Post: #2 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-05-2015, 10:25 PM Parent: #1
من الحاجات العجيبة الأصبحت مسيطرة في المنبر ده قصة المساككات ... كانت زمان جانبية ... لكنها استفحلت ...ود البشري الهندسة ... ساكي جادات و قاعد ليهو على الواحدة ...أبو حسين ... ولو اليوم ديل ارعوي شوية :) و بقت عنده اشراقات ...أبو الريش و حاتم إبراهيم ... كل واحد ساكي التاني و داير يمسك عليهو حاجة غلط ...حاتم إبراهيم ساكي الموسيقار يوسف الموصلي ... بس كده ...ابوبكر عباس ... ساكي أي زول و يغالطو ... صح غلط المهم اثبات حالة غلاط :)أبو الريش ... شرحو ... برضه لازم يطلع برأي بعرفه براهو ...دينق ساكي ود الباوقة و قاعد ليهو فوق رآي ...الكيزان ساكين أي زول ما كوز ...الشيوعيين ساكين الكيزان ...اما ناس العنصرية من كل جنس و لون ... فدي عملية سكسك لا تنتهي ...ولو الزول غلط قال كمة ... ليلته اسود من الكحل ...
Post: #3 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-05-2015, 10:26 PM Parent: #2
كلو سك سك ...مافي يوم ... دس دس ؟
Post: #4 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-05-2015, 10:29 PM Parent: #3
المعذرة ان سقطت بعض الأسماء من القائمة الشرفية الفوق دي ...أي زول داير يضم للقائمة أي ساك ... او مسكوك ... اهلا بيهو ...
Post: #5 Title: Re: اي يايا كرمباكّا ... سُكو سُكو ... يا جماعة ... Author: Mohamed Yassin Khalifa Date: 12-05-2015, 10:35 PM Parent: #4
يا قباني يا فنان... نحنا ناس السكسكة ننفع هنا ولا لع؟
Post: #6 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-05-2015, 10:44 PM Parent: #5
Quote: يا قباني يا فنان... نحنا ناس السكسكة ننفع هنا ولا لع؟
اريتو يرجع زمن السكسكة يا صديقي ...السودان كان بخير وكتها ...من ما حرموا ده و حللوا داك ... البلد ما شاف عافية تاني ..._______________________________________نسيت فرانكلي يا ود الخليفة ...ساكّي مصر و المصريين لامن نفسه قام ... :)
Post: #7 Title: Re: اي يايا كرمباكّا ... سُكو سُكو ... يا جماعة ... Author: فردوس جامع Date: 12-05-2015, 10:55 PM Parent: #6
الأخ قباني سلامبوست 100% ... السك سك ده عادة بااااااايخة و مزعجة ياخ...يكون البوست جميل و معلوماته ثرة و مفيدة يجو ناس السك سك يكرهوك ليهُ!أها بيخربوا للناس بوستاتهم لأنه بوستات السك سك دي دربها معروف و أنا من جملة آخرين ما بعملفيها كلك! غايتو آي زول يأنس في نفسه "ممارسة اللعبة" مرآة الأخ قباني مرفوعة للجميع ... و شكلكم باااايخ ...بطلوا الله يرضى عليكم!تحياتي لك...
Post: #9 Title: Re: اي يايا كرمباكّا ... سُكو سُكو ... يا جماعة ... Author: اخلاص عبدالرحمن المشرف Date: 12-05-2015, 11:02 PM Parent: #7
الملك قباني الاغنيه دي سمعتها من احلام عجاج اخت محمد وقريبة نانسي ( لها التحية اينما كانت ) شكرآ لك يا ملك
Post: #16 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 07:36 AM Parent: #9
Quote: الملك قباني الاغنيه دي سمعتها من احلام عجاج اخت محمد وقريبة نانسي ( لها التحية اينما كانت )شكرآ لك يا ملك
اما انا فشفتها و سمعتها في السينما سنة دو ...كنت صغير لكن متذكرها و متذكر أفلام شامي كابور كلها ...انا ما عندي مانع اسك لي واحده زي سابنا او هي التسكني ... مش جادات ... :)
Post: #15 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 07:34 AM Parent: #7
Quote: الأخ قباني سلامبوست 100% ...السك سك ده عادة بااااااايخة و مزعجة ياخ...يكون البوست جميل و معلوماته ثرة و مفيدة يجو ناس السك سك يكرهوك ليهُ!أها بيخربوا للناس بوستاتهم لأنه بوستات السك سك دي دربها معروف و أنا من جملة آخرين ما بعملفيها كلك! غايتو آي زول يأنس في نفسه "ممارسة اللعبة" مرآة الأخ قباني مرفوعة للجميع ... و شكلكم باااايخ ...بطلوا الله يرضى عليكم!تحياتي لك...
فردوس يا جامع ...و الله صدقتي ... عادة بايخة و نص ...و ما كانت عندنا زمان ... ما بعرف جات مستوردة من وين ...
