مداخلاتى الاستكوها

مداخلاتى الاستكوها


01-17-2016, 01:17 AM


  » http://sudaneseonline.com/cgi-bin/sdb/2bb.cgi?seq=msg&board=490&msg=1452989819&rn=84

Post: #1
Title: مداخلاتى الاستكوها
Author: جلالدونا
Date: 01-17-2016, 01:17 AM
Parent: #0

00:16 AM Jan, 17 2016

سودانيز اون لاين
جلالدونا-
مكتبتى
رابط مختصر

فى بوست لى اخونا فرانكلى
وزارة الخارجية السودانية لعبت قضية التطبيع بحرفية عالية Frankly 01-16-16, 07:45 PM
Re: وزارة الخارجية السودانية لعبت قضية التطب ...........محمد البشرى الخضر 01-16-16, 07:56 PM
Re: وزارة الخارجية السودانية لعبت قضية التطب جلالدونا ......................01-16-16, 08:05
شاتا زى السلام عليكم
Post: #2
Title: Re: مداخلاتى الاستكوها
Author: جلالدونا
Date: 01-17-2016, 01:32 AM
Parent: #1

ودى المداخلة المجنى عليها
Quote: سلام فرانكلى
------
تعرف يا ود البشرى
سيدنا النبى قا عن سيدنا عمار تقتلك الفئة الباغية
فى معركة صفيّن سيدنا على و معاوية انحاز سيدنا عمّار الى صف سيدنا على
وفى عز المعركة صاح الجند قتل عمار قتل عمار
معاوية عشان يتخارج من حتة الفئة الباغية دى
جاء بالتبرير الاتى
الفئة الباغية هى من زجّت به فى اتون المعركة
غايتو جنس تحاليل

فى البوست ده
http://وزارة الخارجية السودانية لعبت قضية التطبيع بحرفية عاليةhttp://وزارة الخارجية السودانية لعبت قضية التطبيع بحرفية عالية
Post: #3
Title: Re: مداخلاتى الاستكوها
Author: صديق مهدى على
Date: 01-17-2016, 05:31 AM
Parent: #2

جلال سلام ياخ اكتب بوستاتك الجميلة وبس وخليك من ناس زعيط ومعيط لأنك سوف تجد نفسك تؤذن فى الفاتيكان ههههههها قوية دى
Post: #4
Title: Re: مداخلاتى الاستكوها
Author: ABUHUSSEIN
Date: 01-17-2016, 05:41 AM
Parent: #3


تخير دائماً وين ترمي مداخلاتك ....
بعدين الأمثلة قدامك و الإستيكة دي اليومين ديل إستعمالها زاد جداً .....
عامل لي فيها حريف ....
عشان تعرف حجم الأزمة اللي نحن عايشينها .....
بس برضو غلطان الأداهم الإستيكة و خلاهم يمسحوا أراء الناس و يفرضوا رأيهم هم ....
Post: #5
Title: Re: مداخلاتى الاستكوها
Author: عبدالرحمن الخليفة
Date: 01-17-2016, 06:59 AM
Parent: #4


جلال عيسى
سلام يا صديق قول بسم الله واستك البوست
المداخله موجوده فى البوست المعنى ...
Post: #6
Title: Re: مداخلاتى الاستكوها
Author: ABUHUSSEIN
Date: 01-17-2016, 07:13 AM
Parent: #5

Quote: المداخله موجوده فى البوست المعنى ...

دي المداخلة التانية بدل فاقد
و إحتمال تجي بعد ساعتين ما تلقاها .......
Post: #8
Title: Re: مداخلاتى الاستكوها
Author: عبدالحفيظ ابوسن
Date: 01-17-2016, 07:16 AM
Parent: #6

ههههه
عجبني ليك
عشان طلعت بوست زمان ارفض الخاصية دي وعتلتو براي لامن قص ضهري الا من قلة من الاخوان ساعدوني بال قل
Post: #7
Title: Re: مداخلاتى الاستكوها
Author: ست البنات
Date: 01-17-2016, 07:16 AM
Parent: #5

سلام أخي جلادونا ,

ما براك الأستكوك ؟؟

انا كمان و الأخت نعمات عماد !

دا اسمو دفن الراس في الرمال !!

خليهم يدغمسوا الحقائق !
لكن الله في !!

نحنا نفتح بوست تعرية وتصحر برانا , مافيش حد أحسن من حد !!

ست البنات.
Post: #9
Title: أسوأ إجراء يتخذه الأخ بكري أبوبكر هو توزيع المساحات...
Author: قصي محمد عبدالله
Date: 01-17-2016, 07:30 AM
Parent: #5

الإستيكة هلهلت المنبر،
زعزعت المشاركات،
تركت فراغات بين الآراء،
ساهمت في القضاء على جزء كبير من تاريخ الأعضاء ،
شجعت على الهيمنة و قضت على الديمقراطية الناعمة.
Post: #10
Title: Re: أسوأ إجراء يتخذه الأخ بكري أبوبكر هو توزي�
Author: أبوبكر عباس
Date: 01-17-2016, 08:53 AM
Parent: #9

هي فيها خير غير مباشر، الزول البعتمدها طريقة مع خصومو هو ح يلقى نفسو طلع من الحوار معهم في بوستاتهم وبعد شوية زي مصفى محمود دا حسابو بتحول لحساب فيسبوك ينوني فيهو براهو!
يا أخوانا، نادم على حذفي لمداخلة للصادق عبد الله الحسن في واحد من بوستاتي الكتيرة دي، أعتذر على ذلك وأشهد أنها سلوك لا يليق بمستنير
Post: #11
Title: Re: أسوأ إجراء يتخذه الأخ بكري أبوبكر هو توزي�
Author: Salah Ahmed Ali
Date: 01-17-2016, 09:18 AM
Parent: #10

Quote: الاستكوها


نحفظ لك هذا المصطلح الجديد

و المشتقات:
تمت استكة المداخلة..
فلان استكوهو.. فلان مأستك
نسأتكو ول نخليهو..
الاستكة ما كويسة..
فلان بقى مؤستك كبير

وقال الفنان المشهور
" استكوهو و جرحو سمعتو"

التوقيع
Post: #12
Title: Re: أسوأ إجراء يتخذه الأخ بكري أبوبكر هو توزي�
Author: ABUHUSSEIN
Date: 01-17-2016, 10:04 AM
Parent: #11

Quote: و إحتمال تجي بعد ساعتين ما تلقاها .......
Post: #13
Title: Re: أسوأ إجراء يتخذه الأخ بكري أبوبكر هو توزي�
Author: طلحة عبدالله
Date: 01-17-2016, 10:08 AM
Parent: #12

الشكية لغير الله مذلة يا جلالدونا ..
Post: #14
Title: Re: أسوأ إجراء يتخذه الأخ بكري أبوبكر هو توزي�
Author: جلالدونا
Date: 01-17-2016, 02:19 PM
Parent: #13

يا هلا بيك صديق
Quote: وخليك من ناس زعيط ومعيط لأنك سوف تجد نفسك تؤذن فى الفاتيكان

يا ريت ياخى برضو احسن من مالطا
Post: #15
Title: Re: أسوأ إجراء يتخذه الأخ بكري أبوبكر هو توزي�
Author: جلالدونا
Date: 01-17-2016, 02:26 PM
Parent: #14

Quote:
تخير دائماً وين ترمي مداخلاتك ....
بعدين الأمثلة قدامك و الإستيكة دي اليومين ديل إستعمالها زاد جداً .....
عامل لي فيها حريف ....
عشان تعرف حجم الأزمة اللي نحن عايشينها .....
بس برضو غلطان الأداهم الإستيكة و خلاهم يمسحوا أراء الناس و يفرضوا رأيهم هم ....

ياخى دى فاتت حد الازمة و اصبحت كارثة منبرية
لانها بى بساطة ممكن تأسس لى عداوات شخصية بين الزملاء و الزميلات
و فايدة الكتابة هنا شنو لولا المشاركة و اختلاف وجهات النظر
Post: #16
Title: Re: أسوأ إجراء يتخذه الأخ بكري أبوبكر هو توزي�
Author: جلالدونا
Date: 01-17-2016, 02:31 PM
Parent: #15

Quote: سلام يا صديق قول بسم الله واستك البوست
المداخله موجوده فى البوست المعنى ...

يا الف مرحب بى ود الخليفة
دى كانت طبعة تانية من المداخلة
و برضو لحقوها امات طه
Post: #17
Title: مداخلاتى الاستكوها
Author: جلالدونا
Date: 01-17-2016, 02:36 PM
Parent: #16

Quote: دي المداخلة التانية بدل فاقد
و إحتمال تجي بعد ساعتين ما تلقاها .......

