 
لندن 3/2/2016
[email protected]

سوف يكون هنالك بصات 
للاستفسار الاتصال على الأرقام التالية
07473737577 
07897639870

Quote: الإحتجاج ـ المسيرةـ والتظاهر ـ أمام السفارات ـ وسيلة عصرية وديموقراطية ـ أصيلة ومحترمة مادامت تسير وفق قانون البلد المضيف وحماية شرطته!

أخونا كمال عباس سلام كتير ... كل الكلام الفوق دا صحيح لكن السفارة أيضاً مهمة بالنسبة لنا جدا ... هب أن حكومة السودان قررت قفل سفارتها في لندن لآي سبب من الأسباب وهذا إحتمال وارد جداً فماذا نحن فاعلون؟؟

إندهاشاتي

Quote: محمد هارون؟انت قاعد تجي المظاهرات؟نحن بنجي واحد واتنين وثلاثة وحنجيالي ان يسقط النظام ويذهب اتباع النظام. نجحنا في أن ننفذ رغبة الشعب السوداني بالتظاهر أمام السفارة ابان الانتخابات برغم الحوافز من جوازات وغيره من معاملات لم يدخلها سوى 70 شخصا وعندما طلعوا معظمهم قال أننا أتينا لمعاملة إدارية.

أخونا عبد الرحيم أبا يزيد سلام كتير يا رجل يا طيب ... أنا آسف لغضبك من هذا البوست .. بصراحة أنا حضرت عدد من المظاهرات ووقفت أمام السفارة عدة مرات ولكن أحسست أنها اساليب غير مجدية ولن تسقط النظام.

كما تعلم موقع السفارة على مرمى حجر من قصر بكنغهام بل ومبناها مقابل لمباني الحرس الملكي وطبعاً أيضاً المزاج في بريطانيا وأوروبا عموما تغير كثيراً تجاه الأجانب والبريطانيين من أصول أخرى ... كل هذه المستجدات لابد من أخذها في الإعتبار ..

تحياتي وأندهاشاتي

سلام أخ محمد هارونر

Quote: هب أن حكومة السودان قررت قفل سفارتها في لندن لآي سبب من الأسباب وهذا إحتمال وارد جداً فماذا نحن فاعلون؟؟

.. ليس هناك سببا لإغلاق وليس هناك متظاهر أومحتج عاقل يطالب بقفل السفارة ـ فالجانب الخدميوالقنصلي ـ مهم وضروري ـ أما إذا قررت الحكومة إغلاق السفارات بالخارج لمجرد ـ التظاهراتوالمسيرات ـ السلمية والمشروعة ـ فهذ سيكون تصرف أهوج يضيق بحق التعبير ويكشفمزيدا من فاشية النظام للعالم . ، ليس ذنب المعارضة إن مارست حقها المشروع وإنما ذنبالنظام الذي يضيق بممارسة رمزية ! وهو أمر يستوجب إدانة الإنقاذ لا من يمارس نشاطا مشروع! هذا مع التقدير

Quote: الفات مات يا محمد هارون، أها الأسبوع ده عشاك وين؟ أوع تقول بيت السفير؟

يا شاويش دينق سلام .. لعلمك السفير بلدياتنا من نيالا والقنصل بقاري.. يعني زيتنا في بيتنا 😀😀

تحياتي واندهاشاتي

يا لك من انسان بسيط.

الأخ محمد هارون

بوستك ملئ بالعنصرية والسخرية والاستفزاز التي تحاول إلباسها ثوب "الظرافة"...لكن هيهات..
شايفك مواصل في الردود على الجميع وفطيت عمر عبدالله في سؤاله لك عما إذا
كنت أنت من طلب مساعدة قانونية بخصوص رجل الأعمال العربي؟؟؟؟



مع فائق "إندهاشاتك"

والله يا تأبط شرا وخرج!
بلغت تتريق على لغة أهلك الناكرهم!
بقولوا (المؤاردة) مش المعاردة
هسع إنت الشين ليك شنو كان أسقطوا السفارة أو اللانظام أو الدولة كلها خرت على دقنوسك ده؟
مش أقله، يكون عجبك للمرقوت!!!
ولا عاجبك الاغتصابات الحول حلتكم دي تستمر؟!

