للناس البقولوا "الفلاتة وافدين"

10:56 AM Jan, 28 2016

سودانيز اون لاين
aydaroos-الخرطوم
مكتبتى
رابط مختصر

في ناس بي يقولوا ليك الفلاتة ديل وافدين سايي كده، وناس تانين يقولوا ليك "آآي جابوهم الإنقليز للمشاريع من نيجريا"
اها الليلة جايب ليكم من مرجع لي زول عاش في دارفور سنة 1803م ولي قدام، قبال الاتراك زاتم:




المرجع يمكن تنزيله من هنا:

تشحيذ الأذهان في سيرة بلاد العرب والسودان

أستاذ عيدروس،
السلام عليكم،

Quote: في ناس بي يقولوا ليك الفلاتة ديل وافدين سايي كده، وناس تانين يقولوا ليك "آآي جابوهم الإنقليز للمشاريع من نيجريا" اها الليلة جايب ليكم من مرجع لي زول عاش في دارفور سنة 1803م ولي قدام، قبال الاتراك زاتم:

يا عزيزي، ليت أغلب المثقفين مثلك، يبحثون و يتحققون.
الثقافة السماعية (ونسه و كلام سوق) و عدم تحقيق و توثيق المواضيع و الاقوال، واحدة من مشكلاتنا الأساسية في السودان. من السهولة جداً أن يأتي احد و يدعي انه شريف، فنصدقه و ندني رؤوسنا له ليأخذ من مالها و من دمها. و يأتي نفس الشخص او غيره و يقول أن شخصاً ما من أصل وضيع، او قبيلة ما لا تنتمي الى هذا البلد، فنصدق كليهما من غير مطالبتهما بإثبات ما يزعمون.
للأسف الكثير منا لا يقرأ قبل أن يتطرق الى موضوع معين، و يأتي الى المنابر و ينشر جهله من غير إستحياء.
نرجع لموضوع الفلاتة.
تشحيذ الأذهان في سيرة بلاد العرب والسودان ل محمد ابن عمر التونسي.
النيل الأزرق ل جميس بيكر.
الغرَّابة ل دكتور عبد الله عبد الماجد إبراهيم.
هذه بعض المراجع من كثير يؤرخ لتواجد الفلاتة و غيرهم من قبائل غرب افريقيا في سودان وادي النيل من منذ قرون مضت قبل تكُّون السودان الحديث بحدوده التى نعرفه بها اليوم.
لك الود
عثمان دُنقس

حتى و لو اتى الفلاتة قبل خمسين سنة ارى الا يكون مبدا سودانيتهم قابلا للجدل ما دام ارتضوا هذه الهوية
الا ان المشكلة في الفلاتة انفسهم اذ ان بعضهم و خوفا من امكانية ممارسة التمييز ضدهم يعمدون الى اخفاء هويتهم
مع ان كثير من العلماء و قادة الاحزاب و حتى الوزراء ينتمون لهذه الارومة

بروف عوض،
السلام عليكم،

Quote: حتى و لو اتى الفلاتة قبل خمسين سنة ارى الا يكون مبدا سودانيتهم قابلا للجدل ما دام ارتضوا هذه الهوية الا ان المشكلة في الفلاتة انفسهم اذ ان بعضهم و خوفا من امكانية ممارسة التمييز ضدهم يعمدون الى اخفاء هويتهم مع ان كثير من العلماء و قادة الاحزاب و حتى الوزراء ينتمون لهذه الارومة.

ليس بعض الفلاتة وحدهم الذين يتنكرون ﻷصولهم، إنما الكثير من قبائل السودان خاصةً المستعربة منها.

