هنـــا شاويش،،

في مثل هذه الايام من العام الماضي كان الشتاء
كشتاء العام القبل الماضي و العام الذي قبله،،
و شجرة السر جارة نافذتي اظنها نفسها
في الاعوام السابقة،، إذ ان مودتنا بدأت
قبل عامين،، عند إنتقالي هنا،،
لكن هذا العام الذي اتمني إنقضاءه "اسع دي"
اصاب الطبيعة و بعض الخلايق بخزلان
لا يصلح كسره إلا صوت تصفيق بمسرح
عتيق بعد إنتهاء العرض شيق،،
الشتاء هذا العام باهت البرودة،،
امطاره عنيدة رتيبة اجتمعت و إتفقت
علي ان لا تجلد،،
نــــــاشف،، و حزين العينين،،
الوان الكريسماس إكتساها اللون الموحد
و كأنما "Wal-Mart"هو المتجر الوحيد
بالمدينة،،
............................

...... ...... ..................

............................

شتاء لا حول له و لا قوة من عمايل عام عجيب،،

امسي كان طويلاً،،
تعودت قضاء اغلب اليوم برة البيت،،
و الرجوع منهكة لأغراء النوم بقليل من
الجهد،، بدلاً من مغازلة الذاكرة طويلاً،،

..................
........................
بالصدفة خطر علي بالي افتح إذاعة امدرمان،،
تمنيت لو ان بالي إتخاطر معاي قبل ذلك بنصف ساعة،،
و بديت اسمع،،
و اسمع،،
و اسمع،،
..............
..............
كفاية عليّ،، حضورك فيني،،
يا الفرح الساكن نني عيوني،،
يا الوجع الساكن جوة عيوني،،
ده ما معناهو رويت العطشة،،
و عمرو في يوم ما روت الرشفة،،


الاحساس العايشو تجاهك،،
عمرو في يوم ابداً ما قلّ،،
كل مشاعري تقول بهواك
و تصر تهواك و حياة الله،،
حتي عيني عديل بتتابعك،،
بي الاحساس و كايسة الطلة،،
إنت بعيد خت في بالك،،
متعالي الحُب لازم يتدلي،،

الخفقة العندي تجاهك رعشة،،
بحسو حنان،،في حلاوة الهمسة،،
كل ما شفت غوافل عادت،،
شبعت شوفة و حضن شوقها،،
و شافت منك،، رفقة و وحشة،،


بحس في آلام في وجع الانة،،
و خد نديان غالباهو محنة،،
صادف جفنو دمع اماني،،
و ردد إنك راجع تاني،،
تلون ليلو بي لون النور،،
و تسعد روحو بي احلي شعور،،



حينها تمنيت مصباح سحري مرافقاً احضاني ممتطية بساط الشوق،،
تصل إليهم،،
اصحابي حيث هم في كل الدنيا مشتتين،،
إلي امي حيث ترقد،،
"سلمي" واجزاء الروح المهمة بالبلد،،
تمنيت...تمنيت،،،
و لم يأتي الطيف!


وراك يا شاويش و الحُب كبير،،

بدأ حبي لشاويش في زمن مبكر جداً،،
و كانت "سلمي" دايماً بتجيبو في برنامج صباح الخير يا وطني،،
لا اذكر إنو الركوست بكون مني،،
لكن اذكر إهتمامي الزمن داك ب سماع الحلقة قبل موعد المدرسة،،
فمدرستي كانت قطع الزلط من البيت،،
و كتير ما يداهمني جرس الطابور في بطن البيت،،
بعد داك بتبدي البرطعة،،
وقتها كان فناني المفضل شرحبيل،،
تمنيت من خلاله ان نلبس نحن الاطفال فستين بمبية،،
و الاولاد قمصان بمبية مع الاردية،،
بدل البيج الذي لا لون له و لا نشوه فيه،،

كفاية عليّ حضورك فيني،،

Quote: كفاية عليّ حضورك فيني،،

وكفايه علينا حضوره فيك


ما اروعك سوميتا

Quote: كفاية عليّ حضورك فيني،،

وكفايه علينا حضوره فيك


ما اروعك سوميتا

هـذا الشاويش يا سـوميتا عبارة عن حـديقة طـرب.

اشــكــر لك هــذي القطـوف.

Quote: كفاية عليّ،، حضورك فيني،، يا الفرح الساكن نني عيوني،، يا الوجع الساكن جوة عيوني،، ده ما معناهو رويت العطشة،، و عمرو في يوم ما روت الرشفة،، الاحساس العايشو تجاهك،، عمرو في يوم ابداً ما قلّ،، كل مشاعري تقول بهواك و تصر تهواك و حياة الله،، حتي عيني عديل بتتابعك،، بي الاحساس و كايسة الطلة،، إنت بعيد خت في بالك،، متعالي الحُب لازم يتدلي،، الخفقة العندي تجاهك رعشة،، بحسو حنان،،في حلاوة الهمسة،، كل ما شفت غوافل عادت،، شبعت شوفة و حضن شوقها،، و شافت منك،، رفقة و وحشة،، بحس في آلام في وجع الانة،، و خد نديان غالباهو محنة،، صادف جفنو دمع اماني،، و ردد إنك راجع تاني،، تلون ليلو بي لون النور،، و تسعد روحو بي احلي شعور،، حينها تمنيت مصباح سحري مرافقاً احضاني ممتطية بساط الشوق،، تصل إليهم،، اصحابي حيث هم في كل الدنيا مشتتين،، إلي امي حيث ترقد،، "سلمي" واجزاء الروح المهمة بالبلد،، تمنيت...تمنيت،،، و لم يأتي الطيف! وراك يا شاويش و الحُب كبير،،

وراك عزوزه و الحُب كبير،،
ولسه .. ياعزه
انا في المداين الضايعه ضايع لي زمن ...

