هجرة ..

الطير الهَاجر .. يبدأ الرحلة .. ويفضل يعانى ..
رحيل الطير أيام وليالى
كان للآرض الفيها براحو
آملو يلاقى الضل والراحة
ووطناً يمسح دمع أحزانو
وأرضاً فيها النيل والخضرة
رخية وتصبح زى أوطانو
حلمو زهور ورياض الجنة
شعاع الشمس المنو صباحو
نسيم الليل الدافئ يداعب
خصلات ريشو ونبض أحساسو
غايتو سلام ووئام ومحنه
عالم حب ..الصدق أساسو
شوقو لهمسة وبسمة جميلة
تطفئ النار وتداوى جراحو
أملنا يلاقى الراحة ويوصل
دنيا جميلة يصادف آحلامو ..

سيبو الطير يتخيل ويحلم
أنو الدنيا ربيع ومواسم
أنو الحب إتمدا شراعو
سفينته تصارع موج الباطل
أنو الطيبة أمواجها أتحدت
غمرت أرض الخوف الغاشم
وأنو الخير أتشكل غيمة
غطت شبح الجوع الكافر
سيبو يسافر ويبدأ الرحلة
شان ما يلقى الآرض الخاطر
فيها يغنى وينسى همومو
وبرضو يحقق أحلآم باكر
يبنى العش ويربى صغارو
ينسى هموم الزمن الغابر ..
قدر الطير أخطار الرحلة
قدرو يعيش فى الدنيا مسافر
ليه ما يحلم ينسى الهجرة
ويعيش فى الآرض الفيها براحو
بس .... ياحسرة
قدرو يواجه ظلم الدنيا
وقطرة دمو تسيل بوراهو ..

إحساسكم همّ الطير الهَاجر
إحساسى التوأم لى إحساسكم
وكيف ما نحس بى طول الرحلة
وكيف ما نحلم يلقى مرادو
وزى ماهمنا جبر الخاطر
همنا يوصل لى أحبابو
ينسى همومو ونزف جروحو
ينسى عذاب الزمن الغادر
يوصل أرضاً فيها الطيبة
ونلقى الحب والطير أتلاقو
تبدأ الإلفة .. وينسى الحيرة
ينسى الخوف ويعيش الحاضر
ونسعد انحنا قلوبنا تغنى
ونهدى الحب أحساس وتمنى ..

الطير إتهدا ولسه مسافر
الريح بتشيل جنحاتو تكابر
بصبر و عزيمة بيقاوم الآمو
يجابه عصف الزمن الغادر
سكة طويلة ملآنة مخاطر
عداها بنور الآمل الحانى
ويفضل . . يعانى ..
كل ما يفكر قرب يوصل
يلقى السكة إتمدت تانى
بس برغم عذاب الرحلة
مصرّ ما يحقق هدفو السامى
وزى ما بنحلم نلقى منانا
بيحلم يلقى الوطن الحانى
طير يا طير وأتحدى الظلمة
شان ما يجيك الصبح أمانى
شان ترتاح فى دنيا جميلة
آمان .. ما تحس بظلم الجانى
دنيا سلام تتنعم خيرها
تداوى نزيف الجرح الدامى ..
ونحلم توصل ..

هند محمد
2007

__________________


شكلي ح أكون من "المهاجرين"
تسلمي يا هند على هذا الدفق الجميل

ويسلم مرورك الآنيق أستاذ هشام ..

الهجرة للى ما يملك وطن زى العصفور .. ونحن من نعمة الله علينا

منحنا الوطن .. والهجرة للبعيد هى العودة للحضن الدافئ ..

مشكور على الكلمات الطيبة .. شكر جميلا ..

Quote: الطير الهَاجر .. يبدأ الرحلة .. ويفضل يعانى ..

ثلاثين سنة ودي الواحد بعدها وما ركينا

تسلمي يابتي ..حرفك جميل زي طلتك

Quote: قدر الطير أخطار الرحلة قدرو يعيش فى الدنيا مسافر

دي هي جنس قدره لكن
دوزنينا ايتها النغم


لك السماء
وطاعة النجوم

هند

يسلم حرفك و قلمك

Quote: وكيف ما نحلم يلقى مرادو وزى ماهمنا جبر الخاطر همنا يوصل لى أحبابو ينسى همومو ونزف جروحو

الأخت العزيزة
هند

تبعت الألق الذي رافقك
منذ حضورك إلى دارنا العامرة
و لولا كثير من إنشغال
و عدم قدرة على مشاركة
في الأيام السابقة,
لما فارقت أعتاب بوستاتك الشيقة

لك مني كل الود و المحبة
غادة

غادة ..مشكورة عزيزتى على كلماتك الرقيقة وترحيبك الجميل ..

