Post: #1
Title: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 10:30 AM
Parent: #0
استمطار سحائب الماضي واستحلاب قطعان الذكريات
ينمان عن حالتين ،إما حنين جارف أو( قرفة)
مقيمة تابى أن تفوت فتطول وتطول، وتطول معها
لحظات التمني والهروب من زلازل الروح وبراكين
النفس البشرية التي يكذب كل من يدعي سبر
أغوارها وادراك خباياها.
هذه الأيام يجتاحني إعصار( نستالوجي) يجعلني
في حالة رغبة جامحة للحصول علي اشياء تبدو
مستحيلة وغريبة في آن واحد.
وبالواضح ياأخوانا نفسي في:
قلم تروبن أبيض بي كرتونتو وغتايتو الطويلة
ديك العاملة زي الريشة.
ورقة فولسكاب.
كرتلة.
جنى جدادة(بيضه) مرمية في الصاج.
نبله.
تلاته عصافير:اب طاقيه وقدوم أحمر وقدوم أصفر.
الله ...ياالله .. كم انت جميل من بعيد أيها الوطن
البعيد القريب.
يلا تعالوا وقولو لينا نفسكم في شنو.
|
Post: #2
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 10:34 AM
Parent: #1
| Quote: و ...ألا ليت شعري هل أغمض عينيّ وأفتحهما فأجد نفسي في " تلكم القريه علي منحني النيل..."، أسمع أصوات البهائم، والقمري، والحمير، وحفيف سحلية تنفلت مسرعة بين الكاويق، وأشم رائحة زهر السنط أو نوار النيم والماروق ورائحة "وسخ" محروق: أشميق .. 7 عيدان سيسبان ..3 جرايد نخل مقسومة على 2 ...علبة نيدو مفجّخة ... قطعة من توب نسائي أو طرحة بها آثار كركار ... 3 أظلاف ... ريش جداد ... ظرف مكتوب عليه: أخينا الأكرم سر الختم عثمان الشيخ وبه (أيضا) آثار زيت...... |
هذه نيابة عن محجوب البيلي حتى يطل
او ربما غير رأيه
|
Post: #3
Title: Re: نفسك في شنو؟ تعالوا نفتح كوة للتمني.
Author: العوض المسلمي
Date: 02-26-2008, 10:43 AM
Parent: #1
احلم بان تجد كل اسره ما يكفيها من العيش الكريم
وان تجد علاجا يشفيها دون ان ترهق به نفسها
احلم ببلد نظيف لابعوض ولا ذباب
احلم بمدارس تتوفر بها الكتاب والكراس والقلم
وتتوفر بها معلمين لاهم لهم الا العلم
وان يجد المعلم حقه من الرعايه والعنايه
وكذلك الطبيب والمهندس وكل الناس في الخدمه المدنيه
وان تتوفر بيئه سليمه للمواطن
واحلم بسودان موحد بحدوده الكامله من حلفا لنمولي
واحلم بتعايش وحب واخاء
|
Post: #4
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 10:59 AM
Parent: #3
| Quote: احلم بان تجد كل اسره ما يكفيها من العيش الكريم |
العيش الكريم يلخص كل فلسفات حقوق الإنسان
ومواثيق الأمم المتحضرة وهو جوهر الديانات
السمماوية التي أنزلت لتكريم الإنســـان.
شكرا يا عوض يااخوي للزيارة .جبرت بي
خاطرنا ، الله يجبر خاطرك.
|
Post: #5
Title: Re: نفسك في شنو؟ تعالوا نفتح كوة للتمني.
Author: محمد عبد الماجد الصايم
Date: 02-26-2008, 11:00 AM
Parent: #1
Quote: واحلم بسودان موحد بحدوده الكامله من حلفا لنمولي
واحلم بتعايش وحب واخاء |
العوض أخوي ما تضايق
لكني دي اسمها أحلام زلوط
أنا نفسي في ملاح خدره
وما نيل المطالب بالتمني
ولكن تؤخذ الدنيا غلابا
صلاح الاحمر كيفنك
_،_،_،__،_،_،_،_،_،_،_،
غايتو جنس غايتو!!
|
Post: #6
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 11:23 AM
Parent: #5
أخانا ود الصايم
مرحبتين حبابك واليوم السعيد الليله جابك.
والله يخدرك.
| Quote: أنا نفسي في ملاح خدره |
وكان اكلتها براك ان شاء الله ماتنفعك وتلصق
ليك حته منها في سنيناتك وتوسخ ليك جلابيتك
البيضاء ولا ما حتكون خدره.امكن تمليكه ولا
لسان الطير.
شكرا للحضور .ولك محبتي .ود اللحمر
|
Post: #7
Title: Re: نفسك في شنو؟ تعالوا نفتح كوة للتمني.
Author: Hatim Yousif
Date: 02-26-2008, 11:24 AM
Parent: #1
ود الخال .... أبا رضا ...
تسجيل حضور ومتابعة ....
______
ياخ ماترسل لي صورة لللا / جيجي عشان أختها في البروفايل بدل بت الفاتح الشينة دي.
-
|
Post: #8
Title: Re: نفسك في شنو؟ تعالوا نفتح كوة للتمني.
Author: Nasruddin Al Basheer
Date: 02-26-2008, 11:31 AM
Parent: #7
أنا غايتو نفسي في أم فتفت..
|
Post: #9
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 11:46 AM
Parent: #8
| Quote: أنا غايتو نفسي في أم فتفت.. |
ايوه كده يا أبو نصره الله ينصر دينك.
ياهو ده الكلام بيفتو كده ولا بلاش. يمينا
بالله لماشفت ليك كلمة أم فتفت لمن ريقي
جرى.ذكرتنا أيام الجاهلية والمرايس.
ياربي كيكي وينو؟ مابكون عندو شوية
كونجومورو.أصلو زمان ضقتو في دمازين
وعجبني بالجيل.
اسه الجاب الكلام ده شنو ؟ يعني كان في داعي
يا نصر الدين لي ام فتفت دي؟
شكرا للمرور.مودتي.
|
Post: #10
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 11:48 AM
Parent: #8
سحب للتكرار.عفوا.
|
Post: #11
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 11:54 AM
Parent: #10
| Quote: ود الخال .... أبا رضا ... |
حاتم ود عمتي فاطنه...
إزيييييييييييييييييييك وممشتاقين.
وراجع لك لاكين بي رواقه مش هسه.
محبتي.
|
Post: #12
Title: Re: نفسك في شنو؟ تعالوا نفتح كوة للتمني.
Author: طارق جبريل
Date: 02-26-2008, 12:06 PM
Parent: #1
ابو رضا كيفنك
انا غايتو نفسي اسكن العمارات
|
Post: #13
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 12:21 PM
Parent: #12
Quote: ابو رضا كيفنك
انا غايتو نفسي اسكن العمارات |
تاريخ يا ابن جبريل
عمارات شنو ياطلبه ياتعبان؟
غايتو كان صاحبك المخستك داك اتزوج
من العمارات يمكن يحن عليك ويسكنك
معاهو قي اوضه وبرنده.مع انك فضحتو
وشلت حالو بين العالمين. اما من غير
كده ما شايف ليك حل. آل عمارات آل.
