الليلة عـيـد ..

العيد فرح والليلة عيد ..
وأنا عيدى بس لحظة تجى
لمن أقول الشوق غلب
والفرقة زادت لهفتى
يبقى الفرح عندى الرجوع
بهجة لقاك يادنيتى
فى الساعه ديك الدنيا عيد
والكون بيوصف فرحتى
صدقّنى ضعتَ مع الشجون
الهّم مسافتك وسكتى
والليل حلف مايخلى باب
يقفل مداخل خطوتى
بالله كيف آحمل أساك ؟
الحيرة غلبت غنوتى
ورينى بس أبداهو كيف
أنا منى ضاعت كلمتى
ما أنتَ أخترت الهروب
مابين عنادك ولهفتى
ووقفتَ زى ضل السراب
واحترتى جد ياخطوتى
ورحلتَ شلتَ الروح معاك
ما قدرتَ أكتم حسرتى
ومشيت وما هماك عذاب
لاقلتَ ترحم دمعتى
خليتنى فى سكة آلم
والذكرى زادت لوعتى
وحلمتَ بيك راجع أكيد
قصدك تخفف حسرتى
ووقفت أرجاك فى الطريق
لحظة رجوعك بهجتى
أسقينى من نور بسمتك
أطفيها نيران حرقتى
ما الليلة قالوا الدنيا عيد
وأنا عيدى بس لحظة تجى ..


هند محمد


كل عام وأنتم بخير ..

وانتي بخير وعافيه

كل عام وأنت بألف خير وصحة وسعادة ايهاب ,,

وربنا يحقق الآمانى ..

مشكور على الطلة الحلوة ..

ويارب ايامنا كلها اعياد ..

ووقفت أرجاك فى الطريق
لحظة رجوعك بهجتى
أسقينى من نور بسمتك
أطفيها نيران حرقتى
ما الليلة قالوا الدنيا عيد
وأنا عيدى لحظة بس تجى ..

هــنـد الـجـمـيـلـة دائـمـاً مـبـدعــة ومـتـآلـقـة ربـنـا يـحـفـظـك

العزيز شهاب ..

كل عام وانت بألف خير وصحة وسعادة ..

ربنا يحقق كل أمنياتك ..

مشكور على الاهاداء الجميل .. شكراً جميلاً ..

أشكرك استاذ هاشم على اللحن الراقى ..

ويارب ايامك كلها افراح واعياد ..

وكل عام كما تريد وتتمنى ..

تسلم ويسلم لطفك .. شكراً جميلاً ..

الجمال فى احساسك شاعرنا هاشم ..

كل عام وأنت بألف خير وصحة وسعادة ..وربنا يحقق الآمانى ..

كل عام والوطن بألف خير وسلام وتقدم ..كل عام والدنيا آجمل ..

مشكور على الاهداء الجميل والكلمات الدافئة ..

أشكر لطفك وحضورك الآنيق ..

شكراً بمقدار ما فيك من احساس وطيبة ..

شكراً جميلاً ..

شاعرتناهند

كل عام وانت بالف خير

العزيز مدثر ..

كل عام وانت بألف خير وصحة وسعادة ..

وربنا يحقق الآمانى ..

مشكور على التهنئة الرقيقة ...

يسلم لطفك ..

العيد بدونك ما هو عيد
شوفتك هي عيدي و منيتي
الناس فرح بهجة و سرور
وانا وحدي كاتم لوعتي
قلت احبس الشوق و الشجون
بالذكرى سالت دمعتي
مستني عيدي فـ يوم لقاك
لمتين تضنّي و تسكتي ؟
يا عيد سعيد طول مجيك
في رجاكِ طالت وقفتي

.
.
.
.


العزيزة هند .. كل عام و انتِ بألف خير ,, و ربنا يحقق كل أمانيكِ ..

كل عام وانت بألف خير وصحة وسعادة ياحسام ..

ربنا يحقق الآمانى ويسعد ايامك

مشكور على التهنئة الرقيقة والمداخلة الجميلة ..

وبرجع ليك يا غالى ..

شكراً جميلاً ..

العزيزة الرقيقة هند..

عيد سعيد وكل عام وانت بألف خير..

كل عام وانتى بألف خير يارجاء ..وربنا يحقق جميع امنياتك ..

مشكورة عزيزتى على التهنئة الرقيقة ..

تسلمى ويسلم لطفك ياغالية .. شكراً جميلاً

مادام حتكتبي شعر جميل زي ده
اريتو ما يجي
جاي ليه
اريتو ما يجي
مادام
ست الجمال
ست الجمال
بتنور قلوبنا
المتعبة
بي كلاما وبهجتها
وحروفا المضوية
نجوماليل شقانا
وواهبا صباح العيد الفرح
اريتو ما يجي
شفت الشعر المخستك ده
لو جا انا بكتب كلام زي كلامك
كل سنة وانت بالف خير وعافية
واجي وافرحك وتكتبي كلام
كلو الجمال

انشاءالله كل ايامك اعياد ياهند

وانشالله ايامك كلها فرح وسعادة يا اشراقة ..

كل عام وانتى بألف خير وصحة وسعادة ..

وربنا يحقق كل امنياتك .. تسلمى ..

عنو ما جا .. كفاية علينا جيتك انت ..

أستاذ السنى ربنا يديك العافية ضحكت لما راسى وجعنى .. هههههه

كل عام وانت بألف خير وصحة وسعادة ..

يارب امانيك كلها محققة ..

طلتك بالجد أبهجتنى ..

تسلم كتير

أديـنى مُهله عشان أفيــق
وأدى الولاءآت للطريق المستحيل
قبل الرفيــق
جمرالدوموع المن منابع خوفى
من أعماق أســاى
ما خانت الوعــد الجميــل
صبحت بحر ما فيــهو قيف
منغرســه بتقطّع حشــاى
ما ظن تقيف
يا منتهاى ..
رجعّلى ضحكة عمرى
أفراحى وغناى
بعرف مســارب الحزن
وإحســاسا الأليف
من شــدة الإرهاف
أنا بقيت منتهى ..
وراجيك عيد

ايامك كلها عيد باذن الله يا هند..

سمعت بيك ..

قبال أجيك

خلينى أبداك بالسلام ..

المرهف فناننا نور ..كل عام وانت بالف خير وصحة وسعادة ...

كل عام وانت أجمل ..

فى ناس فى طلتهم الفرح وهم الفرح ..أنت منهم ..

ربنا يحقق الآمانى ..وتسلم ..

أنا عيدى بس لحظة تجى ..

ويارب دنيتك كلها أفراح يامنى .. دائما بتجيبى الفرح معاك ..

كل عام وانتى بألف خير يا غالية ..

ربنا يحقق كل امنياتك ..

يا الله على روعتك ياداش .. ياخى دائما بقيف أتفرجك أنا ..

كل عام وانت داش .. داش المبدع الانسان وبس ..

كل عام وانت بألف خير وصحة وسعادة وربنا يحقق احلامك ..

أشكر بديع حضورك .. وروعة وسحر كلماتك ..

ياخى ربنا يديك ألف عافية يادهشة ..

* *