إطلالتك الحلوة وتواجدك هنا يكفينى .. تسلمى ويسلم ذوقك ..مودتى

ويسلم إحساسك العالى استاذ ابوجهينة ..

مشكور على الطلة الحلوة .. شكراً جميلاً

مشكور استاذ أحمد على المرور وتعليقك الجميل .. تسلم ويسلم ذوقك ..

الجمال فى احساسك استاذ ابوبكر .. ربنا يرد غربتك وغربة الجميع..

مشكور على المرور الحنين .. تسلم كتير ..

هند - سلام

Quote: الطير إتهدا ولسه مسافر الريح بتشيل جنحاتو تكابر بصبر و عزيمة بيقاوم الآمو يجابه عصف الزمن الغادر سكة طويلة ملآنة مخاطر عداها بنور الآمل الحانى ويفضل . . يعانى .. كل ما يفكر قرب يوصل يلقى السكة إتمدت تانى بس برغم عذاب الرحلة مصرّ ما يحقق هدفو السامى وزى ما بنحلم نلقى منانا بيحلم يلقى الوطن الحانى طير يا طير وأتحدى الظلمة شان ما يجيك الصبح أمانى شان ترتاح فى دنيا جميلة آمان .. ما تحس بظلم الجانى دنيا سلام تتنعم خيرها تداوى نزيف الجرح الدامى .. ونحلم توصل ..

زيدينا نغماً ودوزني كلماتك لحناً ينسينا آهات الغربة
وتقبلي سلام فتحية ومحبتها

أبوفتحية

هند الجميلة

حضور ومتابعة , وتشكري علي هذا البوح المهاجر .

Quote: وكيف ما نحس بى طول الرحلة وكيف ما نحلم يلقى مرادو وزى ماهمنا جبر الخاطر همنا يوصل لى أحبابو ينسى همومو ونزف جروحو ينسى عذاب الزمن الغادر يوصل أرضاً فيها الطيبة ونلقى الحب والطير أتلاقو تبدأ الإلفة .. وينسى الحيرة ينسى الخوف ويعيش الحاضر

المرهفه هند همنا يوصل لي أحبابوا!!!

،،،،أبوقصي،،،،

شكور أستاذ مجدى على حضورك وكلماتك الحنينة .. تسلم كتير .. مودة

سعيدة بالحضور والمتابعة شاعرنا هاشم .. أشكر لطفك ومرورك الجميل..

تسلم ويسلم ذوقك ..

مليون تحية وسلام لك أستاذ الصادق ولفتحية ..

مشكور على مرورك العذب وتعليقك الجميل ..

تسلم كتير .. مودة وتقديرى

هند

أحييك يا شاعرة

أجمل ما يشد فى النص يا هند

الإيقاع الداخلى الموزون بإحكام
والموسيقى المتناغمة المنسابة

والله يا هند حاولت القى لى ولو شوية خلل بسيط فى الميزان

ما لقيت

عشان كده قلت ليك هند الشاعرة

شكرا على "ألماس" القوافى
وشكرا على الميزان الوافى

سلام يااستاذة هند

Quote: طير يا طير وأتحدى الظلمة شان ما يجيك الصبح أمانى شان ترتاح فى دنيا جميلة آمان .. ما تحس بظلم الجانى دنيا سلام تتنعم خيرها تداوى نزيف الجرح الدامى ..

تسلمي يا رائعة

مليون سلام وتحيه استاذ عبده .. والروعه فى احساسك ..

مشكور على المرور الجميل ..

مشكور أستاذ ابوذر على كلماتك المشجعه والتى زادتنى حماس وإصرار على المتابعة..

شكر بمقدار نقاءك .. شكراً جميلاً

يفضل يعانى
كل ما يفكر قرب يوصل
يلقى السكة اتمدت تانى !!

up

وانا جيت بيجاي
عارفة ليه؟؟؟

عشان ما يعاني!!


شكرن كتيرن!

منور حبيب نورة .. شاعرنا الدهشة .. سعيدة بالاطلالة الساحرة ..

مشكور على المرور الحنين .. تسلم كتير ..

هجرة هواي في بحار عينيك كلمه

ودمعة ريد النهر الهاطل رمشـه

هجرة لدنياك منايا
وما بخبى ولا بكابر
كيف افكر يوم اسيبك
ونظرة منك لى غاية
وما اظن كلمة هويتك
توصف الشوق المعايا ..


