يا اخي كان على اسواء الفروض تعمل ليك حركة حركتين ...تسجيل واتسابي ...شتيمة للحزب الشيوعي والحركات المسلحة ..اي اكشن لكن تظبط حاجاتك ام غمتي كدة . تسمح لي اقول ليك حركتك جبانة .. ------------تتصور لسع انا ما مصدق ... اتمنى ان يصدق حدسي انو دي اشاعة سخييفة ....يا اخي تراجي عملت warm up من فترة وكنا على ثقة انها في النهاية حا تكون هناك . لكن يا اخي انت بردلب ساي كدة.. انا ما مصدق ...Cc:Mona Bit Nafisa
ابو علوة .. سلام .. وسبقتني بالحظة ارد عليك دي في موضوع قريمان !!!والمنتحر لا اسفآ عليه .. وزي ما بقولوا الميت ما كتير علي ربه . وقريمان ما كتير علي الانقاذ !ابو علوة نهاية العزاء بمقابر الحوار .
تصدق كنت بتكلم مع قريمان قبال يومين بالضبط ورسل لي رسائل وفيديوهات لو هو انقاذي مفروض ينسلخ !!يا ابو علوة جيت افتح بوست بخصوص قريمان .. لكن برضو حا افتحو لكن ماشه بيهو الراكوبة مسقط رأس بوستاته الدسمة .شر البلية ما يضحك !!!!
Post: #7 Title: Re: الطيب رحمة قريمان Author: علي دفع الله Date: 12-19-2015, 08:06 PM Parent: #6
ابو حتوت يا صديقيتصدق انت من الهمتني فكرة البوست في مداخلة ليك ما عارفا في ياتو بوست وقلت وذكرت فيها اشهر بوست لقريمان صور شنو كدة ما عارف يجب القصاص منها يا ريت تسعفنا بالمداخلة ..بعدا مشيت لي سفرة في بلاد ام سودان كما يقول كبر ..وبعدا قررت ان افتح بوست للزول الكنت اخر شخص انو يخزلني الطيب رحمة قريمان لكن لسع انا متوقع اني اتخميت ويجي يقول لي دا اشاعة ..ود البشرى مهما اختلف اصدقاءي حولك لكن تظل انت زول عزيز على قلبيمودة الى المنتهى احترامي
انا مستغرب في تراجي وقريمان،،ناس البشير قالو مافي حكومة انتقالية بل حكومة قومية وبقيادة البشير،،قومية دي كيف!انا ما عارف،حتكون زيها وزي الحكومات السابقة،المال والسلطة في يد المؤتمر الوطني والباقين هتيفة ساكت،،عينوك وزير بتاكل حقك وحق الجنبك وما عندك راي زيك وزي مسار وقناة قلبي،ولمن يجي زمن الانتخابات البشير يتمرعف ويزورها تاني وهكذا من وثبة لقمزة ومعاها نطة
Post: #25 Title: Re: الطيب رحمة قريمان Author: علي دفع الله Date: 12-20-2015, 07:41 PM Parent: #19
الاخ سيف الدين فضل الله تحياتيفعلا هي ساقية جحا وتصب في مصلحة حكومة النظام القابضة فقطمودتي
Post: #11 Title: Re: الطيب رحمة قريمان Author: علي دفع الله Date: 12-20-2015, 05:00 AM Parent: #8
منتصر صاحب المداخلات النوعية تحياتي.قلبان لا يمتليءان بالايمان بالاوطانقلب تعلق بي حب الكيزان.وقلب تعلق بحوار الطرشان.او كما قال.مودتي.
