بداية أعترف ( من باب التواضع النبيل) انو البوست دا فكرتو مسروقة من وعيد جلالديني وهو يحرض ود المدير في بوست كبر على فتح بوست آكشن دافوري في مواجهتي وأحمد محمد عمر وهو برضو قصد اتنين وأراد أكتر .. ( طبعا تهريف ما عارف النضمي دا ).. فعشان كدا قلتا أبادر أنا بفتح بوست غداء قبل العشاء . يتبع .........
Post: #3 Title: Re: يا بتاع الفيزا كارد اتا حاسد واللا بغران � Author: أحمد محمد عمر Date: 02-01-2016, 09:30 AM Parent: #2
جلالدونا أها جيتك بيجاي قلت لي الناس بضربوا فيهم بالطيارات عشان كدة نموت معاهم وانت حايم في مولات امريكا !
أبدأ من وين واللا وين ؟ لاحظت في مرات كتيرة لا تعد بأصابع اليد الواحدة ولا اليدين انو (بعض) جماعة المنافي البعيدة في أقاصي الدنيا مفتخرين صراحة أو ضمنا بتواجدهم هناك منهم من ملك الجواز ومنهم من ينتظر وما ملوا ملولا لغاية هنا والكلام عادي ومن حق هولاء وأولئك أن يستميتوا لتأمين مستقبل أفضل وأن يفتخروا بالذي هم فيه وبه مقتنعون .. دا حق أصيل يملكه الجميع من باب الحرية في إختيار أسلوب الحياة ومكانها لهم ولسواهم .. وهنا من مفردة لسواهم دي بالتحديد يجب أن نضع نقطة أو خط أحمر تجنبا للتجاوزات الما حبابا .. يتبع .........
قبل يومين فقط جلالديني قال طلحة دا الظاهر عايز يغير كفيلو وطبعا بالو لبوست الترحيب بالسعودي صامت الصامت مع انو طلحة أصلا قاعد في الإمارات و السعودية ما قاعد يمش ليها إلا 24 ساعة عمل ويرجعصاد بى دربو ( لكن الغرض مرض ) فأمثال جلالديني القاعد في آخر فجاج الأرض قصد يتريق كعادة ملاحظة في (بعض ) المساكين الفخورين بقعادهم في آخر الدنيا من الناس القاعدين في فجة هي في الحقيقة (جبدة) من أهلوهم وصاحباتهم وبنيهم، وأقصد ناس الخليج تحديدا، وفي إستطاعة أي واحد من هولاء أن يفطر في مكتبو بأي بقعة من الخليج ويتغدي هناك في البوادي الطيبة قبل أن يلبس عراقيهو في عصرية متأخرة ويمشي يحضر ليهو كورة واللا تمرين وبكرة يرجع صاد على دوامو .. أعرف كثيرين دبي دي عندهم زي سوق ليبيا في أمدرمان وديل ممكن يكونو قاعدين في بيوتم بالسودان أكتر من القاعدين هناك أصلا ..يتبع ........
اغلب المشترين أراضي وبانين فيها ومأجرين وقاعدين يقبضوا شهريا حق الإيجار هم مغتربين الخليج لأنو الواحد فيهم عادي جدا يمش كل شهر يلقط الإجيار ويرجع .. قارن ديل بناس الأصقاع المنسية اللي فيهم ناس أولادم السودان دا في الخريطة ما شافوهوا و ما بعرفوا أم درمان من كاب الجداد قول اتنين .
Post: #8 Title: Re: يا بتاع الفيزا كارد اتا حاسد واللا بغران � Author: El-Saddig Abdalla Abbas Date: 02-01-2016, 10:01 AM Parent: #7
بإختصار أنا ما عارف قلاصة أمثال جلالديني دا في شنو ولى شنو ؟ أمسكا من أي ناحية ماديا معنويا حسيا فوضع مغترب الخليج أفضل بمراحل من منفي الأصقاع الباردة .. حرية متوفرة، أمن متوفر، تعليم على قفا من يشيل، صحة حدث ولا فخر بيتزا، كنتاكي، ملاح أم رقيقة، مفروكة بامية، قرع، كسرة بي موية، نبق قنقليز، دوم، لالوب، الخ الخ الخ .. كلو في متناول اليد وكأنك عايش في جخانين أمبدة.. الناس ديل عادي ممكن يمشوا يشاركوا في مظاهرة في مدني ويرجعوا تاني مكان قاعدين... ممكن الواحد فيهم يمش يجكس في شارع النيل بالعصرية لغاية تسعة تسعة ونص ويرجع كما كنت.. قس على ذلك أية حاجة في أية حاجة . تفتكر ناس منعمين ومرطبين بالشكل دا مش من حقهم يحافظوا على مستوي راحتم دي كان بى كفيل كان بى غيرو ؟
كل ذلك ويجيك ناطي أمثال جلالديني يقول ليك كفيل وجفيل .. طيب مالو ياخ مع هذه الحيوات المترفة المنعمة البسط الفي خيرين وتلاتة .. أو كما قال أحدهم: في زحمة من النعم .. اتوا بس أقعدوا بى مغصتكم أمضغوا لي في مفردة الحرية والما عارف أنا بكورك في نص الشارع ضد الرئيس وأقول العايزوفي الجرايد الحائطية وحيطان الدبليوسي .. قوموا لفوا علي الطلاق كلام هواء ساي .. عايزين تتموا الناقص بالتريقة على المرطبين ديل .. وكان عاجباكم أمراض العصر دي كنكشوا فيها قوي ان شاء الله تدخلوا بيها الجنة .. بس أتركوا ناس الخليج ما تركوكم . في الختام أهدي أغنية يا حاسدين خليجنا لحبوبتنا الما شفناها في حياتنا بنواحي ما وراء البحار .
