حقائق صادمة عن المسلمين في أمريكا

11:34 AM Dec, 12 2015

سودانيز اون لاين
Mohamed E. Seliaman-شمال جوبا
مكتبتى
رابط مختصر

2- المسلمون في أمريكا هم أكثر أقلية متنوعة عرقيا في البلاد.

4- المسلمون في أمريكا مثقفون بصورة أفضل من أغلب الأمريكيين.

تحمل النساء المسلمات شهادات جامعية بنسبة تفوق عدد ما حصل عليه الرجال المسلمون.

6- المسلمون وجدوا في أمريكا منذ ميلاد الدولة، حيث يقدر باحثون وعلماء التاريخ أن ما بين ربع وثلث الأفارقة الذين أحضروا إلى أمريكا كعبيد كانوا من المسلمين.

سلام يا محمد

تقول:
** المسلمون في أمريكا هم أكثر أقلية متنوعة عرقيا في البلاد
المسلمون في أمريكا مثقفون بصورة أفضل من أغلب الأمريكيين.
تحمل النساء المسلمات شهادات جامعية بنسبة تفوق عدد ما حصل عليه الرجال المسلمون.**

هل هذه حقائق صادمـة أم ســارة؟

Quote: المسلمون في أمريكا مثقفون بصورة أفضل من أغلب الأمريكيين

سلام يا محمد إي، لماذا تغير كلمات التقرير الذي تعلف منه؟!
التقرير بقول متعلمين وليس مثقفين
معروف عاليماً بأن المسلمين أقل ثقافة بالنسبة لغير المسلمين
الثقافة في وادي المسلمين في وادي آخر

سلامات محمد اي و الاخوان
يا نذير كيفك, تقول

Quote: معروف عاليماً بأن المسلمين أقل ثقافة بالنسبة لغير المسلمين الثقافة في وادي المسلمين في وادي آخر

المرجع شنو الاستندت عليه لتقرير انه دي حقيقة معروفة عالميا ؟

Quote: 2- المسلمون في أمريكا هم أكثر أقلية متنوعة عرقيا في البلاد.

برضو المعلومة دي غير صحيحة.

المسلمين في أمريكا أتين من خلفيات عرقية مختلفة، وهم يفضلون البقاء وسط عرقياتهم وليس مع الذين يشاركونهم الديانة.
لأنهم وبكل بساطة بيعتقدوا أنهم هاربين أساسا من طريقة الحياة المتخلفة الغير متسامحة، في أوطانهم الأم.
وبعضهم لا يفضلون حتى بالأختلاط مع بني وطنهم الأم.

Quote: This report includes facts and figures from various surveys and studies, all of which are hyperlinked in the body of the story.

وعليكم السلام ورحمة الله
كيفك الأخ نذير؟

Quote: لماذا تغير كلمات التقرير الذي تعلف منه؟!

لا ما غيرته
الخبر نقلته من CNN العربية ويمكنك مراجعة ذلك.


مداخلة الأخ محمد البشرى خضر مهمة يا ليت ترد عليها!

وعليكم السلام ورحمة الله
الأخ Abureesh
صادمة أو سارة
يعتمد على موقف المتلقي من الإسلام أو المسلمين.
ويظهر لك ذلك جليا من تباين آراء المتداخلين في هذا الخيط.

**
صادمة أو سارة
يعتمد على موقف المتلقي من الإسلام أو المسلمين.**
كيف دا؟ هل نعتبر انك كمتلقى فإن الخبر غير سار بالنسبة لك؟ واعتقد مخلصا انك حين قلت: "حقائق صادمة" كنت تعبر عن نفسك وليس عن الاخرين.

انا كمسلم فهذه حقائق سـارة جدا ولا تهمنى مواقف الغير، لأنى أعبر عن نفسى وليس عن الاخرين.