صباح الخير يا مواطن الصبر ده ذاته انت فاكر المتمشدقين باسم النضال والغواصات والمندسبن بقدروا عليه
Post: #14 Title: Re: الطيب رحمة قريمان Author: MOHAMMED ELSHEIKH Date: 12-20-2015, 05:34 AM Parent: #12
يلا يا باوقة ورينا حاجة
Post: #15 Title: Re: الطيب رحمة قريمان Author: محمد البشرى الخضر Date: 12-20-2015, 06:47 AM Parent: #14
يا ابو علوة يشهد الله ابادلك التقدير و المعزة وأكثر وأتمنى نتقابل في الدنيا وناخد لينا عشرة ونسة وجهة لوجه إن شاء اللهبالنسبة للطيب قريمان , الموضوع بالنسبة لي دهشة أكثر منه شماته (لكن الشماتة ما شوية برضك )وعندي نفس احساسك انه قد يكون هناك خطأ في الأمر, خاصة وانه لم يظهر في صور الوفد الوصل يوم الجمعة وسمعت او قرأت من يقول انه وصل قبلهمقد يكون هناك خطا في الإسم او سوء فهم, لا احد يقلب 180 درجة بالسرعة دي بدون مقدمات او بكدا نقدر نقول بعد كدا لا شيئ في السودان يمكن ان يدهشنا تاني!
Post: #22 Title: Re: الطيب رحمة قريمان Author: علي دفع الله Date: 12-20-2015, 05:30 PM Parent: #14
الاخ محمد الشيخ تحياتيالدروب اتلخبطت والعاوز يشوف درب الوصول بشوفو والنفسو قصير حا يتوه وسيتساقطون تباعا .. الشيء المؤمنين بيه حا نواصل فيه حتى الرمق الاخير..وثق انو حا نوصل مهما طال الطريق...تحياتي..
Post: #16 Title: Re: الطيب رحمة قريمان Author: علي دفع الله Date: 12-20-2015, 06:50 AM Parent: #12
ابو روضة يا صديقي الصبر ينبع من الايمان العميق بالمبداء . مهما طول ليل هؤلاء السفلة التاافهين الاوغاد مصيرنا نصل ...لا حوار ولا كوار ولا هبوط ناعم سيقود الوطن للخروح من حقبة هؤلاء التتار الكريهة ..يسقط من يسقط ولكن مصيرنا نوصل..كن بخير...
Post: #17 Title: Re: الطيب رحمة قريمان Author: Osman M Salih Date: 12-20-2015, 08:19 AM Parent: #1
أخي الكريم علي دفع الله. لك التحيّة وبعد.
لم أفهم سبباً لغضبتك المضرية على أخينا قريمان. فهو لم يأت بفعل مشين. ألعودته هو ورفاقه إلى الخرطوم بنيّة الحوار؟. هو ليس باول من دخل في حوار مع الانقاذ؟ .أولم يفعلها السادة محمد عثمان الميرغني و الصادق المهدي وجون قرنق الذي شارك العصبة الحاكمة في السلطة والثروة وولّى ظهره قضية التحول الديمقراطي شأنه شأن سابقيه في الحركة القومية الجنوبية. وهناك حزبك، الحزب الشيوعي السوداني، الذي ارتضى بايفاد ثلاثة يمثلونه نواباً معّينين في برلمان السلطة المعين. فلماذا هذه الانتقائية في النظر والانتقاد؟!.
ماقريمان ورفاقه الأطهار ممايقذفون به إلّا أفراداً - والقول هذا استعيره معيداً صياغته من مساهمة قيّمة بذلها الأخ عوض محمد أحمد* - لايمثلون جهة سياسية. وهذا هو ماتفتق عنهم اجتهادهم لإخراج البلاد من أزمتها الشاملة. فإن أصابوا في إجتهادهم كان ذلك خيراً عميمًا'، وإن جانبهم الصواب فيما أقدموا عليه، إقتصر عليهم الضرّ فماخسر الآخرون. والأخير، برأي، هو الاحتمال المرجح. إنني اشفق على قريمان ورفاقه وأخشى عليهم من كل شرّ.
---- * المقصود مشاركته في خيط : تراجي في عرين الأسد وحضن الوطن ... أو ... حين تهزم الشجاعة ... الدهشة.