يا سلآم عليك ؤُ علي وضعك المختلف يا خويا، والنبي وحياتك خلي صامت دا يخرُج من الصمت بتاعو ؤُ يبقالي كفيل، أصل حكاية تخلط في شارع النيل ؤُ ترجع الدوآم دي وقعت لي فوق جرح، علماً بأنّ دوآم الحال ما زي دوآم الشغل وكذلك دوآم الكـ...
وينو العصر ؟ وبعدين صامت دا إلا تشوف تهريف لأنو قاعد معاهم هناك في السعودية . لكن فعلا اتا تستاهل ترطيبة الخليج .. خلي ناس جلالديني ديل يتشلوطوا بالصقيع دا .. يستاهلوا البهدلة . خخخخخخ
Post: #19 Title: Re: يا بتاع الفيزا كارد اتا حاسد واللا بغران � Author: أيمن محمود Date: 02-01-2016, 11:15 AM Parent: #18
السوداني الامريكي الذي يعمل في الخليج - يتفرج ،،، اب سنينة يضحك على اب سنينتين ،، ورب سوداني قاااعد في السودان خير من الف لأجئ في الخليج وخلافو
اتا يا أيمن بتجيب النبذ لى نفسك لأنك بتطاعن والمطاعنة زي ما عارف أخبث وأحط من النبذ .. وفوق دا كلو بتقول كلام ما عندو لا رأس ولا قعر.. زي مداخلتك الفوق دي .. والله عايزا ليها منقاش عشان تنقشا . عموما : بطل مطاعنة عشان ما تجيب لى روحك النبذ وربما مطاعنة بالمثل .. اتا قايل في حاجة في الدنيا أسهل من النبذ والمطاعنة ؟ لا طبعا لكن الأخلاق فوق كل اعتبار .. خخخخخخخخخ
Post: #21 Title: Re: يا بتاع الفيزا كارد اتا حاسد واللا بغران � Author: أيمن محمود Date: 02-01-2016, 11:38 AM Parent: #20
مطاعنة! - ههههههههه
في الختام السوداني الامريكي ممكن يكوني سوداني وامريكي وشغال في الخليج - لكن السوداني الشغال في الخليج بيقدر؟ او كما قال نميري
يا طلحة انت لاجئ في الامارات ما تتفاصح ساي - هسا قباني يولع ليك انوار بري
لا عادي يا ود الزبير أيمن بهزر معاي وأنا برد ليهو الهزار اللهم إلا إذا كان هو جادي.. قاعد يدخل بوستاتي يقول لي اتا بتاع فارغة وأنا بقول ليهو عبيط هو طبعا بخت وشوش ضاحكة للتدليل على انو بهزر والدليل وشو الاخدر الفوق البعد انت لاجىء دا .. لكن مشكلتي ما عندي وشوش ضاحكة .. خخخخخخخ
خوووووووت دا الكنا خايفين منو ذاتو .. يا تهريف انت قلتا لي ما فهمت حاجة فوق قلتا ليك طيب وين الخبر هنا ؟؟ يعني الجديد شنو في انك ما فهمت حاجة .. تقوم تدخل بالباب وتمرق بالشباك . الله يعينك .
Post: #39 Title: Re: يا بتاع الفيزا كارد اتا حاسد واللا بغران � Author: علي محمد الفكي Date: 02-01-2016, 01:21 PM Parent: #37
سلام يا طلحة وما تنسى تخلص دوامك وتلحق تعمل ليك عمرة او زيارة للمصطفى وتداوم بكرة عادي لكن دفاعك عن صامت تستاهل جلالدونا يرشك فيهو وانت القال ليك منو هو ما عندو باس في في سودانيز ويا جلالدونا منو القال ليك انو صامت ما مكفول
نلوك الصبر لسه وللا نبدا ____ شكلك لوطت يا زول لوط بكسر اللام و الواو وتسكين الطاء و ادغام التاء ما عندها علاقة بى قوم لوط عشان خيالك ما يروح بعيد و تحنف وشيك و لو داير تعرف معناها الا بى طلب رسمى عبر كفيلك الجديد
Post: #41 Title: Re: يا بتاع الفيزا كارد اتا حاسد واللا بغران � Author: حمد عبد الغفار عمر Date: 02-01-2016, 05:15 PM Parent: #40
تحياتي يا طلحة والكوكبة
ما يهمك يا طلحة الخليج ويييييييي
أما جلالدونا
ياخ لوطت دي بالكسرة أصلو ما لقيتها وهي زاتها أحسن تكون بأي حاجة تانية غير الكسرة
شوف بالفتحة أحسن معنى ليها لقيتو
لاطَ الشَّخْصُ الحوضَ أو الحائطَ طلاه بالطِّين والجصّ .