السلام عليكم دكتور محمد

والتحايا للجميع

يا اخونا Abureesh انت ما ملاحظ للايقونة دي

خد هاك




ويا النزير ودينق ما تعملوا غمرانين
تعالوا ردوا علي ناس CNN ديل

من ملاحظتي الشخصية:
- في العرب تجد أن الشوام من لبنانيين و سوريين و فلسطينيين اكثر تعليما و نجاحا من غيرهم.
- في المسلمين عموما الاكثر اندماجا و تعليما هم المسلمين الاوربيين يليهم الهنود و الباكستانيين.
- وسط المسلمين الافارقة لاحظت أن النيجريين و الغانيين هم الاكثر تعليما.
دي طبعا ملاحظات ساي و من مدينة متوسطة الحجم مثل التي اعيش فيها.
النجيضة انو اللبنانيين كالعادة فايتين الناس مسافة ههههه طبعا في حسابات الجماعة ديل المسلمين
تعني الجميع سنة و شيعة و دروز. في مدينتنا توجد جالية درزية كبيرة كلهم من رجال الاعمال
و اكثرهم حاصلين على شهادات عليا و ابنائهم بالطبع متعلمين جدا.

شكرا يا الصادق الخالدى على النجيضــة.

الاخ محمد الحسن سليمان أخطأ حين لم ينسب التقرير الى مصدره ونشره على أساس انه رأيه حتى إن لم يقل ذلك.. إن لم تنصص الحديث وتنسبه لمصدره
فأى واحد يفترض (وهو على حق) انه حديثك.. البعض يعتبرها سرقـة أدبية.. والبعض الاخر يعطى الأعذار، ولكن بعد ان تنبه للموضوع، فبدل تصحيح
الخطأ كتب تبريراً غيرباً في ان التعبير يعتمد على المتلقى.. وهذه طبيعـة معظمنا كسودانيين، من الصعب جداً الاعتراف بالخطـــأ.

سلامات يا دكتور،،،

وإضافة لكلام الأخ أبو الريش.. ترى ما السر وراء إخفاءك للفقرة الأولى والثالثة من التقرير (الصادم) هذا؟

التقرير إعترف بعدم وجود إحصاء دقيق...

يا جماعة الخير
محمد سليمان كاتب في اعلى الصفحة وجنب العنوان على يمين العنوان كلمة "منقول"
والكلمة ذاتها بتنطط براها عشان تشوفوها ...وما تظلموه ساكت...
اما حكاية اللبنانيين والسوريين والفلسطينيين هم اكثر الناس ثقافة فهذه المعلومة غير صحيحة
وفيها اجحاف للسودانيين ...ودائما بنقرا ان المصريين بيكتبو واللبنانيين بينشرو الكتب البكتبوها
المصريين والسودانيين هم البيقرو هذه الكتب..وبالتالي هم اكثر شعوب الارض ثقافة..ولا فخر!!
اما الاوربيين والامريكان فممكن تقول عليهم متعلمين وعلماء في التكنلوجيا ...ولكن مافي ثقافة
عامة....والادلة كثيرة جدا جدا...وعندي منها صفحات..
وملحوظة اخيرة عن اللبنانيين...فهؤلاء رافعين نخرتهم في السما ومتكبرين زيادة عن اللزوم
وبيعتبروا نفسهم افهم ناس في الدنيا وبعضهم بيعتبروا نفسهم خواجات...
وقرات مرة ان السودان لمن قدم طلبه لعضوية الجامعة العربية اعترض اللبنانيون
وقالوا السودان ما دولة عربية...(ونحن ذاتنا ما بتشرف نكون اعضاء في هذه الجامعة
الكسيحة ...لاننا ذاتنا ما عرب...فنحن افارقة دما ولحما ولونا وثقافة ...
ودمتم بالف خير وصحة وعافية

