Post: #2
Title: Re: ***** الذين ذهبوا للحوار هل اجرموا ... ؟؟؟ *****
Author: Mohamed Mohamed
Date: 12-25-2015, 01:51 PM
Parent: #1
| Quote: و اذا اجرموا ما هي جريمتهم ... ؟؟؟؟ |
الحوار مع قتلهو اعتبار هذا الكيان السياسي الذي اتت بدبابة لها مصداقية في ابقاء نفسها في الحكم باسلوب ديموقراطي.
|
Post: #5
Title: Re: ***** الذين ذهبوا للحوار هل اجرموا ... ؟؟؟ *****
Author: الجنيد حمد
Date: 12-25-2015, 02:02 PM
Parent: #2
تحية طيبة العزيز ابوحسين . طبت وطابت ايامك الحوار ما كعب تب طالما بوقف الحرب وبقرب الناس لخدمة الوطن معظم الاحزاب السياسية القاعدة الليلة شاركت وحاورت بصورة او اخرى النظام الحاكمحزب الامة تهتدونالتجمع باحزابه اليسارية والتقليدية شارك بعد اتفاق القاهرة الحركة الشعبية وقعت نيفاشا بعد الحوار خليل ابراهيم رحمه الله كان امير المجاهدين في متحرك راجا بعد هجوم الجيش الشعبي اثناء المفاوضات ومن ثم اصبح قائد ثوري مني اركو مناوي كبير مساعدي الرئيس ...ممكن نحفظ حقوق الملكية في عدم المشاركة لعبدالواحد محمد نور تراجي والذين معها مثل السابقين او من يلحق بهم ما جابوا جديد معظم الناس الواقفة ضد مشاركة تراجي والزملاء من باب المحبة وخشية مصير من سبقهم وتراجي برضوا ردمت الناس ردم من لا يخشى العودة الى صفوف النضال مرة اخرى غايتو السودان ده طقوه عين بس شكلوالساسة في وادي والشعب في وادي والكل ببيع ما يستطيعلينا الله وعيشة السوق كما قال حميد رضي الله عنه
|
Post: #3
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 12-25-2015, 01:55 PM
Parent: #1
في ظل مقاطعة الاحزاب الكبيرة و الشخصيات المعروفة التي لها ثقلها ...هل مشاركة من ذهبوا للحوار لها تأثير ايجابي للمعارضة ام العكس ...؟؟؟و هل لها تأثير ايجابي للحكومة ام لا ... ؟؟؟؟( تقول لي فيصل القاسم ... قولو ما شاء الله)
|
Post: #4
Title: Re: ***** الذين ذهبوا للحوار هل اجرموا ... ؟؟؟ *****
Author: Mohamed Mohamed
Date: 12-25-2015, 02:01 PM
Parent: #3
| Quote: و هل لها تأثير ايجابي للحكومة ام لا ... ؟؟؟؟ |
الحكومة ما بتحاسب روحها لكن بتخاف المحاسبة الدولية. الحوار مجرد charade لارضاء القوي الدولية و تقليل العقوبات الناتجة.لكن الغرب بيضحك عليكم بسبب: اعتبار هذا الكيان السياسي الذي اتت بدبابة لها مصداقية في ابقاء نفسها في الحكم باسلوب ديموقراطي.(تقول لي الطاهر التوم...قولو ما شاء الله) 
|
Post: #6
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 12-25-2015, 02:03 PM
Parent: #3
و كيف يتم التخلص من هذه الحكومة حسب رأيك ....؟؟؟؟؟| Quote: و اعتبار هذا الكيان السياسي الذي اتت بدبابة لها مصداقية في ابقاء نفسها في الحكم باسلوب ديموقراطي. |
و يمكن فضحها بالحوار أيضاً.......
|
Post: #9
Title: Re: ***** الذين ذهبوا للحوار هل اجرموا ... ؟؟؟ *****
Author: علي دفع الله
Date: 12-25-2015, 02:15 PM
Parent: #6
بتقراء ردود الافعال على الاحداث من منظور ضيق ...ممكن تحدد واحد بس قال اجرموا... انا من وجهة نظري لم يجرموا ولكتهم اتعاوروا ... ولمن يفوقوا من عوارتهم حا تصيبهم ها السكت..
