شكر وتقدير

الاخوة والاخوات من بورداب الخرطوم وبورداب خارج الخرطوم
سعدت جدا بلقياكم فى تلك الامسية الجميلة بدار الاستاذة
الفنانة اسيا ربيع وليلة من ألف ليلة وليلة بجمالها


انعام حيمورة ألف شكر عزيزتى على اخطارى بدعوة الاستاذة اسيا الكريمة
وموعد ومكان الحضور ، افتقدنا حضورك الطيب حقيقى
متنة عزيزتى ولاحرمنا لطفك



الانسانة الراقية احساسًا وحضوراً وفنًا اسيا ربيع شكرا على تلك الامسية الجميلة
وعلى اللطف وكرم الوفادة والضيافة..
سعدت جدا باقتسام تلك اللحظات الجميلة معاكم
ودامت الافراح والليالى الملاح بداركم ودامت دياركم عامرة
تسلمى كتير



اعلاميتنا المتميزة نادية عثمان كنتى النجمة بلطفك وحضورك القوى
وسعدت جدا بالتعرف الى شخصك الكريم وتواصلك العذب
وبينا الود دايما ..



منى خوجلى تمام زى مابنقرأ عنك ياراقية وتستاهلى كل احترام ومحبة كل البورداب
سعدت بلقياك وصحيح تتحبى
وبينا الود والتواصل بأذن الله
يديك الف عافية


تحية عذبة لاشراقة حيمورة و للاخوات شقيقات الاستاذة اسيا والاخوات منال خوجلى وزينب وكل
من فاتنى ذكره / ذكرها وخانتنى الذاكرة



تحية ود وشكر وتقدير للاخوة
السمؤال بدر الدين
قمر بوبا
حمور زيادة
خالد محجوب المنسى
محي الدين جبريل
ناذر الخليفة
عبد الوهاب الحاج
ابوساندرا
دكتور كوجان
العوض المسلمى
سعدت بلقياكم والقامات الشعرية نجوم الامسية وكل من التقيته تلك الامسية
شكرا للقاء الجميل
وبينا الود

شكر خاص للعزيزة اشراقة حيمورة ومرافقتها الطيبة منذ لحظة وصولى
سعدت جدا بلقياكى عزيزتى
الله يديكى العافية وتسلمى كتير

تحياتي شاعرتنااستاذةهند
سعدنا بلقاؤكم ايضا

وسعدنا بلقاء المنسي
اشراقة حيمورة
العوض المسلمي
و عبدالوهاب
مني خوجلي
وآخرين







وللاستاذة اسيا ربيع التحية


كونوا بخير

الاستاذة هند محمد ..
سعدت جدا بذلك اللقاء و شرُفت به للغاية
لك كل الود و التحايا يا جميلة الحرف

الكاتب المتميز حمور زيادة
كتاباتك وجمالها وعمق الوضوح والفكرة الهادفة كانت أحدى نقاط حديثنا فى تلك الأمسية
قبل حضورك ..لك أن تتخيل سعادتنا بقدومك ولقياك
شكرا لقلمك الجميل وحضورك الأنيق
ومابينا ألقاب ياريت تعفونا منها انت وقمر بوبا
اعتذارى العميق للاستاذة اسيا وكل الحضور على الانصراف المفاجئ لظرف قاهر
كل الود والتقدير وتسلم

الأخ الكريم قمر بوبا
مليون تحية للطفك واحساسك
سعادتى بكم اكثر
ألف شكر وتسلم

العزيزه هند لك كل الشكر

حقيقة الاجازه كانت قصيره ومليئه بالمشغوليات بس.........

المهم رغم قصر اللقاء ولكنه ممتع وانتي اختفيتي قبل ما نقول حاجه

الجايات اكتر لو الواحد حي

لك كل الشكر حتي نلتقي

ك

سلامات دكتور كوجان والشكر لك انت ولكل الحضور وسعدت بلقياكم والله
وانشالله نلتقيكم مرات ومرات ويجمعنا الود وجمال القوافى والحروف الأنيقة
حضرت باكرا منذ السادسةحسب الموعد المعلن
قبل انصرافى طلعت لمكالمة هاتفية حاولت الدخول بعدها لم أجد فرصة لازدحام المكان عند المدخل
تزامن هذا مع وصول صديقتى لاصطحابى فاضطررت للمغادرة للعجلة ومضطرة
بعون الله نلتقيكم مجددا وبمشيئته
خالص الود والتقدير لك وللجميع

لمّة كده كانت ناقصاني أنا وانعام
ولا كيف؟؟


ربي يديم المحبّة

سلامات ياتماضر والله كانت ناقصاكم بالجد
ماتتخيلى مدى الحسرة لعدم تمكنى من مقابلتك انتى وجعفر وساتى وكل الحضور فى
ذلك اليوم..
نقول مالينا شوفة وقسمة نلقاك المرة دى لكن الجايات اكتر بأذن الله
الف شكر على لطفك والمشاركة وانتى دائما حاضرة بروحك الطيبة
الود نيلين

كان مفروض يكون عنوان البوست كدة يا هندوية

لاقيت ليكم البورداب ..


هههههههههههه



والله يا هندوي كل الناس الجات يوم داك ديل انا كلمتهم وكمان وصفت ليهم وشي تلفونات وشي مسجات ..