YOU PERFECTLY HIT THE NAIL ON THE HEAD
لك الود
عثمان دُنقس

الحبيب عثمان
امر محزن جدا ان يمنح عواطلية كرة القدم الجنسية بمجرد ولوجهم مطار الخرطوم و تكون مواطنية اقوام ساكنون لمئات السنين موضع جدل
كنت في نقاش مع احد اصدقائي الفلاتة و هو عالم كبير في مجاله عن هذه الجزئية بتاعة اخفاء الهوية فقد كان متخوفا من القضاء (المدني)
بمرور الزمن على هويتهم
كان رائي انه اتى الوقت لابراز الهوية خصوصا مع اندماج الكثيرين فب المجتمع و زيادة حساسية كثير من المثقفين ضد التمييز
و العزل العنصري فان امكانية لتمييز في تضاؤل
هناك الان سياسي كبير يراس حزبا قوميا و هو منتمي لارومة الفلاتة و رغم موالاته للانقاذ الا انني ارى خطوته جيدة جدا
حتى و لو كانت قاعدة الحزب من الفلاتة فهذا موشر جيد لاندماجهم في المجتمع

كثير من المثقفين يعانون من امية كاملة في شان أصول القبائل السودانية وبالتالي في شان الهوية السودانية نفسها، وكثير من هؤلاء يطلق مصطلح الفلاتي على قبيلة بعينها مع ان قبائل الفولان تمثل مظلة واسعة تمتد من السنغال الى موريتانيا ثم النيجر ونيجيريا وتشاد وكذلك السودان. وقبيلة بهذا الانتشار من الطبيعي ان تكون دخلت السودان قبل عام 1803 ولكن من الثابت ايضا ان الكثير من القبائل الافريقية وفدت بكثافة الى السودان بعد مجاعة 1306 - 1898 بعد ان افنت الحروب مع الانجليز الكثير من السودانيين مما دفع الانجليز الى تشجيع قبائل الفولان للاستيطان في المشروعات الزراعية كما هو الحال في الجزيرة ومارنجان وخور بركة والقاش وطوكر ومشاريع النيل الازرق.
ومسالة تداخل القبائل السودانية مع دول الجوار امر ثابت وله كثير من الادلة مثلما حدث بين نوبة اسوان والسودان ودينكا اعالي النيل والدينكا في الحبشة والنوير لاو في الناصر ونوير اثيوبيا والباريا في الاستوائية واخرين في زائير ويوغندا وينطبق ذات الشيء على البني عامر في اروما وعدوبنا وعداييت وطوكر وفي ارتريا........ وهي حقائق واقعة لا تقبل الجدل اصلا..... وليس لاحد ان ينكر على هؤلاء سودانيتهم وفي عالم اليوم تمنح الجنسية للاقامة المستمرة لسنوات باصابع اليد الواحدة ولا قيمة للانتماء في ادعاء الاصالة والتميز على الاخرين.

أخ عيدروس،
أرجو حذف المداخلتين الكتابتن مجوبقه ديل.

Quote:

أستاذ عثمان، مداخلتك فتلت البوست. محاولة لأستعدال البوست ..

التعديل ما أظنه ينفع .. حزفت ال quote tag الأولي فى مداخلتك .. لو كان quote tag الأخيرة حصل فيها المشكلة كان مداخلتى هذه أستعدلتها.

محاولة جديد ..

بريمة

Quote:

حزف للتكرار ..

ممكن نستمر فى البوست .. بهذه الترقيعة .. حتى يتم حزف المداخلات التي فتلت البوت.

بريمة

المشكلة ان الشعب السوداني ماقادر يفرق بين الفلاتةو قبائل الفولاني والهوسا

الفلاته ايام الدولة السنارية

كسرة
وافد دي زاتا خشم بيوت ممكن تكون وافد حديث وممكن تكون وافد بس اقدم من وافد حديث
الفلاته كما قال البشاري وافدون حديثين نعم ولكن هذا لا يقصيهم ولا يجردهم من حقهم في المواطنة
وبنفس الوقت لا يمكن نسب شعب اقدم منهم في الارض لوافد مثلهم

