الأحباش يمارسون تجارة البشر بالخرطوم

05:36 PM Jan, 23 2016

سودانيز اون لاين
ودقاسم-
مكتبتى
رابط مختصر

يمكنك أن تتحصل على تلفون السمسار من جارك أو صاحبك أو سيد البقالة القريبة
عايز لي بت يا سولومون .
ايوة في بنات ، بس قروش 1200 جنيه
خليها ألف جنيه يا سولومون
لا والله ، بنات كلو بقى يمشي أوروبا. بنات مافي ، بنات سودان ما داير.
طيب تاني شنو غير الألف وميتين ياسولومون؟
سمسار 250
طيب إنت جبت لينا بت قعدت معانا شهر واحد ، وشلت 250 .. وهسة داير تاني تجيب واحدة وتشيل 250؟
بت مشى ، أنا اسوي شنو ؟
جيب تااني واحدة بس ما تشيل سمسرة
كيف ؟
كده يا سولومون
لا 250 لازم
طيب كم شهر ممكن بت تقعد معانا ؟
والله أنا ما عارف ، لكن ممكن يقعد سنة ، سنتين

السمسار يقوم بإحضار البنت ، ويدخل البيت ، يطلع وينزل . ودائما : بيت كبير
كم زول هنا في بيت ؟ شغل نضافة بس .. غسيل مافي ، مكوة مافي .
وماما ، وبابا ، ولطف في البداية .. وبعد يومين ، فول أنا ما تاكل .. بيد ( بيض ) انا ما تاكل
ماما أنا ما تاكل براي . أنا تاكل مع ناس ، كسرة سوداني كويس ..
ماما أنتي كويس . بابا إنتي كويس
كلو زول هنا كويس
وبعد اسبوعين تمشي إجازة ، وتستلم 25 جنيه
ولما تسأل سولومون ، ليه 25 للإجازة ؟ يرد :
طيب ، بت ياكل شنو في إجازة
خلاص يا ( .... ) ترجعي يوم السبت بدري . وهاك ده حق المواصلات
شكرا ماما .
خلاص عرفتي البيت وعارفة المواصلات البتجيبك هنا ؟
ماافي مشكلة ماما .

Quote: الأحباش يمارسون تجارة البشر بالخرطوم

معليش يا أخ ود قاسم

إطلاق الاسم (أحباش) مشين في حقنا نحن السودانيين. والناس ديل مننا وفينا وبيحترمونا لأقصى درجة تتصورها. فمن المروءة نبادل احترامهم بمثله. ____ لو بس تابعت حبهم لثقافتنا في الصفحة دي ربما يكون ليك رأي تاني.

هم لسع ما بقو سودانين؟؟؟؟

ما المشين في تسمية الأحباش ؟
إنه اسم تاريخي لم أصنعه أنا
وبلادهم الحبشة
وهذا كلام لا جديد فيه
بعدين ناس بيمارسوا تجارة البشر ، أنا أكون مطالب باحترامهم عشان هم بيحبوا ثقافتنا ؟
لا تتحسس من أشياء عادية ، ولا ترفض الواقع ، ولا تدافع عن أشخاص قاموا عددا من المرات باستغلال الطيبة
في السودانيين أو غيرهم

https://ar.wikipedia.org/wiki/%D8%A3%D8%AD%D8%A8%D8%A7%D8%B4_(%D8%B4%D8%B9%D8%A8)https://ar.wikipedia.org/wiki/%D8%A3%D8%AD%D8%A8%D8%A7%D8%B4_(%D8%B4%D8%B9%D8%A8)

الزبير باشا كان بيتاجر فى الحديد؟
هسى هم بيحلو لينا فى مشاكلنا.....الانحنا ماقادرين نحلها برانا.......بعد سعر البترول وقع فى الواطة.....وقيام سد النهضة......جدودنا كلهم بيطلعو من الحبش.....قدمو السبت عشان تلقو الاحد.......عموما المنطقة دى كلها كانو بيقولو ليها ارض الحبش قبل دخول العرب السودان.

Quote: ما المشين في تسمية الأحباش ؟ إنه اسم تاريخي لم أصنعه أنا وبلادهم الحبشة وهذا كلام لا جديد فيه +++ بعدين ناس بيمارسوا تجارة البشر ، أنا أكون مطالب باحترامهم عشان هم بيحبوا ثقافتنا ؟

بالتأكيد الاسم قديم

ويشمل حتى المنطقة الفيها جمهورية السودان حالياً من أقصاها لأقصاها، ما ظنيتك ترضى ينادوك "يا حبشي" ولو انك من مستحقيها بالجغرافية والتاريخ والدين، مش كدة؟ لكن من الذوق إذا أشرت لمواطني دولة أخرى أن تنأى عن التعميم بالذات إذا ارتبط في الذهن بالموبقات بحق أو دون وجه حق، دلوقتي انت بتحاول تسقط عمل أفراد على كل مواطني دولة جارة اسمها أثيوبيا أو اسمها إرتريا. لا أظنك ترضى أن توصف في دولة عربية بأنك من "السوادنة" وناشري الإيدز وممارسي السحر والدجل والشعوذة، ولا أنا غلطان؟ كلهم بيمارسوا تجارة البشر؟ ____ إذن التقصير منك انت.

أخ حاتم ، أوضحت لك ما لزم ، ولدي موضوع اساسي أريد أن أطرحه هنا
إذا ارتبط اسم الأحباش عندك بمفاهيم مغلوطة فلست أنا المسئول عنها
رجاء ، لا تضيع وقتي ، فلن أغير شيئا وواضح أنك مبرمج على فهم معين ، أنا لا أقصده ولا يعنيني

حبيبنا ود قاسم
تحية التقدير والاحترام

كان يمك ان تكتب العنوان بدون تعميم ، ومش ضروري كلمة الاحباش. زمان كلمة حبشي مرتبطة بالعبودية حتى ان هناك رواية لحديث فيه العبارة "عبدا حبشيا". افتكر حقو المسلمون يكفوا عن تكرار هذا الحديث في خطبهم، ولكن للأسف اليوتيوب ملان ببنماذج من هذه الخطب. لا اقول مسحه من الكتب ولكن تجنبه، واذا لزم حقو يتم توضيح الملابسات التاريخية التي ليست موجودة الآن، وإلا فإن مسئولية اعطاء سمعة سيئة للاسلام ولنبي الاسلام عليه السلام تكون هي النتيجة
كان العنوان سيكون صحيحا، لو قلت
بعض الاثيوبيين يفعلون كذا وكذا
او هناك اثيوبيون يقومون بكذا وكذا

ياسر

Quote: أخ حاتم ، أوضحت لك ما لزم ، ولدي موضوع اساسي أريد أن أطرحه هنا إذا ارتبط اسم الأحباش عندك بمفاهيم مغلوطة فلست أنا المسئول عنها رجاء ، لا تضيع وقتي ، فلن أغير شيئا وواضح أنك مبرمج على فهم معين ، أنا لا أقصده ولا يعنيني

ياها عقلية الربع الخالي، الخريف اللين من بشايره بيِّن

انت المبرمج على فهم معين، وانت العندك مفاهيم مغلوطة عن شعب جار، وانت المسؤول عن نشر مفاهيم مغلوطة سواء عن الأثيوبيين أو عن تشوية تعريف مصطلح عالمي منتشر حالياً ولا يعوزك سوى بعض الإطلاع الذي لا يضر حتى تتعلم من خطأك. وواضح إنو "يعنيك" جداً تركز المفاهيم دي عند الناس بأسلوب سلبي. وأنا مصر أضيع ليك وقتك، عشان أحميك من جرجرة المحاكم لو كنت غافل وأحمي سمعة أهل البلد وسمعة جيران البلد وسمعة القارة الجمعت البلد بالبلد. بدايتك شينة وكعبة، معليش للوصف أنا صريح جداً، بس دا ما بيسموه (تجارة بشر) وإلا كل مكاتب الاستخدام والاستقدام دي تمشي السجون. لأنو تعريف الأمم المتحدة لتجارة البشر هي تسهيل تبادل البشر كسلعة لغرض الجنس أو العمل القسري أو نزع الأعضاء الحيوية. دلوقت السيناريو بتاع (سولومون) الانت جبتو فوق دا فيهو أي حاجة من ديل؟ مافي، إذن انت صاحب غرض وقاصد الاساءة ويعنيك جداً تشوف تبعاتها هنا. بعدين انت بتورط في نفسك كدة، بل تدين كل السودانيين بأنهم الطرف المشتري في نشاط جنائي ممنوع بالقانون الدولي، انت منتبه لكلامك دا يازول؟ ولا شايف المنبر دا ونسة سودانيين ساي؟ لو كنت خارج السودان فأي فرد من مواطني أثيوبيا وارتريا ممكن جداً يقاضوك بتهمة تشويه السمعة ، فقط من صيغة عنوانك دا، فألحق غيره، انت باين عليك "سوداني طيب" وما خليت فرقة عشان تمرق بيها، غايتو إلا ترجع لأصلك وتندغم في الأحباش ديل ذاتم، وبهناك برضك متورط لأنك بقيت التاجر ذاتو، فأين تذهبون؟ ولا بتبرطع في سمعة جيرانك ساي؟ ود قاسم أخوي، انت بتتبنى رؤية أبان عقالات بلا فهم، محبة وريد لي الله. دا اسمو (عجبني للمرقوت)، وبكلام المسقفاتية (استلاب) وحالتك عضو قديم، حاضر يوم أضافو المصطلح دا للأمم المتحدة. انتو يا أخوانا ما فضل فينا "سوداني" عقله نضيف من حقات زمان الأصليات ديلك؟ ياخي البت الجابا سولومون بتدلع حسب وصفك، تطلعها ضحية وتطلعنا مجرمين؟ وتطلع نفسك تابع عقالات ومشين سمعات؟ ____ ويقول ليك لا يعنيني!

Quote: افتكر حقو المسلمون يكفوا عن تكرار هذا الحديث في خطبهم

المسلمون ياتم؟

المسلمون الأحباش؟ ولا الأحباش المسلمون؟ ولا الأحباش الأحرار؟ ____ لقد كلفت الرجل شططا، ويكأنه معقولٌ ويَتبرمُو.

في اي تجارة في بائع ومشتري وسمسار وسلعة فاذا نجحت او خسرت التجارة فهي في رقبتهم

Quote: في اي تجارة في بائع ومشتري وسمسار وسلعة فاذا نجحت او خسرت التجارة فهي في رقبتهم

الله يفتح عليك

سيناريو سولومون دا نعدلو شوية: - أبغي راعي سوادني - أيوة طال عمرك موجود لكن بتزعمية ريـال - لا لا يا رجال هاذا كثير، أنا والله أبغي سوادني، لنهم أهل كرم وأمانه ومرة ويبغون الشغل ، محاربين السوادنة - والله طال عمرك السودانيين هسع بقوا بتاعين لوتري وأوربا، المملكة قروشها بقت شوية - خير يا رجال، الحين أبغي خادمة سودانية تكون ويا العيال وتنظف الدار والسيارة وتحمل الأطفال - برضو في، 700 ريـال طال عمرك - هاااذي الخادمة تكون مطيعة وما تهرب وما تطلب عطلات؟ - أيوة ممكن طال عمرك - .... - .... ____ أهاااا، تجارة بشر ولا فشر تجارة يا متعلمين يا بتوع المدارس. حق أثيوبيا السكيرون تشيف، حقك الكبير ما تشيف.

شكرا لعقلية الربع المليان
التي أقنعتنا أننا ننتمي للربع الخالي
شكرا لهذا المنبر الذي تعلمنا منه الكثير
شكرا للذين يشهرون سلاح التهديد بالمحاكم وأهلا بمحاكمهم
شكرا للذين يصبون الزيت على النار ، وكنا نظنهم من أصحاب الصفاء
المنبر يمكن أن يكون صافيا ونقيا بدوننا ، فلماذا نعكره على أهله ؟

السلام عليكم
الاخ ود قاسم اعتقد ان الموضوع هام وحيوي ارجوا تواصل فيه


الاخطر انهم جعلوا البلاد سوقاً ومعبراً لتهريب البشر
الي اوربا والتي هي هدفهم الاساسي ...

سلام يا ود قاسـم،

وين تجارة البشر هذه؟

البنت حسب كلامك ودوها لأسرة محترمة وليس لعلب ليل.. بمرتب ومخصصات وإجازة نهاية أسبوع..
وهى تعتد بنفسها لدرجة رفضت ان تاكل لوحدها مثل الكلب.. ولو هناك لوم فيجب لوم الاسرة ان قررت ان تجعلها تاكل لوحدها.
الوسيط يمكن ان تطلق عليه وكالة.. توظيف غير رسمية، او غير قانونية، هذا ان كان غير مسجل.. ولكن لا يمكن وصفه بتجارة بشر أبداً

Quote: شكرا لعقلية الربع المليان التي أقنعتنا أننا ننتمي للربع الخالي شكرا لهذا المنبر الذي تعلمنا منه الكثير شكرا للذين يشهرون سلاح التهديد بالمحاكم وأهلا بمحاكمهم شكرا للذين يصبون الزيت على النار ، وكنا نظنهم من أصحاب الصفاء المنبر يمكن أن يكون صافيا ونقيا بدوننا ، فلماذا نعكره على أهله ؟

بالعكس ياخوي أنا بنصحك بالكلام المر، ما تكتل لي حيلك، نحن كايسين لنموذجك دا عشان نوعظ التانيين

كلامك شين، وإذا بتقول على سولومون تاجر فأنت زبونو يعني شريك أساسي في الجريمة، دا لو العملو سولومون كان حسب وصفك "تجارة بشر"، انت بتطبظ في عينك، وسولومون دا ذاتو بمفهومك تجارتو اتوسعت هسع. http://sudaneseonline.com/board/480/msg/%D9%83%D8%A7%D8%B1%D9%8A%D9%83%D8%A7%D8%AA%D9%8A%D8%B1-%D9%81%D9%8A-%D8%AC%D8%B1%D9%8A%D8%AF%D8%A9-%...8%AA-1446022421.html الكلام دا لما السفود دخل في اللحم السوداني والكوراك ضرب، هسع انت عايز تلبس عقال وتعمل تجربة في جيرانك؟ بترتاح كدة يعني؟ what a brute ____ الكاركتير الفوق دا رايك فيهو شنو؟

السلام عليكم استاذنا ود قاسم
نرجو التكرم بالمواصلة في الموضوع الأساسي، فهذا ما ينفع الناس
اصبح من الصعوبة بمكان أن نستفيد من بعضنا في هذا المنبر
لا حول ولا قوة الا بالله

Quote: السلام عليكم استاذنا ود قاسم نرجو التكرم بالمواصلة في الموضوع الأساسي، فهذا ما ينفع الناس اصبح من الصعوبة بمكان أن نستفيد من بعضنا في هذا المنبر لا حول ولا قوة الا بالله

لا نزال في إنتظارك حبيبنا ود قاسم
الموضوع حيوي وهام
لي تجارب مماثلة لتجاربك

يا ود قاسم
هسى ناس اللعيبه بتاعين الكورة يبعوا فيهم ويشتروا فى نص الخرطوم عينك يا تاجر قدام الحكومة وحقوق الانسان والامم المتحدة زول يههب ليهم مافى.....بس بقت على جيرانا الطيبين ديل.

وحينما نادينا بتقنين وجود الاجانب فى السودان..
لتنظيم حياتهم..
وتنظيم الوجود الآجنبى فى السودان..
قامت الدنيا ولم تقعد..
واتهمنا بالعنصرية..
السؤال هو:
كم عدد الاجانب فى السودان ؟!
فاذا امكن الاجابة على هذا السؤال..
وحصر انواع الاعمال التى يقومون بها فى السودان..
سوف يتضح حجم المصيبة...

فى بداية الآلفية..
كانت هذه التجارة رائجة الى درجة كبيرة..
وقد لجأ اليها الاشقياء ممن فشل فى الحصول على وظيفة..
وكان هناك تنسيق بين التجار وبين شرطة الحدود..
وكان ( سعر الراس ) 300 جنيه سودانى..
وحينما تصل \يصل الى الخرطوم..
تبحث\يبحث عن معارفها..
لتبدأ \يبدأ فى مهنة سبل كسب العيش فى السودان..
السؤال هو هل يعامل السودانى..
فى احدى تلك الدول..
كما يعامل الاجنيى فى السودان ؟!

Quote: السؤال هو: كم عدد الاجانب فى السودان ؟! فاذا امكن الاجابة على هذا السؤال.. وحصر انواع الاعمال التى يقومون بها فى السودان.. سوف يتضح حجم المصيبة...

الرجل غير مطلع كفاية

لا يميز بين "تجارة البشر" و "تهريب البشر".

ياحاتم

يبدو لي الاخ قاسم ماحاسي بفداحة تعميمه المخل





لكن ان وقع البوست في يد احد الاخوة الاثيوبيين او الارتريين ح يتعبوا شدييييد صدقني

سلامات ود قاسم

عنوان البوست هو : الأحباش يمارسون تجارة البشر بالخرطوم
هذا تعميم ودرج تحته كل الذين يوصفون " بالأحباش" في القرن الأفريقي
وهذا التعميم مخل .. هذه نقطة ...
النقطة الثانية : هو إستخدام مصطلح الأحباش علي الأثيوبين في العادة الأستخدام بهذه الصيغة
دائما ما يقصد به الأستعلاء والإزدراء ( لا أعتقد أن الأخ ودقاسم يقصد هذا) ولكن في ثقافتنا هذا المصلح بهذه الطريقة
يقصد به التقليل من الشأن ...

مثلا هل يصح أن يكتب : الحلبة من مصر يمارسون تجارة البشر
او أن يكتب العبيد من كينيا يبيعون الخمر في الخرطوم.

هذه العبارات جارحة ويجب أن نخلص الثقافة السودانية من هذه الموروثات

تحياتي للجميع

بعد التحية. يا ود قاسم

الاحباش يمارسون تجارة البشر والاعضاء هم والمصريين وبعض الافارقه

تجارة الأعضاء انتشرت فى السودان بطريقة قد لا تصدق. لدرجة ان بعض

الصحف اتت بقصص لأشخاص شهدوا عليها او كانوا جزاء منها او كانوا

معرضين لخطرها




الموضوع خطير جداً وقد انتشرت فى الآونة الاخيرة جرايم فى السودان

تعتبر ليس فقط دخيلة علية بل جرايم فكفى حد زاتها. مرعبه للاسر

وللبشر ارجو متابعه هذا البوست ومحاولة فك طلاسم هذا النوع. من الجرائم

Quote: أستااذ يوسف لك التحية والتقدير أعادني هذا االبوست إلى المنبر بعد غياب شهور ، وقد تعمدت الغياب بسبب هذا المسمى حاتم مين كدا ما عارف وما اعتدت أن أجاادل في فارغة ومقدودة ، ولا اعتدت أن استخدم الاستيكة أو أتجاهل من يتداخل معي كل الزملاء نبادلهم الاحترام والتقدير ولا نسيء لأحد أبدا ، فآثرت كما آثر غيري التوقف عن الكتابة أو االتداخل في المنبر ومنذ بداياتي الأولى في المنبر لم يتخاشن معي أحد غير هذا الحاتم . وللأسف ، ولا أعلم لم ، فقد حاول أحد زملائي القدامى وهو من الأصدقاء الأعزاء أن يساعده وقد ظللت اتابع المنبر كقاريء فللمنبر أفضال كثيرة علينا ، وفيه تعرفنا على أصدقاء أعزاء ، واقمنا معهم علاقات بلغ عمرها السنين وامتدت لتشمل الأسر الصغيرة والممتدة اليوم أنا هنا فقط لشمت في هذا الغريب الذي لا هم له إلا المداخلات الغريبة والمشاترة لك تحياتي .. وآمل أن أرى عودة الجــــرذان إلى أجحارها

وها أنا أعود إلى بوستك بعد شهور

أولاً اسمي حاتم إبراهيم، اعتقد الاسم واضح. +++ لكنك لم تأت إلى بوست هرب فيه مبتدره للنقاش حول الموسيقى ألست كذلك؟ كذلك توصيفك (فارغة ومقدودة) ارتد على بوستك هذا، فإن كان مهماً لما تركته بهذه السرعة. +++ الاحترام لا يتجزأ، وكان الأولى بك أن تحترم الشعوب أولاً، على الأقل ياخي ضع احتمال أن يكون هناك من الأعضاء في المنبر من تكون زوجته أثيوبية أو يعمل في أثيوبيا أو قريبه أثيوبي، إيه الغلظة دي؟ +++ إن حاول أحد زملائك القدامى مساعدتي فأنصحك بالتقرب إليه بشدة، فهو لا يضمر لك الشر ولكنه يناصرك بالنصح، فأنت مخطيء ومضلِل. +++ إذن على الأقل كنت تفهم أن مصطلح (أسرة ممتدة) يمكن بكل بساطة أن يربطك بدولة جارة. +++ مداخلاتي ليست غريبة، غريبة طريقة تفكيرك وتناولك للشأن العام بهذه السطحية المبالغ فيه. +++ خاب أملك للأسف، وأظنك رأيت عودة الـ############ان العتيقة إلى أوكارها قبل طلوع الشمس. الفوق دا الرد على مداخلتك غير المحترمة النشرتها في غير محلها، كنت سأقدر مجهودك لو وضعتها هنا. نجي لباقي الكلام: ياخي الواحد لما يفتح بوست حقو يجمع معلومات أساسية أول عن الموضوع، ياخي انت ما عارف الفرق بين (تهريب البشر) و(تجارة البشر) وبكل قوة عين بتطلب مني ما (اضيع ليك زمنك)؟ بتقول مداخلاتي غريبة، هسع رأيك شنو في جملتك التحت دي Quote: لا تتحسس من أشياء عادية ، ولا ترفض الواقع هل انت بكل بساطة تتبنى نظرة عنصرية صفيقة ضد شعب جار ولا تحس حتى بأن توجهك غير سليم وغير تربوي وغير محترم ووجدانك مشوه ونظرتك للأمور لا تشبه تفكير أي انسان سوي متعلم وعاقل، والأسوأ بتوصيني أبقى زيك؟ يعني أنا الشاذ وانت الشخص العادي الواقعي مش؟ كلمنا بصراحة عليك الله، هل فعلاً دا احساسك وانت شايف نفسك طبيعي؟ _____ ما عندي مانع اتحمل شتيمتك بس أبقى شجاع وتعال دافع عن رؤيتك

الحقيقة البسيطة الفايتة علي ود قاسم، انو اسم او مصطلح حبشي تاريخيا كما اسم او مصطلح سودان، ماكان خاص بي اهلنا في اثيوبيا كما يتوهم ود قاسم اللي لي روحو حبشي او هو ماعارف كده، يسوي حبش لي اهلو!