أيمووووووووون حبيبي،،
انا ما مشتاااااااااقة ليك،، شوقة،،
مفتقدة الايام الجميلة ديك يا ايمن،،
و السهر،، و الغناء،، و ياسر زاتو،،
ارح نغني تاني،،،

موعود ب بتذكرك،،
المحبة ليك يا صاحب في كل زمان،،

الخير محمد عوض،،
يا مرحبا،،
غنائه اشبه بمرطب يفتح المسام،،
يدفعها للتوسع رقصاً و تبسم،،،

"تبقي الوقفات ل الزمن الزين"

اوسلي مرحباً بالوجود،،

وبسمع معاكي تاني بي جاي سوميتا

وعداً بالخير
دعا الطيبين
نكتب كلمات لي ناس زينين
نحسب خطوات لزماناً ( جاي)
مرحب بي كل الموجودين

* حاولي حسيها بشتاء غير شتاء العام دا
شتاء تحبي ترددي ذكراو
أثق جداً في إننا نقدر نخلق شتاء زي مابنشتهيهو
وبتمضي الأيام وراها سنين
دي الدنيا طريق فيهو الرايحين
فيهو الجايين
تبقى الوقفات في الزمن الزين

ســــوميتا
ياسلام عليك وغلى شاويش
كل الجمال جبتوه لينا
تفرحي قدرما فرحتينا
قريت العنوان قلت الليلة
شنو الشاويش الطلع لي
سوميتا وهي جاية من الشغل
اصلوا قالوا عندكم حاجتين
الشغل والنوم عشان تمشي الشعل
لكن الخلعةراحت مع النغم الجميل
والشعر الأجمل
مودتي ونومي في عسل الأحلام

عمو السني صباح عليك،،
خليني احكي ليك قصة مع شاويش،،
زمااااااااانك كدة قبل كم سنة ما تعرف،،
في زواج بالاسرة،،
و بعد إنتهاء حفل الشارع و بدأ "الافتر بارتي"
دخل فنان ببدلة ككل الفنانين،، لكن ملامحه التي
أذكرها الآن و لم انتبه لها في ذاك الحين،،
كانت تدل علي مجموعة من اشياء حتماً
جميلة،، مختلفة،، حتي نبرة الصوت عندما
حيا الموجودين بصفة انه اخ العريس،،
هز خلايا الصمت و التركيز العالي عندي،،
ثم شرع في الصعود بالراقصين إلي نشوة رقص
فريدة،،
و انا التي لا تمرق من نص دايرة الرقيص،،
جلست بعيداً ابحث داخلي عن شيء،،
اذ انني اعرف هذا الصوت جيداً،،
عميقاً احسه،،
وقتها عرفت ما المقصود "بفنانك المفضل"،،،

ســــوميتا
ياسلام عليك وغلى شاويش
كل الجمال جبتوه لينا
تفرحي قدرما فرحتينا
قريت العنوان قلت الليلة
شنو الشاويش الطلع لي
سوميتا وهي جاية من الشغل
اصلوا قالوا عندكم حاجتين
الشغل والنوم عشان تمشي الشعل
لكن الخلعةراحت مع النغم الجميل
والشعر الأجمل
مودتي ونومي في عسل الأحلام

سوميتا الحبيبة...والله العظيم أنت زولة راقية

أجمل شيء أن أستمع إلى صوت شاويش الحنون وكلماته الدافئه في هذا الصباح الرتيب..شاويش يحرك كل أحاسيسي الدفينة وذكرياتي الطفوليّة...

أسمحي لي أن أهدي الأغنية إلى إنسان عزيز علي يسكنني حضوره وأهمس له في هذا الصباح...كفاية علي حضورك فيني

مع معزتي

سحر

أخيرا يا عزة ..!!

لكن , ليك حق ..
إلا زي صوت شاويش ممكن يبرد حشا الروح , و يمرقها في سهلة ربها ..
نضيفة و متمرة و متعطرة .
و مرقتي بألوانك يا بنية .. ما أحلاك .

من هنا و لي قدام :
ممنوعة الصنة يا عزة ..
ممنوع البيات الشتوي ..
ممنوع السكات .
ممنوعة الأحزان .
ممنوع الضياع في المداين الضايعة .
و سلام لسلمى الشيخ وين ما ختت راسها .. و ليك .

..............
.....................
بأوتاره

أُنير ممرات الروح مراراً،،
اغتسل بماء الامل وقتما اتيح،،
أتعطرة بنفح الحب،،
و اداوم الحياة بشوق،،
اغشي فهارس الاماني صباحاً،،
و ابدأ حياة ذلك اليوم،،

.............
....................

سلمي بترد التحايا،،
في بطن السودان قاعدة،،
و قريباً في بطن بيتنا ده،،

محبة كبيرة جداً ياعماد،،

يغنينا عند الحب،،
فنزداد تمسك بأحدنا الآخر،،
يغني حال حزننا،،
فتتفرتق روابط الدمع
تغسل جدار قلوبنا،،
يغني الاوطان داخلنا و هي منزوية
بناصية خافضة الاضاءة
فيغمرنا اللهف عليها،،
بحالها هذا الذي لا يسر و لا يعجب،،"و يعجب برضو"،،

اهدي لمن شئتي من شاويش،،
قدرما استطعت،،
فهو يعدل مزاج الطقس بحكمة،،

و تعالي نسمعه تالت سوا يا سحر عبد الرحمن،،،

كما حدثتك من قبل يا صاحبة،،
حنيتك و إحساسك الضماني
في زمن صعب.. لا زال بالنفس منور،،
و كان له الاثر الكبير في إنزواء الاحزان قليلاً،،

محبتي تجاورك،،،

سوميتا

فوق جيد الزمن كل الجمال


شكرا جزيلا يشبهك

شاويش ... عميق ودافئ فى هذا الصباح كالاناناس



وشمسا تغير طعم الشتاء
نفس الرتابة الجوية هنا ... ولكن .. بهذا الشاويش اليوم انكسر صمت الفرح





جودى الينا بجمالك يا سوميتا
وبرضو التحية لى سلمى الغائبة الحاضرة فى الوجدان

إذن شارفت المهمة علي الاكتمال
بأنكسار حاجز الرتابة الشتوي قليلاً،،
يا مرحبا بوجودك معنا،،


و ارح نهزم باقي الصمت الفضل،،
و نسمع شاويش،، مجدداً،،

نهزم الاسى والنشيج بالغناء يا سوميتا
شكرآ على عودتك. كاتبة. شاهدة على عصر الشجن.
شاويش: جنرال الحب الذى لم يكن. جنرال الفرص الضائعة. والخوف.
مرحب بكل الموجودين. من الوجد.
انا موجود. إذن أنا مشروع اغنية لشاويش، جنرال الحب الذى لم يكن.