Quote: وستك ملئ بالعنصرية والسخرية والاستفزاز التي تحاول إلباسها ثوب "الظرافة"...لكن هيهات.. شايفك مواصل في الردود على الجميع وفطيت عمر عبدالله في سؤاله لك عما إذا كنت أنت من طلب مساعدة قانونية بخصوص رجل الأعمال العربي؟؟؟؟

اخونا محمد البشرى سلام .. أولا لم يسبق لي ان طلبت اية مساعدة قانونية من أحد على الإطلاق.. ثانيا يا اخي قبائل كثيرة في السودان لا تتحدث اللغة العربية وهذه ليست منقصة أو مسبة والعنصرية ليست من صفاتي يا اخي الكريم ..

اندهاشاتي

Quote: هسع إنت الشين ليك شنو كان أسقطوا السفارة أو اللانظام أو الدولة كلها خرت على دقنوسك ده؟ مش أقله، يكون عجبك للمرقوت!!!

أخونا آدم صيام سلام كتير اوي اوي .. يا اخي الكريم كل الهدف من هذا البوست هو أنني أريد ان أقول المظاهرات والوقوف أمام السفارة هي وسائل غير مجدية ولن تسقط النظام . أنا عايشت الأحداث في بريطانيا خلال الستة عشر سنة الماضية.. أي قبل أن تندلع الحرب في دارفور ...

تحياتي واندهاشاتي

Quote: خونا محمد البشرى سلام .. أولا لم يسبق لي ان طلبت اية مساعدة قانونية من أحد على الإطلاق..

محمد هارون، بعد السلام و أنا أتفق مع دينج في إنك بسيط و لا أعتقد إنك تعلم إنك عنصري! ما هو كلام و خلاص بتقال! فعلا بس بسيط! تحلف براس أبوك تقول إنك ما عنصري و لكن تتفوه بكل ما هو عنصري! ها هي الأزمة في السودان!
في هذا البورد فتح أحدهم بوست بإسمك و إنك تحاول الحصول على مساعدة لأن الذي تعمل معه يطلب منك خدمات مهينة !لم نر منك رفض او توضيح عندها.. حقيقة لا أذكر من الذي فتح البوست و لكن متأكد أن هذا البوست إنفتح.. أرجو أن يساعدنا الحرفاء بالحصول عىلى هذا البوست و بعدين سيتم تحليله و نشوف هدفك منه كان إيه..

قال ليك المعاردة!عليك الله شوف وليد دار فور إنت! من برام الكلكلة و تسخر من المعارضة؟ عقوا المعاردة؟ يا زول الله يهديك..
الله يسامحك!
يا أخوانا عايزين مساعدة في نكت البوست عن أخونا محمد هارون..

Quote: في هذا البورد فتح أحدهم بوست بإسمك و إنك تحاول الحصول على مساعدة لأن الذي تعمل معه يطلب منك خدمات مهينة !لم نر منك رفض او توضيح عندها.. حقيقة لا أذكر من الذي فتح البوست و لكن متأكد أن هذا البوست إنفتح.. أرجو أن يساعدنا الحرفاء بالحصول عىلى هذا البوست و بعدين سيتم تحليله و نشوف هدفك منه كان إيه..

انت يا زول مجنون!! يفتح بوست ويقفل بوست انا دخلي ايييه؟ أنا شخصيا لم اطلب مساعدة قانونية من احد ..

اندهاشاتي

Mohammed Haroun

هسع أنت لازم تحدد موقفك.

أنت مع أهلك في دارفور الذين يقتلهم نظام الإنقاذ الأخواني الفاشي أم أنك مع كيزان السفارة ومع النظام؟

حدد موقفك لو سمحت.