مشكور على الطلة الحلوة استاذ مجدى ..

وكيف ما نحس بى طول الرحلة
وكيف ما نحلم يلقى مرادو
وزى ماهمنا جبر الخاطر
همنا يوصل لى أحبابو
ينسى همومو ونزف جروحو
ينسى عذاب الزمن الغادر
يوصل أرضاً فيها الطيبة
ونلقى الحب والطير أتلاقو
تبدأ الإلفة .. وينسى الحيرة
ينسى الخوف ويعيش الحاضر
ونسعد انحنا قلوبنا تغنى
ونهدى الحب أحساس وتمنى ..


يامدهشة

الدهشة فى إحساسك وحضورك الجميل استاذ بدر .. تسلم وسيلم ذوقك ..شكراً جميلاً

يتها الغريدة:


الطير انهد ولسه مسافر!!!!

حيثما تتجه الإشارة يتجه الضوء..

حزافير ميقات الكيل..

ذاخر المحبة

منغمس داخل بؤرة الوعد الأمل..

تباح للطير عودته: ما بتنكر لي أوكارو..

شكرا غزيرا.

استاذ جورج لحضورك طعم الفرح وعبق الياسمين ..

اكيد مادام الآمل موجود لابد من عودة ..

لى شرف هذه الإطلالة الساحرة سيدى ..

أشكر حضورك الآنيق .. مودتى .. شكراً جميلاً

******

استازة هند صباحك ابداع

Quote: بيحلم يلقى الوطن الحانى طير يا طير وأتحدى الظلمة شان ما يجيك الصبح أمانى شان ترتاح فى دنيا جميلة آمان .. ما تحس بظلم الجانى دنيا سلام تتنعم خيرها تداوى نزيف الجرح الدامى .. ونحلم توصل ..

فرح الرجوع منيه

صباحك نور شاعرنا مدثر .. صباح كل شئ جميل ..

مشكور على مرورك الآنيق .. تسلم

Quote: وأرضاً فيها النيل والخضرة رخية وتصبح زى أوطانو حلمو زهور ورياض الجنة شعاع الشمس المنو صباحو نسيم الليل الدافئ يداعب خصلات ريشو ونبض أحساسو غايتو سلام ووئام ومحنه عالم حب ..الصدق أساسو شوقو لهمسة وبسمة جميلة

أعجاب...بصمت...
لعجز الكلام...

ودي وتقديري...

الف مرحبا شاعرنا ابراهيم ..أشكر حضورك الآنيق .. وكلماتك الراقية ..

مودتى واحترامى ..شكراً جميلاً ..

Quote: سيبو الطير يتخيل ويحلم أنو الدنيا ربيع ومواسم أنو الحب إتمدا شراعو

هند...

ياا سلاااام
شكرا لكل هذا الالق الجميل
كلماات معبرة وشفيفة..

كل مودتى..

مشكور استاذ محمد على مرورك وتعليقك الجميل .. تسلم ويسلم ذوقك ..مودة

up

يمكن مابتداخل كثيرا لكن
متابع كل بوستاتك
يعجز اللسان عن الرد
على روائعك فاكتفينا
بالمتابعة.


تحياتي

الروعه فى إحساسك استاذ حافظ وسعيدة بالمتابعة ..

تسلم على المرور الانيق .. شكراً جميلاً ..

الاستاذة هند

Quote: رحيل الطير أيام وليالى كان للآرض الفيها براحو آملو يلاقى الضل والراحة ووطناً يمسح دمع أحزانو وأرضاً فيها النيل والخضرة

نشتاق لتلك الارض والنيل والخضرة

واصلي وفقك الله في قصائدك الرائعة
وسلام
محمد علي

غنى الطير وطن


في وطنادا الطير
الكان صداح.
ومليان بالفرح
والغنى.
ساب الغنى
وبقي في الحزن
والطنطنى.
وقاعد في ظلام
الليل ينقنق.
مستني نور الصباح
اللسه ما طلع.
يفكر في همنا
وناسي همو.
وفي القعدة يقفو.
والقفوة يحلم
بصباح اجمل
وزرع اخضر
ويغازل في الحلم
نفسو.
ويبداء يغني بصوت
عالي.
ولما يزكر انو
وطاويط الليل
بتجسس علي
حلمو.
وبتسمع في غناهو.
وبتحس بي همسو.
فجاة يصحى ويخاف
يحضن صغاره
ويوطي حسو
ويطاطي راسو
ويرحلز
وبي سرو ينقنق
ويقول
دا غناي المابراي
بحسو
دا غناي الفي الصباح
بغنيهو
وما بدسو

11/12/2005

اهداء للشاعرة المبدعة
استاذة هند

مليون تحية ليك شاعرنا مدثر ..حقيقى ابداع .. قصيدة جميلة ومعبرة

والاحساس فيها عالى بشكل آسر.. إهداء اكثر من رائع .. نشكر لطفك واحساسك ..