وانت وين اراضيك؟اشواق تبش.
|
Post: #14
Title: Re: نفسك في شنو؟ تعالوا نفتح كوة للتمني.
Author: هاشم أحمد خلف الله
Date: 02-26-2008, 12:49 PM
Parent: #13
تعرف يا صلاح انا نفسي في شنو ؟؟؟
أقابل كل أعضاء سودانيزاونلاين شخصياً
بغض النظر عن أماكن تواجدهم وبس .
|
Post: #15
Title: Re: نفسك في شنو؟ تعالوا نفتح كوة للتمني.
Author: عبدالله كع
Date: 02-26-2008, 12:52 PM
Parent: #1
عزيزي صلاح الاحمر
تحياتي الاحلام ما بتكمل . وحقيقه انا زهجته خلاص مافي حلم مشي معاي تمام
وبحلم يكون عندي بنت اسمها ايه
واكون رائيس احدي دول العالم الثالث
بحلم بالجنه و بس .... لان الدنيا عشمي فيها انقطع
تحياتي
|
Post: #16
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 01:02 PM
Parent: #15
| Quote: بس انا بحلم بالجنه بس .... لان الدنيا عشمي فيها انقطع |
ياراجل حرام عليك..
ليه كده بس ياعبد الله؟
الدنيا لسه بخير .
وما أضيق العيش لولا فسحة الأمل.
أهو حالات بتمر وربك كبير.
(ألا بذكر الله تطمئن القلوب)
صدق الله العظيم.
لك مودتي وحاول تفرفش شويه
شيل النضاره السوداء.
|
Post: #17
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 01:11 PM
Parent: #16
Quote: تعرف يا صلاح انا نفسي في شنو ؟؟؟
أقابل كل أعضاء سودانيزاونلاين شخصياً
بغض النظر عن أماكن تواجدهم وبس . |
وانا كمان ياهاشم لدي ذات الأمنية، بس
ماكلهم .لأنو في واحدين بتاعين شبك
ومشاكل. تقول ليهو السلام عليكم
يقوم يلعن سنسفيلك.
لك محبتي وشنبك كنش وبتشبه كده من بعيد
أخ حبيب هو الصديق/ عبد المنعم احمد
بيومي. لك وله صادق المودة وشكرا للزيارة.
|
Post: #18
Title: Re: نفسك في شنو؟ تعالوا نفتح كوة للتمني.
Author: Nasruddin Al Basheer
Date: 02-26-2008, 01:12 PM
Parent: #16
Quote: اسه الجاب الكلام ده شنو ؟ يعني كان في داعي
يا نصر الدين لي ام فتفت دي؟
|
تعرف يا أبو صلاح في جماعة في مدني كانوا بيجوا للمكتب
رابطة معاهم السكرة وبعملوا أم فتفت عشان يفكوها..
مرة جابوا ليهم مدير جديد، جاء ماري الصباح لقى الجماعة
بضربوا في أم فتفت. طبعاً ما صدق في الأول.
بعد شوية جاء عاين ليهم بالشباك وهم ما شغالين بيهو
في واحد فيهم لقاهو واقف بعاين بالشباك فقال ليهو:
يا ابن العم يا اخ ما تقيف لينا كده لو داير ليك كضم
تعال شيلو بالباب عديل..
أنا قلت عشان ما أعاين بالشباك أحسن أجي آخد لي كضم بالباب..
التحية لك ولمن معك..
|
Post: #19
Title: Re: نفسك في شنو؟ تعالوا نفتح كوة للتمني.
Author: انعام عبد الحفيظ
Date: 02-26-2008, 01:16 PM
Parent: #1
نفسي أنوم ياخ
لي كم يوم مساهرة في عرس ولد خالتي
وآخر هجيج وحفلات 
|
Post: #20
Title: Re: نفسك في شنو؟ تعالوا نفتح كوة للتمني.
Author: nazar hussien
Date: 02-26-2008, 01:21 PM
Parent: #19
نفسي في طن اسمنت
|
Post: #21
Title: Re: نفسك في شنو؟ تعالوا نفتح كوة للتمني.
Author: mohanad haimoura
Date: 02-26-2008, 01:37 PM
Parent: #20
نفسي في بيت حقي ملك سلك وتلاته طوابق
فيهو حوض سباحه
وصالة جيم
وجاكوزي
وملعب كره طايره
وحديقه كده جميله خالص تبع شاي المغرب انا والمدام
عربيه مرسيدس كرت كرتونه
وعربية مرسيدس سبورت
ومداااااااااااااااام نااااااااااار كده
امين يا رب
|
Post: #23
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 01:44 PM
Parent: #20
ياماشي لي مكه
جيب لي معاك كعكه
والكعكه في المخزن
المخزن عاوز مفتاح
والمفتاح عند النجار
النجار عاوز فلوس
والفلوس عند السلطان
السلطان عاوز عروس
والعروس عاوزه الجهال
الجهال عاوزين حليب
والحليب عند البقر
البقر عوزات حشيش
والحشيش عند الجبال
الجبال عاوزات مطر
والمطر عند رب الجود والكرم
وبعد ماتقري دي يا انعام لو
مانمتي ، اكتبي لي الإي ميل
بتاعك عشان ارسل ليك فاليوم10. لأنو الأهزوجه
قاعد اغنيها لي اولادي عشان انومهم لما كانو
صغار .لاكين المشكله أني بنوم وبخليهم صاحين.
شرفتينا يابت عبد الحفيظ.مع مودتي.
|
Post: #32
Title: Re: نفسك في شنو؟ تعالوا نفتح كوة للتمني.
Author: انعام عبد الحفيظ
Date: 02-26-2008, 03:05 PM
Parent: #23
Quote: ياماشي لي مكه
جيب لي معاك كعكه
والكعكه في المخزن
المخزن عاوز مفتاح
والمفتاح عند النجار
النجار عاوز فلوس
والفلوس عند السلطان
السلطان عاوز عروس
والعروس عاوزه الجهال
الجهال عاوزين حليب
والحليب عند البقر
البقر عوزات حشيش
والحشيش عند الجبال
الجبال عاوزات مطر
والمطر عند رب الجود والكرم
|
ياخي دي يا دوب تخلي الواحد يتثآب بس
|
Post: #22
Title: Re: نفسك في شنو؟ تعالوا نفتح كوة للتمني.
Author: Tabaldina
Date: 02-26-2008, 01:44 PM
Parent: #1
..
.
نفسى فى عروس ونسكن معاها الصافية
loooooooool@
انت يا نزار للان ما بنيت ؟؟
ما قلنا ليكـ المشوار طوويل ..
