Post: #1
Title: أردى واقبح عملة ورقية في العالم
Author: فرح الطاهر ابو روضة
Date: 12-11-2015, 06:35 AM
Parent: #0
05:35 AM Dec, 11 2015 سودانيز اون لاين
فرح الطاهر ابو روضة-...................
مكتبتى
رابط مختصرولا عايزين نتكلم عن انهيار الجنيه السوداني وحالة الموت السريري الذي يعانيه الجنيه امام العملات الأخرى ولا عن فشل الوعود التي تحدثت عن انفراج اقتصادي كبير وثورة إنتاج الذهب القادمة التي تنعكس على الاقتصاد السوداني ولا عن هباب الاصلاحات اازراعية القادمة والموسم الزراعي الصيفي غير مبشر بأي إنتاج يسد رمق المزارع ناهيك من سد فجوة غذائية للبلد بل بنتكلم عن العملة الورقية في شكلها الحالي الورق الخام نوع الألوان المستخدمة وخاصة 2 جنيه 5 جنيه قول عشرة جنيه بالله عليكم الناس ديل بجيبو الورق ده من وين ومعقول يكون نوع الورق المستخدم عندنا ده ورق عملات متعارف عليها وهل يعقل تكون كل العملة الورقية المنتشرة في البلد حالها يغني عن السوال عندي قريبي من هواة جمع العملات الورقية عنده قروش من أيام الجنيه آب جمل وحتى عملة نميري أم عمة الغريبة هذه العملة لا زالت تحتفظ بهيبتها وجمالها وتديك إحساس انو انت أمامك عملة الحاجة دي خلتني أقارن و أفكر واتاكد تماما
انو القروش دي قبيلة بني كوز عندها ليها مطابع خاصة
وما ليها أي التزام بمعايير العملات العالمية طيب يا كيزان السجم اطبعوا حد ما تقدروا بس عليكم الله ورق جيد في السوق مافي ولو الورق الجيد صعب عليكم استخدموا بدايل أن شاء الله تعملوا نظام ماركات
زي المستخدمة في المطاعم واكتبوا عليها هذه الماركة من فئة ال 2 جنيه مثلا
مش احسن من القمامة الحايمة في السوق ووسط المواطنيين دي
|
Post: #2
Title: Re: أردى واقبح عملة ورقية في العالم
Author: فرح الطاهر ابو روضة
Date: 12-11-2015, 06:45 AM
Parent: #1
حكى لي صديق بانو استأجر رقشة من موقع العمل للمنزل عند محطة الوصول ولحظة الحساب القبلي يوم الحساب دفع الصديق لصاحب الرقشة المبلغ كاملا غير منقوص رفض صاحب الرقشة استلام المبلغ بحجة انو القروش تعبانة يا عمك استبدل الصديق المبلغ عدة مرات في النهاية رضى صاحب الرقشة استلام الفئة الأولى التي رفضها اول مرة بل ورفض حتى حافز إضافي وهو يحرك رقشته في قناعة شكرا ليك يا عمك لكن دي أقع بيها وين الغريبة ما بتاع الرقشة براهو ممكن يقول ليك دي أقع بيها وين مرات البنك ذات نفسه بقسم ليك مبلغك زي كيمان المرارة جزء بكون مقبول ليه وجزء الآخر الموظف بقول ليك اتبالا بيه بس بي لطف
|
Post: #3
Title: Re: أردى واقبح عملة ورقية في العالم
Author: فرح الطاهر ابو روضة
Date: 12-11-2015, 07:02 AM
Parent: #2
ما يجي ينط لي زول يقول لي انحنا السودانيين ما بنعرف نحافظ على العملة وبنتعامل معاها بطريقة غير مهذبة ويبقى العذر أكبر من الذنب كما فعل وزير قبيلة بني كوز القال انو تدهور الاقتصاد السوداني بسبب المواطن لانو تحول لمستهلك وغير منتج والله صحي الشعب السوداني البدفع ضريبة حتى على حفرة الدخان عير منتج يا سعادتك
الشعب السوداني الاتحول الخريج فيه لصاحب مهن هامشية بعد ما جففتوا المصانع والحقول ودمرتوا كل مناطق الإنتاج الشعب السوداني المحال كله للصالح العام وبأمر التمكين صحيح غير منتج
عارف ليه يا وزير الغفلة لانو اصلا سياساتكم ما سياسة إنتاج ولا عندكم إمكانية لإعداد دولة انتاجية والدولة يا سعادتك منذ ستة وعشرين سنة غير منتجة وتعيش على عرق المواطن الغير منتج اصلا كما تكرمت
المهم ده كله ما موضوعنا مجرد فش وجع
خلونا في كرور الورق الحايم وقالوا عملة ده
|
Post: #4
Title: Re: أردى واقبح عملة ورقية في العالم
Author: فرح الطاهر ابو روضة
Date: 12-11-2015, 12:19 PM
Parent: #3
،،
|
Post: #5
Title: Re: أردى واقبح عملة ورقية في العالم
Author: قسم الفضيل مضوي محمد
Date: 12-11-2015, 12:21 PM
Parent: #3
| Quote: تعليق واحدفرز حسب الأبرزBakry Mohammed Musa · يعمل لدى سمسار عقارات واراضيأردأ وليس اردىأعجبني · رد · 2 ساعة |
يا فرح امشي حل مشكلة الامية بتاعتك دي اول وبعدين تعال حل مشكلة رداءة عملتنا وقبحها ... شكلو الشتاء (قارص) معاك ...
