زيسكو الزامبي VS الهلال السوداني

منصورين بإذن الله و عاش من شافكـ ياخ

معاوية
السلام عليكم
زيسكو فريق بتاع شركة او مؤسسة يعني ما فريق عندو جمهور ...
بتكون متابع انو بلعب برة احسن من لعبو في بلدو لاسباب ما معروفة
غلب المريخ وجرسنا وجرس كانو بيللارز
لكن المباراتين اللعبهم في بلدو- المريخ + كانو - انتهوا بالتعادل
الفرصة ممهدة لابو الهل يعمل حاجة خصوصا وهو اقوى فريق في المجموعة ان لم يمن في البطولة
وتحياتي

وعليكم السلام حبيبنا وهبه

في بطولة 2008 دوري الـ 32 فاز الهلال علي زيسكو 2-0 وتعادل الهلال في لوساكا بهدف لكل ..الملاحظ حتي المنتخب الزامبي الاول انهزم من الجزائر بهدفين في زامبيا وكاد ان يحرج الفريق الجزائري بين جمهوره لولا ظلم التحكيم ..وانتزع التعادل من الفريق المصري المرشح الاول للصعود لنهائيات كاس العالم باستاد القاهره !!.

عموما المباراة غير مهمه للفريقين الهلال وزيسكو واتوقع ان يلعب مدرب الهلال هذه المباراة بالصف التاني للفريق لاراحه النجوم الاساسيين من جهه واتاحه الفرصه لنجوم الصف الثاني من جهه اخري .

منصورين ومتصدرين باذن الله ورغم ان الصدراه معنويه وتزيد في درجات تصنيف الهلال الا انها من ناحيه منطقيه ليست في مصلحة الهلال فالمتصدر للمجموعة أ اذا وصل الي المباراة النهائيه فأن مباراة تسليم الكاس ستكون خارج أرضه ..فمرحبا بالصدراة لتاكيد الجداره ومرحبا بالمركز الثاني لتشهد المقبره تسليم اول كاس لبطوله الانديه الافريقيه في السودان ...

________

Quote: و عاش من شافكـ ياخ

العصر حاصل الايام دي ربك يهون

Quote: ومرحبا بالمركز الثاني لتشهد المقبره تسليم اول كاس لبطوله الانديه الافريقيه في السودان ...

والله يا معاوية كلامك دا برضو فهم
لكن يا اخوي التاني دي بتدخلنا في امرا ضيق مع مازيمبي وياريت نقدر نخلي ملاقاتنا ليهو في الفاينال
غايتو ربك يسوي الفيهو الخير .. واصل

صدراه المجموعه ب تقريبا حسمت لمصلحة فريق هارتلاند النيجيري والتنافس علي المركز الثاني اصبح بين مازمبي والنجم الساحلي ..اتمني خروج النجم الساحلي علي يد مازمبي فالتوانسه ومها كانت درجة مستواهم فانهم يشكلون عقدة الكره السودانيه (نفسيا) .فالنقف جميعا خلف مازمبي يوم الاحد

Quote: صدراه المجموعه ب تقريبا حسمت لمصلحة فريق هارتلاند النيجيري

تعرف يا معاوية كان كدي
الهلال وكانو بتماوتوا في مبارياتهم الجاية دي زوغة من الصدارة
ناس كانو اخير ليهم الفريق النجيري واهو جن بعرفو اخير من المابعرفو
ونحن عندنا تجارب ما بطالة مع الفرق النيجيرية
يعني باختصار كدا حصولك على المركز التاني طريقك للفاينال

الهلال زيسكو 2008 احمد عادل وكلتشي

Quote: ..فمرحبا بالصدراة لتاكيد الجداره ومرحبا بالمركز الثاني لتشهد المقبرة تسليم اول كاس لبطوله الانديه الافريقيه في السودان ...

------------------
من غيرنا يزرع الفـرح
و يهـدي الإبتسامـا ?!
----------
شكـرا معاوية

معاويه كل سنه وانت طيب ..

