لى سيرة الابداع و المبدعين فى بلادىو خالد الذكر الراحل عمر الطيب الدوش لؤلؤة تتوسط عقدهم المرصّع بالروائعو بعزم كل زول يجى يرتاح هنا و بتحفنا بما يعرف عن هذه القامةالتى اهدت الوطن كل الجمال
السلام عليكم وكل سنة وانت تأمين ولامين فعلا يا جلال بناديها وباحسن تحية بحييها عشان خضرتها وتلالها وجبالها وصحاريها وغاباتها ونيلها وبقوليها كل سنة وانت طيبة امى الحبيبة كلك محنة وطيبة تحياتى لاغلى أم
Post: #6 Title: Re: بناديها Author: mohamed karib Date: 01-02-2016, 00:05 AM Parent: #5
الأخ الحبيب جلال .. وضيوفه الكرام ..مجرد ما ذكرت كلمة بناديها .. تذكرت أغنيةالفنان القدير الراحل والمقيم فى قلوبنا .. الفنان المبدع .. محمد وردى .. وأغنية " بناديها " ..وهذه فى حفلة من حفلاته فى اثيوبيا .. أرجو أن تستمعوا الى المقطع الأول عن السودان .. وهذه فرصة جميلة بمناسبة عيد الاستقلال .. وكل سنة وانتو طيبين .. والأغنية الثانية هى اغنية بناديها ..وكم كان جميلاً أداء الفنان وردى فى هذا الاحتفال ..يا حليل سودان زمان .. وناس زمان .. وفنانى زمان ..الرب يبارك حياتكم ..أخوكم وعمكم العجوز ..ارنست+++
Post: #13 Title: Re: بناديها Author: mohamed karib Date: 01-02-2016, 09:05 AM Parent: #12
ود الكارب يا حبيب سعيد بالطلة و اثراء الخيط بالروائع بلد جميل و ناسو كرام و عزاز و زهرة ياسمينو ابداع تمثّل فى شخوص من تواضع البساطة انتجوا فخيم المعانى حميّد الدوش الشريف ثم رحلوا رحمة الله تغشاهم اجمعين
عمى العجوز عاطف كيفيك يا حبيب و كل سنه و انتا طيّب ___ بناديها الدوش كما عزّه الخليل من شاكلة الرمزيات الزاخرة بالمعانى و المحشودة بالجمال تحس بيهو شغل عادى لكنو ما اعتيادى العزومه ياها العزومة و الراحة ياها الراحة حاجات عادية فى حياتنا و كل واحدة بى دربا بس لامن اتلمّن سوّن العجب العجيب داك البخلى الزول مشدوه و فاتح خشمو يا سلام عليهم يااخ
ولمّا تغيب عن الميعاد بفتِّش ليهَا في التاريخ واسأل عنَّها الاجداد واسأل عنّها المستقبل اللسّع سنينو بُعاد بفتِّش ليها في اللوحات مَحَل الخاطر الما عاد في شهقَة لون وتكيَة خط وفي أحزان عيون الناس وفي الضُّل الوقَف ما زاد بناديــــــهَـا
اظنها رمزية اولي قبل جيل عاطف خيري والرمزية الكثيفة وبعد رمزية عزة الدوش كان شاعرا حلوا صادقا تناسب لغته البسيطة في تصاوير مدهشة وانا يا سعاد بت بلاك ملعون هواي ان كنت ارضي اعرسها وسعاد هي من سقتنا رحيق العزة وبسأل عنها الضل الوقف وما زاد
الرائع جلال سلامات اعتقد ان الشاعر عمر الطيب الدوش واحد من الثروات القومية التى اثرت وجدان الشعب السودانى وتظل كلماته نبراس تضئ دهاليز القلوب المحبة والنفوس الولهة تتناجى روعة الدواخل بالجمال الاخاذ وايضا تعتبر شهادتى مجروحة فى الفنان الرائع مصطفى سيد احمد لاننى اعتبره حاجة فوق عقل التصور وفوق يقين صدق انفعالى وعندما تلتقى روعة عمر الدوش بالتطريب العالى والسامى لمصطفى سيد احمد عندها تتوقف عجلة الجازبية الارضية ويتوقف الزمن فى جلال لهذا الامتاع اللامتناهى اهديك رائعة الدوش سحابات الهموم