|
Post: #10
Title: Re: ***** الذين ذهبوا للحوار هل اجرموا ... ؟؟؟ *****
Author: Mohamed Mohamed
Date: 12-25-2015, 02:17 PM
Parent: #6
| Quote: و كيف يتم التخلص من هذه الحكومة حسب رأيك ....؟؟؟؟؟ |
انتفاضة شعبية مسلحة من قلب العاصمة الحل الواضح...لكن افضل طريقة هي استغلال مذهبهم الديني المجوبك و اظهار تناقضاته مع الاسلام الخليجي. بالتالي يتم تصعيد الخلافات الي تدمير العلاقة السودانية الخليجية (ان لم تفعل سياسات البشير الخارحية ذلك كعزمه علي حصول مودة بوتين قبل استلام الرز السعودي) و الlifeline المالي الوحيد تحت الحصار البنكي الغربي حيروح.بعد داك حيحصل واحد من اتنين- حيعصروا الشعب للحصول علي المال و يcatalyze انتفاضة شعبية مسلحة - حيحصل انشقاق داخل الحزب الحاكم بسبب خلافلات في توزيع الثروة و سيقاتلون بعض بالمليشيات في الامن للاستيلاء علي ما تبقي من موارد وطنية (مثلا - عزل علي عثمان و خروجه من السودان و محاولات عبدالرحيم لاظهار بدعة التحلل و كشف المتعافي لفضيحة الوالي)ده ما كلام جديد و يحصل بالتكرار في اي نظام دكتاتوري - انظر حدث كم مرة في القرن العشرين في افريقيا و جنوب شرق اسيا
|
Post: #7
Title: Re: ***** الذين ذهبوا للحوار هل اجرموا ... ؟؟؟ *****
Author: doma
Date: 12-25-2015, 02:11 PM
Parent: #3
لم يبجرموا فعلوا ما فعلوه بدافع المسئوليه تجاه قضايا المغلوبين في ظني.لا اعتقد ان هناك تاثيرا ايجابيا للحكومه لان ناس الداخل عارفنها متل جوع بطنهم وغير محتاجين لزول يجي من اصقاع الدنيا عشا ن يقول ليهم انتم والبلد بخير وحكومتكم حكومه السرورناس المعارضه الخارجيه لو راجين من الحوار خير كان قبلوا الدعوه
|
Post: #8
Title: Re: ***** الذين ذهبوا للحوار هل اجرموا ... ؟؟؟ *****
Author: Frankly
Date: 12-25-2015, 02:12 PM
Parent: #3
تحياتي يا أبو حسينمن وجهة نظري المشاركة في الحوار أمر مطلوب ومهم جداً لكل قوى السودان السياسية والإجتماعية ومنظمات المجتمع المدنيالحوار وسيلة حضارية لإبداء الرأي وسماع الرأي الآخرهناك عبارات مكرورة بدون وعي مثل "لا حوار مع قتلة" وهذه عبارة اسمح لي أقول عنها ساذجة وسخيفة وتنم عن خفة عقل وجهل بمعطيات السياسة وإيجاد الحلولأي خصام بين نخب سياسية وعسكرية نهايته مائدة الحوارالبعض هنا يصفق للحركة الشعبية التي جلست للحوار وشاركت الحكومة وجلست في البرلمان وبعض قادتها ولاة لولايات سودانية وأفضى بها لإنفصال الجنوب وفي نفس الوقت يجرم أحزاب شاركت الحكومة مثل الإتحاتدي الديموقراطيقلت يا أبو حسين في ظل مقاطعة الاحزاب الكبيرة و الشخصيات المعروفة التي لها ثقلهاما هي تلك الأحزاب الكبيرة وكم نسبة تأييدها في الشارع السوداني وما هي الشخصيات المعروفة المقاطعةيا أبو حسين لو نظرنا بموضوعية للأحزاب السودانية لعلمنا أن خارطتها