يا دكتور عارف الركابي ماركس خلو، انا دا بقول ليك الدين أفيون الشعوب

04:55 AM Feb, 07 2016

سودانيز اون لاين
ناصر جامع-
مكتبتى
رابط مختصر

بالله في الدنيا دي في حاجة تم إستغلالها لتغييب الناس و إستغلالهم و نهب فلوسهم أكتر من الدين؟؟

أموال ناس المهدي و ناس المرغني دي جابوها بعرق الجبين؟؟

سنة 75 جاتنا ستي نفيسة من كسلا....تووووووش دخلت دكان الوالد، فتحت الدرج، لقت 500 جنية، مش جنيهات الزمن دا المغشوشة، الجنية الاصلي أب جمل داك، طبقتا كدا و ختتا في محفظتا، و الله بغم ما قالا. هي أريتها كان حقتو، و الله أمانة، جابها ليهو زول بالصباح، جات ستي نفيسة شالتا منو. اها بالله في تغييب و إستغلال أكتر من كدا؟؟

ياخي الزول المسطول بي افيون ذاتو ما بديك قروشو كدا ساي

يا ناصر يا حبيب
انت كنت وقعت لدكتور عارف في الأتو بتاعه و اديته ثرو باص مبالغة خليته هو و القون
بعد الشيعة و الجمهوريين و العلمانيين - ويمكن قبلهم كمان - ناس سيدي و ستي ديل اهم اهداف و تخت تنشين للسلفيين

في نفس السياق كارل ماركس قال عن الدين :
(إنه أنة المحرومين، قلب دنيا لا قلب لها، وروح حياة ليس لها روح)

Quote: Religious suffering is, at one and the same time, the expression of real suffering and a protest against real suffering. Religion is the sigh of the oppressed creature, the heart of a heartless world, and the soul of soulless conditions. It is the opium of the people.

من هنا : https://www.marxists.org/archive/marx/works/1843/critique-hpr/intro.htmCritique of Hegel’s Philosophy of Right

تحياتي ناصر جامع، ومحمد البشرى
الموضوع (نقد فلسفة الحق عند هيغل) مترجم كامل، وقد إقتبست منه :

Quote: في ما يتعلق بألمانيا ، لقد انتهى ، من حيث الأساس , نقد الدين ، ونقد الدين هو الشرط الممهد لكل نقد . ان الوجود الدنيوي للخطأ غدا مشكوكا فيه ، منذ ان أصبح دفاعه السماوي عن ذاته مفندا . فالإنسان الذي لم يجد في واقع السماء الوهمي ، حيث كان يبحث عن الإنسان الأعلى ( السوبر مان ) ، الا انعكاسا او صورة لذاته , لن يكتفي بعد ذلك بأن لا يجد سوى مظهر ذاته وحسب ، سوى اللانسان ، وإنما يبحث هنا ، وعليه ان يبحث بالضرورة ،عن حقيقته الواقعة . ان أساس النقد غير الديني هو : ان الإنسان يصنع الدين ، وليس الدين هو الذي يصنع الإنسان . يقينا ان الدين هو وعي الذات والشعور بالذات لدى الإنسان الذي لم يجد بعد ذاته , او الذي فقدها . لكن الإنسان ليس كائنا مجردا جاثما في مكان ما خارج العالم . الإنسان هو عالم الإنسان , الدولة , المجتمع . وهذه الدولة وهذا المجتمع ينتجان الدين ، الوعي المقلوب للعالم ، لأنهما بالذات عالم مقلوب . الدين هو النظرية العامة لهذا العالم ، خلاصته الموسوعية , منطقه في صيغته الشعبية ، موضع اعتزازه الروحي ، حماسته ، تكريسه الأخلاقي ، تكملته الاحتفالية ، عزاؤه وتبريره الشاملان . انه التحقيق الوهمي للكائن الإنساني , لان الكائن الإنساني لا يملك واقعا حقيقيا . إذن فالصراع ضد الدين هو بصورة غير مباشرة صراع ضد العالم الذي يؤلف الدين نكهته الروحية . ان التعاسة الدينية هي ، في شطر منها ، تعبير عن التعاسة الواقعية , وهي من جهة أخرى احتجاج على التعاسة الواقعية . الدين زفرة الإنسان المسحوق ، روح عالم لا قلب له ، كما انه روح الظروف الاجتماعية التي طرد منها الروح . انه أفيون الشعب . ان إلغاء الدين ، من حيث هو سعادة وهمية للشعب , هو ما يتطلبه صنع سعادته الفعلية . ان تطلب تخلي الشعب عن الوهم حول وضعه هو تطلب التخلي عن وضع بحاجة الى وهم . فنقد الدين هو بداية نقد وادي الدموع الذي يؤلف الدين هالته العليا . لقد نزع النقدُ عن السلاسل الزهور الوهمية التي كانت تغطيها ، لا لكي يحمّل الإنسان قيودا غير مزخرفة , موئسة ، بل ليقذف بالسلاسل بعيدا ويقطف الزهور الحية . ان نقد الدين يدمر أوهام الإنسان ،لكي يفكر ، يفعل , يكيف واقعه بصفته إنسانا تخلص من الأوهام وبلغ سن الرشد ، لكي يدور حول نفسه ، أي حول شمسه الواقعية . فالدين شمس وهمية تدور حول الإنسان مادام الإنسان لا يدور حول نفسه . ان مهمة التاريخ إذن ، بعد زوال عالم ما وراء الحقيقة ، هي ان يقيم حقيقة هذا العالم . تلك هي بالدرجة الأولى مهمة الفلسفة ، التي تخدم التاريخ وذلك بعد ان يجري نضح الشكل المقدس للاستلاب الذاتي للإنسان وينزع القناع عن الاستلاب الذاتي في إشكاله غير المقدسة . وبذلك يتحول نقد السماء الى نقد الأرض ، نقد الدين الى نقد الحقوق ونقد اللاهوت الى نقد السياسة .

