Post: #1
Title: من باب الروح
Author: هند محمد
Date: 09-23-2009, 08:33 AM
Parent: #0
من وين أجيب ..
شبّه المسافة الواقفة بتزاول بعيد
تعبت مشاويري البدت
تتراخي في شدر المغيب
الرحلة طالت وودرت
والضفة تسأل يالحبيب
وريني كيف كل الخطاوي
الماشة دربك ماتميل
وريني كيف أنا أبتديك
دقيت علي خاطري الحزين وتد الحلم
تاكيت مشاعري علي الحنين
ناديت عيون المستحيل
عاكسنى خوف أنو الشمس
سابقاني شان تتملي فيك
الفرحة لو تطلع شموسك وماتغيب
والفكرة في اخر مداك
وصلت وين ..
انا كل ما أتعتر صباح
بتغطي بي أشواقي ليك
وأنا كل ما أتعتر حلم
برسم حداي قمرة وشييك
ماتقول بعيد
وروحي ..
المعلقة فى سماواتك غصب
وأنا مابراي
إستشهدت قبلي الحروف حرفاً حرف
واتفتحت جوة الحزن طاقة شمس
وإتحير التعبير وقف
وسمعت أمات الحلم بيزغردن
مرقن على الجرح القديم
داونه بوعدك تجى
وشالّن حداه شبال فرح
وصدّق ..
وقف خيل الوقت
صعبان عليه الفرقة جد
وبنده عليك في غنوتي:
شمس دونك تفارق الضي
ويزيد وعد الكلام النى
وينادى الشوق عليك قبلى
|
Post: #2
Title: Re: من باب الروح
Author: هند محمد
Date: 09-23-2009, 08:35 AM
Parent: #1
هند محمد
|
Post: #3
Title: Re: من باب الروح
Author: nourelhadi awad
Date: 09-23-2009, 08:42 AM
Parent: #2
مابراك
|
Post: #5
Title: Re: من باب الروح
Author: هواري نمر
Date: 09-23-2009, 08:59 AM
Parent: #3
شكرا يا هند
كل سنة و انت طيبة
وعيد سعيد..
كل احترامي..
|
Post: #12
Title: Re: من باب الروح
Author: هند محمد
Date: 09-24-2009, 01:09 PM
Parent: #5
Quote: شكرا يا هند
كل سنة و انت طيبة
وعيد سعيد..
كل احترامي.. |
الاخ العزيز هواري كل عام وانت بألف الف خير ياراقي
وربنا يحقق جميع احلامك وامنياتك
الشكر ليك انت علي طلتك السمحة والمعايدة الجميلة
كل الاحترام والتقدير والود ليك
وعيد مبارك
|
Post: #41
Title: Re: من باب الروح
Author: هند محمد
Date: 10-08-2009, 09:58 AM
Parent: #5
كان في مداخلة هنا راحت وين ؟
|
Post: #10
Title: Re: من باب الروح
Author: هند محمد
Date: 09-23-2009, 09:08 PM
Parent: #3
الاخ الفنان نور الهادي
كل عام وانت بألف خير وصحة وسعادة
وعيد سعيد عليك وعلي اسرتك وعلي كل حبايبك
ربنا يحقق الاماني وشكر للمرور الجميل
|
Post: #4
Title: Re: من باب الروح
Author: وصال عالم
Date: 09-23-2009, 08:55 AM
Parent: #1
Quote: دقيت علي خاطري الحزين وتد الحلم
تاكيت مشاعري علي الحنين
ناديت عيون المستحيل
عاكسنى خوف أنو الشمس
سابقاني شان تتملي فيك
سامعني ولاأقول و أعيد .. |
ياهندوية
زي بالغت شديد ياخ !!!!
وفي ذات السياق كتب مرة دكتور محمد حسن في سيمفونية عشق
بعنوان بريدك :
انتفت حالة السكون
شلت ازميل الهوى
نقشت في عصب الخواطر
وجوة في عمق الظنون
انك انت براك كون !!
تسلمي ياستي ،، ومنتظرين ذلك البوح الشفيف ،،
محبتي .....
