الحقو المستنير ؤُ عمر البشيّر ...

10:21 AM Feb, 05 2016

سودانيز اون لاين
معاوية المدير-بكندا محافظة البرتا
مكتبتى
رابط مختصر

زمان في البلد أهلنا كانوا بيمرُقُوُلُن نخلة من النخل يقولوا، النخلة دي وقِف،
وقِف يعني صدقة، يعني نخلة الغاشي والماشي والطير في سماهو، مِلِك
لكل الناس .

دحين يا جماعة البوست دا وقِف لكل الناس، ايّ زول داير يرمي فيهو مدآخلة يعتبرو
حقو، لو في زول داير يمسك الدفّة حقتو فاليفعل، لو في زول داير يأستك مدآخلة،
فاليفعل، لو في زول خايف من إستيكة فرانكلي البُكان دا بُكانو، يعني باختصار كدا
البوست دا للغاشي والماشي .

أُخدوا راحتكم تب ...

Quote: طع رئيس الجمهورية المشير عمر البشير، بعدم معاقبة الحكومة للمواطنين من دولة جنوب السودان بسبب قياداتهم، وقال: (قياداتهم الاتلوموا وقالوا ما دايرننا، ونحنا ما بنعاقب مواطنيهم بسبب قياداهم)، وأضاف: (ديل أهلنا ونحن أهل الكرم). وتعهد رئيس الجمهورية بإكمال مطار النيل الأبيض الدولي قبل الانتهاء من مطار الخرطوم، وأكد دعم الحكومة الاتحادية لوالي وأهل النيل الأبيض وذلك بتوفير كافة الخدمات وقال: “عاوزين نوفر ليكم الموية لكل بيت وتاني عطش ما في، وطالب مواطني النيل الأبيض بمساندة واليهم كاشا وقال: (نحن كاشا حولنا ليكم نهائي بس إنتو أربطوه عندكم). وهدد البشير بسجن أولياء أمور الطلاب حال عدم اللحاق أبنائهم الذين تجاوزوا سن السادسة بالمدارس، ودعا لتوطين العلاج بالداخل وتوفير الرعاية الصحية في كل قرية. وأشار البشير الى أن زيارته للنيل الأبيض لاختبار ولاء المواطنين للإنقاذ، ولفت لمصداقيتهم وكرمهم، وللجهد الشعبي الذي تشهده النيل الأبيض في كافة المجالات، وتعهد بدفع (4) جنيهات مقابل كل جنيه يدفعه المواطن من أجل التنمية والإعمار بالولاية. وتعهد رئيس الجمهورية بمواصلة مشروعات التنمية في السودان وقال خلال مخاطبته أمس حشداً جماهيرياً بربك بولاية النيل الأبيض على هامش افتتاح عدد من مشروعات التنمية وعلى رأسها محطة أم دباكر الحرارية للتوليد الكهربائي، قال: (نحن ما بنقول كلام ساي في الهواء لأنو دا برنامجنا الانتخابي وما حنتراجع عنو لأنو الراجل بربطوه من لسانو). وكشف البشير عن توقيع عقد مع دولة الهند لتوسعة محطة أم دباكر الحرارية لتنتج (1250) ميقاواط في مرحلتها الثانية بما يعادل إنتاج سد مروي، وأشار الى أن النيل الأبيض لم تعد ولاية مخصصة لإنتاج السكر فقط، بل ستصبح ولاية للبترول والكهرباء. وأعلن الرئيس عن عودة النقل النهري مع دولة الجنوب بتسيير جرارات من كوستي للجنوب. الجريدة

http://sudaneseonline.com/board/490/msg/1454658374.html

Quote: يا فرانكي، كنت بشاهد في قناة الشروق وراقد في الكنبة، لمان سمعت قرار فتح الحدود مع الجنوب، وقفت علي حيلي وقلت: الله أكبر، الله أكبر قعدت وقلت بسري: بالقديم بالقديم أول مرّة اشوف البشير دا يعمل ليهو حاجة حكيمة التحية لاهلنا في الجنوب وهم يناضلون ضد الحرب والجوع والغربة

مدآخلة المستنير !.
بالله البشير خلآهو ليك آمن عدييييل كدا ...

والله يا ول ابا معاوية ،
انا كنت ماشي ارش ليك البشير جنس رشة واحدة ، اقلاها ناس (ارعى بيقيدك)..

لكن اول ما قريت مداخلة ابكر الطويل ، برواية قمر عليها السلام ، قلت يا زول هوي اخير تقرع شوية..!!

عالم تحير ..!!

