والله مجرد ما لاحظت ردودها علي البوستات ، إجتاحني شعور لا يوصف . جميل إنك بخير ،،، أهلآ بعودتك لتتحفينا بتجاربك الثره ، وعلمك ، ويومياتك من بلاد العم سام ... وكل شئ منك ممتع ومفيد . مع كل الخير .......................... قبل أن أغادر . سيداتي سادتي ... جاء الحق وزهق الباطل ، ( والباقي تموه خيال )
شكراً الزميل أيمن الصادق علي هذه اللفتة المقدرة في الترحيب بعودة بالاستاذة/ سلمي الشيخ سلامة للمنبر , فسلمي المذيعة وسلمي الصحفية وسلمي الكاتبة المقتدرة في كل انواع القضايا افتقدناها كثيراً خلال الفترة الماضية .فمرحباً بعودة سلمي الشيخ سلامة لقراءها والعود أحمد .
شكرا يا ايمن على ترحيبك ومحبة لكل من افتقدنى ومعزة لكل من سال عنى ويابريمة دخلت بالباب والبوست المنقز ليهو بيهو موصو واشربو عشان ما اشتكيتك واخدت حقى ؟برجع وبكتب وانت اطلع منها تحيات شحمانات لكل من سال عنى وساعاود الكتابة والماعجبه يشرب من البحر اسفة للغة الخشنة لكن فى ناس لازم تحسم امرهم اول باول وما تخلى حقك
احب الهمباتة يا حفيظ احبهم واحفظ بعض اشعارهم واتمنى ان نلتقى فى ساحة الوطن البتولقريبا وبالمناسبة فى همباتية اسمها حليمة الناقة والاسم ناتج عن طولها \هكذا حدثتنى حفيدتها ذات عام مضى وكتبت عنها من خلال حكاية حفيدتها عنها مالقيت النص للاسف ربما فى ارشيف جريدة الخرطوم للعام 2006 تحياتى واقعد عافية لقمتك دافية يا ابو نية صافية
Quote: ويابريمة دخلت بالبابوالبوست المنقز ليهو بيهو موصو واشربوعشان ما اشتكيتك واخدت حقى ؟برجع وبكتبوانت اطلع منهاتحيات شحمانات لكل من سال عنىوساعاود الكتابة والماعجبه يشرب من البحراسفة للغة الخشنةلكن فى ناس لازم تحسم امرهم اول باولوما تخلى حقك
كذبت من أول لحظة .. شكلك جيتى متسلله أو مدسية براحة .. والأخ إيمن قبض أثرك.والله يا سلمى أنا بريمة ذاتى .. لم تهز فينى أقوال الناس شعرة .. ومرحب بعودتك ولا خصومة شخصية، أنت أخت كريمة ومعززة بين بنى وطنك .. أنما أختلاف أراء وخصومات فكرية .. وسوف يكون الدواس حول الخصومة الفكرية بشرف .. بإذن الله .. جغلبتك بتقول أنك مرعوبة من بريمة حتى مرحلة الهلع.أركزي!بريمة
Quote: مرحب بعودتك ولا خصومة شخصية، أنت أخت كريمة ومعززة بين بنى وطنك ..
الحبيب بريمهوكما قلت فإن أختنا العزيزه الأستاذه سلمى الشيخ سلامه فعلاً أخت عزيزه ومكرمه بين بنى وطنها .ليتك يا حبيب تكتفى بهذا الكلم الطيب وتمسح ما سواه .فلنجعل من هذا البوست ترحيباً بعودتها والتى سُرِرنا بها .مع تحياتى .
Quote: جغلبتك بتقول أنك مرعوبة من بريمة حتى مرحلة الهلع.
صدقني يا حبيب سلمى لاتخشى احد ، عاصرتها مناضلة شرسة وصاحبة مواقف مشرفة جداادرك انك تمزح وصاحب قلب طيب ، لكن يا اخوي مناقرة زولة مثل سلمى ولو بالمزاح متعبة شويةليتنا نمهد لعودة الاخوات اللي هجرن المنبر بسبب خلاف مع هذا او ذاك لنبرهن ديمقراطيتنا في الحوار واحترامنا للرأي الاخراعذرني ان قرأت مداخلتك بطريقة قد لاتكون تقصدها ، وده من حبي ليكم الاتنينالله يديم الالفة والمحبة بين الناس في زمن اصبحنا نقاتل من يسعون لؤادها في وطننا
كنا فرشنا السكه ورود ,,, لو كلمتينا كان بالجية ,,, دي خطوة عزيزة ويوم موعود الخلاك تطرينا شوية ,,, الف مليون مرحب الاخت الكريمه الاستاذه سلمى الشيخ سلامه ,, وفعلا افتقدناك وافتقدك المنبر بشده ,, وها نحن ذا نسعد اليوم بعودتك والتي نتمنى ان لا تنقطع مدى الدهر فانتي من الذين ترفع لهم القبعات يا استاذه فلا تجعلي منبرنا بورا ، ولا تجعلي من اذنك تسمع لمن لا يجدي حديثهم .. فنحن طال انتظارنا لك اخت يالفاضلة ,,, ومرة اخرى الف مرحب بك .. شكرا اخونا ايمن .. تحياتي : ياسر العيلفون ...