عالم مزعج، يعلو صوت ضجيجه كلما
استيغظت خلية لاستلام دوريتها بالمخيلة،،
مخيف جدا،،
احيانا نضل طرقنا ،،
و ننتبه!
طرق كان يجب ان ناخذها "من قاصرها" و نصل،،
و اخر لو اننا حجبنا بأيدينا ضوء الشمس ،،
لنري اين نهياتها بدالا من المـشي،، "و في الآخر تطلع مسدودة"،،
لو اننا مشيناها بتراتيب مختلفة،،
"لرحمنانا" من متاهات الزمن "الغير مرسومة علي ورق"،،
لكن إن حالفنا الحظ و وجدنا رفقة
متفائلة، تذللت اغلب مصاعبنا و خف حمل الخطي،،
لنصل في زمن اقل، بسهولة اكبر،،

"عمو" عادل،،
مرحب بحضورك،، دوماً دوماً،،

سوميتا
سلامات

يا سلام عليك يا سوميتا
دا الطّرب ..



لشاويش الفنّان ولكِ التّحيّة

لؤي يا لؤي،،
بما إنو قرب زادي يكمل
"اصلك كل الحيلتي كم غنية و شريط،،
اي نعم سدو فرقة مااااااااااااا ساهلة،،
و ما بينقدر عليها إلا بجرعات شاويش
عالية الدسامة"،،
ف عندي إحساس إنو بكون عندك
مخزون كاااااااافي،، للجميع،،

اها شن قولك؟

اما الصورة فالف شكر عليها،،

و أكان لاقيت تنبس،،
قول ليهو إتنفض و تعال اسمع شاويش،،
بتبلغك عافية القلب حالاً،،

لؤي يا لؤي،،
بما إنو قرب زادي يكمل
"اصلك كل الحيلتي كم غنية و شريط،،
اي نعم سدو فرقة مااااااااااااا ساهلة،،
و ما بينقدر عليها إلا بجرعات شاويش
عالية الدسامة"،،
ف عندي إحساس إنو بكون عندك
مخزون كاااااااافي،، للجميع،،

اها شن قولك؟

اما الصورة فالف شكر عليها،،

و أكان لاقيت تنبس،،
قول ليهو إتنفض و تعال اسمع شاويش،،
بتبلغك عافية القلب حالاً،،

سوميتا
سلام تاني

أنا تحت أمرك
ورهن إشارتك



ومنتظرك

خلاص كدة إشتغل ...

سوميتا


يديك العافية ... يا سلاااااااااااام .. هذا البوست برشاقته وخفته كانما غسلنى بماء بارد اشاع الراحة على جسدى وروحى معا

ادفع نص عمرى بل عمرى كله واقتنى شريط لهذا الشاب ... الفلتة

قبل اعوام استمعت له فى اذاعة ولاية الخرطوم فى حلقة خصصت للراحلة ليلى المغرب ، لقد قطع شاويش يومها (الغنا ) حتى ضج الحضور فى الاستديو والمستعمين على مدار مساحات البث الاذاعى بالبكاء ... والنحيب ...
صدقونى احتلت على الاذاعة الولائية بكل السبل من اجل الحصول على نسخة (مدمجة ) او ريل او شريط او بالعدم (تكست ) وفشلت ولا زلت انوح تحت اوتار احمد شاويش

يعافيك و تسمع ،،
و ترتااااااح كما حالي كلما سمعته،،
و في الاصوات سحر
و عظيمه بصوت هذا المطرب
سبب نزول ("البوست")
سماعي لصوته عبر الاذاعة من جديد،،
فهاج ما بي من حب إضافي له،،
فتقريبا املك قليلا فوق نصف ما تغني به ،،
و كان شفتوني قادلة بيها ثروة عديل،،

فعلاً ما بالسهولة التحصل علي مواد مسجلة
لشاويش،، و المحزن ايضاً،،
فمثله يستحق نجمة علي "سوداووود" (SudaWood)
"مدينتي الاعلامية التي احلم بها"

قبل ساعات هاتفني صديق و كنت قد طالبته
بأغاني لشاويش متعذرة بأن اغلب ما املك علي كاسيت،،
فقال لي ان صديق له اخبره انه يملك غناء لشاويش،،
فسأل صديقي كم من الاعمال عنده لشاويش،،
فاجابه تسعة اعمال،،

"قال ليهو بس خلاس ياهن كلهن"

اليس هذا محبطاً؟

لكن إن نظرنا من الناحية الثانية،،
فكل عمل لشاويش تريان و يسقي بلد،،

مرحب بوجودك يا ناذر،،

و جيداً سمعت،،

وانتي شريطك وينو يابتنا

وشكلرا لشاويش

"عمو" يوسف مرحبا بالوجود،،
و سعيدة لوجودك حيث احباء كثر،،
و جميعهم يحب شاويش و يسمعه
بمودة عالية،،

اما شريطي،،
في ما ينقصه إلا
مصمم غلاف
موزع موسيقي
نصوص مختارة بعناية،،
الحان من الدرجة الاولي،،
الات موسيقية مصاحبة
منتج،،
موزع،،

اما غير ذلك فكله موجود،،

سوميتة الحبيبة
سلامي وإحترامي وإشتياقي

Quote: بالصدفة خطر علي بالي افتح إذاعة امدرمان،، تمنيت لو ان بالي إتخاطر معاي قبل ذلك بنصف ساعة،،

عجبتني الحتة دي شدييييييييييييييييد

ودعتك الله

محبة و زيادة،،
صباح باكر،، وسط اهلك،،
قلب الاوطان،، فرحاااااان نديان،،
و محبتي تبراك لا عندهم،،
وصية،،
في طرف ربطة صُر شوقي
و اديهو النيل،، يسرح و يمرح
يصل الحبان بيت بيت،،

ترجع بالسلامة،، و تحكي لي،،
كيف قدر الفرح يتقسم بين غادة و امها و اخوانها،،
و كيف آمالهم ملونة الحيطان،،
و كيف و كيف،،،
و وعداً بي الخير و دعوات ،،

تخطفين الناس من مدن الاحزان يا بنية

تغبريهم... تعيديهم لدروب الحلة اطفالا!