المصدر: نقد فلسفة الحق عند هيغل

Quote: يا ناصر يا حبيب انت كنت وقعت لدكتور عارف في الأتو بتاعه و اديته ثرو باص مبالغة خليته هو و القون

هههههههه، ود البشرى يا حبيب قلت لي سيك في القبول هههههه
بيناتنا التربيزة بس

Quote: يا عماد عيدروس ياخ شكلك ما اتذكرتني، نحن اولاد دفعة بالمناسبة يا عماد اول حاجة مرحب بيك تاني حاجة، مقولة الدين أفيون الشعوب دي، قالها ماركس و لا لا؟

ابو عمر من نواحي الفيس مرحب بيك و تحياتي

Quote: الاخ ناصر جامع .. كدي ورينا في الاول وين ماركس قال الدين افيون الشعوب ..؟ ارجو ان لا توافق في شيئ اصلا لم ولن يقوله ماركس او اي شخص يحاول ان يروج لافكاره في تلك الحقب

و الله يا ابوعمر علمي علمك، لكن من ما وعينا للدنيا سمعنا انو ماركس قال الدين أفيون الشعوب، و أخونا عارف برضو قال كدا

علي أي حال الشيوعيين كتار في المنبر، أكون شاكر و الله لو نورونا في الموضوع دا

Quote: الدين زفرة الإنسان المسحوق ، روح عالم لا قلب له ، كما انه روح الظروف الاجتماعية التي طرد منها الروح . انه أفيون الشعب

يا ابو عمر على حسب الاقتباس الفوق دا من مداخلة أخونا عيدروس، يبقي هيغل اللي قال الدين افيون الشعب

Quote: بالله في الدنيا دي في حاجة تم إستغلالها لتغييب الناس و إستغلالهم و نهب فلوسهم أكتر من الدين؟؟ أموال ناس المهدي و ناس المرغني دي جابوها بعرق الجبين؟؟ سنة 75 جاتنا ستي نفيسة من كسلا....تووووووش دخلت دكان الوالد، فتحت الدرج، لقت 500 جنية، مش جنيهات الزمن دا المغشوشة، الجنية الاصلي أب جمل داك، طبقتا كدا و ختتا في محفظتا، و الله بغم ما قالا. هي أريتها كان حقتو، و الله أمانة، جابها ليهو زول بالصباح، جات ستي نفيسة شالتا منو. اها بالله في تغييب و إستغلال أكتر من كدا؟؟ ياخي الزول المسطول بي افيون ذاتو ما بديك قروشو كدا ساي

تحية طيبة اخوي ناصر

الدين ابدا ماكان فى يوم من الايام افيون الشعوب

بل بعض البشر هم افيون الشعوب .

