Post: #2
Title: Re: العودة للوطن انتحار والغربة موتة ممرحلة ؟
Author: هاشم احمد ادم
Date: 02-03-2016, 11:32 PM
Parent: #1
شكر نزار
جعلت المقل تبحث عن دموع جفت
وأهدى هذة الاغنية لجلادونا ود المدير وهم
ما زالوا يحلمون بحصاد اصبح بوار .
لك التحية ولكل( ناس جوة)
|
Post: #3
Title: Re: العودة للوطن انتحار والغربة موتة ممرحلة ؟
Author: مصعب عجاج
Date: 02-03-2016, 11:34 PM
Parent: #2
سفيان جنو زول ما نصيح كلو كلو
مسكووون
مكاتب حلم عاطل
لسة الدنيا بخير يا أصلي وماكـَ مُزيّف
شان تتكيّف
مع كُلِ مواسم بيعة الروح
لِسة الدنيا بخير يا خي
والأصلية ما كملت
ولا إنقطع النشيد في لحنك الزمن المُعافى
هذا المُعَّكَر في دواخلكـ
لو يسِد جواك مداخلكـ للخورج
بنشرّ حُزنكـ غيم
مهدد بالهطول
على عرض طول قلبكـ حُزن
ريفكـ في جواك ما مُدن
أنعل جلوسكـ في الرصيف
قادر تقيف بس قول نويت
لو إهتديت لي ضوكـ الجواك
بضوي العتمة فيكـ
والمحتويكـ بي فكرتو
على إنك إنسان مُختلف
فوق قدرتو يولَف وِلِف
بينك وبينكـ يوم تلِف وتدور عليكـ
ما تفتشو أرجاه بجيكـ
والمحتويكـ الحُب
مين اللي قال الحُب خُرافة
مرهون على بت أسي ماف
محبوبة تدهش بالراهافة
شان ناقصة مِن
مِن الكمال
بت بالنية
سودانية
وفي تمام الإعتدال
بت
بت حلااااااال
مُتواضعة ما مُتعجرفة
بسيطة ما مُتكلفة
صدق الكلام باين عليها
ما بجيك شك وتحَلِفة
تِنشكة بين مليون نفر
أين المفر من تعرفها
خلقوها من معدن نضيف
عزولها من طين اي زيف
خلقوها معلم للجمال لا بُد قصادو الروح تقيف
في زحمة المُدن التصاوير
والباهاريج
جواها ريف
تتخيلها لابسة توب وسفنجة خدرة
ومُتمشطة السودان قفل
بتحلفكـ بالنيل امل
مع كُل مَد
ولو مافي بت ما تموت كمد
الحُب بيجسد وطن
وهذا الوطن جسد الحبيبة إن تبقى ماف
ما عيب إذا نبضكـ رُهاف
تاوق بين الشوف والريد الِيعمي
شيل سنارتكـ أرمي
وإصتاد الحُلم
والحُلم مُهِم
ومُهِم جداً يطلع صوتكـ
ويقول المقطع من غير يقطع
يطلع كامل كوبلي يقين
ويُبرُق ضو
يا فنان في خَلق الجو
أخلِق جَوَكـ
قول لي ضوكـ يِشلَع نور
عيش الدور
ياها حياتكـ
بِريم شعركـ ونضاراتكـ
حُر مُتمرِد في مساحاتكـ
قادر تضحكـ عِز أهاتكـ
دون ما تبرِر لي نياتكـ
أمرق نسمة وقاوم الكتمة
ومثل نفسك
أدي المَسرَح طاقة ضوكـ
وضَوِي هناك كالوس الضَلمة
أطلع أعلى المَسرَح وحيي
الشارع الشايفك
مشهد صمت ودمعة وكِلمة
وعاين ساااااي
للماشي
الواقف فيك
المارق منك
منك جاي
قوم اقع
عَدل خطوك كان اتعثر
وخلي المشهد وحدو إتفسَر
واسقي الشارع خطوك كاس
أنا شايفو بنادي خُطاكـ شان يِسكر
ويِسكر أكتر
لما تتقِل راسكـ فِكرة
وتحنو تدنقِر شان ما تحي الحال الصَفَق
مُعجب بيكـ