هم لاي سبب غيرو الاسم، فلو ده حاصل علاما الاصرار؟

من الجانب الاخر، اهلنا في اثيوبيا علي وشك الخروج من النفق الجابم عندنا، بينما الدور جاي علي امثال البفكرو بي طريقة ودقاسم دي، للعمل في بيوت اثيوبيا!

لما الشكية وانت مشارك اصيل في نفس التجارة وبتطالب بتخفيض كمان
تحية للجارة اثيوبيا اهل الحضارة

التحية للمعترضين قبل المتفقين .. وكل سنة والبورداب كلهم بخير
ولكل معترض أنا أصلا لم أطلق الفكرة حتى الآن ، والأخ حاتم اصلا لم يمنحني الفرصة الكافية لطرح الفكرة
بدأ الاعتراض على العناوان ، وطلبت منه أن يمنحني الفرصة لأكمل ، لكنه رد بأنه مصر على أن يضيع زمني
وأنا لست مؤرخا ، لكني لم ابتدع اسم الأحباش ، فالحبشة اسم قديم شمل منطقة أوسع من المعروفة بالإسم اليوم
لكن الاسم حاليا مخصص لمواطني دولة اثيوبيا ، وهو اسم لا عيب به ولا صلة له بأية مفاهيم أخلاقية أو غيرها
وقد ترجم للعربية من كلمة إنجليزية أو ربما تكون هي المسمى الإفريقي نفسه ، وهي أبيسينين
وكما تسمى مصر إيجيبت وأطلق عليها العرب مصر ، وما زلنا في السودان نقول فلان القبطي ( تعريفا ) لا تفريقا
وأطلق السودانيون اسم الفلاتة على كثير من القادمين من غرب إفريقيا ، بصرف النظر عن انتمائهم للقبيلة صاحبة الاسم
ولم يكن السودانيون يمارسون عنصرية أو تفرقة لكن هو تعميم أخذ على التيسير ، وأصبحت فبيلة االفلاتة واحدة من أكبر القبائل االسودانية
المهم يا سادتي ، هذا ليس موضوعي ، وليس هو الذي كتبت من أجله ، فلي تجربة طويلة في التعامل مع من ذكرت كعمالة منزلية ، والتجربة عامة ومعروفة لكل
الناس ، والشكوى ليست شخصية ، إنما هي تجربة واسعة ومتعارف على تفاصيلها ... والذي يحدث هنا يختلف عن ما يحدث في دول أخرى ضرب بها البعض مثلا
فهنا لا توجد مكاتب مرخصة ، ولا توجد عقودات تحدد الواجب والحق .. ويتم تحاشي العمالة المنزلية تماما في قانون العمل ..والمسألة فيها استغلال كبير لطيبة أهل السودان
وتغيب فيها الدبلوماسية الشعبية خاصة من الجانب الآخر ، فيحدث النفور والتنافر بين شعبين شقيقين لا مصلحة لأي منهما فيما يحدث
ولو أن المعترضين يمنحوني فرصة ، ويتركوا خلط الأوراق ، واستخدام اللهجة التحريضية ، فيمكنني الاستمرا في شرح ما يحدث
وإن أصروا على نفي الاسم التاريخي فهذا ليس شأني ولا هو شأن هذا البوست ، لكني أردهم للبحث في الشبكة عن أصول الاسم واستخدامه من قبل المؤرخين
والباحثين وغيرهم ، وهو مكرر بالملايين في النت .. فليذهبوا هناك ويعترضوا ... وليقدموا للمحاكم كل مستخدمي هذا الاسم
وليأتونا بفتوى قانونية أن كل من يستخدم هذا الاسم فهو يسيء لشعب بعينه ..
وسأمتنع عن المتابعة إذا أصر المعترضون على موقفهم الغير مبرر بالنسبة لي .. ومن يرى ضرورة فتح بلاغ في استخدامي لمصطلح الأحباش فليفعل دون تردد
لكن التلويح بالشر والرمي بالاتهامات ومحاولات عكننة أمزجة الناس لا تفيد أحدا
ولست ممن يهربون من الحوار الجاد ، لكن خلط الأوراق عمل سيء ، لا أحبه ، ولا أتقبله ، وبصراحة أكثر لا أحتمله .. ولا أرغب في جدل عقيم لا يفيدني ولا يفيد غيري
وكل عام والجميع بخير

Quote: وسأمتنع عن المتابعة إذا أصر المعترضون على موقفهم الغير مبرر بالنسبة لي

من ناحية موقف بالتأكيد أنا مصر على موقفي بدون شك

لكن حتى لا تتحجج باعتراضي، سأتوقف عن المداخلات حتى تعرض موضوعك كاملاً وتجد من يوافقك في فكرتك. _____ اعتبرني وقفت من المداخلة دي لحد ما تنتهي، رجاءاً استمر.

تحياتى اخى ود قاسم وكل سنة وانت طيب اكمل فكرة البوست دون توقف

وانا سمعت ولم ارى انهم كانوا يقومون بتلك التجارة فى سبعينات وثمانينات القرن الماضى وانهم قاموا بتبييض اموالهم بشراء اراضى سكنية وزراعية ومحلات تجارية فى الخرطوم
فى مطلع تسعينات القرن الماضى ..

اولا... الشكرلصاحب البوست لانه تطرق لموضوع مهم جدا
يهم كل عائلة سودانية الا وهو موضوع الشغالات
الا ان بعض الاخوة خرموا من الموضوع الاساسي
ولخبطوا الكيمان ودخلوا لينا بي حمد ومرقوا لينا بي خوجلي
الموضوع هو استغلال بعض الاحباش
نعم بعض الاحبا ش وهذه هيؤالتسمية المعروفين بها منذ الذل
وانا ما عارف اخونا دا محتج ليه ؟!!!!!
ما علينا .... فعلا في عملية استغلال بشعة تمارس ضد الاسر المحتاجة لشغالة
واخونا صاحب البوست كفا ووفا في السرد
ودا الفعلا بحصل مع كل اسرة وبناء على تجربة شخصية مماثلة
ومن الطرائف انك تلقي ماهية الخدامة اكتر من ماهية ولد الاسرة الكبير الشغال في البنك ليهو سنين
يا جماعة اصحوا
هناك عمليه ابتزاز بايخة تمارس ضد اهلنا من الاحباش
وخلونا من التسمية حلوا لينا المشكلة
قال ما اسمهم احباش قال
قوم لف !!!!!

طيب يا جماعة أنا سأدخل للموضوع مباشرة ..
عندما تطلب اي أسرة عاملة منزلية فإنها لا تستطيع أن تحصل عليها مباشرة ..
ومباشرة هذه مقصود بها ، مثلا لو أنّ جيرانك عندهم عاملة وطلبت منها أن تأتيك بأخت أو صديقة أاو زميلة
فإنها مباشرة تقول لك : نعم ، لكن لابد أن تطلبها من خلال السمسار .. ثم تعطيك رقم التلفون
وهو من جانبه يأتيك بالعاملة المطلوبة ، بعد أن يكون قد حدد لك ( حقه ) هو اولا .. والآن هم يأخذون 300 جنيه مقابل المشوار
وأنت اصلا توصلت إليها عن طريق أختها أو قريبتها
حتى أنني في مرة قلت للبنت الوسيط أنني سأدفع لها حق السمسرة وقلت لها أنها تستحقها ...فرفضت .. وشرحت لي أن هذا هو النظام ..
طبعا السمسار ليس لديه مكتب ليقوم البعض ويقارن بالخليج .. وإقامته بالبلاد ممكن تكون غير نظامية .. وليس لديه عنوان ، ولا يمكن الرجوع إليه
لإحضار عاملة بديلة في حالة عدم كفاءة التي أحضرها ..
حتى هنا والأمر قد يكون فيفتي فيفتي ..
لكن بعد شهر تستلم البنت أول راتب ، وتذهب في إجازة يوم أو يومين ، وباالمناسبة الإجازة مدفوعة .. ولا تعود ..
تكلمهاا في التلفون فتقول لك أنها لا تريد عمل .. تتصل على السمسار ، وإن رد عليك يقول لك أنا أجيب لك واحدة تاانية بس إنت تدفع 250
ثم ينقل التي كاانت عندك لأسرة أخرى .. وهكذا يتم انتقال العاملة من بيت لبيت لتحقق للسمسار دخلا شهريا
وطبعا ممكن يكون هناك زيادة عن الشهر ويمكن أن يصل عملها إلى شهرين ، لكن النتيجة واحدة في النهاية ..
هذاا ما يحدث .. وسأفصل في فهمي ورأيي في ما يحدث .. وأؤكد أنه نوع من تجارة البشر .. وفيه استغلال لضعف أنظمتنا تجاه المهاجرين
ونظام العمل نفسه وهو يستثني العمالة المنزلية صراحة ولا يدخلها تحت طائلته

طبعا التعميم اذا قريناه مع النظره الاستعلائيه عند بعضنا ضد جيرانا.. حرف فكره البوست شويه.
الحاجه دي موجوده في السودان وخارج السودان (السعوديه ) وسببها في السودان عدم وجود تنظيم حكومي يحفظ حقوق الطرفين . عشان كده ما من المنطقي رمي اللوم فقط علي الشغالات والسماسره.

حبيبنا ودقاسم .. مودتي وشكرا على الموضوع الذي يبدو غريب وجديد بالنسبة لي بالذات
لأن ليس لدي معرفة كبيرة عن حياة العاصمة لأننا من جدة الى الخرطوم والبصات الى دنقلا
هل نظام العاملة المنزلية منتشرة في السودان لهذه الدرجة ؟؟ وهنا في السعودية تعتبر واحدة
اهم المشاكل التي تواجه المجتمع السعودي حيث المشاكل والجرائم .. الخ ؟
ولأن المجتمعات الخليجية مرفهة ودخلها مرتفع يحتاجون الى عاملة كنوع من الترف ايضا ..
ولكنهم بدأوا يعانون من غرابة سلوك ابناءهم وبناتهم حسب تربية العاملات
أرحوك رجاء خاص حبيبنا ودقاسم تقديم شرح عن هذا الموضوع وخاصة حاجة العائلات إلى العاملات
هل للحاجة أم ترف هل لفئات محددة ام ظاهرة عامة
شكرا كثير على هذا الموضوع الحيوي ..
مودتي الحبيب

حبيبنا ودقاسم .. مودتي وشكرا على الموضوع الذي يبدو غريب وجديد بالنسبة لي بالذات
لأن ليس لدي معرفة كبيرة عن حياة العاصمة لأننا من جدة الى الخرطوم والبصات الى دنقلا
هل نظام العاملة المنزلية منتشرة في السودان لهذه الدرجة ؟؟ وهنا في السعودية تعتبر واحدة
اهم المشاكل التي تواجه المجتمع السعودي حيث المشاكل والجرائم .. الخ ؟
ولأن المجتمعات الخليجية مرفهة ودخلها مرتفع يحتاجون الى عاملة كنوع من الترف ايضا ..
ولكنهم بدأوا يعانون من غرابة سلوك ابناءهم وبناتهم حسب تربية العاملات
أرحوك رجاء خاص حبيبنا ودقاسم تقديم شرح عن هذا الموضوع وخاصة حاجة العائلات إلى العاملات
هل للحاجة أم ترف هل لفئات محددة ام ظاهرة عامة
شكرا كثير على هذا الموضوع الحيوي ..
مودتي الحبيب

الاخ الكريم ود قاسم
لك التحية والتقدير وكل عام وانت والاسرة بألف خير

انا شخصياً لا ارى هناك عنصرية في كلمة الأحباش كوصف لاخوتنا الاثيوبيين و الارتريين
و لديهم معزة خاصة في قلبي من خلال ثلاثة اصدقاء جمعنا سكن واحد في يوم من الايام
كان هؤلاء الشباب يعملون في محلات العدني في امدرمان في تمانينات القرن الماضي
سافروا بعدها الى امريكا ثلاثتهم و لم تنقطع علاقتي بهم الى الآن , تعرفت من خلالهم
على عاداتهم وتقاليدهم و كانوا و مازالوا من اجمل من عاشرت , في بريطانيا كنت دائماً
مشارك في فعالياتهم و مازلت.
الحديث عنهم يحتاج لمساحة اكبر بكبر حضارتهم و هي حضارة اكسوم و التي تعتبر من
اكبر ثلاثة حضارات في القارة الافريقية , هذا غير صلة الرحم التي تربط بينهم وبين كثير
من السودانيين وبينهم اصدقاء سودانيين كُثر.
هجرة الاحباش الى السودان هي هجرة اضطرارية فرضتها عليهم الكثير من الظروف
رغم ان دولتهم في تقدم مستمر و لكن تعدادهم كشعب كبير.
ما حدث من سولمون السمسار لا يعتبر تجارة بشر لان تجارة البشر موضوع آخر كما اشار الاخوة
حاتم وابو الريش , هؤلاء الناس اجبرتهم ظروف قاسية بالنزوح الى السودان و قبول اي نوع من الاعمال
اغلبهم يعتبرون السودان دولة معبر لاوروبا وهي بحكم موقعها الجغرافي تعتبر دولة معبر لاوربا عن طريق
مصر او ليبيا.
حقيقة استغرب لموجة الاستنكار العارمة من تواجد الاحباش في السودان و نحن متواجدون في كل دول العالم
وربما في اكثرها غير مرحب بنا , فلماذا نستنكر تواجدهم بيننا وهم يعملون في اعمال اصبح كثير من الناس في
حوجة لها والدليل ان هناك اقبال كبير و سماسرة امثال سولومون.
ملاحظتي الوحيدة حتى لا يشكل تواجد الاحباش مهدد امني يجب ان يكون تواجدهم مقنن بواسطة السلطات
وهذا حق اصيل لاي دولة في معرفة حجم التواجد الحقيقي للاجانب بالبلاد لتلافي الكثير من السلبيات
ولكن موقع السودان و هو محاط بعدة دول يصعب من التحكم في هذا التدفق الكبير من قبل مواطني تلك الدول
الموضوع يتطلب المناقشة من عدة محاور دون المساس بهؤلاء الاشخاص او تعميم السلبيات فهم بشر لهم ما عليهم
و نحن لسنا ملائكة.
عظيم تحياتي للاحباش اين ما كانوا


لا اشك في مقدرتك على الكتابة السمحة و مرتبة اخ ود قاسم فياريت تتحفنا بتفاصيل اكثر .. مع مودتي

وووووووابطوني
هههههه
شوبير مان ياخ بقت عليك الشوبير وعدم الفهم
ياخ انت تحفة وكوميديا ماشة

كلمة الاحباش التي وردت في العنوان لا غبار عليها و هم انفسهم لا يرفضونها اطلاقا
شخصيا عشت معهم و درست بينهم في مدارسهم لا يرفضون كلمة حبشي و قليل جدا
من اهلنا في شرق السودان من يقول فلان الاثيوبي و انما فلان الحبشي

لعمومية الموضوع فسأرد على التساؤلات التي طرحها بعض الاخوة .. هل هذه تجارة بشر ؟
هذا النوع من العمل يسمى الاقتصاد الأسود وهو يشمل الأعمال التي لا يوجد فيها انتاج حقيقي
وأنا لا اعلم حقيقة العلاقة بين السمسار والعاملة ، فهي علاقة خاصة بأطرافها لكن ما أعرفه أنها يتحقق منها دخل منتظم
لممارسيها .. وقد خرجت من بيتي اثنتين من العاملات وهن يبكين لأنهن رغبن في العمل معنا ، لكن السمسار حاصراحداهما بالتلفون وأخذ الثانية
عنوة بحجة أن أهلها طلبوا عودتها لأن أمها مريضة .. وكانت قد بدأت غسيلا لم تكمله .. وكانت تستنجد بزوجتي ، وقالت لها أن هذا الشخص هو زوجها
وهو يأخذ كل ناتج عملها .. لكنها لم تذكر معلومة زواجه بها عندما التحقت بالعمل ..
لكني لا أجد تفسيرا لانقياد البنات للسماسرة غير أنهم يمارسون نوعا من القسر عليهن ، ولا أعرف طبيعة المسألة أو كنهها .. لكن فقط أتساءل :
لماذا تطيعه البنت ليحركها كيف يشاء ومتى يشاء إن لم يكن له يد عليها ..
وهناك من ظلت تتصل وتسلم على زوجتي من حين لآخر رغم نها تركتنا وقالت أنها عائدة لبلدهاا ، واتفقنا معها أن تعود إلينا إن لم تسافر
لكنها لم تسافر ولم تعد .. ولما اتصلت على االسمسار اقفل هاتفه وصمت .. واتضح أنها كانت تفعل نفس الأمر لأسرة أخرى ، أي أنها تتواصل معهم
وتذكرهم بالخير وتتأسف لهم أنها تركتهم..
هل هناك حاجة واستخدام واسع للعمالة االمنزلية في السودان ؟
الواقع أن الطلب ليس على امتداد السودان .. فالأرياف لا تعرف هذا النوع من العمالة
لكن الكثير من نساء المدينة وخاصة في الأحياء التي تعتبر راقية فلن تجد بيتا بدون شغالة أيا كانت جنسيتها ، وفي بعض البيوت قد تجد اكثر من واحدة
وهناك أخرى تزور البيت مرتين أو ثلاثة في الاسبوع لتطبخ .. وهناك المكوجي أيضا .. ولا أجد بيتا جارا - حتى سابع جار - بدون شغالة

Quote: الأحباش يمارسون تجارة البشر بالخرطوم +++ لعمومية الموضوع فسأرد على التساؤلات التي طرحها بعض الاخوة +++ هذا النوع من العمل يسمى الاقتصاد الأسود وهو يشمل الأعمال التي لا يوجد فيها انتاج حقيقي +++ وأنا لا اعلم حقيقة العلاقة بين السمسار والعاملة ، فهي علاقة خاصة بأطرافها لكن ما أعرفه أنها يتحقق منها دخل منتظم +++ هل هناك حاجة واستخدام واسع للعمالة االمنزلية في السودان ؟ الواقع أن الطلب ليس على امتداد السودان .. فالأرياف لا تعرف هذا النوع من العمالة +++ لكن الكثير من نساء المدينة وخاصة في الأحياء التي تعتبر راقية فلن تجد بيتا بدون شغالة

اعتقد موضوعك واضح

أولاً: تعميم الموضوع على كل الأثيوبيين خطأ فادح إضافة لتحميله نوعاً من الاستعلاء بإضافة كلمة "أحباش" واعتقد أوفى الإخوة شرحها لك بما فيه الكفاية. +++ الموضوع ليس عام بل خاص جداً بك، أنت تتحدث عن تجربة حدثت في منزلك وتبدو غير راض عن مآلاتها فمن الخطأ الحكم بناء عليها على شعب كامل وعلى كل السودان. +++ ويشمل الأعمال التي فيها انتاج حقيقي أيضاً، مثلاً التعدين الأهلي للذهب أو البحث عن الآثار، هذه أنشطة انتاجية حقيقية، تسميتها (اقتصاد أسود) فقط لأنها تقع خارج سلطة الدولة وقوانينها، وأصلاً العمالة المنزلية تقع ضمن قطاع الخدمات فلا علاقة لها بالانتاج حتى تحشرها ضمن مصطلح (اقتصاد أسود) ليبدو الموضوع ذو قيمة. وهنا لا يختلف الأمر كثيراً عن عمل الرعي أو الخدمات المشابهة للسودانيين في الخليج سواء كانت بعقد أو نتيجة لهجرة غير شرعية +++ طالما لا تعرف العلاقة فمن التعجل المسارعة بتسمية النشاط (تجارة بشر) ربما أعجبك المصطلح فقصدت به الإثارة. أولاً: عليك أن تعرف أن معظم الموجودين من دولة أثيوبيا داخل السودان هم من الأطراف الفقيرة وأغلبهم من قومية الأرومو والجبرتة هؤلاء بعضهم مسلمين دخلوا السودان لأسباب اقتصادية من مناطق في جنوب أثيوبيا (مدينة جما تحديداً) ومناطق متاخمة للصومال. ما يحدث هو أن هنالك من يغري الفتيات (إذا ركزنا على حالتك) بالعمل في السودان ومعظمهن أميات أو بتعليم متدني ولا يفهمن كثيراً في أمور الهجرة وأوراقها الرسمية، وبالتأكيد مدن الخرطوم أو مدني أو عطبرة أو حتى القضارف تعتبر مرحلة أفضل بكثير من البقاء في موطنهن حيث لا عمل. السمسار ببساطة يقوم بعملية (توظيف) إما مقابل نسبة أو مبلغ ثابت يدفع مرة واحدة، ومن مصلحته أن تستمر عملية الدفع بالالتفاف على القانون إن وجد في هذه الحالة، لكن لا توظيف قسري ولا إجبار، ربما يستغل جهلهن وتهديدهن بالترحيل إو التوقيف عن العمل أو التوقف عن تحويل مدخراتها إلى أهلها، وفي ذلك أكثر من حيلة، لكن لا وجود لما اسميته (تجارة بشر) فهي يمكنها بكل بساطة الإبلاغ عن ابتزاز السمسار أو استغلال أول بص مباشرة من جبرة جنوب الخرطوم إلى المتمة الأثيوبية فهي حرة متى ما أرادت العودة. ثانياً: مسألة استغلال الظروف الاقتصادية هذه عندك متوفرة في الخرطوم، المصانع لا تعين العمال في وظائف ثابتة إلا ما ندر، بل تسجل اسماؤهم وتتيج لهم العمل لفترة 89 يوم ويتم فصلهم في اليوم التسعين حتى لا تكون وظائفهم ثابتة بحكم قانون العمل الذي يعطي العامل الحق في ذلك وبدون عقد حتى إذا ما أكمل فترة ثلاثة أشهر، المصانع تفعل ذلك للالتفاف على قانون العمل لأن الوظيفة الثابتة تعطي العامل حق المقاضاة والتأمين الصحي والمعاش وهذه لا يرغب أصحاب المصانع في التكفل بها، هو ذاته نفس المبدأ الذي يقوم به السمسار من حيث الرغبة في توفير خدمة رخيصة واقتسام عائدها بدون تبعات قانونية. ثالثاً: نفس نشاط السمسرة موجود عندك في الخرطوم في التعيين في بعض المنظمات الأجنبية والشركات، هنالك سماسرة يقاسمون العامل في مرتبه (فاهمني) يعني جزء من مرتب العامل يذهب أتاوة للسمسار بشكل دوري وبالتراضي بدون أن يكون ذلك تجارة بشر. رابعاً: نفس الممارسة متوفرة عند سماسرة العقود وبالذات لدول الخليج، بدون التطرف للتفاصيل فغالباً أنت تدرك ذلك جيداً بل ربما شاركت فيه. +++ لا توجد حاجة أصلاً لابقاء شخص لتوفير الخدمة المنزلية سوى بدافع التقليد لما يحدث في الخليج، هذا مرض، فنحن شاهدنا ملكة بريطانيا تخرج لتضع القمامة خارج قصرها، وشاهدنا ملوك في شمال أوروبا يقودون الدراجات لشراء البقالة وشاهدنا وزراء يخدمون أنفسهم وشاهدنا الرئيس الأمريكي يخدم نفسه. تسمية هذا السلوك (بالرقي) فهم خاطيء جداً. _____ المانع شنو تجيب بت أهلك تساعد في الخدمة وتديها نفس المبلغ؟ على الأقل تكون اتكفلت بمصاريفها ووصلت رحمك ووضعتها تحت رعايتك المباشرة و"الرقي" يكون حصل، عندك مانع؟

Quote: ولا تدافع عن أشخاص قاموا عددا من المرات باستغلال الطيبة في السودانيين أو غيرهم

سلام...ود قاسم...هذا موضوع حيوى يستحق دراسة وتمحيص والوقوف على اثاره الكارثية..ساورد مداخلة كتبتها للاعلامى خالد الوزيرالذى تطرق لذات الموضوع وقامت الدنيا ولم تقعد لان سذاجة وبساطة وسطحية كثير من السودانيين تعود بالضرر على قضايا جوهرية واستراتيجية تمس الامن القومى بصورة اكبر......

