Post: #1 Title: الهلال VS المريخ Author: Maawya Hussein Date: 09-07-2009, 01:11 PM Parent: #0
Post: #2 Title: Re: الهلال VS المريخ Author: Maawya Hussein Date: 09-08-2009, 10:44 AM Parent: #1
مجددا يلتقي فريقي القمه السودانيه الهلال والمريخ في أمسيه رمضانيه باستاد الهلال في ثاني لقاءتهما في بطوله الانديه الافريقيه الابطال وكان اللقاء الاول بين الفريقين قد انتهي بالتعادل السلبي باستاد المريخ . الهلال يدخل هذا اللقاء بهدف الفوز والصعود المباشر لدوري الاربعه الكبار والمريخ يدخل اللقاء بحثا عن أحياء اماله في الصعود بالفوز علي الهلال وانتظار ما تسفر عنه باقي المباريات ولا أمل للمريخ في الاستمرار غير الفوز . فريق الهلال أجري عددا من التمارين والمباريات الوديه استعدادا للقاء وكان اخرها مباراتي الفريق مع الامل عطبره والتي كسب جولتيها بهدف وبهدفين مقابل هدف وشهدت الجولات الاخيره عوده مصابي الفريق (كابوندي واحمد الفاضل واسامه التعاون) ويدخل لقاء المريخ وهو مكتمل الصفوف والاعداد .المريخ أجري ايضا سلسله من التمارين الاعداديه والمباريات الوديه مع فريقي كوبر والخرطوم حيث كسب فريق كوبر بـ8 اهداف والخرطوم بهدفين وشهدت المباريات الظهور الاولي لعدد من لاعبي الصف التاني بالفريق (دقاشيه وخميس مارتن) وعوده العجب وهيثم طمبل .المريخ يدخل اللقاء وهو يفقد ثلاثه من اعمدته الاساسيه في الدفاع (سفاري-دامر -بله جابر) وربما استعاض بالوجوه الجديده لسد تلك الخانات .. يدير اللقاء حكام من جنوب افريقيا .
Post: #3 Title: Re: الهلال VS المريخ Author: معاوية عوض الكريم Date: 09-08-2009, 11:19 AM Parent: #2
Post: #4 Title: Re: الهلال VS المريخ Author: معاوية محمد الحسن Date: 09-08-2009, 11:19 AM Parent: #2
الاخ معاوية تحياتى ياخى حرام عليك معقول الاسم الجميل ده وتكون هلالابى صفرابى شفت اللون الاحمر ده جميل كيف فى هيثم ،لكن كناعاوزنوا زمان لمن كان صغير عموماً أقول لك المريخ والهلال كاذب من يقول انه يضمن نتيجتها فتاريخ هذه المباريات عودنا على ذلك ولذلك أصبحت شخصياً لا أتحدى اصدقائى قبلها ولكن لو فاز المريخ يشوفوا ليهم مكان تانى منى وهذه نصيحتى للجميع المريخ والهلال لايتنبأ بنتيجتها الاغبى أو مستجد كورة
وسعيد بالتعرف عليكم
Post: #5 Title: Re: الهلال VS المريخ Author: Omar Bob Date: 09-08-2009, 11:29 AM Parent: #4
سلامات يا معاويه لم اري اي تحديد لزمن المباره في اي اصداره رسميه حتي الان وان كنت ارجح انها ستكون العاشره ليلا حسي متابعتي الهلال من المفترض ان يفقد جهود علاء الدين يوسف وعمر بخيت للايقاف والمريخ سيفقد جهود اكرم وسفاري للايقاف
Post: #6 Title: Re: الهلال VS المريخ Author: كمال عباس Date: 09-08-2009, 12:09 PM Parent: #5
Post: #7 Title: Re: الهلال VS المريخ Author: Maawya Hussein Date: 09-08-2009, 12:15 PM Parent: #6
تحياتي للجميع ..
المباراة الساعة العاشره بتوقيت السودان يا عمر وكشف الهلال خالي من الايقافات والاصابات (ما عدا احمد عادل) ..المريخ يفقد سفاري أكرم وبله جابر (اصابه) وامير دامر (أظن ايقاف داخلي )
Post: #8 Title: Re: الهلال VS المريخ Author: Maawya Hussein Date: 09-08-2009, 12:31 PM Parent: #7
Post: #9 Title: Re: الهلال VS المريخ Author: عبدالله السفاح Date: 09-08-2009, 12:47 PM Parent: #7
حبيبنا معاوية بأذن الله الهلال قادر على الصعود للدور نصف النهائي عبر بوابة المريخ وما احلى الصعود على حساب الند التقليدي
Post: #10 Title: Re: الهلال VS المريخ Author: Maawya Hussein Date: 09-08-2009, 01:23 PM Parent: #9
نتمني يا عبد الله ..المشكله الكبيره في الشحن الزائد للجمهور من الاعلام الرياضي والممكن يسبب كارثه بي سببا ممكن يفقد السودان مقاعد التنافس في البطولات القادمه ..خصوصا اذا تعرض الجمهور لحكام المباراة ..وربنا يستر
Post: #11 Title: Re: الهلال VS المريخ Author: Maawya Hussein Date: 09-09-2009, 10:55 AM Parent: #10
Post: #12 Title: Re: الهلال VS المريخ Author: Maawya Hussein Date: 09-10-2009, 10:49 AM Parent: #11
توقعاتكم لنتيجه المباراة وتشكيله الفريقين !