Post: #18 Title: Re: الطيب رحمة قريمان Author: كمال عباس Date: 12-20-2015, 02:56 PM Parent: #17
تحياتي أخ علي ـ دفع اللهكتبت في بوست آخرمقولة مالكوم أكس التي إتخذها قريمان ـــ توقيعا وشعاراA man who stands for nothing will fall for anything.Malcolm X هل حقيقة إلتحق قريمان بمؤتمر حوار الوثبة؟ في إنتظار التأكيد ... بيت الشعر الذي قتل المتنبي الخيل والليل والبيداء تعرفني *** والرمح والسيف والقرطاس والقلم**نجي للجد دعك من الحو ار الجاري فقد شاركت قوي كثيرة وأفراد في مؤسسات الإنقاذ وحاوروها وفاوضوها،بالتالي لست مهموما بأمر هذه المشاركات ، فالكارثة لا تكمن فيمن إختار درب الحوار الجاريأو فيمن حاور الإنقاذ فيما سبق ، وإنما الأزمة تكمن في ـ الإنقاذ منهجا وقيادة فهي من يرفض مفارقة درب الكنكشة والإقصاء ورفض إي حوار جدي يؤدي لتفكيك دولة الحزب الواحد بل وحتي الإلتزام بما وقعت عليه سابقا ـ بما في ذلك الدستور الساري علي علاته"* * ذاكرة المنبر لا تنسي كل تعرض للإساءة والطعن في الوطنية وكل من أتهم زيفا بالكوزنة ومولاة الإنقاذ؟ كم من إنزوي وهجر المنبر لتعرضه للإساءة والتجريح ـ ممن إحتكروا صكوك الوطنية وسندات معارضة الإنقاذ والإنحياز للهامش؟ ، لست عيبا أو بدعا تتبني موقفا جديدا أو تختار طريقا آخر بخلاف ما كنته سابقا ، العيب والفجيعة أن تتبني هذا الموقف من دون أن تعتذر عن ركام الإساءات والتجريح الشخصي والتخوين والتجريم الموجه لمن كانوا قد إتخذوا مثلك موقفك الحالي بل وأقل منه و من يتم التجني عليهم إحيانا من دون وجه حق !
بالعكس قريمان عمل حركة شجاعة ولعبها (صاح)! أين الأعمار التى تجعل المعارضة تنتظر (27) عاما مرة أخرى أو كما ذكر بعض قادة الإنقاذ ( بأنهم سيسلمونها للسيد(المسيح). فأراء قريمان في المواقع مشهودة وأحيانا صارخة جدا وقد هبت ( رياحه)ليقول ما أراد قوله أمام الحكومة فإن أصاب فهو المطلوب وإن لم يجد تجاوب فسيرجع أقوى مما كان........
قالوا الزمن دوار يا ود دفع الله...خايف نلقاك معاهو....
Post: #34 Title: Re: الطيب رحمة قريمان Author: علي دفع الله Date: 12-23-2015, 03:48 PM Parent: #21
احمدونا وانا خايف القاك في الرقة السوريةتحياتي
Post: #33 Title: Re: الطيب رحمة قريمان Author: علي دفع الله Date: 12-23-2015, 01:21 PM Parent: #20
الاخ العزيز حماد الطاهر تحياتياحترم جدا وجهة نظرك لكن تاكد انو قريمان وطراجي وبقية وفدها عبارة عن بهارات لطبخة الحوار فقط ..وهذه الاحتفالية بهم من قبل المؤتمرجية شغل بتاع مكاواة ساي بكرة برجعوا لمنافيهم خاليي الوفاض ..دا ما تشاؤم دا معرفة تامة بي هؤلاء المتحكمين فينا السفلة ..مودتي..
