Post: #2 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-28-2015, 04:59 PM Parent: #1
Quote: (رفيق النسمة ) رفيق النسمة في جمة مقيلو رهييف والحنان نفحة خميلو وكت يبسم تقول الدنيا هيلو وكان طلب النجم بسراع يجيلو *** افجلو في براح الحن واشيلو ومنو وليهو بَحرَد واشتكيلو حروف الشوق براها بتتحكيلو وماشفتو الوجع ساعة رحيلو *** اسامر طيفو واصحى مع هديلو واصحي أم طوق أقولها انصيتلو تقول لي الوافي مافي نغم متيلو وفاق في سجعو للطربان نخيلو *** وبطراهو الزمان انا كت دليلو وكنت بقاسمو دمعاتو البسيلو أنادي الفرحه من وين وين تجيلو وأقول للحسره اوعى تقربيلو *** التقول الطيبة راوي جروفها نيلو والتقول القمري من ما قام خليلو واريتو الحال معاهو يتم جميلو واشوف الراسي يقدل فوق عديلو
Post: #3 Title: Re: (رفيق النسمه) خالد شقوري ومحمد النصرى.. Author: doma Date: 12-28-2015, 09:55 PM Parent: #2
يا سلام يامحمد بابكر محمد النصري دا مبدع والله واغاني الطنبور بتقطر محنه والم وشوق وحاجات كتيره شكرا لهذا الابداع ولاشراكنا
Post: #4 Title: Re: (رفيق النسمه) خالد شقوري ومحمد النصرى.. Author: doma Date: 12-28-2015, 10:05 PM Parent: #3
Quote: افجلو في براح الحن واشيلوومنو وليهو احردو واشتكيلوحروف الشوق براها بتتحكيلووماشفتو الوجع ساعة رحيلو
مالك علينا يا محمد بابكر دا كلام ينزف القلب الحجر
Post: #5 Title: Re: (رفيق النسمه) خالد شقوري ومحمد النصرى.. Author: ياسر السر Date: 12-29-2015, 07:29 AM Parent: #4
محمد النصري ولد لان يكون فنانا فقط ... ولا ازيد شكرا د . محمد بابكر على هذا الالق والجمال .. تحياتي : ياسر العيلفون ....
Post: #6 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-29-2015, 09:17 AM Parent: #5
Quote: مالك علينا يا محمد بابكر دا كلام ينزف القلب الحجر
ما أخير لينا يا زينب من وجع القلب الحايم فى المنبر ده ؟ .. تحياتى لك ..
Quote: محمد النصري ولد لان يكون فنانا فقط ... ولا ازيد شكرا د . محمد بابكر على هذا الالق والجمال
صدقت والله..تحياتى لك يا ياسر..
Post: #7 Title: Re: (رفيق النسمه) خالد شقوري ومحمد النصرى.. Author: عبيد الطيب Date: 12-29-2015, 11:07 AM Parent: #6
Quote: اسامر طيفو واصحى مع هديلوواصحي أم طوق أقولها انصيتلوتقول لي الوافي مافي نغم متيلووفاق في سجعو للطربان نخيلو
الزول دي عجيييييبياخ دي نغم السرور، هديلو وقوقاي القميرية أم الطوق ، وكمان الرَّاك في فروعو التريانة وطربانةشكرا لك يا دكتور محمد لأهداءنا الدعاشة الخريفية ، والممنبر تلاله قفر وممحلة، ووقَّات سمومه تلفح العابرينوبمناسبة فقعته في أخر المقتيس"وفاق في سجعو للطربان في نخيلو"أهديك هذه المربوعة لشاعر كباشي:الليل الصعيد شال وإتخلف برَّاقووالفرع لولتو الزَّيفة وكرس نقناقوالليل إتّلت..وهجعوا المساهرين راقووحن قلب الموالف لي بلود عُشَّاقومعزتي لك ولزوار "رفيق النسمة"التي شاشت للحنايا ونشَّت الدواخلبكلماتها الأنيقة النضرة، وصوت النصري الشَّجي، كأنها تهشُّ علي دواخلنا
Post: #8 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-29-2015, 11:36 AM Parent: #7
Quote: أهديك هذه المربوعة لشاعر كباشي:الليل الصعيد شال وإتخلف برَّاقووالفرع لولتو الزَّيفة وكرس نقناقوالليل إتّلت..وهجعوا المساهرين راقووحن قلب الموالف لي بلود عُشَّاقومعزتي لك ولزوار "رفيق النسمة"
كتر خيرك ولك المعزه والتقدير يا عبيد..