Quote: يا خالد...سلامات..شكرا على طرح موضوع العمالة الاجنبية...كان ينبغى عليك ان توجه رسالة الى اجهزة الدولة المنوط بها معالجة هذا الموضوع الخطير ودرء اثاره الكارثية...كان ينبغى عليك ان تنوه ..ان هذه العمالة تدخل تهريب لبلادنا للاسف من لدن مهربين سودانيين جهلة يعوزهم الحس الوطنى والاخلاقى والدينى...هذه العمالة مصابة بالتهاب الكبد الوبائى والايدز..ضعف الرعاية الصحية فى بلادنا...وفوضى الحدود حالت دون نقاط الحجر الصحى والكشف الدقيق والناجع للقادمين حتى بصورة شرعية...ضعف قوانيين الوجود الاجنبى...وافتقار وزارة العمل للمسؤولية ادى الى غزو سوق العمل وارباكه من قبل هذه العمالة الهامشية امتهان مهن حساسة قد تؤدى الى ضرب المجتمع فى اساسه وبنائه...(خدم منازل)وبيع القهوة والشاى فى الاماكن العامة..مما يضر بالمشهد العام..ضرب الاقتصاد الوطنى من خلال التحاويل بالسوق الاسود...وعدم دفع ضرائب للدولة ..الضغط الخدمى والصحى...الخ ينبغى نقاش هذا الموضوع الخطير فى حلقات وحلقات...ونتائجه كارثية على المدى المستقبلى...تغيير البنية الديمغرافية...انتشار التهاب الكبد الوبائى والايدز بصورة وباء...وبالتالى قد يصبح مجتمع باكمله مريض نتيجة لهذه اللامبالاة والغفلة وضعف التوعية من قبل اجهزة الاعلام المرئى والمقرء والمكتوب...ويحمد لك انك اول اعلامى يطرق هذا الموضوع الخطير بالرغم انك لم تطرحه على هذا النحو...لهذا لا تعتذر ابدا...هولاء سذج عاطفيين ينظرون الى الامور نظرة سطحية...هذا موضوع من صميم الامن القومى..وهولاء البسطاء يعتبرونه موضوعا عنصريا...

سلام يا علي تاج الدين

Quote: هذه العمالة مصابة بالتهاب الكبد الوبائى والايدز.

هل لديك احصائية دقيقة و علمية على هذا الكلام ام هو اتهام والسلام ؟

Quote: وبيع القهوة والشاى فى الاماكن العامة..مما يضر بالمشهد العام.

حقيقة البسمع بالمظهر العام للبلد بجيهو احساس انو الناس ديل فارشين في المانيا

اطلاق الاتهامات جزافاً يدل على عدم الوعي الكافي للتحدث في مثل تلك المواضيع
واذا كان الاخ خالد الوزير تناول الموضوع بسطحية فانت وقعت في نفس الخطأ بأن زدت
عليه اتهامات اخرى من ضمنها تلك الامراض التي لا تملك عليها اي دليل.
اما بالنسبة لانتشار الامراض في السودان فمرده لتردي الخدمات الطبية و تدمير المستشفيات
تدميراً ممنهجاً من هذا النظام الذي تطبل له صباح مساء , و دفن النفايات الذي تسبب في الكثير من الامراض
بالاضافة لهجرة الاطباء و تشريد الموجودين منهم من قبل النظام و الادوية الفاسدة التي تدخل عن طريق
الفاسدين المتنفذين في هذا النظام مع انعدام الغذاء الكافي, فيجب ان تواجهوا مشاكلكم قبل القاء اللوم على هؤلاء البشر.

Quote: هل لديك احصائية دقيقة و علمية على هذا الكلام ام هو اتهام والسلام ؟ Quote: وبيع القهوة والشاى فى الاماكن العامة..مما يضر بالمشهد العام. حقيقة البسمع بالمظهر العام للبلد بجيهو احساس انو الناس ديل فارشين في المانيا اطلاق الاتهامات جزافاً يدل على عدم الوعي الكافي للتحدث في مثل تلك المواضيع واذا كان الاخ خالد الوزير تناول الموضوع بسطحية فانت وقعت في نفس الخطأ بأن زدت عليه اتهامات اخرى من ضمنها تلك الامراض التي لا تملك عليها اي دليل. اما بالنسبة لانتشار الامراض في السودان فمرده لتردي الخدمات الطبية و تدمير المستشفيات تدميراً ممنهجاً من هذا النظام الذي تطبل له صباح مساء , و دفن النفايات الذي تسبب في الكثير من الامراض بالاضافة لهجرة الاطباء و تشريد الموجودين منهم من قبل النظام و الادوية الفاسدة التي تدخل عن طريق الفاسدين المتنفذين في هذا النظام مع انعدام الغذاء الكافي, فيجب ان تواجهوا مشاكلكم قبل القاء اللوم على هؤلاء البشر.

اهليييين...خضر الطيب
طبعا مثل هذه اللغة (حقيقة البسمع بالمظهر العام يجبهو احساس انو الناس ديل فارشين فى المانيا) المترعة بالسخرية تتغيا تسفيه الاشياء والموضوعات مهما كانت اهميتها
بمعنى اخر ...(يعنى شنو السودان ما افرشو واشوهو المنظر العام من نضافتو؟؟؟ هكذا الرسالة...وده طبعا اسلوب درج عليه كثير من السودانيين فى الحوارات بغية
الانتصار لوجهة نظر مهما كان خطلها ....على العموم يا خى السودان ما المانيا ولكن نريد ان نرتقى فى سلم السلوك الحضرى...

Quote: واذا كان الاخ خالد الوزير تناول الموضوع بسطحية فانت وقعت في نفس الخطأ بأن زدت عليه اتهامات اخرى من ضمنها تلك الامراض التي لا تملك عليها اي دليل.

بالرغم من ليس هناك مسح ديمغرافى وصحى يحدد احصائيات دقيقة ..ولكن دكتور ايهاب حسين مدير برنامج مكافحة الايدز
بوزارة الصحة الاتحادية.يقول..يعتبر السودان صاحب اكبر معدل اصابة بالايدز فى كل من منطقة شمال افريقيا والشرق الاوسط ودول الخليج...وتفيد التقارير الطبية ان تدفقات الوافدين الذين يدخلون البلاد بطرق
غير شرعية احد اسباب انتشاره..وفى نوفمبر من عام 2014 نفذت لجنة الامن بالولاية الشمالية محلية الدبة حملات فحص عشوائية للوافدين الاثيوبيين ثبت اصابة 6 بالايدز من كل 15 فرد شملهم الفحص مما ادى
الى طرد 2000 اثيوبى من محلية الدبة بسبب الايدز والتهاب الكبد الوبائى...هذه فقط محلية الدبة..غير المناطق المتاخمة مثل كسلا والقضارف..وزارة الصحة الولائية كشفت عن ارتفاع معدلات الاصابة بالايدز
ال (774و18) من جملة الحالات المكتشفة وعزت السبب للانفتاح على دول الجوار واعتبرتها منافذ لرفع معدلات الاصابة بمرض الايدز والتهاب الكبد الوبائى..واخيرا انا لم احدد نسبة مئوية قطعية لمرض هذه
العمالة...قلت فقط مصابة بالايدز والتهاب الكبد الوبائى من خلال التقارير الطبية ولجنة الامن بمحلية الدبة .

Quote: ساورد مداخلة كتبتها للاعلامى خالد الوزيرالذى تطرق لذات الموضوع وقامت الدنيا ولم تقعد لان سذاجة وبساطة وسطحية كثير من السودانيين تعود بالضرر على قضايا جوهرية واستراتيجية تمس الامن القومى بصورة اكبر

أعتقد تتفقوا لينا في الأول

طيب، دلوقتي أخونا ودقاسم عايز (الأحباش) لكن طالب تخفيض وهو مستغرب كيف يعني تكون تكلفة (الراس) عالية عشان كدة فاتح النيران في سلمون عسى ولعل (البضاعة) تنزل بسعر رخيس. أها انت يا علي تاج الدين شايت في الكشافات بحسب عنوان البوست لأنو ودقاسم ما عندو مانع يجيب البت عيانة ولا عندها (التهاب كبد وبائي وإيدز) زي ما بتدعي، فهسع نعتمد ليكم ياتو رؤية، دايرين (الأحباش) يقعدوا في السودان ولا ما دايرينهم؟ لأنو لكل حالة طريقة نقاش مختلفة ودايرين ذاتو نحجيك في حكاية (ضرب الاقتصاد الوطني) دي. غايتو في حل بينفعكم الاتنين طقة واحدة: أي واحد فيكم يجيب بت أهلو ويشغلها في بيتو، فلا انكسرت القزازة ولا انكشح الزيت فلو وافقتو نعرش على كدة وبلاش تهينوا خلق الله. _____ انت يا علي تاج الدين المعلومات الصحية جبتها من وين؟ لأنو كلامك دا ذكرني مذبحة 2005 إدعاءات المصرين عن السودانيين المعتصمين في ميدان مصطفى محمود

حتى هنا أعتبر الرسالة وصلت .. والكلام واضح .. وما يعقب ذلك لولوة ومفالطات وفتل بوستات أنا ما عندي ليها وقت ..
وهناك محاولات لرمي الآخرين بالداء الذاتي ثم الانسلال : أمثلة :
تكلفة الراس
المطالبة بالاتفاق .. نحن لا معارضة ، ولا حكومة ، ولا فريق واحد
محاولة إثبات حق المهاجر غير الشرعي في أن يقوم بأي عمل ، جاد ، عير جاد ، منتج ن غير منتج ، فانوني ،غير قاامومي
محاولة إيجاد عرض بديل للعمالة المعروضة غصبا عن عوامل السوق والعوامل الاجتماعية وغيرها .. بت أهلي لم تتقدم لهذه الوظيفة ..
اللهم قد بلعت ولست من أولي العزم لأحتمل ما تمور به بعض النفوس ، وبعض العقول ..

Quote: اليوم أنا هنا فقط لشمت في هذا الغريب الذي لا هم له إلا المداخلات الغريبة والمشاترة لك تحياتي .. وآمل أن أرى عودة الجــــرذان إلى أجحارها

Quote: اللهم قد بلعت ولست من أولي العزم لأحتمل ما تمور به بعض النفوس ، وبعض العقول +++ محاولة إثبات حق المهاجر غير الشرعي في أن يقوم بأي عمل +++ محاولة إيجاد عرض بديل للعمالة المعروضة غصبا عن عوامل السوق والعوامل الاجتماعية وغيرها .. بت أهلي لم تتقدم لهذه الوظيفة ..

ياخي روق شوية دا نقاش ولو ما أقنعتنا ما بنفكك

انت جيت فتحت بوست وعندك ادعاءات سميتها (رسالة) وفيها مغالطات: 1- سميت العلاقة بين السمسار والشغالة وصاحب البيت (تجارة بشر) ودا غلط واعتقد أوضحنا ليك المصطلح يعني شنو وشرحنا ليك بالتفصيل الممل. 2- مصر على مبدأ توظيف شخص للأعمال المنزلية بدواعي (الرقي) ودي ما رسالة محترمة، اعتقد شرحنا ليك خطل السلوك دا ومن وين جاء. 3- بتقول بت أهلك ما اتقدمت للوظيفة، دي اسمها لولوة، أنا ما قلت ليك لو اتقدمت للوظيفة، لا، طلبت رأيك في إنك (تجيبها) عشان تشتغل، فاهمني؟ يعني تمشي انت وتعرض عليها الخدمة في بيتك، أها رأيك شنو في السلوك الراقي دا؟ +++ ياخي، إيه "الداء الذاتي" والكلام المسيخ دا، هسع انت بتتهمنا بمحاولة تبرير عمل المهاجر غير الشرعي ودا غلط لأننا عارفين القانون بيقول شنو في الحالات دي، لكن تعال انت ورينا كيف انت بنفسك متورط في إيجاد عمل بمقابل لنفس المهاجر البتنكر عليهو العمل؟ وبتنقنق في الماهية كمان، بل عايز تتطفش السمسار بتهمة تجارة البشر عشان تتفق راس مع "المهاجرة غير الشرعية" +++ السوق بنعرفوا، لكن تعال بصراحة كلمنا عن (العوامل الاجتماعية) المانعاك تجيب بديل "للعمالة المعروضة" الانت أصلاً معترض على توظيفها لأنها اتوفرت من هجرة غير شرعية. _____ ماتقول ما عندي وقت، لأنو حسب كلامك انت خصصت (يوم) كامل للشماتة والشتيمة، مش كدة؟

Quote: اللهم قد بلعت ولست من أولي العزم

كان من الأول

كيفن ما تبلع _____ هسع بوظت علينا الزرزة ساكت.

ليت الاخ ود قاسم أن لايتعامل بمبدأ من ليس معي فهو ضدي
ليس هناك ترصد او محاولة لتخريب البوست
كل مافي الامر طرح وجهات نظر تحتمل الخطأ والصواب
الواحد إذا حب ينتقد حاجة لابد أن يحدد موقفه منها في الاول ..
الإنتقاد ده لو كان محصلة تضارب مصالح يبقى كلام في الهواء ساكت

ود قاسم
كل عام وانتم بخير والاخوة
يازول ابرد وطول بالك والكلام اخذ وعطا
الاسم حبشي مافيهو اي نوع من الاستعلاء
الا من ناحيتنا كسودانيين وكل علي حسب موروثو
الثقافي،في ناس بفتكروا الحبشي دا درجة تانية
لكن في حتة الاسم نمرق النصيحة احبابنا الاثيوبيين
والاريتريين مابتحسسوا من الاسم او على الاقل في شريحة
كبيرة من الجنسين بكل بساطة بقول ليك انا حبشي انا بفتكر
انوا الحتة دي ممكن يشتغلوا عليها عشان يرجعوا يتوحدوا
زي زمان بدل الخرمجة وشوف ياصديقي الليلة اثيوبيا وين
ونحن البنستعلي عليهم وين.
والله الناس ديل بحبونا جدا وبحترمونا وعندهم خصوصية السودان كدولة
جارة وحاضن للدولتين لكن نحن فشلنا في استثمار تلك العلاقة لرأب الصدع
بين الطرفين.
المهم في ماعدا ذلك بختلف معاك في حتة تجارة بشر،دا شغل مكاتب استخدام
بس نسبة للوضع اللي هم فيهو مابقدر يفتح مكتب او يديك ضمان استرجاع النقود
في حال رفض العامل للعمل خلال فترة معينة.الحتة دي زاتا انا عندي فيها نقاش
قصة اي بيت فيهو عامل اجنبي الناس اصبحت لا تعتمد علي نفسها في اعمال المنزل
فالحين للوتساب والونسة والشغالة تعمل باقي الحاجات،دا نوع من اللوردنة جديد

في اليابان كمثال لايوجد شغالات النظافة كموروث واعمال المنزل يقوم بيها الاباء والامهات
حسب معلوماتي ويمكن ان تكون الظروف قد اختلفت،مدام بتقول الشغالة مرتبها اكتر من الولد الشغال
طيب العاصرك عليها شنو؟؟؟

لا تظن أبدا انني مسخّن يا اخ صادق ، لكني لا أحب ممجوج الكلام
ولا أعتقد أن المنتديات قد وجدت للاسفراغ ايا كان ...
واحد يجي يقوليك الأحباش كلمة ما كويسة
ولم ينتبه أحد إلى أنني كررت وضربت الأمثلة على تصرفات هذا المسمى سمسار
وقلت تكرارا أنه بعد شهر أو اقل أو أكثر بقليل يسحب البنت ليأخذها و ( يبيعها ) لأسرة أخرى
وأنه يظل مستمرا في هذه الممارسة ليكسب منها دخلا شهريا
وأنه أحيانا يأخذها غصبا عنها
وقلت أن هذا الكلام عاااااااام وليس خاصا بي
ويظل من يحاور يردد أنني اتحدث عن تجربتي الخاصة
إذن كيف تكون تجارة البشر
ثم أخيرا استمسك بعروته الوثقى ، وجد عينا بدل الغين وهما حرفان متجاوران والخلط بينهما وارد
فامسك بها وترك كل الذي قلناه قبل هذا وبعده
وأحييه هلى هذا الانتصار ..
يا صادق ياخوي الكتابة ليست أمرا عبثيا نمارسه كيف نشاء
لنا اهدافنا في هذه الحياة ، ونتخير لها افضل الوسائل لتحقيقها
ونترك خطاب الجاهلين ، قائلين لهم سلاما ..

السلام عليكم جميعاً وكل عام وأنتم بخير ..
بوصفي شريكاً في أحد مكاتب الإستقدام ، أستطيع القول أن لي إلمام لا بأس به بالموضوع ..
أولاً، غالبية الإثيوبيات يعبرن إلى السودان عن طريق التهريب وبدون أوراق ثبوتية ولا يهدفن إلى الإستقرار بالسودان والعمل به، خصوصاً بعد إنفصال الجنوب وتدني قيمة الجنيه السوداني، إذ كان سعر الصرف قبل الإنفصال يقارب ال 6 بر للجنيه الواحد وصار الآن 1.7 تقريباً.
فالغرض الأساسي هو أن السودان صار منفذاً للعبور لأوروبا عبر الصحراء الليبية ثم البحر المتوسط.
ثانياً، من المفترض أن تدفع الفتاة للمهرب مبلغاً من المال نظير تهريبها عبر الحدود للسودان (مابين 3500 و 5000 جنيه)، ولأن غالبية الفتيات من ذوات الدخل المحدود، يتم الإتفاق على أن يتم تسديد المبلغ لاحقاً وعلى أقساط بعد وصولها للسودان ودخولها لسوق العمل.
يقوم المهرب بتسليمها للسمسار، وهو الشخص المسئول من تحصيل المبلغ الشهري لحين سداده كاملاً.
بطبيعة الحال، يسعى السماسرة لتحصيل المبلغ في أقرب فرصة ممكنة، لذلك يلجأون إلى الإحتيال، فيأخذ الفتاة إلى أحدى الأسر ويتحصل عمولته، وبعد فترة وجيزة تغادر الفتاة المنزل وتعود إلى السمسار ليأخذها إلى أسرة أخرى ويتحصل المبلغ المتفق عليه.
في المتوسط، تتردد الفتاة على أربعة أسر في الشهر الواحد ليجني السمسار مبلغ 1000 جنيه خلال الشهر..
ثالثاً، بعد سداد المبلغ كاملاً، (قيمة التهريب للسودان)، تبدأ رحلة أخرى للفتاة لجمع المبلغ الكافي لتهريبها لأوروبا عبر الصحراء ثم البحر المتوسط ..
يمكن أن يتم هذا عن طريق ذات السمسار ، أو عن طريق شخص آخر، ويتبعون ذات الطريقة كسباً للوقت ...

حبيبنا رامي مودتي .. لقد اتيت بالمفيد ومن خلال طرحك يبدو أن لديك
معرفة بهذا الموضوع .. شكراً رامي .. أرجو أن تواصل إلى المزيد من المعلومات
أين الامن والاستخبارات .. ما هي نهاية



حبيبنا قاسم .. مع التحية لهذا البوست المفيد
بالله نحن في الغربة ما جايبين والدنيا تتغير بهذا الشكل ..