لما إزاعة ربطكـ تَعلِن
إنو يغينكـ ما ح يهينكـ
ومشهد حُلمك ما تمثيل
وحُلمكـ صاحـــي
فَتَش
دَقَش
كُل مناحي أعذار الخَيبة
وشَيّد واقع
قال الحلم عن روحو بدافع
والنفس الداخل أصل الطالع
قشقش عين يوم بكرة الدامع
ضِحكـ الليلة بوجع أُمبارح
كونكـ تكسب روحكـ
رابح
ما الروح بتروح
وبرجع جسد الطين للطين
وطين الروح في الأصل طموح
وقادرة تعيد تشكيلو المطرة
بداية الغيث القطرة
بداية الحُلم الفِكرة
وعاطل بس حُلمكـ شغال
عاطل قاعد في أحسن حال
عاطل أحسن من القاعد ساي
من صُنع إيديكـ كُباية شاي
تِتكيَف تدي براكـ الراي
تِتِصَنّف جَيد جداً ليكـ
شغال إنسان في دوام أول
في دوام تاني
عامل يومية بتبني في ذات
على قدر ظُروفكـ كان مصروفكـ
ماشي في دربكـ حامد ربكـ
بايس يدكـ وَش وضَهر
طَوّعته القهر
وأرضيت حاجاتكـ بي بدلاتكـ
وَسَعته الضيق
بدل وطن
وبدل حبيبة
بدل صديق
وزِدته الراتب رَقيت روحكـ
لما أصبحته مُدير القسم الحلم
والحلم فسيح
خمسة مكاتب
مكتب أول
وكان مفتوح في أقصى يسار الفِكرة
بي حُرقة روح ويقين القُدرة
مُختص مُهتم بي ضحكة بُكرة
يرجع يبقى العالم اَمِن
البني أدم إعيش مُطامِن
يطلع اَمِن
يُدخُل اَمن
ينظم نفسو بي صورة تخصو
تسقُط فوضى نظام العام
يعيش حُريتو بشكلٍ تام
حُر في غُناه
حُر مُناه
حُر في القول
حُر في الظاهر
والمجهول
حُر كان قاعد
حُر كان قام
حُر تفكيرو
حُر زي غيرو
الشايف في حُريتو حرام
حُر في وَسيلتو وحُر في الغاية
وحُر في نَفسو
وحُر في نفسو
حُر في سكوتو ومرقَت حِسو
وفي البيحسو
حُر بي معني الكلمة الحق
والحُرية أفعال وكلام
مسيح بينادي على خلق الله محبة
وفي أرض الله الواسعة سلام
قال للفرد الحق يمتد
ويلقى براحو في وطن أتراحو
يطالب حُر بي كُل أفراحو
يغرِد جد ويطير بجناحو
يِرِك في الحق
الحق العود الما فيه شِق
الما قال طَق
وطق طق طرق
خطوات
تمش
ماف مُستحيل تحت الشمش
وفوق الشمش
رب العباد
النهايات ما بعُاد
وأرض الميعاد في الدُنيا دي أرضكـ
شرفكـ حقكـ عِرضكـ
وهن ممكنان
ممكن إنو تحقق ذاتكـ
وممكن ذاتكـ تبقى مكان
والخالق عادل يا المخلوق
فبأي الا ربكـما تكزبان
إنت وجهلك
تاوق أسأل
إقرأ بسمه الذي خلق
إتعوّذ بيه من شر ما خلق
لساتكـ قادر وبالإمكان
تتحقق تاني
وجنباً جنب لي مكتب
مكتب تاني
كان وَرّانــــي
موازي الروح
كون مفتوح
على لي فِكر طموح
جابد لَتق كُل مَفّتق
حصد الفكرة الزَرعها بَتق
طَقطَق أصابع المُستحيل
في كَف بتمتد للشمش
تَخمِش شُعاع وتَفِنو ضو
في وش ضلام الإضتهاد
ما الفكرة بت الإجتهاد
تقعد تذاكر مُعطيات الأمنيات
تَفتح كتاب الأُحجيات
وتبداها من لحظة مروقها من الضلع
وتُمر على الشاف والسِمع
قدر النهايات في الحُجي