وابدا بالمنازل الجاهـزة .. ما استفدت من التقرير الزمااان داك ؟؟
|
Post: #25
Title: Re: نفسك في شنو؟ تعالوا نفتح كوة للتمني.
Author: انعام عبد الحفيظ
Date: 02-26-2008, 02:08 PM
Parent: #22
Quote: نفسى فى عروس ونسكن معاها الصافية
loooooooool@ |
لا حولااااااااااا
انت يا تبلدينا لسه ما لقيت عروس الصافية دي
|
Post: #24
Title: Re: نفسك في شنو؟ تعالوا نفتح كوة للتمني.
Author: طارق جبريل
Date: 02-26-2008, 01:46 PM
Parent: #1
Quote: نفسي في بيت حقي ملك سلك وتلاته طوابق
فيهو حوض سباحه
وصالة جيم
وجاكوزي
وملعب كره طايره
وحديقه كده جميله خالص تبع شاي المغرب انا والمدام
عربيه مرسيدس كرت كرتونه
وعربية مرسيدس سبورت
ومداااااااااااااااام نااااااااااار كده
|
مهند ما تبالغ ياخي
خلي انعام تحكي ليك حكاية ما تبالغ ياخ دي
|
Post: #26
Title: Re: نفسك في شنو؟ تعالوا نفتح كوة للتمني.
Author: أبوبكر طه
Date: 02-26-2008, 02:14 PM
Parent: #24
ياريت وياريت وياريت ولكن نقول...........
يا بحر الحاصل لاك ناشف ولا قلمي الفي إيدي عصا موسي تحياتي
|
Post: #27
Title: Re: نفسك في شنو؟ تعالوا نفتح كوة للتمني.
Author: انعام عبد الحفيظ
Date: 02-26-2008, 02:20 PM
Parent: #24
Quote: Quote: نفسي في بيت حقي ملك سلك وتلاته طوابق
فيهو حوض سباحه
وصالة جيم
وجاكوزي
وملعب كره طايره
وحديقه كده جميله خالص تبع شاي المغرب انا والمدام
عربيه مرسيدس كرت كرتونه
وعربية مرسيدس سبورت
ومداااااااااااااااام نااااااااااار كده
مهند ما تبالغ ياخي
خلي انعام تحكي ليك حكاية ما تبالغ ياخ دي |
يبالغ ساي !!! أي نعم أحلموا لكن ما قدر دا
وليه أحكي انا ما تحكي انت 
أحسن ليك قبل ما أجيب ليك ( نعيم الدنيا) 
|
Post: #28
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 02:22 PM
Parent: #24
بس كده يانزار؟
ان شاءالله معاهم كوم قروش كمان.
ياخي ربنا ده بيدي الجنه بي رحمتو.
وبعدين ماتخليهم طن ونص امكن الأسمنت
يقصرولا البنايين حساباتهم تطلع غلط.
شكرا للتمني الواقعي.
|
Post: #29
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 02:36 PM
Parent: #28
Quote: نفسي في بيت حقي ملك سلك وتلاته طوابق
فيهو حوض سباحه
وصالة جيم
وجاكوزي
وملعب كره طايره
وحديقه كده جميله خالص تبع شاي المغرب انا والمدام
عربيه مرسيدس كرت كرتونه
وعربية مرسيدس سبورت
ومداااااااااااااااام نااااااااااار كده |
تعرف يامهند ياخوي طلباتك كلها متفق معاك فيها
ومن منا لايحب (الدولتشي فيتا)بس حكاية مرة
نار دي فيها إن.لأنك حتبقى طول الوكت زي غفير
جنينة الورد.النهار كلو تحاحي في العاوز يشم
والداير يشوف والحابي يلمس والطمعان يشيل.
اطلبوا المره الرزينه التقيله والبتفهمها
طايرة .بت الرجال واختهم .الصبارة وام ايدن
طاعمة ولسانا حلو.اطلبوا حسنة الدنيا وليس
حسناءها...........مع مودتي.
|
Post: #30
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 02:43 PM
Parent: #29
| Quote: نفسى فى عروس ونسكن معاها الصافية |
شفت يا تبلدينا ياخوي لو لقيت العروس بت
الحلال ، السكن ابدا ما مشكلة.لأنها ممكن
تسكن معاك ان شاء الله في فرع شجره.
ربنا يحقق امانيك ويديك الفي مرادك ويسعدك.
يارب آمييييييييييييييييييييييييي.
|
Post: #31
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 02:57 PM
Parent: #30
| Quote: ياخ ماترسل لي صورة لللا / جيجي عشان أختها في البروفايل بدل بت الفاتح الشينة دي. |
حرام عليك ياحاتم البنيه حليوونه وكان ما بخاف الكضب
اقول بتشبه حبوبتها العمه العزيزه الراحله الجنرال/
فاطنه عليها رحمة الله.
صورة جيهان حارسلهالك في الإي ميل ان شاء الله.
بس كلمة لللا دي جبتها من وين؟ وبعدين غاتس
ليك زمن مابتطلع في المسنجر ، عسى خير؟
حول...أبو رضا..
|
Post: #33
Title: Re: نفسك في شنو؟ تعالوا نفتح كوة للتمني.
Author: Zomrawi Alweli
Date: 02-26-2008, 03:44 PM
Parent: #31
اتمنى ناس الحيكووووووومة يصبحوا الصبح ويلقونا مافيشين
|
Post: #34
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 03:44 PM
Parent: #31
| Quote: يا بحر الحاصل لاك ناشف ولا قلمي الفي إيدي عصا موسي |
طه لك الأماني مشتهاهها.. وقد ألهمتني هذا الإرتجال:
بحر الحاصل دايما مليان
فيهو الخير من جوه
وفيهو الخير من بره
منو بنغرف سر البركه
وفيهو بنغسل كل الأحزان
بس يازول خليك متفائل
وبكره يفيض بحرنا آمال
ونملا الدنيا حب ريان
نشتل فيها أمانى عمرنا الفات
ونحلم بالأحلام السمحه الجايه
نخلي ورانا جراح سكتنا
ونسقي الناس فرح سيال
وبحر الحاصل لسع مليان
|
Post: #35
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-26-2008, 03:53 PM
Parent: #34
| Quote: اتمنى ناس الحيكووووووومة يصبحوا الصبح ويلقونا مافيشين |
ليه يازمراوي؟
مش احسن نصبح انحنا ومانلقاهم؟
|
Post: #36
Title: Re: نفسك في شنو؟ تعالوا نفتح كوة للتمني.
Author: WadAker
Date: 02-26-2008, 04:04 PM
Parent: #1
نفسى فى كاظا يا صلاح احمر
.. كل الشوق
|
Post: #37
Title: Re: نفسك في شنو؟ تعالوا نفتح كوة للتمني.
