Post: #1
Title: عشان نورة......
Author: الق هاشم
Date: 05-05-2009, 11:59 PM
Parent: #0
1
النيل مرق حفيان...
يسال عن مويته..
وليه عطشانه مويه النيل..
والقمرة محفوفه خطي..
بترسل البسمات ..
عشان نورة..
ماتتغطي بالويل والاسي..
والحروف رجعت...
تقوقي مع القماري
ويرحل زمان جدب الاماني...
ويعود شليل..
والليل وكت يقعد يونس في الضلام...
جواه شوق وسفرطويل..........
مليان حكاوي...
ماالغربه ويل وكتين تطول..
والهجرة ممدودة اسي....
الزهور صحت هديل صمتي ..
ورجعت بالعشم المسافر...
لوطن مشيول....
علي خاطر المساء..
|
Post: #2
Title: Re: عشان نورة......
Author: حبيب نورة
Date: 05-06-2009, 00:05 AM
Parent: #1
عشان نورة
بصلي عليك فرض الشوق
بشوفك قِبلة يا أنتي
بكبِّر ليكي و أتشهد
بشوف السكة و أتنهد
و آآآآآآه يا نورة
أعلنت أشراكي بي كل مشاعر خاينة جبانة .... أيماني ضعيف بي قولاً ما بفضح عشق النيل لي بنتـاً نخلة... وانا كافر بي لغةً نكرت حبك!
مسكينة عيوناً جاتك مبتهلة ... لا فهمت غيرك معني... لا عرفت بعدك قِبلة !! لا سجدت يوم في مصلّي... الا عشان بنتاً نخــلة!
كافرين بي وعداً يبقي سراب .... وانا شايلو عقيدة معني غناكي وبصمة صوتك ..... ولسّاتي هناك راجيك في شارع الروح قدام الخاطر... وعارف مشكلتك..... كعبة ......لكن مُشــرّفة...
|
Post: #3
Title: Re: عشان نورة......
Author: سيف الدولة كامل
Date: 05-06-2009, 00:08 AM
Parent: #2
تسسسسسسسسسسسسسسسسسسسسسسسلم نوره البت البلوره
وتسلموا نتوا يا حلوين,, يا مبدعين
|
Post: #4
Title: Re: عشان نورة......
Author: الق هاشم
Date: 05-06-2009, 00:51 AM
Parent: #3
2
انسطل النيل محزون..
والشفع لسع فتاري..
وكان شفت المويه
مسكونه عويل..
والصمت طويل..
ممدود لاخر ليل..
لو سكت المركب ماشي..
او هاجت موجه في وشه..
بشيل صمتين..
وغنا ..
دوبيت تهليل..
ينشرح الحزن..
الكابي خرير..
يتفرتق مطر الخاطر..
وتتمايل حيطه الشارع..
والناس حتغني غناها..
جوة الخرطوم..
وامدر حتشيل..
بتطيب في وجدان الناس.
الماشه ..
بتهتف..
ومن نورة احزان حتزيل
|
Post: #5
Title: Re: عشان نورة......
Author: الق هاشم
Date: 05-06-2009, 06:02 PM
Parent: #4
3
اتوضيت قهرت الشترة
في عمق الوجود شهقه
لقبله الخت ام دقر..
وقعد يعاين في الخلايق..
مستف بالجمال دوبيت..
شريت حبال فصل التنهد..
للنيل ...
دخلت اقشقش دمع الحزن..
المشرشر جواهو في بصمه خرير.
عانيت جذوع النخله..
حين تاوقت فوق للسماء.
حبا مدفق يملاء ويغني مع المراكبيه..
سكه احساس لقصيدة..
معطنه لا فت لا كليت..
حين جاني خاطرا..
صوت لرزاز معني.
ولون تداخل في حنينك..
حبك يا وطن مختوت.
بين قوسين سحاب..
واشجار محننه بالتوالف..
موسمه جوة خاطر الاندهاش ..
غنوة لصوتك ..