و حصل
الطبع غلّاب يا حبة
Post: #18
Title: Re: مداخلاتى الاستكوها
Author: جلالدونا
Date: 01-17-2016, 02:41 PM
Parent: #17

Quote: ههههه
عجبني ليك
عشان طلعت بوست زمان ارفض الخاصية دي وعتلتو براي لامن قص ضهري الا من قلة من الاخوان ساعدوني بال قل

يا ود اب سن ياخى عتّلنا معاك لاكن جانا وجع كتف
و الراى فيها كان واضح انو ضررا اكتر من نفعا اذا وجد فيها منفعة من اساسو
لكن منو البسمع
Post: #19
Title: Re: مداخلاتى الاستكوها
Author: بشير أحمد
Date: 01-17-2016, 03:13 PM
Parent: #18

Quote: الزول البعتمدها طريقة مع خصومو هو ح يلقى نفسو طلع من الحوار معهم في بوستاتهم


كلام سليم اخي ابوبكر..
_______
تحياتي اخي جلال..
Post: #20
Title: Re: مداخلاتى الاستكوها
Author: عمر التاج
Date: 01-17-2016, 03:45 PM
Parent: #19


الحكومة لما كانت ماسكة الاستيكة وشغالة مسح في المعارضة الناس نقنقت ..
بكري لمن كان ماسك الاستيكة وشغال مسح في بوستات الجماعة الناس طفشت.
بكري لمن أدى الاستيكة للعضوية النقة تاني قامت ..
الخلاصة الأعمى شايل المكسر يكسحوا ويمسحوا
الديمقراطية تطير عيشتها وتحيا الديكتاتورية يا قولة تراجي ..
سلاماتي للجميع.
Post: #21
Title: Re: مداخلاتى الاستكوها
Author: جلالدونا
Date: 01-17-2016, 05:16 PM
Parent: #20

حباب اخيتى ستهم وستنا و
و التحية للعزيزة نعمات و كل المتأستكين فى جخانين المنبر
و يا ريت لو بعرفو يعملو حركة النعامة صاح
ديل بدفنو نفسهم مش روسينن بس
و كان لى البوست جاهز ليك تب
بس انتى ابديهو
Post: #22
Title: Re: مداخلاتى الاستكوها
Author: ست البنات
Date: 01-17-2016, 05:29 PM
Parent: #21

أخوي جلادونا مرحب,

هون لاقيننا وين ؟ بس ماب يعرفوا الناس !

قالولون نحنا محتاجينلهون !!
أها اليلقولون زول ساكت يحاحي بيدريبون !
(فهم شي)؟
أوعك تكون من ناس البندر الماب يعرفوا كلامنا !!

والبوست انا فتحتو من قبييل !

ست البنات.
Post: #23
Title: Re: مداخلاتى الاستكوها
Author: جلالدونا
Date: 01-17-2016, 05:56 PM
Parent: #22

Quote: الإستيكة هلهلت المنبر،
زعزعت المشاركات،
تركت فراغات بين الآراء،
ساهمت في القضاء على جزء كبير من تاريخ الأعضاء ،
شجعت على الهيمنة و قضت على الديمقراطية الناعمة.

و زادت الطين بلّه يا يشيخ قصى
Post: #24
Title: Re: مداخلاتى الاستكوها
Author: جلالدونا
Date: 01-17-2016, 06:01 PM
Parent: #23

Quote: هي فيها خير غير مباشر، الزول البعتمدها طريقة مع خصومو هو ح يلقى نفسو طلع من الحوار معهم في بوستاتهم
وبعد شوية زي مصفى محمود دا حسابو بتحول لحساب فيسبوك ينوني فيهو براهو!

انها كالحمر يا مستنير .. الضرر اكثر و اقسى من النفع
Quote: يا أخوانا، نادم على حذفي لمداخلة للصادق عبد الله الحسن في واحد من بوستاتي الكتيرة دي،
أعتذر على ذلك وأشهد أنها سلوك لا يليق بمستنير

موقف جميل ونبيل و ياريت اخونا الصادق يمر بى جاى و يقبل و يبادل الاعتذار بى محبة و موده
Post: #25
Title: Re: مداخلاتى الاستكوها
Author: جلالدونا
Date: 01-17-2016, 06:08 PM
Parent: #24

حبيبنا صلاح
ضحكتنى ياخى و انا ممغوس
Quote: نحفظ لك هذا المصطلح الجديد

و المشتقات:
تمت استكة المداخلة..
فلان استكوهو.. فلان مأستك
نسأتكو ول نخليهو..
الاستكة ما كويسة..
فلان بقى مؤستك كبير

وقال الفنان المشهور
" استكوهو و جرحو سمعتو"

كل البلاوى طالعة من تحت الأستكة
غايتو المؤستك الكبير ده مصيبتو مصيبة
Post: #26
Title: Re: مداخلاتى الاستكوها
Author: جلالدونا
Date: 01-17-2016, 06:10 PM
Parent: #25

اضحك يا ابو حسين
تضحك بلاهن
Post: #27
Title: Re: مداخلاتى الاستكوها
Author: جلالدونا
Date: 01-17-2016, 06:13 PM
Parent: #26

Quote: الشكية لغير الله مذلة يا جلالدونا ..

كلامك صاح يا طلحة اخوى
حتى بالامارة مشيت استعين بيكم بى غادى مع ناس حزب الرش
لقيتك مرشوش لى حد الثمالة خخخخخخخ
Post: #28
Title: Re: مداخلاتى الاستكوها
Author: جلالدونا
Date: 01-17-2016, 06:16 PM
Parent: #27

يا الف مرحب العزيز بشير
Quote: تحياتي اخي جلال..
Post: #29
Title: Re: مداخلاتى الاستكوها
Author: جلالدونا
Date: 01-17-2016, 06:22 PM
Parent: #28

Quote:
الحكومة لما كانت ماسكة الاستيكة وشغالة مسح في المعارضة الناس نقنقت ..
بكري لمن كان ماسك الاستيكة وشغال مسح في بوستات الجماعة الناس طفشت.
بكري لمن أدى الاستيكة للعضوية النقة تاني قامت ..
الخلاصة الأعمى شايل المكسر يكسحوا ويمسحوا
الديمقراطية تطير عيشتها وتحيا الديكتاتورية يا قولة تراجي ..

كان الحكومة كان بكرى كان العضوية .. اصلا الاستيكة لزوما شنو
المتضرر يمشى القانون و ياخد حقو ... افتكر ده حل كويس بدل القهر الاستيكى ده
Post: #30
Title: Re: مداخلاتى الاستكوها
Author: جلالدونا
Date: 01-17-2016, 06:35 PM
Parent: #29

Quote:
هون لاقيننا وين ؟ بس ماب يعرفوا الناس !

قالولون نحنا محتاجينلهون !!
أها اليلقولون زول ساكت يحاحي بيدريبون !
(فهم شي)؟
أوعك تكون من ناس البندر الماب يعرفوا كلامنا !!

والبوست انا فتحتو من قبييل !

هههه
وزى قولك
لا يلقونا لا نلقاهم لا نتلم
و دريبن الكلو دعت ده مانى مقبّل عليهو ضمة
مانى من ناس البندر و كمان قريب منّك و يمكن يكون بيناتنا رحم
اها النوقّعو ليكى
اول بالتبادى نبدا بى خت الغرب
كان لى القرير و تنقاسى تلقينى لامّى فى ناس بشير اغا و الطاهر اللزيرق
و ان جيتى على دويم ود حاج ياهو مسقط الراس
و ان مشيتى على خت الشرق
الاراك و اهلنا ناس ود سورج
و كمان الزومة و شبا و اهلنا ناس ود دردق و ود نصر و اولاد البرير
و من البركل الحمدتياب و العمد ... من عمدة ...
اها لقيتينى كيف
Post: #31
Title: Re: مداخلاتى الاستكوها
Author: ست البنات
Date: 01-17-2016, 09:10 PM
Parent: #30

جلادونا ود عمي !

أها نحنا زاتنا ماب ننقرن في الناس من جم !!

الطاهر ود الازيرق جد أمي !

والبركل فيها جدي ود بناوي ,
والقرير فيها حبوباتي السرف والعبلون ,
والباقي ماني مذاكراهو !!
أها شفت (اسع ينطلنا واحد مضرة وحسادة ساكت يقولنا عنصريين ) !
ست البنات.
Post: #32
Title: Re: مداخلاتى الاستكوها
Author: جلالدونا
Date: 01-17-2016, 09:30 PM
Parent: #31

Quote: الطاهر ود الازيرق جد أمي

اها ما قتلك القصة فيها رحم
الطاهر ود الازيرق كان متزوج خالتى شقيقة امى و ولدو حسن الطاهر برضو متزوج خالتى شقيقة امى
و هن خالتى خاسّة و خالتى قصورة عليهم جمبعا رحمة الله
اها من يوم الليلى انتى لازمانى تب و حرررررم معاك فى الصاح و الغلت
Post: #33
Title: Re: مداخلاتى الاستكوها
Author: ABUHUSSEIN
Date: 01-17-2016, 09:40 PM
Parent: #31

Quote: اضحك يا ابو حسين
تضحك بلاهن

فرحااااااااااااان و الفرحان بضحك ..😂😂😂
ملهم بيغادي كمل كوتو مع بتاع الحمير ...
الاستيكة دي اعلنو عنها بي بوست ...
اعترضت عليها و قلت للريس دا تهرب من المسؤلية ... عارف الحصل شنو ..؟؟؟؟
مداخلتي زاتها اتمسحت ....
انا غايتو اعلنتها بكل وضوح ما بمسح مداخلة لأي زول ...
و اي زول بمسح مداخلات و عايز ارد عليهو بفتح لي بوست اكتب فيه مداخلتي .... عشان الناس ما يضحكو علي زي ما انا بضحك عليك الان ....
Post: #34
Title: Re: مداخلاتى الاستكوها
Author: ست البنات
Date: 01-17-2016, 10:08 PM
Parent: #33

شفت يا جلادونا أها الأستكة بلا جابتلي أخو وجابتلك أخت !

أريتا أستكة السرور !

انت كمان وريني الناس القعد يكاتلوك بقابلون ليك تب !

اما بالنسبة لي انا عندي ناس كدي بس تاني بغلت فيهون وكت انت اخوي !