لم تعد تلك التي كانت في حقبة الإستقلالفلا الجبهة الإسلامية بقيت متوحدة ولا الحزب الشيويع بقى متوحداً ولا حزب الأمة بقى متوحداً ولا الحزب الإتحادي الديموقراطي بقى متوحداًوهناك الكثير من الأحزاب الوليدة وهذه بطبيعة الحال يعذ مؤيدوها منحدرين من أحزاب حقبة الإستقلالأي حزب جديد اعضاءه خصماً على الأحزاب الكبيرة سابقاًلذلك القول بمقاطعة أحزاب كبيرة كلام لا يقف على دليل إحصائي وإنما تعميم يجتر الماضي والذكرياتأنا شخصياً مع مشاركة الجميع في الحوار الوطني الشامل وبكل ثقل ممكنولكن أكثر ما أثار استغرابي هو التطبيل للحكومة من داخل الخرطوم لبعض البورداب الذين ما تركوا مداخلة إلا ونعتونا بالكوزنة فقط لأاننا كنا وما زلنا ضد الحرب ومع حلحلة القضايا السودانية العالقة على مائدة الحوار.اليوم هم لا يقفون ضد الحركات المسلحة كما كنا وما زلنا نفعل بل يطبلون للإنقاذ ويشكرون الراكوبة في عز الخريف.مفروض المحاورين يأتي للتغيير وليس للتطبيلكل محاور يأتي بوجهة نظره التي تخالف رؤية المؤتمر الوطني إذ لا فائدة ترتجى من محاور يوافق رأي المؤتمر الوطني تحياتيكمال
|
Post: #11
Title: Re: ***** الذين ذهبوا للحوار هل اجرموا ... ؟؟؟ *****
Author: Mohamed Mohamed
Date: 12-25-2015, 02:22 PM
Parent: #8
| Quote: هناك عبارات مكرورة بدون وعي مثل "لا حوار مع قتلة" وهذه عبارة اسمح لي أقول عنها ساذجة وسخيفة وتنم عن خفة عقل وجهل بمعطيات السياسة وإيجاد الحلول |
ههههههههه و هل نلوث ذكري كل من استشهد في سبيل تغيير هذا النظام بمحاورة قاتله؟
| Quote: أي خصام بين نخب سياسية وعسكرية نهايته مائدة الحوار |
بالله حتبدأوا الحوار الحقيقي مع مصر في شان حلايب متين؟ بعد ما يمتدوا جنوبا و ياخذوا حصة اكبر من السودان؟ بعد ما يقتلوا اكتر من 21 سوداني؟
|
Post: #12
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 12-25-2015, 02:48 PM
Parent: #11
| Quote: تحية طيبة العزيز ابوحسين . طبت وطابت ايامك الحوار ما كعب تب طالما بوقف الحرب وبقرب الناس لخدمة الوطن معظم الاحزاب السياسية القاعدة الليلة شاركت وحاورت بصورة او اخرى النظام الحاكمحزب الامة تهتدونالتجمع باحزابه اليسارية والتقليدية شارك بعد اتفاق القاهرة الحركة الشعبية وقعت نيفاشا بعد الحوار خليل ابراهيم رحمه الله كان امير المجاهدين في متحرك راجا بعد هجوم الجيش الشعبي اثناء المفاوضات ومن ثم اصبح قائد ثوري مني اركو مناوي كبير مساعدي الرئيس ...ممكن نحفظ حقوق الملكية في عدم المشاركة لعبدالواحد محمد نور تراجي والذين معها مثل السابقين او من يلحق بهم ما جابوا جديد معظم الناس الواقفة ضد مشاركة تراجي والزملاء من باب المحبة وخشية مصير من سبقهم وتراجي برضوا ردمت الناس ردم من لا يخشى العودة الى صفوف النضال مرة اخرى غايتو السودان ده طقوه عين بس شكلوالساسة في وادي والشعب في وادي والكل ببيع ما يستطيعلينا الله وعيشة السوق كما قال حميد رضي الله عنه |