السيد عيدروس السلام عليكم وضيوفك الكرام
عزيزي لن تجد من المويلح بأم درمان غربا حتى أم دافوق ومن جبل أولياء حتى جوبا جنوبا ومن بحري شرقا حتى بورسودان والنيل الأزرق من يقول لك الفلاتا قبيلة غير سودانية الا مقاطيع دويلة مثلث حمدي العنصرية الذين أدعوا النسب الى بيت النبوة زورا وبهتانا ، فلماذا لم يعترف بهم بيت آل هاشم وبالتحديد الملك عبدالله وعائلة بنوهاشم ، رأيناهم من وقت لآخر يذهبون الى مكة ويأتون بالتكارين أئمة لهم ويقولوا للشعب السوداني المسكين هؤلاء هم أهل العباس وما دروا أن العباس ليس له ولد ، هؤلاء مزوراتية تاريخ والدليل على تزويرهم معلوم علم اليقين أن المك نمر غدر وهرب والغدر ليس شيمة الأكرمين وترك ضعاف قومه يموتون بصحراء الشرق مع مقدرته لانقاذهم ومع ذلك صموا آذاننا بشجاعته ونبله.لن تجد من يفتخر بالقبلية الا وضيع فهم وانسانية ومقطوع نسب يبحث دائما عن أمجاد غير موروثة ، فالناس لآدم وآدم من تراب ولكن أقول لآل الصلبات أرجعوا الى سودانيتكم فهي فخر لكم بين الأمم

العيدروس ودنقس وبقية الزملاء

الفولانى هم أضخم وأكبر القبائل الإفريقية علي الإطلاق...واوسعها إنتشارا..
ليس المآساي...
ولا الدينكا ...
ولا الشلك...
ولا البجة
ولا الماندينكا...
ولا غيرهم....
لقد سكن الفولانى أرض السودان الكبري قبل أن تنحسر وتنكمش دويلة السودان
بعد انفصال الجنوب. وليتها تقف هنا...

إن المفهوم الخاطئ للهوية السودانية الذي أشار له عثمان دنقس هو المشكلة الحقيقية والتى بسببها يتقاتل ويتحارب السودانيون.

قبل أسبوعين سنحت لي الفرصة لزيارة والتعرف علي الفولانى في مالي والنيجر وتشاد.. ما بقدر احكي ليكم متعة التعرف علي التراث والثقافة الفولانية من منظور مختلف.

السودان لابد أن يسع الجميع

حبيبي عثمان سلامات دي المشكلة اسي قفة الملاح والوقود حق الملاح دي كل شي انصراف خلونا نتكلم كلام زي داء زمان مافي بقينا ننسي الشي المهم وكلنا تتجرأ في الفاضي لابد من وعي حقيقي دي مسولبتنا كلنا معا من أجل سودان واحد خالي من القبلية

سلام مجددا يا بروف،

Quote: ا مر محزن جدا ان يمنح عواطلية كرة القدم الجنسية بمجرد ولوجهم مطار الخرطوم و تكون مواطنية اقوام ساكنون لمئات السنين موضع جدل.

يا عزيزي مفهوم المواطنة عندنا معلول، فهناك من لم يقدم لهذا الوطن شروى نقير و لكن يعتبر نفسه مواطن من الدرجة الاولى و يعطي نفسه الحق في تقرير مواطنة اﻵخرين و درجتها. لدينا مشوار طويل نمشيه للوصول الى محطة المفهوم المتقدم للمواطنة الا و هو، كل من يساهم في تقدم هذا الوطن و رفعته فهو مواطن و إن اتى في اﻷمس القريب.
لك الود
عثمان دُنقس

كل الشكر للأصدقاء
عثمان دنقس
عوض محمد احمد
عبد المطلب الصديق
بريمة محمد
محمد الأمين محمد
صديق الغالي
سيف اليزل سعد عمر
الكلاكلة صنقعت
واصلوا يخدر ضراعاتكم

للفلاتا إسهامهم في الثقافة والتاريخ، ولهم خلاوي ممتدة بطول البلاد وعرضها
، ولهم تداخلهم مع باقي المجتمعات السودانية كباقي القبائل السودانية من قديم الزمان.
ومع ذلك يعانون من العنصرية ولا زالوا.