وصال عالم
|
Post: #6
Title: Re: من باب الروح
Author: سمية الحسن طلحة
Date: 09-23-2009, 11:16 AM
Parent: #4
Quote: انا كل ما أتعتر صباح
بتغطي بي أشواقي ليك
وأنا كل ما أتعتر حلم
برسم حداي قمرة وشييك |
الشاعرة الشفيفة
هند محمد
عيدك سعيد
وكل عام وأنت الصباحات الندية ...
|
Post: #7
Title: Re: من باب الروح
Author: Muna Khugali
Date: 09-23-2009, 12:48 PM
Parent: #6
حلوة ورقيقة دايما يا هندوية...
كل سنة وانت أبهي..
|
Post: #8
Title: Re: من باب الروح
Author: شمس الدين ساتى
Date: 09-23-2009, 02:35 PM
Parent: #7
واتفتحت جوة الحزن طاقة شمس
كلام يرد الروح
كل سنة وأنت بألف خير
|
Post: #9
Title: Re: من باب الروح
Author: Safa Fagiri
Date: 09-23-2009, 03:45 PM
you are
not a lone!
كل سنة وإنتي
طيبة يا هند.
...
|
Post: #11
Title: Re: من باب الروح
Author: nassar elhaj
Date: 09-23-2009, 09:28 PM
Parent: #9
Quote: وسمعت أمات الحلم بيزغردن
مرقن على الجرح القديم
داونه بوعدك تجى
وشالّن حداه شبال فرح
وصدّق .. |
جميلة ياهند
|
Post: #24
Title: Re: من باب الروح
Author: هند محمد
Date: 09-27-2009, 06:15 PM
Parent: #11
الاخ الكريم نصار الجمال في احساسيسك
كل عام وانت بألف خير وكل عيد احلامك معاك
شكرا جبرت خاطر الحروف
عيد مبارك
ومودتي والتقدير
|
Post: #22
Title: Re: من باب الروح
Author: هند محمد
Date: 09-26-2009, 09:31 PM
Parent: #9
Quote: كل سنة وإنتي
طيبة يا هند.
... |
الأنيقة صفاء فقيري
كل عام وانت بالف خير ياعزيزتي وربنا يحقق جميع امنياتك
عيد سعيد وعمر مديد في طاعة الله
شكرا علي المعايدة الجميلة
ودي وتقديري
|
Post: #21
Title: Re: من باب الروح
Author: هند محمد
Date: 09-26-2009, 05:56 PM
Quote: كلام يرد الروح
كل سنة وأنت بألف خير |
كل عام وانت بألف خير العزيز شمس الدين
ربنا يحقق الاماني وعيد مبارك
شكرا للاطراء العذب
كل الود والتقدير
|
Post: #16
Title: Re: من باب الروح
Author: هند محمد
Date: 09-25-2009, 07:00 PM
Parent: #7
Quote: حلوة ورقيقة دايما يا هندوية...
كل سنة وانت أبهي.. |
العزيزة منى والله مشتاقين
كل سنة وانتي طيبة وكل امنياتك محققة
تحلي ايامك وسنينك وحلوة روحك
عيد مبارك وكل ايامك اعياد
شكر يا أنيقة
ومحبتى وتقديري
|
Post: #15
Title: Re: من باب الروح
Author: هند محمد
Date: 09-24-2009, 06:21 PM
Parent: #6
Quote: الشاعرة الشفيفة
هند محمد
عيدك سعيد
وكل عام وأنت الصباحات الندية ... |
العزيزة شاعرتنا سمية
كل عام وانت بألف ألف خير وصحة وسعادة
كل عام واسرتك بالف خير وكل حبايبك
وكل عام وحرفك وروحك أنضر
ربنا يحقق الاماني
ألف شكر علي المعايدة الجميلة
عيد مبارك
|
Post: #13
Title: Re: من باب الروح
Author: هند محمد
Date: 09-24-2009, 02:01 PM
Parent: #4
Quote: ياهندوية
زي بالغت شديد ياخ !!!!
وفي ذات السياق كتب مرة دكتور محمد حسن في سيمفونية عشق
بعنوان بريدك :
انتفت حالة السكون
شلت ازميل الهوى
نقشت في عصب الخواطر
وجوة في عمق الظنون
انك انت براك كون !!