وكتين يهبش المطرة ..
انا شلت خاطر الروح في شارعك صليت...
|
Post: #6
Title: Re: عشان نورة......
Author: نوفل عبد الرحيم حسن
Date: 05-06-2009, 06:51 PM
Parent: #5
يا روعتك
سلم قلمك الذي اصبحنا نترقب فيض مداده وأنيق حرفه
|
Post: #7
Title: Re: عشان نورة......
Author: مدثر محمد ادم
Date: 05-06-2009, 08:42 PM
Parent: #6
الق الحروف الهه
خشيت عليك
متؤضي
بي باقي الشراب
انثى خقيقة
ومنحازك ليك في
العشق
افتراض حبيبة
وتسلمي من خزلان حقيقة
تيف تيف
|
Post: #8
Title: Re: عشان نورة......
Author: قاسم المهداوى
Date: 05-07-2009, 03:11 AM
Parent: #7
نورة
وعن حبيبتى بقول لكم
ولسه برضى حاقول لكم
يلا صفقوا كلكم
مرة غنت عن هوانا ... و... خستكت بى كل الحاجات الجمليه
ولا كــــــــــــــيف
عزرا مكرر للتلصص والشوف والبوح ايضا
قاسم المهداوى
هامش
واحد فى حالة عدم استقرار مكانى
|
Post: #9
Title: Re: عشان نورة......
Author: Safa Fagiri
Date: 05-07-2009, 05:00 AM
Parent: #8
أنا أقدم
عاصمة للحزن..
أشعر بالبرد
فغطيني..
|
Post: #10
Title: Re: عشان نورة......
Author: Safa Fagiri
Date: 05-07-2009, 02:04 PM
Parent: #9
ألق
الغالية..
did you fix
the tech prob
??
can you
log in?
to the posts
??
|
Post: #11
Title: Re: عشان نورة......
Author: الق هاشم
Date: 05-09-2009, 04:57 PM
Parent: #9
4
ختيت حساب للشوق فجر..
مرق المطر وانشر شر..
جوة الكلام احساس ولوف..
لزول معجن قدرة..
واحساس صمته بوح..
فوق جوف وطن..
قطيه من الحب سعف..
لخاطر النيل لو تعب..
يشرب يقين...
من جوة جوف عمق اليقين
ونورة بتتاوق في الهجير
تقتات رصيفها من المدد
بقدرة الخلق العباد من كل لون..
بتمص رحيق الامنيات..
بترص فصول الاغنيات..
|
Post: #12
Title: Re: عشان نورة......
Author: الق هاشم
Date: 05-09-2009, 05:12 PM
Parent: #2
حبيب نورة المزدان حضورا في مسارب الروح ازدحامك في تماوج مسترسل ...
مدخل لنفس الذات:-
رسلت اتهجي ليك عن شوق مقرقر عظام احساس حروفي..
لوطن مقرقش بحه في جواهوا حلم..
بفرش رويحتي مصلايه في سطح النيل ..
واخش احساس مودر بالتقاسيم..
الموسمه بالتصاق نيلين تيمم ..
في نفس ذات القبله مغموسه بسكات...
وامرق ارسل في الدعاء ..
دوبيت حنان ..
مركوب صبر.. لابساهوا نيل..
وكيف مندهش ملعون قفاك..
بس لو ودر جوة السفر..
حوش من تقاسيم حته جوة الخوف مرصعه..
بالغنا المكتوم علي حلق الدميرة
|
Post: #13
Title: Re: عشان نورة......
Author: الق هاشم
Date: 05-09-2009, 05:18 PM
Parent: #12
المذدان سيف ..
حضورك مزار لحته من فوق نورة..
تهتف سكات..
تمرق بلودات العشم ..
لنفس ذاتك يا وطن
|
Post: #14
Title: Re: عشان نورة......
Author: الق هاشم
Date: 05-09-2009, 05:47 PM
Parent: #13
المزدان نوفل ..
