ظنون ..

ما قلتَ ليك أنا بيك بكون ..
وما ببقى من غيرك أنا
أنا ليك دوزنت الحروف
شديت كمان وتر الغنا
رسلتَ ليك مطر الغمام
يرسم خطاك ويحضنها
وكتبتَ ليك أشواقى ريد
وصيت دموعى تلحنها
وسرحت فى الغيمات هناك
أتذكر اللقيا الهنا
سبّحتَ لخاطر مجيك
وشتلتَ ازهار المنى ..


ما قلتَ ليك أنا ريدى ليك
أشواقه باقية مع السنين
لا الفرقة طَفَت نار هواى
لا الحيرة بدّلت الحنين
أدمنتَ خاطر إنى ليك
مالكنى ريدك مستكين
ما الدمعه من عيني تفّر
والقسوة فى جواك تلين
وما قلتَ ليك أنا ببقى بيك
القمرة فى وسط النجوم
الكون مداهو مدار هواى
غنواتى ليك هى النجوم
واقف براك سيد هواى
ابداً محال ريدك أخون
صّدقنى بكتم فى أساى
واجعنى شيلك للظنون
وما قلت ليك انا بيك بكون
أرجع تعال سيب الظنون ..



هند محمد

ما قلتَ ليك أنا شوقى ليك
نيرانه تتحدى الظنون
خلتنى اكتب فى غناى
مسكونة بيك حد الجنون
ما قلتَ ليك انا بيك بكون
أرجع تعال سيب الظنون
ما الفرحة أشعر إنى فيك
والبهجة ريدك يا حنون ..

الشاعرة الموهوبة بالفطرة هند , قصيدة جميلة جداً ورائعة فأنت دائماً تاتين بالجمال شكراً جميلاً هند.

Quote: ما الفرحة أشعر ريدى فيك والبهجة ريدك يا حنون ..

ماالفرحة أشعر إني فيك
والبهجة ريدك يا حنون ...

ايه رايك !! طبعاً بعد إذنك .

شاعرنا هاشم ..الجمال فى احساسك وقصايدك الرائعة ..مشكور على الدعم والمساندة والحضور الجميل ..

حقيقى بسعد بطلتك وكلماتك المشجعة .. التعديل فى محله تماماً ..أرشاداتك يا استاذى الفاضل موضع اهتمام وترحيب من قبلى دائماً

ياريت ما تحرمنى منها .. مشكور على الروح الطيبة واللطف ..وخليك قريب ..شكراً جميلاً ..

هند محمد
المارق منك ضو اخضر
فارد جنحاتي برا الجب
فارد حرفك بيه احلق
المارق منك ترنيمة تكسر رتابة الزمن
شكرا لانثيالك الجميل
والريد نيلين
همسة / كوني آمنــــــــــة ِ

وشكرا لمرورك الآنيق وكلماتك الرقيقة زوربا ..

تسلم ويسلم لطفك .. شكراً جميلاً ..

**

نظرة آخيرة .. وداعاً ..

Quote: ما قلتَ ليك أنا بيك بكون .. وما ببقى من غيرك أنا

و فاكرة إني بلاك حي؟
دون طلتك مقتول أنا
حيران و ضاع مني الدّرب
و غرقت في بحر الضنا
و مشيتو فيك درباً صعيب
أيامو عدت زي سنة
و وقفت في نص الطريق
أبكيكِ و اذكر حبنا
ليكِ الوصول صار زي محال
لكني باقي على المنى
أوصل لآخر سكتك
لو حتى حبي علي جنى
ألقاكِ و اسعد بالحنان
وانسى العذابات و العنا

Quote: ليكِ الوصول صار زي محال لكني باقي على المنى

السكة لو صعبت عليك
تقدر مشاعرى تسوقنى ليك
وما كان محال
أوصل مدارات النجوم
أسأل عليك
أنا فى الصبر فٌتك .. سماح
وما كان محال
أتحدى فى سهر النجوم
كان أبقى ليك شمس الصباح
وأتشابا للغيم والمطر
شان أغسل الهمّ والجراح
لملمت من خاطرك غناك
كان ألحق العمر اللى راح
ياسيدى قاسى الانتظار
أدينى من خاطر ك سماح ..