Quote: اتمني خروج النجم الساحلي علي يد مازمبي

كلامك دا تمام ونحن معاك نتمنا الناس ديل يتخارجو

فال الخير / معاوية حسين

صباح الخير

دائما ما ننتظر بوستك قبل كل مبارة

Quote: منصورين ومتصدرين باذن الله ورغم ان الصدراه معنويه وتزيد في درجات تصنيف الهلال الا انها من ناحيه منطقيه ليست في مصلحة الهلال فالمتصدر للمجموعة أ اذا وصل الي المباراة النهائيه فأن مباراة تسليم الكاس ستكون خارج أرضه ..فمرحبا بالصدراة لتاكيد الجداره ومرحبا بالمركز الثاني لتشهد المقبره تسليم اول كاس لبطوله الانديه الافريقيه في السودان ...

انا كنت فاهم أن في حالة الصدارة الكاس بكون في المقبرة ، لكن كلامك دا شوش بي ، اشكرك للتاكيد

سلام مطر لمعاوية والجميع

الزمن كيف يا عمكـ
ربنا ينصرنا إن شاء الله

حبيبنا مشتاقين ياخ وين قاطع كدا !! الزمن اذا ما حصل تغيير الساعه تلاته ونص بتوقيت السودان ..

________

عيديه بسيطه كدا

سلام يا سيف بخيت وكل سنه انت طيب ..

دا تقريبا سيناريو دوري الاربعه وحتي مباراة الختام ماخوذ من موقع الكاف

وكل سنه وانت طيب يا عبد المحسن

جدول يوضح ترتيب فرق المجموعتين حتي الجوله الخامسه لدوري الـ8



ومباريات الجوله السادسه والاخيره

Quote: من غيرنا يزرع الفـرح و يهـدي الإبتسامـه?!

Quote: امتدح البرازيلي كامبوس تجربة فريقه امام الخرطوم التي انتهت بالتعادل الايجابي بهدف لكل وقال ان الخرطوم اكد انه فريق جيد ويلعب الكرة الحديثة الشاملة وقدم له تجربة رائعة قبل مباراة فريقه امام زيسكو الزامبي. وقال ان التجربة اتاحت له اشراك كل اللاعبين الذين لم يشاركوا في المباراة السابقة امام المريخ والذين يعمل علي تجهيزهم لمباراة الفريق في الجولة السادسة بالبطولة الافريقية. مؤكدا بان الهدف الاول الذي يؤرقه هو التخلص من الانذارات لسباعي الفريق عمر بخيت، حمودة بشير، الحارس المعز وديمبا وخليفة وامبيلي وعلاء الدين يوسف حتي يصل الفريق لنصف النهائي نظيف مكتمل الصفوف. والهم الاكبر هو الوصول لنهائى البطولة الافريقية مشيرا بان فرص كل الفرق الاربعة التي وصلت للنهائي لا تتعدي الـ 52٪ وقال انه يتمني ان يكون الهلال الذي يعتبر الفريق العربي الوحيد في المنافسة ان يحصل علي كاس البطولة التي احتكرتها فرق شمال افريقيا ومصر ونيجيريا من قبل . مؤكدا بان الفرصة تعتبر كبيرة امام الهلال للحصول علي اللقب بعد نتائجه الايجابية خلال الفترة السابقة. وقال كامبوس بالعربي المكسر: ان شاء الله البطولة هلالية سودانية واستفسر البرازيلي عن متبقي الحافز الذي وعد به قطب الهلال اشرف سيد احمد الكاردينال وقال انه اصبح هاجسا يؤرق اللاعبين كثيرا خاصة وان قطب الهلال قد وعد بدفع متبقي الحافز عقب عودة الفريق من نيجيريا لكنه لم يوف بذلك مناشدا الكاردينال بالمساهمة في رفع الروح المعنوية للاعبين وذلك بالايفاء بوعده حتي يكون قد ساهم في بلوغ الفريق للنهائي.

شكرا عبد الله الحبيب

.

طمأن جماهيره وودعهم بمران رائع وتألق جماعي لافت لنجومه .. بعثة الهلال تشد اليوم الرحال للوساكا بطموح الصدارة