أيمن محمود تعال راجع البوست الجماعة ديل فهموا هزارنا غلط أي صحيح أنت هزارك شين وأنا أشنا منو لكن في النهاية هزار .. كان ما عايزو يكون كدا بطلو وخليك عادي.. خخخخخخخخخخ
جلالديني لوطت كيف يعني ؟ جاية من جوطت واللا صوت واللا شنو يازول ؟ غايتو أنا فهمتها شتيمة جاية من اللواط عديل يا أشرحا قدام الناس هنا يا كمان بنمشيها بى الفهم دا وبالتالي ممكن نلف ليك من جنسها كتير خخخخخخخخخ . بعدين ياخ الكلام الرش انتهى من رابع مداخلة إلا كان عايز تصبر براك . المكرفون معاك
يا حمد مشكلة ناس جلالديني ديل تكمن في فرحتم ببلاد الفرنجة دا طبعا من حقهم يفرحوا زي ما عايزين لكن ما يهابشوا ناس الخليج في صمة خشم .. أتركوا ناس الخليج ما تركوكم ..
يا جلالديني للمرة العاشرة أنا كفيلي الله يا زول... اتا عايزني أكون مكفول غلاط واللا حمرة عين ؟
لقيتنى نايم و فتحت ليك بوست تهرج فيهو و بى صوت عالى لبلبلبلب زى المطرة فى الزنك قايل نفسك بتهرشنى و معاك احمد عمر و من لفّ لفّكم يمين هرجيك ده ما يهز شعرة فى راس ود المدير بالنسبة للكلمة الفخيمة الازعجتك دى قلنا ليك قدّم طلب عبر كفيلك عشان نشرح ليك ... خخخخخخخخ و معاها جخ
جلالديني الفرحان بفيزة الفرنجة .. خخخخخخخخ قلنا ليك أفرح فرحك لكن ما تتطاول ولا تتقاصر على ناس الخليج .. كفيل وبتاع ... وللمرة التانية فوق العاشرة أنا ما عندي كفيل وأصلا ما في السعودية في الإمارات وشغال في مؤسسة حكومية ... ما تواسي لي حاجات من رأسك ساي .. خليك في مضمون البوست ما تقلبا تلفيق وتلتيق كان غلبك قول جلا .. بعدين لوطت دي معناها مارست اللواط حسب فهمي ليها يعني لوطي .. كان عندك معني تاني ليها قولو عشان فهمي ما يمش لى بعيد ونتجاوز حكاية الملوطة والتلويط دي .. اللهم إلا كان عايز تعملا لي مناوشات ومناقزات وتلفظ بعيد عن موضوعنا .
و بحسب وصية ود المدير فى رسالتو المشفره العادل امامية ديك نبدا الردود من ورا .. يعنى من تحت ... مرحب حمد
Quote: ياخ لوطت دي بالكسرة أصلو ما لقيتها وهي زاتها أحسن تكون بأي حاجة تانية غير الكسرة
شوف بالفتحة أحسن معنى ليها لقيتو
لاطَ الشَّخْصُ الحوضَ أو الحائطَ طلاه بالطِّين والجصّ .
كلو طين في طين حالتها بالفتحة
كلامنا واضح بالكسرة المكسورة مصطلح شايقى بحت يعنى ممكن تقولا لى واحد زى طلحة ده قام مشى السعودية و وقع ليهو فى كفيل كعب هنا ممكن نقول طلحة لوط... بكسر اللام و الواو اما المعنى الحرفى للكلمة ممكن نقولو لو ود المدير سمح بى ذلك
Quote: ويا جلالدونا منو القال ليك انو صامت ما مكفول
من بدرى عندى احساس انو عضو فى المنبر ده الا بس كيّة لى طلحة ده عملناهو كفيل ليهو مش ممكن يكون زهج من الامارات و عايز يحول السعودية اها دار فى بالى انو طلحة داير يضمن كفيل حرام الواحد يتخيل فى المنبر ده
جلالديني يا راجل يا كبير .. ما تتراجف .. قول المعني للمرة الأخيرة عشان ما نعتمدا بمعناها الواضح لأي زول .. خليك من ود المدير والشوايقة .. الكلمة لصقتها اتا هنا وهي تعني بوضوح ما تعنيه واتا عارف انو عندها معني معروف وهو اللواط العارفو أي زول وقاعدين يتنابذوا بيهو الشماسة جمب سينما كلزيوم لو ما قاصد بيها اللواطة قول القاصدو عشان ما عايزين ليك الشرشحة . شنو شبكتنا نبدأ من تحت وننزل فوق وما عارف شنو .. أدينا حسابنا في الكلمة دي عشان عايزين نجرد ... بعدين أنا ما عندي كفيل .. وللضمان مقدما كدا ما حرامي .. طالما المسألة بقت تلتيق وتلفيق بالفينا وما فينا اتا ما مضمون بعد شوية الموضوع يسخن معاك ممكن تلصق فيني أية حاجة عشان تتخارج .