كبر

اها ونحن فاتحين خشمنا لفتح الجنوب
صحبي لؤي طلحة عندو بابور بحر بي كم مليار .. حرم واقفة لامن صدت من الاستفتاء واقفة
لكن طلق ناس الهواستن ولا رجو الافتتاح الرسمي سمعو الكلام بي هنا ودقشو الجنوب بي هناك .. بلح وبصل وذرة وسكر
.. البلح دة بنفع مع الصقط
البوست البياباهو سيدو آباهو
ازيك ود المدير وضيوفو
عمر البشير هسة في كوستي الجامع الكبير .. ههههه مقلب الناس مقلب .. الناس البتصلي في الجامع واغلبهم ناس السوق .. الجامع كان بصلي اتنين ونص .. الناس مشت لقوهوم صلوا قبل اتنين

هههههههههههههههههههه،

يا عمو البشير أهلنا في المثل قالوا،
الجمل ما بيشوّف عوجة رقبتو .
والله صحي ...

عليك الله قال الله كبر
و بالقديم كمان
الزول ده لو ما بقيتو عليهو عشرة بيمشى لى ناس داعش بعد ده

يتخيل لي في حاجات كتيرة محتاجة سب

وهذه مداخلة للمستنير أبوبكر الطويل صديق قمر في بوست فرح الطاهر أبو روضة:
"سلام فرح،
بغض النظر عن أسباب الإنقاذ السياسية الإقتصادية من فتح الحدود، إلا انو وصول الفتريتة للجنوبيين باسعار مناسبة هي شريان حياة في هذه الظروف الصعبة

لذلك نحن نهلل ونزغرد ونبتهج بهذه الخطوة

مرات قاعد أسرح وأقارن الفرق بين الجنوب والشمال شنو؟
وحات سيدي الحسن، ما قاعد ألقى غير توفر الفتريتة بالشمال في كل الاحوال
ضعف انتاج القضارف؛
تنتج الجزيرة
ضعفت الجزيرة؛
تنتج كردفان ودارفور
والتحية للسهول المنبسطة أينما كانت"

حلمان أمس بعد لاقيت أب داقوسة في الموردة، مشيت حضرت لي اجتماع ثوري بدار منبر السلام بتاع الطيب مصطفى.
بدأ الاجتماع بتهاليل وتكابير لحدي ما كنت بشعر بالهزّة في سرير الفندق
المهم كلهم لابسين جلاليب بيضا وعمم كبيرة
اسحق قدم الخال
الخال قال: زي ما قال ليكم ود أختي، بعد دا ما دايرين دغمسة، التيران المتكبّة برا سببا انو العواليق ديل مشوا مننا
إتوا قايلين عولاق يعني شنو؟
واحد من قدام وقف علي حيلو، كنت قايلو داير يجاوب، لكنو قال:
الله أكبر الله أكبر
قعد وعاين لي في الصف الأخير وعمل لي حركة البنات بتاعت كيّة بيدينو
الخال قال: ما بطيل عليكم، دايرين أقتراحات باسم جديد للإمارة:
بدأت الاقتراحات:
- امارة غرب الحجاز الاسلامية
- داعش الأخرى
- إمارة ابن أبي السرح
- عبد الله جماع الاسلامية
رفعت يدي، مدير الجلسة قال: أيوة الطويل الفي الأخير الما لابس جلابية داك:
- فتريتة
القاعة صنّت والجميع تحرك محوي
صحيت من النوم لقيت السيخ جنب السرير
ضربت لبتاع الاستقبال قال لي عندنا صيانة بالفندق اليوم، ممكن نحولك

Quote: - داعش الأخرى

ما قلتليكم
اها بدا يهضرب

Quote: صحيت من النوم لقيت السيخ جنب السرير ضربت لبتاع الاستقبال قال لي عندنا صيانة بالفندق اليوم، ممكن نحولك

هههههههههههه،

لو ما طلع سيخ صيانة للفندق كان حولك السلآح الطبي،
ؤُ بدل الصير كنت حا تاكل عصافير .

بمناسبة العيش دي بالله تكبيرة تكبيرتين
لسيدك الرييس ...

الفسل داك قال ولا شق تمرة
الجعلي كريم والتاني ........

ود المدير كيفك

و إنت مستكتر الإستنارة على البشير ليه .....
الهوت دوق و البيتزا و الطيبات دي كلها مش عرفتوها في عهده الميمون ...؟؟؟؟
مستنيركم دا لسه في مرحلة الصير .....!!!!!!
خليك منصف .....

تهريف بس مما يضمن ليهو زول ما عندو باسوورد في المنبر
يقعد يضقل ويسرح في مراية بوستات الناس ..
أطالب بباسوورد للبشير .
أوع تكون قاصدين بالبشير سيدي الرئيس بس؟

Quote: تهريف بس مما يضمن ليهو زول ما عندو باسوورد في المنبر يقعد يضقل ويسرح في مراية بوستات الناس .. أطالب بباسوورد للبشير . أوع تكون قاصدين بالبشير سيدي الرئيس بس؟

باسوورد لمنو ؟.

يا طلحة عادي ممكن تسوق البوست دا ؤُ تدوّر بيهو زي
ما داير، الشي دا ما عندو سيّد دحين أُخُد راحتك ...