Quote: السلام عليكم جميعاً وكل عام وأنتم بخير .. بوصفي شريكاً في أحد مكاتب الإستقدام ، أستطيع القول أن لي إلمام لا بأس به بالموضوع .. أولاً، غالبية الإثيوبيات يعبرن إلى السودان عن طريق التهريب وبدون أوراق ثبوتية ولا يهدفن إلى الإستقرار بالسودان والعمل به، خصوصاً بعد إنفصال الجنوب وتدني قيمة الجنيه السوداني، إذ كان سعر الصرف قبل الإنفصال يقارب ال 6 بر للجنيه الواحد وصار الآن 1.7 تقريباً. فالغرض الأساسي هو أن السودان صار منفذاً للعبور لأوروبا عبر الصحراء الليبية ثم البحر المتوسط. ثانياً، من المفترض أن تدفع الفتاة للمهرب مبلغاً من المال نظير تهريبها عبر الحدود للسودان (مابين 3500 و 5000 جنيه)، ولأن غالبية الفتيات من ذوات الدخل المحدود، يتم الإتفاق على أن يتم تسديد المبلغ لاحقاً وعلى أقساط بعد وصولها للسودان ودخولها لسوق العمل. يقوم المهرب بتسليمها للسمسار، وهو الشخص المسئول من تحصيل المبلغ الشهري لحين سداده كاملاً. بطبيعة الحال، يسعى السماسرة لتحصيل المبلغ في أقرب فرصة ممكنة، لذلك يلجأون إلى الإحتيال، فيأخذ الفتاة إلى أحدى الأسر ويتحصل عمولته، وبعد فترة وجيزة تغادر الفتاة المنزل وتعود إلى السمسار ليأخذها إلى أسرة أخرى ويتحصل المبلغ المتفق عليه. في المتوسط، تتردد الفتاة على أربعة أسر في الشهر الواحد ليجني السمسار مبلغ 1000 جنيه خلال الشهر.. ثالثاً، بعد سداد المبلغ كاملاً، (قيمة التهريب للسودان)، تبدأ رحلة أخرى للفتاة لجمع المبلغ الكافي لتهريبها لأوروبا عبر الصحراء ثم البحر المتوسط .. يمكن أن يتم هذا عن طريق ذات السمسار ، أو عن طريق شخص آخر، ويتبعون ذات الطريقة كسباً للوقت ...

سلام ود قاسم وضيفه

شكرا يا ود قاسم لاثارة الموضوع ..... مشاركة رامي وضحت الكثير وثبت ان هنالك قضية احتيال كبيرة على الشعب السوداني

اتخيل انه الناس ديل اصلا مخططين يمشو اروبا و ماعندهم تعريفة و لكن وجودوا انه ممكن يجمعوا تكلفة السفر دي من السودانيين الوهم ديل بدون مقابل ويتخارجوا


نسوي شنو !!!نحن شعب بحب الملطشة من الغريب كان جانا في بلدنا و لا كان مشينا له في بلده ... ودا كله بمزاجنا لاننا ملتزمين بقيم تحمي الاخر و لا تحمينا

عيد سعيد

التحية لود قاسم .. على إثارة الموضوع الهام ..
الحبيب محمد جبره لقد عبرت عما كنت أفكر فيه ..

حبيبنا رامي لا تذهب بعيدا واصل لو سمحت
مع خالص التحية والشكر لحبيبنا ود قاسم ..

يا جماعة الموضوع ده مهم جداً والنار من مستصغر الشرر
كم عدد هؤلاء ؟

مودتي واصلوا حفظكم الله ..

التحية لود قاسم .. على إثارة الموضوع الهام ..
الحبيب محمد جبره لقد عبرت عما كنت أفكر فيه ..

حبيبنا رامي لا تذهب بعيدا واصل لو سمحت
مع خالص التحية والشكر لحبيبنا ود قاسم ..

يا جماعة الموضوع ده مهم جداً والنار من مستصغر الشرر
كم عدد هؤلاء ؟

مودتي واصلوا حفظكم الله ..

ود قاسم رمش!

نعم اترعب!

ماكان متصور الرد حيكون كده، بعد ما دلق الجواهو للاسف، الذي يعبر عن كراهية للذات، باكثر منه كراهية لاهلنا في اثيوبيا!

بالعدم ماعلاقة تجارة الاعضاء بي مشاكل العمالة المنزلية في السودان؟

العمالة عرض وطلب، وبالتالي فماذنب اخواتنا الاثيوبيات البتعرضن لابشع انواع الاستغلال؟

ثم هل هذا هو رد جميل معزة اهلنا في اثيوبيا لنا؟

بعدين موضوع حبشي وماشابه من حيث الاسم، موضوعنا هنا، امثال ود قاسم من السودانيين وليس اهلنا في اثيوبيا.

نعم امثال ود قاسم بيستخدمو اسم حبشي ك"كود" للتحقير، وهذا واضح من كلامو المنشور هنا، ولما انكشف ماعرف زاتو يقول شنو!

الي الشعب السوداني:

المواجهة مع الجاموسة المصرية مسالة وكت فقط زي ما كتبنا هنا من سنين، والصراع الكوني حول الماء في الطريق. نحن نحتاج لاهلنا في اثيوبيا باكثر من حوجتم لينا.

عاينو بعيد ياسودانيين، مرة واحدة في عمركم!

Quote: نعم امثال ود قاسم بيستخدمو اسم حبشي ك"كود" للتحقير

كذاب
و الاحباش نفسهم لا يرفضون الاسم اطلاقا

قبل عدة سنوات تمكنت وبمعية بعض الإخوة الفضلاء من تخليص فتاة تعرضت لأبشع أنواع الإستغلال من الجانبين، السوداني والإثيوبي ..

كانت صغيرة في السن، لم تبلغ الثامنة عشر، وذات جمال بائن، أغراها بعضهم بالمجئ للسودان حيث تستطيع الحصول على مبلغٍ محترم إن عملت في أحد المقاهي المنتشرة بالخرطوم حيث أن ما تتقضاه من الزبائن كـ (بقشيش) قد يفوق ما يتقاضاه ضابط عظيم بالشرطة في بلادها، وللأمانة كان ذلك صحيحاً ..

هذا ما حدث ، أتى بها السمسار لصاحب أحد المقاهي ، أغراه جمالها وحداثة سنها، فدفع للسمسار المبلغ كاملاً، على أن يسلمه بطاقة هويتها الإثيوبية التي لن تستطيع عبور الحدود دونها كونها من إقليم التقراي، فإن أرادت النفاذ عبر المتمة مثثلاً، فعليها إثبات كونها ليست إرترية. وهكذا أصبحت مدينة له على أن تسدد المبلغ خصماً من راتبها الشهري ..

ولأن وراء الأكمة ما ورائها، حاول ذاك المتجرد من الضمير والإنسانية إستغلالها جنسياً، فهربت منه، فظل يلاحقها من مكان لمكان وكلما وجدت عملاً في بديلاً في مكان ما وما أن تستقر به حتى تراه أمامها مهدداً ومتوعداً ..

تصادف وأن كنتُ في معية بعضِ الأصدقاء نحتسي القهوة في أحد المقاهي وقد كانت هي مضيفتنا عندما دخل ذلك الشاب وحاول التهجم عليها بالضرب وجرها خارجاً، وقفنا دونه ودونها وسألناه عن شأنها فأخبرنا بأنها مدينة له بمبلغ 5000 جنيه وليس أمامها إلا أن تعيد المبلغ كاملا أو تذهب للعمل عنده، خرج وهو يرغي ويزبد متوعداً بالرجوع لاحقاً ..

ولأن لغتها العربية كانت محدودة وركيكة، حكت لنا إحدى العاملات الأخريات القصة بالتفصيل وأن المبلغ المطلوب 2500 جنيه وليس 5000 جنيه كما يدعي.

تطوّع خيراً أحد الأصدقاء الحاضرين وقام بالتواصل مع قريبٍ له يعمل بإحدى القوات النظامية طالباً مساعدته فلم يتردد واستطاع التواصل مع صاحب الكافتريا وأوهمه بأنه صاحب مقهى قيد الإنشاء وأنه سيسدد له المبلغ كاملاً وعلى الفور إن سمح للفتاة أن تعمل عنده وأن يسلمه بطاقة الهوية.

استجاب الرجل، وبعد وصوله لنقطة التلاقي كشف له صاحبنا عن هويته، وأخبره بأن ما يقوم به هو عين الإتجار بالبشر وإنه إن لم تتم تسوية الموضوع حالاً ولم يسلم الفتاة هويتها فسوف يقوم بتسليمه للسلطات من فوره ..

إستجاب الرجل وطالب بمبلغ 2500 جنيه دفعها للسمسار، جمعنا مبلغ 1000 جنيه سلمناها له مع وعدٍ من ذلك النظامي الشهم بالبحث معه عن السمسار وأخذ بقية المبلغ منه فاستجاب وسلم الفتاة هويتها لتغادر في ذات الأسبوع لبلادها تحمل مشاعر متناقضة عن أهل السودان تتأرجح ما بين الإستغلال والشهامة ..

شكرا لكل الذين تفهموا الموضوع .. وشكرا لكل الذين أضافوا معلومات مفيدة
وليت المعترضين يمنحونا فرصة أن نناقشهم ، فلا داعي لإساءة الفهم المتعمدة
والفهم الذي يسعى لإضاعة الحقيقة أو تغليفها بالضبابية أو محاولات التشويه
ويا بشاشا يؤسفني جدا ، والله إنه يؤسفني حقا أن يأتي الاتهام منك بعد تواصل في الأسافير ااستمر لربعة عشر عام
أو يزيد .. وأنا ( رجل ) مواقفي معلنة ومشهودة .. ولو أنك أتيت لتكتشف حقيقة غابت عنك كل هذه السنين فما عليك إلا
أن تشك في مقدراتك لفهم ما يكتب هنا ، أو أنك تتعمد إلباس الحق ثوب الباطل لأسباب تعرفها لوحدك .
ومن يريدنا أن نسمي الأحباش بغير اسمهم فلن نطيعه
ومن أراد أن يسمي العرب بغير اسمهم فلن نطيعه
ومن أراد أن يسمي النوبيين بغير اسمهم فلن نطيعه
وهي اصول تاريخية ومسميات لم نطلقها نحن ، ولا تتعدى مفهوم التعريف
ومن كان في نفسه شيء فلسنا معنيين به
ويا بشاشا أنا لن أرمش حتى لو مددت سكينك إلى عيني
وقلتها منذ البداية ، ولا داعي للمجمجة كما يقول ود الباوقة ، وأعلنها مرة أخرى متحديا هذه المرة
فمن أراد أن يفتح بلاغا حول ما ورد في هذا البوست فليتفضل
لكن الغمز واللمز يضر بالحق ، وما يصيب الحق بالضرر يصيبني ايضا ..

Quote: Ahmed Al Ahmed · University of Makati لاخوان ود قسم وحاتم السمسار ببساطة هو manpowersupplier يقدم خدمة ايجاد شغالة بمقابل وقد تحتاج اليه في حال حدوث مشكلة من الخادمة فهو يكون الضامن لها طيلة وجودها معك والضامن لك في حال تأخر استلام مستحقاتها. اقول هذا عن تجربة مع الخادمات الاثيوبيات تجاوزت الخمس سنوات . +++ بطبيعة الحال، يسعى السماسرة لتحصيل المبلغ في أقرب فرصة ممكنة، لذلك يلجأون إلى الإحتيال

كامل الاتفاق مع الأخوان

يلا النشاط دا اسمو (تهريب البشر) (People smuggling) https://en.wikipedia.org/wiki/People_smuggling وما حبيت أورد معلومات ما متأكد منها بخصوص السودان، لكن البركة أخونا رامي. ودا موجود في أي دولة، تسهيل المرور عبر الحدود أحياناً قد يكون استراتيجية من الدولة نفسها لتوفير عمالة رخيصة وقت الضيق وانخفاض قيمة العملة المحلية ودا مش بيكون بقانون مطروح في البرلمان، بل بغض الطرف وتخفيف المراقبة. والكلام ليك يا علي تاج الدين بتاع (ضرب الاقتصاد الوطني)، أوروبا وأمريكا أشهر الدول في النوع دا من السلوك، بيسهلوا عبور اللاتين أميركان عشان يخدموا في وظائف بأدنى الأجور وبدون تأمين صحي أو ضمان اجتماعي حتى، والخليج نفس الشيء، فعلي العكس من كلامك النمط دا من التعامل بيسهم في معالجة الاقتصاد. دا لا يشبه في أي جزئية منو نشاط تجارة البشر (Human trafficking) المصر عليها أخونا ود قاسم إمعاناً في تحقير الإثيوبين بجعلهم مجرد بضاعة. https://ar.wikipedia.org/wiki/%D8%A7%D9%84%D8%A7%D8%AA%D8%AC%D8%A7%D8%B1_%D8%A8%D8%A7%D9%84%D8%A8%D8%B4%D8%B1 يلا العايز أضيفو هنا إنو الحادثة الخاصة بتاعة أخونا ودقاسم ذاتا ما بتدخل في تعريف التهريب وبالطبع لا تدخل في تعريف الاتجار بالبشر، بل مجرد احتيال قانوني، وبالضبط اسمها (racketeering) يعني خلق المشكلة (نزع الفتاة من الاسرة) ثم عرض الحل كخدمة (توفير فتاة جديدة)، ودي عادة جريمة منظمة، لكن في حالة تهريب الإثيوبيات واضح أنها متشعبة أكتر، يا ريت القانونيين يدونا رأيهم. _____ بس ودقاسم غلطان ما فكر يعرض موضوعه بطريقة محترمة، مفروض يبحث قبل ما يهين البشر لأنو دا نشاط عالمي ممارس في نفس الدولة القاعد فيها لكن هو ماشيف غير الحيطة المايلة.

.

Quote: كذاب و الاحباش نفسهم لا يرفضون الاسم اطلاقا

والسودانيين برضو لا يرفضون الاسم (خال)

بس دا ما بيعني نروج للاسم بالطريقة القبيحة دي. _____ المنبر مليان بوستات لسودانيين فرحانين بمصطلح (خال).

Quote: والسودانيين برضو لا يرفضون الاسم (خال) بس دا ما بيعني نروج للاسم بالطريقة القبيحة دي.

القبيح شنو في كلمة الاحباش
يا حبيب نحن بنعرف الاحباش كويس و اتربينا معاهم و درسنا
في مدارسهم و بنعرف شوية من كلامهم و عاشوا معانا في بيوتنا
لا يتحسسون اطلاقا من كلمة حبشي او مناداته يا حبشي الا تكون
بتتكلم عن ناس تانيين.
و يا ريت الاخ ود قاسم يواصل في البوست لانو الموضوع مهم جدا

البوست دا كان حاتل من 2016/1/24
و تم رفعه في 2016/7/5
و بين التاريخين حصل حدثين
الأول كان قبض و ترحيل متهم ارتري الى ايطاليا ...!!!
الحدث الثاني مداخلة للأخ ود قاسم في بوست اخونا يوسف الموصلي

الحدث الأول بأكد صدق و صحة ود قاسم ...
و الثاني بأكد ترصد و مساسكة حاتم ابراهيم لود قاسم ...

و كل سنة و انتو طيبين ...

Quote: القبيح شنو في كلمة الاحباش

مرحب بيك

نفس قباحة الاسم (خال) البيوصفوا بيها "السوادنة" في الخليج، أو (black) الممكن يوصفوك بيها في أوروبا وأمريكا. _____ انت شايف "خال" كويسة؟

ما في اي مقارنة بيناتم
الا تكون عايز تلوي اعناق الحاجات بالقوة
تاني حاجة انا في الخليج دا يوم واحد ما في زول قال لي خال او عم
او خلافه لكن الآن اي حبشي عادي تقولو يا حبشي ما فيها اي محاذير و لا فيها
اي قبح و تقدر تسأل اي حبشي.
غايتو يا حاتم الا تكون داير تكابر ساي

Quote: البوست دا كان حاتل من 2016/1/24 و تم رفعه في 2016/7/5 و بين التاريخين حصل حدثين الأول كان قبض و ترحيل متهم ارتري الى ايطاليا ...!!! الحدث الثاني مداخلة للأخ ود قاسم في بوست اخونا يوسف الموصلي الحدث الأول بأكد صدق و صحة ود قاسم ... و الثاني بأكد ترصد و مساسكة حاتم ابراهيم لود قاسم ... و كل سنة و انتو طيبين ...

ان كان ذلك كذلك
السلام عليكم

Quote: ما في اي مقارنة بيناتم الا تكون عايز تلوي اعناق الحاجات بالقوة تاني حاجة انا في الخليج دا يوم واحد ما في زول قال لي خال او عم

الكلام ما عنك انت شخصياً

انت سألت عن طبيعة "قبحها" فأوردنا ليك مثال مقارن لأنك في الخليج تقدر بسهولة تعرف معاناة السوداني من كلمة "خال" حتى إذا لو ما مستك أو قالوها ليك صدفة أو تعمد. بعدين تبريرك بتاع (أنا في الخليج) بيذكرني ود الجزيرة القالوا ليهو: في مجاعة في السودان؟ قال: غايتو نحن في الجزيرة ما عندنا مجاعة. _____ هي دي المشكلة، أي زول بيعاين تحت كرعينو زي ما قال بشاشا.

Quote: الحدث الأول بأكد صدق و صحة ود قاسم ... و الثاني بأكد ترصد و مساسكة حاتم ابراهيم لود قاسم ...

ومداخلتك هنا بتأكد مساككتك لي، مرحب بيك

شوف، أنا نهجي واضح هنا، عندي مباديء واضحة في طرح الراي في المواضيع المتعلقة بالعنصرية والدونية وغيرها، دخلت على ود قاسم في البوست دا بدون أي خلفيات، الدافع فقط عنوان البوست القبيح. إضافة لذلك، المساككة حصلت منو هو مش أنا وبدافع الشماتة وللرغبة في الشتم زي ما ذكر بصراحة، للأسف، اعتقد مداخلتو أكتر من واضحة. أنا رديت مداخلتو هنا مش مساككة، لا، بل لأنو دا محلها الطبيعي، الراجل دخل في بوست عن الموسيقى بدون دراية وبيشتكي مني، فكان الأولى يشتكي هنا في البوست بتاعو أو يجي يكتب في بوست تبعي أنا لو متظلم. _____ أها، انت دافع مساككتك شنو؟

Quote: أها، انت دافع مساككتك شنو؟

😂😂😂😂😂😂
لم القى لي دافع لي مساككتك بسكك ....
قوم لف انت زول موهوم ساكت ...

Quote: هي دي المشكلة، أي زول بيعاين تحت كرعينو زي ما قال بشاشا.

انت زعلت و لا شنو
طيب انت لمان تتكلم عن ناس انا عشت وسطهم و درست معاهم كلام غير حقيقي تماما
و اجي اقول ليك الكلام دا ما صحيح و انت تصر عليه الحاحا و تعقد ليك مقارنات غير عملية
و غير موضوعية (حبشي - خال) و تجي تكلمني عن الخليج و انو السوداني بيقولولوا خال و برضو دا كلام غير صحيح لانو السوداني بيقولو
زول و شخصيا ما سمعتها اطلاقا في اربعة دول خليجية تجي تقول الجزيرة و المجاعة و ما عارف شنو يعني داير تفرض اشياء ما موجودة تماما
و ان افترضنا وجودها لا ترقى لمستوى الحكم بها او عليها.
الكلام الاقتبستو انا من مداخلتك حاول اقراهو كويس بينفعك

Quote: و بين التاريخين حصل حدثين الأول كان قبض و ترحيل متهم ارتري الى ايطاليا ...!!! الحدث الثاني مداخلة للأخ ود قاسم في بوست اخونا يوسف الموصلي الحدث الأول بأكد صدق و صحة ود قاسم ...

دي اسمها اللخبطة يا أبوحسين وتحليلك كلو غلت

أولاً: ودقاسم مشكلتو عايز بت تخدم بسعر رخيص، ولو هو ذاتو لاقى الارتري السلموهو دا كان عمل معاهو بزنس بلا خجلة، فما تخمنا بأنو انسان صادق وقلبو مليان حنان لمن سماهم (أحباش). ثانياً: الراجل الارتري السلموهوا متهم في قضايا (تهريب بشر) مش إتجار بالبشر، ببساطة المقصود تسهيل السفر للجماعة البيغرقوا في البحر في طريقهم لأوروبا، يعني ما قاعد يبيع ناس لغرض تجارة الأعضاء أو الجنس أو العمل القسري. أمسك دا المكتوب في الصحافة العالمية: الغارديان https://www.theguardian.com/law/2016/jun/08/alleged-people-smuggling-kingpin-is-extradited-to-italy الجزيرة http://www.aljazeera.com/news/2016/06/man-extradited-italy-denies-top-smuggler-160610135844563.html الديلي ميل http://www.dailymail.co.uk/news/article-3632751/Relatives-claim-people-smuggling-kingpin-arrested-Sudan-NOT-General-Eritrean-migrant.html الفوق دي كلهم ذاكرنها بالإنجليزي (يا مرسي) Smuggling يعني تهريب مش Trafficking بمعنى إتجار، انت حقو من دربك دا تمشي تشوف ليك كورس بتاع إعلام ولا إنجليزي كاااااارب، عشان تبطل سوء فهم. للأسف الميديا العربية بتلخبط بين المصطلحين (Human Trafficking) الاتجار بالبشر و (People Smuggling) تهريب البشر، فالميديا عاملت المفردة (Smuggling) على أنها تجارة فقط لأن المسألة في تداول نقدي بغض النظر عن الغرض الأساسي. _____ comprende؟

Quote: انت زعلت و لا شنو +++ و غير موضوعية (حبشي - خال) و تجي تكلمني عن الخليج و انو السوداني بيقولولوا خال و برضو دا كلام غير صحيح لانو السوداني بيقولو زول و شخصيا ما سمعتها اطلاقا في اربعة دول خليجية تجي تقول الجزيرة و المجاعة و ما عارف شنو يعني داير تفرض اشياء ما موجودة تماما

عمري ما زعلت من نقاش عارف هدفو شنو، لكن انت شيل العمة وحتسمع خال في وشك

ما عايز أضع ليك مراجع لبوستات مليانة بالنوع دا من التوصيفات. كونك محظوظ عملت في مواقع تحفظ ليك كرامتك ما معناها تنفي (وبشدة) إنو المصطلح (خال) موجه لذوي الأصول الأفريقية ومنهم السودانيين بكل تأكيد. بعدين ياخي ما تكابر، بس فتش براحة عن المصطلح "خال" وشوف المقصود شنو المعني بيهو منو، بدل تقول (افتراض أشياء ما موجودة)، وانت "زول" قايلها تكريم يعني؟ غايتو إلا تبقى زي الفحل داك وتجي تنافح بحبونا، بريدونا، عايزين يدونا تابعية، أوك أوروروك _____ انت حقو ما تدافع عن الكفيل بالاستماتة دي، شوية فيديوهات وحتغير رأيك.