Post: #32 Title: Re: الطيب رحمة قريمان Author: علي دفع الله Date: 12-23-2015, 09:29 AM Parent: #18
صديقي كمال عباس تحياتياتفق معاك تماما والبوست هدفو الاساسي انو قريمان فاجاء الجميع عكس المفتاح وبقية اعضاء تراجي .مودتي
Post: #24 Title: Re: الطيب رحمة قريمان Author: علي دفع الله Date: 12-20-2015, 06:14 PM Parent: #17
الاخ العزيز عثمان محمد صالح تحياتي..الحوار هو محطة اساسية في عرف اي سياسي والا يكون فكي ساي ...ولكن ما هو الحوار ...الانقاذ جميع حواراتها مخرجاتها اتكبت في اقرب زبالة طيلة ال26 عاما ..ولا ترعى الاتفاقات وحتى اتفاقية نيفاشا كلفتوها تحت التلويح بالعصا والجذرة من الغرب وامريكا.وتركوا معظم ملفاتها عالقة ..والنتيجة لا الجنوب استقر ولا الشمال استقر ودونك اتفاقات الدوحة وغيرها ...اما الحواران من اول يوم في هذا النظام الكريه لم تقف ونتجاها صفر كبيبببببر ..الكلام دا ليس تاريخا بل واقع عشناه ...لكل هذه الاسباب نرفض اي حوار ...اما مسالة الاحزاب والحوار فيما سبق مع هذا النظام والحوار الداءير الان مع الحركة الشعبية دا حوار ناضج وفق شروط والتزامات دولية مش زي حوار قريمان ...فرق كبير بين عرمان وقريمان ..مودتي
علي دفع الله..حبابك يا صديقيالتحية عبرك لصديقنا العزيز ول ابا الأستاذ الطيب رحمة قريمان..يعني يا علي البيدور في الحزب الشيوعي والحركات المسلحة لازم يكون في خندق الجبهة الإسلامية؟..معيارك غير منضبط يا صديقي..نعم من حقك تواصل في سكتك الماشي فيها ومافي مشكلة..ما هو برضك خيارات شخصية وفردية..وبرضو من حق الأخرين يمشوا في السكة البتريحهم..غايتو انا دورت في الحزب الشيوعي وقطيع الشمال وحركات دارفور..وما ح ارفع رجلي من الجاز الإ بوقف الحرب أو نقلها الى الخرتوم..!واهو قاعد هنا في الصقيعة..وبدعم الأخوات والإخوة المشوا الخرطوم..!ودمت..كبر
Post: #28 Title: Re: الطيب رحمة قريمان Author: علي دفع الله Date: 12-22-2015, 06:52 PM Parent: #27
تحياتي لكم جميعاساعود لكم جميعاولكن لحين عودة خاب ظننا وشفنا قريمان في معية تراجي من غير احم ولا دستور ولا حتى مقدمة منطقية لهذا التحول الدرامتيكي. ساعود لا حقا ...
Post: #29 Title: Re: الطيب رحمة قريمان Author: Salah Ahmed Ali Date: 12-22-2015, 07:45 PM Parent: #28
سلامات اخونا على دفع اللهانا متابع الافلام الحاصلة دي كلهاو شايف قبل كدة قريمان ناشر بوستات كلها ضد الكيزانهسع مشى يفاوض الكيزان في حل مشكلة السوداناقلب الصفحة: قريمان مشى يفاوض ما مشى ينضم ليهميعني محتفظ بموقعه في المعارضة..آخر كلام: انا شايف المفاوضات كلها عبث و لعب عيال
صديقي ود دفع الله تعرف الجانب المشرق من حوار الطرشان انو كان بمثابة اختبار لمعادن كتير من الناس وياريت كل سنة يتحاورو بلغة الاشارة او هرجلة تراجي اهم حاجة وفي النهاية حنكتشف عدد كبير من امثال تراجي وقريمان تحياتي
تحياتي للجميع "ول أبا كبر ,وما ح ارفع رجلي من الجاز الإ بوقف الحرب أو نقلها الى الخرتوم..!"بالرغم من اتفاقي مع كل الحركات المسلحة والحشرة الشعبية على قول عمر البشير على المظالم والأهداف فى تفكيك منظومة مثلث حمدي الا أنني أختلف معهم باشعال أوار الحرب بالهامش ولكن سأقف معهم بكل ما أوتيت من قوة اذا تنادوا لدخول الخرطوم ونقل الحرب اليها بأي طريفة يرونها .أما ول أبا الطيب رحمه قريمان فهو يملك قراره وان كان عتب الأخوة على ذهابه لنظام الابادة له ما يبرره وذلك لما يمتاز به الطيب من قوة الطرح .
