Post: #1
Title: ياربي أسبابو شنو؟
Author: صلاح الأحمر
Date: 06-02-2007, 02:40 AM
القرف ده
|
Post: #2
Title: Re: ياربي أسبابو شنو؟
Author: سلمى الشيخ سلامة
Date: 06-02-2007, 02:53 AM
Parent: #1
قول اولك يا بادى الفلس
البخت المايل ودى حاجات حبوبة
وتالت بالتبادى الغربة الطالت
وتالت التوالت
الخل الوفى بقى مافى
والاوررررروك
القصة ما ليها اول ولا اخر
قبل فترة لمن خلاس غلبنى كتبت انى زول منحوس واكتسفت انى فعلا منحوسة
وهسى انت جبت الاخر
القرف
والقرف ما بسويهو غير الزول براهو
اطلع منه زى ما طلعت من فكرة النحس بتاعتى
ولقيت انى منحوسة
لكن ما شديد
لانى بقيت بحلم بحاجات ما فى زول بحلم بيها
ولمن تقفل معاك
امشى لزول عجوز اتونس معاهو والله القرفة تروح روحة
|
Post: #3
Title: Re: ياربي أسبابو شنو؟
Author: صلاح الأحمر
Date: 06-03-2007, 01:21 AM
Parent: #2
إزيك يابت الشيخ..
بس قبل ما اجاوبك عاوز أسألك ..إنت قاعده تضربي الرمل؟
ولا من برج الحوت؟ اصلو كلامك وقع لي في جرح.وزي كانك
فتحتي كتابي وشفتي الحاله الكلبيه الماقادر أطلع منها
من كم يوم.
Quote: قول اولك يا بادى الفلس
البخت المايل ودى حاجات حبوبة
وتالت بالتبادى الغربة الطالت
وتالت التوالت
الخل الوفى بقى مافى |
وده كلو صح وينطبق ميه الميه على الحاله القارفاني
وقارقه عيشتي.
Quote: والقرف ما بسويهو غير الزول براهو
اطلع منه زى ما طلعت من فكرة النحس بتاعتى |
الخطير في الأمر أنو الحاله تطول ،لأنو ممكن تبقى دبرسه.
بس لما مايكون عندك توأم روح يفهمك ويشاركك الإهتمامات
وتقدر تفضفض معاه ويتحمل قرفك، المسأله جد بتتحول لى
حمل تقيل يمنعك التواصل مع من حولك ويحرمك حتى الإستمتاع
بأشيائك الجميله التي تلجأ إليها متنفسا من احباطات
الحياه.ومااقسى الموت ياسلمى حين نفقد في سفر الدنيا
من نحب.وماأظلم رحلة الأيام التي تباعد بين الأرواح المتآلفه.
شكرا لمؤازرتك وأتمنى الا يطول بي المقام قي خيمة الأحزان.
وعميق اعتذاري لزوجتي الحبيبه نزهه وأبنائي الغالين،رضا
ووديع وجيهان الذين لاناقة لهم ولاجمل في قرفتي(المضريه).
حدي عندو ليمونه ياخوانا؟؟؟؟؟؟؟؟؟؟؟
|
Post: #4
Title: Re: ياربي أسبابو شنو؟
Author: صلاح الأحمر
Date: 06-03-2007, 01:30 AM
Parent: #3
Quote: ولمن تقفل معاك
امشى لزول عجوز اتونس معاهو والله القرفة تروح روحة |
المشكله يابت الشيخ أنو المحله القاعدين فيها
دي مافيها عجايز.حدي عندو عجوز زايد؟بس يفك
لينا القرفه دي ونرجعو ليهو.
|
|