Post: #1 Title: (فطومه) نحن راجنك تمرقي مننا شان تجينا... كلمات : نعيم علي ,الحان واداء : مؤيد بشير Author: naeem ali Date: 05-16-2010, 10:44 PM Parent: #0
فطـــــــــــــــــــــومه يا بدايات النهايه لفرح مقتول قبل يوم السمايه جيتي من وين شان تفوتي..؟؟ وفايته لوين,ماكي جايه؟ حرري الضؤ من سجونه وعودي لبلد الحفايا وابقي ذي خيت الشمس يكسي (الجميع) من دون عبايه اصلو من بعدك خيارنا ببقي واحد من تلاته نموووت او ... نموووت يا ... نموت وبرضه تلبسنا الجنايه نبقي اشخاص في الهوامش نبقي ابطال دون روايه نبقي انوار حلوه زاهيه وضاويه في مدن العمايه نبقي الواح طاهره كانت فوقها مدفوقه الدوايه عودي يا اطهر نقيه غرقنا في بحر الخطايا مافي اطفال تاني ناموا وحبوبه لسسسه بتحكي في نفس الحكايا (فاطمه كااانت اااحلي واحده)..حبوبه..اسكتي بس. كفاااايه كل يوم تحكيها لينا (فاطمه كانت احلي واحده) وفي النهايه بيختفوها اصلو يوم ماعرسوها حتي لمن نحكي قصه بالفرح بنضن علينا..؟؟ في قصه عن غول في البوادي واسسا غول جوه المدينه فطومه ماسجنوك في قصه انت مامسجونه فينا ونحن مسجونين معاكي جووه احزانا الدفينه نحن لافين بوراكي وانت ماعارفاكي فينا نحن راجنك تمرقي تمرقي مننا شان تجينا وتقيفي ضد بحر البلايا عودي يا فطومه لينا نحن من دونك عرايا عودي يا فطومه لينا في بدايات النهايه
مخرج:- راجي اطفالنا السمر
Post: #2 Title: Re: (فطومه) نحن راجنك تمرقي مننا شان تجينا... كلمات : نعيم علي ,الحان واداء : مؤيد بشير Author: naeem ali Date: 05-17-2010, 07:11 AM Parent: #1
Post: #3 Title: Re: (فطومه) نحن راجنك تمرقي مننا شان تجينا... كلمات : نعيم علي ,الحان واداء : مؤيد بشير Author: naeem ali Date: 05-17-2010, 07:27 AM Parent: #2
Press Play to listen
Post: #4 Title: Re: (فطومه) نحن راجنك تمرقي مننا شان تجينا... كلمات : نعيم علي ,الحان واداء : مؤيد بشير Author: naeem ali Date: 05-17-2010, 07:31 AM Parent: #3
Post: #5 Title: Re: (فطومه) نحن راجنك تمرقي مننا شان تجينا... كلمات : نعيم علي ,الحان واداء : مؤيد بشير Author: Akram Omara Date: 05-17-2010, 11:37 AM
ياالله ياالله ياالله ياالله يا نعيم ياخ كلمات جميله حد الحزن وحزينه حد الجمال صوت يلامس شغاف القلب بقسوه بالغه ولحن بكاي.
الله يسامحك ياخ
Post: #6 Title: Re: (فطومه) نحن راجنك تمرقي مننا شان تجينا... كلمات : نعيم علي ,الحان واداء : مؤيد بشير Author: حسين محي الدين Date: 05-17-2010, 04:17 PM Parent: #5
Quote: نبقي اشخاص في الهوامش نبقي ابطال دون روايه
الله عليكـ يانعيم دائما مُزهر ومُذهل كل الأماني ياصديق
برضوا بسأل: وجيتي من وين شان تفوتي!؟
Post: #9 Title: Re: (فطومه) نحن راجنك تمرقي مننا شان تجينا... كلمات : نعيم علي ,الحان واداء : مؤيد بشير Author: naeem ali Date: 05-31-2010, 08:02 AM Parent: #6