Quote: هسع أنت لازم تحدد موقفك. أنت مع أهلك في دارفور الذين يقتلهم نظام الإنقاذ الأخواني الفاشي أم أنك مع كيزان السفارة ومع النظام؟ حدد موقفك لو سمحت.

شاويش دينق في هذه الحالة أنا انحاز انحيازا تاما الى اهلي في دارفور .. في رجالة اكتر من كدا😉😉

تحياتي واندهاشاتي

Quote: و لكن متأكد أن هذا البوست إنفتح.. أرجو أن يساعدنا الحرفاء بالحصول عىلى هذا البوست و بعدين سيتم تحليله و نشوف هدفك منه كان إيه..

نعم الاخ عمر فى بوست انفتح قبل كدة ما معناه رجل اعمال خليجى ؟؟؟

محمد هارون.

Quote: في هذه الحالة أنا انحاز انحيازا تاما الى اهلي في دارفور .. في رجالة اكتر من كدا😉😉

هل هذا يعني بأنك توبته وتاني ما بتمشي حفلات ومناسبات الكيزان بتاعت السفارة؟

Quote: هل هذا يعني بأنك توبته وتاني ما بتمشي حفلات ومناسبات الكيزان بتاعت السفارة؟

اتحداك واتحدى اي زول في بريطانيا يقول شافني في احتفال او مناسبة سفارة ...

اندهاشاتي

Quote: اتحداك واتحدى اي زول في بريطانيا يقول شافني في احتفال او مناسبة سفارة ...

محمد هارون.

كده بالراحة لو سمحت. وعلشان أكون معاك دقيق جدا.
أنت مشيت حفلات السفارة ومافي زول شافك ولا لم تذهب أبدا؟

نرجوا منك التوضيح.

بعدين أنا أستندت لي بوست فاتحو أنت بقلمك وكتبت فيه بأنك ماشي حفلة بتاعت السفارة ، وح تضرب فيها العشا.
ده مش ياهو كان كلامك ولا كلام زول تاني دخل بي حسابك؟

شكرا يا ود حمودي الله يحفظك بعقلك!
يا ود هارون، أنا ما مجنون لكن ازاي و داوي عيون و فتون.
المهم واحد أن شاء الله ينكت لينا البوست بتاع الشاب الكاتب فيهو عن ود هارون العمل فيها ضهبان منو دا!

Quote: نعم الاخ عمر فى بوست انفتح قبل كدة ما معناه رجل اعمال خليجى ؟؟؟

ِ
يا سيد حمودي كما قلت للاخ عمر انا شخصيا لم افتح بوست اطلب فيه مساعدة احد .. ولا علم لي بهكذا بوست ..

اندهاشاتي

دينق، خليك دقيق
هارون قال ماشي يتعشى في السفارة وبعدين بمشي حفلة الشيوعيين
لم يقل أبدا ماشي حفلة بالسفارة.
سلام يا هارون،
كيف حالك مع النافذة واللابتوب و(التايمز)؟

Quote: يا سيد حمودي كما قلت للاخ عمر انا شخصيا لم افتح بوست اطلب فيه مساعدة احد .. ولا علم لي بهكذا بوست ..

انت مشيت لندن كيف ومن وين يا تو حتة ؟؟؟؟

Quote: دينق، خليك دقيق هارون قال ماشي يتعشى في السفارة وبعدين بمشي حفلة الشيوعيين لم يقل أبدا ماشي حفلة بالسفارة.

كلامي دقيق جدا.

أنا كتبت حفلة السفارة، لأن الحفلة التي تم ألغائها كانت في خارج مبنى السفارة، ولكنها حفلة أقامتها السفارة.
والطريقة التي كتب بها البوست كانت توحي بأنه من المترددين على سفارة النظام ولديه أصدقاء فيها.
لذلك أنا أسئله الأن هل هو بمشي حفلات السفارة ولم يراهو أحد أم أنه لا يذهب الى حفلات السفارة أطلاقا؟

ده على حسب الطريقة التي رد بها علي فوق.