حيدر ود امى ما تشغل بالك واقسم لو ما كان زميل هدى اختى رحمها الله لكنت قد خليت اللى ما يشترى يتفرجلكن احتراما لزمالته لهدى اختى واحتراما للمكان وللناس الفيهو شكرا لحسن نواياك وشكرا لكل حرف فى حقى شكرا جميلا يا رفيق الهجعة وزميل الكلمة
وأعلاه ما صاح يا بريمه ( فيهو كميه من التربص ، والتحرش ) وهذا ليس الأصل ... جافاك الذوق في تعليقك الأول ، علي الأقل كنت تلقي التحية والسلام والترحيب بأستاذتنا سلمى - ( هذا إن كنت تؤمن حقآ بتعليقك اللاحق أدناه وللأسف نسفته مسبقآ بتعليقك الأول ) .
Quote: ومرحب بعودتك ولا خصومة شخصية، أنت أخت كريمة ومعززة بين بنى وطنك .. أنما أختلاف أراء وخصومات فكرية .
Quote: حيدر ود امى ما تشغل بالكواقسم لو ما كان زميل هدى اختى رحمها اللهلكنت قد خليت اللى ما يشترى يتفرجلكن احتراما لزمالته لهدى اختى واحتراما للمكانوللناس الفيهوشكرا لحسن نواياكوشكرا لكل حرف فى حقىشكرا جميلا يا رفيق الهجعة وزميل الكلمة
رحم الله زميلتى هدي .. وجعل الله قبرها روضة من رياض الجنة .. كانت ومازالت فى قلوبنا محبوبة .. هدي إنسانة رزينه فى كل شيئ حياتها القصيرة ..أنت ما بتفهمى بريمة بتعامل كيف .. ! أنظري ما بينى وأختى دكتورة نجاة محمود (بيان، رد الله غربتها) من جانب وشقيقها عادل أمين، الكوكلان كلكس من جانب أخر .. لو فهمت هذا تقدري تفرقي ما بينى وهدي .. وما بينى وبينك. بريمة لا تحركه العاطفة .. بريمة مواقف ..أركزي .. وأفعلي ما تريدين .. بريمة
دوما شخصيا ؟ سعيدة بيك كل يوم وانتى بخير وعام جديد سعيد فرحتينى جدا شكرا احى وصديقى ايمن ان اعدت بعض بهاء العالم الى مواقعه فى شحص دومااقعدى عافية بت امى
مرحب بأستاذتنا سلمى سلامةهي من جيل نحمل له الكثير من الامتنان بسبب تجميلهم لحياتنا في ثمانينات القرن الماضي.هنا أمدرمان و هنا سلمى سلامة و هنا بنات المغربي رحمهم الله و غيرهم كثر. دخلن البيوت بلا استئذان عبر الأثير فأصبحن أهل الدار و سمارها.مرحب بها و مرحب بالألق الجميل سنا روحها الشفافة.