Post: #9 Title: Re: (رفيق النسمه) خالد شقوري ومحمد النصرى.. Author: عمر عثمان Date: 12-29-2015, 12:14 PM Parent: #8
من هو شاعر هذهالكلمات الباذخات
Post: #10 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-29-2015, 12:40 PM Parent: #9
الكلمات للشاعر خالد شقورى متعه الله بالصحة والعافيه..
Quote: خالد عباس احمد علي شقوري .. أسامة حمزةمن مواليد كسلا - 1968 .. تربي وترعرع بها وتشرب حبها وحنين اهلها وارضها الطيبة .. متزوج واب لــ طلال - نصر الدين - مروة - الفياض عرف باسلوبه الخاص ونفسه الشعري المميز .. يمتاز شعره بدقة التصوير والبراعة والمفردة الخاصة ..كتب في مجالات عديدة وله الكثير من الاعمال المغناه ..وتغني له عدد كبير من فناني الطنبور منهم كمثال - عثمان اليمني ود المساعيد - صديق احمد - عبد الرحيم البركل - الطيب وداعة عبد الرحيم ارقي - ياسر الحجير - هيثم قنتي - معتصم ابراهيم - حنان النيل - ميرغني النجار - معاوية المقل - جعفر المنصوري - عبد الرحمن الكرو -عمر النافعاب - قرشي الحجير - يعقوب تاج السر - الواعد جبريل شقوري - محمد النصري - طارق العوض -عبد العظيم منصور - خالد محجوب الصحافة - ثنائي العامراب - جعفر السقيد - ود المساعيد -ومن ساحة الوسط - حمد الريح عبد القادر سالم سد مروي -عادل مسلم وعصام محمد نور نهي عجاج - رفيعة ابراهيم - الجمري حامد - سبت عثمان - حامد كسلا ادروب - عاطف السماني وليد زاكي الدين نبوية الملاك - سمية حسن - اسرار بابكر - المطربة صباح - عوض كسلا - انصاف مدني الامين عبد الغفار ومجذوب اونسة علي اللحو عمر احساس عبير علي والخطيب - ورد العمر - - كما كتب العديد من المدائح النبوية قـدمتها المادحة فيحاء محمد علي واصوات اخرين لايسع المجال لذكرهم عمل بالاعلام السوداني وقدم العديد من البرامج في الاذاعة والتلفزيون القومي واذعات ولائية مختلفة ..مثل نادي الطنبور - سهرة بلدنا - صباحك يابلد - الزول السمح الاذاعة القومية - طنبور ودليب بقناة هارموني - الشوق للبلد بقناة قوون - اشواق الطنابرة تلفزيون الولاية - اولاد بلد التلفزيون القومي - عشانك ياوطن و صفحات شعبية اذاعة كسلا - اجراس وانفاس بتلفزيون كسلا - رئيس تحرير مجلة اصداء الشرق كسلا - مقالات واعمدة بصحف مختلفة - ممثل السودان في الوفد الشبابي باسمرا واديس والقاهرة وسوريا - شارك في مهرجانات كبري باستادي المريخ والهلال وقاعة الصداقة - عضو لجنة تحكيم مهرجان الابداع العسكري ومهرجان الشباب - عضو لجنة تحكيم مهرجان الناشئة القومي عضو لجنة الخرطوم عاصمة الثقافة العربية 2005 م مشرف دائم بمهرجانات الدورة المدرسية القومية الايام المفتوحة للاعياد والمناسبات 1990 - 2010 م - تسجيلا باذاعة عطبرة ودنقلا والقضارف ومدني يمتاز خالد شقوري بخصوبة الخيال الشعري ويتجلي لنا ذلك من خلال عدد من القصائد مثل الوريقة ام مية وسحلية في استاذ الخرطوم وحكاية الحاجة مبروكة وتمرة في قلب الخرطوم وهي قصائد اخذت الطابع الحلمنتيشي الدرامي وذلك من خلال الحوار الهادف الذي نلحظه في كل قصيدة واذا اخذنا في ذلك مثالا قصيدة سحلية في استاد الخرطوم التي بين لنا خالد من خلالها الفرق الواضح مابين حياة ابن المدينة وابن الريف او القرية والاختلاف مابينهما في التفاصيل الحياتية اليومية والفهم العام لحياة كل منهما .. ان تقديمي للاخ خالد شقوري يأتي من معايشتي الشخصية له كصديق قبل ان يكون كشاعر فقد جمعتني به تفاصيل ومواقف وايام توطدت علاقتنا معا ً .. ويمكن القول انني عايشت لحظات ميلاد عدد كبير من قصائده وعشت معه كل حروفه النابضة بالاحساس .