استاذ الصحافة مشكور على المداخلة الرقيقة .. تسلم وتسلم حروفك الآنيقة .. تقديرى

تاني .. تاني ..
تاني راجعين مـــرة تاني للقديم الإتنسى ..
مالو عـاد الشوق علينـا ..
بعـد مــا روح مشى ..
مالو جرح الحب ده عاود ..
بعد ما فرقنا عاد ..
قلنا داب الراحة جاتنا ...
ليه تفارق غير ميعاد يا زمـان مالك علينـا ..
القديم خليتو عــــــــاد .. نحن مـا فكـــرنا مــــرة ..
نمشي للـــــروح نعيــــده ...
إلا عــــــــاد القسمة قالت ...
مافي زول يختار بــــــيده ...
وبرضو تقولى لى ارجع تعال سيب الظنون؟؟؟؟...

Quote: ما قلتَ ليك أنا بيك بكون .. وما ببقى من غيرك أنا

شفتيني كيف انا ببقى بيك سيد الفرح والريد براى
تشرق شموس زمن الهنا ويرحل جفاف عمرى وصباى
وانشاء الله طول ما عمري ليك ما تنجرح عزة هواى

كل التقدير هند

هند الجميلة دخول اخر من اجل الجمال والناس الجميلين المشاركين معاك في هذا

البوست الرائع الجميل صحافة 30 ( حسام الدين ) وليد/ سلمي صبحي .

Quote: ما قلتَ ليك أنا بيك بكون .. وما ببقى من غيرك أنا

كيفن اكون وتكوني لي اوهام ظنون
وكيفن اعيش في خيال مصيرو إلي اٌٌلإفول

محاولة إرتجالية خفيفة .

Quote: ما قلتَ ليك أنا شوقى ليك نيرانه تتحدى الظنون خلتنى اكتب فى غناى مسكونة بيك حد الجنون ما قلتَ ليك انا بيك بكون أرجع تعال سيب الظنون ما الفرحة أشعر إنى فيك والبهجة ريدك يا حنون

يسملم احساسك شاعرتنا استاذة هند محمد

قصيدة جميلة ومعبره

خالص معزتي

الجمال فى احساسك استاذ مدثر .. مشكور على المرور والتعليق الجميل ..

ربنا يسعد ايامك ..شكراً جميلاً ..

Quote: كيفن اكون وتكوني لي اوهام ظنون وكيفن اعيش في خيال مصيرو إلي اٌٌلإفول

عايزة أقول ليك كلمتين لو تبقى سامع ..
لو بعادك يرضى نفسك
زيدنى أكتر من بعادك
لوعنادك بيشفى قلبك
ابقى خليك فى عنادك
أصلو حبنا أمسى قصة
طويلة باكية وكان مرادك ..



شاعرنا هاشم.. سعيدة بالطلة والمداخلة الجميلة ..تسلم ويسلم لطفك ..تقديرى ..

ألف مرحبا سلمى ..مشكورة عزيزتى على المرور الدافئ .. التحية لك ولمدنى النخلى ..

يسعد كل صباحاتك ..تسلمى على الطلة الحلوة .. شكراً جميلاً ..

Quote: مالو جرح الحب ده عاود .. بعد ما فرقنا عاد .. قلنا داب الراحة جاتنا ... ليه تفارق غير ميعاد يا زمـان مالك علينـا .. القديم خليتو عــــــــاد .. نحن مـا فكـــرنا مــــرة .. نمشي للـــــروح نعيــــده ... إلا عــــــــاد القسمة قالت ... مافي زول يختار بــــــيده ... وبرضو تقولى لى ارجع تعال سيب الظنون؟؟؟؟.

معاك تتجدد الاشواق
وأحس ريدتنا موجودة
ومعاك يبقى الفرح دفاق
وأغنيك آحلى أنشودة
عينى من حنان عينيك
زمان من بدرى موعودة
تعال نغنى للافراح
نقول للناس اهى الريدة
سنين آفراحنا لما تمر
محال من تانى تجديدها ..

مشكور استاذ وليد على المرور الآنيق والمداخلة الجميلة ..أشكرك

أجهلك .. ولي سنين اتخيلك

والكلام هنا للشاعر الأمير عبد الرحمن بن مساعد

وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمر ٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك

هند هى ظنون لا اظن......

بسم الله الرحمن الرحيم

هند

تسلمي ياستي على الكلام الجميل والإحساس المرهف ...

هل عندك شك أنك أحلى امرأة في الدنيا ؟
واهمُ امرأة في الدنيا؟.
هل عندك شك أني حين عثرت عليك ...
ملكت مفاتيح الدنيا ؟ !!
هـل عندك شك أني حين لمست يديك
تغير تكوين الدنيا؟!!
هـل عندك شك أن دخولك في قلبي
هو أعظم يوم في التاريخ..
وأجمـل خبر في الدنيا؟!!
هل عندك شك من أنت؟
يامن تحتل بعينيها أجزاء الوقت
ياامرأة تكسر، حين تمر جدار الصمت



مودتي
وصال عالم

زى الوردة ودافقة حنينك
أشراقة جميلة وكيف مانريدك؟
وروعة حرفك وهجا حير
كل الناس مشدوهة تريدك ..