مودتي..
ومحبرة بذات اللون...
انحدار حروفك بيني
يغطي ذلك الشئ المتساقط.....................
فتوغظ ببزوغك..
شلالات صمت الهواجس
فترتاح نورة.....................
من ذلك الشئ
|
Post: #15
Title: Re: عشان نورة......
Author: الق هاشم
Date: 05-09-2009, 05:57 PM
Parent: #14
المزدان مدثر..
دقيت علي باب المطر ..
حفيانه روحي مشحتفه..
حس الرزاز داخل علي..
مفتاح سفر..
متيقنه بالله مجداف صمتي ..
يوم ما ينكسر..
حس نورة ..
خاشي علي..
فجر ...
صوت لاذان
احساس خشوع فوق ..
للعصافير ..
حين تغني معاي.
والقمري يتوسد تباريح اللي..
خت عصاي ذي موسي ..
وكتين رموهوا هناك من فوق للبحر
ومرق حنين
|
Post: #16
Title: Re: عشان نورة......
Author: الق هاشم
Date: 05-09-2009, 07:45 PM
Parent: #15
المزدان حضورا صديق حرفي قاسم..
لك في الخاطر الف لون وخرطه..
لوطن مسكون بذات الدهشه..
سعيدة بتواجدك بيننا
تمدد لتستريح تلك الاهات
|
Post: #17
Title: Re: عشان نورة......
Author: الق هاشم
Date: 05-09-2009, 07:55 PM
Parent: #16
صفويه حبببتي..
انتي قبلتي لصلاة الروح ..
اتوضا من حروفك ومن تواجدك ..
انتي فبني فروض حياة ..
احبك بعمق تواجدك فيني ..
اتشبس بك اتوكا ء عليك يا عصاي..
...............
اتشهدت في ضل راكوبه ..
مشرشرة جوة حس ضل لنهار..
ومرقت اتاوق في البروق..
احساس بزوغك...
في براهين التمدد..
اقشقش في خواطر الاندهاش..
طوريه مغروسه ..
جوة قوسين من تساب..
في ضل تراب مليان صبر..
ودخلت في محراب حنينك اغنيه..
مختوته فوق للانبهار..
لحظه توارد النيل علي ..
حسي المقلقل بالسفر..
بدخل عليك يا قبله..
للمدن المهاجرة
تكب الود حنان ....
|
Post: #18
Title: Re: عشان نورة......
Author: الق هاشم
Date: 05-11-2009, 06:17 PM
Parent: #17
النيل..
مرق ..
مركوبه ..
مرقوع
مرقع حد النخاع..
كم مرة صدر الموج فلت..
بسدفه من عمق الوجع..
صوت عويل..
وحزن نبيل
وباه لنورة..
كم مد رجع محزون..
والخرير فرتق ضهر..
صدر المسافه ..
وانهزم بينا السكات.......
|
Post: #19
Title: Re: عشان نورة......
Author: الق هاشم
Date: 05-11-2009, 06:33 PM
Parent: #18
6
لخيت خميرة الروح..
بالشوق سنين ..
لعزة للنيل للخليل..
خميت رسائل الانتظار.
في كل محطات السفر..
عبيت بلودات غربتي..
غطت شراييين واوردة ..
صمت الحنين..
لحدي ماضاق حبيل الشوق.
وانكشح صبري وفتر..
مدييت نخاع الشوق وتر..
غنيت غناي ..
صبيت هواك بكل لون
من جوة جوف صمت الشعر..
واه يا وطن
ويا نورة اه
|
Post: #20
Title: Re: عشان نورة......
Author: مدثر محمد ادم
Date: 05-11-2009, 06:44 PM
Parent: #18
عشان نورة
البحر سرح
عليك فيض
حدادي
وشائل الموج
شوق
هدير ودراه
حزن مدادي
عليك بالرزاز
احساس يشابي
وتسلم حروف صديق الحرف الق
|
Post: #21
Title: Re: عشان نورة......