Quote: ودقاسم مشكلتو عايز بت تخدم بسعر رخيص، ولو هو ذاتو لاقى الارتري السلموهو دا كان عمل معاهو بزنس بلا خجلة، فما تخمنا بأنو انسان صادق وقلبو مليان حنان لمن سماهم (أحباش).

و انت بتعلم الغيب ...؟؟؟
و ل بتعلم مافي القلوب يا الفريد في عصرك... ؟؟؟

Quote: انت حقو من دربك دا تمشي تشوف ليك كورس بتاع إعلام ولا إنجليزي كاااااارب، عشان تبطل سوء فهم.

عشان اجي اتفاهم مع نوعيتك دي ... ؟؟؟؟
قوم لف مليتنا فقر ....

Quote: غايتو إلا تبقى زي الفحل داك وتجي تنافح بحبونا، بريدونا، عايزين يدونا تابعية، أوك أوروروك

يا حاتم و الله نحن لا جينا نحبهم و لا جيناهم يحبونا مرقنا من اهلنا ناكل عيش
و علي الطلاق الجنسية حقتهم دي اكان ادوني ياها هسه دي ما دايرا.

Quote: _____ انت حقو ما تدافع عن الكفيل بالاستماتة دي، شوية فيديوهات وحتغير رأيك.

كفيل ادافع عنو لشنو و هل هو محتاج لي انا ادافع عنو و الغلط القاعد يعملو شنو عشان ادافع عنو
و لا امشي اقبقبو من خرزة رقبتو بلا سبب

التحيه للمظاليم والمهمشين فى كافة أرض أفريقيا
وخاصة اهلنا واحبابنا الأحباش
فهم أهل عراقة ومجد تليد
ومننا فينا
وكل عام وهم وانت بخير ياودقاسم

وكل بلد فيها المكفيها من السلوكيات مشينه

والله إني أشفق على بعض المتحاورين وإصرارهم الغريب على رمي الناس بالاتهامات وإدعائهم أنهم صفوة
وأن ما عداهم عنصريون ..
هل كلمة الأحباش تعادل كلمة الشايقية أو الجعليين ؟
الأحباش شعب كامل بقبائل عديدة ، والشايقية قبيلة واحدة تنتمي لشعب السودانانه
يعني مثلا من ضمن الأحباش الأرومو والتقري والأمهرا وغيرهم
وإذا سالت أي منهم في الخرطوم عن جنسيته فسيقول لك فورا حبشي
وقد التقيت مرة أحدهم خارج الخرطوم في منطقة زراعية واستوقفني لأنه كان راجلا ، فلما ركب معي
لا حظت لهجته ، فسألته : الأخ من وين ؟ فقال فورا وبدون تردد : حبشي
وشرح لي أنه ييشتري الجوالات الفارغة من أصحاب الزرائب ويشحنها إلى القلابات ثم إلى الحبشة .. ولم يقل اثيوبيا أبدا ..
على كل فقد قام المفتقرون للمنطق بتخريب البوست ووجهوا الإساءات لزملائهم دون سبب إلا من أجل التشفي الناتج عن شيء في أنفسهم
وأتقدم بطلب للاخوة الذين اصطفوا مع الحق أن يكفوا عن التداخل في هذا البوست ، وليقولوا سلاما لخطاب الجاهلين ..

ماتشفق على المتحاورين ولاحاجه التعميم ماحلو
والتجاره بالبشر مافاتتنا وتاريخنا مليان بما هو مسى يا ودقاسم
ولى يوم الليله التجاره بالنسوان وبى يد الكيزان شواهدها كانت فضيحه فى دبى
والقـــواد وتجار البشر
موجودين حتى فى القاهره مع الأسف
وكمان البيقع فى يدهم ببقى قطع غيار
....
Quote: بعدين ناس بيمارسوا تجارة البشر ، أنا أكون مطالب باحترامهم عشان هم بيحبوا ثقافتنا ؟
طبعا السلوك القويم بيرفض احترام التجار ديل
أنا مابحترمهم زيك بالضبط
وفى نفس اللحظة
لو بيتنا من قزاز مانطقع بيت جيراننا
..يعنى نحنا ماملائكه ياخى
...
إضافه
قوانين تنظيم عمل الأجانب مفعله والا موقفه عشان الرشاوى شغاله
وامبراطورية النهب والقتل والدمار هى المهيمنه على الموضوع
؟؟؟
عندك حل عشان الناس الأحباش ديل ينالو عقابهم ؟؟؟؟
عندك حل بيبتر من مجتمعنا كل الموبقات البتحصل جوه البلد وبره البلد؟؟؟
احترامى

اعتقد البوست واضح
كلمة احباش كلمة عادية جدا تقال بحسن نية
والقائل انها استخدمت في الحديث النبوي بصورة مشينة ف اللون الاسود حتى في القران رمز للشي القبيح والشين
اما القائل انها ليست تجارة بشر فهي تجارة واضحة ولا علاقة بينها وبين مايجري في دول الخليج
كون السمسمار يجبر العامل على التحرك بما يحقق مكاسبه هو
وكما اوضح الاخ هي تبدا من الحبشة في شكل تهريب
الاتجار في البشر فعل يطلق على نقل أي شخص أو مجموعة من الأشخاص من مكان لآخر نظير مقابل لاستغلالهم جنسيًا أو تجاريًا أو في البحوث العلمية على نحو يعرض حياتهم للخطر"
وهؤلاء يتعرضون للخطر من لحظة التهريب ويتعرضون لخطر الاعتقال من السلطات للتلاعب الواضح ..

اما الرامي باننا كسودانيين نمارس التجارة في البشر فليذه . ويعنون بوست جديد ب السودانيين يمارسون التجارة بالبشر

Quote: و بين التاريخين حصل حدثين +++ و انت بتعلم الغيب ...؟؟؟ و ل بتعلم مافي القلوب يا الفريد في عصرك... ؟؟؟ +++ عشان اجي اتفاهم مع نوعيتك دي ... ؟؟؟؟

أبوحسين، يا حدث

والله ما بعلم بالغيب لكن بفهم المكتوب قدامي، الراجل كاتب قصة حياتو ومعاناتو فوق Quote: وقد خرجت من بيتي اثنتين من العاملات وهن يبكين لأنهن رغبن في العمل معنا ، لكن السمسار حاصراحداهما بالتلفون وأخذ الثانية عنوة بحجة أن أهلها طلبوا عودتها لأن أمها مريضة .. وكانت قد بدأت غسيلا لم تكمله .. وكانت تستنجد بزوجتي ، وقالت لها أن هذا الشخص هو زوجها Quote: ولما اتصلت على االسمسار اقفل هاتفه وصمت يعني زول حارة وداير يقدم مساعدة، وفي نفس الوكت عندو هديمات راجيات الغسيل، وما عندو مانع يتصل بالسمسار، أي سمسار، هندي فنلندي ميانماري، وعملها مرتين، يعني متعودة دايماً، لمن بقت على الإرتري سميتو "غيب" وقلوب وكلاوي؟ +++ آآآآآي _____ وهو أنا كايس شنو غير نوعيتك الما بتفرق بين التجارة والتهريب، ما دي المقرشة ذااااتا

Quote: وهو أنا كايس شنو غير نوعيتك الما بتفرق بين التجارة والتهريب، ما دي المقرشة ذااااتا

يا زول انت فاكيها في روحك ساي ...
ود قاسم اداك اكتر مما تستحق ...
الزيك دا يتجاهلو مداخلتو و يكمل موضوعو زي كأنك ما دخلت البوست دا ...
ما شاء الله اليومين ديل طلعت كل مواهبك و كل الناس عرفتها ....

ليه ياناصر أفتح بوست جديد وعلى أى أساس
مادام ما التجاره دى ممارسه فى أرض السودان يبقى نحنا شركاء مع الأحباش فيها
شفت كيف ؟؟!!!
أها
يبقى تجارتنا وشراكتنا هم كفتى ميزان وجب رفضهما معاً
وقع ليك ؟؟؟!!!
ثم
كل سنه وانت طيب ياناصر

بعدين ياناصر كلامك ده ماصحيح والله

Quote: اما القائل انها ليست تجارة بشر فهي تجارة واضحة ولا علاقة بينها وبين مايجري في دول الخليج كون السمسمار يجبر العامل على التحرك بما يحقق مكاسبه هو وكما اوضح الاخ هي تبدا من الحبشة في شكل تهريب

يعنى الجزء بتاع الأحباش تجارة بشر والسمسار بيجنى مكاسب من العامل
والقواد البودى البت الخليج مابياخد مكاسب وتجارة الدعاره ماتجاره
ياخ معقوله ياناصر ؟؟؟!!!
بتبالغ
الإتنين بتاجرو بالبشر ياحبيب
فكر فيها

الأخ ود قاسم المسألة مسألة هل انت زول عندك حساسية ولا لا
موضوعك حتى لو كان مهم وواقعي لكن يا ودقاسم لما في ناس بتقول ليك ياخ في حاجة هنا مشكلة ليه بتعاند وتكابر
ياخ أجمل مافي البشر الحساسية والشعور وأسوأ ما فيهم تبلد الأحساس والمكابرة
لماذا تبدو كمن يرفض وجهات نظر مغايرة هل هو عناد أو ميمان لا يتعلمان
حقيقة في كتيرين بتجرحهم عبارات ذي عبارة الأحباش ليس لأنهم من الأحباش بل لأنهم تعلموا خطورة
العنصرية البتتغلف في كلمات ولا مواقف أو غيره وغيره وانا منهم ودا أبداً ما حب في المشاكسة
لكنها حقيقة بقت كلمة جارحة العنونت بيها بوستيك فنحن في السعودية هنا وانت كنت فيها قبلنا بنتحسس جداً
لما نقرأ واحد كاتب السودانيين كذا وكذا بل حتى لو سمعتها في مكان عام بكون مقتنع بإنها مهينة
ودايماً لما يكون الكلام عن دكاترة أو مبدعين ما بتم إجمالهم في لفظة السودانيين عملوا وعملوا لكن لما الكلام
يكون عن الرواعية أو العمال بتم الإجمال.
للأسف الوضعية الخلت الحبش يدخلوا السودان كانت وضعية هروب جماعي وبحث عن بلد أفضل للعيش
عشان كدا إرتبطت بيهم كل ما يمكن ربطه بالأقليات الضعيفة والفقيرة والبرضو بتحتال على عيشها
كما يحتال الأغنياء والأقوياء بدون ما الناس تتلفت للموضوع دا، وظلوا يتحملون كل صنوف العنصرية
والتكبر والظلم وانت هنا تمشي في نفس هذا الدرب وتكابر في المشي فيه رغم تنبيهك من أشخاص في البورد
يأتون من عدة مشارب وإنتماءات مختلفة لا يجمعهم شيء سواء إستنكار عبارتك المشينة
لأنهم يحملون قلوب حساسة ونظيفة
للأسف لو أي واحد قال الحبش ولا الأحباش الصورة الذهنية البترد على الراس على طول صورة الدونية.
ولو واحد منهم إرتكب جريمة طوالي يقول ليك الحبشي عمل وعمل
ودا برضو بحصل عندنا في السودان حتى على مستوى القبايل فمثلاً هنالك صورتين يتبادرن للذهن عندما
تذكر عبارة فواروي أو فلاتي أو دنكاوي أو عبارة شايقي أو جعلي.
ودي القاعدة البسيطة الممكن تفهم منها يا سيد ودقاسم
المنطلق بتاع الناس المحتجين عليك هنا وهي عدم إستخدام أي عبارة فيها لو ريحة عنصرية
والعنصرية بتجي عندما يتم ربط جنس أو شعب أو أي رمز لمجموعة من البشر بصفات تحقير
أظنك يا سيد ودقاسم تفهم ما أقصدي
في ثقافتنا نحن نعلم إنه اتبت علي إنه في أجناس هي عزيزة وأجناس ذليلة ودي سبب مشكلة
دارفور وإنفصال الجنوب ومرحب بمزيد من المشاكل ما دامت دي هي العقليات بتاعة البيعتبروا
نفسهم مثقفين في بلدنا لمدة قرن أو قرون تمتد لزمن الزبير باشا

Quote: والقائل انها استخدمت في الحديث النبوي بصورة مشينة ف اللون الاسود حتى في القران رمز للشي القبيح والشين +++ اما القائل انها ليست تجارة بشر فهي تجارة واضحة ولا علاقة بينها وبين مايجري في دول الخليج

هوي دا مالو دا؟ هسع دا يقولوا ليهو شنو

بالله انت بسيط للدرجة دي؟ يعني انت قبلان بتوصيف جلدك رمز للشيء القبيح والشين؟ ههه غايتو الشافك بتقلب الهوبة قدام الشفع أو بتتمردغ ما كضب. +++ ما يجري في دول الخليج هو عين تجارة البشر، فلما الكفيل يحرص على حجز جواز السفر ويرغم العاملة على الشغل أكتر من 16 ساعة عمل في اليوم وبدون مرتب لعدة شهور وبدون عطلة ومع الاعتداءات الجنسية المتكررة منه هو وأولاده لدرجة أن تنتهي حياة العاملة بالانتحار فدا أسوأ من تجارة البشر بمراحل. بالله المخلوق التقول ما متابع الأخبار في الخليج. ____ هوي ها، سيب العباطة والتفكير البطيني دا، الكبسة ما أغلى من الدم

حاتم ابراهيم محاور من الدرجة الاولى ومتوافرة لديه الtools بتاعة الحوار من الالف للياء ..
لا بسيء ولا يقول فاحش القول وا بهدد ولا يتوعد يحاورك في ربع متر وكتييير جدا دخل اقوان ولا اروع ...
عجبني حوارو مع الجميعابي في البوست وربما يقود لي نتيجة جيدة ..
اما ابو حسين ملك المساككة والغمز حقو يعمل رايح لانو كل بوستاته عبارة عن ردود فعل لبوستات الاخرين وياريتو يمتلك ولو ربع الشجاعة بتاعة حاتم لانو حاتم بتوهط في البوست وطاااخ بختها للزول .يجي ابو حسين ويقول ترصد ومساككة لي حاتم يا اخي تخ ...
----''
بس يا حاتم خفف شوية 😃😃 لياقتك بتقطع مع الجري الكتير دا ...

Quote: حاتم ابراهيم محاور من الدرجة الاولى ومتوافرة لديه الtools بتاعة الحوار

صدقت
اي واحد بشوف غير كده مكابر عدييييل
-
ابو حسين إتخارج ياخ ده بوست مستنيرين :))

Quote: لا بسيء ولا يقول فاحش القول

مداخلتو اللي قبل مداخلتك بي 34 دقيقة كتب :-

Quote: هوي ها، سيب العباطة والتفكير البطيني دا، الكبسة ما أغلى من الدم

انت بتقرا بي ركبك برضو و ل شنو ...؟؟؟؟
انت زول مسكين و الله ....

حبيبنا رامي إبراهيم ..
نرجو أن تواصل في هذا الموضوع الهام .. هنا أو في بوست جديد
المزيد من المعلومات ألاحظ أن لك معرفة بالموضوع
صدقني لم أكن أتصور كل هذا في السودان .. كيف لدولة أن تتجاهل موضوع بهذه الخطورة
في إنتظارك ..
مودتي لودقاسم ..

Quote: صدقت اي واحد بشوف غير كده مكابر عدييييل

يعني يا حيدر رأيكم هو الصحيح و ما دونه مكابر ..........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: الأخ ود قاسم المسألة مسألة هل انت زول عندك حساسية

لا عندو جيوب أنفية

يا الجميعابي أخطى طريقي أحسن لك

Quote: يا الجميعابي أخطى طريقي أحسن لك

خلاص ما تكتب عشان ما نرد عليك

Quote: والقائل انها استخدمت في الحديث النبوي بصورة مشينة ف اللون الاسود حتى في القران رمز للشي القبيح والشين

يا أخوانا ممكن خدمة؟

أنا رديت بسرعة على الراجل الكتب الكلام الفوق دا. ____ لكن عايز أشوف فهم الناس التانيين للجملة شنو لو سمحتو.

حسب معرفتي و معايشتي لبعض الحالات
الشغلانية زي عصابات المافيا
حبشي عندو مجموعة من الحبشيات مسيطر عليهن في الغالب ساكنات في بيت واحد و السمسار بكون ساكن معاهن
لنفترض إنو عندوا 10 حبشيات بشغلهن العشرة و بياخد سمسرة على كل واحدة 300 جنيه يبقى قبض 3,000 جنيه
لو الـ10 ديل إستمرن في الشغل 3 شهور متواصلة معناها هو دخلو وقف ........!!!!!!!!!!
لكن لو إتصل عليهو واحد عايز شغالة أكيد ما حا يقول ليهو ما عندي ..!!!!
حا يضغط أي واحدة من الـ10 عشان تتخارج من شغلها و يشغلها عند اللي إتصل عليه و بي كده يضمن 300 جنيه دخلت جيبو
و هكذا يستمر في تحريك الـ10 شغالات كل ما تطلب ذلك و بي كدا يضمن زيادة دخلو ....!!!!!
الشغلانية شغل عصابات و حتى في مشاكل كتيرة بين السماسرة لو واحدة من الحبشيات هربت من سمسار و إنتقلت لي سمسار آخر .....
و شهدنا كثير من الحبشيات بيبكن لم تكون عايزة تخلي الشغل مع واحدة من الأسر و هي مرتاحة معاهم لكن تسلط و ضغط و تهديد السمسار بكون هو اللي بجبرها على ترك الشغل



ود قاسم إستمر ياخ

Quote: الشغلانية زي عصابات المافيا حبشي عندو مجموعة من الحبشيات مسيطر عليهن في الغالب ساكنات في بيت واحد و السمسار بكون ساكن معاهن

ما سميناها ليك فوق "الجريمة المنظمة" يا أبو حسين، إلا تعمل ليها كاونتربوينت؟

وحتى وصف (جريمة منظمة) دي أنا بسحبها من كلامي وبعتذر عنها، لأنو بالتمحيص نجد إنو مافي جريمة في الفعل الخاص بالعمل، بل في الجزء الخاص بتيسير الدخول للسودان فقط، وهي شخصياً وضعها لا يختلف عن وضع سوداني ركب قارب واتوجه على فرنسا، هو ما مجرم بل المجرم من زين له المغامرة وسهل له المخاطرة. أها، نجي لتحليلك المقدد التاني: هسع بجملة (مسيطر عليهن) دي هل بتحاول توحي للناس إنو دا اتجار بالبشر بالجزئية بتاعة العمل القسري (forced labour) يا حسين؟ خطأ، فالراجل "سلمون" ما جلب البنات ديل غصباً عنهن، بل أغراهن بإيجاد عمل وحددو من البداية (شاي، بيت)، وأوفى بجانبه من العقد الشفاهي آجل الدفع على أساس إيفاء الطرف التاني بالمستحق مقسطاً (منجماً زي ما بيقولوا أهل الدين)، وغالباً يكون قد أوضح للفتاة أن عليها الدفع شهرياً، هذا ضمنياً يعني أن عليها: 1- إما دفع مبلغ القسط المتفق عليه من دخلها مباشرة. 2- أو دفع القسط عن طريق فك التسجيلات والانتقال لموقع آخر. 3- أو تحمل عواقب ما ينجم عن إخلالها بالعقد المبرم شفاهة. 4- أو أن تفر بدينها إلى ملك لا يظلم عنده أحد. وهذا يفسر لماذا تجد الفتاة نفسها مضطرة للانتقال في حالة عدم قدرتها على الدفع من دخلها، فهي ملتزمة بالدفع، المسألة تطابق من كل الوجوه حالة السوداني الذي يبيع بهائمه ثم يقع في الدين من معارفه (أو من سلومون مسيطر) ليشتري عقد عمل في الخليج ثم يضطر للدفع من دخله أو تقديم نفسه لجهة توظيف أخرى داخل الدولة الخليجية أو العودة للسودان أو دق الكفيل فالترحيل. ____ جنكم تحليل فالصو، هسع انت الجهة المشغلاك ما "مسيطرة عليك" قايل يعني؟ والله تلقاهم داعسينك دعس دا لو ما كانوا مصبنين جوازك.

يا الفريد في عصرك مشكلتك خامي الناس بي شطحات من خيالك الواسع و ترميها و السذج مصدقنها
ليس من حق الكفيل الإحتفاظ بجواز سفر الأجنبي و صدرت فيها تحذيرات كتيرة و لعلمك أنا شغال في شركة كبيرة
و محترمة و جوازي معاي في البيت و دي واحدة من أكاذيبك البترميها و خامي بيها السذج ....
سمي الأشياء زي ما عايز بس ما تلزم بيها غيرك لأنو للناس عقول زيك ....
لم سميتها شغل عصابات لأنو السمسار بسيطر عليهن تماماً مافي حبشية بتقدر تشتغل أو تترك الشغل إلا بموافقته هو ...

و ما تخم الناس بي دجلك ساي
و ما تمارس هوايتك في تخريب بوستات الناس بي مزاجك ...