هذا التقرير بنسبه ليك انت كمسلم سار وبالنسبة الامربكي صادم.
والله محمد E ارعبتنا وقلنا في كارثة جات..وخصوصا هذه الايام كمسلمين في امريكا شمالية قلوبنا في يدنا ونفكر كثير. فيما تخفيه الايام...
اشان كدا يا اخونا ذا عايز تكتب مثل هذه المواضيع ما تزيد اثارة من عندك. وتلوي الحروف.والكلمات.
ونسال الله العافية والسلامة للاخوة المسلمين في الغربية.
ونسال الله الهداية للاوليك الذين يروعون ويخربون بلاد الامنة وشعوبها المسالمين .
.والذين يشهون سمعة الاسلام والمسلمين .
اميين

محمد E سليمان السلام عليكم

----------
بسمات الشيخ سلام محمد E ده لو كتب نقطة عنده فهم وكتر خيرك
علي الرد انه ناقل بس خليك متابعة وتشوفي جنس محن

يا مسلمي، بوستات محمد سليمان دي ناقصة ودالصائم بضحكته الأنيقة، وروحه الحلوة، عشان يدخل بسطرو الواحد داك مع قعقعة صورتو ويقول للناس:
أعملوا حسابكم قدامكم حفرّة

يادكتور ابوبكر عباس سلام
شفت السطر حق ودالصايم بكون قراء وفهم الحاصل وراجي البقع فيها منو عشان يضحك
اها شايف واحد جاء مقنطر وشات ساهي وكمان عايز يعمله عالف عديل 😜😜😜😜😜

------
منتظرين ومتابعين

سيد البوست قال انو منقول بطريقة واضحة جدا إلا لمن أبي
كما انو صدق في حكاية حقائق صادمة دي باعتبار انه فعلا الحقائق
دي صادمة لغير المسلمين ولو لم أكن مسلما لكنت فقدت الوعي عديل.

Quote: اما حكاية اللبنانيين والسوريين والفلسطينيين هم اكثر الناس ثقافة فهذه المعلومة غير صحيحة

الاكتر ثقافة البنتج الثقافة و للا البطلع عليها :) ؟
انا لا اتحدث عن مقارنة عامة..حديثي محدد بامريكا و مجتمعات المهاجرين العرب و المسلمين فيها
و دليلي هو مشاهداتي الشخصية..طبعا هذه ليست وسيلة علمية و لكنها تكفي لاثارة الاسئلة و التحريض على البحث.
انت مثلا تعيشين في نيويورك صحيح؟
هل لديك اختلاط بالجاليات العربية و الاسلامية؟
هل يمكنك ابداء ملاحظاتك على اوضاعهم من حيث مستوياتهم التعليمية و المعيشية؟

ترجمة السي أن أن بالعربية خاطئة، التقرير الأصلي مترجم من موقع قناة السي أن أن الأم ويقول في هذه الجزئية:

Quote: They're better educated than most Americans U.S. Muslims have the second-highest level of education among major religious groups in the country; Jews have the highest. And a greater proportion of them have college degrees than the general U.S. population.

المصدر:
http://www.cnn.com/2015/12/08/us/muslims-in-america-shattering-misperception/

النذير حجازى،

طيب لوم فى الأول ال سى ان ان الأصلية – الأنت معترف بيها و انت مغمض دى - كيف تسمح بمثل هذا الخطأ فى الترجمة لى سى ان ان عربية و هى جزء منها، مالك ماسك فى محمد اى سليمان المسكين ده!!!!

النذير حجازى، عليك الله خليك راكز شوية و ما تتسرع فى الحكم على الآخرين بدون دليل.

انت بالذات قبل كده وصفت كلامى بالخارم بارم و أنا أنقل حقيقة علمية تطبيقية أثبتت و طبقت فى القرن الماضى. و تجاهلت أن تعتذر عن جهلك بهذه الحقيقة.