تسلمي ياستي ،، ومنتظرين ذلك البوح الشفيف ،،
|
العزيزة وصال ألف مرحب بحضورك الانيق
زينتي الحتة
بالغت الروح البتجابد سيدها
هسه شوفي دكتور محمد مداها كووون
التحية ليك وللشاعر محمد حسن
ولك صاحب حس جمالي ونقاوة روح
تسلميلينا انتى ويسلم كل حبايبك
الحب والود ليك نيلين
|
Post: #14
Title: Re: من باب الروح
Author: حبيب نورة
Date: 09-24-2009, 02:16 PM
Parent: #13
دايماً أحلي و أجمل يا هندة
شكراً لهذا الجمال
|
Post: #17
Title: Re: من باب الروح
Author: abdalla osman
Date: 09-25-2009, 07:40 PM
Parent: #14
Quote: تاكيت مشاعري علي الحنين
ناديت عيون المستحيل
عاكسنى خوف أنو الشمس
سابقاني شان تتملي فيك
سامعني ولاأقول و أعيد .. |
كلام طاعم جدا
طاعم جدا جدا ..
|
Post: #18
Title: Re: من باب الروح
Author: ابو جهينة
Date: 09-25-2009, 07:47 PM
Parent: #17
هند
Quote: وصلت وين ..
انا كل ما أتعتر صباح
بتغطي بي أشواقي ليك
وأنا كل ما أتعتر حلم
برسم حداي قمرة وشييك
ماتقول بعيد
وروحي ..
فى سماواتك غصب
وأنا مابراي
إستشهدت قبلي الحروف حرفاً حرف
واتفتحت جوة الحزن طاقة شمس
وإتحير التعبير وقف |
كل سنة و إنت طيبة
|
Post: #19
Title: Re: من باب الروح
Author: خالد علي محجوب المنسي
Date: 09-25-2009, 08:38 PM
Parent: #18
Quote: انا كل ما أتعتر صباح
بتغطي بي أشواقي ليك
وأنا كل ما أتعتر حلم
برسم حداي قمرة وشييك |
دا كلام جميل شديد يا هند
وليت كل الأشوق تجلب الدفئ فينا
كان إرتاح الفؤاد وما إتكوى
إستوقفني عنوان البوست
( من باب الروح )
كان من الله التوفيق
لكن العنوان جميل شديد ومعبر
لك التحية أيتها الشاعرة الشفيفة
|
Post: #31
Title: Re: من باب الروح
Author: هند محمد
Date: 09-29-2009, 07:34 PM
Parent: #19
Quote: دا كلام جميل شديد يا هند
وليت كل الأشوق تجلب الدفئ فينا
كان إرتاح الفؤاد وما إتكوى
إستوقفني عنوان البوست
( من باب الروح )
كان من الله التوفيق
لكن العنوان جميل شديد ومعبر
لك التحية أيتها الشاعرة الشفيفة |
العزيز خالد ألف شكر علي اطرائك الجميل
كل عام وانت واسرتك بخير وصحة
وايامك كلها اعياد
ربنا الاماني مجتمعة
مليون تحية للطفك
عيد سعيد
|
Post: #30
Title: Re: من باب الروح
Author: هند محمد
Date: 09-29-2009, 10:19 AM
Parent: #18
شاعرنا ابو جهينة كل عام وانت بألف خير وسعادة
ربنا يحقق الامنيات كلها
شكرا لطلتك الانيقة
عيد مبارك عليك وعلي حبايبك
مودتي
|
Post: #29
Title: Re: من باب الروح
Author: هند محمد
Date: 09-29-2009, 09:25 AM
Parent: #17
Quote: كلام طاعم جدا
طاعم جدا جدا .. |
شاعرنا عبدالله كل سنة وانت طيب
شكرا لاطرائك اللطيف ومرورك العذب واشراقك هنا
ربنا يحقق الاماني جميعا وعيد سعيد ليك ولاسرتك
شكرا جميلا
|
Post: #26