Quote: وهذا يفسر لماذا تجد الفتاة نفسها مضطرة للانتقال في حالة عدم قدرتها على الدفع من دخلها، فهي ملتزمة بالدفع، المسألة تطابق من كل الوجوه حالة السوداني الذي يبيع بهائمه ثم يقع في الدين من معارفه (أو من سلومون مسيطر) ليشتري عقد عمل في الخليج ثم يضطر للدفع من دخله أو تقديم نفسه لجهة توظيف أخرى داخل الدولة الخليجية أو العودة للسودان أو دق الكفيل فالترحيل. ____ جنكم تحليل فالصو، هسع انت الجهة المشغلاك ما "مسيطرة عليك" قايل يعني؟ والله تلقاهم داعسينك دعس دا لو ما كانوا مصبنين جوازك.

محاولة غبية جداً لتشبيه حالة الحبشية بحالنا نحن مغتربي الخليج .......
فالحبشية التي يسيطر عليها الحبشي بني جلدتها و بيرض عليها قانون الغاب تريد أن تشبهنا بها حتى تشفي غليلك و غرورك و مرضك في تدجين مخالفيك ....
فمغتربي الخليج عموماً تحكمهم قوانين و تحكم كفلاءهم قوانين و لنا حقوق يمكن أن نأخذها بالمحكمة كما حدث كثراً...
فهل للحبشيات قوانين تحكم بني جلدتهم من الحبش السماسرة ....؟؟؟؟؟
دجال و ضلالي و تتعمد الدجل و الضلالة لتمرير آرائك .......


ود قاسم ما تستمر ياخ .....

الكلام البيوجع دا هو العلاج الناجع لفك عقد المعقدين ....
كلمة حبشي أو حبشية أو أرض الحبشة موجودة و متداولة بدون أي حساسية إلا عند السودانيين المتيمين أو المكسرين في الحبشيات....
و مشكلتها إنها إرتبطت بي فئة كانت تمارس ما يخجل السودانيين حتى الحبش نفسهم عندهم شي عادي جداً و مهنة زي مهنة التجارة و النجارة و الوظيفة المحترمة في الدولة
نحن عندنا في فترة من الفترات إرتبطت بالحبشيات و لغاية الآن في آلاف بياخدوا تأشيرات لدخول الحبشة و يقطعوا تذاكر طيران و في جيوبهم قليل من الدولارات و يتوجهوا إلى بلاد الحبشة
خصيصاً لممارسة ما يخجل عنه البعض ...
حتى عندهم في الحبشة ليست مخالفة قانونبة و لا يعاقب عليها القانون.......
إذا كانت بتهمكم سمعة الحبش و ما عايزين كلمة حبشية ترتبط بهذه الأفعال الأفضل أن تذهبوا إلى أرض الحبشة و تعملوا كواعظين لهن حتى يتركن ما تخجلون منه أنتم .....
كلمة حبش و حبشي و حبشية هم نفسهم لا يرون فيها شي .....

ما عارف ليه بعض السودانيين فقط يرفضها لهم .....




ود قاسم تعال كمل بوستك ياخ

ود قاسم كلامو ما فيه اي عوجة

Quote: اللون الاسود حتى في القران رمز للشي القبيح والشين

غايتو ياناصر جبتا ضقلا يكركب
نقلب وللا شنو
كلامك إلا تدعموا بأسانيد من الكتاب الكريم وإلا تشيل شيلتك مع كل أسود زينا :))

بسم الله الرحمن الرحيم
التحية للجميع وكل سنة وانتو طيبين
الجدل حاليا اتركز حول كلمة الاحباش و هل هو تجارة بشر ام لا
اهلنا الاثيوبيين علي وجه الخصوص ما عندهم اي نظرة سالبة تجاه كلمة حبشي
وبعرفو بيها نفسهم في حال السوال عن جنسيتهم واي زول من شرق السودان
او عندو احتكاك بالاثيوبيين بعرف الحاجة دي.. يبقي استخدام صاحب البوست
للكلمة وصحتها من عدمو بيحددها نواياه من استخدام الكلمة ودي صعب انو
زول يحددا...
موضوع استخدام الخادمات بالمنازل اصبح شائع جدا بالسودان وبصورة واسعة
ولكل اسرة اسبابها الخاصة في استخدام خادمة واكثر الاسباب عمل الزوجة
وغيرها من الاسباب وليس التباهي والمظاهر احد اسبابها في كثير من الحالات
ثانيا موضوع الاتجار بالبشر يمكن ان يكون توصيفا لحالة معظم القادمات للعمل
بالسودان من ارتريا واثيوبيا لعدم توفر الارادة لهن لفعل ما يردنه من نوعية العمل
او قبوله او تركه حسب رغبتهن..
وحسب فهمي البسيط لم يشتكي صاحب البوست من ارتفاع اجرهن ( يعني ما داير
خادمة منزلية رخيصة كما اتهم) ولكنه استنكار من طريقة احتيال السماسرة بعملية تدوير
الخادمة بهذه الصورة حتي يتحصل علي اعلي مردود مالي في اقل فترة زمنية
وعضد الاخ رامي صحة حديث صاحب البوست عن معرفة والمام بالموضوع
البوست مهم ويمس مشكلة واقعية وشاهدت ما ذكره صاحب البوست في كثير
من بيوت اقاربي فعمر الخادمة المنزلية منهم لا يتجاوز الشهرين او الثلاثه في
احسن الاحوال..
فخلو النوايا للخالق

ارتيقا

السلام عليكم اخونا ود قاسم وكل سنة وانت طيب
وعودا حميدا للمنبر بعد انقطاع
ليتك استخدمت كلمة الاثيوبيين بدلا من الاحباش
الاحباش كلمة تحقيرية وعنصرية تطلق على الاثيوبيين
واكثر من يستخدمها انصاف الصحفيين في الصحف الرياضية وصحيفة الدار
انا ما عندي خلفية عن موضوع تجارة البشر لكن ليس الاثيوبيين وحدهم من يتاجر في البشر
وطالما هم يمارسونها في الخرطوم عاصمة السودان ستجد من يساعدهم هم كبار المسؤولين
في الحكومة السودانية واجهزتها المختلفة..

يا العارف والعالم فينا اخونا حاتم /مشكور على تنبيه الأخ ود قاسم ورسالتك المحرقاك دى وصلت
بس ممكن تخلينا نستفيد من الموضوع المهم ده / ولو عاوز تجيب معلومات اضافيه عنه كثر خيرك .
يا ود قاسم واصل عليك الله ده موضوع الناس ما عارفه إبعاده ولا حتي خطورته بالنسبه للسودان ككل.

Quote: ليس من حق الكفيل الإحتفاظ بجواز سفر الأجنبي و صدرت فيها تحذيرات كتيرة و لعلمك أنا شغال في شركة كبيرة و محترمة و جوازي معاي في البيت و دي واحدة من أكاذيبك +++ لم سميتها شغل عصابات لأنو السمسار بسيطر عليهن تماماً مافي حبشية بتقدر تشتغل أو تترك الشغل إلا بموافقته هو ... و ما تخم الناس بي دجلك ساي و ما تمارس هوايتك في تخريب بوستات الناس بي مزاجك ...

يحسبون كل صيحة عليهم وكل هيعة إليهم، هسع في زول طلب معلوماتك الحساسة

نعم ليس من حقو، لكن دا الواقع في أكثر من حالة لدرجة أن صحف المملكة تكرر تنبيه الناس، إذاً فالمسألة أضحت عادة ضارة. بعدين أنا ما كذبت، أنا فقط خمنت وقلت (تلقاهم داعسينك) فقومة النفس مافي داعي ليها وعلى الأقل حس بأخوانك الفي الخلاء البيعانوا من سلب الجواز وعدم توفر الرز. طيب، نشوف الحقائق: Quote: http://www.alriyadh.com/999334 وسبق أنّ أوصت لجنة حكومية تم تشكيلها من عدة جهات بمنح العامل الوافد الحق في الاحتفاظ بجواز سفره، وأن تتخذ وزارة العمل الإجراءات النظامية حيال الرفع للجهات المختصة لإقرار العقوبات اللازمة بحق صاحب العمل الذي يحتفظ بجواز سفر الوافد وجواز سفر عائلته، مع الأخذ في الاعتبار ما قد يتعمده بعض الوافدين من ترك جوازه لدى صاحب العمل للمحافظة عليه. طبعاً ممكن تقول (غايتو أنا شغال في شركة وجوازي عندي) زي ما الجميعابي قال (انا في الخليج دا يوم واحد ما في زول قال لي خال) وزي ما ود الجزيرة قال (غايتو نحن في الجزيرة ما عندنا مجاعة)، انتو يا أخوانا باقي السودانيين ما بيهموكم؟ نفسي نفسي. فهي توصية من لجنة (مع الأخذ في الاعتبار ما قد يتعمده بعض الوافدين من ترك جوازه لدى صاحب العمل للمحافظة عليه.) أما قانون العمل فلا ينص صراحة على هذا الحق بل يتركه لنصوص عقد العمل. شفت ناس القانون بلعبوها كيف، أصلاً انت مضطر تدي الكفيل جوازك لتكملة المعاملات تمام؟ فبعد انتهاء المعاملة ممكن الكفيل يمسك جوازك ولما تمشي تشتكي وتقول دايرو الكفيل من حقو يدعي ويقول (والله براهو سلمني ليهو عشان أحافظ عليهو)، شفت كيف! بعدين لما تعمل (لجنة) فدا غالباً لحل مشكلة متكررة خارج الإطار التشريعي للمنظومة القانونية والدستورية للدولة (في حالتكم ملكية مطلقة) فمافي فرصة إلا بالطلب المهذب دا عن طريق لجان زي دي وفيها أعطوهم أو زجروهم. https://sabq.org/On0gde http://www.raya.com/home/print/f6451603-4dff-4ca1-9c10-122741d17432/22188333-a7bb-48d1-9e63-c34b54b99d30 ونشوف القانون: Quote: المادة العشرون : لا يجوز لصاحب العمل أو العامل أن يقوم بعمل من شأنه إساءة استعمال أحكام هذا النظام أو القرارات واللوائح الصادرة تنفيذاً ألحكامه. كما ال يجوز ألي منهما القيام بعمل من شأنه الضغط على حرية اآلخر أو حرية عمال أو أصحاب عمل آخرين لتحقيق أي مصلحة أو وجهة نظر يتبناها مما يتنافى مع حرية العمل أو اختصاص الجهة المختصة بتسوية الخالفات. لكن تعال شوف Quote: المادة الرابعة والستون: يلزم صاحب العمل عند انتهاء عقد العمل بما يأتي : 1- شهادة خدمة .... 2- أن يعيد للعامل جميع ما أودعه لديه من شهادات ووثائق. يلا الشهادات والوثائق دي بالتأكيد أهمها ما حيكون شهادة الميلاد أو حسن السير والسلوك، بل الجواز تحديداً. +++ انتو الحاصل شنو؟ اليومين ديل أي واحد نعصروا في النقاش يكورك فينا (ما تخرب البوست)، الموضة؟ نعم، السمسار مسيطر عليهن لكن بسوط ولا مسدس؟ أبداً، بمجرد الالتزام وممكن جداً أسرتها هناك تكون رهنت بيت أو ممتلكات أخرى أو أبوها كاتب شيك للسمسار دا، بعض التفكير لا يضر يا أبوحسين. ____ ثم قوم لف البوست حتخربوا انت بالميل على حالتك الخاصة، خلي ود قاسم يواصل

ابوحسين ... اذا كنت تتمتع بإحتفاظك للجواز ده ما معناه انو الجميع يعاملون بنفس المعاملة
الشركات تختلف عن الكفيل الفرد اللي بيدير مؤسسة صغيرة ... اشتغلت في بلدكم دي كذا سنة وفي مؤسسة كمان ماكنت بشوف جوازي الا في التجديد او عند تكليفي بمهام خارج المملكة ... ٩٠٪ او اكثر من السودانيين مابشوفو جوازاتهم الا في الاجازات السنوية ..

Quote: محاولة غبية جداً لتشبيه حالة الحبشية بحالنا نحن مغتربي الخليج ....... فالحبشية التي يسيطر عليها الحبشي بني جلدتها و بيرض عليها قانون الغاب تريد أن تشبهنا بها حتى تشفي غليلك و غرورك و مرضك في تدجين مخالفيك .... +++ فمغتربي الخليج عموماً تحكمهم قوانين و تحكم كفلاءهم قوانين و لنا حقوق يمكن أن نأخذها بالمحكمة كما حدث كثراً... فهل للحبشيات قوانين تحكم بني جلدتهم من الحبش السماسرة ....؟؟؟؟؟ +++ دجال و ضلالي و تتعمد الدجل و الضلالة لتمرير آرائك

المحاولة ما غبية، لكن لسان حالك بيقول: غايتو نحن مغتربي الخليج حالنا غير

دلوقتي بتتفق ما ود قاسم إنو الإثيوبيين شغالين بقانون الغاب هههه، ما (أحباش) وكدة إن جاعوا سرقوا وإن شبعوا زنوا، ما ياهم؟ الحبشة لما كانت مملكة ليها ملكها ونظمها الأشاد بيها الرسول انت كنت لسه ماشي عريان. أنا ذكرت فوق إنو السمسار ما مشى إثيوبيا وعبأ ليهو زنبيل مليان اثيوبيات وجا كشحهن هنا، لا، زي ما السودانية بيغروها بطيارة دبي وبعواسة الكسرة في جدة للسودانيين فدا نفس الحاصل عندك في الخرطوم بالنسبة للاثيوبيات، الحال من بعضه. +++ قوانين الخليج بنعرفها، ونستثني منها القوانين في البحرين والإمارات وقطر، وديل زاتم اضطروهم اضطرار لتعديلها، الباقي كرور، أنا مطلع عليها كلها وغير (لا يجوز للعامل) المكررة ما حتلقى عبارة تمنحو حق يتباهى بيهو لا هناك ولا في السودان، انتو حقو الزول لما يدافع عنكم تشكروهوا، ياخوي انت ما متابع تقارير لجان حقوق الانسان ولا قانع باليسير ورضيان؟ نعم، الاثيوبيات عندهم قانون يحميهم، القانون الجنائي السوداني، لأنو قانون عام يسري على المواطن والأجنبي، حقو تفرق بين القوانين العامة والخاصة، ممكن بكل بساطة تلجأ للقانون بتاعك الجنائي الواحد دا زي ما فصل ليك أخونا رامي في حكاية الاثيوبية العانت من سوداني "وقح" كان عايز يستغلها جنسياً ولما شردت قرر يبتزها بالعقد. +++ بالله أنا ضجال ودلالي وما عارف؟ ____ أتاريني مستغرب في الناس دي ما قادرة تقنعني بالمنطق ليه

Quote: وأتقدم بطلب للاخوة الذين اصطفوا مع الحق أن يكفوا عن التداخل في هذا البوست ، وليقولوا سلاما لخطاب الجاهلين ..

أها ياخوانا، الصف بدأ ودايرين نصطف

خير يا ودقاسم أها صف الحق الكشف بتاعو ماسكو منو؟ وصف الجاهلين الواقف في أولو منو؟ الطوب معانا؟ ___ الاصطفاف الاصطفاف يا قوم، علينا جاي

Quote: إذا كانت بتهمكم سمعة الحبش و ما عايزين كلمة حبشية ترتبط بهذه الأفعال الأفضل أن تذهبوا إلى أرض الحبشة

جبت آخرك؟

البوست عن (تجارة البشر) الفرية بتاعة أخونا ودقاسم. ويبدو لي أمرك انتهى هنا، فيا تتقاعس أو تتقاعد عن النقاش. ___ piece of cake

يا الفريد في عصرك
تظنيرك و أكاذيبك عن ما يحدث في الخليج و إنت جالس في خط 100 غرب دليل على دجلك ......
خنقت ود قاسم في التعميم و إنت الآن تحلله لنفسك الأمارة بالسؤ....!!!!!!!!!
حالات فردية تعممها و تدمغ بيها كل البشر في الخليج .....
كبروا ليك راسك بي إنك محاور و شنو ما عارف كدا ....!!!!!
تستخف بالناس و تستفزهم و تقعد تمرر في أكاذيبك .....
إشارتك و تكرارك السمج لي حكاية الكفيل و دول الخليج لكسر عين كل من في الخليج واااااااااااااااضحة و بايخة زيك كدا ......
العب غيرها ما جابت دخل ...
وكل اساليبك القذرة في المجادلة السمجة أصبحت مكشوفة و صدقني ما حا توصلك بعد كدا لي نتيجة ...



ود قاسم تعال كمل موضوعك ياخ .....

Quote: يحسبون كل صيحة عليهم وكل هيعة إليهم، هسع في زول طلب معلوماتك الحساسة

يا ابو العريف طيب المساكين الخاميهم ديل يعرفوا كيف انك كذاب .. ؟؟
😂😂😂😂😂😂😂😂😂😂
😂😂😂😂😂😂😂😂😂😂
😂😂😂😂😂😂😂😂😂😂

ود قاسم تعال كمل موضوعك ياخ ......
.

Quote: الفرق بين الاتجار بالبشر وتهريب البشر ؟ الاتجار بالبشر يختلف عن تهريب البشر في أنهدف المتجر هو استغلال الضحية لكسب ارباح ، بعد دخولهما في بلد ثالث أو غير ذلك من الانتقال داخليا ، من خلال علاقة استغلال وجبرية تستمر من جانب المتجر لأطول وقت ممكن . في قضايا التهريب ، عادة ما تنتهي علاقة المهرب بالمهاجر المهرب بمجرد دفع المقابل المالي ويتم الدخول غير المشروع .

دي زيادة لحصة حاتم في هذا الشأن ..
http://www.aeflwomen.com/ar/ما-الفرق-بين-الاتجار-بالبشر-وتهريب-الب/http://www.aeflwomen.com/ar/ما-الفرق-بين-الاتجار-بالبشر-وتهريب-الب/

حيدر دفاعك عن الباطل بوقعك في المحظور ....
و بشوه صورتك بدلا عنه ....
اتجاهلتو مداخلة الاخ رامي ليه .... ؟؟؟
حبشية يتبادلوها السماسرة من الحبشة لغاية ما تصل اوربا ...
و كل سمسار قاعد مربع يدينو و يجيهو دخل ثابت من عرق الحبشيات لاحظ عرق و لسه ما تطرقنا للبجيبوهن خصيصا لمهن اخرى ....
و مداخلتين لاخونا رامي ذكر فيهم ما يخرس كل من يقف في وجه رأي ود قاسم ...
لكن الغرض مرض ...
زولكم دا مارس الابتزاز الفاضح لاسكات مخالفيه و تجاهلتو كل ما يفضحو و مسكتو في ما يريد ان يمرره علينا ....
كلمة حبش مافيها ما يعيب الا في العقول المريضة .....


ود قاسم تعال واصل موضوعك الهام دا ...

Quote: تظنيرك و أكاذيبك عن ما يحدث في الخليج و إنت جالس في خط 100 غرب دليل على دجلك ...... خنقت ود قاسم في التعميم و إنت الآن تحلله لنفسك الأمارة بالسؤ....!!!!!!!!! حالات فردية تعممها و تدمغ بيها كل البشر في الخليج ..... +++ إشارتك و تكرارك السمج لي حكاية الكفيل و دول الخليج لكسر عين كل من في الخليج

الله لا جاب كسير العيون

"تظنيري" مشفوع بالنصوص القانونية والحالات الواقعية ولو داير فيديوهات وشهادات بنديك، وأحبابنا في الخليج على العين والراس المرتاح منهم والمعفوص بالمداس وآمل أن يوفقهم الله في مسعاهم كل حسب نيته وصبره على المآل، فيهم الأخ والأخت والعم والخال، بس كل جسم يبقى على حالته من حيث السكون أو الحركة في خط مستقيم ما لم تؤثر عليه قوة خارجية تغير من هذي الحال. نعم، خنقت ودقاسم بلسانو في التعميم وخنقتك انت بتحليلك في التخصيص، فيكم واحد ما بالغ؟ أو غائب العقل أو غير مدرك لأقواله؟ +++ كسر العين أوضح معالمه في كلامك عن (المكسرين في الحبشيات) و (ممارسات الحبش)، ملهم قال ليك إذا بيتنا من قزاز حقو ما نرمي الطوب على جيراننا، عندك فكرة في كم عضو هنا أمو "حبشية"؟ يا ودقاسم تعال جر الزول الوقع في الكلول ___ you are shooting your feet

Quote: عندك فكرة في كم عضو هنا أمو "حبشية"؟

عندي 😂😂😂😂😂😂
عايز كمان تجيبهم يقيفو معاك في محنتك بالدجل بتاعك دا ... ؟؟؟؟
😂😂😂😂😂😂😂😂😂😂😂😂😂

Quote: دي زيادة لحصة حاتم في هذا الشأن ..

عوقت ابو العريف ..... 😂😂😂😂😂😂

معيارك للباطل شنو يامان ؟؟؟
الحجة وتفنيدها هنا واضحة وماتحتاج لدفاع وإنما لتأكيده ودعمها وتوسيع ماعون الفهم حولها
بقيت تصرجها ثابتة ياخ

He shooting his farty as*s :)

You made may day man :)

كيف يا ابو العفين تفترض انو الدعارة حصراً على الاثيوبيات دون ادنى مراعاة لاخوة واخواتنا تجمعهم صلة نسب و تصاهر
سقوطك ما ليهو حدود كالعادة , اهو جنس الهبل دا البخلي السوط يركبك كل مره و تحتمي بالحركة النسوية كالعادة :)

بالله يا حاتم ما اوصيك على الرمة دا .. رغم انو البوست بلفظ في انفاسو الاخيرة

زمان خالص لما حاتم ده كان بيدرس في الأساس ، كنا بنكتب في السافير وخاصة سودانيزاونلاين
وأوجدنا تجمعات البورداب ..
كانت االمنتديات رائعة لأنها ضمت ناس كويسين
يقراون ما يكتب ويدققون فيه ليخرجوا بنتائج
يلا حتى في الوقت الزمان داك ، والجميل داك ، أنا كنت بقول للناس : البوست زي الندوة .. عندو موضوع ، وعندو وقت أي أمد
ويديره صاحبه فقط ..
الآن أنتم تدخلون في مهاترات لا أرى فائدة منها .. ولا يظنن أحد مهما كانت مغالطاته وقدرته عليها أن المغالطات تعدّ من أسليب الحوار
الناس ديل أحباش ، هذا خبر تاريخي .. والتاريخ علم ..
والناس ديل بيمارسوا تجارة البشر بمعرفة كل من تعامل معهم .. يبيعون عمالتهم شهريا لأشخاص متعددين ، ويهربون ، ولو رجعنا لأقسام الشرطة سنجد العديد من البلاغات
هذا البوست أدى رسالته ولا داعي للمهاترات فلن تفيدكم ولن تغطي عين الحقيقة ..
وليس كل جدال حوار

Quote: بالله يا حاتم ما اوصيك على الرمة دا .. رغم انو البوست بلفظ في انفاسو الاخيرة

أبشر بالخير، كل الخير، ولا شيء غير الخير

داك ياهو بقى بيرص الوشوش بالدستة والطقم، الكلام كمل. _____ وشوش باكية.