حبيبنا الجنيدسلام و إحترامكلامك موزون كالعادة و منطقي جداً فالذين ذهبوا للحوار لم يأتو بشيئ من عندهم و ليسوا هم من إبتدعوا سياسة الحوارو شكلهم فتروا من حكاية مكانك قف التي سادت السياسة السودانية .....أو أنهم ملوا حالة التشرزم و الشتات التي تعيشها المعارضة السودانية ...تحياتي يا زول يا طيب
|
Post: #13
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 12-25-2015, 02:55 PM
Parent: #12
| Quote: الحكومة ما بتحاسب روحها لكن بتخاف المحاسبة الدولية. الحوار مجرد charade لارضاء القوي الدولية و تقليل العقوبات الناتجة.لكن الغرب بيضحك عليكم بسبب: اعتبار هذا الكيان السياسي الذي اتت بدبابة لها مصداقية في ابقاء نفسها في الحكم باسلوب ديموقراطي. |
ديل منو ديل الضحك عليهم الغرب ....؟؟؟؟؟؟؟؟
|
Post: #15
Title: Re: ***** الذين ذهبوا للحوار هل اجرموا ... ؟؟؟ *****
Author: Mohamed Mohamed
Date: 12-25-2015, 03:03 PM
Parent: #13
| Quote: ديل منو ديل الضحك عليهم الغرب ....؟؟؟؟؟؟؟؟ |
الحكومة التي تعتقد انها سترضي الغرب و الامم المتحدة بمحاورة المعارضة المقموعة المكبلة التي تجاريها.يعني كل من له صلة بالسياسة السودانية. تراجي عرفت الموضوع ميئوس منه, فقررت تشارك الحكومة في تقسيم ما تبقي من ثروات سودانية.
|
Post: #14
Title: Re: ***** الذين ذهبوا للحوار هل اجرموا ... ؟؟؟ *****
Author: عبدالحفيظ ابوسن
Date: 12-25-2015, 02:55 PM
Parent: #12
مرحبا ابوحسينوحبابكوضيوفكمافي خيار تاني غير اجرموا ؟تتسع اللغة اكثر من ذلك لتوصيف فعلهممع اكيد الاحترام
|
Post: #16
Title: Re: ***** الذين ذهبوا للحوار هل اجرموا ... ؟؟؟ *****
Author: Hasheem Karouri
Date: 12-25-2015, 03:05 PM
Parent: #1
الذين ذهبوا للحوار لم يجرموا .لكن السؤال الاهم : هل ستكون هناك فائدة يجنيها الشعب السوداني من ذلك ؟لقد اعجبت بمداخلة ، الاخ / الجنيد حمد . وانا متوافق معه تماما فيما ذهب اليه ، فكل الاحزاب الموجودة علي الساحة حاليا ، شاركت مع النظام بصورة او باخري . ( لكن انظر الي حالها الان جميعا ) . لا بتهش ، ولا بتنش. !النظام طوال الربع قرن الماضية ، مازال كما هو ، وقد استوعبنا ، وخبرنا كل الاعيبه ، ومراهنته علي الوقت . وهذا هو السبب الاساسي لبقاءهم في الحكم حتي الساعة .انا من وجهه نظري المتواضعة ، اعتقد ان الامر لا طائل من وراءه ، طالما نفس العقلية الانقاذية تحكم ، فهم لن يتركوا مقود السفينة لاحد ، ومن يعتقدون انه مؤثر ويشكل خطرا عليهم ، يقوموا باحتضانه بغيه ( حرقه مستقبلا ) .او يدعو له فسحه صغيرة وراء الكواليس بدون قوة ، او صلاحيات .وما اكثر الكومبارس في نظام الانقاذ .