تشرق شموس الأغنيات
من فاطمة السمحة
التيراب مش أصل القمحة ؟
فاطمة الأم
الحبل السري البدي الدم
الأخُت الشايلة لهمكـ هَم
حبيبة
مشاركة تقاسم الغم
هي الأصل
فاطمة السمحة
فاطمة الأسي بقت ما سمحة
كما قالوها هُم
وهم مننا
لكنهم ما زيننا
هُم
قالو فاس ما شَقت راس
وهي
في أصل الخلق أساس
قالو بتهتِف بالحُرية
هتفو
المارق منها عَورة
وطاردو حِسها بالدورية
قالو وقالو وقالو وقالو
والمكتب قال عنها دُخرية
ياها مهيرة
عروس السيرة
ياها الأولى الكَتّر خيرها
القادرة تحدد لي خط سيرها
حقها, حقها ما حق غيرها
مين اداهم حق تسييرها
ومين القال محتاجة حَرص
يسوي الخوف حوليها قفص ..؟
يدُق القيد في خطوها نحووي
يهضم فيها حُرية الفكرة
يدي لي روحو كمال القُدرة
ويفرِض إنها دايماً نقص ..؟!
فاطمة الحُرة ح تفضل حُرة
قال المكتب
هذا الفكر الجاهل فينا
لا بقدمنا ولا بودينا
حقو نفكر
كيف نعمر فكر الغد
الناس محتاجة العلم في الأول
قبل الحوجة لكُبري وسد
الناس مُحتاجة الفِكر النّير
وقبل نسِّير
حقو نخِّير
تفكير الغير
لو يبقى مُحدد لي زول غير
الزول الراجع ليه مصير
الفكرة
بكون على فكرة
مجرد طير
محبوس بيكوس
على فرقة يطر
و
الفرقة مساحة تربي الطيرة
يغين في جناح
تحّلِق عكس خطوط السير
ترتاح
في واقع العش المرير
مكتب تالت
وكان مربوط في زمام الفالت
وعَطش الساقي
طَرح الصالح من الطالح
وجَمع الباقي
وطلع الناتج إشكال فردي
والإشكال إشكال أخلاقي
مقسوم على اثر الفرد في الكُل
وقال للكُل ح نسوي نفير
إيدي وإيدكـ يلا نغّير
جُهدي وجُهدكـ
وحُلم صَغيّر
نبدأ التغيّير
والتغيير بدايتو النفس
يلا نحس بالاخر نحن
نَفِك المحنة
نحِس بالوجعة
نبدأ جميعاً خط الرجعة
نحو الأصل في بداية الخلق
بالحُب والعدل والحق
نعدل الخطوة
يُنط العترة
هذا الإنسان طَيِب بالفطرة
قبل العترة تَغيِر حالو
هذا العاث في الدُنيا فساد
كان في إنسان طَيِب قُبالو
هذا البِسرق امل الغير
هذا الرايح دون اَمال
مين الرّوح منو أمالو
هذا العاطل وما شغال
هذا الحال
دور الأطفال
الإنفلات الإنحلال
ضيق الأفق
الإبتذال
إعوجاج الإنعدال
والتربية الإشكال
مكتب قال
حاكماه ظروف
هذا الشبه وشاب بي عيبو
من ما إتمرد وقطع الحبل السِري
لفو رقبتو بحبل الخوف
من ظُلمة التكّوين مَرق
للظلمة في مُحيط المكان
معذور إذا أصبح جبان
معذور إذا طَبعو إتخرب
كان كُلو ما إتوفر سبب للرفض
رفض
وصموه إنو قليل ادب
إيه يعني خلي المدرسة
لما ناسها هَروهُ ضرب
معذور إذا إرتاح بالدُخان
أو غَيّب الوعي جوا كاس
ما دام طريق الوعي صعب
ومعذور إذا ارتاح في الهروب
من واقع البيت التعب
ومعذورة هذه البت أكيد
إتمرددت على قيد الحديد
وإتحررت بس بالغلط
ما دامه قادرة وحللت