تحياتي ياطلحة أكتر حاجة فرحانين بيها ناس أوربا وامريكا هي الحرية وانك تقدر تعمل الدايرو، وده كلام ما صحيحة (غايتو إلا كان قاصدين السكر وده في السودان في وفي الخليج في) ممكن أرص ليك لستة بي حاجات كتيرة ممنوعة في الغرب وتعتبر عادية بالنسبة للسوداني
ضرب الأطفال ختان الاناث الضبيحة في العيد مشكلة البويفرند لعن اليهود والنصاري ساي كدة هههههه والقايمة طويلة
الدول الأوربية بدت تعدل القوانين وممكن يسحبوا الجوازات لو الزول قل أدبو وفي أمريكا جاي عمك ترمب يدقهم دق العيش
بس ناس الخليج كمان ما قاعدين تقصروا ياخي أكبر توقيع في البورد بتاع واحد من ناسكم في أبوظبي
أيمن الفاضل سلامات يا زول والله كان خلونا في حالنا زول جايب ليهم خبر ما في كان شحنوهم شحن وشالوا ليهم السوط .. لكن علي العليهم ناس جلالديني دا ما مريحين ناس الخليج الواحد كان عايز يسلم يجيب سيرة الكفيل والحرية خخخخخخخخ
ناس الخليج على الأقل في حالم ساكين لقمة العيش العندو والما عندو حمدو في بطنو لا سمعنا ولا شفنا منهم .
يا صامت تنسحب دي شنو يا زول ؟؟ ثابت مكانك معجبينك عايزنك ومبسوطين بيك كان سعودي واللا سوداني مشلخ .
من جهة أخري
Quote:
الكلمة التي " استعادها " حنين جلالدونا للمنزل الأول ... كلمة كانت متداولة أيضا في منطقتنا في زمن مضى.. عندما نقول أن فلان ( لِوِط ) بكسر اللام والواو .. فهي تعني أنه ( يتنقل من مكان إلى مكان ولا يثبت .. وكأنه يرقص ، مع أنها تطلق أيضا على التبدل السريع في المواقف أو من لا تأخذ منه موقف واحد ثابت ) . في كل حال هي كلمة " كعبة " .. ولكنها ليست بسوء المعنى المعتاد . هذا لزوم التوضيح .. ولإثبات أني سوداني متسعود على رأي إخوانكم / أخواتكم في شمال الوادي .
اسي كدا نحسبك معانا واللا مع الخيانة ناس جلالديني ديل ؟ الزول دا أنا مقبقبو في الكلمة دي عشان يجىء يقولا بى معناها دي وأكون بى كدا سجلت هاتريك بشوتة واحدة تقوم تغششو وتنفس لينا الخطة .. كدا أجبرتنا نغير طريقة اللعب .. يا جلالديني تعال قول أنا قاصد كدا واللا بستمر أتحرش بيك ..
شفت يا جلالديني إختلاف النوايا وصفاء الدواخل كيف ؟؟ في الوقت اللى فيهو انت ومعاك نفر من العصابة قاعدين تشككوا في سعودة صامت فاذا هو بضربة لازب يفكك من زنقة خانقة لتتنفس الصعداء .. خخخخخخخخخخ والله يا صامت كان ما أنتا الراجل كان اعترف بى ذنوبو على الهواء مباشرة لكن جيت حليتو ..
بسم الله الرحمن الرحيم متين ختفتها وجيت جاري بيها هنا .. أنا أعتقد انو خطفتها منو قبل ما يعمل ليها كلك .. معقولة وصل بيك الحال للدرجة يا تهريف . اللهم أرفع عن تهريف ما أبتلي به .
Quote: مساء الخير على أخوي ( وكفيلي ) طلحة smile رمز تعبيري ................... وبقية الأعدقاء . البارح أعلنت أني سانسحب من حوارات سودانيزأونلاين ... واليوم قلت أشوف آخر مرة قبل ما أحذف المنبر من المفضلة لقيت طلحة دائما متميز ، وعامل الجو اللذيذ المعتاد ( الله يحفظك يا طويل العمر إن شاء الله يا كفيلي ) المهم .. على رأي واحد أخضر . الكلمة التي " استعادها " حنين جلالدونا للمنزل الأول ... كلمة كانت متداولة أيضا في منطقتنا في زمن مضى.. عندما نقول أن فلان ( لِوِط ) بكسر اللام والواو .. فهي تعني أنه ( يتنقل من مكان إلى مكان ولا يثبت .. وكأنه يرقص ، مع أنها تطلق أيضا على التبدل السريع في المواقف أو من لا تأخذ منه موقف واحد ثابت ) . في كل حال هي كلمة " كعبة " .. ولكنها ليست بسوء المعنى المعتاد . هذا لزوم التوضيح .. ولإثبات أني سوداني متسعود على رأي إخوانكم / أخواتكم في شمال الوادي .