Post: #8 Title: Re: اي يايا كرمباكّا ... سُكو سُكو ... يا جماعة ... Author: عبد المنعم سيد احمد Date: 12-05-2015, 11:01 PM Parent: #6
Post: #10 Title: Re: اي يايا كرمباكّا ... سُكو سُكو ... يا جماعة ... Author: اخلاص عبدالرحمن المشرف Date: 12-05-2015, 11:12 PM Parent: #8
ودي هدية لل (سكاكين )
Post: #11 Title: Re: اي يايا كرمباكّا ... سُكو سُكو ... يا جماعة ... Author: ABUHUSSEIN Date: 12-06-2015, 05:46 AM Parent: #10
Quote: أبو حسين ... ولو اليوم ديل ارعوي شوية :) و بقت عنده اشراقات ...
إشراقات و ل حنانات .....
Post: #12 Title: Re: اي يايا كرمباكّا ... سُكو سُكو ... يا جماعة ... Author: محمد البشرى الخضر Date: 12-06-2015, 06:03 AM Parent: #11
يااااا قباني يا هندسة بالنسبة لي المسألة ليست سك ولا متعلقة بجادات في رقبتهالقصة لا تعدو تصحيح معلومات خطأ, انت اسي لو واحد نسب أغنية لغير شاعرها أو ملحنها ما ح تمررها وتصحح المعلومة مش كدااها دا نفس الانا بعملوا, و كتير صححت معلومات خاطئة او استفسرت عنها لكثير من الزملاء بس الفرق انو جادات مكابر و بفتكر لو صححت خطا معناها انت قاصده و بتعاديه و بالتالي بتعادي الشعب السوداني بل و الإنسانية ههههههههاها انا ما بسكت ليه - ولا اكتمك سرا بستمتع بي هيجانه و الجوطة البعملها - دا البخلي الموضوع يطول أما ما يبدو لك انو سك وواقف ليه على الواحدة فا أبدا لو راجعت البوستات ح تلقى الزبون دا عندو جغلمية بوست فيها خرتمية كذبة أنا وقفت ليه في نسبة بسيطة منها لا ترقى لتبدو سك سكبعدين يا هندسة انت في (الكتاب) كنت الفة ولاّ كيف
Post: #19 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 07:43 AM Parent: #12
Quote: يااااا قباني يا هندسة بالنسبة لي المسألة ليست سك ولا متعلقة بجادات في رقبتهالقصة لا تعدو تصحيح معلومات خطأ, انت اسي لو واحد نسب أغنية لغير شاعرها أو ملحنها ما ح تمررها وتصحح المعلومة مش كدااها دا نفس الانا بعملوا, و كتير صححت معلومات خاطئة او استفسرت عنها لكثير من الزملاء بس الفرق انو جادات مكابر و بفتكر لو صححت خطا معناها انت قاصده و بتعاديه و بالتالي بتعادي الشعب السوداني بل و الإنسانية ههههههههاها انا ما بسكت ليه - ولا اكتمك سرا بستمتع بي هيجانه و الجوطة البعملها - دا البخلي الموضوع يطول أما ما يبدو لك انو سك وواقف ليه على الواحدة فا أبدا لو راجعت البوستات ح تلقى الزبون دا عندو جغلمية بوست فيها خرتمية كذبة أنا وقفت ليه في نسبة بسيطة منها لا ترقى لتبدو سك سك
ممكن اصحح معلوماته يا هندسة ...لكن ما بشيل حسه ... :)
Quote: بعدين يا هندسة انت في (الكتاب) كنت الفة ولاّ كيف
اها .. نويت علي ؟ باكر حتصبحني بي بوست بي اسمي ولا كيف :)
Post: #18 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 07:39 AM Parent: #11
Quote: إشراقات و ل حنانات .....
لا فراديس و اخلاصات يا ود أختي ...
Post: #17 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 07:38 AM Parent: #8
منعم يا صديقي ...انت ما زول سك يا حبيب ...السك ده رغم بياخته لكن برضه في حرفية ... وانت زول مسالم و فنان ...
Post: #13 Title: Re: اي يايا كرمباكّا ... سُكو سُكو ... يا جماعة ... Author: حاتم إبراهيم Date: 12-06-2015, 06:14 AM Parent: #1
Quote: أبو الريش و حاتم إبراهيم ... كل واحد ساكي التاني و داير يمسك عليهو حاجة غلط ...حاتم إبراهيم ساكي الموسيقار يوسف الموصلي ... بس كده ...
سلام قباني، كل سنة وأنت طيب، والله صدقت
فعلاً أنا لاعب تلاتة دوريات، دا غير البيزنس الأهم منهم كلهم والله العظيم.النصنف ليك:دوري محلي مع موصلي: دا أنا بفضل تقول مساقفة بدل "مساككة"دوري سنترليق من النوع أبوريش: دا بتاع حرينا وشليل وينو لا يخلو من العنف لكن ممتع لأنو في مربع "الخصم" معظم الوقتدوري الأبطال مع السُفلي ذاتو: دا دافوري ساكت وبالليل بدون كشافات وبدون عراضات ذاتوThe good news is:____أنا الساكي معظم الوقت.