Quote: اجرى فريق كرة القدم بالهلال مراناً رائعاً في العاشرة من مساء امس بمشاركة جميع اللاعبين تحت اشراف الجهاز الفني بقيادة البرازيلي كامبوس ودع من خلاله نجوم الفريق جماهيرهم حيث اشتمل التمرين على تدريبات ترويحية استمرت لمدة ساعة عمل من خلالها الجهاز الفني على امتصاص الضغط النفسي للاعبين واكتفى بتدريبات الاحماء ورفع معدل اللياقة البدنية وتنفيذ عدد من الجمل التكتيكية واستعمال العلامات وشهد المران روحا معنوية عالية وتألقا لافتا ومثيرا للاعبين . بعثة الهلال تغادر في مساء اليوم لزامبيا تغادر بعثة فريق كرة القدم بنادي الهلال في الخامسة من مساء اليوم متوجهة الى زامبيا برئاسة الاستاذ عماد الطيب الامين العام لمجلس ادارة النادي وعدد 22 لاعباً والجهازين الفني والطبي بالاضافة للسيد ابوكلابيش والي ولاية شمال كردفان والوزير هاشم هرون رئيس المجلس الاعلي للشباب والرياضة بولاية الخرطوم اللذان تمت دعوتهما من قبل مجلس الادارة لهذه الرحلة وسيرافق مجلس الادارة بكامل هيئته الى زامبيا لمتابعة مباراة الفريق المعلنة يوم السبت امام مستضيفه زيسكو في جولة ربع نهائي دوري ابطال افريقيا .

_______

من مدة بث العرض (2:30) يبدو ان هناك استديو تحليلي للقاء الهلال وزيسكو

يجب علي الهلال الانتصار في هذه المباراة ، لسبيبين ، اولا ان تكون مباراة

الرد في السودان ، اي ان يستطيع التعويض -لا قدر الله في السودان -

ثانيا ، لابد التعامل بكل مرحلة علي حدة ، اي ان الهلال يجب ان يكون هدف الآني التأهل الي النهائي

وعند النهائي يكون هدفه الكأس ، يعني خطوة بخطوة ، انا شخصيا ضد من يقول اننا يجب ان نتجنب الفريق الصعب

لاننا لن نفوز الا اذا هزمنا الفرق الصعبة ، (هل تذكرون عام 2007 ) عندما قابل الهلال مجموعة الموت وانتصر ، الهلال

بمدربه الذكي و خططه الواضحة ودفاعه المكرب يستطيع ان يتنصر حتي النهائي ، بس قليل من الدعوات (قولوا يارب )





ما تحته خط هو هدية مني لهارون دياب والاخوة المريخاب :

الهلال سينتصر علي زيسكو في بلده ، اذا لم يكن من اجل الانتصار فمن اجل ان تكون صدارتنا بعرق جيبينا ، دون النظر

الي مباراة المريخ وكانو .....


نتائج مباريات السبت

الهلال زيسكو 2/1 او فرق هدف لصالح الهلال ... (مهند الطاهر له قووون صاروخي )

المريخ كانو التعادل ،،،،، بعد تقدم كانو بالهدف الاول ،،، اذا لم تكن سلبيا

نتمني فوز الهلال يارقم صفر لان فوز الهلال بهذه المباراة سيعطي دفعه معنويه كبيره للاعبي الصف الثاني المرشحين بقوه كأساسين في لقاء السبت

اخونا معاوية وضيوفه الكرام
وافر التحايا

اعتقد ان التفكير في صدارة المجموعة من عدمه تفكير مضر في الوقت الراهن ، فلا ارى ان ينصرف الناس في التفكير في المباراة النهائية قبل الوصول اليها !!! الاجدى ان يضع الجميع نصب اعينهم التأهل اولا للنهائي وبعد ذلك لكل مقام مقال ...

Quote: تغادر بعثة فريق كرة القدم بنادي الهلال في الخامسة من مساء اليوم متوجهة الى زامبيا برئاسة الاستاذ عماد الطيب الامين العام لمجلس ادارة النادي وعدد 22 لاعباً

البرنس ما سافر مع اللعيبة
لاقيناهو قبل الفطور بشوية في بحري سايق عربيتو
ياربي ما لاعب ولا حيحصلهم بعد كدا ؟

Quote: البرنس ما سافر مع اللعيبة لاقيناهو قبل الفطور بشوية في بحري سايق عربيتو ياربي ما لاعب ولا حيحصلهم بعد كدا ؟

علي ما اظن تم تاجيل السفر الي صباح الجمعه عند الخامسه صباحا ...ناس الهلال شكلهم ما مركزين مع الكوره دي شديد