سؤالك ما عندنا اعتراض عليهو، لكن باقي لي الزول دا بعرف الحاجات كويس
غايتو أنا فهمت من البوست داك الآتي:
- السفسفة واللهط والعضّة مكانن السفارة
- الحفلات والجكس والسكسكة برتبوهن الشيوعيين
- الشمارات علي التايمز

يا جماعة بس جيبو لينا بوست ود هارون مع رجل الأعمال العربي دا و بعدين نشوف!
يا بكري ممكن يدك معانا عشان البوست الذي فتحه أحدهم يطلب مساعدة لود هارون ضد مخدمه رجل الأعمال العربي الذي يطلب منه خدمات مهينة!

الأخ Omer Abdalla Omer

أدينا تاريخ معين أو فترة نشر ذلك البوست.

Quote: أدينا تاريخ معين أو فترة نشر ذلك البوست.

ارجع 5 سنوات يا دينق وافتكر شخص اخر فاتح البوست

أبدا يا حمودي, البوست كان في السنة الفاتت القريبة دي. ما بين مارس 2015 و لجاي..
البوست مفتوح من شخص آخر عن ود هارون و إنه رجل الأعمال العربي بقى يعمل حركات " بعد سنوات طويلة من العمل المخلص"!

طلب مساعدة قانونية او شيئا من هذا القبيل!

بتزكر في بوست كان تم سحبه، من المنبر. كتبته أحدا الأخوات موضحة فيه طبيعة عمل محمد هارون.تم سحب البوست بسرعة جدا من المنبر.

ههههههههههههه
والله الغاغا دي ساكت ... انا تحصلت على الاقامة الدائمة والجنسية بعد ما اشتغلت في بريطانيا ودفعت اكثر من 200 الف جنيه إسترليني ضريبة ..

اندهاشاتي من الغباء والجهل ..

وبريطانيا بلد الشفافية والحرية والعدالة

وامشوا إسألوا ال Home Office
وانا ما خايف من أي شخص في بريطانيا بطولها وعرضها ..

اندهاشاتي

Quote: وبريطانيا بلد الشفافية والحرية والعدالة وامشوا إسألوا ال Home Office وانا ما خايف من أي شخص في بريطانيا بطولها وعرضها ..

أعصابك أعصابك

مالك هسع فاير؟؟

Quote: أعصابك أعصابك مالك هسع فاير؟؟

يا شاويش دينق ما تتعب نفسك سااااكت.. اخوك ودهارون دا راجل نضيف جوة وبرة... بس مرات بعمل ليكم وهمات كدا يخليكم تجقلبوا 😛😛😛

اندهاشاتي

يا عمر،
مداخلاتك هنا زي الفيها تناقض مع بوست أبو الحسين المسحوب، وانك ضد التعريض بالناس!!

ود هارون دا من الناس البحبهم هنا
فشنو، أرخي شوية، خلينا نستمتع بمشاهدة التايمز من النافذة

أبوبكر عباس

لو أنت عاوز تجيب تاني سيرة البوست داك.

أنت موقفك فيه كان مخزي جدا، وحاولت أن تجد مبرارات واهية للعنصرين، رغم وضوح الكتابة العنصرية أمامك.

ل

Quote: ود هارون دا من الناس البحبهم هنا

شكرا أخونا ابوبكر عباس .. انت راجل حقاني.. الله يكفينا شر السلباطين المتسلبطين..

شاويش دينق اختشي😜😜

اندهاشاتي

ما في تعريض يا أبا بكر، نحن هنا بنحاول نثبت إنه محمد كان بخلق في كيس هنا على الهواء.. الحقيقة البوست فتحو واحد تاني و سنبحث عنه و ننكته و بعدين إنت براك حلل..
ود هارون برضو حبيبنا لكن ما كنا فاكرنوا مليونير بالأسترليني كمان! ضرائب بس 200 الف!
فعلا بريطانيا بلد الشفافيات و كلو يبين...
فشنو مافي أي تعريض بالأخ محمد هارون.. على الأقل أنا لا أرى ذلك..

