صراحة ياعمردفع الله كاريكاتيراتك أصبحت رهيبة ..

07:20 PM Jan, 23 2016

سودانيز اون لاين
Munir-a222
مكتبتى
رابط مختصر

الحقيقة شغلك فى الفترة الأخيرة بقى مجوّد وفكرتك فى الصميم .. مع التحفظ على بعض الأعمال التى تتجاوز المقبول ..

أثنّي ... و بدون تحفظات ...

ازيك يا جميل ...

شكراً يا سيد الأناقة :)

تحياتي استاذ منير
اول ما شفت الكاريكاتير بتاع الليلة قلت افتح بوست اثني عليه
لقيتك فاتح البوست
فعلا كاريكاتيرات في الصميم

مرحباً أخ أحمدالشيخ ..

عمردفع الله لقى البشير مقنطر بمواقفه المتناقضة ..

Quote: عمردفع الله لقى البشير مقنطر بمواقفه المتناقضة ..

بيني وبينك يا منير البشير فعلاً بيقنطر نفسه براهو

لو عندنا واحد حريف زي جورج ستيورات ولا باسم يوسف
كان عمل لينا البدع

سلامات الصادق ..

عمر حصل ليهو تطور من التركيز على رسم المؤخرات المهتزة إلى كاريكاتيرات تعبر عن الموقف السياسى بمهارة ..

Quote: عمر حصل ليهو تطور من التركيز على رسم المؤخرات المهتزة إلى كاريكاتيرات تعبر عن الموقف السياسى بمهارة ..

هو ذاك.
نرجو أن يظل هكذا، وأن يثق في منطلقات قرائه ومنتقديه.


ود الباوقة ازّيك ..
....................................
(عااارفو ما جا هنا... بس قاعد يتاوق)

سلام منير...

أنا عندى اقتراح لى عمر دفع الله أرجو انك توصله ليه..
وهو..
يجمع كل الكاريكاتيرات العملها حول الانقاذ..
فى كتاب وينشره..
والكتاب سوف يوزع بكل تأكيد..
خاصة فى السودان عندما تزال الآنقاذ..
أولا لآنه توثيق دقيق جدا لاقذر مرحلة فى تاريخ السودان..
وثانيا لانه خفيف الظل ومشبع بالسخرية المّوجهه..

مع الشكر..

نجى راجعين لاحقاً بعدما عفصنا دلاهة المنبر صديق مهدى .. ..

غايتو خاصية مسح المداخلات ده بكرى أبدع فيهو .. عشان الواحد يعفص زى الجزمة ، دلاهة المنبر المدعو صديق مهدى على ده ..
.. ومعاها بزاغ كبير فى قفاهو ..

سلامات اخ منير وتحياتي لفنان يمجد فنانا ..
معروف أن فن الكاريكاتير من ابرز أسلحة النضال التي طالما هزت عروش الطغاة..
وريشة الفنان عمر دفع الله لا يعلى على فنها وحرفنتها في الرسم عندما تتنزل عليها الفكرة اللائقة ..
عن نفسي استمتع جدا عند تأملي شكل خطوطه في الرسم وأحيانا أتجول في عمق الفكرة بأكثر مما يعبر عنها بحروفه على الرسمة.

سلام ياسنجك
جدنا عليه رحمة الله ,, عندو بت واحدة
جاهو خاطِب من ولاد البلد ,, جدنا قال ليهو:
راسك راس موظفين ,, لكن آخ فهم مافى
بنتى لو اقَسِّمها كيمان ماأديك منها كوم.

سلام يا منير والسلام موصول الى ضيوفك الكرام
واملي اولا ان تكون الصحة جيدة ومتعافي لا كالمتعافى
ووافر شكرى على الدعم والاشادة .

Quote: أنا عندى اقتراح لى عمر دفع الله أرجو انك توصله ليه.. وهو.. يجمع كل الكاريكاتيرات العملها حول الانقاذ.. فى كتاب وينشره.. والكتاب سوف يوزع بكل تأكيد.. خاصة فى السودان عندما تزال الآنقاذ.. أولا لآنه توثيق دقيق جدا لاقذر مرحلة فى تاريخ السودان.. وثانيا لانه خفيف الظل ومشبع بالسخرية المّوجهه..