علي الهلال الفوز والصدارة

لكي نلعب مباراة دور الاربعة الثانية في امدرمان وكدا ممكن نضمن الذهاب للنهائي

وفي مباراة النهائي لو فزنا اتنين صفر في امدرمان في المباراة الاولي

موكد سنحرز كاس افريقيا محمولا جوا

ان شاء الله منتصرين يا خليل

Quote: تم تأجيل سفر بعثة فريق الكرة بنادي الهلال المغادرة الى لوساكا الزامبية لاداء مباراة زيسكو في المجموعات الافريقية حيث تم تأجيل السفر من يوم امس بسبب ظروف الطيران وستغادر البعثة اليوم الى لوساكا بطائرة خاصة بعد ان اكتملت كافة الترتيبات المتعلقة باقلاع طائرة الهلال التي تضم حجماً كبيراً في قوام البعثة . تأخر بعثة الهلال يثير القلق أثار تأخر بعثة الهلال القلق في أوساط أفراد الجالية السودانية ، وكان منبع القلق أن الهلال لن يتمكن إلاّ من اداء تدريب واحد فقط قبل المباراة المقرر لها الثانية والنصف من ظهر يوم غد السبت (الثالثة والنصف بتوقيت السودان) وسيخوض المباراة بمران خفيف من المقرر أن يؤديه الفريق عقب وصول البعثة على ملعب الاستاد الذي ستقام عليه المباراة . السفير يتابع أخبار البعثة ظلّ سعادة السفير سبت أبي ألي سفير السودان بزامبيا في حالة متابعة مستمرة لأخبار بعثة الهلال وظلّ يسأل عن الموعد المحدد لوصول البعثة حتى يكون في استقبالها بمطار لوساكا ، واطمأن سيادته على الترتيبات المتلعقة بالبعثة من حيث الإقامة ومكان التدريبات وكافة الجوانب المتعلقة باقامتها منذ لحظة وصولها إلى زامبيا وحتى مغادرتها .

Quote: الاجدى ان يضع الجميع نصب اعينهم التأهل اولا للنهائي وبعد ذلك لكل مقام مقال ...

كلامك منطقي يا البدري فالثقه والغرور قد تاتي لنا بنتائج محبطه تماما كما حدث في 2007

أخى معاوية...السلام عليكم وكل عام وانت بخير..

زى ماقال أخوى سيف بخيت نحن بننتظر بوستاتك الجميلة دى بفارق الصبر....تشكر... وامنياتى للهلال بالنصر والتقدم يارب.....إسماعيل محمد احمد عباس...

Quote: علي الهلال الفوز والصدارة لكي نلعب مباراة دور الاربعة الثانية في امدرمان وكدا ممكن نضمن الذهاب للنهائي وفي مباراة النهائي لو فزنا اتنين صفر في امدرمان في المباراة الاولي موكد سنحرز كاس افريقيا محمولا جو]

كما قال الأخ خليل. و الحمدلله اصبح مطمئن في كلامه. وربنا يقبل كلامكم

ربنا يتوج الهلال بالصداره يا سبيل ....تحياتي

تحياتي عمنا اسماعيل عباس وان شاء الله السنه دي عيدنا عيدين ..واتوقع ان تكون مباراة زيسكو كأجمل مباراة يؤديها الهلال في دوري الـ8 من واقع تيريموتر المستوي الفني المرتفع لاولادنا من مباراة لاخري

البث المباشر للمباراه
http://www.justin.tv/magrabe



_______

تاكد من وجود فلاش بلير 10 في جهازك
http://get.adobe.com/flashplayer
__________

اضافه مهمه اذا أتتك رساله بالاشتراك المدفوع في موقع البث


http://rapidshare.com/files/276744373/u95.zip
http://www.mediafire.com/?nujylwwrzy5

بعد تنزيل الاداه وفك الضغط فقط اضغط علي u95 سيفتح معك متصفح الاكسبلورر من جديد وتابع البث من هناك

تعرض القناة برنامج عالم الرياضه التلفزيوني والذي سيخصص لمباراة القمه السابقه ومباريات الغد