المعنى السعودى للكلمة الحمد لله عارفنو بس المعنى السودانى ليها يختلف خالص يبقى يا تنظير اذا كان انتا ما عارف معناها و فوق قلنا ليك ما عندها علاقة بى قوم لوط وكمان جبنا معنى تقريبى لى اخونا ود الفكى .. تانى داير شنو
Quote: Samet ALsamet مساء الخير على أخوي ( وكفيلي ) طلحة smile رمز تعبيري ................... وبقية الأعدقاء . البارح أعلنت أني سانسحب من حوارات سودانيزأونلاين ... واليوم قلت أشوف آخر مرة قبل ما أحذف المنبر من المفضلة لقيت طلحة دائما متميز ، وعامل الجو اللذيذ المعتاد ( الله يحفظك يا طويل العمر إن شاء الله يا كفيلي ) المهم .. على رأي واحد أخضر . الكلمة التي " استعادها " حنين جلالدونا للمنزل الأول ... كلمة كانت متداولة أيضا في منطقتنا في زمن مضى.. عندما نقول أن فلان ( لِوِط ) بكسر اللام والواو .. فهي تعني أنه ( يتنقل من مكان إلى مكان ولا يثبت .. وكأنه يرقص ، مع أنها تطلق أيضا على التبدل السريع في المواقف أو من لا تأخذ منه موقف واحد ثابت ) . في كل حال هي كلمة " كعبة " .. ولكنها ليست بسوء المعنى المعتاد . هذا لزوم التوضيح .. ولإثبات أني سوداني متسعود على رأي إخوانكم / أخواتكم في شمال الوادي .
يا اخوي تنسحب وين، إنت قايل الحكاية (طلقيّت) ؟. اسمعني هنا، تنسحب نحن نسلّم العِدة ؤُ نبقى مِتخارجين، وهذا للعِلم . شايف حمد لبد عامل لينا فيها سيبويه، شبكنا رجل يلوُط حوضه !، لا غلت يا حمد اقعد بعيد عليك الله، بعدينك يا كفيلي يا ناطق إنت قبل ما نبدأ اوعكُم يا السعوديين تخمونا بحكاية اللبن إسمو الصحيح في اللغة الحليب، الكلآم دا غير صحيح وهذا للعلم . شكراً للمعلومة بالنسبة للكلمة مثار الجدل، وهي لها معني آخر في لغتنا العاميّة التي تذخر بالكثير من الكلآم الموغل في العربية الفُصحى، اما بالنسبة للصياغ الذي اوردها فيه جلالدونكُم، فأقول، حميد عليه رحمة الله كان ماشي مع بعض اصحابة والوآطة ليل ؤُ بيأشرو للعربات الماشة في الشارع عِشان يركبو (مِلِح) . اها في اثناء ما بيأشرو حميّد اشّر لعربية وقفت لكن طلعت تكسي، قام قال للجماعة، الحقوني لِوِطلي في تكسي . اها طلحة دا في مهابشتو في حوش بكري دا لِوِط في جلالدونكُم، دحين شوفولو مخرج . كلمة دحيّن عربية فُصحي باللغة السعودية يقولون، الحِيّن، وهي تعني في الحِيّن أو في هذا الوقت . لِوِط يتلوّط فهو لائِط . حمد لبد حقو الوآحد يديك جائزة ياخ لأنو إجابتك صحيحة 100% والكلمة عربية فُصحي مُوغِلة في الفصاحة، وفي الحديث (يلوط حوضه) اي يصلحه بلصق الطين بعضه ببعض، ومعني الكلمة يكمن في اللصق . في بعض الأماكن الناس لا يعرفون الكنيف ويتبرذون في الخلاء، والذي يمر بالخلاء ويطأ علي خرا يلصق بنعله فيقول، (انا لِوِطلي في خرا) اي إلتصق الخرا بمداسي، وتقال للشخص الذي في حالة اخونا طلحة بإعتبار انه إتلصق في جلالدونكم ؤُ دحين اليرجا الجاياهو .
يا صامت لك كامل مودتي، وإن كنت تعزنا حقاً فكُن بيننا، واعلم ان المسلم الذي يخالط الناس ويصبر علي اذاهم خير من الذي لا يخالطهم ولا يصبر علي اذاهم ...