Post: #13 Title: Re: الهلال VS المريخ Author: Maawya Hussein Date: 09-10-2009, 10:50 AM Parent: #12
اتوقع فوز الهلال 2-1
Post: #14 Title: Re: الهلال VS المريخ Author: ismeil abbas Date: 09-10-2009, 10:57 AM Parent: #13
أخ/معاوية السلام عليكم......
أمنياتنا للهلال بالنصر إن شاء الله ا..ويمتد الفرح للعيد..ونتواصل عبر هذا البوست....أتوقع 2/1 للهلال كما تفضلت..وذكرت ذلك فى بوست سابق....نأمل من الله النصر للهلال لآنه هو ألأجدر وألأقوى...إسماعيل محمد احمد عباس...
Post: #15 Title: Re: الهلال VS المريخ Author: فتحي الصديق Date: 09-10-2009, 11:07 AM Parent: #14
Quote: المريخ يدخل اللقاء وهو يفقد ثلاثه من اعمدته الاساسيه في الدفاع (سفاري-دامر -بله جابر)
وكيف سيواجه المريخ صواريخ الهلال المنطلقة من أقدام امبيلي وكاريكا ومهند وسادومبا..؟ يبدو لي أن هنالك شغبا ما من جهة ما سيحدث في المبارة.. والعجب قاعد وجاهز لتهدئة جمهور (الصفوة)..
Post: #16 Title: Re: الهلال VS المريخ Author: عبدالله السفاح Date: 09-10-2009, 11:13 AM Parent: #13
اتوقعها 2/صفر للهلال
Post: #17 Title: Re: الهلال VS المريخ Author: Maawya Hussein Date: 09-10-2009, 11:26 AM Parent: #16
Post: #18 Title: Re: الهلال VS المريخ Author: اليسع نورين Date: 09-10-2009, 12:01 PM Parent: #17
مربوحه هلاليه انشاء الله يا معاويه
Post: #19 Title: Re: الهلال VS المريخ Author: Maawya Hussein Date: 09-10-2009, 05:28 PM Parent: #18
حافظ يخشى سرعة امبيلي وسادومبا والباشا يرفض المشاركة في القمة خوفاً من الهزيمة والجمهور
Quote: كشفت مصادر مطلعة من داخل معسكر المريخ ان المدافع احمد الباشا رفض مبدأ المشاركة في مباراة القمة الإفريقية مساء الجمعة أمام الهلال وقال إنه غير مستعد نفسيا للمواجهة بسبب عدم تفاهمه مع الثنائي ريتشارد جاستين وسعيد السعودي وأشار إلى ظهور ذلك في المباريات الأخيرة، مؤكدا أنه لا يستطيع اللعب في غياب المدافع الموقوف محمد علي سفاري وعليه لا يريد تحمل المسؤولية والهزيمة المتوقعة أمام الجمهور المريخي.. ويبذل المسؤولون بالنادي الأحمر مجهودات كبيرة مع الباشا لتهيئته نفسيا وإقناعه بقبول المشاركة بعيدا عن الهواجس والخوف. على صعيد متصل نقل لاعب دولي بالمنتخب الوطني حالة القلق والتوتر التي يعيشها الحارس حافظ احمد حامد من المهمة الخطيرة وذكر أن الحارس يخشى سرعة مهاجمي الهلال خاصة الكنغولي ليلو امبيلي والزيمبابوي ادوارد سادومبا مع بطء مدافعي المريخ خاصة في العمق (ريتشارد وأمير دامر) فيما يشكل غياب سفاري هاجسا خاصا للحارس.!