Author: حبيب نورة
Date: 05-11-2009, 10:41 PM
Parent: #20
........
!!!
انا برحل ليك... ياسفراً ما أتعرفت ليه دروب... قسوة حنيتك...
مزاق الالفــــة الجفوة الهم... تركيبة غريبة....زي ما حضن النيل الازرق
أبيض مــويـــة!
وقال للناس ديك الخرطــوم ... بترجــف من قبلات النيل .. ولقيتك نيل!
وجيتك مركــب ... اتوكلت علي مجدافي.... شخبطت الجــزر الكانت رملة ..
وبتمسح خد الموجــة جفاف ... ورسمت خرايط الطين في الصحــــرة وصفق
النخـــــلة .... تاكيت النيل عبيت شرياني سماحة شوفتك في أحلامي ...
و أنا جيتك رويان حلقي سموم و مغــــــايس..
ولقيتك نيل يا فجر ألهامي ... لكن في الليل الناشف نام ... أتفرّع مات في البحر
المـالح.. دمياط ..و رشــيد.... ما ترجعي نيل...
|
Post: #22
Title: Re: عشان نورة......
Author: الق هاشم
Date: 05-12-2009, 04:58 PM
Parent: #21
7
انسطل النيل ومرق حفيان..
حين غابت شمس الالفه..
ودموع الشوق معترفه..
بانه وطنا جميل..
واه يا وطني ..
عشه تحدث ميري تشيل..
ولو فلت الويل لاخر حد..
بتبخر شوق جوة الوجدان..
اهاته مني..
لو نام الهدهد في كوم احزان..
او مرقت روح الغربه فجر..
واتشري جدائل حد الشوف..
بكتب شعري دوبيت من شوق..
وااااااااااشوقي انا..
|
Post: #23
Title: Re: عشان نورة......
Author: الق هاشم
Date: 05-12-2009, 06:34 PM
Parent: #22
المزدان حضورا صديقي وصديق حروفي مدثر
البحر رهو الصمت
تحمله تلك الاهات المكتومه
جوة الموجه
ترهلت المسافه التباسا
يحنو
ليمسح ذلك الشئ
من
نورة.....
|
Post: #24
Title: Re: عشان نورة......
Author: الق هاشم
Date: 05-12-2009, 06:49 PM
Parent: #23
8
حبيب نورة.......
كيف حال البلد..
خرطوم معجنه بترانيم
من حزن..
حين كب صمت الليل وجع..
والنيل رجع مارق..
علي بيوتات الهجيع..
دفر حنين مكبوب هجع..
شايل هموم..
كيف نورة..........................
والطير والنخيل..
عبد الرحيم وامونه كيف..
والواطه صبحت كيف هناك..
والضل مشرشر بالوحل...
وفترت احاسيس النهارات ...
وخشت علي جذع النخل...
احساس مغطغط...
مليان حدود بالاحتمال...
والمويه كيف ..................
عطشانه لسع في الخريف....
لمزيرة وضليل سبيل..
مكبوب نزيف من امنيات..
وبيوضه كيف...
لسع مغيبه بالصهيل....
مشرورة بحزن اتملي ...
واندلي..
قيف...
للاغنيات
|
Post: #25
Title: Re: عشان نورة......
Author: الق هاشم
Date: 05-12-2009, 11:41 PM
Parent: #24
9
وانا جايه عليك
برحل حفيانه روح..
من عكرة باب الصندل..
مصلايه تدقش ..
جوة شوارع الدهشه هموم....
وليه الخرطوم ...
مشرورة اسي..
اتلفت الموج من جوة النيل....
طرحه احساس..
لمركب فج الموجه..
رويان مسموم.....
برحله تهدهد..
في خاطره شراع..
بحلم بقيف...
في فجر ملان بفرحه شافع...
شايل اقلام ....
بيشخبط في حيطان الوردة...
بيرسم الفه...
لوطن محموم............
مجدافه مرقع بالاهه.................
