ضى نجمة

بيبقى غناى ..
وعد مرسوم على قمرة حفيف صوتك
تعال نتشابا للنجمة
ونتعلم غناوى الليل
هى العارفة الغنا الفرحة
وعندها سر هديل الطير
وتبقى معاى ..
وادسك فى خلايا الروح
ومن رمش العيون غيمة
تبقى الضل تغطيك
وأسرق دقة من الجوف وأحجيَك
وأتحير ..
كيف بصدح غناى الوان ويناجيكََ
وأتقسم فرد مرة
لماترن مواويلك
وأشهق جوة من جواى
أخت أحزانى فى نيلك
يجينى غناك
وأضيع يا إنتا فى الأوزان
غناى يحضن غناويكَ
وبفرح كيف ..
قدر فرح الغريق ..وأسهر
قمر ضواى بناديَك..

أريت باكر يكون أجمل
وأريت باكر يكون عنوان ..


هندمحمد

Quote: وادسك فى خلايا الروح ومن رمش العيون غيمة تبقى الضل تغطيك وأسرق دقة من الجوف وأحجيَك وأتحير .. كيف بصدح غناى الوان ويناجيكََ

هند :
ياريتني لو أقدر أقول فيك الكلام الما إنكتبت ..... فلقد تركتي لنا واحة من الفن والكلمة في عبق الشجن لنستنشق ريحان النغم من حروف اسطرك الشذية .....

دوماً نحن ننتظر من كل جميل .

مودتي


عماد محمود

Quote: هند : ياريتني لو أقدر أقول فيك الكلام الما إنكتبت ..... فلقد تركتي لنا واحة من الفن والكلمة في عبق الشجن لنستنشق ريحان النغم من حروف اسطرك الشذية ..... دوماً نحن ننتظر من كل جميل . مودتي عماد محمود

أخى العزيز عماد
يا أرقى انسان فى الوجود
ياكلمة من لغة السحر
انت البتدى لكل غريق
لحظة شجن
رنة وتر..
الجمال حضور فينا بحضورك الأنيق
الله يديك العافية ويسعد ايامك

Quote: أريت باكر يكون أجمل وأريت باكر يكون عنوان ..

هند...

و تبقين انت النجمة الضوائية
التى تبث ضياءها دايما يالكلمات
الجميلة المموسقة و الشفيفة..

شكرا ليك..

Quote: هند... و تبقين انت النجمة الضوائية التى تبث ضياءها دايما يالكلمات الجميلة المموسقة و الشفيفة.. شكرا ليك..

العزيز محمد عثمان
لا يتلمس جمال القلوب إلا من ارتوى صدقا وفاض جمالا ..
و أنت ِ كذلك وأكثر ..
و انا أكثر من كلماتي سعادة بـ مرورك الغيم ..
دوما اخجل من الرد خشية االتقصير بحقك ايها الراقي بكل مرور

لاعدمتك

مساحات من الود والصفاء
مباشرة من نبض وشريان دعاء





دمت ِ بود ..

حذف للتكرار

الاخ الكريم مجدى
ألف شكر على الاهداء الراقى والبطاقة الجميلة
التحية للطفك وكل التقدير

Quote: بيبقى غناى .. وعد مرسوم على قمرة حفيف صوتك تعال نتشابا للنجمة ونتعلم غناوى الليل هى العارفة الغنا الفرحة وعندها سر هديل الطير وتبقى معاى .. وادسك فى خلايا الروح ومن رمش العيون غيمة تبقى الضل تغطيك وأسرق دقة من الجوف وأحجيَك وأتحير .. كيف بصدح غناى الوان ويناجيكََ وأتقسم فرد مرة لماترن مواويلك وأشهق جوة من جواى أخت أحزانى فى نيلك يجينى غناك وأضيع يا إنتا فى الأوزان غناى يحضن غناويكَ وبفرح كيف .. قدر فرح الغريق ..وأسهر قمر ضواى بناديَك..

شكراً ياهند محمد ,
علي غِنواتك ووعدك ومواويلك فقد جعلتِ فينا مساحة للفرح ..


تحياتي ..