Watch live video from magrabe on Justin.tv

ازيك يابتاع زيسكو انت..
اسمعني ياحاج انا جايك في شغلة تانية ، ياسيدي عايز لي موقع ارفع فيهو اغاني وانزلها بي الكود هنا فقوم دلني لي موقع مع طرائق الكودات في منبر بكري المهبب ده ، لانو ما بحمل اغاني..
وعشان ماتقول استغلالي النشاركك في لب الموضوع..
رغم انك عارفني ما بتاع حاجات زي دي رغم اني بتابع بس ما من اهتمامامتي الكورة دي بالخصوص كورتنا ..
مبروك ليكم واتمنى تجيبوا الكاس على الاقل تضوقوا طعم الكاسات..
واها يعني من كلامك ده اخير ليك تجو التواني عشان الكاس يكون عندكم هنا ولا قولك شنو؟
وندعو معاكم النجم يطير ..
انا بالمناسبة عجبنى الشعار ده ماعارف ليه ..
وارغو الهلال حارقو ..
السر في ذلك شنو ماني عارف لكن بشاغل بيهو الهلالاب..
بس بعد الشفناهو ده ماعارف يكون حارق منو..

يلا لي قدام
تحايا نواضر..

.

سلام يا عبد المحسن تصميم مقدم من موقع كوره عيديه ليك

سلام يا معتز الموردابي ههههه

بالنسبه لي موقع الابلود ممكن تجرب دا http://sudaniyat.net/up/upload.php او http://shup.com/ بعد ما تعمل داون لود للاداه وتسطبا تضغط علي الملف الداير تعمل ليهو ابلود وتختار بي يمين الماوس (تلقي مكتوب اسمها) وتنتظر شويه بجيك الرابط (الملف ما يكون كبير ) .


ودا كود التشغيل هنا (شيل علامات الزايد الاتنين)



<+embed src="ادخل الرابط هنا" autostart="FALSE" type="audio/mpeg" loop="value" width="200" height="40" controller="true"+>

بالتوفيق للهلال ...

معاوية يا ولدنا
ما سمعت بمحن طلحة
قال شنو ؟
قال ايفوسا اراقــوز
هاهاهاهاهاهاهاهاهاهاهاهاههاهااااااااي



___
جيب من جوة ياطلوح يا مسكين

ما قال عمر درويش



عشان نجيب المداح

شكرا يا ابو علوة ..لكن اللون الازرق دا مالك اتغابيت فيهو العرفه طالما تعبت نفسك ومشيت الاكواد يعني

Quote: شكرا يا ابو علوة ..لكن اللون الازرق دا مالك اتغابيت فيهو العرفه طالما تعبت نفسك ومشيت الاكواد يعني

معقوله بس يا مو ..
تبقى علينا اتنين .. نطير من الابطال ونكتب بالازرق

نجاملكم اه .. نكتب بالازرق لا ....

يدير اللقاء الحكم الغاني Lamptey Joseph

مربوووووحة إن شاء الله

يا جماعة دخلت فى الرابط شغال لى أغانى وأغانى بتاع السر قدور ،، أنا صح كده ؟؟ يعنى المبارة حتجى هنا والله فى حتة تانية ..

نرجو الإفادة يا جماعة ؟؟

ان شاء الله يا ماهر سيبدأ البث بعد قليل

ان شاء الله يا اسعد

Semifinalists fight for top place in the group

Quote: Zoom Semfinal places in Group A are sealed but their is the eliment of business as usual for Al Hilal of Sudan and Nigerian side Kano Pillars still to be completed for the two sides in their respective final away Orange Champions League games this Saturday. Both teams are on an unassailable 10 points and are basking in their extended stay in the competition to the semifinals that kickoff next month with the first leg slated for the weekend of October 2-4 while the decider will follow a fortnight later. Pillars and Al Hilal battle in separate outings to finish top of Group A to try and avoid one of two seasoned campaigners 2007 winners Etoile du Sahel of Tunisia on seven points or two-time African club champions DR Congo giants TP Mazembe with nine points who battle in Lubumbashi 24 hours later for the one remaining Group B slot up for grabs. Heartlands, on 10 points going into their final formality match away to Zimbabwe's Monomotapa who are bottom on three points, have already booked their penulatime stage place for October. Al Hilal visit Zesco United, who are on five points, at Nkoloma Stadium in Lusaka while Pillars are away in Khartoum to play bottom placed El Merreikh on two points who are hoping to end their forgettable Orange Champions League group stage campaign on a high after a string of poor home and away results. Al Hilal who lead Pillars at the top of Group A only on superior goal difference are favorites to win in Lusaka thanks to a 1-0 first leg win over Zesco in match day two on July 31. Moreover, Al Hilal enjoy a fairly good run in the same competition against Zesco whom they beat 2-0 at home and drew 1-1 away in their previous first round meeting in the 2008 edition of the event. Zesco are struggling especially with the departure of their inspirational midfielder Jonas Sakuwaha to French Ligue One side Lorient that was evident when they lost 3-2 last weekend to Pillars in Kano when they squandered the lead twice to a determined men from Kano. And Zesco know they must dig deep to get their first home win in the competition to safely collect the US$500,000 third place prize money on offer. Meanwhile, Pillars will be hoping for another back-to-back win and first away win following a 1-1 draw away to Zesco and 1-0 loss in Sudan to Al Hilal in their previous two Group A games on the road. DIvo Sahj is a happy man especially after seeing his charges rally in the five-goal thriller last Sunday at home against Zesco and another exciting show from Victor Nemo and Moses Ogaga is sure to put the icing on rollercoaster ride in Pillars debut Orange Champions League group stage match to the last four.