Post: #14 Title: Re: اي يايا كرمباكّا ... سُكو سُكو ... يا جماعة ... Author: أبوبكر عباس Date: 12-06-2015, 06:51 AM Parent: #13
وكمان النزيدك من الحقيبة بيت؛ داير أعتزل لأنو المستوى ضعيف جدا أضعف من ألحان غنا الحقيبة! ومعظم الأفكار المطروحة لا تتحمل هبشة سؤال صغير مني.المهم بلقى طريقة فككان منكم وبخليكم في مسكنتكم دي!وعليك الله، بعد أنا أمشي تعال أعمل ليهم بوست بعنوان:إيقاع التمتم أصلو من الدنمارك
Post: #20 Title: Re: اي يايا كرمباكّا ... سُكو سُكو ... يا جماعة ... Author: آدم صيام Date: 12-06-2015, 07:47 AM Parent: #14
قباني حبابك أبوي أنا بوسطينك ده ما لي غرد فيه، لكن!عبارة بروفايلك دي مع رقشتها لكن مضللة ومخالفة لسنن العدالة!!"تبدأ الحرية حيث ينتهي الجهل لأن منح الحرية لجاهل كمنح سلاح لمجنون"أولاً: الحرية والجهل ميلادهما (واحد) مع ميلاد إنسانهما، إنما الحرية تنشط وتخبو وعواملها المحركة لها ليس الجهل وإنما درجة العسف ومقداره، صراع الأضداد.ثم ثانيا: الحرية لا تُمنح – ده تعالي فالصو من الزول المنتحر ده- الذي يُمنح بصحيح ما يمتلكه الفرد لنفسه وما يمنحه منه يقع في باب المكرُمات، ولكن الحرية حق طبيعي يستحقه الجاهل والمتعلم المشوطن والنصيح.تفضلاً، أرجو أن لا تجمعني بالمساككين والمساككات الأحياء منهم والأموات.
Post: #41 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 11:34 PM Parent: #20
Quote: الحرية لا تُمنح – ده تعالي فالصو من الزول المنتحر ده- الذي يُمنح بصحيح ما يمتلكه الفرد لنفسه وما يمنحه منه يقع في باب المكرُمات، ولكن الحرية حق طبيعي يستحقه الجاهل والمتعلم المشوطن والنصيح.
الحرية حق طبيعي و لكنها في عالمنا الثالث تمنح يا آدم ...و لأن الجهل هو السمة العامة ... فمن الخطورة ان تنطلق الحريات ...عموما هي فلسفة فيلسوف لك ان ترفضها و لي ان أقبلها ... هذا ان كنا نؤمن ان الحرية حق طبيعي ... ولا شنو ؟
Post: #23 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 08:19 AM Parent: #14
Quote: وكمان النزيدك من الحقيبة بيت؛ داير أعتزل لأنو المستوى ضعيف جدا أضعف من ألحان غنا الحقيبة! ومعظم الأفكار المطروحة لا تتحمل هبشة سؤال صغير مني.المهم بلقى طريقة فككان منكم وبخليكم في مسكنتكم دي!وعليك الله، بعد أنا أمشي تعال أعمل ليهم بوست بعنوان:إيقاع التمتم أصلو من الدنمارك
انت زعلت يا دكتور ؟اياخي دي وجهة نظري انا ... و انا ما سيد المنبر ...و انت رجل عندك الاف القراء و المعجبين ... انا شخصياً قريت ليك كتير ... لكنك في الآونة الأخيرة ( شفت الآونة دي كيف ؟ )غلاتك كتر و هزارك كتر و بقيت زي داير تتلح الناس و تساككهم .. و انت زول جاد و صاحب رسالة ... فما تخلي الناس تفهمك غلط ...المساككة دي عندها ناسها ... و انت بصراحة مؤهلاتك ضعيفة في الحتة دي ...
Post: #21 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 07:50 AM Parent: #13
Quote: سلام قباني، كل سنة وأنت طيب، والله صدقت فعلاً أنا لاعب تلاتة دوريات، دا غير البيزنس الأهم منهم كلهم والله العظيم.النصنف ليك:دوري محلي مع موصلي: دا أنا بفضل تقول مساقفة بدل "مساككة"دوري سنترليق من النوع أبوريش: دا بتاع حرينا وشليل وينو لا يخلو من العنف لكن ممتع لأنو في مربع "الخصم" معظم الوقتدوري الأبطال مع السُفلي ذاتو: دا دافوري ساكت وبالليل بدون كشافات وبدون عراضات ذاتوThe good news is:____أنا الساكي معظم الوقت.
و الله الليلة طريتك ... قبيل شفت لي صور لي بلوتو ... جابوها ناس ناسا ...ياخي عليك الله الطاقة المبذولة في المساككة دي ... لو ركزت لينا في شي مفيد ما احسن.؟ماك شايف التسطيح العام ده ... وفي ابسط الأشياء ... فسيبك من القصة دي و جيب ما ينفع الناس ...انت طبعا بتفتكر انو مغالطتك للموصلي مثلاً اهو الناس بتقرا ...لكن القصة بتاخد طابع تحدي و مرات ملاسنات ... و الناس ما ناقصة هم ...