|
Post: #17
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 12-25-2015, 03:26 PM
Parent: #16
| Quote: بتقراء ردود الافعال على الاحداث من منظور ضيق ...ممكن تحدد واحد بس قال اجرموا... انا من وجهة نظري لم يجرموا ولكتهم اتعاوروا ... ولمن يفوقوا من عوارتهم حا تصيبهم ها السكت.. |
قبل مداخلتك دي و في نفس البوست دا في زميل وصف الحوار بالحوار مع قتلة .....*********************************************************************| Quote: - حيعصروا الشعب للحصول علي المال و يcatalyze انتفاضة شعبية مسلحة |
يعني البديل للحوار يتعصر الشعب ....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟هو الشعب دا فضل فيه حاجة عشان تتعصر ....؟؟؟؟؟؟وين الأحزاب اللي مفترض حا تحكم بعد ما يتعصر الشعب و يقوم بي إنتفاضة تالتة ..!!!********************************************************************| Quote: لم يبجرموا فعلوا ما فعلوه بدافع المسئوليه تجاه قضايا المغلوبين في ظني.لا اعتقد ان هناك تاثيرا ايجابيا للحكومه لان ناس الداخل عارفنها متل جوع بطنهم وغير محتاجين لزول يجي من اصقاع الدنيا عشا ن يقول ليهم انتم والبلد بخير وحكومتكم حكومه السرورناس المعارضه الخارجيه لو راجين من الحوار خير كان قبلوا الدعوه |
نواياهم و الدافع من المشاركة لسه بدري الحكم عليهم و العبرة بالخواتيم.......لكن لغاية الآن بنقول إنشاء الله تكون مشاركتهم فيها خير للبلد...... تحياتي و إحترامي للجميع
|
Post: #18
Title: Re: ***** الذين ذهبوا للحوار هل اجرموا ... ؟؟؟ *****
Author: Mohamed Mohamed
Date: 12-25-2015, 03:49 PM
Parent: #17
| Quote: يعني البديل للحوار يتعصر الشعب ....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟هو الشعب دا فضل فيه حاجة عشان تتعصر ....؟؟؟؟؟؟ |
البشير مصيره مرهون ببقائه في كرسي الحكم و كما قال اخيه عبدالله لن يتنازل عنه مهما كانت مستخرجات الحوار.و الحكومة عندها ضائقة مالية حادة بدليل تسرع بدرالدين في طلب البرلمان برفع الدعم فور وصول البشير خالي الجيوب من الامارات (و محاولة ود الباوقة بتصبيرنا الي مفرج الشهر القادم) و الراي العام السوداني كان مشغول بتراجي في السودانيز و زاني سنار في الاوساط الاجتماعية الاخري لمن وزارة المالية وجدت حل مؤقت في التلاعب في موازنة 2016 (كتقليل ميزانية الصحة 28% لارضاء جشع القوات المسلحة و الامن الي يعمل علي حماية النظام)العصرة اللي تخاف منها اتكتبت خلاص في الموازنة و حنعيشها خلال 2016 (اضافة الي الحلول السريعة الاخري زي عزم الحكومة انهاء صلاحية الرقم الوطني و فرض استخراج البطاقة القومية و زيادة رسوم استخراج الجواز ب100% و زيادة تعرفة الاتصالات 100% و الخ) | Quote: وين الأحزاب اللي مفترض حا تحكم بعد ما يتعصر الشعب و يقوم بي إنتفاضة تالتة ..!!! |
زي ما قلت البشير مصيره و مصير اتباعه المتنفعيين مرهون ببقائه في الحكم. و زي ما اظهروا في سبتمبر 2013 لن يتوانوا عن قتل المئات و امكن الالاف من الشعب في سبيل حفاظهم علي مشروع النهب.حتي و لو لم تنتفض الشعب سيقوم جزء منشق من المؤتمر الوطني باشعال الحرب (و هذه احدي دوافع الحزب في توسعة الحكومة للحصول علي حماية اضافية) بعد استمرار هذه الازمة المالية...و اذا افترضنا ان الانتفاضة الشعبية التي تخاف منها حدثت و نجحت فالحكومة المقبلة حتكون علي الارجح قوات حفظ السلام او "اصلاحي متنفع" من المؤتمر الوطني او سلطة انتقالية تتم تعيينها علي اساس شروط الغرب او الامم المتحدة او الاتحاد الافريقي (و الثالث برايي الافضل)
|
Post: #19
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 12-25-2015, 05:44 PM
Parent: #18