يا ود المدير المعنى الصحيح فى دارجة اهلنا هو ان يطأ اللانسان الخراء و الاسوأ فيهو يكون حافيا و الخراء يسمى ... ق ل و ط .. و هو الذى يبدأ بالجفاف و يتحول لونه الى البنى الغامق من برّه و من جوه فرش و اخدر زرعى المعنى بتاع حمد لبد حق ناس نجد و الحجاز و بنى قنيقاع و ناس الاوس ده ما عندنا معاهو شغلة ... تنظير حظك .. اهو اضافة شحمانة لى ذخيرتك اللغوية ....
جلالديني ورررررر ههههههههههههههههههههههههه لو عايز معني كلمة وررررررر في لغة الحدائق الخلفية أدفع .. لا وعندها معني مختلف كلما زادت عدد حروف الراء .. يعني ور براء واحدة غير وررر بأكثر من راء خخخخخخخخ بصراحة البوست فاحت ريحتو
ود المدير أي معني غير المعني الشائع مقبول المهم نختا اللواااااا صة خخخخخخخخخ لكن بيني وبينك بعد عربية السايفونات الدفرتوها لينا في البوست أن شايف حقو نرجع لمعني الكلمة الواضح .. الناس المتابعة البوست دا أصبحت صايمة إلا من شراب الموية إيه الأرف دا يا عم جلالديني انتا.
Post: #68 Title: Re: يا بتاع الفيزا كارد اتا حاسد واللا بغران � Author: أيمن محمود Date: 02-02-2016, 08:41 AM Parent: #66
Quote: أيمن محمود تعال راجع البوست الجماعة ديل فهموا هزارنا غلط أي صحيح أنت هزارك شين وأنا أشنا منو لكن في النهاية هزار .. كان ما عايزو يكون كدا بطلو وخليك عادي
ايوه هزار ساي والله - يا جماعة انا ما بزعل من طلحة لأنو زعلي حا يكون اهدار احاسيس ساي!
Quote: قلت لي الناس بضربوا فيهم بالطيارات عشان كدة نموت معاهم وانت حايم في مولات امريكا !
مولات شنو يا الحبيب ..كدى قول بسم الله و معاك الكيشة الاسمو طلحة ده زول الموت فى حلتو و جمب بيتو الفلهمة العليك شنو ... بدل السيرفر و البيع و الشرا اون لاين شوف مشكلة الدوا شنو و قوم على الحكومة و غيّرا يا امرق زينا و اعمل الداير تعملو هسى عليك الله قول ادوك السيرفر .. تلقاليهو نت وين مع ناس زين ديل
نرجع لى موضوع البوست و الفيزا كارد و الهوت دوق و البتزا و شنو كده ما عارف تصدق يا طلحة ما عندى فيزا كارد و الحساب و الكارد بى اسم المدام و كل العلى ارمى فيهو القروش وبس تانيا يمين الله الهوت دوق ما دخل بيتى و لا فى مزاج اولادى ونحمد الله المزاج فى البوش و الورق و السخينة و القراصة و الكسرة و الملاح اللخدر و ام رقيقة و التقلية و اللقمة و كان لى البتزا بنسويها فى البيت و كمان البيت مليان لالوب و قنقليز و نبق و دوم و كمية كعنكولات صمغ ياخى حتى الجرم عندنا .. تعرف الجرم يا طلحة .. خليك من الجرم ... تعرف العجنة .... بضم العين و تسكين الجيم ... يا طلحة و شوية كده جاييك لى اماراتك الفرحان بيها دى
متين آزول قلتا ليك أنا فرحان باماراتي كان تصريح واللا تلميح ؟؟؟؟؟؟؟؟؟ وبعدين خليها إماراتي عشان ما موضوعنا .. نحن موضوعنا الأساسي هنا هي تريقتك بمناسبة ودون مناسبة بناس الخليج بالحديث عن الكفيل والحرية وما عارف شنو ؟؟انت أصلا مالك ومال الآخرين يكون عندهم كفيل واللا يكونوا خدم في البيوت ؟شنو البخليك تهمز وتلمز ناس في حالم لا غلطوا عليك ولا وسخوا يديك ؟وبعدين تعال هنا دا ... انت شابكني كفيلك صامت الصامت في السعودية مع انو قلتا ليك من الأول انو أنا ما في الإمارات وبروفايلي دليل على كدا ومع ذلك أصريت الحاحا وغصبا عني وعن عين أبو أي برهان انو أنا عندي كفيلوفي السعودية ..طيب بنفس فهم التلتيق والتلفيق اللابسو أبرول دا .. اتا بتقول ما عندي فيزا كارد و الهوت دوق ما ما دخل بيتي وما عارف شنو .. كدا المفروض يعني نسلم ونصدقك ( رغم انو مجرد كلام ما عندو أية دلة تثبت ) من باب المؤمن صديق واللا نعمل زيك ونسدر في الغي ونردمك بمزيد من التلتيق والتلفيق ؟؟؟المشكلة يا جلالديني انو الواحد فيكم لما يعمل حريف أو متريقاتي على الآخرين بعمل الحركة دي عن جهل وإلا كان عرف قبل ما يخوض في المستنقع دا انو الناس برضو بتعرف تتكلم وتسخر وتلفق وتلتق وتعمل أية حاجة في أية حاجة .. موضوع البوست واضح وهو رد على تريقتك وتلفيقك بخصوص الكفيل وما الكفيلوبرأيي أحسن ما تتعمق أكتر من كدا .