هذا الشعور الإنفلت
وقشش دموع ساكنة المأقي
فالأم مدرسة إذا أعدتها
أعدث شعب طيب الأخلاقي
وعدوها ما عدوها زول
وإنسان بِحِس
نهروها ما فاهمة السبب
أوعاكـ نسمع ليكـ حِس
سجنوها بين شمس ومغيب
وأدوها حُرية النهار
ذي التقول الضو جدار
بين البشر والإشتهاء
والليل قواد
جبروها على إنسان غريب
عن خارطة القلب وإتساع
النبضة في حُلم الحبيب
وجليدها ساح
ما بين لهيب النُصح في الفكرة الأساس
وإلإلتباس
في عقل عِند الإنتصاح
إتمرددت
إتمددت فوق البراح
معذورة هي
هي بتشتهي
معذورة إذا إتحطت
وإذا...إذا...إذا (_________) وإذا .... إذا إذا إذا
معذورة هي ومعذور
إذا ما هامزها
أو لامزها
أو هكذا قد قال ويل التربية
التربية الكانت أذى
العيب الصاح
الصاح العيب
منع الحق الأصلو مباح
إشكال محتاج مكتب تنغيب
شايف وعارف وسامع
مكتب إتابع خط السير
مكتب رابع
مُمُتد دون حد
ما تاتاي الخطوة الأولى
لحدي تدني الحال في الحال
واخر مكتب كان الخامس
بس بيلامس
حته بعيدة في حلم العاطل
حُلمو الدايماً مقفول منو
في أرض الواقع
عيونو السمعو المسكوت عنو
ومرقت شافت ايه الدافع
قالو العاطل
سبب الحاصل
سمِع الحاصل إشكال فرد
قال للحاصل قول الجد
قال الحاصل إشكال أُسرة
ام العاطل أُم منكسرة
وأب مشغول في شاغل اللقُمة
قال للحاصِل أنفي التُهمة
لمن حاصِل حاصلو دمع
ختو الُتُهم في المُجتمع
حِلم العاطل ذاتو دمع
صوت العاطل منو طلع
إتوظف حق
جابد على القول إتشرق
قحة السبب في جُملتين
هذا الوطن مقهور سنين
والمشكلة الشارع حزين
البيت حزين
إنسان البيت في البيت سجين
قالو ليه إنقاذ مرق
إنهارت كل القِيم الفيهُ
وقع المبدأ منو في زحمة سير الخطوة العاطلة
المبني على باطل باطل
وحطاوي إنقاذ الحل باطلة
وهذا المكتب كان مقفول
تجي نفتح مكتب سادس
نكسر باب السر
ونعري الخوف ؟
تجــــــــي ..؟
التعديل لزيادة حجم الخط
|
Post: #4
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-04-2016, 10:40 PM
Parent: #1
تديك اوطانك كف 
|
Post: #5
Title: Re: العودة للوطن انتحار والغربة موتة ممرحلة ؟
Author: معاوية المدير
Date: 02-04-2016, 11:23 PM
Parent: #4
في هذا التِيه أصبحنا نبحث عن من يدلنا
علي منابع الدموع التي جفّت في مأقينا .
ماشي الشُغُل ...
|
Post: #6
Title: Re: العودة للوطن انتحار والغربة موتة ممرحلة ؟
Author: Basamat Alsheikh
Date: 02-05-2016, 02:29 AM
Parent: #5
نعم الغربة موتة ممرحلة..
لكن العودة للوطن ما انتحار...
لان العائد للوطن يمكن ان يكيف نفسه
ويعود نفسه على استحمال المصاعب..
وياقلم نفسه مع معارك الحياة اليومية هناك..
ولا مستحيل تحت الشمس او فوق الشمس زي
ما بيقول مصعب في قصيدته الانيقة..
