Post: #2 Title: Re: قطار ود المدير وصل السودان في آخرلحظة ! Author: ياسر السر Date: 12-03-2015, 11:24 AM Parent: #1
في الرصيف مستني ولي الثواني بحااااسب ،،،، إمنى يسطع نورو الليهو ديمه براااقب القطار وما ادراك ما القطار اختي الفضلى الاستاذه نعمات ايام مازال الناس يتذكرها كانها مرت البارحة .. ولكن هيهات يعود الكان ولى وما اظنو يعود الكان ولى ويا ليتو يعود الكان ولى ,,, حبينا نمر ونسلم لانني لم اركب قطار في حياتي ولكن ما شدني اليه هو ما قيل عنه في اغانينا السمحة والتحية لكل اهل السكه حديد الزمااان والهسة والتحية لك اختي نعمات ... تحياتي : ياسر العيلفون ...
Post: #3 Title: Re: قطار ود المدير وصل السودان في آخرلحظة ! Author: نعمات عماد Date: 12-03-2015, 11:52 AM Parent: #2
تحياتي الفنان عالي الذوق أستاذ ياسر السروالتحية أيضا لأستاذ معاوية المدير .شاهدت القطار و لم إشاهد بف نفسه المذكور في الأغنية .أحلى مافي القطار هدهدته وتمايله على موسيقي أو رزم عجلاته . و أشياء محببة كثيرة يعرفها محبي السفر بالقطار .شكرا لتشريف البوست بكلماتك الندية .
Post: #4 Title: Re: قطار ود المدير وصل السودان في آخرلحظة ! Author: ياسر السر Date: 12-03-2015, 12:22 PM Parent: #3
انا ما داير السفر ولكن بس نفذ القدر ,,,, ايه سبب لي الكدر غيير عجلاتك يا القطر ,,, وين الحبيب انت شلتو جيبو يا القطاااار ....
صراحة هذه الاغنية لي معها ذكريات جميلة خالده خلود النهر فاسمحي لي سردها هنا اختي الفضلي : في الثمانينات من القرن الماضي وانا في الصف الخامس الاببتدائي كانت هناك منافسات الدورة المدرسية وقد كان لي عظيم الشرف بالمشاركة فيها باغنية ( من بف نفسك يا القطار ) والحمد لله اجتزت كل الجلسات التنافسية وصعدت للنهائي والذي كان بالمسرح القومي باام درمان ولا انسى ذاك البوم المهيب الوذي كان حضورا فيه الرئيس القائد المشير جعفر نميري رحمه الله وكان يوم عصيب وجميل في نفس الوقت لانني احرزت المرتبة الثانية في الدورة وقام الريئيس جعفر نميري رحمه الله بتسلمي الجائزة والتي كانت عبارة عن ساعة مطلية بالذهب وبداخلها صورته المهيبة ببذته العسكرية فتصوري انتي ان تلميذ في الصف الخامس الابتدائي يطلع خشبة المرح القومي بامدرمان ليمثل كل مدارس شرق النيل وضواحيه ويحرز المركز الثاني في المنافسة ويصافح رئيس الجمهوربة في ذاك الزمان السمح وعلى خشبة اكبر مسرح في السودان وتحت سمع وشوف جمهور غفير من الطلاب والاساتذه والمدعووين يتم تكريمه بهدية ومبلغ مالي لا اذكره ,,,, فكانت تلك انطلاقتي الحقيقية منذ ذلك الوقت والتي بدات باغنية ( من بف نفسك يا القطار) ،،، الله الله استاذتي نعمات فقد اهجتي فينا شجون وشجون ،، وحليل زمن الصبا الماضي وحليل زمن الحياة الصافي ... واسف جدا للاطاله والتعريج عن موضوع البوست .... وتقبلي سلامي واحترمي ولك عظيم شكري وامتناني على كلماتك الطيبات واسال المولي عز وجل ان اكون كما ذكرتي وكما احب دوماً ...