Post: #35 Title: Re: الطيب رحمة قريمان Author: علي دفع الله Date: 12-24-2015, 07:45 AM Parent: #23
هاشم كاروري تحياتيشكرا على التعضيدوتحاياك وصلت لجدواتمنى تكون ياكا انت زاتك الفي بالي يا ابو طيف
Post: #36 Title: Re: الطيب رحمة قريمان Author: جمال خضر Date: 12-24-2015, 09:50 AM Parent: #35
ود دفع الله سلام عقدت عصابة الإنقاذ عشرات المؤتمرات فى بداياتها الأولى فى كافة المجالات دعت لها الكثيرين وصرفت فيها أموال الشعب السودانى ببذخ وعنجهية وكانت المحصلة توصيات ظلت حبيسة الأدراج لم يطبق منها شئ على أرض الواقعوالمحصلة كانت هذا التدهور المريع والفساد الذى لم يشهد له مثيل مخدرات بالحاويات ونفايات تحتضنها أرض السودانومشاريع فاشلة أُهدرت فيها المليارات من الدولارات (سد الحامداب) أبرزها الشئ الذى أدى الى تضخم الديون الى أرقامفلكية فهل يا ترى من ضمن أجندة هذا الحوار المزعوم شئ عن الفساد الذى هو السبب الرئيسى لبلاوى السودان ؟وماذا سيكون ردة فعل من شارك فى هذا الحوار الماراثونى إذا تنكرت العصابة لتوصيات الحوار ورمت بها فى سلة المهملاتكما هو متوقع .
Post: #37 Title: Re: الطيب رحمة قريمان Author: علي دفع الله Date: 12-24-2015, 03:34 PM Parent: #36
تحياتي الزملاء الكرام الاخت الكريمة وضاحةالصديق كبرالصديق صلاح احمدالصديق عوض الشيخالصديق صديق الغاليالصديق جمال خضرومن نافذة الفيسالصديق مرهف مرهفالصديق ادن مهاجر ........تحياتي لكم جميعا ...والنوة جات وبشايرها بانت ..وقريمان يصرح انه ضد تسليم البشير للجناءية ...وضاع قصاصه الذي بذل الغالي واهدر فيه كتير من الزمن والمداد الاسفيري...... ....يلا نشوف وشكم على خير ...انتهت رسالة البوست والهدف من فتحه ...يلا بكري ابو بكر لك كافة الخيارات ان تقفله او تشيله...ونتلاقى في قراءة اخرى دمتم علي دفع الله البقى ما فاهم اي شيء...
Quote: والنوة جات وبشايرها بانت ..وقريمان يصرح انه ضد تسليم البشير للجناءية ...وضاع قصاصه الذي بذل الغالي واهدر فيه كتير من الزمن والمداد الاسفيري..
