Post: #1 Title: يا هو دا السودان ... نحن السودان .... Author: محمد مجيدو Date: 12-08-2015, 09:50 AM Parent: #0
08:50 AM Dec, 08 2015 سودانيز اون لاين محمد مجيدو-الدمام السعوديه مكتبتى رابط مختصردعوة للعيش في سلام ...
Post: #2 Title: Re: نحن السودان ...... نحن شعب جميل ... ( فيديو ) Author: علي عبدالوهاب عثمان Date: 12-08-2015, 10:04 AM Parent: #1
ووو أشري .. ميجدو ..حاولت التشغيل ولكن ما في صوت ولا صورة ..يمكن المشكلة من عندي ..؟؟ أنا شاطر في حاجة دي .. تربال وبس .مودتي يا جميل ,,
Post: #3 Title: Re: نحن السودان ...... نحن شعب جميل ... ( فيديو ) Author: محمد مجيدو Date: 12-08-2015, 10:10 AM Parent: #2
ووو أأألي ... شغال الفيديو ياااخ ...حاول غش من اي متصفح اخر ..ولك ودي ...
Post: #4 Title: Re: نحن السودان ...... نحن شعب جميل ... ( فيديو ) Author: محمد مجيدو Date: 12-08-2015, 10:17 AM Parent: #1
دعوة للتاسمح ونبذ الخلافات السياسيه والحزبية والجهوية والتنازل من اجل نهضة ورفعة السودان لاجيالنا القادمه ...ونتمنى ان يفضي الحوار الوطني بين كل الفصائل للحل السلمي السياسي الشامل في البلاد، وان تعم الحرية والديمقراطيه كافة ارجاء البلاد .. وكفى حروب وتشريد للمواطنين .....
Post: #6 Title: Re: نحن السودان ...... نحن شعب جميل ... ( فيديو ) Author: Mohd Ibrahim Date: 12-08-2015, 10:20 AM Parent: #4
Quote: This video is private.
يامجيدو انت مخصص الفديو عممو عشان تقدر نشوفو
Post: #7 Title: Re: نحن السودان ...... نحن شعب جميل ... ( فيديو ) Author: محمد مجيدو Date: 12-08-2015, 10:26 AM Parent: #6
Quote: يامجيدو انت مخصص الفديو عممو عشان تقدر نشوفو
محمد ابراهيم ...يعني البسو عِمه .... ههههههبيلاي هو ما معمم ..؟؟كدي نحاول تاني ...شكرا ليك ...
Post: #5 Title: Re: نحن السودان ...... نحن شعب جميل ... ( فيديو ) Author: محمد مجيدو Date: 12-08-2015, 10:19 AM Parent: #1
Post: #8 Title: Re: نحن السودان ...... نحن شعب جميل ... ( فيديو ) Author: محمد مجيدو Date: 12-08-2015, 11:08 AM Parent: #1
Post: #9 Title: Re: نحن السودان ...... نحن شعب جميل ... ( فيديو ) Author: وضاحة Date: 12-09-2015, 07:33 AM Parent: #8
يا مجيييدو يا قلب يا حرف Jمافى أجمل من السودانيا هو دا السودانوطن النجومحيث يعز الضيف باخر جرعة ما عز الصيفوانسان السودان من طينة الطيبين كل الناس صحاب كل الناس اهل الفة وامان محبة واخاء وجيرة طيبة وتكاتف وتعاون رغم ما تحاوله الفئة الباغية الضالة من تمزيق لي الفتنا وحبتنا لكن ستبقى لانها الاصل فينا
Post: #10 Title: Re: نحن السودان ...... نحن شعب جميل ... ( فيديو ) Author: علي عبدالوهاب عثمان Date: 12-09-2015, 07:45 AM Parent: #9
Quote: دعوة للتاسمح ونبذ الخلافات السياسيه والحزبية والجهويةوالتنازل من اجل نهضة ورفعة السودان لاجيالنا القادمه ...ونتمنى ان يفضي الحوار الوطني بين كل الفصائل للحل السلمي السياسي الشامل في البلاد، وان تعم الحرية والديمقراطيه كافة ارجاء البلاد .. وكفى حروب وتشريد للمواطنين .....