ست البنات.
Post: #35
Title: Re: مداخلاتى الاستكوها
Author: عبدالرحمن الخليفة
Date: 01-17-2016, 10:52 PM
Parent: #34


جلال
لك التحيه.....
برجع اعزى وبعتزر......
واستك معاك مداخلتى الفوق...
Post: #36
Title: Re: مداخلاتى الاستكوها
Author: نعمات عماد
Date: 01-19-2016, 08:16 AM
Parent: #35


جلالدونا .. ستهم و كل الجميلين

تحياتي و مودتي

المسح مضحك أحيانا خاصة أذا كانت المداخلة الممسوحة قيمة أو حتى عادية .
Post: #37
Title: Re: مداخلاتى الاستكوها
Author: ست البنات
Date: 01-19-2016, 10:35 AM
Parent: #36

الأخت نعمات ,
سلام,
شفتي الأسلوب الشين دا !

يعني كان مسحوها هنا بتغيير واقع عمايلهم الشينة ؟؟
غايتو غلبتم الحيلة , وحالتهم تحنن !!
بس بلا محلبية !!!

ست البنات.
Post: #38
Title: Re: مداخلاتى الاستكوها
Author: معاوية المدير
Date: 01-19-2016, 10:56 AM
Parent: #37

Quote: اي زول بمسح مداخلات و عايز ارد عليهو بفتح لي بوست اكتب فيه
مداخلتي .... عشان الناس ما يضحكو علي زي ما انا بضحك عليك الان

هههههههههههههههههههههه،
نضحك معاكم، والله بالجد الحاجة دي مُسلية . ياخي الوآحد
لآمِن يكون مأستك بيمسح جِنِس مسح !، مبالغة .
إقترح تغيير العنوان لبيت ردحي المأستكين .
Post: #39
Title: Re: مداخلاتى الاستكوها
Author: Haytham Ghaly
Date: 01-19-2016, 11:01 AM
Parent: #38

هي ياااااااااا أبو الجل

انت برضو؟؟

والله انا كم مرة شفت بوستيك دا لكن ما كنت قايلو نفس الحريف المأستك مداخلاتي انا في نفس البوست


ههههههههه

ياخ بوست وزارة الخارجية دا قاعد في الصفحة الأولى ليهو أسبوع وبعد دا عدد المداخلات 16


معناها الاستيكة شغالة قرف
Post: #40
Title: Re: مداخلاتى الاستكوها
Author: ملهم كردفان
Date: 01-19-2016, 11:07 AM
Parent: #38

مداخلاتك الاستكوها ياكبيييير
انت لم تأتى لحوار
التجاهل
التجاهل
التجاهل
Post: #41
Title: Re: مداخلاتى الاستكوها
Author: ABUHUSSEIN
Date: 01-19-2016, 11:17 AM
Parent: #40

عملتوه بيت بكاء .....
شهداء الإستيكة ....
ضحايا المسح ...
حالتكم تحنن و الله .....
(خليك حريف ... خليك حريص ... ما ترمي مداخلتك في أي بوست )

الحملة المنبرية للحفاظ على المداخلات
Post: #42
Title: Re: مداخلاتى الاستكوها
Author: Haytham Ghaly
Date: 01-19-2016, 11:24 AM
Parent: #41


Quote: خليك حريف ... خليك حريص ... ما ترمي مداخلتك في أي بوست )



هههههههههههههههه


اغرب حاجة يا أبو حسين

نهائي ما بأستك جرجير

والله التقول كاسر عينو ..


غايتو جنس غايتو
Post: #43
Title: Re: مداخلاتى الاستكوها
Author: معاوية المدير
Date: 01-19-2016, 11:30 AM
Parent: #42

Quote: Tariq Mursi
استكونا لغاية ما بقينا زي ال عندنا سكري وقرفنا من التعليقات ودي المرة الاخيرة

هههههههههه،

يا طارق ياخي ما للدرجة دي !، خليّك هنا ؤُ بلآش تفارق حينا .
الله يكافينا شر اللستيكة البتجيب السُكري دي، نسعل الله السلآمة ...
Post: #44
Title: Re: مداخلاتى الاستكوها
Author: ABUHUSSEIN
Date: 01-19-2016, 11:35 AM
Parent: #43

Quote: نهائي ما بأستك جرجير

الإتنين كيزان يا هيثم .. إنت المعلومة دي ما عارفها .....؟؟؟؟؟؟
Post: #45
Title: Re: مداخلاتى الاستكوها
Author: ست البنات
Date: 01-19-2016, 11:49 AM
Parent: #44

غايتو دي عملية ما يعملها الآ انسان عاجز ومفلس !
وكمان عارف ان النقد البيتقال دا خقيقة !

لكن البيرقص ماب يغتي دقنو !!

والله شن كتر بلا الرمال !

أها اندفنوا فيها !
لكن لمتين ؟؟؟؟

ست البنات.
Post: #46
Title: Re: مداخلاتى الاستكوها
Author: أيمن الطيب
Date: 01-19-2016, 12:09 PM
Parent: #45

http://sudaneseonline.com/board/490/msg/%d8%aa%d8%b1%d8%ad%d9%8a%d9%84-%d8%a7%d9%84%d9%85%d8%af%d8%b9%d9%88%e2%80%9d%d8%a7%d9%84%d8%a3%d9%85...8%b1-1453135930.html

ولا يهمك جلالدونا تعيش وتتأستك في قبولك يا عمك,,صاحبك الليلة ماسك ليهو ككو وحايم بيهو
Post: #47
Title: Re: مداخلاتى الاستكوها
Author: ABUHUSSEIN
Date: 01-19-2016, 12:12 PM
Parent: #46

أيمن رابطك دا مخستك ياخ ......
Post: #48
Title: Re: مداخلاتى الاستكوها
Author: معاوية المدير
Date: 01-19-2016, 12:15 PM
Parent: #47

يا جلي ياخي استك الرآبط بتاع ايمن دا،
بلآش فضايح ...
Post: #49
Title: Re: مداخلاتى الاستكوها
Author: أيمن الطيب
Date: 01-19-2016, 12:20 PM
Parent: #48

استكو طيب استكو عليك النبي

الحرية لنا ولسوانا,,
Post: #50
Title: Re: مداخلاتى الاستكوها
Author: علي محمد الفكي
Date: 01-19-2016, 02:54 PM
Parent: #49

Quote: ما براك الأستكوك ؟؟

سلام وتحية جلالدونا
الاستيكة زي جناحي البعوضة
إن صح الحديث
مع العلم اني ما بعرف بستخدموها كيف

ـــ
ويا ست البنات
انا مداخلة واحدة اتاستكت لي في المنبر دا في بوست حقك
وبدون سبب من وجهة نظري
واعتقد انها كانت اخر مداخلة لي في بوستاتك
عشان كده كل ما ياستكوك بعجبني
( التعديل وش اخدر ما ظبط معاي في كلامي لي ست البنات )
Post: #51
Title: Re: مداخلاتى الاستكوها
Author: علي محمد الفكي
Date: 01-19-2016, 02:59 PM
Parent: #50

سؤال
احسن الاستيكة
ولا يسفهوك وما يردو على المداخلة ؟
Post: #52
Title: Re: مداخلاتى الاستكوها
Author: ست البنات
Date: 01-19-2016, 03:24 PM
Parent: #51

أخوي على محمد الفكي ,

سلام ,

شنو الهجيمة الكبيرة دي ؟؟

انا عمري ما اتلومت في زول غير زول واحد يستحق !

وكمان ما مسحت مداخلتو بس قلتلو انت قعد تخرب البوستات !

لكن انت بس ما متذكرة كلامك دا !!

كدي ذكرني بالله .

ست البنات.
Post: #53
Title: Re: مداخلاتى الاستكوها
Author: جلالدونا
Date: 01-19-2016, 04:56 PM
Parent: #52

Quote: فرحااااااااااااان و الفرحان بضحك ..😂😂😂
ملهم بيغادي كمل كوتو مع بتاع الحمير ...
الاستيكة دي اعلنو عنها بي بوست ...
اعترضت عليها و قلت للريس دا تهرب من المسؤلية ... عارف الحصل شنو ..؟؟؟؟
مداخلتي زاتها اتمسحت ....
انا غايتو اعلنتها بكل وضوح ما بمسح مداخلة لأي زول ...
و اي زول بمسح مداخلات و عايز ارد عليهو بفتح لي بوست اكتب فيه مداخلتي .... عشان الناس ما يضحكو علي زي ما انا بضحك عليك الان ....

برضو زيك اعترضت على حتة المسح دى
و فى الاخر قلنا العضوية اكبر من تلجأ اليها كحل فى حسم الخلافات حتى و لو كانت شخصية
ياخى ادفع بالتى هى احسن .. ربنا كتبا لى منو و لى شنو
ان شاء الله ما افكر فيها مجرد تفكير فى الرد على زميلة او زميل
____
اضحك لما يجيك وجع اضان
Post: #54
Title: Re: مداخلاتى الاستكوها
Author: جلالدونا
Date: 01-19-2016, 08:06 PM
Parent: #53

Quote: شفت يا جلادونا أها الأستكة بلا جابتلي أخو وجابتلك أخت !

أريتا أستكة السرور !

انت كمان وريني الناس القعد يكاتلوك بقابلون ليك تب !