ولك من التحايا أجزلها يا ناصر جامع يا دفعة
متذكرك يا دفعة

بالنسبة لمقولة "الدين أفيون الشعوب" فماركس قد قالها في سياق طويل وليس بسطحية كما يتناولها من يريدون فقط إفحام الشيوعيين.
الماركسية تقول بأن مراكز السلطة في المجتمعات لها (رؤاها الدينية) والتي تنشرها وتدعمها لتحقق لها السيطرة وإستدامة القهر والنهب، ولتقمع بها معارضيها
وللمقهورين رؤاهم الدينية التي تناهض الرؤية الدينية السائدة .
الماركسية تقول أن الصراع ليس في السماء رغم أن مراكز السلطة تستخدم الرؤى الدينية والمقولات الدينية فيه، إن الصراع في الأرض بين مراكز السلطة في المجتمع وبين من تقهرهم وتنهبهم هذه المراكز.
وأقتبس لك خلاصة قول ماركس من فوق :

Quote: ان مهمة التاريخ إذن ، بعد زوال عالم ما وراء الحقيقة ، هي ان يقيم حقيقة هذا العالم . تلك هي بالدرجة الأولى مهمة الفلسفة ، التي تخدم التاريخ وذلك بعد ان يجري نضح الشكل المقدس للاستلاب الذاتي للإنسان وينزع القناع عن الاستلاب الذاتي في إشكاله غير المقدسة . وبذلك يتحول نقد السماء الى نقد الأرض ، نقد الدين الى نقد الحقوق ونقد اللاهوت الى نقد السياسة .

دا مقال كتبتو هنا في سودانيز ممكن يساهم في النقاش:

Quote: "هاك أنبيائك سالمين وأنزل ... مسافة تهبشك غنية واناولك كاس" عاطف خيري في هذا المقطع من قصيدة "سيناريو اليابسة" يقارب الشاعر فكرة محو شعب من قبل الخالق بناءاً على عصيانهم له، ويحتج على الصورة المرسومة للإله في الأديان الإبراهيمية ويطالب برب حميم، يشارك الإنسان محنته الوجودية ،إله لا يعتبر الإيمان أو الإلحاد، الخطأ والصواب، الحسنة والمعصية معياراً ليتعاطف مع البشر. ما أريد أن أشاركه الناس هنا، أنه وبغض النظر عن معرفة وعلم المتدينيين أو عدم معرفتهم فأن تصوراتهم الدينية لها علاقة بوجودهم الدنيوي وبل يؤثر ذلك التصور على المؤسسات الدنيوية ويغيرها. إن التصورات التي تشمل إلهاً يصدر عدد من الأوامر والنواهي ويطالب العابدين بإتباعها غض النظر عن فهمهم لحكمة مشروعيتها، ومن ثم يعاقب العاصين والخارجين على هذه الأوامر والنواهي بعقوبات قد تتسبب في إنهاء حياتهم التي خلقها فيصيروا خارج زمرة الأحياء الذين يعملون لربهم سواء بعصيانه او طاعته، إن هذه التصورات تجد صداها وتطبيقاتها في حياة المجتمعات فتجد إنعكاس صورة هذا الإله في (الأب) ، (وشيخ) الطريقة، و(زعيم) الحزب و(رئيس) الدولة الذي يؤمر فيطاع وإلا فإنتظر عقاباً وحشياً بالضرب أو النبذ خارج الدائرة أو حتى بالقتل. تسود هذه التصورات عندنا منذ بدايات الإقطاع السوداني وحتى الآن، وتؤثر في التربية والتعليم، في السياسة وفي الإقتصاد، وفي حقوق وحريات الأفراد والمجتمعات. في المقابل فإن تصورات عن إله محب ورحيم، يقف مع المؤمنين به وغير المؤمنين في كل الأحوال ويفسح لهم مجالاً للإختيار والحرية الغير مشروطة بداهة يقابله مجتمع الحريات والحقوق والديمقراطية. صدق أو لا تصدق، ولكن تصوراتك عن الإله وتصوراتك عن الدين تساهم في تشكيل المجتمع : نحو الحرية والإنعتاق، أو نحو الكبت والإنغلاق. وربما يقوم المؤمنين في السودان من مسلمين ومسيحيين وأصحاب ديانات سودانية وغيرهم ، ببناء تصوراتهم عن الإله التي ستتطابق مع ما يطمح له السودانيين من إنسانية و(حرية) وإخاء وعدالة.