يا محمد هارون لقد عشنا في أوروبا عشرون عاما منها عشر سنوات ببريطانياواشتغلنا في المجال القانوني و ونعرف الطرق والإقامات التي يتحصل بموجبها الناس على الإقامة الدائمة او الجنسية وبالتالي على الجواز ... اما قولك انك قد دفعت 200 الف استرليني ضرائب ..فهو يودي ويقود للتشكيك في قصتك كلها .... فالضرائب على الدخل " و غالبا ما يكون راتب " لا تزيد عن 22٪‏ للمرتبات البسيطة والذي اعرفه ان الانسان لو شغال مع شخص عادي او سفارة غالبا بيتلاعب في الإقرار بمرتبه الحقيقي لان المشغل نفسه بيكون عايز يقلل من الضرايب والتأمينات المدفوعة للعامل ....فلو افترضنا ان راتبك السنوي 30 الف إسترليني في السنة وهو مبلغ لا يتلقاه الا خريجي الجامعات البريطانية هناك ... ولو افترضنا انك بتدفع25٪‏ ضرائب على دخلك ..او لو حتى افترضنا انك بتدفع .333% ضريبة على دخلك في السنة اي بتدفع 10 الف استرليني في السنة يعني عشان تدفع 200 الف إسترليني بتحتاج للعمل لمدة عشرين سنة لدفع مبلغك المذكور ... وعشان مصداقيتك وعشان تثبت لينا انك دفعت المبالغ دي اتحداك ان تنزل لينا فورمP45 او P 60 واحد ولأي سنة تختارها انت ... يا زول قول كلام موزون وبيدخل العقل ويحفظ ليك مصداقيتك ....

Quote: ..فلو افترضنا ان راتبك السنوي 30 الف إسترليني في السنة وهو مبلغ لا يتلقاه الا خريجي الجامعات البريطانية هناك ... ولو افترضنا انك بتدفع25٪‏ ضرائب على دخلك

كذبا كاذب يا ود البشرى .. الانشا اللي انت كتبتها دي كلها كلام فاضي .. لعلمك الضريبة للمرتبات فوق الخمسين الف استرليني تفوق ال 40% .. ال P60 يقدم للسلطات فقط مش للافراد الزيك..

اندهاشاتي

بعدين في ضرائب ما دخلت في الحساب كضرببة القيمة المضافة وضريبة المجالس وضريبة الطرق وهلمجرا 😜😜
كلها ضرائب تدعم اقتصاد البلد دعم مباشر ..

اندهاشاتي

الاخ محمد هارونانا لو في محلك كنت "" بعررررد""" من البوست ده لانك كلما رديت على كلام بتورط نفسك زيادة ... لعلمك انا كنت بساعد الناس في ملء فورمات استرجاعالضرايب ليس في بريطانيا فقط بل في هولندا لذا فاهم النظام الضريبي في بريطانيابصورة قد تذهلك اذا مشينا لقدام في موضوع الدخول والضرايب... فأنت عايز " تتفهلو"وتتذاكى على القاريء الذي لا يفهم النظام الضريبي في أوروبا ... فأنت عايز تدخل لينا الضرايب على الدخل وتضيف ليها " الورود تاكس" و" ضرائب البلدية" وضرائب مشاهدة التلفزيون وما تدفعه على ماتشتريه من السوبرماركت من حليب وبمبارس وسجائر وغيرها من قيمة مضافة لتقول لنا هذا ما ادفعه من ضرائب على الراتب.وراعي الضان في الخلا بيضحك من كلامك ده..... نجيء لموضوع اورنيك P 60 هو فعلا يستخرج لصاحب عملك الجديد ولكن يمكن لصاحب عملك الجديد ان يطالبك بيه وناس الضرايب بيدوك ليه في يدك وتسلموا لصاحب العمل الجديد... نفترض انك لم تغيير صاحب العمل او عملك ... لماذا جليت موضوع الاورنيك P45 وانت عارف انه بيدوك ليه نهاية كل سنة مالية في 31 مارسيعني بيدوك ليه سنويا وبالمناسبة حتى لو كنت ما شغال وبتاخد اعانة العطالة برضو بيدوك ما يثبت دخلك السنوياما عن الإيحاء بأنك دخلك اكثر من خمسين الف ( من السودانيين لا يصل هذا المبلغ الا الأطباء الاخصائيين فقط) وبالمناسبة هناك من يدفع 60% ضرائب على الدخل مثل لاعبي الكرة ونجوم السينما والمذيعين لان دخولهم اكثر من مائة الف في السنة ... فأنت يا محمد هارون لا تدخلنا بحمد وتمزقنا بخوجلي ...هل دخلك اكثر من خمسين الف وما اسم وظيفتك ؟؟؟ هذا ليس تحقيق لكن لتحديد أشياء تتحدث عنها كان الناس لا يفهمون...