اما بالنسبة لي انا عندي ناس كدي بس تاني بغلت فيهون وكت انت اخوي !
بالجد مكسب كبير الزول يتلمّ و يتعرّف على اهل ليهو
و زى با بقولو رب ضارة نافعة
امسكى لى فى رقبة ود المدير و ابو حسين ديل
و شايف ملهم ماشى علىّ يضّرع
ارجميهم بحجارة من سجيل
Post: #56
Title: Re: مداخلاتى الاستكوها
Author: ست البنات
Date: 01-19-2016, 08:10 PM
Parent: #54

جلادونا أخوي وود عمي ,

مراحب,

قلت لي ود المدير وأبوحسين !!

ملهم دا أخوي برضو !!!

ست البنات.
Post: #55
Title: Re: مداخلاتى الاستكوها
Author: على محمد على بشير
Date: 01-19-2016, 08:07 PM
Parent: #53

عنصريين

تستاهلوا الاستكه
اكان انت اكان بت كمير
Post: #57
Title: Re: مداخلاتى الاستكوها
Author: جلالدونا
Date: 01-19-2016, 08:18 PM
Parent: #55

Quote: جلال
لك التحيه.....
برجع اعزى وبعتزر......
واستك معاك مداخلتى الفوق...

يا زول أأستك شنو
يمين الله مداخلاتك دى تقعد معززة و مكرمة
هو نحنا لاقين ناس تشاركنا هم حروفنا عشان نقوم نفترى و نأستك
Post: #58
Title: Re: مداخلاتى الاستكوها
Author: جلالدونا
Date: 01-19-2016, 08:32 PM
Parent: #57

Quote: المسح مضحك أحيانا خاصة أذا كانت المداخلة الممسوحة قيمة أو حتى عادية .

يا هلا بيك نعمات .. نعم مضحك لكن فى حتة شر البلية
يا بت الناس دى جريمة فى حق الكلمة و لو كانت على خطأ
Post: #59
Title: Re: مداخلاتى الاستكوها
Author: جلالدونا
Date: 01-19-2016, 08:41 PM
Parent: #57

Quote: هي ياااااااااا أبو الجل

انت برضو؟؟

والله انا كم مرة شفت بوستيك دا لكن ما كنت قايلو نفس الحريف المأستك مداخلاتي انا في نفس البوست


ههههههههه

ياخ بوست وزارة الخارجية دا قاعد في الصفحة الأولى ليهو أسبوع وبعد دا عدد المداخلات 16


معناها الاستيكة شغالة قرف

يا الغالى ود الغالى
ياخى نحنا استكونا بدرى من تالت مداخلة يا حبيب
تانى رجعه لصقتها ليهو
اها التانية برضو لحقت اختا
و لقيت خبرا هنا من ابو حسين
نحن السابقون يا فردة
عشان كده ما عندنا بر اللاحقين
باللاهى انتا فيهم !
يا خبر مأستك
_______
Quote: إقترح تغيير العنوان لبيت ردحي المأستكين .

اقتراحك مرفوض جملة و قطاعى
واحد صاحب جايب لى كيبورد بيكتب بالحبر الجاف
اها تانى نخش بى عين قوية فى اجعص بوست
قال ردحى قال
Post: #61
Title: Re: مداخلاتى الاستكوها
Author: جلالدونا
Date: 01-19-2016, 09:38 PM
Parent: #59

Quote: i
استكونا لغاية ما بقينا زي ال عندنا سكري وقرفنا من التعليقات ودي المرة الاخيرة

Quote: هههههههههه،

يا طارق ياخي ما للدرجة دي !، خليّك هنا ؤُ بلآش تفارق حينا .
الله يكافينا شر اللستيكة البتجيب السُكري دي، نسعل الله السلآمة ...

زى ما قال ليك ود المدير يا طارق اطرح حاجاتك و اكيد بتلقى البتوافق معاك و البختلف معاك فى حدود الاحترام و المودة
و الاستكك ده زول عدو نفسو و تانى الا يشمك قدحة ..
Post: #60
Title: Re: مداخلاتى الاستكوها
Author: جمال خضر
Date: 01-19-2016, 08:54 PM
Parent: #53


الأخ جلادونا لك التحية

لا بد من عمل نقابة تجمع المتأستكين يكون هدفها تسيير مظاهرات تقديم مذكرات عمل إعتصامات

حتى ينظر سيد الحوش فى الإنتهاكات الخطيرة التى يمارسها البعض بأستكة وكنس المداخلات

التى لا تروقهم رغم موضوعيتها وبعدها عن الإساءة .

فى الأسفل البوست الذى جأرت فيه بالشكوى ضد الخبير الذى أستك مداخلاتى دون رحمة

إستيكة الخبير تكسح وتمسح مداخلاتى دون أدنى شفقة أو رحمة مما أدخلنى فى حالة نفسية سيئةإستيكة الخبير تكسح وتمسح مداخلاتى دون أدنى شفقة أو رحمة مما أدخلنى فى حالة نفسية سيئة
Post: #62
Title: Re: مداخلاتى الاستكوها
Author: ست البنات
Date: 01-19-2016, 09:39 PM
Parent: #60

(عنصريين

تستاهلوا الاستكه
اكان انت اكان بت كمير)

أخوي علي محمد علي بشير ,

بت كمير يا ميني؟؟؟

ست البنات.
Post: #63
Title: Re: مداخلاتى الاستكوها
Author: Ahmed Yassin
Date: 01-19-2016, 10:56 PM
Parent: #62

مع انها مداخلات قيمة ودسمة وممتعة
Post: #64
Title: Re: مداخلاتى الاستكوها
Author: Haytham Ghaly
Date: 01-20-2016, 04:56 AM
Parent: #44


Quote: الإتنين كيزان يا هيثم .. إنت المعلومة دي ما عارفها .....؟؟؟؟؟؟


وانا أقول دي شنو الريدة والبسمات وهاهاها وهي هي هي هي


اتاااااريهو
Post: #65
Title: Re: مداخلاتى الاستكوها
Author: جلالدونا
Date: 01-20-2016, 05:46 AM
Parent: #64

Quote: ولا يهمك جلالدونا تعيش وتتأستك في قبولك يا عمك,,صاحبك الليلة ماسك ليهو ككو وحايم بيهو

ايمن يا طيّب
و لا همانى شى
بس اتأستك فى قبولى دى ما بيمشيها
كيف يعنى !!!
افتح لى بوست و يجى فنجاط يمسح مداخلتى
بمشى لى الاسطى الكبير بى عكازى و صلعتو ما تشوف الا النور
___
شايف ناس اشتغلوك و قالو نأستكا ليك
علّا بقولخم خلوها .. الترقدرو تاريخ
Post: #66
Title: Re: مداخلاتى الاستكوها
Author: نعمات عماد
Date: 01-20-2016, 09:41 AM
Parent: #65


سلام تاني

ستهم .. جلالدونا و الضيوف

أتفق معاكم في كل كلمة .

المضحكني منظر المساح و هو واقف في نص المنبر و رافع لافتة تقول :

أنا قليل الحيلة و لا أملك منطق أو حجة متينة للإقناع و فوق كده منافق

أدافع عن الباطل و أغض الطرف عن الحقائق .. تعالوا أدوني كليكاتكم

من سكات لأنه لو انتقدتوا رأيي ما عندي ليكم غير المساحة .

ثم يضع اللافتة و ينزل على الرُكب ليكنس ،يمسح و يدعك البلاط .. أقصد المداخلات !

************************
أقترح تحديد عدد المسحات في اليوم الواحد و من يتجاوز هذا العدد يتم إيقافه

لمدة أسبوع أو أسبوعين .
تحياتي باشمهندس بكري .
Post: #67
Title: Re: مداخلاتى الاستكوها
Author: محمد البشرى الخضر
Date: 01-20-2016, 04:37 PM
Parent: #66

يا هيثم ما يسرح بيك ابو حسين
الضلالي دا هو الكوز, اسأله قول ليه مؤيد الحوار الوطني ولاّ لأ
ياخي هو ود الباوقة بكونوا اسي بتجهَّزوا لي وفد المنافع 2
Post: #68
Title: Re: مداخلاتى الاستكوها
Author: ABUHUSSEIN
Date: 01-20-2016, 06:19 PM
Parent: #67

Quote: الضلالي دا هو الكوز, اسأله قول ليه مؤيد الحوار الوطني ولاّ لأ
ياخي هو ود الباوقة بكونوا اسي بتجهَّزوا لي وفد المنافع 2

يا كبسور يا فقر لميتني مع ود الباوقة ...؟؟؟؟
😂😂😂😂😂😂😂
Post: #69
Title: Re: مداخلاتى الاستكوها
Author: جلالدونا
Date: 01-21-2016, 04:50 AM
Parent: #68

هههههههههههه
Quote: مداخلاتك الاستكوها ياكبيييير
انت لم تأتى لحوار
التجاهل
التجاهل
التجاهل

اب خشما خلا يضحك غلى اب سنينتين
قال كبير قال
ياخى انتا كمّلت كوتة يوم بى حالو
و المكضبنى يسأل ابو حسين
Post: #70
Title: Re: مداخلاتى الاستكوها
Author: Haytham Ghaly
Date: 01-21-2016, 06:06 AM
Parent: #67


Quote: يا هيثم ما يسرح بيك ابو حسين
الضلالي دا هو الكوز, اسأله قول ليه مؤيد الحوار الوطني ولاّ لأ
ياخي هو ود الباوقة بكونوا اسي بتجهَّزوا لي وفد المنافع 2



طيب يا ود البشرى لماذا لم تطولك الاستكةُ

وما هو سر الابتسامات بل القهقهات بينكما

المصيبة انو المسألة جابتلها ثنائيات مع الكيزان كمان

انت مع فرانكلي وابوحسين مع ود الباوقة


والله دي مصيبتن ضكرة
Post: #71
Title: Re: مداخلاتى الاستكوها
Author: جلالدونا
Date: 01-21-2016, 11:08 PM
Parent: #70

اسمحو لى يا ناس ارحب ترحيب
خاص بى اول شهداء الاستيكة و اكثرهم استئكاكا
الشهيد خمال خضر
سيد شهداء الاستيكة
Post: #72
Title: Re: مداخلاتى الاستكوها
Author: جلالدونا
Date: 01-21-2016, 11:15 PM
Parent: #71

Quote: ولا يهمك جلالدونا تعيش وتتأستك في قبولك يا عمك,,صاحبك الليلة ماسك ليهو ككو وحايم بيهو

اليحوم زى ما داير الجايب خبرو منو تانى ..