اخونا فرانكلي تحياتيمشاركة الجميع مطلوبة و هي الأكثر فائدة ..الحوار بين الحكومة و المعارضة و بالتأكيد كل الأحزاب الغير مشاركة في الحكومة هي المعارضة و كلما زادت المشاركة زادت فرص الأجماع على الحل او على الأقل حلحلة بعض المشاكل المستعصية بين الفرقاء و بالتالي حا يشعر المواطن المغلوب على امره ببعض الراحة ...حكاية اقصاء فرد او حزب مرفوضة لانها احد اسباب الأزمة التي يعيشها الوطن ... و مهما فعلت الحكومة لن يحدث تقدم او تطور في السودان بدون استقرار سياسي تحياتي و احترامي
|
Post: #20
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 01-05-2016, 06:10 AM
Parent: #19
Quote: مرحبا ابوحسين
وحبابك
وضيوفك
مافي خيار تاني غير اجرموا ؟
تتسع اللغة اكثر من ذلك لتوصيف فعلهم
مع اكيد الاحترام
|
أهلا و سهلا بيك أخونا عبدالحفيظ
الحاصل في المنبر بقول إنهم أجرموا و إجرام كبير كمان
تحياتي و إحترامي
|
Post: #21
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 01-05-2016, 06:15 AM
Parent: #20
| Quote: الذين ذهبوا للحوار لم يجرموا .لكن السؤال الاهم : هل ستكون هناك فائدة يجنيها الشعب السوداني من ذلك ؟ |
كاروري ليه ما ننتظر عسى و لعل تكون في فايدة الناس دي 27 سنة ما شافت ليها جديد أو حتى بريق أمل لي تقدم نحو الأفضل
ليه ما نصبر و نشوف و بعدين نحكم ...
تحياتي و إحترامي
|
Post: #22
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 01-05-2016, 06:23 AM
Parent: #21
الحركة الشعبية الآن تحاور الحكومة في أديس و دي ما أول مرة ....
فهل أجرمت بي حاورها هذا ....؟؟؟؟؟
كل الإتفاقيات التي تنهي خلاف أو تنهي حرب تأتي بالحوار و التفاوض .....
|
Post: #23
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 01-05-2016, 06:29 AM
Parent: #22
Quote: Mohamed Hassen Abdallah · Gamal Abdel Nasser High School Khartoum
سلام -
أجرموا دي كتيرة شوية
وبعدين ماالناس بتحاور الحكومة
في اديس وغيرها الفرق شنو !
علي الأقل ديل حوارهم ع الهواء
مباشر عكس حوارات الأخرين المغلقة
وإحترام خيارات أي فرد من ابسط
مبادي الديقراطية ولاشنو!
أعجبني · رد · 25 ديسمبر، 2015 05:57 مساءً
|
محمد حسن و عليكم السلام
أظن الآن وضحت ليك حكاية أجرموا دي شايف المنبر عجاجتو قايمة على الناس اللي ذهبوا للحوار و الناس اللي هم شايفين إنهم حا يمشوا للحوار
و على قولك الناس مفروض تحترم خيارهم كمبدأ ديمقراطي فهم أحرار في خياراتهم ....
تحياتي و إحترامي
|
Post: #24
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 01-05-2016, 06:34 AM
Quote:
Hussein Musa Abdelmajed · ام درمان
السؤال المهم هؤلاء الناس المشوا للحوار ماهو وزنهم وحجمهم الجماهيري وعن من يعبرون...يعني واحدة زي تراجي كم عدد السودانيين الذين سمعوا باسمها...كل ما فعلته الإنقاذ أنجبت طبقة من الإنتهازيين والطفيليين الجدد لم يشهد لها السودان من قبل مثيلا...
أعجبني · رد · 26 ديسمبر، 2015 05:04 مساءً |
بمثلوا نفسهم يا حسين
و بعدين الأحزاب و الكيانات اللي ليها أتباع و ليها قواعد جماهيرية رافضة كل شي ... وينها ....؟؟؟؟؟؟؟
رافضين الحوار و التفاوض و ما عندهم أي رؤيا للتغيير و مشتتين و مبهدلين كمان ... هم نفسهم عايزين ليهم ثورة عشان يكونو جاهزين للتغيير ناهيك عن إنهم يسهمو في التغيير
تحياتي و إحترامي
|
Post: #25
Title: Re: ***** الذين ذهبوا للحوار هل اجرموا ... ؟؟؟ *****
Author: muntasir
Date: 01-05-2016, 06:47 AM
Parent: #24
ايامك ساكوبيس يا سرتانا
|
Post: #26
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 01-05-2016, 07:07 AM
Parent: #25
| Quote: ايامك ساكوبيس يا سرتانا |
حتى مقولاتك محبطة .....