يـــــــــــا سعد الدين عبد الرحمن٭٭

الصباح خير عليك ،،
" ليت لي" يد تطول تلحق
مخبأ الاحزان،، تطبطب علي
رأسه و تسأله الرحمة بجميعنا،،
بس غناء شاويش وااااصل
يهون علينا من تطاول يد الاحزان علينا،،

فنصح بالتدريج،،

شكراً لانك هنا،، تسمع،،

Quote: (saadeldin abdelrahman)

Quote: يـــــــــــا سعد الدين ابراهيم

سوميتا
برّاحة
سعد الدّين إبراهيم لسّه قاعدين نتمنّى يبقى معانا عضو هنا

من العلي لؤي ود امي،،

سعد الدين عبد الرحمـــن،،

ياخ انا اعتذر،،

تفتحو نفس الزول
يصحي زول جديد كل صباح،،

Quote: تفتحو نفس الزول يصحي زول جديد كل صباح،،

رد لدين متواصل تستحقينه علينا


تانى شكرا يا جميله

تعظيم سلام لشاويش
شاويش شنو دا مشير عدييييييييل

سوميتة بنات جيلها

تسلمي كتير
وكل سنة وانت بالف خير
كتابة اسرة وحنينة
لكن انت حتجيبها من بعيد ؟!!
اكفي القلة على فمها
محبة

والله العظيم صباح الخير ..

شكلنا كده يا عزه هنقعد كل سنه نحلم
بسنه جايه أفضل ما أحسبه يا صبيتي
من باب اللياقة والأمل ..

وتعالي نجرب ممنوعات عماد عبدالله !

الصباح زاتو يا طلو،،
بالامس ولعت شمعة الوداع الاخيرة،،
يكتسيها الابيض الباهت،، و بكيت قليلاً،،
سألتني،،

هل بكيت فرحة بأنتهاء العام جامد الدم،،
ام بكيت إستقبالي العام الجديد بأذرع
مفتوحة لآخرها بأمل ناعم مريح،،
ثم طفأتها قبل مرور الدقيقة الاولي
بعد منتصف الليل،، و اشعلت أخري
سرت في غرفتي بلون ساحر الضوء،،
فأزداد يقيني اننا سننعم به عام،،
و سوف لن نواري بوابات اللياقة،،
و الاحلام،،

اما ممنوعات عماد عبدالله،

فهي بـــــاطشة،، ابداً لا ترحم،،
ادمنتها منذ عام،،حتي صرت أتربص بها
وحين اصل
اعلن امامها جام محبتي،،
فتوريني التربص "العلي اصولو"



و اتعجبت إنك ما سمعت شاويش!

يصعب علينا لمس احاسيس
كثيرة،،
و تزداد الصعوبة عند عدم
المقدرة علي التحليل

لذا
(We Just Have to let go!)

الجندرية،،
افرحني جدا جداً وجودك و الموجودين،،
محبة،،

كتاباتكم وهذا الصوت المصاحب يبعث علي تفاؤل حتي لمن كان في كهولتي وابتعد عن داياره عقودا طويلة تجاوز الثلاث بقدوم العام الذي يطرق الابواب ....وبالتالي تغيب عنه اشياء كثيرة..
هذا الصوت لم اكن اعرف صاحبه ..استمعت اليه صدفة قبل اعوام .. شعرت بان صاحبه يغني ليطرب وجدانه .. ومن اطرب وجدانه اطرب وجدان غيره ...حيث انني لم اكن اعرف اسمه وكلما سنحت فرصة وقابلت من اتوسم فيه معرفة باهل الفن افيض شرحا في صوته فذاكرتي من زحمة مطالب حياة وعمل وتراكمات اشياء كثيرة كانت دوما تخذلني فلا اتذكر كلمات تلك الاغنية التي سمعتها منه.. من اصعب المهام لغير المتخصص ان يشرح "صوتا" .. كنت اقول " انه صوت غير كل الاصوات التي نسمعها .. يغني الحروف حرفا حرفا ....الخ " فشلت اعوام في ان اعرف صاحبه حتي العام الماضي او قبله لا اذكر تحديدا وفي لقاء تلفزيوني كان هو احد ضيوفه عرفت اسمه ولكن اين لي من اغانيه .. الان اتحفتموني باغنية له .. ساسجلها ( وليسمح لي من اتي بها هنا) الان

لكم مودتي ولتخضر ايامكم

ابوبكر

ابوبكر سلام عليك معانا و شاويش،،
كثيراً ما عكرت الوحدة و الغربة والاشواق
(الله لا يسامحن جيهة ما قبلن) مزاجي و "بشتنن عدايلة"،،
إلا انني اهدء من روع نفسي اسمع شاويش،،
فعنده اجد ملاطفة للحنين،،
و الحب و الشوق و الوحدة و الحزن
و مختلط احاسيس،،


مسموح لك تماماً بالاحتفاظ بكل الاغنيات
هنا،،

اسعدني وجودك و الاستماع،،

سوميتا ،
بنت أختي الحبيبة


" ... و أنا في المداين الضايعه ،
ضايع لي زمن ..
غريب عيون ... "

* تخيلي ،
كنت مع أمو ( سلمى ) قبل شهر من الآن ،
إلتقيتها بالمسرح قبالة سجن أمدرمان !!!

" ... بسأل الناس ،
عن شوارعاً فيها تاتيتا ،
و مشيت ..
و عن كلاماً داير أقولو ،
و قلت فيهو ،
و يا ما غنيت وبكيت ... "

* وجات سيرتك ، يا سوميته ..
" ... وعن عيونك ،
و كيف بتسرح فيها أحلام الأماني ،
أها ،
و كيفن بتصبح لهجه تانيه مع الأغاني ،
و السفر !!!
خلاني اشتاق للسفر ... "


تسلمى يا بنت " أمو " الحنينه .

وعدا بالخير ودعاءالطيبين

نرسم كلمات لكل السمحين

خالص الود

"خالو" منوت الحبيب،،

نويت مسبقاً توفير حسن النية شديد
في هذا العام الجديد،،
إذ غسلت من خاطري العام السابق
برحيق الشمع،،
فأذا به يستجيب بفرحة لم اتوقعها
توسع اكمام احساس لم اعرفه
و لم اتوقعه في القريب!
انجبت صديقتي اليوم بنت،،
و سمتها ايمان،،
هذه الايمان اليادابها شمت هواء
الكون العجيب ده،،
ال لتوها خرجت من روح امها،،
سكنت روحي و افرحتني فرحاً
عظيم،،
بكيت و غنيت و كوركت
و قد هبشتني في مكان قصي،،،
.............
.....................