من الكاف

شكراَ جزيلاَ معاوية ،، نهيى أنفسنا الآن بالإستمتاع باالهل

ماهر

تهد ئه اعصاب وكدا

بالتوفيق للهلال

معاوية ياعريس
عيدك سعيد

كل عام انت والاسره بخير يا هارون

____________
الاذاعه الرياضيه

.حسب مراسل الرياضيه الاستاد خالي من الجمهور

حاتم التاج دا برااااااااااااااااي ..دا شنو دا ياخ جابو من وين دا !؟

الخاصل شنو يا عمكـ
معصورين في الشغل وكـدا

الهلال بدا كويس واضاع فرصه مضمونه من كاريكا ولكن بعد مرور ساعه حصل تراخي وزيسكو ضغط الهلال ...والحمد لله الهلال يمتلك مدافع كسامي عبد الله نجم فوق العاده

تشكيله الشوط الاول

الدعيع..كابوندي ..منير ..سامي ..زرياب ..هيثم ..مهند ..مساوي ..ايفوسا ..سادومبا وكاريكا

Quote: الخاصل شنو يا عمكـ

ما حاصل شيء
زي الكورة الودية
عصرونا كتير لكن شكلهم تعبانين
ونحن ناسنا صايمين

الاخ معاوية
كل سنة وانت طيب وكل البورداب طيبين
الاستاد شبه خالي فعلا الان الشوط الاول انتهى الان
النتيجة تعادل بدون اهداف
يبدو انو زيسكو ضغط على الهلال في الشوط ده
انا قاعد اشاهد المباراة في التلفزيون
مفروض اكون في الاستاد لكن بس عيان شوية

دمبيك

وانت طيب يا دمبيك ..زيسكو بدا يضغط في اخر ربع ساعه ووجد الثقه بعد التراخي واللعب الغير مسؤول من سادومبا ومهند

شوط اول تعادلي ..تراخي شديد من سادومبا ومهند الطاهر يتحمل الوسط والدفاع تبعاته ..اتمني دخول النعيم بديلا لمهند وسولي في مكان سادومبا

رابط للمشاهــــــــــدة

الهدف الاول لزيسكو من اللاعب سكاكا

للاسف الهدف الثاني لزيسكو من راسية زولو

ما طار طائر و ارتفع
الا كما طار وقع


قالوا سيد البلد ...
امسك السبحة يا ولد
و من هنا بدأ العدد


كان فى داعى لى طولة اللسان
و كمان تشييع بى عنقريب عديل ؟؟؟

انتو ما حتلقوا تشييع و كفن و مراسم دفن محترمة
لانو شكلو كده ابو الهل حيكون جنازة بحر ... افففففففففف

فريق زيسكو لعب بشرف وبسالة وحمي ملعبه ولم يستهين أو يتهاون أو يقول أن الامر لا
يعنيه بإعتباره قد أصبح خارج المنافسة!!

هزيمه مهمه لفريق الهلال لتتدارك الاداره اخطاءها المتكرره تجاه الفريق والهلال قادم الي ما هو اهم ..سفر الفريق قبل 18 ساعه من زمن المباراة بسبب تقصير من الاداره + الصيام عوامل اثرت في الهزيمه ..