عيدروس

سلام ...

الوجود على الارض والانتماء لمجتمع دافور تثبته الحواكير
وهو النظام المتبع في دارفور

الفلاته وافدون هذه لا يتناطح فيها عنزان .. وليس لهم حاكورة
ولكنهم الآن سودانيون كبقية القبائل السودانية بسبب انتمائهم للسودان

كمعظم القبائل السودانية ..

الصديق الأمين موسى البشاري
الما بتناطح فيه عنزتان وختيتو ليك فوق وبي مصدره إنو لقبيلة الفلاتا وجود وفاعل في السودان تم رصده وتوثيقه قبل 200 سنة .
إذا بعد الوثيقة دي مصر تسميهم وافدين فحقو برضو كل القبائل البي تقول إنها عربية ووفدت للسودان قبل 500 سنة وأقل برضو نسميها وافدة،
ولا شنو؟

كويس إنك إبتدرت نقاش حول الحواكير في دارفور وما ادراك ما الحواكير، ودا نقاش يطول وحا نجي ليه في نقاش منفصل، لكن كمقدمات للنقاش دا
ممكن نقول:

Quote: يرجع تسييس ملكية الأراضي للفترة التي تم فيها تقسيم السودان إلى «ديار» قبلية من قبل الإدارة الاستعمارية سنة 1923، حيث يمكن رؤية حدود هذه الديار بوضوح في الخرائط الحديثة، وربطها بالهوية القبلية والجغرافيا التي ما زالت مستمرة حتى يومنا هذا. هناك عدد من «الحواكير» في كل واحدة من هذه الديار، إضافة إلى عدد من القبائل والعشائر المقيمة فيها. هذا ويتم حصر قيادة الديار واستخدام مواردها واحتكار ثرواتها على مالكيها الأصليين والقبائل الرئيسية فيها وإهمال القبائل الصغيرة وعدم السماح لها بالاستفادة من هذه الموارد بسبب العلاقة التقليدية القوية بين القبائل والديار المملوكة، إضافة إلى أن هذه العلاقة تسمح للقبائل الرئيسية بممارسة الحقوق الإدارية والسياسية بينما لا يسمح للقبائل الصغيرة بتملك هذه الأراضي.

http://www.hic-mena.org/arabic/news.php؟id=o21maA==#.Vq2aa1I8UqIالأرض والنزاع في السودان

تكاد تكون قبيلة الفلاتة هي القبيلة السودانية الوحيدة التي لها حي كامل في معظم المدن السودانية. قبيلتان سودانيتان تمنيت لو أن بقية القبائل السودانية أخذت منهما بعض تجلياتهما الثقافية: قبيلة الفلاتة حيث يشتهر أفرادها بالنشاط والحيوية وحب العمل (ولا يمكن تنميطهم ونعتهم بالكسل)؛ وقبيلة الزغاوة التي يشتهر أفرادها بموهبة التجارة، فهم يقارعون الهنود واليمنيين في هذا المجال.

كرهتنا التعديل يا بكري ياخ!

تعدل ليك كلمة المداخلة كلها تتجوبق :)

سلام يا عيدروس

Quote: الصديق الأمين موسى البشاري الما بتناطح فيه عنزتان وختيتو ليك فوق وبي مصدره إنو لقبيلة الفلاتا وجود وفاعل في السودان تم رصده وتوثيقه قبل 200 سنة . إذا بعد الوثيقة دي مصر تسميهم وافدين فحقو برضو كل القبائل البي تقول إنها عربية ووفدت للسودان قبل 500 سنة وأقل برضو نسميها وافدة، ولا شنو؟