صورة الإله في العلاقات الإقتصادية الإجتماعيةصورة الإله في العلاقات الإقتصادية الإجتماعية

الاخ أيمن الحاج الف مرحب

Quote: تحية طيبة اخوي ناصر الدين ابدا ماكان فى يوم من الايام افيون الشعوب بل بعض البشر هم افيون الشعوب.

العبارة بتاعت "الدين أفيون الشعوب" دي عبارة مجازية و ما أظن المقصود يفوت علي فطنتك

Quote: العبارة بتاعت "الدين أفيون الشعوب" دي عبارة مجازية و ما أظن المقصود يفوت علي فطنتك

اكيد عشان كدى قلت ليك بعض البشر هم افيون الشعوب

قيل انها جاءت أن بعض رجال الدين المسيحية قبل الثورة الشيوعية كانوا يناصرون السلطه

فى يوم الاحد بالكنيسه من خلال وعظ الناس بالتقشف والزهد فى الدنيا والانقطاع عن الشهوات.

حتى لايثوروا على السلطه ومادون الاحد يرى الناس عليهم مظاهر البذخ والترف والتبذير

فبدلا من أن يقولوا (رجال الدين بالمسيحية أفيون الشعوب) أخطأوا وقالوا (الدين أفيون الشعوب)

Quote: (رجال الدين بالمسيحية أفيون الشعوب) أخطأوا وقالوا (الدين أفيون الشعوب)

ما اظنهم اخطاؤا اذا صح ما نسب اليهم






ورد وود

حامد عبدالله
الف مرحب
تحياتي

ناصر
تشكر علي الترحيب

كتب ناصر جامع....

Quote: أموال ناس المهدي و ناس المرغني دي جابوها بعرق الجبين؟؟ سنة 75 جاتنا ستي نفيسة من كسلا....تووووووش دخلت دكان الوالد، فتحت الدرج، لقت 500 جنية، مش جنيهات الزمن دا المغشوشة، الجنية الاصلي أب جمل داك، طبقتا كدا و ختتا في محفظتا، و الله بغم ما قالا. هي أريتها كان حقتو، و الله أمانة، جابها ليهو زول بالصباح، جات ستي نفيسة شالتا منو. اها بالله في تغييب و إستغلال أكتر من كدا؟؟

يا ناصر حرر نفسك قبل أن تحرر غيرك من الأفيون ....

أنت زول عامل فيها مستنير ... وأمريكاني كمان...

ولسه مقيد بإحساس العبودية....

قال ستي قال.....

سيدك الله يا ناصر جامع .... حرر نفسك من قيود التخلف....

صح القائل -----

القلم ما بزيل بلم...

Quote: ما اظنهم اخطاؤا اذا صح ما نسب اليهم

وصف جميع الاديان بهذه الصورة غير صحيح لان الانسان هو من يخطئ ويصيب وليس الدين

أما اذا كنت تقصد بالدين فى تلك الفترة قبل الثورة الشيوعية الذي غيب فيها رجال الدين المسيحي العقل وجمدو الفهم وحجبوا الحرية

وهو ما حصل للمسيحيين المستضعفين تحديدا فى تلك الفترة- فهو فعلاً أفيون، بل أسوأ من الأفيون.

الاخ أحمدونا شكرا على النصيحة الغالية يا غالي

كتب الأخ أيمن محمود...........

Quote: أما اذا كنت تقصد بالدين فى تلك الفترة قبل الثورة الشيوعية الذي غيب فيها رجال الدين المسيحي العقل وجمدو الفهم وحجبوا الحريةوهو ما حصل للمسيحيين المستضعفين تحديدا فى تلك الفترة- فهو فعلاً أفيون، بل أسوأ من الأفيون.

وحتي في الإسلام تم تغييب العقل وتخدير البسطاء وتجدينهم بإسم الدين وهذا أمر معروف لايحتاج لجدل !- * كتب الأخ ناصر

Quote: يا ابو عمر على حسب الاقتباس الفوق دا من مداخلة أخونا عيدروس، يبقي هيغل اللي قال الدين افيون الشعب .