افتقدها جداً
و اتمني شوفتها كل ساعة،،
يا بختك،، اللهم حسد حبّة ،،

إنت عارف فرحتي بتوسع كيف
لمن القاك،،،
فما بالك و نحن نسمع شاويش!

جروح الساقية تبكي معاي طول الليل،،
انا المصلوب علي وتر الزمن صابر،،
عذابي طويل،،طول الليل،،
انا لا مرتاح معاك معاك
لا مرتاح معاك مسرور،،
ولا الايام شقاها بزول
ولا لقيت لي عذابي بديل،،
و انا العايش مع الاحزان دموع بتسيل،،

انا الممكوووووووون،،
و من وجع السنين مليت،،
وما لقيت لي عذابي بديل،،

وراااااااك يا بلدي لسة وراك،،
لا بترجع خطاي منك،،
ولاااااااااااااااااا بنساك،،

انا بلقاك في عيون الناس
فرح وناس
امل ضاحك،،
منور في جدوبي معاك
لا بنساك ولا بنساك،،
ولااااااااا بسلاك،،

انا الممكوووووووون،،
و من وجع السنين مليت،،
وما لقيت لي عذابي بديل،،








مع كل مدة لحن كلمة بالاغنية الشجية أعلاه،،
تنعصر امعاء قلبك ثم تنفك قليلا،،
تمتلأ بالرغبة في التملص من دواليب
التفكير بما تحتوي،، من استرة،،
و تنورات يثقل حتي علي "الهوا" العبث بها،،
و ترغب في إستنشاق نفس عميـــــــــق،،
كأنما تهدهد علي نفسك مطمناً،، قائلاً انت لست وحيداً،،
لست المقصر الاول في كونك غير موجود في وقت يحتاجك فيه،، الوطن،،
ثم "تسألك"،، هل يا تري إفتقدني هو طوال فترة غيابي؟

Quote: هنـــا

مدارج مشعة
ولوحة من الطرب الاصيل


Soumeta
الشكر المعتق

سوميتا

هذا الشاويش المترع الحس

صديق شخصى ..وزى ماقال منوت نحن وناس "امو" الحنينة ..

أشجانا كثيرا وأفرحنا بصوته النهر ..طويلا

ولا ننسى له هذا الحنين ..مهما تقشف الزمن فى العطاء ومهما زهد عن حضور الاصدقاء

له التحية والمحبة ولك يا مجدولة الحرف ولماما سلمى ..تهانى جزيلة بكل الاعياد والايام المباركة.

يا سلام
يا عزة

ليك شوق
الشوق
المنحوت
بجدار
الوله...
الساكن
بهجة
الوانك...
لما تروق...

"وانا ما جاييك
شايل افراح"

كل سنة
وانتي طيبة
ويطيب ايامك
كلها يا رب ....

خالتو تماضر،،

مال عدونا الشغلة حامياك الجية قدر ده؟
ابقي طُلي حبة مرة،،

مرت الاعياد ،،
و اعيادي و شاويش لا ايام لها،،
ياليتكم تطرقون صفحات الذاكرة
و تحكوا لي قليلا عنه،،
محبتي ،،
النبي كان ما طليتي،، بس واحدة مرة،،

خالتو تماضر،،

مال عدونا الشغلة حامياك الجية قدر ده؟
ابقي طُلي حبة مرة،،

مرت الاعياد ،،
و اعيادي و شاويش لا ايام لها،،
ياليتكم تطرقون صفحات الذاكرة
و تحكوا لي قليلا عنه،،
محبتي ،،
النبي كان ما طليتي،، بس واحدة مرة،،

اعتذر علن التأخر في الرد،،
و تقاسم الاوتار مع كل من

جلس حدانا و سمع،،

حقاً لا عذر لي،،
دوام المحبة و شاويش مع جميعنا،،

شوشتا سعدت بعونك لي هنا
و كل مكان،،
كن جانبي دوماً يا صديق،،

أم ساريه ،
أختي الحبيبه تماضر ،
سلام ..
و تاني كمان سلام ..
و البركه في بت بت ( أمو ) اللمتنا على هذه المساحة من الأنغام ..
و الذكريات ،
و...

" ... بتذكّرك ،
بتذكّرك ،
بتذكّرك
وكِت الكلام يصبح صعب ،
والليل يودّر في النعاس ،
و كِت النجِم يتلالا زي عقداً بيضوي عليهو ماس ..
عليهو ماس ،
عليهو ماس ... " .

* رمضان العام 1988 !!!
أو تذكرين " صديقتي "،
أو تذكرين ؟

أعوامٌ تمرّ كما نمر ،
و يظل الأبقى هو الذي - كان وسيظل عميقاً - بين أجمل الأزوال .

كلام في كلام ،
برنامج إذاعي رمضاني ضمن فترة المنوعات في رمضان العام 88 . يبثّ بعد الإفطار مباشرةً لعموم أهل السودان .
أشعار ،
دراما ،
أداء ،
غناء ،
تطريب ،
معاني تسرح وتمرح في الدواخل مرطبةً لها ، وواعدةً بغدِ أكثر روعةً و تقدم ...
فهي ،
مساحات ُ من الرواء العاطفي في أفقه الروحي البهيج ..

عبد العزيز العميري ،
أحمد شاويش ،
تماضر شيخ الدين ،
عاصم محجوب ،
صلاح الدين التوم ،
طلال عثمان ،
أسامه جمعه ،
عبد العزيز إبراهيم الطاهر ،
إيمان محمد الحسن ،
حسن محمد دوكه ،
رجاء حسن حامد ،
سلمى الشيخ سلامه ،
صلاح الدين الفاضل ،
و

آخرون و أخريات .
يا له من زمنِ " مافي " !!!

شكرا ..

الدنيا طريق فيهو الرايحين،،
فيهو الجايين،،

روعة انغام،،
نهديها كلام،،
نرويها حنين،،

حنين،،

حنين،،
.........

اسمع اوتار،،
رنة أصواتها
بوضوح فاضح،،
......
.. ........