Post: #11 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-29-2015, 05:29 PM Parent: #10
Post: #12 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-29-2015, 05:35 PM Parent: #11
Quote: و قفت بعد حلبت لبينة الشاي تكورك يا الحسنيا أم الحسن وينو الحسنلمن صفت رغوة شخيبات اللبنفي حلتا المبنية من طبق السكنواقفة في حوش البهايم ولسع تكورك يا الحسنجاها حسع من بعيد مارق من القاطوع وراقال ليها خير يا الحاجي خيرقالتلو خير تعال لي جايدايراك تعنون لي جواب يا الراسي لي ولدي الخديرلا تبقي زي شافع السريريقول لي زين يا يمة زين وزين تبقي بعد شهيروان جاني يكتب فد سطيرأقولو يا سجم السجم انا زي قرايتك ما قريتلكن عويناتي بيفرزن الوريقة البيضاء من لون القلمبعد المغيرب بي شوي جاها الحسن تعبان يسيرالعشى غنمو من الدرب سرقت ندي وشو الهجيرسوتلو شايا بي لبن قرض معاهو حرف فطيرقالتلو بسم الله قول وأكتب وصيتي أنا للخديرالزمن يا ولدي ماحقاهو السنينالبعيش في الدنيا ما بعيش مرتينالعمير فاضلي بس منو اليقينوانت طول في البنادر يا الحبيب لا متينتعال اوريك حق ابوك الجم حقيق حاج اللمينان عرفتو بلا عمار يقولو ولدا عندو طينالعلاج لا تنسي رسلو لي دحينالعوينات يا جناي شوفن ضنينسلامنا ليك مطرز للبنيات والبنين ولو الارض يا ولدي تنشال في الإيدينأنا كت برسلا ليكا في لوري الخزين
Post: #13 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-29-2015, 05:37 PM Parent: #12
Post: #14 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-29-2015, 06:19 PM Parent: #13
Post: #15 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-29-2015, 06:28 PM Parent: #14
Quote: لا تنجع يا الشايل شمسك في جواك خليها تبين للناس تطلعيا النازع فرحة والدة هناك غير حس آهاتك ما بتسمع***يا الناسي اللبقة المفتوحة دي بلاك طوريتك ما بتقرعالمنجل في راس التمرة ناسيهو وامك ما بتطلعالكتقة وقعت والحملان في اللوبي بقت تجري وترتعوالزير الفي بيت الضيفان حرمان لا نزّ ولا نقع*** يا السبت عقابك وروحت وحيات عز بلدك لا تنجعالشتلة تقولك لاتنجع الواطة تقولك لا تنجعالحوض الما رفعت سرابو ينادي يقولك لا تنجعالحبل الما تميت وسيرو يهاتي يقولك لا تنجعوالنيل الفي واطاتنا ترع بيقولك ازرع ولا تنجع*** ماك فاكر يوم داير ترحل وابوك الحاج شايلو عصالا حيلو وقف طقش الابريق اندفق سال فوق المصلاةقام بارى الحيطة واتوكل ويقوم فد مرة ومية يقعويقولك يا المبروك ارجع*** ارجع ارجع يا زول ارجع غير ارضك عاد ما بتلقى بطاحشن داير في بلدا والناس ما فيهن حاس