الغربة انتحار وموتة ممرحلة
لكن المضطر يعمل شنو؟؟
ودمت بالف خير وصحة وعافية
بسمات
|
Post: #7
Title: Re: العودة للوطن انتحار والغربة موتة ممرحلة ؟
Author: معاوية المدير
Date: 02-05-2016, 08:41 AM
Parent: #6
Quote:
شكر نزار
جعلت المقل تبحث عن دموع جفت
وأهدى هذة الاغنية لجلادونا ود المدير وهم
ما زالوا يحلمون بحصاد اصبح بوار .
لك التحية ولكل( ناس جوة)
|
شكراً أخي هاشم .
أتمنى اللآ تسرق الغربة شباب هاؤلاء الشباب الناضرين
كما سرقت المنافي شبابنا .
والله يا ناذر دخلت عشان اقولك عنوان بوستيك دا ينفع قصيدة،
فإذا بي اصطدم بهذا الإبداع الجميل .
حرآم ان تنتحر هذه المواهب علي اعتاب بوابة الوطن، وحرآم ان
تسرقها سنين الغربة .
مِحنة يا ناذر،
بس قول يا لطيف ...
|
Post: #8
Title: Re: العودة للوطن انتحار والغربة موتة ممرحلة ؟
Author: إسماعيل ببو
Date: 02-05-2016, 09:31 AM
Parent: #7
الأخ ناذر لك التحية
الحالة التي أمامنا معبرة تعبيراً حقيقياً عن حالة التوهان والحيرة وعدم اليقين في مستقبل قاتم خالٍ من أي شمعة تضئ خارطة طريق إلى الأمل والتفاؤل.
الغالبية من المغتربين تجد نفسها عند مفترق الطرق ونزاع نفسي بين تحقيق الحلم والنوستالجيا إلى وطن الطفولة والصبا والأصدقاء والأهل والأحبة. فالطريق إلى تحقيق الحلم في الغربة قد اصطدم بمتاريس خرسانية فولاذية يتطلب عبورها صبراً يفوق حد الصبر وطاقة فوق الاحتمال وربما مغامرة لا تؤدي لا إلى الحلم ولا إلى العودة.... الجنون المؤقت أو الدائم أو الموت الشبيه بالانتحار. بينما حمل الحقائب والتوجه صعيداً (في حال الخليج) يعني حمل جوال من الهموم والتساؤلات والقيل والقال والوسواس والخذلان والانكسار في حالة الوطن الراهنة.
بمعنى آخر.... الغربة أصبحت مثل "بيض أم كتيتي": كان شلتو بكتل أبوك وكان خليتو بكتل أمك.
تشيلو ولا تخليهو ؟؟؟؟ البيض دا؟
|
Post: #9
Title: Re: العودة للوطن انتحار والغربة موتة ممرحلة ؟
Author: Hani Arabi Mohamed
Date: 02-05-2016, 10:05 AM
Parent: #8
أبداً ، الرجعة للوطن ما كانت انتحار
أما الغربة نعم ... موتة ممرحلة
|
Post: #10
Title: Re: العودة للوطن انتحار والغربة موتة ممرحلة ؟
Author: سيف الدين بابكر
Date: 02-05-2016, 12:25 PM
Parent: #9
|
Post: #11
Title: Re: العودة للوطن انتحار والغربة موتة ممرحلة ؟
Author: jini
Date: 02-05-2016, 02:22 PM
Parent: #10
عشرة مليون سوداني في الغربة والمنافي
العواطف لا تشبع بطون
آيه جبرك على المر قال الامر منه؟
جني
|
Post: #12
Title: Re: العودة للوطن انتحار والغربة موتة ممرحلة ؟
Author: السنجك عثمان
Date: 02-05-2016, 02:58 PM
Parent: #11
الغربه اصلو طعيمة مر لكن بقعد بالجبر لا من سنين الهم تمر يالله تلزمنى الصبر
|
Post: #18
Title: Re: العودة للوطن انتحار والغربة موتة ممرحلة ؟
Author: سيف الدين بابكر
Date: 02-06-2016, 10:15 AM
Parent: #6
| Quote: لكن المضطر يعمل شنو؟؟ |
|
Post: #13
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 00:13 AM
Parent: #1
جاييكم للتعليقات ...