ووو ... أشري .. يا دوب كده إشتغل معاي ..شغل متعوب عليه .. يا سلام صباح كل السودان حتى جنوبنا القديم .. مودتي ..
Post: #11 Title: Re: يا هو دا السودان ... نحن السودان .... Author: محمد مجيدو Date: 12-09-2015, 08:04 AM Parent: #1
وضااحه .. يا بت بلدي يا اصيله ( يا حرف الكاف )شكرا على الفيديو الجميل ...والسودان في قلوبنا مهما تكاثرت عليه المحن والمشاكل فهو في حدقات عيونا ... ونحن نفديه بالغالي والنفيس ...وان شاء الله القادم .. يكون افضل ... وشِدة ... وبتزوول ....
Post: #12 Title: Re: يا هو دا السودان ... نحن السودان .... Author: محمد مجيدو Date: 12-09-2015, 10:42 AM Parent: #1
Quote: ووو ... أشري .. يا دوب كده إشتغل معاي ..شغل متعوب عليه .. يا سلام صباح كل السودانحتى جنوبنا القديم ..مودتي ..
أأأأألي .... ابونينقااا .... سكرفي ...مرحب بيك .. في حب الوطن ...ومهما اغتربنا ولا هاجرنا مصيرنا نرجع لتراب البلد اذا آمدّ الله في الاجال ...بالله اسمع القصيده دي ...تحياتي ,,
Post: #13 Title: Re: يا هو دا السودان ... نحن السودان .... Author: محمد مجيدو Date: 12-09-2015, 11:34 AM Parent: #1
التحية للموسيقار الفنان / يوسف الموصلي الذي ابدع في هذا العمل الوطني الجميل ..متعه الله بالصحه والعافيه ...
Post: #14 Title: Re: يا هو دا السودان ... نحن السودان .... Author: محمد مجيدو Date: 12-13-2015, 11:01 AM Parent: #1
Quote: شعب ابدع في كل الفنون غناء وشعر ومسرح ورسم ونحت برغم ضعف الإمكانيات دا شعب غريب ، شفع بتلقاهم عاملين عربية من كعوب السفنجات وعلب الصلصة لوري ، بوكسي ، باص ابداااع ياخشعب شجاع وماعندو الغدر وزمان جدودنا النوبيين كاناو في الحرب مع الغزاة بقيفو ساعات وبيرسلو للعدو الغازي الطعام بإعتبارهم ضيوف وتاني يوم يدورو معارك والمامصدق يسأل البروف يوسف فضل خبير التاريخ شعب فكر في الكمونية وطحن الويكة وعمل القراصة والكسرة والكوارع ياخ الحلومر دا اكتشاف مدهش والله بي مراحل انتاجو الكتيرة ديك ، وللبيقول السودانيين وسخانين بقول ليهو والله أنضف شعوب الأرض ، منو الفكر في إستخدام دخان الطلح للنظافة والدلكة والخمرة (بضم الخاء)ياخ دي فكرت فيها المرأة السودانية براها في العالم دا كلو مافي شوف النضافة دي كيف عشان الزولة تكون ريحتا طيبة والشعوب بدت تاخد مننا الحاجة دي بقينا نصدر ثقافة النضافة الشخصية اعراقنا كتيرة ولهجاتنا متعددة لكننا بنتشابه في طيبتنا ، منظر عربية تتعطل في الشارع وأقرب ناس مارين تلقاهم يلزو العربية لمن تدور وممكن يقيفو معاك ويحاولو يصلحوها معاك والله في اوروبا ولا الخليج لو وقعت انت ذاتك مش عربيتك ماف زول بيهبب ليك ، في كل بقعة في السودان تلقى الناس في رمضان صوانيها في الشارع ويتشاكلو في الضيف في نفس الوكت الزول لو حقرت بيهو بيبقى مجنون يكاتل ضلو ولو صفى معاك بقلع ليك قميصو ويمشي عريان شعب مدرسة في النضال من التحرر من الإنجليز والاتراك والمصريين قبل دول كتيرة وشعب قدر يقتلع أقوى ديكتاتوريتين في إفريقيا بإنتفاضتين معروفات إسماعيل الأزهري والوفد الاشاوس المعاهو عليهم رحمة الله في مؤتمر باندونغ المصريين حاولو يستفزوهو وختو العلم المصري قدامو بإعتبارو علم السودان فزحاهو بإتجاههم وشال منديل من جيبو وطلع قلم وخت المنديل فوق القلم وختاهو قدامو بإعتبارو علم للسودان فقالوا المناضل نيلسون مانديلا قال دا أشرف علم في التاريخ .شوفو العزة والوطنية دي كيف فمن أنتم أيها السودانيون !!شباب معارضين للحكومة من دارفور وجبال النوبة والشمالية في مصر حاول عميل إسرائيلي يستقطبهم بي دعم وقروش كتيرة جدا برامج فحسوا فيها ريحة تشجيع على تقسيم السودان فأنسحبوا منو ورسلو ليهو إيميل مختصر ( We are not against our country , we are against the N. Gon. ، keep your money)نحنا ما مؤتمر وطني لكن لسنا ضد الوطن ، إحتفظ بأموالك لكم المجد أيها الشباب..