تحياتي : ياسر العيلفون .....
Post: #5 Title: Re: قطار ود المدير وصل السودان في آخرلحظة ! Author: معاوية المدير Date: 12-04-2015, 04:11 AM Parent: #4
Quote: شاهدت القطار و لم إشاهد بف نفسه المذكور في الأغنية .أحلى مافي القطار هدهدته وتمايله على موسيقي أو رزم عجلاته . و أشياء محببة كثيرةيعرفها محبي السفر بالقطار .
دكتورة نعمات،حياك الغمام .البف ورزيم الصدر يكون في قطر البخار، وأظن الأغنية من ذلك الزمن البعيد، اما الأشياء المحببة الكثيرة فهي كانت زمن عشناه وكنا نعتقد ان حياتنا ستسير علي نهجه، لكن ضاعتالأشياء الجميلة لحظة بلحظة، وبقى ما بقى منها في مخزون الذاكرة نجتره كلما انعشتم ذاكرتنابمثل هذه الكتابات .عاطر التحايا لك ولإبن العيلفون،وإن عدتم عدنا ...
Post: #6 Title: Re: قطار ود المدير وصل السودان في آخرلحظة ! Author: نعمات عماد Date: 12-05-2015, 10:58 AM Parent: #5
تحياتي الأخوان الأعزاء ياسر و معاوية المديرالله يا فنان يا متألق من الصبا .. ذكريات جميلة يا أستاذ ياسر شكرا إشراكنا في لحظة تداعيها .يا أستاذ معاوية سلامات و شرفت البوستأول ما شفت صورة بروفايلك في الجريدة ... أفتكرتك بقيت صحفي في جرايد السودان لتساهم في تطورها و كدا .
Post: #7 Title: Re: قطار ود المدير وصل السودان في آخرلحظة ! Author: Basamat Alsheikh Date: 12-05-2015, 03:00 PM Parent: #6
العزيزة الفاضلة نعماتزمان ابوي كان بيحكي لينا ويقول لين ان سكك حديد السودان كانتاشهر واحدة في افريقيا وبيضربوا بيها المثل في الظبط والربط ودقةالمواعيد وان الناس في القرى والمدن كانوا بيظبطوا ساعاتهم مع وصولقطار الركاب لمدنهم وقراهم..وان ادارة السكة حديد ورئاستها في عطبرةقررت تسهيل تنقل مواطني العاصمة وخصصت قطارات لنقل مواطنيالشجرة والكلاكلة والرميلة والقوز الى قلب العاصمة للذهاب لاعمالهمبدون زحمة المواصلات..ومجانا...لكن الان للاسف مافي قطارات...ولكن هناك في اشاعات ان قطارات اسرع من الطائراتفي طريقها من الصين للسودان وفي واحدة قالو وصلت وتقطع المسافة عطبرة للخرطومفي ساعة...ودمتي بالف خير
Post: #8 Title: Re: قطار ود المدير وصل السودان في آخرلحظة ! Author: يحي قباني Date: 12-05-2015, 04:20 PM Parent: #7
تحياتي د. نعمات ..._______________________يا بسمات ...السكة حديد كانت هيئة محترمة و قطاراتها محترمة ...والدنا رحمه الله اشتغل في كل مدن السودان ( للأسف انا حضرت أواخر الكلام ده ) ... و كان سفرنا كله بالقطارات ( لما تيسر طبعاً ) ... لانه اشتغل في الفاشر و في واو و طبعا مافي قطارات بتمشي هناك حتى تاريخه ...ركبنا عربات ( النوم ) في مشاوير بورتسودان و اكلنا في سناطور القطر ...( تعرفي الفرق بين السناطور و السنافور ) :)و السفرجية كانو بي جلاليب بيضاء ناصعة و حزام اخضر في النص ...تصدقي انو كنتي ممكن تقعدي في سناطور القطر تتعشي و تشربي ليمونادة ال SR الشهيرة ( جنجريل و جنجبير و كريم صودا كانو بقولوا عليها ليموناتة بيضا وشي ليمون و شي برتكان )( و تشربي دي شاملة كحوليات بالمناسبة ) و كانك في رحلة بين لندن و باريس ... و على اجمل ...تخيلي حضرنا الزمن داك و جماله و فهمنا قطار الشوق معناتها شنو ...و كمان حضرنا الزمن البقت الناس تسرق فيهو الفلنكات تبيعها عشان تعيش ...