انت مثلا تعيشين في نيويورك صحيح؟
هل لديك اختلاط بالجاليات العربية و الاسلامية؟
هل يمكنك ابداء ملاحظاتك على اوضاعهم من حيث مستوياتهم التعليمية و المعيشية؟(QUOTE)
<<<\
,>>>>>
>>>>>>

عزيزي الفاضل سيف النصر
نعم عندي اختلاط بالجاليات العربية والإسلامية..اضافة الى معرفتي بطالبات كثيرات في الجامعة
ودائما يدور بيننا مناقشات حول هذه المسائل.
- بالنسبة للسؤال الثاني.. لم افهم السؤال بصورة صحيحة... فهل السؤال عن قدرتي في ابداء ملاحظات عن مستوياتهم
التعليمية والمعيشية ام السؤال عن ما اذا كان لي مطلق الحرية في ابداء هذه الملاحظات من عدمها...
لكن على أي حال يمكن ابداء الملاحظات عن المستويات التعليمية .. لمن المستويات المعيشية فلا يمكنك في نيويورك
ان تقوم بمثل هذه الملاحظات... لان مستوى المعيشة ، اذا استبعدنا المليارديرات مثل ترمب وبلومبيرج، فالمستويات
متقاربة... لكل سكان نيويورك... سواء كان فقيرا او غنيا...( بس غنيا دي ما معناها المليارديرات)
وبعدين المثقفين هم البيقرو الكتب مش البألفو الكتب..ولا البينشروا الكتب..
ودمت بالف خير وصحة وعافية..

سؤالي يا بسمات :هل الناس من البلد الاصل X مثلا اوضاعهم هنا في امريكا افضل بشكل عام من الناس
من Y and Z مثلا من البلدان؟
هل الجميع على قدم المساواة من حيث مستوياتهم التعليمية و اوضاعهم الاقتصادية ام أن هنالك
تفاضل بينهم؟
انا ابديت ملاحظاتي عن مدينتي التي اعيش فيها و قلت انه بشكل عام الشوام افضل حالا من غيرهم
لاسباب لم ابحث فيها و لكن واقع الحال بحسب ملاحظتي يقول ذلك. طيب أنت قلت أن هذا الكلام
غير صحيح. رايك هذا سافترض انك بنيته على مشاهداتك في المدينة التي تعيشين فيها لذا طلبت
منك أن تحدثينا عن وضع الجاليات العربية و المسلمة هناك كي نتمكن من عقد المقارنة .
ثم انتاج الثقافة و العلم مرحلة بالضرورة متقدمة على مجرد الاطلاع على المنتوج.

Quote: انت بالذات قبل كده وصفت كلامى بالخارم بارم و أنا أنقل حقيقة علمية تطبيقية أثبتت و طبقت فى القرن الماضى. و تجاهلت أن تعتذر عن جهلك بهذه الحقيقة.

سلام يا أنور تاج السر، والله آسف لو زعلتك بدون قصد، وأمسحها لي في وشي، والعفو والعافية

أخوى النذير مافى عوجة تب و انت زول جميل و خير، و أنا مافى قلبى زعل من أى زول فى هذا المنبر، هو فقط مجرد نقاش بس اتحرى الدقة قليلاً حتى لا يفهمك أحد خطأ و ياخد فى خاطرو.

نختلف كيفما كان بس تبقى اخوتنا فى الانسانية و الوطن الجريح.

بالنسبة للأيقونة منقول لم الاحظها.. ولا استعمل هذه الايقونة في النقل لأنها ليست طريقـة تنصيص (قياسيـة).
ثم حتى لو استعملت الأيقونة فيمكن كتابة (منقول عن سى ان ان) مثلا.. أنا دائما أكتب منقول عن سى ان ان، ثم اضع الرابط (المصدر).

المهم يا عزيزى د. محمد حصل خير وباللاى ركز على المصدر وطريقـة التنصيص المعروفة..

تحياتى.