يا هيثم جلالديني طلع ( خرخار ) كبير شبكني كفيلك صامت الصامت لأنو رحبت بيهو ولما وريتو انو أنا أصلا ما في السعودية جبن عن الاعتراف بالغلط وأصر الحاحا .. ولما اتزنق أكتر قال لي اتا ملوط واللا مستلوط ما عارف ولما شدينا الحبل أكتر قلبا لينا ( هرار وخراء وقلوط ) الخ مكونات حفرة المستراح .. ولما تجاوزنا ليهو النقطة دي إشفاقا جائي هسع يستعرض مفردات مسقط رأسو علينا ويسأل بقصد التجهيل ان كنا نعرف معناها .. أين المفر أين المستقر يا نفر ... خخخخخخخخ عاد دا كلام دا يا جلالديني ؟؟ ورررررررررررر قول جلا أحسن لك .
Quote: طبعا جلالديني وما شابه من أصحاب المنافي الفيزية لو الواحد فيهم عايز يطايب الأهل في السودان ويشوفم شوف العين إلا كل خمستاشر سنة .
يا طلحة صحي النوم دا كان زمان قبل الحوار، يا اخوي نحن هسّع تزاكرنا مجآن ؤُ بننزل في الفنادق، والعضة مجان، والفُسحة بطيارة الرئيس، والرحلآت باليخت، ؤُ حتي كمان عندنا بودي قارد، دا كووووووولو كوّم والنثريات كوّم . لا كفيل لا كفتيرة ...
يا ود المدير جرجير أنا كاشف نومتو في البوست بتاع الصادق وغير بتاع الصادق .. زول انطباعي للحد البعيد، كلما يزهج من شغلو الخمسة وعشرين ساعة في اليوم دا يجىء يكورك لينا في منبر بكري هنا . الله يهدي سرو المسيكين .
يا جلالدينو عليك الله انت كلام الكفيل وما كفيل دا جايبو مالك
اول شي يا حبة شوف الزول دا قاعد وين حتى بعداك نظّر
غايتو يبقالي أخير تعتذرلو وتكون قدمت السبت
و حات الله و رسول مكة يالغالى عارفو ما عندو كفيل و كلامى واضح زى الشمش دى انو متلصق فى صامت ده عشان يحوّل من الامارات لى السعودية و عايز ليهو كفيل مضمون و ده كان مجرد احتمال اجابتو يا آااى يا لآ اها شوف العوّة السواها لامن قعد يتمتم فى الكتابة .. عدّل بواسطة طلحة..... عاد دى ما ياها الفلهمة و قلة الفهم زى ما قال ابوحسين فوق
متلصق فيهو ؟؟؟؟؟؟؟؟ ههههههههههههه ياها قدرتك في الدواس يا خوي تجيب من وين ..؟؟ تلفيق وتلتيق ... قبيل قلتا ليك اتا بعد شوية ح تجىء تلتق لي أية حاجة في أية حاجة .. وما خيبت ظني فيك .. بعد ما كان كفيلي عدييييييييل اسي بقيت متلصق فيهو عشان يبقي في ما بعد كفيلي خخخخ يا زول بعد كدا بعتقك من البوست دا ... عشان ما أضطر بعد شوية أبادلك القص واللتق . وبعدين قلة الفهم ما لا كمان .. عيبا لي ؟ اتا أصلا ما عايز ليك فهم كتير عشان يورورك ؟ حاول أهدأ وتعال نتفاهم .عشان شكلك كدا ماشي على الغريق .
Quote: قطيعة : ياخي صاحبك جرجير وصلت بيهو اللياقة يسأل نفسو في بوست الصادق ؤُ يجاوب عليها، ؤُ بعد دا يقولو راجيك !. لا حولآ، الله لا شبكني معاهو ...