وما فيها صباحالليل الويل مليان اتراح الويل الليل مليان اتراحبياع بيقول افراح افراح زي البيقول تفاح تفاح*** مجلوبة الفرحة ومفروشة من ضحك الناس دايرين ارباحلو كان في ايدن ملك الكون كان لمّو عبير الزهر الفاحكان علمو نفس الزول العاش في سدر الليل داير يرتاحكان حجزوا الغيم في واطاتو وكان آمسكين باعو الارواح*** وين تلقى الفرحة وتتهنى في دارا ضيقي ومافي براحجم ناسا من عين العطشان تخطف ومضات البرق اللاح***سايب اهلك ونخلك راحل قول وين ماشي وين آ صاحالشمس النايري ابت تطلع النيل يا زول اصبح رحراحالضل قصر ما غتى رويس ولدا ساكب عرق الكتاحالواطة ابت تديك الخير ولا انت عليك ما هابي رياح*** قولي وين ماشي ووين غاشي ولي شن سايب بلد الصلاحالنسمة ان جاتك بتجيك ملياني عبير عند الفياحالموية ان داير تلقاها نقاعا واطيب من الراحان درت نغيم الموج تلقى وان درت كمان الطير صداح*** ارجع ارجع يا زول ارجع الضحكة هناك من جوة الجوف الفرحة هناك ما فيها الخوفالشقى ارحم في ضل النيم وبعيد من ناسا واقفة صفوفجم ناس حبان تلقى المكسور مشيول في كتاف واحد مكفوفالجن الاحمر فاقد الحيل في خلوة حاج الخير مكتوفدكان الشيخ فوق الواطة كيمان كيمان ما فيهو رفوف
Post: #16 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-29-2015, 06:30 PM Parent: #15
Post: #17 Title: Re: (رفيق النسمه) خالد شقوري ومحمد النصرى.. Author: عبدالعظيم عثمان Date: 12-29-2015, 06:38 PM Parent: #16
سلامات دكتور محمد بابكرتعرف خالد شقوري مبدع وكتاااااب شديدعمل أم الحسن تجلت فيه عبقرية خالد شقوري الشعريةوإبداع محمد النصري .... دي أغنية مليانة شجن ومحنة
Post: #18 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 12-29-2015, 07:03 PM Parent: #17
الله يسلمك يا عبدالعظيمصدقت فهذا ثنائى عظيم نسأل الله لهما موفور الصحة والعافية ..مع تحياتى لك..
Post: #19 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 04-01-2016, 00:42 AM Parent: #18
..
Post: #20 Title: Re: (رفيق النسمه) خالد شقوري ومحمد النصرى.. Author: محمد الكامل عبد الحليم Date: 04-01-2016, 12:10 PM Parent: #19
تحية
في رونق الاشجان تتمدد ا عبر الحان الطنبور ازمنة تتشتت تواريخها صادحة باحلام انسان السودان في ظلال وصحاري وجبال وغاابات تكوينه ...تخرج عندئذ الالحان لترسو في مقرن النيلين رافعة شارة الانتباه ...هل من مجيب؟
شكرا دكتور محمد بابكر..
Post: #21 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 04-01-2016, 02:46 PM Parent: #20
Quote: شكرا دكتور محمد بابكر..