ومرحب حبابك يا المعز من الفيس بوك .. بكرة بجيك انشاء الله ..
|
Post: #14
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 09:47 AM
Parent: #1
هاشم احمد أدم ..
Quote: شكر نزار
جعلت المقل تبحث عن دموع جفت
وأهدى هذة الاغنية لجلادونا ود المدير وهم
ما زالوا يحلمون بحصاد اصبح بوار .
لك التحية ولكل( ناس جوة) |
مشكور يا عزيزي واحيان كتيرة محتاجي للدموع دي عشان تحرك المشاعر ..
والتحية لي جلادونا وود المدير ..
|
Post: #15
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 09:49 AM
Parent: #1
فعلا يا مصعب ..
Quote: سفيان جنو زول ما نصيح كلو كلو
مسكووون
|
سفيان مجنون وفي الجن جنونو براهو وشيطانو براهو ..
له ولك التحية ..
|
Post: #16
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 09:50 AM
Parent: #1
معاوية المدير ..
كيف أخبارك يا عزيز ..
Quote: في هذا التِيه أصبحنا نبحث عن من يدلنا
علي منابع الدموع التي جفّت في مأقينا |
أهو جاتك شوية دميعات هدية من السما يلا بلل عويناتك شوية وأعمل ليها تسليك ...
|
Post: #17
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 09:54 AM
Parent: #1
سلام بسمات ...
Quote: نعم الغربة موتة ممرحلة..
لكن العودة للوطن ما انتحار...
لان العائد للوطن يمكن ان يكيف نفسه
ويعود نفسه على استحمال المصاعب..
وياقلم نفسه مع معارك الحياة اليومية هناك..
ولا مستحيل تحت الشمس او فوق الشمس زي
ما بيقول مصعب في قصيدته الانيقة..
الغربة انتحار وموتة ممرحلة
لكن المضطر يعمل شنو؟؟
ودمت بالف خير وصحة وعافية
بسمات |
القصة دي نسبية وتختلف تبعا لظروف البعض المعيشية والنفسية والعاطفية ..
في ناس ما بتشوف الغربة موتة ممرحلة بل قمة الاذدهار والترقي والسعادة ..
وناس فعلا العودة للوطن بتعني ليهم انتحار ما بعده انتحار ..
واكاد أجزم أن هذه الاغنية والكلمات توافق مزاج وهوى الكصيرين نسبة للظروف التي يمر بها وطننا حاليا ..
|
Post: #19
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 01:05 PM
Parent: #1
فعلا يا مدير ...
Quote: والله يا ناذر دخلت عشان اقولك عنوان بوستيك دا ينفع قصيدة،
فإذا بي اصطدم بهذا الإبداع الجميل .
حرآم ان تنتحر هذه المواهب علي اعتاب بوابة الوطن، وحرآم ان
تسرقها سنين الغربة .
مِحنة يا ناذر،
بس قول يا لطيف ... |
حرام والله حرام ...
|
Post: #20
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 01:08 PM
Parent: #1
سلام ببو ...
Quote: الأخ ناذر لك التحية
الحالة التي أمامنا معبرة تعبيراً حقيقياً عن حالة التوهان والحيرة وعدم اليقين في مستقبل قاتم خالٍ من أي شمعة تضئ خارطة طريق إلى الأمل والتفاؤل.
الغالبية من المغتربين تجد نفسها عند مفترق الطرق ونزاع نفسي بين تحقيق الحلم والنوستالجيا إلى وطن الطفولة والصبا والأصدقاء والأهل والأحبة. فالطريق
إلى تحقيق الحلم في الغربة قد اصطدم بمتاريس خرسانية فولاذية يتطلب عبورها صبراً يفوق حد الصبر وطاقة فوق الاحتمال وربما مغامرة لا تؤدي لا إلى الحلم ولا إلى العودة....
الجنون المؤقت أو الدائم أو الموت الشبيه بالانتحار. بينما حمل الحقائب والتوجه صعيداً (في حال الخليج) يعني حمل جوال من الهموم والتساؤلات والقيل والقال والوسواس والخذلان
والانكسار في حالة الوطن الراهنة.