Title: Re: من باب الروح
Author: هند محمد
Date: 09-28-2009, 12:42 PM
Parent: #14
Quote: دايماً أحلي و أجمل يا هندة
شكراً لهذا الجمال |
حبيبها
حلاوة روحك وجمال احساسك
منكم نستقي الروعة
كل عام وانت بخير وربنا يحقق الاماني
عيد مبارك
|
Post: #20
Title: Re: من باب الروح
Author: المر
Date: 09-26-2009, 06:36 AM
Parent: #1
روعة
|
Post: #23
Title: Re: من باب الروح
Author: ناصر احمد الامين
Date: 09-26-2009, 09:43 PM
Parent: #20
عذرا
مفردات مستهلكة لا جديد فيها
الفكرة مشوشة اثرت كثيرا في السرد
لا يوجد مضمون واضح المعالم
بداية ضعيفة و ختام اضعف
الاخت هند
اتمني ان تواصلي علي نفس هذا النهج الابداعي المتفرد
فأنتي متفردة تعزفين علي وتر الروح (وهي من امر ربي)
و اعذريني علي المقدمة التي لم اقصد من كلماتها غير نقيضها
لك التحية ... و لك ترفع القبعات
|
Post: #25
Title: Re: من باب الروح
Author: ياسر بيناوي
Date: 09-27-2009, 06:44 PM
Parent: #23
هند كل سنة وانتي طيبة
مشتاقين والله
Quote: عاكسنى خوف أنو الشمس
سابقاني شان تتملي فيك
سامعني ولاأقول و أعيد ..
الفرحة لو تطلع شموسك وماتغيب
والفكرة في اخر مداك
وصلت وين |
لا تعليق ...........طبعا
خالص الود
|
Post: #27
Title: Re: من باب الروح
Author: soma
Date: 09-28-2009, 03:15 PM
Parent: #25
هتدوية يا حبيبة البى
ومن باب ريدى ليك شبيت دغش
للمحنة الفيك .. واتحكرت حداك شوق وحنين
تسلمى يا غالية من بطن العشق
كل المدن ليك وطن
وليك محبتى الزائدة
|
Post: #28
Title: Re: من باب الروح
Author: mohmed khalail
Date: 09-29-2009, 07:48 AM
Parent: #27
Quote: من وين أجيب ..
شبّه المسافة الواقفة بتزاول بعيد
تعبت مشاويري البدت
تتراخي في شدر المغيب
الرحلة طالت وودرت
والضفة تسأل يالحبيب
وريني كيف كل الخطاوي
الماشة دربك ماتميل
وريني كيف أنا أبتديك
دقيت علي خاطري الحزين وتد الحلم
تاكيت مشاعري علي الحنين
ناديت عيون المستحيل
عاكسنى خوف أنو الشمس
سابقاني شان تتملي فيك
سامعني ولاأقول و أعيد ..
الفرحة لو تطلع شموسك وماتغيب
والفكرة في اخر مداك
وصلت وين ..
انا كل ما أتعتر صباح
بتغطي بي أشواقي ليك
وأنا كل ما أتعتر حلم
برسم حداي قمرة وشييك
ماتقول بعيد
وروحي ..
المعلقة فى سماواتك غصب
وأنا مابراي
إستشهدت قبلي الحروف حرفاً حرف
واتفتحت جوة الحزن طاقة شمس
وإتحير التعبير وقف
وسمعت أمات الحلم بيزغردن
مرقن على الجرح القديم
داونه بوعدك تجى
وشالّن حداه شبال فرح
وصدّق ..
وقف خيل الوقت
صعبان عليه الفرقة جد
وبتذكرك في اللحظة مابين
إرتعاشى ونظرتك
في بسمتك .. في غنوتي:
شمس دونك تفارق الضي
ويزيد وعد الكلام النى
وينادى الشوق عليك قبلى
براي سراجة بذكرى الحنين البى .. |
بس كده يادوب عيدنا..
كل سنة وانت..