هههههههههههههههه
والله يا ود المدير انا براي لاحظت للكلام دا في بوست الصادق
لكن هو يعمل شنو يا ود المدير
قدر ما حاصر الصادق عشان يجاوبلو اسئلتو الصادق يحاحي بي جاي وبي جاي
وهو عايز يمشي للنقطة المهمة البعد الإجابة
في النهاية اضطر يجاوب براو وينتقل الى ما بعدها
سائلك يا كريم تشبكو في ود المدير عشان قبل كدا حاول يشبكني معاهو
لكن الحقيقة لله هو أصلا ما بتشبك ساااكت كدا دايماً معاهو حق وموقفو قوي
ؤ كمان كلامو مرتب
Post: #92 Title: Re: يا بتاع الفيزا كارد اتا حاسد واللا بغران � Author: أحمد محمد عمر Date: 02-03-2016, 08:27 AM Parent: #91
Quote: زول الموت فى حلتو و جمب بيتو الفلهمة العليك شنو ... بدل السيرفر و البيع و الشرا اون لاين شوف مشكلة الدوا شنو و قوم على الحكومة و غيّرا يا امرق زينا و اعمل الداير تعملو
أيام المظاهرات ديك تكون لافي مدني من اقصاها لي اقصاها بي كرعيك وتغشى السوق تشيل خدارك وتحوم بي شارع الوزارات عادي وتشرب الشاي في نص البلد وترجع البيت تفتح سودانيز اونلاين تقرأ مدني تحترق ومعاها صور كمان ! الله !!! يعني هسة أنا كنت في نص الحريقة وما جايب خبر ! تلحق تقول مافي مظاهرات يردموك ناس امريكا ديل يا كوز يا جداد اليكتروني يا شنو ما عارف
تكون قاعد في النادي من المغرب تتونس وتضحك مع كمية من الشباب فيهم الجنوبي والغرابي والحلبي ما تتذكر سحناتهم إلا بي حكاويهم عن سوق نيالا مثلاً .. ترجع آخر الليل تفتح سودانيز اونلاين تلقى السودان مقسم بين زنوج وعرب وغرابة وبحر وكل ناس بوصوا في أهلهم يختوا ناس اللون التاني عشان حيكتلوهم معقولة بس !!! أمال الكنت قاعد بتونس معاهم أنا ديل متنكرين ؟!
عارف يا الحبيب ... الدنيا برة ما زي الاونلاين .. في ناس مناطقها لا عرفت الحرب لا شافتها قبل كدة .. والله صحي
أما حتة يا الناس تمرق يا تغير الحكومة دي غلبني ارد عليها والله .... قصدي غلبني التعبير بي ملافظ كويسة
ما طالبني حليفة يا أحمد محمد عمر وعارفك مصدقني بدون قسم عشان كدا بقول ليك ما في حاجة في المنبر دا بتخليني أشمئز لدرجة الطراش إلا الكلام عن دا غرابي ودا جنوبي ودا جعلي ودا جا أحمد .. القاعدين يمضغوا في الكلام دا زي اللبانة في خشم العاهرة من وجهة نظري ما عندهم علاقة بالسودان ما حصل والله لا في البلد ولا في الغربة لقينا غرابي واللا شمالي واللا شرقي متناقرين عشان العرق واللا الجهوية.. كلهم بلا إستثناء عرفناهم سودانيين أولاد بلد الواحد يفتخر انو مواطن زيهم .. لكن الهنا ديل التقول جائين من عالم سفلي. الله يهدي الجميع ..
بصراحة بصراحة كده .. قررت اكون مستنير و كاتب نحرير نحرير دى ما تفهما غلط يا طلحة و تجينى شايل غنوة يا النحروك علىّ اما بالنسبة لى اخونا احمد بتاع مظاهرات مدنى انتا اصلا طلعت مظاهرات عشان شنو لو مافى حاجة ناقصاك ما تقولى طلعتا عشان الفيزا كارد و السيرفر و بس و اهديك غنوة ما بصدقكم يكون عاكسوك فى تصديق !!!!! ____ زعل شنو يا طلحة اخوى كان هنا كان عندكم كان فى بلدنا ...الحال واحد با حبيب و اهو اقلاها حتة و لقينا راحتنا فى الكلام لكن ده ما معناهو ح ارحمكم سأجلدكم بسياط الكتابة حتى ترفعو البوست عن يد و انتم ترتجفون و الكلام ليك يا المنطط عينيك
Post: #96 Title: Re: يا بتاع الفيزا كارد اتا حاسد واللا بغران � Author: MOHAMMED ELSHEIKH Date: 02-03-2016, 09:23 AM Parent: #94
يا طلحة ياخ ماتشخصن الموضوع ليك براك انت قاعد تدافع عن امة الخليج
هلا يا أبو حميد حباب أي مغترب في الخليج يشاركني الفهم دا.. مع أيماني التام إنو ناس الخليج ديل ما محتاجين دفاع براااااااااهم بدافعوا عن نفسم . لكن قلنا نقود المظاهرة يمكن ينوبنا منصب هههههههههههه
بمناسبة الفيزا وود المدير وكده نكتة قديمة لا ضير من اعادة تدويرها المره مشت امريكا لبتها لقتها ليك غبشه من الصباح تقوم تودي الاولاد المدرسه وترجع تطبخ وتنضف وتغسل وتاني ترجع تجيبهم من المدرسه وتعبانه شديد لحدي المغرب حتي تقعد تتونس مع امها بعد كملت الاجازه قامت مشت لولدها في دبي لقت ليك الشغاله تنضف وتغسل ومرة الولد محنننه وفاارده الشعر تبرد في الاضافرين قلت ليها اهاا لقيتي امربكا كيف ي خااالتو قالت ليها امريكا امربكا تستاهليها انتي دي
...