يجينى غناك
وأضيع يا إنتا فى الأوزان
غناى يحضن غناويكَ
وبفرح كيف ..
قدر فرح الغريق ..وأسهر
قمر ضواى بناديَك..
بفرح لمن اشوف ناس
بتشوف الفرح الفي الدنيا
وبتسعد بيهو
ربتا افرخك قدر امانيك
واحلامك
يا فرح

Quote: بفرح لمن اشوف ناس بتشوف الفرح الفي الدنيا وبتسعد بيهو ربتا افرخك قدر امانيك واحلامك يا فرح

العزيز فناننا محمد سنى
مناى الدنيا تبسم ليك
وسنين احلامك الجاية
ويشيل السنبل الاحلام
وتتورد خطاوى الريد
ربنا يفرح كل ايامك ويكرمك بكل جميل
لاحرمنا لطفك

العزيزة هند محمد

ربنا يجعل ايامك كلها غناوي فرح

Quote: العزيزة هند محمد ربنا يجعل ايامك كلها غناوي فرح

الاخ الكريم ممدوح انشالله كل ايامك فرح
أشكر لطفك والامنيات الطيبة وعبق المرور
كن بخير

Quote: أريت باكر يكون أجمل

الاخ الكريم حمور ونحن معك نتمنى

الشكر لك وانت تشاركنا الامنيات وتمنحنا بهجة المرور

واكيد بكرة أحلى

التقدير

Quote: شكراً ياهند محمد , علي غِنواتك ووعدك ومواويلك فقد جعلتِ فينا مساحة للفرح .. تحياتي ..

الاخ الكريم عماد الطيب
صدق لو نغنيلك
بتتشرف قوافينا
نغنى عليك على ذوقك
تعيش تخلد اغانينا
وبرضو نكون ظلمناك
الشكر لك أنت على المرور العذب
التحايا

Quote: بيبقى غناى .. وعد مرسوم على قمرة حفيف صوتك تعال نتشابا للنجمة ونتعلم غناوى الليل هى العارفة الغنا الفرحة وعندها سر هديل الطير

هند الجميلة القصيدة حلوة ولكن المقطع الفوق ده عجبني شديد

معاك ليل السكون أجمل
أعاين فيك و أتامل
جمال الطيبة في عينيك
ونورة القمرة في خديك

Quote: وأتقسم فرد مرة لماترن مواويلك وأشهق جوة من جواى أخت أحزانى فى نيلك يجينى غناك وأضيع يا إنتا فى الأوزان غناى يحضن غناويكَ وبفرح كيف ..

هنا دحيت لنا ياهند بالكلمات ..
لوحة مليئة بالمشاعر الصادقة النبيلة ..
وشاقني أكثر قولك :

Quote: هى العارفة الغنا الفرحة وعندها سر هديل الطير

فأنت تنقعين بهذا البيت وجدان قصيدك ..
وفقك الله .

Quote: لوحة مليئة بالمشاعر الصادقة النبيلة .. وشاقني أكثر قولك : فأنت تنقعين بهذا البيت وجدان قصيدك .. وفقك الله .

أنيق الحرف محمد طه

يكفيني وساما حضورك ياراقي

شكرا للاشادة ووجودك هنا تقرأنى

التحايا

Quote: هند الجميلة القصيدة حلوة ولكن المقطع الفوق ده عجبني شديد معاك ليل السكون أجمل أعاين فيك و أتامل جمال الطيبة في عينيك ونورة القمرة في خديك

شاعرنا هاشم
انا من أمس
صدقنى غالبنى الوصف
وهجك جهر عينى
بسلم واعترف

تحلى ايامك وألف شكر على المرور العذب

أجيلك ياشفيف الــروح
علي وعد الغنا الصــدَّاح
هواك معايا وين ما اروح
يناغم في الهنا الوضَّاح
أسافر ليك فوق الشوف
علي نبع المني النضَّاح
وحات مطــرك ..
وصحرا الجوف ..
وحات جمر الشقا النقَّاح
أغالب في البعاد والخوف
وفي الشوق الرفض ينزاح
فيا فارِع .. مداك في الدم
يصارع في الهوي الفضَّاح
ويا زارِع هواك .. والنم
علي ضفة سنا الإصباح
غُتاك قمر السما الأوسم
علي شجن الجوي الرجَّاح
أجيلك نجماً يتوسَّم
بريق اللقيا والأفراح
أجيلك غيماً يتنسَّم
وتر الأماني الإقتراح
معاي الورده والميسم
معاي الريشه والمرسم
معاي وعد الغنا الصدَّاح.