Quote: والناس ديل بيمارسوا تجارة البشر بمعرفة كل من تعامل معهم .. يبيعون عمالتهم شهريا لأشخاص متعددين

اللهم لا نسألك رد القضاء، الواحد آمن ذاتو

انت رغم المصادر والتعريفات والأمثلة لسة بتصر على تسمية النشاط "تجارة بشر" وفي نفس الوقت بتقول (يبيعوا عمالتهم) يعني بيجلبوا عمال مش بيقسروهم على أداء عمل. ____ Are we going to argue forever about this؟

يا حاتم انت قلت وجهة نظرك و وصلت المطلوب شنو بالظبط

الاخ حيدر
نعم اتى اللون الاسود في القران لوصف اشياء قبيحة
ولكنه دلالة رمزية
ويكفي ان بيت الله اسود
الغرب مثلا يدخل عندنا في الافول والزوال
غربت شمسه. ...الخ
والشرق في التفاؤل والميلاد
ولكن هذا لا يعني ان الغرب في حد ذاااته مسبة

حبايبنا الاحباشحبايبنا الاحباش
الغريب أن حاتم لم يتداخل هنا ، ولم يعترض على ( الأحباش ) .. يمكن عشان الرشوة بتاعة ( حبايبنا )
وهناك مداخلة تتحدث عن انتقال العاملة الحبشية من مخدم لآخر لتكتمل دورة الدخل للسمسار

Quote: Quote: بالله يا حاتم ما اوصيك على الرمة دا .. رغم انو البوست بلفظ في انفاسو الاخيرة أبشر بالخير، كل الخير، ولا شيء غير الخير

الطيور على اشكالها تقع .. 😂😂😂😂

Quote: كيف يا ابو العفين تفترض انو الدعارة حصراً على الاثيوبيات دون ادنى مراعاة لاخوة واخواتنا تجمعهم صلة نسب و تصاهر

😂😂😂😂😂😂😂
امشي العب بعيد .......

Quote: الاخ حيدر نعم اتى اللون الاسود في القران لوصف اشياء قبيحة ولكنه دلالة رمزية

كأننا والماء حولنا قوم جلوس حولهم الماء

طيب انت كيف بتفهم الرمزية دي من خلال توصيف القرآن للون إهابك الأسود؟ أو نقول لون القهوة الأمريكاني. _____ شين وقبيح رمزياً؟

Quote: الغريب أن حاتم لم يتداخل هنا ، ولم يعترض على ( الأحباش ) .. يمكن عشان الرشوة بتاعة ( حبايبنا ) وهناك مداخلة تتحدث عن انتقال العاملة الحبشية من مخدم لآخر لتكتمل دورة الدخل للسمسار

شفتو

لكن أظني بميز بين استخدام الكلمة العفوي المقرون بالاعتذار وبين تعمد استخدامها للإساءة المبيتة والمشفوعة بالعصبية والتهيج. _____ بعدين البوست متوازن فيهو حقائق بدون تحيز أو إهانة

Quote: حافظ الإمام محي الدين · كالغاري عشت بين الجريف غرب وواشنطن لأكثر من ثلاثين عام وقد أتاحت لي هذه الفرصه أن أعاشر كثيراً من الأثيوبين (الأحباش ). ظننت أنني في السودان قد علمت عنهم كل صغيره وكبيره لكنني تفاجأت في أمريكا بأناس مختلفين. ففي السودان شعرت بأنهم شعب طيب ويشبهوننا في كثير من الأشياء ويبادلوننا الحب والإحترام ووالله وقفت معهم في مواقف عديده أدافع عنهم عندما شعرت أنهم يتعرضون إلي ظلم لأننا بطبيعتنا نرفض ذلك .سافرت أمريكا وجدت شعب غير ذلك، يشعرون بالضيق عندما يعلمون أنك سوداني ويحملون ضدنا بعض الغبائن والشجاع منهم يصارحك بمعاملة السوانيون السيئه لهم ولأهليهم ، يتعاملون بإستعلاء غريب خاصه مع الأفارقه ومعظم علاقاتهم العاطفيه تكون مع البيض أو أصحاب البشره الفاتحه. لا يقبلون كلمة حبشي ويعتبرونها إساءه برغم سماعك لكلمه مشابهه لها وأظنها (هبشانا) إذا إختلطت عليهم ملامحك وظنوك منهم فيسألونك بهذه الكلمه حتي يتأكدوا من هويتك. يشتهرون بأعمال الخدمات في الفنادق والمستشفيات ومواقف السيارات . لديهم قوة إنتماء عاليه لثقافتهم ولغتهم وتلاحظ ذلك في أطفالهم المولودين في أمريكا عكس أطفال معظم الشعوب الأخرى فيتحدثون بلغتهم فيما بينهم ولا يدخلون حتى كلمه إنجليزيه واحده في حواراتهم ويأكلون طعامهم ويستمعون لأغانيهم ويحتفلون بجميع مناسباتهم. قليل منهم يتحلى بالنزاهه فيما يتعلق بالتعامل مع المال ومتسيبوون عن العمل إذا وجدوا تهاون من مديرهم أو صاحب العمل ، معظمهم لديه غيرة عاليه من نجاحات الآخرين حتى من بني جلدتهم. هذه إنطباعات عامه تكونت لدي من معايشتهم لفتره طويله وليست بالضروره حكما نهائيا ولكنني أضعها أمامي في تعاملاتي الشخصيه معهم وقد ساعدتني في خلق علاقات معتدله نسبيا معهم .أميل لتصديق أن طبيعتهم الحقيقيه هي النسخه الأمريكيه وليست السودانيه لأنهم يتعاملون في أمريكا بعفويه من غير الطغوطات الموجوده في السودان وربما تقبلهم لكلمة حبشي في السودان لهذا السبب رغم أني لا أرى فيها ما يعيب ولكن في النهايه علينا أن نحترم رغبتهم. موضوعك يا ود القاسم في منتتهى الأهميه ففعلا هناك أشياء لابد من الإنتباه إليها حتى لا تقع الفأس في الرأس. أميل وأُفضِّل أن تقوم كل أم بالعنايه بأطفالها وبيتها وإذا لزم الأمر الإستعانه بالأقارب أو السودانين بصوره عامه حتى نضمن تربيه سودانيه ونفوّت على على هؤلاء السماسره فرصة إستغلال طيبتنا وأيضا إستغلال الشغالات.

ضيعنا فرصة أن نكون أفضل أصدقاء للأثيوبيين

كل الموجودين في السودان ماشين مع الحيطة للعنف المفرط والتعميم المهين. لدرجة أن من يعرف العربية فيهم ينكرها في البداية حتى يأمن شرك. _______ نحن شعب منحط، عظيم بالسذاجة ووضيع بالطيبة.

Quote: لم القى لي دافع لي مساككتك بسكك .... قوم لف انت زول موهوم ساكت ...

أعتقد بكدة ملكناك دافع قوي يا أبوحسين

ما "تفرِّط" فيهو. وساكك على راحتك، أنا قاااااعد. _____ رقمك المتسلسل 12

Quote: يا حاتم انت قلت وجهة نظرك و وصلت المطلوب شنو بالظبط

قلت المطلوب بكل لطف في أول مداخلة لي في البوست

لكن عايز أضيف. _____ ودقاسم دا ما عندو لفِضْ

Quote: يشتكي أخونا حاتم في كثيرمن مداخلاته من التعميم ولكنه عندما يتعلق الأمر بالسودانيين يرى أننا ( شعب منحط، عظيم بالسذاجة ووضيع بالطيبة )من غير أي تردد، فتأمل.

نقد ذاتي، غير محدود ولا مقيد

سذاجتنا في إدعاء العظمة ونسبة الأمية 50% وعجزنا في الموازنة باق منذ الاستقلال ونحسن الخدمة في بلاد غيرنا وتضييع ما بأيدينا، ثم نسخر من ضيوفنا، ونسب جيراننا، فبأي عظيم نقارن أنفسنا؟ في طيبتنا ضعة أكثر منها ميزة انسانية، الطيبة التي تفرط في عزة النفس مقابل الاعتراف بها، ذاتها. هل شعب بهذه "الميزات" مؤهل لخصيصة تعفيه من غائلة التعميم؟ _____ لهذا يسمى انحطاط.

Quote: نحن شعب منحط، عظيم بالسذاجة ووضيع بالطيبة.

نحن شعب محترم جدا شعب واعي جدا كريم و مضياف

ممكن تتكلم عن نفسك يا حاتم
يعني تقول
انا حاتم شخص منحط ساذج وضيع
لكن ما تسئ لينا نحن

لك عاطر التحايا أخي ود قاسم..
بوست حيوي ومهم جدا..
(فوضى الأجانب) طعنة في خاصرة السودان..
أكثر الأجانب من الأحباش والمصريين والسوريين..
تقريبا أكثرهم يعمل في أنشطة استهلاكية غير إنتاجية..وهذه كارثة..
ناهيك عن تورط الكثيرين منهم في شتى صنوف الإجرام..
الفرص التي يجدها الأجانب أولى بها أسياد البلد..
السودان ليس بحجم الولايات المتحدة-مثلا- ليقوم باستيعاب المهاجرين واللاجئين بهذا الحجم وهذه العشوائية!
الزاد كان ما كفى أهل البيت حرام على الجيران!

Quote: وكنا نظنهم من أصحاب الصفاء المنبر يمكن أن يكون صافيا ونقيا بدوننا ، فلماذا نعكره على أهله ؟ +++ وآمل أن أرى عودة الجــــرذان إلى أجحارها

Quote: ويستعدي كل محاوريه ويصطنع اختلافا في الرأي لا أساس له ، لأنه أصلا لا يملك إلا قناعات مهزوزة +++ ويفتقر أبسط قيم الزمالة والصداقة وبنوة الوطن +++ وهو في حواراته يصنع الرؤيا ثم يقف ضدها .. يتعمد الفهم الخاطيء ليثير الزوابع ولا يستطيع أن يتعايش في بيئة تفاهم وتواصل إنساني لا زعيق فيها لو كنت بكري ابوبكر لقمت بتطهير المنبر من كثيرين لا يستحقون عضويته .. فقط لمصلحة الناس في إعلاء قيم الحوار ...

شكواك وصلت، من بوست قميص عثمان

أولاً حقو تكون متسق مع نفسك، في البداية قلت إنك انت معكر صفو المنبر وماشي، بعدين لقيت فرصة 12 ساعة جيت شتمتنا ودلوقت عايز تشتكينا لبكري؟ شتمناك ولا سمعناك كلام فارغ ولا شمتنا فيك؟ كلامك خطأ، لم استعدي أحد، أتداخل وأناقش من منطلق قوة وحجة وطرح واضح، والرأي عندي لا يخضع لمساومات أو ابتزاز أو اعتبارات الصداقة أو الأخوة أو الزمالة، فقط الحقيقة. لا يمكنك أن تصف قناعاتي بالمهزوزة وأنا أرجك بها رجاً وأنت لم تثبت حتى على فكرتك الأساسية ولم تقنع من حولك بجدية موقفك أو صحة ادعاءاتك. +++ قيم الصداقة والزمالة وبنوة الوطن ليست معبراً أو منصة لإهانة إخوتي في الانسانية وتدمير سمعة بلدي لدواعي عنصرية، تلك أساليب عديمي التربية والضمير. +++ لا أصنع الرؤى، بل أشارك في صقلها وصياغتها بإيراد الرأي الآخر غير المقبول ربما لكنه الصحيح في نظر الواعين، ودائماً ابدأ بلطف وهدوء وبدون زعيق وبأقصى حالات ضبط النفس، لكن صاحب (الرؤيا) هو من لا يطيق تهديم صنمه وعتبات سلالم هامانه إلى الثريا المزعومة على هامات وجباه الضعفاء من ضيوف بلاده. اكتب أنت وفند زعمك وطالب بطردي من المنبر بناء على حقائق تستطيع الثبات عليها، ومصلحة الحوار أن لا يكون أحادياً يقف ويصف ويتهم ويقضي وينفذ، ثم يعلن الانتصار، على (الأحباش) الأوباش، ثم تعزف موسيقى المراسم لنؤدي التحية (لشخص واحد) اسمه ودقاسم. ____ فهذا من حقك

Quote: Mohammad Ahmad Modawi · يعمل لدى AL-QAHTANI GROUP با حاتم ابراهيم سلام عليكم المحير في أمر كتير من السودانيين يقولوا ليك (الأثيوبيين) بحبونا وبحترمونا (دا تعميم) . عن تجربة شخصية انا لاقيت منهم ناس بكرهونا عديل قال عشان نحن بنتعالى عليهم في السودان وبنعاملهم معاملة ماكويسه ودا حاصل بنسبة كبيرة حسب محيطي الانا عايش فيه ، كان في بوست زمان في المنبر إسمه (جنابة الحبشية) فيه كلام كتير عن تنميط السودانيين (للاحباش) شئ تاني امجد الجميعابي قال ما قالوا ليه ياخال انا شخصياً قالوها لي وسمعت قالوها لي غيري خال معناها عبد للماعارف تاني في كلمه بقولوها (كور) على وزن (كوز) نفس التشكيل انا لاحظت لما تجي سيرة كلمة (خال) في كيتر من البوستات القريتها جماعتنا طوالي الواحد يقول ليك (انا ماحصل قالوها لي) يلا نصدق نسوي شنو !!! . تالت شئ ابوحسين تجربته مع الشركة الشغال فيها (لاتُعمم) القاعدة هنا إنه الشركات والمؤسسات تحتفظ بجوازات عمالها وحتى لو في قانون بمنع الكلام دا أغلب الناس ما بتجري وراء الموضوع دا كتير وجرجرة المحاكم دايره (ضهر) ونفس طويل وأغلب الكفلاء بستغلوا حاجة الناس زي ما السماسرة بستغلوا حاجة البنات الاثيوبيات للشغل .

المكفول رضيان

شوف، مشكلتنا معقدة جداً، فالسوداني يمشي الخليج وفي ذهنه كم متصادم من العواطف المتداخلة ما بين دينية واجتماعية ورغبات اقتصادية، وما بين الضغط المعيشي هنا وصعوبة الحياة المعزولة هناك بتتفرد خصائصه وتظهر. عادة تشغيل الخادمات دي من أساسيات المجتمع الخليجي والسوداني بسلوكه غير المستقر نفسياً أول ما تتغير فيه لهجته ومحاولة تقليد طريقة المعيشة، السوداني للسبب دا يا محمد أحمد ما بيوفر زي البنغالي أو المصري أو السوري، لأنو بيقلد طريقة الكفيل في السكن والفرش وحتى لما يرجع السوداني بينقل معاهو كل الممارسات الشافها هناك والمظاهر. عندنا أعضاء هنا لبسو العقال أو لبسوهوا لأولادهم وعرضو الصور هنا، لذلك فمن المستحيل يجينا واحد ويعترف بعد النقلة المرحلية (والنوعية) دي بمرارة التوصيفات العنصرية بكل سهولة أو ضنك الممارسات الخشنة للكفيل، فهو أصلاً ذاب أو اعتبر نفسه ضمن مكون البلد المضيف، نحن شعب تربيته صوفية، لذلك ميزة الصبر جارية في دمنا وإن اختفى الفاصل بينها وبين صفة الضعة في كتير من المواقف. بالعودة للموضوع، أنا لا أجد صعوبة في فهم طبيعة العقل الذي يستورد كل ذلك النظام والعادات الخليجية ويطبقها بنسخة محلية تأخذ طابع التعالي هنا وطابع الانقياد والولاء الشديد بالاجتهاد في أمور مثل (الأمانة) هناك باعتبار أن السلوك في الحالتين يعزز الشعور بالتميز، وبالتأكيد لا يخلو حتى هذا المنبر من شذرات هنا وهناك تعكس هذه العقلية (أسلوب الفخر بنحنا) وفي رأيي المتواضع أن الأمر هنا لم يكن من سبيل لتطبيقه إلا على نحو سلبي بازدراء جماعات أخرى أضعف في المجتمع (مثل الإثيوبيين) ووضعها في طبقات دنيا محاطة بأسيجة منيعة في أدمغة قطاعات عريضة تكرس لهذا بكل أنواع المعينات المتيسرة اللفظية والفعلية. ضمن الثلاثي القديم (الجهل والفقر والمرض) أميل إلى أن احصر مشكلتنا في الجهل وغالبه مفتعل وفيه الجهل الطوعي الممتاز بإرادة "معتقديه" وهو قديم متجدد، اضمن القضاء على الجهل فتحصل على وعي مناسب، بعدها لن تكون مسألة كراهية الأجانب مثار اهتمام احد إن كانت فردية ولا تؤثر في أوضاعهم داخل الوطن سلباً، هذا ما توصلت إليه أمم أخرى، تستورد البشر على اختلاف ألوانهم دون أن تفاضل بين هذا وذاك (أمريكا، استراليا، كندا)، وأمم أخرى سعت إليه ففارقت تصنيفنا العالمي (ماليزيا، سنغافورة، الهند). بخصوص موضوع البوست، نظرة أخونا ودقاسم وإن كانت ممعنة في الخصوصية لكن الجانب الخفي منها هو تقليد النظرة السائدة هناك للخادمة الإثيوبية، في إمكانك الدخول على منتديات الخليجيين وستجد العجب من التعليقات والتحذيرات من الخادمات الإثيوبيات (والساحرات الأفريقيات). وأنا شخصياً ما بلومه لأنه ببساطة وجد البيئة مجهزة في السودان وفي الخليج، دائماً الانسان بيفتش على عتبة يطاها عشان يشعر بالرقي نسبياً حتى لو بطريقة مواربة كأن يفتعل معركة (تجارة بشر) في غير سبب.

الاخ صاحب البوست و المتداخلين و كذلك إخواننا الاثيوبيين
‏ تحية طيبة

السودانيين بشر كغيرهم من البشر( لم يذكر الله أانا شعب الله المختار )‏
‏ و بالتالي و لاننا بشر مثل غيرنا تتغير طبائعهم إذا تغيرت ظروفهم.‏
‏ نحن نضحك على الشعوب الاخرى التي تخالف طبائعهم طبائعنا
‏ لانهم مروا بظروف تاريخية معينة لم نمر بها نحن إلا قريباً
‏ مثل الحرب و الفقر و الحاجة و عدم الإستقرار( الهجرة الداخلية)‏
‏ و الضغوط المختلفة و دي كلها عوامل تغيّر من أخلاق ‏
و طباع الإنسان.‏
لذلك يجب أن لا ننخدع بأننا طيبون و اصحب نجدة ‏
لان ربنا خلقنا كذلك أو لأننا نحمل جينات مميذزة بالفطرة ‏
كذلك أو بسبب العوامل الوراثيةز بل هي بسبب التربية ‏
التي ساعدتها الظروف الإقتصادية و البيئية التي تتوفر
‏ فيها كل شيء.و إذا تغيرت هذه الظروف فإن التربية ‏
وحدها لن تجدي نفعاً، كما يحدث اليوم.‏
و انظر لىن حولك في السودان هل كانت النساء كمن ترى اليوم؟
‏ هل تثق في أي سوداني كما كان في الماضي؟ هل تستطيع ‏
ان تقرض أي سوداني اي مبلغ دون أن تعمل حسابك؟ ‏
هل الجار اليوم مأمون على جاراته كما كان في السابق؟
هل اليوم اي شاب في الحي مأمون على بنّوت فريقه كما كان في السابق؟
خلاصة موضوعي يجب ان لا نُعْلي من أنفسنا و أن لا نُدْني
‏ من قدر الشعوب الأخرى. ‏
فهؤلاء الاثيوبين شعب يفهم الحياة و يحترمون تاريخهم
‏ و يعرفونه تاريخهم الضارب في القدم و يحافظون على تراثهم
‏ و يحترمون العمل(قارن بيننا و بينه) فأين نحن؟
نحن شنّافين و نميل للسخرية من الآخرين و نغتال الشخصية
و بعد ده كله هشّين و كسولين لا نحب العمل و إتكاليين.‏
في اكتر من كده؟
وشوشة للأخ حاتم: يا خي شنو فاتح ليك بوست عن الترجمة ‏
و ليك كم يوم فاتح ليه و تجي تعافر بي جاي؟
‏ يا زول إنت مالك و مال المشاكل و إنت زول ما شاء الله؟ ‏
مع تحياتي لك و للجميع.‏

البوست ده حاول بعض المتداخلين جره من فكرته المركزية وهى استغلال الاثيوبيون الميقيمون بالسودان لاهله فى ميدان الشغل
مازلنا نصر على الفكرة المركزية هى دخول الاثيوبين والارتريين وغيرهم بصورة غير شرعية بسبب ضعف قوانيين الهجرة
وتنظيم الوجود الاجنبى...نحن لا نرفض دخول الاجانب لبلادنا والاقامة فيها بطرق شرعية...ولكن ان يدخلوا بطرق غير شرعية
تهريب من لدن اناس جهلة يعوزهم الحس الوطنى وادراك مقتضيات الامن القومى هذه هى الكارثة..معظمهم مصاب بالايدز والتهاب
الكبد الوبائى وهذا ما اثبتته عينات الفحص العشوائى لمحلية الدبة عام 2014 اذ قامت لجنة امن الولاية باجراء فحوصات عشوائية
للاثيوبيين المقيمين بالمحلية ثبت اصابة 6 بالايدز من كل 15 شخص خضعوا للفحص وبالتالى تم ترحيل الفين منهم..هولاء باوضاعهم
الصحية هذه يزحمون سوق العمل فى ظل غياب كامل لوزارة العمل وتشريعاتها وضعف قوانيين الداخلية المنظمة للوجود الاجنبى
وجهل مكاتب الاستخدام المتكالبة على الربح بقوانيين الامن والسلامة جعل البلاد عرضة لهولاء ..ضرب الاقتصاد من خلال تحاويل
السوق الاسود عدم دفع ضرائب وعائدات لخزينة الدولة بسبب الوجود غير المشروع وغياب قوانيين تنظيم العمل للوجود الاجنبى
انتشار جرائم السرقات والاحتيال وتزييف العملة...بالمقابل للذين يخالفون هذا الراى ما عليهم الا ان يسجلوا زيارة لاثيوبيا وارتريا
وتشاد وغيرهم من الدول ..ويحاولو ان يدخلوا سوق العمل والاقامة ليتبينوا صرامة وتشديد القوانيين للوجود الاجنبى فى تلك الدول
مقارنة بالفوضى والضعف واللامبالاة التى تتسم بها قوانيين البلاد وضعف النزعة والحس الامنى من لدن كثير من السودانيين بشان
اوضاع بلادهم.