ياخ معانا شُفع في المنبر دا ما بعرفوا يعني شنو ساكوبيس ....
بعدين ساكوبيس في البرد دا ....؟؟؟؟
|
Post: #27
Title: Re: ***** الذين ذهبوا للحوار هل اجرموا ... ؟؟؟ *****
Author: علي عبدالوهاب عثمان
Date: 01-05-2016, 07:41 AM
Parent: #26
حبيبنا أبوحسين ..
الحل هو : المصارحة والاعتذار ..
كل الاحزاب ، الشخصيات ، الكيانات ، افراد ، مجموعات ...إلخ
جمعيهم أخطأوا في حق الوطن إبتداءاً من المهدية إنتهاءاً بالانقاذ
( مكايدات ، ضرب تحت الحزام ، إنتقام ... إلخ ) وضاع الوطن ..
على الجميع الاعتراف بالخطأ والاعتذار العلني للشعب السوداني ..
يتم الاعتذار على الهواء والاعتراف بالخطأ .. صدقني الشعب يرفعهم على الأكتاف ..
ثم بعد ذلك يبدأ الحوار من أجل الوطن فقط ( بعيداً عن المخاصصة والمحاصصة والمناصب ..إلخ)
صدقني يا أبوحسين الناس العامة وهم الغالبية ليس لديهم أي إهتمام والمؤشر الايام دي على ( السكر)
فقط الاستاذة تراجي عملت نوع من الصدمة الاعلامية وشغلت الناس ..
المهم غايتو عندنا في البلد الناس همهم الموسم الشتوي ويبدو أنه مبشر ( الفول والقمح ) ده كمان بتمويل المغتربين
قصة هبوط العملة دي نفعت شوية في تمويل الموسم الزراعي ناس ( التراكتورات والزراعات ) لسع ماسكين في مليون قبل سنة
غايتو نفعت معانا شوية ( عشان نحن نعد بالريال ) ..
مودتي لك يا جميل ..
|
Post: #28
Title: Re: ***** الذين ذهبوا للحوار هل اجرموا ... ؟؟؟ *****
Author: ABUHUSSEIN
Date: 01-05-2016, 10:32 PM
Parent: #27
Quote: حبيبنا أبوحسين ..
الحل هو : المصارحة والاعتذار ..
كل الاحزاب ، الشخصيات ، الكيانات ، افراد ، مجموعات ...إلخ
جمعيهم أخطأوا في حق الوطن إبتداءاً من المهدية إنتهاءاً بالانقاذ
( مكايدات ، ضرب تحت الحزام ، إنتقام ... إلخ ) وضاع الوطن ..
على الجميع الاعتراف بالخطأ والاعتذار العلني للشعب السوداني ..
يتم الاعتذار على الهواء والاعتراف بالخطأ .. صدقني الشعب يرفعهم على الأكتاف ..
ثم بعد ذلك يبدأ الحوار من أجل الوطن فقط ( بعيداً عن المخاصصة والمحاصصة والمناصب ..إلخ)
صدقني يا أبوحسين الناس العامة وهم الغالبية ليس لديهم أي إهتمام والمؤشر الايام دي على ( السكر)
فقط الاستاذة تراجي عملت نوع من الصدمة الاعلامية وشغلت الناس ..
المهم غايتو عندنا في البلد الناس همهم الموسم الشتوي ويبدو أنه مبشر ( الفول والقمح ) ده كمان بتمويل المغتربين
قصة هبوط العملة دي نفعت شوية في تمويل الموسم الزراعي ناس ( التراكتورات والزراعات ) لسع ماسكين في مليون قبل سنة
غايتو نفعت معانا شوية ( عشان نحن نعد بالريال ) ..
مودتي لك يا جميل .. |
حبيبنا علي سلام و احترام
اعتذار دي امنية بعيدة المنال...