أنا بتساءل ..
مين أداك تصريح تتجول
تبقى الفكرة الجوة الخاطر
توصل حد الشوق الفطرة
وتمشى معاى فى الزمن الحاضر
مين أداك جواى القدرة
مين خلاك الغيم الماطر
حاجة غريبة الدنيا تشاتر
انا حاساك مشتاق لعيونى
وانا بشتاق لشوقك ماطر
ونفضل نزرع درب الريدة
خطوة بتمشى وخطوة تراجع
ورغم السكة الواحدة فى ريدنا
ما أتلاقينا أقدارنا تمانع
تعرف تهتا
دربك سكة بمليون شارع
ليك مشتافة..
ومامسئولة عيونى تريدك
أنا أدمنتك لهفة خاطر
اتمنيتك زى العافية
وليك بترجى الرب القادر
بينى وبينك
حاجة غريبة الدنيا تشاتر ..!!

شاعرنا فاروق ألف شكر على المداخلة الجميلة وعذب المرور

Quote: ضى نجمة

وماانضر ضياء النجـــوم ..
وما اجمل كلماتك ايتها العزيزه هنـــد.

Quote: غُتاك قمر السما الأوسم علي شجن الجوي الرجَّاح أجيلك نجماً يتوسَّم بريق اللقيا والأفراح

اخي فاروق أبوحوه ,وعدك للغناء الصداح..
صادح بالابداع , ومدوزن نغــم ..

حبابكــــم.

_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور

Quote: وماانضر ضياء النجـــوم .. وما اجمل كلماتك ايتها العزيزه هنـــد.

حبابك مليون اخى شهاب والضياء صاحب حضورك الانيق
ماتراه من جمال ينبع من دواخلك النقية
ممتنة للطف والمرور الدافئ
شكراً جميلاً

Quote: وأسرق دقة من الجوف وأحجيَك

هندوية ....

صباحات حرفك الندية

ما بين حرفك والفرح والامل والفال الحسن حكايات

تطرد سحب حزني لتقيم

همسة :

شكرا يا هندوية على جرعة الامل دي

استازة هند سلا مات

قصيدة جميلة

ويسلم ابداعك

Quote: استازة هند سلا مات قصيدة جميلة ويسلم ابداعك

ألف شكر شاعرنا مدثر
الجمال فى احساسك
ومابينا القاب يا اخى
تسلم كتير

Quote: هندوية .... صباحات حرفك الندية ما بين حرفك والفرح والامل والفال الحسن حكايات تطرد سحب حزني لتقيم همسة : شكرا يا هندوية على جرعة الامل دي

العزيزة منى أسعد الله أوقاتك بكل خير ويارب كل صباح جميل صباحك
الشكر لكى انتى عزيزتى على المرور الكريم والكلمات الدافئة
لاحرمنا لطفك وتسلمى كتير

حيثما تكونين

تكون الروعة

عشان خاطر عيون باكر
سلام لحِسك الماطر






عاطر التحايا

Quote: بيبقى غناى .. وعد مرسوم على قمرة حفيف صوتك تعال نتشابا للنجمة ونتعلم غناوى الليل هى العارفة الغنا الفرحة وعندها سر هديل الطير وتبقى معاى .. وادسك فى خلايا الروح ومن رمش العيون غيمة تبقى الضل تغطيك وأسرق دقة من الجوف وأحجيَك وأتحير .. كيف بصدح غناى الوان ويناجيكََ وأتقسم فرد مرة لماترن مواويلك وأشهق جوة من جواى أخت أحزانى فى نيلك يجينى غناك وأضيع يا إنتا فى الأوزان غناى يحضن غناويكَ وبفرح كيف .. قدر فرح الغريق ..وأسهر قمر ضواى بناديَك..

وبعدين معاك يا هند !!

انت ما ناوية تجيبيها البر مش كده ؟



طرب حد الادهاش


وبرضو...


يعجز الوصف ان يضاهي هامة هذه القصيدة


شكرا يا شاعرة بقامة سامقة


لي عودة

Quote: وبعدين معاك يا هند !! انت ما ناوية تجيبيها البر مش كده ؟ طرب حد الادهاش وبرضو... يعجز الوصف ان يضاهي هامة هذه القصيدة شكرا يا شاعرة بقامة سامقة لي عودة