Quote: نجيء لموضوع اورنيك P 60 هو فعلا يستخرج لصاحب عملك الجديد ولكن يمكن لصاحب عملك الجديد ان يطالبك بيه وناس الضرايب بيدوك ليه في يدك وتسلموا لصاحب العمل الجديد... نفترض انك لم تغيير صاحب العمل او عملك ... لماذا جليت موضوع الاورنيك P45 وانت عارف انه بيدوك ليه نهاية كل سنة مالية في 31 مارسيعني بيدوك ليه سنويا وبالمناسبة حتى لو كنت ما شغال وبتاخد اعانة العطالة

يا أخي الكريم محمد البشرى المعلومات الفوق دي ما صحيحة ... بالله أقرأ المعلومات الصحيحة أدناه ثم إعتذر لقراء سودانيزأون لاين ..

1. P45

You’ll get a P45 from your employer when you stop working for them.

Your P45 shows how much tax you’ve paid on your salary so far in the tax year (6 April to 5 April).

A P45 has 4 parts (Part 1, Part 1A, Part 2 and Part 3).

Your employer sends details for Part 1 to HM Revenue and Customs (HMRC) and gives you the other parts.
You give Part 2 and 3 to your new employer (or to Jobcentre Plus if you’re not working).
Keep Part 1A for your own records.
By law your employer must give you a P45 - ask them for one.



2. P60

Your P60 shows the tax you’ve paid on your salary in the tax year (6 April to 5 April).

If you’re working for your employer on 5 April they must give you a P60. They must provide this by 31 May, on paper or electronically.

You’ll need your P60 to prove how much tax you’ve paid on your salary, eg:

to claim back overpaid tax
to apply for tax credits
as proof of your income if you apply for a loan or a mortgage

اندهاشاتي

الاخ محمد هارونايرادك للمعلومات بالانجليزي لا يعطيك مصداقية ويجعلني كاذبا.... فمعظم رواد البوست يريدون المعلومات الواردة أعلاه بالانجليزي... فهل ترجمتها لنا لو أمكن ؟؟؟؟ولا تنسى ترد على مداخلاتي كاملة ولا تجتزيء منها ما يجعلك تهرب من استحقاقاتأسئلتي الموجهة لك ؟؟؟ مثل عملك ؟؟ وظيفتك ؟ التي مرتبها 50 الف استرليني؟؟؟ وهل لا زلت على راس هذا العمل؟ وهل تحسب القيمة المُضافة كضرائب على الراتب للشخص حتى لو اشترى حليب من السوبرماركت؟؟؟ ولو كان الوضع كذلك هل الناسالبيجوا سياحة ممكن يحسبوها ضرائب تعطيهم حق المطالبة بمستحقاتها؟؟؟ركز في الإجابة !!! لاني عندي أسئلة في الطريق وبعضها حايتولد من إجاباتك !!!