سحابات الهموم ياليل بكن بين السكات والقول وباقات النجوم الجن يعزن في المطر فاتن عزاك رجعن وشوق رؤياك زمان مشدود على أكتاف خيول هجعن وصوت ذكراك مكان يجرى يلاقى السيل وسر مدفون بصدر النيل ولو لا الذكرى ما في أسف ولاكان التجني وقف وصوت ذكراك رزاز صفق على خطوات بنات سجعن وشوق رؤياك حنين لي رحلة في المجهول ولولا الذكرى ما في وصول ولولا الذكرى ما في أصول ولولا الذكرى ما في شجن
يا سلام عليك يا ابو الجل وردي هو فناني المفضل...و اشعار عمر الطيب الدوش هي المفضلة عندي الرمزية و عدم المباشرة عنده هي ما يحببني اليه...هذا الشاعر لم يجد حظه من الاهتمام و التمحيص لشعره الذي يليق به و بعبقريته..اجمل اغاني وردي عندي هي ما انتجه هذا العبقري و كما زكر وردي فقد اتعبه كثيرا في التلحين... الحزن القديم و بناديها رفيقاتي واستمتع بهن
حاضر يا حامد الصاوى اخوى نواصل دون اكتراث دوشنا رحمة الله عليه من مواليد سنة الفيضان 1948 و هو فى الثانوى منتصف الستينات كانت الود ديك البقول فيها شوقى ال ليك طوّل لسه معاى و لى بكره لسه معاى عاد ده شاعرن ساهل
Post: #31 Title: Re: بناديها Author: أحمد محمد عمر Date: 08-04-2017, 09:18 PM Parent: #29
سلامات هيثم الغالي جيت ماري قبيل في المنبر وقريت مداخلتك في البوست الفات مشيت جبت لي تراب قلت أحرر معاك المديدة لكن انشغلت وما كتبت الرد جيت بعد كم ساعة لقيت الجماعة ردموك وجريت واطي قلت خلاص أجي أدورك بالمساء على التخاذل بتاعك لقيت بكري لحق البوست بالطبلة هسة شايفك زغت من الحجازين وقمت تاني تحرر في المديدة أها يا زول واصل مجهوداتك ونحن من خلفك نشد من أزرك مع خالص الأمنيات بآكشن نضيف
Post: #32 Title: Re: بناديها Author: أحمد محمد عمر Date: 08-04-2017, 09:22 PM Parent: #31
عز الدين ابو ظبي أمشي من دربك دة افتح بوست الردم انت أمسك جلالدونا وانا وهيثم الغالي بنمسك ليك الحجازين بس خليك حريف .. مافي داعي لخروف ونعجة وجنس الشتائم السوقية دي عشان ما تدي طبلة بكري فرصة
Post: #36 Title: Re: بناديها Author: أحمد محمد عمر Date: 08-05-2017, 06:56 PM Parent: #34
رغم إنه قصيدة سعاد كلها على بعضها كدة روعة متكاملة إلا إنه فيها حتات بعذبني (مرقت من جيب القميص تمباك وحب .. عرقي وأسف) شوف بالله العبقرية في ربط التمباك بالحب والعرقي بالأسف
عمك صالح ود قنعنا لمن نهروهو وقالو ليه شد الحمار وانده سعاد قال : (ما مهم شد الحمار إذا نهايتو نشوف سعاد)
طه المدرس ود خدوم قال لطلبته : (اكتبوا التاريخ خمستاشر سعاد أول)
__________ القصيدة كنت شبه حافظها وعندي ديوان الدوش نسخة ورقية .. مع الأسف النسخ الموجودة على النت فيها أخطاء كبيرة بس ما بتساوي أي حاجة قدام خطأ الكابلي وتزويره لكلمات الأغنية بما يتناسب مع التوجه الاسلاموي للبلاد وقت غناءها
شهر و يومو تحل الذكرى التاسعة عشر للرحيل اتمنيتك تكون حى عشان اشوف جوابات الوطن بقن كم و حال البلد صبح كيف ++++ فتَحتَ جوابك الأوّل لقيتَك لسَّه يا وطني بتكتب بالعَمار والدم و لسَّه بتسْكَر أمدرمان على الشارع.. وتتْكوّم وتمْرُق من صَدُر مسلْول نهودهْا تَدُوسن العربات ترضِّع فى الكلاب مشنوقَهْ من عينيهَا في الساحات وتضْحَك في زمن مسموم و لسَّه بترقُد الخرطوم تبيع أوراكْها للماشين تَطِل من فوق عماراتهْا وتَلِز اطفالهْا في النيلين وترجع للرُقاد تاني اشوفك في جواب تاني