الأخ محمد البشرى الخضر
وعليكم السلام ورحمة الله.
لك علي دين مستحق بالرد في بوست جرفته الأرشفة.
مشكور على السؤال والذكرى. عناوين المنبر العام إلخ .
هذا أولاً.
ثم ثانيا: الأخ النذير هو الذي أطلق الدعوى قبلك
وصحيح أنه لم يقم حجة تسندها ولم يتبت مرجعاً يحال إليه
لكن أنت الآن مطالب بإثبات العكس عملا بالقاعدة المنبرية:
من سبق بإطلاق الدعوى في المنبر طولب المعترض عليها بإثبات عكسها.

دينق تحياتي

Quote: المسلمين في أمريكا أتين من خلفيات عرقية مختلفة، وهم يفضلون البقاء وسط عرقياتهم وليس مع الذين يشاركونهم الديانة. لأنهم وبكل بساطة

تقصد بكل بساطة شديدة جدا جدا؟
يا دينق التنوع العرقي معناه المقصود واضح:
عدد الخلفيات العرقية للمسلمين >
لو أردنا تخريجات أخرى يسعنا فعل ذلك راجع هنا مع الشكر

تماما يا النزير حجازى لم تراعى السي ان ان العربية الدقة والنزاهة فى ترجمة التقرير الاصلى.
هذه معضلة الميديا العربية والإسلامية عموما ,دايما يسعون لإحراز نقاط فى صالحهم حتى عن طريق لى عنق الكلمات و تزويرها ...
الكلام هنا واضح عن مستوى تعليم الإثنيات التى تنتمى للديانات الرئيسية !
يعنى المقارنة هنا لا تشمل باقى الامريكان من خلفيات ثقافية اخرى! لو فى دراسة دقيقة عن الموضوع ممكن المتعلمين من خلفيات بوذية يطلعوا متعلمين اكثر من المسلمين!
بعدين المسلمين خشم بيوت ,مثلا السلفيين امثال صاحب البوست ممكن يكونوا متفقهين أكتر فى غسل الجنابة وهكذا!
تحياتى

الأخ مجدى محمد عبد الله
شكرا لمرورك وتثبيت الاقتباس.

يا محمد إي، ليه تطالبني بالإثبات وعندما أقدم الإثبات تمسح مداخلاتي؟!

تحياتي للجميع

صاحبنا مهندس النذير مصمم قطار مكة وسواقو السعودي
ياهندا كلامك

Quote: سلام يا محمد إي، لماذا تغير كلمات التقرير الذي تعلف منه؟! التقرير بقول متعلمين وليس مثقفين معروف عاليماً بأن المسلمين أقل ثقافة بالنسبة لغير المسلمين الثقافة في وادي المسلمين في وادي آخر

وهذا استفسار ود البشري ليك

Quote: المرجع شنو الاستندت عليه لتقرير انه دي حقيقة معروفة عالميا ؟

واردف ليك اخونا محمد بعد ما ثبت ليك مصدره العملت منو رايح
بعد تهمتك ليهو اللي اسة ما اعتذرت منها

Quote: لا ما غيرته الخبر نقلته من CNN العربية ويمكنك مراجعة ذلك. مداخلة الأخ محمد البشرى خضر مهمة يا ليت ترد عليها!

جيت بي كل قوة عين تلاجج في الترجمة وما ادراك
طيب محمد الحسن علاقتو شنو بالموضوع دا
وقصة تلصق ليك مقطوعات عن الضراط وما شاكل ذلك
انت بتفتكر انك بتحرف البوست عن غرضه
يا زول اسة ممكن نملي ليك البورت دا
بي ثقافة العلمانية واللبرالية والشيوعية القاشر بيها دي
في كيفية اكل البراز الآدمي والعلاج به وتزويج و مضاجعة الكلاب والقطط
وصحابك الجاي فرحان دا
مالو ما جاب لينا ترجمة مغايرة لدعواه
ولة بس شغال شلاقة

الأخ الصادق الخالدى
السلام عليكم وشكرا لأنك متابع
ألاعيب النذير !
يا النذير بطل جقلبة وين أنت جبت إثبات لدعواك؟
ما قمت بحذفه لا علاقة له بالبوست
القليل من المصداقية لا يضر !
أتحداك لو أتيت بدليل على دعواك فلن أحذفه
أقول لك حاجة ؟ لو عندك دليل فقم بإنزاله في بوست جديد
ولن أقدر على حذفه!