Post: #20 Title: Re: الهلال VS المريخ Author: Maawya Hussein Date: 09-10-2009, 05:33 PM Parent: #19
Post: #21 Title: Re: الهلال VS المريخ Author: Maawya Hussein Date: 09-10-2009, 05:36 PM Parent: #20
برقصوا ويغنوا مع القلع كمان !! أولاد عمنا ديل القصة رايحة ليهم خاااالص.. شكلهم كدا قنعانين قالوا أحسن نحن نغني ونرقص قبال الكورة وبعد يوم الجمعة دي نتفرغ للعشرة الأواخر !! الهلال متمرن بعد مباراة صعبة وقوية مع الأمل عطبرة والجمهور بشجع واللاعبون في منافسة شديدة عشان دخول التشكيلة والكشافات مولعة والناس بتسأل المريخ دا متمرن وين ؟؟! الأستاد مقفول والكشافات طافية !! يكونو مشوا الصافية !؟ عاملين تمرين سري جنب ناس خالد شرف .. يكونو عاملين مباراة مقفولة مع فريق سين للغلال !! ولا يكون مازدا اتفق مع احمد بابكر وعاملين مباراة مع منتخب الناشئين !! تتخيلوا المريخ كان وين !! في قلب البحر .. وتحديداً النيل عشان ما بكرة يقولوا لينا الخرطوم ذاتها ما فيها بحر .. أصلهم بتاعين فارغات !! المريخ كان في رحلة نيلية مسائية بعد فطور كارب للاعبين وبحضور لم تشهده التدريبات الأخيرة.. أي زول موجود حتي همد الجاي من امريكا كان في !! لكن بدون تصريحات المرة دي !! قالوا ليك قريش جا من لندن وحبَّ يذكر اللاعبين والاداريين بانو سكرتير المريخ !! خصوصا وانو متوكل كان ماخد راحتو ع الآخر !! في جماعة نصحو قريش قالو ليهو ممكن تصرِّح والناس تذكر انك السكرتير .. قال ليهم متوكل دا ما بتنافس في التصريحات .. قالو ليهو ممكن تطلع بيان .. قال ليهم بيان ما بكفي .. قالو ليهو ممكن تعمل إعلان في الصحف عن عودتك .. قال ليهم لاعبين المريخ ما بقروا الجرائد اليومين دي !! الفطور بس وفي باخرة وفي النيل وحفلة كدا عجاجها يصل الكلاكة ..عجاج شنو يا قريش نحن في الموية !! أنا بجيب ليكم العجاج في الموية .. الحفلة حتكون بي القلع !! جنس كشف.. الجماعة أبو يقعدوا لحدي ما قريش قال ليهم العايز يستمر في الحلقة يدفع قروش !!! صن ان ان صنو ليك !! القلع في عز أغنيات الحماسة الجميلة اتذكر ليك هلال مريخ .. وفجأة كده قال ليهم .. الجمعة كييييف !! وتاني الجماعة رجعو صن صنو .. القلع ما فوضجي.. الناس جاية تنسي كورة الهلال قام جاب ليهم سيرة الهلال .. قريش قال ليهو خلاص شكراً يا قلع أدي فرصة لنادر خضر دا يغني .. متوكل قال أنا بقول .. قبل ما يكمل كلامو قريش قال ليهو .. تقول ! انت لسه حتقول .. الفطور دا نحن عاملين عينة عشان انت ما تقول .. والله تاني صديق علي صالح الزعلان منو جمال دا يقول انت ما تقول .. يلا يا نادر خضر غني .. نادر قال ما بغني إلا ينادو ليهو نجوم الغد.. وما في طريقة طبعا يوقفوا الباخرة .. بي جاي بي جاي واحد شفت مافي داعي لي ذكر اسمو .. قال ليهو خلاص يغنوا معاك وارغو ودقاشيه !! الناس في شنو والحسانية في شنو .. الهلال بتمرن وجاهز وفي المعسكر والمريخ في النيل .. لاعبين مع نيل الحصاحيصا انتو ولا شنو ؟!! تشكيلة الهلال معروفة والخطة مرسومة وبعد دا كلو المباريات يومية والتدريبات يومية وناس المريخ بغنوا مع القلع .. لو حبي ليك ما بدوم ان شاء الله القيامة تقوم !! المعز في المرمي.. ديمبا وسامي عبدالله في قلب الدفاع .. كابوندي وحمودة علي الاطراف .. المحاربون الثلاثة في الوسط عمر ومساوي وفييرا وأمامهم القائد هيثم مصطفي .. وفي الهجوم امبيلي وسادومبا .. فريق زي الرصاص وبعد دا الهلالاب في الدعوات والصلوات عشان المباراة كبيرة وصعبة.. والمريخ عامل فطور في باخرة وحفلة لي مواعيد السحور .. برود انجليزي فعلا يا قريش .. انت الانجليز ديل أدوك الجواز ولا شنو.. علي العموم نحن جاهزين .. تجو بالبحر تجو بالنيل.. معاكم القلع.. معاكم اللابس .. ما بهمنا .. من تلاتة ولي فوق .. عايزين نتذكر أول مباراة في الدوري الممتاز .. أربعة اقوان مع كوميدا أضحك مع والي الدين . اللهم أرحم الوالي !! اللهم آمين ..