شاعرنا محمد خليل الف شكر على الاشادة ودفء الحضور

كلماتك دافع للمواصلة ولطفك اكثر من جميل ومعبر

ممتنة وتسلم كتير

Quote: عشان خاطر عيون باكر سلام لحِسك الماطر

الاخ الكريم حسين مليون سلام وألف تحية للطفك واحساسك

مشكور على المرور الجميل

Quote: حيثما تكونين تكون الروعة

الروعة فى وجودك هنا وحضورك العذب
دكتور محمد تسلم كتير

Quote: بيبقى غناى .. وعد مرسوم على قمرة حفيف صوتك تعال نتشابا للنجمة ونتعلم غناوى الليل هى العارفة الغنا الفرحة وعندها سر هديل الطير وتبقى معاى .. وادسك فى خلايا الروح ومن رمش العيون غيمة تبقى الضل تغطيك وأسرق دقة من الجوف وأحجيَك وأتحير .. كيف بصدح غناى الوان ويناجيكََ وأتقسم فرد مرة لماترن مواويلك وأشهق جوة من جواى أخت أحزانى فى نيلك يجينى غناك وأضيع يا إنتا فى الأوزان غناى يحضن غناويكَ وبفرح كيف .. قدر فرح الغريق ..وأسهر قمر ضواى بناديَك..

يا سلاام يا هند يا سلام

وفي دي

Quote: وأشهق جوة من جواى

ياسلااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام(مش قلت ليك انتي وردة)

الاخ الكريم امير

الضوء لايضاهيه سوى الشمس ..
وحضورك نورٌ على نور ..

دمتِ كبير .لك الوردة



وخالص الشكر

الأديبةُ / هند محمَّد ..

ما جملَها منْ دَفقـةٍ ؛

وما ألطفها من معانٍ شجيَّـة ؛

ومَا أنداهـا من حَنانْ ..

هند ..

لكِ الوُدُّ الَّذي لا يفيقُ أبدا ..


احتراماتي الشَّديدة ..



أخوك أبدًا / محمَّد زين ...
_____________

Quote: الأديبةُ / هند محمَّد .. ما جملَها منْ دَفقـةٍ ؛ وما ألطفها من معانٍ شجيَّـة ؛ ومَا أنداهـا من حَنانْ .. هند .. لكِ الوُدُّ الَّذي لا يفيقُ أبدا .. احتراماتي الشَّديدة .. أخوك أبدًا / محمَّد زين ...

اخى الفاضل الاديب محمد زين
تَبتَسِمُ اسمى المعَاني بِحضورك
وَتبقى في رَبيعِ الاسطُرِ رَبيعاً ..
على جناح الشوق تلتقي قلوبناهنا
وعبر فضاء الكلمة الواسع
والأدب الراقي
فلامعنى إلا بتواجدكم
ولاجمال يكتمل إلا بمروركم
فبكم تتسع المساحة
ومن نبضكم تحياالحروف والمعاني
وبكم يسمو الأدب
وهنيئاً لى بقلوب كقلوبكم
"""
"""
ود لاينتهي
ونور

هسى اقوم انزل بوست واقول لاقيت ليكم (هند محمد)


يا سلام فعلا وردة وفعلا رقيقة وتشبه كلامها


اناسعيدة بيك جدا


(بركة بالشوفة)

Quote: هسى اقوم انزل بوست واقول لاقيت ليكم (هند محمد) يا سلام فعلا وردة وفعلا رقيقة وتشبه كلامها اناسعيدة بيك جدا (بركة بالشوفة)

الغالية انعام يشهد الله انى حبيتك
لافى زيك لاشبه ساكت يقارب
لامشيك بتقيسو ثانية
لاوشيك فى وحدة تانية
حتى ريدك ماهو زى باقى التجارب
لو مسكت الريشة أرسم
او مليت الموج كتابة
ما اظن اقدر اوصف
لمحة من بينات ملامحك

بتعرفى لما تلاقى وطن فى زول
ده احساسى يوم لاقيتك
الفرحة بيك
كيف بوصفها...
حاجة زى مطر السحابة

البركة مليون بالشوفة وكان يوم اخضر والود نيل جارى والجايات اكتر
وبكرة معاك وبيك أجمل ..
الف شكر ياست الناس وتسلمى كتير

رائع يا هند

تحياتي


أحمـد

Quote: رائع يا هند تحياتي أحمـد

الاخ الكريم احمد
الروعة فى احساسك ووجودك هنا تقرأنى
مليون تحية لشخصك الكريم ومرورك الدافئ
لاحرمنا لطفك

*

تعرفي يا هند

وأشهق جوة من جواى
أخت أحزانى فى نيلك


تشبيه الزول بالنيل هو في قمة الإعتماد على صفا الإنسان و جريانو غير آبه بالمخاطر و في جريانو بيوزع الخير يمين و شمال لا بيشكي لا بيبكي لا بيتألم لا بيتوجع ..
وضْع الحزن في نيل الزول .. معناها الزول دة منبعو عالي .. و واديه أخضر و مصبو بيسع كل شيء حتى الأحزان

