Post: #1
Title: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هيييييييييي!
Author: صلاح الأحمر
Date: 05-19-2008, 03:14 PM
Parent: #0
تلقيت قبل أسابيع مضت رسالة على بريدي الإلكتروني
من صديق عزيز (أحتفظ باسمه احتراما لرغبته).
أضحكتني تلك الرسالة وأسعدني محتواها فوددت أن
أشرككم في متعة الإطلاع عليها عسى أن تروقكم ،وربما
أضفنا إلى محتواها الكثير من هذا (النضم) اللاذع
أوبالأحرى النظم الجميل الذي يعتبر جانبا من
تراثنا الشفوي المسكوت عنه لأنه لم ينل حظه من
البحث والتقصي.وحسب إفادة صديقي فإن الراحل
الأستاذ/الطيب محمد الطيب تطرق لهذا الفن في
سفره الفريد (الإندايه).
تعالوا إلى (الردحي) وهاتوا ما عندكم،،،،،
|
Post: #2
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: صلاح الأحمر
Date: 05-19-2008, 03:22 PM
و ( الرَدَحِى ) لمن لا يعرفونه هو طريقة
من الطرق (الكثيـــرة) التى تستخدمها
(النسوان) فى حروبهن و نزاعـاتهن ..
وهى طريقة تعتمد أساسـاً على استخدام
فنون اللغة من سجع و طباق و مقابلة
لإعطاء الكلمات معنىً أكثر قوة .....
،،،،،،،،،،،،،،،،،،،، ونواصل،،،،،،،،،
|
Post: #3
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: صلاح الأحمر
Date: 05-19-2008, 03:59 PM
Parent: #2
Quote: وهى طريقة تعتمد أساساً على إستخدام فنون
اللغة من سجع و طباق و مقابلة لإعطــاء
الكلمات معنىً أكثر قوة |
... و هذه الكلمات بدورها منتقاة بعناية
من قِبل (الرادحة) لتؤكـد علو مكانتها أو
لِتحط من قدر رادحة أخرى ...وهو ما يجعله
ضرباً من ضروب الفنون تشتهر به الرادحات
و يتميزن به عن باقى (النسوان)ال( بجم)
اللآتى لا يستطعن الدفاع عن أنفسهن ..
،،،،،،،،،،،،،،،،،،،ونواصل،،،،،،،،،
|
Post: #4
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: صلاح الأحمر
Date: 05-19-2008, 06:24 PM
Parent: #3
Quote: ..وهو ما يجعله ضرباً من ضروب الفنون تشتهر به الرادحات
و يتميزن به عن باقى (النسوان) ال( بجم) اللآتى لا يستطعن
الدفاع عن أنفسهن ... |
و للحقيقة.. فخلال تجوالى فى العديد من البلدان -عربها و عجمها-
لم أجد شعباً له هذه الممارســــة أو حتى مثلها من حيث ال ( flow )
أو ال ( freestyle ) .. ما عدا فى مصـــر، فهى موجودة لكنها ليست
بنفس الجودة لدى النساء السودانيات...
،،،،،،،،،،،،،،،،،،،،،،،،،،،،،،،،،،،،،،ونواصــــــــــــل،،،،،
|
Post: #5
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: طارق جبريل
Date: 05-19-2008, 07:01 PM
شابكني انا الجعلي
انا جاموس الخلاء
في النهاية باريت لي ردحي النسوان جنب الباب
الفيك اتعرفت
|
Post: #6
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: صلاح الأحمر
Date: 05-19-2008, 07:19 PM
Parent: #5
Quote: شابكني انا الجعلي ،انا جاموس الخلاء، وفي
النهاية باريت لي ردحي النسوان جنب الباب..
الفيك اتعرفت . |
انت ياشايقي جنيت ولا بتهضرب؟
جاموس شنو، وخلا شنو،انحنا الواحد
فينا من خوفو أكان ساكت شاف ليهو
شكله ،بيقوم يخلي الشارع ويلف بي
سكه تانيه.
آل جعلي آل.. بلا لمه بلا عواره.