Post: #22 Title: Re: اي يايا كرمباكّا ... سُكو سُكو ... يا جماعة ... Author: عمر دهب Date: 12-06-2015, 08:06 AM Parent: #21
اخونا قبانى سلامات نطالب بشده سحب المستنير من هذه القائمة سك لى سك يفرق
Post: #24 Title: Re: اي يايا كرمباكّا ... سُكو سُكو ... يا جماعة ... Author: محمد البشرى الخضر Date: 12-06-2015, 08:23 AM
Quote: ممكن اصحح معلوماته يا هندسة ...لكن ما بشيل حسه ... :)
يا هندسة شيل الحس بجيبوا لروحه براه بالمكابرة و الجنوح للاساءات وا نت عارف براك الجين الدناقلاوي :)ودي فرصة اصحح ليك معلومة خطا برضك:) أنا ما بفتح بوست باسم زول كنوع من السك سك, البوستين الفتحتهن لجادات واحد موضوعه اتكتب برة المنبر فانا نقلته و التاني البوست الأصلي اتحذف ولو لم يتم نفي المعلومة (انه العلم الاسرائيلي يرفرف في ابوظبي) سترسخ في أذهان بعض القراء الما متابعينبعدين يا هندسة كل فولة وليها كيّال, في ناس تحب الآكشن برضك :)
Post: #26 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 08:34 AM Parent: #24
Quote: يا هندسة شيل الحس بجيبوا لروحه براه بالمكابرة و الجنوح للاساءات وا نت عارف براك الجين الدناقلاوي :)ودي فرصة اصحح ليك معلومة خطا برضك:) أنا ما بفتح بوست باسم زول كنوع من السك سك, البوستين الفتحتهن لجادات واحد موضوعه اتكتب برة المنبر فانا نقلته و التاني البوست الأصلي اتحذف ولو لم يتم نفي المعلومة (انه العلم الاسرائيلي يرفرف في ابوظبي) سترسخ في أذهان بعض القراء الما متابعينبعدين يا هندسة كل فولة وليها كيّال, في ناس تحب الآكشن برضك :)
قبل شوية بهبش في قوقل كايس لس حاجة عن الفريق القومي سنة 70 ...لقيت رابط لي هنا سنة 2008 و معتصم اعتقد منزل صورة على انها صورة نادرة الفريق القومي سنة 70 و جا " جني " براحة و بي كلمتين صلحه و قال الصورة ماليها علاقة بتيم سنة 70 اها بعد ردين جيت انت ... بالله سؤال الملكين ... وخشيت ليهو في مصداقيته ... و عيييييكولاحظ ... الزمن داك انت عمرك سنتين ... يعني طفل يحبو ...ما بالك الآن !!_________________________________________________ما قلت لي ... انوم و لا حتلحقني حاجة حسي ؟
Post: #27 Title: Re: اي يايا كرمباكّا ... سُكو سُكو ... يا جماعة ... Author: محمد البشرى الخضر Date: 12-06-2015, 09:12 AM Parent: #26
هههههههههههههههههههكدي اديني الرابط يا هندسة نشوف صورتي ايام الاولية اعتقد محتاج تعيد تعريف المساككة كان كدا يا قباني و تفرز بينها وبين حاجات تانية في مصطلح بشاشي اسمه بقجة الغباين دا موضوعه تاني غير المساككة يمكن دا القاصده :) وقلت ليك انا ما فتحت ليه بوستات ساي, في العادة بليّس ليه في البوست زاته, فا لو في شي بديّك ليه هنا ما تشيل هم
Post: #42 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 11:56 PM Parent: #27
Quote: اعتقد محتاج تعيد تعريف المساككة كان كدا يا قباني و تفرز بينها وبين حاجات تانية في مصطلح بشاشي اسمه بقجة الغباين دا موضوعه تاني غير المساككة يمكن دا القاصده :)
لا لا ... كلامي وااااضح ...ياها المساككه ذاتها و بي صفاتها ...التتلِّحْ يعني ...
Post: #25 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-06-2015, 08:28 AM
Quote: اخونا قبانى سلامات نطالب بشده سحب المستنير من هذه القائمة سك لى سك يفرق
يا ود دهب ...المستنير سكُّو ألماني قلت لي :)
Post: #28 Title: Re: اي يايا كرمباكّا ... سُكو سُكو ... يا جماعة ... Author: muntasir Date: 12-06-2015, 09:38 AM Parent: #25
ودالباوقة وسك العملة
Post: #29 Title: Re: اي يايا كرمباكّا ... سُكو سُكو ... يا جماعة ... Author: محمد مجيدو Date: 12-06-2015, 10:19 AM Parent: #1
Quote: اما انا فشفتها و سمعتها في السينما سنة دو ...كنت صغير لكن متذكرها و متذكر أفلام شامي كابور كلها ...