يا زولة

عفوا ما قلت ليك سلام مربع و القومة لحرفك

Quote: يا سلام فعلا وردة وفعلا رقيقة وتشبه كلامها

ياسلااااااااااام .. شفتي بت حيمورة دي عبرت عنك بعفوية كيف؟
فعلا الروعة تسكن في كلماتك الملحنة؟؟ هي اغنية عالية الموسيقي
والجمال .. ربنا يخليكي :

Quote: بيبقى غناى .. وعد مرسوم على قمرة حفيف صوتك تعال نتشابا للنجمة ونتعلم غناوى الليل هى العارفة الغنا الفرحة وعندها سر هديل الطير وتبقى معاى .. وادسك فى خلايا الروح ومن رمش العيون غيمة تبقى الضل تغطيك وأسرق دقة من الجوف وأحجيَك وأتحير .. كيف بصدح غناى الوان ويناجيكََ وأتقسم فرد مرة لماترن مواويلك وأشهق جوة من جواى أخت أحزانى فى نيلك يجينى غناك وأضيع يا إنتا فى الأوزان غناى يحضن غناويكَ وبفرح كيف .. قدر فرح الغريق ..وأسهر قمر ضواى بناديَك.. أريت باكر يكون أجمل وأريت باكر يكون عنوان ..

Quote: هسى اقوم انزل بوست واقول لاقيت ليكم (هند محمد)

وين وين يا بت حيمورة ؟؟؟


الرسول فوقك

أشوف الماضي فيك باكر... أريت باكر يكون هسه.

يا سلام عليك يا هند

يا شاعرتنا الجميلة

منتهى الجمال والله

وروعة تتمدد في شواطئ بحر ابداعك الطويل

لك الود نجمة وحقل نخيل

Quote: تعال نتشابا للنجمة ونتعلم غناوى الليل

شكرا هند..

ومزيدا من رسم الحروف ...

لتعلمنا همسات..

ووشوشات..

وانغام..

والحان..

وحكاوي الليل..

وما اجمل غناوي الليل..

التلاقي

في سكون الليل...

ايا كان الزمان..

صيفا ام ربيعا..

شتاءا ام خريفا..

وماذا عن المكان...

لايهم ...

مهما كان..

ساجد فيه سكون الليل..

وجمال نجومه..

واغانيه..

تنساب لحنا سلسبيلا.

وكيف اكون..

والناي يغني لها..

لحن المساء..

يترجم اهات من عرف الهوي..

فانساب لحن طروبا شجيا..

وكيف اكون..

ان سطع القمر...

واطلت علينا نجومه..

وغمر المكان نشيده ..

اتري اناملي تواصل..

عزف الحان الهوي..

ام انني لله..

اخر ساجدا وبكيا..

خبرني وانك تدري..

ما فعل بك الهوي..

فاصبحت لليل ..

وقمره ونجومه..

راهبا وشاعرا ابديا..

ويا لها من محظوظة..

ام انك محظوظ بها..

ام تماذجا الحظان..

فاصبح نشيدا ابديا..

فخبرني .. بالله عليك...

عندما ياتي المساء..

وتطل علينا نجومه..

موشوشة..

هامسة..

مرتلة..

اغاني الليل....

الاخ الكريم مجدى الشيخ
اتت كلماتك المتدفقة .. منعشة كشلال من الروعة ..
ينساب بعفوية .. ليتخلل ثنايا احرفي ..
و ينعشها ..
ليقلب الوانها الى ألوان ربيعة ..
كأجنحة فراشات تتثاءب .. فوق وردة غرقت في بحر نداها ..

هل قلت لك شكرا؟


لا


اذن

شكرا لعطر مرورك


امتناني

Quote: يا سلام عليك يا هند يا شاعرتنا الجميلة منتهى الجمال والله وروعة تتمدد في شواطئ بحر ابداعك الطويل لك الود نجمة وحقل نخيل

شاعرنا سيد الحرف والقافية المعز
مشدوه الزمن الكحل
عين الشجن الفاردة رموشك
مشلول الخاطر لما يبادر
يملأ الشوق ويسامى عروشك
النسمة العابرة تحت صفقاتك
وناوية تهز رقراق الشدرة
بتطفى النار تتمدد

الروعة فى وجودك هنا تقرانى وتمنحنى الدعم وبهجة الحضور
شكرا لحضور بطعم الدهشة
لاحرمنا لطفك

Quote: أشوف الماضي فيك باكر... أريت باكر يكون هسه.