العزيز / الاستاذ علي دفع الله .عهدتك دائما مغوار ، لايخشي في الحق لومة لائم ، فلا تحبط .تعلمنا من الزمان ان شجرة ( اللبلاب ) لاحدود لطموحها ، في التسلق ، وهي تشكل نفسها حسب محيطها وتظل تتسلق الي ما لانهاية ، وتبتعد مسافات بعيدة عن جذعها ،! الي ان تجف وتيبس ! وهذا حال البعض .كثير من الناس اتخذ معارضة الانظمة " وسيلة " . .الغايه منها الوصول لاماكن ، كان من الصعب عليه بلوغها في وضعه الطبيعي . فلابد من محاولة .النتيجة محسومة سلفا . ولا تخرج من اثنين : ( قد تراه غدا هنا بمعيتنا يكتب بضراوة عن انهم لافائدة منهم ، وانهم لايوفوا بوعودهم ووو ..) .او ( لن تراه هنا مرة اخري ) بعد استلامه " عطية المزين " . ويكون قد احترق .!كن كما انت ،،،خارج القصة : لست انا ابوطبف ، لكن سافيدك لاحقاcc:ودمنصور
Post: #39 Title: Re: الطيب رحمة قريمان Author: علي دفع الله Date: 03-09-2016, 07:38 AM Parent: #38
اليوست دا انا كتبتو لمن كنت قايل القبة تحتا فكي....
وكنت مفتكر انو حتة مشيت مع تراجي مزحة سمجة ...
وكنت بشوف فيك الزول الموجوع واتت حايم بي صور الانجاس للقصاص .
لكن اتضح انك ممثل قدير ...ونجحت في ذلك ...
يا لك حرباية ..
الحرباية كاءين جميل تغير في لونها لكي تعيش او تغتات من خشاش الشجر
انا اعتذر للحرباء ..
انت دبيب ملصت جلدك التقليد ولبست الجلد الاصلي..
يلا ازحف مع الزاخفين ...
وتمرغ في وحل الكيزان ..يا هو المكان البناسبك ...
يا كوز...
---'---'
رفعت البوست دا ليس لانك بتمسح مداخلاتي رفعتو عشان اوريك لحظتها كنت من اكتر الناس غير مصدق انك تمشى للحوار ..
حتى التغير الفكري عندو منهج هو التهيءة ..حتى دي انت ما عملتها ...يعني اتضح انك زول تمومة جرتق ....
Quote: يا اخي كان على اسواء الفروض تعمل ليك حركة حركتين ...
تسجيل واتسابي ...شتيمة للحزب الشيوعي والحركات المسلحة ..اي اكشن
سلام يا علي،
الراجل فعلاً ما عمل لينا أي حساب (يعني كنا محتاجين شوية تهيئة).
بعدين بصراحة أنا على المستوى الشخصي مصيبتي أكبر.
عندي واحد صاحبي متابع سودانيز وبيعرف كل الأسماء. قبل فترة إتنبأ بالعملو قريمان وكنت بضحك عليهو وبقول ليهو: شوف ليك زول مواقفو نص نص لكن ما قريمان.
هسي شغال فيني شماتة لا ليها أول ولا آخر.
ما عمل لينا حساب ياخ.
Post: #44 Title: Re: الطيب رحمة قريمان Author: علي دفع الله Date: 03-09-2016, 03:02 PM Parent: #43
صديقي عودو فعلا الانتهازية سلوك بطغى على الشخص الوصولي ذو النفس القصير ..درب النضال حااااار جمر ...اخبارك الخاص والعام طولنا من سماع صوتك ...اتمناك بخير..-------صديقي الجميل محمد ابو العزايم صديقك دا انسان عميق ما زينا كدة تحياتي ليه عبرك .... زي قريمان دا احسن يتفكك بدري بدري هسي شايفو بقى شغال شكارة في المؤتمرجية والجتجويد ..مودتي
يا علي الهنود عندهم إله عندها زي خرطومية إيد صاحبك بقى يزغرد بي يد ويمسح في المداخلات بيد وفي شنبو من سحت الانقاذ بي يد مستقبله كرجل سلام هو حر فيه لكن عليك علي ما اخليه ينسى ماضيه الثوري
Post: #46 Title: Re: الطيب رحمة قريمان Author: سيف اليزل سعد عمر Date: 03-09-2016, 03:50 PM Parent: #45
Quote: صاحبك بقى يزغرد بي يد ويمسح في المداخلات بيد
Post: #47 Title: Re: الطيب رحمة قريمان Author: علي دفع الله Date: 03-09-2016, 06:58 PM Parent: #46
منتصر ازيك يا اخي هذا القريمان عامل نفسو رسول الحوار المنبثق من خوار الطرشان ...