و الناس ديل كلهم شايفين انهم هم الصاح و غيرهم هم الخطأ ..
و كل واحد شايف انو هو وطني و غيرهم هم الخونة ...
و كل واحد شايف انو هو الشريف و غيرهم هم الحرامية ...
ديل تلمهم كيف عشان يتفقوا على شئ لي مصلحة البلد ...؟؟؟؟
كل واحد فيهم عايز يقصي الاخر
كل واحد فيهم عايز يكون هو الكل في الكل ....
البلد محتاجة لي عقول مخلصة كل همها السودان
عقول مدركة لمشاكل و معاناة البلد..
عقول تؤمن بحق كل السودانيين في العيش الكريم و حقهم في المشاركة الفعالة في ادارة البلد و التمتع بخيراتها ...
عقول تؤمن بالمساواة بين الجميع في كل شئ ...
ياخ البلد دي محتاجة لي ناس زي دكان ود البصير عشان نتقدم و نعيش في سلام ...
و الله ما صعبة يا حبيبنا لو النفوس بقت طيبة زي طيبة اهلنا اللي ما اتوسخت زي نفوس الساسة ...
تحياتي و احترامي
|
Post: #29
Title: Re: ***** الذين ذهبوا للحوار هل اجرموا ... ؟؟؟ *****
Author: علي عبدالوهاب عثمان
Date: 01-06-2016, 07:36 AM
Parent: #28
Quote: اعتذار دي امنية بعيدة المنال...
و الناس ديل كلهم شايفين انهم هم الصاح و غيرهم هم الخطأ ..
و كل واحد شايف انو هو وطني و غيرهم هم الخونة ...
و كل واحد شايف انو هو الشريف و غيرهم هم الحرامية ...
ديل تلمهم كيف عشان يتفقوا على شئ لي مصلحة البلد ...؟؟؟؟
كل واحد فيهم عايز يقصي الاخر
كل واحد فيهم عايز يكون هو الكل في الكل ....
البلد محتاجة لي عقول مخلصة كل همها السودان
عقول مدركة لمشاكل و معاناة البلد..
عقول تؤمن بحق كل السودانيين في العيش الكريم و حقهم في المشاركة الفعالة في ادارة البلد و التمتع بخيراتها ...
عقول تؤمن بالمساواة بين الجميع في كل شئ ...
ياخ البلد دي محتاجة لي ناس زي دكان ود البصير عشان نتقدم و نعيش في سلام ...
و الله ما صعبة يا حبيبنا لو النفوس بقت طيبة زي طيبة اهلنا اللي ما اتوسخت زي نفوس الساسة ...
|
حبيبنا أبوحسين ..
إذن هو الانحطاط وزوال الدولة .. وإنهيار الوطن ..
ربما بقاء السودان هكذا له أسباب :-
السودان ليس فيه أغلبية إثنية مطلقة .. بل متنوعة ومجزأة حتى داخل الإثنية الواحدة
فلا يمكن لمجموعة أن تنتصر على آخر أو تفرض شروطها ونهجها وهذه محمدة في صالح الوطن
ولكن رغم قتامة المنظر ما بين حكومة لا تعرف أبجديات الحكم .. ومعارضة متعددة المقاصد
فهناك شعب فيه أغلبية مسالمة لا تلجأ إلى القتل والدمار .. فهذه الجزئية هي التي تبقي على الأمل
فثقافة القتل عندما محدودة ولا تمارس إلا من البعض القليل .. حتى هؤلاء إذا وجدوا أصحاب الحكمة
والرأي السديد تحل مشاكلهم في جلسة واحدة تحت شجرة ظليلة ..
فنحن رغم ما بنا من فقر وفاقه لدينا فلسفة حب الحياة .. والتشبث بها .. لاحظ أن فراش عزاء يتمد إلى ثلاثة أيام
زمان كان أربعين يوم .. كما أننا نجل الميت ونحترمه حتى إذا كان غير ذلك في حياته ..
نرجو من السياسيين أن يقرأوا هذا المجتمع بعمق وبفكر ..
مودتي أبوحسين ..
|
|