Author: نادية عثمان
Date: 02-26-2008, 05:11 PM
Parent: #36
نفسي ايمان بتي تنجح بمجموع كبييييييييييييير
ونفسي في فول بزيت فهد وموية جبنة في شكل بوش مدنكل
|
Post: #38
Title: Re: نفسك في شنو؟ تعالوا نفتح كوة للتمني.
Author: أبوبكر طه
Date: 02-26-2008, 05:49 PM
Parent: #37
بحلم بيك مافت الخاطر وياريت لو يبقي الحلم حقيقه
وياريت الايام تجمعنا وفيها نعوض كل دقيقه
|
Post: #40
Title: Re: نفسك في شنو؟ تعالوا نفتح كوة للتمني.
Author: mohanad haimoura
Date: 02-26-2008, 06:08 PM
Parent: #37
العزيزه نادية
Quote: نفسي ايمان بتي تنجح بمجموع كبييييييييييييير
|
انشاء الله يا ربQuote: ونفسي في فول بزيت فهد وموية جبنة في شكل بوش مدنكل
|
اها دي انا عازمك ليها
جنبنا واحد بعمل فته فول خرافه
بس انتي تعالي
|
Post: #41
Title: Re: نفسك في شنو؟ تعالوا نفتح كوة للتمني.
Author: محمد عبد الماجد الصايم
Date: 02-26-2008, 06:14 PM
Parent: #37
| Quote: ونفسي في فول بزيت فهد وموية جبنة في شكل بوش مدنكل |
إيييييييييك ياخ
انتي من زمن حرب الخليج
|
Post: #39
Title: Re: نفسك في شنو؟ تعالوا نفتح كوة للتمني.
Author: طارق جبريل
Date: 02-26-2008, 06:01 PM
Parent: #1
Quote: يبالغ ساي !!! أي نعم أحلموا لكن ما قدر دا
وليه أحكي انا ما تحكي انت
أحسن ليك قبل ما أجيب ليك ( نعيم الدنيا)
|
يا انعام ياخي انت مالك فضيحة كدة
|
Post: #42
Title: Re: نفسك في شنو؟ تعالوا نفتح كوة للتمني.
Author: امنة عبد الكريم
Date: 02-26-2008, 09:31 PM
Parent: #1
| Quote: يلا تعالوا وقولو لينا نفسكم في شنو |
نفسي في داخلك اعاين
|
Post: #43
Title: Re: نفسك في شنو؟ تعالوا نفتح كوة للتمني.
Author: سلمى الشيخ سلامة
Date: 02-27-2008, 02:43 AM
Parent: #42
نفسى الاقيك
ويكون معانا عبد الواحد كمبال
وفى المغرب
صعبة دى ؟
|
Post: #44
Title: Re: نفسك في شنو؟ تعالوا نفتح كوة للتمني.
Author: Sabah Hussein
Date: 02-27-2008, 03:14 AM
Parent: #43
نفسى والله العظيم فى فيسخ وطين بحر.
ونومه عميقة فى عنقريب هبابى وهنبريب تحت شجرة.
بس.
|
Post: #45
Title: Re: نفسك في شنو؟ تعالوا نفتح كوة للتمني.
Author: السنجك
Date: 02-27-2008, 03:26 AM
Parent: #44
نفسى كنت اتزوج البت الكنت بحبها وطارت منى
وقصتى زى قصة ناس طارق جبريل كده!!
السنجك
|
Post: #46
Title: Re: نفسك في شنو؟ تعالوا نفتح كوة للتمني.
Author: nazar hussien
Date: 02-27-2008, 06:07 AM
Parent: #45
Quote: بس كده يانزار؟
ان شاءالله معاهم كوم قروش كمان.
ياخي ربنا ده بيدي الجنه بي رحمتو.
وبعدين ماتخليهم طن ونص امكن الأسمنت
يقصرولا البنايين حساباتهم تطلع غلط.
شكرا للتمني الواقعي. |
يا صلاح:
مش انت شايف امنية طن الاسمنت بي طريقة ..بس كده يا نزار؟
وشايفو واااااقعي...وممكن امشي اقرب مغلق واشتريه
انا شايفو زي اماني محمد حيمورة دي...
والعبرة هنا بالجيب ما بالشوف يا صلاح
اما لصديقي تبلدينا...
انا لسة ما بنيت وكل ما اشوف كوم اسمنت القاه رهاب
اما بيوت الثري دي بانيل العملتو عنها التحقيق زمان
ديك...مشيت شفتها ولقيت حيطها رهيفة...وقالوا محل الرهيفة بتنقد...
تانيا اتخيلت بعد ما اكمل البناء بالطريقة لاقتني حيرة اوصف للناس البيت كيف...
اقول ليهم البيت الثري دي بانيل الجنب الجامع والله كيف؟
|
Post: #47
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 09:44 AM
Parent: #46
| Quote: نفسى فى كاظا يا صلاح احمر |
ودعكر: حبابك عشره بلا كشره وأهلا بي أهلي ناس الجزيره.
مره قلت ليك بتشبه الراحل الحبيب معاويه محمدعوض الله
ولسه مصر تذكرني بيهو .تصدق ياود عكر كان بناديني
تحببا بي صلاح أحمر ومرات أحمرون.الله يرحمو ويديك
العافية.وكاظا مشتاقه لي ناساها القدام وشكلك كده
كنت مقددها.انت عليك تذكرة الطياره والباقي خلي علي.
افو..أنا أخوك آ هدى. ومليون سلام..
|
Post: #48
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 09:56 AM
Parent: #47
| Quote: نفسي ايمان بتي تنجح بمجموع كبييييييييييييير |
آمييييييييييييييييييييين يارب العالمين ويديها ويديك
العافية وراحة البال وإن شاء الله إيمان ماتكون ناجحة
وبس،ربنا يجعلها باره بوالديها ويديها السعادة وكل
ماتتمناهو في حياتها.
| Quote: ونفسي في فول بزيت فهد وموية جبنة في شكل بوش مدنكل |
اما فهد عليه رحمة الله.
وصاحبنا بوش باقي ليهو عشره شهور ويدخل كوشة التاريخ
من أوسخ زبالتها.
ولك مودتي.
|
Post: #50
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 10:02 AM
Parent: #48
Quote: بحلم بيك مافت الخاطر وياريت لو يبقي الحلم حقيقه
وياريت الايام تجمعنا وفيها نعوض كل دقيقه |
الواخد عقلك يتهنابو ياطه، وفي حب يااخونا أكتر من كده
وفي كلمه غير احبك أرددها، خلاص يااخونا حبو فاق آخر مدى.
الله يعينك ، باين عليك ممكون وصابر.
وصابر ده منو؟
|
Post: #63
Title: Re: نفسك في شنو؟ تعالوا نفتح كوة للتمني.
Author: Zomrawi Alweli
Date: 02-27-2008, 03:46 PM
Parent: #44
نفسى والله العظيم فى فيسخ وطين بحر
دي الوحمة يا بت الله يفوتك بالسلامة
الحمد لله اللي ما اتمنيتي تفاح اخضر ولا ديك ابو عرف اخضر ولا حتى شارع ظلط يربط الخرطوم بحلفا..
|
Post: #65
Title: Re: نفسك في شنو؟ تعالوا نفتح كوة للتمني.