Post: #22 Title: Re: الهلال VS المريخ Author: Maawya Hussein Date: 09-10-2009, 05:56 PM Parent: #21
Post: #26 Title: Re: الهلال VS المريخ Author: عبدالوهاب علي الحاج Date: 09-10-2009, 09:56 PM Parent: #25
سا سا سادومبا كا كا كابوندي
Post: #27 Title: Re: الهلال VS المريخ Author: omer osman Date: 09-10-2009, 09:58 PM Parent: #26
Quote: سا سا سادومبا كا كا كابوندي
دراويش في حلقة ...... ياربي يلعبوا بكرة
Post: #29 Title: Re: الهلال VS المريخ Author: عبدالوهاب علي الحاج Date: 09-10-2009, 10:05 PM Parent: #27
Quote: دراويش في حلقة
زي امير دامر كدا ولا زي موسى الزومة انتو بكرة حتتشاتوا شوت يا مان لمن تقولوا واي تمسكوا منو وتخلوا منو ؟ سادومبا امبيلي مهند ولا مين ولا مين ؟ غايتو لو في عدل في الدنيا دي مفروض بكرة تلعبوا بـ 15 لاعب حافظ واحمد الباشا الاتنين في حراسة المرمى و9 مدافعين كدا كم 11 والاربعة في الوسط ومافي داعي للهجوم لانو ما حيقدر يخترق السدود الهلالية المنيعة السد السد السد السد وظووووووووووووووووووط ارح ابقى مارق يا جنابو من قبيل كايس لي بطيخابي اعفصو
Post: #32 Title: Re: الهلال VS المريخ Author: عبد الرازق سعيد Date: 09-10-2009, 10:12 PM Parent: #26
المريخ 2 الهلال صفر (دولي)
Post: #28 Title: Re: الهلال VS المريخ Author: Maawya Hussein Date: 09-10-2009, 10:01 PM Parent: #25
يا ريت يا اخ عمر تعلوا صوتكم شويه ما سامعين حاجه بي جاي
____________
Post: #30 Title: Re: الهلال VS المريخ Author: omer osman Date: 09-10-2009, 10:06 PM Parent: #28
Quote: ريت يا اخ عمر تعلوا صوتكم شويه ما سامعين حاجه بي جاي
ليه قذائف المدفعجية طرشتكم والا شنو ؟
Post: #31 Title: Re: الهلال VS المريخ Author: omer osman Date: 09-10-2009, 10:11 PM Parent: #30
Quote: تمسكوا منو وتخلوا منو ؟
نمسك الحكم بس ياوهبة زي ماقاعدين تعملو ...... والشمس فوق تاخدو الفيها النصيب وتتخارجو
Post: #33 Title: Re: الهلال VS المريخ Author: عبدالوهاب علي الحاج Date: 09-10-2009, 10:18 PM Parent: #31
Quote: نمسك الحكم بس ياوهبة زي ماقاعدين تعملو
Post: #34 Title: Re: الهلال VS المريخ Author: omer osman Date: 09-10-2009, 10:23 PM Parent: #33
دكتور مرتضي ده بكون كان مهكر
Post: #36 Title: Re: الهلال VS المريخ Author: Maawya Hussein Date: 09-10-2009, 10:28 PM Parent: #34
Post: #35 Title: Re: الهلال VS المريخ Author: عبدالوهاب علي الحاج Date: 09-10-2009, 10:24 PM Parent: #33
هل سيفعلها بنو الازرق غداً
Post: #37 Title: Re: الهلال VS المريخ Author: Maawya Hussein Date: 09-10-2009, 10:33 PM Parent: #35
توارد خواطر غريب يا وهبه
____________
الله يدينا الفي مرادنا
Post: #38 Title: Re: الهلال VS المريخ Author: عبدالوهاب علي الحاج Date: 09-10-2009, 10:36 PM Parent: #37
Quote: الله يدينا الفي مرادنا
آميييييييين يا رب العالمين
Post: #39 Title: Re: الهلال VS المريخ Author: Maawya Hussein Date: 09-10-2009, 10:37 PM Parent: #37
___________
يا حليلك يا افياني
Post: #40 Title: Re: الهلال VS المريخ Author: Magdi Algorashi Date: 09-10-2009, 10:44 PM Parent: #39
امنياتنا بالنوفيق
والنصر المبين
للمريخ العظيم
Post: #41 Title: Re: الهلال VS المريخ Author: Maawya Hussein Date: 09-11-2009, 03:51 AM Parent: #40
الاماني بمباراة خاليه من التشنجات مليئه بالفنيات والنصر فيها للمجتهد
Post: #42 Title: Re: الهلال VS المريخ Author: الكباشى البكرى Date: 09-11-2009, 09:42 AM Parent: #41