شريانه مفصد بالضلمه.........
والشوق مختوم.......
بنفس السفر الجاي علي...
ناعس اهدابه.....
ياريت لو حزنه ينوم ...
|
Post: #26
Title: Re: عشان نورة......
Author: الق هاشم
Date: 05-13-2009, 05:00 PM
Parent: #25
10
دافرت حس الشوق
فجر....
مرقت بيوت الهجعه ..
خيط..
في الذاكرة..
بترقد رقاد...
بيوضه...
وامدر...
امنيات..
ولنورة كل الحب مرق..
توب من سكات..
اتبلل الشوق بالندي..
ولنيل حنين...
حين عدي فات
لفوق بيوت الهجعه...
انشري احساس السفر ..
في كل ضفه..
ازرق مغيم بالحزن ...
وابيض مغيب بالشتات....
|
Post: #27
Title: Re: عشان نورة......
Author: الق هاشم
Date: 05-13-2009, 06:10 PM
Parent: #26
11
بشق الحسرة ..
ولنص الارض بدخل..
يبق صوت عزة..
يبقي سماد..
فلول طوريه ..
تمرق من ..
تلابيب نورة..
كل جفاف...................
يمش يرحل..
ويسكن عطبرة...
الاحساس..
حديد الشوق...
وللدامر ..
يخش يسال..
من العمال يقش عرقا...
بيدي الزهرة..
معني الطل
|
Post: #28
Title: Re: عشان نورة......
Author: الق هاشم
Date: 05-13-2009, 11:53 PM
Parent: #27
12
الطوب مفلع ..
والسوس نخر ..
رقع هديم احساسه
مويه الاندهاش...
اتدفقت..
في كل مساحات..
الحروف
كان تهدا نورة...........................
من تفاصيل الوجع...
ما (الله )...
مرواد لكحل عينين..
بعاد من البلد..
نامت حقيقه المويه ..
ما الطين فلت..
واتشري بين كل العباد...
اتمد فاض فوق نورة.....
تمرق تهاتي..
بتكوس عن مدد...
|
Post: #29
Title: Re: عشان نورة......
Author: حبيب نورة
Date: 05-14-2009, 00:08 AM
ألق
يا أنا ونورة!
وعشان نورة
بقول
مرقت حافية بتبكي الغنية.... و طعنت شوكة الهم أضنينك في العينين
ما شفتي بكاي؟ ,,,, طرحت فكرة انو الكون مشروع تسمين ,, لي جوع
الداخل ....! البختف من عينيك العافية .... ويسرق منك شكل وجودك
معني سقوطك....... ولسة شوارعك هاوية..
لو كان قدرت كل جياتك تكتب جواي أحساس بالجد,,, ما كان سقت
حواسي رحلت بعيد شان أنسي ... لكن يا صاحب ...كل ما أرسم ليك
خريطة... بتزحف ريحك تخطف شوقي تشيلوا هناك في الصخر الآهـة
سأعود!
|
Post: #30
Title: Re: عشان نورة......
Author: Safa Fagiri
Date: 05-14-2009, 03:54 AM
Parent: #29
بواصل رهامك
تحول إذن..
زمان المحبة
البتخفض جناحا
بيجيكي متمر
وناصع...
ويضمك محنة
ويزفك سلام
عوالم تغانم
ملامح ودارك
زمن..
عوالمة تحالم
فراتك وتغسل
غبار المحن...
سواميت تناغم
نسايم صباحك
يفرهد رباحك
ويغنيكي دجلة
ويراقصك بموجو
ويعود الوطن
..
ويسافر...تسافر
مظالم.. ظلامك
ومراثي الشجن...
متى ..متى
يا بنفسج??
توفي وعدك
وتحل القضية
تحلق حمامة
وتعم السلامة
ويزول الحزن
متى يا بنفسج
حتوفي الوعود
بحق الطفولة
وعلامة الوسن??
متى يا بنفسج??
|
Post: #31
Title: Re: عشان نورة......
