Post: #2
Title: Re: الإنقاذ وأنبوبة الغاز
Author: سيف اليزل سعد عمر
Date: 12-01-2015, 07:10 PM
مجموعة من الحرامية استولت علي السلطة في ليل بهيم لا تستطيع بعد 25 عام من التسلط والظلم لا تسطيع أن توفر أنبوبة غاز للمواطن...عن ان فشل نتحدث؟؟؟؟وعن اي تدهور نتكلم؟؟!!والي متى يستمر هذا الحال؟؟؟
|
Post: #3
Title: Re: الإنقاذ وأنبوبة الغاز
Author: سيف اليزل سعد عمر
Date: 12-01-2015, 07:17 PM
Parent: #2
أنبوبة غاز ما قادرين عليها....!!!!؟؟؟؟بالله دي حالة دي.....لعنة الله علي الإنقاذ. ...
|
Post: #4
Title: Re: الإنقاذ وأنبوبة الغاز
Author: سيف اليزل سعد عمر
Date: 12-01-2015, 07:26 PM
Parent: #3
اية نوع من البشر هؤلاء الذين يتحكمون في احتياجات المواطن بهذه الطريقة المهينة؟واي نوع من المسؤلين هؤلاء الذين يعيشون من مال الدولة لتقديم هذه الخدماتوهي معدومة؟والي متى يعاني المواطن كل هذا المعاناة لتوفير أنبوبة غاز....؟؟؟؟لعنة الله عليكم....
|
Post: #5
Title: Re: الإنقاذ وأنبوبة الغاز
Author: محمد أبوالعزائم أبوالريش
Date: 12-01-2015, 07:38 PM
Parent: #4
يا سيف، لما طلع البترول .. سيد ود الباوقة قال ليكم (تاني الحطب إلاّ في حفرة الدخان وبس)لكن يعمل ليكم شنو؟ الجنوبيين شالوهو معاهمما عندهم ذوق .... كان مفروض يمشوا ويسيبوا ليكم البترول.
|
Post: #6
Title: Re: الإنقاذ وأنبوبة الغاز
Author: سيف اليزل سعد عمر
Date: 12-01-2015, 08:04 PM
Parent: #5
| Quote: ود الباوقة قال ليكم (تاني الحطب إلاّ في حفرة الدخان وبس) |
يا ابو الريش...الحطب زاتو ما موجود. والنسوان زاتهم بقي ما عندهم نفس للدخان مع شحطتت أنابيب الغاز دي؟؟؟أهلنا الجنوبيين كويس لسا عندهم شوية غابات وحطب نحنا قطعناه جت.
|
Post: #7
Title: Re: الإنقاذ وأنبوبة الغاز
Author: سيف اليزل سعد عمر
Date: 12-02-2015, 02:58 AM
Parent: #6
فتاح يا عليم رزاق يا كريم...كيف الحصول علي أنبوبة غاز..؟؟؟
|
Post: #8
Title: Re: الإنقاذ وأنبوبة الغاز
Author: سيف اليزل سعد عمر
Date: 12-02-2015, 06:16 PM
Parent: #7
تحديد مليشيات الأمن مراكز لتوزيع للغاز يفاقم الأزمةويزيد من معاناة المواطن.
|
Post: #9
Title: Re: الإنقاذ وأنبوبة الغاز
Author: جمال ود القوز
Date: 12-02-2015, 08:31 PM
Parent: #8
سيف سلامات ..والله من اكتر الأشياء التي تجلب النكد ..لمن يقولوا ليك في البيت الانبوية فضت ..اسبوعك كله تكون متنكد ده لو لميت في الغاز ..لانه بي غلاتو برضو تشقى عشان تلم ليك في انبوبة ..تفضل تساكك من محل لي محل ..ومن صف لي صف .. وتوسط المعارف والاصحاب .. المصيبة اصحاب المحلات بيدسوهو في البيوت ..وبيتباع باسعار فلكية .. ولي ناس معينين ..هسه انا من اتزنق في الغاز بقع التلفونات ..والاخوان مابيقصروا والله .. بتمرق منهم بي انبوبة .. لو ماكده والله كان الواحد قطرو صفر ...الحكومة قمة فشلها حين لا تعبا بتوفير سلعة ضرورية زي الغاز ..ولاتكترث بحياة الناس ومعاشهم ولاتشغل نفسها بما يعكر صفوهم ..قمة الفشل والانحطاط .. انا ماعارف الحاكمين ليها شنو .. شعب جعان تعبان وعينو طالعه .. وصابر ومستحمل عباطتهم ..وسفه احلامهم وخطل تخطيطهم .. ده لو عندهم تخطيط أصلاً ..ورغم ذلك منكدين عليهو ومنغصين عيشتو ..الأنكى الناس نست شغلة الفحم دي تماماً .. فمع الغلا والسوق الملهلب كمان غاز مافي ..دي مصيبة مابعدها مصيبة .. الله في ......