Post: #15 Title: Re: يا هو دا السودان ... نحن السودان .... Author: محمد مجيدو Date: 12-13-2015, 11:05 AM Parent: #1
Quote: في السودان فقط بتلقى الجارة بي فوق الحيطة ترفع ماعونا لي جارتا يافلانة والله جوني ضيوف والتلاجة فاااضية أقسمي لي من ملاحك وتديها لو عندها وبالذيادة ياخ كلمة الشدة دي ثقافة عندنا يعني زول ماشي حفلة يستلف بنطلون من صاحبو ولا قميص ، البنات بشيلو من بعض البلوزات والطرح والفساتين شدة شوف الناس دي كلها بتحس انهم أهل بيت واحد ، بتذكر زمان في الثانوي كان في الحلة صاحبنا عندو قميص شديد كدا وكنت قافل أشيلو منو لي حفلة عقد الجلاد جيتو العصر لقيت زول سبقني ولقيتو لابسو في الحفلة واللذيذ الناس كلها بتكون عارفة دا قميص فلان ، شعب بيتشارك كدا في العالم كلو ماف فمن أنتم أيها السودانيون شرطي عماني بيحكي لي سوداني انو شغال في المطار جاء سوداني بالليل واداهو ظرف فيهو دولارات قال ليهو بالله عليك أي سوداني مسافر لو لاقيتو في الرحلة للخرطوم أديهو الظرف دا فلوس للأولاد وأرقام التلفون مسجلة هنا قول ليهو أخوك فلان ، فقال ليهو اندهشت وقلت الرجال مجنون اديتو رقمي عشان يأكد لي انو فلوسو وصلت الاولاد ، سلمت الفلوس لرجال شيبة بعد يومين اتصل السوداني وشكرني انو الفلوس وصلت والله انكم شعب عجيب
Post: #16 Title: Re: يا هو دا السودان ... نحن السودان .... Author: وضاحة Date: 12-13-2015, 11:36 AM Parent: #15
مجيدو مجيدو يا حرف ال J سعادة الفريق دا عمناشوف الكلام دا كيف
Post: #17 Title: Re: يا هو دا السودان ... نحن السودان .... Author: طلحة عبدالله Date: 12-13-2015, 11:39 AM Parent: #16
مشكور كتير والله يا محمد مجيدو بوست عالي الدسامة .
Post: #18 Title: Re: يا هو دا السودان ... نحن السودان .... Author: محمد مجيدو Date: 12-13-2015, 02:51 PM Parent: #1
Quote: مجيدو مجيدو يا حرف ال J سعادة الفريق دا عمناشوف الكلام دا كيف
وضاحه .. يا قلب ..والتحية ليك ولسعادة الفريق يوسف ..تتطول او تقصر الايام دروب الرجعه جايابه ...
Post: #19 Title: Re: يا هو دا السودان ... نحن السودان .... Author: محمد مجيدو Date: 12-14-2015, 06:59 AM Parent: #1
Quote: مشكور كتير والله يا محمد مجيدوبوست عالي الدسامة .
طلحه يا صديق .... الله يديك العافيهوشكرا على مرورك الجميل ..واهديك هذا المقطع الخفيف .. لانك بتحب الفرفشه ...