أشعر
وانت أجمل
وانت هند
|
Post: #32
Title: Re: من باب الروح
Author: abubakr
Date: 09-29-2009, 07:51 PM
Parent: #28
هند البنية الرسامة الرقيقة تسلمي
|
Post: #39
Title: Re: من باب الروح
Author: هند محمد
Date: 10-04-2009, 06:19 PM
Parent: #32
| Quote: هند البنية الرسامة الرقيقة تسلمي |
عمنا العزيز ابوبكر
والله جيتك بالدنيا
ومعزتك من معزة الروح والله شاهد
كل سنة وانت طيب وربنا يحقق امنياتك
تسلم انت وروحك وكل حبايبك
ويسلم وجودك ومرورالمحنة
شكرا ليك ولو انها حبة وماتوفيك
انشالله كل ايامك اعياد والرح معاك وين ماتروح
شكرا بحر
|
Post: #38
Title: Re: من باب الروح
Author: هند محمد
Date: 10-04-2009, 06:10 PM
Parent: #28
Quote: بس كده يادوب عيدنا..
كل سنة وانت..
أشعر
وانت أجمل
وانت هند |
هو العيد ببقي الا بيك
شاعرنا أنيق الروح محمد خليل
عمرك عمرين وحلمك رويان ومفرهد
والعيد بيك عيدين
كل سنة وانت طيب وينعاد عليكم بالصحة والسعادة
عيد سعيد ليك ولكل احبابك
وكل سنة وانت بنقاوة روحك
الف شكر علي المحنة والمعايدة الجميلة
تسلم كتير
|
Post: #37
Title: Re: من باب الروح
Author: هند محمد
Date: 10-04-2009, 05:38 PM
Parent: #27
Quote: هتدوية يا حبيبة البى
ومن باب ريدى ليك شبيت دغش
للمحنة الفيك .. واتحكرت حداك شوق وحنين
تسلمى يا غالية من بطن العشق
كل المدن ليك وطن
وليك محبتى الزائدة |
عرجونة التمر النجض
في قسوة الزمن الابا
الجاية من بيت الولف
واعماقها زي صافي اللبا
اسماء المحنة
كل سنة وانتى طيبة سومتنا الغالية واحلامك حقيقة
عارفاني بريدك من يوم لاقيتك
يا أصل الطيبة ومحنة الدنيا الاتلمت فيك
كل سنة وانتى اروع وتسلميلنا ويسلمو كل حبايبك
عيد مبارك ياحبيبة وشكرا للمرور الطاااااعم
زينتي الحتة
ربنا يحقق الاماني
|
Post: #36
Title: Re: من باب الروح
Author: هند محمد
Date: 10-03-2009, 04:42 PM
Parent: #25
Quote: هند كل سنة وانتي طيبة
مشتاقين والله
Quote: عاكسنى خوف أنو الشمس
سابقاني شان تتملي فيك
سامعني ولاأقول و أعيد ..
الفرحة لو تطلع شموسك وماتغيب
والفكرة في اخر مداك
وصلت وين
لا تعليق ...........طبعا
|
الاخ العزيز ياسر
كل عام وانت بألف خير وماتفقد عزيز ولايوحشك غالي
والله طولنا منكم وشغلتنا الدنيا اللافة
لينا لقاء باذن الله عماقريب
عيد مبارك وربنا يحقق كل امنياتك
شكرا للطلة الطاعمة
|
Post: #35
Title: Re: من باب الروح
Author: هند محمد
Date: 10-03-2009, 08:57 AM
Parent: #23
Quote: الاخت هند
اتمني ان تواصلي علي نفس هذا النهج الابداعي المتفرد
فأنتي متفردة تعزفين علي وتر الروح (وهي من امر ربي)
و اعذريني علي المقدمة التي لم اقصد من كلماتها غير نقيضها
لك التحية ... و لك ترفع القبعات |
الاخ ناصر أحييك علي الطريقة المختلفة جدا والانيقة في الولوج
شكرا علي اطرائك وكلماتك الجميلة
دعمتنى كتير وشدت حيل الحروف
بنواصل بيكم ومنكم نستمد القدرة علي الوصول
ألف تحية تحييك وتسلم ايديك
كل عام وانت بألف خير وسعادة
ربنا يحقق الاماني
شكرا بحر
|
Post: #33
Title: Re: من باب الروح
Author: هند محمد
Date: 10-01-2009, 10:20 AM
Parent: #20
المر والله مشتاقين
كل سنة وانت طيب ياطيب
وينعاد بالصحة والسعادة ويخليللك اللي عندك
روعة احساسك ومرورك هنا
عيد مبارك ليك ولاحبابك
شكرا جميلا
|
Post: #34
Title: Re: من باب الروح
Author: Abdlaziz Eisa
Date: 10-01-2009, 03:25 PM
Parent: #33
الرائعة هنـــد
الكلام السمح يندس في الحنايا
ويداعب الأحاسيس
ويفعم الروح..