|
Post: #6
Title: Re: أردى واقبح عملة ورقية في العالم
Author: فرح الطاهر ابو روضة
Date: 12-11-2015, 12:47 PM
Parent: #5
يا قسم الفضيل ده القدرت عليه هههه يا قسمة الكيزان انا بتعامل معاك بي موبايل قلة حيلتو أضعف من مروة كيزانك أها رأيك شنو في الموضوع خليها أميتي انحنا كاسرين أمية لكن ما زي كسرتكم انتو
|
Post: #7
Title: Re: أردى واقبح عملة ورقية في العالم
Author: قسم الفضيل مضوي محمد
Date: 12-11-2015, 06:22 PM
Parent: #6
يعني سبب الأخطاء الاملائية بتاعتك الموبايل ... الحمد لله ما قلت الحكومة هي السبب ...  طيب الدنيا دي كلها ما شغالة من الموبايل ليه ما قاعدين يجلطوا زيك كدة ؟؟؟قبل كدا كتبت عنوان بوست وقلت فيه الشتاء (القارص) وقاصد بيها الشتاء القارس ... اها دي بسبب الموبايل برضو ؟؟؟بعدين موضوع البوست عنوانه غلط في رأيك ما بداخله ح يكون صحيح ...قال رأيك شنو في موضوع البوست ؟؟؟يا ابو الرياض انت خليك مع ناس السروال ابو 10 ريال وخلى موضوع العملة الورقية دا لي ناسها ...
|
Post: #8
Title: Re: أردى واقبح عملة ورقية في العالم
Author: ست البنات
Date: 12-11-2015, 09:41 PM
Parent: #7
الأخ فرح أبو الروضة ,تحية كبيرة وسلام,فاقد الشيء لا يعطيه !الكيزان مفرغين من الجمال ! ( معلمين الله) من جمال وفن !ما شائف الميادين كلها تعمل وجع وش ! عبارة عن أسمنت صب على عجل !بالإضافة للصفة اللصيقة بهم ( حرامية) !يكونوا عملوا عطاء لطباعة العملة وسمسروا فيها !ملحوظة: أشهد بأنه اذا كان أبو الروضة أمي فليس هنالك مستنير !ست البنات.
|
Post: #9
Title: Re: أردى واقبح عملة ورقية في العالم
Author: فرح الطاهر ابو روضة
Date: 12-12-2015, 03:20 PM
Parent: #8
يا ست البنات كيفن حالك يا زولة زي قسم الفضيل ده لما الواحد يشوفوا حايم في موضوع يعني الجماعة رأس السوط وصل ليهم وحركوا كل اليرقيات استنفارالمهميتحدث سامر المدينة عن فئة ورقية كيزانية مزورة وبأنو أعداء الانقاذ يسهمون في ذلك انا ما عارف المشتهي يزور المزور منو
|
Post: #10
Title: Re: أردى واقبح عملة ورقية في العالم
Author: عمر عبد الكريم علي
Date: 12-12-2015, 03:59 PM
Parent: #9
غايتو اكتر حاجه بالغو فيها الجنيه الورقي ده بتمسح مره وحده ببقى ورقه باااااهته قسما بالله الريال تنساهو جوه الهدوم ويلف في الغساله 7 لفات تمرقو زي ماهو لابتشرط لا لونو بتغير ولا بتجيهو اي عوجة ناسنا ديل اي حاجه عندهم بقت سلفقه وليس ليس يطلع كويس
|
Post: #11
Title: Re: أردى واقبح عملة ورقية في العالم
Author: آدم صيام
Date: 12-12-2015, 05:30 PM
Parent: #10
| Quote: أشهد بأنه اذا كان أبو الروضة أمي فليس هنالك مستنير !ست البنات |
والله مرة تداخلت عليه ولا عبّرني ظاتو!!!الاحتمالات:- - يا بزعمه أني غير مستنير!- - أو برد حسب الجهوية الحديثة!! ( طبعا، لديّ الجهوية ما بعد القبلية تحوصلت في كل ما هو (فاشين) تقدمية، شيوعية، لبرالية، منظمات عالمية ان جي أو إلخخخخ.- ولا في واحد أوصاه/ا قال ليه جليهو هذا الـ.... !!! -
|
Post: #13
Title: Re: أردى واقبح عملة ورقية في العالم
Author: فرح الطاهر ابو روضة
Date: 12-15-2015, 06:15 AM
Parent: #11
معقول يا آدم ياخ وعلى العموم انا ما شفت ليك رد ولم اتجاهلك بقصد يوما ولك العتبى حتى ترضى
|
Post: #12
Title: Re: أردى واقبح عملة ورقية في العالم
Author: فرح الطاهر ابو روضة
Date: 12-13-2015, 12:23 PM
Parent: #10
يا عمر ريال السعودية والله ممكن تنساهو وتغسلوا عدة مرات ويظل كما هو ما فيش دولة واحدة ممكن تهري فيه العملة وتصل الحد الواصله ليه الجنيهات بتاعت قبيلة بني كوز قلنا ليهم الماركات أفضل من القضايح دي
|
|