و ما اسعد بت (أمو) بهذه اللمة،،
و بأسماء إرتبطت بوجداني
من زمااااااااااااااان كان فيه الحلم
اخضر،، و ابيض و الوان الدنيا،،

يا مرحبا بناس سمحين،،

هنـــــــــــا بتذكرك،،












و كت الكلام يصبح صعب،،
و الليل يودر في النعاس،،
وكت النجم يتلألأ زي عقداً
بيضوي عليه ماس،،

انا في المداين الضايعة
ضايع لي زمن،،
و غريب عيون،،
سرحـــــان علي الارض الغريبة،،
و بسأل الشوق عن وطن،،
بسأل الناس عن شوراعاً
فيها سافرت و مشيت،،
فيها تاتيت و مشيت،،

قلت فيهو و ياما غنيت و بكيت،،
و عن عيونك
و كيف بتصدح فيها احلام الاماني
كيفن بتصبح،،
لهجة تانية مع الاغاني،،

السفر،،
خلاني اشتاق السفر،،
لو القي لي خاطراً سمح،،
كان كلمة واحدة اقولا
و تداوي الجرح،،

كان مرة في عينيك
أنسي،،
و مرة أقسي،،
و مرة ياخدني النعاس،،
..........
..............


ثم نواصل،،

Quote: ثم نواصل،،

اي بالله واصلي ..

[

سوميتا الجميلة

رزوائع شاويش

تلهب نيران الوجدان

لننعم بالدفء ،،،

لك كل الود وعام جديد

أجمل ،،

مودتي ،،،

تحياتى سوميتا

اجمل حاجة انك تعرف احمد شاويش من القريب يعنى زى زول اخوك

انا كنت سعيد جدا انه قدم لى اروع اغانيه فى ايام احتفالى بزواجى

فقد كان دائم الحضور وابدع كعادته فى تقديم روائع الاغانى

عرفته كصديق وكفنان وكا انسان

انه نعم الشاويش فى زمن الخفافيش

تحياتى لك

استعارة ( من كلام اختنا الفنانة تماضر - اضانك نجيضه )

كفاية على حضورك فينى

ست العينين طعم السكر،، وعطر الصندل

لو شفتها يوم عمرك يطول،،

يمتد سنين،،



لو شفتها كيف تتصبر،،

لون القمرة و فايتا بي اكتر،،

زهرة ياسمين و انفاس عنبر،،

زفة روعة و ربك يستر،،
من عين الناس،،

يا نغام فنااااااان حاسي في جواي،،
يا احلا كلام إتقال في غناااااااااااااااي،،
يا عئد العيد الحااااااااااسي براااااااااااي،،

يا اجمل طيف شفتو في دنياي،،
الله يخليك،،

ست العينين طعم السكر،،
لو شفتها يوم عمرك يطول،،

و يمتد سنييييييييييييييييين،،...
...

البوست المنتظر او ما ينتظرنى

عزة كل سنة وانتى طيبة وجميلة

بتذكرك يا سوميتا

احبائي هنا،،
عيدكم سعيد،،
امانيكم محققة،،

سارحين،، فرحانين،، خيالكم انضر،،
محبين،،
محبين،،
صادحة عيونكم،،


و إنتو كماالخاطر السمح،،
و كلماتكم تداوي الجرح،،

و بتذكر،،

عازة
الصديقة-زمان-
كل سنة وأنت طيبة
انت عارفة يا بت يا حديقة
كلما إستمع إلى
(كل الحبايب بسألوا
حبيبى يا ناس ما كده)
أداء أسرار ومجاهد
الطاعم الناعم
وصوت العود الذى بينهما،
بتذكرك،
والغريبة ما بتذكر
علوبة وطعمية
بالرغم من أنهما كانا
جزءاً أصيلاً من تلك الأيام
قبل كم سنة كده
جانا على السقيد
وقال: حا أقدم ليكم أغنية جديدة
وكانت الأغنية
البت الحامت فى الشريان
المهم، السقيد يغنى، وأنا قاعد مع صديق
وبغنى مع السقيد
صديقى قال لى
انت الأغنية دى سمعتها وين
سيدها قال جديدة
وإنت حافظها!!!
قلت ليهو
رسلتها لى صديقة
أيضا كذلك،
قدر ما أسمعها،
بتذكرك،
-وبرضو-
ما بتذكر علوبة وطعمية
هو عليك الله الواحد يتذكرهم عشان شنو ولى شنو
وها انت اليوم يا متعبتى
توقعين على شاويش فى ذاكرتى
ولكن، تذكرت
طعمية وعلوبة
لأنهما لم يحضرا هذه (الشوشوة) الشاويشية
دومى بخير
وتحاياى
لعلوبة وطعطع

"باقي ساعتين للعام الجديد عندي"

دعاء يطول:

يا قارئ ما بالقلوب،،
اجعلها ساهلة ماهلة تسرح بخيالنا
و بمحبتنا توصلها نجم السماء،،
ثم تعود كما إحساس فرحة الناجح
بصف الحياة الاول،،
اجعلها انقي من لون القمر عند الاكتمال،،
دعها تكتسي باطياف القزح ممزوجة الالوان
تمطر سلام في الخريف وتزهر
اطفال ينامون علي فرشات الامان،،
يتدثرون باحلام المستقبل،، في الربيع و الشتاء و الصيف،،

اجعلها....... ..
و اجعلها........
سكن بقلوبنا المحنة علي بعضنا الآخر،،


................
...................

سوميتا..
كل سنة وانتى بالف خير... وليك من الدعاء..

Quote: يا قارئ ما بالقلوب،، اجعلها ساهلة ماهلة تسرح بخيالنا و بمحبتنا توصلها نجم السماء،، ثم تعود كما إحساس فرحة الناجح بصف الحياة الاول،، اجعلها انقي من لون القمر عند الاكتمال،، دعها تكتسي باطياف القزح ممزوجة الالوان تمطر سلام في الخريف وتزهر اطفال ينامون علي فرشات الامان،، يتدثرون باحلام المستقبل،، في الربيع و الشتاء و الصيف،، اجعلها....... .. و اجعلها........ سكن بقلوبنا المحنة علي بعضنا الآخر،،

واكتر....
تحياتى وودى..
والسلام.