الشكر أجزله للتحف هذه
مودتي
عبدالعزيز
|
Post: #40
Title: Re: من باب الروح
Author: هند محمد
Date: 10-04-2009, 06:24 PM
Parent: #34
Quote: الرائعة هنـــد
الكلام السمح يندس في الحنايا
ويداعب الأحاسيس
ويفعم الروح..
الشكر أجزله للتحف هذه
مودتي
عبدالعزيز |
شكرا ليك انت ياعبد العزيز
كل سنة وانت طيب وبعودة بالصحة والسعادة
السماحة سماحة الروح والاحساس الفيك
ألف شكر للطفك كتير
جيتك طاعمة وورداتك حلوة
واهدائك راقي
والود الماشي عليك نيلين
تسلم وعيد مبارك
|
Post: #42
Title: Re: من باب الروح
Author: هند محمد
Date: 10-11-2009, 06:29 PM
Parent: #40
ياوصف مابتوصف ..
يجفل من الجملة الحرف
يرتد من عالي الشعاع
يمتد جوة الروح ولف
وبي كل حس زولا عرف
انت الفرح
|
Post: #43
Title: Re: من باب الروح
Author: ابوبكر يوسف إبراهيم
Date: 10-12-2009, 07:37 AM
Parent: #42
Quote: ياوصف مابتوصف ..
يجفل من الجملة الحرف
يرتد من عالي الشعاع
يمتد جوة الروح ولف
وبي كل حس زولا عرف
انت الفرح |
الأخت الشاعرة المجيدة/ هند
سلام على روحك الطيبة
هنداً ، بدأت إستراق السمع من المبتدأ وإلى حيث توقفتِ ، حرفك آهة حرى تأتي من غور الأعماق مشحونة بالشجن ومخضبة بلون شعرٍ عبقري.
و حين أقرأ النص أيضاً تخرج مني آهة دهشة من جماله وعذوبته .. وأن أهي أراها تحلق وكأنما روحي تطير وتهيم في مدى النظم الوريف وآفاقه ؛ وحتى آخر مدىً وقعت فيه آهك ، لقد أريتنا أن الحياة متسعة إتساع اللغة والعبارة وقد إستعانت اللغة في مذهب التعبير مذهبك .. تقديري ومودتي الأخوية
|
Post: #44
Title: Re: من باب الروح
Author: مدثر قرجاج
Date: 10-12-2009, 10:01 AM
Parent: #43
Quote: صعبان عليه الفرقة جد
وبتذكرك في اللحظة مابين
إرتعاشى ونظرتك |
هند
جميل هذا المشهد
|
Post: #45
Title: Re: من باب الروح
Author: emad altaib
Date: 10-12-2009, 11:11 AM
Parent: #44
ـــــ
:
اللهم صلي علي حبيبك ..
يا زولة وحات النبي إنتِ ماااا براك ؟! وولاّااكِ مشاركة مابعرف ؟!
ده جمال شنو ده ؟! وياتو سحر في الحروف ؟!
تستحقي يا هندوية يا أختي والله الإحتفالية وأقلاه في مهرجان حاشد وكبير , تكريماً لك فقد أغرقتينا في الخاطرة والفكرة , فأنتِ يا هند سناءً وثناء وروحاً وشذا وبلسماً .
أمنيتي ربي يحفظك ..
وكل سنة وإنتِ طيبة
تغير الخط واللون ... سبب التعديل
|
Post: #46
Title: Re: من باب الروح
Author: عبد المنعم ابراهيم الحاج
Date: 10-12-2009, 03:32 PM
Parent: #45
Quote: من وين أجيب ..