Author: محمد عبد الماجد الصايم
Date: 02-27-2008, 03:57 PM
Parent: #42
| Quote: نفسي في داخلك اعاين |
أنا ظااااااااطي والله
|
Post: #49
Title: Re: نفسك في شنو؟ تعالوا نفتح كوة للتمني.
Author: haroon diyab
Date: 02-27-2008, 10:01 AM
Parent: #1
صلاح الاحمر
ازيك
انا.......
نفسي الراجل ده يقوم بالسلامه
ويقعد جنبي
وينور لينا الفروسية الليلة
قول آميييييييييييييييييين
مودتي
هارون دياب
|
Post: #51
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 12:07 PM
Parent: #49
| Quote: نفسي في داخلك اعاين |
آمنه بت مختار
نورت البوست.وطلباتك أوامر.
ومن هنا علي صور الأشعه طوالي.
|
Post: #52
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 12:15 PM
Parent: #51
Quote: نفسى الاقيك ويكون معانا عبد الواحد كمبال
وفى المغرب صعبة دى ؟ |
وانحنا نطول يابت الشيخ؟
ده يبقى يوم المنى. بس انت أشري
كده وتلقينا فريره.
لك صادق الموده ولقلمك الرائع
كل التقدير والإعجاب.
دمت حبيبة وصديقة لكل محبيك
هنا وفي كل الأماكن.
وشرفت البوست ياست سلمى.
|
Post: #53
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 12:23 PM
Parent: #52
Quote: نفسى كنت اتزوج البت الكنت بحبها وطارت منى
وقصتى زى قصة ناس طارق جبريل كده!! |
اظهروا وبانوا يابكايين.غايتو البوست ده حيجيب
ليكم الهوا بالمقلوب .واهلنا الشايقية ديل
اماني ما حنان بالحيل.
وأجمل قصص الحب تلك التي لم تكتمل .وياالسنجك
ياخوي كلنا ذلك الرجل ، فلا تاسى كثيرا. ومن كان
منكم بلا شاكوش او مرق فليرمه بالمرزبه.
ولك مودتي
|
Post: #54
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 12:36 PM
Parent: #53
Quote: نفسى والله العظيم فى فيسخ وطين بحر.ونومه عميقة
فى عنقريب هبابى وهنبريب تحت شجرة.بس |
انا والله ياصباح مابعرف (الفيسخ) ده شنو ، لاكين بحب الفسيخ
موت،وكان شفت مرتي المغربية لم تكون بتسوي فيهو ورابطه الكمامه
تموتي بالضحك.اول مره طبختو فتحت ليك شبابيك الشقه في عز البرد
والأولاد كانو صغار قعدوا يقرقو علي ويقولو : يععععع بابا بياكل
كاكا ، الله يكرمك ومع الإعتذار للمتابعين.
وبعدين حكاية العنقريب الهبابي دي انسيها في بلد زي المغرب
رطوبتو تنخر الحيطه .
الله يرد غربتنا كلنا ياصباح وصباحك سعيد وشكرا للطله.مودتي.
|
Post: #55
Title: Re: نفسك في شنو؟ تعالوا نفتح كوة للتمني.
Author: Hatim Yousif
Date: 02-27-2008, 01:16 PM
Parent: #51
لا حولاااااااا ....
ياحليك ياود خالي .... بقيت تجليها ثابتة
دي إسمها آمنه عبد الكريم ... أمنه منو .. عبد الكررررررررررريم
________
في ذمتك ...جدك مختار(الله يرحمه) يجيب بت زي دي ..
والله ناس حسن وييك وتكل ...يعقلوا في يومين ..
والعجب ناس دامبشري ...
-
|
Post: #56
Title: Re: نفسك في شنو؟ تعالوا نفتح كوة للتمني.
Author: امنة عبد الكريم
Date: 02-27-2008, 01:27 PM
Parent: #51
الرائع صلاح
وين انا من زولة بقامة امنة مختار
لك الود..
|
Post: #57
Title: Re: نفسك في شنو؟ تعالوا نفتح كوة للتمني.
Author: Elawad Eltayeb
Date: 02-27-2008, 02:41 PM
Parent: #56
نفسي أشرب من الماسورة موية صافية بدون كوز!!!
|
Post: #69
Title: Re: نفسك في شنو؟ تعالوا نفتح كوة للتمني.
Author: emad altaib
Date: 02-27-2008, 04:21 PM
Parent: #57
ـــــــــــ
الاخ :العوض :
يازول والله ما تحرم نفسك من مويه الزير ده ..
مويه الماسوره حاره..
شوف الكيزان صاروا مربطين من تحت .. ومن فوق
مسدحين..
بس عليك (بسير درب) كان ما لقيت ليك خرطوش ..
|
Post: #66
Title: Re: نفسك في شنو؟ تعالوا نفتح كوة للتمني.
Author: محمد عبد الماجد الصايم
Date: 02-27-2008, 04:00 PM
Parent: #51
اللحمر
سلامة النظر ياخ
شكلك ما متابع اليومين ديل
_،_،_،_،_،_،_،_،_،_،_،_،_،
غايتو جنس غايتو!!
|
Post: #58
Title: Re: نفسك في شنو؟ تعالوا نفتح كوة للتمني.
Author: انعام عبد الحفيظ
Date: 02-27-2008, 03:00 PM
Parent: #1
يا صلاح نفسي في حاجة تانية غير الحاجة القبيل ممكن أقولها؟
|
Post: #60
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 03:09 PM
Parent: #58
Quote: لا حولاااااااا ....
ياحليك ياود خالي .... بقيت تجليها ثابتة
دي إسمها آمنه عبد الكريم ... أمنه منو .. عبد الكررررررررررريم |
|
Post: #59
Title: Re: نفسك في شنو؟ تعالوا نفتح كوة للتمني.
Author: WadAker
Date: 02-27-2008, 03:07 PM
Parent: #1
Quote: ودعكر: حبابك عشره بلا كشره وأهلا بي أهلي ناس الجزيره.
مره قلت ليك بتشبه الراحل الحبيب معاويه محمدعوض الله
ولسه مصر تذكرني بيهو .تصدق ياود عكر كان بناديني
تحببا بي صلاح أحمر ومرات أحمرون.الله يرحمو ويديك
العافية.وكاظا مشتاقه لي ناساها القدام وشكلك كده
كنت مقددها.انت عليك تذكرة الطياره والباقي خلي علي.