بمعنى آخر.... الغربة أصبحت مثل "بيض أم كتيتي": كان شلتو بكتل أبوك وكان خليتو بكتل أمك.
تشيلو ولا تخليهو ؟؟؟؟ البيض دا؟ |
ياها بيض أم تكيتي زاااتا ..
شكرا للمداخلة المعيرة ...
|
Post: #21
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 01:09 PM
Parent: #1
سلام هاني عربي ..
Quote: أبداً ، الرجعة للوطن ما كانت انتحار
أما الغربة نعم ... موتة ممرحلة |
كل حسب ظرفه ووضعه ..
تختلف الاراء والسلعة واحدة ..
|
Post: #22
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 01:11 PM
Parent: #1
مشكور سيف الدين ...
عبارات تدعو للتأمل والتدبر ...
|
Post: #23
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 01:18 PM
Parent: #1
المعز ادريس ..
يا زول مالك بي تحت .. تعال لا فوق هههه
Quote: يا ناذر تحياتي
شايفك ما علقت على أطول مداخلة في تاريخ سودانيزاونلاين الفوق دي!! |
ههههههههههههههههه الكويس انها قصيدة ما كلام والسلام هههههه
|
Post: #24
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 01:19 PM
Parent: #1
سلام جني ...
Quote: عشرة مليون سوداني في الغربة والمنافي
العواطف لا تشبع بطون
آيه جبرك على المر قال الامر منه؟
جني |
نعم ... العواطف لا تشبع بطون ...
جوع البطون هو سبب اساسي من اسباب الغربة ..
|
Post: #25
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 01:21 PM
Parent: #1
يا سلام عليك يا السنجك ..
| Quote: الغربه اصلو طعيمة مر لكن بقعد بالجبر لا من سنين الهم تمر يالله تلزمنى الصبر |
بالله ادينا باقي القصيدة دي ..
|
Post: #26
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 01:23 PM
Parent: #1
سلام سيف الدين ...
معلومات قيمة والله .. مرت علي قبل كدة في فيديو تفصيلي ..
|
Post: #27
Title: Re: العودة للوطن انتحار والغربة موتة ممرحلة ؟
Author: جلالدونا
Date: 02-06-2016, 06:01 PM
Parent: #26
عزيزنا ناذر ناثر الازهار ما بين الموت الممرحل و الانتحار
شكرا لى كل هذا الجمال
و كان القصة قصة موت
اهلنا قالو
كتلوك و لا جوك جوك
Quote: شكر نزار
جعلت المقل تبحث عن دموع جفت
وأهدى هذة الاغنية لجلادونا ود المدير وهم
ما زالوا يحلمون بحصاد اصبح بوار .
لك التحية ولكل( ناس جوة) |
و شكرا يا هاشم على الهدية
الشوق لى البلد بى حالا
الشوق لى الترابلة اهلى
واحد صاحبنا يا هاشم غربتو طالت
بتكلم معاهو بالتلفون
بعد ما كمّل بكاهو قالى
تصدّق ... مشتاق شديد لى قرصة نملة
___
الا بس الله فى
|
Post: #28
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-06-2016, 10:48 PM
Parent: #1
سلام جلالدونا
Quote: واحد صاحبنا يا هاشم غربتو طالت
بتكلم معاهو بالتلفون
بعد ما كمّل بكاهو قالى
تصدّق ... مشتاق شديد لى قرصة نملة
|
دا هو الحنين زاااااااتو ...!!!
|
Post: #29
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-08-2016, 02:43 PM
Parent: #1
| Quote: اسؤا حاجه الغربه داخل الوطن نفسو. |
|
Post: #30
Title: Re: العودة للوطن انتحار والغربة موتة ممرحلة ؟
Author: أحمد الشايقي
Date: 02-08-2016, 02:51 PM
Parent: #29
شكرا ناذر
الشباب السوداني في حيرة كبيرة والخيارات صعبة وتزداد صعوبة
بالذات بالنسبة للجيل الثاني الذي نشأ في الغربة
ودول استقبال المغتربين تزداد فيها الاوضاع صعوبة
ولا يمكن حتى الحلم بضمانات من أي نوع للحياة في الوطن
واستثمار تحويشة العمر في الوطن تواجهها التحديات الجمة .. ولا أحد يهتم ..