Post: #9 Title: Re: قطار ود المدير وصل السودان في آخرلحظة ! Author: معاوية المدير Date: 12-05-2015, 10:32 PM Parent: #8
Quote: تخيلي حضرنا الزمن داك و جماله و فهمنا قطار الشوق معناتها شنو ...و كمان حضرنا الزمن البقت الناس تسرق فيهو الفلنكات تبيعها عشان تعيش ...
ؤُ نقول شكراً لدكتورة نعمات لآمِنالشكر يقيف حدو .قباني يا اعزّ الناس،ذكرتني طُرفة بمناسبة الفلنكة .في زمن اللِنقليز قالو، في جماعة من اتبرا تاهمنهم بسرقة فلنكة من السكة حديد،وكان معاهم رباطابي لئيم جداً وكِت دخلو للقاضي كان محدّر طاقيتو (يعني خاتهافوق لحواجبينو بي شووووية بس) نظام صعلقة ؤُ شفتنة يعني . أها، قام القاضيالخوآجة قال للمترجم، قول للزول دا اليعدل طاقيتو . المترجم كلمو والرباطابيما اشتغل بالموضوع . تاني القاضي طلب مِنّو يعدل الطاقية والرباطابي طنّش .القاضي قال للمترجم، قولو، كان ما عدلت الطاقية بسجنك واغرّمك . الرباطابيقالو، أها، ؤُ راح عادل الطاقية، ؤُ قال للمترجم، قولو إن شاء الله تلقى الفلنكةتِحِتا .
Quote: ركبنا عربات ( النوم ) في مشاوير بورتسودان و اكلنا في سناطور القطر ...( تعرفي الفرق بين السناطور و السنافور ) :)و السفرجية كانو بي جلاليب بيضاء ناصعة و حزام اخضر في النص ...تصدقي انو كنتي ممكن تقعدي في سناطور القطر تتعشي و تشربي ليمونادة ال SR الشهيرة ( جنجريل و جنجبير و كريم صودا كانو بقولوا عليها ليموناتة بيضا وشي ليمون و شي برتكان )
بِت حِلتنا بسمات،لآزم توضحي لقباني الفرق بين السناطور والسنافور، والسنافور دي تُكتب بالسين لكنها تُنطقبالصاد، ؤُ في حِلة يا بسمات في اتبرا اسِما حِلة الصنفور كما هنالك حِلة التمرجية بلإضافةلحي العمال .طبعاً SR إختصار لـ sudan ralilways ومؤسسة سكك حديد السودان كانت في الماضي زيهاؤُ زي Amtrak إضافة لنقل البضائع وعلآمتها كانت علآمة مميزة وفعلاً كانت تنافس علي نطاقالقارة في إنضباطها وخِدماتها، وبالمناسبة ممكن عادي في المناسبات والأعياد الزول يطلب مشروباتمن السكة حديد ؤُ كمان فِري دلِيفري بعربات السكة حديد ؤُ ما تنسي فندق السكة حديد الذي كان مُعدعلي نهج الفنادق العالمية لكبار الزوار ومنتجع للعرسان الذين كانوا يقضون شهر العسل في عطبرة(الرست هاوس).بختك يا قباني، تصدق اصلي ما ضُقت السفر في النوم .حِديّر الطاقية شرحتو غايتو، شوفولكم زول يشرحلكمالفلنكة ...
آخر لحظة ( 03-12-2015 )