افو..أنا أخوك آ هدى. ومليون سلام.. |
الاحمر احد ابناء اهل العوض الرايعيييين
ياااااخ الراجل دا له الرحمة واتمنى ان اصير بمثل ما تصفه به من جمال
والله ياصلاح خرمة كاذا وسنوات الطفولة المبكرة دى عامله لي هضربة من يوم ما قريت البوست دا
شريك طير وسرقة الجناين وعوم الترع وحكاوى الليالى المقمرة ايام وبراءة من داك الشى
اما كاذا فاخوك قددا ورقعا و... وتانى .... وفى النهاية شتت وياريت لو ما شتتنا ...اووووووووفففففففف
كل الود
ومازالت الخرمة قايمة ومايفكها الا كاست اتاى مع".." وقدله مع"..." فى زحمة السويقة وقشرة مع "..." فى شارع محمد الخامس وليل هادى على شواطى كاذا مع """"
|
Post: #61
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 03:23 PM
Parent: #59
Quote: انانفسي الراجل ده يقوم بالسلامه ويقعد
جنبي وينور لينا الفروسية الليلة |
هارون دياب ...ازيييييييييييييييييييييييييك
وازي الدوحه وناساها الطيبين وبورداب الدوحه
الحلوين؟
امنياتنا الصادقه لأبي ساندرا بموفور الصحة
وتمام العافية والله يديم محبتكم ..يارب ...
آمييييييييييييييييييييين.مع مودتي.....
|
Post: #62
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 03:33 PM
Parent: #61
نفسي أشرب من الماسورة موية صافية بدون كوز!!!
العوض الطيب
مرحبابك..وأصحاب السياسه يمتنعون.
ونشرب إن وردنا الماء صفوا
ويشرب غيرنا كدرا وطينا
وكان علي انا بمنع الشراب بالكيزان
عشان مابحب الطين.
روق المنقه يا اباعويض..ده وكتو؟ ارح.
مع مودتي وشكرا للزياره.
|
Post: #64
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 03:50 PM
Parent: #62
| Quote: يا صلاح نفسي في حاجة تانية غير الحاجة القبيل ممكن أقولها؟ |
قولي ولاتبالي يابت عبد الحفيظ
والزارعنا في المنبر ده غير بكري
يجي يقلعنا.
|
Post: #67
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 02-27-2008, 04:02 PM
Parent: #64
دي إسمها آمنه عبد الكريم ... أمنه منو .. عبد الكررررررررررريم
________
في ذمتك ...جدك مختار(الله يرحمه) يجيب بت زي دي ..
والله ناس حسن وييك وتكل ...يعقلوا في يومين ..
والعجب ناس دامبشري ...
الله يخرب عقلك ياحاتم كتلتني بالضحك.والله ماكنت قايلك بتعرف
تكل ودامبشري.
بعدين كسير التلج ده لزومو شنو؟
صحي البنيه سميحه لمن شديده، لاكين الجرسه مافي ليها داعي.
خليك كلس زي ود خالك أصلو التقل صنعه.
ولي هسه بتذكر مثلك العجيب داك لما قلت لي البت شديده شدة
الحرامي السرق التلفزيون وهو شغال
بعدين صورتك بالبدله كنش .ولسه جاييك. مودتي
|
Post: #70
Title: Re: نفسك في شنو؟ تعالوا نفتح كوة للتمني.
Author: haroon diyab
Date: 03-01-2008, 06:01 AM
Parent: #61
الحبيب صلاح الاحمر
صباح الخير
Quote: هارون دياب ...ازيييييييييييييييييييييييييك
وازي الدوحه وناساها الطيبين وبورداب الدوحه
الحلوين؟
امنياتنا الصادقه لأبي ساندرا بموفور الصحة
وتمام العافية والله يديم محبتكم ..يارب ...
آمييييييييييييييييييييين.مع مودتي..... |
وحاتك ربنا استجاب للدعوات
وابو ساندرا نور الفروسية
وكانت الفرحة الجميلة ....بقدوم ابو ساندرا
وكان الفرح هنا......
الف الف الف مبروك هارون دياب يفوز بسيارة 2008 ((توجد صور ))
مودتي
هارون دياب
|
Post: #68
Title: Re: نفسك في شنو؟ تعالوا نفتح كوة للتمني.
Author: emad altaib
Date: 02-27-2008, 04:14 PM
Parent: #1
ـــــــــــــ
والله نفسي انوم في السهله ..
غير الشقق .. والمكيفات .. ورعيدها..
شكرااخ صلاح الاحمر
|
Post: #71
Title: Re: نفسك في شنو؟ تعالوا نفتح كوة للتمني.
Author: omer abdelsalam
Date: 03-01-2008, 01:23 PM
Parent: #1
ابور ضا
انا لى زمن بنادي ونفسي في الحاجات دي :
أشيل عمود المونيوم من اربعة طوابق فيه كسرة وملوخية ولحمة محمرة وامشي ازور واحد صاحبي عيان في المستشفى
اركب لوري سفنجة - مسطح- من كريمة حتى قريتنا - البرصة -
يعود بي الدهر الى سنوات مضت لأعتذر لكل صديق لم اوفيه حقه من الصداقة والود
|
Post: #72
Title: Re: نفسك في شنو؟ تعالوا نفتح كوة للتمني.
Author: محجوب البيلي
Date: 03-01-2008, 09:02 PM
Parent: #1
نفسي في:
ـ عدد واحد قيراط "بت تمودة"، من أول عاماً أول، يفوح براحة الجمكسين، آكله في المغربية ... بدون غسيل.
ـ راديو أبو بطارية مفتوح على لندن ((SW أو إسرائيل (MW) أو أم درمان (مسرحية "اللسان المقطوع").
ـ حضور قيام البحر (الفيضان .. يعني) في البلد.
طول بالك معاي ... راجع لك
الأحمر صلاح ... تحياتي
وسلامي لمن بطرفكم.
|
Post: #73
Title: Re: نفسك في شنو؟ تعالوا نفتح كوة للتمني.
Author: محمد الأمين موسى
Date: 03-01-2008, 09:11 PM
Parent: #72
نفسي في مسبح أولمبي مليات حريرة أتدرب فيه قصد المشاركة في أولمبياد سيول!
|
Post: #74
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-02-2008, 04:29 PM
Parent: #73
الأخ/عماد الطيب
ـــــــــــــ
Quote: والله نفسي انوم في السهله ..
غير الشقق .. والمكيفات .. ورعيدها.. |
السهله مهله
الشقق خوازيق
والمكيفات كعبات
والغربه الله لايزيدها
وربنا يسهل عليك وعلينا ياحبيب القسا.
مع مودتي
|
Post: #75
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-02-2008, 04:48 PM
Parent: #74
| Quote: طول بالك معاي ... راجع لك |
البيلي محجوب
فينك ياريال؟اتوحشتك غاية الوحوش.
عالم الله مشتاق لك.وفين ست البنات؟
وانت امتى حترجع؟ووووووووووووووو
كلام كتير عاوز اقولو
وياحليلك ياالمحجوب.