تسلم يا راجل يا فنان
Post: #22 Title: Re: (رفيق النسمه) خالد شقوري ومحمد النصرى.. Author: Osman Musa Date: 04-01-2016, 03:09 PM Parent: #21
دكتور محمد سلام وجمعتك مباركة . هسع الزول يقول شنو في ديل ؟ شقوري دفق التبر و النصري نقرش الربابة و سبكو . كلام ساهل وصعب وجميل . ياخ يسعد جمعتك ويديك العافية
Post: #23 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 04-01-2016, 06:33 PM
Quote: دكتور محمد سلام وجمعتك مباركة . هسع الزول يقول شنو في ديل ؟ شقوري دفق التبر و النصري نقرش الربابة و سبكو . كلام ساهل وصعب وجميل . ياخ يسعد جمعتك ويديك العافية
ويسعد كل ايامك يا ابوعفان..مافى شئ يتقال والله..قبيل واحده من بناتى التومات لقتنى بسمع فى (لا تنجع) سالتنى عن ( الجر الفى بيت الضيفان حرمان لا نزَّ ولا نقّع) قلت ليها يا بتى اسكتلندا دى ما فيها جَر و اكان لقيناهو بنلقى يابس اها نَزّ ونقّع ديل نشرحن كيف .. عموماً محاولاتى جاريه والحمدلله على كل حال..
Post: #24 Title: Re: (رفيق النسمه) خالد شقوري ومحمد النصرى.. Author: Osman Musa Date: 04-01-2016, 07:26 PM Parent: #23
عليك الله ترجمو ليها جد تها بت عبدالله ود سعد كانت معلمة في عشيرتها عليها الرحمة . وبعدين الكلمات العجيبة والمزركشة بالسماحة في موسم الهجرة الي الشمال هي الحببت الكتاب لي طلا ب الأداب في جامعة كولمبيا نيويورك . .
Post: #25 Title: Re: (رفيق النسمه) خالد شقوري ومحمد النصرى.. Author: حاتم محمد عثمان Date: 04-01-2016, 07:53 PM Parent: #24
لك الود وعاطر التحايا الغالي د.محمد بابكر النصري وشقوري لوحة متفردة يصعب وصفها ,,,
Post: #26 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 04-01-2016, 08:02 PM Parent: #25
Quote: لك الود وعاطر التحايا الغالي د.محمد بابكر النصري وشقوري لوحة متفردة يصعب وصفها
ولك منى الود والتقدير يا حاتم..
Post: #27 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 04-01-2016, 08:08 PM Parent: #26
Quote: عليك الله ترجمو ليها جد تها بت عبدالله ود سعد كانت معلمة في عشيرتها عليها الرحمة . وبعدين الكلمات العجيبة والمزركشة بالسماحة في موسم الهجرة الي الشمال هي الحببت الكتاب لي طلا ب الأداب في جامعة كولمبيا نيويورك
الله يرحم حاجه السره ..الحل يا ابوعفان نوديهم زياره لمتمة ود سعد حيث مسقط الرأس ومراتع الصبا ونوريهم بيت الضيفان والجر النازِّى والنقاع..مافى سكه غير كده يا قريبى..
Post: #28 Title: Re: (رفيق النسمه) خالد شقوري ومحمد النصرى.. Author: معاوية المدير Date: 04-01-2016, 09:06 PM Parent: #27
محمد النصري وُلِد عملاقاً علي مهد الطنبور، فهو إمتداد للعمالقة النعام آدم ومحمد كرم الله وصديق أحمد . سلآم نُقاع ينِز من زير سبيل نديان للتومات ؤ ليك يا الرايع الفنان للفي الغربة يوّت يذكر الحِبان سلآم نديان سلآم تريان وكل منايا نرجع بكرة للسودان نكرُف نسمة الوِديان ؤ نسمع نفحة الاذآن سلآم نديان سلآم تريان ...
Post: #29 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 04-02-2016, 00:22 AM Parent: #28
Quote: سلآم نُقاع ينِز من زير سبيل نديان للتومات ؤ ليك يا الرايع الفنان للفي الغربة يوّت يذكر الحِبان سلآم نديان سلآم تريان وكل منايا نرجع بكرة للسودان نكرُف نسمة الوِديان ؤ نسمع نفحة الاذآن سلآم نديان سلآم تريان
ولك ومن تحب اندى واعطر التحايا والود الذى لا ينضب..
Post: #30 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 04-22-2016, 08:07 AM Parent: #29
Post: #31 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 04-22-2016, 10:29 AM Parent: #30
Post: #32 Title: Re: (رفيق النسمه) خالد شقوري ومحمد النصرى.. Author: د.محمد بابكر Date: 04-23-2016, 11:51 AM Parent: #31