بس كنت مع الوالد في الدكتور اليوم داك ما كان في طريقة اجي اصلا ..

و بعد رجعت تابعت السهرة عبر التلفون والكل بضرب يسأل عني وعن ابوي والله ربنا ما حرمنا من بعض . ..

واسيا رغم تعبها وضيوفها اتصلت بي والله ..


خلاص جية اسيا الجاية انا طالباها تعيد لي البرنامج وحا تعيده انا متأكدة ..


ياخ انتو ناس حلوين




هندوي انا طبعا سعيدة جدا بمعرفتك بس خليك حربية شوية تلفون بس وتكوني جاهزة طوالي



وشكرا ليك انتي والله

سلامات نعومة
وألف سلامة للوالد ومايشوف شر عمره ويارب يكون بلغ تمام الصحة
واللوم يجى بالغفلة زى مابقولوا ..ربنا يشفيه وألف سلامة
أسيا زولة جدعة وصاحبة كلمة ومادام وعدت بتوفى واكيد ساعتها بوجودك حتكون أروع
وانتى اول زول تعرفت عليه وقابلتو وجها لوجه فى سودانيز وبالجد معزتك غيير
يديك ألف عافية انتى والوالد يارب ويخليكم واناجاهزة بأذن الله
لوماوقفت بينا الظروف ..
تسلمى وكل الحب والله

Quote: كان مفروض يكون عنوان البوست كدة يا هندوية لاقيت ليكم البورداب .. هههههههههههه

هههههههه

لكن كده ماببقى كشف حال اسفيرى وعلى الهواء مباشرة

نقول يادوب القسمة جات نتلاقى وقبلها ربنا ما اراد

جد كان لقاء جميل وناس حلوة جوة وبرة

شكرا استاذة هند
نحن كنا اكثر سعادة بلقائك
ونورتي الليلة والله
ونتمنى ان يمتد التواصل

الراقى عبد الوهاب الليلة كانت منورة بوجودكم
انشالله يمتد التواصل ولينا اكتر من لقاء ولقاء
ويجمعنا الود والروح الطيبة
ألف شكر وحقيقى معرفة امثالكم قيمة وجمال واضافة
تسلم كتير

هند..

الف حمد لله بالسلاامة..

كنا حاضرين فى اللمة دى....

الاخ العزيز محمد عثمان

كنت حاضر وين ؟ بالجد خسارة ما افرزك بين الحضور ولا حد دلانى على شخصك

يجوز تكون وصلت بعد انصرافى عشان كده ما التقينا لكن لو انت مقيم فى الخرطوم

اكيد حنتقابل بأذن الله وضرورى نشوفك ..بالجد الواحد حابب يتعرف على كل البورداب الهنا

وفرصة طيبة نلتقيهم ..ليك التحايا ولحضورك الأنيق وبعون الله نلتقى

كل الود والتقدير وتسلم

الشاعرة الجميلة هند
نحن الاسعد بي لقاء صاحبة الاحرف الجميلة

وكنا لا نعلم بوجودك بننا
نتعشم لقاؤك دوما
تسلمي

السمؤال سعدت جدا بالحوار الجميل واللى بيكشف عن ثقافة ووعى عميق

والأهم الروح الطيبة

ألف شكر وبينا أكتر بأذن الله ويمتد التواصل

ممتنة لكلماتك وسعدت بلقياكم جميعا

ألتحايا وخالص الود والتقدير

الحبيبة هندوية

انا جيت حسه لقيت خليتي لي همسه

شكرآ جزيلآ على الحس وعمق الشعور

والله انا كنت فرحانة وكأن العالم الجميل بأكمله هبط فجأة فى صحن دارى

واصدقك القول لم اعرف طعما للفرح قريبا بهذا المذاق ايتها الطيبة الجميلة الشفيفة

يلا شوفى الفرح نبدا بعمك ربيع ( ابوي ) والشاعر العظيم هاشم صديق.. اول مرة اشوف هاشم( يبشر )

العزيزة أسوية الشكر ليك انتى ياكل الطيبة على اللمّة الرائعة

وعلى الفرح والسعادة الغمرتينا بيها فى الليلة ديك

قلال الناس اللى بجيدو صناعة الفرحة ورسم الابتسامة

انتى منهم ياراقية ..

ولانك مابتعرفى غير تكونى كده لسه مواصلة حرفتك واتحفتينى بأجمل صورة

وأروع تذكار للامسية ..

صورة تجمع عم ربيع اللى حبيناه من قلوبنا والله

والرائع هاشم صديق

شفتى كيف الفرح عندك مطرة ..

انشالله كل ايامك افراح وتسلمى على الصورة الجميلة والحضور العذب

يديك العافية يارب

يا هند سلامات

الله يخلي آسيا ربيع جمعت كل الحبان في اليوم داك

كنت موجودة هناك بس باين مالينا حظ نقابلك

العزيزة انعام سلامات

الظاهر اتعقبنا ليلتها لكن بعون الله نلتقى

بيك وبمحمد عثمان وبباقى البورداب هنا

وحقيقى أسفت لعدم لقياكم لكن بأذن الله الجايات أكتر

وخيرها فى غيرها ..

خالص الود والتقدير ولينا أكتر من لقاء ولقاء ويجمعنا الود

تسلمى