اين ديوان الزكاة وكفالة الايتام؟

04:09 AM Dec, 11 2015

سودانيز اون لاين
أيمن نواى على-USA
مكتبتى
رابط مختصر

هل يحق لنا نحن المواطنين ان نطلع على ايرادات ديوان الزكاة......وصرفيات الزكاة..... اليس هذا مال الشعب......لم نسمع لهم حسا ولاخبر فى حالة الاخت صفاء.

من هو المسول الاول عن اليتامى والفقراء والمساكين......اذا لم تقوم ديوان الزكاة بواجبها.....فما الفائدة من وجودها.

هل يحق لا صحفى او مذيع ان يجمع تبرعات باسم الفقراء والمساكين.....هل دور ديوان الزكاة جمع المال وصرفها فى المرتبات والاستثمارات.....اين اصحاب الفتاوى الدينية.

تجاوزات فى ديوان الزكاة......من قبل لقد حول نائب مدير ديوان الزكاة....كل ايرادات الزكاة الى اخية والى الخرطوم ان ذاك المتعافى......لم يحاسب قط....من الذى يتلاعب باموال الزكاة.....من هو المسول امام الله من هؤلاء الفقراء.....الذى يتمنى الرسول (ص) ان يحشر معهم يوم القيامة.

كم مرتب وحوافز ونثريات وبدلات وتزاكر السفر والعلاج ل مدير ونائب المدير والطاقم الادارى.......هل تبرع احد لاسرة صفاء.....نرجو من احد العاملين فى ديوان الزكاة ان يمدنا بالمعلومات.

كم عدد العربات التى يملكونها.... واحد يتبرع لينا يصور بيت المدير والطاقم الادارى لكى نقارن كيف يعيش الراعى والرعية فى الدولة الرسالية.

هل نحن نحتاج الى ديوان زكاة؟ .....اذا كانت امراة مشلولة زوجها متوفى مسؤله من ثمانية اطفال......ومدير ديوان الزكاة يسكن فى نفس الولاية.....فما بال الفقراء والمساكين فى اطراف العاصمة ......او الولايات الطرفية....ّ....لا يدرون مكان الصحافة ....ّ.او يملكون ثمن تذكرة السفر للخرطوم ......غالبا هذا المدير يسكن درجة اولى.......ويصلى الخمس صلوات فى الجامع ويصوم ويحج ويكون من الجماعة البيقبضو النثريات من مسول الحج داك.....هل حقا نحن نحتاج الى مدير لديوان الزكاة.

اذا كان امثال الدكتورة نعمات يذهبو الى الاسرة ويتابعوا احوالهم ويحموهم من اللصوص والحرامية......ويتعاملوا بى نذاهة وشفافية و وضوح مع الاسرة والمتبرعين....من غير قرش ولا مليمة......واخرين امثال مدير الزكاة يصرف مرتبات وحوافز ونثريات وبدلات وعربات اخر موديل مكندشة ......وهذا العمل من صميم اعماله.......هل حقا نحن نحتاج الى مدير ديوان الزكاة؟
ناس نعمات ديل شغالين بالمجان......ليه انحنا ندفع قروش لمدير ديوان الزكاة......مش من الافضل القروش البنصرفها على المدير نصرفها على اليتامى

والله والله لو كنت رئيس البلد دى..... كنت اسكن صفاء واسرتها فى بيت مدير ديوان الزكاة......واسكن مدير ديوان الزكاة وزوجاته المثنى ورباع واطفاله فى بيت صفاء.....ويبيع البليلة والطعمية ويصرف على اسرته.....حليل زمن الصحابه....الواحد يحفر القبر فى بيته وينزل ينام فى القبر عشان يتزكر الموت......هى لله هى لله.

تحصيل الزكاة اكترونيا.....يجب صرف الزكاة اكترونيا.....بى بطاقات الصرف الالى.....تنزل الحسابات فى بدايه الشهر......ما محتاجين جيش موظفين صيارفة.....موظف واحد فى المحلية يستلم الخطاب مختوم من ناس الحلة فيه الرقم الوطنى وعدد الافراد....مثلا كل فرد مئة وخمسون جنية فى الشهر....ما على الموظف تنشيط الحساب وتسليم بطاقة الصرف للمواطن..... اتومتكلى ينزل الحساب كل شهر فى حساب المواطن لمدة اربعة اشهر.....وتجدد البطاقة كل اربعة اشهر......الصرف فى المحليات..... وتحصيل الزكاة فى المحافظات......تباع كل مكاتب الزكاة والعربات والاثاثات....وتوفير وقود السيارات وصرف الكهرباء والمياة والمصروفات الاخرى.....تستخدم المساجد والكنائس اذا احتاج الى مكاتب.

ما محتاجين مدير يصرف ملاين الجنيهات......عشان يمضى الاوراق.....وامثال اليتامى ما يلقو مصاريف الدراسة...صفاء تعرف كيف توزع البليلة......ومدير مايعرف كيف يوزع القروش بالحق.....دى امة يرفعو ليها علم.