وصادق محبتي.
|
Post: #76
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-02-2008, 04:59 PM
Parent: #75
محمد اللمين وليد موسى
يعني لما كنت جارنا العاق كنا بنحنس فيك
حنيس عشان تجي تشرب الحريره، هسه الإنطراره
والخمج لزومو شنو؟ عاوز كمان تعوم في
الحريره.
عاد ياولدي جنس بطرك ده اصلي ماسمعت بيهو.
مشتاقين يامحمد وامتى حتبكر بالوليد؟
مع كل مودتي
|
Post: #77
Title: Re: نفسك في شنو؟ تعالوا نفتح كوة للتمني.
Author: محمد الأمين موسى
Date: 03-03-2008, 12:18 PM
Parent: #76
عاوزني يا ابن مدغشقر البار أبكر بالوليد عشان يعتصم لي قدام البرلمان من البطالة!؟ أنا بكرت بالبنية - فاطمة..
وا حريرتاه!
|
Post: #79
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-03-2008, 02:44 PM
Parent: #76
Quote: انا لى زمن بنادي ونفسي في الحاجات دي :
أشيل عمود المونيوم من اربعة طوابق فيه كسرة وملوخية ولحمة محمرة وامشي ازور واحد صاحبي عيان في المستشفى
اركب لوري سفنجة - مسطح- من كريمة حتى قريتنا - البرصة -
يعود بي الدهر الى سنوات مضت لأعتذر لكل صديق لم اوفيه حقه من الصداقة والود |
العزيز ابو انس
معليش اتاخرت في الرد عليك والعتب على النظر.
بعدين والله عمودك خلى سواسيو بطنا تكورك.وتسطيح
اللواري ذكرني رحلة عمر مابتتنسي مع الصديق
حسن ميرغني ـ حياه الغمام ـكنا مسافرين تسطيح من نيالا
لي كاس في جبل مره.الدنيا كانت خريف ولازم نقطع
الوديان المليانه .ولما الشحنه بتاعة اللوري
تميل بعد قطع الوادي كان السواق والمساعد يطلبو مننا
ننزل عشان يصلحو رصة البضايع قائلين(ياجماعه صلو
علي النبي انزلو نستفوكم).
أما الأصدقاء لا بل كل الناس فما احوجنا للحظة صدق معهم
لا بل مع انفسنا للتصافي ومراجعة المواقف والتسمامح.
|
Post: #78
Title: Re: نفسك في شنو؟ تعالوا نفتح كوة للتمني.
Author: عبدالله كع
Date: 03-03-2008, 01:35 PM
Parent: #1
ياصلاح الاحمر يا خوي .....
اتزكرته حاجه نفسي فيها ممكن اقولها (ولا الفرصه واحده)؟؟؟
اوكي شكرا ..... علي الفرصه التانيه
(| Quote: شيل النضاره السوداء) |
|
Post: #80
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-03-2008, 02:55 PM
Parent: #78
Quote: ياصلاح الاحمر يا خوي .....
اتزكرته حاجه نفسي فيها ممكن اقولها (ولا الفرصه واحده)؟؟؟ |
قول ياعبد الله ياخوي ..قول ولايهمك ان شاء الله
تجي مليون مره.البوست بعد ماينزل هنا ببقى
ملك كل المتدخلين.وبعدين انحنا اصلا عملناهو
لي شنو ؟مش عشان الناس تجي وتفضفض وتتواصل؟
مرحب بيك والبيت بيتك.
مع مودتي.
|
Post: #81
Title: Re: نفسك في شنو؟ تعالوا نفتح كوة للتمني.
Author: امنة عبد الكريم
Date: 03-03-2008, 11:09 PM
Parent: #80
Quote: قول ولايهمك ان شاء الله
تجي مليون مره.البوست بعد ماينزل هنا ببقى
ملك كل المتدخلين.وبعدين انحنا اصلا عملناهو
لي شنو ؟مش عشان الناس تجي وتفضفض وتتواصل؟
|
انت عارف يا ود الاحمر
انا لي زمن بجي اتحاوم جمب البوست ده
لانوا في كلام دايرة اقولوا
وكنت خايفة الفرصة تكون واحدة وانا اخدتها
لكن كان كلامك الفوق ده بالجد
آآآآآآآآآآآآآ زول
امانة ما تشوف جنس مني
من خوجلي زاتها كان داير
ارجاني سااااكت
|
Post: #82
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-04-2008, 03:06 AM
Parent: #81
| Quote: نفسي في داخلك اعاين |
آمنه بت عبد الكريم
كان نفسي اقول ليك من زمان
|
Post: #84
Title: Re: نفسك في شنو؟ تعالوا نفتح كوة للتمني.
Author: امنة عبد الكريم
Date: 03-04-2008, 01:06 PM
Parent: #82
كان نفسى قولك من زمان
عينيك وحاتك غربتى
وأهلى وبلادك الفيها
ضائع لى زمن..
عينيك وحاتك شوقى
لى زولا ولوف..
من بعدو ساب عينى سهن
وأنا كنت دايرك من زمان
أشرح حكايتى معاك الف
أحكيك وأزيد القول ولف
وأتمنى لو قلبك عرف
|
Post: #83
Title: Re: نفسك في شنو؟ تعالوا نفتح كوة للتمني.
Author: Mohamed Foto7li
Date: 03-04-2008, 06:22 AM
Parent: #1
نفسي اعرس حبيبتي وارجع السودان اشوف امي
|
Post: #85
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-04-2008, 01:19 PM
Parent: #83
يا صلاح نفسي في حاجة تانية غير الحاجة القبيل ممكن أقولها؟ (انعام عبد الحفيظ)
ياصلاح يا خوي .. اتزكرته حاجه نفسي فيها ممكن اقولها (ولا الفرصه واحده)؟؟؟( عبد الله كع)
لانوا في كلام دايرة اقولوا( آمنه بت عبد الكريم)
أنا وراكم والزمن طويل.وياني القاعد ومستنيكم.
انت قايلين الموضوع لعب ولاحندكه؟ حاتجو..يعني
حاتجو..ولا انا الحاأقول.
|
Post: #86
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-04-2008, 01:24 PM
Parent: #85
| Quote: نفسي اعرس حبيبتي وارجع السودان اشوف امي |
ربنا يخلي ليك الوالده يامحمد ياخوي ويكتب ليك شوفتها
قريب ان شاء الله.اما حكاية الزواج دي كان في واحد
صاحبنا عندو قرفه من الموضوع وكل مايسمع واحد عاوز يعرس
يقول ليهو تعال نديك واحده جاهزه بي اولادها.ربنا يديك
اللي في خاطرك.
|
Post: #87
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-04-2008, 11:07 PM
Parent: #86
محمد لامين ولد موسى Quote:
أنا بكرت بالبنية - فاطمة.. |
ألف ألف مبروك وان شاء الله تتربى في عزكم.
وبعد ده حنسميك أبو فاطنه. ربنا يحفظها
ليكم يامحمد .
وبعدين مسؤؤل من الخير ولدك بالتبني
محجوب وينو؟
مع مودتي.