واريت باكر يكون أجمل
الاخ الكريم فيصل ربنا يحقق الامانى
شكرا على الطلة
الود وكن بخير

Quote: وين وين يا بت حيمورة ؟؟؟ الرسول فوقك

بالنيابة عن بت حيمورة اجاوبك
التقينا فى مقر عملها وكان أجمل لقاء حقيقى والله
اشكرك اخى محمد على اهتمامك والطلة من جديد
تسلم كتير

Quote: ياسلااااااااااام .. شفتي بت حيمورة دي عبرت عنك بعفوية كيف؟ فعلا الروعة تسكن في كلماتك الملحنة؟؟ هي اغنية عالية الموسيقي والجمال .. ربنا يخليكي :

الاخ الكريم بهاء ربنا يخليك ويخلى كل حبايبك

الروعة فى احاسيسكم المرهفة التى تستشعر كل جميل

ممتنة للمرور العذب ولوجودك هنا بين أحرفى المتواضعة

شكرا نقياً مثلك

Quote: تعرفي يا هند وأشهق جوة من جواى أخت أحزانى فى نيلك تشبيه الزول بالنيل هو في قمة الإعتماد على صفا الإنسان و جريانو غير آبه بالمخاطر و في جريانو بيوزع الخير يمين و شمال لا بيشكي لا بيبكي لا بيتألم لا بيتوجع .. وضْع الحزن في نيل الزول .. معناها الزول دة منبعو عالي .. و واديه أخضر و مصبو بيسع كل شيء حتى الأحزان يا زولة عفوا ما قلت ليك سلام مربع و القومة لحرفك

العزيز ابو جهينة سلام الله يغشاك كل حين ووين ماتكون..
أدهشتنى هذه القراءة الجميلة للارواح خلف الصور والسطور
النيل دنيا .. قوى عذب بلا نهاية ..من أجمل التشبيهات فى دنيا الشعر
ويبقى هو السمة المميزة عند الكتابة فى الوطن
التشبيه هنا يفيد القدرةعلى محو الاحزان وغسلها والعصف بها
ليس هناك من هو اقدر من النيل على ذلك
أشكر لطفك وجمال وعمق الملاحظة والمرور العذب الراقى
شكرا جميلاً

ياسلام يا هند ياخ نص يخلي شعرة جلد الزول تكلب

النص دا زكرني حاجات حلوة

يديكي العافية












مع ودي

Quote: ياسلام يا هند ياخ نص يخلي شعرة جلد الزول تكلب النص دا زكرني حاجات حلوة يديكي العافية

الاخ الكريم ياسر
ألف مرحبا بعذب الحضور وشكرا على الاطراء
سعيدة ان لامس النص احاسيسك فهذا يعنى انه جيد وقابل للتذوق
يديك الف عافية وشكرا على المرور

طعم صوتك ...
بعرفـــو بــراي
فيا ضُــلي الملازمني
تعال قبل النظر فى الشوف
معاك لا بقدر أستناك
ولا النجمه البتضوي سماي تجاملني
تشيلو غناي ..
يكون حاصل مداك معروف
تعال علمني معني الشوق
وعن سيرة البنات إتمكنن في الجوف
حلف نبض الغرام يلقاك
وما يفوتك ...
نتح عرق الكلام بارود
سكت قبال يهادنّي
عرف معني السكات والخوف
رجع صوت الحنين ممدود
تعال مسروق
من الكمّ الشحيح دوباي

العزيز داش
أريت ياغالى تبسم ليك
سنين احلامك الجاية
وتتورد خطاوى الريد
تفرهد ليك الوانها
ويشيل السنبل الاحلام
ويرسم ليك ريد وهيام
وضى النجمة يتدفق
ويمسح كل ليل وظلام
وتبقى الفرحة ضل وارف
فى زمن المحل نديان
منو الغيرك بيستاهل
منو الغيرك رضى وشاكر
منو الخلانا فى عيونو
أمانى وفرحة لباكر ..

الف شكر على المداخلة العذبة الأنيقة
امنياتى لك بالسعادة دوماً وبكل جميل
كن بخير..