Author: الق هاشم
Date: 05-14-2009, 11:59 PM
Parent: #30
صفويه ... حبيب نورة ...وذات وجع مسافر...
13
اتحقن النيل...
والليل غطاهوا الصاج الحار..
بحلم بكسرة..
مرقت حفيانه..
انطعنت جوة..
تتشابي الروح..
جوة الاهات..
ينقسم الهم..
لمشرع ..
خاشي علي شفخانه..
ولو مرضت ..
تداوي نفسك بالصبر..
شترانه الغنيه
ما الجوع..
الشرخ فوق احساس ..
الصوت الطالع من عينيك...
مليان اهات بنفس الفكرة..
ما الداخل فيك ..
هو نفس المارق مني حزن..
بيدوزن شكل وجود الحمي..
يتسفلت شارع..
تنكتب الرحله الي المجهول..
هداك احساس الوطن ..
الشترت فوقوا عواصف الريح..
مكبوبه سراب....
يزحف ..
لنفس الفجه..
ما النار فوق منقد..
احساس براحه..
لنفس رماد الشوق الشايله..
وطن
بيحلم ببكرة...
|
Post: #32
Title: Re: عشان نورة......
Author: الق هاشم
Date: 05-15-2009, 06:20 PM
Parent: #31
حبيب نورة......... صفويه ..........بنفس الذات ....
14
عشب التناجي
وريحه الوردة..
الهناك
ناعسات
عيونها مدوزنه..
بقهوة بجه..
سدفه حضور..
شفع فتاري..
مغبرين من الضني..
وكان شفت انا..
مشطت..
روحي من الحروف
المسخنه...
دليت رهاب
صمت الحروف..
لحته..
بالحزن النبيل..
ملونه..
ومرقت افتش في المطر..
عن ضلنا..
ورجعت مزهول....
بالرزاز..
مليان مدفق بالدموع
مسكون عصب..
صمتي وانا..
بحاجه في ....
حضن المسافه..
شتت حرفي....
علي الوجع..
لنورة عشان ...........
ترجع...
تعود ضوايه..
زاهله
بدل الاسي..
بالفرحه تبقي محننه...
|
Post: #33
Title: Re: عشان نورة......
Author: حبيب نورة
Date: 05-15-2009, 08:57 PM
Parent: #32
أها
لسة متألقة؟؟
يعني ما بلغتي (رشد) الحروف!!
|
Post: #34
Title: Re: عشان نورة......
Author: الق هاشم
Date: 05-18-2009, 05:02 PM
Parent: #33
حبيب نورة....
مساك مليان بحلم وطن
بغتسل من النيل
لاداء فروض الحنين والبقاء
|
Post: #35
Title: Re: عشان نورة......
Author: الق هاشم
Date: 05-18-2009, 05:22 PM
Parent: #34
15
اكتر من مطر
شكل النزول
وسادات الضياع
مصدومه بالنيل
المافي
والمويه عقيمه
من طعم الوجع
المسترسل
في كل شئ حي...
اتفضح الشارع ..
من كتر الزحمه..
والناس الماشه..
وجايه تعاين..
في محصول الوهم..
المالي كل الاماكن...
يا وطن نزفك براهن
احتمالك للافول
او طلوعك
في السماء السابعه
تدفر في الوحل...
|
Post: #36
Title: Re: عشان نورة......
Author: الق هاشم
Date: 05-18-2009, 05:31 PM
Parent: #35
16
كيفن تروق ..
والالفه خدرها جوع صغار..
زحمه محطات للسفر..
لجوة صمتك انبهار..
حرفين لسقف النيل ..
مزارعيه وكتار..
يا و طني يا حرفي المسافر..
للمحطات القصيه..
بحلم ببوص يسطر لوحه..
بلون جديد
احساس نهار..
|
Post: #38
Title: Re: عشان نورة......