إقتباس عيدروس ـ لاينسب التعبير لهيقل ، ما نقله عيدروس جزء من أطروحة ماركس :- - نقد فلسفة الحقوق عند هيغل -وماركس بدأ مقاله

Quote: في ما يتعلق بألمانيا ، لقد انتهى ، من حيث الأساس , نقد الدين ، ونقد الدين هو الشرط الممهد لكل نقد .

أي أنه كان يتحدث عن واقع المانيا ، إلا أن مسألة إستغلال الدين وتغييب الوعي وتدجين العوام ظاهرة تجدها في معظم الأديان بما فيها الإسلام !

الحبيب ايمن الحاج مرحب بيك تاني

Quote: وصف جميع الاديان بهذه الصورة غير صحيح لان الانسان هو من يخطئ ويصيب وليس الدين

Quote: فبدلا من أن يقولوا (رجال الدين بالمسيحية أفيون الشعوب) أخطأوا وقالوا (الدين أفيون الشعوب)

الاخ أيمن عايز أوضح ليك حاجة قبل ما نمشي بعيد.
أنا لا أطعن في ألاديان، و لا أقول إن ألاديان تخطئ. ألاديان كلها تدعوا للفضيلة، و أنا ما سمعت بي دين يدعوا إلي الرزيلة و التفسخ و إستغلال البسطاء و المساكين. لكن الكثير من رجال الدين عندما يتم فضحهم و نقد ممارساتهم التي ما أنزل الله بها من سلطان، طوالي يتهموك بأنك عدو للدين وإنك و إنك ووووووو
ما ممكن عبارة الدين أفيون الشعوب تفهم فهم حرفي للكلمات
لكن بسبب الفهم الخاطئ للدين،الواحد بيسمح لزول تاني إنوا يستغلوا.
الواحد يفهموا الدين بطريقه تجعلوا مغيب عن الوعي تماما, زي الزول الطاشم افيون لط, لكي يتم إستغلاله.

Quote: قيل انها جاءت أن بعض رجال الدين المسيحية قبل الثورة الشيوعية كانوا يناصرون السلطه

في أمريكا الليلة دي، مش في العصور الوسطي، في حاجة اسمها ال Mega Churches أو الكنائس العملاقة. و الكثير من المسيحيين يدفعون 10% من دخلهم السنوي للكنيسه كواجب ديني يقربهم إلي الله. يعني قدر الزكاة 4 مرات. أحد القساوسة من أصحاب هذه الكنائس لا يلبس بدلة يقل سعرها عن 4000 دولار و ما بلبس ساعة إلا رولكس
القس الفي الفديو دا، عندوا عربيتين رولزرويس بي قريب المليون دولار. عندوا بيت في اتلانتا بي مليون دولار. عندوا بيت تاني في نيوجرسي بي 2.5 مليون دولار. عندوا بيت تالت في نيويورك باعوا سنة 2012 بي 3.75 مليون دولار. عندوا طيارة خاصة. ايوا طيارة خاصة عديل كدا. سنة 2014 الطيارة جلت من المدرج في بريطانيا، قرر تبديلها بي واحدة تانية Gulfstream G650 و التي تعتبر اسرع طائرة للاغراض المدنية بسعر 65 مليون دولار. الراجل دا طلب من اتباعو المقدر عددهم ب 200 الف، التبرع بمبلغ 300 دولار للفرد

شوف الدجال دا قال شنوا في الدقيقة 4:20 قال في واحد من الشرق الاوسط رسل ليهو رسالة قال فيها ضبحوا قريبو و قام بإرسال شيك للمساهمة في شراء الطائرة

يعني عايز يركب موجة الدواعش بضبحوا في المسيحيين و هو عايز ينقذهم عشان كدا عايز طيارة خاصة بي 65 مليون!!
في وجهة نظرك يا أخ أيمن أتباع الراجل دا لو كانو ملاحدة كان دفعوا ليهو الملايين دي عشان يتجدع بيها؟