وصال الدافئة .. مشكورة عزيزتى على مرورك الآنيق وكلماتك الرقيقة ..
تسلمى ويسلم لطفك ياست الناس .. محبة وتقدير

حقيقى قصيدة فى غاية الجمال والروعه استاذ وليد ..

إحساسك بها وتذوقك يدل على رهافة الحس والشفافبة ..

مشكور على المرور الآنيق ..تسلم ويسلم لطفك .. شكراً جميلاً ..

Quote: عايزة أقول ليك كلمتين لو تبقى سامع .. لو بعادك يرضى نفسك زيدنى أكتر من بعادك لوعنادك بيشفى قلبك ابقى خليك فى عنادك أصلو حبنا أمسى قصة طويلة باكية وكان مرادك ..

كان مرادي اكون معاك

واصلي في محراب هواك

والبعاد فرق خطاي عن خطاك

وا لهفة الشوق البحرق في حشائي وفي حشاك

وانا بعنادي بشفي برضو

لو طرتي في الأفلاك هناك

برضي ما فاقد العشم

تلقيني منتظرك براك

لحين عودة ..

الاخت العزيزة
هند

ويالها من ظنون

كل الشكر على المتعة

غادة

غادة.. كل الشكر لك أنت على المرور الجميل والكلمات الدافئة ..تسلمى ويسلم لطفك ياست الناس ..

شكرا جميلاً .. مودتى ..

Quote: برضي ما فاقد العشم تلقيني منتظرك براك

أبقى أقرب منى لى

وألغى بيناتنا المسافة

بعيونك أحكى لى

وفى عيونى الفرحة زافة

أبقى فى دربى المعزة

وفى مواكب الريد خرافة

يانسيم والكون مسافر

فى تواشيح ليلة عاطرة ..



مشكور استاذ هاشم على المداخلة الرقيقة ..تسلم

Quote: أبقى أقرب منى لى وألغى بيناتنا المسافة بعيونك أحكى لى وفى عيونى الفرحة زافة أبقى فى دربى المعزة وفى مواكب الريد خرافة يانسيم والكون مسافر فى تواشيح ليلة عاطرة ..

ببقي ليك ضلك عديل وانتي وين منو زاحة

وبرموش عيني بدسك من جميع الناس مسافة

وفي مواكب حبك انتي تبقي كل الريدة هاشة

وفي تواشيح ليليك انتي بتبقي اقرب لي من سحابة

هند العزيزه


المقطع دا وحدو قصيده


( رسلتَ ليك مطر الغمام
يرسم خطاك ويحضنها)

والبادى أظلم



( وكتبتَ ليك أشواقى ريد
وصيت دموعى تلحنها )


دا كلام يشبهك خيالك السمح


إحترامى

Quote: أدمنتَ خاطر إنى ليك مالكنى ريدك مستكين ما الدمعه من عيني تفّر والقسوة فى جواك تلين وما قلتَ ليك أنا ببقى بيك القمرة فى وسط النجوم

دي ريدة لا تعرف الملل .. ريدة صادقة ضمتها حنايا القليب منفطر من ألم الفراق

لك التحية والاحترام الفاضلة هند

خالد محجوب

الصدق فى احساسك استاذ خالد ..

مشكور على المرور والتعليق الجميل ..

تسلم ويسلم لطفك .. تقديرى ..

شاعرنا الدهشة داش ..

مشكور على الكلمات المشجعة والمرور الآنيق ..

والله لم أرى تعليقك هذا الا اليوم معذرة على التآخير ..