انا ما جاييك شايل افراح تملا الدنيا،،
اجمل منية،،
عطر الريحان،، شوق الحبان،،
و اجمل غنية،،
جاييك فرحااااااااااان،،
الخطوة تسابق في الخطوة،،
و البسمة تغازل في النسمة،،
و الكلك ة تناغم في الكلمة،،
و الدنيا قمر نور ظلمة،،
........................
.........................

قول لي العاشقين نحن الاحلي،،
نبض الشريان نحلف صادقين،،
عندنا اعلي،،

...............

.............

نادي الحبان و انشر ظلك،،
و اهدي الياسمين عطرتو فُلك،،

أبتدأ هذا العام بأفراح تملا الدنيا.....

سوميتا كل سنة وانتى طيبة وجميع الاهل

سوما ،،
كتابة الحنين والحب والنجوى هي أذن !!!
أذن دعينى أخبرك هي روحك ، هي حبك هي بساطتك
هي أحلامك التي تنشديها ، هي أنت .
وشاويش أحبه
وأخافه !!
أما أنت :- احبك زهرة في الحياة
وروحاً تسكن كل الفضاء
قيل في القديم :- (قراء ، استمع ، فطرب وفرح ووجد المحبة بين الجميع مقيمه فأقام)
هذا
و
لا اكتفي ..

الكلام ده ما سمح شديد ياسومينا
دي اجمل هديه للعام الجديد
الله يقدرنا نهديك الاجمل
(طبعا شاويش ده بذكرني مسلسلات رمضان الاذاعيه والتي لها نكهه خاصه جوانا) اتعلمنا منها الحس والحب والتعبير وحاجات كتيييييره شاويش ده مابقول عليهو فناني المفضل....لكن ........جد ........شاويش شاويش شاويييييييش
عليش
تسلمي يا سوماااااااااااا

وهنا سوميتا
هنا عزة ..

تطير بين جنبات الروح مثل الفراشة ..

وتسمعنا غُنا هامس
وبشويش ..

غُنا من سوميتا
ومن شاويش ..

الرائعة سوميتا..
صباح الخير .. كل عام وانت رائعة كروعة مفردات شاويش
في الوهلة الأولى التي شاهدت فيها عنوان بوستك هذا الذي يحمل اسم شاويش لم أتخيل أن صاحبته في حضرة أمير العشق شاويش.
و لأني- وحتى لحظتها- كنت متقينا بانه من المستحيل أن أجد من يشاطرني حب هذا الفنان المتفرد في بلاد الصقيع والجليد والآدمي الآلي، ولكنني مع ذلك قررت المرور فضولا وكسرا للرتابة، وليتني فعلت منذ زمن لأجد كل هذا الحب والحنان.
منذ تلك الساعة وأنا أنقر بفارتي هنا كل صباخ ومساء - حبة عند اللزوم - وأمتلئ حبا ودفئا وأتحصن ضد الحزن واليأس وأمتلئ عافية قبل القفز إلى دنياوات أخرى.

شكرا على هذا الحب المسكوب هنا.. سوميتا

دومي بخير..

محمدنور

Quote: كفاية عليّ حضورك فيني،،

مبروكـ سوميتا

فرحت ليكـ جد

و
شكرا شاويش







و
هنا حُب
فقط

Quote: نحسب خطوات لزمانا جاي

sydfuiysduif

Quote: سعد الدّين إبراهيم لسّه قاعدين نتمنّى يبقى معانا عضو هنا

يعني يا لؤي الواحد ما يقشر معاكم ولا شنو

اهلنا الطيبين ديل اكترهم شابكيني ((ابراهيم))
و صلحت لمن فترت.. ما فضل لي الا اعمل ((توضيح مهم))
آخر المطاف قلت و أنا لاقي! قشرة و جات لي باب بيتي
لمن جيت طيرتها لينا يا مصحح الغلطاوي


------

سوميتا
عيدك و سنتك و حياتك كلها افراح ان شاء الله و قولي آمين
اعتذارك ما مقبول طبعا .. الا تقنعي لي لؤي ده يجيب
باقي التسجيل العايزه...اقله يعمل discount


محبتي

هنا شاويش ... هناالحب في تمام الإصغاء الجميل ... شكراً سوميتا على هذا الفيض الغامر

لما الظروف،،
تفرض علينا،،
الغربة والنوح و الشتــــــات،،

تنشغل في روحك و جلدة راسك يغلبك تحكها،،

إلا برجع!

Quote: بتذكرك،، و كت الكلام يصبح صعب،، و الليل يودر في النعاس،، وكت النجم يتلألأ زي عقداً بيضوي عليه ماس،، انا في المداين الضايعة ضايع لي زمن،، و غريب عيون،، سرحـــــان علي الارض الغريبة،، و بسأل الشوق عن وطن،، بسأل الناس عن شوراعاً فيها سافرت و مشيت،، فيها تاتيت و مشيت،، قلت فيهو و ياما غنيت و بكيت،، و عن عيونك و كيف بتصدح فيها احلام الاماني كيفن بتصبح،، لهجة تانية مع الاغاني،، السفر،، خلاني اشتاق السفر،، لو القي لي خاطراً سمح،، كان كلمة واحدة اقولا و تداوي الجرح،، كان مرة في عينيك أنسي،، و مرة أقسي،، و مرة ياخدني النعاس،،

عزوزززززززززززززززززززه
شكرا كثيرررررررررررررررررررررررررررررررررررررررررررر
ودالسر!

كلام عجيب يا بتنا السوميتا

الله يديك العافية وطولة البال (تولك) والعمر

يا دبيب "إنت جافي"

تعلم يا حبيب جداً اني اتمناك
هنا دائماً،،
فياصديق إن لم اخبرك سابقاً
فأسمعها مني الآن،،
ان من حق الناس عليك ان يطلعو
علي مخزون الجمال عندك،،
إلي ان يستسني لهم الغرف
لنشر المحبة ببروحية الاسلوب
المريح الذي يكتب الاشعار عندك،،

اكتب اكتب يا صديقي،، و دعنا نقرأ،، و نسمع شاويش معاً،،
فأغلبنا بحوجة شدييييدة،،

Quote: طعم الهواء ولون العدم لمن صداك يملا السماء ما ترد عليك غير صنتك صامت مداك بحة نبيحك مؤلمة أرجانى إدرج معاك لملم شوارعك وأحزما وبكرة الصباح نغشى الرياح أقعد معاها وكلما متوازية ترعتنا ومحطات المطر كل النهايات فى البحر تتلاقى يتلم السحاب إنتا النهاياتك سراب ذى مافى شئ يانازفة قبلك فى التراب أدينا حتة بتتمشى ونقدر نصل أدينى ضل أفرد قناعاتى وأجييك وأحلف بانك كل شئ

كاتب المقتبس دبيب،،

سوميتا كل سنة وانتي شيقة وتكنين مودة للاشجار..
انتي بت سغيرة ..
من اين لك بكل هذا الحديث الجميل وفيض هذه المودة...