وراجع ليك ياطروقه بس النكمل
الكبسيبه اللت العوين ديل.
خليك قريب ياحبيب.
|
Post: #7
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: صلاح الأحمر
Date: 05-19-2008, 07:33 PM
Parent: #6
ويمضي صديقي العزيز قائلا:
.. و أذكر فيما أذكر قديماً أنه كانت تسكن فى حىّ قريب
من حيّنا رادحة من فطاحل (الرداحات) . و فوق كونها كذلك
فقد كانت( كثـيرة) الجثة سميكة الجلد وافرة اللحم كثيفة
العظم واسعــة الحلقوم كبيرة البلعوم لها جنازير صوتية
بدلاً من الحــبال الصـوتية .. كانت هـذه المرأة (فتوة)
النساء فى ذلك الحى، فكثيراً ما يلجأن لها لتأخذ بثأرهن.
بيد أنها كثيراً ما تنفجر إذا( شاغلتها )إحداهن بكبر
حجمها فـ(تغـُز) إحدى يديها فى وسـطها، والأخرى ملوحـةً
بالمفراكة ،وتردح مفتخرةً :
،،،،،،،،،،،،،،،،،،،،،،،،،،،،،،،، ونواصل ،،،،،،،،،
|
Post: #8
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: محمد عبد الماجد الصايم
Date: 05-19-2008, 08:31 PM
يا عمك كيفنك وكدا
ما عاوز اكتل ليك الدش في يدك لكن
شوف دا الرداحات
يقرأ مقرونا بـ ردحي برضو
|
Post: #9
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: صلاح الأحمر
Date: 05-19-2008, 08:59 PM
Parent: #8
Quote: يا عمك كيفنك وكدا
ما عاوز اكتل ليك الدش في يدك لكن[
/QUOTE]
محمد عبد الماجد الصايم
تكتلو شنو؟ ده فطستو عديل
لآنو منقول بي ضبانتومن بوست
الأخ ايهاب نميري.
شكرا للتنبيه ياود الصايم ،عشان
نستدرك ونسجل اعتذار للأخ ايهاب
قبل مايجي واحد متلقي حجج ويقول
صلاح الأحمر سرق ليهو بوست ،ونخش
في متاهات ،بله مايحلنا منه.
شكرا محمدمرة أخرى وأسفي العميق
لكل المتدخلين .
النية كانت حسنة ،لكن الطريق إلى
جهنم معبدة بالنوايا الحسنة.
وكان في زول متلكك انا مستعد لنشر
رسالة الإيميل التي وصلتني متضمنة
موضوع الأخ ايهاب.نقطة رجوع للسطر.
مع تقديري للجميع.
|
Post: #10
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: صلاح الأحمر
Date: 05-19-2008, 09:24 PM
Parent: #9
Quote: شوف دا: الرداحات
يقرأ مقرونا بـ: ردحي برضو |
دوختنا ياود الصايم.
اطلعت على الأثنين وهما نسخة
واحدة لنفس الموضوع.لا ادري
لمن يؤول حق التأليف؟
هل هو للأخت عروس الرمال ،أم أن
الأخ ايهاب كان سباقا؟
وهل لهذا النص صلة بما
أورده الأستاذ الطيب محمد الطيب
في كتابه الإندايه الذي لم أحظ
بقراءته؟
افيدونا.
|
Post: #11
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: صلاح الأحمر
Date: 05-19-2008, 09:43 PM
Parent: #10
وعند انعام حيموره الخبر اليقين
Post: #12
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: soma
Date: 05-19-2008, 09:59 PM
Parent: #11
اخى صلاح سلامات
والله جيت داخلة وقلت الليله يا ربى الشكلة مع منو لوووول
باقى اليومين ديل ما تقول ليك كلمه فى اى لفة من حوش بكرى ده
يجيك ناطى ليك زول زهجان ويشيل ويكيل فيك ..لامن تقعد تتلفت
وتقعد تشيل وتتعضر على قول حبوبه ..