هندوية البت الضو

أغبطك على ملكتك فى الكتابة باللغة العامية
لغة ساهلة طاعمة تصافح القلوب بكل عفوية


أمنياتى لك بمزيد من الأشراق

Quote: كيف بصدح غناى الوان ويناجيكََ وأتقسم فرد مرة لماترن مواويلك وأشهق جوة من جواى

كلمات رائعة يا هند

نابعة من إحساس صادق وملكة شعرية مبدعة
النجمة دائما هنالك فى بعدها ترشد المسافر
فى الطريق .. وتؤانس المسافر فى سحر ليل
السمر والعواطف .. مضيئة سهد الليالى
وملهمة الشعراء .. فأحيانا تبقى نجمة صعب وصولها
وأحيانا لا تقل أنى بعيد فخيال الشعر يرتاد الثريا

Quote: كلمات رائعة يا هند نابعة من إحساس صادق وملكة شعرية مبدعة النجمة دائما هنالك فى بعدها ترشد المسافر فى الطريق .. وتؤانس المسافر فى سحر ليل السمر والعواطف .. مضيئة سهد الليالى وملهمة الشعراء .. فأحيانا تبقى نجمة صعب وصولها وأحيانا لا تقل أنى بعيد فخيال الشعر يرتاد الثريا

الاخ الكريم نادر
الروعة فى احساسك ووجودك هنا تقرأنى
حضورك المميز
بين اوراقي
سيبقى عالقا بالذاكرة أبد الحرف
شكرا لعذب المرور ولاحرمنا لطفك

أنيقة الحرف روزمين

الف شكر على الكلمات الطيبة وعذب الامنيات

ومابين العامية والفصحى مايهم هو فقط الاحساس

الاحساس الذى يوصل المتلقى عند مطالعة حرفك

وانت تكتبين باحساسك

ممتنة للحضور الجميل

كونى بألف ألف خير

العزيز محمد عثمان شكرا للطف واللحن العذب
والاحمل حضورك الانيق..
دمت فينا بذات الطيبة والنقاء
تسلم كتير

Quote: وأتقسم فرد مرة لماترن مواويلك

سلامات ياحسام

معقولة تزورنا وتطلع من غير ماتسلم

تشكرات على المرور الصامت

الأستاذه هند

قرأت ما تكتبين . .

فطربت . . طربتُ

Quote: بيبقى غناى .. وعد مرسوم على قمرة حفيف صوتك تعال نتشابا للنجمة ونتعلم غناوى الليل هى العارفة الغنا الفرحة وعندها سر هديل الطير وتبقى معاى .. وادسك فى خلايا الروح ومن رمش العيون غيمة تبقى الضل تغطيك وأسرق دقة من الجوف وأحجيَك وأتحير .. كيف بصدح غناى الوان ويناجيكََ وأتقسم فرد مرة لماترن مواويلك وأشهق جوة من جواى أخت أحزانى فى نيلك يجينى غناك وأضيع يا إنتا فى الأوزان غناى يحضن غناويكَ وبفرح كيف .. قدر فرح الغريق ..وأسهر قمر ضواى بناديَك..

طربتُ

فكتبت ما تقرأين


بيبقى غناى ..
أمل جوّايا بس لو يوم ألاقيكِ
تعالي نصاحبا القمرة
ومن ضي نوره نتعلم
هي بتسكّن مواجعنا
عشان ما نشقي نتألّم
وتبقي معاي . .
وتسكني في العميق جواي
ويعزف قلبي ليك صوت ناي
ويهديك يا خليلة الروح
فرح أجمل من اللولاي
وأتحيّر . .
كيف ترجمتي لي جواي
وإنفرط الكمن في الجوف
لحن وحروف . .
يناغمن في مواويلك
ويدفر سيل علي نيلك
ويجينى غناك
وأتوه في حرفك الوناس
يفيض فيني وأقول للناس
وأحكيلن فرح أجمل
محال . . ما توصفو الكلمات

Quote: أريت ياغالى تبسم ليك سنين احلامك الجاية وتتورد خطاوى الريد تفرهد ليك الوانها ويشيل السنبل الاحلام ويرسم ليك ريد وهيام وضى النجمة يتدفق ويمسح كل ليل وظلام وتبقى الفرحة ضل وارف فى زمن المحل نديان منو الغيرك بيستاهل منو الغيرك رضى وشاكر منو الخلانا فى عيونو أمانى وفرحة لباكر

شاعرتنا هند سلامات

اجمل نص عجبني شديد

وفيهو روح صدق احساسك

كل التوفيق

تيف تيف

الاخ الكريم الشـــاعر عمار الهادئ اسعد الله أوقاتك بكل خير

أهنيك على قصيدتك الجميلة والتى تعدى جمالها النص الاصلى وملكتك الشعرية المبدعة

انت شاعر ياسيدى الفاضل وشاعريتك لاتخطئها العين ..اكتب واملأ المساحات بالوضوح

ممتنة للمداخلة الجميلة والتى بحق زينت البوست وعطرته،

واطربتنى وأدهشتنى بعذوبتها..