منتصرين بأذن الله
Post: #43 Title: Re: الهلال VS المريخ Author: الكباشى البكرى Date: 09-11-2009, 09:47 AM Parent: #42
مشاهد واهداف ستتكرر اليوم انشاء الله
Post: #44 Title: Re: الهلال VS المريخ Author: Maawya Hussein Date: 09-11-2009, 10:14 AM Parent: #43
الازرق يخوضها بعدة فرص بالمقبرة والاحمر يخطط للمفاجأة في أشرس مواجهة ... الهلال بشعار الانتصار لبلوغ مربع الكبار ...المريخ بطموح غير محدود للتعويض
Quote: يشهد استاد الهلال عند الساعة العاشرة من مساء اليوم الجمعة الموافق 11 سبتمبر لقاء الهلال والمريخ ضمن الجولة الخامسة لفرق المجموعة الاولي بربع نهائي بطولة الاندية الافريقية الابطال .. ويدخله الهلال صاحب الارض برصيد (7) نقاط في صدارة المجموعة بفارق الاهداف من كانو بيلارز النيجيري باحثا عن الفوز والحصول علي بطاقة التأهل لنصف النهائي للمرة الثانية في تاريخه بينما يدخله المريخ صاحب المركز الاخير في المجموعة ليمسك بخيط الامل الرفيع لبلوغ المربع الذهبي وتحقيق الفوز الاول له في دوري المجموعات بعد اخفاقه في الجولات السابقة .. وكثف الهلال والمريخ استعدادتهما للقاء اليوم الذي يديره طاقم حكام من جنوب افريقيا يقوده الحكم الشهير دايمون واجريا سلسلة من التدريبات والمباريات الودية ولعب الهلال امام الامل العطبراوي مرتين وخاض المريخ تجربتين امام كوبر البحراوي والخرطوم .. ووضع البرازيلي كامبوس والسوداني مازدا المديرين الفنين لطرفي اللقاء لمساتهما الاخيرة من خلال البروفة الختامية واصدر كل واحد منهما توجيهاته الصارمة للاعبين بالالتزام بالضوابط وتجنب الاخطاء خاصة في الدقائق الاولي للمباراة والاخيرة .. ولم يخف الجهاز الفني للهلال المجموعة التي سيدفع بها في اللقاء واكتنف الغموض تشكيلة المريخ خاصة في خط الدفاع .. وكشفت اخر المتابعات ان التشكيلة في الفريقين ستعتمد في المقام الاول علي اصحاب الخبرة واللاعبين الاكثر جاهزية والاكثر ثباتا في مثل هذه المواجهات الساخنة . وتعتبر مباراة اليوم الثانية لقطبي الكرة السودانية تحت مظلة الكاف وجري اللقاء الاول في الجولة الاولي باستاد المريخ واسفر عن التعادل السلبي .. ويأتي اللقاء الثاني حاملا معادلات صعبة للطرفين لا تقبل القسمة علي اثنين خاصة بالنسبة للمريخ الباحث عن التعويض ومصالحة الجماهير .. ويكفي الهلال الفوز ليحجز مقعده في مربع الكبار وتكرار سيناريو 2007م عندما نجح في الحصول علي البطاقة في مجموعة صعبة ضمت الي جانبه عمالقة القارة السمراء الاهلي المصري .. الترجي التونسي واسيك العاجي .. وينوي هذا الموسم مواصلة المشوار نحو اللقب والظهور في مونديال العالم بالامارات للمرة الاولي في تاريخه وتاريخ الكرة السودانية .. ولن يكفي الفوز في لقاء اليوم المريخ لبلوغ نصف النهائي ويرتبط صعوده بنتيجة مباراة كانو بيلارز وزيسكو في الجولة الخامسة ومباراتي الجولة السادسة ايضا .. من جانبه اصدر الاتحاد السوداني ضوابط صارمة للدخول واستعان بالشرطة لحفظ الامن والنظام .. بينما رتبت شبكة راديو وتلفزيون العرب امورها لنقل المباراة علي الهواء مباشرة من استاد الهلال عبر قنوات سبورت الرياضية .. وستقوم الاذاعة السودانية بنقلها للجمهور ايضا .. ويتوقع ان تحظي مباراة اليوم باقبال جماهيري هائل وتحقق دخلا قياسيا وذلك نظرا لحساسيتها واهميتها .. علي صعيد متصل يلتقي بعد غد الاحد كانو بيلارز وزيسكو ضمن الجولة الخامسة ايضا .. وغدا مباراتين في المجموعة الثانية الاولي تجمع هارت لاند وضيفه مازمبي والثانية في سوسة بين النجم الساحلي ومونا موتابا ..