يا سيد محمد ، حبابك ..
لم نقل أبدا أننا شعب الله المختار ، لكن الطيبة صفة عامة للشعب السوداني .. وموضوع البوست الخرطوم وليس السودان
هناك بلاد اسمهاا الحبشة وهذا اسم تاريخي وقديم ، وشعبها يسمى الأحباش ، أو الحبش .. وهذا سام تاريخي قديم ..
وباستخدامنا هذا الاسم لم نتعالى على أحد ولم ندّع تفردا على غيرنا من الشعوب ..
والتغير الذي تلحظه على الشعب السوداني لابد من النظر إليه بمنظار التطور البشري والإنساني في العالم كله
فمن غير الممكن أن يظل السوداني كالحجر الصلد لا يتغير ولا يتبدل وسط الكن العائل من القوانين والتشريعات الدولية والانفجارات السكانية وموجات الهجرة العاتية
والتطور الراسمالي الذي قاد العالم كله للفصل الواضح بين الفقراء والأغنياء ، واتساع نسبة الفقر حتى بلغت التسعين بالمائة في بعض البلدان .
وهناك أمور كثيرة لكن ليس هذا مكانها ..
وبما يتطابق مع وشوشتك لحاتم اقول لك بصوت جهور : ما دام رأيك في هذا البوست أنه مكان للمعافرة والمشاكل فلم أدخلت نفسك فيما لا تود من المعافرات والمشاكل
وإنت طبعا اصلا ما زول حاجات زي كده .. وللا إحساسي ده ما صخيخ ؟

سلام ودقاسم وضيوفه الاكارم

بعيداً عن عنوان البوست...
اعرف تماماً ان تهريب البشر بين السودان واثيوبيا منتشر بصورة مفزعة
وان هناك شبكة من نفس الجنسية تتحكم في النساء المهربات

اما المسمى فهو لا يهم كثيراً..

مع ودي

كل عام وأنتم بخير ....


يا حاتم يا حبيب ...

أولاً: مافي مُشكلة إذا ناديت الإثيوبيين أو الإريتريين بـ "الأحباش" فهو الاسم التاريخي على الأقل في التاريخ القريب بالنسبة لنا .. وأدّيك مثال عن نفسي لم أطلق لقب إثيوبي أو إريتري تقريباً كدا إلاّ بعد دخولي الثانوي وقبلها كُنت أطلق عليهم لقب "حبشي" نسبة لموطنهم الحبشة !!

ثانياً: أن تُطلق الكُل وتُريد الجزء (البعض) دي حاجة معروفة لدينا ونستخدمها في حياتنا اليومية .. مثال: نقول أن اللاعبين البرازيليين لاعبين مهرة .. فهل كل اللاعبين البرازيليين مهرة ؟

ثالثاً: أتفق معك أنها ليست "تجارة البشر" إنّما لف ودوران تُساعد فيه العاملة المنزلية مُكرهة أو باختيارها (الله أعلم في إكراهها واختيارها) ...




ـــــــــ

الأخ صبري
حبابك
إذا حدث الإكراه فهي تجارة بشر لا شك فيها
أما الاختيار فيمنحها بعض وجه إنساني
وقد أوضحت مثالين حدث فيها الإكراه

مرحبا ياسر
ما أوردته في مداخلتك حقيقة غير قابلة للمغالطة
ولو يعلم بعض الناس أن أحد أهداف البوست كشف هذه الشبكات

إن قراءة عنوان هذا البوست (بوجدان سوداني) يجعله عاديا جدا
اوصي حاتم إبراهيم والآخرون بإعادة قراءته بالوجدان أعلاه .
أما الإخوة (الحبش) الأعضاء والمتابعين منهم لسودانيزأون لاين فنقول لهم :لكم العتبى حتى ترضوا ، إن كان الوصف يغضبهم .

السلام عليكم وكل عام وأنتم بخير
بالنسبة لهذا البوست سأختار محور في رأيي الشخصي هو المحور الرئيسي الذي فتح ود قاسم البوست من أجله وأعلق عليه ..
أولا مصطلح حبشي دلالاته العنصرية تتوقف على الصياغ والمقام الذي أطلقت فيه وعلى من يقولها . نحن زمان في الجامعات ونحن أبناء الشرق بصفة عامة و بصفة خاصة ابناء كسلا كنا ننادى بالحبش بحكم الجيرة والاختلاط وتأثر اللسان بلكنة الأحباش وكذلك بالشبه .. عادي أسمع درديري الحبشي من الزملاء .وبعض الزملاء هنا في هذا المنبر ينادون بهذا اللقب ولم نرى واحد منهم توقف فيه .لكن مثلا لو قالها لي مصري مثلا في اجتماع أو مناسبة أو سط زملاء من مختلف الجنسيات لن أسمعها كما كنت أسمعها زمان لأنه أختلف الوسط والمقام وبالتالي الغرض ..
ثانيا بالنسبة للبوست المشكلة الأساسية هجرة غير شرعية وعمالة غير منتظمة وقع ضحيتها كثير من الأسر السودانية بما يشبه الابتزاز ..
والسؤال هنا من هم الضحايا ومن هو الجاني .
الجاني هو النظام الحاكم الذي لم يستطيع أن يضبط هذه الهجرة ويقننها ويحصرها بمستندات تحفظ حقوق كل الأطراف .
وكذلك الجاني هو الأسر الذين يرضون أن يشغلوا عمالة في بيوتهم وهم يعلمون أنهم غير شرعيون لا يملكون بطاقات ولا أوراق ثبوتية .
بالتالي أنتشار هذه الظاهرة هو وجود طلب عليها .. كل ما زاد الطلب زاد العرض .بإزدياد هؤلاء المهجرات ..
مثال يوضح الفكرة أكثر أذكر بداية تخرجنا من الجامعة في مطلع التسعينات عندنا زملاء هاجروا الى اليابان بذات الطريقة .. جزر مجاورة ثم تسللوا .
يحكي أحد الزملاء أصحاب تلك الهجرة وقال هم لافين في الأسواق والمؤسسات أكثر حاجة يقدمها لهم المواطن الياباني هو رد التحية فقط .. لكن لم يجدوا شخصا واحد قبل يشغلهم بعد أن يعرف أنهم متسللون .أو يستغلهم ولو مقابل دولار واحد .. في النهاية أضطروا أن يسلموا أنفسهم للسلطات لتعيد تسفيرهم قبل ما يفقدوا الدولارات التي كانوا يمتلكونها ..
إذا قبلت انت تشغل شخص مهاجر عشوائي توقع كل النتائج وتحملها ..
لو أمتنعت كل الأسر الذين يستخدمون هؤلاء الشغالات العشوائيات عن تشغيلهم لتوقفت هذه الظاهرة تلقائيا ..

الأخ درديري
لك التحية
اتفق معك في كل ما اوردت
خاصة اقتراحك لتخليص كل الأطراف من هذه المشكلة ..
ولو أننا التزمنا ( كلنا ) لما وجد المرتاب قرصة لاستغلال الناس
لكننا لا نقوم بأبسط الإجراءات ، كاستخراج بطاقة للعاملة من اقرب قسم شرطة
والعاملة نفسها لا تريد أي إجراءات مع الشرطة ، ولا تريد ان تسمع كلمة شرطة
وطبعا السمسار يكون أكثر هروبا لأنه يتاجر في قوة عمل العاملات ، ويوسع هوامش احتياله لتحقيق أكبر دخل ممكن
وطبعا كما يقال : القانون لا يحمي المغفلين

مرحبتين وليد
أحيي وعيك ، وقد كنت اثق به منذ عرفتك قبل 14 سنة
وكنت وقتها أصغر البورداب
تحياتي لك ولأسرتك وبورداب الرياض
الخال .. ودقاسم

Quote: محاولة إيجاد عرض بديل للعمالة المعروضة غصبا عن عوامل السوق والعوامل الاجتماعية وغيرها .. بت أهلي لم تتقدم لهذه الوظيفة ..

Quote: إذا حدث الإكراه فهي تجارة بشر لا شك فيها أما الاختيار فيمنحها بعض وجه إنساني وقد أوضحت مثالين حدث فيها الإكراه

لسة مصر يعني؟

الإكراه أو العمل القسري (forced labour) المقصود يا ودقاسم إنو الضحية تكون ما عندها رغبة تشتغل أصلاً، يعني شخص اتوجد في ظروف واتسلط عليهو شخص فرض عليهو الشغل بمقابل أو بدون مقابل ودي غالباً معاها تقييد حرية، زي مثلاً الجماعة المفروض عليهم يعملوا في مناجم الماس في سيراليون تحت حراسة السلاح بواسطة عصابات وبيتم تبادلهم بين العصابات كقوة عاملة. لكن واحدة طلعت من بلدها على أمل أن تجد وظيفة (خادمة) في بيت واتوفقت في مسعاها سواء كان ذلك عن طريق سمسار اتفق معاها من بلدها أو صادفته في البلد المضيف فدا تلقائياً بيسقط تهمة العمل القسري، بعدين في الحالات الذكرتها هو ما (أجبرها) تشتغل، فهي أصلاً شغالة معاك، هو أجبرها تبدل مكان عملها، أسرة بأسرة، كل الحاصل هو إنها ارتبطت (عاطفياً) بمكان وأفراد وجدتهم يعاملونها بلطف ولو كانت مجبورة على العمل في ذاته كانت صارحتهم وطلبت منهم الحماية. لو نزعها من بيتك مثلاً وأجبرها تشتغل في كمينة طوب أو مشروع زراعي أو قشارة فول أو فرن عيش أو ترفع قدح مونة أو تجر كارو أو تعمل في الدعارة عشان ترجع ليهو قروشو دا هنا يكون (عمل قسري). بفهمك دا الخدمة المدنية نفسها فيها (تجارة بشر) فلو إدارتك العليا فرضت عليك نقلية تمشي الريف وانت ما عايز هل دا يعتبر جريمة؟ ولو العسكري أدوهوا أوامر يبلغ خلال 24 ساعة من المدينة الساكن فيها مع أولاده سنوات لمدينة تانية هل دي (تجارة بشر)؟ +++ ياريت تكلمنا عن "العوامل الاجتماعية" البتمنع تكاتف أفراد الأسرة أو العائلة في خدمة أنفسهم، يعني إيه هي العوامل الاجتماعية البتراعيها إذا فكرت تطلب مساعدة قريبتك في خدمة البيت مقابل منحها مبلغ شهري؟

الأخ صاحب البوست و الإخوة المتداخلين
كنت قد اشرت قبل اسبوع إلى أانا نكتب و نعلق و ننسى ان
كلامنا هذا مقروء لكل ‏الجنسيات في الداخل و الخارج و نحن
نقدم لهم و نعرض في جهالة وجهات نظرنا و ‏تقييمنا لكل الجنسيات
و هو تقييم في اغلبه معمم و إنطباعي و مغلوط في كثير من ‏الاحيان
و لا تسلم منه دولة جارة او صديقة.‏
‏ فيا ريت لما نكتب تذكر هذه الحقيقة و نضبط نفسنا شوية من السبهللية
الكاتلانا في ‏اي حاجة دي.‏
‏(معذرة لا اقصد شخص بعينه و لكنه سلوك عام في معظم كتاباتنا و بوستاتنا).‏
مع إحترامي للجميع

Quote: لكني لا أجد تفسيرا لانقياد البنات للسماسرة غير أنهم يمارسون نوعا من القسر عليهن ، ولا أعرف طبيعة المسألة أو كنهها .. لكن فقط أتساءل : لماذا تطيعه البنت ليحركها كيف يشاء ومتى يشاء إن لم يكن له يد عليها ..

Quote: فالغرض الأساسي هو أن السودان صار منفذاً للعبور لأوروبا عبر الصحراء الليبية ثم البحر المتوسط. ثانياً، من المفترض أن تدفع الفتاة للمهرب مبلغاً من المال نظير تهريبها عبر الحدود للسودان (مابين 3500 و 5000 جنيه)، ولأن غالبية الفتيات من ذوات الدخل المحدود، يتم الإتفاق على أن يتم تسديد المبلغ لاحقاً وعلى أقساط بعد وصولها للسودان ودخولها لسوق العمل. يقوم المهرب بتسليمها للسمسار، وهو الشخص المسئول من تحصيل المبلغ الشهري لحين سداده كاملاً.

نشرت الديلي تليغراف موضوعا لجوزفين ماكينا من العاصمة الايطالية روما بعنوان "مهرب يؤكد للسلطات الايطالية أن المهاجرين الذين لايدفعون يباعون من أجل اعضائهم".

وتشير ماكينا الى ماقاله مهرب المهاجرين الاريتري نور الدين عطا والذي اعتقل في ايطاليا عام 2014.
وتوضح ماكينا ان عطا يعد أول شاهد أجنبي تمنحه ايطاليا الحماية القضائية للحصول على معلومات منه حول مهربي المهاجرين.
وتضيف ان المعلومات التي ادلى بها عطا قادت الشرطة الايطالية لاعتقال عدد من المهربين تعدى العشرات لاتهامهم اما بتهريب المهاجرين والاسلحة والمخدرات او التعاون مع المهربين.
وتؤكد الصحفية أيضا ان المعلومات التي ادلى بها عطا توضح ان المهاجرين الفقراء الذين لايتمكنون من دفع أجرة تهريبهم الى اوروبا يتم بيعهم (لمهربي الاعضاء البشرية) مقابل مبلغ 15 الف يورو لكل شخص.
وحسب ماقال عطا فان مهربي الاعضاء اغلبهم من المصريين ويقومون بنزع الاعضاء وبيعها بعد ذلك.
وتؤكد ماكينا ان الشرطة الايطالية اعتقلت الاسبوع الجاري "خلية روما" وهي عصابة مخصصة لتهريب المهاجرين إلى اوروبا يعمل فيها 25 مواطنا اريتريا و12 اثيوبيا وضمن العصابة ايضا مواطن ايطالي وتم اعتقالهم جميعا الاثنين.
وتضيف ان غرفة عمليات العصابة كانت تقع في متجر عطور في قلب روما حيث عثر معهم على مبالغ نقدية تتعدى نصف مليون يورو و 25 الف دولار.
وتختم الجريدة الموضوع مشيرة الى تقرير منظمة العفو الدولية الاخير الذي اكد ان هناك انتهاكات جنسية وجسدية ودينية بحق المهاجرين في طريقهم من شمال ليبيا الى جنوب ايطاليا عبر البحر المتوسط.
"إغراق العراقيين"...

....

http://www.3rbz.com/رفع الصور

.........

http://www.3rbz.com/رفع الصور

....

تحياتي للجميع واستاذنكم في ان اشارك ببعض النقاط.

- إخوتنا واشقاؤنا الأثيوبيون يفتخرون بكلمة "حبش" ، وكما قال لي احدهم في سياق فخر : الحبش لا يكذب.
- التعميم مخل. الحديث عن البعض.
- الأحداث والوقائع التي يتحدث عنها البوست موجودة في المجتمع. ويمارسها كثير من أبناء الجارة أثيوبيا.
- كنت قد أشرت قبل سنوات إلى احداث مماثلة عبر قصة "كبيديش" (ارجو ازالة المسافات من الرابط):
http : // sudaneseonline . com / board / 410 / msg / %D9%83%D8%A8%D9%8A%D8%AF%D9%8A%D8%B4--1348809588 . html

التحية لك ابننا هاني
كلامك على العين والراس
وهو لا شك صادر عن شخص يلامس الواقع في السودان
ويدرك خطورة بعض الأمور الناتجة عن التهاون والإهمال الذي يصل درجة السذاجة
شكرا لك على المداخلة القصيرة القيمة

بسم الله الرحمن الرحيم
وكل سنة وانتو طيبين

المباراة دى مدورة ليها كم يوم .. وما معروف ده الشوط الكم
ولا نتيجة المباراة بقت واضحة .. وضاع موضوع البوست

عموماً

البوستات فى معظمها بقت مباريات نهائي .. وكل واحد لازم ينتصر
لى نفسو على حساب موضوع البوست وبأي وسيلة ...

ود قاسم طرح مشكلة حقيقية بتعانى منها الكتثير من الاسر .. واكثر من
ذلك الوجود الاجنبى بالبلاد اضحى فوضى استعصت على اجهزة الدولة
( او هى مطنشة منها ) واى وجود اجنبى بصورة غير شرعية وبمثل هذا
الكم بالضرورة له مضاره التى لا تحصى ولا تعد ..
صاحب البوست فى استخدامه لكلمة الاحياش ( الكلمة التى صارت محور
البوست الان ) لم تبدر منه اشارة تحقيرية او استعلائية فى سياق استخدامه
للكلمة .. كما ان المعنيين بها لا يعترضون عليها ولا يشعرون بأنها تحقيرية
والا ما عرفو نفسهم بها ..
انصرف كثير من المشاركين عن موضوع البوست الا القلة .. ولم يطرج احد
حل للمشكلة الا اخونا درديرى ( الحبشى ) ...
فياريت الناس تخت الكورة واطة وعادى ممكن الكورة تكون بنتيجة ايجابية
بدون ان ينتصر احد لنفسه ...

ارتيقا

الأخ ارتيقا
لك التحية
حقيقة أن هذه المباراة فرضت علينا ، ومن أناس لا يسعون لإثبات الحق أو التمييز بين الحق والباطل
إنما يريدون استعراض العضلات وتضخيم المغالطات
وقد تكون لهم اهداف أخرى الله أعلم بها
اشكر لك على وضوحك وتلمسك لموضع الداء ، وسعيك وإشادتك بطرح الأخ درديري في إيجاد الحل

شكرا يا حيدر على المعلومات
ليتك تبين لنا موقع ما تحدثنا عنه من هذه القوانين
لكن أذكر أن عشاري وبلدو صرفا جهدا كبيرا لإثبات وجود الاسترقاق للشخصيات التي تناولوها
وقد كانت هذه القوانين موجودة

الأخ محمد ، رسالتك المعممة وصلت ، وهي تنهانا عن التعميم
لكنها تلامسه وتسبح في تياراته ..

شكرا جزيلا

يا حاتم يا ابني ، أنت لا تزال تعالط ..وأنا بصراحة لا أسعى للانتضار عليك .. ولا أعتبر الحوار منافسة لإثبات شطارة أو مهاارة
كما تراه أنت حسب ما اتضح من بوستيك التاني ..
بس إنت ببساطة فهمني شنو العلاقة بين نقل موظف شغال في وظيفة ينظمها قانون ، ولها أنطمة ولوائح ، تنص فيما تنص على التنقل
والانتقال ، والترقي ، والمحاسبة والعقوبة .. وتنظمها عقود عمل .. وهذه البنت التي تدخل بيتك بإسم تسمته بعد دخولها السودان ،
وبقيت في دارك دون أن تعرف لها عنوان ، ولا يوجد قانون ينظم هذه العلاقة القائمة بين المخدّم والعامل ..
عليك الله يا حاتم ، ركّز ، وما تشيلك الهاشمية ، واشرخ لي العلاقة بين الاتنين ..
وتاني عليك الله فهمني حبة حبة ، كيف يستطيع السمسار أن ينقل هذه العاملة بصوره شبه دورية كل شهر دون أن يكون الهدف هو استمرارية
تدفق الإيرادات الناتجة عن السمسرة .. بالمناسبة السمسرة عمل عادي يستحق صاحبه الأجر ، لكن انعدام الصدق والأمانة هي المشكلة في هذه الحالة بالتحديد
وتالت عليك الله يا حاتم ، البوست ده عندو موضوع محدد ، كتبته انطلاقا من تجربتي وتجربة من أعرفهم من الأسر من الجيران والأصدقاء والقرابات
ولست باحثا اجتماعيا لأبحث ( لك ) في علاقات الأسر ، أو علاقات المجتمع السوداني ، أو وسائل التكافل الاجتماعي السائدة في المجتمع .. ولا استطيع أن احمّل هذا البوست
ما لا يحتمله ... ف شنو ، خلينا في الموضوع المحدد دون تشعيب ..
وفي المنبر متسع للكثير من المواضيع التي يمكن طرحها في مكانها وزمانها ، ولا حاجة بنا لتضخيم أي بوست ليكون جامعا لكل تفاصيل الحياة في السودان وسبل كسب العيش

Quote: صاحب البوست فى استخدامه لكلمة الاحياش ( الكلمة التى صارت محور البوست الان ) لم تبدر منه اشارة تحقيرية او استعلائية فى سياق استخدامه للكلمة

سياق أفعل من النص المباشر؟

الأحباش + يمارسون تجارة البشر بالخرطوم ____ إضافة لعدم التفريق بين (تهريب البشر) و(تجارة البشر)