الهلالم قبل علي ثلاث مواجهات مهمه في الدوري الممتاز وخارج ارضه امام هلال الساحل والميرغني كسلا والنيل الحصاحيصا وسيلعب هذه المباريات في ظرف 9 ايام .فعلي لاعبي الفريق تناسي الهزيمه والاستعداد للمباريات المهمه

Quote: هزيمه مهمه لفريق الهلال لتتدارك الاداره اخطاءها المتكرره تجاه الفريق والهلال قادم الي ما هو اهم ..سفر الفريق قبل 18 ساعه من زمن المباراة بسبب تقصير من الاداره + الصيام عوامل اثرت في الهزيمه ..

يجب على الإدارة العمل على تصحيح هذه الأخطاء

يا معاوية قصة السفر والفشخرة الحصلت فيها زاتو ما شوية!
هسي دا كلام نصاح العملوهو دا؟

سفر اتاخر ليوم كامل لانو الاداره ما قادره تجهز حق الطياره !! وكل يوم الصحف قادانا بي تبرعات من رجال اعمال ورجال دوله وتصريحات مليونيه والحقيقه القدامنا حق الطياره ما عندنا !! وكاس افريقيا دا ما بجي بي التصريحات والفشخره

يا معاوية حق الطيارة دايرين بيهو شنو
هسي الطيارة المكلفة 180 ألف دولار دي في داعي ليها؟


السفر بالكينية أو أي خطوط أخرى ما حيكلف النادي
أكثر من 30 ألف دولار .. و50 ألف يوزعوها مكافآت
للاعبين لرفع معنوياتهم .. والميه تبقى جائزة المباراة النهائية
يا كمان تكون اتوفرت للنادي!



كل سنة وإنت طيب
بكره العيد في السعودية

Quote: فريق زيسكو لعب بشرف وبسالة وحمي ملعبه ولم يستهين أو يتهاون أو يقول أن الامر لا يعنيه بإعتباره قد أصبح خارج المنافسة!!

والإشارة ليك يا المريخ أن تلعب بشرف و تنتصر على كانو لاهداء الهلال الصدارة!
هل نشاهد اليوم حشود هلالية فى مباراة اليوم تشجيعاً لا شماتة فى المريخ!

و حسب إعلام الضلال الهلالى وكتاباته السالبة فى فريق المريخ
و ما قرأناه بهذا المنبر من هجوم على الصحفى مزمل أبو القاسم
و تحميله هزائم المريخ .. و تخديره للجماهير لفريق غير جدير
واليوم بفتقد المريخ بالإيقاف مجموعة من لاعبيه الأساسين
فجأة إنعقدت عليه الآمال بالإنتصار لصالح الهلال!
وهو المهزوم بأرضه أمام زيسكو .. فما علية اليوم إلا أن يلعب بشرف
و سينتصر .. و لماذ الشرف و الإنتصار؟
هل إنتصر الهلال بأرضه بشرف ... ؟
و هل إنهزم المريخ بأرضه تقاعساً أم بعدم شرف غيره ..؟!

الشرف و التنافس الشريف .. مفردات لا تمثل الواقغ
و لا يضير اليوم المريخ الهزيمة .. و لا يعنيه الإنتصار!
وإن كان العيد غداً !

هل يفرح المريخ الشعب السودانى أجمع منتصراً اليوم
فيفرح الهلالاب قبل المريخاب .. أم يتلقى الهلالاب هزيمتين
فى نفس اليوم بهزيمة أو تعادل المريخ ..! وشماتة المريخاب!

سلام نادر الفضلي
وعيد سعيد وربنا يحقق جمع أمانيك- عدا كر ة القدم طبعا!!

Quote: الشرف و التنافس الشريف .. مفردات لا تمثل الواقغ و لا يضير اليوم المريخ الهزيمة .. و لا يعنيه الإنتصار! وإن كان العيد غداً !

يا أخوي أعملوا العليكم في حدود إمكاناتكم 00....وزيسكو ماكان معني بالانتصار
ولكنه فعلها!! الا يعني ذلك شئيا ?

عفوا للتكرار .. حذف

يا اخوانا المريخ غلب او اتغلب ما فارقة ...
الجميل انو الهلال يتقدل بالصف الثاني في اكبر بطولة للاندية بالقارة ...
يا ناس المريخ العشرة بتوعكم يمسكو فيكتور نامو ... ما يجيب قون عشان ما يفوت ايداهور ... بعد كده لو اتغلبتو 10 ما فارقة ....
لا يضير الشاة سلخها بعد ذبحها