يا هندسه ... كنت صغير كيف ؟؟؟ وانتا حاضر سنة دووو ... الفيلم اسمو جانوار ... وشفناهو 10 مرات في سينما وطنية جنوب ...انا برضو كنت صغير .... ههههههه
Post: #30 Title: Re: اي يايا كرمباكّا ... سُكو سُكو ... يا جماعة ... Author: محمد عبد الله الامين Date: 12-06-2015, 12:26 PM Parent: #29
وسكسكة السلفيين والشيعه ...وتحياتي يا اخ قباني ..
Post: #31 Title: Re: اي يايا كرمباكّا ... سُكو سُكو ... يا جماعة ... Author: محمد المرتضى حامد Date: 12-06-2015, 03:58 PM Parent: #30
والله يا باش محمد البشرى زول حقاني والبيغلتوا عليهو أبوحسين وطلحه ساكنو جرجير جرجير لكن برضو هو قدر عشاهم كله..أما حاتم ساكس ( بروفايل وكدا) فهو أيضا حقاني وكلام ابوريش معاهو مفيد لنا من حيث المعلومات لأننا بنشيل العايزنو وننسى الباقيوفي ظني أنهما أصحاب شديدي وبيمثلوا علينا..أما الساكين مصر والسعوديه وقطر ديل بيضيعوا وقتهم ساي وهم أحرار..أبوبكر عباس كان ساكك ول لعب دس دس ول لبد ول nam أو شخر ما بنفوِّت بوستاتو.. بس هو ومعاويه الزبير جرير والفرزدقيعني مساككه راقيه ومشفره..أبوحتوت ، بالله ألحق لي قبه ببوست وهو نايم بتوقيت كندا..- بالله يا شباب كلامي الفوق دا كلو ضعوه بين قوسين وأضربوهو في وجه مبتسم مرفوع للقوه 300 حصان لزوم ( السك).
Post: #32 Title: Re: اي يايا كرمباكّا ... سُكو سُكو ... يا جماعة ... Author: ABUHUSSEIN Date: 12-06-2015, 04:08 PM Parent: #31
Quote: والبيغلتوا عليهو أبوحسين
خالي فوق قال لبك اشراقات ...اسي زي دا نرد عليهو يقول اشر يمين و رماني في التندة ...بعدين الناس الحياتهم كلها في المحاكم ديل اصلو ما بنقربهم ... غايتو البومين ديل الجلاكين لاقين جوهم ...😂😂😂بوستاتهم طالعة في الكفر ....
Post: #33 Title: Re: اي يايا كرمباكّا ... سُكو سُكو ... يا جماعة ... Author: محمد المرتضى حامد Date: 12-06-2015, 04:11 PM Parent: #31
الغنيه دي نسيتا في المداخله الفوق لأنو أكيد كتب كلماتها يحيى ولحنها أبوحسين وشارك في الأداء ابوبكر وأول مره سمعناها في سينما الوطنيه أمدرمان ونحن زغار وأبوي قال لي شوف أعمامك كانوا مبدعين كيفوكنا سعداء بقبولنا بمدرسة امدرمان الأهليه الثانوية العامه باعتقاد أننا خلاس جاورنا ناس السكونشوف في المدرسه الهنديه ناس شامي كابور وراج شري في الحدائق - سك ماخمج.
Post: #34 Title: Re: اي يايا كرمباكّا ... سُكو سُكو ... يا جماعة ... Author: ABUHUSSEIN Date: 12-06-2015, 04:22 PM Parent: #33
Quote: وكنا سعداء بقبولنا بمدرسة امدرمان الأهليه الثانوية العامه
سجل عندك يا خال الزول دا 1965 كان فرحان بي دخولو الأهلية المتوسطة .....بكره بجي يغالطنا بي قلمو الأخضر دا ... 😂😂😂😂
Post: #35 Title: Re: اي يايا كرمباكّا ... سُكو سُكو ... يا جماعة ... Author: جلالدونا Date: 12-06-2015, 04:43 PM Parent: #34
هههها
Quote: ودالباوقة وسك العملة
اهو ده السك الصاح ...
بس بالحلال يعنى _______ هسه يا عمى قبانى بوستيك ده ذاتو ما مساسكاه _______ التوقيع لا تنه عن خلق و تأتى بمثله و ما عارف شنو كده اذا فعلت عظيم عظيم
Post: #37 Title: Re: اي يايا كرمباكّا ... سُكو سُكو ... يا جماعة ... Author: وضاحة Date: 12-06-2015, 05:28 PM Parent: #35
يحي مشتااااقين ديل عالم فاضية وما عندهم شغلة البسكوا ويكبشرو ليك مداخلات من سنة حفرو البحر هههههههه وعندهم زمن ما عارفين يستغلوه فيما ينفعهم وينفع الناس انا واحده من الناس سكوني سك وجرو وراي لحدي ما حفت اقدامن واستخدموا كل الاساليب في محاولة تجريحي واغتيال شخصيتي وحتى محاولة الوصول الى خصوصياتي ونسجوا حولي الاكاذيب وطلعوني شبح وشخصية وهمية لا وجود لهاولكن ولله الحمد فشلوا في كل مساعيهم ومخططاتهم وزاداتني ضرباتهم قوة وثبات وربنا حفظني منهم ومن كيدهم وحقدهم وردها على صدورهم اختك صلاية ودعاية اقوم نص الليل اديهم دعوات واشكيهم لي رب العبادوالحمد لله وراني فيهم وحفظني منهم وقواني عليهم ونصرني عليهمكل الود
Post: #54 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-08-2015, 05:51 AM Parent: #37
Quote: يحي مشتااااقين ديل عالم فاضية وما عندهم شغلة البسكوا ويكبشرو ليك مداخلات من سنة حفرو البحر هههههههه وعندهم زمن ما عارفين يستغلوه فيما ينفعهم وينفع الناس
ازيك يا بتنا ...