Post: #45 Title: Re: الهلال VS المريخ Author: Maawya Hussein Date: 09-11-2009, 10:35 AM Parent: #44
تنبيهات للاخوه الذين ينتظرون مشاهدة اللقاء عبر البث المباشر من خلال الانترنت
1-يفضل فتح القناة قبل ربع ساعه من المباراة وخاصه للاخوة اصحاب النت الضعيف 2-لضمان عدم ظهور رساله انتهي البث المجاني وعليك الاشتراك للمشاهده ارجو مراجعه هذا الرابط لمن يعاني من حجب المواقع (حل سريع) ومشاهدة القناة من متصفح الاكسبلورر التابع للاداة 3- لضمان بث سريع من غير تقطيع يجب قفل جميع البرامج العامله في الجهاز وقفل صفحات النت الاخري والابقاء علي صفحه البث فقط 4- بعد قليل ساقوم ببث الفترة الرياضيه من التلفزيون السوداني واتمني ممن يتابع البث ابداء الملاحظات حول وضوح القناة
Post: #46 Title: Re: الهلال VS المريخ Author: Maawya Hussein Date: 09-11-2009, 12:28 PM Parent: #45
بعد قليل برنامج عالم الرياضه علي التلفزيون السوداني وتحليل القمه ..رايكم في قوة البث ووضوح الصوره !
Post: #47 Title: Re: الهلال VS المريخ Author: Maawya Hussein Date: 09-11-2009, 03:00 PM Parent: #46
فنياً نحن أفضل
خالد عز الدين
Quote: كان المريخ أكثر استقرارا في بداية الموسم من الناحيتين الفنية والإدارية.. ومع مرور الأيام بدأ المريخ يفقد فنيا وإداريا والهلال يكسب فنيا وإداريا حتى انتهت الدورة الأولى للدوري الممتاز لصالح الهلال. ومع نهاية الدورة الأولى بدأ الفارق الفني بين الهلال والمريخ يزداد والفارق الإدارى أيضا بعد أن كسب الهلال قضية التجنيس واستطاع أن يكسب من خلالها لاعبا كبيرا مثل إيفوسا حاول المريخ ان يسحب جنسيته ولكن الرد جاء قاسيا من إدارة الهلال. وانتصر الهلال إداريا في قضية الإعارة وقدم درسا في كيفية إعارة اللاعبين وبسرعة كمان واستبدل الثنائي كواريزما وأمولادي بالثنائي كابوندي وسادومبا.. بينما سجل المريخ الدافئ وريتشارد جاستن وأبعد ديالو الذي اتضح أن المريخ احوج ما يكون له الآن. ورفض الهلال المشاركة في بطولة سيكافا حتى يعطي مدربه فرصة للتعرف على لاعبيه وحتى يستعد بهدوء وبطريقة سليمة لدوري المجموعات بينما اختار المريخ ان يستضيف سيكافا فعرض لاعبيه لضغط مباريات صعب دون إعداد جديد وفي النهاية تعرض كل المجتمع المريخي لضغط معنوي بعد خسارة المريخ للبطولة نفسها. واضطر مجلس المريخ مع النتائج المتواضعة للفريق أن يستبدل مدربه رادان بالوطني محمد عبد الله مازدا ليأتي رئيس المريخ قبل أيام ويتحدث في الإذاعة الرياضية عن خطأ استبدال المدربين دون ان يذكر خطأ شطب ديالو أو استضافة سيكافا التي خسرت ماديا وفنيا وجهزت خصوم المريخ لدوري الابطال مثل مازيمبي الذي كان يحتاج لمعسكر جيد قبل البطولة كان علي حساب المريخ بينما عسكر المريخ في مصر بنجوم الاحتياطي ولاعبي تحت السن!! ولم يذكر رئيس المريخ أيضا خطأ الشطب والتسجيل. بينما اختار الهلال مدربا على مستوى عالمي استطاع ان ينفض الغبار عن نجوم الصف الثاني واللاعبين تحت السن وأن يخلق من الهلال قوة في كل الخطوط ويتصدر دوري المجموعات حتى هذه اللحظة. وانتصر الهلال بمدربه إداريا وفنيا، وفي المجال الإداري فإن مجلس المريخ اهتم بالشكاوي وطارد الهلال في الثنائي كابوندي وسادومبا مستهلكا الكثير من الوقت والجهد مما سبب نوعا من التشتت الذهني انتهى بهزيمة قاسية برفض شكوى المريخ وشكوى كانو بيلارز في ضربة موجعة لأنصار المريخ وانتصار إداري دون شك للهلال ومجلس إدارة اتحاد كرة القدم السوداني الذي تصالح مع الهلال منذ فترة فكان ذلك أكبر مكاسب الهلال الإدارية بينما اشتعلت النار بين مجتمع المريخ واتحاد الكرة فخسر المريخ بذلك الكثير!! وجاء قرار لجنة لوزان ليضيف للهلال انتصارا معنويا آخر برفض شكوى النيل الحصاحيصا بعد ايام من تألق لاعبي الهلال بقيادة علاء الدين يوسف مع المنتخب. وفي الوقت الذي يعيش فيه الهلال