لكن بلا فايده الطرف التانى بكون اتفشى فيك وفات فى سبيل حالو
انت بعد الخلعه البتجيك يا اما تركز وترد الصاع بى حكمه...
او تفشها فى زول تانى مسيكين و تكب الزوغه..
ولا تاكلها فى حنانك وتقعد برضو تتلفت مكسور خاتر
الا لقيت بوستك مختلف واطمنت الحمد لله ..
كانت بتدبى وبتاوق بالراااااااحة
قلت كان سمعت لى نهره بكب الزوغه زى الفاتو
لكن ضحكنى كلام اخونا طارق لووووووول يا طارق
Quote: شابكني انا الجعلي
انا جاموس الخلاء
في النهاية باريت لي ردحي النسوان جنب الباب
الفيك اتعرفت |
شكرا لكم طلعتونا من جو المشاحنات والمصادمات
تحياتى اسماء الجنيد/ مسقط
|
Post: #13
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: صلاح الأحمر
Date: 05-20-2008, 01:44 AM
Parent: #12
Quote: اخى صلاح سلامات
والله جيت داخلة وقلت الليله يا ربى الشكلة مع منو لوووول
باقى اليومين ديل ما تقول ليك كلمه فى اى لفة من حوش بكرى ده
يجيك ناطى ليك زول زهجان ويشيل ويكيل فيك ..لامن تقعد تتلفت
وتقعد تشيل وتتعضر على قول حبوبه .. |
الأخت أسماء
شكرا لمرورك ومعليش خذلناك
زي ماخذلني صاحبي الرسل ال
e.mail لاكين برضو نقول
الحمدلله أن الأخ- محمد عبدالماجد
الصايم كان راجل رزين ونبهني
قي الوكت المناسب وبدون سوء نية
وإلا واحد تاني كان عمل منها
قضية.
تسلمي ولك كل الود والتقدير.
|
Post: #14
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: محمد عبد الماجد الصايم
Date: 05-20-2008, 08:48 AM
Parent: #13
يا عمك
كلامي دا ما نهاية للبوست
بالعكس .. ممكن تاخد محاور تانية كتييير جدا
حول الموضوع دا
شكرا على تفهمك الراقي
يديك العافية وأعفو لينا يا حبيب
|
Post: #15
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: ناجي عز الدين الصديق
Date: 05-20-2008, 10:36 AM
Quote: [رادحة من فطاحل (الرداحات) . و فوق كونها كذلك
فقد كانت( كثـيرة) الجثة سميكة الجلد وافرة اللحم كثيفة
العظم واسعــة الحلقوم كبيرة البلعوم لها جنازير صوتية
بدلاً من الحــبال الصـوتية ..] |
الأخ العزيز / أبو صلاح
تحيه رباطيه عطره
يا أبو صلاح انت الظاهر ما فهمت كلام طارق .
ما قال ليك جاموس الخلا وانتى ما عايز تفهم
مع تحياتي
وإلى اللقاء يا صديقي
|
Post: #16
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: صلاح الأحمر
Date: 05-20-2008, 03:59 PM
Parent: #15
Quote: يا أبو صلاح انت الظاهر ما فهمت كلام طارق .
ما قال ليك جاموس الخلا وانتى ما عايز تفهم |
أها الجاموسه عاوزين نألف ليها
شوية ردحي .ومادام البوست نفس
تعالوا انفخو معانا:
هييييي..انحنا مالنا؟
نبرا ونستبرا يايابا..
قايلني مجنونه ولا بيتنا مافيهو صابونه؟
كلاااااااااااام وتاني برضو كلام.
|
Post: #17
Title: Re: ## الردحي ## أها،،، ده الكلام الصاح،،،،، تعالوا هاتوا ماعندكم والحشاش يملا شبكتو..هييييييي
Author: طارق جبريل
Date: 05-21-2008, 03:33 PM
Quote: لكن ضحكنى كلام اخونا طارق لووووووول يا طارق
|
بت الجنيد كيفنك
نان الراجل شابكنا انا الجعلي انا ضل الشمس انا ،،،،،
في النهاية عملها لي ردحي نسوان جنب الباب
|
|
|
|