تقديرى وامتنانى .. شكرا جميلا ..

مشكور استاذ محمد على كلماتك الرقيقة ومرورك الجميل ..شكرا جميلا ..

شاعرية قوية


تسلمي هند


أخذتينا معك في هجرتك


أحمـد

هند نعم يا هند، جَعلْتنا نفرد أجنحتنا لنطير في فضاءآت ما ألفناها لنهتجر معك وأنت تعزفين لحن الهجرة إلى الشطآن الفيروزية .. إلى المنافي الحزينة .. نلعق حنظل الغربة .. نجتر جنين ..وعندما تتعب الأجنحة المحملة بالحزن، نتوقف في محطات الأمل عسى أن تكتب الأقدار موعداً للأوبة .. الهجرة قسراً ألم .. الهجرة طوعاً قهر نفسي.. الحنين معاناة .. والذكريات وجع.. وبين كل هذا وذاك تتحجر الدموع في مقل الرهو والسمبر.. وفي هكذا حال نشتاق إلى نسمة خريفية لتهب عبر الأمواج المتئدة حزناً فالنيل مشتاق لفلذاته الذين إهتجروا إلى شطآن بعيدة وديار غريبة الملامح واللسان.. غربة الأنثى هي غربة الحياة بأكملها.. فالحياة أنثى.. والجنة أنثى.. والسعادة أنثى ، فقد هاجرت تاء التأنيث من لغتنا.. نحن من أرغمها لم نحفظ لها وهجها بين حروف لغة الضاد .. وإدعينا الفضيلة وحراسة القيم .. القيم التي هي حواء .. الأنثى!! لقد عبرت المقاطع الجميلة المليئة بالدفء والحنين عن وجع دفين متجذر في أعماقنا ورغم كل هذا فالشفاه تبتسم ولكن في سخريةً وكأنها في مسرح العبث أو كوميديا سوداء وتراجيديا سفر المغادرة للمجهول .. هل ما زلنا نملك القدرة على البكاء من فرط الألم .. المقاطع تمثل سِفْر الوجع!!

Quote: وبين كل هذا وذاك تتحجر الدموع في مقل الرهو والسمبر.. وفي هكذا حال نشتاق إلى نسمة خريفية لتهب عبر الأمواج المتئدة حزناً فالنيل مشتاق لفلذاته الذين إهتجروا إلى شطآن بعيدة وديار غريبة الملامح واللسان.. غربة الأنثى هي غربة الحياة بأكملها.. فالحياة أنثى.. والجنة أنثى.. والسعادة أنثى ، فقد هاجرت تاء التأنيث من لغتنا.. نحن من أرغمها لم نحفظ لها وهجها بين حروف لغة الضاد .. وإدعينا الفضيلة وحراسة القيم .. القيم التي هي حواء ..

كم انت مرهف الحس ورقيق المشاعر استاذ ابوبكر .. تعتمل بداخلك أوجاع الهجرة مثلى تماما .. كلماتك ايضا هاجرت بى الى دنيا من الشجن ورهافة الحس والشفافية وبعضاً من الآلم وعبرت عن الكثير الذى لم أفصح عنه فى قصيدتى .. امنياتى ان ينتهى هذا الحوار الداخلى المؤلم والمعاناة بالعودة .. أشكر حضورك العذب ..ولحظة الشفافية التى منحتنى
كن بخير ايها الشفيف .. يسلم حنانك .. شكراً بحر..

مشكور استاذ احمد على حضورك الجميل .. تسلم ويسلم الحس المرهف..مودة

طير يا طير وأتحدى الظلمة
شان ما يجيك الصبح أمانى
شان ترتاح فى دنيا جميلة
آمان .. ما تحس بظلم الجانى
دنيا سلام تتنعم خيرها
تداوى نزيف الجرح الدامى ..

Quote: طير يا طير وأتحدى الظلمة شان ما يجيك الصبح أمانى شان ترتاح فى دنيا جميلة آمان .. ما تحس بظلم الجانى دنيا سلام تتنعم خيرها تداوى نزيف الجرح الدامى

تسلمى حبيبه كتير وانشالله يجيك الصبح امانى

إبداع
لا يعرف الفتور



هند


يا ســلام
لو تكفى ..!


ياسلام