استقرارا إداريا جاءت تصريحات في المواقع الإكترونية لقطب مريخي شهير أثارث العديد من ردود الأفعال في مجتمع المريخ وزادت من حدة التوتر بين أعضاء مجلس الإدارة. كما أثار الخبر الذي نشرته صحيفة الهلال عن عدم رغبة اللاعب أحمد الباشا في أداء المباراة اكثر من علامة استفهام حول قدرته في مواجهة الهجوم الهلالي في حال المشاركة. وفي هذا الوقت بدا الهلال اكثر استقرارا وظهرت تشكيلته بمشاركة كل نجوم الفريق خصوصا ثلاثي الارتكاز علاء الدين يوسف ومساوي وعمر بخيت بجانب حمودة وهي قوة قديمة للهلال عادت مرة اخرى في المباريات الاخيرة.. بينما لازالت تشكيلة المريخ وسط خيارات كثيرة. وهكذا فإن الهلال اكثر جاهزية من الناحية الفنية والبدنية والمعنوية والادارية.. ويبقي لكرة القدم منطقها الذي يخالف في بعض الاحيان حسابات ما قبل المباراة التي تشير بوضوح لتفوق الهلال. إيفوسا وكاريكا وكابوندي أوراق تحت يد مدرب الهلال بجانب مهند الطاهر لذلك فإن الكنبة ايضا تلعب لصالح الهلال بينما يجد المريخ نفسه بدون احتياطي في وسط الدفاع والطرف الأيمن. الهلال يملك قائدا متميزا يثير اعجاب قادة المريخ قبل الأهلة أنفسهم. المريخ بدون قائد داخل الملعب لذلك فإن طابعه الأداء الفردي. الجماهير الهلالية التي شلكت اغلبية في اللقاء الاول في ملعب المريخ ستكتسح هذه المرة وسيكون اللون الأزرق هو الطاغي.. اقامة المباراة في ملعب الهلال الشهير بالمقبرة والذي عجز المريخ منذ سنوات طوال عن تحقيق أي فوز علي الهلال فيه يمثل نقطة دعم اضافية لصالح الفرسان الزرق.. الهلال يلعب للفوز ولكن التعادل يبقي علي حظوظه والهزيمة لا تبعده من المنافسة لذلك فإن الضغط النفسي على مدربه اقل بكثير من الضغط النفسي على مازدا المطالب بالفوز فقط. الهلال هو الاقرب للفوز والوصول لدوري المجموعات بإذن الله وبإذن الله ننتصر وتخرج المباراة في روح ودية. اللهم انصر الهلال وحزب الأغلبية.. اللهم آمين.
Post: #48 Title: Re: الهلال VS المريخ Author: الفاتح الصادق حامد Date: 09-11-2009, 03:07 PM Parent: #47
معاوية يا سيد بلد
رمضان كريم وربنا ينصرنا اليوم على بتاعين الشكاوى .. الشكايين
باذن الله المباراة 1/صفر
Post: #49 Title: Re: الهلال VS المريخ Author: Maawya Hussein Date: 09-11-2009, 03:34 PM Parent: #48
Post: #50 Title: Re: الهلال VS المريخ Author: Maawya Hussein Date: 09-11-2009, 05:52 PM Parent: #49
Quote: In Group A, Sudan champions Al-Merrikh will be seeking for their first win at this stage with a dicey duel against archrivals Al-Hilal in Omdurman. The clash of the giants of Sudanese football tops the pack of clashes in the group as only a win revive the fortunes of Merrikh. Where as for Hilal, at least a point will take them closer towards one of the two slots allotted the group.
In the Northern Nigerian city of Kano, Kano Pillars will host Zambian debutants Zesco United in the other Group A clash. Victory will automatically land Pillars a semis berth whilst Zesco must avoid defeat to boost their chances.
واخر الترشيحات
Post: #51 Title: Re: الهلال VS المريخ Author: Maawya Hussein Date: 09-11-2009, 05:55 PM Parent: #50
وصوره قد تتكرر مساء الجمعه او بعد ساعات من الان
Post: #52 Title: Re: الهلال VS المريخ Author: عثمان جلال الدين Date: 09-11-2009, 06:52 PM Parent: #49
شكراً معاوية حسين وتحياتنا للمفضال أحمد الريح الرجل الموسوعي المهذب ونقول ليه غيابك طال
والنصر بإن الله لسيد البلد
Post: #53 Title: Re: الهلال VS المريخ Author: عادل نجيلة Date: 09-11-2009, 06:57 PM Parent: #52
أكبر دافع للمريخ أن يكسب الهلال اليوم هو تعطيله من التأهل والتقدم في هذه البطولة..