الف مرحب بيك فى سودانيز اونلاين اضافة جميلة ورائعة لنا

ولاحرمنا لطفك

شكراً جميلاً كمرورك

الأستاذه الشاعره - بشهاده الكثيرين - هند

Quote: أهنيك على قصيدتك الجميلة والتى تعدى جمالها النص الاصلى

لا أوافق إطلاقاً

لأنه عندما تتستطيعين إن تترجمي دواخلك نصاً شعريا يعجب الناس وأكثر من ذلك يحرك فيهم محاولة الكتابه فهذا شئ فوق العاده أنا أقل قامة منه

فأكتبي أنتِ وأكتبي


إحتراماتي

الاخ الكريم عمار تخوننى الكلمات

غمرتنى بلطفك وتقديرك ، تقديرك والكثيرين كماقلت وسام فخر اعلقه على صدرى

ممتنة لهذه الكلمات الكريمة منك والمرور الأجمل

لك التقدير مثله واكثر

وكل الاحترامات

مودتى

Quote: شاعرتنا هند سلامات اجمل نص عجبني شديد وفيهو روح صدق احساسك كل التوفيق

شاعرنا مدثر سعيدة باعجابك فهو يعنى انه جميل وقابل للتذوق
الف شكر على المرور العذب والاشادة الجميلة
كن كماعهدناك بذات القلب والروح النقية
مودتى

Quote: وأضيع يا إنتا فى الأوزان

كلام...كلام يجهجه

Quote: كلام...كلام يجهجه

سلامات اخ طارق واشكر مرورك الكريم

هو كلام لايعدو كونه خيال شعرى

ربنا مايجيب جهجهة

التحايا والتقدير

هند

صفحة مشرقة على هامش الكلمات
مفردات تضىء ظلمة الاعماق
مااجمل واروع ان نجعل كل مافى ذاتنا
للكلمة المموسقة المدوزنة الهادئة..






_______________________________

هند .....دواخلك جميلة ....






كونى بخير










وكونى ذات صباح

Quote: هند صفحة مشرقة على هامش الكلمات مفردات تضىء ظلمة الاعماق مااجمل واروع ان نجعل كل مافى ذاتنا للكلمة المموسقة المدوزنة الهادئة.. _______________________________ هند .....دواخلك جميلة .... كونى بخير

العزيزة ناهد
يزداد بوح المشــآعر فخرا بتواجدك
وسنبقى هكذا ..!!


ما بدأ جميلاً
لابد أن يكتمل
تتوارى ملامحي
احتراماً لحرفك



آخرآ وليس آخيرآ ..
تقبلي مني باقــه ورد .. عطرهــا الود ..

الاخ الكريم ابراهيم ابرسى

شكرا للمرور العذب واهدائك المعبر الرائع

لاحرمنا لطفك

التحايا والتقدير

ويرتد بصري كرتين
وتشرقين
ونبيزك يتمركز حسي
فيصيبني مايصيب
لك الله

Quote: ويرتد بصري كرتين وتشرقين ونبيزك يتمركز حسي فيصيبني مايصيب لك الله

هدوء رائع يرافق حروفك اعجز عن وصفه بدقه
فجميلٌ أن تبقى الحروف
شهادة بحقّ أصحابها
واطلا لتك وحدها تكفي عن آلافِ الكلمات
التي لها منى شكر جزيل
مودّتي واحترامي
راقنى الاطراء العذب
شكرا جميلاً

نجمة ضواية...
..........
.........
........
.......
......
.....
....
...
..
.
شكرا هند..علي ضئ النجوم..
ونبض الحروف..
لكي..كل الود
..

Quote: شكرا هند..علي ضئ النجوم.. ونبض الحروف.. لكي..كل الود

الاخ الكريم هوارى
يطيب لي اهزجة النور حين
تتويجك متواضعتي
شكرا اذ استصغت أحرفى
دمت بطيب
الود نيلين

ليت أرسم حرفك
واستعير اللون الكناية
يا لفداحة عجزي ونصاب الكتابة

Quote: ليت أرسم حرفك واستعير اللون الكناية يا لفداحة عجزي ونصاب الكتابة

لامجد للحرف الا بكِ
.كان لمرورك العذ ب صدى....
ولحروفك الصادقه مدى ..
شكرا على هذا التشريف لحرفى
حضورك المميز
سيبقى عالقا بالذاكرة أبد الحرف.
لك الاماني