عيدروس كلام الكتب الوهمي دا خليك منى :)
الفلاته قبيلة وافدة نعم .. والله لو جات تراجي نفسها تدافع معاك :)
الفلاته ليس لهم حاكورة ولا ارض في دارفور :)
والكلام لا سمعتو ولا جابوه لي وحدو قريب 60 - 80 سنة

ارض الفلاته الذين يزعمون انها لهم الان في جنوب دارفور هي تلس
وتلس ظلت ولغاية فترة تولي الحاج عطا المنان منصب والي ولاية جنوب دارفور
ارض تابعة اداريا لمحلية برام (حاكورة قبيلة الهبانية).. ومع تقسيم الولاية الى محليات منحهم الحاج عطا المنان منطقة تلس لتصبح محلية
وبسبب هذا وقعت حرب ضروس بين الفلاته والهبانية كان السبب فيها الحاج عطا المنان


كيف وصل الفلاته لمنطقة تلس؟

عندما وصل الفلاته الى تلك المنطقة استأذنوا جدنا الناظر علي الغالي تاج الدين
لكي يستوطنوا في تلك المنطقة ولو لم يسمح لهم حينها لما كان لهم ارض من اصلو
كلامي البقولو ليك لا قريتو ولا سمعت بيهو .. بل اقوله لك كشاهد عيان

لم يكن للفلاته ارض في دارفور وعندما دخلوا دارفور اشتغلوا برعي ابقار الغير بالايجار
وشوية شوية بقى عنهم مال وبقر وفكروا في الاستيطان

فبالله فكنا من حكايات نعوم شقير وغيره ...
ما اقوله حقائق لا تقبل الجدل ... الفلاته آخر الوافدين للسودان
ولا ارض ولا حاكورة لهم .. ولكنهم مواطنين سودانيين الان بكامل الاهلية


وزي ما قلت ليك انت صدق نعوم فلان دا ... وانا بصدق اضاني وعيوني
وحقائق الارض والتاريخ...


تحياتي

الصديق البشاري

Quote: عيدروس كلام الكتب الوهمي دا خليك منى :) الفلاته قبيلة وافدة نعم .. والله لو جات تراجي نفسها تدافع معاك :) الفلاته ليس لهم حاكورة ولا ارض في دارفور :) والكلام لا سمعتو ولا جابوه لي وحدو قريب 60 - 80 سنة

حاضر يا الأمين البشاري، حا اصدق كلامك عن ما تعتقده وحا اصدق روايتك عن جدك، وحا اكذب رواية بن عمر التونسي
الكان فقيه وقاضي وصاحب إقطاعية في دارفور أقطعها له السلطان نفسه ، والكلام دا كان قبال 200 سنة، حاضر يا الأمين

ياخي ده كلام فارغ .. هي بقت على الفلاته بس؟
الفلاتة بكل اطيافهم من نزح للسودان قديما ومن جاء بعد الاستعمار كلهم سودانيين اصيلين ..
هل توجد بلد في الدنيا لم تتغير تركيبتها الديموغرافية عبر التاريخ ؟ العالم المعاصر ما هو الا نتاج هجرات مستمرة ومازال ولن تتوقف الهجرة ، الانسان جبل على تتبع كسب العيش ، زمان كان في هجرات ، الآن لوتري وتوطين ولجوء سياسي وتغيير الحدود الجغرافية الخ الخ ..
تحياتي عيدروس

الصديق محمد الأمين موسى... لك الشكر

Quote: تكاد تكون قبيلة الفلاتة هي القبيلة السودانية الوحيدة التي لها حي كامل في معظم المدن السودانية. قبيلتان سودانيتان تمنيت لو أن بقية القبائل السودانية أخذت منهما بعض تجلياتهما الثقافية: قبيلة الفلاتة حيث يشتهر أفرادها بالنشاط والحيوية وحب العمل (ولا يمكن تنميطهم ونعتهم بالكسل)؛ وقبيلة الزغاوة التي يشتهر أفرادها بموهبة التجارة، فهم يقارعون الهنود واليمنيين في هذا المجال.