بعد أن رفض البرلمان مبادرة الميرغني قرنق عام 1988 لإقرار السلام إلتفت النائب المستقل ود العجب على أحد أعضاء البرلمان من حزب الأمة وسأله لماذا صوتم ضد هذه المبادرة التي توقف الحرب وتحقق السلام ..! فرد نائب حزب الأمة ( يا دكتور الإتحاديين ديل رفعوا العلم لي هسع طالعين فوق راسنا كمان نخليهم يحققوا السلام يعني نسيب ليهم البلد).
أها صديقي القيادي المريخي قال لي لازم نغلب الهلال الليلة .. الهلالاب ديل حصيلتم الدولية صفر و طالعين للناس في راسهم كمان نخليهم يجيبوا كاس الكونفيدرالية ..! يعني نلعب في الدوري السعودي ولا شنو. ضحكت أمام هذا التعليق .. ويبدو بأن هذه المباراة مصيرية و هامة للمريخ.
Post: #54 Title: Re: الهلال VS المريخ Author: Maawya Hussein Date: 09-11-2009, 07:19 PM Parent: #53
Quote: نخليهم يجيبوا كاس الكونفيدرالية ..!
شكلو صاحبك دا يا عادل حن علي الكونفدراليه بعد الضرب الموجع اللقاهو في الابطال ..الكونفدراليه وسيكافا ديل ما تبعنا يا عادل قول لي صاحبك نحن حا نجيب كاس الابطال
Post: #55 Title: Re: الهلال VS المريخ Author: Adam D.El-Asha Date: 09-11-2009, 07:28 PM Parent: #53
الفاتح
سلامات ياخوي ...وين الحي بيك انت من جيت بغنمايتك الفي اللوج ....صدقني تاكلو نيم..
التحية لمعاوية ومجهوداته الثراء في كل حدث رياضي..
آدم العشا
Post: #56 Title: Re: الهلال VS المريخ Author: عبدالوهاب علي الحاج Date: 09-11-2009, 07:59 PM Parent: #55
بسم الله نبدأ وهلالنا فوووووووق
Post: #58 Title: Re: الهلال VS المريخ Author: محمد خليل ساني Date: 09-11-2009, 08:28 PM Parent: #56
Post: #57 Title: Re: الهلال VS المريخ Author: عبدالله الشقليني Date: 09-11-2009, 08:25 PM Parent: #53
Quote: أكبر دافع للمريخ أن يكسب الهلال اليوم هو تعطيله من التأهل والتقدم في هذه البطولة..
سألتُ نفسي كثيراً هل أهداني صاحبي الذي قال :
" المرء الذي يُشجِع اللعبة الحلوة " خيراً كثيراً ، فابتعدتُ من الانتماء الأعمى للفرق ، وصرت أجد مُتعة في تشجيع أي فريق يسعى للتأهل خارج بلده ، فيكون مسعاي رفعة بلدي على أقل تقدير . من الذي يخرج من أحاسيس مُدمرة نسمعها كثيراً : إن فقد فريق فرصته ، وكان الآخر يقاتل كي يتأهل لرفعة بلده ، تجري في نفوس مُشجعي الفريق الآخر غيوم في النفس حتى هزيمة الآخر ..فيستريح !!!
ربما هي مُداعبة مُحببة بين مُشجعي المريخ والهلال ، ... وربما الأمر أكبر ،
يستحق الأمر دراسة ظاهرة التشجيع بين أن يكون عملاً جماعياً وإنسانياً راقٍ ، وبين أن تكون عاطفة مُدمرة للنفوس . تحية للفريقين وللمشجعين جميعاً ، وآمل أن يكون الأمر تسلية مُحببة ،
***
Post: #59 Title: Re: الهلال VS المريخ Author: محمد عبد الماجد الصايم Date: 09-11-2009, 08:32 PM Parent: #57
قول واحد
Post: #60 Title: Re: الهلال VS المريخ Author: Mohamad Shamseldin Date: 09-11-2009, 09:39 PM Parent: #59
احــــــــــييييييييييييييييييييييييييييييييييي
,,,,,,,,,,,,,,,,,,,,,,,,,
عمر بخيت
Post: #61 Title: Re: الهلال VS المريخ Author: Mohamad Shamseldin Date: 09-11-2009, 09:48 PM Parent: #60
تاني تجو المولد ..... الرابع في الطريق
Post: #62 Title: Re: الهلال VS المريخ Author: Maawya Hussein Date: 09-11-2009, 10:05 PM Parent: #61
مبروك يا اهله ..مبروك للجميع الفوز المستحق
Post: #63 Title: Re: الهلال VS المريخ Author: Maawya Hussein Date: 09-11-2009, 10:07 PM Parent: #60
ياريت يا محمد شمس الدين لو قصرت الاسكيرت بتاع احييييييي دا فتل البوست ..الف مبروك الانتصار
Post: #64 Title: Re: الهلال VS المريخ Author: Maawya Hussein Date: 09-11-2009, 10:49 PM Parent: #63
65 %
30%
5%