سعيدة ان نالت كلماتى اعجاب شاعر بقامتك

تسلم ويسام لطفك .. شكرا ً جميلاً .. تقديرى

Quote: وجهك اللي دوم يظهر في اعاصيري وسكوني في الجبال الشاهقة في أجمل خيالي في السفوح الخافقة بين نبضي وانفعالي وجهك اللي قد نحته في عظامي والجوارح وجهك اللي قد حفظته وبتفاصيل الملاح

Quote: ليكِ الوصول صار زي محال لكني باقي على المنى أوصل لآخر سكتك لو حتى حبي علي جنى ألقاكِ و اسعد بالحنان وانسى العذابات و العنى

Quote: ما قلتَ ليك أنا بيك بكون .. وما ببقى من غيرك أنا أنا ليك دوزنت الحروف شديت كمان وتر الغنا رسلتَ ليك مطر الغمام يرسم خطاك ويحضنها وكتبتَ ليك أشواقى ريد وصيت دموعى تلحنها وسرحت فى الغيمات هناك أتذكر اللقيا الهنا سبّحتَ لخاطر مجيك وشتلتَ ازهار المنى .. ما قلتَ ليك أنا ريدى ليك أشواقه باقية مع السنين لا الفرقة طَفَت نار هواى لا الحيرة بدّلت الحنين أدمنتَ خاطر إنى ليك مالكنى ريدك مستكين ما الدمعه من عيني تفّر والقسوة فى جواك تلين وما قلتَ ليك أنا ببقى بيك القمرة فى وسط النجوم الكون مداهو مدار هواى غنواتى ليك هى النجوم واقف براك سيد هواى ابداً محال ريدك أخون صّدقنى بكتم فى أساى واجعنى شيلك للظنون وما قلت ليك انا بيك بكون أرجع تعال سيب الظنون .. هند محمد

لو كان الظن رجلا لقتلته ،،،
فهو آفة كل ماهو جميل ،،،
نسق فاق حد الجمال ،،،
والتحية لك على هذا النص ،،،

الجمال فى احساسك استاذ الفاتح ..

مشكور على المرور العذب ..

تسلم ويسلم لطفك .. تقديرى

**

من شطوط الكحل في عيونك لنحرك
من بياض الثلج في خدك لجمر ٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك

انت ما عارف بعادك

كيف بيعذب

وكيف بيتعب

وكيف دموعنا بتجرى حرى !!!

وأنا راجياك

فى فكرة راجع

تملآ الدنيا أفراح وسرور ..

يـلا نـمـلاء الـدنـيـا أفـراح وسـرور

Quote: ما قلتَ ليك أنا شوقى ليك نيرانه تتحدى الظنون خلتنى اكتب فى غناى مسكونة بيك حد الجنون ما قلتَ ليك انا بيك بكون أرجع تعال سيب الظنون ما الفرحة أشعر إنى فيك والبهجة ريدك يا حنون ..

الاستاذة هند محمد(هندوية)

يسلم الجمال..والاناقة في الكلمات..

يا زولة ده حكي عالي المزاج..ده كلام جميل جمال اثر..

تشكري على الوجبة الرمضانية الدسمة..

كل سنة وانت طيبة

هندوية سلام ..
ورمضان كريم..

تصومي وتفطري علي خير..

وأفطرت اليوم علي حرفك الشهي..

خالد الطيب

ما قلت ليك أنا لمن القي زول
نشوان بالحروف ..افرح كتير..
وأشيل الحرف فوق الحرف
وأقول يمكن أكون
للزول البعيد
الحروفو زي خط القمر
لونو زي لمع البرق
أقدر أصل..

يوم لي مداهو الطويل
وأشيل لمع الحروف
أيدها لي زولا ولوف
لشانو ينقط عســل


أحييك هندوية علي الكلمات الرائعات
ولا يتذوق الروعة سوي الرائعون,,

ناجي طاشين- إستكهولم

الروعة فى احساسك استاذ خالد ..

مشكور على الكلمات اللطيفة والمرور الآنيق ..

شكراً جميلاً ..

رمضان كريم استاذ خالد ..تصوم وتفطر على خير وكل عام وانت الى الله أقرب ..

مشكور على الطلة الحلوة وربنا يسعد ايامك ..تسلم ويسلم لطفك ..تقديرى ..

الجمال فى احساسك استاذ محمد .. رمضان كريم تصوم وتفطر على خير ..

مشكور على المرور الدافئ والكلمات الجميلة

تسلم ويسلم لطفك .. شكراً جميلاً ..

منور استاذ هاشم .. مشكور على الطلة الحلوة ..

ومليت دنيتنا افراح بطلتك ..

تسلم ويسلم لطفك ..

شكراً جميلاً ..

الأخت هند
رمضان كريم

ما قلنا ليك: إنت شاعرة مرهفة ومجيدة وشفيفة .. ما قلنا ليك: إنت فقتِ عريب .. ما قلنا ليك :الحانك مسكرة وأوتار حروفك مدوزنة .. جميل شدوك .. مررنا نغترف غرفة عسى نوري أرواحنا الظمأى .. أتابع لشدو الأيكية على الأفنان نستمع.