تحياتي أخ ناصر خداع البسطاء وعوام الناس بإسم الدين ـ أمر معاش ومعروف ـ إستغلال الدين لتحقيق مكاسب سياسية وتمكين السلطة والسلطان الجائر حقيقة يثبتها التاريخ والحاضر! * مراجعة سريعة ـ للعهد الأموي والعباسي تقول ـ أن هناك حفنة من الفقهاء والمتفيهقين رفعوا راية الجبر والتسيير وقالوا أنه ومادام الإنسان مجبر ومسير والفعل الإنساني مقرر سلفا ـ فلا فائدةمن الخروج علي الحاكم ـ لأنه جاء بأمر الله ـ وهرعوا في التبرير للخضوع للحاكم الظالم والمفسد والمستبد!* أول من إستغل الدين لخداع البسطاء هو عمر بن العاص والخليفة معاوية ـ خدع رفع المصاحف علي أسنة الرماح ـ طلبا للتحكيم وإتقاء ـ هزيمة محققة وقبل ذلك تم رفع قميص عثمانكمطلب سياسي ـ وخروج علي الحاكم ! وأخذ ثأر عثمان ودمه بقوة يد الخارجين علي خليفتهم* والتاريخ يقول أن الوهابية ـ دعموا سلطان آل سعود ـ الخارج علي شريف مكة وحكام نجد والحجاز ، بن سعود خرج متمردا ـ علي الحكم وقتل ـ ودمر وأقام ملكا بحد السيف ومعهذا دعمه الوهابية ــ وصاروا ظهيرا لحكم آل سعود ـ بإستغلال الدين وخداع البسطاء --- راجع ماكتبه مؤرخ آل سعود عثمان بن بشر ـ في هذا الشأن!** أما عارف الركابي ـ فقد أعلن أن في عنقه بيعة لعمر البشير ورفض تداول السلطة وإعادة إنتخاب الحاكم بدعوي أن ذلك يتعارض مع الإسلام وهكذا تراهم يكرسون لبقاء السلطانالجائر وتوطيد حكمه بإسم الدين ـ إنهم فقهاء السلطة والسلطان !, تجدهم في السودان يبايعون البشير ويشاركون حكمه ـ منحهم النظام ـ وزارة الأصنام والأثار الكفريةومرة وزارة المعازف والغناء ـ يحرمون الغناء المموسق . وعامة الموسيقي ـ ويصمتون ـ علي رقص البشير علي إنغام الموسيقي بل ومشاركة البشير ـلمطربة بالغناء ـ ورقص البشير في حفل مختلطضم أجنبيات (أجنبيات بالفهم السلفي) ، في السعودية تحرم الوهابية وتحظر الأخوان المسملين وفي منابر الأسافير يدافع بعض أفرادها عن أخوان مصر الذين خرج عليهم ـ وهابية مصر ودعمواالسيسي ! وكل هذه المواقف المتناقضة تتم بإسم الدين!

Quote: أي أنه كان يتحدث عن واقع المانيا ، إلا مسألة إستغلال الدين وتغييب الوعي وتدجين العوام ظاهرة تجدها في معظم الأديان بما فيها الإسلام !

كمال يا الف مرحب. اتفق معاك 100%

ستي نفيسة

واضح ان السياق سياق سخرية من تقديس هذه المراءة

Quote: لله في الدنيا دي في حاجة تم إستغلالها لتغييب الناس و إستغلالهم و نهب فلوسهم أكتر من الدين؟؟ أموال ناس المهدي و ناس المرغني دي جابوها بعرق الجبين؟؟ سنة 75 جاتنا ستي نفيسة من كسلا....تووووووش دخلت دكان الوالد، فتحت الدرج، لقت 500 جنية، مش جنيهات الزمن دا المغشوشة، الجنية الاصلي أب جمل داك، طبقتا كدا و ختتا في محفظتا، و الله بغم ما قالا. هي أريتها كان حقتو، و الله أمانة، جابها ليهو زول بالصباح، جات ستي نفيسة شالتا منو. اها بالله في تغييب و إستغلال أكتر من كدا؟؟ ياخي الزول المسطول بي افيون ذاتو ما بديك قروشو كدا ساي

الجميل صاحب البوست الجميل وضيوفه سلام
كدا بنتفق معاك تب ، ومانا مخالفنك !!!
بس دا مو دين الله ، دا دينن نجروه المشعوذين وانطلى على الجهلاء ودورنا ودوركم تبصير الناس بدينهم الحق الذي لا يخدر الناس بل يحرر الناس من عبادة العباد الى عبادة رب العباد .
كدا فتش في كتاب الله وسنة النبي لو تلقى سند واحد يعضد ما ذهب اليه اصحاب هذا الدين المصطنع !!!
تحياتي

ههههههههه
و الله يا ناصر شيخ محمد الزبير ده ريحتو راحة شديدة ليهو زمن منها.
ياخي ستي نفيسة دي يمكن طالبة الوالد القروش دي و هو خجل يقول ليكم ههههههه
كدي شوف لينا قصة تانية فيها انصار سنة برضو دخلوا دكان و شالوا قروش عشان المباراة تنتهي حبيا.