امّا ما يخص الرابط اقول ليك بصراحة
عمليتك جبانة و تستاهل الاستيك
زى ما قال مندرة ادام الله ظله
Post: #73
Title: Re: مداخلاتى الاستكوها
Author: محمد على طه الملك
Date: 01-22-2016, 02:17 AM
Parent: #72

في شنو ؟
أشي مناحة ؤ اشي سوق عكاز..
يعني اصلو ما نمرق نقضالنا غرد ؟
Post: #74
Title: Re: مداخلاتى الاستكوها
Author: ملهم كردفان
Date: 01-22-2016, 03:39 AM
Parent: #73

Quote:
هههههههههههه

Quote: مداخلاتك الاستكوها ياكبيييير
انت لم تأتى لحوار
التجاهل
التجاهل
التجاهل


اب خشما خلا يضحك غلى اب سنينتين
قال كبير قال
ياخى انتا كمّلت كوتة يوم بى حالو
و المكضبنى يسأل ابو حسين

انا كنت مستعد ياجلالدونا أكمل كوتات باقى الربع كلها فى البوست المعنى
عشان أصلا انا خاشيهو وخشمى خلا
انت خشيت بكامل اسنانك وطعت بى فت سنتين وهلم جرا
الحمد انك طلعت بى سنتين وماطلعت بى سنه
البطلع بى سنه بترنح فى بوستاتو

وياريتك استمريت والمهم وصلت وجهة نظرك بى عناد وقوه لانك مؤمن بيها
ماكنت تسيبوا ياخ
خليهو يمسح وانت لصق ليهو لمن يعرف ان الله حق ...

على فكره البوست بتاع الاحتراق الذاتى جميل
keep on
Post: #75
Title: Re: مداخلاتى الاستكوها
Author: جلالدونا
Date: 01-22-2016, 10:55 AM
Parent: #74

حبيبنا على ود الفكى
كيفك اَزول
Quote: سلام وتحية جلالدونا
الاستيكة زي جناحي البعوضة
إن صح الحديث

يعنى شنو يعنى
حمّالة اوجه
بالنسبة لى اخيتى ستهم
و لو معاك الدليل بى انها استكتك
برضو ليها حق غصبا عنك
و مال .. مش اختى
مناى دوام الود بيتاتكم
Post: #76
Title: Re: مداخلاتى الاستكوها
Author: جلالدونا
Date: 01-22-2016, 10:59 AM
Parent: #75

حباب على ود البشير
Quote: عنصريين

تستاهلوا الاستكه
اكان انت اكان بت كمير

يازول مالك ... عنصريين عديل كدى
باقيلك بنتعنصر ساى كدى
فوق عزّنا يا مان
شوايقة بلا حدود
Post: #77
Title: Re: مداخلاتى الاستكوها
Author: محمد أبوالعزائم أبوالريش
Date: 01-22-2016, 08:11 PM
Parent: #76


بوستينك ده خاص بأستكاتك بس والا بيتحمل أستكات تانية؟

شوف دي:

Frankly2.jpg Hosting at Sudaneseonline.com

محتاج أقول المداخلة دي مشت وين؟

البوست كما هو موجود بالمنبر الآن:

Frankly3.jpg Hosting at Sudaneseonline.com

المداخلة الواحدة دي ما حقتي أنا
من أمس في حوالي 10 ماخلات (عندي منهم تلاتة) ...... لكن البوست حالياً يحمل مداخلة واحدة ما زعلت فرانكلي.
Post: #78
Title: Re: مداخلاتى الاستكوها
Author: جلالدونا
Date: 01-22-2016, 10:31 PM
Parent: #77

Quote: بوستينك ده خاص بأستكاتك بس والا بيتحمل أستكات تانية؟

:

يا حبيب البوست ده مفتوح و أى زميل او زميلة طالتو الاستكة الف مرحب به
Quote: شوف دي

مع انى حرمت على نفسى دخول بوستاتو لكن عشان خاترك مشيت
الظن و بعض الظن اثم يظهر لنت و الزميل على قد تأستكتم
زولك قلب كاسحة مداخلات عديل كدى
تعازينا الحارّة
Post: #79
Title: Re: مداخلاتى الاستكوها
Author: جلالدونا
Date: 01-22-2016, 10:35 PM
Parent: #77

يا ود الغالى و ود البشرى و ابو حسين
لو سمحتو امشو اتلاقطو بعيد من بوستينى ده
_______
قلت لى ود البشرى نايم فى العسل مع زولك
و اخر ابتسامات و حركات
غايتو رماديتو عينة
Post: #80
Title: Re: مداخلاتى الاستكوها
Author: جلالدونا
Date: 01-22-2016, 10:44 PM
Parent: #79

حباب الملك ود الملوك
Quote: في شنو ؟

كل خير ان شاء الله .. قاعدن نندب ميلة بخت مداخلاتنا ؤ بس

Quote: أشي مناحة ؤ اشي سوق عكاز..
يعني اصلو ما نمرق نقضالنا غرد

عاد شن نسو .. كفوة ؤ جاتنا ؤ جابت معاها شماتة كمان
المارقلها أشنو ؤ الحال معطوب
من هنى ؤ لى قدّام اى مداخلة بجيب معاها صبرى تحرسا لى
قالو لميت فى بنت اللذينا ممكن تسلفنا ليها يا مولانا
Post: #81
Title: Re: مداخلاتى الاستكوها
Author: ست البنات
Date: 01-22-2016, 11:25 PM
Parent: #80

تعرف يا جلادونا أخوي الناس ديل غانصين بيهيني بس الزول ما يمشي ياكلو تورمة عيللي
يجي يلقاهون خربولون شي !
اكنو الزول يعني يصوم !!؟

وفي واحدن بس سوالو شعر وقلبوها لقدابة ناس جرير والفرزدق !
والناس ديل بلا شيل الحال ما عندهون شي ضوومة !
الواحد عيللي يحردلهون البيكيين دا !

الله يزوول الحيكومة دي من وشينا فيشان نشوف تاني الاستيك في شينو !
يعني القعد يأستكو في الناس ديل دايرننا نكضب ونقول القشران ديل زينيين !
ست البنات.
Post: #82
Title: Re: مداخلاتى الاستكوها
Author: معاوية المدير
Date: 01-23-2016, 01:33 AM
Parent: #81

Quote: وفي واحدن بس سوالو شعر وقلبوها لقدابة ناس جرير والفرزدق !

http://sudaneseonline.com/board/490/msg/1453379054.html
Post: #83
Title: ذكرى الأستكة السنوية..
Author: قصي محمد عبدالله
Date: 01-23-2016, 06:05 AM
Parent: #82

شايف ودالمدير جاب مرثيتو وجاك..
شكل الفراش سيطول
والرفع ميئوس منه.
شق الجيوب ولطم الخدود وكشيح التراب و الدردقة بالواطة شئ..
،بس أبعدونا من الضرب بالجنازير والسلاسل..
أســـــــــــــــــــــــــــلاف لخير أخـــــــــــــــــــــــــــــــلاف.
Post: #84
Title: Re: ذكرى الأستكة السنوية..
Author: ABUHUSSEIN
Date: 01-23-2016, 06:48 AM
Parent: #83

Quote: يا ود الغالى و ود البشرى و ابو حسين
لو سمحتو امشو اتلاقطو بعيد من بوستينى ده

و إنت لاقي ....؟؟؟؟؟
و ل عايز تتفرغ للعيد .....
Post: #85
Title: Re: ذكرى الأستكة السنوية..
Author: ست البنات
Date: 01-23-2016, 08:30 AM

يا ودا المدير يا أخوي انت قصيدتك دي حائم بها بوكان بوكان !

ما خلاس بشعتبنا !

انت سمح ما تكتبلك واحدي في الناس الأستكونا ديل !

كان كتبتها بنعفيك !

