Post: #1
Title: خليكم شجعان وتعالوا اعترفوا هنا يا أعضاء سودانيزأون لآين
Author: صلاح الأحمر
Date: 03-19-2007, 09:36 PM
بالله عليكم وبكل صراحة كم مرة حاول كل واحد فيكم
الدخول لسودانيزأون لآين خلال ازمة السيرفر
الطارئة خاصة قبل نزول اعلان الأخ بكري.
خليكم شجعان واعترفوا هنا لنعرف درجة ادمانكم.
|
Post: #2
Title: Re: خليكم شجعان وتعالوا اعترفوا هنا يا أعضاء سودانيزأون لآين
Author: Tabaldina
Date: 03-19-2007, 09:48 PM
Parent: #1
..
.
About 10-15 times
__________________________
هو بكرى قال السبب شنو!!
يكون دا M.M فيروس !!؟
|
Post: #3
Title: Re: خليكم شجعان وتعالوا اعترفوا هنا يا أعضاء سودانيزأون لآين
Author: غباشي
Date: 03-20-2007, 02:21 AM
Parent: #1
7 او 8 مرات
وعملت check لقيت ناس السودان برضو
|
Post: #4
Title: Re: خليكم شجعان وتعالوا اعترفوا هنا يا أعضاء سودانيزأون لآين
Author: celecon
Date: 03-20-2007, 04:22 AM
Parent: #1
كليكات غير محسوبة ..
انت يا الاحمر كم مرة كده ..!!
|
Post: #5
Title: Re: خليكم شجعان وتعالوا اعترفوا هنا يا أعضاء سودانيزأون لآين
Author: doma
Date: 03-20-2007, 04:34 AM
Parent: #4
انا حاولت كثير وبعد داك سهرت حتي الساعات الاولي من الصباح قلت يمكن ترجع
متل سيد الرايحه بقيت اخد لفه وتاني اجي اشوفها 
|
Post: #6
Title: Re: خليكم شجعان وتعالوا اعترفوا هنا يا أعضاء سودانيزأون لآين
Author: سلمى الشيخ سلامة
Date: 03-20-2007, 04:41 AM
Parent: #1
احكى ليك اول حاجة جاتنى كوفارة عدييييل مش عشان المنبر وبس لانى بقرا الجرايد من هنا ، ولانى بتواصل مع العالم من هنا، وقاعدة فى التلج دا بدفينى سودانيزاون لاين ، شنو ليك
|
Post: #7
Title: Re: خليكم شجعان وتعالوا اعترفوا هنا يا أعضاء سودانيزأون لآين
Author: صلاح الأحمر
Date: 03-20-2007, 08:30 AM
Parent: #6
إلى الأعزاء/تبلديناوغباشي وسيلكون ودوما وسلمى
صباحكم عسل وشكرا لمروركم واعترافاتكم .
أما العبد الضعيف لله فقد اكتشفت أنني في حالة
متأخرة جدا من الإدمان.والله ياأخواناجنس جرسة
وكبكبة عمري ماشفت زيها.شعور كده مبهم وغريب.
خصوصا أنو عندي وكت محدد علي الكومبيوتر.مش
عشان أنا راجل مهم ومنظم وكتي. بس ياجماعة الخير
عندي ولدين ماشاء طوال زي الفلكابة واحد18 سنه والتاني
أطول منو 14سنة.والاتنين أطول مني.دي مش برضو من علامات الساعة؟
المهم الجماعة ديل ماعندهم في الدنيا دي أي شغلة غير الكومبيوتر
والرياضة.وبعدين الجماعة ديل حقارين خلاس يعني عاملين علي رقابة
ومحددين لي - كتر خيرهم- اوكات بايخة جدا لاستعمال الجهاز.بعد
ماينومو وقبل مايصحو. االله يديهم العافية.صحيح ان اللي اشتريت
الكومبيوتر لاكين برضو حقهم.
لا..والمحنة الصحي صحي انو اختهم الحتالة-عفوا ليس في الامر اي
محاولة للاساءة-يادوب كملت 5سنين وعاملة لينا كبسيبة ولازم تاخد
حقها كان بالبكا كان بالعضيعيض.يعني انا ناقصاني جيهان.الواحد
يادوب يلقى ليهو تلت ساعة في اليوم كلو مع ال كابون ديل.وهسع كمان
انضمت ليهم عضو جديد في عصابة البغي والعدوان والتعدي علي الحقوق
الالكترونية للآباء.
ولنا عودة للموضوع باذن الله
|
Post: #8
Title: Re: خليكم شجعان وتعالوا اعترفوا هنا يا أعضاء سودانيزأون لآين
Author: celecon
Date: 03-20-2007, 08:34 AM
Parent: #1
ربنا يحفظهم ليك يا صلاح ...
والله مشكلتك فعلا كبيرة ...
دبر رأسك غايتو واعمل ليك لابتوب ...
|
|