Post: #46 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-07-2015, 06:21 AM Parent: #35
Quote: هسه يا عمى قبانى بوستيك ده ذاتو ما مساسكاه_______التوقيعلا تنه عن خلق و تأتى بمثله و ما عارف شنو كده اذا فعلت عظيم عظيم
جلّي امسك النظام و خلي الهرجلة ...لا دي ما مساككه ...انا فاتح بوست وااااحد فقط ...معني به كل ساك.. و كل ساك و مسكوك و كل مسكوك و ساك ...و مقصده ان يلتفت اخوتنا الى ما هو مفيد أكثر من تلك المساككات ...اما المساككة كما ورد في الأثر فلها شروط لاكتمالها و اهم شروطها الموالاه ... و انا لم أغص في بحوري و اوالي ...
Post: #39 Title: Re: اي يايا كرمباكّا ... سُكو سُكو ... يا جماعة ... Author: محمد المرتضى حامد Date: 12-06-2015, 06:13 PM Parent: #34
Quote: عندك يا خال الزول دا 1965 كان فرحان بي دخولو الأهلية المتوسطة
Post: #47 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-07-2015, 06:37 AM Parent: #34
Quote: سجل عندك يا خال الزول دا 1965 كان فرحان بي دخولو الأهلية المتوسطة .....بكره بجي يغالطنا بي قلمو الأخضر دا
نعم ... و داير يعمل قدرنا نحن ناس الباك باك ...____________________________________________بالله يومداك بتفرج على لقاء مع أبو اللمين ليهو كم سنة كده ...و كان في جزء مصور في مدرسته في مدني ... المدرسة الشرقية ... جنب سوق البصل و البهارات ...هو قرا فيها سنة 53 و اخوكم قرا في نفس المدرسة سنة 66بالله جابو الشفع لابسين بناطلين كيف و قمصان كيف و شايلين شنط باك باك في ضهورهم ...طبعا الباك باك بتكون مقسمة جزء لللساندوتش و جزء للمقلمة ... و شكلاتة للتحلية ... اتذكرت ليك الجلابية و الخرتاية و من في الليل يوروك بستلتك الخدرا و لا الحمرا عشان ما تخلتها مع فطور اخوانك ..وكان بقيت خلاااص ابن كلب يرسلوا معاك زمزمية ... وتعريفة تاكل بيها باسطة ...طفولة معذبة ياخ ... :)
Post: #52 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-07-2015, 03:26 PM Parent: #33
Quote: الغنيه دي نسيتا في المداخله الفوق لأنو أكيد كتب كلماتها يحيى ولحنها أبوحسين وشارك في الأداء ابوبكر وأول مره سمعناها في سينما الوطنيه أمدرمان ونحن زغار وأبوي قال لي شوف أعمامك كانوا مبدعين كيفوكنا سعداء بقبولنا بمدرسة امدرمان الأهليه الثانوية العامه باعتقاد أننا خلاس جاورنا ناس السكونشوف في المدرسه الهنديه ناس شامي كابور وراج شري في الحدائق - سك ماخمج.
انت عارف يا مولانا ... انو جانوار هو الفلم الهندي الذي اهدانا المقولة الشهيرة :" الفلم هندي و لا ناكل باسطة ؟ "و تم ( نجر ) هذه المقولة امام سينما كوليزيوم ...لان أي فلم دون مستوى جانوار و ( هنديته ) أخير منه الزول يقيف بره و بي قروش السينما ياكل باسطة و يتخارج ...ثم أصبحت الجملة حكمة لكل شئ خاوٍ من الجمال ...يعني زي بوست المسلمي حق البت الغرقت ديك :) ... الناس كان لازم تقهم انو الفلم ما هندي ...
Post: #45 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-07-2015, 06:14 AM Parent: #31
Quote: والله يا باش محمد البشرى زول حقاني والبيغلتوا عليهو أبوحسين وطلحه ساكنو جرجير جرجير لكن برضو هو قدر عشاهم كله..أما حاتم ساكس ( بروفايل وكدا) فهو أيضا حقاني وكلام ابوريش معاهو مفيد لنا من حيث المعلومات لأننا بنشيل العايزنو وننسى الباقيوفي ظني أنهما أصحاب شديدي وبيمثلوا علينا..أما الساكين مصر والسعوديه وقطر ديل بيضيعوا وقتهم ساي وهم أحرار..أبوبكر عباس كان ساكك ول لعب دس دس ول لبد ول nam أو شخر ما بنفوِّت بوستاتو.. بس هو ومعاويه الزبير جرير والفرزدقيعني مساككه راقيه ومشفره..أبوحتوت ، بالله ألحق لي قبه ببوست وهو نايم بتوقيت كندا..-بالله يا شباب كلامي الفوق دا كلو ضعوه بين قوسين وأضربوهو في وجه مبتسم مرفوع للقوه 300 حصان لزوم ( السك).