Author: ياسر بيناوي
Date: 05-18-2009, 09:41 PM
Parent: #37
قصة نورة البت الاصلا ما بنساها
نورة حنينة ملكني هواها
نورة بنية من الاحلام
وجوه النوم انا بترجاها
زوله اصليه وفيها قوام
زي البان طربان يتمايل فرعو مع الانسام
واجمل صورة بسيمة فاها
دا مقطع من النص الجديد فترقبوه
خالص الود
|
Post: #39
Title: Re: عشان نورة......
Author: الق هاشم
Date: 05-22-2009, 07:10 PM
Parent: #38
عشان نورة
|
Post: #40
Title: Re: عشان نورة......
Author: الق هاشم
Date: 05-22-2009, 07:21 PM
Parent: #39
احبتي في نزف الحروف حبيب نورة وياسر ..
تتموسق الاحزان ومن ذات الكوة وبنفس طوريه في عمق الطين وكوريه فاضيه الا من الهم
|
Post: #41
Title: Re: عشان نورة......
Author: الق هاشم
Date: 05-22-2009, 07:37 PM
Parent: #40
16
مختم نهارك صهيل..
وليلك محنط مغبر حزن..
وحزنك مكوم وراقد قفي..
وطفلك بيحلم بحبه حنان..
مدفر صهيلك وليل..
مدارك صليل ..
سيوفك بتشهر مطارات وداع..
تذاكر تدفر بتبحث موانئ...
وصدرك مجرتق رحيل..
شبابك رحل وطيرك رحل ..
يفتش ويبحث لصوتك...
وصوتك مدفن مغبر لاخر محل...
وترحل مدائن وتدخل لجذعك كلاب السفر...
بتنهش في عظمك تاكل في لحمك وترمي الفضل...
شوارعك تدفس وحضنك برفس ..
وضلك محكر ملان بالتفاصيل العقيمه..
وطيورك تهاجر بتبحث وطن..
شبابك بهاجر بيبحث وطن..
مشتت هناك في اطراف خرائط..
وكيف بس تهدي شتاير شباب ..
مغيب عذاب..
ونيلك بسافر بفتش صحاب....
بجادل في موجه
ومويته بتبكي تشتت حزن
....... موسم سراب
|
Post: #42
Title: Re: عشان نورة......
Author: محمد عثمان
Date: 05-22-2009, 08:49 PM
Parent: #41
و عشان نوره...
نسمع هنا
|
Post: #43
Title: Re: عشان نورة......
Author: الق هاشم
Date: 07-31-2009, 07:54 PM
Parent: #42
تسلم يا محمد لهذا الشجن الممتد طولا وعرض في وجه وطن برئ.
|
Post: #44
Title: Re: عشان نورة......
Author: الق هاشم
Date: 08-01-2009, 05:42 PM
Parent: #43
17.
في وطن مساحته مليون ميل من الهم المربع .
تجلد بسوطك
بنفلت مني الحزن
تدخل تفرتق
في الضهب
تمرق تكوس
ما بتنكسر فينا العزيمه
نزداد ثبات .
نزداد تمسك بالمبادئ
نزداد هيام .
لحته اكبر من زحام.
لحته اوسع من حزن
لحته خاليه من الظلم.
ليه يا وطن مغلوب حنينك منكسر .
كل الشوارع مخنوقه بضيق حافتك
من طفرة .
الاحساس.
ليه يا وطن مصلوب نزيف.
|
Post: #45
Title: Re: عشان نورة......
Author: الق هاشم
Date: 08-01-2009, 05:45 PM
Parent: #44
18
تنساب علي الخت السفر...
احساس غباش..
من التدافر ..
للوصول ...
لسر غنيوات المطر..
حين جات دغش
كبت علي النيل المروق..
مرق العناقريب مات شهيد ..
نامت العين بالسهر ..
واتدفقت من السؤال..
نقطة...........................................
بتفتش عن حنين ميعاد مكوث ..
عسكر................
نزل بيكب حزن في وش مساهرين ..
متعبين ووطن عبوس..
|
|