10:45 PM Jan, 25 2016 سودانيز اون لاين
يحي قباني-فى الدنيا العجيبة
مكتبتى
رابط مختصر
عالم وهم
شعر : هاشم صديق
الناس بقت
(بصطادوا )
في شارع الزلط
عالم عجيب
عالم وهم
عالم الم
عالم غلط
............
اتزيفت يا دنيا
اوراق ( الثبوت )
واتحتلت
ياالله دمعات البيوت
المات بعيش
والحي يموت
وريسنا استاذ الرقيص
دلق الخسيس
كتل النفيس
اورادنا جوع
ونيلنا امواج
من دموع
واحلامنا بس
قندول حشيش
بيع عزتك
يا زول عديل
لو درت
تامن او تعيش
............
عالم وهم
عالم الم
عالم كضب
عالم ندم
عالم غلط
الموية
في مجري البحر
وصيد السمك
اصبح بكون
كايسنو
في شارع زلط.
..........
عالم غلط
عالم وهم
عالم كضب
عالم يفط.