الصديق عبد الله إدريس
تحياتي
شباب اليومين ديل "الكلام الفارغ" بي يسموه الطلس، وبي يقولوا "عمك دا بطلس ساي" للزول البقول كلام ما حقيقي
أو بي يخلط الحقيقي بي الما حقيقي.
وبالنسبة لي جزء من ضرورات الكتابةهو الرد على "الطلس"

شكراً ليك كتير

الصديق محمد نصر من الفيسبوك

Quote: ليس هناك فرق بين فولاني وفلاته فهي واحدة .. لكن في فرق بينهم وبين الهوسا وهم "الهوسا" اكبر شعب تعدادا في افريقيا. شعوب من البانتو موجودين في شرق افريقيا كينيا يوغندا تنزانيا والسودان. الناس ديل سودانيين على الاقل منذ ظهور الاسلام لان السودان كان المعبر للاراضي المقدسة ... استقروا في جده والسودان في زمن وسائل النقل التقليدية والاسلام لعب دور كبير جدا في هجرتهم. وبينهم يهود ومسيحيين ينسبون اصولهم للفراعنة وبالذات اليهود منهم. ------ اتخيل ان الجنجويد مرتزقة الحكومة ال وصلوا من غرب افريقيا امبارح عاملين لخبطة للناس. ومن الطبيعي شعب عددوا كبير يهاجر - المصريين والنيجيريين والاثيوبيين- ديل اكبر تلاته دول من ناحية السكان في افريقيا.

تاني وتالت

حبيبنا عمدة، شكراً جزيلاً لنشر الوعي والاستنارة وعلى المعلومة الضافية،

ويا بروف عوض، سلامات يا ملك، وأتفق مع عثمان دنقس بأن كثير من السودانيين يخفون هويتهم بسبب العنصرية،
وليس الفلاتة وحدهم، والفلاتة زماان في الشمالية أهلنا بحكوا لينا عنهم بأنهم كانوا بفتخروا بأصولهم الفلاتية،
وبقولوا:"نحن الفلاليت الما فينا خليط"
ولعنة الله على العنصرية اللي بتخلي الزول غصباً عنه يدس أصله ويدس دينو

انتوا لسه في الفيلم دا؟

الصديق الأمين البشاري

برغم سخريتك وضحكك، فبيلة الفلاتة موثق وجودها في سلطنة دارفور قبل الغزو التركي
بواسطة إبن عمر التونسي ، الكان فقيه وقاضي وصاحب إقطاعية في سلطنة دارفور أقطعها له السلطان نفسه .

فأسخر من حقائق التاريخ

الصديق اخمد حسين من الفيسبوك

Quote: ده كلام فاضي تعداه الزمن-- اي سوداني يحمل الهوية السودانية والاوراق الثبوتيه السودانية لا يفرق عن اي سوداني اخر حقوقا وواجبات ان كان جدو ترهاقا و لا دينار و لا عثمان دقنه و لا المهدي شوفوا الاشياء التي تفيد الكل

نعم يا احمد، ولكن مجتمعاتنا لم تتعداه، ولذلك لابد من أن نطرق عليه مراراً وتكراراً

الصديق محمد عيسى ابكر من الفيسبوك

Quote: غايتو المستعمر نجح نجاح باهر في تفتيت السودان عن طريق بنيه المستنيرين الجهلاء توزيع الحواكير تم بصزرة كيدية ودي الجاب المشاكل على الاراضي يا ود البشاري

نعم الإستعمار زرع البذرة، والبرجوازيين القبليين رعوها لتصبح غابة كراهية وعنصرية

لك الشكر صديقي النذير حجازي

Quote: والفلاتة زماان في الشمالية أهلنا بحكوا لينا عنهم بأنهم كانوا بفتخروا بأصولهم الفلاتية، وبقولوا:"نحن الفلاليت الما فينا خليط" ولعنة الله على العنصرية اللي بتخلي الزول غصباً عنه يدس أصله ويدس دينو