الاخ ناصر سلام موضوعك مهم لكن هبشتني بقصة ستي نفيسة وهي شخصية لها وجود وتقديس بين اهلنا الهدندوة وكانت توقف البوكس بتاعها امام اي مراح وتنزل تعزل ليها اثنين تلاته خرفان وتتحرك وكنت شاهدا علي ذلك بل كنت اسال عمنا الذي اخذت خرافه فكان رده ان هذا الاخذ فيه بركة لبقية الخراف ؟ هذا تغييب كلي رغم بعد نفيسة هذه الكلي عن الدين ........الان الشعب السوداني مغيب والكثير من الشباب مغيب خاصة الدواعش غبت عن السودان فترة وحضرت في زيارة ووجدت عرس الشهيد عند جيراننا رقص وغناء ....ومزاعم زواج بنات الحور وغيرها لم اقل شيئا .....بل كنت اتفرج فيما يجري وتلجمني الدهشة وحال القوم يومها كالمساطيل فقد غاب عقلهم ...ولكن عبارة الدين افيون الشعوب ظلت تدور في راسي

ديل مش ياكلو مال الشعب المسكين....ديل ياكلو مال النبى.

Quote: يا ناصر حرر نفسك قبل أن تحرر غيرك من الأفيون .... أنت زول عامل فيها مستنير ... وأمريكاني كمان... ولسه مقيد بإحساس العبودية.... قال ستي قال..... سيدك الله يا ناصر جامع .... حرر نفسك من قيود التخلف.... صح القائل ----- القلم ما بزيل بلم...

Quote: ستي نفيسة واضح ان السياق سياق سخرية من تقديس هذه المراءة

عوض محمد احمد ياخي ينصر دينك; ظهر الحق و زهق الباطل إن الباطل كان زهوقا
أخونا أحمدونا جا طايح فيني بالجوز; قلت احتسبها عند الله; و أطلب له الهداية يفقه قولي، وتُحَلّ غشاوة عقله

محمد الزبير محمود ألف مرحب يا حبيب

Quote: الجميل صاحب البوست الجميل وضيوفه سلام كدا بنتفق معاك تب ، ومانا مخالفنك !!!

أولا شكرا علي ألاتفاق معاي، بالله يا أحمدونا أستفيد من ود الزبير دا في النقاش ياخ ههههههه
عارف يا محمد الزبير، أحمدونا دا أول حاجة، يشوفني أنا شايت وين، عشان يشوت عكسي
باقي لي لو قلت ليهو ارح الجامع نصلي، يقوم يمشي الكنيسة

طيب يا ود الزبير، الخلاني افتح البوست دا، هو طعن الاخ الدكتور عارف الركابي من قناة هذه المقولة للأخوة الجمهوريين و الشيوعيين، فهل يجهل الدكتور عارف الحيثيات و السياق التاريخي الذي قيلت فية هذه المقولة؟؟

الخصوم السياسيين للشيوعيين استخدموا كلام ماركس دا ضدهم للكسب السياسي الرخيص
السياسي بحكم المهنة يراوغ ويَختِل، و يكذب و ينافق، لكن ما بال العالم المفكر كدكتور عارف، و سمت العالم المفكرهو الصدق و الحق؟؟

شوف كلام أخونا عيدروس

Quote: بالنسبة لمقولة "الدين أفيون الشعوب" فماركس قد قالها في سياق طويل وليس بسطحية كما يتناولها من يريدون فقط إفحام الشيوعيين. الماركسية تقول بأن مراكز السلطة في المجتمعات لها (رؤاها الدينية) والتي تنشرها وتدعمها لتحقق لها السيطرة وإستدامة القهر والنهب، ولتقمع بها معارضيها

الاعزاء سيف، أزهري و نواي ألف مرحب
بجيكم راجع إن شاء الله