ثمة الحان تتبع كلماتك..
احرصي عليها ..ولن تغيب لك اغنية ابدا..

سوزوكى الغالية

طبعا جيت وانهمر عليك شوقا وبدون حزر
وبامانة أنا لم أعرف خطورة الشاعر محجوب شريف الا عندما قرأت له وهو يكتب فى أحلك الظروف و يقول:

وسلميلي علي رفاقي وبلغيهم اشتياقي
وعن حياتم قولي لي
وسلميلي علي حبايب في زوايا المغربية
وقولي ليهم حبو غنو الدنيا ما زالت ندية
وما حنقبل في وطنا الغالي دية
وما بنخلي وطن سبية
ولا وطن زوجين وحارس وبندقية



ولا الحتة بتاعت مريم ومي بنياتى وحشتنى ولعبتن بي
أنسى بس ياغالية
ونبض الشعب كلو حلم يتاجر به أمثالك وأمثال هذا الشاويش ويستنزفون أرواحنا
فالتحية لمن يزرعون الورد بداخلنا ويحصدون الرماد

وفيك ماتغيرت حاجة
وسماحتك لسه وهاجه

ولوعاينت لي روحك
يخيل لي حتتفاجاء

وبعدين الكلام الفوق ده قاسى جدا
"إنت جافي وبتاع وماأدراكما"
ونحن لانملك الا حسن الظن وخاطر من نود
فلا تحملينا وزر النوايا إذا استضافنا الصمت
فيكفى أن نراك هنا وهناك ونتوسم الخير
والتحية عبرك لاصدقاء التراب وزملاء الرضاعة
وأخص السيد نصار واوسلى مرفوع للقوة 2

كتر ألف خيرك عزه
وكونى كما أنت
جميلة
كماالوطن

بتمضى الايام وراها سنين
والدنيا طريق فيهو الرايحين فيهو الجايين
لكن تبقى الوقفات للزمن الزين

خواض يا ملون

عذرا للبلاهة أذا لم نلقى التحية
فلك فى النفس عبق وأثا ر مطر

تعرف

مرات لما نحزن نتمنى تغشانا الحبيبة
بعد رحل كل الغمام الفى الصنوبر وكان جميل
وتزغرد الروح للطبيبة

مزمل طبعا كان عندو قدرة عجيبة على اختزال الدنيا فى ضحكة دسمة
ومهما كانت ضخامة همومك يختصرا ليك فى كباية شاى
كان بحب مصطفى جدا وبفطرتو السليمة كا ن بميز لينا الغنا
حين يقول
تعرف مصطفى دا صوتو ماجميل ذى مجدوب أونسة لكن غناى وبغنى من جوه
ثم اردف قائلا
مرة مشينا انا والفاتح لمصطفى فى بيتو صدق الزول ده عمل لينا الشاى بنفسه(هو ما بكون مشى ولا اى شئ وبكون سمع الكلام ده
somewhere)

تعرف الزول ده مابيسكر

ويستطرد:

انتا قصة غابة الابنوس عيونك دى شنو... خلى بالك ...وضاحة دى تكون سمينة
ثم اردف
أناغايتو لمن يجى المقطع بتاع

وقــــدر هــــواك يجـيـبـنـي لــيـــك ..
جـــمـــع قـلــوبــنــا وولــفــهـــا .. ..
لا مــنـــك إبـــتـــدت الـــظـــروف ...
لا بــيــك إنـتـهــت الأمــانــي الـمـتـرفـه

يا سلألألألألألألألألألألألألألألألألألألألأم ياخى لكن هى ما مـتـرفـه

المـتـرفـه منو يا مزمل ?

هويدا أخت جمال الحلبى

مزمل
doing good now

أما انا فضحكت ملء صمتى

منزوع القلب

وأشتاق اليها بحزن من فوقه حزن

معاي وغشيتك اسلم عليك

أتكِّل قُصادِك هموم الحرازْ

أطمِّن طيوف الخريف الوشيكْ

أبشِّر دواخلِك بوعد الرزازْ

مودِّر ملامحِك .. غِبيتك .. لقيتكْ

بتلفظ شوارعِك بيوتكْ

تصادر خطايَ وتكاجِر مشيكْ

تغالط حواسك ملامحك

وتحرد عيونك مقاطع وشيكْ
......................

رحم الله مصطفى رحمة واسعة

واصلى "سوميتا"


...
...

البوست ده عندوا طعم خاص وبخاصة فى الشتاء






...
...

جائتي اليوم صباحاً،،
بافراحها و الدمع الحنين،،
و تلفحت دنياي اثياب
رحيق الفُل،،و محبة


ساعود هنا يا احباء،،

نجوي،، تسلم يابا،،

يا
كيف
هليت
طليت
لونت
سماي؟

ولشاويش بهاء فى الصوت لا يضاهى وله نغم خاص هو مزيج من الف صوت وصوت ، صوت (يوديك ما برجعك )لانك حتام ستضيع فى ثنايا الصوت ، لكم كنت اجلس اليه ليغنى فى اى مكان كانه وفى ازمنة كان الغناء من القلب (فى الزمن الزين ) او كما قال هو

لا حولالالالالالالالالالالالالالالالالالالاه

شاويش

وسلمى

وعزة؟

السعد والبهجة دي شنو؟

يديكم العافية يا صندل روحنا وعافية بيتنا
وكدا بسحركم انا دا

..
...ولصديقى ..أحمد شاويش
..ولبنتى ..سوميتا ..كل الطرب الجميل
..ويا للسمع ..البرطب .. المناخ
..ويعيد التربه ..للسقيا والزرع ..
والقطوف طويلة الأحلام لليقظه.. وقريبة التيله.. لكل القاطفين
..
هو القطن ..الذى غرب أسماعنا..
وها نحن نعود..
لأول أرض ..وأول طين
..