بالمناسبة انا بتعامل معاك بحسن نية ولكن خبثك ظهر لي في اقتباسك من كلامي وقطع الكلام للايحاء بأنني اكذب ...فأنا اوردت انه " بالمناسبة ... حتى لو كنت عاطل بيدوك مايثبت دخلك السنوي..." وانت أوردتها للايحاء كانني قلت بيعطوك اورنيك بي ٤٥ والذي لا يعطي الا للعامل وليس العاطل
فشنو ... خليك نزيه والعب نضيف وما تشتت الكورة لانو الجاي تقيل .... اركز بس

Quote: بعدين في ضرائب ما دخلت في الحساب كضرببة القيمة المضافة وضريبة المجالس وضريبة الطرق وهلمجرا 😜😜 كلها ضرائب تدعم اقتصاد البلد دعم مباشر ..

يا اخونا محمد البشرى ركز انت معاي .. انا قلت دي ضرائب ما داخلة في الحساب ..

اجابات وتفاصيل مني ما تحلم بيها ..

اندهاشاتي

Quote: اخونا محمد البشرى ركز انت معاي .. انا قلت دي ضرائب ما داخلة في الحساب .. اجابات وتفاصيل مني ما تحلم بيها .. اندهاشاتي

ا

يا أستاذ محمد هارون
انا بأخذ وبدئ معاك في الضرايب التي قلت انت بلسانك
قيمتها 200 الف استرليني وقلنا ليك صعب تدفع هذا المبلغ
في مدة اقل من عشرين سنة لو كنت عامل عادي او موظف
لانه مبلغ عالي الا اذا كان وظيفتك ما عادية ... فأنا لا احلم
بتفاصيل لكن احلم باستمرار النقاش

اخوتي الاعزاء في هذه اللحظة تلقيت خبر وفاة عمتي بمدينة نيالا. ربنا يرحمها ويغفر لها ويجعل مثواها الجنة مع الصديقين والشهداء وانا لله وانا اليه راجعون .

لذلك لن اتمكن من التداخل او الرد في الأيام المقبلة ..

إنشالله البركة فيكم، لك أحر التعازي

وللفقيدة كل الرحمة والمغفرة.

لها الرحمة والمغفرة وصادق العزاء لكاخى محمد هارون والاسرة الكريمة

Quote: . ربنا يرحمها ويغفر لها ويجعل مثواها الجنة مع الصديقين والشهداء وانا لله وانا اليه راجعون

رحم الله عمتك رحمة واسعة و تقبلها قبولا حسنا
البركة فيكم يا ود هارون و خالص التعازي لك و لأسرتك و لاهل عمتك أجمعين و الدوام لله.

الاخ محمد هارون
خالص التعازي وللفقيدة الرحمة

مكرر

الاخ جني
ربنا يرحم عمته
حانديه ثلاثة ايام حداد
بعداك بنرجع لموضوعنا الأساسي
بالمناسبة لي أهل في برام ... قالوا مافي
وفاة ... لكن هو قال الوفاة في نيالا ... ربنا
يرحم موتى المسلمين اجمعين

...بعيدا عن السياسة واضابيرها ومشاحناتها..
والله يا حامد عبد الله النكتة بتاعة المزارع كتلتنا بالضحك ..مش ضحك
وبس ولكن ضحك متواصل وصل حد الهستيريا...حتى واحدة مننا شرقت
ووقعت في الواطة...
انت غايتو حتقتل ليك زول في يوم من الايام اذا واصلت في حكي نكات زي دي
...الليلة غايتو نسيتنا هم الغربة ...
you make our day
ودمت بالف خير وصحة وعافية

ربنا يرحم عمتك لكن الفيك اتعرفت
جني

للفقيدة الرحمة والمغفرة ونسال الله ان يجعل قبرها روضة
من رياض الجنة..والعزاء موصول لمحمد هارون..

نسال الله لها الرحمه والمغفرة واعلى الفردوس في الجنه
انا لله وانا اليه راجعون ,,, والبركه فيكم يا ود هارون

UP