شبّه المسافة الواقفة بتزاول بعيد
تعبت مشاويري البدت
تتراخي في شدر المغيب
الرحلة طالت وودرت
والضفة تسأل يالحبيب
وريني كيف كل الخطاوي
الماشة دربك ماتميل
وريني كيف أنا أبتديك
دقيت علي خاطري الحزين وتد الحلم
تاكيت مشاعري علي الحنين
ناديت عيون المستحيل
عاكسنى خوف أنو الشمس
سابقاني شان تتملي فيك
سامعني ولاأقول و أعيد .. |
سامع هسيس الروح حروف
منظومة في حبل الوريد
سلامات ياهند
كتابة جميلة وممتعة
|
Post: #47
Title: Re: من باب الروح
Author: شمس الدين ساتى
Date: 10-12-2009, 03:55 PM
Parent: #46
ياهند بعد الجمال البتوى فيهو
تطلعى لينا هلالابية؟ غايتو ما لقيت
لى أزرق ورقيق وأحساس مرهف إلا تكونى
غلطانة والدليل والوردة دى ...هاهاها
أبدعى وأنسينا
|
Post: #52
Title: Re: من باب الروح
Author: هند محمد
Date: 10-12-2009, 07:33 PM
Parent: #47
Quote: ياهند بعد الجمال البتوى فيهو
تطلعى لينا هلالابية؟ غايتو ما لقيت
لى أزرق ورقيق وأحساس مرهف إلا تكونى
غلطانة والدليل والوردة دى ...هاهاها
أبدعى وأنسينا |
سلامات اخونا شمس الدين
كيف ماشفت ازرق مرهف ورقيق ؟
هسه شاعرتنا سوما دي في ارق منها وكذلك شاعرنا ازهري محمد علي
والامثلة لاتعد ولاتحصي ..البلد كلها هلالاب مرهفين
ومع ذلك وماليك علي يمين بنحب المريخ لمايلعب باسم السودان وبنشجعه
في اى مباراة الا مبارياته مع الهلال
ساعتها العشق بقول كلمته ..وهو نفس العشق الجاب لومك ده
(اللهم هذا قسمي فلاتلمنى فيما تملك ولا املك )
وصدقنى لو اخدت الموضوع تعصب بتتعب
حبابك دايما والود قايم ومابننساكم مابنقدر لانو الود البينا مابتنسي
كل الاحترام ليك وشكرا لحضورك
|
Post: #51
Title: Re: من باب الروح
Author: هند محمد
Date: 10-12-2009, 07:23 PM
Parent: #46
Quote: سامع هسيس الروح حروف
منظومة في حبل الوريد
سلامات ياهند
كتابة جميلة وممتعة |
سلامات كاتبنا الانيق عبد المنعم
زينت الحتة وجبرت خاطر الحرف
كل سنة وانت طيب وربنننا يحقق الاماني
تسلم من كل سوء
وشكرا للاطراء
جميل احساسك الوصلك
تشرفت بالحضور اشكرك
|
Post: #50
Title: Re: من باب الروح
Author: هند محمد
Date: 10-12-2009, 07:19 PM
Parent: #45
Quote: اللهم صلي علي حبيبك ..
يا زولة وحات النبي إنتِ ماااا براك ؟! وولاّااكِ مشاركة مابعرف ؟!
ده جمال شنو ده ؟! وياتو سحر في الحروف ؟!
تستحقي يا هندوية يا أختي والله الإحتفالية وأقلاه في مهرجان حاشد وكبير , تكريماً لك فقد أغرقتينا في الخاطرة والفكرة , فأنتِ يا هند سناءً وثناء وروحاً وشذا وبلسماً .
أمنيتي ربي يحفظك ..
وكل سنة وإنتِ طيبة
|
سلامات ياعماد
وشكرا لكلماتك الطيبة
غمرتني بلطفك وتقديرك
ارجو ان اكون عند حسن الظن
انت من يستحق الاحتفاء باناقة فكرك وبلاغة تعبيرك ونضوج حرفك
والاهم روحك الطيبة
تقديري
وتحياااااتي
شكرا جميلا
|
Post: #49
Title: Re: من باب الروح
Author: هند محمد
Date: 10-12-2009, 07:14 PM
Parent: #44
Quote: هند
جميل هذا المشهد |
الاخ مدثر ألف مرحبا
جماله من جمال احساسك
شكرا لاطرائك العذب
وشكرا لمرورك
تقبل تحياتي
|
Post: #48
Title: Re: من باب الروح
Author: هند محمد
Date: 10-12-2009, 07:10 PM
Parent: #43
Quote: الأخت الشاعرة المجيدة/ هند
سلام على روحك الطيبة
هنداً ، بدأت إستراق السمع من المبتدأ وإلى حيث توقفتِ ، حرفك آهة حرى تأتي من غور الأعماق مشحونة بالشجن ومخضبة بلون شعرٍ عبقري.