سلام يا سلوم،طبعا أنا بحب أسوق لروحي وسط أصحابي، وأختلق المناسبات عشان أقول ليهم انو أنا أديب كبير، واتي عارفا الاصحاب اصلا ما ممكن يشوفوك غير أبكر المجنون ابتفه!أها الأيام دي بقيت أقول ليهم: كتبت لي قصة أبكت الإذاعية القديرة سلمى الشيخ سلامةمرحب بعودتك السمحة، وعليك الله، أعفي لي التلصق في اسمك
ابكر عباس اول حاجة شكرا على تلصقك فينى لانك وصلتنى بزول بحبه جدا احمد النو ، وكنت بسال عنه ولقيته ولو ما جهودك ما كان لاقيتو احمد دا حبيب روحى وكان لمن يجى المعهد لعثمان ما بشتغل بعثمان بنكون قاعدين زى الحبان نضحك ونضحك ونضحك اجمل زول بحكى نكتة واحلى زول تتصاحب معاهو وتلصقوا يرحمكم الله واتلصق قدر ما تقدر لانى بحب كتابتك وطريقتك فى الكتابة بسيطة وعميقة وصافية انسانية اولا شكرا ليك يا ابكر ابتفه
امرحب بأستاذتنا سلمى سلامةهي من جيل نحمل له الكثير من الامتنان بسبب تجميلهم لحياتنا في ثمانينات القرن الماضي.هنا أمدرمان و هنا سلمى سلامة و هنا بنات المغربي رحمهم الله و غيرهم كثر. دخلن البيوت بلا استئذان عبر الأثير فأصبحن أهل الدار و سمارها.مرحب بها و مرحب بالألق الجميل سنا روحها الشفافة
رحم الله بنات المغربى اخى حمودى ، فلقد كن نعم الاخوات والزميلات كن علامات فى حياتنا وظلت اصواتهن تعيد الينا حيوات لن تموت شكرا لاحتفائك وكل سنة وانت طيب واتمنى ان اكون عند حسن ظنك طبت وطابت ايامك
وبعدين ما بعرفك يا استاذ ولو عرفتك ما بتشرف بمعرفتك يكفى الملايين البعرفونى وبعزونى يكفى الناس الجميلة البتفقدنى لمن اغيب ممنونة لكل من عبر من هنا معتزة بكل اسم وكل انسان عرفنى واعرفه وزى ما بتقول امى المابدورك فى الضلام يحدر ليك ودا لسان حالك مع انى ما بعرفك يا شيخنا وربنا يعدلا عليك محل ما قبلت لانه وجودك لايزيدنى ولا ينقصنى لا يرفع من قيمتى ولا يدنيها ولن يزيد ولن يقلل من وجودى فشكرا لك على صراحتك وتمنيت لو كنت بعرفك عشان اعرف سببك معاى ؟
شكرا بكرى ابو بكر على هذا البراح لنتعارف ونتمنى الخير لبعض
السيدة المحترمة سلمى الشيخ سلامة شبت فيني ساكت وهذا مالايخفى على متابعي البوست. عليه ارجو من ذوي الخبرة في استرداد المشطوب من البوستات إرجاع مساهمتين باسمي قمت بشطبهما. وقد كانت غايتي في البدء والختام ان اكون واسطة خير بين الاخ بريمة والسيدة سلمى الشيخ سلامة. والحمد لله الذي لايحمد على مكروه سواه.
ياعشا الضيفان كتر خيرك وبارك الله فيك ود امى وكل سنة وانت طيب يعافيك ويرضى عليك ما بينى ولا بينك لكن امى كانت تقول الكلمة الطيبة بخور الباطل ومافى الا الخير وحيث انى ما ساكنة فى هذا المنبر عليه شكرا لك كتر خيرك ويعينك على فعل الخير ود امى اقعد عافية ولقمتك دافية وايامك صافية
Post: #66 Title: Re: حيو معي الإستاذه سلمى سلامه .. وغبطه وسرور Author: Osman M Salih Date: 01-05-2016, 03:47 AM Parent: #64
السيدة الفضلى صدقت . لابيني لابينك. فانا لا اعرف الا اخاك الذي لاجله مددت يدي التي قوبلت بالكبرياء. وفي آخر الأمر . لا اتمنى الا الخير. والسلام عليكم ورحمة الله.
الاستاذة الفاضلة سلمى الشيخ سلامة والله افتقدناك كثير وغبت عننا كثير ..وافتقد المنبر العام قلمك الانيق ومواضيعك الرائعة ...ونشكرك اليوم لطلتك البهية.. ومرحب بيك وسط اهلك واسرتك... وكل سنة وانتي طيبة ..وتقبلي سلام بت مصطفى وامتثال وبقية الزميلات اللاتي يتابعن قلمك دائما في المنبر العام.. ودمت دائما بالف خير وصحة وعافية بسمات
التحايا للجميع يبدو ان الصديقة سلمي تعجلت في ايراد مثل والدتها وغيرت المعني فقالت الكلمة الطيبة بخور الباطل تغير المعني بشكل مختلف تماما والذي اعرفه الكلمة الطيبة بخور الباطن والفرق شاسع اعتذر لامساكي بالقلم الاحمر
Quote: وقد كانت غايتي في البدء والختام ان اكون واسطة خير بين الاخ بريمة والسيدة سلمى الشيخ سلامة. والحمد لله الذي لايحمد على مكروه سواه.
ألف شكر يا عثمان .. وجعل الله نوياك الحسنة فى ميزان حسناتك ..
--------------------------- أخوك راكز حربته هنا .. مثل الفارس الجحجاح .. لا يتزحزح أبداً مهما كانت الرياح عاتية.
بريمة
Post: #72 Title: Re: حيو معي الإستاذه سلمى سلامه .. وغبطه وسرور Author: Osman M Salih Date: 01-05-2016, 11:53 AM Parent: #71
سلامات يا اخي بريمة. انت المشكور والله على حسن الاستجابة . مابتخيب ظني الحسن فيك على الإطلاق. اما اخوك فجاتو العكاكبز فوق صنقورو لا ايدو لاكراعو ( وجه باسم ). غايتو الحمد لله. وبرغم ماجرى فإني لااتمنى للسيدة الفاضلة سلمى الشيخ الا الخير الذي أتمناه لك. ودمتم جميعا.