الاخت نور تاور
سلام

في الواقع لا اعرف وضع ( الكتاب ) في السودان في الفترة الاخيرة
مع انتشار التلفونات الذكية ومختلف اجهزة الكومبيوتر ومن ملاحظاتي حيث اعيش
ان مستخدمي المركبات العامة -قطارات -بصات - في هولندا انهم كانوا
قبل عدة سنوات تجد معظمهم منكبا على كتاب او صحيفة او مجلة
اما الآن فقد اختفت الكتب وحل محلها التلفون او اللابتوب او الآيباد
وحتى المكتبات العامة قّل روادها وفيما قرأت ان هنالك اتجاه لتقليصها .
بالتأكيد فالامر يختلف في دول العالم التالت لكن في ظني ليس بالقدر الكبير
وليس بحوزتى معلومات او دراسات عن الموضوع ولكن في النهاية فالفقر
وضعف الشبكة العنكبوتية قد يسمح للورقة المطبوعة ببعض الاهمية
المؤقتة الى حين تحسن احوال البلد .... فكرتك جميلة لكنها بعيدة المنال .

ودمتم .....

سلام منير وضيوفك الكرام
يا عمر دفع الله يمكن تجميعها في كتاب eBook او pdf وتتنشر في السوشيال ميديا ويمكن للكل الاطلاع عليهامن التلفونات او اللابتوبات والاجهزه اللوحيه
في برامج كتيره لتجميع الصور واضافة نبذه عن كل صوره ومناسبتها واضافة ما تحب
نفس الكركتيرات المنشورة كصور تتجمع بشكل انيق في كتاب pdf والزول العندو رغبة يطبع وينشر ويوزع بيكون متاح للكل
لو احتجت مساعدة جاهزين

بغض النظر عن المحتوى الذي قد يكون صادما للبعض على شاكلة ما تفعل الشركة الإيطالية United Colors of Benetton في إعلاناتها، إلا أن المتتبع لأعمال عمر دفع الله يجد أنها تتسم بقدر عال من الإتقان على مستوى التكوين والتنفيذ وحمولة السخرية التي قد تصل إلى درجة العبث واللامعقول Absurdity، فضلا عن التأسيس للفكرة بالقراءة والاقتباسات الذكية. اعتقد أن عمرا يسير في درب عمالقة الكاريكاتير.

سلامات محمد الأمين موسى..
من الأعمال التى لم أهضمها كاريكاتير قبل فترة يصور فيه عمر البشير متل كلب بيد العربى ..
مهما كان السخط على عمر البشير إلاّ أن إقتران صورة السودانى مثل كلب بيد العرب فكرة ما مقبولة ..
كل شئ ولا تصوير السودانى ذليل للعرب بدرجة كلب ..

مصعب عجاج .. كيفك وأحوالك ..

أديت عمر النجيضة ..

شلراً ياعمر على المرور والتمنيات بالعافية .. بالمناسبة أثناء مراجعتى للمكتبة وجدتك برضو تدعو لى بالشفاء وذلك حين كنت توكعت بفشل كلوى قبل ٥ سنة .. لكنى الحمدلله بخير وأشكرك على الشعور الطيب ..

وبالنسبة للكريكاتيرات ، شايف فعلاً الآن الفكرة واضحة فى الصميم والرسوم معبرة .. وأرى إنك عندك صبر طويل على تجويد الرسمة وتلوينها .. وغايتو إذا الزوول أخد فكرة سالبة عن البشير فإن رسومك الأخيرة تزيد كمية السلبية ضده .. وخاصة طريقة رسمك للقمبور والتلاليش والنظرات وتعابير الوجه ..:)
الكاريكاتير الأسبق الذى فيه البشير فارش خريطة السودان للبيع ده كان رهيب فكرة ومضمون .. عليك أمان الله السودان مفروش فى الواطة زى جلد خروف الضحية ..

غايتو زى ما قالت نور ، جمِّع أعمالك بالترتيب التاريخى، وحبذا لو أرفقت مع كل كريكاتير خبر مرافق حتى ينعش ذاكرة المتلقى عن المناسبة .. يعنى ممكن يبقى كتيب تاريخ ..

الأخ العزيز الفاضلابى ..
حآخد الطرفة دى وألبسها دلاهة المنبر .. وأقول الدلاهة ده يوم قسموا الفهم طلع زيرو .. يزرنو الكلاب ..

الأخ عمرالتاج .. عملت لينا شنو فى موضوع السدور :)؟..

لا أنكر أنى قبل كده إنتقدت رسم الأخ عمر .. ولكنه تقبّل كلامى برحابة صدر دخلتنى فى ضفورى ..

العزيزة نور تاور .. غايتو عمر أقرب إليك منى وشايف كلامك لحق قعر أضانه .. :)

مرحبتين محجوب البيلي ..
آسفين ياجماعة على التأخير .. الجزمة المدعو صديق مهدى بوّظ مزاجنا ..

خبر الهبوط الحاد فى الكلى الذى ذكرته أعلاه كان نزله فى المنبر قريبى عضو المنبر د.عباس مصطفى صادق .. وهو الآن يعانى من فشل كلوى نسأل الله له شفاءً تاماً عاجلاً ..