و حين أقرأ النص أيضاً تخرج مني آهة دهشة من جماله وعذوبته .. وأن أهي أراها تحلق وكأنما روحي تطير وتهيم في مدى النظم الوريف وآفاقه ؛ وحتى آخر مدىً وقعت فيه آهك ، لقد أريتنا أن الحياة متسعة إتساع اللغة والعبارة وقد إستعانت اللغة في مذهب التعبير مذهبك .. تقديري ومودتي الأخوية |
شاعرنا الانيق ابوبكر سلام الله يغشاك كل حين
حضورك هنا يسعدني
فكيف بحرفك يداعب خاطري ووجداني
سيد الحرف الشفاف والكلمة من الاعماق لك التحية
اهديك من التحايــــــا
مالا يقل عنها روعه
لك اجمل المنـــــى
الود كاملا والتقدير
|
Post: #53
Title: Re: من باب الروح
Author: عمر عبد الله فضل المولى
Date: 10-12-2009, 08:30 PM
Parent: #48
شكرا الاخت هند لهذا الجمال
|
Post: #54
Title: Re: من باب الروح
Author: معاوية المدير
Date: 10-13-2009, 10:51 AM
Parent: #53
| Quote: سامعني ولاأقول و أعيد .. |
راجيك تعيدى أنا الغريب
في الغربة هدانى النحيب
وهبالى من تال الحروف
يا هند أجمل همبريب
وعرفتَ كيف عبق الكلام
بيخلى روح الزول تطيب
ويخفف الآم البعاد
ويصبّح أزهار الأمل
دانيات قريب...
يديك العافية هند،
يا صاحبة الحرف المُنمق المموثٌق...
|
Post: #56
Title: Re: من باب الروح
Author: هند محمد
Date: 10-14-2009, 04:25 PM
Parent: #54
Quote: راجيك تعيدى أنا الغريب
في الغربة هدانى النحيب
وهبالى من تال الحروف
يا هند أجمل همبريب
وعرفتَ كيف عبق الكلام
بيخلى روح الزول تطيب
ويخفف الآم البعاد
ويصبّح أزهار الأمل
دانيات قريب...
يديك العافية هند،
يا صاحبة الحرف المُنمق المموثٌق... |
وانا راجياك في اخر ضوء النجمة
الواقفة بين القمرة وحد الشوف
الشوق الفجّ ..العشق الاصبح جد مجنون
الغنوة الماتت في جوايا
الطيف الفي الاحلام مسجون
الفرح فينى اتحتت وصار مغبون
والحزن الفرهد مليون لون ..
سلامات يامعاوية واشكرك علي مداخلتك الانيقة
يديك الف عافية علي عافية
وشكرا علي مرورك
|
Post: #55
Title: Re: من باب الروح
Author: هند محمد
Date: 10-14-2009, 04:21 PM
Parent: #53
| Quote: شكرا الاخت هند لهذا الجمال |
سلامات اخونا عمر
لاجمال الا في الذائقة
شكرا علي الحضور العبق
مودتي والتقدير
|
Post: #57
Title: Re: من باب الروح
Author: هند محمد
Date: 10-27-2009, 06:38 AM
Parent: #55
اتهجيت من لفحة لهبك
حرف الالفة
واتعلمت أدوس الجمرة
تدندن وحة في قلب الطين
تتفجر بذرة
تطلع حمرا وخضرا وصفرا
إتدردرت في درب الشمس التطلع حتة
تغسل الجتة ،
ويتلب منى الحزن الختة
في صدر الساقية ودرس الحسرة
مسافة قصيرة ..
وأرجع تاني أزح في الضلمة
اتوترت سكون وكلام من كل مسام الشجن اللفا
لانقنقت ولا اتجرست ولااتفكيت من ريدك انتا ..
|
|