ود اللحمر اب زادا مابخمر.
|
Post: #88
Title: Re: نفسك في شنو؟ تعالوا نفتح كوة للتمني.
Author: Mohamed Foto7li
Date: 03-05-2008, 06:46 AM
Parent: #86
Quote: ربنا يخلي ليك الوالده يامحمد ياخوي ويكتب ليك شوفتها
قريب ان شاء الله.اما حكاية الزواج دي كان في واحد
صاحبنا عندو قرفه من الموضوع وكل مايسمع واحد عاوز يعرس
يقول ليهو تعال نديك واحده جاهزه بي اولادها.ربنا يديك
اللي في خاطرك |
|
Post: #93
Title: Re: نفسك في شنو؟ تعالوا نفتح كوة للتمني.
Author: انعام عبد الحفيظ
Date: 03-06-2008, 02:15 PM
Parent: #85
Quote: أنا وراكم والزمن طويل.وياني القاعد ومستنيكم.
انت قايلين الموضوع لعب ولاحندكه؟ حاتجو..يعني
حاتجو..ولا انا الحاأقول. |
صلاح الأحمر
هسه بتهديداتك دي الأمنية ذااااتها طارت
براحة ياخ أمنية هي ولا نعيم الدنيا
والإعتذار موصول لطارق جبريل
|
Post: #89
Title: Re: نفسك في شنو؟ تعالوا نفتح كوة للتمني.
Author: امنة عبد الكريم
Date: 03-05-2008, 10:15 PM
Parent: #1
اخي صلاح
لك العتبي حتي ترضي
وبقية الكلام موجود في الحوش في نفس المكان(جمب العنقريب التحت الشجرة)
اسفة مرة اخري
وارجو الا يؤثر هذا علي الود المتصل بيننا
شكرا نبيلا لسعة صدرك
امنة
|
Post: #90
Title: Re: نفسك في شنو؟ تعالوا نفتح كوة للتمني.
Author: fadlabi
Date: 03-05-2008, 11:12 PM
Parent: #1
نفسي فيك
نمشي في شارع برانا
نمشي ساكت
في طريق ضو رملو خافت
نفسي لو كان صوتي أجمل
و كل خطوة أغني ليك
نفسي لو ما كنت عادي
بس ألوح
ينزل الضو من أصابعي
وبي إشارة
يبقى لون السكة أجمل
شان أحبك صاح و أول
ونمشي ساكت
في طريق ضو رملو خافت
|
Post: #91
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-06-2008, 00:00 AM
Parent: #90
فاضلابي الشاعر الرقيق
سلمت تلك الأنامل التي اضاءت كالكواكب
كل دروب الجمال في مجرات الشعــــر
والإبداع. وشكرا لك ان نحوت بهذا البوست
صوب الغيوم. واول الغيث قطرة، ومدد
ياشيخ فاضلابي ولك مودتي.
اخوك ود اللحمر أب زادا مابخمر
|
Post: #92
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-06-2008, 01:54 PM
Parent: #91
| Quote: يا انعام ياخي انت مالك فضيحة كدة |
تاريخ وليد جبريل
شوف ياطارق حترسل لي إيميل وتقول لي حكاية
نعيم الدنيا من طق طق حتى السلام عليكم
ولا حاأضطر أوسط صاحبات انعام عبد الحفيظ
عشان نعرف الحكاية، ولو في واحد نشرها
هنا في البوست أنا ما مسعول.
عالم جبانات.
ود اللحمر أب زادا مابخمر
|
Post: #94
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-06-2008, 07:44 PM
Parent: #92
| Quote: هسه بتهديداتك دي الأمنية ذااااتها طارت |
انعام عبد الحفيظ
طارت ولا ركت ،انا ماشغلي. انا المهم
لازم اعرف قصة نعيم الدنيا ، وطارق العامل
فيها زايغ الليله انا بمشي ليهو في
بيتهم عديل . وكما قر يا انعام ياني
العاضيهو ليك في صلعتو.
ومودات تبش من :
ود اللحمر أب زادا مابخمر
|
Post: #95
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-07-2008, 09:45 AM
Parent: #94
| Quote: أحسن ليك قبل ما أجيب ليك ( نعيم الدنيا) |
| Quote: يا انعام ياخي انت مالك فضيحة كدة |
شوف ياطارق انا حالف ما أسيب الموضوع ده إلا
لمن اعرف الحكايه من أولها.رسل الإيميل وعندك
مهله من هنا لي يوم الأحد ويادار ما دخلك شر.
وومودات تبش من:
ود اللحمر أب زادا مابخمر
|
Post: #96
Title: Re: نفسك في شنو؟ تعالوا نفتح كوة للتمني.
Author: انعام عبد الحفيظ
Date: 03-08-2008, 09:28 PM
Parent: #95
Quote: شوف ياطارق انا حالف ما أسيب الموضوع ده إلا
لمن اعرف الحكايه من أولها.رسل الإيميل وعندك
مهله من هنا لي يوم الأحد ويادار ما دخلك شر.
|
اها بكرة الأحد
|
Post: #97
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-08-2008, 09:48 PM
Parent: #1
يا انعام شغالة مديدة حارة
على فكرة انا طارق هسا مع ابو صلاح محكر معاهو في البيت
وفتيت ليه نعيم الدنيا
يعني العبي غيرها
وانا بقوم افت باقي الماسينجر البيناتنا
ما تخليني اتجعلن وانا شايقي
|
Post: #98
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-10-2008, 03:10 PM
Parent: #97
| Quote: طول بالك معاي ... راجع لك |
البيلي محجوب
بطل لكاعه واستهبال.
انا لي 9 ايام مستنيك.
حاتجي ولا...؟
ومودات تبش من:
ود اللحمر أب زادا مابخمر
|
Post: #99
Title: Re: نفسك في شنو؟ تعالوا نفتح كوة للتمني.
Author: انعام عبد الحفيظ
Date: 03-11-2008, 12:58 PM
Parent: #97
Quote: يا انعام شغالة مديدة حارة
على فكرة انا طارق هسا مع ابو صلاح محكر معاهو في البيت
وفتيت ليه نعيم الدنيا
يعني العبي غيرها
وانا بقوم افت باقي الماسينجر البيناتنا
ما تخليني اتجعلن وانا شايقي
|
طارق منو ما بعرف زول بالإسم دا خالص
|
Post: #100
Title: Re: نفسك في شنو؟ تعالوا نفتح كوة للتمني.
Author: صلاح الأحمر
Date: 03-11-2008, 01:40 PM
Parent: #99
| Quote: طارق منو ما بعرف زول بالإسم دا خالص |
ياخي حرام عليك ياانعام الراجل قاعد معاي
اكتر من ساعتين ، والله ماذكرك إلا بالخير.
ولا عاوزه تنطي من نعيم الدنيا؟ عالم نكاره.
وبعدين انت منو؟انا مابعرف بت اسمها نعيم الدنيا.
   
|
|