شنو يا مولانا ؟القصة طلعت كلها كوشر يعني ؟يعنى طلعت انا الخاتي و و انا الباكي و انا الغلطان ؟
Quote: جرير والفرزدق
جرير دي محمصة في الرياض يا سعادتك ...ههههه
Post: #44 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-07-2015, 06:10 AM Parent: #30
Quote: وسكسكة السلفيين والشيعه ...وتحياتي يا اخ قباني
دي كمان يا محمد بياختها براها ...
Quote: ودالباوقة وسك العملة
الغريبة ما ( سكوهو ) في حكاية ماليزيا ديك و كيف طرشقت ...
Post: #43 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-07-2015, 00:01 AM Parent: #29
Quote: يا هندسه ... كنت صغير كيف ؟؟؟ وانتا حاضر سنة دووو ... الفيلم اسمو جانوار ... وشفناهو 10 مرات في سينما وطنية جنوب ...انا برضو كنت صغير .... ههههههه
انا لا قدرك لا قدر مرتضى يا جنابو ...دفعتك اتوكلوا معاش خلاص ...بعدين ياخي أفلام شامي كابور دي حافظنها حفظ ...جانوار و سانجام و تسري منزل ... طبعاً انحنا كنا بنشوفهم في الوطنية غرب ...و على بال ما يمروا على كولزيوم و لغاية لما يصلوكم في وطنية جنوب يكونوا انسهكوا و البطل مات ...
Post: #36 Title: Re: اي يايا كرمباكّا ... سُكو سُكو ... يا جماعة ... Author: حاتم إبراهيم Date: 12-06-2015, 05:28 PM Parent: #1
Quote: الغنيه دي نسيتا في المداخله الفوق لأنو أكيد كتب كلماتها يحيى ولحنها أبوحسين وشارك في الأداء ابوبكر وأول مره سمعناها في سينما الوطنيه أمدرمان
أها يلا أدونا الترجمة بالله
غايتو أنا فرزت المحبة والجواد القال بيركبو سداري زمان والمنزل والتركتر، أظنو قاصد أنا بجي راكب الحصان قدام بيت المحبوبة وبنظر بشوفها.التركتر ما اتبينتو والله.____أبوريش بكون فارز الحاجات دي.
Post: #38 Title: Re: اي يايا كرمباكّا ... سُكو سُكو ... يا جماعة ... Author: علي محمد الفكي Date: 12-06-2015, 05:57 PM Parent: #36
Quote: سجل عندك يا خال الزول دا 1965 كان فرحان بي دخولو الأهلية المتوسطة .....بكره بجي يغالطنا بي قلمو الأخضر دا ... 😂😂😂😂
سك اصلييموت المار وصوابعو بتلعباو كما قالوا حبيبنا سلام يا هندسة وكل ضيوفك
Post: #40 Title: Re: اي يايا كرمباكّا ... سُكو سُكو ... يا جماعة ... Author: حمد عبد الغفار عمر Date: 12-06-2015, 06:35 PM Parent: #38
سلامة يا قباني تعرف المنبر دا مرات كدا بكون نايم عديل لو ختا ناس المساككة ديل ما بتفتح بس لما تكون بمعيار قليل بتكون ممتعة
Quote: أبوريش بكون فارز الحاجات دي
أبو الريش قال لعمر دفع الله الفورة ألف (ما عارفو بكره المليون دا مالو ؟)كان لما فيك يا حاتم اليومين ديل حيرجع لحساب المليون تاني
Post: #48 Title: Re: اي يايا كرمباكّا ... سُكو سُكو ... يا جماعة ... Author: Hassan Makkawi Date: 12-07-2015, 08:33 AM Parent: #40
احترم التداوى بالأعشاب لداء العنصريةوأعترف بمعلقتى اساكك بعض الناس
Post: #49 Title: Re: اي يايا كرمباكّا ... سُكو سُكو ... يا جماعة ... Author: محمد البشرى الخضر Date: 12-07-2015, 01:20 PM Parent: #48
يا مولانا ود المرتضى خلاص مادام الهندسة قال مساككة تبقى مساككة ولا على كيفنا, اصعب حاجة بل وتعد من مستحيلات البورد تغيير قناعة صاحب بوست , يعني لو متداخل ساي أو قارئ ممكن لكن صاحب بوست نو واي :)يا هندسة ماش, مساككة مساككة ما مشكلة قبتها, لكن ما تشوف طريقة تغيّر لي المسكوك لواحد عليه القيمة شوية إن شاء الله تنظير
Post: #50 Title: Re: اي يايا كرمباكّا ... سُكو سُكو ... يا جماعة ... Author: Yousuf Taha Date: 12-07-2015, 02:10 PM Parent: #49
انا اسمي مكتوب ياعمنا قباني؟تحياتي
