Post: #1
Title: قطع أراضي للبيع بجزيرة توتي
Author: عزيز
Date: 01-26-2016, 00:01 AM
11:01 PM Jan, 26 2016 سودانيز اون لاين
عزيز-Netherland
مكتبتى
رابط مختصر توتي الان وبعد ربطها بكبري مع الخرطوم
وكبري آخر قيد الإنشاء ببحري والتخطيط لآخر من جهة أمدرمان
فقد جعلها وسط العاصمة المثلثة وما زالت تحتفظ بطابعها المتماسك
الأراضي ملك حكر..
فمن يرغب في الشراء تلفوني
لمزيد من التفاصيل
0031633970493
وكذلك الواتس آب والايمو واللاين والفايبر
عبدالعزيز خطاب
|
Post: #2
Title: Re: قطع أراضي للبيع بجزيرة توتي
Author: عزيز
Date: 01-26-2016, 01:01 AM
Parent: #1
اقصد ملك حر
أراضي توتي ملك حر
حاولت اعدلها فوق غيرت تنسيق الكتابة
|
Post: #3
Title: Re: قطع أراضي للبيع بجزيرة توتي
Author: عاطف عمر
Date: 01-26-2016, 04:57 AM
Parent: #1
تحياتي وسلامات حبيبنا عبدالعزيز خطاب
باين لى لو جبت تفاصيل عن قطعة الأرض بتساعد من لديه نية الشراء
- موقع الأرض ...
- مساحة الأرض....
- ناصية أو خلاف ذلك
- الجوار ... ( ميدان ، مدارس ، مسجد ..... )
كمان لو أرفقت خرطة من قوقل يكون أفضل
___________
أتعاب الاستشارة الفنية تقبل بالدولار واليورو فقط
|
Post: #4
Title: Re: قطع أراضي للبيع بجزيرة توتي
Author: يحي قباني
Date: 01-26-2016, 05:37 AM
Parent: #3
زمان يا عزيز كنا في رمضان نمشي توتي باستمرار واحنا في الثانوي العام و العالي ...
زاملنا أصدقاء كتار من توتي بحكم قرايتنا في الأميرية الخرطوم ...
ما خلينا شدرة ليمون ... رمضاناتنا ديك كلها من خير توتي ...
و طبعاً انا عندي صلات دم زي ما عارف ...
اها بعد المقدمة دي ... ما بنلقى لينا واسطة ؟
|
Post: #5
Title: Re: قطع أراضي للبيع بجزيرة توتي
Author: ياسر السر
Date: 01-26-2016, 10:48 AM
Parent: #4
التحية لك الاستاذ عبد العزيز خطاب والتحية لكل اهلي في توتي العريقة ,,,, غايتو يا استاذ انا عندي الرغبة في الشراء لكن بيني وبينك بخاف من البحر ده من انا صغيير وما بقربو ابدا وطبعا زرت توتي كتير زمن البنطون وزمن الشباب والرحلات لكن لسه الخوف معشعش فينا من بحر العيلفون الكبيير داك ،، لكن توتي وبري والعيلفون وحلة حمد وحلة خوجلي كلهم محس وجدهم واحد عشان كده اكيد الواحد لو فتش بلقى ليهو صلة رحم قوية بناس توتي وعشان كده اتمنى انو كل الذي ذكر يشفع لي عندكم وتعمل لي تسهيلات في الدفع اذا ربنا اراد واشترينا ,, وانا واخوي قباني ده اعمل لينا خصم خاص ,, وبرضو يا ريت تزودنا بمعلومات عن الاراضي ومساحتها وموقعها والخ .... وبالتوفيق ان شاء الله ,,,
تحياتي : ياسر العيلفون ....
|
Post: #6
Title: Re: قطع أراضي للبيع بجزيرة توتي
Author: عبدالله ود البوش
Date: 01-26-2016, 11:24 AM
Parent: #5
حاجة غريبة !!!!!!!!!!!!!
حتى قريبا ( قبل 89 ) مستحيل تباع قطعة من توتي لزول برا منها
مع اني متزوج منهم لم يسمحوا لي بالشراء الا بعد تلتلة وقومة وقعدة
عندك وطا بايعها يشتروها منك ناس توتي بس ول تقع البحر
تفككت المجتمعات اذن
.
.
سلام يا عزنا
|
Post: #7
Title: Re: قطع أراضي للبيع بجزيرة توتي
Author: عزيز
Date: 01-26-2016, 03:28 PM
Parent: #6
الأخوة الأحباب
عاطف
قباني
ياسر
والكلس ود البوش
لكم التحية والتقدير
|
Post: #8
Title: Re: قطع أراضي للبيع بجزيرة توتي
Author: مجدى مصطفى رشيد
Date: 01-26-2016, 03:54 PM
Parent: #1
سلام الاخ عبد العزيز
شكرا على البوست فتوتى من اجمل المواقع الجغرافية التى يمكن ان يعييش فيها الانسان ويهنا وسط اهلها الطيبن الذين يتميزو عن غيرهم من اهل السودان بكثير من الخصل. ففبها يجتمع الريف مع الحضروالتاريج القديم والحيث. وانا شخصيا كنت لا افضل ان انشاء اى جسر يربطها بالخرطوم او بحرى او امدرمان لتحافظ على الكثير من خصوصياتها. وكان على الدولة ان تساعد اهلها بايجاد وسائل تواصل بحري حديثة ومريحة تربطها مع بيقية مندن العاصمة الثلاثة وان يتم تخطيطها حضريا ومعماريا مع مراعاة امور كثيرة تخصها واهلها.
زرت جزيرة توتى مؤخرا عدة مرات وتعرفت على الكثير من الصعوبات والتحديات التى تواجهها ولا اعتقد ان الدولة على استعداد لتقديم اى من المشاريع فى القريب العاجل حتى ان الجسر الذى تحدثت عنه والذى كان سيربطها ببحرى قد توقف العمل به تماما. ولن تقوم له قائمة مالم تحل مسالة وقضية التعويضات وهى نفس مشكلة اعادة التخطيط. لا اعتقد ان الدولة لها من الموارد المالية لتعويض الاهالى. واتمنى ان لاتدخل اموال الخليج باقامة اى مشروعات وهمية لهم.
انا شخصيا اشجع اهلنا فى المهجر ان يستثمروا عقاريا فيها. فهى بالتاكيد واعدة. واعادها تخظطها حضريا ومعماريا لهو ضرورة اولى.
مع تحياتى
|
|