ومع ذلك بمسح الكلام الما بتوافق مع خطه ودي بتنسف كل حروفو الخاصة بالحوار ..هو قايل الحوار بس شكر وتمجيد لي شخصو عينة لبق وكلام وعندو كاريزما وعندو جزمة وبلولو شلاليفو في الكلام ...
انسان بمسح مداخلات ليس جدير بالاحترام ...
------'--------؛
سيف اليزل رامي وشك الاخدر تضحك ساي هههه لسع حايم الصحاري ولا رجعت
Post: #48 Title: Re: الطيب رحمة قريمان Author: علي دفع الله Date: 03-10-2016, 02:32 PM Parent: #47
Up
Post: #49 Title: Re: الطيب رحمة قريمان Author: عماد الدين الطيب عمر Date: 03-13-2016, 05:39 PM Parent: #48
عملها ظاهرة ...
بيعة رخييييصة
يا ابو آدم
بي كم دي ...
Post: #53 Title: Re: الطيب رحمة قريمان Author: علي دفع الله Date: 03-14-2016, 01:17 PM Parent: #49
عماد الدبن يا صديقي ازيك يا اخي ...
فعلا بيعة رخيصة ...قريمان تدحرج ....
وفكا التراك ..ولا حينال بلح الشام ولا لالوب القيقر .
مودتي يا صاحب
Post: #50 Title: Re: الطيب رحمة قريمان Author: عماد الدين الطيب عمر Date: 03-13-2016, 05:46 PM Parent: #40
شالت دلوكتا و ظبطتلا غنوتين تلاتة اسف قاصد فيديوهين تلاتة
و الجماعة طوالي انبرموا معاها ايه قالت وفد المنافي.
لا يا علي اخوي النكتة لو واخد بالك في المؤتمر الصحفي لمان بتعرف
فيهم فلان الفلاني كندي و طوالي يروح واقف.
غايتو يا قريمان اخوي ما تستاهل كنا مدخرنك ليوم كريهة و سداد ثغر
لكن و كما قيل من مأمنه يؤتى الحذر.
علي كيفنك اريتك و الولاد طيبين
و الف حمد لله على سلامة اخونا وليد الحسين
Post: #56 Title: Re: الطيب رحمة قريمان Author: علي دفع الله Date: 06-02-2016, 08:14 PM Parent: #55
انت امسح يا بتاع القفشات والنكات هههههه قال قفشات هسي عليك الله احمد موسى دا عاوز ليه وفد منافي وتراجي ومؤتمر صحفي با اخي الاخ احمد موسى متوفر في كل لمات البورداب يعني عادي لو مشبت اجازة ساي كدة كان اتشرفت بملاقاته ... يعني كب الهيلمانة دي عشان تجي تعمل قفشات وصور وانطباعات هههههههه وين مخرجات الحمار الوطني اسف الحوار الوطني . والله يا قريمان بقيت تحنن... لحدت اللحظة الكورة في ملعبك قول يا اخي تراجي خمتك وتعال اعترف انك دقست وغلطت عاااااادي ..بس تعمل رايح من مخرجات حواركم المنبثق من الابنبثاق هههههه اتذكرت صديقي ود ابسن وبوستو بتاع الانبثاق ..والله يا حفيظ قربت افتح بوست منبثق لمن قريمان مسح مداخلتي لكن اتذكرت البوست قلت اوريه اذا مصر تمسح برصو حا نقول ليك راحت عليك يا بتاع القصاص لا نلت عنب القصاص ولا بلح الحوار .. انا حزين علشانك ...