ست البنات.
Post: #86
Title: Re: ذكرى الأستكة السنوية..
Author: محمد البشرى الخضر
Date: 01-23-2016, 09:48 AM

Quote: طيب يا ود البشرى لماذا لم تطولك الاستكةُ
توفيق من الله
أها انجهونا عاد :)
Post: #87
Title: Re: ذكرى الأستكة السنوية..
Author: ABUHUSSEIN
Date: 01-23-2016, 01:46 PM
Parent: #86

Quote: توفيق من الله

😂😂😂😂😂😂😂
حكيتها قبل كدا .. و حا احكيها تاني و تالت و غصبا عنكم تقروها
تضحكو ما تضحكو بي راحتكم
قالو الراجل قال لي صاحبو الليلة انا براي في البيت نشيل لينا مريسة و نمشي نقيل بيها ..
قال ليه جدا ...
مشو شالو ليهم صفيحة مريسة و ماشين البيت
صاحب البيت غاشي البقالة جنب البيت
ادى صاحبو المفتاح قال ليهو امشي قدامي اغشى البقالة و بجيك
صاحبو مشى البيت دخل و قعد يقزقز
الراجل اتأخر في البقالة نقة كتيرة
جاء داخل على المطبخ خت الحاجات و غير هدومو و جاء لي صاحبو في الصالون ..
طواااالي مشى على الصفيحة عشان يبدأ ..
عاين لي الصفيحة و عاين لي صاحبو ...
دا شنو دا ... شربتها كلها ...
قال ليهو :- و الله توفيق من الله ....
😂😂😂😂😂😂😂😂😂😂
Post: #88
Title: Re: ذكرى الأستكة السنوية..
Author: Haytham Ghaly
Date: 01-24-2016, 07:58 AM
Parent: #87

Quote: توفيق من الله
أها انجهونا عاد :)


ههههههههههههههه


اللهم لا حسد

تعرف .. الزول يكون عارفك لايوووق وحا تحكها معاهو

ؤ ما حا تخليهو في حالو

قال احسن اتكافى شر الزول دا

لكن انا وأبو الجل وود خضر الاستكة محمدانا

ومالو... فلنتأستك من اجل الوطن

مافي مشكلة كعب العدم
Post: #89
Title: Re: ذكرى الأستكة السنوية..
Author: محمد البشرى الخضر
Date: 01-24-2016, 08:39 AM
Parent: #88

Quote: ومالو... فلنتأستك من اجل الوطن
يا زووول!!
لأجل الوطن عديل كدا
كبّرتها لكن يا قريبك :)
Post: #90
Title: Re: ذكرى الأستكة السنوية..
Author: Haytham Ghaly
Date: 01-24-2016, 09:17 AM
Parent: #89


Quote: يا زووول!!
لأجل الوطن عديل كدا
كبّرتها لكن يا قريبك :)



كبرتها كيف؟؟؟؟

والله زماان ونحنا طلاب

يكون في مسيرة لي مناسبة نحنا زاتنا ما عارفنها شنو

يجو الكيزان يقولوا لينا : اغبروا ارجلكم في سبيل الله

اها هسة نحنا بنتأستك في سبيل الوطن


المافي شنو
Post: #91
Title: Re: ذكرى الأستكة السنوية..
Author: جلالدونا
Date: 01-24-2016, 06:20 PM
Parent: #90

اخونا ابو روضة فى المنشور ده .. كما يقول سيدنا قصى ..
http://sudaneseonline.com/board/490/msg/%d9%8a%d8%a7-%d8%ac%d9%85%d8%a7%d8%b9%d8%a9--%d9%87%d9%84-%d9%85%d9%86-%d8%a8%d9%8a%d9%86%d9%83%d9%8...8%a7-1453640617.html
منعنا من حاجات كده
اها نرد عليهو هنا بعمل لستات و قوائم
اللستة الفرانكلية
اللستة الغريبية
اللستة التجاهلية
عشان نعمل داتا بيز للاستكة
اللستة الفرانكلية
على دفع الله
ابو العزايم
هيثم غالى
اللستة الغريبية
جمال خضر سيد شهداء الاستكة
اللستة التجاهلية
ملهم كردفان
ابو حسين و ليس فى ذلك شك
اللستة الستوبناتية
و دى تحت التكوين
و اتهام من على ود الفكى
فى انتظار اضافاتكم بس لى رجاء
اللستة الدينقية
ما تمشو عليها
عشان حاجاتنا تمشى صاح و شماتة ود المدير كمان
Post: #92
Title: Re: ذكرى الأستكة السنوية..
Author: ABUHUSSEIN
Date: 01-24-2016, 07:12 PM
Parent: #91

ابو حسين ما برمي مداخلتو ساكت ....
ما اظن اتستكت لي مداخلة ...
و الخايف منو مسح مداخلات و كمان بوستات و من زماااااااان قبل ظهور الاستيكة
Post: #93
Title: Re: ذكرى الأستكة السنوية..
Author: جلالدونا
Date: 01-25-2016, 04:15 PM
Parent: #92

فى تطوّر لافت
الاستكة طالت التواقيع ..
كان عاجبنى توقيع قصى
الراس فيهو كتير بس خايف من خورنة بكرى و استكة الزملاء
و المشرف الما لحق يتهنّى بى توقيعو
الا بالجد زعلان لى ود البشرى بتاع اعرف الحق تعرف اهله
_________
الاستكة لنا و لسوانا
توقيعى الجديد
Post: #94
Title: Re: ذكرى الأستكة السنوية..
Author: ABUHUSSEIN
Date: 01-25-2016, 09:18 PM
Parent: #93

في استكة ليها ضل ظاهرة في الصفحة الأولى لا تخطئها العين ......
يعني كم شهيد زادوا....
و المأستكين زادوا واحد........
Post: #95
Title: Re: ذكرى الأستكة السنوية..
Author: ABUHUSSEIN
Date: 01-25-2016, 09:49 PM
Parent: #94

Quote: فى تطوّر لافت
الاستكة طالت التواقيع ..

عجبني لي بتاع الخلال .........
Post: #96
Title: Re: ذكرى الأستكة السنوية..
Author: معاوية المدير
Date: 01-25-2016, 11:23 PM
Parent: #95

Quote: الخايف منو مسح مداخلات و كمان بوستات و من زماااااااان قبل ظهور الاستيكة


سنة يا الخبرة .

العندو ضهر ما بيتأستك فوق بطنو ...
Post: #97
Title: Re: ذكرى الأستكة السنوية..
Author: جلالدونا
Date: 01-26-2016, 02:13 AM
Parent: #96

Quote:
في استكة ليها ضل ظاهرة في الصفحة الأولى لا تخطئها العين ......
يعني كم شهيد زادوا....
و المأستكين زادوا واحد........

كلامك صاح
بالاضافة للتجاهلية المتعودين عليها
انا كنت شاهد عيان لى مجزرة تاريخ الوهابية
Post: #98
Title: Re: ذكرى الأستكة السنوية..
Author: محمد البشرى الخضر
Date: 01-27-2016, 05:28 AM
Parent: #97

يا شباب .. يا مأستكين
اليوم اكتشفت ان الشريف عرفات أستك مداخلات لي في بوسته - الكل يوم بعنوان مختلف - و الغريبة ساب رده على كلامي
وزي ما قال ليك أسال مأستك ما تسأل خبير, قلنا نشوف رايكم دام فضلكم
Post: #99
Title: Re: ذكرى الأستكة السنوية..
Author: Haytham Ghaly
Date: 01-27-2016, 06:40 AM
Parent: #98


Quote: وزي ما قال ليك أسال مأستك ما تسأل خبير, قلنا نشوف رايكم دام فضلكم



ههههههههههههه

أخيرا

ربنا استجاب لي دعانا

كنا بندعي بظهر الغيب سراً نناجي به الله

الهم اعز المأستكين باحدي اللايوقين اوكلاهما

طبعاً ديل معروفين بالنسبة ليك

طلحتوف او ود البشرتوف

ويا سيدي الجاتك في مداخلاتك سامحتك

واستكة مضمونة ولا ردود مجهجهة

حبابك بين صحابك
Post: #100
Title: Re: ذكرى الأستكة السنوية..
Author: ABUHUSSEIN
Date: 01-27-2016, 06:49 AM
Parent: #99

Quote: أخيرا

ربنا استجاب لي دعانا

كنا بندعي بظهر الغيب سراً نناجي به الله

الهم اعز المأستكين باحدي اللايوقين اوكلاهما

لالالالالالالالالالالالالالالالالالالالالالالالالالالالالالالالالالا يا هيثم ياخ ....
الزول دا مأستك من زماااااااااااااااااااااااااااااااااااااااان... لكن بخجل و بتحسس شوية . ..
تصدق و تآمن أستكو ليه مداخلتين ... بعد خمسة دقائق قام فتح بيهم بوست و جاب المداخلتين مكبشرات ....!!!!!!
شفت ليك زول بكبشر مداخلاتو .....؟؟؟؟
أهو الزول دا ....
Post: #101
Title: Re: ذكرى الأستكة السنوية..
Author: محمد البشرى الخضر
Date: 01-27-2016, 07:09 AM
Parent: #100

هوي ابوحسين يا فقر ما تشنّع علي وتطلّع اشاعات, جيب دليلك

يا هيثم الفرق انو الشريف عرفات رد علي و خلاها كم يوم حتى جا استكها بعد كدا و خلى رده
ما فاهم الفكرة شنو, هل عايز يضيف البوست للسيرة الذاتية للشريف التاني المرشح لرئاسة الجمهورية يمكن؟
انتو فرانكلي استككم حار حار اظن بدون ما يقرأ مداخلاتكم زاته هههههه
Post: #102
Title: Re: ذكرى الأستكة السنوية..
Author: Haytham Ghaly
Date: 01-27-2016, 07:11 AM
Parent: #100


Quote: الزول دا مأستك من زماااااااااااااااااااااااااااااااااااااااان... لكن بخجل و بتحسس شوية



طيب ياخ شابكنا ما تنجهونا وما ادراك

وكت هو بتأستك لمن بكبشر مداخلاتو

ما يخليها مستورة

واللذيذة في استكتو دي

انو الرد على مداخلاتو موجود

ودي بستفيد منها صاحب البوست لفرض رؤيته او فكرته على القراء

يعني ميتة وخراب ديار

والله انا كان منك احرد البورد
Post: #103
Title: Re: ذكرى الأستكة السنوية..
Author: جلالدونا
Date: 01-27-2016, 07:20 AM
Parent: #102