يا علماء السلطان
نرجو منكم ان تفتونا فى امر الزكاة......ايهما يعتبر زكاة.....المال الذى يدفع مباشرة للفقراء والمساكين.....ام المال الذى يدفع لديوان الزكاة لمرتبات العاملين والاستثمارات وقليل للمحتاجين......السؤال هل دفع الزكاة لمرتبات الادارين دون الفقراء صدقة ام زكاة.؟
اذا كانت صدقة هل نحن مجبورين على دفعها....و.هل ناثم على عدم دفعها.

الموظفين فى ديوان الزكاة ......واحد يورينا مرتب المدير واحوافز والبدلات والنثريات والكمشنات بياعت العطاءت الاستثمارية والمشتريات ان وجدت......يكسب فينا الاجر.

يا جماعة الخير يا المراجعين يا ناس الحسابات الله بيسالكم يوم القيامة......مرتب المدير والحوافز والبدلات وتزاكر السفر والاجازة السنوية والسواق الخاص وسواق الاسرة ان وجد والسكرتارية......ورونا بيطلع هو والسواق والسكرتارية بى كم........الله يسالكم يوم القيامة.

Quote: هل نحن نحتاج الى ديوان زكاة؟ .....اذا كانت امراة مشلولة زوجها متوفى مسؤله من ثمانية اطفال......ومدير ديوان الزكاة يسكن فى نفس الولاية.....فما بال الفقراء والمساكين فى اطراف العاصمة ......او الولايات الطرفية....ّ....لا يدرون مكان الصحافة ....ّ.او يملكون ثمن تذكرة السفر للخرطوم ......غالبا هذا المدير يسكن درجة اولى.......ويصلى الخمس صلوات فى الجامع ويصوم ويحج ويكون من الجماعة البيقبضو النثريات من مسول الحج داك.....هل حقا نحن نحتاج الى مدير لديوان الزكاة.

خليك من مدير الديوان عمر البشيبر رئيس المدير ده زاااااتو مش ساكن في كافوري وكافوري دي بعيدة من الدروشاب؟

معاك حق زهير حيدر الدروشاب ما بعيدة من كافورى.....فركة رجل بس.....الما دايرك بيتغابى فيك العرفة حتى لو كنت جارو بالحيطة.

يا ناس المنبر رشحونى مدير لديوان الزكاة ......بشتغل لى مدة سنة مجانى من غير مرتب.....اولا ابيع كل العقارات والاستثمارات والعربات.....اى الاصول الثابتة والاصول المتحركة...... وسعر البيع اعرضو بالصورة والصوت برفع ليكم الفيديو فى المنبر هنا اذا وافقتو.....اتم البيعة والقروش تدخل فى الحساب.......قول الشعب السودانى ٣٠ مليون ١٠ مليون مهاجر و١٠ مليون بجابدو فى الحياة و ١٠ مليون من الفقراء والمساكين........العشرة مليون كل واحد ينزل ليهو ١٥٠ جنية فى الشهر. ١٥٠جنية×١٠،٠٠٠،٠٠٠ مواطن=١،٥٠٠،٠٠٠،٠٠٠ جنية فى الشهر......واذا القروش نقصت بقول ليكم يا اهل المروة ناقصة لينا كدة تمولينا المبلغ .....مثلا اسرة صفاء ٨ شخص ×١٥٠ جنية=١،٤٠٠ جنية فى الشهر بالقديم مليون واربعمائة فى الشهر ......اى واحد يمشى البنك يصرف قروشو كل شهر.
......والطلبة عابرين سبيل كل واحد عندو ٢٠٠ جنية فى كل سفريةقيمة تزاكر يزور رحمه ثلاث مرات فى السنة تنزل ليهو فى حساب......موظفين التحصيل يكونو فى مكانهم .....التحصيل اكترونى يمشى الحساب طوالى فى البنك.......انا بجيب ليكم كشف الايرادات....ومصروفات كل ولاية .....فى الاسبوع .....الولاية مقسم بالمحافظات والمحافظات بالمحليات.......تحاسبونى ياجماعة.....انا قرش ما بستلمو فى يدى.....المتحصلون اكترونيا طوالى للبنك......ومن البنك مباشرة لى صاحب الحاجة......ذى ما اختنا نعمات بتعمل......يا جماعة انا قلبى ابيض ذى جلابيتى دى.....داير اخدم بلدى ادونى فرصة ياجماعة.

من اجل الغلابة والمساكين واحد يمدنا بمرتبات الطاقم الادارى لديوان الزكاة

يا العاملين فى ديوان الزكاة ما موظف مختلف مع الجماعة يمدنا بالمعلومات......دى معلومات مفروض اى مواطن يطلع عليها......ما فيها اسرار دايرين نعرف الجماعة ديل بيصرفو كم.....دى كل الحكاية.