|
Post: #10
Title: Re: الإنقاذ وأنبوبة الغاز
Author: سيف اليزل سعد عمر
Date: 12-02-2015, 10:12 PM
Parent: #9
سلام يا جمال..مرحب بيك كثير...والله إنحنا الماعندنا مشكلة في الغاز في أوروبا دي حاسين معاكم بهذا النكد والعذاب.المفروض بمجرد ما الغاز خلص تمشي أقرب مكان لبيع الغاز تدفع وتستلم من غير هم.هناك فساد وهناك جشع وإلا كيف يجد الغاز طريقه الي القنوات غير الرسميةوالمعروفة. في ناس بتقول ما عندها مانع تدفع اي مبلغ بس تلقي أنبوبة غاز.ده ما حل الحل هو المطالبة بالخدمة مثلما فعلا المواطنون في كبري الفتيحاب. إذا لم يضغط المواطن للحصول علي حقوقه فلن يكون ذلك من أولويات الجهات المسؤولة...ديل سافين أموال الغلابة.علينا بالتغيير من أجل حياة كريمة للمواطن السودانى.| Quote: 12-02-2015 04:53 PMحسام بدويأغلق مواطنين محتجين الطريق المؤدي إلى جسر الفتيحاب من جهة أم درمان، احتجاجاً على إنعدام غاز الطهي.وأغلق المحتجين الطريق من خلال وضعهم لأسطواناتهم الفارغة بصورة سلمية، وتشهد العاصمة الخرطوم وعدد من ولايات السودان إنعدام غاز الطهي وإرتفاع أسعاره إلى 150 جنيه في بعض المناطق داخل الخرطوم.واستفحلت معاناة السودانيين في الحصول على غاز الطهي، بعد أن شهدت الأسابيع الماضية أزمة حادة في الخرطوم وبعض الولايات، واضطر مئات المواطنين لملء اسطوانات الغاز من السوق السوداء بأضعاف سعرها الحقيقي. |
|
Post: #11
Title: Re: الإنقاذ وأنبوبة الغاز
Author: سيف اليزل سعد عمر
Date: 12-03-2015, 08:02 AM
Parent: #10
عذابات الإنقاذ للمواطنين...كل يوم تصبح تهم للغاز...
|
Post: #12
Title: Re: الإنقاذ وأنبوبة الغاز
Author: سيف اليزل سعد عمر
Date: 12-03-2015, 04:44 PM
Parent: #11
لازال الآلاف من المواطنيين يفتشرون ساحات الميادين من أجل أنبوبة غاز.أما آن لهذا الشعب أن يعيش بكرامة؟!
|
Post: #13
Title: Re: الإنقاذ وأنبوبة الغاز
Author: سيف اليزل سعد عمر
Date: 12-04-2015, 05:31 AM
Parent: #12
عصابة الانقاذ لا تستطيع توفير انبوبة غاز للمواطن ويتحدث شيطانها الأكبر في كذب واضح عن إنجازات وهمية في لقاء تلفزيوني.
|
Post: #14
Title: Re: الإنقاذ وأنبوبة الغاز
Author: سيف اليزل سعد عمر
Date: 12-05-2015, 10:37 AM
Parent: #13
توزيع الغاز في الصومال لا إحتكار لا ميادين لا أمن لا شرطة(تصوير شخصي)
|
Post: #15
Title: Re: الإنقاذ وأنبوبة الغاز
Author: سيف اليزل سعد عمر
Date: 12-08-2015, 12:15 PM
Parent: #14
لا يمكن أن تحل مشاكل المواطن الخدمية في ظل عجز المسؤولين وفسادهم.
|
|