Post: #51 Title: Re: اي يايا كرمباكّا ... سُكو سُكو ... يا جماعة ... Author: Basamat Alsheikh Date: 12-07-2015, 03:15 PM Parent: #50
ما دام جبتا سيرة شامي كابور والأفلام الهندية والمساسكة كمان نجيب ليك حكاية اشهر فلم هندي ويدرسه في الجامعات ومثله اشهر ممثل هندي في ذلك الوقت وهو بريثفيراج كابور Prithviraj Kapoor وهو والد شامي كابور وشاشي كابور واي ممثل هندي اخر اسمه كابور.. وفي السنة الأولى في الجامعة دخل علينا المحاضر الأمريكي ومعاه جهاز كمبيوتر وفتح فلم في الشاشة العريضة اما م القاعة وجلسنا نتفرج على هذا الفلم واسمه Mughal E Azam لمدة ثلاث ساعات .. وقصة الفلم قصة حقيقية وقعت في القرن السادس عشر وهي قصة امبراطور المغول واسمه اكبر اعظم ولم يكن له ولد يرثه في الملك ، وبالمناسبة هو امبراطور مسلم، وذهب للحج ليطلب من الله ان يرزقه بالولد ، ورزقه الله بالولد وأول من اخبرته بالخبر جارية عجوزة كانت تعمل خادمة في البلاط الامبراطوري ولذلك اهداها خاتمه الذهبي ووعدها بان يحقق لها أي رغبة تطلبها.. ( ولازم تشوف الفلم عشان تعرف هي طلبت شنو في نهاية الفلم !! ولكن هذا الولد دلعه والده ووالدته وكاد ان يصبح فاسدا ولكن والده استدرك ذلك وارسله لمناطق الحرب ليتعلم الشدة والخشونة ورجع بعد 14 عاما فارسا مغوارا .. وعشق راقصة في القصر ، وهي ابنة الجارية العجوز التي وعدها الامبراطور واهداها خاتمه الذهبي.. ولكن الملك رفض هذا الحب خوفا من ان يتزوج ابنه من هذه الراقصة.. وفي نفس الوقت كانت هناك مغنية شهيرة في القصر تحب الأمير الشاب من طرف واحد والأمير كان يعشق الراقصة وهنا بدأت المساككة بين البنتين .. وفي المشهد التالي حتشوفو الفتاتين تتنافسان في جلسة غنائية في حب الأمير .. والتي تلبس الأبيض هي المغنية التي تحب الأمير والأمير لا يحبها ولكن يحب الفتاة الراقصة الأخرى من الجانب الآخر,, والمحاضر الأمريكي ده ما جاب لينا الفلم عشان قصة الحب والمساككة دي لكن ورانا حياة الملوك والامراء في البلاط الامبراطوري وشجاعة الامبراطور اكبر اعظم الذي يتمسك بمبادئه وتقاليد الاسرة المالكة..وشجاعته في الحروب والمشاركة في القتال بنفسه والفرق بين ثقافة الملوك وحياتهم وملوك آخرين لا يتمسكون باية مبادئ... والاسئلة الوزعها لينا في نهاية الفلم عشان نجاوب عليها قعدنا شهر كامل ما قدرنا نجاوب عليها... والفلم جدير بالمشاهدة... ويا حبذا اذا لقيتو الفلم مترجم بالعربية او الإنجليزية ..
Post: #53 Title: Re: اي يايا كرمباكّا ... سُكو سُكو ... يا جماعة ... Author: ABUHUSSEIN Date: 12-07-2015, 05:51 PM Parent: #51
Quote: وتعريفة تاكل بيها باسطة
ديشااااااااااااك .....دا من زمن الباسطة بي تعريفة ....😂😂😂😂يا خال زمنكم الفرطاقة بتجيب شنو .. ؟؟؟؟
Post: #55 Title: Re: اي يايا كرمباكّا ... سُكو سُكو ... يا جماعة ... Author: يحي قباني Date: 12-08-2015, 05:59 AM Parent: #53
و نسيت محمد المشرف ساكي اللغة العربية الفصحى ... بالله جضمها زي ما كان ود الزبير بطلع في الكفر ...نوع أنيق من السك ... كان ضنين شوية لكنه زود العيار خصوصاً بعد تشجيع ناس عاطف عمر و جماعته لكلامه الرصين ...و هم طبعاً كلهم مع الكلام الرصين بيرقدو موية ...
Post: #56 Title: Re: اي يايا كرمباكّا ... سُكو سُكو ... يا جماعة ... Author: عمر نملة Date: 12-09-2015, 06:58 AM Parent: #1
سلامالكلمة امانة حملها الانسان بكل ظلم وجهل..فاما ان تهوي بك واما ان تصعد ..رب كلمة تنسف حوار وبناء..اقرب مثال في بوست مجاور لك خرجت كلمة لولا كياستك وتدارك صاحبها واعتذارة لكنتما في عداد توم اند جيري فلكما الشكر .