Quote: توفيق من الله
أها انجهونا عاد :)

و مالو و نعم بالله
Quote: أسال مأستك ما تسأل خبير, قلنا نشوف رايكم دام فضلكم

العرجا لى مراحا ؤ ...... بس
Quote: الزول دا مأستك من زماااااااااااااااااااااااااااااااااااااااان... لكن بخجل و بتحسس شوية . ..
تصدق و تآمن أستكو ليه مداخلتين ... بعد خمسة دقائق قام فتح بيهم بوست و جاب المداخلتين مكبشرات ....!!!!!!
شفت ليك زول بكبشر مداخلاتو .....؟؟؟؟

يا زوووووووول !!!!
شوفو المفترى !!!!
Post: #104
Title: Re: ذكرى الأستكة السنوية..
Author: جلالدونا
Date: 01-28-2016, 04:08 PM
Parent: #103

الخالدى الضلالى
يمين الله فى البوست داك .. معركة ذات العواطف المكوزنة ... طلع نبى عديل كده
بوست بى شحمو و لحمو بلعت يتبلع
Quote:
غايتو اذا استيكة مافي
ونهي تغير عنون
وبابو خور
بفتش الهارديسك طواااالي

و النعمة انتا كويس يا ضلالى
Post: #105
Title: Re: ذكرى الأستكة السنوية..
Author: الصادق الخالدى
Date: 01-28-2016, 04:50 PM
Parent: #104

تعرف يا جلادونا الكيشة الضلالي
اكتر حاجة عجبتني بهناك
زرزرة ود يس وموولانا ليك
ياخي ديل عصروك عصرة لمن حنيت عليك
تصدق قربت ادافع عنك وجهزت العدة

Quote: الخالدى الضلالى
يمين الله فى البوست داك .. معركة ذات العواطف المكوزنة ... طلع نبى عديل كده
بوست بى شحمو و لحمو بلعت يتبلع

Quote: غايتو اذا استيكة مافي
ونهي تغير عنون
وبابو خور
بفتش الهارديسك طواااالي


و النعمة انتا كويس يا ضلالى


ثم تانيا يا كيشة
البوست لا اتاستك ولا اتحذف
البوست اتغير عنوانو واترحل

عنصرية الأخوان المسلمين(الكيزان)، عاطف عمر مثالاعنصرية الأخوان المسلمين(الكيزان)، عاطف عمر مثالا
Post: #106
Title: Re: ذكرى الأستكة السنوية..
Author: ABUHUSSEIN
Date: 01-28-2016, 04:59 PM
Parent: #105

يا حاقدين اكتبتو البوست .. ؟؟؟؟
انا عارف البوست ما بطول عشان كدا رميت بي كل ذخيرتي و عملت انسحاب تكتيكي ....

ضيعتو علينا الخميس يا حاقدين يا مأستكين ... 😂😂😂
Post: #107
Title: Re: ذكرى الأستكة السنوية..
Author: جلالدونا
Date: 01-28-2016, 05:39 PM
Parent: #106

الخالدى الضلالى الكيشة
- انتا يوم وزّعو العقل ده كنتا قاعد فى اخر الصف
- العصرة اتعصرتها انتا و تشيل و تتحاوى وراى
- وتشيل و تدّلع يا جلجل و با شنو كده ما عارف
_ ياتو يوم ناديتنى فى البورد ده بى جلجل يا كذاب
- لو عندك دليل جيبو ختّو هنا عشان الناس تعرف الكيشة منو
- بعدين حكاية غيرو العنوان دى جبتها من وين البوست رحلوهو بى عنوانو يا كيشة
-----
اسمعنى يا ضلالى
اخونا ود ياسين يمين الله اتعصر لامن بقى يحمّر
ما فضل ليهو الا يقول يا سيدى الحسن تلحقنى و تنجدنى
و كان لى قبقبة مولانا عبد الله ليك .. يمين الله كان ما لحقتك
كان عيونك طلعت من محاجرن
بنلعب نحنا كمان
قال زرزرة قال
زرزور انتا ياخ
Post: #108
Title: Re: ذكرى الأستكة السنوية..
Author: جلالدونا
Date: 01-28-2016, 05:58 PM
Parent: #107

Quote: يا حاقدين اكتبتو البوست .. ؟؟؟؟
انا عارف البوست ما بطول عشان كدا رميت بي كل ذخيرتي و عملت انسحاب تكتيكي ....

ضيعتو علينا الخميس يا حاقدين يا مأستكين ...

اها شفتا شكلتنا الفرتقت الحفلة قبل ما يجى الفنان دى
اسعيتى يجى ود البشرى يقول ليك دى شكلة دى الما فيها يا صفتك و يا نعتك
عاطف زاتو مرّة فى بوست لى ود قبانى عملت لى شكلة كبيرة و نفسى قايم قال لى شكلتك دى لعب ساكت و رمية ماب تجيبا ليك
شفت الناس ديل بتبخس شكلاتى كيف
لكن يا ابو حسين النسعلك
انتا اصلا سريع فى حكاية البرنت اسكرين دى وللا مجهّز العدة من بدرى
Post: #109
Title: مداخلة واحد ياستكو عادي .. لكن بوست واحد يأستكو ده كيف
Author: عمر التاج
Date: 01-29-2016, 01:03 PM
Parent: #108

يانس الاستكة سلام
بوستي الكنت بسال فيه عن البوست المؤستك أمس مالقيتو ..
فتحتو تحت ظلام الليل ونمت .. لمن صحيت قوقل ما قدر يجيبو ..
البوست عنوانه الصحافة ظلط جنمب أحمد شرفي (مداخلة واحد ياستكو عادي .. لكن بوست واحد يأستكو ده كيف)
الشافو عليكم الله يوريني ليهو .. والعارف الحصل فيهو وراي شنو يكلمني .. والشالو ان شاء الله ما يتني ..



..
..
الواحد ماينوم تاني ولا شنو؟
Post: #110
Title: Re: مداخلة واحد ياستكو عادي .. لكن بوست واحد يأ
Author: ABUHUSSEIN
Date: 01-29-2016, 02:19 PM
Parent: #109

Quote: لكن يا ابو حسين النسعلك
انتا اصلا سريع فى حكاية البرنت اسكرين دى وللا مجهّز العدة من بدرى

يا زول الكلام الانا جبتو دا موجود في الارشيف بس انت تتذكر الحاجات و تمشي تجيبها ...
الحيرني هو البدأ بالاساءة و جا عامل فبها الود شفت ...
و البحير اكتر عندو جوز كدا جاهزييييين في اي وقت يجوك بي دفاع يحيرك لو قال يمين هم جاهزين يمين بس و لو بكره قال يسار كسر رقبة يسار ....
و بعدين انا الفلم دا انا عارف نهايتو شنو ف كبيت العندي كلو و الحمد لله ما راح شمار في مرقه ... 😂😂😂😂
Post: #111
Title: Re: مداخلة واحد ياستكو عادي .. لكن بوست واحد يأ
Author: جلالدونا
Date: 01-29-2016, 05:36 PM
Parent: #110

Quote: يانس الاستكة سلام

يا الف مرحب... خبارك .. خير ان شاالله خير
Quote: بوستي الكنت بسال فيه عن البوست المؤستك أمس مالقيتو ..

يا زووووول
Quote: فتحتو تحت ظلام الليل ونمت .. لمن صحيت قوقل ما قدر يجيبو ..

ياتو بوست ده
Quote: البوست عنوانه الصحافة ظلط جنمب أحمد شرفي (مداخلة واحد ياستكو عادي .. لكن بوست واحد يأستكو ده كيف)

هى لكين عنوانك ده ما براهو بجيب الاستيكة خليك حريف و لفو فى ورق سولفان و ألعبا كده
https://www.google.com/url؟q=http://sudaneseonline.com/board/480/msg/%25D8%25B3%25D8%25A8%25D8%25AD%25D8%25A7%25D9%2586-%25D8%25A7%25D9%2584...ImC3v-PcxsttCwSyz4Iw
Quote: الشافو عليكم الله يوريني ليهو .. والعارف الحصل فيهو وراي شنو يكلمني ..

تصّدق شفتو و كمان رميتلى مداخلة فيهو ... منو العوض و عليهو العوض
كفارة ليك و الاستكة ماب تكتلّها زول ...... زول تقرأ رأى ...
Post: #112
Title: Re: مداخلة واحد ياستكو عادي .. لكن بوست واحد يأ
Author: عثمان عووضة
Date: 01-30-2016, 01:41 AM
Parent: #111

يعني شنو استكة؟
يعني حاجة كدة زي المنتشة يعني؟
Post: #113
Title: Re: مداخلة واحد ياستكو عادي .. لكن بوست واحد يأ
Author: معاوية المدير
Date: 01-30-2016, 02:15 AM
Parent: #112

Quote:
الخالدى الضلالى الكيشة
- انتا يوم وزّعو العقل ده كنتا قاعد فى اخر الصف
- العصرة اتعصرتها انتا و تشيل و تتحاوى وراى


النصيحة لله اللِتنين عصروكم،
انا كنت قاعد إتلبّد بهناك ...
Post: #114
Title: Re: مداخلة واحد ياستكو عادي .. لكن بوست واحد يأ
Author: ABUHUSSEIN
Date: 01-30-2016, 05:20 AM
Parent: #113

Quote: يعني شنو استكة؟
يعني حاجة كدة زي المنتشة يعني؟

يا زول انت ناس المؤتمر الوطني طنشوك قلت تشتغل ديك عدة و ل شنو ....؟؟؟؟
استكة من استك يأستك أستكةً
الفاعل منها المأستك
و المفعول به منها هو المتأستك...
و الله أعلم ....
و قوم لف
Post: #115
Title: Re: مداخلة واحد ياستكو عادي .. لكن بوست واحد يأ
Author: عثمان عووضة
Date: 01-30-2016, 10:57 AM
Parent: #114

ياعادل حسين عليك سيدي الحسن
استك اللباس معاهن ولا نقوم ناكل تبن؟
Post: #116
Title: Re: مداخلة واحد ياستكو عادي .. لكن بوست واحد يأ
Author: معاوية المدير
Date: 01-30-2016, 11:06 AM
Parent: #115

Quote: استكة من استك يأستك أستكةً
الفاعل منها المأستك
و المفعول به منها هو المتأستك...