Post: #81 Title: Re: حيو معي الإستاذه سلمى سلامه .. وغبطه وسرور Author: Osman M Salih Date: 01-06-2016, 04:58 AM Parent: #73
اخي العزيز بريمة. سلامات،
بيننا احترام وتقدير ولهذا فان عشمي فى حسن استجابتك كبير. ارجوك ماتخذلني المرة دي. واعمل الواجب المنتظر منك تجاه السيدة الفضلى سلمى الشيخ سلامة. قالت ليك وبوضوح العبارة في الرابط الفوق انا لست مثلية. هذه السيدة الكريمة المحتد يعرفها أخيار من الجنسين أكدوا مانفته هي عن نفسها . يبقى ماناقص شي عشان تتقدم باعتذار تستحقه هذه السيدة الفاضلة سليلة الاكابر مجيدة اليراع.
ومن جهتى اتمنى لك كل الخير اخى الفاضل كن بخير وان اسات فارجو المعذرة لكنى لم ابدا بالهجوم عليك وعذرا ان اسات اليك وان "عفصت لك طرفا " وليكن يا اخى المسامح كريم اعتذر جدا لك كل الاحترام والتقدير وعشان عين تكرم الف عين
Post: #80 Title: Re: حيو معي الإستاذه سلمى سلامه .. وغبطه وسرور Author: Osman M Salih Date: 01-06-2016, 03:43 AM Parent: #74
السيدة الفضلى،
لا اعرفك بل اعرف شقيقك طارق، وهذا هو السبب الذي جعلني اتدخل فيماشجر بينك وبين الاخ بريمة . معرفتي بزميل الدراسة طارق الشيخ سلامة هي ماحدا بي للتدخل. فإذا كنت تطلقين على دفاعي بدءا للهجوم فان هذا شان هذا الامر احداث فوضى في طريقة استخدام المصطلحات والمفاهيم بحيث لايعود الناس بعدها يميزون فيختلط الحابل بالنابل ويتداعى معنى التضامن.
لقد دافعت عنك لماذكرته ثم حذفته عندما تجاهلته الكبرياء التي جعلتك تتباهين بغير مبرر بمحبيك الملايين. فقلت في نفسي وقتها: ياعثمان. لقد دخلت في المكان الخطا. وانصرفت بعد ان بينت لك ذلك في عبارة" حذف لانعدام الداعي ". فكان ماكان من هبتك العجيبة في وجهي على نحو يؤكد اطلاعك على كلمتي المحذوفتين.
لم يغضبني في شيء نفيك لقيام معرفة بيننا لصحته بالتمام والكمال. فكلانا يجهل الاخر وليس في هذا منقصة لكلينا. لكنك تجاوزت حد النفي وهو تقرير لواقع معلوم ودخلت في أرض الإساءة السبخة وذلك بالحاقك النفي المعرفة بعبارة نافلة لكنها بالغة الاذى : وحتى لو بعرفك مابتشرف بمعرفتك". وهي عبارة ادخل في باب اللؤم. ولمعرفتي بطارق الشيخ سلامة لزمت الصمت إزاء هذا الهجوم المفاجيء وهذا التعدي غير المبرر من اي وجه جيء ..ومما زاد عجبي ومايزال يفعل اني ذكرت اسم أخيك بوضوح.
على كل حال حصل خير. واتقبل اعتذارك رغبة في طي الامر . وعشان عين تكرم الف عين كماجرت عبارتك. وانصرف محييا ضيوفك الكرام .
حفيظ الجميل ينعدل حالك وينصلح وامكن الامثال تردد فى كل منطقة بمعنى لكن ما قصدته ان الكلمة الطيبة فى الاول ايا كانت بخور الباطل او الباطن فهى صدقة بنهاية الامر لك كل المحبة
Quote: ان اسات فارجو المعذرة لكنى لم ابدا بالهجوم عليك وعذرا ان اسات اليك وان "عفصت لك طرفا " وليكن يا اخى المسامح كريم اعتذر جدالك كل الاحترام والتقدير وعشان عين تكرم الف عين
يا بنت عمي سلمى لا تثريب عليكما أنت والأخ عثمان؛ مجرد سوء تفاهم. المهم وجودك مهم في هذه المرحلة المفصلية من تاريخ امتنا.يا حبيبنا بريمة حاتصل باخوانا في واشنطون لتعرف من هي سلمى الشيخ. ياااخي انت رجل جميل الدواخل لا تذهب هكذا بعيداً مع اختنا سلمى. قلت لي بالله مرعوبة.
بريمة