Quote: ما قمت بحذفه لا علاقة له بالبوست

يا محمد إي اللي بجقلب منو فينا؟! قصة لا علاقة له بالبوست دي بحددها القارىء وليس صاحب البوست
خلي القُراء تحكم.

وما ح أفتح بوست ولا عندي زمن، ولو كان عندي زمن ح أفتحو في السلفي الضاحك الصادق الخالدي
و ح يكون عنوان البوست البقرة الضاحكة، وأحث السلفيين يعملوا ليهو ورشة عمل، الزول دا ما ناقش
أي حاجة في الدنيا ولا حتى السلفية بتاعتو دي ما ناقشها، والله لو ما أخاف الكضب أقول أخونا دينق المسيحي
دا، حافظ أحاديث نبوية أكتر منو، ويا دينق مشتاقين يا فردة وما تنسانا من صالح الإتصالات، ويا د. مرتضي
معليش كتبت ليك رد بس صاحب البوست حذفه.

Quote: مالو ما جاب لينا ترجمة مغايرة لدعواه

They're better educated than most Americans
U.S. Muslims have the second-highest level of education among major religious groups in the country; Jews have the highest. And a greater proportion of them have college degrees than the general U.S. population.

They have more gender equality

السلفى الالخالدى ,الكلام دا واضح إنو بتكلم عن التعليم والدرجات العليمية وليس الثقافة "إن بلين إنقليش " in plain english >
لو إنت جاهل بأبسط معانى اللغة الإنجليزية تبقى دى مشكلتك تحلها بطريقتك, السي انان العربية حرفت الكلام النقلتو من السى ان ان الام بصورة واضحة وغير مهنية !
شوف ليك إنت مترجم سلفى وهابى وتعال نشوف الكلام بقع وين.

Quote: افظ الإمام محي الدين · كالغاري أخونا أبو النيذ، قلت لي مشغول، أوعي تكون عاوز تزيد سرعة القطر أكثر من أربعمائة كيلو في الساعه، غايتو دي يكون عفريت سيدنا سليمان ما سبقك عليها. بعدين قبل ماتجيب أدلتك دي كنت متعشي لوبا عفن وللا شنو .

يا بلوكارد ولة شنو كدا ما عارف ركز في ورقك ومبروك عليك التنقليزي
شكلك انت ومهندس قطر عجيب من الاشباح اخوان

Quote: Quote: 2- المسلمون في أمريكا هم أكثر أقلية متنوعة عرقيا في البلاد. برضو المعلومة دي غير صحيحة. المسلمين في أمريكا أتين من خلفيات عرقية مختلفة، وهم يفضلون البقاء وسط عرقياتهم وليس مع الذين يشاركونهم الديانة. لأنهم وبكل بساطة بيعتقدوا أنهم هاربين أساسا من طريقة الحياة المتخلفة الغير متسامحة، في أوطانهم الأم. وبعضهم لا يفضلون حتى بالأختلاط مع بني وطنهم الأم.

اخونا دينق دا بي سببو
وبتكلم عن ناس من نوعيتكم
انتوا ماكو مسلمين
يعني باكين علي المصداقية والترانسليت
قسس والله

اهة هاكم اتمتعوا






معليش الانترنت غير مساعد في السودان

Quote: معليش الانترنت غير مساعد في السودان

قبضتك بالثابتة 😭😭😭😭😭😭