،
وآلة الأستكة هي اللِستيّكة وليست اللِستِكة ...
Post: #117
Title: Re: مداخلة واحد ياستكو عادي .. لكن بوست واحد يأ
Author: عثمان عووضة
Date: 01-30-2016, 11:14 AM
Parent: #116

يا ود المدير انت ما عارف الفقر دا
غتيت ومضلل
شوف عشان تضليله لي دا انا وديتها
للباس
Post: #118
Title: Re: مداخلة واحد ياستكو عادي .. لكن بوست واحد يأ
Author: ABUHUSSEIN
Date: 01-30-2016, 11:21 AM
Parent: #117

Quote: شوف عشان تضليله لي دا انا وديتها
للباس

الله يسألني براااااااااااك عايز تمشي ليه لكن رميتها فيني .... لقيتني مسكين و بريئ و رميتها فيني ...
اسمع قوم لف ...
اليومين ديل طلحة مرتااااااح لقى ليهو لفاف بدلو ...
Post: #119
Title: Re: مداخلة واحد ياستكو عادي .. لكن بوست واحد يأ
Author: معاوية المدير
Date: 01-30-2016, 11:24 AM
Parent: #118

Quote:
يا ود المدير انت ما عارف الفقر دا
غتيت ومضلل
شوف عشان تضليله لي دا انا وديتها
للباس

هههههههه،

ياخي الزول دا برئ ان بعرفو كويّس ...
Post: #120
Title: Re: مداخلة واحد ياستكو عادي .. لكن بوست واحد يأ
Author: عثمان عووضة
Date: 01-30-2016, 03:47 PM
Parent: #119

والله كان بتعرفو ماعارف
ياخي شفت الزول القصاد النسوان المادي رويسه بي شباك القطر
حقك ده؟
ياخي دا ماياهو المجرم دا ذاتو
اسعلني منو ياخي
Post: #121
Title: Re: مداخلة واحد ياستكو عادي .. لكن بوست واحد يأ
Author: جلالدونا
Date: 01-30-2016, 04:06 PM
Parent: #120

ههههههههه
تصدّق ياهو ذاتو
و انا اقول من زمااااان يا ربى الزول ده انا شايفو وين
Post: #122
Title: Re: ذكرى الأستكة السنوية..
Author: الصادق عبدالله الحسن
Date: 01-31-2016, 11:21 AM
Parent: #100

=

Quote: يا أخوانا، نادم على حذفي لمداخلة للصادق عبد الله الحسن في واحد من بوستاتي الكتيرة دي،
أعتذر على ذلك وأشهد أنها سلوك لا يليق بمستنير

تعرف يا جلال أن يحذفك فرانكلي فهذا سلوك يختلف حوله الخلق
وقد يختصمون حول النفع أو الضرر على من وقع عليه فِعل الأستكة الفظ.

أما أن يحذفك "المستنير" (أبو بكر "البغدادي") فهذا شرف لا يدانيه شرف
خصوصاً وأنني انفردت حصرياً بهذه المكرمة.
فالمستنير ذكر في المقتبس أعلاه أنها المرة الوحيدة التي
أضطر فيها أن يستل سيف الاستنارة البتار ويحز به عنق
تلك المداخلة اليتيمة.
http://sudaneseonline.com/board/490/msg/%D8%A7%D9%84%D8%A3%D8%B3%D8%AA%D9%83%D9%88%D9%83-1454235292.html

تحياتي له ولضيوفك ولك
...
..
.
Post: #123
Title: Re: ذكرى الأستكة السنوية..
Author: Haytham Ghaly
Date: 02-01-2016, 05:17 AM
Parent: #122


للضمان كدا يا أبو الجل وعشان ما تبقى زي ود البشرى

تكبشر مداخلاتك براك قلنا نعمل فيك خير عملاً لله ونكبشر مداخلتك الاتكسرت فيها في بوست فرانكلي

شفت انا بعزك قدر شنو


Quote: يا فرانكلى سلام و عساك طيّب
مجرد توصيات ليس الا و الغرض منها مزيد من التغبيش و التخدير له1ا الشعب الطيّب
و ينطبق على كلامن قول اهلنا
عيش يا حمار لمّا يقوم العيش
______
يا فرانكلى ياااخ لو فى حاجة بيناتنا اسألك السماح
و ان بقى مافى العفو لله و الرسول

____
حبيبنا عبد الرحمن الخليفة شكرا ليك يااخ
دايما تاعبك معاى بالنصيحة و الارشاد
Post: #124
Title: Re: ذكرى الأستكة السنوية..
Author: جلالدونا
Date: 02-01-2016, 07:01 AM
Parent: #123

هههههه
مداخلتى يا غالى بى توجيه من الخزيز ود الخليفة عملت ليها تعديل
و يلهل ديك قاعدة
عاجبنى اسمك قاعط و ما عندك مداخلة
الله يكون فى عونك و عونو
و زعلتك فتلت البوست ياااخ
Post: #125
Title: Re: ذكرى الأستكة السنوية..
Author: جلالدونا
Date: 02-01-2016, 07:07 AM
Parent: #124

يا غالى مداخلتى قاعدة و تحمد الله
و كمان معاها واحدة فوق لزوم ما لا يلزم
الكلام انتا شايف اسمك و ما عندك مداخلة
تكون كاتبا بالحبر السرى
Post: #126
Title: Re: ذكرى الأستكة السنوية..
Author: Haytham Ghaly
Date: 02-01-2016, 07:20 AM
Parent: #123



طبعاً صاحبك جا استك مداخلاتي هناك

وابقى على مداخلتك لانها صادفت هوى في نفسه واشبعت غروره

هذا الفرانكلي فعلاً يشبه حكومته المريضة

تعرفو يا شباب

انا اكتشفت انو علاقة الكيزان بالاستيكة قديمة جداً

منذ الازل .. يعني ما في البورد دا ؤ بس

يعني عمركم ما سألتو نفسكم من وين جات تسمية : استاكوزا


عزبتونا معاكم

جني وجن الناس الملاحظتم ما قوية
Post: #127
Title: Re: ذكرى الأستكة السنوية..
Author: جلالدونا
Date: 02-04-2016, 01:40 PM
Parent: #126

Quote: استاكوزا

سمعنا بيها يا غالى لكن كمان سمعنا بى طلحةكوزا برضو
Quote: أيمن
أنا مسحت ليك المداخلة الحاولت فيها تتخابث دي .

شوف جنس ده استكة و معاها قوّة عين
تقول لى كيزان
كوز انتا ياااخ
Post: #128
Title: Re: ذكرى الأستكة السنوية..
Author: طلحة عبدالله
Date: 02-04-2016, 01:57 PM
Parent: #127

اتا يا جلالدونا لسة حايم ببوست التشكي دا ..؟
خلاص سمعنا وأعلنا التضامن وقدمنا العزاء .. أما حان الوقت لرفع الفراش ؟
أنا أول مرة أشوف لي فراش مدتو شهور .. اتا لو منتظر العالم كلو يجىء يعزيك كان العزاء إنتهى .
ما علينا .. أيمن دا جاء هناك كضب وحاول يتخابث كايس التعاطف فمسحت ليهو المداخلة البشحذ بيها
تعاطف دي بس عشان ما بقبل غش المتابعين لبوستاتي ..خخخخخخ
.. لكن باقي كلامو الخارم بارم كلو قاااااااعد أمشي شوفو ...وبعدين عايز أشوف ثباتو على موقفو لما قال
البمسح لي مداخلة ما بدخل بوستاتي .. بيني وبينك أنا زاهد في الكلام معاهو ..أنا أحب الآكشن وأستمتع
أيما استمتاع بإكروبات العاملين فيها شتماين زي عمك ود الباوقة القال لي هلفوت وقليل أدب ..
وكلامو عن هلفتي وقلة أدبي قاعد في بوست الرش أتصبح بيهو كل يوم وأموووووووت بالضحك عليهو .
Post: #129
Title: Re: ذكرى الأستكة السنوية..
Author: جلالدونا
Date: 02-11-2016, 01:34 AM
Parent: #128

نحيى صحايا الاستكة المنضمين حديثا
و نرجو منهم التكرم بالحضور و التوقيع
خاضة ضحايا الفرانكستكية
____
غايتو الاستكة دى انا بحسبا عنصرية
Post: #130
Title: Re: ذكرى الأستكة السنوية..
Author: جلالدونا
Date: 06-17-2016, 07:43 AM
Parent: #129

اهداء للعزيز ابوجودة
و ترحيب خاص بى انضمامو لضحايا الفرانكستيكية