كما تعرف .....
|
Post: #31
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 02-14-2016, 09:20 PM
Parent: #30
سلام الشايقي ..
Quote: شكرا ناذر
الشباب السوداني في حيرة كبيرة والخيارات صعبة وتزداد صعوبة
بالذات بالنسبة للجيل الثاني الذي نشأ في الغربة
ودول استقبال المغتربين تزداد فيها الاوضاع صعوبة
ولا يمكن حتى الحلم بضمانات من أي نوع للحياة في الوطن
واستثمار تحويشة العمر في الوطن تواجهها التحديات الجمة .. ولا أحد يهتم ..
كما تعرف ..... |
نعم الشباب فقد الأمل وان لم يفقد الطموح لذلك فهو دوما في حالة بحث عن الحلول حتى وان كانت في ضل العمارات ام كمرتا برة ...
الغربة والخروج عن الوطن نحو أفاق ارحب صارت هي أسهل الحلول واصعبها في ذات الوقت .. أنظر فقط لسائقي الأمجاد والركشات
معظمهم أكمل تعليمه ومن خريجي جامعات هذا الزمان ويحتاج فقط للصقل والتدريب والممارسة والمنافسة النزيهة وهذا ما لم يجده لذلك يفكر في الهجر ة
حيث فيها سيجد الفرص للمنافسة النزيهة والتفوق ..
أذهب للسوق العربي هذه الأيام وتامل في ايادي وجيوب الشباب المارين بعجلة .. الجواز الازرق عامل مشترك يحمله هؤلاء .. ما تركو وكالة او مكتب توظيف بالخارج الا وطرقوه
نسال الله السلامة .. وستر الحال والكرامة لهؤلاء ..
|
Post: #32
Title: Re: العودة للوطن انتحار والغربة موتة ممرحلة ؟
Author: حماد الطاهر عبدالله
Date: 02-15-2016, 09:20 AM
Parent: #31
(العودة للوطن انتحار والغربة موتة ممرحلة ؟!!)
اخي ناذر
تحياتي
الغربة بالنسبة لكثير من الدول عبارة عن صناعة، محسوب تكلفتها وعائداتها للفرد والدولة أما بالنسبة للسودان فلم تزل بكل أسف عشوائية، حتى راعي الغنم لا يستفيد من غربته وغالبا يضيعها
في شوية ملابس ومظاهر ليس إلا.... هذه معضلة... وجوهر المشكلة سوء تخطيط من الدولة ومن المغترب والنتيجة الحتمية لذلك هي إهدار موارد وحياة بشر ... قال لي صديقي أنه لاحظ بأن
معظم من يعود نهائيا لللسودان من معرفه ( يموت) في فتر وجيزة بعد عودته وهو متخوف من ذلك ... فنبهته بأنهم أصلا لم يعودوا إلا وهم في أرذل عمر وبالتالي هم عرضة للموت في الحالتين.
طبعا الشاعر لا يفكر بهذه الطريقة ، لكن شعره مؤشر وبيرق أحمر لتنبيه ذوي العلاقة من مغتربين ومسؤولين ومهتمين........فالغربة بلا تخطيط هي إنتحار مؤكد.
|
Post: #33
Title: Re: العودة للوطن انتحار والغربة موتة ممرحلة ؟
Author: ناذر محمد الخليفة
Date: 03-07-2016, 00:56 AM
Parent: #32
شكرا حماد جاييك بي مهلة
|
Post: #34
Title: Re: العودة للوطن انتحار والغربة موتة ممرحلة ؟
Author: Osman Musa
Date: 04-05-2016, 00:30 AM
Parent: #33
يا سلام
يا ناذر والله ياخ ده شغل أصلو ما معقول .
دي حكاية طاعمة جد .
|
|